የክርስቲያን ወጣቶች ህብረት @gcyu9 Channel on Telegram

የክርስቲያን ወጣቶች ህብረት

@gcyu9

በዚህ ህብረት ውስጥ
#1 መንፈሳዊ የሆኑ መጣጥፎችን በመለጠፍ እንማማር እንጂ ለሌላ መጥፎ ዓላማ ማዋል የተከለከለ ነው።
#2 መንፈሳዊ መዝሙሮችን ፣ ስብከቶችን ፣ እይታዎችን በመለጠፍ...አብረን ወደ ክርስቶስ ሙላት እንደግ ዘንድ ግብዣችን ነው።

ሳምንታዊ ፕሮግራም ስለጀመርን በየሳምንቱ ዓርብ ምሽት ከ3:30 - 5:00 የሚቆይ መንፈሳዊ ተከታታይ ትምህርት ይኖረናል።

ወጣትነታችንን ለክርስቶስ!!

የክርስቲያን ወጣቶች ህብረት (Amharic)

እንኳን ወደ የክርስቲያን ወጣቶች ህብረት የቴሌግራም አባል 'gcyu9' በልዩ ቦርዱ እና ለዚህ ቦርዱ እርዳታ መሳሪያ አማካኝ የነበረው ተግባር መሆኑን በግልፅ ማገዝ እየተከተሉ ባለፈው መልኩ እንደገናና ዜና አካባቢ ላይ ተከትሏል. የክርስቲያን ነገሮችን ውጤቶችንን ወደ ጉም እንቀናለን ለሚለወጣው ህብረት በከባድ ተግባራት እንጠንክርላቸዋለን. ይህ ቦርዱ ከዚህ ቦርዱ ላይ በአሳች ለማንበብ የሚዘው ያለ ህብረት የጠበቁ ቢሆንም የተለያዩ የወጣት ክሊኒንዴር በመንካታቸው ይውረዳሰናል. የክርስቲያን ወጣቶች ህብረት በአጠቃላይ መጽሀፍ አቀማመ፡ አጠቃላይ ሽልማቶችን መረጃዋን ማስረጃዋን የሚጠቀሙ ሰዶምን ለማገዝ ፣ የወጣትን ግንኙነት አማካኝ እና ሌሎች አጠቃላይ ክንውንዝንና የሕብረቁጥር ተግባራት እንጠቀማቸዋለን።

የክርስቲያን ወጣቶች ህብረት

20 Nov, 19:35

በሳምንቱ መጨረሻ የሚደረገዉን ተወዳጁን የእንግሊዝ ፕርሜር ሊግ  ጨዋታዎችን በቀጥታ ለማግኘት JOIN ያድርጉ ።
WAVER👉 @ETCWAVER
29
የክርስቲያን ወጣቶች ህብረት

20 Nov, 14:46

በሳምንቱ መጨረሻ የሚደረገዉን ተወዳጁን የእንግሊዝ ፕርሜር ሊግ  ጨዋታዎችን በቀጥታ ለማግኘት JOIN ያድርጉ ።
WAVER👉 @ETCWAVER
47
የክርስቲያን ወጣቶች ህብረት

20 Nov, 10:51

ምን ይፈልጋሉ
@free_wave1
45
የክርስቲያን ወጣቶች ህብረት

20 Nov, 09:24

በሳምንቱ መጨረሻ የሚደረገዉን ተወዳጁን የእንግሊዝ ፕርሜር ሊግ  ጨዋታዎችን በቀጥታ ለማግኘት JOIN ያድርጉ ።
WAVER👉 @ETCWAVER
60
የክርስቲያን ወጣቶች ህብረት

20 Nov, 08:38

🛑🛑ሰበር መረጃ

ፔፕ ከ ማንችስተር ሲቲ ጋር የሚያቆየውን ውል ለመፈራረም ከክለቡ ጋር ተስማምቷል ክለቡም ነገ አልያም ከነገ ወዲያ ይፋ ያደርገል።
@ethio_manchester_city9
@ethio_manchester_city9
54
የክርስቲያን ወጣቶች ህብረት

19 Nov, 12:56

✍️ ሰዓሊ ~ ስዕል ~ አንተ ~ እኔ
**

እንደገባቸው ልክ
እንዳረዳዳቸው ፣ ሸራ ላይ ስለውህ
ሚስማር የጠረቀህ
ጦር የወጋህ አንተን ፣ በብሩሽ ወግተውህ
የበጠበጡትን
ቀለም ደም ነው ብለው ፣ ካላመንክ ይሉኛል
እኚህ ሰዓሊዎች
ኢየሱስን ሳልነው ፣ ሲሉ ይገርሙኛል

እንደችሎታቸው
የየራሳቸውን ፣ መስቀል አበጅተው
ስቃይ ያላገኘው
ከውስጥ ያልወጣ ደም ፣ ከውጭ ቀብተው
በየብሩሻቸው
የየግላቸውን ፣ ክርስቶስ በመስቀል
በውጥር ሸራቸው
አንተን እንደሳሉህ ፣ አምኜ እንድቀበል
ይሄውና ጌታህ
ኢየሱስ ነው ሲሉኝ ፣ እንዴት ልመናቸው
አልገጥምልህ ቢለኝ
ክቡር ደምህና ፣ ብጥብጥ ቀለማቸው

ደሞ ሌላ ነገር......

ሚስማር ያረፈበት
የተተለተለ ፣ እግሩ የተጣበቀ
ያንድኛው ሰዓሊ
ብዙ ደም 'ሚፈሰው ፣ ያንዱ የደረቀ
ክርስቶስ ነው ብለው
በቀለም በብሩሽ ፣ ከመስቀል በስተቀር
እንሳለው አይሉም
ትንሳዔህንና ፣ ያንተን በአብ ቀኝ መክበር

እንደው ይሁን ቢባል
እንደው ሳሉ ቢባል
እሾህ ለመጎንጎን
ጎንህን ለመውጋት ፣ ቀለም ለመቀባት
ይቸኩላሉ እንጂ
እጅህን ለመብሳት ፣ ገላህን ለማድማት
ሊስሉ አይነሱም
እኔ ካንተ ጋራ ፣ በክብር መክበሬን
ስዕል ትርጉም ቢስ ነው
አንተን ብቻ ስለው ፣ ካላስገቡኝ እኔን

ለኔ ነው መውረድህ
ለኔ ነው መልፋትህ ፣ መሞትህ ለኔ ነው
ካንተ ጋር ስከብር
እስካልሳሉ ድረስ ፣ ስዕሉ ከንቱ ነው
ትርጉም አይሰጠኝም
የደምህን ሥራ ፣ አይነግረኝም ቀለም
በልቤ ሸራ ላይ
እንደ መንፈስ ቅዱስ ፣ የሚስልህ የለም
ያውም ሳያዛንፍ
መልዕክት ሳይቀንስ ፣ ሳይቀይጥ ሳይሸርፈው
የራስህ መንፈስ ነው ፣ ካንተ ጋራ ስሎኝ
የት እንዳለሁ ነግሮ ፣ ልቤን ያሳረፈው!!


✍️ ገጣሚ ሔኖክ አሸብር🙏
480
የክርስቲያን ወጣቶች ህብረት

17 Nov, 13:02

𝗣-rayer is a
𝗥-ight decision todo
𝗔-nd the best way
𝗬-ou can talk to GOD.
689
የክርስቲያን ወጣቶች ህብረት

15 Nov, 18:26

የተሳካልህ ሰው ለመሆን . . .



የአለማችን የናጠጡ ባለሃብቶች 75% ኢንተርፕርነር 15% ኢንቨስተር
7% በውርስ ያገኙ 3% አክተሮች ስፖርተኞችና የመዝናኛ ኢንደስትሪ ተዋናዮች ናቸው

እዚህ ጋር ባለሃብት ነው ያልኩህ
ባለፀጋ
ደግሞ ከፍ ይላል
እነዚህ ፍሬዎች አሉት / Treasures
1 Grace of God/ በፈጣሪ ፀጋና በረከት ያምናል
2 Beloved family/ ተወዳጅ ቤተሰብ አፍርቷል
3 Vibrant health / በመልካም ጤንነት ላይ ይገኛል
4 Meaningful life/ ትርጉም ያለው ህይወት ይመራል
5 Relevant network/ አግባብ ያለው ምርጥ ትስስር ፈጥሯል

እንዴት ትቀዳጀዋለህ

1በአላማ ኑር

አላማና ኢላማ ከሌለህ ትስታለህ
በቃ አለ አይደል ?
የተኩስ ድምፅ እየሰማህ ትኖራለህ ::
ያለምከው ነገር ስለሌለ አንዱንም አግኝተህ አትመታም።

የሎተሪ ህይወት ትኖራለህ ህይወትን ትፍቃለህ 'እንደገና ሞክር' ትባላለህ

አንተ እድለኛ እንድትባል በሚሊዮን የሚቆጠሩ ቆራጮች እድለቢስ እንዲባሉ ትመኛለህ

ስለዚህ ግብህ ጨው ነው የኑሮን ቃና የምታጣጥመው በዓላማ ስትኖር ነው

ለምሳሌ ''ጎል ማስቆጠር ቢቀር እግር ኳስን ቅርጫት ኳስን ... ማን ያየዋል''?

ግብ ከሌለህ ልክ እንደ ካንጋሮ እግርህ ረዝሞ እጅህ ያጥርብሃል

ወዳጄ ግብ ከሌለህ ይህ አለም የሰሃራ በረሃ ይሆንብሃል
ያለ አቅጣጫ ከተንቀሳቀስክ ትጠፋለህ።
ጂፒኤስ ያስፈልግሃል (ግብ)!

2 ሰውን አክብር

ሥነሥርዓት ይኑርህ , ሰው ካላከበርክ ሰው አያከብርህም
ስለዚህ በሰው ላይ የምታደርገውን በራስህ ላይ እንዳደረከው ተረዳ
አትሳደብ አታመናጭቅ
ረጅም ነኝ ብለህ አጫጭሮች ላይ አትመፃደቅ
ከባድ ኪሎ አለኝ ብለህ ቀጠን ያለውን አታስቦካ😅
ሀብት ከብት አለኝ ብለህ ምስኪን ላይ አታቅራ፤

ብቻ ሰውን በትህትና ቅረብ
ቀለል በል።

3 ፈጣሪን ፍራ
እርሱ የጥበብ ሁሉ መጀመሪያ ስለሆነ!!!
ፈጣሪን መፍራት በጎ ስነምግባር ማጎልበት ነው።

ሳጠቃልለው . . .
ወዳጄ ፅና‼
ስር ስደድ‼
939
የክርስቲያን ወጣቶች ህብረት

14 Nov, 20:25

እግዚአብሔር የሚሰጠውን መልስ እንጠብቅ‼


ምናልባት ሁላችንም በአንድ ወይም በሌላ ወቅት በጣም ብዙ ክፋት ተመልክተን በመደነቅ እግዚአብሔር ይህንን ነገር ለምን እንደማይቀጣው ጠይቀን ይሆናል።
ዙሪያችንን ስንቃኝና ሰዎች ኃጢአት ሲሠሩ፥ ድሆችን መጠቀሚያ ሲደረጉ፤ ትክክለኛ ፍርድን በጉቦ የሚያጣምሙ ሰዎች ያለምንም ቅጣት ተዝናንተው ሲኖሩ በመመልከት፥ ልባችን በኃዘን ይሞላል።
ዓለም በቅን ፍርድና በጽድቅ የምትሞላበትን ጊዜ በልባችን እንናፍቃለን። ክፋት እስካልተቀጣ ድረስ ይህ ቀን ሊመጣ እንደማይችልም እንገነዘባለን።

በዚህ አንጻር እግዚአብሔር ክፋትን ለምን እንደማይቀጣና ለእግዚአብሔር ለመኖር አጥብቀው የሚፈልጉትን ሰዎች ለምን እንደማይባርክ በማሰብ እንደነቃለን።
ነቢዩ ዕንባቆምም ከዚህ ጉዳይ ጋር ግብግብ ገጥሟል።
የደም መፍሰስና ክፋት ያለ ቅጣት በዙሪያው ተንሰራፍቶ መመልከት ሰልችቶት ነበር። በመሆኑም ክፋትን በመቅጣት ጽድቁን እንዲገልጥ ወደ እግዚአብሔር ይጮህ ነበር፤ እግዚአብሔር የሚሰጠውን መልስ ግን አልጠበቀም ነበር።

ዛሬም በአገራችንና በዓለማችን እየተከሰቱ ስላሉት አሰቃቂና አነጋጋሪ ድርጊቶች እግዚአብሔር የሚሰጠውን ምላሽ እንጠብቅ🙏
አንቻኮል!!
ቢዘገይም በእርግጥ ይመጣል!!
ይፈርዳልም‼

🙏
1,887
የክርስቲያን ወጣቶች ህብረት

13 Nov, 16:54

ሮሜ 8
¯¯¯¯¯¯¯¯¯¯
³⁵ ከክርስቶስ ፍቅር ማን ይለየናል? መከራ፥ ወይስ ጭንቀት፥ ወይስ ስደት፥ ወይስ ራብ፥ ወይስ ራቁትነት፥ ወይስ ፍርሃት፥ ወይስ ሰይፍ ነውን?
³⁶ ስለ አንተ ቀኑን ሁሉ እንገደላለን፥ እንደሚታረዱ በጎች ተቆጠርን ተብሎ እንደ ተጻፈ ነው።
³⁷ በዚህ ሁሉ ግን በወደደን በእርሱ ከአሸናፊዎች እንበልጣለን።

🔥 ዛሬ በዚህ ማለዳ ሁለት ሃሳቦችን ልነግራችሁ እወዳለው የመጀመሪያው ከክርስቶስ ፍቅር የትኛውም ሃይል ሊለያችሁ አይችልም

🔥 ሁለተኛው የትኛውም ህይወታችን ላይ የሚመጣ መከራ ከአሸናፊዎች በላይ እንጂ ተሸናፊ አያደርገንም ከወደደን ከእርሱ ከክርስቶስ የተነሳ ከአሸናፊዎች ሁሉ በላይ እንሆናለን

🔥 ስለዚህ በህይወታችሁ የሚመጣ የትኛዎቹም መከራዎች ወደ ክርስቶስ እንድትቀርቡ እና እግዚአብሔርን እንድትፈልጉ ያደርጋችዋል እንጂ አያጠፋችሁም ደግሞ የምታልፉበት የትኛውም ነገር ካለፈ በዋላ ከአሸናፊዎች በላይ እንድትሆኑ ያደርጋችዋል ኢየሱስ ጌታ ነው

🔥🔥 አዎ አንተን ወንድሜን አዎን አንቺን እህቴን ከክርስቶስ ፍቅር ሊለያችሁ የሚችል ምንም ነገር የለም ደግሞ ከወደዳችሁ ከእርሱ የተነሳ ከአሸናፊዎች በላይ ናችሁ ሃሌሉያ አሜን እናንተ ብሩኳኖች ናችሁ🙏🙏🔥🔥
1,470
የክርስቲያን ወጣቶች ህብረት

08 Nov, 16:09

የሰሞኑን መነጋገሪያ የሆኑትን የኢኳቶሪያል ጊኒ የፋይናንስ ምርመራ ኤጀንሲ ዋና ጄኔራል ዳይሬክተር ሰሞኑን በሙስና ተጠርጥረው ቤታቸው ሲፈተሽ ከተያዙ የብልግና ቪድዮዎች ጋር በተያያዘ በርካታ ሚድያዎች ዘገባዎችን እያወጡ ይገኛሉ።

መነሻዬ ግለሰቦቹ ላይ መፍረድ ሳይሆን የዚህ የጨለማው ዓለም ገዥ መንፈስ ከዚህ ዜና ምን ሊያተርፍ አሰበ የሚለው ነውና ቆም ብለን እንድናስብ የሚከተለውን ፃፍኩኝ።

የጨለማው መንፈስ በዚህ ሰው ምክንያት ምን አደረገ?

👉 ሰይጣን ባለስልጣኑን በመጠቀም ከአራት መቶ በላይ ሴቶች ጋር እንዲባልግ እና እራሱ ረክሶ ሌሎች ብዙ ሴቶችንም እንዲረክስ አድርጎታል።

👉ይህን የእርኩሰት ቪድዮ እንዲቀርፅ አድርጎት ምናልባት ቢሞት አልያም በሆነ አጋጣሚ ተንቀሳቃሽ ምስሉ ከቤቱ ቢወጣ ዘመን ተሻጋሪ የእርኩሰት ዶክመንተሪ አድርጎ እንዲያስቀምጥ አድርጎታል።

👉ሰይጣን ያሰበውን ይህንን ዕቅዱን ከባለስልጣኑ አልፎ ብዙ ሚልዮን ህዝቦች ጊዜያቸውን ሰጥተው እንዲያዩት እና በሀሳባቸው እንዲረክሱ በማድረጉ በእጥፍ ተሳክቶለታል።

👉ፌስቡክ፣ቲክታክ፣ዩቲዩብ፣ኢንስታግራም እና ሌሎችም ሚድያዎች ስለእነዚህ ሰዎች በመዘገብ፣በመቀለድ እና በማስተዋወቅ አየሩን ተቆጣጥረውታል።

👉ቢያንስ የአራት መቶ ባለትዳሮችን ትዳር፣ቤት እና መተማመን አፍርሷል።

👉የባለትዳሮቹን የባሎቻቸውን፣የልጆችን የዘመድ አዝማድን ልብ እንዲሰበር አድርጓል

👉መጽሐፍ ቅዱስ እንደሚለውም በዝሙት ምክንያት እነዚህ ትዳሮች የሚፈርሱ ከሆነ የተፋቱ በርካታ ሴት እና ወንዶችን እንዲፈጠሩ አድርጓል ያደርጋል።

👉በዚህ ስነልቦና ጉዳት ምክንያት እራሷን ያጠፋች ሴት እንዳለችም ተደምጧል ይሄም ስኬቱ ነው።

ስለዚህ በጌታ የሆንን ሁላችን በዓይናችን ስለምናየው፣በጆሮዋችን ስለምንሰማው መቆጠብ ስላለብን ከእንዲህ ዓይነት እርኩሰት ሀሳብ በመራቅ፣ባለማጋራት አዕምሮዋችንን እንድንጠብቅ እግዚአብሔር ይርዳን።

መጽሐፍ ቅዱሳችን እንደሚነግረን
“በሰይጣን እንዳንታለል፤ የእርሱን አሳብ አንስተውምና።”
— 2ኛ ቆሮ 2፥11
2,491
የክርስቲያን ወጣቶች ህብረት

05 Nov, 19:31

ማለት አላቆምም‼ ✍️

👇👇👇👇👇

በጥላቻ ጅራፍ ፣ ፍቅር ተገረፈ
ለእድፋም ገራፊ ፣ ንጹሕ ሰው አደፈ
የገዘፈ ሸክም ፣ ያ ቁልል መከራ
እጅግ የጠለቀ ፣ የውርደት ተራራ
ላዩ ላይ ተደፋ ፣ መሢሕ ተሰቃየ
ውቡ ሰው ተጠላ ፣ ክብር ውርደት አየ
ተናቀ ተገፋ ፣ እውነት ተሰደበ
ቃል የሆነ እ'ሱ ፣ ቃሎቹን ገደበ
ዝም አለ አንደበቱ ፣ ግፍን ተቀበለ
በደል ተሸከመ ፣ ወረደ ቀለለ
የፍቅር ዓይኖቹን ፣ ዓይኖች አይተው ጠሉት
በማይስበው መልኩ ፣ ናቁት አቃለሉት

እንዲህና እንዲያ.....

ብየ ብቻ አልቆምም ፣ አውቃለሁኝ ሚስጥር
ምትክ እስከመሆን ፣ እኛን ባያፈቅር
ያን እድፋችንን ፣ ወስዶ ባያድፈው
ይሄን ያህል ነበር ፣ የምናጸይፈው
የ'ሱ ነበር የኛ ፣ የኛ የ'ሱ ነበር
የ'ሱን ለኛ ሰ'ቶ ፣ የእኛን ባይቀበል

ብየም ደሞ አልቆምም.......

እዩ ጎልጎታ ላይ
ለገዳይ 'ሚነገር
የፍቅር ቃል ሆኖ ፣ ዝምታ ጮክ አለ
የገራፊዎቹን
ጆሮ ሰንጥቆ አልፎ ፣ ልብን ተናገረ
ፍቅር በጥላቻ ፣ ተወግቶ ቆሰለ
ሞት በሞት ተረታ ፣ ገዳይ በሟች ዳነ

ብየም አላቆምም......

አወራለሁ ገድል ፣ ጀብድ እናገራለሁ
ዝም ላለኝ ቃል ፣ ቃል እሰድራለሁ
ኃጢአት ያህል እንከን ፣ ሞት ያለው ስህተት
በደል ያህል ጉድፍ ፤ ጥፋት ያለው ቅጥፈት
ነውሬን ነው እንጂ ፣ የዕዳዬን ጽሕፈት
የፊደል አይደለም ፣ ያቃናልኝ ግድፈት

ብየም አላቆምም
.
.
.
ዝምም ልል አልችልም ፣ ባለታሪኩ ነኝ
ከሲዖል ወጥቼ ፣ ያለሁኝ በአብ ቀኝ
አብን አባ የምል ፣ ልጅ ሆኜ እንደ ልጁ
አልፌ ገብቼ ፣ በተወጋው እጁ

ብየም አላቆምም.....
.
.
.

ገጣሚ ሔኖክ አሸብር
2,413
የክርስቲያን ወጣቶች ህብረት

04 Nov, 10:18

✍️ በግ - አንበሳ - ልጅ
**
አብ ገበያ ወጣ ፣ ዓለም እየጠላው
አንድ በጉን ሽጦ ፣ በረቱን በግ ሞላው

በግ ከሞላው በረት ፣ መሰማሪያ አግኝቼ
እኔም በግ ሆኛለሁ ፣ ይሄን በግ በልቼ

እኔንም ገርሞኛል ፣ እንዴት እንደሆነ
በጉን ስለበላሁ ፣ አንበሳው ውስጤ አለ

ይሄው አንበሳ ነው ፣ ከሞት የተነሣው
በዚህች ዓለም ጫካ ፣ ወንጌል የሚያገሳው

ያውም በእኔ ሆኖ ፣ አፍ አ'ርጎኝ አንደበት
እግዚአብሔር በልጁ ፣ ለእርቅ የሚጠራበት

እናልህ ወንድሜ ፣ አብ በልጁ ሆኖ
ታረቀኝ ይለሃል ፣ እ'ሱው ተበድሎ

ተበዳይ ደግሶ ፣ በዳይ ተጋብዘሃል
ውዱ ምግብ ቀርቦ ፣ በአንተና በአብ መሃል

ገጣሚ ሔኖክ አሸብር🏹
1,765
የክርስቲያን ወጣቶች ህብረት

02 Nov, 08:36

Channel photo updated
0
የክርስቲያን ወጣቶች ህብረት

01 Nov, 15:55

prayer is the best and only solution to your próblems, so pray and don‘t give up.

ምን ማለት ነው ‽
ጸሎት ለችግሮችህ ሁሉ ምርጥ እና ብቸኛው መፍትሔ ነው፤
ስለዚህ ጸልይ እንጂ ተስፋ አትቁረጥ‼

@ያዕቆብ
2,665
የክርስቲያን ወጣቶች ህብረት

30 Oct, 19:44

I had a plan,
but God had a better plan for me.
ምን ማለት ነው . . .?
እኔ እቅድ ነበረኝ፣ ነገር ግን እግዚአብሔር የተሻለ ዕቅድ አቅዶልኛል።

አሜን🙏
2,722
የክርስቲያን ወጣቶች ህብረት

29 Oct, 19:14

በዚህ አመት ላንተ/ቺ በጣም ምርጡ የሆነ ሁሉ ሊቀላቀለው የምገባ ድንቅ ቻናል👏👏👏👏👏👏👏
Add channel የምለውን ይጫኑ 👇👇👇Wave👉 @EtCwaver
20
የክርስቲያን ወጣቶች ህብረት

29 Oct, 17:25

▣ Click on This 👇
         Join Us
             ⇣
           🌺🌺
         🌺🌺🌺
       🌺🌺🌺🌺
     🌺🌺🌺🌺🌺
   🌺🌺🌺🌺🌺🌺
   🌺🌺🌺🌺🌺🌺
      🌺🌺🌺🌺🌺 
         ☘🌺🌺☘ 
              ☘☘
                 🎋                   🍃
                 🎋              🍃🍃
                 🎋          🍃🍃🍃
                 🎋      🍃🍃🍃🍃
                 🎋    🍃🍃🍃🍃
                 🎋🍃🍃🍃🍃🍃
                 🎋🍃🍃🍃🍃
                 🎋
                 🎋
                 🎋
      ⿻ Join Us ⿻
      ⿻ Join Us ⿻
      ⿻ Join Us ⿻
      ⿻ Join Us ⿻
35
የክርስቲያን ወጣቶች ህብረት

27 Oct, 19:35

ወንጌልን_ስበኩ!

በየዕለቱ ብዙ ነፍሳት (ሰዎች) ወደ ሲዖል እየተጓዙና እየጠፉ ነው። በየደቂቃው በሺዎች የሚቆጠሩ ነፍሳት ወደ ሲዖል ይወርዳሉ።
ወደ ሲዖል የሚገቡት ኢየሱስ ስለእነርሱም መስቀል ስላልተሸከመና ስላልሞተ ሳይሆን አሁን በዚህ ዘመን ያለን ክርስቲያኖች መስቀላችንን ተሸክመን ወንጌል ስላልሰበክን ነው።
ክርስቶስ የራሱን ድርሻ በሚገባ ተወጥቷል።
1ጴጥሮስ 3 : 18 ...
“ክርስቶስ ደግሞ ወደ እግዚአብሔር እንዲያቀርበን እርሱ ጻድቅ ሆኖ ስለ ዓመፀኞች አንድ ጊዜ በኃጢአት ምክንያት ሞቶአልና፤ በሥጋ ሞተ በመንፈስ ግን ሕያው ሆነ፥”
— -~~~
አንድ ነገር ለማድረግ ተራው የእኛ ነው።

መስቀላችንን ስንሸከምና ወንጌልን ስንሰብክ ብዙዎች ይድናሉ፤ ብዙዎች ይፈወሳሉ!

ደህንነትንና ዕርቅን ወደ ዓለም ለማምጣት የክርስቶስ መስቀል ከእኛ መስቀሎች ጋር አብሮ ይሰራል።

መስቀላችንን እንሸከም!
ወንጌልን እንስበክ!
ነፍሳት ይዳኑ!

በ ያዕቆብ ተጻፈ
3,385
የክርስቲያን ወጣቶች ህብረት

26 Oct, 10:20

ይቅርታ የጎጂዎችህን ሕይወት ከመቀየር ይልቅ የተጎጂዎችን ሁለንተና ይቀይራል‼


Ricky Jackson ይባላል። Cleveland, Ohio ነዋሪ ሲሆን ገና በ18 አመቱ በለጋ እድሜው ባልሰራው ወንጀል የሞት ፍርድ ተፈርዶበት 39 አመት ከታሰረ በኋላ (አብዛኛውን ግዜ የሞት ፍርድ የሀገሪቱ ርዕሰ ብሄር ካላፀደቁት ወደ እድሜ ልክ ይለወጣል)፣ ትክክለኛው ወንጀል ፈጻሚ በመገኘቱ ዳጎስ ያለ ካሳ ተከፍሎት በነፃ የተለቀቀ ሰው ነው።

እናም ልክ ከእስር ቤት ተለቆ ሲወጣ ያሳሰረውን ሰው አገኘውና ... «ይቅር ብዬሃለው» .... ብሎ አቀፈው።

ቃለ መጠይቅ ላደረጉለት ጋዜጠኞች ደግሞ እንዲ ሲል ተናገረ :-

....«እስር ቤት ውስጥ ነህ ማለት እስረኛ ነህ ማለት አይደለም»....

ነጻነት ያለው ያላችሁበት ስፍራ ላይ ሳይሆን አይምሯቹ ውስጥ ነው። የቂምና የጥላቻ እስረኛ እንዳትሆኑ ይቅር በሉ!!
ይቅር በሉ፣ መራመድ አታቁሙ ፣ ጉዳታችሁ ላይ አትቆዩ! ህይወት ሰፊና ፣ ብዙ ደርዝ ያላት የጉዞ ሃዲድ ናት!!

ይቅርታ ለራስ የሚሰጥ ድንቅ ስጦታ ነው ሰው ይቅር ማለት ሲጀምር ህይወት ይጀምራል።

የበደለንን ይቅር ማለት መሸነፍ ሣይሆን ፍቅርን ማስተማር ፣ ቀንነትን መዝራት ፣ ህይወትን ማደስ ነው።
3,094
የክርስቲያን ወጣቶች ህብረት

25 Oct, 15:55

መርሕ አራት፡-

🙏 ዘውትር ለመጸለይ ትጋ‼

እግዚአብሔር የትጋት ጸሎትን ያከብራል (ማቴ. 7፡7-10)

ኢየሱስ ቀደም ሲል ስለ ጸሎት አስተምሯል (ማቴ. 6፡9-15)።
ክርስቶስ የጸሎት ኣመለካከታችን ከእግዚአብሔር በምንቀበላቸው ነገሮች ላይ ሳይሆን፥ «እግዚኣብሔር ከሁሉም በላቀ ሁኔታ እንዴት ሊከብር ይችላል?» በሚለው ጉዳይ ላይ ማተኮር እንዳለበት አሳይቷል።
በተጨማሪም ክርስቶስ ስለ ደቀ መዛሙርቱ ሕይወት ዐበይት የለውጥ አሳቦችን እያስተማረ ነበር። ብዙዎቻችን ፈጥነን የምንሰጠው ምላሽ፥ «ይሄ የማይቻል ነው።» «እኔ ጠላቶቼን ልወድ፥ ባሕሪዩን ልቀይር አልችልም» የሚል ነው። ክርስቶስም ይህ በተፈጥሯዊ ብርታታችን ሊሳካ እንደማይችል ተናግሯል።

ነገር ግን የእግዚአብሔር ልጆች እንደ መሆናችን መጠን፥ ሁሉንም ነገር የሚያስችል የኃይል ምንጭ አለን።
''ያ የኃይል ምንጭ የሚገኘው በጸሎት ነው።''

ኢየሱስ ወደ ጸሎት ርእሰ ጉዳይ ተመልሶ ደቀ መዛሙርቱ እንዲጠይቁ፥ በር እንዲያንኳኩና እንዲሹ አበረታትቷቸዋል።

በተለይ ክርስቶስ ' እንደሚሆኑና እንደሚቻሉ' ስለገለጸላቸው ጉዳዮች ባለማቋረጥ ከጸለይን፥ እግዚአብሔር ጸሎታችንን በመመለስ ኃይልን ይሰጠናል።
በዚህ ጊዜ ባሕርያችን ይለወጥና ለዓለም በማይቻል መንገድ እንመላለሳለን።

(ማስታወሻ፡- ምንም እንኳ ይህ የጸሎት መርሕ ከእግዚአብሔር ለምንፈልጋቸው ነገሮች ሊሠራ ቢችልም፤ ዓውደ ምንባቡ የሚያሳየው እግዚኣብሔር የክርስቶስን ትእዛዛት የምንፈጽምበትን መንፈሳዊ እይታና ባሕርይ እንዲሰጠን መጠየቅን ነው።)

እግዚአብሔር ጸሎትን የዕድገታችን ሂደት አካል አድርጎ ይጠቀማል። በጸሎት ሳይተጋ መንፈሳዊ ብስለትን ሊያገኝ የሚችል ሰው የለም።
በጸለይን ጊዜ እግዚአብሔር ፈጥኖ የሚመልስ ቢሆን ኖሮ፥ ማናችንም ለጸሎት ልንተጋ አንችልም ነበር። እርግጥ እግዚአብሔር ፈጣን ምላሽ የሚሰጥባቸው ጊዜያት አሉ። እንደዚሁም ደግሞ ትዕግሥትንና ለፈቃዱ መገዛትን እንማር ዘንድ ምላሹን የሚያዘገይባቸው ጊዜያትም አሉ።

በጸሎት ላይ ልበ ሙሉነትንና ባለማቋረጥ መትጋትን የሚሰጠን ስለ እግዚአብሔር ማንነት ያለን ግንዛቤ ነው። እርሱ ከምድራዊ አባቶቻችን በላይ ለእኛ ከሁሉም የሚሻለውን ነገር ለመስጠት ይቸኩላል። ነገር ግን ለእኛ የሚሻለንን የሚያውቀው እርሱ ነው። የትኛው ዳቦ፥ የትኛው እባብ እንደሆነ ያውቃል። ለዚህ ነው እግዚአብሔርን በመተማመን፥ ለእርሱ በመገዛትና ለፈቃዱ መፈጸም ሳናቋርጥ መጸለይ የሚገባን።
በማንኛውም ሰዓት ቢሆን ያለማቋረጥ በትጋት መፀለይህን አታቁም!


በ @ww_yaiki9
2,289
የክርስቲያን ወጣቶች ህብረት

25 Oct, 10:40

⚡️ WAVE FOLDERS ⚡️

channel ያላቹ በቀን 400 🔰Subscribe በላይ በማስገባት የሚያሳደግ
Wave folder መግባት የምትፈልጉ

••••••••••••••••••••||||••••••••••••••••••••

✨5000+Subscribe እስከ
✨50,000+Subscribe

መግባት የሚፈልግ በውስጥ ያናግረኝ።
መንፈሳዊ ቻናል ብቻ

INBOX 📥👇
@free_wave1
94
የክርስቲያን ወጣቶች ህብረት

24 Oct, 20:39

እግዚአብሔር በህይወትህ የሚያደርገውን ያውቃል። የሚሰጠውና የሚወስደው ሁሉ ለራስህ ጥቅም ነው።
ከአመድ ውስጥ ውበትን እንዴት እንደሚሰራ ሙሉ ግንዛቤ ላይኖርህ ይችላል፣ ግን ለማንኛውም እሱን እመን። ያለፈውን፣ የአሁኑን እና የወደፊቱን አይቶታል። እግዚአብሔር ላንተ ሊያደርግልህ ካሰበው ነገር የሚያስቀረው ትግል ወይም ሀይል የለም።
አምንሃለው በለው!
2,601
የክርስቲያን ወጣቶች ህብረት

21 Oct, 19:23

ግንባታው እንዴት እየሄደላችሁ ነው⁉



ሁሉም ሰው ህይወት የሚባል ቤት እየገነባ ነው። ግን ጥያቄው የት ነው?
አንዳንዶቹ በዓለት ላይ ይሠራሉ፤ አንዳንዶቹ ግን በአሸዋ ላይ፤
ሁሉም ነገር በጥሩ ሁኔታ እየሄደ ያለ ሲመስል በሁለቱ መካከል ብዙ ልዩነት አታይም።
ነገር ግን የቤቱ ጥንካሬ የሚገለጠው ዝናቡ ሲወርድ፣ ጅረቶች ሲነሱ፣ ነፋሱ ሲነፍስ እና ቤቱን ሲመታ ነው።
ሕይወታቸውን በዓለም መሠረት ላይ የሚገነቡ ችግሮች፣ ቀውሶች እና አደጋዎች ሲጋፈጡ መቆም አይችሉም።
ከኢየሱስ ስም በቀር ከዲያብሎስ ኃይል የሚጠብቀን ምንም ነገር የለም።
✍️ ከኢየሱስ ስም በቀር ከኃጢአት ኃይል ነፃ የሚያወጣን ምንም ነገር የለም።
✍️ ከኢየሱስ ስም በቀር በገሃነም ኃይል ላይ ድል ሊሰጠን የሚችል ምንም ነገር የለም።
@ ልንመካበት የምንችለው እውነተኛ እና ብቸኛው መሰረት ኢየሱስ ነው።
👉 የኢየሱስ ስም መጠጊያ የምንገኝበት ጠንካራ ግንባችን ነው (ምሳ 18:10)
2,675
የክርስቲያን ወጣቶች ህብረት

19 Oct, 13:16

የኢየሱስ ተከታዮች ሊከተሏቸው የሚገቡ መሠረታዊ መርሖዎች‼
(ማቴ. 6፡19-7፡29)

ክፍል 3
መርሕ ሦስት፡-
ከሰዎች ጋር ባለህ ግንኙነት የፈራጅነትን አመለካከት አታንጸባርቅ!
(ማቴ. 7፡1-6)።

«የሆነ ምሥጢራዊ ነገር ስላለ ተጠንቀቅ።
ልታታልልህ እየሞከረች ነው።
አፉዋ የሚናገረው ቃል ከልቧ የፈለቀ አይደለም።
«ይህንን ለምን እንዳደረገች አውቃለሁ።
ስለማትወደኝ ልትጎዳኝ ትፈልጋለች።»
«ከእኔ ለመቅደም ስለሚፈልግ፥ ከእኔ ጋር አይስማማም።
ይህን ያደረገው እርሱ የሌላ ጎሳ አባል ስለሆነና የእኛን ጎሳ ስለማይወድ ነው።»
«ሊፕስቲክ መቀባቷ መንፈሳዊት ሴት አለመሆኗን ያሳየናል።»
. . . ወዘተ . . .

ክርስቶስ ተከታዮችን ከሚያጋጥማቸው ታላላቅ ችግሮች አንዱ፥ ከሌሎች ክርስቲያኖች ጋር መልካም ግንኙነት አለማድረግ ነው። የችግሩም መንሥዔ በጎሳዎች፣ በመሪዎችና በግለሰቦች መካከል ጥርጣሬ የሚከሰትባቸውን ዐበይት ምክንያቶች አለመገንዘባችን ነው።
ከግለሰቡ ተግባር ባሻገር ዘልቀን፥ ልቡን የምንመረምርበት የተለየ ዓይን ያለን ይመስለናል። ይህ ግን ስሕተት ነው።
✍️ የሰውን ልብ የሚያውቀው እግዚአብሔር ብቻ ነው፤ ይለናል።

ክርስቶስ ደቀ መዛሙርቱ ከዚህ የሰዎች ዝንባሌ እንዲታቀቡ «አትፍረዱ» ሲል አጥብቆ አስጠንቅቋቸዋል።
«#መፍረድ» የሚለው ቃል ሁለት ፍካሬያዊ ትርጉሞች ኣሉት።
`Ä' ክርስቲያኖች ሊያደርጉ የሚገቧቸውን ነገሮች መገምገምን ሊያመለክት ይችላል።
¤ - ክርስቶስ ደቀ መዛሙርቱ የሰዎችን፥ በተለይም የሐሰተኛ አስተማሪዎችን ሕይወት በመገምገም እውነተኛ ደቀ መዛሙርት መሆን አለመሆናቸውን እንዲለዩ ነግሯቸዋል (ማቴ. 7፡15-20)።
ግምገማው የሚካሄደው ግን በግልጽ መረጃዎች እንጂ በስውር አነሣሽ ምክንያቶች አይደለም።

'B' - መፍረድ የሌሎችን ኣነሣሽ ምክንያቶች በንቀት መመልከትን ሊያመለክት ይችላል።

✍️ ይህንን በምናደርግበት ጊዜ ኣመለካከታችን፥ «እኛ ከእነርሱ እንሻላለን» የሚል ነው።
ከተግባራቸው አልፈን ልባቸውን ለማየት የምንችል ይመስለናል። ክርስቶስ በዚህ መንገድ መፍረድ እንደሌለብን ተናግሯል።

ብዙውን ጊዜ ሌሎችን ስንተች የራሳችንን ልብ በኃጢአት መቆሸሽ ከምንም አንቆጥርም። ኢየሱስ በዓይኑ የእንጨት ግንድ (ምሰሶ) ስላለበት ሰው በሚናገር ኣስገራሚ ምሳሌ ተጠቅሟል።
ይህ ሰው በዓይኑ ጉድፍ ያለበት ሰው ሲያጋጥመው ለመርዳት ይሽቀዳደማል።
በራሱ ዓይን ውስጥ ያለው ግንድ ግን ይህን ከማድረግ ይከለክለዋል።
በተመሳሳይ መንገድ፥ የሌላውን ሰው የባሕርይ ችግር ወይም ድብቅ ኃጢኣት ማየቱ ቀላል ነው። ነገር ግን ብዙዎቻችን ራሳችንን አጥርተን አንመለከትም።
ለዚህ መፍትሔው የሌላውን ሰው ችግር ለማቃለል አለመሞከር አይደለም። ችግር ያለበትን ሰው መርዳቱ ተገቢ ነው።
በመጀመሪያ ግን የራሳችንን ሕይወት አይተን ሌሎች ሕይወታችንን ለመመርመር እንዲረዱን ልንጠይቃቸው ይገባል።
መጀመሪያ ሕይወታችን ከእግዚአብሔር ጋር እንዲስተካከል ካደረግን በኋላ፥ ሌላው ሰው በእግዚአብሔር ቃል ብርሃን ሕይወቱን እንዲመረምር በትሕትና ልንረዳው እንችላለን (ያዕ. 5፡19-20፤ ገላ. 6፡0።

የሌሎች ሰዎችን ችግሮች እየተመለከትን አነሣሽ ምክንያቶቻቸውን መፍረድ በምንጀምርበት ጊዜ፥ ምን ይከሰታል?

በመጀመሪያ፥ ሰዎች በእኛ ላይ ይፈርዳሉ።
በሁለተኛ ደረጃ ፥ ለአመለካከታችን በእግዚአብሔር ፊት እንጠየቃለን።

ይህን ኣሳብ ወደ ተቃራኒ ኣቅጣጫ እንዳንወስድ መጠንቀቅ አለብን።
አንዳንድ ሰዎች ግምገማ መፍረድ እንደሆነ በመግለጽ የዚህ ዓይነት ተግባር እንዳንፈጽም ያስጠነቅቁናል።
መጽሐፍ ቅዱስ ግን በእግዚአብሔር ቃልና በግልጽ ተግባራቸው ላይ ተመሥርተን ሰዎችን መገምገም እንዳለብን ያስተምራል። ለዚህ ነው ክርስቶስ የተቀደሰን ነገር ለውሾችና ለእሪያዎች መስጠት እንደሌለብን የሚያስረዳውን ምሳሌ የተናገረው።
በዚህ ክፍል ውሾችና እሪያዎች ወንጌሉን ለመቀበል የማይፈልጉትን ሰዎች ያመለክታል። ስለሆነም ክርስቶስ፥ ደቀ መዛሙርቱ እግዚአብሔርን የሚቃወም አመለካከት ይዘው መስማት ለማይፈልጉ ሰዎች በመመስከር ጊዜያቸውን ማጥፋት እንደሌለባቸው ገልጾአል።
ስለዚህ ከማንኛውም ሰው ጋር ባለህ ግኑኝነት ውስጥ የፈራጅነት ባህርይ በፍጹም አታንፀባርቅ!!


በ @ww_yaiki9
1,853
የክርስቲያን ወጣቶች ህብረት

17 Oct, 10:01

የ''ዕብድ ጴንጤዎች ጉዳይ . . . !

አንዲት ነቢይ፥ «ክርስቶስ የዛሬ ዓመት ይመጣል። ስለሆነም ሁላችሁም በፍጥነት መጋባት ይኖርባችኋል። ሥራ ያላችሁ ደግሞ ሥራችሁን ለቅቃችሁ ባላችሁ ገንዘብ ራሳችሁን ማስደሰት አለባችሁ። እህል መዝራቱ አስፈላጊ አይሆንም። ባጨዳው ጊዜ እዚህ አትኖሩምና» ስትል ተነበየች። ብዙ ሰዎች አስተዋይ ሽማግሌዎች የሰነዘሩትን ማስጠንቀቂያ ችላ ብለው ምክሯን ተቀበሉ።

ወጣቶቹ ስለ ነገ ሳያስቡ የትዳር ጓደኞችን መረጡ። ወዲያውም እነዚህ ልጃገረዶች አረገዙ። ሰዎች ሥራቸውን ለቅቀው ያጠራቀሙትን ገንዘብ ሁሉ መጠቀም ጀመሩ። ንብረቶቻቸውን ሁሉ ሸጡ። በዓመቱ መጨረሻ ላይ ሁሉም ነቢይቱ ክርስቶስ ይገለጣል ባለችው ስፍራ ላይ ተሰበሰቡ።
የክርስቶስን መገለጥ እየተጠባበቁና እየዘመሩ ለረጅም ጊዜ ጠበቁት። እርሱ ግን ብቅ አላለም። በሁኔታው ተበሳጭተው ነብይቱን ከቤተ ክርስቲያን አባረሯት። ይሁንና ጥፋቱ ቀድሞውንም ተፈጽሞ ነበር።
በውጤቱም . . .
አንዳንዶች ክርስቶስ ቃሉን አላከበረም በሚል እምነታቸውን ተዉ።

ሥራቸውን የለቀቁት ወጣቶች ሕፃናት ልጆቻቸውን ለመንከባከብ ባለመቻላቸው ትዳራቸውን ጥለው ወደ ከተማ ኮበለሉ።
ባሎቻቸው የተለዩአቸው ወጣት ሴቶችም የገቢ ምንጭ ለማግኘት ሲሉ ወደ ሴተኛ አዳሪነት ተሠማሩ።
ብዙዎቹ ኑሮ ስለተናጋባቸው በድህነት ይማቅቁ ጀመር።
🏹 በማኅበረሰቡ ውስጥ ይኸው የእብድ «ጴንጤዎች» ጉዳይ መሳለቂያ ሆነ።

መልዕክታችን እንዲህ ነው . . .

¤ የእግዚአብሔርን ቃል እንወቅ‼

¤ ሁሉንም ነገር እንመርምር ‼

¤ እንደ እግዚአብሔር ቃል እንኑር ‼

🏹 ያዕቆብ እንደከተበው🤗
2,105
የክርስቲያን ወጣቶች ህብረት

12 Oct, 19:43

የኢየሱስ ተከታዮች ሊከተሏቸው የሚገቡ መሠረታዊ መርሖዎች‼
(ማቴ. 6፡19-7፡29)

መርሕ ሁለት፡-

ስለ ማንኛውም ነገር አትጨነቅ፥ ለሁሉም በእግዚአብሔር ተማመን (ማቴ. 6፡25-34)

በዕብ. 11፡6 ላይ፥ ያለ እምነት እግዚአብሔርን ደስ ማሰኘት እንደማይቻል ይናገራል።

በአንድ ደቀ መዝሙር ሕይወት ውስጥ እጅግ መሠረታዊ የሆነው መርሕ በነገር ሁሉ በእግዚአብሔር የመታመን መርሕ ነው። በምንጨነቅበት ጊዜ ሁሉ፥ እግዚአብሔር ፍላጎታችንን ስለ ማሟላቱ መጠራጠራችን ነው።
✍️ ሰዎች የሚጨነቁባቸው መሠረታዊ ነገሮች ምንድን ናቸው?
፩- ምግብና
፪- ልብስ ናቸው።
ክርስቶስ ግን ለእነዚህም መጨነቅ እንደማያስፈልግ አስተምሯል። ገንዘብ የሚያስቀምጡባቸው ባንኮች ወይም ምግብ የሚገዙባቸው የገበያ አዳራሾች ባይኖሯቸውም፥ እግዚአብሔር የምድር ፍጥረታትን ሁሉ ይመግባል።
እነዚህ ፍጥረታት ምግብ አጥተው አይራቡም።
እግዚኣብሔር ሰዎች ከአዕዋፋትና ከእንስሳት እንደሚበልጡ ገልጾአል። ስለሆነም እግዚአብሔር አነስተኛ አስፈላጊነት ያላቸውን እንስሳት ከመገበ፥ የሰዎችን ብቻ ሳይሆን የመንፈሳዊ ልጆቹን ፍላጎቶች እንደሚያሟላ እንገነዘባለን።

ክርስቶስ የንጉሥ ሰሎሞንን ውብ (ማለፊያ) ልብሶች ከአትክልቶች ጋር አነጻጽሯል። እግዚአብሔር ትናንሽ ተክሎችን እንደ ሰሎሞን ካሉት እጅግ ሀብታሞች የበለጠ አድምቆ ያላብሳቸዋል። እነዚህ አበቦች ከጥቂት ቀናት ወይም ሳምንታት የበለጠ ዕድሜ የላቸውም። ወዲያው ጠውልገው በእሳት ይቃጠላሉ።

ሰዎች፥ በተለይም የእግዚአብሔር ልጆች፥ ለእግዚአብሔር ከአበቦችና ከተክሎች በላይ አስፈላጊዎች ናቸው። ስለሆነም ያለጥርጥር የምንፈልገውን ልብስ ያለብሰናል።

ቆይ እኔ የሚልህ የምትጨነቀው ምን ለማግኘት ነው?

የጭንቀት ተቃራኒ ምንድን ነው?
ከጭንቀት ለመገላገል የሚረዳን ምንድን ነው?
በሕይወት የተሳሳቱ እሴቶችን ከመያዝ የሚጠብቀን ምንድን ነው?
ክርስቶስ ተከታዮቹ በመንፈሳዊ ነገሮች ላይ ከፍተኛ ትኩረት እንዲያደርጉ አሳስቧቸዋል። ዓይኖቻችንን በእግዚኣብሔር ዘላለማዊ ነገሮች ላይ ልንጥል ይገባል።
ክርስቶስ . . .
- በእርሱ አገዛዝና ለእርሱ አስፈላጊ በሆኑት ነገሮችና
- ከእርሱ ጋር ካለን ግንኙነት በሚመጣው ጽድቅ ላይ ብናተኩር፥ ጭንቀታችን እንደሚወገድ ገልጾአል።
ይህም ጽድቅ በታዛዥነትና በትክክለኛ መንገድ በመመላለስ ራሱን ይገልጻል።

ይጠቅሙናል የምንላቸው ነገሮች ከእግዚአብሔር መንገዶች ጋር የሚስማሙ ሲሆኑ፥ እንደ ገንዘብና ትምህርት ያሉ ሌሎች ጌቶች እንዲቆጣጠሩን አንፈቅድም። ይህም ሲሆን እግዚኣብሔር ብዙውን ጊዜ የሚያስጨንቁንን መሠረታዊ ፍላጎቶቻችንን ያሟላል።

በመጨረሻም ክርስቶስ ስለ ወደፊቱ ዘመን መጨነቁ ሞኝነት እንደሆነ አብራርቷል። ምንም ያህል ብንጨነቅ የነገን ክስተቶች መለወጥ አንችልም።
ጭንቀት የሚያስከትለው ነገር ቢኖር
ኀዘን፥
ሽበትና
የጨጓራ ሕመም ብቻ ነው።
አባታችን የወደፊቱን ዘመን እንደሚቆጣጠርና እርሱ ያልወሰነው ነገር እንደማይደርስብን እርግጠኞች ልንሆን ይገባል። በእርሱ ላይ ዓይኖቻችንን ተክለን በታዛዥነት የምንመላለስ ከሆን፥ እግዚአብሔር ወደፊት የሚመጣውን የትኛውንም ችግር ለመቋቋም የሚያስችል ብርታት ይሰጠናል።
" ችግሩ የሚመጣው መፍትሔውን ከራሳችን ለማመንጨት በምንታገልበት ጊዜ ነው።"
ስለዚህ ስለማንኛውም ነገር አትጨነቅ!!

መርህ_2
በ ያዕቆብ ✍️
2,383
የክርስቲያን ወጣቶች ህብረት

10 Oct, 19:43

በ 1 አልቤም 26 መዝሙር ይቻላል‼ ⁈


በመዝሙር ሥራ ውስጥ (በፕሮዲውሰርነት) ለበርካታ ዓመታት ቆይቻለሁ፤ ለዚህ ዐይነቱ መረጃም ቅርብ ነኝ። 26 መዝሙሮችን ሰብስቦ አዲስ ሰንዱቅ ያወጣ ዘማሪ ኖሮ አያውቅም። እኔ እስከማውቀው ድረስ እንዲህ ዐይነት መልካም ዝማሬዎችን እንዲህ አትረፍርፎ በመስጠት ጉዳይ አስቴር አበበ የመጀመሪያ ናት። እናመሰግናለን።

የመዝሙር ቁጥር መብዛቱ የመልእክት ልዩልዩነትን (variety) ስለሚፈጥር ባለፍንባቸውና በምናልፍባቸው ሁኔታዎች ላይ የእግዚአብሔርን ምክር የምናገኝበት መልካም ዕድል ይጨምራል። እናም ባልተኬደበት መንገድ ላይ እንደ አስቴር የእግዚአብሔርን ጸጋ ታምኖ መራመድ መታደል ነው። እናመሰግናለን።

የቁጥር ብዛት በራሱ መልካም ነገር ቢሆንም፣ በራሱ በቂ አይደለም። የአስቴር መዝሙሮች ግን ጥሩ መልእክቶችን የያዙ፣ ከሕይወት የተጨለፉ፣ በጥሩ ሁኔታ የተሠሩ መልካካም ዝማሬዎች ናቸው። እንዲህ ዐይነት በረከት በዚህ ልክ ማግኘት እንቁጣጣሽና ፋሲካ በአንድነት ሲመጡ እንደ ማለት ነው። እናመሰግናለን።

እኅቴ አስቴር አበበ፤ በአንቺ ላይ እግዚአብሔር ስላስቀመጠው ጸጋ ስሙን እባርካለሁ። ይህ ገና ጅማሬሽ እንደሆነም አምናለሁ።

ለዚህ ሥራ የደገፉሽንም ሁሉ እግዚአብሔር ይደግፋቸው።

ጳውሎስ ፈቃዱ እንደከተበው🏹
1,322
የክርስቲያን ወጣቶች ህብረት

09 Oct, 09:58

የውሸት እየኖርን፤
የእውነት አንሙት‼


ከተገለጠው ድርጊታችን በላይ የልብ አካሄዳችን የነገ ፍሬያችንን ይወስናል!

የተገለጠው ድርጊታችን ለሰው ይታያል!

ልባችን ግን በእግዚአብሔር ዘንድ ታይቶ ይመዘናል!

ምንም ነገር ስናደርግ የምናደርግበት መንፈስ ከድርጊታችን በላይ በእግዚአብሔር ዘንድ ዋጋ አለው!

ያልተኖረ የታይታ ገፅታ ብቻ ምን በሰው ዘንድ ጎሽ ቢያሰኝና ቢገነባ ጊዜ ቆጥሮ ባዶነቱ ይገለጣል፤ ከትወና ሕይወት አያልፍም!
እግዚአብሔር እያዘነ የምንገነባው ገፅታ የትም አያደርሰንም!

በልባችን እንለወጥ!
ብልህ እንጂ ብልጣብልጥ አንሁን!

ሳይረፍድ ብዙ ሳንከስር . . .
የእውነት እንሁን!
የእውነት እንኑር!
አንሸነጋገል!
የእውነት ልብና ቅንነት ገፅታችን ይሁን!
እርሱ ጎሽ ይበለን፤ ሌላው ሁሉ ትርፍ ነው!

በእውነት መንፈስ ተባረኩ!

ሃና ተክሌ🥰
3,030
የክርስቲያን ወጣቶች ህብረት

09 Oct, 06:20

ራእይ ሲጠፋብን

1.  የመኖር ግለትና ጉጉትና መነሳሳት እያጣን እንሄዳለን፣

2.  ስሜታችን አንድ ወጥ ያለመሆንና መዋዠቅ ያታይበታል፣

3.  አንድን ነገር ለመጀመር የመወላወልና ከጀመሩ በኋላ ሃሳብን መቀየር ይታይብናል፣

4.  የሰዎችና የሁኔታዎች መለዋወጥ በቀላሉ የሚጎዳንና ከሁኔታውም ማገገም አለመቻል ያጠቃናል፣

5.  ራሳችንን ካወጣነው ግብ አንጻር ሳይሆነ ሰዎች ካሉበት ደረጃ አንጻር በማነጻጸር የዝቅተኛነት ስሜት ይጫነናል፣

6.  ከሰዎች ጋር በቀላሉ የመጣበቅ (attached የመሆን) እና ከአንዳንድ ሰዎች ውጪ በፍጹም ለመኖር ያለመቻል ተስፋ ቢስ ስሜት ውስጥ እንገባለን፣

7.  መማር፣ መስራትና መሰማራት የምንፈልገውን መስክ ባለማወቅ ግራ ስንጋባ ራሳችንን እናገኘዋለን፣

8.  ምንም ነገር ላይ ማተኮር እስከማይቻል ድሰረስ ከማሕበራዊ ሚዲያ እና ከመሳሰሉት አሁል ልማዶች ለመላቀቅ አለመቻል፣

9.  ካለፈው ስህተት ከመማር ይልቅ በጸጸጽ ውስጥ የመኖር ዝንባሌ፣

10.  በአመለካከትና በክህሎተት ራስን የማሻሻል ፍላጎት ማጣት፡፡

ከላይ የተጠቀሱት መሰል ችግር እንዳለባችሁ ካሰባችሁ ምንጩ ራእያችሁን ያለማወቅ ሊሆን ይችላልና አስቡበት፡፡

ዶ.ር ኢዮብ ማሞ🙏
2,926
የክርስቲያን ወጣቶች ህብረት

08 Oct, 08:50

#አስተካክለናል ‼

ከዚህ በፊት አላስፈላጊ ማስታወቂያዎች በዚህ ቻናል ላይ ስሰሩ ቆይተዋል።
በእናንተ ጥያቄ መሠረት ከዛሬ ጀምሮ መንፈሳዊ ያልሆኑ ማስታወቂያዎች አይቀርቡም‼

ስለሰጣችሁን አስተያየት እናመሰግናለን🙏

መልዕክቶቻችን ለሌሎችም እንዲደርሱ ሼር እናድርግ🙏
365
የክርስቲያን ወጣቶች ህብረት

07 Oct, 12:23

የኢየሱስ ተከታዮች ሊከተሏቸው የሚገቡ መሠረታዊ መርሖዎች‼
(ማቴ. 6፡19-7፡29)

አንዳንድ ጊዜ ከእግዚአብሔር ጋር ያለንን ግንኙነት እናወሳስበዋለን። የተለያዩ ክርስቲያን መሪዎች አገልጋዮች እንደ ክርስቲያን ፍሬያማ መሆን ማለት ምን ማለት እንደሆነ ብዙ አሳቦችንና ደንቦችን ያስተምራሉ።
ይህ ደግሞ ክርስቲያኖች ተስፋ እንዲቆርጡና የበደለኛነት ስሜት እንዲሰማቸው ከማድረጉም በላይ በኋላ ሰዎችን ለማስደሰት ከመጣር በቀር ከእግዚአብሔር ጋር መልካም ግንኙነት እንዲኖረን አያደርግም።

ኢየሱስ በቀጣዩ የተራራው ላይ ስብከቱ የመንፈሳዊ ሕይወትን መሠረታዊ መርሖዎች ቀለል አድርጎ አቅርቧል።
እነዚህን መርሖዎች ከግል ሕይወታችን ጋር ብናዛምድ፥ በመንፈሳዊ ሕይወታችን አድገን የክርስቶስ በሳል ደቀ መዛሙርት ለመሆን እንችላለን።


#መርሕ_አንድ፡-

🏹 በግል ሕይወትህ ላይ ሳይሆን፥ በዘላለሙ መንግሥት ላይ ትኩረት አድርግ!!

ክርስቲያኖችን ከሚያጋጥሙ ዐበይት ፈተናዎች ኣንዱ፥ የገንዘብ ጉዳይ ነው። ሁላችንም ለመተዳደሪያ የምንፈልገው ነገር በመሆኑ ገንዘብ በራሱ መጥፎ አይደለም።

በዛሬው ዓለም ውስጥ ገንዘብ ከሌለን፥ ምግብ ለመመገብ ልብስ ለመግዛት፥ የመኖሪያ ቤት ለመከራየት አንችልም። ነገር ግን ከዚህ አልፈን ገንዘብን በልባችን ውስጥ ከዐበይት ፍላጎቶቻችን ኣንዱ እንዲሆን በቀላሉ እናደርጋለን። ብዙ ገንዘብ ካገኘን ደስታችን የሚጨምር ይመስለናል። ኣዳዲስ ልብሶችን ልንገዛ፥ የተሻለ ምግብ ልንመገብ፥ በምርጥ ቤት ውስጥ ልንኖር እንችላለን። ይህም ብዙዎቻችን ተጨማሪ ገንዘብን እንድናገኝና ገንዘቡ የሚያስገኘውን ተጽዕኖና ደኅንነት እንድናሳድድ ያደርገናል።

ገንዘብ ሕይወታችንን እንዲቆጣጠር የምንፈቅድበት ዋንኛው ምክንያት፥ የተሳሳቱ ነገሮችን መመልከታችን እንደሆነ ኢየሱስ ራሱ ገልጾአል። ሥጋዊና መንፈሳዊ ዓይኖቻችን ለራሳችን የተመቻቸ ሕይወትን በማዘጋጀት ላይ ካተኮሩ፥ ልባችን በመንፈሳዊ ጽልመት ይሞላል። ነገር ግን መንፈሳዊ ዓይኖቻችን በመንፈሳዊ ነገሮችና በዘላለማዊ ጉዳዮች ላይ ካተኮሩ፥ ከሁሉም የሚልቀው ምን እንደሆነ በመገንዘብ ለዘላለም ሕይወታችን የሚጠቅም አኗኗርን እንከተላለን።
ሥጋዊ ዓይኖቻችን መንገድ አይተን እንድንሄድ እንደሚረዱን ሁሉ፥ መንፈሳዊ ዓይኖቻችንም መንፈሳዊ እውነቶችን ተረድተን በመንፈሳዊ አኳኋን እንድንመላለስ ይረዱናል።
የዓለም ነገሮች መንፈሳዊ ዓይኖቻችንን እንዲያሳውሩ ከፈቀድንላቸው መንገዳችን በጨለማ ተደናቅፎ ከእግዚአብሔር እውነት እንርቃለን። ከዚያ በኋላ ክርስቶስን ልንከተል አንችልም።
(ይህ የምንመለከታቸውን ቪዲዮዎችና የምናነባቸውን መጻሕፍት በጥንቃቄ መምረጥ እንዳለብን ያስጠነቅቀናል። የምንመለከታቸው ቪዲዮዎች፥ የምናነባቸው መጻሕፍትና መጽሔቶች በአስተሳሰባችንና በተግባራችን ላይ ከፍተኛ ተጽዕኖን ያስከትላሉ።)

ኢየሱስ አንድ ልብ ከአንድ ጌታ የበለጠ ሊያስተናግድ እንደማይገባው ገልጾአል። ይህም ክርስቶስ ወይም እንደ ገንዘብ ያለ ሌላ ነገር ሊሆን ይችላል።
አንድ ሰው ገንዘብን ወይም ሌላ ማንኛውንም ሥጋዊ ነገር የሕይወቱ ቀዳሚ ትኩረት እያደረገ የክርስቶስ ተከታይ ነኝ ሊል አይችልም። ብዙም ሳይቆይ የገንዘብ ፍቅሩ ከምድርና ከሰማይ መርሖዎች አንዱን እንዲመርጥ ስለሚያስገድደው፥ ምድርንና ጊዜያዊ በረከቶቿን መምረጡ አይቀርም።
ስለዚህ የመጀመሪያ መርህ ሊሆን የሚገባው፥
"በግል ህይወትህ ላይ ሳይሆን በዘላለማዊው መንግስት ላይ ትኩረት አድርግ" የሚለው ነው።

ይቀጥላል . . .
#መርህ_አንድ
በ ያዕቆብ ✍️
1,562
የክርስቲያን ወጣቶች ህብረት

03 Oct, 16:11

DHL እዚህ ደረጃ እንዴት ደረሰ ።

#Ethiopia | እ.ኤ.አ. በ 1969 ፣ 3 ወጣት ወንዶች በእጃቸው ላይ ጥቂት ሀብቶችን ይዘው የመላኪያ ንግዳቸውን ለመጀመር ወሰኑ ።

1. ADRIAN DALSEY
2. LARRY HILLBLOM
3. ROBERT LYNN

የየስማቸውን የመጀመሪያ ፊደሎች ወስደው *DHL* የሚል ስያሜን ፈጠሩ ፤ ሃሳባቸው በዚህ ኢንዱስትሪ ላይ ለውጥ ማምጣት ነው ።

ከ55 ዓመታት በኋላ ዛሬ DHL የአለማችን ግዙፉ የመላኪያ ካንፓኒ ሆነ ።

♤250 አውሮፕላኖች ።
♤ 32,000 ተሸከርካሪዎች ።
♤ 550,000 ሰራተኞች ይዞ ዛሬ DHL በሁሉም የአለማችን ክፍሎች ላይ ፓስታ እና መሰል ቁሳቁሶችን በመላክ በግንባር ቀደምነት ይጠቀሳል ።

የዓመታዊ ገቢው በመቶ ቢሊዮን ዶላር ይገመታል።

*በህይወት ውስጥ፣ ስለ ፕሮጀክቶች፣ ንግድ፣ ስኬት፣ ህልም፣ ግቦች... አሉታዊ ሀሳብ ከሚያመነጩ፣ ፈሪ ከሆኑ እና ሰነፍ ሰዎች ከሚናገሩ ንግግር እራስህን ማራቅኸን አረጋግጥ።

``ጓደኛህ ንግድ ለመጀመር ከአንተ ጋር ለመቀላቀል ፈቃደኛ ካልሆነ እሱን ችላ በል እና ቀጥል።``

``ወንድምህ በንግድህ ስራህ ላይ ለውጥ እንድታመጣ ሊረዳህ ካልቻለ... ችላ በል እና ቀጥል።``

ወደ ንግድ ሥራ ከገባህ... በጠንካራ ሁኔታ ያዝ... DHL DHL ለመሆን 55 ዓመታት ፈጅቷል።

ስኬት ጊዜን፣ ጥረትን፣ ቁርጠኝነትን፣ ድፍረትን፣ ብልህነትን እና ትኩረትን ይጠይቃል።

ታሪኩ ዘዉዱ
ከካናዳ 🇨🇦
1,216
የክርስቲያን ወጣቶች ህብረት

02 Oct, 19:02

' ጥቂት እንታገስ '


የእግዚአብሔር ጊዜ
¥ በጣም ዘገምተኛ ነው ግን ነፋስን ይቀድማል!!
¥ በጣም ፈጣን ነው ግን በእኛ ግምታዊ ልኬት አይጣጣምም!!

ኣይ የእግዚአብሔር ነገር🤗
1,454
የክርስቲያን ወጣቶች ህብረት

02 Oct, 03:52

“አይቻለሁ፣
እርሱ የእግዚአብሔር ልጅ እንደሆነ
እመሰክራለሁ።”

— ዮሐንስ 1፥34 (አዲሱ መ.ት)

Please join & Sher 🙏
◈@GCYU9 ◈
◈ @GCYU9 ◈
◈ @GCYU9 ◈
1,369

2024 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.