Adolat SDP Farg'ona viloyati Kengashi (RASMIY KANAL)

Фарғона давлат университетида Ўзбекистон Республикаси Конституциясининг 32 йиллиги муносабати билан “Конституция билимдони” кўрик-танловининг Фарғона вилоят босқичи ўтказилди.
Унда кўрик-танлов иштирокчиларининг таништирув, савол –жавоб, эркин мавзу шартлари бўйича конституция ва партиянинг ҳаётий дастури юзасидан билим ва маҳоратлари синовдан ўтказилди.
Иштирокчиларнинг ҳар учала шарт бўйича билимларини Ўзбекистон “Адолат” СДП Фарғона вилоят Кенгаши раиси Ш.Ғаниева, Фарғона вилоят прокуратураси бўлим прокурори Э. Омонов, Фарғона туманлараро суди судьяси С. Маҳмудова, Фарғона вилоят ички ишлар бошқармаси кадрлар бўлими катта инспектори Ж.Хамдамов, Ўзбекистон “Адолат” СДП Фарғона вилоят Кенгаши раиси ўринбосари О.Ўлмасовлар баҳолаб бордилар.
Ғолибларга партия томонидан ташаккурнома ва эсдалик совғалари топширилди.

Фарғона вилояти Қувасой шаҳрида Ўзбекистон "Адолат" СДПнинг "Ватан келажаги-ёшлар қўлида" лойиҳаси доирасидаги "Конституция билимдони" республика кўрик-танловининг шаҳар босқичи бўлиб ўтди.
Ёшларнинг ҳуқуқий ва сиёсий билимларини оширишга қаратилган мазкур танловнинг ҳудудий саралаш босқичида умумтаълим мактабларининг шаҳар босқичига йўлланма олган зукко ёшлари иштирок этдилар.
Танлов иштирокчилари 3 та шарт бўйича ўзаро куч синашдилар. Муросасиз кечган баҳсларда ҳакамлар ҳайъати шаҳар Адлия бўлими бошлиғи Б.Тоҳиржонов, "Адолат" СДП вилоят кенгаши раиси ўринбосари Б.Аҳмадалиев, халқ депутатлари шаҳар Кенгаши депутати Д.Эрматов, шаҳар Жамоатчилик кенгаши раиси Т.Ўринбоевлар томонидан адолатли баҳолаб борилди.
Шаҳардаги 1-умумтаълим мактаби ўқувчиси Жамшидбек Абдуалимов шаҳар босқичи ғолиби деб топилди ҳамда вилоят босқичига йўлланмани қўлга киритди.
Ғолиблар партиянинг "Ташаккурнома"лари ва эсдалик совғалари билан тақдирландилар.