"Farida Afro‘z"

Ichingga
dunyolar choʻkkani sayin,
Yelkalaring ogʻir, qoʻllaring ogʻir...
Qadamlar ogʻirdir, alamlar ogʻir,
Xatarlar ogʻirdir, xabarlar ogʻir...

Ichingga
in qursa ayriliq qushi,
Bahorlar ogʻirdir, chamanlar ogʻir...
Xijrondan har chechak qovjirab tursa,
Vodiylar ogʻirdir, vohalar ogʻir...

Ichingda
oʻzingni yoʻqotib qoʻysang,
Joningni topmasang izlab, izillab.
Isming ham xattoki, tanimay tursa,
Jismlar ogʻirdir, ilmlar ogʻir...

Ichingda
bir qizcha tursa jilmayib,
Yillar oʻtaversa unga qaramay.
Qarishlar ogʻirdir, qargʻishlar ogʻir,
Sevishlar ogʻirdir, sevilish ogʻir..!

✍ Farida Afroʻz

@qaylardasanmendekoylovchi

Bizni sog‘inganlar omon bo‘lsinlar,
Bizni unutganni unutmoq kerak,
Mayli fe’limizni yomon desinlar,
Bizni kutmaganni kutmoq ne kerak.

Bizni sog‘inganga tilaymiz to‘zim
Va bir tong yelarmiz shabboda bo‘lib
Tomog‘imda bo‘zim tirnoqda bo‘zim
Dardlar ham sitilgay bir kurtak bo‘lib.

Bizni unutganni unutdik biz ham
Garchi xohlasakda kelmas xushlarga
Hatto ko‘z gavhari bo‘lolmas malham
Yetti uxlasakda kirmas tushlarga.

Unutmoq matonat,unutmoq azob
Xotira umidlar jangida talash.
Faqat bizga baxtdir bizga iztirob
Bizga ichikkanga ichikib yashash.

✍ Farida Afroʻz

@farida_afruz

Dunyoda hech narsa bejiz boʻlmagay,
Bejizga sendan ham qolmagan koʻnglim!..

@farida_afruz

Dunyoda hech narsa bejiz boʻlmagay,
Bejizga sendan ham qolmagan koʻnglim.
Yoʻllarning oxiri tugangan misol,
Tugab bitdi,
axir,
daryoday mehrim.

Sababsiz sabablar sodir boʻlmaydi,
Axir besababmas, ayriliq, hijron.
Bir tomchi yosh kelmas, koʻzlaringga nam,
Kuning bitmasa
gar,
uzilmaydi jon.

Sharaflar, olqishlar, unvon, mukofot,
Kimlardir sen uchun boʻlgandir fido.
Har qilmish sababi, oʻzingsan, oʻzing,
Kimsan, bugun
sen,
shohmisan, gado?!

Boshing koʻkka yetsa, sababchisi bor,
Oʻzaging, ildizing, tomiring, beshik.
Yerning ostidasan yoki osmonda,
Demak, feʼling
sabab, niyating, beshak.

Bas, shunday, sababning sababin axtar,
Oʻyla, izla, top, qilgin, taffakkur.
Sababchiga sabab top, huzuriga chop,
Taʼzim qil,
ehtirom, ibodat, shukur.

✍Farida Afroʻz

Mening,sening dardimizsiz ham,
Tonglar otar,quyoshlar botar.

@farida_afruz

* * *

Nega jimsan, nega darak yo‘q,
Xat tashuvchi kabutar qani?
Uzoqdirsan, kiprigimdan ham,
Chak-chak oqar sochlarim qoni.

Xiyonatga to‘yganmas dunyo,
U ajdardir, yamlamay yutar.
Mening, sening dardimizsiz ham,
Tonglar otar, quyoshlar botar.

Endi bizga sinovlar bekor,
Tog‘ bo‘lsa ham nuraydi toqat.
Yolg‘oningga ishontir meni,
Ne desang ham jim turma, faqat.

©️Farida Afroʻz
@farida_afruz

* * *

Bir talpinsam sizga yetaman,
Bir zarb bilan eshik ochilur.
Ammo, nechun tashlab ketaman,
Sizni desam yurak sochilur.

Bir talpinsam, baxtni quchasiz,
Bir xo‘rsinsam qaytar daryolar.
Ammo nechun,daryo bo‘lolmam,
Umr o‘tar, o‘tar dunyolar.

Bir talpinsam, olam guliston,
Bir shahd bilan gina to‘kilur.
Ammo nechun,sirtmoqdir alam,
Oyog‘imga kishandir g‘urur.

Bir talpinsam, menikidirsiz,
O‘zim ekib, o‘zim o‘rganim.
Bu shabiston qismatlar aro,
Ko‘zim ochib, ko‘zim ko‘rganim.

Bir talpinsam, yurak ham to‘xtar,
Qumga singar, umr to‘lqini.
Odam bo‘lib, odam bo‘lmadik,
Uchrasharmiz ruh bo‘lgan kuni.

©️Farida Afroʻz
@farida_afruz

Endi kelma,
men yig‘lab bo‘ldim,
Ko‘z yoshlarim bir daryo bo‘ldi.
Bu daryodan o‘tolmaysan, sen,
Gunohlaring bir dunyo bo‘ldi.

Endi ko‘ndim,
qaytmayman, aslo,
Men yashayman, mag‘rur egmay bosh.
Eslamayman, unutmog‘im rost,
Zamin to‘xtab, so‘nguncha quyosh.

Endi shunday
yashamoq huzur,
Nafrat, g‘azab, intiqomlarsiz.
Isyon, o‘kinch ko‘ngilni tilmas,
Tonglar otar, taloto‘plarsiz.

Endi faqat
bir yumush qoldi,
Bu xo‘rlikni baxt deb bilmoqlik.
Seni sevgan o‘sha yurakni,
Tilka, tilka, tilka qilmoqlik!

✍️Farida Afroʻz

@farida_afruz

Bir ishq bo'lsa,
Ko'ksing tilsa,
Yuraging kaftingda tutolsang unga.
Olib keta olsang jon chiqar qadar,
Oyga o'yib bersang ismimni tunga.
Bir ishq bo'lsa
Ko'ksingni tilsang...

Bir tun bo'lsa,
Tugalmas, yaldo,
She'rlar bitib olsang, beto'lg'oq, besas,
Sukunat kuy chalsa,
Kuylasa masrur.
Jimgina tinglasang, Ololmasdan nafas...
Bir tun bo'lsa,
Tuganmas yaldo...

Bir oh bo'lsa,
Bir otashnafas,
Kuyib bitsa bari dardu alaming.
Nay bo'lib chalinsang qayta va qayta,
Ohangga ko'milsa dilxun olaming.
Bir oh bo'lsa,
Bir otashnafas...

Bir so'z desa,
Yashaging kelsa,
Dunyoni qaytadan kashf etsang nogoh,
Birdan odamliging esingdan chiqsa,
Nurga singib ketsang, topilsa panoh...
Bir so'z desa,
Yashaging kelsa...

✍Farida Afro'z

@farida_afruz

Bilsang edi
ketmas eding
bir qadam ham
sochlarimning soyasidan.
Bilsang edi
topar edik
hatto qorning
qalovin ham.
Bilsang edi
o'tar edik
bu tog'larning
bu tig'larning orasidan.
Bilsang edi
berar edik
Munkarnakir
savoliga javobni ham.
So'ngra...
So'ngra...
Ketar edik
sochlarimdek tun oralab.
Ketar edik bu dunyoni
boshdan adoq
ovvoralab...

© Farida Afruz

@farida_afruz

Jismingi kiyib ketasan nochor...
Ammo, qaytib kelar darhol yonimga,
Menga o'rgangan ko'ngling.

© Farida Afruz

@farida_afruz

@farida_afruz

🎧 Mulkijahon

Oson o'lmoq telbalik biroq...
Men sevgan yor Otabek emas..!

@farida_afruz

***
– Хайр, – дединг ва кузатдим жим,
– Кўришгунча чидарми, юрак?
Хижрон бизни ҳалинчак қилди,
Яна
ўзи
тебратса,
керак.
 

– Хайр, – дедим, жимгина қолдинг,
– Кўришгунча чидарми, юрак?… Дунёсини англадик, етдик,
Яшаш
учун
соғинмоқ
керак!…

Фарида Афруз

@farida_afruz

А Ё Л

Эй, Аёл!
Самовий сирлар ошёни,
Сен ишқ тимсолисан, номусу орсан.
Гоҳи гул, гоҳи нур тўла дунёни,
Яшнатмоқ ўйида мангу бедорсан.
Эй, Аёл!
Юлдузлар нури сендандир,
Сендандир қуёшнинг ўтлуғ сиймоси.
Сен ҳаёт аталмиш беназир неъмат,
Сен олам ва одам наслин бақоси!
Эй, Аёл!
Юзингда икки оламга
Боргувчи йўлларнинг ойдин нурлари.
Сен билан бошланар умр, ибтидо,
Сен билан бошланар олам йўллари.
Эй, Аёл!
Уммонлар қаъри меҳрингдан,
Абадий муҳаббат рамзидир олий.
Сен дунё меҳвари, сен Арши Аъло,
Сен нури Худосан, поксан самовий.
Эй, Аёл!
Латофат боғин чечаги,
Адоқсиз ҳайратнинг жумбоқ, сирисан.
Эҳтимол, сумбулсан, балки наргизсан,
Булбулсан, гулшанда гўё қумрисан.
Эй, Аёл!
Осмонлар қомати пастдир,
Сен агар қаддингни кўтарсанг шамшод.
Сен балки фалакка интилган ёғду,
Ё уфқ нуридай боқий, барҳаёт.
Эй, Аёл!
Беҳиштнинг райҳон бўйлари,
Думоғинг эркалаб оқмиш заминга.
Одамзод ўзини одам санамиш
Дуч келгач илоҳий ишқинг - ғамингга.
Эй, Аёл!
Фитратинг чўғдир, оловдир
Эй, меҳр меҳвари, мўъжиза ҳилқат!
Кафтингда дунёлар гўдакдай кулсин,
Сен фақат бор бўлгин, Ёр бўлгин фақат!

✍Фарида АФРЎЗ

@farida_afruz

Сиз менинг кўнглимни тош деманг,
У шўрлик жимгина йиғлайди.
Кулгимга ишониб қуёш деманг,
Ёлғизлик шомида музлайди.

Сиз менинг қаддимни дол деманг,
Шамоллар қаҳридан ўртанган.
Эгилган, синиши нақд, деманг,
Талотўп базмига ўрганган.

Сиз менинг ишқимда ўлмайсиз,
Мен ҳам бепарводай яшайман.
Шундайин дейману чидолмам,
Жонимни аламга тўшайман.

Сиз мени одам деб ўйламанг,
Одамзод бундайин кун кўрмас.
Яккалик Худога зийнатдир,
Бу зийнат бизга ҳеч ярашмас.

✍Фарида Афрўз

@farida_afruz

***
Кеча жуда бахтли эдим,
Нима бўлди, менга бугун?
Кеча сочим дарё эди,
Бугун эса дилдай тугун?!

Кеча осмон, осмон эди,
Бугун эса ёмғир, булут.
Кеча умр, умр эди,
Бугун эса тушдай унут.

Кеча кўнгил бутун эди,
Бугун чил-чил бўлди ногоҳ.
Наҳот, бир сўз қилич бўлди,
Яшамоққа йўқдир, паноҳ.

Кеча мен ҳам тирик эдим,
Бугун эса бир ҳарсанг тош.
Одам эдим, одам эдим,
Бугун ёниб бўлдим қуёш!

✍Фарида Афрўз

@farida_afruz

Sen unchalar badbaxt emassan,
Tanimaysan,
Baxtingni xolos!

@farida_afruz

Men ketaman...
Kuzatasan jim...
Ortda gumbirlaydi yuraging darzi.

@farida_afruz

🎧 Mulkijahon (Maftuna Abdullayeva)
✍ Farida Afro'z

@farida_afruz