എഴുത്ത്കുത്ത്

ഞാൻ കൊരുത്ത മാലയിൽ
നീയുമ്മ വെച്ച നാളുകൾ

ഞാൻ നൽകിയ കരിവളകൾ കിലുക്കി കാണിച്ച ഇന്നലെകൾ

കൊലുസിൻ ചെത്തം മെല്ലെയാക്കി പമ്മി വന്ന രാവുകൾ
വഴിയരുകിൽ കാത്തുനിന്ന മഞ്ഞു പെയ്ത പുലരികൾ
പാടെ മാഞ്ഞു പോയില്ല
ഇനിയും മറവി എടുത്തില്ല ..

വിരലുകോർത്തു നടന്നു നീങ്ങിയ.പാടവരമ്പുകൾ പുറകിലുണ്ട് ....

വെയിൽ മറച്ചു കൂട്ടുനിന്ന ഇടവഴികൾ ഇന്നുമവിടെയുണ്ട് ..

നടവഴിയിൽ പൂത്തുനിന്ന മൈലാഞ്ചി കാടുകൾ ..

വഴിയരികിൽ കളിയാക്കി
ചിരിച്ചു കാട്ടിയ ചില മുഖങ്ങൾ

നമുക്കായി കൂട്ടുവന്ന കുളിരുള്ള
കാറ്റുകൾ

നാണിച്ച മിഴിയത്രയും തെളിച്ചുകാട്ടിയ പൂനിലാവ്

ഒന്നെന്നു വരച്ചുകാട്ടിയ നമ്മുടെ
നിഴലും

ആദ്യമായി ഞാൻ നൽകിയ
ചൂടുള്ള ചുംബനവും

പാടെ മരിച്ചിട്ടും
ഞാനെന്ന ജീവനിൽ നീ
പാതിപോലും മരിച്ചില്ല ..

__ മുല്ല ==

ഏകാന്തതയിലേക്കൊരുങ്ങുമ്പോൾ

ചിരി മുട്ടിയ ജാലകമെല്ലാം
ഞാനാദ്യം കൊട്ടിയടച്ചു ...
വഴിവക്കിലെ കാഴ്ച്ചകളൊക്കെ
ഇരുളാലെ മൂടിമറച്ചു ...

തണലേകിയ പൂമരമെല്ലാം
ഞാനിന്ന് വെട്ടി മുറിച്ചു ..
തണുപ്പേകിയ മഴമുത്തുകളെ
ഇറകെട്ടി തടഞ്ഞു നിറുത്തി ..

കെട്ടിവെച്ച ചരടുകളെല്ലാം
പൊട്ടിച്ചുദൂരെയെറിഞ്ഞു
കൂട്ടുകൂടിയ കൂട്ടവുമാകെ
കുടഞ്ഞെറിഞ്ഞു ദൂരെകളഞ്ഞു

കയറൂരിയ ചിന്തകളെല്ലാം
കയറിട്ടു കെട്ടിമുറുക്കി
ഓർമ്മയിലെ ഓളങ്ങളെ
തടകെട്ടി തടഞ്ഞു വെച്ചു ...

പണ്ടെങ്ങോ ഉള്ളൊരു പ്രണയം
പാടെ ഞാനും മറക്കാനൊരുങ്ങി
പിന്നെയും വന്നവരെയാകെ
മറന്നെന്നു പറഞ്ഞു പഠിച്ചു ..

സ്വന്തമെന്ന വാക്കിന്നർത്ഥം
അറിയാതെയായി നടിച്ചു
ബന്ധമെന്ന ബന്ധനമെല്ലാം

മറ്റാരോ എന്നു പതിച്ചു ...

ആദ്യമാദ്യം നിന്നെ ഞാനും
അകലേക്ക് നീക്കി വെച്ചു
പിന്നെ ഞാനെന്നിലുള്ള എന്നെ
തന്നെ കൊന്നു ചിരിച്ചു ...

കള്ളങ്ങൾ കണ്ടു മടുത്തു
കപടതയുടെ രൂപമറിഞ്ഞു
സ്നേഹത്തിൻ വിലകൾ കേട്ടു
മുഖമൂടികൾ പലതും കണ്ടു ..

എനിക്കൊന്നു തനിയെ
പോണം
തനിച്ചെന്നു പറഞ്ഞു
പഠിക്കണം ..

_ മുല്ല. __

ഇല്ലാ കാലം


ചോരാത്ത മേൽക്കൂര കാണാൻകൊതിച്ചന്ന്
പട്ടിണിമാറിയില്ലെന്നുമ്മ പറഞ്ഞത്രേ ..

കരുമ്പുള്ളിയില്ലാത്ത കുപ്പായം ചോദിച്ചാൽ
സക്കാത്ത് കിട്ടട്ടെ വാങ്ങാമെന്നത്രേ ...

പാലില്ലാ ചായയിൽ ഇത്തിരി മധുരമേ ഞാനന്ന് കൊതിയോടെ ചോദിച്ചുള്ളൂ ..
ജഡകെട്ടിയ മുടിയില് എണ്ണയൊന്ന്കോതുവാൻ കായില്ല കയ്യില് മറുപടിയത്രേ..

ഇത്തിരി കോയി കൂട്ടിയതന്ന് മൊയ്‌ലേര് കഴിച്ച
ബാക്കിയിൽ നിന്നത്രേ ..

പയഞ്ചോറ് അല്ലാത്ത പ്രാതല് കണ്ടത് പെരുന്നാള് വന്ന അന്നത്രേ

പുളിച്ചാറ് കൂട്ടിമടുത്തെന്നു പറഞ്ഞപ്പോ പാതയോരത്ത്  പുളിമാത്രേ വീഴുന്നുള്ളത്രേ ...

വയറു നിറഞ്ഞൊരിക്കൽ ഏമ്പക്കം വന്നത്
അനാഥാലയത്തിന് ഉള്ളിൽ നിന്നത്രേ

നാലുചുമരിന്നുള്ളിൽ വിങ്ങിപൊട്ടുമ്പോഴും വിശപ്പിന്ന് ശമനം ഉണ്ടായിരുന്നത്രേ ...

കണ്ണീര് തോരാത്ത രാവുകളിൽ ഉമ്മച്ചിയുറങ്ങിയെന്നു കള്ളം പറഞ്ഞതെത്ര ..

എന്നിട്ടും സ്നേഹത്തിൻ വാരിപ്പുണരലുകൾ ആവോളം നുകർന്നത് സത്യമത്രേ ...

കാലം കഴിഞ്ഞിട്ടും ഓർമ്മയിൽ നോവുന്ന ആകാലം ഞാനിന്നും കൊതിക്കുന്നത്രേ ..

_മുല്ല__

മരണമേ ...

നിന്നിലേക്ക് വന്നൊരു
കഥയുണ്ടെന്നിൽ
കാരണവും ....

എന്റെ ചിന്തകൾ
തിരച്ചിലായിരുന്നു ..

എന്റെ മോഹങ്ങൾ
കടിഞ്ഞാണില്ലാത്തതായിരുന്നു

എന്റെ സഞ്ചാരപാത
കാരണങ്ങളായിരുന്നു.

എന്റെ കാലുകൾ
വാക്കുകളായിരുന്നു.

അവിടെ ഞാനറിയാതെ
എന്നെത്തന്നെ നടത്തുകയായിരുന്നു ...

പാതയവസാനിക്കുമ്പോൾ
ഇടയ്ക്കെല്ലാം
കാലുകൾക്കൊരിടർച്ചയാണ്..

തളർന്നു തുടങ്ങിയടുത്തു
നിന്നാണ് കണ്ണുകൾ ആകാശം കണ്ടത് ,
നക്ഷത്രങ്ങളെ കണ്ടത് ...

കണ്ണുകൾ
എത്ര സുന്ദരമാണെന്ന്
ഞാനപ്പോഴറിയും.

പിന്നെ നീ വിളിക്കാതെ
നിന്റെ യാത്രയിൽ
നിനക്കായൊരു
കണ്ണിയായി ഞാൻ...

പിന്നെയെപ്പോഴോ
ഒന്നായി തീർന്നു ...

ലോകം
കലഹിക്കുമ്പോഴും
കെട്ടിപ്പുണരാൻ
നമുക്കുമാത്രമാകുന്നതെങ്ങനെ....

__മുല്ല__

പ്രവാസിയവൾ

പെണ്ണിനെ ചൊല്ലുമ്പോൾ പാപങ്ങൾ എണ്ണുന്ന കണ്ണുകൾ കാണാത്ത പെണ്ണുടലുണ്ട്

നോവുകൾ ഊറിട്ട് കറകൊണ്ട പുഞ്ചിരി
നെഞ്ചിൽ നിറച്ച പെണ്ണുമുണ്ട്

പൊള്ളുന്ന മനസ്സിനെ പടിവാതിലിൽ കുത്തിവച്ചു കടല് കടന്ന പെണ്ണുമുണ്ട്

മോഹങ്ങൾ മണ്ണിട്ട ഒരുപിടി മണ്ണുമായി ചാരമായി
തീരുന്ന പെണ്ണുമുണ്ട്

സ്വപനങ്ങളൊക്കെയും മരണം രുചിച്ചപ്പോൾ സ്വപ്നങ്ങൾ പെറുക്കാൻ കടല് കടന്ന പെണ്ണുമുണ്ട്

നിലവിളക്കെന്നവർ ചൊല്ലി പറഞ്ഞിട്ടും നിലവിളി
കേൾക്കാതെ കടൽ കടക്കേണ്ടി വന്നവൾ

പാൽമണം വറ്റാത്ത മാറിടം പൊത്തി മറുകര നീന്തിയ പെണ്ണവൾ

നീര് വറ്റിച്ച ഉടലും ചുമന്ന് കുടുംബ ഭാന്ധം ചുമക്കുന്ന പ്രവാസി പെണ്ണവൾ

__മുല്ല__

നീയെന്റെയാകാശമാവുക
ഞാനൊരു നിലാവായുദിക്കാം ..

നീയൊരു
കടലായിപരിണമിക്കുമെങ്കിൽ
നിന്നിലലയാകുന്നൊരു മേൽതട്ടാവാം ഞാൻ

നീയെന്റെ പകലും രാത്രിയുമാവുക
വേനലും മഴയുമായി ഞാനവിടെ
ചേർന്നിരിക്കാം ..

നീയെന്റെ മുഖവും മുഖചിത്രവുമാവുമെങ്കിൽ നിന്റെ ചിരിയും തൂമന്ദഹാസവും ഞാനായിരിക്കും

നിന്റെ വരികൾക്കിടയിലെ വാക്കും വരകളുമായൊരവകാശിയാവാം ഞാൻ

നിന്റെ കനവുകളിൽ കുറുകിക്കൂട്ടിരിക്കുന്നൊരു നിലാപക്ഷിയായി പറന്നെത്താം ഞാൻ

അണഞ്ഞുപോവാത്തൊരു സ്നേഹത്തിന്റെ തിരി നിന്റെഹൃദയത്തിൽ കൊളുത്തിവെക്കുമെങ്കിലാ ഹൃദയത്തിന്റെ കാവൽകാരനാവാം ഞാൻ ..

_മുല്ല_

പ്രവാസിയെന്ന വിരുന്നുകാരൻ

എത്ര ചിരികൾക്കിടയിലേക്കാണവൻ നടന്നുകയറുന്നത് ...
എത്ര സന്തോഷങ്ങളെ മുളപ്പിച്ചാണവൻ
ചെന്നെത്തുന്നത്
വരിഞ്ഞുകേട്ടിയ ഭാണ്ഡങ്ങളിൽ നിറയെ
സന്തോഷങ്ങളും ആഹ്ലാദങ്ങളുമായിരുന്നു

ഉമ്മറപ്പടിയിൽ കാത്തിരിക്കുന്ന ചിരിമുഖങ്ങളും നാണത്തിന്റെ മിഴികളും കണ്ടുകൊണ്ടാണോരോ പ്രവാസിയും കയറിച്ചെല്ലുന്നത്

ഉമ്മയുടെ ചുംബനത്തിനെത്ര വാത്സല്യം
ഭാര്യയുടെ ചുംബനതെത്ര പ്രണയം
മക്കളോ സ്നേഹത്തിന്റെ ഉമ്മകൾ വാരിച്ചൊരിയുന്നു ...
പിന്നെയവിടം ഉത്സവത്തിന്റെ പ്രതീതി ..

വിരുന്നുകഴിഞ്ഞു മടങ്ങുമ്പോഴൊത്തിരി നെടുവീർപ്പുകളെ പിന്നേയും
ചുമന്നുകൊണ്ടാണവൻ പടിയിറങ്ങുന്നത് ..

പോവല്ലേയെന്നു പറയാതെ പറയുന്ന മിഴികൾ പുറകിലേക്ക് വലിച്ചെടുപ്പിക്കുന്നത് കണ്ടുകൊണ്ടാണവൻ ചിരിവരുത്തി
നടന്നകലുന്നത് ...

നിറഞ്ഞ ഒരുപിടി കണ്ണുകൾ വഴിയാത്രയാക്കുമ്പോഴൊക്കെയും ഉള്ള് പിടയുന്നുണ്ടാവും ...

എന്നിട്ടും അവൻ യാത്രയാവുന്നു
ഒരിക്കലും വാരികൂട്ടാനാവിലെന്നറിഞ്ഞും
ഏതോ പ്രതീക്ഷയിൽ ഒരുപിടി കാക്കപൊന്ന് തേടിയിറങ്ങുന്നു ...

_മുല്ല_

ഇഷ്ടങ്ങൾ എത്രവിധമുണ്ട് ?

ഒരുപാടുണ്ടെന്നു പറയാമ്പോഴും
അറിയില്ല എന്നതായിരിക്കും
യാഥാർഥ്യം

നഷ്ടപ്പെടാത്തതൊക്കെ
ഇഷ്ടത്തിലുള്ളതാണെങ്കിലും
കഷ്ടപ്പെട്ടു ഇഷ്ടപ്പെട്ട പലതും
നഷ്ടപ്പെട്ടതുമാണ്

നമ്മിലേക്ക് വന്നതും ,
നാം തേടിയതും , കണ്ടുമുട്ടിയതും
ഇനിയും കണ്ടുമുട്ടാൻ ബാക്കിയുള്ളതുമായ ചിലത്
ഇഷ്ടങ്ങളിൽ പെട്ടതാണ് ..

നാം നഷ്ടപ്പെടുത്തിയ ചിലത്
നാം കഷ്ടപ്പെടുത്തിയ ചിലത്
നമ്മിൽ ശിഷ്ടമുള്ള ചിലത്
എല്ലാം നാം ഇഷ്ടപ്പെട്ടതോ
നമ്മെ ഇഷ്ടപ്പെട്ടതോ ആയവയാണ്

നീ എന്നൊരു വാക്കിലേക്കും
ചിലപ്പോൾ ഇഷ്ടത്തെ ഒതുക്കി വെക്കാറുണ്ട് ...

അവിടെയും പൂർണ്ണമല്ലാത്ത വാക്കിന്റെ
ബാക്കി തേടി നമുക്ക് ഇഷ്ടം പറയാം ...


ശുഭദിനം

__മുല്ല__

Happy birthday to the co founder.. Of this channel

Telegram motham psychotharam kond famous

Rowdy babykkk... 😁

Enteyum ee channelinteyum vaka orayiram janmidinashamskal...

Happy 80th birthday

ലഹരി

അത്രമേൽ പ്രണയം തോന്നിയോരാളുടെ
ശ്വാസത്തിലേക്ക് നമ്മെ ചേർത്തുവെക്കാൻ കൊതിക്കാറുണ്ട്

വിയർപ്പിന്റെ ഗന്ധത്തിലേക്കും
നനവിലേക്കും ഇഴകിച്ചേരാനും
അലിഞ്ഞില്ലാതാകാനും വെമ്പൽകൊള്ളാറുണ്ട്

ആ മാറിലെ മറുക് ആവാൻ കഴിഞ്ഞിരുന്നെങ്കിലെന്ന് കൊതിച്ചു
പോകുന്ന ഒരു ഭാവത്തിലേക്ക്
എന്നെത്തന്നെ മാറ്റിയെടുക്കാറുണ്ട്

ഉടലാഴങ്ങളിലേക്ക് ഊളിയിട്ടു
വരണ്ട മോഹത്തിന്റെ ദാഹം
അകറ്റിയെടുക്കാൻ പിടയുന്ന
ഹൃദയമായി മാറാറുണ്ട്

വെയിൽ പൂക്കുന്ന സിരയിലെ
നീലഞെരമ്പുകളിൽ ലാവാപ്രവാഹം
ഉദീപവിക്കുമ്പോൾ നനുത്ത മഞ്ഞിനെ
തേടി അലയാറുണ്ട്

ഒടുവിലാകാൽ വിരുലുകളിൽ
ചുംബിക്കുന്നൊരു ചിത്രശാലഭമായി
മാറാൻ കൊതിക്കാറുണ്ട് .

_മുല്ല_

കൊതിയോടെ ഞാനുമ്മവെച്ച
നിന്റെ മൈലാഞ്ചി കാലുകളിൽ
ഒരു മഴത്തുള്ളിവന്നുമ്മവെക്കാൻ
കൊതിച്ചപ്പോഴെന്നുള്ളം തികട്ടിവന്നതേത്
കുശുമ്പിന്റെ പേരിലാണെന്നറിയില്ല ...

നീ കാൽവെള്ള പതിപ്പിച്ച മണ്ണിടങ്ങളിൽ
പോലും ഞാൻ തൊട്ടുവെച്ച പ്രണയത്തിന്റെ
മർമ്മരമേറ്റു ഭൂമിയിന്നലെ കളിയാക്കി
ചിരിച്ചപ്പോഴാണത്രേ ആ മൈലാഞ്ചി
കാലിൽ ഉമ്മവെക്കാൻ ആകാശം
മഴത്തുള്ളിയെ പറഞ്ഞയച്ചത് ..

എന്നെ കോർത്തെടുത്ത നിന്റെ
കാൽവിരൽ തുമ്പും ഹൃദയത്തിൽ
ഉമ്മവെച്ചു കാൽപാദവും പിന്നെ
തലോടിയും നനുത്ത രോമങ്ങളും
മോഹിപ്പിച്ചു വരിഞ്ഞുമുറുക്കിയ
ആ മൈലാഞ്ചി ചന്തവും പെണ്ണേ
പ്രണയത്തിന്റെ നീരാവി വമിപ്പിക്കുന്നെന്റെ
ചിന്തകളിൽ ..


_മുല്ല_

Ee channel nte പൊന്നോമന owner @thedevilreturns to my dearest frnd mammuuuu




Wish you many many happy returns of the dayy..... 💞💞💞💞💞💞💞💞💞💞💞




Love you so much💞

Happy birthday🍭🎂🍰

വിരഹം

ഇനിയൊന്ന് ചേരില്ല
നാം രണ്ടു ഉടലുകൾ ..
ഒരേ മൊഴികൾ മൊഴിയില്ല
ഇരു ഹൃദയങ്ങൾ ..

അർത്ഥവ്യത്യാസങ്ങൾ
മിണ്ടിതുടങ്ങുന്നു ..
മൗനമെപ്പോഴും
ഇടയിൽ ചേരുന്നു ...

ചിന്തകൾ ചേരില്ല
പല വഴികൾ തീർക്കുന്നു,..
ചന്തങ്ങൾ ചാർത്തില്ല
ഇഷ്ടക്കേടുകൾ നിറക്കുന്നു ..

അന്നെന്നും ചൊല്ലിയതും
പിന്നെ പറഞ്ഞതുമിഷ്ടം
ഇന്ന് പറയുന്നതോ
എന്തെന്നറിയാത്തതും കഷ്ടം

കൊഴിയുന്ന ഇലകൾ
ഉണങ്ങുന്ന ചില്ലകൾ
അടരുന്നു വേരുകൾ
ചതി നിറച്ച പ്രണയങ്ങൾ ..

വാക്കുകൾ മുത്തുകൾ
നോക്കുകൾ താരകങ്ങൾ
കാലം കഴിയുമ്പോളൊക്കെയും
കള്ളങ്ങൾ

കിനാവുകളൊക്കെയും
കത്തിക്കൊണ്ടിരിക്കുന്നു ..
നാം നടന്ന വഴികളിൽ
കാൽവെള്ള പൊള്ളുന്നു.....

പാടെ മരിക്കാതെ ഒരു
മെഴുകുതിരി കാത്തുനിന്നു ...
നീ പടർത്തിയ തീയിൽ
ഞാനോ എരിയുന്ന ...

__ മുല്ല __

ഞാൻ

ഇടക്ക് കയറിവന്നു
മുട്ടിവിളിക്കാനൊരിടം

എത്തിനോക്കി
പോവുന്നവർക്ക്

ചിരിക്കാണാനൊരിടം

ആരുമല്ലെന്നു പറയുന്നവർക്ക്
തിരിഞ്ഞു നടക്കാനൊരിടം

ആയിരുന്നെന്ന്
പറയുന്നവർക്ക്
കേൾക്കാനൊരു രസം

എറിഞ്ഞു വീഴ്ത്താനൊരു
മാവും
പറഞ്ഞു തീർക്കാനൊരു
കഥയും
ഒളിച്ചുവെക്കാനൊരു
സത്യവും
കൂടെ ചുമക്കാനൊരു
കള്ളവും
തലയിൽ ചൂടാനൊരു
ഭാരവും
ഇറക്കിവെക്കാനൊരു
നേരമ്പോക്കും
എഴുതിവെക്കാനൊരു
ഒറ്റവരി കവിതയും

മറന്നുവെക്കാൻ
അത്യാവശ്യമല്ലാത്തൊരു
ആവശ്യവും ,

മറക്കാതിരിക്കാ
നൊരനാവശ്യവും മാവുന്നു
ഞാൻ ....

_ മുല്ല ____

ഞാനോർത്തു പോണേടീ
അന്നൊരു നാൾ

ആദ്യമായ് നമ്മള് കണ്ടൊരു
നാൾ

പുഞ്ചിരി തന്നു നീ പോയ ആ നാൾ
നിന്റെ മൊഞ്ചില് മയങ്ങി
ഞാൻ വീണ നാൾ

കൊഞ്ചലു കൈമാറി
അന്നെത്ര നാൾ
തഞ്ചത്തിൽ നെഞ്ചിൽ
നിറച്ച ആ നാൾ

ചൊല്ലി വിളിക്കുവാൻ
ഇല്ലൊരു പേരും
ചൊല്ലി വിളിച്ചു ഞാൻ
നല്ലൊരു പേരും

മുല്ലപ്പൂ ചൂടിയ പെണ്ണൊരുത്തി
നിന്നെ
മുല്ലയെന്നു ഞാന്
ഉറക്കെ വിളിച്ചു

ഇഷ്ടങ്ങൾ തമ്മില്
കൈമാറീട്ട്
പ്രണയത്തിൻ പൂത്തിരി
കത്തിച്ചില്ലേ

നാണത്താൽ നിൻ കവിൾ
തുടുത്ത ആ നാൾ
മോഹത്താൽ മിഴികള്
മാടി വിളിച്ചൊരു നാൾ

ഇടം നെഞ്ചിൽ നിൻ മുഖം
ചേർത്തു വെച്ചു
നെറുകയിൽ ഞാനൊന്ന്
ചുംബിച്ച നാൾ

ഓർമ്മയിലങ്ങിനെ
തെളിയുന്നെടി
എന്റെ സിരയിൽ ഇന്നുമത്
പൂക്കുന്നെടി

പിന്നെത്ര കാലം
നാം ഒന്നായെടി
ഒറ്റ ഉടലായി ജീവിച്ചെടി

ഉടലിന്റെ ആഴങ്ങളിൽ
ഉമ്മവെച്ച
ആ നാളുകൾ ഓർത്തു
കണ്ണ് നനയുന്നെടി
ചുണ്ടിൽ ചിരി വിരിയുന്നെടി

മധുരിച്ച ഉമ്മകൾ
മടുത്തതെപ്പോ
പ്രണയത്തിൽ കയ്പ്പുകൾ
നിറഞ്ഞതപ്പോ

കള്ളം നിറച്ചൊരു ചിരി
നിന്നിൽ കൊണ്ടൊരു നാൾ
കണ്ണ് തുറക്കാതെ കരഞ്ഞു
ഞാനാ നാൾ

ചതിയുടെ മണം പേറി
നീ വന്ന ആ നാൾ
നമുക്കിടയിലെ അവസാന
നാൾ

ഓർമ്മയിലിന്നും കാണുന്നു
ഞാനാ നാൾ
ഓർക്കാൻ കൊതിക്കാത്ത
ആ നശിച്ച നാൾ ..

__ മുല്ല __

നനച്ച
മഴച്ചാറ്റലുകളിൽ നിന്ന് ..

തണുപ്പിച്ച
മഞ്ഞുകാലത്തിൽ നിന്ന് ..

മുക്കിയെടുത്ത
പെരുമഴക്കാലത്തിൽ നിന്ന് ..

കാത്തിരുത്തിയ ഇലതുമ്പിലെ
അവസാന തുള്ളിയിൽ നിന്ന് ..

ചൂണ്ടിക്കാണിച്ച
കാർമേഘകൂട്ടങ്ങളിൽ നിന്ന് ..

മുങ്ങിനിവർന്ന
ചതുപ്പ് വെള്ളകെട്ടിൽനിന്ന് ..

മോഹിപ്പിച്ച
രാത്രിമഴയിൽ നിന്ന് ..

ഉണക്കിയെടുക്കാൻ
ഒരു മരുഭൂമിയായി മാറേണ്ടിവന്നു ..

_ മുല്ല__

ഗെയ്‌സ് അങ്ങനെ വരികൾ പാട്ട് ആക്കിരിക്കുന്നു😁

ഞാൻ എഴുതിയ കഥയാണ് വായിക്കുമല്ലോ

https://www.manoramaonline.com/literature/your-creatives/2024/06/21/malayalam-literature-short-story-valappottukal.html
ഫെയ്സ്ബുക്ക് പരിചയം പ്രണയമായി, കാണാനായി കാത്തിരുന്നു; പക്ഷേ അത് സ്വപ്നങ്ങള്‍ തകർത്ത അവസാന യാത്രയായി മാറി

അന്ന് നൽകിയ
ചുംബനങ്ങളത്രയും
ചില്ലുകുപ്പിയിൽ
ഉപ്പിലിട്ടു വെച്ചിട്ടുണ്ട്...
ഏറെ നീറുന്ന നേരത്തിൽ
ഹൃദയത്തിന് തൊട്ടുകൂട്ടാൻ...

നീ നൽകിയ
ആലിംഗനങ്ങളൊക്കെയും
തേച്ചുമടക്കി വെച്ചിട്ടുണ്ട്
പനിചൂടിൽ
പുതച്ചുറങ്ങാൻ...

നീ പറഞ്ഞുപോയ
വാക്കുകളത്രയും
കോറിയിട്ടിട്ടുണ്ടെന്റെ
സിരയിൽ
ഭ്രാന്തമൂക്കുമ്പോഴെന്റെ
കവിതകൾക്ക്
വരികൾ തീർക്കാൻ...

ചിരിച്ചു പോയ
വഴികളൊക്കെയും
മറന്നുവെച്ചിട്ടുണ്ട്
ഒരിക്കൽ കൂടെ
തിരിഞ്ഞുനടക്കുമ്പോൾ
അടയാളം കാണാതിരിക്കാൻ...

മടങ്ങിവരാത്തൊരു
ഭൂതകാലത്തെ ചുമന്നു
നടക്കുന്നുണ്ട് ഞാൻ
മരണത്തിലും കൂടെ കൂട്ടാൻ...

-----മുല്ല -----

എത്രപേരെന്നെ
വായിച്ചിട്ടും
നീവായിച്ചപോലെയോ
വായിച്ചു മടക്കിവെച്ചത്
പോലെയോ അവർക്കാർക്കും
എന്നെ വായിക്കാനായിട്ടില്ല ..

പലരും
കടന്നുവന്നെന്നെ
ചിരിപ്പിച്ചിട്ടും നിനക്ക്
പകരമാവാനവർക്കാർക്കും
കഴിയുന്നില്ലല്ലോ ..

എത്രയെത്ര ചിരികൾ
എനിക്ക് ചുറ്റും വലയം
ചെയ്തിട്ടും കള്ളമല്ലാത്തൊരു
ചിരിയും കള്ളം കലർന്ന
ചിരിയും നിന്നോളം
നൽകാനവർക്കായിട്ടില്ല ..

ഏറെ വിഷയങ്ങളെന്നെ
ഇന്നും ഇടക്കൊക്കെ
നോവിക്കാറുണ്ടെങ്കിലും
നിന്നോളം ഇരു വിഷയത്തിനും
അത്രമേൽ നോവിക്കാനായിട്ടില്ല ..

എത്രയെത്ര മരണ വീടുകളിൽ
കയറിയിറങ്ങിയിട്ടും
നീയില്ലായ്മയിൽ മരണം
കൊണ്ടൊരു വീടിന്റെ ഗന്ധം
എനിക്കാസ്വദിക്കാനായിട്ടില്ല ..

ഇപ്പോഴും സ്നേഹങ്ങൾ
പലവിധം ഇവിടെ പല്ലിളിച്ചു
കാണിക്കുന്നുണ്ട് ..

__ മുല്ല. __

..

ഞാൻ നീയാകുമ്പോഴും നമ്മളാകുമ്പോഴും മാത്രമാണ് ലോകം പൂക്കുന്നത് ...

എന്നിലേക്ക് മാത്രമായൊരു പകർന്നാട്ടം നീ കൊതിക്കുമ്പോഴാണ് ആകാശം അരങ്ങു പണിയുന്നത് ...

ഞാനും നീയും നമ്മളായി അലിഞ്ഞുചേരുമ്പോഴാണ് ആഴി ആഹ്ലാദനൃത്തം ചവിട്ടുന്നത് ..

നിന്റെ മാറിലെ ചൂടിൽ ഞാൻ ചുംബിക്കുമ്പോഴാണ് എന്റെ നീലഞെരമ്പുകൾ ഉണരുന്നത് ..

നിന്റെ ഉള്ളാഴങ്ങളിലേക്ക് ഞാൻ ഇഴഞ്ഞിറങ്ങുമ്പോഴാണ് രക്തധമനികൾ പൊട്ടിചിതറുന്നത് ...

നമ്മുടെ പ്രണയം മരിക്കുമ്പോഴാണ് ലോകം അവസാനിക്കുന്നത് ...

_മുല്ല_

വന്നു പോവുന്നവർ

ഒരു മഴപോലെയാണ്
വരുകയും പോവുകയും
ചെയ്യുന്നവർ

ഓർത്തുവെക്കാൻ
ഇത്തിരി കുളിരും
നനഞ്ഞ രാത്രികളും
നൽകിയവർ

വാക്കുകളും നോക്കുകളും
കൊണ്ട് ഒരുപാട്
പറഞ്ഞും കരഞ്ഞും
പൊട്ടിച്ചിരിച്ചും
മടങ്ങിയവർ

തീഷ്ണ പ്രണയത്തിന്റെ
വിത്തുമുളപ്പിച്ചെടുത്തു
മുളയിലേ നുള്ളിയെടുത്തു
ചിരിച്ചു പോകുന്നവർ

ബന്ധങ്ങളുടെ കടക്കലേക്ക്
വെള്ളമൊഴിച്ചു മോഹിപ്പിച്ചു
പിന്നെയൊരു ഉഷ്ണത്തിലേക്ക്
വലിച്ചെറിഞ്ഞവർ

മോഹിച്ചവന്റെ അണ്ണാക്കിലേക്ക്
പൊള്ളുന്ന വാക്കുകൾ
ഒഴിച്ചുകൊടുത്തു ചിരിച്ചുകൊണ്ട്
നടന്നകന്നവർ അവർ ....

__മുല്ല_

എന്റെ സ്നേഹത്തിന്റെ
മണം അവൾ തന്നെയാണ് ....

ഇല്ലെന്നും അല്ലെന്നും
ഞാനും നിങ്ങളും പലവട്ടം
പറഞ്ഞിട്ടും വിട്ടുപോവാത്തൊരു
സുഗന്ധം ഇന്നും എന്നെ
പൊതിഞ്ഞു കിടക്കുന്നുണ്ട് ..

ദുഷിച്ച നാവിന്റെയും
വഴിപിഴച്ച ചിന്തകളുടെയും
അക്കരപച്ചതേടുന്ന മനസ്സിന്റെയും
ഏതോ ഋതുവിൽ പെട്ടു
പൊട്ടിയൊലിച്ചിട്ടും കെട്ടു പോയിട്ടും
കണ്ണടക്കുമ്പോഴൊക്കെ ഒരു
നിഴലായെങ്കിലും മുന്നിൽ
തെളിയുന്നുണ്ട് ...

നീ കത്തിച്ചു പോയ അഗ്നികുണ്ഡം
അണയാതെ നീറി നീറി
പൊള്ളിക്കുമ്പോഴും എന്നോ
നൽകിപോയ ചുംബനത്തിന്റെ
തന്നുപോയ സ്നേഹത്തിന്റെ
നീക്കിവെച്ച സമയത്തിന്റെ
ഇത്തിരി കുളിരിൽ തണൽ
കായുന്നുണ്ട് ...

രാത്രി ഉറക്കിലേക്കാണ് ഞാനിന്ന്
കടം തേടുന്നത്
ഇഴറി ഇഴഞ്ഞു പുലരിയെ
തേടുമ്പോൾ ഇടക്കൊക്കെ നീ ഇല്ലാത്ത
രാത്രി കൊതിക്കുന്നുണ്ട് ഞാൻ

ഒന്നുറങ്ങാൻ
എനിക്കെന്നെ തിരിച്ചെടുക്കാൻ

_മുല്ല_

എവിടെവെച്ചും കണ്ടുമുട്ടാത്തൊരു
മുഖമാണ് നാമിരുവരും ...

ഇനിയൊരിക്കലെങ്കിലും കണ്ടുമുട്ടുമെന്നുറപ്പില്ലാത്ത
മുഖങ്ങളാണ് നാം ...

കാലപ്പഴക്കത്തിന്റെ
അക്കങ്ങളില്ലാതെ എത്ര പെട്ടെന്നാണ്
നാമറിഞ്ഞു തുടങ്ങിയത് ..
പരസ്പരം പറഞ്ഞു തുടങ്ങിയത് ...

തുറന്ന മനസ്സിന്റെ ഉള്ളിലെവിടെയോ
നാമിരുവരും കാതോർത്തിരിക്കുന്നുണ്ടാവാം ...

ഇഷ്ടത്തിന്റെ കാറ്റും കോളും ചാറ്റൽ
മഴയായി ഭൂമിയെ തണുപ്പിക്കട്ടെ ....

അർത്ഥമില്ലാത്ത പിറവികളോ
കണ്ടുമുട്ടലുകളോ ഇല്ലെന്നിരിക്കെ
വിദൂരതയിലിരുന്നു വരികളിലൂടെ
ഞാൻ നിന്നെ പകർത്തിവെക്കാം ...
.

നിന്റെ വായനകളിൽ എന്നെ വരിതെറ്റാതെ
അറിഞ്ഞുതുടങ്ങുമെങ്കിൽ
ഇനിയുമൊരുപാട് പറയുവാൻ നമുക്കാവും...

മുറിഞ്ഞുപോവാത്തൊരു സ്നേഹം
നിലനിൽക്കും



__മുല്ല_:

പ്രതീക്ഷിക്കുക..!

പ്രതീക്ഷിച്ച പലതും നടക്കാതെ പോകുന്നതും..,
പുതിയ പല പ്രതീക്ഷകൾക്കുള്ള വഴിയാണ്..!🤗

ഉറങ്ങാൻ സമ്മതിക്കാത്ത ഉറക്കത്തിൽ നിന്നു വലിച്ചുണർത്തുന്ന നൊമ്പരങ്ങൾ ഉണ്ട് ചിലത്.... നഷ്ടപെട്ടെന്ന് പൂർണ ബോധ്യം ഉണ്ടെങ്കിലും പിന്നെയും പിന്നെയും ഓർമ്മകൾ കൊണ്ട് നെഞ്ചിൽ കുത്തി വരയുന്ന ചില ഓർമപ്പെടുത്തലുകൾ.... സ്വപ്ന ലോകത്തിൽ മാത്രം ഇനി എനിക്ക് സ്വന്തമാക്കാൻ പറ്റുന്ന ന്റെ സുന്ദരമായ ഓർമ്മകൾ..... ഞാൻ ഉറങ്ങിയാലും ന്റെ സ്വപ്നങ്ങളിൽ നിറഞ്ഞു നിൽക്കുന്ന മായാ ഗാനങ്ങൾ ... ഇനി അവിടെയും എന്നിൽ നിന്നു പറിച്ചെടുക്കാൻ ആണ് ഉദ്ദേശമെങ്കിൽ ആ ഉറക്കം അവസാനത്തേത് ആക്കി മാറ്റണം.. മണ്ണിനെ ഗമിച്ചു നിന്നിലേക്കന്നപോലെ കാറ്റായി ഗന്ധമായി പൂവായി മരമായി തഴച്ചു ഞാൻ പിന്നെയും സ്നേഹശ്രുക്കൾ തണലായി ഞാൻ പൊഴിച്ചിടാം

By💞Sha💞

നിന്നോട് മാത്രം

ഇടവഴിയിലെ വാകമരച്ചോട്ടിൽ നിന്നെയും കാത്തിരുന്ന നാളുകൾക്ക് ഇന്നും മധുരമൂറുന്ന ഓർമ്മകൾ തന്നെയായിരുന്നെന്നു നിനക്കാറിയാതെ പോകുന്നു ......

ചാറ്റൽ മഴയുടെ താളത്തിനൊപ്പം തുള്ളികളിച്ച മഴതുള്ളുകളെയും പുള്ളികുടക്കടിയിൽ പതുങ്ങി നിൽക്കുന്ന നിന്നെയും നോക്കി ഞാനാ വഴിയരികിലെ പീടികത്തിണ്ണയിൽ കാത്തിരുന്നതും നിനക്കോർമ്മയില്ലേ ....

പ്രണയത്തിന്റെ ആദ്യാക്ഷരങ്ങൾ ചേർത്തെഴുതിയ കാടലാസുതുണ്ടിൽ ഹൃദയതോടൊപ്പം ഞാൻ നൽകിയ മായിൽപീലി തുണ്ട് , കെട്ടികിടക്കുന്ന മഴവെള്ളത്തിൽ പാറികളിച്ചപ്പോൾ തകർന്നത് എന്റെ ഹൃദയമോ അതോ പ്രണയമോ ?.....

നിന്നിലേക്കടുത്തപ്പോഴൊക്കെയും എന്നിൽ നിന്നകലാൻ കൊതിച്ച നിന്റെ മനസ്സും ഞാൻ അറിയാതെ പോയി ...
ഞാൻ നെയ്തെടുത്ത പ്രണയത്തിന്റെ മണിമാളിക വെറുമൊരു ചീട്ടുകൊട്ടാരമായി തകർന്നടിഞ്ഞതും ഇന്നീ വഴയരിമ്പിൽ ഏകാനായ ഞാൻ അലഞ്ഞു തീർക്കുന്നതും നീ കാണാതെ പോയതോ അതോ അറിയാതെ പോയതോ ....

എത്രമാത്രമെന്നിൽ നീ പടർന്നെന്നറിയാൻ കഴിയാത്ത പെണ്ണേ അന്ത്യയത്രയുടെ മണിയൊച്ച എന്നിൽ കേട്ടു തുടങ്ങുന്നു ...

ഇനിയുരു മറുകുറിപ്പ് ഇല്ലെങ്കിലും ഒരു യാത്രാമൊഴിയായ്‌ ഒന്നു കൂടി പറഞ്ഞോട്ടെ ..

വെള്ളമൂടിയ ദേഹം വിരുന്നുകാരെ മാടി വിളിക്കുമ്പോൾ അതിലൊരു വിരുന്നുകാരിയായ്‌ നീയും
വരുമെങ്കിൽ അന്ന് നീ അറിയും നീ എനിയ്ക്കാരായിരുന്നുവെന്ന്..
എന്നെക്കാളും നിന്നെ ഞാൻ സ്നേഹിച്ചിരുന്നുവെന്ന്..!

അയല്പക്കകാരുടെ ആകാശവാണിയിൽ നിന്നുമെന്റെ മരണവാർത്ത നിന്റെ കാതുകളിലെത്തുന്നു വെങ്കിൽ... ഒന്നു വരണം ഒരുവട്ടം കൂടി ...

നീ എത്തുന്നതിന്‌ മുൻപ്‌ തന്നെ എന്നെ വെള്ളപുതപ്പിച്ച്‌ കിടത്തിയിരിക്കാം ... എങ്കിലും വരണം ,
വില കുറഞ്ഞ ചന്ദനതിരിയുടെ രൂക്ഷഗന്ധം തിങ്ങുന്ന നടുമുറിയിൽ കിടക്കുന്ന
എന്റെ നിർജ്ജീവമായ ശവശരീരത്തിലെ,
പാതിയടഞ്ഞ കണ്ണുകളിലേയ്ക്ക്‌ എത്തി നോക്കി..
പുറത്തെ മുറ്റത്ത്‌ നിരത്തിയിട്ട നരച്ച വാടക കസാരകളിലിരുന്ന്
അന്നത്തേയ്ക്ക്‌ മാത്രം എന്നെ കുറിച്ച്‌ സ്തുതി പാടുന്നവർക്കിടയിൽ
ചെന്ന് നിർവ്വികാരതയോടെ നിൽക്കരുത്‌...

അന്ത്യകർമ്മങ്ങൾക്കായി കുളിച്ചു സുഗന്ധം പൂശിയെന്റെ താടിയെല്ലുകൾ കൂട്ടിക്കെട്ടിയിരുന്ന
വെളുത്ത തുണിക്കഷണം
അഴിച്ചെടുക്കുന്ന നേരം വരെ നീയെന്നരികിലുണ്ടായിരിയ്ക്കണം..

ഒരപേക്ഷയാണ്‌....
കാരണം..
അവസാനം നിന്നോട്‌ മാത്രമായി എനിയ്ക്ക്‌ ചില സ്വകാര്യങ്ങൾ പറയാനുണ്ട്‌.....
നിന്നോട് മാത്രം.... പറഞ്ഞിട്ടും പറഞ്ഞിട്ടും തീരാത്ത സ്വകാര്യം ....

മുല്ല

മച്ചി

ഒരു വിളികൊണ്ടു
ഭൂമി പിളർന്നു പോവുന്നവൾ

ഒറ്റവാക്കിൽ
നെഞ്ചുപൊടിയുന്നവൾ

കുഞ്ഞിളം ചിരികണ്ടു
മാറ് വിങ്ങുന്നവൾ

അടിവയറ്റിൽ തീനാളം
ചുമക്കുന്നവൾ

സിരയിൽ ഭ്രാന്ത്
പെരുക്കുന്നവൾ

ആൾക്കൂട്ടത്തിൽ
നഗ്നയാകപ്പെട്ടവൾ

തുറിച്ച നോട്ടങ്ങൾക്ക്
മുൻപിൽ തെറ്റുകാരിയാകുന്നവൾ

തെറിച്ച വാക്കുകളേറ്റ്
മുറിഞ്ഞു പോവുന്നവൾ

വിധികൾക്ക് മുന്നിൽ
പ്രതിയാകുന്നവൾ

കാഴ്ചകൾക്ക് മുന്നിൽ
കരഞ്ഞു പോവുന്നവൾ

പാതിക്ക് മുന്നിൽ പോലും
പാതറിപോവുന്നവൾ

ഉയിരിലും
ജഢമാവുന്നവൾ



_ മുല്ല _:;

സമയം കിട്ടുമ്പോൾ മരിച്ചുപോയവരുടെ സോഷ്യൽ മീഡിയ അകൗണ്ട് നോക്കണം

കുറിച്ചിട്ട സന്തോഷത്തിന്റെയും പ്രതീക്ഷയുടെയും വേദനയുടെയും ദേഷ്യത്തിന്റെയും പ്രണയത്തിന്റെയും നിലപാടിന്റെയുമൊക്കെ ഹൈലൈറ്റ്സും വരികൾ കാണാം.

നല്ല നിമിഷങ്ങളിൽ പകർത്തിയ, മികച്ചതെന്ന് സ്വയം വിലയിരുത്തിയ കുറേ ചിത്രങ്ങൾ കാണാം.

ഇൻബോക്സിൽ അങ്ങോട്ടും ഇങ്ങോട്ടും വർത്തമാനിച്ചത് കാണാം, സ്റ്റോറി ഇഷ്ടപ്പെട്ട് സെൻറ് ചെയ്യാൻ പറഞ്ഞിട്ട് മറുപടി കൊടുക്കാത്തതും കാണാം.

മരിച്ചെന്നറിയാതെ മുടങ്ങാതെ വന്ന ഗുഡ്മോണിങ് ജന്മദിനാശംസകൾ കാണാം.

പഴയതൊക്കെ അടയാളപ്പെടുത്തുന്ന memories suggestions കാണാം.

ജീവിച്ചപ്പോൾ അയച്ചിട്ട മെസ്സേജുകൾക്ക് മരണത്തിനിപ്പുറമുള്ള മറുപടികൾ കാണാം.

അങ്ങിങ്ങായി ചിതറിയ ഫ്രണ്ട് റിക്വസ്റ്റ് കൾ കാണാം.

In a Relatioship ഉം complicated Relationship ഉം Single ഉം ആയ ഹൈലൈറ്റ്സ് സ്റ്റാറ്റസ് കാണാം,

വീണ്ടും താഴേക്ക് നീക്കിയാൽ അറിഞ്ഞോ അറിയാതെയോ ഒക്കെ tag ചെയ്യപ്പെട്ട പോസ്റ്റുകൾ കാണാം.

ജീവിച്ചിരുന്നപ്പോൾ വർഷത്തിൽ ഒരിക്കൽ വന്നിരുന്ന ആശംസകളൊക്കെ ഇപ്പോൾ രണ്ട് തവണ വരുന്നുണ്ടത്രേ..

അതെ മുഖപുസ്തകത്തിന്റെ ഈ താളുകൾ ഒരു ഓർമപ്പെടുത്തലാണ് ഇവിടിങ്ങനെ ഒരാൾ ഉണ്ടായിരുന്നു.

നമ്മളും ഇവിടെ ജീവിച്ചിരുന്നു എന്നതിന്റെ
തെളിവായിരിക്കും നമ്മുടെ ഇ മഴ ചിത്രങ്ങളും വീഡിയോകളും പോസ്റ്റുകളും എഴുത്തുകളും പ്രൊഫൈൽ അക്കൗണ്ടുകൾ...
വെറുപ്പിന്റെ പ്രത്യയശാസ്ത്രങ്ങളുടെ പുറകെ പോവാതെ
വിശാലമായ മാനവിക ഐക്യത്തിന് വേണ്ടി നമ്മുടെ അക്കൗണ്ടുകൾ ഉപയോഗിക്കുക...
നാളെ എന്നെ മരണം എന്ന സത്യം വന്നു വിളിച്ചാൽ എന്റെ സുഹൃത്തുക്കൾ എന്നെ ഓർക്കുമോ?... ഇല്ല അല്ലേ!!.
മറന്നുപോകും എന്നറിയാം...
ഇതൊരു സത്യമാണ് തിരുത്താൻ ആർക്കും സാധിക്കാത്ത വിധം കാണാതെ എവിടെയോ എഴുതപ്പെട്ടിരിക്കുന്നു...
ജീവിച്ചിരുന്നു, മരിച്ചിരുന്നു...!!