مرور الدكتور محمد الألفي

الاول بفكر حضراتكم بكره بالمرور
....
لو سألتك ايه ال complications  او الحجات ال emergancy اللي تاخد بالك منها في حالات ال AKI ؟
كلنا هنقول الخمسه المشهورين
Sever acidosis , hyperkalemia, hypervolemia ,uremic encephalopathy,uremic pericarditis
واللي واحدة منهم بس ممكن يتاخد عليها قرار الغسيل ..
طبعا فيه مشاكل تانية غير كده بس من اهمها واللي مش واخده حقها من الاهتمام هي ال GIT bleeding
.....تفتح كتاب محترم زي oxford clincal medicine .. مش متكلم عنها تقريبا
Medscape
قايلها ..وقايل ان تلت الحالات بيبقي معاها  git bleeding ..بس قايلها زي اي معلومة بين السطور
....
لكن لو فتحت كتاب أستاذ الاساتذة دكتور صلاح ابراهيم رحمه الله ..هتلاقيه كاتبها اكتر من مرة بالوضوح ده ..
هو عيان ال AKI يموت بايه ؟
Infection
GIT bleeding
Cardiac arrest
......
طبعا هو كاتب ال indication لل dialysis العادية وزمان كان فيه رقم لل urea بيغسلوا عنده ..بس هو بيرتب دماغك تخاف علي عيانك من ايه
اعتقد ال infection حاليا معدتش سبب قوي بسبب توفر ال antibiotics ..
لكن يبقي ال git bleeding سبب مهم مسكوت عنه
..... .
.....
الاستاذ الدكتور صلاح ابراهيم رحمه الله..مؤسس الباطنة في طب الازهر ..وعلم من اعلام الطب .
وزي ما بيقولوا العلم رحم بين أهله فلو كان أستاذنا الدكتور محمد الالفي هو أبونا في العلم فالدكتور صلاح ابراهيم هو جدنا
لو فتحت كتبه هتلاقي كل صفحة تقريبا فيها صورة ..كلها بالكاميرا بتاعته ..مش منقوله من اي مكان
عمل لوحده ما تعجز عنه كتيبة من العلماء
لو سألت دكاترة الامتياز تعرفوا ماكلويد ؟ كلهم هيقولوا بنذاكر منه ...لو قلت لهم تعرفوا ا.د صلاح ابراهيم ؟ قليل اللي يعرفه
ماكلويد مش هو اللي كاتب كتابه بالكامل ...بس كان وراه جيل من طلبة العلم عرفوا حقه وخلدوا اسمه ولحد دلوقتي الكتاب بيتعمل له up date
كتب ا.د صلاح ابراهيم كتبها كلها بنفسه ...له كتاب ال  diagnosis وال examination زي ماكلويد وله كتب كتير غيرها ..لكن للاسف زي ما هي من يوم طباعتها ...حتي بالاخطاء الاملائية
ده يخلينا نسأل ..ليه ؟
ليه أمتنا ..اللي هي الامة الوحيدة اللي عرفت اقدار الرجال وصنفت فيها الكتب نبقي كده؟
......
الحالات اللي كانت بتلف مصر كلها كانت بتتشخص في مرور الاستاذ الدكتور صلاح ابراهيم رحمه الله
ولو مكناش شوفنا ده بعنينا فشفناه في مرور استاذنا الدكتور محمد الالفي ..
شوفنا حالات اتحجزت بالشهور في أكبر جامعات مصر وكان تشخيصها في المرور
يمكن اول مرة اكتب الكلام ده ..لكن للاسف ممكن الموسم ده من المرور يكون اخر موسم (بسبب العجز الشديد في النواب )
فلو مكنتش حضرت المرور قبل كده ..او شوفت مكان واحد بيجي فيه كل حالات الباطنه بكل تخصصاتها ال common وال rare ...لو مكنتش شوفت (الباطنة ) اللي بتسمع عنها في الكتب قبل ما تتقطع لتخصصات (وتموت ) فحاول تشوفه ..لو مكنتش شوفت مدرسة بتجمع بين العلم والرحمة  بالمرضي والبحث عن حلول لمشكلاتهم ..لو مكنتش شوفت المرضي اللي بتدخل علي سرير وتشوفها بعد اسابيع او شهور جايه علي رجلها ..ومش مؤمن ان فيه حاجه اسمها كده حاول تشوفها  ...لان ممكن متشوفهاش تاني في اي مكان في العالم
.....
......
بفكر حضراتكم بمرور استاذنا د محمد الألفي بكره  ٢١ يناير ٢٠٢٥ وكل يوم تلات باءذن الله في نفس معادنا من ٢ ظهرا ل ٩ مساءا
مستشفي سيد جلال (باب الشعرية ) المبني الجديد الدور ١١  قاعة المؤتمرات والحضور مفتوح للجميع
وبفكركم ان المرور بيتوقف في رمضان ..فاللي ناوي يحضر ميضيعش الفرصة دي
ودعواتكم بالتيسير وعدم توقف المرور

إلي طبيب الامتياز ..تأهل لأهم نقلة في حياتك
....
من يوم ما دخلنا المدرسة وكل فترة نتنقل ..من ابتدائي لاعدادي لثانوي ..
الكلية كانت نقلة مهمة لكنها مش أهم نقلة في حياتنا
أهم نقلة هي يوم ما تخلص الكلية وتدخل الامتياز..او لما تتنقل من طالب لدكتور
بيتكرر كتير من اطباء الامتياز وهما بيعرفوني بنفسهم ويقولي معاك الطالب فلان
بصحح له المعلومة واقوله قصدك دكتور فلان
دكتور يعني حد مسؤل ..حد هيقابل الناس هيطلبوا مساعدته...كل حالة بيشوفها هي سؤال جديد ..جايز يكون من بره المنهج..بل جايز يكون اصعب سؤال هيشوفه في حياته ..ولانه دكتور- مش طالب -فهو لازم يجاوب صح ..او يقول معرفش
يمكن واحنا طلبه لو سؤال مش عارفه تجاوبه بالشبه او تكتب اجابتين اي درجة تجبها احسن ما تسيب السؤال ..لكن ده مينفعش وانت دكتور ..اجابتك تساوي ارواح ناس
......
فيه ناس كتير ممكن مكانتش بتذاكر في الكلية ..بس بتيجي عند الامتياز وتقف مع نفسها ..الناس دي بطمنها واقولها الوقت مفاتش ..اهم حاجه تمشي في طريق العلم ..ومتتكسفش تقول (معرفش ) ..دي نصف العلم
...
انك تكون دكتور ..يستلزم انك تكون انسان قبلها ...انك تحترم المريض وانك تحس بيه
انك تاخد هستوري كويس علي قدر وسعك ...وتفيتل المريض ...وتقف علي تحاليله تستعجلها ..وتبلغ عروضاته وتروح معاه الاشعه وو ...دي كلها اعمال عظيمة متستقلش بيها..وهتلاقي اثرها بعدين
.....
أهم نصيحة بقولها ...متضيعش امتيازك ...فترة ذهبية مش هتتاح لك تاني ..خده جد...خده في مستشفي جامعه ..انزل احضر المرور وشوف الاساتذة ..اعرف ان فيه حاجه اسمها علم ....
.....
اخر نصيحة ...الناس بتدخل الامتياز وكل همها تتعلم handskill ..ايا كانت هي ايه..او انه يحفظ روشتتين يشتغل بيهم برايفت ..انت ادخل وخلي هدفك تتعلم ال mental skills
وهتشوف نتيجة ده بعدين لما تشخص حالة عدت علي ناس كتير والحالة دي تكون حد قريبك ...او لما تشوف زميلك اللي كان مقطع البرايفت وهو بيأذي اقرب الناس ليه وهو لا يشعر
ساعتها هتقول الحمد لله اني مشيت في طريق العلم وقعدت تحت ايد العلماء
ولو هختصر ده كله في جملة واحدة هقولك ...احضر مرور استاذنا الدكتور محمد الالفي ما استطعت الي ذلك سبيلا
....
بفكر حضراتكم بمرور استاذنا د محمد الألفي بكره (١٤ يناير ٢٠٢٥ ) وكل يوم تلات باءذن الله في نفس معادنا من ٢ ظهرا ل ٩ مساءا
مستشفي سيد جلال (باب الشعرية ) المبني الجديد الدور ١١ قاعة المؤتمرات والحضور مفتوح للجميع
وبفكر حضراتكم ان المرور بيتوقف في رمضان ..فرصة لا تضيعوها

https://youtu.be/fYr0oizOBrg?si=i_NxyPvr-X13ppFA

السلام عليكم ورحمة الله
بفكر حضراتكم باستئناف مرور أستاذنا الدكتور محمد الألفي  الثلاثاء القادم  ١٤ يناير ٢٠٢٥  باءذن الله
مستشفي السيد جلال (باب الشعرية ) الدور الحادي عشر .قاعة المؤتمرات الرئيسية.الساعه ٢ ظهرا
والحضور مفتوح للجميع
ياريت نبلغ زمايلنا
وبفكركم ان المرور بيتوقف في رمضان وممكن بعده لفترة فمضيعش الفرصة دي

السلام عليكم ورحمة الله
نعتذر عن مرور أستاذنا الدكتور محمد الألفي غدا الثلاثاء  ٧ يناير ٢٠٢٥ (المرور بيتوقف في الاجازات الرسمية )
وباءذن الله نرجع الاسبوع القادم
ياريت الناس تشارك المنشور في جروبات الدفعة بتاعتها ولزمايلها واللي عارف حد بيسافر ياريت يكلمه بالتليفون
و اقل حاجه تسيب اي تعليق تحت البوست عشان يوصل للناس كلها

بفكر حضراتكم بمرور استاذنا د محمد الألفي بكره ٣١ ديسمبر ٢٠٢٤ وكل يوم تلات باءذن الله في نفس معادنا من ٢ ظهرا ل ٩ مساءا
مستشفي سيد جلال (باب الشعرية ) المبني الجديد الدور ١١ قاعة المؤتمرات والحضور مفتوح للجميع
وبفكركم ان المرور بيتوقف في رمضان ..فاللي ناوي يحضر ميضيعش الفرصة دي

السلام عليكم ورحمة الله
بفكر حضراتكم بمرور أستاذنا الدكتور محمد الألفي غدا الثلاثاء ٢٤ ديسمبر ٢٠٢٤
مستشفي السيد جلال (باب الشعرية ) الدور الحادي عشر .قاعة المؤتمرات الرئيسية.الساعه ٢ ظهرا
والحضور مفتوح للجميع
ياريت نبلغ زمايلنا
وبفكركم ان المرور بيتوقف في رمضان وممكن بعده بفترة فلو عندك وقت مضيعش الفرصة

١+١=؟
الأول بفكّر حضراتكم باستئناف مرور أستاذنا الدكتور محمد الألفي بكره الثلاثاء ١٧ ديسمبر ٢٠٢٤ مستشفى السيد جلال (باب الشعرية) الدور الحادي عشر، قاعة المؤتمرات الرئيسية، الساعة ٢ ظهرًا.
والحضور مفتوح للجميع. ياريت نبلغ زمايلنا. نلقاكم على خير إن شاء الله.
---
NaCl + NaCl = ?
في الرياضة: 2NaCl
في الطب:
2NaCl - HCO3 + K
يعني ممكن تدي عيان محلول ملح تعليله البوتاسيوم وتنزله البيكارب؟
طيب ده يحصل إزاي؟
أديت ملح كتير .... يعني دخلت كلور كتير ... الكلور شحنته سالبة  ... وربنا خلق الجسم في توازن بين الشحنات الموجبة والسالبة ... فدخلتله انت سالب كتير.. عاوز يخلص منه .. فيروح يرمي البيكارب (HCO3) اللي هو شحنته سالبة عشان يحقق التوازن الكهربي.
بس ده بيبقى على حساب إنك زودت حموضة الدم لما نقصت البيكارب (Metabolic Acidosis).
لو مخدتش بالك وفضلت مكمل ... الحموضة هتزيد أكتر ... فالجسم عشان يخلص منها ... هياخد أيون الهيدروجين (H⁺) (الحمض) الموجب .. ويدخله جوه الخلايا ويطلع مكانه أيون موجب وهو البوتاسيوم (K⁺) فيزود البوتاسيوم ويعملك Hyperkalemia.
علشان كده أساتذتنا وزمايلنا في العناية علمونا إن عيان الـ DKA أول ما يتحسن ابدا قلل الملح ... ولو دخل منك في Acidosis ومفيش أسيتون راجع نفسك ليكون Hyperchloremic Acidosis.
والناس المحترفة منهم يقولك مش بس وقف الملح .. راجع لي كمان العلاج بيتحل بإيه وحاول تحله بعيد عن الملح لو أمكن مثلا Dextrose 5%.

السلام عليكم ورحمة الله
ببشر حضراتكم باستئناف مرور أستاذنا الدكتور محمد الألفي بكره الثلاثاء
١٧ ديسمبر٢٠٢٤
مستشفي السيد جلال (باب الشعرية ) الدور الحادي عشر .قاعة المؤتمرات الرئيسية.الساعه ٢ ظهرا
والحضور مفتوح للجميع
ياريت نبلغ زمايلنا
نلقاكم علي خير ان شاء الله

السلام عليكم ورحمة الله
نعتذر عن مرور أستاذنا الدكتور محمد الألفي غدا الثلاثاء  10 ديسمبر ٢٠٢٤
وباءذن الله نرجع الاسبوع القادم (هنأكد علي حضراتكم قبلها ان شاء الله )
ياريت الناس تشارك المنشور في جروبات الدفعة بتاعتها ولزمايلها واللي عارف حد بيسافر ياريت يكلمه بالتليفون
و اقل حاجه تسيب اي تعليق تحت البوست عشان يوصل للناس كلها

السلام عليكم ورحمة الله
نعتذر عن مرور أستاذنا الدكتور محمد الألفي غدا الثلاثاء  ٣ ديسمبر ٢٠٢٤
وباءذن الله نرجع الاسبوع القادم (هنأكد علي حضراتكم قبلها ان شاء الله )
ياريت الناس تشارك المنشور في جروبات الدفعة بتاعتها ولزمايلها واللي عارف حد بيسافر ياريت يكلمه بالتليفون
و اقل حاجه تسيب اي تعليق تحت البوست عشان يوصل للناس كلها

درر من مرور استاذنا الدكتور محمد الالفي

دي لوحة بتوصف إحساس مريضة ...وازاي كانت بتعاني وقت تعبها ...ودي نظرتها للطبيب اللي مد ليها ايده...وكأنها كادت تذبل وتتلاشي ..لولا قطرات المطر اللي ربنا بعتهالها علي ايده
......
ده احساس المرضي ومكانتك عندهم ...الا يستدعي ده منك أنك تساعدهم ؟ وأنك تبقي شاطر وتحسن عملك ؟
وأنك تكون قد المسؤلية اللي أنت اتحملتها..
هل بعد كده ممكن تبص للمريض علي أنه رزق ؟
....
مهنة الطب من أشرف المهن وباب خير عظيم لو احتسبت النية فيه
...
يسوي ايه إنك تنقذ حياة مريض ..او حد كان ملازم الفراش رجع يمشي تاني ورجع لحياته
....
في رأيي الصورة دي المفروض كل دكتور يخليها خلفية علي موبايله او لوحة في عيادته
...
نعتذر عن مرور أستاذنا د محمد الألفي غدا الثلاثاء ٢٦ نوفمبر ٢٠٢٤
وباءذن الله نرجع الاسبوع القادم (هنأكد علي حضراتكم قبلها ان شاء الله )
ياريت الناس تشارك المنشور في جروبات الدفعة بتاعتها ولزمايلها واللي عارف حد بيسافر ياريت يكلمه بالتليفون
و اقل حاجه تسيب اي تعليق تحت البوست عشان يوصل للناس كلها

السلام عليكم ورحمة الله
نعتذر عن مرور أستاذنا الدكتور محمد الألفي غدا الثلاثاء ٢٦ نوفمبر ٢٠٢٤
وباءذن الله نرجع الاسبوع القادم (هنأكد علي حضراتكم قبلها ان شاء الله )
ياريت الناس تشارك المنشور في جروبات الدفعة بتاعتها ولزمايلها واللي عارف حد بيسافر ياريت يكلمه بالتليفون
و اقل حاجه تسيب اي تعليق تحت البوست عشان يوصل للناس كلها

درر من مرور أستاذنا الدكتور محمد الألفي
        (Sad abdomen)
هو لسه فيه في الطب أمراض متوصفتش ؟
أه فيه ..وحتي الامراض اللي اتوصفت منعرفش عنها كل حاجه وكل يوم بنفهم أكتر عنها
.......
هو إحنا ممكن نضيف للطب (او للعلم )عموما كل في تخصصه ؟
اه طبعا ممكن ...بل ده واجب علينا
مينفعش نكون مستهلكين للمعرفه وفقط
.......
ده مرض أستاذنا وصفه من أكتر من ٢٠ سنة
........
أستاذنا اللي دايما يكرر ويعلمنا إن أول درس (أننا لا نعلم شيئا ) هو نفسه اللي بيضيف للعلم
....
لو فيه حد من أساتذتنا قابله حالات زي دي ياريت يكتب لنا في تعليق  
........
Sad abdomen
(Mohammed Noshy Alalfy disease)
Why we had described this disease ?
Because not un common group of patients who suffer from un explained gradual progressive abdominal enlargement usually associated with discomfort , I know some of them spent all what they have in the dilemma of the consultations and the undue investigations , some of them had undergone surgical explorations ,and in spite of all of these the situation remains the same or getting worse due to arises of a vicious circle , a poor group of them had tricked in the trap of the diagnosis of fatty liver for which they are exhausted in the consultations , investigations and un due medications ,for those we can say confidently the fatty liver is a result not a cause, the mechanism by which abdominal fat accumulation and the intestinal distension that we usually find in this group of the patients for our mind belonging largely to sluggish of the intestinal motility and hereby changes of the intestinal microbiome( Gut flora)(disturbance of the normal balance has Allah the almighty set) with much extraction and absorption from the food , fortunately these patients respond well for full assurance (to be convinced that no thing danger threatens them and that the all manifestations will fade ) , exercise and G I motility regulators plus trials to regain the normal gastro intestinal microbial balance, however anti depressants may be warranted in refractory cases. Please see the enclosed photo A Female patient, complaining of gradual progressive abdominal enlargement, with abdominal discomfort, so she sought medical advice for several years with no improvement. She had full investigations without significant findings. Also she had undergone several interventions including surgical operations with no benefits at all. Clinical examination on presentation to us revealed no significant findings apart from this view ( see the photo). Detailed history revealed that the patient is under severe psychological stress so we considered her as a case of "psychogenic abdominal enlargement". The patient gave a good response to supportive therapy. The cornerstone of this therapy was the explanation for the patient the nature of her problems (change of her perception to her complaints). We can call it : Sad Abdomen (Mohammed Noshy Alalfy disease)
موجود علي research gate
......
بفكر حضراتكم بمرور استاذنا د محمد الألفي بكره (١٩ نوفمبر ٢٠٢٤) وكل يوم تلات باءذن الله في نفس معادنا من ٢ ظهرا ل ٩ مساءا
مستشفي سيد جلال (باب الشعرية ) المبني الجديد الدور ١١  قاعة المؤتمرات والحضور مفتوح للجميع
والناس اللي جايه جديد ياريت نقرأ بوست القواعد العشر لحضور المرور

بسم الله
أخي لن تنال العلم إلا بستة **
  سأُنبِيك عن تأويلها ببيان
ذكاءٌ وحرصٌ واجتهادٌ وبلغة **
وصحبةُ أستاذٍ وطولُ زمانِ
الطب، زي أي علم أو فن، لازم يكون ليك أستاذ ماهر ده الشرط الأول، والشرط التاني هو طول الزمان.
بعض زملائنا اللي حضروا المرور جديد، بيسألوني: "إزاي نستفيد من المرور؟ وهل لو أنا مفهمتش كل حاجة مع الوقت هستفيد؟"
طبعًا ده سؤال كبير ومش هقدر أجاوبه في بوست واحد. وفي النية، إن شاء الله، إني أعمل سلسلة بوستات وفيديوهات في الموضوع ده. لكن دلوقتي هقرب الموضوع بمثالين حصلوا معايا.
أول مثال، وأنا في الإعدادي في الأزهر، كان عندنا مادة التجويد. بالنسبة لي، كنت بدخل امتحان القرآن وأنا ضامن سؤال التجويد. كنت فاهم الأحكام وحافظها كويس جدًا، وكل حرف كنت ممكن أقول لك صفاته إيه. وكنت فاكر إن ده هو التجويد. لحد ما قابلت شيخي الشيخ أحمد مختار، ربنا يرضى عنه، في الثانوية.
أول حصة قال: "النهارده هنصحح الفاتحة."
وتقريبًا كل اللي كان موجود عنده أخطاء فيها. وقتها عرفت إن التجويد حاجة تانية غير اللي درسته.
كان كل مرة يشرح جزء بسيط نظري(بس كان له طعم مختلف ) وبعد كده ناخد آيتين أو ثلاثة نجودهم. لحد ما وصلنا للجزء الأول من سورة البقرة، بفضل الله كنت جودت. بعدها عملت خلاصة للتجويد في ورقة واحدة، بدعي إن لو حد ما يعرفش حاجة عن التجويد (وعاوز يقرأ القرءان صح بس )الورقة دي تكفيه وشرحها ياخد جلسة أو اثنين حسب استيعابه، ويبقى الجزء الأكبر بعد كده إنه يلاقي حد محترف يقرأ عليه ويصحح له.
مهما قرأت وذاكرت وافتكرت إنك فاهم أي علم، لو ما لازمتش المحترفين في العلم ده، عمرك ما هتحسنه. وهتبقى زي وقت ما كنت بقفل التجويد، والحقيقة إني كنت بغلط في الفاتحة.
المثال الثاني هو الشطرنج. برضه وأنا في الإعدادي، كنت فاكر نفسي أحسن واحد بيلعب شطرنج، وكنت بطلع الأول في المسابقات وبغلب ناس أكبر مني.
فضلت على الظن ده لحد ما قابلت الدكتور سيد القاضي، رحمه الله. وقتها عرفت إن الناس في الشطرنج درجات وليهم تصنيفات، وإن له كتب بل مجلدات في الافتتاح، والميدل جيم، والاند جيم، وفيه ناس بتضيع عمرها في الشطرنج.
وقتها عرفت إني مجرد هاوي، ورغم إني ما قرأتش كتاب في الشطرنج، لكن ملازمتي للدكتور سيد كانت كفيلة بنقل مستوايا نقلة كبيرة جدًا. مجرد إنك تلازم ناس محترفة هتتعلم حاجات حتى بدون ما تشعر
لما أقولك إن فيه دكتور الحالات بتدخل عنده على كرسي أو ترولي، وتلاقي بعينك بعد أسابيع أو حتى شهور الحالات دي جاية ماشية على رجليها... حالات كان بيتقال لها "ملكِيش علاج في مصر" وربنا كرمها... فلازم تعرف إن دي درجة من الاحتراف أو الإحسان، لازم همتك تتحرك إنك تتعلمها. ولما تعرف إنه عاوز ينقلك العلم ده، وإنه بينقله بنفس درجة الاحتراف و الإحسان والحب، يبقى لازم تسيب نفسك له.لأنه عاوز يوصلك بسرعة. لما بيسكت عن حاجه فهو بيسكت لسبب.ولما ينبه علي حاجه فركز معاها أوي واحفظها بعقلك وقلبك
أسوأ شيء ممكن تعمله-يضيع استفادتك - أنك تبقي حاضر بجسدك لكن عقلك مشغول بما سكت عنه ...وتترك اللي كان بينبه عليه
سيب نفسك... واسمع كتير أوي. ودايمًا افتكر إني روحت لشيخي وأنا فاكر إني عارف التجويد كله، وكنت بغلط في الفاتحة.
بفكر حضراتكم بمرور استاذنا د محمد الألفي بكره (١٢ نوفمبر ٢٠٢٤) وكل يوم تلات باءذن الله في نفس معادنا من ٢ ظهرا ل ٩ مساءا
مستشفي سيد جلال (باب الشعرية ) المبني الجديد الدور ١١  قاعة المؤتمرات والحضور مفتوح للجميع
والناس اللي جايه جديد ياريت نقرأ بوست القواعد العشر لحضور المرور

https://youtu.be/RDh56fD8m0I?si=eh7wzr2vkIm9824d

دُرر من مرور أستاذنا الدكتور محمد الألفي
(الـ "psychic" ده له سن معين، أوعوا تتجرأوا على الكلمة دي).
في حاجة اسمها psychosomatic، بمعنى إن السبب نفسي لكن الأعراض تكون في شكل عضوي، زي مثلاً القولون العصبي. وفي حاجة تانية اسمها
organo psychic،
بمعنى إن السبب عضوي، لكن بيظهر بأعراض نفسية.
أي حالة تقابلك بأعراض نفسية، فضلاً عن الأعراض العضوية، لازم الأولوية عندك تكون إنك تستبعد السبب العضوي وتاخد شكوى المريض بجدية وتدور فيه
شاب في الثلاثينات جاي بارتفاع في درجة الحرارة، ممكن تلاقيه متهيج وياسلام لو معاه حاجه تضللك زي ان يكون بياخد drugs أو toxins، مثلا فده يخليك تقول إن دي هي السبب. لكن الحقيقة ممكن يكون ده أول عرض لـ hyperthyroidism ويكون جاي بـ thyroid storm. شفنا حالة زي دي مع أستاذنا.
مريض كان مهيبر (mania ) وبيتصرف تصرفات غريبة، وطلع في الآخر إنه كان عنده hypoglycemia، كان واخد الإنسولين من غير ما ياكل. وبمجرد ما  مستوى السكر رفع عنده، فاق واتحسن.
عيانة في الثلاثينات جت من محافظة بعيدة، كل اللي حصل إنها ساكتة وما بتتكلمش. وطبعاً، كانت هتدخل في سكة الجن والعفاريت! او احسن الاحوال هتروح النفسية لكن لما جت كان ده أول عرض لـل CNS lupus.
الدكاترة النفسيين لما بتجيلهم حالات اكتئاب، أول حاجة بيعملوها إنهم بيطلبوا تحليل thyroid function.
بيجي لنا حالات كتير endocrine مثلا عندهم Sheehan's syndrome، دايماً أستاذنا يقول: "احفظ الشكل ده كويس علشان لما تشوفه بعد العلاج تعرف الفرق، وتشوف قد إيه الهرمونات ممكن تأثر على الإنسان ونفسيته"، لدرجة إنك تشوفه وكأنه بقى إنسان جديد.
حالات كتير بتتعالج من epilepsy بأكثر من دواء ومش مستجيبة، وتكتشف إن السبب هو نقص الكالسيوم.
سيدة في الثلاثينات مش بتتعالج من أي حاجة، جايه بصعوبة في التنفس، تروح الاستقبال وترجع تاني، وفي النهاية تطلع إنها pulmonary embolism.
عيانة كبيرة في السن جايه باضطراب في درجة الوعي وتدخل في غيبوبة كاملة، ويطلع ده أول عرض لـ hypothyroidism.
سيدة في التلاتينات كانت covid وبعد ما اتحسنت جالها chest pain  وكان بيتقال عليها سيكك وطلعت pericarditis
---
ولو فتحت كتاب "يوميات طبيب امتياز نسخة 2024"، هتلاقيني جمعت أكتر من 50 موقف من تعليقات أساتذتنا عن مواقف مشابهة.في فصل بعنوان( فصل في التحذير من خطورة التشخيص ب (سيكك )) بوصي اي دكتور امتياز لسه هيبدأ حياته انه يقرأه
أول ما بتنزل الاستقبال بتبقى خايف، ولما تشوف حالة مغمى عليها بتجري وتقلق. بعد شوية، تكتشف إن حالات كتير بتطلع psychic.بعد شوية تبدأ تتجرأ وتدخل اللي بسميه (مرحلة الشبر الثاني في الطب )ودي أخطر مرحلة، لأنك بتبقى فاكر إنك بتعرف تميّز بين الـ psychic والـ organic. لكن بعد فترة، لو كملت في طريق العلم، هتعرف إنك كنت غلطان وهتعرف إن أسهل حاجة إنك تشخص حاجة organic، لكن أصعب حاجة إنك تقول إنها psychic.
فحاول توصل للمرحلة دي بسرعة علشان ما تظلمش حد.
بفكر حضراتكم بمرور استاذنا د محمد الألفي بكره (٥ نوفمبر ٢٠٢٤) وكل يوم تلات باءذن الله في نفس معادنا من ٢ ظهرا ل ٩ مساءا
مستشفي سيد جلال (باب الشعرية ) المبني الجديد الدور ١١  قاعة المؤتمرات والحضور مفتوح للجميع
والناس اللي جايه جديد ياريت نقرأ بوست القواعد العشر لحضور المرور

دُرر من مرور أستاذنا الدكتور محمد الألفي

التشخيص هو الفهم، والفهم نعمة من ربنا. "ففهمناها سليمان"، أحيانًا تكون المشكلة واضحة أمامك والمعلومة موجودة لكن مش واخد بالك منها.

ولد 17 سنة مدخن، لف كتير بسبب الـ epigastric pain تقريبًا 4 سنين بيلف، شال فيهم المرارة والزايدة وبرضه مفيش تحسن. في الآخر الولد طلع عنده pancreatitis وعلينا ان نبحث عن السبب... لكن عمري ما توقعت إن السبب هيبقى واضح كلينيكال ... أثناء الفحص، الولد كان عنده barrel-shaped chest، والأشعة فيها emphysema.

طيب إيه المشكلة؟ الولد مدخن.
لا طبعًا، مهما كان مدخن مش هيلحق في السن ده يبقى كده. هل في سبب يفسر التهاب البنكرياس والصدر؟
أه طبعًا، حاجة زي alpha-1 antitrypsin.


---

حاجة تانية... كلنا عارفين إن في ال hemolytic jaundice الأرقام ما بتكونش عالية قوي زي obstructive jaundice.
تلاقيه في التكسير الصفراء 3 أو 4، لكن في الانسداد ممكن توصل 12، 15 أو أكتر.
لأن الكبد لو كويس والطريق مفتوح هيقدر يخلص من الصفراء، ولو لقيت الصفراء عالية في حالة تكسير، دور على مشكلة في الكبد.

طيب نشوف المثال ده:
بنت 20 سنة، جايه بـ autoimmune hemolytic anemia، لكن أرقامها عالية جدًا. يبقى زي ما اتفقنا فيه مشكلة في الكبد.
البنت كمان فيها جزء psychiatric بسيط...تلاقي استاذنا بيبص علي عنيها
Kayser-Fleischer rings... ويلاقي
يعني Wilson's disease...وهو اللي عامل كل ده
كل ده كلينيكال.
---
في الموقفين دول، كل اللي قلته ربنا يرضي عن استاذنا وينور بصيرته
علشان كده، اللي جاي يحضر المرور لازم يبقى قاعد مركز في كل كلمة وكل حركة. في حاجات الدكتور بيوضحها وفي حاجات هتوضح لك مع الوقت.

حد من العلماء كان بيلوم الإمام أحمد بن حنبل إنه ماشي يتعلم من الإمام الشافعي وسايب مجلس سماع الحديث بسند عادي. فقال له: "إن فاتني الحديث بعلو أدركته بنزول، وإن فاتني عقل هذا الفتى لم أدركه لا بعلو ولا بنزول."
---
.....
بفكر حضراتكم بمرور استاذنا د محمد الألفي بكره (٢٩ اكتوبر ٢٠٢٤) وكل يوم تلات باءذن الله في نفس معادنا من ٢ ظهرا ل ٩ مساءا
مستشفي سيد جلال (باب الشعرية ) المبني الجديد الدور ١١ قاعة المؤتمرات والحضور مفتوح للجميع

درر من مرور أستاذنا الدكتور محمد الألفي
لو جالك الاستقبال حالة epigastric pain  أول حاجة كلنا بنعملها هي رسم القلب عشان نشوف ده cardiac ولا لا لو لقيت فيه ECG changes، وطلعت إنزيمات القلب عالية، على طول هنقول ده سببه القلب، وهتقول لزميلك في الكارديو "دي حالتك". خصوصًا لما تكون شايف الحالة مش كويسة قدامك.
وبصراحة لحد أسبوعين فاتوا كنت هعمل كده. لكن اللي اتعلمناه من أستاذنا هو إن الحالة ممكن تكون لسه حالتك، وإنك لازم تكمل مع الحالة للاخر
لو epigastric pain ده بيسمع في الظهر والحالة general مش حلوة، مش ممكن تكون pancreatitis؟
طيب ورسم القلب؟ عادي خالص، ممكن يكون البنكرياس هو اللي عاملها فيما يُعرف بـ Pseudo-Acute Coronary Syndrome
. طبعًا ما فيش كلام إن دكاترة القلب هيتابعوها معاك، لكن لازم تبقى عارف إنها ممكن تكون حالتنا وان زي ما استاذنا دايما يقول ال pancreatitis  ده systemic disease
لازم تتعامل معاه علي كده وتاخده seroius
شفنا حالة زيها مع أستاذنا، ولما عملت قسطرة، كان تعليق الدكتور اللي عملها إن ده "أنظف Coronary شافه في حياته".
طبعا الموضوع كده بقي صعب ...ولو شوفتم ال case report في الموضوع ده هتلاقوا عجايب ..لدرجة ان قرأت حالة  فيها ST elevation في ال inferior leads ..ومطلعتش MI
بس هو كان مين قال ان الطب سهل ؟
.....
بفكر حضراتكم بمرور استاذنا د محمد الألفي بكره (21 اكتوبر ٢٠٢٤) وكل يوم تلات باءذن الله في نفس معادنا من ٢ ظهرا ل ٩ مساءا
مستشفي سيد جلال (باب الشعرية ) المبني الجديد الدور ١١  قاعة المؤتمرات والحضور مفتوح للجميع

https://youtu.be/xykZuUrUNQk?si=7YIs4JGiBGdZfRM7

درر من مرور أستاذنا الدكتور محمد الألفي
في حاجة اسمها  Pulmonary-Renal Syndrome
اللي هو المتلازمة الرئوية الكلوية وده مش مرض واحد، ده أمراض كثيرة . تشك فيه مع أي عيان عنده renal affection مع lung affection. فده يهم قوي دكاترة الكلى ودكاترة الصدر، لأنه أوقات كثيرة بيعدي على إنه مثلاً التهاب رئوي ومعاه مشكلة في الكلى تتفسر كـ dehydration. ولو المرض ده متلحقش بدري ممكن نفقد العيان.
اللي عاوزين نقوله النهارده بقى إنه في حالات Pulmonary-Renal Syndrome أول ما تلاقي  dyspnea وتلاقي hemoglobin drop
على طول فكر في   Alveolar Hemorrhage
يعني نزيف في الرئة. وما تستناش يحصل hemoptysis يعني ما تستناش العيان يكح دم وابدأ اتعامل بجدية مع الحالة. تعمل لها فصل بلازما وتديها potent immunosuppressives وإلا هتفقد العيان.
Pulmonary-renal syndrome is a medical emergency, requiring aggressive treatment to prevent organ failure and death.
Early diagnosis and treatment are critical to improve outcomes, as PRS has a high mortality rate if left untreated.
Long-term prognosis depends on the extent of lung and kidney damage at diagnosis and the speed of therapeutic intervention.
يعني سرعة تشخيصك ممكن تكون سبب بعد توفيق ربنا ان العيان ده ينجو بدون مضاعفات ..ولو اتاخرت شويه ينجو لكن يغسل كلي باقي عمره او حتي تفقده
.....
نفس الفكرة هتلاقيهم في كتب ال redflags  بيقولوا لك: لو مريض كبد بدأ ضربات قلبه تبقى سريعة وضغطه يوطى ويدوخ، على طول فكر إن في دوالي فتحت. ما تستناش يظهر melena ولا إن الراجل يرجع دم، على طول ابدا دور فيه، افحصه وشوف فيه melena، اعمل له CBC وحطه تحت عينك.
يعني رسالة النهارده: لو هتستنى العيان يكح دم أو يرجع دم عشان تبدأ تنتبه وتتصرف، يبقى هتستنى كثير.
....
متقولش الحالات دي rare ...في نفس الشهر اللي شوفنا الحالة دي في المرور شوفت حالة زيها مع استاذنا الدكتور رضا ياسين وافتكرت كلمته اللي دايما يكررها (اوعي تقول دي حالة rare ..ال rare ده هيجيلك أنت  )


بفكر حضراتكم بمرور استاذنا د محمد الألفي بكره (15 اكتوبر ٢٠٢٤) وكل يوم تلات باءذن الله في نفس معادنا من ٢ ظهرا ل ٩ مساءا
مستشفي سيد جلال (باب الشعرية ) المبني الجديد الدور ١١  قاعة المؤتمرات والحضور مفتوح للجميع
ياريت اللي هيحضر يجي بدري في الغالب اهم الحالات بتكون في الاول عشان الناس اللي بتسافر
وبالنسبة للصلاة كل مرور بيكون له منسق هو اللي بيقولنا نصلي امتي حسب ظروف الحالات معاه

https://youtu.be/McQYqi9fh7k?si=bIzmGtc_YzvFvWju

درر من مرور أستاذنا الدكتور محمد الألفي:
حالة النهارده بتتكلم عن سيدة في الأربعينات. وهي قاعدة بتفطر يوم الجمعة، فجأة حست بألم شديد في جنبها الشمال. راحت المستشفى، وأول ما دخلت الطوارئ، الكل -في الحالات دي- بيفكر إن غالبًا عندها مغص كلوي، لأن الألم الشديد أوي ده بيكون renal colic غالبًا.
المريضة كانت بتشتكي من ألم شديد ومعاه Pallor (شحوب)، وده ممكن يكون طبيعي مع الألم. بس الطبيب اللي شافها كان مركز، وما اكتفاش بالتشخيص السريع وخد الحالة بجدية من أول لحظة وطلب على طول سونار وCBC.
السونار بيّن إن في كتلة في الكلى الشمال، وكمان الهيموجلوبين كان نازل. على طول عملوا أشعة مقطعية بالصبغة، وطلعت المشكلة تمزق في ورم وعائي عضلي دهني (Ruptured Angiomyolipoma).
في اللحظة دي، أطباء الأشعة التداخلية اتدخلوا بسرعة وعملوا Embolization (سد الأوعية الدموية) عشان يوقفوا النزيف ويحافظوا على الكلى، واتبلغ بيها أطباء المسالك لأن كان في أي وقت ممكن تحتاج تعمل Nephrectomy، لكن الحمد لله محتاجتش لكده بفضل الله أولاً ثم تعاون الناس كلها بما فيهم أهل المريضة.
جمال الحالة دي في early diagnosis اللي كان سبب في good prognosis، والا فهي في أي مكان محترم كان لازم تتشخص، بس فرق كبير أوي أما تتشخص بدري وبين أما تقعد ساعة ولا ساعتين على ما حد ينتبه ليها.
---
Angiomyolipoma (AML) هو ورم حميد بيتكون من الأوعية الدموية، الأنسجة العضلية، والدهون، وغالبًا بيحصل في الكلى. معظم الحالات بتكون بدون أعراض وبيتم اكتشافها بالصدفة، لكن في بعض الحالات بنحتاج تدخل فوري.
طيب امتى التدخل بيبقى ضروري؟
1. حجم أكبر من 4 سم: الأورام الكبيرة (أكتر من 4 سم) بتبقى معرضة أكتر للتمزق والنزيف.
2. المرضى اللي عندهم أعراض: لو العيان بيشتكي من أعراض زي الألم، الدم في البول (Hematuria), أو علامات نزيف خلف الغشاء البريتوني (Retroperitoneal hemorrhage).
3. نمو سريع: لو الورم بيظهر نمو سريع خلال المتابعة، ده بيزيد من احتمالية حدوث مضاعفات.
4. الحمل: خلال الحمل، الورم ممكن يكبر ويعمل نزيف بسبب زيادة تدفق الدم في الأوعية.
5. الشك في وجود ورم خبيث: لما تكون ملامح الورم غير طبيعية في الأشعة، وبيبقى فيه شك بوجود ورم خبيث.


---
لو الورم تمزق ومسبب نزيف زي الحالة دي، التدخل السريع بيكون ضروري جدًا. أطباء الأشعة التداخلية زي ما شفنا هنا عملوا Embolization عشان يوقفوا النزيف بسرعة ويحافظوا على الكلى. لكن في بعض الحالات اللي النزيف فيها بيكون مستمر أو الورم حجمه كبير جدًا، ممكن نضطر نلجأ لاستئصال الكلى (Nephrectomy).
بفكر حضراتكم بمرور استاذنا د محمد الألفي بكره (٨ اكتوبر ٢٠٢٤) وكل يوم تلات باءذن الله في نفس معادنا من ٢ ظهرا ل ٩ مساءا
مستشفي سيد جلال (باب الشعرية ) المبني الجديد الدور ١١  قاعة المؤتمرات والحضور مفتوح للجميع
....
ملحوظه ..تم كتابة البوست بالاستعانه بال AI
ده سهل عليا كتير لان مكنتش بلاقي وقت اكتب كل اسبوع لزمايلنا اللي مبيقدروش يحضروا المرور
فلو شايفين انه مفيد ان شاء الله نحاول كل اسبوع نكتب بوست
ولو حد من زمايلنا بيحضر المرور وحابب يشارك زمايله بمعلومه استفادها ياريت يبعت لي علي الواتس اللي هو كتبه وهجمع البوستات دي بال AI وانزلها في بوست واحد كل اسبوع ان شاء الله

باسم الله
ده نظام مرور أستاذنا الدكتور محمد الألفي لزمايلنا اللي جاين جديد...
أولاً: إيه الحالات اللي بنشوفها؟
بنشوف حالات من كل فروع الطب:
Cardio, Neuro, Endocrine, Nephro, GIT, إلخ...
وأي حالة بتتوه وسط التخصصات فمكانها ال General Medicine...
إمتى بنشوف الحالة؟ قبل ما تتشخص ولا بعد ما اتشخصت؟
فيه حالات بتكون اتشخصت ولسه فيه تكملة لتشخيصها... مثلاً Acute Pancreatitis... مش هتشوفها وهي critical... بعد ما تتحسن هتيجي، وتبقى الخطوة الجاية: إيه اللي دخلها في Pancreatitis؟
فيه حالات بتكون متشخصة بس جاية بـ exacerbation... زي مثلاً SLE وجاية بـ activity... أو حالة Hereditary Angioedema وجاية بـ intestinal angioedema وهكذا.
فيه حالات بتكون لسه متشخصتش... بتيجي وتتعرض، ويتاخد فيها قرار، وتتابع وكل أسبوع أو أسبوعين أو حتى شهر تيجي متابعة ونشوف وصلت لإيه... فيه حالة مرة شوفناها أول يوم في المرور، بنت تقريبًا ٢٠ سنة، كانت Anorexia Nervosa، كانت ١٩ كجم... على كرسي about to die... فضلت متابعة معانا طول السنة... وكانت هي آخر حالة شوفناها في المرور  بعد ما اتحسنت، وتقريبًا وصلت ٥٠ كجم... أو تقدر تقول رجعت للحياة..
فيه حالات بتكون محجوزة في المستشفى، فيه حالات بتكون معروضة من أقسام تانية، فيه حالات بتكون تبع حد من الدكاترة في المرور، سواء حد قريبه أو حالة من عيادته أو حد من أساتذتنا باعتها ياخد رأي أستاذنا... الحالات دي ممكن الدكتور يكون أول مرة يشوفها.
علشان كده فيه تنوع في الحالات... من أول حالة critical لحد حالة عيادة...
في الغالب أهم الحالات والحالات الجديدة بتتعرض في الأول علشان الناس كلها تستفيد... فطالما نويت تيجي المرور حاول تيجي بدري.
الحالة اللي جت في الأول الأسبوع ده ممكن بعد أسبوعين تلاتة تيجي متابعة في الآخر... طبعًا الفايدة مش هتكمل لو انت شوفت الحالة وهو مريض بس أو وهو كويس بس... لازم تشوفه في الحالتين... وده محتاج وقت وصبر.
بس بعد شوية هتلاقي الحالات بتسمع معاك...
مثلاً شوفنا حالة قريب Bilateral Pheochromocytoma وكانت جاية بـ progressive weight loss.
لو انت أول مرة تيجي فأكيد هتستفيد من الحالة حاجات كتير... من النقط اللي الدكتور أكد عليها إنك تاخد بالك إن الـ Pheochromocytoma ممكن تبقى جزء من syndrome زي MEN أو Von Hippel... أو إنها ممكن تكون malignant... ولازم تتابع حتى بعد ما عملت العملية.
أكيد انت فهمت المعلومة، بس كانت هتسمع معاك أكتر لو كنت شوفت معانا حالة Von Hippel السنة اللي فاتت.
ولما تشوف بعدها حالة Heart Failure في سن صغير... وتفتكر الحالة اللي الدكتور كلمنا عليها قبل كده (ونشرناها على اليوتيوب) عن الشاب اللي كان جاي بـ Heart Failure... وطلع Paraganglioma وبعد ما عمل العملية اتحسن... وتلاقي الدكتور بيقول الحالة دي لا يمكن أقبلها كده ولازم ندور فيها... وأول حاجة ندور على الـ Catecholamines سواء كان Pheochromocytoma أو Paraganglioma...
هتبقى تقريبًا اتكون عندك صورة كاملة للـ Pheochromocytoma.
وهكذا في كل الحالات...
كل حالة ليها مفتاح... ركز أوي إنك تتعلمه ومتخليش حاجات تشتتك وتضيع منك الحالة... بكرة أما تبقى مسؤول وتقف قدام الحالة ومطلوب منك تتصرف هتعرف قيمة الكلام ده...
.......
المرور بيكون كل يوم ثلاثاء بمستشفي سيد جلال (باب الشعرية )الدور الحادي عشر (قاعة المؤتمرات الرئيسية) من الساعة ٢ ظهرا  ل ٨ مساءا
بتنزل محطة مترو غمرة ..تنزل من باب المترو هتلاقي عربيات سيد جلال واقفه قدامك هتنزلك قدام باب المستشفي
تابع جروبات المرور. ..لو الدكتور هيعتذر بننزل الاعتذار في الجروب يوم الإثنين مساءا...تابع كل مرة هتيجي ..لو معتذرناش يبقي المرور شغال
لمتابعة اخبار المرور
تابعنا علي الواتس
(كل جروبات الواتس زي بعض ياريت مندخلش اكتر من جروب لان الواتس عدد محدود ..ولو انت علي اي جروب قديم فهو نفس الكلام بردو مفيش داعي تدخل جروب جديد )
المرور ٢٠٢٤ أ
https://chat.whatsapp.com/HRNI4Ky5rtmJNvdXX8hclq
المرور ٢٠٢٤ ب
https://chat.whatsapp.com/GC5HRbCcNZzEInqJo6g00J
المرور ٢٠٢٤ ج
https://chat.whatsapp.com/K7ItPmM40I211uxqrwlm0d
او تليجرام
ده رابط جروب التليجرام للمرور
https://t.me/DrAlAlfy
.....
او فيس
رابط جروب المرور فيس
https://www.facebook.com/groups/2093939414174472/?ref=share
ولمتابعة فيديوهات المرور
ده رابط قناة clinical sense
https://www.youtube.com/@clinicalsense813

السلام عليكم ورحمة الله
بفكر حضراتكم بمرور استاذنا د محمد الألفي بكره (١ اكتوبر ٢٠٢٤) وكل يوم تلات باءذن الله في نفس معادنا من ٢ ظهرا ل ٩ مساءا
مستشفي سيد جلال (باب الشعرية ) المبني الجديد الدور ١١  قاعة المؤتمرات

السلام عليكم ورحمة الله
بفكر حضراتكم بمرور استاذنا د محمد الألفي بكره (٢٤ سبتمبر ٢٠٢٤) وكل يوم تلات باءذن الله في نفس معادنا من ٢ ظهرا ل ٩ مساءا
مستشفي سيد جلال (باب الشعرية ) المبني الجديد الدور ١١  قاعة المؤتمرات
ياريت اللي اول مرة يحضر المرور يقرأ البوستات المثبته علي الجروب ...اهمهم بوست (القواعد العشر لحضور مرور د الألفي )
.......
باءذن الله  يوم الاتنين من كل اسبوع ٨ مساءا  هننشر كلمة اول المرور (حالة طبية )
ويوم الخميس من كل اسبوع الساعة ٨ مساءا هنشر كلمة اخر المرور (اوقات بتبقي في الطب واوقات بتبقي في اخلاق وشخصية الطبيب)
علي قناة  clinical sense
.......
ده رابط فيديو الاسبوع ده بعنوان
كلمة في افتتاح المرور
اخر ٣ دقايق مهم جدا نسمعهم للي اول مرة هيجي المرور
https://youtu.be/hJvP4RLpYTw?si=xwHyNCtmGKPsj5ik

مرور الدكتور محمد الألفي pinned «السلام عليكم ورحمة الله ببشر حضراتكم بعودة مرور أستاذنا الدكتور محمد الألفي يوم الثلاثاء القادم الموافق ١٧ سبتمبر ٢٠٢٤  ولو حد جاي جديد ياريت يقرأ البوستات المثبته علي جروب المرور ده اهم بوست فيهم :   مرور الأستاذ الدكتور محمد الألفي مرور أستاذنا الدكتور…»

تاسع حاجة ..
الدكتور بيحب الأذكياء جدا
بيشوفهم تربة خصبة يزرع فيها علمه
فكر في كلامك قبل ما تقوله
احيانا ناس بتيجي جديد بتقوم تسأل أسئلة وهو فاكر انه جاب حاجه جديدة وبعد فترة هيكتشف ان ممكن حد أصغر منه بس اقدم منه في المرور كان فاهم وقتها اكتر منه
فاصبر علي نفسك
..
آخر حاجة
العلم ثلاثة أشبار. .فمن دخل في الشبر الأول تكبر ومن دخل في الشبر الثاني تواضع. .ومن دخل في الشبر الثالث علم أنه لا يعلم
ده اللي هيتزرع في نفسك كل مرة تحضر فيها
وأوعي تشبع بسرعة !

باختصار...ده افضل حاجه ممكن تعملها في امتيازك او في الكلية ..وهتعرف أثر ده بعدين في شغلك وحتي في نفسك واخلاقك

السلام عليكم ورحمة الله
ببشر حضراتكم بعودة مرور أستاذنا الدكتور محمد الألفي يوم الثلاثاء القادم الموافق ١٧ سبتمبر ٢٠٢٤ 
ولو حد جاي جديد ياريت يقرأ البوستات المثبته علي جروب المرور
ده اهم بوست فيهم :
  مرور الأستاذ الدكتور محمد الألفي
مرور أستاذنا الدكتور محمد الألفي كل يوم ثلاثاء بمستشفي سيد جلال (باب الشعرية )الدور الحادي عشر (قاعة المؤتمرات الرئيسية) من الساعة ٢ ظهرا  ل ٨ مساءا
بتنزل محطة مترو غمرة ..تنزل من باب المترو هتلاقي عربيات سيد جلال واقفه قدامك هتنزلك قدام باب المستشفي
تابع جروبات المرور. ..لو الدكتور هيعتذر بننزل الاعتذار في الجروب يوم الإثنين مساءا...تابع كل مرة هتيجي ..لو معتذرناش يبقي المرور شغال
الناس اللي خارج مصر او صعب تيجي تتابع فيديوهات المرور علي قناة Clinical sens
رابط جروب المرور فيس
https://www.facebook.com/groups/2093939414174472/?ref=share
.......
رابط جروب المرور واتس المرور ٢٠٢٣
https://chat.whatsapp.com/EWly6WwQd9mIY7nVifrLpv
.........
ده رابط جروب التليجرام للمرور
https://t.me/DrAlAlfy
.....
ده رابط قناة clinical sense
https://www.youtube.com/@clinicalsense813
ولو أول مرة تحضر المرور أنصحك بقراءة البوستات القديمة وأهمها
القواعد العشر للاستفادة من مرور د الألفي:
أول قاعدة
..ودي قاعدة عامة للاستفادة من أي مجلس علم ..هي (التحلي بآداب طلب العلم )
مش مقبول أبدا لأي سبب أن الأستاذ واقف علي رجليه وانت بتتكلم مع زميلك! حتى لو كنت بتسأله..أنت بتضيع وقتك ووقته ..اما تروح ابقي اقرا اللي وقف معاك ...عديها وركز في اللي بعدها..ومع الوقت هتفهم طريقة الدكتور ..لكن أكتر حاجه بتضايق الدكتور هي ان حد يتكلم او يضحك في وجود المريض..دول مرضي الدكتور جايين له مخصوص ..مش مرضي جايين في روند عملي
غير ان في ناس بتيجي من سفر علشان تتعلم ..حرام نظلمها ونضيع وقتها
....
تاني حاجة. .
الناس الجديدة بالذات .. (أصبر علي نفسك )..أنت طالع من الكلية بكم معلومة غير مرتبة ..ومع خبرة تساوي صفر ...أصبر علي نفسك لما تشوف حالة واتنين وعشره وبعد كده أبدا أسأل (أول العلم الصمت )عاوز أقولك في ناس بقالها 15 سنة مع الدكتور ولحد دلوقتي ماسكه ورقه وقلم وبتكتب!
...
تالت حاجة. .
الحالات اللي بتتعرض. .دي حالات حقيقية ...حالات بتابع مع الدكتور بقالها سنين وفي حالات جديدة .هدف الدكتور الأول أنه يخدم ويفيد الناس دي ..أو زي ما بيقول علي المرضي دايما ..دول أهالينا. .الناس دي مبتخادتش فلوس علشان حضرتك تشوفها زي ما أنت متعود في الكورسات. .لأ دول ناس أصحاب مرض فعلا ..فعيب أوي تضحك او حتي تبتسم في وجودهم
لو مش قادر تحس بيهم(وبمصايبهم ) اعمل نفسك حاسس بيهم
...
رابع حاجة ..
أهم قاعدة علشان تستفيد من استاذك. .انك تعرف أنه عنده حاجة غير اللي عندك انت محتاجها. .وأنك مهيأ نفسيا تشوف حاجة غير اللي انت متعود عليه .لكن لو أنت شايف انك تمام اوى يبقي جاي تحضر ليه ؟ وعمرك ما هتتعلم
....
خامس حاجة. .
الدكتور الألفي علمنا إن في حجات تانية لازم تتعلمها علشان تبقي دكتور غير الطب !
وأن مش كل الناس تنفع تبقي دكاتره ..
لازم أولا تبقي انسان ..وتبقي عاقل أو (حكيم )ومينفعش يبقي عقلك محدود (متحجر علي حاجة معينه )غير الخصائص النفسية ..وأنك تقدر تفهم شخصية اللي قدامك ولما تحضر شوية هتشوف النفسية داخله قد إيه في الباطنة
....
سادس حاجة ..
منهج د الألفي. .التعليم بالحالات. ..كل حالة عاوز يديك منها معلومة ..حتي ساعات يبقي في الحالة كذا معلومة ..يختار منها معلومة واحدة بس ..دايما يقول (ثبت دي وابني عليها ).. (أنا مش عاوزكم تشرقوا )..وهو ده منهج العلماء فعلا ...أما لو هو عاوز يستعرض علمه ..أه هتبقي قاعد منبهر بس في الآخر مش هتطلع بفايدة. .علشان كده. .أتعلم متسألش عن حاجة مش موجودة ..كل حاجة هتيجي في وقتها (أصبر علي نفسك بس )
...
سابع حاجة
لما تحضر شوية هتعرف أن الطب حاجة تانية خالص غير اللى انت متخيلة. .في حجات لو اتقالت لك دلوقتي ممكن عقلك يشت  منهج الدكتور انه عاوز ينقلك بالراحة من الطب الكلاسيكي اللي انت عارفه للطب الحقيقي اللي بيتمارس فعلا ..فاهدي وسيب نفسك ..وواحدة واحدة هتفهم. .
أستاذنا د حافظ بيقول (ده مفيش حاجة زي الكتب أصلا !)بكره تفهم الكلمة دي
..
تامن حاجة ..
أنت مش عارف يعني إيه استاذ قاعد يديلك خبرته علي طبق من دهب..بكره هتعرف قيمة الكلام ده..
لما تشوف الحكمة في التعامل مع المرضي هتعرف قد إيه الأطباء (الحكماء ) نادرين جدا ..وأن كتير من الممارسة الطبية فيها رعونه وقلة عقل

السلام عليكم ورحمة الله
ببشر حضراتكم بعودة مرور أستاذنا الدكتور محمد الألفي يوم الثلاثاء القادم الموافق ١٧ سبتمبر ٢٠٢٤
مستشفي السيد جلال (باب الشعرية ) الدور الحادي عشر .قاعة المؤتمرات الرئيسية.الساعه ٢ ظهرا
والحضور مفتوح للجميع
ياريت نبلغ زمايلنا
ولو حد جاي جديد ياريت يقرأ البوستات المثبته علي جروب المرور علشان يعرف نظام المرور ايه
وتابعنا فيس او واتس او تليجرام عشان لو في اي تعديل في مواعيد المرور تعرفها
.....
الواتس
https://chat.whatsapp.com/EWly6WwQd9mIY7nVifrLpv
  الفيس
https://www.facebook.com/groups/2093939414174472/?ref=share
......
التليجرام
https://t.me/DrAlAlfy

السلام عليكم ورحمة الله
ببشر حضراتكم بعودة مرور أستاذنا الدكتور محمد الألفي يوم الثلاثاء بعد القادم الموافق ١٧ سبتمبر ٢٠٢٤ (أي بعد اسبوعين باءذن الله)
مستشفي السيد جلال (باب الشعرية ) الدور الحادي عشر .قاعة المؤتمرات الرئيسية.الساعه ٢ ظهرا
والحضور مفتوح للجميع
ياريت نبلغ زمايلنا

السلام عليكم ورحمة الله
اولا بفكر حضراتكم ان لسه مرجعناش مرور استاذنا الدكتور محمد الألفي وباءذن الله هنعرفكم قبلها بوقت كافي
......
ثانيا
يوميات أطباء الامتياز المجهولين ٥
   Shoulder pain           
مريض اربعيني جاي الاستقبال بوجع جامد في كتفه اليمين .. صحي من النوم لقاه كدة ... مكانش بيشتكي من أي حاجة لها علاقة بالchest فالدكتور سأله إذا كان بيدخن ولا لأ .. قاله انه بيدخل حوالي سجارتين في اليوم ... المهم هو حوله على العظام بس مكتبولهوش حاجة غير مسكن تقريبا وروح ........ معرفش الراجل كان عنده ايه ممكن التهاب مفاصل عادي بس الفكرة انه (shoulder pain in smoker is a danger sign as it may be pancost tumor ) .. . ولأنه peripheral tumor in apex of lung فالشكوى مش بتكون لها علاقة بالامراض الصدرية اوي بتبقى معظمها تنميل ووجع في الايد بسبب pressure on brachial plexus فلو حد مش واخد باله ممكن يروح العيان على ادوية عظام واعصاب بس خصوصا ان اهم عرض للورم ده هو وجع الكتف مع لوح الكتف ونادرا ما يكون فيه حاجة لها علاقة chest ( Signs of a Pancoast tumor) Shoulder pain can also be a sign of a Pancoast tumor (also referred to as a “superior sulcus tumor”), a rare type of lung cancer that begins in the rounded upper section of the lung and spreads to nearby areas of the body. Although a Pancoast tumor is a form of lung cancer, individuals with this condition generally don’t experience any respiratory issues. Instead, they may notice: Pain in the shoulder, arm, armpit, upper back or between the shoulder blades Muscle weakness Tingling Loss of sensation Facial flushing Excessive facial sweating In some instances, someone with a Pancoast tumor may also develop the symptoms of Horner’s syndrome, which include drooping eyelids and reduced pupil size
دي كانت رسالة وتعليق زميلنا
..........
قلت
ألم الكتف من ال redflags المهمة لأنه ممكن يكون مسمع من مكان تاني .ممكن mi او pulmonary embolism   وده اللي كان لازم نستبعدهم في عيان ( male مدخن فوق الاربعين جاي الاستقبال) رسم قلب و x ray و فحص كويس كنا هنستبعدهم ...بعد كده يطلع اي حاجه سهله ...حتي ال tumor هيبقي حالة عيادة و safe انك تروح العيان بس بشرط انك تكون اطمنت ان مفيش حاجه acutec وانك توجهه صح
المعلومة دي كنت قراتها زمان في كتاب اكسفورد لل gp وكتبتها في المنظومة -اللي اتمني تسمعهوها هتستمتعوا -
(وألم بالكتف ......ما دمت لم تكشف
قل دائما من غيره ....كقلبه أو صدره )
يعني  mi او  pe  او others واشهر ال other gallblader
ومع اهمية المعلومة دي فهي سقطت من كتاب
Oxford clinical diagnosis
وده يقولك مهما كان الكتاب عظيم مش هيبقي كامل الا القرءان
النقطة التانية ...بشكر الدكتور انه فكر في سبب خطير ..بس عاوز اقول بردو احيانا في بداية حياتنا تفكيرنا بيحدف شوية ناحية الاسباب الخطيرة ...مع الوقت ومع ملازمة الاساتذة بتلاقي نفسك هديت وتبدأ تعرف امتي تقلق وامتي تطمن المريض واما تقلق ايه ال urgency وايه ال emergancy وهكذا
اهم حاجه منظنش ظن سيء بالناس اللي اكبر مننا ....نتعلم منهم ...ولو شوفنا غلط نتعلم منعملوش
دي خامس رسالة وصلتنا في مشروع (يوميات اطباء الامتياز المجهولين ) ..وفي انتظار رسايل حضراتكم للتعليق عليها ونشرها باءذن الله
ده رابط الفورم للي يحب يشاركنا
https://docs.google.com/forms/d/e/1FAIpQLScUuyE9RZNUq02R7OzaC38KbOM3BiL2zbmSDcbIWe6lc2VBLQ/viewform?usp=pp_url
وتابعوا جروب (يوميات طبيب امتياز )علي التليجرام
وهتلاقوا عليه المنظومة الطبية متسجلة بصوت جميل صوت حبيبي الدكتور محمد البري لن تملوا سماعها ♥️

السلام عليكم ورحمة الله
بفكر حضراتكم ان لسه مرجعناش مرور استاذنا الدكتور محمد الألفي وان شاء الله هنعرف حضراتكم قبل ما نرجع بوقت كافي باءذن الله

السلام عليكم ورحمة الله
بفكر حضراتكم ان لسه مرجعناش مرور استاذنا الدكتور محمد الألفي وان شاء الله هنعرف حضراتكم قبل ما نرجع بوقت كافي
ربنا ييسر يكون الرجوع قريبا ..وباءذن الله نحاول نعمل لقاء اون لاين مع استاذنا  لسه هنعلن عنه باءذن الله 

امتي فحص المريض ممكن يضره؟
......
أول قاعدة في الطب بتقول first do no harm
فهل ممكن ال Examination العادي يضر المريض ؟!
.....
دي بعض المواضع اللي ممكن فيها الفحص يضر المريض
ولو بايدي اخليه سؤال في اي امتحان كلينكال
....
1 Stridor and laryngeal edema
أثناء الفحص بال depressor بيحصل spasm كـ reflex protective mechanism والعيان already ال larynx عنده partially obstructed
لو حصل more spasm ممكن يدخل ف complete
obstruction and death
اللي هيستخدم خافض لسان في الحالة دي لازم يكون دكتور أنف وأذن..والا ممكن ال air way المقفول يتقفل أكتر فلازم حد يقدر يتعامل مع الموقف لو حصل
.....
2 Pheochromocytoma
الجسم فيه كميات كبيرة من epinephrine و norepinephrine وممكن اي تعامل مش محسوب مع المريض يعمل overstimulation of sympathetic ويدخله ف hypertensive crisis
3. Ectopic pregnancy
أي فحص عنيف للمكان اللي فيه ectopic pregnancy ممكن يؤدي ل rupture
4 spleen  in Infectious mononucleosis
كنا بنحل حالة من كتاب
100 case in acute medicine
فكان بيقول تنبه علي المرضي دول ميعملوش رياضة فيها عنف او احتكاك مع حد
وعلي medscape لقيته بيحذر حتي الدكتور انه وهو بيفحص يبقي gentle

Because of the risk of splenic rupture, health care providers should avoid vigorous abdominal examination and palpation in patients with infectious mononucleosis.
...
5 suspect aneursm
في أي مكان
ودي شوفت حالتين مع استاذنا د محمد الألفي ..حالة old age very thin
اثناء فحص ال abdomen كان تقريبا ال aneyrsm محسوس والدكتور نبه إن لازم تبقي fine وانت بتفحصه
الحالة التانية ست كبيرة كنت جايبها للدكتور ايام التكليف فيه زي cyst في رقبتها ...لقيت الدكتور بيفحصه بالراحة جدا وقال خدوا بالكم ليكون vascular وده اللي ثبت بعد كده لما عملت دوبلكس
.....
6 sensitive persons
ودي ممكن متلاقيهاش في الكتب
أحيانا تيجي حالات من الناس النادرة دي المرور ..فالدكتور ينبه أن التعامل هنا لازم يبقي very fine
وان التعامل العنيف معاهم ممكن يبقي destructive ليهم
مش كل ال destruction هيبقي organic
فيه destruction بيحصل في النفس وممكن تشوفه بعد كده في الجسد
.......
طبعا القايمة لسه مفتوحه لمشاركة حضراتكم
وان شاء الله البوست الجاي نفتح قايمة تانية بعنوان
(امتي الفحوصات تضر المريض ؟)
أول مثال ليها
Fulminant Ulcerative Colitis
ال GI mucosa ف حالة inflammation شديد وأي local manipulation سواء بمنظار او enema أو أدوية ممكن ينتج عنه مضاعفات تصل لperforation

السلام عليكم ورحمة الله
بفكر حضراتكم بمرور استاذنا د محمد الالفي بكره باءذن في نفس معادنا ومكانا
مستشفي سيد جلال الدور الحادي عشر قسم الباطنة من الساعة ٢ ل ٩ مساءا