طبيب امتياز

السلام عليكم‌❤️⁩
Acute pancreatitis

عيان بيشتكي من ألم شديد في epigastric و بيسمع في ظهره
هيدخلك الاستقبال واخد وضع الركوع (تاني جسمه لقدام) لانه لما بيقف فارد ظهره بيتألم أكتر و بيرجع كذا مرة

غالبا بيكون عنده حصوة مرارة أو بيشرب كحول أو إتخبط
و شوف عنده صفرا ولا لا

-Tenderness and rigidity
-Cullen sign بقع زرقاء حوالين السرة
-grey turner sign بقع زرقاء ف جنبه

مهم جدا نستبعد ال D.D :
-Gastritis and peptic ulcer
الألم بيزيد مع الأكل ؟ بتاخد مسكنات ؟

-Hepatitis
في ألم في جنبك اليمين ؟ عينك اصفرت ؟ لون البول او البراز اتغير ؟ رجعت؟
-Biliary colic
في ألم في جنبك اليمين ؟مسمع في كتفك اليمين؟عندك حصوة على المرارة؟
-Renal colic
في ألم في جنبك ؟ مسمع تحت ؟ في حرقان او مشاكل في البول ؟

-Acute MI
عندك ضغط او سكر ؟ بتدخن ؟

-Aortic dissection
الألم بيسمع في ضهرك ؟ الضغط كان عالي

-Pneumonia
في سخونيه ؟ بتكح ؟ في نهجان ؟ او الم في صدرك ؟

Investigation:
-S.Lipase (الادق)
زيادة عن الطبيعي مرتين او تلاتة
-S.amylase above 1000
-US
-CT is Diagnostic
-ECG

هنعلق محلول و ندي مسكن و نستدعي النائب لأن الحالة ممكن تتحجز

Copied.

مهم جداً يا شباب الموضوع دا ، ف حالات كانت جايه ب MI وكل الشكوى اللي جايه بيها انها معاها تنميل او ف ضروسها مفاجيء ، ودي صعبه طبعاً ف التشخيص ، لكن العيانين دول بيبقا معاهم risk factors ( اوعى تهمل ال risk factors ) .

كنت شوفت بوست لنايب قلب قبل كدا كمان كان بيحجز أي حد معاه Risk factors لو جايله " بيعرق " .
العرق علامة مهمة جداً برضو ف ال MI .

‼️ انتبه لـ Silent MI عند مريض السكر!

مريض السكر قد لا تظهر عليه الأعراض التقليدية للذبحة الصدرية مثل “ألم الصدر” بسبب diabetic autonomic neuropathy. لكن هناك علامات أخرى يجب الانتباه إليها:

1️⃣ وجود ألم غير تقليدي في الصدر (Atypical Chest Pain):

• قد يشتكي المريض من:
• ألم في المعدة (Epigastric pain).
• ألم في الظهر، الرقبة، الفك، أو الكتف.
• في بعض الحالات، قد يكون الألم غامضًا (Vague) أو غير موجود نهائيًا.

2️⃣ ضيق تنفس مفاجئ (Sudden Dyspnea):

• بدون سبب واضح.

3️⃣ إرهاق شديد وغير مبرر (Unexplained Fatigue):

• شعور مفاجئ بالتعب دون مجهود يُذكر.

4️⃣ غثيان أو قيء غير مبرر (Nausea and Vomiting):

• قد تكون علامة مهمة.

5️⃣ التعرق البارد (Sweating):

• خصوصًا عند وجود برودة في الأطراف.

6️⃣ الإغماء أو الدوخة (Syncope or Dizziness):

• خاصة إذا حدثت أثناء مجهود أو فجأة.

🏷️ ملحوظة مهمة:

• مرضى السكر أكثر عرضة ل (Silent MI) التي قد تحدث دون ألم واضح.
• إذا اشتكى المريض من أي من الأعراض أعلاه مع وجود عوامل خطر مثل:
• (Hypertension).
• (Hyperlipidemia).
• تاريخ مرضي للإصابة بـ (Coronary Artery Disease).

🔴 يجب عمل ECG وطلب تحليل Cardiac enzymes على الفور و الاشتباه في MI
Copied.

مش اي عيان ضغطه تحت ٩٠ / ٦٠ يبقى shocked ..

ال shock هي tissue hypoperfusion .

فلو العيان ضغطه اقل من ٩٠ / ٦٠ و perfused ..

فده hypotensive مش shocked .

في حالات متابعة معايا في العيادة وضغطها ٨٠ / ٥٠ وساعات بيكون اقل و perfused وعايشين بيه زي الفل ..
ولا بطلب منهم يروحوا رعاية ولا مستشفى ولا يعلقوا محلول حتى ..

تعرف ازاي اذا كان الشخص ده perfused ولا لأ ..

اول حاجة بتشوف الدم واصل كويس للمخ ولا لأ عن طريق درجة الوعي .. لو العيان واعي .. يبقى تمام ..

العيان متوه وواعية مش كامل كدا ممكن يكون في brain hypoperfusion .

تاني حاجة تحط ايدك على نبض العيان وتشوف ال peripheral pulsation محسوسة كويس ولا لأ والاطراف باردة ولا لا .. لو محسوسة يبقى الدم واصل لاطراف المريض وساعتها هتكون مش باردة عن باقي الجسم ..

تالت حاجة وده الاهم هو .. renal hypoperfusion ..لأن الكلى اول حاجة بتتأثر .. هتلاقي العيان قاطع بول ..

لكن لو لقيت العيان جايب بول كويس .. يبقى perfused ومش shocked .

طب ايه هي كمية البول اللي اقول عنها كويسة ؟

هي من 0.5 ل 1 مل / كجم / ساعة

يعني لو عيان وزنه 100 كجم .. لو جاب من 50 ل 100 مل بول كل ساعة فده كويس .. اقل من كدا يبقى ممكن يكون hypoperfused .. بشرط ان العيان ميكونش renal اصلا وكمية البول عنده قليلة من الاول ..

فمش اي عيان ضغطه اقل من 90/60 يبقى shocked ومش اي عيان ضغطه اقل من 90 / 60 يتحجز رعاية .

فزي ما قولنا قبل كدا ان مش اي مريض ضغطه واطي يبقى shocked.

وان في علمات لل shock المفروض تبقى موجودة عشان اقول العيان ده shocked .

زي ايه ؟!

Cold legs & weak peripheral pulsation.
Oliguria less than 0.5 to 1 ml / kg / hour
Confusion & Disturbed conscious level
High lactat in ABG

بس لازم نخلي بالنا في بعض الحالات .. بعض العلامات دي ممكن تبقى موجودة والمريض برضه مش shocked.

زي

peripheral vascular disease .

هنا ال peripheral pulsation هتكون ضعيفة حتى لو العيان ضغطه كويس ومش shocked.

Renal impairment .

هنا المريض هيكون oliguric حتى لو ضغطه كويس ومش shocked .

Hepatic patient & patient e central affection.

هنا وعي المريض مش هيكون احسن حاجة وممكن يكون DCL حتى لو ضغطه كويس ومش shocked .

وكمات ال lactic acid بيعلي في حالات ال sepsis & hepatic حتى لو العيان مش shocked .

عشان كدا الضغط الواطي لوحده مش كافي لتشخيص ال shock والعلامات التانية لوحدها مش كافية لتشخيص ال shock .

ولكن احنا بنقيم الحالة على بعضها .. وبنقارنها بال base line بتاعها.. وبنقيم كل حالة حدى .

ودمتم 💕✨

Dr. Mohammed Emam

الدرس اللى بيتعلمه كل طبيب يومياً :

اوعى تستنى مريض سكر يجيلك ب Chest pain عشان تشخص ACS . وطبعا كلنا عارفين ده بسبب ال Autonomic Neuropathy واللى بيخللى المريض بيجى ب silent MI .

طب امتى تشك إن العيان بتاعك فى Silent MI :

١. أى عيان يجيلك ب DKA لازم تعمل له رسم قلب وخصوصاً لو  Type 2 DM لان طبعا ال DKA عشان تحصل فى type 2 لازم يكون فيه Major stress واللى احنا بنسميه تحالف قوى الشر عشان يحصل DKA فى النوع التانى للسكر فلازم تاخد بالك ومتنساش ال silent Ischemia ده طبعا بخلاف Type 1 اللى معاه ال DKA بيكون اكثر شيوعاً .

٢. لو العيان جالك بEpigastric pain & vomiting ومعاه عرق او بروده فى الأطراف .

٣. لو العيان جالك Acute onset of dizziness & sense of unwell

٣. لو العيان بتاعك مريض ضغط وكان ضغطه مظبوط على العلاج ومرة واحدة لقيت ضغطه واطى بدون سبب .

٤. اى عيان سكر عنده any pain from jaw to umblicus you should exclude cardiac Ischemia

خليك شكاك ومتنساش اى عيان سكر عنده حاجة من العلامات اللى فاتت اجتهد انك تستبعد ال Cardiac Ischemia

" ومن أحياها فكأنما أحيا الناس جميعاً " 🌹

د.مصطفي صبرة
استشاري ومدرس الباطنة العامة