មូលនិធិគន្ធបុប្ផាកម្ពុជា Cambodia Kantha Bopha Foundation

ឯកឧត្តម ម៉ុក ដារ៉ា អគ្គលេខាធិការរងនៃគណៈកម្មាធិការជាតិរៀបចំការបោះឆ្នោត បាននាំយកថវិកាប្រចាំឆ្នាំ២០២៤ ចំនួន ៥១ ៧៥១ ០០០ រៀល បរិច្ចាគជូនមូលនិធិគន្ធបុប្ផាកម្ពុជា
================
សូមថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏ថ្លៃថ្លារបស់ថ្នាក់ដឹកនាំនៃគណៈកម្មាធិការជាតិរៀបចំការបោះឆ្នោត ចំពោះការចូលរួមផ្សព្វផ្សាយ និងបានកៀរគរថវិកាសប្បុរសធម៌ប្រចាំឆ្នាំ២០២៤ ពីមន្ត្រីរាជការ និងបុគ្គលិកទាំងអស់នៃគណៈកម្មាធិការជាតិរៀបចំការបោះឆ្នោត បានចំនួន ៥១ ៧៥១ ០០០ រៀល និងបាននាំយកមកបរិច្ចាគជូនមូលនិធិគន្ធបុប្ផាកម្ពុជា ក្នុងគោលដៅរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ក្នុងការបន្តបេសកកម្មផ្ដល់សេវាពិនិត្យ និងព្យាបាលទារក និងកុមារ ដោយឥតគិតថ្លៃ ប្រកបដោយគុណភាព និងមិនមានការរើសអើង។

សូមចូលរួមបរិច្ចាគតាមរយៈតំណនេះ ៖ https://epayment.acledabank.com.kh/wRx1Z4Gzqzi8zMDq/pay

អបអរសាទរ ព្រះរាជពិធី បុណ្យអុំទូក បណ្ដែតប្រទីប និងសំពះព្រះខែ អកអំបុក
សូមគោរពជូនពរប្រជាជនកម្ពុជាទាំងអស់ជួបតែសេចក្តីសុខ សេចក្តីចម្រើន។

Happy Water Festival
We wish everyone great happiness and prosperity during this joyous holiday.

ក្រោយបញ្ចប់ព្រឹត្តិការណ៍រត់ដើម្បីកុមារកម្ពុជា, គម្រោងពាណិជ្ជកម្ម ទីក្រុងជ្រោយចង្វារ បាននាំយកថវិកា ចំនួន ៩ ៤៤៨,៧៥ ដុល្លារអាម៉េរិក មកបរិច្ចាគជូនមូលនិធិគន្ធបុប្ផាកម្ពុជា
=========^^^=========
មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅជូន គណៈគ្រប់គ្រង និងបុគ្គលិកនៃគម្រោងពាណិជ្ជកម្ម ទីក្រុងជ្រោយចង្វារ ចំពោះការគិតគូរផ្តួចផ្តើមរៀបចំព្រឹត្តិការណ៍រត់ដើម្បីកុមារកម្ពុជា ប្រចាំឆ្នាំ២០២៤ និងបានចាត់ចែងថវិកាសប្បុរសធម៌ទទួលបានពីព្រឹត្តិការណ៍ចំនួន ៩ ៤៤៨,៧៥ ដុល្លារ មកបរិច្ចាគជូនមូលនិធិគន្ធបុប្ផាកម្ពុជា ដើម្បីចូលរួមគាំទ្រកិច្ចដំណើរការរបស់មន្ទីរពេទ្យគន្ធបុប្ផា ក្នុងការបំពេញបេសកកម្មជួយសង្គ្រោះស្ត្រី ទារក និងកុមារកម្ពុជា។

មូលនិធិគន្ធបុប្ផាកម្ពុជា សូមបន្តលើកទឹកចិត្តដល់សប្បុរសជនទាំងក្នុង និងក្រៅប្រទេស ចូលរួមបរិច្ចាគក្នុងស្មារតី "ខ្មែរជួយខ្មែរ" ដើម្បីរួមគ្នានាំភាពញញឹមដល់កុមារដែលជាអនាគតដ៏ភ្លឺស្វាងរបស់កម្ពុជា។

សូមចូលរួមបរិច្ចាគតាមរយៈតំណនេះ ៖ https://epayment.acledabank.com.kh/wRx1Z4Gzqzi8zMDq/pay

អបអរសាទរខួបលើកទី ៧១ នៃទិវាបុណ្យឯករាជ្យជាតិ 🇰🇭
Happy 71th Anniversary of Cambodia’s Independence Day 🇰🇭

ឯកឧត្តមបណ្ឌិត ចន ណារិទ្ធ អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជានាយកប្រតិបត្តិនៃមូលនិធិគន្ធបុប្ផាកម្ពុជា បានជួបពិភាក្សាការងារមួយជាមួយលោកបណ្ឌិត René Schwarzenbach, អតីតប្រធានក្រុមប្រឹក្សាភិបាលនៃមូលនិធិគន្ធបុប្ផាស្វីស និងជាតំណាងលោកបណ្ឌិត Philip Robinson ប្រធានក្រុមប្រឹក្សាភិបាលមូលនិធិគន្ធបុប្ផាស្វីស ដើម្បីពង្រឹងកិច្ចសហប្រតិបត្តិការរវាងមូលនិធិគន្ធបុប្ផាកម្ពុជា និងមូលនិធិគន្ធបុប្ផាស្វីស ក៏ដូចជាគិតគូរអំពីការអភិវឌ្ឍមន្ទីរពេទ្យគន្ធបុប្ផា ក្នុងពេលអនាគត។

កិច្ចប្រជុំគណៈកម្មការទ្រទ្រង់មូលនិធិគន្ធបុប្ផាកម្ពុជាប្រចាំខេត្តព្រះវិហារ នៅថ្ងៃទី១ ខែវិច្ឆិកា ឆ្នាំ២០២៤!
==========^^^==========
ក្នុងស្មារតីបន្តផ្សព្វផ្សាយ និងបំផុសចលនាគាំទ្រពីគណៈកម្មការទ្រទ្រង់មូលនិធិប្រចាំរដ្ឋបាលខេត្តនីមួយៗ, ដោយមានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត ចន ណារិទ្ធ អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជានាយកប្រតិបត្តិនៃមូលនិធិគន្ធបុប្ផាកម្ពុជា ក្រុមការងារនៃមូលនិធិគន្ធបុប្ផាកម្ពុជា បានបន្តជួបប្រជុំពិភាក្សាការងារ ជាមួយគណៈកម្មការទ្រទ្រង់មូលនិធិគន្ធបុប្ផាកម្ពុជាប្រចាំខេត្តព្រះវិហារ។ កិច្ចប្រជុំនេះ រៀបចំឡើងក្នុងគោលបំណងចម្បងគឺផ្សព្វផ្សាយ និងចែករំលែកព័ត៌មាននានាពាក់ព័ន្ធនឹងមន្ទីរពេទ្យគន្ធបុប្ផា និងមូលនិធិគន្ធបុប្ផាកម្ពុជា ជាពិសេស គឺការបំផុសចលនាកៀរគរថវិកាសប្បុរសធម៌ដោយស្ម័គ្រចិត្តពីថ្នាក់ដឹកនាំ មន្ត្រីរាជការ អាជីវករគ្រប់លំដាប់ថ្នាក់ និងបងប្អូនសប្បុរជននានានៅក្នុងរង្វង់នៃរដ្ឋបាលខេត្តព្រះវិហារ តាមរយៈគណៈកម្មការទ្រទ្រង់មូលនិធិគន្ធបុប្ផាកម្ពុជាប្រចាំរដ្ឋបាលខេត្ត ដែលជាយន្តការនៅក្នុងមូលដ្ឋានដ៏សំខាន់ ក្នុងការចូលរួមរក្សានិរន្តរភាពនៃកិច្ចដំណើការរបស់មន្ទីរពេទ្យគន្ធបុប្ផា ក្នុង “ខ្មែរជួយខ្មែរ” និងដើម្បីជួយសង្រ្គោះទារក និងកុមារនៅកម្ពុជា ស្របតាមការតាំងចិត្តរបស់ប្រមុខរាជរដ្ឋាភិបាល។

កិច្ចប្រជុំពិក្សានេះ មានការអញ្ជើញចូលរួមពីឯកឧត្តម យុង គឹមហ៊ាន អភិបាលរងនៃគណៈអភិបាលខេត្តព្រះវិហារ និងជាអនុប្រធានគណៈកម្មការទ្រទ្រង់ប្រចាំខេត្ត និងសមាជិក សមាជិកានៃគណៈកម្មការទ្រទ្រង់មូលនិធប្រចាំខេត្តព្រះវិហារ ផងដែរ។