Amhara Region revenue bureau

ባለፉት 4 ወራት 4 ሺህ 507 ግብር ከፋዮች የደረጃ ሽግግር አድርገዋል፡፡ አቶ እያሱ አምባዬ
ጥቅምት 13/2017 ዓ.ም (አማራ ክልል ገቢዎች ቢሮ)

ባለፉት 4 ወራት 4 ሺህ 507 ግብር ከፋዮች የደረጃ ሽግግር አድርገዋል፡፡ አቶ እያሱ አምባዬ
ጥቅምት 13/2017 ዓ.ም (አማራ ክልል ገቢዎች ቢሮ)

የአማራ ክልል ገቢዎች በ2017 ዓ.ም የመጀመሪያው ሩብ ዓመት የግብር ከፋዮችን ደረጃ ሽግግር ተግባር በተመለከተ ጋዜጣዊ መግለጫ ሰጥቷል፡፡

መግለጫውን የሰጡት በአማራ ክልል ገቢዎች ቢሮ የገቢ አሰባሰብ እና ክትትል ባለሙያ የሆኑት አቶ እያሱ አምባዬ እንደተናገሩት ግብር ከፋዮች ያላቸውን ዓመታዊ ግብይት መሰረት በማድረግ እስከ 500 ሺህ ብር ደረጃ "ሐ"፣ ከ500 ሺህ ብር እስከ 1 ሚሊዮን ብር ደረጃ "ለ" እና ከ1 ሚሊዮን ብር በላይ ደረጃ "ሀ" ተብለው ይመደባሉ ብለዋል፡፡

በ2017 ዓ.ም 97 ሺህ ግብር ከፋዮች የደረጃ ሽግግር ለማድረግ ታቅዶ ባለፉት 4 ወራት 4 ሺህ 507 ግብር ከፋዮች ከአንዱ የግብር ከፋይ ደረጃ ወደ ሌላ የግብር ከፋይ ደረጃ ሽግግር አድርገዋል ብለዋል፡፡ አፈፃፀሙ በ2016 ዓ.ም በዓመቱ የደረጃ ሽግግር ከአደረጉት 1 ሺህ 156 ግብር ከፋች ጋር ሲነፃፀር አብላጫ እንዳለው ተናግረዋል፡፡

የደረጃ ሽግግር ለማድረግ ዓመታዊ የንግድ ድርጅቶች ሽያጭ መሰረት በማድረግ ስለሆነ የገቢ ተቋሙ ባለሙያዎች የቀን ገቢ ግምት በሚያጠኑበት ወቅት ግብር ከፋዮች ትክክለኛ እና ታማኝ መረጃ መስጠት ይኖርባቸዋል ብለዋል፡፡

የደረጃ ሽግግር ግብር ከፋዮች ከግምት የወጣ ግብር እንዲከፍሉ እና ኢኮኖሚው የሚያመነጨው ገቢ በፍትሃዊት እንዲሰበሰብ የሚያደርግ እንደሆነ አብራርተዋል፡፡

የደረጃ ሽግግር ማድረጉን በገቢ ተቋሙ ማሳወቂያ የተሰጠው ግብር ከፋይ የተሰጠውን ደረጃ የግብር ግዴታ መወጣት የሚጠበቅበት ሲሆን ይህን ሳያደርግ ሲገኝ ተቋሙ አስተዳደራዊ ቅጣት እንደሚወስድ አውስተዋል፡፡

የአማራ ክልል ገቢዎች ቢሮ በ2017 ዓ.ም ከመደበኛ እና ከከተማ አገልግሎት ገቢ በድምር 71 ነጥብ 650 ቢለዮን ብር ለመሰብሰብ እቅዶ እስከ ህዳር 12/2017 ዓ.ም በተሰበሰበ መረጃ 16.5 ቢሊዮን ብር ወይም የእቅዱን 23 በመቶ መሰብሰብ ተችሏል ብለዋል፡፡
ግብር ከፋዮች የታክስ ስርዓቱን ተከትለው የግብር ግዴታቸውን ሊውጡ ይገባል ሲሉ አቶ እያሱ መልዕክት አስተላልፈዋል፡፡

ዘጋቢ፡- ሲሳይ አስማማው
ካሜራ ባለሙያ፡- ማስተዋል ሁነኛው

መረጃዎችን በሚከተሉት አማራጮች ይከታተሉ፡-
ፌስ ቡክ፡-https://www.facebook.com/AmraNews
https://www.facebook.com/profile.
በቴሌግራም:- https://t.me/bureauof
በዩትዩብ:- https://www.youtube.com/ ገቢያችን
በገቢያችን ተቴሌቪዥን ዘወትር እሁድ ከጠዋቱ 5:30 እስከ 6:00 እና
ሳምንታዊ የገቢዎች ቢሮ የሬድዮ ፕሮግራም ዘወትር እሁድ ከቀኑ 10:10 እስከ 10:40 በአማራ ራዲዮ እና ኤፍኤም 96.9 ይከታተሉን።
እንዲሁም አስተያየትና ጥቆማ በ 9504 ይደውሉ

የሀዘን መግለጫ
በስራ ባልደረባችን ወ/ሮ ጣዕመ እያሱ ውብሽ ሕልፈተ-ሕይወት የተሰማንን ጥልቅ ሐዘን እንገልፃለን

ወ/ሮ ጣዕመ እያሱ ባደረባቸው ድንገተኛ ህመም ህዳር 06/2017 ዓ.ም በህክምና ሲረዱ ቆይተው ከዚህ ዓለም ተለይተዋል።

የቀብር ሥነ-ሥርዓታቸው ቤተሰቦቻቸው፣ የስራ ባልደረቦቻቸው፣ እና የሸዋሮቢት ከተማ ነዋሪዎች በተገኙበት በሸዋሮቢት ከተማ ቅድስት ማርያም ቤተክርስቲያን መካነ መቃብር ስፍራ ተፈፅሟል።

ወ/ሮ ጣዕመ በሸዋሮቢት ከተማ አስተዳደር ገቢዎች ጽ/ቤት በልዩ ልዩ የሙያ መስክ ከሰኔ 29/2001 ዓ.ም ጀምሮ በታማኝነት፣ በቅንነትና በታታሪነት አገልግለዋል።

ወ/ሮ ጣዕመ ባለትዳርና የአንድ ወንድ እና የአንዲት ሴት እናት ነበሩ።

የአማራ ክልል ገቢዎች ቢሮ አመራሮችና ሰራተኞች በስራ ባልደረባችን ድንገተኛ ሕልፈት ምክንያት የተሰንን ጥልቅ ሐዘን እየገለፅን ለልጆቻቸው፣ ቤተሰቦቻቸው እንዲሁም የስራ ባልደረቦቻቸው መጽናናትን እንመኛለን።

የቴምብር ቀረጥ የሚከፈልባቸው ሰነዶች፤
የሚከተሉት ሰነዶች የቴምብር ቀረጥ ይከፈልባቸዋል።
የማንኛውም የንግድ ማሕበር፣ የኅብረት ሥራ ማሕበር ወይም የማንኛውም ዓይነት ማሕበር መመስረቻ ጹሑፍ መተዳደሪያ ደንብ
ግልግል ፤“ግልግል” ማለት ስለ ግልግል፣ ስለ እርቅ፣ስለስምምነት ወይም ስለሌላ ተመሳሳይ ጉዳይ በሁለት ተዋዋይ ወገኖች በተደረገ ስምምነት መሠረት በፍርድ ቤት ሳይሆን በገላጋዮች አልቆ በፁሑፍ የተሰጠ ውሳኔ ነው።
ማገቻ፡ “ማገቻ” የተወሰነ ነገር በመፈፁሙ ወይም ባለመፈፁሙ ምክንያት የሚቀር ሆኖ አንድ ሰው ለሌላው ገንዘብ ለመክፈል ግዴታ የሚገባበት ማናቸውንም ሰነድ ወይም በምስክር የተረጋገጠ ሆኖ ነገር ግን በትዕዛዝም ሆነ ለአስመጭው የማይከፈልበት አንድ ሰው ለሌላው ገንዘብ ለመክፈል ግዴታ የሚገባበትን ማናቸውም ሰነድ ይጨምራል
የዕቃ ማከማቻ ፣
ውል፣ ስምምነትና የነዚህ መገለጫዎች፣
የመያዣ ሰነዶች፣
የሕብረት ስምምነት፣
የሥራ/ቅጥር/ ውል፣
የኪራይ የተከራይ አከራይና መሰል መብት የማስተላለፊያ ሰነዶች ጭምር፣
ማረጋገጫ “ማረጋገጫ” ማለትየህዝብ ጉዳዮችን ለማረጋገጥ ሥልጣን ባለው ሰው በሰነዶች ላይ የሚሰጥ ምስክርነት ነው።
የውክልና ሥልጣን
የንብረት ባለቤትነት ማስመዝገቢያ ሰነድ
በፍርድ ቤት ውሳኔ መሰረት ሀብት የሚወርሱ ወራሾች የንብረት ባለቤትነት ስም ማስመዝገቢያ የሚከፈለው የቴምብር ቀረጥ ዋጋ ላይ 1% ብቻ ይሆናል፡፡ ከዚህ ጋር በተያያዘ ለአቅመ አዳም ያልደረሱ ወራሾች በሞግዚት እንዲተዳደር ሆኖ ከቆዩ በኋላ ወራሾች የድርሻቸውን ንብረት ሲከፋፈሉ ከአሁን በፊት ለስመ ንብረት ዝውውር የከፈሉበት ማስረጃ ከቀረበ በድጋሜ የቴምብር ቀረጥ አይጠየቅበትም፡፡
ከአቅም በላይ በሆነ ምክንያት የግለሰብ ስም መጠሪያ በፍርድ ቤት ውሳኔ እንዲቀየር ከተደረገ እና በህግ አስገዳጅነት የግለሰብ መጠሪያ ስሙ መቀየሩን የሚገልጽ ማስረጃ ማቅረብ ከተቻለ የንብረት ባለቤትነት ስም ማስመዝገቢያ የሚከፈለው የቴምብር ቀረጥ ዋጋ ላይ 1% ብቻ ይሆናል፡፡
በሞት ወይም በሌሎች የፍቺ ምክንያቶች የሁለቱ ተጋቢዎች የጋራ ሀብት የሆነ ማናቸውም የሚንቀሳቀስ ወይም የማይንቀሳቀስ ንብረት ባለቤትነት ከአንደኛው ተጋቢ ወደ ሌላኛው ስም በሚተላለፍበት ጊዜ ለሚፈፀም የስመ-ንብረት ዝውውር የቴምብር ቀረጥ አይከፈልበትም፡፡

https://www.youtube.com/watch?v=1nJhmhj30EU

New Tv program

“ትክክለኛና ፍትሂዊ ግብርን በወቅቱ መክፈል ለህሊናና ሞራል እርካታ እንዲሁም ለህዝብ ተጠቃሚነትና ለሀገር ዕድገት ወሳኝነት አለው” ጎሹ እንዳላማው የባሕር ዳር ከተማ ከንቲባ
ህዳር 03/2017 (ባሕር ዳር ከተማ ኮሙኒኬሽን)

“ትክክለኛና ፍትሂዊ ግብርን በወቅቱ መክፈል ለህሊናና ሞራል እርካታ እንዲሁም ለህዝብ ተጠቃሚነትና ለሀገር ዕድገት ወሳኝነት አለው” ጎሹ እንዳላማው የባሕር ዳር ከተማ ከንቲባ
ህዳር 03/2017 (ባሕር ዳር ከተማ ኮሙኒኬሽን)
የባሕር ዳር ከተማ አስተዳደር ገቢዎች መምሪያ የ2017 ዓ/ም የታክስ ንቅናቄና የእውቅና እንዲሁም የምስጋና መድረክ "ግብር ለሀገር ክብር" በሚል መሪ መልዕክት ያካሄደ ሲሆን በዕለቱም የአብክመ ገቢዎች ቢሮ ኃላፊ አቶ ክብረት ማህሙድ ፣የባሕርዳር ከተማ አስተዳደር ተ/ም ከንቲባ አቶ ጎሹ እንዳላማው፣ ም/ከንቲባ አስሜ ብርሌ፣ የባሕር ዳር ከተማ ብልፅግና ፓርቲ ጽ/ቤት ኃላፊ ሞላ ሁሴንና ሌሎች የክልል፣ የከተማና ክፍለ ከተማ አመራሮች፣ ምስጉን ግብር ከፋዮች፣ የገቢ ግብር አሰባሰብ አጋርና ባለድርሻዎች ተገኝተዋል።
የባሕር ዳር ከተማ አስተዳደር ገቢዎች መምሪያ ኃላፊ አቶ ኃይለማርያም እሸቴ በመድረኩ ማስጀመሪያ የእንኳን ደህና መጣችሁ መልካም ምኞት በማስቀደም ፍትሃዊነትን የተላበሰ ግብር/ታክስ መሰብሰብ ለህዝብ ማህበራዊ፣ ኢኮኖሚያዊ ፍላጎቶችን ለማሳካትና ሌሎች ዘርፈ ብዙ የሰላም፣ ልማትና መልካም አስተዳደር ጥያቄዎች ለመመለስ ዋነኛው የለውጥ ሞተር መሆኑን ገልፀዋል።
እንደ ባሕር ዳር ከተማ ጠንካራ የግብር አስተዳደር ሥርዓት ገንብቶ አጠቃላይ ገቢን ለማሳደግ አጋርና ባለድርሻ አካላትን በማቀናጀት ከፍተኛ ጥረት እየተደረገ መሆኑን ገልፀው ባለፈው 2016 በጀት ዓመት 4.4 ቢሊዮን ብር የተሰበሰበ ሲሆን በ2017 በጀት ዓመት ደግሞ 8.5 ቢሊዮን ብር ለመሰብሰብ ታቅዶ በአሁኑ ወቅት 1.7 ቢሊዮን የሚሆን ብር መሰብሰቡንና ይህም ካለፈው 2016 በጀት ዓመት ሩብ ዓመት ጋር ሲነፃፀር የ300 ሚሊዮን ብር ብልጫ ያሳየ ገቢ መሰብሰቡን ተናግረዋል።
በዚህ ረገድ ካለፈው በጀት ዓመት ጀምሮ የተፈጠረው የፀጥታ ችግር በንግድ፣ በቱሪዝምና ሌሎች የልማት እና ማህበራዊ አገልግሎት ዘርፎች ላይ ጫና በመፍጠሩ በገቢ አሰባሰብ ተግባሩ ላይ አሉታዊ ተፅዕኖ በማሳደር የህዝብን የመልማት ፍላጎት ወደ ኋላ እየጎተተው መሆኑን ተገንዝበን ሰላም ከማስከበር ጎን ለጎን የገቢ አሰባሰብ ተግባራችንን አጠናክረን በመፈፀም ረገድ ለሁለንተናዊ ተጠቃሚነታችን ውጤታማነት ዋነኛ የህልውና ጉዳይ የሆነውን ግብር የመሰብሰብ ተግባር ሁላችንም ልዩ ትኩረት ሰጥቶ የመስራት ኃላፊነት ሊኖረን ይገባል ብለዋል።
የባሕር ዳር ከተማ አስተዳደር ተ/ም ከንቲባ አቶ ጎሹ እንዳላማው በመድረኩ መክፈቻ ተገኝተው በሰጡት የስራ መመሪያ እንደገለፁት ግብር በአግባቡ ካልተሰበሰበ ልማት ሰላምና መልካም አስተዳደርን ማስፈን ስለማይቻል በሁሉም የስራ ዘርፎች የተሰማራው የህብረተሰብ ክፍል ባገኘው ገቢ ልክ ፍትሃዊ የሆነ ግብር በመክፈል የህሊናና የሞራል እርካታውን ከመጨመር ባለፈ ለሀገር ሁለንተናዊ ለውጥ ትልቁን ድርሻ በመወጣት በኩልም ከፍተኛ ሚና እንዳለው መረዳት እንዳለበት ተናግረዋል።
ስለሆነም ለዚህች ውብና ሁለገብ ተመራጭነትን እያሰፋች ለመጣች ከተማ ሞዴል የሆኑ ምስጉን ግብር ከፋዮች የሚያስፈልጓት መሆኑን ቀድመው በመገንዘብ ሰርተው ባገኙት ገቢ ልክ ተገቢውን ግብር የሚከፍሉ የህብረተሰብ ክፍሎች እንዳሉ ሁሉ ገቢን በማሳነስ የሀገርና የህዝብ ሀቅን ለግል ጥቅም ለማዋል ሌት ከቀን የሚታትሩ ሌቦች እንዲሁም የዚህ ተባባሪ አስፈፃሚና ፈፃሚ የመንግስት አካላት በመኖራቸው የተነሳ መድረስ ካለብን እድገት እንዳንደርስ እየተገዳደረን ስለሚገኝ በተናበበና ባልተቆራረጠ የስራ መንፈስ ታግዞ ተገቢውን ገቢ መሰብሰብ ዋነኛ ተግባራችን መሆን አለበት ብለዋል።
የአማራ ክልል ገቢዎች ቢሮ ኃላፊ አቶ ክብረት ማህሙድ በንቅናቄ መድረኩ ማጠቃለያ ላይ እንደገለፁት ከማንኛውም ገቢ የሚገኘውን ግብር በተቀመጠው ህግና ስርዓት እስካልሰበሰብን ድረስ እንዲሳኩ የምንፈልጋቸው የህዝብ ሰላም፣ ልማትና መልካም አስተዳደር እንዲሁም የከተማ ልማት ጥራትና ተደራሽነት በማዋል ከፍተኛ ድርሻ አለው። ስለሆነም ግብር ከፋዩ ግብር ከመደበቅ፤ አስፈፃሚው የተዛባና ሚዛናዊነት የጎደለው አድሏዊ አሰራርን ከመከተል ወጥቶ ለነገ ሀገር ሰላምና ልማት እንዲሁም ሁለንተናዊ ተጠቃሚነት የሚውል ተግባር ማከናወን ግንደሚገባ ገልፀዋል።
ካሜራ ባለሙያ:- ማስተዋል ሁነኛው