AUDITOR

Таълим олиш харажатлари бўйича солиқ чегирмалари (14-дарс)

#Россия_тажрибаси

РФ Солиқ Кодексига мувофиқ таълим харажатлари бўйича солиқ чегирмалари қуйидагича:

✅ Фарзандлар учун:
- Календар йил учун ҳар бир фарзанд учун 50 000 рубль
- 24 ёшгача бўлган фарзандлар учун
- Кундузги таълим шакли учун
- Ота-она ўртасида тақсимланади

✅ Солиқ тўловчининг ўзи учун:
- Календар йил учун 120 000 рубль
- 24 ёшгача бўлган ака-ука ёки опа-сингил учун ҳам
- Таълим шакли чекланмаган

Муҳим қоидалар:
- 2016 йил 1 январдан чегирма иш жойида ёки солиқ органларида расмийлаштирилади
- Ишлатилмаган имтиёз миқдори кейинги йилга ўтказилмайди
- Таълим муассасаси лицензияга эга бўлиши шарт
- Чегирма таълим даври давомида берилади

Изоҳ: Ўзбекистон Солиқ қонунчилиги бўйича ҳам ушбу имтиёз мавжуд. Бунда солиқ тўловчи ўзига ёки фарзандининг ОТМда таълими учун ўқиш пули қанча бўлишидан қатъий назар шу харажат учун йўналтирилган даромад бўйича солиқ имтиёзи мавжуд. РФ СКнинг ўзига хос жиҳати имтиёзлар суммасида чегара мавжуд. Бу чегара бир тарафдан СКнинг адолатлилик тамойилини бажарилишига хизмат қилади. Бошқа тарафдан бюджетни прогноз қилишда аниқликни таъминлайди.

@auditor_team

Муҳим уч сигнал...

#мулоҳаза

Кеча бир лойиҳа доирасида АССА вакиллари билан учрашув бўлиб ўтди. Ундаги жуда муҳим бўлган уч сигнални Сизларга етказиб қўйишни ўз вазифамиз деб биламиз. Ушбу мулоҳазалар АССАнинг ЕвроОсиё ва Ўрта Шарқ бўйича раиси Куш Ахужага тегишли.

✅ Бухгалтерия тушунчаси ортиқ компютер қаршисида ўтказма беришни англатмайди. Унинг маъноси стратег ва молиявий бошқарувчига ўзгармоқда. Буни кенг жамоатчиликка тушунтириш керак.

✅ Бухгалтерларни тайёрлашда энг катта таъсир кўрсатувчи томон бу устозлардир. Университет профессорлари ўзлари 10 йил илгари ёдлаб олган нарсаларни ҳали ҳам ўқитаётган бўлишса, бу сифатли кадрни етиштирмайди. Энг ёмони профессорларнинг ўзлари бухгалтериянинг моҳиятини тушунмасликларида бўлиши мумкин.

✅ Иш берувчилар халқаро малака сертификатига эга мутахассисларни бошқа мутахассислардан фарқини тушуниши керак. Бундай мутахассисларга ўз малака ва кўникмасига кўра иш ҳақи белгилаши бошқа мутахассисларни ҳам халқаро даражада малакага эга бўлишга ундайди.

Ушбу фикрлар нафақат Ўзбекистон контекстида жуда кўплаб мамлакатлар учун ҳам ҳақиқат экани таъкидланди.

@auditor_team

#фикр

Бухгалтерлар учун ватанпарварлик бу хисобпарварликдир. Берган хисобингиз ва хисоботингизда қатъий холис бўлинг, шахсий манфаат учун ёлғон ишлатманг. Хисобда холис бўлишингизга қўрқув ғов бўлолмасин...

@auditor_team

Сифатга интилиб (1-хат)

#акциядорларга_хат

Бизнинг акциядорлар гуруҳимиз ўзига хос хусусиятларга эга бўлиб, бу Cизга ҳисобот бериш тартибимизга таъсир кўрсатади. Мисол учун, ҳар йил якунида муомаладаги акцияларнинг 98 фоизи йил бошида ҳам акциядор бўлган шахслар қўлида қолади. Шу сабабли, биз йиллик ҳисоботимизда олдинги ҳисоботлардаги маълумотларни такрорламасдан, уларни янги маълумотлар билан бойитамиз. Бундай ёндашув сизга кўпроқ фойдали маълумот олиш имконини беради, биз эса зерикарли такрорлардан қочамиз.

Шунингдек, акцияларимизнинг тахминан 90 фоизи Беркширдаги сармоядорларга тегишли, кўп ҳолларда бу уларнинг бошқа инвестицияларидан сезиларли даражада кўп. Бундай акциядорларнинг аксарияти йиллик ҳисоботни синчиклаб ўрганишга вақт ажратишга тайёр. Биз эса уларга, агар ўрнимиз алмашганида ўзимиз учун қандай маълумот муҳим бўлса, ўша маълумотларни тақдим этишга интиламиз.

Чораклик ҳисоботларда эса изоҳлар бермаймиз. Бизнинг акциядорларимиз ҳам, раҳбарларимиз ҳам узоқ муддатли истиқболга қарайдилар. Узоқ муддатли аҳамиятга эга воқеалар ҳақида ҳар уч ойда янги ёки муҳим гап айтиш қийин.

Лекин биздан хабар олганингизда, у бизнесни бошқариш учун маош тўлаётган шахсдан, яъни мендан келади. Мен, Раис сифатида, компания эгалари бизнесда нима бўлаётгани ва уни ҳозирги ҳамда келажакдаги ҳолати ҳақидаги баҳони бевосита бош ижрочи директордан эшитиш ҳуқуқига эга деб ҳисоблайман. Сиз буни хусусий компаниядан талаб қилган бўлардингиз, демак оммавий компаниядан ҳам шуни кутишга ҳақлисиз.

Йиллик бошқарув ҳисоботини очиқ мулоқот қила олмайдиган оддий ходим ёки жамоатчилик билан алоқалар бўйича маслаҳатчига топшириб бўлмайди. Биз Сизни, акциядорлар сифатида, Беркшир Хатэвейнинг бўлинма раҳбарлари бизга берадиган даражадаги ҳисоботни олишга ҳақли деб биламиз.

Албатта, тафсилотлар даражаси фарқ қилиши керак, айниқса рақобатчиларимизга фойдали бўлиши мумкин бўлган маълумотлар борасида. Аммо умумий қамров, мувозанат ва очиқлик даражаси ўхшаш бўлиши лозим. Биз бўлинма раҳбарларидан жамоатчилик билан алоқалар ҳисоботини эмас, балки ҳақиқий аҳволни кутамиз ва Сиз ҳам шундай ҳисобот олишингиз керак деб ўйлаймиз.

Кўп ҳолларда, компаниялар ўзлари истаган ва муносиб бўлган акциядорларни жалб қилади. Агар улар эътиборини қисқа муддатли натижаларга ёки фонд бозорининг тезкор ўзгаришларига қаратса, улар худди шундай фикрлайдиган акциядорларни жалб қилади. Агар улар инвесторларга нисбатан менсимасдан муносабатда бўлса, охир-оқибат инвестиция ҳамжамияти ҳам уларга худди шундай муносабатда бўлади.

Акцияларида юқори савдо фаоллигини истайдиган раҳбарларнинг мантиғи бизни ҳайрон қолдиради. Улар аслида мавжуд акциядорларнинг янгилари билан доимий алмашинувини хоҳлаётганини тан олишмоқда – чунки собиқ акциядорларни йўқотмасдан туриб, янги (ва янгича кутувларга эга) акциядорларни жалб қила олмайсиз.

Биз хизматимиз ва иш услубимизни маъқуллаб, йилдан-йилга биз билан қоладиган акциядорларни афзал кўрамиз. Ҳозирги Беркшир Хатэвей акциядорларидан яхшироқ таркибни топиш қийин. Шунинг учун биз акциядорлар алмашинуви паст даражада қолишини истаймиз, чунки бу бизнинг фаолиятимизни тушунадиган, сиёсатимизни қўллаб-қувватлайдиган ва умидларимизни баҳам кўрадиган акциядорлар борлигини англатади. Биз эса бу умидларни оқлашга интиламиз.

Варрен Баффет
1983 йил

#иқтибос

Дивиденд тарзидаги даромад учун 5%, иш ҳақи учун 12% солиқ тўланади. Бундай тажриба, яъни дивидендлар учун иш ҳақига тўланадиган солиқдан камроқ солиқ солиниши деярли барча мамлакатларда такрорланади. Бу Сизни инвестиция қилишга ундай олмаяптими?

@auditor_team

Солиқ кодекси шархлари

#Солиқ_Кодекси_Шархи

Мазкур каналда ЎзР Солиқ кодекси моддаларига ўз шархларимизни бериб бормоқдамиз:

1-БОБ. АСОСИЙ ҚОИДАЛАР
1-модда
2-модда
3-модда
4-модда
5-модда
6-модда
7-13 моддалар
14-модда 
15-модда

2-БОБ. ЎЗБЕКИСТОН РЕСПУБЛИКАСИДА СОЛИҚЛАР ВА ЙИҒИМЛАР ТИЗИМИ
16-модда 
17-модда
18-модда

3-БОБ. СОЛИҚ МУНОСАБАТЛАРИНИНГ СУБЪЕКТЛАРИ, УЛАРНИНГ ҲУҚУҚЛАРИ ВА МАЖБУРИЯТЛАРИ
19-модда
20-модда
21-модда
22-модда
23-модда
24-модда
25-модда
26-модда
27-модда
28-модда
29-модда

4-БОБ. АСОСИЙ ТУШУНЧАЛАР
30-модда
31-модда
32-модда
33-модда
34-модда
35-модда

@auditor_team

#иқтибос

Бухгалтерия ҳисоби - бу бугунги кундаги воқеликни англаш учун кечаги ходисалар билан эртанги кундаги ноаниқликларни биргаликда ҳужжатлаштириш санъатидир.

@auditor_team

#иқтибос

Сўнгги йилларда солиқ тўловчиларни солиқ ставкалари ўсишидан кўра ўзгарувчан қоидалар кўпроқ ташвишга сола бошлади. Солиқ қоидаларининг барқарорлиги катта эхтимоллик билан иқтисодиёт барқарорлигини кўрсатади...

@auditor_team