Amuziyosi.uz | rasmiy kanal

ЖУМА АЙЁМИНГИЗ МУБОРАК БЎЛСИН!

Анас ибн Молик розияллоҳу анҳудан ривоят қилинади:
«Аллоҳ таоло жума кунида ҳеч бир мусулмоннинг гуноҳини кечирмай қўймайди». (Табароний ривоят қилган)

АЛЛОҲУММА СОЛЛИ ВА САЛЛИМ ЪАЛА МУҲАММАДИН ВА ЪАЛА ОЛИ МУҲАММАД

Салавот айтиш Расулуллоҳ соллаллоҳу алайҳи васалламнинг шафоатларига ноил этади.

Анас розияллоҳу анҳудан ривоят қилинади. Набий соллаллоҳу алайҳи васаллам: “Менга жума кунида ва жума кечасида кўп салавот айтинглар, бас ким шундай қилса, мен унга қиёмат куни гувоҳ ва шафоатчи бўламан”, дедилар. (Имом Байҳақий ривояти)


t.me/Amuziyosiuz

​​БИР ИШ УЧУН ИККИ МАРТА НАЗР ҚИЛИШ
#назр

❓1456-CАВОЛ: Мен баҳорда: “Агар ҳамма фанлардан сессияни 5 баҳога ёпсам 5 кун рўза тутаман”, деб назр қилгандим, сессияга оз қолганда бу назримни эсимдан чиқариб қўйдим ва “Агар ҳамма фанлардан сессияни 5 баҳога ёпсам 10 кун рўза тутаман” деб яна назр атаб қўйдим. Сессияни ҳаммасини 5 га ёпдим, энди неча кун назр рўза тутаман: 5 кунми ёки 10 кун?

💬 ЖАВОБ: Бисмиллаҳир Роҳманир Роҳим. Бу ҳолатда ҳар бир назр алоҳида эътиборга олинади ва 15 кун рўза тутиш лозим бўлади (кетма-кет рўза тутиш шарт қилинмагани учун бўлиб тутиш ҳам жоиз).
   Чунки назр қилувчи битта нарсани такрор айтса, биттасига вафо қилиши кифоя қилади. Масалан: “Фалон ишим битса, 5 кун рўза тутаман, 5 кун рўза тутаман”, деса 5 кун рўза тутса етарли бўлади.
   Лекин назр қилинган нарса турлича бўлса, уларнинг ҳар бирига вафо қилиш керак бўлади. “Фалон ишим битса, 5 кун рўза тутаман” ва “Фалон ишим битса, 10 кун рўза тутаман”, дейиш иккита назр бўлиб, ҳар бирига вафо қилинади.
   Бунинг устига биринчи назрни унутиб, иккинчисини янгидан назр қилингани ҳам уларни ҳар бири учун рўза тутишни тақазо қилади. Валлоҳу аълам.

Ўзбекистон мусулмонлари идораси
Фатво маркази.

t.me/Amuziyosiuz

​​НАМОЗНИ АВВАЛГИ ВАҚТИДА ЎҚИШ
#намоз

❓1455-CАВОЛ: Пешин намозини 12:12 деб ёзилган, бу дегани 12:12 да пешинни ўқисам бўладими?

💬 ЖАВОБ: Бисмиллаҳир Роҳманир Роҳийм. Ҳа, тақвимда кўрсатилган вақт намознинг аввалги вақтидир. Шу вақтдан бошлаб намоз ўқиш жоиз. Хусусан пешинни ҳам. Лекин жамоат билан ўқиш ва жамоатни кўпайтириш каби фазилат кўзда тутилса, бу вақтдан бироз кечиктириш ҳам дуруст. Аёллар эса жамоатга чиқмаганлари сабабли намоз вақти киргандан адо қилишлари афзалдир. Бу ҳақда “Баҳрур-роиқ” китобида шундай дейилади:
وأداء الصلاة في أول الوقت أفضل إلا إذا تضمن التأخير فضيلة لا تحصل بدونه كتكثير الجماعة، ولا يتأتى هذا في حق من في المفازة فكان التعجيل أولى، ولهذا كان أولى للنساء أن يصلين في أول الوقت لانهن لا يخرجن إلى الجماعة.
   “Намозни аввалги вақтида ўқиш афзал. Лекин жамоатни кўпайтириш каби намозни (аввалги вақтидан) кечиктирмаса ҳосил бўлмайдиган фазилатли ҳолатлар бундан мустасно. Саҳро (чўл) жойлардаги киши ҳақида бундай фазилат ҳосил бўлмагани учун, намозни тезлаштириши афзалдир. Шунинг учун ҳам аёллар намознинг аввалги вақтида ўқиши авло. Чунки улар жамоатга чиқмайдилар”. Валлоҳу аълам.

Ўзбекистон мусулмонлари идораси
Фатво маркази.

t.me/Amuziyosiuz

Ривоят қилишларича, Абу Юсуф раҳимаҳуллоҳга Ҳотамул Асом деган зот масжидда зуҳддан маъруза қилаётган эмиш деган хабар келди. Шунда у киши шогирдларига: қани бориб эшитайликчи, нималар ҳақида гапираётган экан, деб масжидга бордилар ва Ҳотамул Асомга: Эй йигит, менга намоз ҳақида гапириб бер, дедилар. Ҳотамул Асом: намознинг одоблари ҳақида айтиб берайми ёки унинг кайфияти ҳақида сўраяпсизми?-деди. Абу Юсуф унинг бу гапидан таажжубга тушдилар ва ичларида: биз ундан битта нарсани сўрасак, у иккита нарсани айтмоқчи, дедилар. Майли бизга намознинг одоблари ҳақида айтиб берақол, дедилар. Ҳотамул Асом сўз бошлади: Намознинг одоблари будир: яратганнинг амрига итоат этиб ўриндан турмоқлик, савоб умидида намозгоҳга бормоқлик, ният ила намозга кирмоқлик, Аллоҳни улуғлаб такбир айтмоқлик, тартил билан қироат қилмоқлик, хушуъ ила рукуъ қилмоқ, хузуъ ила саждага йиқилмоқ, ихлос билан ташаҳҳуд айтмоқ, раҳмат тилаб салом бермоқ, деди.
Абу Юсуф раҳимаҳуллоҳ: энди намознинг кайфияти ҳақида гапириб бер, дедилар.
Ҳотамул Асом сўз бошлади: Каъбани икки қошингиз орасига оласиз, мезонни кўз ўнгингизга келтирасиз, сирот кўпригини оёғингиз остига, ўнг ёнингизга жаннатни, чап ёнингизга дўзахни келтирасиз, ортингизда эса, ўлим фариштаси пойлаб юрибди. Ана шундан кейин намозингиз қабул бўлдими ёки рад этилдими, шуни ўйлайсиз, деди.
Абу Юсуф сўрадилар: сен қачондан бери намозни шундай кайфиятда ўқийсиз?
Ҳотумул Асом: йигирма йилдан бери шундай намоз ўқийман, деб жавоб берди.
Шундан кейин Абу Юсуф раҳимаҳуллоҳ шогирдлари томон ўгирилиб: юринглар, бориб эллик йиллик намозимизни қайтадан қазо қилиб ўқиб оламиз, дедилар.

https://t.me/Amuziyosiuz

Ривоят қилинишича, бир куни шайтон дарахтга боғланган эшакни арқонини бўшатиб юборди. Эшак қўшнининг томорқасига кириб у ердаги хўлу қуруқ нарсанинг ҳаммасини пайхон қилди. Буни кўрган қўшнининг хотини уйидан эрининг иккиотар милтиғини олиб чиқиб эшакни отиб ўлдирди. Шу пайт келиб қолган эшакнинг эгаси эшагини ўлдиргани учун аёлни отиб ўлдирди. Аёлнинг эри келиб эшакни эгасини отиб ташлади. Шунда шайтондан: нима қилиб қўйдинг?-деб сўрашса, мен ҳеч нарса қилганим йўқ. Фақат эшакни арқонини бўшатиб қўйдим холос, деган экан.

https://t.me/Amuziyosiuz

Ҳикмат соҳиблари айтадилар:
Эшаклар билан мусобақалашма. Агар ғолиб бўлсанг эшакларнинг биринчиси бўласан. Бордию ютқазсанг, эшаклардан ҳам қуйи бўласан.  Шундай экан ўз қадригни бил.

https://t.me/Amuziyosiuz

Бахтли инсон ким эканлигини биласизми?

Ҳақиқий бахтли инсон бошқаларни қўйиб, ўзининг айбу нуқсонларини ислоҳ қилиш билан банд бўлган кишидир.
Ҳақиқий бахтли инсон тирикликни қадрига етиб, бу дунё ўткинчи эканлиги, абадий эмаслигини англаган кишидир.
Ҳақиқий бахтли инсон Аллоҳни доим зикр қилиб юрадиган, камчилик ва хатоларига истиғфор айтадиган кишидир.
Ҳақиқий бахтли инсон гапирганда ҳам, эшитганда ҳам фақат ҳудди меваларнинг энг тотлисини танлагандек, энг ёқимлиларини сўзлайдиган ва тинглайдиган кишидир.
Ҳақиқий бахтли инсон умидсизликка тушмайдиган, бирор мусибат етганда уни тақдирдан деб биладиган, қўлдан кетган нарсага ачинмайдиган кишидир.
Ҳақиқий бахтли инсон Аллоҳни зикр қилганда қалби ором оладиган, гарчи турмуши танг ҳалатда бўлсада ўзгаларнинг назарида шоду хуррам юрган кишидир.

https://t.me/Amuziyosiuz

#дуо

Расулуллоҳ соллаллоҳу алайҳи васаллам бундай дуо қилар эдилар: “Аллоҳим, Сендан (берган) неъматинг завол топиши, офиятинг (нотинчликка) алмашиниши, тўсатдан келувчи азобинг ва барча ғазабингдан паноҳ беришингни сўрайман!” (Имом Муслим ривояти).

اللَّهُمَّ إِنِّي أَعُوذُ بِكَ مِنْ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيعِ سَخَطِكَ

Аллоҳумма инний аъузу бика мин завали ниъматика ва таҳаввули ъафиятика ва фужа-ати ниқматика ва жамийъи сахотика


t.me/Amuziyosiuz

​​АЁЛ КИШИНИ КАФАНЛАШ
#жаноза

❓1454-CАВОЛ: Аёлларни шариатимизга мувофиқ кафанлаш ҳақида маълумот берсангиз.

💬 ЖАВОБ: Бисмиллаҳир Роҳманир Роҳийм. Аёл кишини кафанлашдаги суннат бешта кийимдир: Диръ (кўйлак), химор (рўмол), изор (лозим), лифофа (бошдан оёққача марҳумани ўрайдиган мато), хирқа (кўкрак қисмига боғланадиган мато). Кафанлаш учун энг камида учта кийим: изор, лифофа ва химор ишлатилади. Бу кифоя кафанидир.
   Диръ (кўйлак) - бўйин тагидан, то оёқ остигача ўрайдиган мато, енгсиз ва ямоқсиз.
   Изор – лозим маъносида бошнинг тепасидан, оёқ остигача бўлган мато, тириклар изори эса белдан пастига кийиладиган кийим туридир.
   Лифофа – изор сингари лекин, кафанликни тугиб қўйиш учун тепа ва паст тарафлардан бироз ортиқроқ бўлади.
   Химор – марҳуманинг бошини ўрайдиган мато, рўмол.
   Хирқа - марҳуманинг кўкрагини ўраб қўядиган мато. Хирқа аёлнинг кўкрак қисмидан киндигигача ёки оёғигача етадиган бўлиши керак.
   Кафанлашнинг кўриниши ҳақида Алоуддин Косоний раҳимаҳуллоҳ бундай деганлар:
أَمَّا الْمَرْأَةُ فَيُبْسَطُ لَهَا اللِّفَافَةُ وَالْإِزَارُ وَاللِّفَافَةُ فَوْقَ الْخِمَارِ وَالْخِرْقَةُ تُرْبَطُ فَوْقَ الْأَكْفَانِ عِنْدَ الصَّدْرِ فَوْقَ الثَّدْيَيْنِ وَالْبَطْنِ كَيْ لَا يَنْتَشِرَ الْكَفَنُ بِاضْطِرَابِ ثَدْيَيْهَا عِنْدَ الْحَمْلِ عَلَى السَّرِيرِ ، وَعَرْضُ الْخِرْقَةِ مَا بَيْنَ الثَّدْيِ وَالسُّرَّةِ هَكَذَا ذَكَرَ مُحَمَّدٌ فِي غَيْرِ رِوَايَةِ الْأُصُولِ وَيُسْدَلُ شَعْرُهَا مَا بَيْنَ ثَدْيَيْهَا مِنْ الْجَانِبَيْنِ جَمِيعًا تَحْتَ الْخِمَارِ ، وَلَا يُسْدَلُ شَعْرُهَا خَلْفَ ظَهْرِهَا
   “Аёл кишининг кафани қуйидагича ёзилади: навбат билан лифофа, изор (диръ). Лифофа рўмолнинг устида бўлади. Хирқа марҳумани тобутда кўтарганда кўкраги қимирлаб, кафан очилиб кетмаслиги учун барча кафанлар устидан кўкрак ва қоринга боғланади. Хирқанинг кенглиги кўкрак ва киндик ўртасида бўлади. Имом Муҳаммад Усул ривоятидан бошқасида шундай зикр қилган. Марҳуманинг сочи икки томондан кўкраклари ўртасига қўйилади. Улар рўмолнинг остида бўлади. Сочи орқасига ташланмайди” (“Бадоиус-саноиъ” китоби). Валлоҳу аълам.

Ўзбекистон мусулмонлари идораси
Фатво маркази.

t.me/Amuziyosiuz

АҚИҚА ГЎШТИНИ СОТИШ
#ақиқа

❓1453-CАВОЛ: Ақиқага сўйилган жонлиқнинг гўштини сотиб, пулини эҳсон қилса бўладими?

💬 ЖАВОБ: Бисмиллаҳир Роҳманир Роҳийм. Йўқ, бундай қилиб бўлмайди. Чунки ақиқа учун сўйилган жонлиқ қурбат, яъни Аллоҳга маънан яқин бўлиш мақсадида сўйилган бўлиб, бундай жонлиқларнинг гўшти, териси ёки бошқа аъзоларини сотиб бўлмайди. Бу ҳақида аллома ибн Обидийн роҳимаҳуллоҳ шундай нақл қилганлар:
فَفِي الْخُلَاصَةِ وَغَيْرِهَا : لَوْ أَرَادَ بَيْعَ اللَّحْمِ لِيَتَصَدَّقَ بِثَمَنِهِ لَيْسَ لَهُ ذَلِكَ ، وَلَيْسَ لَهُ فِيهِ إلَّا أَنْ يُطْعِمَ أَوْ يَأْكُلَ
   “"Хулосатул фатово" ва бошқа китобларда келтирилишича: “Агар пулини садақа қилиш мақсадида Аллоҳ йўлида сўйилган жонлиқнинг гўштини сотмоқчи бўлса, жоиз бўлмайди. Чунки Аллоҳ учун жонлиқ сўйган одам уни ё едириб юборади, ёки ўзи ейди” (“Раддул-муҳтор” китоби). Валлоҳу аълам.

Ўзбекистон мусулмонлари идораси
Фатво маркази.


t.me/Amuziyosiuz

Ҳасан Басрий раҳимаҳуллоҳ айтадилар:
Қуръони каримнинг тўқсондан ортиқ ерида Аллоҳ таоло бандаларининг ризқини кафолатлаб қўйгани ҳақида ўқидим ва фақат бир еридагина: Шайтон сизларга фақирликни ваъда қилади, деганини ўқидим.
Фақат рост сўзловчи зотнинг тўқсондан ортиқ сўзига шубҳа билан қараб, ёлғончининг фақат биттагина сўзини тасдиқладик.
Аллоҳ таоло бирор нарсани кечиктирса, фақат яхшилик учун кечиктиради. Бирор нарсадан маҳрум қилса, фақат яхшилик учун маҳрум қилади. Сизни бирор мусибат билан синаб йиғлатса, билингки фақат яхшилик учун, бирор бало юборса ҳам, фақат яхшилик учун деб билинг. Ҳеч қачон маҳзун бўлманг, зеро ҳар ишда яхшилик бор. Ҳамма яхшиликлар қўлида бўлган зот Аллоҳ таолога ҳамду санолар бўлсин. У ҳар қандай ишга қодирдур.
Яна билингки, инсоннинг бахту саодати берилган неъматга шукр қилмоқликда, балоларга сабр қилмоқликда, гуноҳларга истиғфор айтмоқликдадир.

https://t.me/Amuziyosiuz

Ибн Саммок раҳимаҳуллоҳ айтадилар:
Ўликлар ўлганлари учун йиғламайдилар, балки улар қўлдан бой берган нарсалари учун ҳасрату надомат чекиб йиғлайдилар. Аллоҳга қасамки, фойдаланиб қолмаган диёрлари қўлдан кетди, ҳозирлик кўрмаган диёрга келдилар.

Бу дунё "ижарага олинган уй"дир.
Сиз уни ҳар қанча ўз мулкингиз деб ўйламанг, сиз хато қиляпсиз.
Дунёда топган неки нарсангиз бор, бир кун уни ташлаб кетасиз.

Охират "сизнинг мулкингиз"дир. Ҳозир уни обод қилиш имконияти сизда бор. Бас, уни чиройли қилиб безатинг. Ер остида Аллоҳнинг ўзигагина маълум бўлган муддатда ётасиз. У ерда ҳеч қандай фойдали амал қилиш имконияти бўлмайди. Ҳатто биттагина тасбиҳ айтишга ҳам қодир бўлмайсиз. Бас, шундай экан, ўлишдан олдин тирикликни ғанимат билинг.
Орамизда шундай оддий инсонлар борки, улар биз билан бирга ер юзида яшайдилар. Уларнинг на молу дунёси ва на мансабу мартабаси бор. Аммо, уларнинг охиратдаги мулклари жуда кенг. У ерда улар учун қасрлар қурилмоқда, боғлар яратилмоқда.
Сиз ҳам солиҳ амаллар қилишни кўпайтиринг, шоят Аллоҳ таоло дунё ва охиратингизни саодатли қилса.

https://t.me/Amuziyosiuz

Зиммангизда қўшнининг ҳам ҳаққи бор

Агар газеталардан бирида ушбу хабар нашр қилинмаганида ва унинг ҳақиқатан содир бўлганлиги аниқланмаганида эди, мен бу хабарга ишонмаган бўлар эдим. Гап шундаки, бир аёл ўз уйида тўшакда ётиб вафот этган ва кўп қаватли иморатда у билан бирга яшайдиган аҳоли бундан бехабар ҳолатда аёлнинг жасади шу ҳолича бир йил қолиб кетган. Шу иморатдаги уйларнинг бирига ўт тушганда уйдагиларни қутқариш учун келган қутқарувчилар тасодифан бу ҳолатни кўриб қолишган. Шунгача бирор кимса аёл ҳақида сўрамаган, у аёлнинг кўринмай қолганлигини ҳеч ким сезмаган ҳам.
Мана, замонавий маданиятимиз бизларни қай ҳолатга олиб келди. Ҳеч кимнинг ҳеч ким билан иши йўқ, ҳар ким ўз ҳолича эрта кетиб кеч келади ва ён атрофидагиларга умуман аҳамият бермайди. Аслида, Ислом дини буни қабул қила олмайди.
Ҳаттоки, қадимги жоҳилият даврида ҳам қўшни ўзининг ён қўшнисини ҳимоя қилишни ўзига бурч деб билар эди. Уларда ҳатто шундай байт ҳам бор эди:
Гарчи биз оз бўлсакда зарар кўрмаймиз, зеро қўшнимиз қудратли.

Ислом динимиз таълимотида шундайки, қўшни гўё ўзимизнинг бола чақамиз, ота-онамиз, наслу насабимиз, қуда андамиз каби қадрлидир. Ҳадиси шарифда айтиладики: “Жаброил алайҳиссалом менга қўшни ҳақида доимий тарзда васият қилганларидан, яқин келажакда қўшнилар бир-бирларига меросхўр бўлсалар керак, деб ўйлаб қолдим”.
Ҳозирги аҳволимизга қарасак, бир уйда мотам, бошқа уйда тўй, бир хонадонда мусибат, қўшнисиникида ўйин-кулгу... Гўё бу икки хонадон ўртасида ҳеч қандай алоқа йўқдек, бир-бирида ҳаққи йўқдек.
Қадимда Мадинаи мунавварада мусулмонлар билан яҳудийлар ўзаро уришар эдилар. Лекин, қўшничилик алоқаси уларни ўртасидаги бу зиддиятга барҳам берди. Абдуллоҳ ибн Амр разияллоҳу анҳудан ривоят қилинишича, у кишининг уйларида қўй сўйилганда, кўчадан кела солиб: яҳудий қўшнимизга ҳам ҳадия қилдингларми, яҳудий қўшнимизга ҳам гўшдан бердингларми? Мен Расулуллоҳ саллаллоҳу алайҳи васалламдан эшитганман, у киши: “Жаброил алайҳиссалом менга қўшни ҳақида доимий тарзда васият қилганларидан, яқин келажакда қўшнилар бир-бирларига меросхўр бўлсалар керак, деб ўйлаб қолдим” - деганлар.
Дарвоқе, жамиятдаги инсонларни ўзаро алоқаларини мустаҳкамлашга олиб борадиган энг яқин йўл бу ҳар бир инсон ўзининг қўшниси билан алоқасини мустаҳкамлашидир. Зеро, жамиятлар қўшнилардан таркиб топар экан, ҳар бир қўшни ён қўшниси билан алоқани боғлаши, жамиятнинг ўзаро жипслашишини келтириб қаради. Ушбу алоқаларни янада мустаҳкамлашга тарғиб қиладиган таълимотлардан бирида шундай дейилади: “Қўшниси оч бўлатуриб тўқ юрган киши мўмин эмасдир”.
Ён қўшниси вафот этсаю, тасодиф билан фош бўлмагунча бир йил давомида уни сезмай юрсалар. Бу оғир мусибат. Аслида бундан бошқа ижтимоий мусибатлар ҳам кўп. Ана шу мусибатларни маҳв этиш учун жамият бирлашмоғлиги, ўзаро алоқаларни мустаҳкамламоғи лозим.

Шайх Муҳаммад Ғаззолий

https://t.me/Amuziyosiuz

#дуо

Расулуллоҳ соллаллоҳу алайҳи васаллам бундай дуо қилар эдилар: “Аллоҳим, Сендан (берган) неъматинг завол топиши, офиятинг (нотинчликка) алмашиниши, тўсатдан келувчи азобинг ва барча ғазабингдан паноҳ беришингни сўрайман!” (Имом Муслим ривояти).

اللَّهُمَّ إِنِّي أَعُوذُ بِكَ مِنْ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيعِ سَخَطِكَ

Аллоҳумма инний аъузу бика мин завали ниъматика ва таҳаввули ъафиятика ва фужа-ати ниқматика ва жамийъи сахотика


t.me/Amuziyosiuz

​​ЎГАЙ ОНА АБАДИЙ МАҲРАМ БЎЛАДИМИ?
#маҳрам

❓1452-CАВОЛ: Онам вафотидан кейин отам бошқа аёлга уйланган эди. Бир йилча аввал отам вафот этди. Шундан кейин ҳам бу аёл бизга маҳрамлигича қоладими?

💬 ЖАВОБ: Бисмиллаҳир Роҳманир Роҳим. Ҳа, албатта. Фарзандлар учун отанинг аёли абадий маҳрам ҳисобланади. Аллоҳ таоло ояти карималарда бир қанча марҳамларни санаган. Шулар ичида оталар уйланган аёллар ҳам айтиб ўтилган. Фиҳқий манбаларда ҳам маҳрамларга доир мавзуда ўгай она эрининг фарзандлари учун ҳам маҳрам экани айтилган. Жумладан, “Баҳрур роиқ” китобида бундай дейилган:
وامرأة أبيه وابنه وإن بعدا أما حليلة الأب فبقوله تعالى {ولا تنكحوا ما نكح آباؤكم من النساء} النساء: 22 فتحرم بمجرد العقد عليها
   “Отаси уйланган ва ўғли уйланган аёлларга уйланиш ҳаромдир. Ота уйланган аёлга уйланиш ҳаром экани ушбу оятда айтилган: “Оталарингиз ўз никоҳларига олган аёлларни сиз ўз никоҳингизга олманг!” (Нисо сураси, 22-оят). Шу оятга кўра ота бирор аёлга никоҳланишнинг ўзи билан шу аёл ўғилларга маҳрам бўлиб қолади”. Валлоҳу аълам.

Ўзбекистон мусулмонлари идораси
Фатво маркази.


t.me/Amuziyosiuz

Дунё халқлари мақоллари

Ким қўшнисининг уйини силкитса ўзининг уйи қулайди (Шведцар мақоли)

Кишининг қорни тўйгач ноннинг таъмини сезмай қолади (Шотланд мақоли)

Табассум қилишни уддаламасанг дўкон очма (Хитой мақоли)

Яхшиликни билмаганга яхшилик қилиш гулобни уммонга улоқтириш билан баробар (Поляк мақоли)

Умматни тараққиёти неқадар эканлигини билмоқчи бўлсанг, унинг аёлларига боқ (Француз мақолади)

Кўпинча бизлар нарсаларни ҳақиқатидан бошқача кўрамиз, чунки бизлар сарлавҳани ўқиш билан кифояланамиз (Америка мақоли)

Ўзгаларнинг айби доимо бизнинг айбимиздан кўра кўпроқ назарга тушади (Рус мақоли)

Қаноатинг ярим бахтингдир (Италян мақоли)

Ақлингни илм билан безашинг танангни гавҳар билан безатганингдан яхшироқ (Хитой мақоли)

Ўзига ўзи маҳлиё бўлиш жоҳилликнинг самарасидир (Испан мақоли)

Ҳадиялар билан озиқлантирилган муҳаббат доимо оч бўлади (Инглиз мақоли)

Ўзининг фазилатидан гапирадиган аёлдан ва ўзининг тўғрилигидан гапирадиган эркакдан алҳазар (Француз мақоли)

Муҳаббатингни аёлингга бер, сирингни онагга бер (Ирланд мақоли)

Ўғлинг беш ёшга киргунча унга амирдек муомала қил. Яна ўн йил унга қулдек муомала қил. Ундан кейин эса, унга дўстингдек муомалада бўл (Ҳинд мақоли)

Инсон бўлишинг осон, лекин эркак бўлишинг қийин (Рус мақоли)

Оила аҳлим менга гапиришни ўргатдилар, одамлар эса, сукут сақлашни ўргатдилар (Чехословак мақоли)

Ким одамларга илм кўзи билан қараса уларни айблайди. Ким одамларга ҳақиқат кўзи билан қараса уларни маъзур тутади (Италян мақоли)

Ғазаб кучли шамолдирки, у ақл чироғирини ўчириб қўяди (Америка мақоли)

Ўзгаларга эҳсон улашганлар уни гапирмасликлари лозим. Аммо, эҳсон олганлар уни гапиришлари шарт (Португал мақоли)

Катта дарахт мевадан кўра кўпроқ соя беради (Италян мақоли)

Ташвишларингдан уни тешик ҳамёнингга солиш билан қутул (Хитой мақоли)

Ҳар куни эксанг ҳар куни ейсан (Миср мақоли)

Эй инсон, ўлимни унутма, чунки у сени унутмайди (Турк мақоли)

Интиқом лаззати узоққа чўзилмайди. Аммо, авф этиш туфайли Парвардигорнинг розилигини топиш лаззати абадийга давом этади (Испан мақоли)

Севги ва атрнинг ҳидини яшириб бўлмайди (Хитой мақоли)

Ҳамёнида нақди бўлмаган кишининг тилида ипаги бўлсин (Малай мақоли)

Сувдан томган озгина қатралар жадвал пайдо қилиши мумкин (Япон мақоли)

Аллоҳ таоло ҳавода учаётган қушларнинг ризқини беради. Аммо, улар ўша ризққа учиб боришлари керак (Голланд мақоли)

Дўстига қарз берган иккисидан ҳам айрилади (Француз мақоли)

Соҳибжамол аёлга уйланган эркакка иккитадан кўпроқ кўз керак бўлади (Инглиз мақоли)

Ким ўзини қўйдек ювош бўлишга кўнса, уни бўрилар еб қўяди (Француз мақоли)

https://t.me/Amuziyosiuz

Бу дунёда сизни энг бахтиёр қиладиган нарса нима? Мол-дунё, мансаб-мартаба, аёллар, муҳаббат, шон-шуҳрат, обрў-эътибор, ўзгаларнинг олқишларими?
Агар сиз бахтингизни ушбу нарсаларда деб билсангиз, билингки, қалбингизни хиёнаткор ва ғаддор қўлларга топширипсиз, у сизга фақат бахтсизликни истаб, мунофиқлик қилади, минг тусда товланади.
Агар бахтингизни мол-дунёда деб ўйласангиз, билингки, у абадий эмас. Чунки, мол-дунё бир кун қўлдан кетади. Тилло ва долларнинг қиймати доимо бир ҳалатда собит турмайди.
Агар мансаб-мартаба, обрў-эътиборни бахт деб билсангиз, бу борада тарих бизга етарли сабоқ берган. Бугун сиз арслонга миниб юрган бўлсангиз, эртага унинг емишига айланишингиз турган гап.
Агар бахтни одамларнинг олқишларида деб билсангиз, шуни унутмангки, одамларнинг фикрлари ҳам ҳар куни ўзгариб туради.
Демак, сиз бор сармоянгизни беқарор банкка қўйибсиз, ўзингизни ваҳшат ва ғурбат оламига отибсиз, йўлтўсарларнинг меҳмонхонасига жойлашибсиз, охир оқибат хотирингиз жам бўлмайди, роҳат топмайсиз, эмин-эркинлик нималигини билмайсиз. Умрингизни охирги лаҳзасигача хотиржамлик таъмини тотмайсиз. Чунки, сиз ўзингиздаги энг қиммат нарсани, руҳингизни саботсиз нарсаларга алишдингиз. Ҳимматингизни ўткинчи лаҳзаларга инъом қилдингиз. Қалбингизни беқарор ва зоил нарсаларга боғладингиз. Виждонингизни вақт ваҳшийлари ғажишига қўйиб бердингиз.
Агар бахтингизни аёлнинг муҳаббатида деб билсангиз, қани у доимо ўзгармай турадиган аёл? Қаерда экан у ўзгаришни қабул қилмайдиган қалб? Ундай қалблар фақат ўзлари қилмайдиган нарсаларни айтадиган, ҳар водийда дайдийдиган шоирларнинг шеърларидагина бўлади.
Баъзи ориф зотларнинг ҳисобларига кўра етмиш минг пайғамбар ер юзини кезиб ўз қавмларига ушбу гапларни етказишган. Шу дарсни уларга қайта ва қайта ўтишган. Айни гапларни такрор ва такрор айтишган.
Одамлар эса, ҳали хануз ўз ҳолларича қолмоқдалар. Бирортаси ўзининг бурнидан нарини кўрмайди. Ҳалиям ўзларининг аввалги жоҳилиятларида, арзимас нарсаларни елка тутиб мудофаа қиладилар, ўлим фариштаси гўё уларни эмас, бошқаларни олиб кетадигандек эътиборда бўладилар.
Аслидачи, улар бугунгичалик ҳалокатли ва аянчли ҳолатда бўлмаганлар. Қуръони карим уларга хитобан шундай дейди: "Ўзингизга боқинг, кўрмаяпсизларми?"

Доктор Мустафо Маҳмуд - "Ислом, у нима?" китобидан.

https://t.me/Amuziyosiuz

#Мулоҳаза

Барзах ҳаёти

Руҳ танани тарк этгач Барзах ҳаёти бошланади. Бу ҳаёт то қиёматгача давом этади. Барзах ҳаёти қабрда бўлиб, у ё жаннат боғларидан бир боғча, ёки дўзах ўраларидан бир ўрадир. Барзах ҳаётида одамлар учта ҳолатдан бирида бўладилар:
Биринчи ҳолат: тақводор мўминнинг ҳолати. Унинг олдига иккита фаришта (Мункар ва Накир) келиб, уни ўтказадилар ва савол бера бошлайдилар: Раббинг ким, дининг нима ва мана бу сизларга юборилган киши ким? Мўмин жавоб беради: Раббим Аллоҳ, диним Ислом, у киши пайғамбаримиз Муҳаммад саллаллоҳу алайҳи васалламдирлар. Шундан сўнг унга дўзах томонга бир эшик очилади ва: агар кофир бўлганингда мана бу жой сенинг дўзахдаги ўрнинг бўлар эди, дейилади. Сўнгра у эшик ёпилади ва абадул абад очилмайди. Сўнгра унга жаннат томондан бир эшик очилади, ундан жаннатнинг хиди келиб туради. Жаннатдаги ўрнини кўриши билан: Эй раббим, қиёмат қоимни тезлат, қиёмат қоимни тезлат!-дейди. Шу тарзда то қиёматгача неъмат ичида қолади ва охир оқибат жаннатга дохил бўлади.
Иккинчи ҳолат: кофир ёки мунофиқнинг ҳолати. Қабрида ўтказилади ва: Раббинг ким, дининг нима, муна бу сизларга юборилган киши ким?-деб сўралади. У эса: аа, ааа, билмайман, дейди. Шунда унга: билмайсан ҳам, ўқимагансан ҳам, дейилади ва: бошига гурзи билан бир урилади, оғриғидан қаттиқ қичқиради, унинг қичқириғини сақалайн (инсонлар ва жинлар)дан бошқа ҳамма мавжудот эшитади. Шундан кейин унга жаннатдан бир эшик очилади ва: агар мўмин бўлганингда мана бу ер сен учун эди, дейилади. Сўнгра у эшик абадул абад очилмайдиган қилиб беркитилади. Ундан кейин дўзахдан бир эшик очилади ва ундан дўзахнинг сассиқ хиди ва қайноқ нафаси келиб туради. У эса: эй раббим, қиёматни қоим қилма, қиёматни қоим қилма, деб ёлворади.
Учинчи ҳолат: осий мўмин, кабира гуноҳлар қилган мўминнинг ҳолати. Уларнинг ҳолатлари турлича бўлади. Қайсиларидир оғир гуноҳларга ботган ва қайсиларидир унчалик оғир гуноҳлар қилмаган. Шунга қараб улар Аллоҳнинг машиати (ҳохишида) бўладилар. Ҳохласа азоблайди, ҳохласа мағфират қилади. Баъзилари қабрда гуноҳларига яраша маълум вақт азоблангач, сўнгра то қиёматгача қабрда роҳатда бўладилар. Баъзилари эса, қабр азобидан ташқари қиёматдан кейин ҳам дўзахда азобланадилар. Гуноҳларига яраша азобланиб бўлгач, сўнгра жаннатга киритиладилар.

Аллоҳим сендан жаннатингни сўраймиз, дўзахингдан паноҳ тиламиз.

https://t.me/Amuziyosiuz

Фақат илм билангина диндор бўлишингиз мумкин, ҳеч қачон илмсиз диндор бўлиш мумкин эмас. Чунки, Аллоҳга жоҳиллик билан ибодат қилинмайди.

https://t.me/Amuziyosiuz

#Тонг_отганида_ўқиладиган_дуо #Ҳадис:
Абдуллоҳ ибн Ғанном розияллоҳу анҳудан ривоят қилинади:
Расулуллоҳ соллаллоҳу алайҳи васаллам: «Ким тонг отганида:

اللهُمَّ مَا أَصْبَحَ بِي مِنْ نِعْمَةٍ، فَمِنْكَ وَحْدَكَ لاَ شَرِيكَ لَكَ، فَلَكَ الْحَمْدُ وَلَكَ الشُّكْرُ

«Аллоҳумма маа асбаҳа бий мин ниъматин фаминка ваҳдака лаа шарийка лак, фалакал ҳамду ва лакаш шукр», деса, кундузнинг шукрини адо қилибди. Ким шу дуони кеч кирганида айтса, кечанинг шукрини адо этибди», дедилар.

(Маъноси: “Аллоҳим, мен билан тонг оттирган неъматлар Сен томондандир. Сен яккаю ёлғиздирсан, Сенинг шеригинг йўқ. Сенга ҳамд ва шукрлар бўлсин”).

Абу Довуд ривоятлари.

Ўзбекистон мусулмонлари идораси Матбуот хизмати


t.me/Amuziyosiuz