Amhara Occupational Competence Assessment and Certification Agency

ኢንዱስትሪዎች የሚፈልጉትን በሙያው፣ በዕውቀቱና በክህሎቱ ብቁና ተወዳዳሪ የሆነ ባለሙያን በምዘና በማረጋገጥ ለገበያው ለማቅረብ በምዘና ስራው የሚሳተፍ ተቐማት የድርሻቸውን እንዲወጡ ተጠየቀ።

የአማራ ብሔራዊ ክልላዊ መንግስት የሙያ ብቃት ምዘናና ማረጋግጫ ኤጀንሲ የ2017 በጀት ዓመት 6ወራት እቅድ አፈጻጸሙን ገምግሟል።

የኤጀንሲው የእቅድ ዝግጅትና ግምገማ ዳይሬክቶሬት ዳይሬክተር አቶ ተጋረድ ዘሪሁን የ6 ወሩን እቅድ አፈጻጸም ሪፓርት ባቀረቡበት ወቅት እንደተናገሩት ጀንሲው አምራችም ሆነ አገልግሎት ሰጭ ኢንዱስትሪዎች የሚፈልጉትን በሙያው፣ በዕውቀቱና በክህሎቱ ብቁና ተወዳዳሪ የሆነ ባለሙያን በምዘና በማረጋገጥ ለገበያው ለማቅረብ በሚደረገው ርብርብ በየደረጃው ካሉ ፈፃሚ አካላትና ተቂማት ጋር የጋራ በማድረግ ወደ ስራ የገባ ቢሆንም ክልሉ ባጋጠመው የጸጥታ ችግር የመዘና ፈላጊ ማህበረሰብ ተደራሽ ማድረግ እንዳልተቻለ የእቅድ ዝግጅትና ግምገማ ዳይሬክቶሬት ዳይሬክተር አቶ ተጋረድ ዘሪሁን በሪፓርታቸው ገልፀዋል።

በተነሱ ሃሳቦችና አስተያየቶች ላይ እንዲሁም በቀሪ 6 ወራት ትኩረት ሊደረግባቸው በታሰቡ ጉዳዮች ላይ ማብራሪያና የሰራ አቅጣጫ የሰጡት ኤጀንሲው ዋና ዳይሬክተር አቶ ተስፋዬ የሽዋስ እንዳሉት በሰራተኞች በየጊዜው የሚነሱ ችግሮች እንዲፈቱ የአጭርና የረጅም ግዜ እቅድ በማቀድ ጥያቄወች እንዲፈቱ በትኩረት ይሰራል ብለዋል።

ፈጻሚው በ2017 በጀት ዓመት ባላፍት 6 ወራት በግብ ተኮር አፈጻጸም የታዩ ጥንካሬወችን ለማስቀጠልና ክፍተቶችን ለማረም ለቀጣይ የትግበራ ወራት ራሱን ማዘጋጀት፣ የክራይ ሰብሳቢነት አስተሳሰብና ተግባራት ራሱን ማራቅና ሌሎችን በመታገል የበኩሉን ሊወጣ እንደሚገባም አቶ ተስፍየ ተናግረዋል።

ኢንዱስትሪዎች የሚፈልጉትን በሙያው፣ በዕውቀቱና በክህሎቱ ብቁና ተወዳዳሪ የሆነ ባለሙያን በምዘና በማረጋገጥ ለገበያው ለማቅረብ በምዘና ስራው የሚሳተፍ ተቐማት ሁሉ የድርሻቸውን እንዲወጡ መልእክት አስተላልፈዋል።

በግምገማ መድረኩም በ6 ወሩ ካሉት ሰራተኞች የተሻለ አፈጻጸም ላስመዘገቡ ሰራተኞች እውቅና በመስጠት መድረኩ ተጠናቋል።

የአብክመ ሙያ ብቃት ምዘናና ማረጋገጫ ኤጀንሲ አመራሮችና ሰራተኞች የ2017 በጀት ዓመት የ6ወራት እቅድ አፈጻጸም ግምገማ መድረክ እያደረገ ነው።

በመድረኩም ባለፍት 6 ወራት በቁልፍ እና በአበይት ተግባራ ታዩ ጥንካሬዎችና ውስንነቶች በኤጀንሲው የዕቅድና በጀት ዝግጅትና ክትትል ዳይሬክቶሬት ዳይሬክተር አቶ ተጋረድ ዘሪሁን ቀርበው ውይይት እየተደረገባቸው ሲሆን በቀሪ 6 ወራት ደግሞ ታቅደው ያልተፈጸሙ ተግባራት ላይ በቀጣይ እንዴት እንደሚፈጸሙ በኤጀንሲው ዋና ዳይሬክተር በአቶ ተስፍየ የሽዋስ አቅጣጫ እንደሚሰጥ ይጠበቃል።

ለንዱስትሪ መዛኞች የመዛኝነት ሥነ-ዘዴ ስልጠና ከታህሳስ 15-17/2015 ዓ.ም በባህርዳር ከተማ እየተሰጠ ነው። 
የስልጠናውን  ሂደት አስመልክቶ የጄጀንሲው የሙያ ደረጃ ፣ጥናት እና እውቅና አሰጣጥ ዳይሬክቶሬት ዳይሬክተር ተወካይ የሆኑት አቶ ሙሉጌታ ግዳይ  ባድረጉት ንግግር  እጩ መዛኝ ሰልጣኞች መዛኝ ሁኖ ለመቀጠል መሰልጠን ብቻ ሳይሆን ኤጀንሲው ባዘጋጀው የመገምገምያ መስፈርት መሰረት አጥጋቢና ከዝያ በላይ ውጤት ማስመዝገብ ስላለበት ስልጠናውን በንቃት መከታተል አለበት ብለዋል።
ለተከታታይ ሶስት ቀናት የሚቆየው ይህ የመጀመርያ ዙር ስልጠና መሰረታዊ የሆኑ የምዘና ስነ- ዘዴ ርእሶች ዙርያ ያተኮረ በኤጀንሲዉ የመዛኝና ምዘና ማዕከላት እዉቅና አሰጣጥ ባለሙያ በሆኑት  በአቶ ይርዳው ምረት መሰጠት ተጀምሯል፡፡

የአብክመ ሙያ ብቃት ምዘናና ምረጋገጫ ኤጀንሲ ሰራተኞች የዘንድሮ የዓለም ኤች አይቪ ኤድስ ቀን በሃገራችን ለ36ተኛ ጊዜ "ሰብዓዊ መብትን ያከበረ የኤችአይቪ አገልግሎት ለሁሉም!" በሚል መሪ ሃሳብ በፓናል ውይይቶችና በተለያዩ ፕሮግራሞች አክብረዋል፡፡
ከአማራ ክልል ጤና ቢሮ የመጡ የፕሮግራሙ ተጋባዥ እግዳ እና የመወያያ ጽሁፍ ያቀረቡት አቶ መልካሙ ደኘው እንደተናገሩት የዓለም ኤች አይቪ ኤድስ ቀን "ሰብዓዊ መብትን ያከበረ የኤችአይቪ አገልግሎት ለሁሉም!" በሚል መሪ ቃል የተከበረ መሆኑን ተናግረዉ የአማራ ክልል የኤች አይቪ ፖዘቲቭ ሰዎች ቁጥር የአገሪቱን 30% እንደሚሸፍንና በአዲስ የሚያዙ ሰዎች ቁጥር ደግሞ 29%ቱን ድርሻ ይወስዳል ብለዋል፡፡

ይህንን ችግር ለመቅረፍና ኤች አይቪ ኤድስ ስጋት ወደማይሆንበት ደረጃ ለማድረስ ከሚሰሩ ስራዎች አንዱ በየአመቱ የአለም የኤዲስ ቀን በልዩ ልዩ ኩነቶች ታስቦ እንደሚዉል አቶ መልካሙ ተናግረዋል፡፡

በፕሮግራሙ የተገኙት የአብክመ ሙያ ብቃት ምዘናና ምረጋገጫ ኤጀንሲ ዋና ዳይሬክተር አቶ ተስፋየ የሽዋስ እንደተናገሩት ያለምንም ልዪነት ሁሉንም የማህበረሰብ ክፍሎች ሰብዓዊ መብታቸውን ባከበረ መልኩ ተደራሽና ተጠቃሚ ለማድረግ እና በሽታው እንዳይስፋፋ ለማሕበረሰቡ ስለ ኤች አይቪ ያለውን አመለካከት ለማሳደግ ሰራተኛዉ ከመቸውም ጊዜ በላይ መሰራት አለበት ብለዋል።
በዓለም ለ37 ጊዜ በአገራችን ደግሞ ለ36ኛ ጊዜ በፓናል ውይይቶችና በተለያዩ ፕሮግራሞች የተከበረ ሲሆን በእለቱም ከመደበኛ ተግባራት ጋር አካል ጉዳተኛን ተጠቃሚ የሚያደርግ አቀናጅቶ መስራት እንደሚገባና ከኤጀንሲው ሰራተኞች በየወሩ እየተቆረጠ ድጋፍ ለሚያደርግለት ህጻን ደግሞ መዋጨውን ከፍ ለማድረግ በመስማማት ውይይቱ ተጠናቋል ።

ቀን 24/03/2017 ዓ.ም
የጥንቃቄ መልዕክት
ከክላችን ዉጭ ያሉ አንዳንድ ግለሰቦችና ተቋማት በዶመስቲክ ወርክ ሙያ ስልጠና አጠናቀዉ የሙያ ብቃት ምዘና የወሰዱ ዜጎችን መረጃችሁን በኦላይን እና መሰል ተግባራትን እኛ እናስጨርስላችኋለን በማለት ዜጎቻችን ያልተገባ የገንዘብና የጉልበት ኪሰራ እየተዳረጉ መሆኑን መረጃወች ደረሰዉናል፡፡
ስለሆነም በዶመስቲክ ወርክ ሙያ ስልጠና አጠናቀዉ ብቃት ምዘና ወስደው የብቃት ማስረጃ ምስክር ወረቀት ያላቸው ዜጎች መረጃችሁ ወደ ሲስተም የሚገባላችሁ ምዘና በወሰዳችሁበት ክልል በሚገኘ የክላስተር ማዕከላት ብቻ(ማለትም ጎንደር ክላሰተር ማዕከል ወልዲያ ክላሰተር ማዕከል ደሴ ክላሰተር ማዕከል ደብረ ማርቆስ ክላሰተር ማዕከል ደብረ ብርሃን ክላሰተር ማዕከል ) ክላስተር ማዕከላት ባህዳርን ጨምሮ መሆኑን እንድታዉቁ እያሳሰብን ከዚህ ዉጭ የሚደረግ ማጭበርበር ካለ በስልክ ቁጥራችን 0582180256/1139 ጥቆማ እንድትሰጡን እናሳስባለን


የአብክመ ሙያ ብቃት ምዘናና ምረጋገጫ ኤጀንሲ

በአጭር ጊዜ ሥልጠና በኢንተርፕሩነርና ቴክኒካል ክህሎቱ የበቃ የሰው ሃይል ለሀገር ውስጥና ለውጭ ሀገር ገቢያ ለማቅረብ ውጤታማ ሥራ እየተሰራ ነው።
*****
ባህርዳር፤ ህዳር 19/2017 ዓ.ም (የሙያ ብቃት ምዘና)
የአብክመ ሥራና ሥልጠና ቢሮና የከብክመ የሙያ ብቃት ምዘናና ማረጋገጫ ኤጀንሲ በጋራ የ2017 በጀት ዓመት የ4ወር እቅድ አፈጻጸም ግምገማ ከማዕከላዊ ጎንደር ዞን፣ ከምዕራብ ጎንደር ዞን፣ ከሰሜን ጎንደርና ከጎንደር ሪጅዮ ፖሊታን ከተማ አስተዳደር የዘርፍ አመራሮች ጋር አካሂዷል።

በመድረኩም በአገር አቀፍና በክልል ደረጃ ባለፉት ተከታታይ ሶስት አመታት የተሻለ ውጤት በማስመዝገብ ተሸላሚ የሆነው የደ/ብርሃን ፖሊ ቴክኒክ ኮሌጅ የ2017 በጀት አመት የ4ወር የእቅድ አፈጻጻም ምርጥ ተሞክሮ ቀርቦ ውይይት ተደርጓል።

በውይይት መድረኩ በመገኘት የመድረኩ መክፈቻ ንግግር ያደረጉት የአብክመ ሥራና ሥልጠና ቢሮ ምክትል ቢሮ ኃላፊ አቶ አማረ አለሙ "በአገር አቀፋ ደረጃ የተጠኑ ጥናቶች እንደሚያሳዩት በአሁኑ ወቅት ከእረጅም ጊዜ ሥልጠናዎች ይልቅ የገበያውና የወጣቱ ፍላጎት በአጭር ጊዜ ሥልጠና በኢንተርፕሩነርና ቴክኒካል ክህሎት እየበቁ በሀገር ውስጥና በውጭ ሀገር ገቢያ መሰማራት በመሆኑ ይህንንም ፍላጎት ለማሳካት ትኩረት ሰጥተን የሰራነው ሥራ ውጤታማ ነው" በማለት ገልጸዋል።

የክረምት ወራት ሥራዎች ትግበራ፣ የሠልጣኝ ቅበላ፣ የኢትዮ ኮደርስ ሥልጠና፣ የኢንዱስትሪ ኤክስቴሽንና የቴክኖሎጂ ሽግግር ፣ የአሰልጣኝ መምህራን በአዲሱ የምዘና ስርዓት ሙያ ብቃት ምዘና እንዲሁም አዲሱ የዘርፉ እሳቤዎች ዋና ዋና ዋና የውይይትና የተሞክሮ መለዋወጫ አጀንዳዎች ነበሩ።

የማዕከላዊ ጎንደር ዞን፣ የምዕራብ ጎንደር ዞን፣ የሰሜን ጎንደርና የጎንደር ሪጅዮ ፖሊታን ከተማ አስተዳደር የሥራና ሥልጠና መምሪያ ኃላፊዎች፣ የኮሌጅ ዲኖችና ምክትል ዲኖች፣ የቡድን መሪዎች፣ የጎንደር ክላስተር የሙያ ብቃት ምዘናና ማረጋገጫ ማዕከል እና የጎንደር ፖሊ ቴክኒክ ኮሌጅ የዘርፉ አስተባባሪዎች በውይይቱ መድረክ ታድመዋል።

የታቀዱ እቅዶች ተፈጻሚ እንዲሆኑ የሁሉም ባለድርሻ አካላት የጋራ ርብርብ እንደሚጠበቅ ተገለጸ
የጎንደር ክላስተር የሙያ ብቃት ምዘናና ማረጋገጫ ማዕከል ሰራተኞች የ2017 በጀት ዓመት የአንደኛውን ሩብ ዓመት እቅድ አፈፃፀም ግምገማ አካሂዷል፡፡
መድረኩን የመሩት የጎንደር ክላስተር የሙያ ብቃት ምዘናና ማረጋገጫ ማዕከል ኃላፊ በወ/ሮ ፀሀይ አምሳሉ አንጻራዊ ሰላም ባለባቸዉ አካባቢወች የምዘና ጥያቄ ላቀረቡ የምዘና ማዕከላት ፈጣን ምልሽ በመስጠት በኩል የተሰራዉ ስራ አበራታች መሆኑን ገልጸዉ በቀጣይ የታቀዱ እቅዶች ተፈጻሚ እንዲሆኑ ሁሉም ባለድርሻ አካላት የድርሻዉን ሊወጣ ይገባል ብለዋል፡፡
በመድረኩ የተሳተፉት የክላስተር ማዕከሉ ባለሙያዎች በበጀት ዓመቱ ታቅደዉ ያልተከናወኑ ተግባራት ላይ ተኩረት አድርገዉ እንደሚሰሩ ተናግረዋል፡፡
መረጃዉ የጎንደር ክላስተር የሙያ ብቃት ምዘናና ማረጋገጫ ማዕከል ነዉ

በክህሎት ልማት ዘርፍ የተጀመረውን ሪፎርም ትግበራ ውጤታማ ለማድረግ እቅዶቻችንን በፍጥነት፣ በስፋትና በጥራት መፈጸም እንደሚገባ ተገለጸ
የአብክመ ስራ እና ስልጠና ቢሮ የ2017 በጀት አመት የክህሎት ልማት ዘርፍ የ4ወር የእቅድ አፈጻጸም እና አሰልጣኝ መምህራን እና ዲኖች የሙያ ብቃት ምዘና ማስፈጸሚያ እቅድ ዙሪያ ውይይት ተደረጓል፡፡
በመድረኩም የወ/ሮ ስኂን ፖሊቴክኒክ ኮሌጅ የ2017 በጀት አመት የ4ወር እቅድ አፈጻጸም ሪፖርት እና ከዘርፉ አዲሱ እይታ ትግበራ አንጻር ለሌሎች ኮሌጆችም በተሞክሮነት ሊወሰዱ የሚችሉ ውጤታማ አፈጻጸሞች በኮሌጁ ዲን አቶ ሰለሞን ይመር አማካኝነት ቀርቧል። በተጨማሪም የአብክመ ስራና ስልጠና ቢሮና የሙያ ብቃት ምዘናና ማረጋገጫ ኤጀንሲ የአሰልጣኝ መምህራንና ዲኖች የሙያ ብቃት ምዘና ማስፈጸሚያ የጋራ እቅድ በአብክመ የሙያ ብቃት ምዘናና ማረጋገጫ ኤጀንሲ የህዝብ ግንኙነት ኃላፊ በአቶ ዘላለም አዕምሮ አማካኝነት ቀርቦ ውይይት ተደርጓል፡፡
በውይይት መድረኩ በመገኘት የመግቢያ ንግግር ያደረጉት የአብክመ ስራና ስልጠና ቢሮ ምክትል ቢሮ ኃላፊ አቶ አማረ አለሙ በክህሎት ልማት ዘርፍ የተጀመረውን ሪፎርም ትግበራ ውጤታማ ለማድረግ የታቀዱ የነባርና አዲስ ሰልጣኞች ቅበላ፣ ኢንዱስትሪ ኤክስቴሽን ድጋፍ ስራዎች፣ ቴክኖሎጅ ሽግግር ተግባራትና የአዲሱ እሳቤዎች ትግበራ እንዲሁም የኢትዮ-ኮደርስ ሥልጠና ስራዎቻችን ፍጥነት የታከለበት፣ በብዛትና በስፋት የመተግበር እንዲሁም ጥራቱ የተረጋጋጠና የበቀ የሰው ኃይል ወደ ኢንዱስትሪው እንዲቀላለቀል በማድረግ ምርትና አገልግሎትን በጥራት ለተገልጋዩ ማቅረብ እንሚገባ ገልጸዋል፡፡
በግምገማ መድረኩም የአማራ ክልል ስራና ስልጠና ቢሮ ምክትል ሀላፊዋች፣ የደቡብ ወሎ ዞን፣ የሰሜን ወሎ ዞን፣ የደሴ ከተማና የኮምቦልቻ ሪጅዮ ፓሊታን ከተማ አስተዳደር ስራና ስልጠና የመምሪያ ሀላፊዎችና በምስራቅ አማራ የሚገኙ የፖሊቴክኒክ ኮሌጅ እና ቴክኒክና ሙያ ኮሌጅ ዲኖችና ምክትል ዲኖች ተሳትፈዋል።

"የቴክኒክና ሙያ አሠልጣኝ መምህራን ወቅቱ የሚጠይቀውን ሙያዊ ብቃት አሟልተው እንዲገኙ ማድረግ የሥልጠናውንና የሥራ እድል ፈጠራውን ጥራት ለማሻሻል መሰረት ነው"
አቶ አማረ አለሙ የአብክመ የሥራና ሥልጠና ቢሮ ምክትል ቢሮ ኃላፊ

በአማራ ክልል ውስጥ በሚገኙ የቴክኒክና ሙያ ሥልጠና ኮሌጆች እየሰሩ ለሚገኙ አሰልጣኝ መምህራን እና ዲኖች አዲስ ተሻሽሎ በወጣው የሙያ ደረጀና የምዘና አሰጣጥ ስርዓት በመመዘን የሙያ ብቃት ማረጋገጫ እንዲይዙ የሚያስችል በክልሉ የሥራና ሥልጠና ቢሮ እና የሙያ ብቃት ምዘናና ማረጋገጫ ኤጀንሲ በተዘጋጀው የጋራ ማስፈጸሚያ እቅድ ዙሪያ ለሰሜን ሽዋና ደብረ ብርሃን ሪጅዮ ፖሊታን ከተማ ከሚገኙ የዘርፉ አመራሮችና በየኮሌጅ ተወክለው ከመጡ አሰልጣኝ መምህራን ጋር ውይይት አደርገዋል።

የአሰልጣኝ መምህራን ምዘና ማስፈጸሚያ የጋራ እቅዱን በመድረኩ ያቀረቡት የአብክመ ሙያ ብቃት ምዘናና ማረጋጋጫ ኤጀንሲ የህዝብ ግንኙነት ኃላፊ አቶ ዘላለም አእምሮ የምዘናውን አስፈላጊነት ሲያብራሩ የሙያ ብቃት ምዘና ሥርዓት የኢንዱስትሪውን እና የአካባቢውን የልማት ጸጋ መሰረት ያደረገ፣ ሥራ ፈጣሪ ዜጋ ለማፍራት የሚያስችል በሁለም ደረጃ ተቀባይነት ያለው ውጤትን መሰረት ያደረገ የቴክኒክና ሙያ ስልጠና ስርዓት በመደበኛና መደበኛ ባልሆነ ፕሮግራም እንዲሁም በልምድ በተገኘ እውቀት፣ ክህልት እና የስራ ተነሳሽነት ብቃትን በሙያ ብቃት ምዘና በማረጋገጥ እውቅና መስጠትን የሚካትት ሲሆን ለዚህ ደገሞ የበቃ የሰው ሃይል ወደ ሥራ አለም እንዲቀላቀል ለማድረግ በሚደረገው ርብርብ ብቃት የተላበሱ አሰልጠኝ መምህራን እና አመራሩ በዘርፉ መኖር እጅግ አስፈላጊ እንደሚያደርገው ገልጸዋል፡፡

በውይይት መድረኩ በመገኘት የመግቢያ ንግግር ያደረጉት አቶ አማረ አለሙ "የቴክኒክና ሙያ አሠልጣኝ መምህራን ወቅቱ የሚጠይቀውን ሙያዊ ብቃት አሟልተው እንዲገኙ ማድረግ የሥልጠናውንና የሥራ እድል ፈጠራውን ጥራት ለማሻሻል መሰረት ነው" በሚል የሙያ ብቃት ምዘናውን አስፈላጊነት ገልጸዋል።
አቶ አማረ የምዘናወንም ዋና ዓለማ ሲያብራሩ ጥራት ያለው ምርትና አገልግሎት ለማቅረብ የሚቻለው በዕውቀት፣ በክህሎትና በአመለካከት የበቃ እና ቴክኖሎጂን በአግባቡ መጠቀም የሚችል የሰው ሀይል ወደ ኢንዱስትሪው ውስጥ ሲገኝ ወይም ሲሰማራ በመሆኑ ይህንን ለማሳካት ደግሞ በኮሌጆች በስራ ላይ የሚገኙ አሰልጠኝ መምህራን እና ዲኖች ወቅቱ ከሚጠይቀው ሙያዊ ብቃት ወይም እውቀት፣ ክህሎትና አመለካከት እረሳቸውን ለማዛመድ እንዲችሉ ተሻሽሎ በወጣው የሙያ ደረጃ ተመስረቶ በተዘጋጀው ስታንዳርድ መሰረት በቂ ዝግጅትና የክህሎት ክፍተት ስልጠና በመስጠት የሙያ ብቃት ምዘናውን እንዲወስዱ ለማድረግ አስፈላጊውን ቅድመ ዝግጅት እየተሰራ መሆኑን በመግለጽ በማስፈጸሚያ እቅዱ መሰረት በአጠረ ጊዜ ሁሉም አሰልጣኝ መምህራን እና ዲኖች ተመዝነው የብቃት ማረጋገጫ ማስረጃ ሊይዙ እንደሚገባ አሳስበዋል።

በመድረኩም የሰሜን ሸዋ ዞንና የደ/ብርሃን ሪጅዮ ፖሊታን ከተማ የ2017 በጀት አመት የክህሎት ልማት የ4ወር የእቅድ አፈፅፀም ቀርቦ ውይይት የተደረገ ሲሆን በተጨማሪም የደ/ብርሃን ፖሊ ቴክኒክ ኮሌጅ በክልል ደረጃ በሚደረጉ ግምገማ እና ያንን ተመስርቶ በሚሰጥ ውጤቶች በተከታታይ ዓመታት ባሳየው የላቀ አፈጻጸም መሰረት ምርጥ ተሞክሮው ቀርቦ ሌሎችም እንዲማሩበት ተደርጓል። ከመድረኩም ጎን ለጎን የሥራና ሥልጠና ቢሮ አመራሮች በጫጫ ቴክኒክና ሙያ ኮሌጅ የወርክ ሽፕ ግንባታ ሂደት በአካል በመገኘት መመልከት የተቻለ ሲሆን የሌማት ቱርፋት ውጤት የሆኑ ተግባራት እንደ እንስሳት ማድለብና በንብ ማነብ የተጀመሩ አበረታች ስራዎችን ምለከታ አድርገዋል።

የሰሜን ሽዋና ደብረ ብርሃን ሪጅዮ ፖሊታን ከተማ እንዲሁም የደ/ብርሃን ክላስተር የሙያ ብቃት ምዘናና ማረጋገጫ ማዕከል የሚገኙ የዘርፉ አመራሮች እንዲሁም በዞኑ የሚገኙ የፖሊ ቴክኒክ፣ የቴክኒና ሙያ የኮሌጅ የተወጣጡ አሠልጣኝ መምህራን እና የስራና ስልጠና ቡድን መሪዎች የመድረኩ ተካፋይ ነበሩ።

አንጻራዉ ሰላም ባለባቸዉ አካባቢወች የምዘና ስራ ለማስጀመር የሚያስችል ወይይት ተካሄደ
አንጻራዉ ሰላም ባለባቸዉ የክልላችን አካባቢወች ምዘና ለሚፈልጉ የህብረተሰብ ክፍሎች ምዘና ለመስጠት የሚስችል ዉይይት መደረጉን የአብክመ ሙያ በቃት ምዘናና ማረጋገጫ ኤጀንሲ አስታወቀ፡፡
የኤጀንሲዉ ዋና ዳይሬክተር አቶ ተስፋየ የሽዋስ የክልላችን አካባቢወች አንጻራዊ ሰላም ባለባቸዉ አካባቢወች የምዘና ጥያቄ ላቀረቡ ምዘና ማዕከላት የተሟላ ምዘና በሚጀመርበት ሁኔታ በምዝና ስራዉ ለሚሳተፉ የኤጀንሲዉ ባለሙያወች እና የማኔጅሜንት ካውንስል ጋር ዉይይት አድረገዋል፡፡
በዉይይቱም ስልጠና አጠናቀዉ ምዘና ለሚጠባበቁ ዜጎች የተሟላ የምዘና አገልግሎት ለመስጠት ክልላችን አሁን ባለዉ አንጻራዊ ሰላም ባለሙያዉ ከቦታ ቦታ ተንቀሳቅሶ ምዘና አገልግሎትና መሰል ተግባራት ለማከናወን ራሱን ዝግጁ ማድረግ አለበት ብለዋል፡፡
አንጻራዊ ሰላም በሰፈነባቸው የክልላችን አካባቢዎች ተንቀሳቅሶ ስልጠና አጠናቀዉ የምዘና አገልግሎት ለሚፈልጉ ዜጎች የተሟላ የምዘና አገልግሎት ለመስጠጥ የአጋር አካለትን ተሳትፎና ቅንጅት የሚጠይቅ በመሆኑ በቀጣይ ሁለም ለምዘና የሚወጡትን ባለሙያወች ምዘናዉ ያለምንም የጸጥታ ችግር እንዲጠናቀቅ የበኩሉን ሃላፊነት እንዲወጣ ተጠይቋል፡፡

ተቋማዊና ሙያዊ የስራ ላይ ስነ-ምግባር በመላበስ አወንታዊ፤ ቀና አመለካከት እና ተነሳሽነት ከሰልጣኞች እንደሚጠበቅ ተገለፀ
ለአብክመ ሙያ በቃት ምዘናና ማረጋገጫ ኤጀንሲ ሰራተኞች በተቋማዊ ሥነ-ምግባር ፣ አመለካከት እና ተነሳሽነት ዙርያ ከአብክመ ሥራ አመራር ኢንስቲትዩት ገራ በመተባበር የአንድ ቀን ስለጠና ተሰጥቷል፡፡
በዚህ ስልጠና ተገኝተዉ መልዕክት ያስተላለፉት የኤጀንሲዉ ዋና ዳይሬክተር አቶ ተስፋየ የሽዋስ የማነቃቂያ ስልጠናዉ የህዝብን ችግር የሚፈታ ፈጻሚ ለመፍጠር በየደረጃዉ የሚገኝን ባለሙያና አመራሩን አቅም በመገንባት የማስፈፀም፤ የመፈፀም አቅም የተሻለ የአሰራር ስርዓትን በመዘርጋት ተቋማዊና ሙያዊ የስራ ላይ ስነ-ምግባር በመላበስ አወንታዊ፤ ቀና አመለካከት እና ተነሳሽነት ይበልጥ ለማሳደግ በመሆኑ በጦርነት ማግስት ጀምሮ በወቅጣዊ ጉዳይ ላይ የተቀዛቀዘዉን የስራ ተነሳሽነት እና ስነ-ልቦናዊ መነቃቃት ፈጥሮ ራሱን ለስራ ዝግጁ በማድረግ የአገልጋይነት ስሜት በመላበስ ሙሉ የመንግስት የስራ ሰዓትን ለህብረተሰቡ ግልጋሎት መስጠት ከመንግስት ሰራተኛው ይጠበቃል ብለዋል፡፡
ስልጠናዉን ለሰጡት ለአብክመ ሥራ አመራር ኢንስቲትዩት አሠልጣኞችና አማካሪዎች አመስግነዉ እንዲህ አይነት የአቅም ግንባታና የማነቃቂያ ሥልጠናዎች በቀጣይነት ለመስጠት እና በዓመቱ መጨረሻ ደግሞ ውጤታማ ሰራተኞችን እውቅና ለመስጠት በቅድ ተይዞ እንደሚሰራም ተናግረዋል፡፡
ስልጠናዉ የስራ መነሳሳት፤የሥራ አፈጻጸምን ለማሻሻል፣ በስራቸዉ ዉጤታማ እንዲሆኑ የሚያደርግ ተግባር በመሆኑ በቀጣይ የሰራተኞችን ክፍተት የለየ የአቅም ግንባታና የማነቃቂያ ሥልጠናዎች ተጠናክረዉ መቀጠል እንዳለባቸዉ አስተያየታቸዉን የሰጡ የኤጀንሲዉ ሰራተኞች ተናግረዋል፡፡
በአብክመ ሥራ አመራር ኢንስቲትዩት አሰልጣኝና አማካሪ የሆኑት በአቶ ሽበሽ በለገ እና ወ/ሮ አስረስ አሰፋ ለኤጀንሲዉ ባለሙያዎች የተሰጠው ስልጠና የተቀዛቀዘዉን የስራ ተነሳሽነት እና ስነ-ልቦናዊ መነቃቃት ለመፍጠር እና በስራ ላይ ያሉባቸዉን ሥነ-ምግባር ችግሮች ለመፍታት እና ወደ ተግባር ማስገባት የሚያስችል ስልጠና በመሆኑ በቀጣይ ከስልጠና የገኙትን እዉቀት በግባትነት በመጠቀም ሁሉም የአገልጋኝነት ስሜት መላበስ ይኖርበታል ብለዋል፡፡

በጎንደር ክላስተር ሙያ ብቃት ምዘናና ማረጋገጫ ማዕከል ከጥቅምት 23/2017 ዓ/ም ጀምሮ በግልና የመንግስት የስልጠና ማዕከላትና ኢንተርፕራይዞች በተለያዩ ሙያዎችና ደረጃዎች እየተሰጠ ያለውን ምዘና የክላስተር ማዕከሉ የማኔጅመት አባላት የመስክ ምልከታ አድረገዋል፡፡
የክትትል ድጋፍ ዓለማም የታዩ ጥንካሪዎችን ለማስቀጠል እና በክፍተት የታዩትን ደግሞ ለማረም አድል እንደሚሠጥ በጎንደር ክላስተር ሙያ ብቃት ምዘናና ማረጋገጫ ማዕከል ኃላፊ ወ/ሮ ፀሃይ አምሳሉ ተናግረዋል፡፡
በክላስተር ማዕከሉ ከሚገኙ የምዘና ማዕከሉ ዉስጥ በ8ቱ ምዘና ማዕከላት 1ሽህ 636 ተመዛኞች ምዘና እየወሰዱ መሆኑን የጎንደር ክላስተር ሙያ ብቃት ምዘናና ማረጋገጫ ማዕከል የተገኘዉ መረጃ ያመለክታል፡፡

በክልላችን ወቅታዊ የፀጥታ ችግር አዲስ የምዘና ማዕከላትን እውቅና ለመስጠት እና ነባር የምዘና ማዕከላት እውቅና በማደስ ወደ ስራ በማስገባት በኩል በታቀደዉ ልክ እየተሰራ አለመሆኑ ተገለፀ
**************
በአዲስ ዕውቅና ለመስጠት እና ነባር የምዘና ማዕከላት እውቅና ማደስ ስራው በታቀደዉ ልክ እየተሰራ እንዳልሆነ የአብክመ ሙያ ብቃት ምዘናና ማረጋገጫ ኤጀንሲ አስታወቀ፡፡
እጀንሲው ይህን ያስታወቀዉ የ2017 ዓ.ም የ1ኛዉ ሩብ አመት እቅድ አፈጻጸም የኤጀንሲው ማኔጀሜንት በገመገመበት ወቅት ነዉ፡፡
የኤጀንሲው የህዝብ ግንኙነት ኃላፊ አቶ ዘላለም አእምሮ ጉዳዩን አስመለክተዉ በሰጡት ማብራሪያ በ1ኛው ሩብ ዓመት ከመካከለኛና ከፍተኛ ኢንዱስትሪ 6፣ ከጥቃቅንና አነስተኛ ኢንተርፕራይዞች 44 በድምሩ 50 አዲስ የምዘና ማዕከላትን ዕውቅና ለመስጠት ቢታቀድም ከመካከለኛና ከፍተኛ ኢንዱስትሪ 5 እንዲሁም ከጥቃቅንና አነስተኛ ኢንተርፕራይዞች 5 በአጠቃላይ 10(20%) አዲስ የምዘና ማእከላትን ማፍራት የተቻለ ሲሆን በሌላ በኩል ነባር የምዘና ማዕከላት እውቅና ማደስ ደግሞ ከመካከለኛና ከፍተኛ ኢንዱስትሪ 36፣ ከጥቃቅንና አነስተኛ ኢንተርፕራይዞች 1 በድምሩ 37ታቅዶ ከመካከለኛና ከፍተኛ ኢንዱስትሪ 16 እንዲሁም ከጥቃቅንና አነስተኛ ኢንተርፕራይዞች 1 በድምሩ ለ17 (47.63%) ነባር ምዘና ማዕከላት እውቅና በማደስ ምዘና እነዲሰጡ ተደርጓል ብለዋል፡፡

ተግባሩን በታቀደዉ መሰረት ላለመፈፀም ዋናዉ ምክንያት የሚመለከታቸው ባለድረሻ አካላት ለተግባሩ መሳካት ትኩረት ሰጥተው በቅንጅት አለመንቀሳቀስና እና በክልላችን ወቅታዊ የፀጥታ ችግር በየደረጃዉ የሚገኝ አመራርና ባለሙያ ከቦታ ቦታ ተንቀሳቅሶ ለመስራት ባለመቻሉ እንደሆነ አቶ ዘላለም አእምሮ ተናግረዋል፡፡

የአጋር አካለትን ተሳትፎና ቅንጅት በማሳደግ እና አንጻራዊ ሰላም በሰፈነባቸው የክልላችን አካባቢዎች ተንቀሳቅሶ በመስራት በቀጣይ ሩብ ዓመት የተሻለ ውጤት ለማስመዝገብ ከፍተኛ ርብርብ እንደሚደረግ ማኔጅመንት ካውንስሉ በትኩረት መገምገሙን አክለው ገልጸዋል፡፡

በኤጀንሲው ስር ከሚገኙ የምዘና ማዕከላት ውስጥ በ10ሩ የምዘና ማዕከል ከ2ሽህ በላይ ተመዛኞች ምዘና እየወሰዱ መሆኑ ተገለጸ
በኤጀንሲው ስር ከሚገኙ የምዘና ማዕከላት ውስጥ በ10ሩ የምዘና ማዕከላት ከ2ሽህ በላይ ተመዛኞች ምዘና እየወሰዱ መሆኑን የአብክመ የሙያ ብቃት ምዘናና ማረጋገጫ ኤጀንሲ አስታወቀ
የኤጀንሲው ምዘና አገልግሎት ዝግጅትና አሰጣጥ ዳይሬክቶሬት ዳይሬክተር አቶ በዙ በየነ እንደገለጹት በኤጀንሲው ስር ከሚገኙ የምዘና ማዕከላት ውስጥ የምዘና ጥያቄ ላቀረቡ በ10 የምዘና ማዕከላት 2ሽህ 66 ተመዛኖች በተለያዩ ሙያዎችና ደረጃዎች ከጥቅምት11/2017 ጀምሮ ምዘና እወሰዱ ነዉ ብለዋል፡፡
ኤጀንሲውን አመታዊ የምዘና ፕሮግራም አወጥቶ ለምዘና ማዕከላት እንዲያዉቁት ቢደረግም በክልላችን በአንዳድ አካባቢዎች ያለዉ የሰላም እጦት ምዘናን በሚፈለገዉ ደረጃ ተደራሽ ማድረግ እንዳልተቻለ አቶ በዙ በየነ ተናግረዋል፡፡

ለኤጀንሲው ሰራተኞች የመሰራታዊ የኮምፒዉተር ክህሎት ማጎልበቻ ስልጠና ተሰጠ
ባህር ዳር ጥቅምት 12/2017 ዓ.ም (አማራ ክልል የሙ/ብቃ/ም/ማ/ኤ) 31 ለሚሆኑ ለኤጀንሲው ሰራተኞች በመሰራታዊ የኮምፒዉተር አጠቃቀም ዙሪያ የክህሎት ክፍተትን የለየ የአቅም ማጎልበቻ ስልጠና መሰጠቱ ተገልጿል
ከመስከረም 27 /2017 ዓ.ም ጀምሮ ለተከታታይ 14 ቀናት በመሰራታዊ ኮምፒዉተር አጠቃቀም የክህሎት ክፍተትን የሚሟላ ስልጠና ለኤጀንሲው ሰራተኞች መሰጠቱን የኤጀንሲው የኢንፎርሜሽን ቴክኖሎጅ ሙያ ብቃት ምዘና ከፍተኛ ባለሙያ አቶ ይርጋ ሞላ ተናግረዋል፡፡
ስልጣኞች በመሰራታዊ የኮምፒዉተር ክህሎት የተሟላ እዉቀት እንዲይዙና የመፈጸም አቅማቸውን የሚያጎለብት የንድፈ ሃሳብና የተግባር ልምምድ አድርገዋል ያሉት ባለሙያዉ በቀጣይ የኤጀንሲውን ተልዕኮ በብቃት ለመወጣት በተለይም የምዘና ስርዓቱን የማዘመን እና ድጂታላይዝድ ለማድረግ ለሚደረገው የለውጥ እንቅስቃሴ አጋዥነት ያለው መሆኑን አክለው ገልጸዋል፡፡
የታቀዱ ሥራውዎችን በዕውቀትና በቴክኖሎጅ ላይ ተመስርቶ በዉጤታማነት ለመስራት በቀጣይም ሌሎችም ተመሳሳይ ክፍተትን የለየ የስራ ላይ ስልጠናዎችን በማዘጋጀት የሰራተኞችን አቅም ለማጎልበት በእቅድ ተይዞ በትኩረት ሊሰራ ይገባል ብለዋል።

በአመራ ብሔራዊ ክልላዊ መንግስት የሙያ ብቃት ምዘናና ማረጋገጫ ኤጀንሲ የባህር-ዳር ክላስተር/በኤጀንሲው ስር የሚገኙ የምዘና ማዕከላት/ የ2017 በጀት ዓመት ምዘና መርሃ-ግበር

የትምህርት ቁሳቁስ መግዛት ለማይችሉ ተማሪዎች የትምህርት ቁሳቁስ ድጋፍ ማድረጉን የሙያ ብቃት ምዘናና ማረጋገጫ ኤጀንሲ አስታውቋል፡፡
==============
የትምህርት ቁሳቁስ መግዛት ለማይችሉ ተማሪዎች የትምህርት ቁሳቁስ እና የንጽህና መጠበቅያ ድጋፍ ማድረጉን የሙያ ብቃት ምዘናና ማረጋገጫ ኤጀንሲ አስታዉቋል፡፡

የኤጀንሲዉ ተወካይ ምክትል ዋና ዳይሬክተር በዙ በየነ እንዳሉት፤ የትምህርት ቁሳቁስ መግዛት ለማይችሉ ተማሪዎች ትምህርታቸውን እንዳያቋርጡ ደብተር፤ስክርቢቶ እና የንጽህና መጠበቅያ ሞዴስ ድጋፍ መደረጉን ገልፀዋል፡፡

በትምህርት ዘመኑ ተማሪዎች በችግር ምክንያት ከትምህርት ገበታቸው እንዳይለዩ በየደረጃው ያሉ አካላት የትምህርት ቁሳቁስ ድጋፍ ማድረግ አለባቸው ብለዋል።

ተማሪዎች ትምህርታቸውን በተገቢው ሁኔታ መማርና ጠንክረው መስራት እንዳለባቸውያሳሰቡት ተወካይ ምክትል ዋና ዳይሬክተሩ በትምህርታቸው ብቁ የሚሆኑ ዜጎችን ለማፍራት ኤጀንሲዉ ድጋፉን አጠናክሮ ይቀጥላል ብለዋል፡፡

ንብረቱን የተረከቡት የአፄ ቴዎድሮስ ክፍለ ከተማ ማህበራዊ ልማት ዘርፍ ጽ/ቤት የሴቶች ህጻናት ባለሙያ ወ/ሮ እመቤት ሙልየ በበኩላቸው፤ የዛሬ ተማሪዎች የነገ ሀገር ተረካቢዎች በመሆናቸው ትምህርታቸውን ለመከታተል የትምርት ቁሳቁስ ድጋፍና እገዛ ማድረግ ያስፈልጋል ብለዋል፡፡

ተማሪዎች ትምህርታቸውን በተገቢው ሁኔታ ለመከታተል የትምርት ቁሳቁስ አስፈላጊ መሆኑን
ገጸዋል፡፡

ኤጀንሲዉ ላደረገዉ ድጋፍ አመስግነዉ በቀጣይ ቀናት በክፍለ ከተማዉ ባሉ ትምህርት ቤቶች ለተመረጡ ተማሪዎች ይሰጣል ብለዋል፡፡
በድጋፍ መርሐ ግብሩ ላይ የሚመለከታቸው የስራ ሃላፊዎች ባለሙያዎች ተገኝተዋል፡፡

የአማራ ክልላዊ መንግስት የሙያ ብቃት ምዘናና ማረጋገጫ ኤጀንሲ በ2017 ዓ.ም ለምዘና ማዕከልነት እና መዛኝነት እውቅና ለማግኘት የሚያስፈልጉ መስፈርቶች፤