السنة لعبد الله بە کوردی

گەوهەرەکەمان لە طیبة شارەکەی️ رسول اللّٰه ️ﷺ مەدینەی منەوەرە

١٢٣٨ - لە الأعمش ـەوە، لە إبراهیم التیمي ـەوە، لە باوکیەوە، لە علي ـەوە رضي الله عنە فەرمووی : سوێند بە الله لەلای ئێمە هیچ شتێك نیە ئیللا کتابی الله عز وجل و ئەم پەڕاوە نەبێت لە پێغەمبەرەوە️ ﷺ : مەدینە حەڕەمە لە نێوان عیر ـەوە هەتا ثور، هەر کەسێك خراپەیەکی - بیدعەیەکی - تێدا دابهێنێت، یان تێیدا پەنای خراپەکارێك - بیدعەچیەك - بدات : ئەوا لەعنەتی الله و فریشتەکان و هەموو خەڵکی لەسەر بێت.... . جا فەرموودەکەی باسکرد هەتا ئاخیری .

١٤٣٧ - بۆی باسکردم باوکم، بۆی باسکردین عبد الملك کوڕی عمیر، بۆی باسکردین عباد کوڕی راشد، لە داود کوڕی أبي هند، لە أبي نضرة، لە أبي سعید الخدري رضي الله عنە ووتی : لەگەڵ️ رسول اللّٰه ـدا ﷺ ئامادەی جەنازەیەك بووین،️ رسول اللّٰه ﷺ فەرمووی : ئەی خەڵکینە، بەڕاستی ئەم ئومەتە تاقیدەکرێنەوە لە قەبرەکانیاندا، کاتێك ئینسان نێژرا و هاوەڵەکانی لێی جیابوونەوە، فریشتەیەك دێت بۆلای و چەکوشێکی بەدەستەوەیە، دواتر دایدەنیشێنێت، دەڵێت : چیت دەووت دەربارەی ئەم پیاوە ؟ جا ئەگەر ئیماندار بێت دەڵێت : شایەتی دەدەم کە هیچ پەرستراوێك نیە بە حەق جگە لە الله، وە محمد بەندە و نێردراوی ئەوە . دەڵێت : ڕاستت کرد . پاشان درگایەکی بۆ دەکرێتەوە بۆ ئاگر، دەڵێت : ئامە شوێنەکەت بوو ئەگەر کافر بویتایە بە پەروەردگارت جل وعز، بەڵام کە ئیمانت پێی هێناوە، ئامە شوێنەکەتە، جا درگایەکی بۆ دەکرێتەوە بۆ بەهەشت، دواتر دەیەوێت بۆی هەستێتەوە، پێی دەووترێت : نیشتەجێ ببە، وە قەبرەکەی بۆ فراوان دەکرێت .

وە ئەگەر کافر بوو یان مونافیق بوو پێی دەووترێت : چیت دەووت دەربارەی ئەم پیاوە ؟ دەڵێت : نازانم، گوێم لە خەڵکی بوو شتێکیان دەووت، جا دەڵێن : نە زانیت و نە شوێنی کەوتیت و نە هیدایەتیشت وەرگرت . پاشان درگایەکی بۆ دەکرێتەوە بۆ بەهەشت، دەڵێت : ئەمە شوێنەکەت بوو ئەگەر ئیمانت بهێنایە بە پەروەردگارت، بەڵام کە کافر بوویت پێی، الله عز وجل بۆی گۆڕیت بەمە، وە درگایەکی بۆ دەکرێتەوە بۆ ئاگر، پاشان بە چەکوشەکە لێدانێکی لێدەدرێت، هەموو دروستکراوەکانی الله عز وجل - هاوارەکەی - دەبیستن بێجگە دوو قورسەکە نەبێت - واتە ئینس و جن نەبێت - .

هەندێك لە خەڵکی ووتیان : ئەی️ رسول اللّٰه، هیچ یەکێك نییە فریشتەیەك بە چەکوشێکەوە بەسەریەوە وەستابێت ئیللا لەو کاتەدا دەترسێت .️ رسول اللّٰه ﷺ فەرمووی : {يُثَبِّتُ اللَّهُ الَّذِينَ آمَنُوا بِالْقَوْلِ الثَّابِتِ} [إبراهيم: ٢٧] .