الشاعر محمد تقي الزاملي

الشاعر محمد تقي الزاملي pinned «دمعي جره عليك... وبخدي نيشان وبدمعي احاجيك... والكاك تعبان اصرخ يويلاه... ويتفرهد الحيل ماضل كتر بيك... سالم يعطشان ياويليه جم اه والم تجرحني لو مر بيه ذكر الحسين ومنذبح لو طلعت العلويه امجازه الاحسان اختلف بال النبي تاليه اليرشف الخيل انذبح ماراوي كطره اميه…»

ياصبري طك المن تتاني
مصاب الهواشم جارح كياني
اشرف عشيره واشرف سلاله
حجايه ثكيله والله بلساني

هيه المصيبه تجرح دليلي
حكي امن انادي واصرخ يويلي
فوك الترايب نايم حبيبي
المن اريده لو اضمه حيلي

ياجرحي فز

الرادود مؤمل العرداوي

كلمات محمد تقي الزاملي

كانت امنيه وأصبحت حقيقه وفي صباح يوم الجمعه

عسى ان يكون صباحي في باب الجواد


ياابا الجواد رضاك مولاي🤲

أمنيتي الوحيدة هيَ "مشهد الرِّضا".

هل لي من عوده

مولاتي زينب ع وهي تخاطب مولاتنا الزهراء ص


يمه گومي حسين صاح
وماي راد الا بجفوفج
گومي صاح
المادفه اخلافج دقيقه
ياجمر ليعوضه حضنج
ياوشاح
گومي صاح

الضلمه من الصبح تبدي
وماكو عند ابنج صباح

بعينه ضاك الكون كله
جنتي بيهه الكون بس من عنده راح
گومي صاح


من شفت فضه وشكلهه اتحول اعله الذهب
وعاينتلي بكسر خاطر منهه مدمع سجب
هنا شوّصف حال اخوي وحزنه فوگ العجب
يحتضر من دون موت وينجوي ابلا لهب


اه يام حسين
كسرتج كسرة عشيره
اه يام حسين
راحت اتضل للحصيره

واويلاه يايمه
_

والحسن يابعد جبدي
جبده من هسه ايتفطر
يادواه
فراگج المحد يجرعه
يهون كل سم اعله جبده
ماعداه
يادواه

الشيله مافارگت جفه
يشمهه حدما ينغمي بدمعه
وبجاه

الجان بيدج شمس نوره
خلافج العود انخمد كلش ضواه
يادوااه

الحسن جان اسمه جماله وهسا عگبج ذبل
ورد فارگ ماي كوثر والنده ويا زعل
الحزن مثل الصوم جان اهلاله مابعده هل
والكريم وامه راحت بلدمع ما بخل

ماتبقه دموع
ماي الي ايشربه بواجي
ماتبقه دموع
ينجفن وي المحاجي

واويلاه يايمه
____

والولي ودمعه التلوون
من يصد الباب يوگع. ياذي حيل

ولو مشه لگبرج ويرجع
من دمع عينه يلم النده الليل
ياذي حيل

الذكره من تلفي بصباحه
بدمعه يصفن لما يتباين اسهيل

ومن يفز من الهضيمه
يطيح جثه من الفراگ ودمعه سيل

موش بس احنه يتامه ويانه جاسه اليتم
يمه وي حسين صاح وبلشييل ضل يشم
بكل مكان البـي گعدتي بريّحتج يــللجم
البيده قالع باب خيبر حيله مابي يلم

من رد للبيت
رد جنازه من الجنازه
من رد. للبيت
بعازه رد اليگضي عازه

واويلاه يايمه
__

وانه المثلمه ابفرگه
جرحي كل شويه ملجوم بطبيب
بيش اطيب
مصاب جدي وكسر ضلعج
ومحسن الجيّته بخنگه
وراس والينه الخضيب
بيش اطيب

الحسن شيّب جبدي جبده
والحسين بعيني طلعلي المشيب
بيش اطييب


گمت اشوف بنار بابج للخيم تستعر
وتترس الهيمه الثكاله ويطلع اعضم خدر
وسوط قنفذ يلحنينه اشياذي بيد الشمر
وگيد ابونه الهضمه يصبح منه گيد اليسر

يايمه الشاام
خنگته من هسه بيه
يايمه الشام
حوول اسمي للسبيه

واويلاه يايمه

____
مصطفى خالد

https://youtu.be/vUafF-Ahk8M?si=81pVWM89uV6xqYUh

دار الحديث وكله عطاب
قصة الخيمه وقصة الباب
يسالون ياهو المحترگ حيل
وياهو التاذه بفگد الاحباب
......

انه ثاني جرح لحسين... والاول بعده ماطاب
لفگد طه الهضم مازال... دمع الجفن سجاب
ميت بس متت مرتين... من گال احرقو الباب
ووراي الزهره والسبطين... صار مصاب بمصاب

علت ناري وخجل بيه .. من الصار شني النار؟
اعله يا دار!
الگبل جان النبي ابرأفه.. يدگ جفه لجن وسفه
انطرق نار !

ياخيمه لو بيدي امنع الصار
ولاشوف دمع ام الخدر حار
جلمة وان حرگتني مرتين
كل جرح طاب وجرحي ماطاب
.........
دار الحديث وكله عطاب
.............

اوصلت جلمة وان ياباب... للخيمه وهضمهه
ومثل مافاطمه بكترك.... لاذت؟ جنهه امهه
لجن كسرتهه موش ضلوع.. كسرتهه بحرمهه
اطلعن حفاي بلهيمه.. وبعد مافض ضلمهه
طلعت وسفه خدر احسين.. على التل.. تناديه
وتحاجيهْ
گوم الخيم حرگوهه... وسلب صار .. و الاصغار
بجي اعليهْ


ياباب من يتمنه اله الموت
اتمنيته؟ من الهن طلع صوت
اليسمعهه بس الباري والبيت
مسبيه طلعت وي الاجناب
...
دار الحديث وكله عطاب

......

يِّنشاف الهضم بيه ... لو صدتلي العيون
الله يساعد البلبيت .. ابگفاي اشكثر يبجون
دمه تخضبت والبسمار .. لسا احمر اللون
تاذيت انه من عنده .. جا بنت النبي شلون

ماتت والالم عايش .. بقه وزاد ... ب الاولاد
فگد حاد
الغربه ابكل مجان الهه .. نعي هواي بجي هواي.
دمه وماي

وي العبي والشيله يحجون
انه حسن وحسين وام عون
وال كلميني تبجي الاحجار
عضم المصيبه امشيب الشاب
........
دار الحديث وكله عطاب
........................

عضم امصيبتك ياباب ... باجر بيه يندار
جمرك باقي مايطفه.... لما تتجوه الازعار
الكسر ينعاد بس اكثر .. ضلوع احسين طشار
غربتك توصل الهزله .. من فوكاهه تحتار

حيرتهه الطفل لوطاح.. يشيلون. يتانون ؟
يسحگون؟
صبر زينب صبر امهه.. تعداه اويلاه
عله ام عون

ياباب نارك وصلت الشام
ياريتهه لو بس بلخيام
من غِله الماي بنارك وطاح
بروس الهواشم والجلد ذاب


مصطفى خالد

يمه يمه
مصابج اخذ من عمرنه
وكسر ضلعج اكثر كسرنه
الحزن من غيابج يسرنه
يمه يمه
يصبرنه ابونه وعلينه ..
يمد جفه يمسح بجينه
ونعاينهه دم تجري عينه

كلما يندگ الباب .. يحضر بينه المصاب
ايبجينه
اه يا وحشة الدار ... من دونج عَتم صار
امطفينه

احاااه طفوو شمعة البيت
وبضلمة يابيت اهلي ضليت
انطفه الباب وغربة وجيت

.......... واويلاه يازهراء
يمه يمه
بواجينه ماتنشف اعليج
تتانينه صارت نتانيج
بحلم وسفه نحلم نلاگيج
يمه يمه
انتشاهد اذا صار الغروب
مصابج يحل وسط الاگلوب
وعلى المحسن المدمع ايلوب

الاول لبسه تجفين... وتغسيله بدمع عين
المنتضرين
شو كاروكه محفور؟ ... من حضنج للگبور!
اه يلبين


وزينب على اگماطه تلولي
خليت حسره بدللولي
لمّك كبر يابعد طولي...

وايلاه يازهراء
............

يمه يمه
اليتم جاس ابونه المصيبه
يفت الحجر يا نحيبه
هضم دنيته ابلا حبيبه

(لا خير بعدك في الحياة وانما
ابكي مخافتَ ان تطول حياتي )
.. الخ
فاطمه اناا عزيزكِ علي كلميني

يمه يمه
اذا زارج ورد علينه
يحاول يضم مجره عينه
وتراب العليه يحجي لينه

من ذب روحه فوگاي. وعيونه الجرت ماي
وينادي
حاجيني انه ابو تراب. الجرحج خله عطاب
بفادي

يايمه هاي الحاله حاله
يبجي الابو تسكْته اطفاله؟
راعي الصبر شو صبر ماله

واويلاه يازهراء
.............

يمه يمه
بمصايبنه نذكر مصابج
ويهون العذاب لعذابج
بقت ناره بإحشانه بابج
يمه يمه
هضم راس ابونه التگسم
وهضم جبد اخونه التسمم
يكسرونه..بالزهره نلتم

اه ياتالي الفراگ .... خله الگلبه مشتاگ
يموت بشوگ
يرتاح اليلاگيج.... مومثل اليتانيج
شكد محروگ

نار الفگد يايمه كلفَه
ابملگاج يلا انوب تطفَه
للموت صارت بينه لهفه

واويلاه يازهراء
......
يمه يمه
اعذرينه لمن نريدج
بوكت بي مصايب نزيدج
تجينه وعلى اضلوعج ايدج

يمه يمه
انتمنه اعله عينج سلامه
اذا شفتي طاحت عِمامه
وحرمنه اليفر من خيامه


نار الخيمه والباب .... ذني الاعضم امصاب
للعتره
بيهن جم علي انهار.... ونفسه بزينب الصار
بلزهره

كسرة اضلوع حسين بيهه
واطفال مجويه اعله اديهه
وشام المنيه ايصيح ليهه


مصطفى خالد

https://youtu.be/X8H2kJInu8Q?si=nA1yv0Y6dFyGdMjK

https://t.me/hhhhhsena

مولاتي سجليني
بخدامج كتبيني

يافاطمه مولاتي

ادم وحوه..طلبو الرجوه
منج انتي وانتي نجيتيهم
اليقره والينعه..خادم البضعه
انتي وي خدامج اكتبتيهم

مولاتي..رحمه وصبحت من الخدم
مولاتي..بدموعي اجيت وبلندم
مولاتي..كعديني بفي الخيم

مولاتي ادبيني
بخدامج كتبيني

يافاطمه مولاتي

بفضلج شكبره..اسمي يلزهره..
اسمي خادم انه وي خدامج
خادم البضعه..واجري الدمعه
انه ناذر عمري تحت جدامج

مولاتي..وفقيني دوم لخدمتج
مولاتي..خليني بفي رايتج
مولاتي..كلشي اسخره لطاعتج

مولاتي رحميني
بخدامج كتبيني

يافاطمه مولاتي

انه من زغري..انذرت عمري
خادم الزهره واضل بدموعي
انه من اذر...ابجي ع الخدر
ودمع زينب هوه كل موضوعي

مولاتي..حركيني الج مثل الشمع
مولاتي..ارد اكسر بلطمي ضلع
مولاتي..وبخدي ماينشف دمع

مولاتي دليني
بخدامج كتبيني

يافاطمه مولاتي

مااعرف قدري..بلا لطم صدري
بس اضن ضايع اضل للتالي
بخيرج وعطفج..عايش بلطفج
انه مااسوه وصرتلج غالي

مولاتي..خيرج عليه منتشر
مولاتي..اهواج انه من الزغر
مولاتي..حضريني لمن احتضر

مولاتي رزقيني
بخدامج كتبيني

يافاطمه مولاتي

ايه قدسيه..تفيض حنيه
فاطمه ام الابيه وللبشر
سورة الكوثر..فاطمه واكثر
هيه باجر تلزم ايده الي عثر

مولاتي..رزقيني جويه من الخيم
مولاتي..زوديلي بكلبي الالم
مولاتي..بدونج احس اني عدم

بخيامج جويني
بخدامج كتبيني

يافاطمه مولاتي


محمد تقي الزاملي

مولاي امير المؤمنين عليه السلام

بعد فراق الحبيب


لو ينفع الون والبجي
جا تيهت كال الحجي
ماعفتج بحاجت سند
جا ع الدمع صح انتجي

ادري الدمع مابي نفع
مايجبر اكسور الضلع
وي كل نفس حسره والم
ذابت مثل ذوب الشمع

من كربت ليج وشفت
مكسور ضلعج ناشغت
وضميت عنج دمعتي
وساعتها كل عمري بهت

بلحسره دلالي انفرد
لمن علَيّ صوتج بعد
يلجنتي لجروحي دوه
من روحتج كلبي نمرد

شكد غوركت عيني بدمع
من شفته خدج منصفع
حسيت انه بطعم اليتم
وادري اليتم ماينجرع



محمد تقي الزاملي

يافاطمة الزهراء

رجعت مولاتي للمدينه رجعت لديارها وتلگتهه مولاتي ام البنين تناشد وتبجي تگلهه شصاير بيج يمه

. ..
اه يام البْنيِن ردو هلج اه يام البْنيِن
هنا يلتنشدين ماضل ولي هنا يلتنشدين
عگب الصواوين نمنه بترب عگب الصواوين
من طاح الحسين ناسه انسبت من طاح الحسين

شفنه المصايب وي السبونه
تقدم ضعنّه ياراس ابونه
وابجي من احطن عيني بعيونه

يام ابو فاضل فر وكتي بيه
نادوني باسمي وضافو سبيه
طاحو زلمنه وجابو لديه ؟

جابو هالحبل جابو
ولليسر گالو. درب السبايه
وانه وحيرت ايتامي
وجم طفل ضامي نربي اعله رايه
****
ضهر الهزيله ناگع دمع ضهر الهزيله
ماعندي حيله غير البجي ماعندي حيله
ياهو اشتكيله شابگ رمح ياهو اشتكيله
انه العقيله مو للگطع انه العقيله

ضهر الهزيله من حزني حدب
بثگل المصاب الحاملته زينب
غادي التشوْفينه بزغره شيب

ام العفاف الحرمه الجليله
اابلا هوادج فوگ الهزيله
حر الشمس ذب اعليهه حيله

عادي بهالحر عادي
الكاسر افّادي احسين وضيمه
اموذر يمه اموذر
ونايم بهالحر وسط الهيمه
***
لو سولف الصار موتج يحن لو سولف الصار
من شبت النار گلبي انجوه من شبت النار
واتجوت ازغار من الجمر اتجوة ازغار
ماعدنه نغار لبيت النبي ماعدنه نغار

حرگو خيمنه وفرينه بلبر
وصحنه بدمعنه ادرکنه يحيدر
ناح الحجر للبينه وتفطر

شي راح ابنهه ولولت بواچي
وشي من اذنهه انسلبت تراچي
يلشفتي موت بهاي المحاچي ..

تگلهه انه ؟

بعيني شفت بعيني
ايگوملي حسيني وخيل اتوكعه

اعله التل حيلي كله انحل
شال ايده اليه ومگصوص اصبعه
***
ياغربة الشام تحني العمر ياغربة الشام
واتخاف الايتام من الخرابه اتخاف الايتام
واتفزفز اتنام تغفه بدمع واتفزفز تنام
تاذينه الاحلام مانمنه ابد تاذينه الاحلام

طيف القصر.. وايزيد ابقواته
يضرب ثنايا ابن امي بعصاته
وبدمعي افز او مدمع بناته ؟

يجري اويه دمعي اعله الصار اشوفه
ومن ارجع اغفه اتلاگيني كوفه
وانخه بهضم عباس وجفوفه

خويه شامهم خويه
كتلت ال بويه بذيج الخرابه

الناحت عالولي وصاحت
ومن حضر ماتت وي اليا بابا


2 ربيع
رجوع الضعن الشريف
الى المدينه

مصطفى خالد الجبوري

2 ربيع الاول عودة ضعن الحسين عليه السلام الى المدينة

قصيدة من تقراها تشعر بكل كلمة وتكسرك لان مكتوبة بصدق
جزاه الله خير كاتبها

القصيدة للشاعر الحسيني حسن طالب

مولاتي فاطمة العليلة عليها السلام وعودة الضعن

هنة ذني التايهات
مكيفة جي كالو خواتج راجعات

طلعت مهد الرضيع امنالغروب
عالهوة البارد يهزة
حتة من يوصل حبيبي اهنا ايبات

الماي المحضرتة الهم
ابرد امنعيون زمزم
واصفة من كلب المؤذن
واعذب امنالحُب شرابة
ايروحلة فدوة الفرات

افراشهم عالنسمة اديرة
منين ما مال الشمال افرش اكبالة
ادري بالصحرة سموم
ردت اخفف من حملهم
من يجون
الماي بارد
الهوة بارد
والوسايد باردات

الة كلبي
ايفور شوك وساعة ينبض ساعة مات

اتحضرينة
انة ودموعي ولهفتي
ونار كلبي وشوك كلب ام البنين
واعله باب الزهرة صرنة امتانيات

هناااااااااك لن بين ضعنهم
ضعن مترب
لا اخيول اكبالة تمشي ولا بيارغ
لا حماية ولاكفيل بس نساء
الزلمة البنصهن عليل
وكلبي صيح
هذا زين العابدين هذا زين العابدين
وهنه ذني التايهات

الضعن ثلث ارباعة ماكو
وين اهلنة وين عمي
وين الاكبر وين اخوتي
وين ولد ام البنين
يا حسيييين
اعيوني المحسبات كلشي
لذن ابد ما حاسبات

نوخن نوك الهواشم عالتراب
صبرت كلبي وبديت اشبكَ واسلم
ياهي مثلي
تسلم وتحسب بهلها
والنقص وين العزيزية
وحالي بجة الفاكدات

وكمت اصيح
سبحت الزهرة اشكطعها
شطشراها بذاك درب النايبات

وكلشي المحضرتة راح
هنة ذني التايهات