قصائد شور مكتوبه

((بعيد الشام))


ردنه أنشيع اهناك .. بعيده الشام
جـــــنازةّ ام الايتام .. بعيده الشام

ردنه نـــروح لجنـــــازةّ العلويه
بعدهي ام الخدر ياناس مسبيه
ونســـد الـــدرب محد يوصلنه
ودرب الشــام سدوها سواجيه

ويــن نروح .. مــــا واحد يدلينه
كلها جروح .. ضلت عمةْ سكينه
يـــالمذبوح .. گــلبي صار بونينه

بعيد الشام ...

"""""""""""""""""""""""""""""""""""''''''''''

غربه وســدو البوب .. بعيد الشام
يزينب خنگةّ غروب .. بعيد الشام

بعيد الـشام يازينب ترى بعيده
الله يساعدچ من بتي بالبــيده
لا خيمه وعساچر هـم بلا غيره
نكرها الشام بس لعيونچ نريده

غربه وموت .. زينـــب ماتت بغربه
نعش يفوت .. علي السجاد ياگلبه
والتـــــابوت .. حــــاير صاير بدربه

بعيد الشام ...

"""""""""""""""""""""""""""""""""""''''''''''

غريب النعش ياناس .. بعيد الشام
يريت چفوف عباس .. بعيد الشام

كون أمتون ابو فاضل التحملها
كون حســــــين هوه ألي ينزلها
غريبه ام الخدر وأخوتها بعيده
كون أخوانها وجـــــاسم يكلمها

لــو جسام .. يـــــاعمه يناديها
والايـــــتام .. تلزم كتر رجليها
هذا الشام .. ماخـله عمر بيها

بعيد الشام ...

"""""""""""""""""""""""""""""""""""''''''''''

أنذبحنه بغير ذباح ... بعيد الشام
يمته نروح نرتاح ... بعيد الشام

ردنه نروح بس كسرو خواطرنه
وچفوف الزمن زينب التسطرنه
ردنه أنشـــــيع أجنازةْ عـــزيزتنه
المدامع يالعزيزه صارت أتجرنه

راح الحيل .. يــــــا زينب يمهيوبه
بينه الخيل .. سحگت نار مشبوبه
هذا اللــيل .. والارواح مصــــيوبه

بعيد الشام ...

"""""""""""""""""""""""""""""""""""''''''''''

نعش مو أهله يحدون .. بعيد الشام
ولا صرخات يمّ عـــون .. بعيد الشام

بالتابوت زينب تضحك الديره
ميته والشماته صــاحو إيسيره
علي السجــــاد دمعاته يچونه
ياحيرةّ غريب وعمـــته بحيره

بالعثـــرات .. شـــايل عمته بچتفه
بالحسرات .. ظل إيصيـح ياوسفه
والشــمات .. مـــــاعدهم ابد عفه

بعيد الشام ...

عبد زينب
محمد الابراهيمي

#اللهم_عجل_لوليك_الفرج

ماتت وهية ما مرتاحة مولاتي زينب(صلوات الله عليها) من العاشر لحد الشام تسولف مولاتي لحضات موتها وحيرتها وشني ألي خلاها تموت وهية ما مرتاحة….


زينب ماتت ما مرتاحة
من الشام وذاكة السوگ…
يا موت شعطلها ايامك
الحگ گلبي الضل محروگ…
أبيتي ومحد شايف ضلي
شلون تصير وارگب نوگ…


هسه گلبي
ارتاح توة
راح اغمض عيني…
بس كسرتي
من اغمض
ماكو يمي حسيني…
راح اموتن
موتي سكتة
باقي بس اونيني…


ليش توة الموت اجاني
كون وي اهلي وخذاني
ردت ايدي بيد اخوتي
ليش عنهم بعَداني


غريبه وراح اموتن غريبه…

_______

لحگو لزينب زينب ماتت
راحت تطلع هاي الروح…
كون حسين يغمض عيوني
بس حسيني ضل مذبوح…
ما جارحني بس اغيابه
من اعيوني لا ميروح…


وين اخوتي
لحگو زينب
انة وحدي بروحي…
اخر انفاسي
وموتن
وتبقة بية جروحي…
هسه اهلي
هم يجوني
يمتة ابطل نوحي…


ولله مشتاگه لكفيلي
راح اموتن ما يجيلي
كون بچفوفه الحنينة
الزم ايدة ويكضي ليلي


غريبه راح اموتن غريبه….

________

شلعو گلبي لگالو اسمي
بروحي شسوه ااااا يلشام…
اطلع من ديره لحد ديره
مشوني بلغربه أأيام…
اتلفت بس ألمن امشي
انة الحرگو ليها اخيام…


اصل موتي
يوم عاشر
من طلعت بهيمه…
اركض شلون
وانه زينب
بضهري حرگو خيمه…
ذبحو حسين
وانه اصيحن
عوفو اخوي بضيمه…


ااه گلبي أشگد عذابة
انذبحو اهلي اعلل ترابة
واركضت بلهيمه وحدي
والجرح ما سدلي بابة


غريبه وراح اموتن غريبه…

_______

تعَبت زينب كلش تعبت
الذبحو اهلة مايرتاح…
والهضمتها زينب راحت
حاديها هوه الذباح…
هيه الغربه هاي التكتل
من حاديها زينب صاح…


هاي زينب
هيچ صارت
عل هزل تعبانة…
ولله مايرهم
بديها
حبل موش امچانة…
اه صاحت
وين اخوتي
هاي زينب انة…


الشام هوه الموتاني
شلع گلبي وتَعباني
صاحو أعلية الغريبة
وكبر جرحي وضيعاني


غريبه وراح اموتن غريبه…

✍️محسن الباوي

#اللهم_عجل_لوليك_الفرج

هاليله حل موتي وردت ايجبلوني وين اخواني
ياكلبي ميتين اقتنع كافي اشتضل اتعاني
ياكلبي جا شلك بعد موتك گرب شمتاني
كلبي يكلي تعطلو وروحي تكلي انتاني

هلبت ليه ويردون
هلبت طارش يكلي
حسينج  والهواشم جاي
انسه الموت الاگي اهلي
علّه الغربه  وانصابيت
اطيبن لو اجو  كلي
بس لو مااجوني أوداع
بنار الفرگه اگوم اغلي

وين اليجيب اخبار عنهم
محلاهه اموت انه بحضنهم
ناسيني اليحبوني جنهم
وبكربلا  امنوخ ضعنهم


والمصيبه بهاي
اخوتي وياي... عمري خلصته
ابموتي مايلفون
وسفه وانه ام عون... والهضم شفته

هلي يهلي اتعطليتو
.................................................

اشلون بيه وگربت ساعة منيتي وموتي
ياگلبي واخوانك بطو ياهو ايحمل تابوتي
ناديهم انته بعرفتك مبحوح بلون صوتي
وكللهم الغربه كصت يونس وصارت حوتي

ماتعبانه من الموت
تعبانه اعله شوف حسين
اكومن بيه بكل حيل
لو هسه تشوفه العين
مهضومه. اليموت ايريد
اخوته وناسه منجمعين
بس انه الدمع والاآخ
وغربتي وناس متشمتين

والروح كالت لا توصين
جم نشغه ويلاكيج الحسين
اتحملتي سوك وسوط وونين
معقوله موتج ماتحملين


لا هين الموت
بس زحمه تابوت   زينبهم احتار

كلبي وسعيره
كال العشيره    بلكي الله نغاار

.................................................

بهل ساعه انه اذكرت ايامي ذيج الحلوه
من جان الحسين وجنت بين الدلال وخوه
ياروحي حيره تحيرت بلوه اشد من بلوه
ساعه اذكر العز والخيم ساعه انه ادور تجوه

تخلص هاذي بلله اشلون
وانه ام الخدر اسمي
تبدل والحجي مكلوب
سبيه والشتم بامي

هاي شلون ياروحي
غريبه والوكت ذبني
ومايخلص ابد هالنوح
لان متطشر اللمني

بأخر ايامي واذكر اصباي
واذكر جنت كل عمري بفياي
وانده الكافل لو ردت ماي
بس هسه تالي تغير الراي

مسبيه للشام
فرتني الايام.... فوك الهزيله

عكب الخدر ذاك
ضل دمعي حراك... وروحي عليله

هلي يهلي اتعطليتو
.................................................
يأخواني عاد اخر نفس خل استراح بجره
من كربله بغربه عشت وبلشام هسه بحسره
ياخواني مابيه احتمل وبكلبي تسعر جمره
هااجو كلساع التفت وبروحي ضلت كسره

كسره بروحي ياگلبي
جبرهه اتموت يا روحي
وتربان الگبر فوگاي
هيه الي تخمد نوحي
رغم ماعايشه بنص ماي
يابس بلفگد لوحي
موش الف وتسعميه.                
غلبت حسين بجروحي


تعبانه روحي ورايده الموت
بس تنهضم جي ماكو زاتوت
ياروحي موتي بهضمه بسكوت
الغربه بانت عله التابوت

يانبع الآم
كربلآء والشام         ماخلن الحيل

موته اسهل وزين
للفاكد احسين.       ومناشغ الليل
.................................................


بسك امناشد ياگلب موت اشبقن  بايامك
خواني نومه بكربلا والجيه بس باحلامك
ما متت بيام السبي غربت الموت اولامك
نار المتانه اقوه احترك مو نفس نار اخيامك

شو هم روحك واوكف
نبضك حيل ياذيني
ابلا خواني ماتنعاش
بس بلنايحه اسنيني
لان ماي وهوه للروح
شيصبرني لثنيني
ابلا ماي الكفيل اييبس
واموت ابلا هوه حسيني

اخلاف اخوتي العيشه مره
وايامي حسره ابضهر حسره
الواحد يعيش اللجمه كثره
من بلغرب محفور كبره

هاي المصيبه
جلمة غريبه.       وانه اصلي معروف

تتمنه موتك
يغلب سكوتك         ع الموته ملهوف


....
سيد محمد تقي الزاملي
مصطفى خالد

#اللهم_عجل_لوليك_الفرج

الغربه موش ولامي
امس نفس خيامي .
ضلم صحن زينب امس صار
بعيوني اضلم كلشي
ياهوه يرفع نعشي .
مهضومه جي ما جوني زوار

ضوه صحني امس طفو
وضلام الطف عليه عادو
امس ليل هدعش بلشام
اضلم صحني من خلوو

عادو عليه الوحشه حيكم . يهلي
بل ضيم صاير حال بتكم .. يهلي
بعيده اني ما مدفونه يمكم . يهلي
*
مهضومه خويه بكبري
هم تدري لو ما تدري .
مو زينه جي مدفونه بل شام
جلجل ضلام ال غربه
وطفوه ضواهه الكبه .
ويم بابي الاخضر محد اينام

اخفن كل ضلام ايجل
ولهسه ال وادم اتهلهل
بس هاي السنه تهضم
ولا زاير علي يدخل

معزبه اني بس ماعدي خطار . وسفه
ومسدود دربي وما اكو زوار ... وسفه
وسفه الغريب بصحني يندر .. وسفه
*

يهل الله مامسجونه
بابي المن ايسدونه
يحركون كلبي بسدت ال باب
يل شام مني شرايد
ضلمك وحقدك زايد
ضيم شبعت من عكب الاحباب

شنو ما الهم اي رداد
وادم موش وادم غاد
الشام وناسه ما ترحم
يوميه ال هضم ينعاد

مو زين حالي هناك مو زين . صاير
حجي الشماته يتعب العين . صاير
لو كبري يم عباس وحسين . صاير

*
يم صحني محد يبجي
يرد الصده من تحجي
كل سنه اطب رأيت ال عباس
بنص كبري مامرتاحه
لا دمعه لا كوه نياحه
انسد الدرب ما توصل ال ناس

شي جزي السنه وتعبر
وزينب للخدم تنطر
شي برد كلب فاكد
المسبيه وعلي تكسر

ياحيف خالي من الاجاويد . صحني
بل شام كبري وكلشي بعيد . صحني
وادم تحبني وتفزع ايريد ... صحني

صباح جهاد

#اللهم_عجل_لوليك_الفرج

يهل الامروه ياهلي بالشام ماكو امروه
ويّه الجمر صف الهوى شما جر نفس اتجوه
يامن يردني لكربله واشبع دلال وخوه

لحگو اعله الامتون
الما ادري يا لون.... حيره... حيره
بين الغرب ليش
زينبكم اتعيش.... حيره.. حيره

من ذاك احترامي
وتقديري بخيامي
ومن اسم العقيله
لأشكال الاسامي

ويلاه يزينب ويلاه
ويلاه يزينب ويلاه
//////////////////////////////////////
ذاك الگبل ميضله أثر عالگاع لو خلّيته
ما ادري يلساده الجدم يدخل قصر تاليته
تمسحون بله يا أثر وبكل درب مشيّته

من الوكت خان
اتمنيت اكو احنان... وابجي.. ابجي
بكل خطوه اندار
موجوده الآثار.... وابجي... ابجي

وروحي بمستحاها
وجم موت الخذاها
واثاري تدوّر
جف يمسح وراها

ويلاه يزينب ويلاه
ويلاه يزينب ويلاه
//////////////////////////////////////
ياهو التغرّب وأنسبه واشيوخ كل اخوانه
وبالشام تردون الصدك بتكم تره تعبانه
ولو يمي ابو فاضل يجي لو يمه ارجع آنه

أَتعب الناس
ومحتاجه عباس.... وينه... وينه
ودوله مرسال
خيفك الاحبال... وينه... وينه

طوّل عالشريعه
ابو الجف الگطيعه
محتاجتلي ليله
امن اعيونه الوسيعه

ويلاه يزينب ويلاه
ويلاه يزينب ويلاه
//////////////////////////////////////

حاشا اعترض بس ياهلي الشام موش امجاني
لابيها اليقدر علي ولا اكو اليقدر شاني
مارايده غير اندفن يلساده بين اخواني

اشهالغربه التعيل
بيها الصبح ليل...... شامت... شامت
بشام اهل الاسطوح
عد يمن انروح.... شامت... شامت

مابيهم غياره
واتراعي الحياره
يمهم ضلتي ألمن
اهل ذيج الجساره

ويلاه يزينب ويلاه
ويلاه يزينب ويلاه

أحمد ماجد الكلابي

#اللهم_عجل_لوليك_الفرج

مو غريبه واحنه اهلهه امحزمين
فاتحة زينب حضر بيهه الحسين
ــــــــــــــــــــــــــــــــــــــ
لاتگول الشام اخذهه ومااجت
لاتگول ابعيده صارت وانست
ابراية العباس اهلهه اتحزمت
وعالطبخ عالواگفه ام البنين
ــــــــــــــــــــــــــــــــــــــ
الفواتح يوم يومين وتطيح
وفاتحة زينب تظل مثل الضريح
نتعبلهه ونلطـم ومانستريح
عالنياحه وعالبواچي امعلمين
ــــــــــــــــــــــــــــــــــــــ
احسين گاعد بيهه هاي الفاتحه
فاتحة زينب تحب النايحه
بيهه حاضر ابو چفوف الطايحه
اشلون يلطم واهوه مگطوع اليمين
ــــــــــــــــــــــــــــــــــــــ
ابو فاضل من تراب الطف طلع
بلل انگابه دمع لـمّن سمع
اباب چادرها ابو فاضل وگع
وگام بزنوده يدگ اعله الجبين
ــــــــــــــــــــــــــــــــــــــ
صاح وآ أُختاه أي وآ زينبي
والله لو موجود مارحتي ابسبي
عالرمح واسمع كلام الأجنبي
ايگلچ الوحدچ بقيتي إبلا معين
ــــــــــــــــــــــــــــــــــــــ
فاتحة زينب حضر بيهه العليل
عمه گام ايصيح يام حزن الثگيل
يللي گلتي مارأيت إلا جميل
ايروحلچ فدوات زين العابدين
ــــــــــــــــــــــــــــــــــــــ
افاتحة زينب رفع جاسم علم
شايل الدله ويوزع عالخدم
وصاح الاكبر آخ من حرگ الخيم
حرگت اگلوب الائمه الطاهرين
ــــــــــــــــــــــــــــــــــــــ
احسين شيخ وگاعد ابصدر الجميع
امنوم ابحظنه رقيه والرضيع
والحسن فزاع جاي أمن البقيع
ايصيح قد قام العزاء يامؤمنين

الشاعر محمد الجماسي

#اللهم_عجل_لوليك_الفرج

مصائب مولاتنا زينب(صلوات الله عليها) في طريق الشام والسبي تسولف غربتها وحيرتها وتگول مولاتي…


موتني درب الشام
غيرلي حاليوضيعّ دلاليكلش هضمني
خدري مثلّ للناس
وأسمي الاميرةهسة أسيرةهذا القهرني


مشوني…بدرب ما يخلص علهزلة
ماترهم…صعدتّ بناگة لمو عدلة
مهضومة…غريبه أتسمة مو سهلة


يا ضيم اليسر اخذ روحي
بليل والحد الصبح نوحي
بلشام لاما تنتهي جروحي


انة الغريبة ياهلي انة…
_______

بعيوني راح الشوف
گوة اشوفنتمنيت اموتنبچلمة غريبة
الغربه تريد الحيل
وانة چبيرةمتروسة حيرةهاية المصيبة


يلغربه…أبد مو انة الترهملي
لترهملي؟…اعيشن عمري بنص اهلي
امن خواني…ردت بس واحد يوصلي


شرتاح وانة اعلترب نومي
بس ضيم يخلص بلدمع يومي
ولرماح اخوتي بلدرب أومي

انة الغريبة ياهلي انة…
______

ليل التعب ينراد؟
لازم انامة__خيم ضلامة…وانة بخرابة
وشلون؟ انام شلون
واغفة ثواني__خوفي خذاني…فوگ الترابة

(تحچي وي روحها وتگول)
يازينب…بعد ماترجع ايامچ وخوانچ
ماترجع…وابد ماتكضي يازينب احزانچ
محتارة…منهد ماحرگو بلعاشر صيوانچ


ألضيم لاحگني بكبر عمري
محد فهمني ولا عرف خدري
انة الهضمني الوادم التدري

انة الغريبة ياهلي انة…

________

ذباحي صار الشوگ
واندب يهلنة__لحگو لضعنة…بشام النوايب
ما اقتنع بلصار
كلش كسرني__واحد قهرني…صاح الغرايب


الدللني…أريدن چفة يصعدني اعللناگة
كفالي…الچنت بعيونة وما اگدر بفراگة
من دونة…متت چم مرة يدريني اشتاگة


عباس چانالي أخو وكافل
وبلشام ماعندي ابوفاضل
احتار لو شفت الرمح مايل


انة الغريبة ياهلي انة…

________

✍️محسن الباوي

#اللهم_عجل_لوليك_الفرج

الله وياچ يايمه ، الله وياچ يازينب

<>
ياكسرة أضهور الناس ويا علوية الساده
ردتي چف أبو فاضل يصير بموتچ أوساده
هذا الخفتي منه يصير وهذا الشامت الراده
ذب ضيمه عليچ الشام ومنچ ماخذ مراده

الله وياچ يا يمه
<>
مالايگ أعليچ الشام وأنتي شجابچ أهنانه
بعيونچ من الدمعات الطف مخلي نيشانه
هلبت كلها ذيچ أتعود وكلشي يعود لمچانه
عيونچ يمه يخت حسين لجيت حسين عطشانه

الله وياچ يايمه
<>
صحره وهد عليچ الريح وأنتي هيبة الشجره
بموتچ يابس أشكم غيم وجيت حسين ألچ مطره
رادوا ذلتچ كلهم رغم صبرچ عبر عصره
الذله للبقى مذلول مو ذرية الزهره

الله وياچ يايمه
<>
على گبرچ الساده اليوم أتذب چفيه چفيه
الراحت موش ياهو الچان الراحت ألنه علويه
الستر مكسور يخت حسين وأنتي بچفه عوچيه
لو ماثورتچ والله الطف ضاعت محاچيّه

الله وياچ يايمه
<>
غربه الوادم البالشام وأنتِي هناك صيت أحساس
وحيده صح بقيتي أم عون وخليتيهُم بوهوساس
عطر اللي تشمينه قبل الموت عطر الياس
أخر لحضه تتنطرين وين حسين والعباس

الله وياچ يايمه
_
عبد الرحمن حميد الفضلي

#اللهم_عجل_لوليك_الفرج

لسان حال مولاتنا العقيلة زينب (صلوات الله عليها)
##################

تعبانه واريد اليوم اشكي لهلي عن تعبي
مو انتم هلي يحسين شو عنكم بعد دربي
اليموت بموتته يرتاح بس وياي ما صارت
مدفونه بغرب والشام بعده يحرگ بگلبي

فارغ ضريحي من اليزورون
ولد السبوني بصحني يمشون
لاكو لاطم لادمع العيون
هاي السنه مهضومه يم عون

تزمط بيا ناس المدفونه بغرب تزمط بيا ناس
وعدواني حراس من تالي الوكت عدواني حراس

#####

هلي من الهظم مليت من الغربه خلصوني
تحملت الجرن كلهن بس بهاي اسمعوني
اليسبونه بحياته تهون بس صعبه سبي الميتين
ما رحموني اهل الشام حتى بگبري بچوني

كون اليموت يموت گلبه
ولا ينهظم من حچي الغربه
مو ضال بين الغرب صعبه
وعن اخوته مبعدين دربه

الماله خوان يضل ماخوذ حگه الماله خوان
ويريد عوان اليبچي بكل صباح يريد عوان

#####

كل يوم اليمر كل يوم يسبيني ضلام الليل
لهسه الشام احس يگول من عدنه نريد تشيل
بت الزهره اخوي حسين ولا زاير صفه لگبري
متت من عندي شيردون وليش الشام بيه يعيل

ما يخلص من الغربه اليموت
وماكو بضريحي ولا صفه صوت
الهاظمني ماكو زاير يفوت
مگطوع گلبي موش البتوت

ولازاير الفات لزينب يا هلي ولا زاير الفات
ما يخلص المات ما دامه بغرب ما يخلص المات

####

احشم بالبقى من اهلي واعرفه يفزع لعمته
صدگ تبچي علي خدام وكل واحد علت ونته
بس دمع الغرب يبقى مو دمع اليطيب اجروح
افزع عمتك تعبت وغيرك ما بشر صحته

صحت عله اليطيب الخواطر
يالمهدي عمتكم تناطر
اضلم ضريحي اليوم صاير
بس خافيه يهدمونه باچر

ما بين الأجانب لسه وبعد ما بين الأجناب
لا هاد لا طاب جرح السبي لاهاد لاطاب

######
✍️ابو فضة الحميداوي

#اللهم_عجل_لوليك_الفرج

انته ميت وانه عدله
              هسه هاي شلون شده
حسين يبن امي وعزيزي
                يادوه الميت يكعده
شلون انوحن حته تكعد
        بعمري اشري اساعه وحده

حطيتلك ماي عله نحرك  ...خويه
ويمطشر ولميت صدرك   ... خويه
تيهتك وصيحت يبني     ... خويه
تيهتك ودلاني عطرك     ... خويه

اكعد راح اموت وياك
تعبت منالركض بجفاك
اه يحسين يبن امي
__
بيش هود كلبي خويه
            اضماد كلبك من عباتي
تسوه انوح العمر كله
              وتسوه انشفلك لهاتي
اكعد الخاطر عشرتي
               فدولك انه وخواتي

امدافع ويه الخيل اجيتك ... خويه
من دمك انصبغت لحيتك ... خويه
يابجي اليكعدك يمذبوح ... خويه
مسابك وما لحكيتك ... خويه

نشدت الموته والعدلين
سالت المو عرف يحسين
اه يحسين يبن امي
_
دورت الجثث كلهن
               العرف والمو عرف شفته
وكل ميت اكلبنه
                خويه حسين مو انته
تعبت من الدواره عليك
                  وعطرك خويه تيهته

مكبعه بدخان المخيم ..... خويه
من لخيل ماضنيت تسلم ... خويه
بين الحوافر دوريتك .... خويه
يسكون نحرك ليش بادم .... خويه

عطرك بالحوافر هاب
بس عطر الخيم عطاب
اه يحسين يبن امي
____
شلون تكضي بلايه عينك
                  خويه جتالك يزتني
وركض بالبر وانه زينب
                   بين عدوانك عفتني
قصر والسوك وشماته
            وصوط فرهد حيل متني

نمت فوك النوك تالي ... خويه
والسوك مايرحم دلالي ... خويه
تانيتك بوابت الشام ... خويه
بكلبي الهظم وبجي ع غالي .. خويه

من رمح الرمح شفتك
شتحمل يامصيبه اختك
اه يحسين يبن امي

محمد حلو الزيادي

#اللهم_عجل_لوليك_الفرج

((جَبلوني))


حنيــــتلك .. من جبلوني گمت احن
مشتاگه بـس مابيه أون
غـــــربةّ أهل غربةّ متن

حنيتــــلك .. والـموت يـم راسـي دِنه
والفرگه اكثر مـــن سَنه
مو خوه اذا اعيـشن أنه

لفني بثـــوبك المســـلوب .. لفني
تراهو الموت خويه حسين .. لفني
عگبك من دموعي أعـليك .. لفني
وألطم بالحجر صبح ومسيه

لطمت أعليك بحجار
ومن فوگ السطح نار
والشمــات والســــوگـ
وشمرونه بشـــكو حار

متت خويه متت ..

"""""""""""""""""""""""""""""""""""''''''''''

اشتاگيتلك .. مشتاگه بنفاسي البقن
يـــاديرةّ اهلي والوطن
أقسملك بچبد الحسن

اشتاگيتلك .. ماتگضي يحسين وتفض
جبت العمـــر نار وركض
وصّيـــاح وخيول الترض

موش الصوت بَــــح يحسين .. بحبال
عليك وگلي شنهــو الصــــار .. بح بالـ
الهضيمه .. وآنه اگلك صرت .. بحبال
ولعيونك حجر تشگف اديه

اصيح ورايح الصوت
أخيتك رايده تمــوت
واهل الشام مـو ناس
تعال الحگلي زاتـوت

متت خويه متت ...

"""""""""""""""""""""""""""""""""""''''''''''

وديتلك .. بيد الحمــــامه الزايره
وشالت دمعتي وطايره
گليـــله مـــاتت صابره

وديتلك .. لوعةّ غــــريبه أمّجـبله
وبيـها جمر مـــن كربله
وچم صيحه من العايله

الك وي الحمــــامه دمـوع .. وديت
وسلام البي نفس مخنوگ .. وديت
تمنيت شـــكثــر يحســـين .. وديت
بساعةّ موتي يمي تكض اديه

يمي وتمسح الراس
وكـون وياك عباس
وتشيعوني بالدمـوع
لا شمــــات لا الناس

متت خويه متت ..

"""""""""""""""""""""""""""""""""""''''''''''

بديتلك .. كــل مغــربيه بدمعتي
جمــره بغيابك شوغتي
والطاري جيتك دمعتي

بديتلك .. حسرةّ گلب شــابع ألـم
ودخان من ذيچ الخـيم
ولوعةّ اخو إيجر السهم

عيوني مـــن المّتانه أعـليك .. بديت
معـــزتك خــويه يالتــدريش .. بديت
عليه .. وعمري الك يحسين .. بديت
الجيتك لو تجيني بهل المسيه

تمـنيت وفــلا جـيت
الك يحسين حنيــت
الطولك يبن الاجـواد
يخامس شمعةّ البيت

متت خويه متت ...

عبد زينب
محمد الابراهيمي

#اللهم_عجل_لوليك_الفرج

صبراً جميلاً عالجرح .. ليل وذبح .. ماسلهمت عيني
أني الشفت وجه الصبح .. فوگ الرمح.. بعيونه يحاچيني

شما ابتعد عن كربله تتقرب الآلام
بنوگ الهزل سوط وحبل تتعذب الأيتام
راسك يصدلي أمن الرمح يحچيلي جرح الشام
كل خطوه چانتلي جرح هيمه وهظم ضلام

طبعه الحنين ايموته الفراگ .. گلبي مشتاگ .. ياجرحي
عشرتنه صارت ذكره يحسين .. بيسر ماشين .. ياجرحي
لوبرد جفي گلبي محروگ .. وحنت النوگ .. ياجرحي

شيبرده گلبي الملتهب
زينب وروح اويه الغرب

*

طرينه ياخويه الفله .. بهل القافله .. والتحدي ناس اجناب
تدري برقيه امدلله .. خدها امتله .. بدمعت حزن وتراب

خويه المثلها مدلله موش بسبي تنگاد
چفي اويه چفها بالحبل هالسفره ماتنراد
صعبه المصايب من شفت مگيد علي السجاد
لو تنزل همومي بجبل إبلا شك يصير ارماد


إني الأميره وبنت الأجواد .. صعبه انگاد .. يخواني
سديت آذاني من الاصياح .. يمته ارتاح .. يخواني
المثلي مو مالت دواوين .. خدري يحسين .. يخواني

إني إلي رباني علي
مو بالمجالس أنولي

*

أمشي بدرب كله خطر .. چان السفر .. كل خطوه بيه موتي
بعيني ترك هجرك أثر .. دمعي إنهمر .. ومبحوح ألك صوتي

بچعب الرمح خويه اندفع شگفيت أنه بجفوف
خلونه من بلد لبلد يبن أمي احنه انطوف
نسمع شتم نشبع هظم چم طفله رجفت خوف
ضهر الهزل ماينحمل خويه بعد شنشوف


تعثر الناگه وخوفنه نطيح .. من تهب ريح .. بغيابك
خلصان گلبي خويه خلصان .. هوايه تعبان .. بغيابك
ماشفت بعدك غير الجروح .. تطلع الروح .. بغيابك

عين الدمع لو سلهمت
تفز برعب دمعه رتوت

*

حگي إذا زدت العتب .. بيتي انهب .. ومن الزلم خالي
أم الخدر ذاك اللقب .. اسمي نتسب .. ويه السبي تالي

ثغرك يبو اليمه نضرب بالخيزران شلون
ياحاضر الشده علي أحضر يبويه أم عون
ياحيرت الماعدها أهل تبقه تدير عيون
تترجه اهلها بالشدد وخوتها إيحضرون

دمعات عيني ألك يحسين.. ياضوه العين .. بعيوني
شديت حيلي وضهري مكسور .. وناري تفور .. بعيوني
منين ماباوع على الناس .. ماكو عباس .. بعيوني

آمنين اجيبن كافلي
ويگلي يختي ادللي

*
حته برمش عيني اتضح .. دمعي الرشح .. يكتب جرح ماطاب
من هالبشر گلبي نجرح .. ضعني نزح .. والتحدي موش أحباب

بليل الخرابه عالترب ويه اليتامه نبات
من كربله باقي أثر بجفوفي هالچويات
تلگونه بالشام بفرح صعبه أحنه علويات
شحسب يخويه ياجرح ويامكثر اللچمات

يدرون ضعن حسين عطشان.. تلگتنه نسوان .. شتمونه
بدو الماي اگبال الاطفال .. والدمع سال .. شتمونه
بحجار شمرو ضعني بحجار .. گلبي محتار .. شتمونه

راسك اشوفه عالرمح
بذاك الحجر لچمو جرح

*

علي محسن الفرطوسي

#اللهم_عجل_لوليك_الفرج

وصلني الموت يالما واصل أختك
وعلي بـأخـر نفـس بيـه وذكـرتك
بعد ما منهه خـويه اتوازت الروح
كُبر شـوكي ونحل حيلي ونخيتك

أمنـيه امـن الأمنـيات
تحضر أختك بالممات
عـذبـتـني الــذكـريات .. يابو رقيه

يا غـريب أدرك غـريب
عاشت اجروحك لهيب
ما نسـيـتك يالـحبـيب .. أنه السبيه

مايبره جرحي اشما مر سنينه ..
وما انســه اخـوتـي انه حنـينه ..
بيــد البــواچي اعيوني رهـينه ..

++++++ـ

الوّم الروح خويـه وعيني اهلهه 
المــن عـاشـت ومـيـتـين اهـلـهه
من گـالـولي زينب ذبحوا حسين
هــاي الچـلمه كسـرتني اشثگلهه

بس اطيحن بس اميل
مـالي راي ومالي حيل
جرحك ايهدني وثگيل .. وانه غريبه

عمري عاش اويضياع
يهلي ضاگت بيه گاع
وكافلي الحيد السباع .. امنين اجيبه

صحت اعلوكتي الماخذ اهلنه ..
چا بالله ليش اشسوينه احنه ..
اغفه اعلؤنه واصحه اعلـؤنه ..

++++++ـ

اعله الگاع الشام من ذباني وكتي
طلعت روحي من ضيمي وغربتي
ام عــون الغــريبـه اتــريـد عــوان
انــادي وبس ولا تسمعني اخـوتي

بروحي باقي الانكسار
نــار واتـذبني اعله نـار
مــالـي لــيـل ولا نـهـار .. من المصيبه

لا تضن خويه استراح
اذكــر انته اعله الـرماح
شيبت روحــي النــياح .. والله عجيبه

هــوسة شـمـاته المـا فــارگــتهه ..
حرگت سنيني وروحي اكرهتهه ..
ما تــهــده ساعه ومـايــل وكتهه ..

++++++ـ

- خيري الصفراني

#اللهم_عجل_لوليك_الفرج

چنت اگول ..
العدهه سبع أخوان دوم اتضل أميره
چنت اگول ..
انه عـلــويـه وحلـم مـاصـير أسـيـره
چنت اگول ..
العاش عمره ابعزه مايصفه اعلحيره

تـالـي ضلـيت الـغـريبه المـالي رأي 
انه مـو دون الخـلگ يكتـلني مــاي
شنسه مـن ايامي من عشت ابدلال
ما يســويهه الـزمن وتــردلـي هـاي

مشــتـاگه انـه الــذيـچ أيـام
ما چنت اعــرف بيـهه الشام
أمشي ابرأيي وعندي اخوان
واگـعـد أميـره ابنص اخيـام

======ـ

راح أموت ..
ياهو اليشيل النعش ويّفزع إخوتي
راح أموت ..
ومـاكو واحد محتـرگ ويهمه موتي
راح أموت ..
أشكي من الأمي واتشيّب شـكوتي

ليـلي مـو مثـل اليـمركم ليلي لـيل
يهلي مامش عافيه وماعندي حيل
حـتـه بحـلامي گطـعـتوا بيه ليش 
يهلي مكسوره تره وحـملـي ثـگيل

عگب افياكم ماكو افياي
عگب الخوّه ما ضل رأي
خلصت بس الروح تگول
شـالـع گـلبي الماي الماي

======ـ

كافي ضيم ..
والله من يوم اهدعش ما مستراحه
كافي ضيم ..
راح يـوگـف گـلبي مـن كثـر النياحه
كافي ضيم ..
اتحملت والله اشكثر غربه وجراحه

ذبلت اوراق العمر واجروحي نار
المـا اريده ايصير گوه اعليه صار
والله شيــبـني الــوكـت اتعـذبيت
جرحي مثل ادموعي يخواني حار

كافي اجروح وكافي اهموم
خل ارتـاحــن لــو بـس يوم
يلچم كلشي الــروح اهواي
ولا مــر اعله عيـونـي النوم

======ـ

كلشي راح ..
وكلهه تدري افراك ابو سكينه الكتلني
كلشي راح ..
وهــذا آخـر يـوم بي يـوجعـني متني
كلشي راح ..
عمري يگضي وللأزل مايگضي حزني

ياتراب اليدفن جروحي وتطيب
وانه بالـغــربه ولا يمـي الحبيب
الشام ما يرحم گلب والهمّ چبير
مدري شيريده بعد والله عجيب

وكتي ابلا رحمه امن ايدور
ماخـذ كــل أهلي ابـعـاشور
اتغرب عمري ابگــاع الشام
گـلبي اليمته ايضل مكسور

======ـ

- خيري الصفراني ✍️

حلال اعليك..
يبو الأكبر إخذ كل شي حلال اعليك..
دمعي ولطم صدري الما عرف يوفيك
سلف مدفوع حگي وفوگه خير هواي
متعود صرت كل خيري من ايديك ..

حلال اعليك..
عليك اتعودت تنطي بلا أجره…
طبعك هذا مدري لو عله الفطره
كريم اهواي إنته وحتى من اغلط
تگلي امسامح و أجرك عله الزهره
راضي اعليّه ما أعرف شنو امخليك..

حلال اعليك..
لون غيرك وحگ خيرك..طردني چان
يمن لولاك ألله ما خلقني انسان..
ما مش خير بيه..ومن صرت لطام..
انحسبت اعليك زلمه وإنته عالي الشان..
صعب كلش مراسك ماكو شي يلويك....

حلال اعليك..
يالعفوك بحر .. والجود اخذ منك..
يا أصل الكرم.. نسخة الكرم عنك..
أحبك حييييل..
وامن اشتاگ الك يحسين..
أحضنك صعبه..أحضن صورتك لنك..
چبير اهواي ابد ماكو حضن يحويك..

حلال اعليك..
خلص عام النصارى وكلهم امعيدين..
سبحان الله من هالناس ناسك وين..
شغل عن هالبشر عدنه ابلطمنا اعليك
عدهم راس عام وعدنه راس احسين..
يالهم عالنصاره ابرمح داروا بيك…

حلال اعليك..
عظيم وبيك ابد كل نبي ما قيسه..
مقامك سيدي اوجب عندي تقديسه
يا من ذكرك ايحرك القلم عاللوح…
أظن بيك احيا الاموات النبي عيسه
يالمامش نبي امن الأزل ما باچيك..

حلال اعليك..
يمن لجلك خلق الله الصدر وايدين
تقر عينه البچالك من تهل كل عين..
أشوفك بالسمه وهيئاتك اعله الغيم
ملك واهل اللطم يمك حواريين...
وتحف جنحانها املاك السمه ابرجليك

حلال اعليك..
يمن ظليت گالوا عاري عالرمضه
و يفييلك جنح جبريل ما ترضه..
لون ظليت بيك اكتب لحد الموت
ابحنانك چنه ديوان الشعر ومضه
فشله ابذنبي تاليها الشمس تچويك

يبو الأكبر إخذ كل شي حلال اعليك..

يوسف صوفان

#اللهم_عجل_لوليك_الفرج

آجرك الله مولاي يا بقية الله بشهادة عمّك الهمام أبا جعفر السيد محمد ابن الإمام الهادي صلوات الله عليهم


بحماك يا سبع الدجيل

لو على گلبك حُجُب تتبده ليل
وللبچي اعله الضامي لو تحتاج حيل
غبّش بگلبك لبابه وشيل اديك
وصيح اجيت ادخيل يا سبع الدجيل

جيت ادخيل صحت يا عم الحجه مدد
يا مولاي ردت من حبكم عده وعدد
وما رد خالي كلمن بيك اتنخّه وطلب
حامي الجار دخيل اسمك يا سيد بلد

آنه من كلشي صحت بحماكم . يا مولاي
ارزقني نيّه تستمر وياكم . رايه وراي
ارزقني دمعه لكل جرح بچّاكم . وجرح الماي

بحماك يا سبع الدجيل
____
ضامن الوفّاد كهف المستجير
الك وافد كون تضمنلي المصير
يمن غيرة عمك العباس بيك
كون من غيرتك ترزقني ضمير

شمس الليل يمن للغيره حروفه شرع
رب الحيل يمن صار لنور اهله درع
جيت ادخيل يسيد محمد بيدي گلب
حط بي ويل على الزهره واسعدها بدمع

ابختني يا مولاي وبدلّالي . رايد نار
ايصير حال البچي كل احولالي . اعله الاطهار
ارزقني غيره وگلبي بيها ايوالي. راعي الثار

بحماك يا سبع الدجيل
___
آنه من چف هاشميتك غيره اريد
استعبدو عيوني يسادات العبيد
كون وِردي ايصير صبحاً ومساء
شلون ضل حسين با الهيمه وحيد

يامن چان لليزورونه ايباري حِمه
احمي جروح دليلي لگلبه اليشكي الضمه
يبن الهادي يامن حبك بس للشهم
مالي غير رحمتك يا باب المرحمه

بهاشميتك گرها هاي عيوني . بحسن الحال
بحلي اريد وياكم اتخلوني . وبا الترحال
مثل ما تردوني اتصيروني . هاي امال

بحماك يا سبع الدجيل
_
جزع گلب العسكري وهوه الصبور
شلون لازم نبچي يومك يا غيور
حادثه تاخذنه لمصاب الكفيل
وانته تقره الجرح ما بين السطور

صب فوگاك دمع خوه وطر ثوبه جزع
بس مولاي جرح من نعشك للطف طلع
لدمع حسين على الكافل من يمه وصل
بس حسين غريب ومحد ويّاه فزع

ابو الاكبر شاف اخوه وناده . واويلاا
لا اصحابه ولا اخوه واولاده . اشضل وياا
بس مخيم بقه منه ارماده . يا زهراء

سيد انور الموسوي

#اللهم_عجل_لوليك_الفرج

يبــو گلب الچبـير أللامني اعله اذنـوب
ويل املبسني بيـدك انــته اطــهر ثوب
ــــــــــــــــــــــــــــــــــــــ
اجيــتك شـــايل اذنوبي ابوسـط چفي
اذا ما تــــعفي انــته چــا مـــنو اليعفي
اذنــوبي لو كـــثر زبــد البـحر يكفي
أبطرف نــظرتك تنشف كـلهه يلمحبوب
ــــــــــــــــــــــــــــــــــــــ
يَعز سالوفه وسط الگلب شرد احچيك
فك عـگدت الساني وخل اسـولف بيك
الگلــب مقبوض ينفك من يـمر طاريك
وادري اليحب ماضن ينكتب محجوب
ــــــــــــــــــــــــــــــــــــــ
انه امــقصر ومذنــب جـــااااي لعتابك
ولا ســـامـع ابمذنــــب طــارده ابــابك
يرحمــة الله خـــليني انـــعى لمـصابك
وخلي الــگلب للــعاشر عـمر مصـيوب
ــــــــــــــــــــــــــــــــــــــ
فــك عگدت الـــساني وانــته حچيني
اومــوش علـذنـب علـــخـيم بچـــيني
وابنـــار الاخـــيام ابگـــلبـي چويـــني
ودخــيلك ياعـزيز امك واعــز مندوب
ــــــــــــــــــــــــــــــــــــــ
الخــاطر فاطــمه الزهـــراء يـامـــولاي
والخاطر كل يتيمه انحرمت من الماي
الخاطرهم اقبـلني وگـلي انـتـه اوياي
واسـمك ويـه خـــدام الخـدم مكــتوب
ــــــــــــــــــــــــــــــــــــــ
اجيـــتك دمــــعتي بعــــيونـي هــماله
يل تنطي اليجي ومــــا تنـضر أعماله
المد ايــده الـــك تـــعرف شـــني ابـاله
خلي عليك جفني ابكل عزة مرطوب
ــــــــــــــــــــــــــــــــــــــ
مواسـاتن ابفــضلك طـاح دمــع العين
يعشگ اصباي احـبك مو ثـواب ودين
وقف خلي الـگلب ينــض الك يحسين
يل نمــت اعــلمودي علتـرب مســلوب


علي الحميداوي

#اللهم_عجل_لوليك_الفرج

انشرها حباً بالحسين ❤️

السماح السماح .. يا عزيزَ فاطمة
➖➖➖➖
كلبـــك خيـمه     ونار اذنـوبي
تحرك صـدرك     يا محبـــوبي
اندم واغلـــط     وارجع تايب
وبس هم ادري     لكلبك جايب

مو أمان الدنيا وعيـــــونك أمــــــان
بين كلبــــــك وايدك انطيني مكـان
وقبـــل لا دنـــــياي تاخذني بعـــــيد
خل اكض بيدك قبــل فــوت الاوان

جيتك بتعبي ارد اطيح
نادم لعــالمـــــك جـــاي
ادري هـم اتلمـــني راح
غير اضل  بمســتحاي

الـسّـمـاح الـسّماح ..يا عـزيـزَ فاطمه
➖➖
بفيــّك كاعــــد     والجم روحـــك
تمــسح دمــعي    وارضه بنــوحك
وبــلا عيــــــب     اجرح بحساسك
وجازي ولا جن     شيّــــب راســك

انــــت ذاك الـمــاله خيــــمه ولالـه راس
التحــترك خيــمــة بناتــه لخاطــر الناس
ليش ما حاركها روحي من البجي ويـاك
والله مولاي اعتـرفلك ناقــص احــساس

المثلي هسـه بكلبه نار
تحترك ما تطـــفه دوم
وانا ناسي ابجي عليك
خلصتها ايامــي نـــوم

الـسّـمـاح الـسّماح ..يا عـزيـزَ فاطمه
➖➖

ادري الحَــبك   كون يضـحّـي
وانت اشـايف    منـّي بجرحـي
مو مـــن كلبي    وياك امحـــزم
جذبه ادموعي    ولاني المهتم

اني كل عــام اليـــمر طــالب رِضاك
لجن ما مرّه صــــدك كلبـــي شفـاك
بيك اردن للعطش وألچـــم جروح
انت يمي ادواك واني اجـفي بدواك

ادري جرحك ما يطـيب
وانا المزيـــدك عــــذاب
كون غاسل كلبــي زيــن
جان جرحك هسه طاب

الـسّـمـاح الـسّماح ..يا عـزيـزَ فاطمه

➖➖

جِـيتك نــادم      كــــاســر كلبــك
جيـت وادري     تلمــني بدربـــك
ادري تسامح      بــس الصـــعبـه
ألزم روحـــي      وكلبـــي وذنبـه

وياك جم مَـرّه  الكلـت بيها ارد اتـوب
وبعد ما اغلط وكافــــي من الذنـوب
وانسه والدنيا خـــذت بيدي ونسيت
هناك عود اصحه واريدن بيك اذوب

عيبي وياك من اتـوب
هم ارد واغلط واجيك
والتكـتلك يا حســـين
ما تــــرد اليعـــتـنـيـك

الـسّـمـاح الـسّماح ..يا عـزيـزَ فاطمه
➖➖
ادري بكلشي     وكلشي اتصوّر
تسامح ادري     وكلبك اخـضـر
اطلب منــك      اخـــــر مَــــرّه
تسامح كلبي     وتجـبر كسْــره

راح اجــيك بـــروح مالـــيها الغـَــرام
تنسه اخليـــها بــــــعد تاكــل حَـــرام
وراح اضل امشي برضاك ومو رضاي
بشر ثانــي ويــاك راح ابـــدي بهَــيام

ما يهمــــني رضــا النــاس
راح اضل امشي برضــاك
كلشي اهجره بروحي راح
وامشـي اضــلن بس وراك

الـسّـمـاح الـسّماح ..يا عـزيـزَ فاطمه
➖➖

✍️حيدر عبدالله السعيدي

#اللهم_عجل_لوليك_الفرج

((خلوني ازور))


خلــوني ازور العـــــقيله امي الحبيبه .. هويت
يا گـــلبي اعـــــلن بـــشاره رايد زياره .. نويت
من انتضاري وعبرتي لهفت وحسرتي .. عميت
يمته الضــريحچ اسافر يايمه اهــــاجر .. بچيت

تاخذني روحي واروح
وبعـــــتابچ ومن انوح .. يمه
دمعي ويليل الـطويل
رايد لطم والجــــروح .. يمه

متـــــــواعد وي الــمنايه
روحي اعله روح السبايه
مشدوده روحي بدمعـتي
رايـــــــد زيــاره النـــهايه

زينب ييمه ...

"""""""""""""""""""""""""""""""""""''''''''''

نعشـــــچ تعـــده بحسرته ونار بغربته .. غريب
بليل المواجع هضيمه انتي العضيمه .. عجيب
متعوبه مـــــن الهـــــزيله هاي العقيله .. تغيب
عگب النياگ الاصيله ليش بــــهزيله .. وتشيب

نعش العزيزه يفوت
لاصرخه لا يمها صوت .. يمه
(لا) خويه تانيني وين
محد وراچ ويموت .. يمه

بس العليــــــل بصفنته
مچويه ايــــــده بدمعته
ياهو اليحشمه ويگــــله
يعينه الله تسعر جمرته

زينب ييمه ...

"""""""""""""""""""""""""""""""""""''''''''''

الأمچ سوالف محنتچ تمسح دمعتچ .. حوار
يتلــــوه يايمه شفته رحت وحضنته .. وغبار
يگلي يزينب يختنه خيل الاجـــــتنه .. غيار
خايف تسحگچ حــوافر خليني أكابر .. مرار

ابتعدي عن الخيول
يايمه حيــره شأگول .. يمه
داسنه وهوه يصــيح
لحگيني يمه البتـول .. يمه

ويايمه حـــــرگولي خيمه
وسحگو يتـــــيم ويتيـــمه
يمه نچـــــــويت بچفوفي
وأركض وطيحن هضيمه

زينب ييمه ...

"""""""""""""""""""""""""""""""""""''''''''''

شـــوفي السياط بحرمنه يمه ولتنه .. الطفوف
مـاندري يايمه نركض وگبالي تعرض .. سيوف
وأعثر وطيح اعله طولي يايمه اجولي .. الألوف
تــــركض سكـينه ورقيه يمه خطيه .. شنشوف

دم وحرگ والحبال
تبچي وتنوح العيال .. يمه
اطفالي ماتت هدوء
ماعندي يايمه حال .. يمه

زينب حبــــــال وبديه
شــــــدوني آنه ورقـيه
حبــــل الرزايه عذابي
لو طحنه طحنه سويه

زينب ييمه ...

عبد زينب
محمد الابراهيمي

#اللهم_عجل_لوليك_الفرج

يا قـاهــر ومقـتدر
والغيره غـيرة بدو
سبحـانه مـن ربتك
والله ونعمّ من أخو

طاهر حليبه الگمر
للخـوّه صاير ظهر

من فزعتك تنخلس
قاده ويحير العدو

بالفزعه معروف .. مـا ينـگـدر حيله
صـگـار الاسـباع .. حـط بيهم الميله
ما يـنـگحم صار .. هد كـافـل الشيله

أبا الفضلِ صايود .. ابن ذيچ الاحيّود
گمرها أم الابنين .. كسرهم كسر عود

ـ===•===•===•===ـ

مثل الحـرير الشعر
ومثل الورد خوّته
شفنه إبتسامة خيم
من رفـرفـت رآيته

طب زلمه كلش كلف
صار الوضع يختلف

بـ أربـع جهاتـه علي
ومحد وصل شارتك

يم ساقي الخيام .. مــا تــــذبـــل الــورده
عالخوذه ريشات .. وحده احله من وحده
متنومس حسين .. چــا غــيــرك اشـعـنده

ابا الفضلِ زلــزال .. هلا ابـرب الثگال
سلام الله عالزود .. العبرّ البي الجيال

ـ===•===•===•===ـ

يا خالس أكـبـر گلب
صيتك عِلىّ اعللنجم
ابفن الحرب محترف
والـيـوصلك يـنــردم

يا مُنـتـقــم يا وفــي
تچفي الحرايب چفي

زينب تصيح ابعلوّ
عباسي رب الــزلم

مستسهل الگوم .. هاي الحرب عيده
واگـباله يا ناس .. مـا تـعبـر الـصـيده
ما ثـنـه عبــاس .. مـن يـذبـح ابـأيده

أبا الفضل مهيوب .. يخلاس الحروب
جمالك بالطفوف .. سحـر كـل الگلوب

ـ===•===•===•===ـ

حي الـغيـور الشـهم
هبّت عجاجه الفحل
تبـرگ سمه الموزمه
راعي الكلافه حمل

لا يُـبـرد ولا تـعـب
والساتر الله غضب

بالهيمه طش الرگب
دم بالتراب انضحل

ما يلفظ انفـاس .. كلمن خـزر عينه
عـراك ابــن حيّد .. مـن أول اسنينه
صاحاله الحسين .. حي الله ساگينه

أبا الفضل طاعون .. دخيل الله العيون
دخيل الله من صال .. تحيرهه الفنون

ـ===•===•===•===ـ


- خيري الصفراني ✍️

ياويلي يبن امي .. خياله هالجتنه
وفرينه بالهيمه .. ومحد يساعدنه
لا تسئل شلوني .. متمرمره بضيمي
لتكلي عالركضه .. بالهيمه وشعدنا

لمن رحتو ركضنه عالجمر
يابن روحي غريبه وانتضر
شلون اندلك يجويني الضهر
بس خلفالله يدليني العطر

ويلي ويلي ويلي على العطشان
____
هالغربه ماترحم .. ومتعين رجليه
بشده طكت لاجن ..محد فزع ليه
كدامك واوكع .. عالتله رايدتك
يبن امي يبن امي .. صاحولي مسبيه

ضايع جدمي واريدلي اخو
لا من كافل ولا ام لا ابو
هاي الهيمه انملت خويه عدو
ضلمه ومحد اليدليني منو

ويلي ويلي ويلي على العطشان
____
ياخويه ما ادري .. تاليها وي صبري
جا يمته موتي انه .. ما ينتهي عمري
كافي يذبحونك .. كافي انهب خدري

بعد عيوني وبعد كلبي اليدك
لا ما صدك يخويه نفترك
من هجرانك بكلب اختك حرك
اه يبن امي تعوف اختك صدك

ويلي ويلي ويلي على العطشان
___
جابو هزل يمك .. وعيونك تباوع
وتسمع يكلولي .. ماضل اخو يفازع
مهضومه واتلفت .. هلبت تحضروني
كلبي انكسر خويه .. وبغربته ينازع

ما ادري الوين الهزل تمشي درب
كالو للشام اطب ياخويه اطب
من كالولي اكضنه الكلب
بت الحيدر بسبي والله صعب

ويلي ويلي ويلي على العطشان

—-
محمد عيسى المنصوري

#اللهم_عجل_لوليك_الفرج

مولاتي العقيلة تخاطب مولاي الحسين

﴿ صلوات الله عليهم ﴾



يمن متگدر بحضني سكتك خويه تاذيني
أجيت مسابگه ويلـ خيل تالي ما تحاچيني
شما تسكت تكبر النوح المدامع والله تعميني
صح باگوهن أرسومك بس انته حلو بعيني

غريبين
آنه و أنته يا مسلوب
غريبين
گلبي و گلبك المتعوب
غريبين
منهوبين يا منهوب

يمن فوگ و حدر چفي
نزفك هاذا لو نزفي
من شلتك طحت چن ماي
ملهوفه و خلص لهفي

===================

أجيتك بس غلبني الشيب مو عمري الشكل خمسين
نـكـسرت آنـه شـكـثر دونـك لا مـره و لا مـرتـيـن
طحت يم نحرك أعله الكاع أنشلن يمك الرجلين
يا عـيـن الـتـضل بـچـفاك بـفراگـك أذبـها الـعـيـن

سلامات
على خدودك على عيونك
سلامات
على رسومك على متونك
سلامات
شتسوة العيشه من دونك

يمن فدوة رحت لـ أسمك
ما جيت أمسح بدمك
خوفني الشكل يحسين
دمك عابر اليمك

==================

صدگ ياخويه ما أكدر چذاب اليگلك روح
اروح آنه و تضل أنته شتگلي يبعد الروح
اليموت يعيش ياخويه و اليبقه يضل مجروح
شتاگيت أسمع لصوتك أسمع حتى لو مبحوح

يمذبوح
ياهو الما عرف گدرك
يمذبوح
شعندي و أفرشه حدرك
يمذبوح
أريد أخفه علــه صدرك

أريد أخفه على دمومك
همومي تگابل همومك
مو گدرك تركك خيل
و تفارگني مو يومك
==================

ما دام الدمع هم ماي هاك دموعي و تروه
ما دامك طحت بلضيج و حگ الخوه علخوه
تعال أخفه على مناغاي يا من ما ألك تچوه
مو حلوه أضل دونك الموته لخاطرك حلوه

على الكاع
متطشر دلال أمي
على الكاع
ساكت منذبح يمي
على الكاع
تعبي و كسرتي و همي

ريت آنه اليذبحوني
و بلحافر يسحگوني
يلچمني الدمع لو سال
ريتك تمسح عيوني

===================

هاك أكسرهن أعظامي بس لا تكسر الخاطر
غيرني التعب يحسين و أنته مغيرك الحافر
هاي أيدي على عيونك و ما شيلنها حد باچر
حد ما تگبل الهزله و جسمي بلا أخو يسافر

منَ أجزيك
روحي وگلبي يم جسمك
منَ أجزيك
روحي نعگدت بهدمك
منَ أجزيك
دمي يوصل لدمك

يمن ما أكدر بلياك
و لا بيه صدك و أنساك
مناوب دمعتي و نوحي
مناوب علهزل و أنعاك

علي حسين الفاجي

#اللهم_عجل_لوليك_الفرج

((مشكوله))


مشكــــوله ذمــــتك ياشام
صرت احسب اللحضه ايام
محتـــــام مــــن ذاك العام .. للزياره

مسهـــرني بــــــدروبك ليل
مراويني چــم ويـــــل بويل
مشتاگ بس ويـــــن الحيل .. للزياره

بســناين كــــل عشـــايرنه يفزعون
اذا شيخ العشـــيره ايغمض العيون
ويــــذبون العگـــل كلــــــهم يونون
چا شو سكته احنه وراحت ام عون

شيختنه الحـــبيبه
هـم ردت غــــريبه
وممنــــوعه الزياره
هاي اعظم مصيبه

يازينب غريبه غريبه ...

"""""""""""""""""""""""""""""""""""''''''''''

يادمعةّ الحــب جروح
وبلايه دم بس مذبوح
معقوله اضلن مـاروح .. للزياره

هــا يالعقيـــله وتدرين
بــــــالبر غدينه متيهين
ومدري الدروب ولاوين .. للزياره

ماترضاش روحي بساعه وتهيد
سهـــرانه ومدامع مدري شتريد
أگـــله شبيچ هيدي تگلي بعيد
حــياةّ بدون زينب گلي شتفيد

واگضـيها ملامه
واشواگ وندامه
واتمنالي اجـناح
هنياله الحـمامه

يازينب غريبه غريبه ...

"""""""""""""""""""""""""""""""""""''''''''''

من بعيد اوديلـــچ آه
هاي السنه چم ويلاه
بابچ بعد ويـــن الگاه .. للزياره

مايهب عطره الفواح
هاي السنــه مامرتاح
ويموت حگه الماراح .. للزياره

المتعـود يروح اتمـــوته الاشواگ
وتذبل عيــنه من ادمـوع الفراگ
الهوى هذا اليشمه يصير خــناگ
وترجف إيده من الحرگه والساگ

وبروحه الحزينه
وبزينــــب ونينه
مگطوعه دروبچ
يا أمنه الحــنينه

يازينب غريبه غريبه ...

"""""""""""""""""""""""""""""""""""''''''''''

وبحــالي مــولاتي شلون
حاچيني مولاتي ام عون
گلبي اعله بابچ محـزون .. للزياره

ضميــــــت عود آنه دموع
وبصـــدري ضميت ضلوع
وثاري الدرب شو مگطوع .. للزياره

ياجرح الأّهـوّده وياهو يسكت
گلبي مـن ضلوعي يريد يفلت
گوه امچلب ويـــازينب يصيح
يعـت بيـه يـــوادم حيل ويّعت

ياشـــــام انته موتي
يموشـــــلي صــوتي
اصـــــــرخ ياغــريبه
وهيه اتصيح اخوتي

يازينب غريبه غريبه ...

عبد زينب
محمد الابراهيمي

#اللهم_عجل_لوليك_الفرج

يحسين مو بارد كلب
خاطر اعوفك علترب
ماعندي بس اسمك جرح
ودموعي هاي الي تصب

ياكونه بضلوعي الرمح
وكبال الخيام انذبح
مو أنه ليعوفك جرح .. حـسـين

صح صعبه غربة كربله وما يكدر الها المثلي
على اقل نصره لغربتك بيه وهاجر اهلي
واركضلك بنية طفل واطفي ضماك اليغلي
يامن سليب اعله ترب والحر عليك يصلي

يابو عبدالله الحسين
ـــــــــــــــــــــــــــــــــــــ

اعليك مكروه الصبر
جرحك بكلبي وانتظر
ما بين الخيام انفجع
وتلوحني نار الخدر

تجويني نبلة حرمله
هذا الحلم واتأمله
تذريني جمرة كربله .. حـسـين

كربله الخلت كلمتك تطلع جمر من الضمه
هل من نصيراً للخيم هزت الغيم البسمه
اعمامتك جنها جرح من كثر ما نكعت دمه
وكربله ولبيها سوه ووحدك يابن فاطمه

يابو عبدالله الحسين
ـــــــــــــــــــــــــــــــــــــ
شيفيد بعدك يا عذر
شترجه من هاذ العمر
وانته الاعز من الهوه
يعاين عليك الي يمر

بهد المشاعل منلجم
بعينك خيامك تنهدم
وضعونك بولية زلم .. حـسـين

تهدمت اركان الخيم جبريل بلطف ناده
ضعنك المكفول بكمر ضل مسبي بيد عباده
بشموس وبلايه علم بحباله طر ابلاده
اعله الضعن ياراعي الضعن المو كفو يتماده

يابو عبدالله الحسين
ـــــــــــــــــــــــــــــــــــــ


علكاع دمعاتك تهل
خلصو سبعينك جتل
شنهو الوصلته بكربله
خاطر بنفسك تنشغل

جا وين وداك الألم ؟
خلاك تنساها الخيم
وتنسى الك طايح علم .. حـسـين

ارتجي من ضلوعك الم يحرك سنيني بهمك
وما اريد منك بس جرح يعصرني لو مرني اسمك
مو بس عبر من الصدر عابر لزينب سهمك
يل النحرك بسن الرمح واعله الترايب دمك

يابو عبدالله الحسين
ـــــــــــــــــــــــــــــــــــــ

ريته يطك مو ينكسر
كلبي ولا اسمع تمر
جلمة غريبة أم الحزن
مستحيه دخلت للقصر

متجمعه كلها وبلعجل
تتمنه ياخذها الأجل
ولا هيج ذبلها الخجل .. حـسـين

ام عون يعني ام الخدر واعله الزمن اميره
من العفه ما يوم الشمس جابت الضلها سيره
درات وياها كربله وتالي المهابه حيره
تتنامن وشافت بعد متوذره العشيره

يابو عبدالله الحسين
ـــــــــــــــــــــــــــــــــــــ
اللهم عجل لوليك الفرج
مصطفى سلمان

#اللهم_عجل_لوليك_الفرج

(( أجددله أنتمائي ))


يوم يوم أتخلص ايام وسنين
ويگضي عام ويبدي عام وياحسين
أحمدلله ابخدمتك راح أبدي عام
وكاشخ ابثوب الخدم والدمعه دين

شكراً من أعماقي عالنعمه .... حسين
سنه دارت بيه عالخدمه .... حسين
عيشتني من العدم بالقمه .... حسين

آفل .... كلشي وأسمك باقي أزل
كافل .... من معيتك كلمن وصل
كامل .... كل جهاتك خير العمل

أجددله انتمائي .... حسيني كربلائي
"" "" "" "" "" "" "" "" "" "" "" "" ""
من الطفوله وياك حسيت ابهواي
أمي تاخذني العزائك من صبآي
وتلطم أمي وچانت ادگلي عليك
انه اللطم وانت وزع يبني ماي

بالزغر حبيتك دين أمي .... حسين
افرح يصيحون خادم أسمي .... حسين
بگلبي أسمك وبمجاري دمي .... حسين

خادم .... يعلى شأني ابهذا الأسم
الوادم .... كلمن ابدينه وديني أهم
هايم .... ابعالم الخدمه أجمل حلم

أجددله أنتمائي .... حسيني كربلائي
"" "" "" "" "" "" "" "" "" "" "" "" ""
كل سنه ابقه اعترف عبدك مطيع
وانه لوما ثوبك الأسود اضيع
باب غيرك ينسد ابوجهي وجيك
والگه فاتح بابك وكاتب شفيع

والله لوما ثوبك ساترني .... حسين
من البشر محد ايصاحبني .... حسين
بين أهلي وناسي رافعني .... حسين

گلبك .... أرحم من امي ياحسين
حبك .... رحمة الله اعلى العالمين
دربك .... المايعيشه بالدنيه ويـن

أجددله أنتمائي .... حسيني كربلائي
"" "" "" "" "" "" "" "" "" "" "" "" ""
انه لوما أسمك اشرايد اصير
الروحي ما أملك نفع لاعندي خير
منبرك والدمعه هيه السر حسين
ميزتني اعلى البشر مثل الأمير

انه اول واحد بالفقره .... حسين
ملك عاش ابخيرك والنضره .... حسين
رغم تقصيري وقابلني اقره .... حسين

قاصر .... شكر ابقه الحد الممات
ناصر .... ابقه الك بالدمعه حياة
العاشر .... كل سنه اصرخ عالطغات

أجددله انتمائي .... حسيني كربلائي
"" "" "" "" "" "" "" "" "" "" "" "" ""
خادم السلطان
سيد محمد الياسري

#اللهم_عجل_لوليك_الفرج

صافن والدمع يجري
شسولف والهضم يكثر
كالولي الصحن خالي
كمت وي الحجي اكبر

جبيره ... صدك هلجلمه ع العاشك جبيره
عشيره ... وحيده بلا اهل وبلاعشيره

عذاب ع اليحب يترك حبيبه
ويضل بغربته الحسره نصيبه
تضل بلا حجي الدمعه سجيبه

اليحب يبقه بنحيبه
وجووب لهل مصيبه

................. ......

ضياع وخوف دنيانه
حزن ومرافك اشعاري
زينب صعدت ع التل
هاي الشدهت افكاري

عجيبه ... نحرمنه زيارتج هاي العجيبه
غريبه .... لهسه بغربه ودموعج غريبه

نحرمنه وصارت ادروبج بعيده
عجيبه وصرنه نبجيج بقصيده
رد بيج الزمن صرتي وحيده

الدمع مايكفي همج
اريدن موتي يمج

.........................

الطم مايكفي لمصابج
كون اعليج اهد حيلي
واعيش بغربة احزانج
واخلص بلدمع ليلي

عباره .... كتبت بكلبي انه هاي العباره
زياره .... هيج من الله وتصحلي زياره

واجيج مهدل وطين ع راسي
واتيه كل صحبتي وانسه ناسي
واموت ابابج بحسرة مواسي

واعيش بهل اماني
اموت ابابج اني

.........................

عذاب وغربه كضته
وردت بلغرب عاشت
من بعد السبي والسوك
غريبه بلا اهل ماتت

ماتت ... عمتكم يساده بلغرب ماتت
شافت ... عذاب وضيم من الحادي شافت

عكب ذاك الدلال وكل خيمها
فتر بيها الزمن زود هضمها
وحيده ماتت وزايد المها

الماكو اهله بدفنته
تضل تكبر وحشته

.............. ......

حسرتي الحضرتج تكبر
لو اسمع نعهه الناعي
زينب تمشي وتعثر
تزيد بكلبي اوجاعي

الاميره ... ع ضهر النوك مسبيه الاميره
اسيره .... مشت جم ديره مجتوفه واسيره

مشت وي وادم الماعده غيره
تطلع ديره واطب ع ديره
عكب عباس محنيه وكسيره

مشت وبلايه خوان
والتحديها عدوان



محمد تقي الزاملي

#اللهم_عجل_لوليك_الفرج

نأمل من خدام الحسين عليه السلام
تنظيم مسيرات دينية حسينية
في شوراع المحافظات

في ليلة رأس السنة حتى لانترك الساحة خالية ل #جنود_الشيطان
ويعلو اسم الله واسم محمد وال محمد (فوق كل شيء)

👈هذا هو مشروع امام زمانكم
(احياء معالم الدين واهله)

اشغل (قرآن .. دعاء .. لطمية)
(بسماعة .. بسيارتي .. بتكتك )
انصبلك چمبر چاي بمكان عام

★مع مراعات عدم التصادم مع أي احد والتخلق باخلاق اهل البيت عليهم السلام

فلا تقصروا جزاكم الله خير

#اللهم_عجل_لوليك_الفرج

لا حول ولا قوة الا بالله
قتلوا فاطمه
_
مهضومه ومكسوره ودارت ناس اعليها ويلي
محنيه ومقهوره وعالوكفه ما بيها ويلي
٣٠٠ ضد حرمه وكلهم هدو ليها ويلي

هجموا علينه بالعلن
والنار ما ترحم بدن
دفعوها والمحسن وكع
كسرو ضلع ام الحسن

لا حول ولا قوة الا بالله
قتلوا فاطمة
____
من هجمو عالزهره ومنها الضلع اتكسر ويلي
جتفو جف الحيدر وموصه وما يكدر ويلي
طلعت امنه وصاحت بس كلشي ولا حيدر ويلي

اصبر على كلشي جره
بس حيدره بس حيدره
خلو ابنَ عمي صاحته
لو اكشف حجابي تره

لا حول ولا قوة الا بالله
قتلوا فاطمة
___
ما راعو حرمتها وخلوها الوحدها ويلي
محد كال الزهره لاذت خنساعدها ويلي
دفعوها ومحسنها ضل يوكع من عدها ويلي

طيبة محمد والفضل
نكروها من بعد القتل
بسمار المجازه صبح
وكسر الضلع ما ينحمل

لا حول ولا قوة الا بالله
قتلوا فاطمة
____
بجتنه واذتنه وخلت دمعه بعيني اماه
كتلها انه حسين ابنج بس حاجيني اماه
اول مره بعمري انتي اللي تبجيني اماه

ونادانه صوت امن السمه
نحي الحسن عن فاطمه
ونحي الحسين المنهضم
والله بجت ارض وسمه

لا حول ولا قوة الا بالله
قتلوا فاطمة
____
حيدر قالع خيبر ضل سيفه ميشيله ويلي
يحاول يرفع نعشج بس متهدم حيله ويلي
من يمته والدنه ولده اللي تجيله ويلي

عاش القهر عاش الدمع
شاف الزجيه ابلا ضلع
والتكسر بروحه لان
بشهكة نفسها تنوجع

لا حول ولا قوة الا بالله
قتلوا فاطمة


علي رضا المحمداوي

ابني واجيتك
ضامي لكيتك فوك الترب
صدتلي عينك
واسمع ونينك شوغة كلب
هاضمني هضمه
دمعك ييمه احمر يصب
مو هيج عفتك
ما ساكي شفتك ماي الشرب

تتجوه من حر السهم لو من تراب الحومه
تمنيت ما بيه نفس ولا اشوف هاي النومه

ليش .. وحدك وعيونك متعوبه
ليش .. طايح وهدومك مسلوبه
ليش .. جروحك يوليدي مكلوبه حسين

____

محنيه كوه
امشيلي خطوه من الالم
ذابل جمالك
حتى بخيالك يوليدي دم
تراب اعله متنك
واني ادري ونك من السهم
متعذب انته
تتلوه سكته كبال الخيم

هاك اخذ يمه عيوني وانته اعرف شبيها حجي
بعبايتي امسح دمعتك وانه الشلع كلبي البجي

اه .. الزم بضلوعك وضلوعي
اه .. حل ما عندي غير دموعي
اه .. جرحك همي وكل موضوعي حسين

____

هل الدنيا يبني
جي تدري مني منفرده بيك
حاحيني كلمه
بكليبي لجمه تحرك عليك
يكتل سكوتك
لو ماكو صوتك بس حرك اديك
لو ما عصرتي
يبني وكسرتي مو هيج اجيك

جا جيتك بكل حيلي جا ما وصل طولك جرح
تمنيت بس ما لحكت وانشال راسك على الرمح

دار .. وكتك بيك بلا ناصر
دار .. ميت بس كلبك حاير
دار .. خايفخ ضعنك من باجر حسين

____

ثكله وغريبه
ومابيه طيبه لاجن طبت
جرحك بجيته
جرحي نسيته لمن شفت
ماكو العمامه
بنحرك علامه لمن طحت
انضرها صعبه
وتركها صعبه بيها متت

ضليت اشوفنها وارد من عدها ادير الناضر
ومابين هل لحضه صعد يوليدي فوكك حافر

شلون .. اصبر وبعيني الحاله
شلون .. فوكك خيل الجتاله
شلون .. وفوك الخيل الخياله حسين

____

من ودعتني
ولهسه حزني بنفس العذاب
اعرف نهاية
نبضي بداية هذا المصاب
عيني البجتلك
كلشي حجتلك وبلا جواب
تنازع وانازع
ياهوه ضايع فوك التراب

حركتك بحركة كلب ردتك ترد لضعونك
مابين خياله وحرك كلها تدور عيونك

كوم .. زينب طلعتك لاكيها
كوم .. مسبيه وجرحك سابيها
كوم .. رد الخيل التحلك بيها حسين

____

_مصطفى سلمان

#اللهم_عجل_لوليك_الفرج

- وأويلآه يزهـــراء


مكسوره أم الحسين .. وأويلآه يزهـــراء
ملطومه اعلكل عيـن .. وأويلآه يزهـــراء
لو ندري الگـبـر ويـن .. وأويلآه يزهـــراء
جـا هسه احنه زرناه .. وأويلآه يزهـــراء

لاحيل عدهه لا لون .. وأويلآه يزهـــراء
والنـار بـين الـعيـون .. وأويلآه يزهـــراء
ماصح بالعمر عـون .. وأويلآه يزهـــراء
و الـدم ياهـو ينساه .. وأويلآه يزهـــراء

صاح أبنچ ترا اهواي .. وأويلآه يزهـــراء
يمه اتگـطــع احشاي .. وأويلآه يزهـــراء
وامتون مالت اهواي .. وأويلآه يزهـــراء
هـــذا حسيـنـچ احــا .. وأويلآه يزهـــراء

حيــدر بـيـده طـمـاچ .. وأويلآه يزهـــراء
ينعه ويصـرخ اخـذاچ .. وأويلآه يزهـــراء
ومـاخـذ حيله فـرگاچ .. وأويلآه يزهـــراء
و الـهم كـــلـــش أذاه .. وأويلآه يزهـــراء

شيگضـيـهه الاجـروح .. وأويلآه يزهـــراء
يمـه أطــلّــع الــــروح .. وأويلآه يزهـــراء
مذبـوح گلبي مـذبوح .. وأويلآه يزهـــراء
روحي امـعــاشره الآه .. وأويلآه يزهـــراء

بـاجــر ابـنـچ ايـشـيل .. وأويلآه يزهـــراء
فوگه اتــهـوس الخيل .. وأويلآه يزهـــراء
وزينب تمشي واتمـيل .. وأويلآه يزهـــراء
وأبــنــچ ياهــو ينـعـاه ..  وأويلآه يزهـــراء


- خيري الصفراني ✍️

#شهادة مولانا القاسم أبن الامام موسى ابن جعفر صلوات الله عليهم


غريب وغربته بانت على عيونه
أجه من موطنه عن لا يعرفونه
نـازح مــن مـدينة جـده وأبآئه
أجه لأرض العراق الديره مامونه
أبن راهب بني هاشم.... نزح من دولة الظالم
خفه حتى أسمه ياويلي.. الغريب أتصيح أله الوادم
عاش بالغربه وبعد بالغربه مات
چان يسقي الناس من ماي الفرات
يختلي ويه النهر يبچي وينوح
ويذكر حسين وشفاها الذابلات

.............
هظمتي الغربته ودمعاتي لمصابه
حداني الشوگ أله وجاباني يم بابه
على أعتابه أسجدت والدمعه بعيوني
لـحــد مــا أمـنـّت دمـعـاتي بعتابه
أزوره أشعر أنه بمشهد.. أهيم ودمعتي اعله الخد
اخو المعصومه والسلطان... رزقني بدمعه ماتبرد
أدخيله أندبه بشدتي عم الجواد
يومه يكسرني وعليه ألبس سواد
قـاسم الخير وبـعـد بـاب العطاء
يزوره حتى الطير هم ياخذ مُراد
............

سكن بين الغرب وتوقره الوادم
يخلص ليله راكع ساجد وقائم
عمل بس بالسقايا مو عبث هايه
اكو سر بالسقايا عد بني هاشم
القصد يذكر عطش جدة.. ماأعرف شنو قصدة
هم بالجربه يسگي الماي.. لو شي ثاني أكو عندة
چان لمن يعتني الشاطي بضماه
على جروفه ينحني ويحچي معاه
ينعى عالظعن العطش بالطف غريب
الطاح سگايه أولا واحــد رواه

............
جرح من كربله عاشرهن أيامة
ويحچي البنته عن حسين وأيتامه
ويگل البنته عنده بعمرچ بنيات
فرن بالفله من حرگو أخيامه
يگلها أحنه النبي جدنة.. وشياطين البشر ضدنه
قدر وتحتم أعلينا... نموت بغربه وحدنه
وصه بنته تروح دار أهله الغريب
وللمدينه من تطب يعله النحيب
مات بالغربه نعم بس شيعوه
أندفن لا مگطوع نحره ولا سليب

........................
حسين حمدان الدلفي

#اللهم_عجل_لوليك_الفرج

طلبتك وانته ابو الطلبه
يرحمه وللرمح ماخشنت خاطر

ندبتك والعمر ليلين
يشمس لكل نظر باصر

اناجيك بنواعي الغوث
بشوغة ( أم ) لچن عاجر

عندي اعله البچي جنحان
بس بعالم اجروحك
بعدني لهسه ماطاير

بعدني بمجلسك مولاي
أهمّ بعيشتي وحالي ... او لا همّيت عالحافر

بعدني بغفلتي وجهلي
وبعدها ( خدمتك ) ساتر

بعدني اوي الخلگ مشغوف
وبعدك عالعبد صابر

بعدني اغفه بلحن حزنك
لچن غفوة جفن تاجر

بعدني اتعذّرك وانته ... تعبّرلي الحچي الماذر

چايمته يبو اليمه
أرضّيك بفعل گلبي ... مو بس دردمة شاعر

چايمته يبو اليمه
يأذّن حبك بروحي ... واصيرلك درع ناصر

چايمته يبو اليمه
يجازي بخيرك وغامر

اعتصمت بحبلك اعصمني
وخل گلبي إلك فاير

خليني فطن وياك
اخاف اتمرني انوارك
واحسبهن ضوه عابر

اخاف ( الهوى ) يكسرني
ومن كثر اعتذاراتي
ما الگاك الي جابر

#يامهجة_الزهراء
سجاد الگريزي

فزاعيه


وين اتريد خويه احســين بالهون
ماضلت عله اختك للبجي اعيون

وين اتريد وانه ابـ اقسى الاحوال
اشـلون اتريد اعوفك بين الانذال
وبس اتعوف ادي تاخذها الاحبال

وراح بإسم زينب غربه يحجون

قدمت المــهر بس الـگـلـب صــاح
يــازيـنــب عـضيـدج لـلــذبـح راح
خويه افياي طولك لو صدگ طاح

معناها تهج بالهيمه الاضعـون

اشلون اتريد اودعك وانه مايوم
متـفارگـه اويـاك وضــايگه النوم
اختك ماتـعوفك بيد اشــر گــوم

اخوي اشلون اسلمك لليذبحون

ضل يا امل زينب ماشي لاوين
شـلي بعــمر مابي انت يحسين
غـربـتـك طـرت الــدلال نصين

الله يعين گلبك ما الك عون

مــن گـوه عـلي خلـيــتك اتـــروح
وي مشيت اجدامك طلعت الروح
بعد ساعه واشوفك خويه مذبوح

وتتسابگ اجفوف اللي يسلبون

بعد سـاعه تــهد اخــيول وجـيـوش
ووسف تخله خيمنه الجانت اتروش
شلون اتعـوف خدرك بين الاوحوش

بعد ساعه الخدر مايبقه مصيون

الحرب ماترحم اللي يهجم اوحيد
وهـاي الگـوم عــدها الغــدر تعويد
بس توگع ســبايــه انـروح لايـزيد

واطب المجلس ابن الداعيه اشلون

الدنيه بروحتك وي زينـب اتــميل
واخـتـك راااح تـعـثــر بـالمجـاتيل
وضعنك عالهزل وي اجنبي يشيل

وبدون اخوان صعبه اتطيب الامتون



ابو حميدة الشويلي

#اللهم_عجل_لوليك_الفرج

يا مولاي يا قاسم العطاء دخيلك


من يا باب اسولف بيك
غريب وقصتك تهضم
عجيبه شلون متغرب
بوطن للمثلي ضل يكرم

يا ربيب اهل السمه أمرك عجيب
المثل قدرك وسفه يتسمه الغريب
وحدك تقيم العزاء وتصب دموع
ودمعه دمعه تكتلك لجسم السليب

گلبي بعتبتك نادة
ولگلبي انطي أمراده
امرادي دمعة عيني
وغربه لغريب السادة

بجيني كربلاء
يا قاسم العطاء
____
الگضه من عمري اعرفنه
ولكن اجهَل القادم
لذالك راح اشد گلبي
واشمره بعتبة القاسم

بزودك وزود اهلك اسنيني مشن
الحلوه والمره على حبكم گضن
الفاتن اعرفهن ولكن بيه خوف
يا بلية امحضر المثلي الزمن

بالماضي راحم بيه
يا سيد الحنية
ارحملي باقي سنيني
وتمم خدمتي اعليه

يا رحمه السماء
يا قاسم العطاء
__
يا قاسم جنت ساكت
وفعلك صرح بأسمك
سكتّ الساني لا يحجي
من يخدم خيم عمك

الحچي لاهل الحچي ما بي صدك
والبچي لاهل البچي هذا العشك
لا افرط حبي بالگال وگلت
كون اعيش بنارك وسكته أحترگ

جفوف الگمر من طاحن
بسكتتهن شكد صاحن
گضن عمرهن خدمة
وسر العشگ ما باحن

الگال وگلت بلاء
يا قاسم العطاء
____
من طبع السگاية البيك
صب بيه أدب من جون
اسگي الروح يا قاسم
ودليني على اليبجون

يالخذت من عمك الكافل طبع
اسگي روحي بأسم ابوفاضل دمع
أذني سدها اعللبشر بس ياحسين
بأذني يا قاسم اريدن تنسمع

غيرني من تسگيني
حب وادب خل ديني
هوسة وضياع العالم
بأهل الصدك دليني

دليني عالبكاء
يا قاسم العطاء

مصطفى صادق اللامي

#اللهم_عجل_لوليك_الفرج

يابيت الرسول ... شنهي الصاير ابابك
زلم تحرگ ... زلم تشتم ... زلم تدفع

يابيت الرسول ... انهتكت حرمة اعتابك
عِلت نارك ... ولا واحد ... إلك يفزع

وادم هاجمه بـ غلّها
اولا چن النبي گلها
بنتي لَحَد يوصلها ... اويلاه

يرضّيني اليرضيها
يـأذيني اليأذيها
واحاسب باچر اعليها ... اويلاه

هتكو حرمته ... وآذو زهرته
هجمو عليها ... اولا چنها بنته
وعصروها خلف الباب

سبط النبوه ... بكسرة سترها
محسن ابنها ... طاح بعصرها
وحـط بگـلبـها صواب


~~~~~~

حمّاي الدخيل ... يجهز نعش عافيته
اولا مسلم ... إجاه عانه ... وبگه لوحده

حمّاي الدخيل ... عدوانه ادخلو بيته
واهو بهمه ... وي ابن عمه ... وجرح فگده

مشغول بـ اخوه حاله
يجهز اجنازة آماله
عافوه مشو لعياله ... أويلاه

اموصـه درو فقاره
يسكت لو دنت داره
عبيد الكافر ونـاره ... أويلاه

غيضه يكظمه .. وصبره يلچمه
واليحمي جاره .. جاره اليظلمه
ويحرگ عله اهله الدار

أمة محمد .. خانت محمد
صفعت بضعته .. الله ولحد
وصاب الضلع بسمار


~~~~~~

زهراء السماء ... المبروكه الأرض بيها
امنعو عنها ... ورث طه ... الهداه ليها

زهراء السماء ... لرسول الله بواچيها
اشتكو منها ... لكثر ونها ... ونواعيها

مـا ترتـاح خـلوها
فوگ الظلم ظلموها
ومن الدمعه منعوها ... اويلاه

طلعت ويلي الِـ ايتيمه
لبيت احزانها وضيمه
وتنعه لفگد ابو الشيمه ... اويلاه

بفرگة ابوها ... شافت نوايب
الدنيه عليها ... صبت مصايب
اتهد بثگلها اجبال

جرة نفسها ... يلچم ضلعها
وصارت نحيله ... من گد وجعها
الشاهدها چنها اخيال


~~~~~~

مكسور الأمير ... جليس البيت والحسره
ولي الأمه ... الف وسفه ... اسلبو حگه

مكسور الأمير ... ومات بـدفنة الزهره
ذبل شكله ... وثگل حمله ... منِ الفرگه

الگبل بالعين شايلته
شاهد كسر فاطمته
الجانت تنوجع سكته ... اويلاه

ودعها ودفن روحه
وياها ودوه اجروحه
وعليها دمعته ونوحه ... اويلاه

هال الترايب ... فوگ الحبيبه
ورد اعله بيته ... بنار المصيبه
ودم يجري من العين

اتلگت دموعه ... وطوله التحدب
بمدمع هضمها ... غاليته زينب
وياها الحسن وحسين

~~~~~~

سجاد الگريزي

#اللهم_عجل_لوليك_الفرج

حوآر الأسى حولَ مصيبة مولاي القاسم صلوات الله عليه وما عاش من غربة بلا أهلً ولا أخوته وكانت الذكريات حولَ مصيبة جدهُ الحسين وعمتهُ زينب عليهم السلام لاتُفارق مخيلته أبداً فكان الحوار هكذا ...

(( ياغربة الروح ))


ياغربة الروح .... أصعب أحساس يعيشه الأنسان
ايموت مذبوح .... العايش غريبه وماله خوان

ياغربة الروح ....
نيشان الأمفارگ دمع وعيونه تحچي الصاير
اليتغرب ابديرة غرب بالعيشه گوه يكابر
المن يسولف غربته عايش ابكسرة خاطر

الغربه ..... عالگلب صعبه
ياحيرة الماله أهل
مكسور خاطر دمعته بعيونه

حاله ..... يشبه اخياله
متعوب بالفرگه اشكثر
مهضوم مايلگه اليگله اشلونه
"" "" "" "" "" "" "" "" "" "" "" "" "" "" ""
يتنفس اهموم .... بالغرب ينطيه الوجه وين
بالغربه مضلوم .... عايش ابغربة جده الحسين

يتنفس اهموم ....
يتذكر حسين ابغرب جده ويعيش الغربه
بالحافر حسين انسحگ والغربه سحگت گلبه
عاش الوداع وقصته اشلون اليوادع صعبه

ابنَيته ..... فارگ ابنَيته
يذكر رقيه الفارگت
عمهه وبوها وبالغرب مسبيه

يبچي ..... ابدمعته يحچي
الله يعينه ياخلگ
كلمن يفارگله عزيزه ابنَيه
"" "" "" "" "" "" "" "" "" "" "" "" "" "" ""
يتألم اهواي .... تعرض ابعينه الطف والأجروح
وحچاية الماي .... كلما سمعهه تطلع الروح

يتألم اهواي ....
تعرض ابعينه غربته وصيحات ذيچ الأطفال
وغربته ابجده أتذكره هٓل مُناصر من گال
ابنياته غربتهن مثل عماته بالطف والحال

تعرض ..... عمته تركض
وتنادي ياحيره الذبح
ماخله واحد من هلي

تنزل ..... دمعته تكتل
ويبچي الغريبه عمته
لا فاطمة يمهه وعلي
"" "" "" "" "" "" "" "" "" "" "" "" "" "" ""
إيتعب الليل .... يحلم الفاگد اهله يرتاح
إيخلص الحيل .... ابلا اچفوف الليل ذباح

إيتعب الليل ....
كلما يسير ينذبح بالطف وغربة روحه
المايمه اهله وخوته يحلم تطيب اجروحه
يحاول يضمهه دمعته بس بالغرب مفضوحه

الراحه ..... ينسه ونياحه
مافارگت روحه وألم
عايش هضم كل عمره

ابغربه ..... يندعي الربه
عجل ألهي بالأجل
صبري نفذ كل صبره
"" "" "" "" "" "" "" "" "" "" "" "" "" "" ""
ايموت ويموت .... مرتين كلمن عايش ألآم
ويتمنه تابوت .... العماته راحت سبي للشام

ايموت ويموت ....
الينشال جده عالرمح والغربه تسبي اعياله
لـبگـد ابنيته تنچتف واليسبي خشنه احباله
البالغربه مذبوح وتمر هاي السوالف باله

اتكتله ..... عمته عالهزله
يتذكر وتمشي بدرب
مابيدهه بس الحبل مجبوره

اتذبحه ..... وخاطره اجرحه
العايش الغربه والدمع
ويشوف اهله ابغربته ابهالصوره
"" "" "" "" "" "" "" "" "" "" "" "" "" "" ""
عبد زينب
محمد مسلم الأسدي

#اللهم_عجل_لوليك_الفرج

اذا ضاعت علي روحي وحرت بين الاسامي
اذا نيتي حواها الشك وبعد ما الها حامي
اشد نيتي بعلگ بخته ورد اگصد امامي

امان الروحي شباچه
شما ثگلت محاملها
وريث الكاظم وعطفه
غطة دنيانه بكملها
المالها ضمان وحل
بيده القاسم يحلها

يا قاسم ايمان الناس ..ورزق الخدم من عنده
عاده الكرم بيه والجود.. من والده ومن جده
صك الخدمتي رايد ... اليمدله چف ما رده

ماخاب من توسل وجاء
ياقاسم الايمان والعطاء
_

شكثر دگيت بالبيبان ولا باب انفتحلي
بسبب طبعي وعظم ذنبي وجهلت بطيني وصلي
وباب الرضا دگيت العفو طبعه وسمحلي

رؤف ورئفته تشبه
حنان ورئفة السلطان
واذا يطردني كل الكون
بحضرته الروحي الگه امچان
عدم لالي اسم لا لون
بجاها صار الي عنوان

ابابه اختم جفه روحي.. ويخلقلي عمر ثاني
وعر دربي وضعيف الحال..وخذت من سيدي ايماني
سلمته الامر مولاي .. ومثل ماراد سواني

وفي رحابه منتهى الجفاء
يا قاسم الايمان والعطاء
_

اخو المعصومه يعصمني وشفت غاية خلقتي
اذا مو عصمته مولاي اضيع اني وخدمتي
واذا جدمي عثر فد يوم يجي يمسح عثرتي

بجلاله وبجماله اسرح
وسلطنتة هيامي
خسف نور الكمر حسنه
وضواه فزز غرامي
وصبح وردي حروف اسمه
بصحوتي وبمنامي

الصبح ساقي بثواب اهله ..سقاني من بحر جوده
بوكت مامش جفوف تگود..بس اجفوفه ممدوده
لزم ركن الدمع بالعين..واني اركاني مهدوده

وصرت استحيه في الخلاء
يا قاسم الايمان والعطاء
_

بتاريخه الزمن عاجر شكد حاول يضمه
بشخصه شفت تتجله شكو انوار عضمه
طاهر من صلب طاهر من والده وامه

حفيد الصادق وعم ال
جواد وابن ابو محمد
الكاظم من نسل هاشم
جذر للزهره من ينمد
واخو الضامن گمر مشهد
ياهو بعظمته محد

حگي لو لذت عنده..حمامه بصحنه لويقبل
واكضي بخيمته عمري..وما استبدل اتوسل
تقبلني بحسن ذاتك.. غيرك ابد ما اندل

يانور رب الارض والسماء
يا قاسم الايمان والعطاء
_

تكفل غربتي وتترس هل دنيا غربته
احسن روحي بين اهلي من ادخل حضرته
مو بعمالي اگصدله . اگصدله برحمته

حشود ابابه تتوسل
ويمد ايده السخيه
العبد بعتابه لويسجد
وطلب منه عطيه
بمصابة الي يتوسط
اليالي الفاطمية

اجيته استجدي ادموعي..بليالي الزهره ينطيني
عهد دمعاتي شديته..بشباجه وملك عيني
وجمرت كلبي اتوسل ..ما تبرد على حسيني

نستأذنُ الدموع والبكاء
يا قاسم الايمان والعطاء
_

حسين سعد البهادلي

#شهادة مولاي قاسم الايمان والعطاء روحي فداه

#اللهم_عجل_لوليك_الفرج

#أبوذية

نميل وياها كلما - مالت امي
وامن الوجع كلش - ملت امي
ادور على الشيلة - مالت امي
عسى من اشتمها ترجع روح بيه

منقول ..

#اللهم_عجل_لوليك_الفرج

((اليتنفس گوه))


وشلونه اليتنفـس يانــاس گوه
والـــليل اليتعده مــو ليل بلوه
مالومه .. مهضومه
لطفالچ بس ظلي دمعه وسلوه

چـــــاوين تردين چــاوين يـــمْ الحادي
يــــايمه ويــــاچ ننـــخاچ كــلها تنادي
من دونج انموت والصوت مــــن أفادي
لـــلمگبره انــوب مـكـتوب ضيم وسادي

بــــالمـــدامع ودعت والــگلب جمره
ويــاشجون البلگلب فــاطمه الزهره
عگب بيت المرتضى ضــلمه وبحفره
والتراب اعله الجفن وبالجفن سطره

يافاطمه
يافاطمه .. ام الحسن
"""""""""""""""""""""""""""""""""""''''''''''

كل طيحه اعله الغبره تجرين ونه
الخاطرنه مـــــولاتي أطيحين ألنه
صيحاتي .. مولاتي
ودلالـــــچ يــــــايمه نـــــيران چنه

بالحسره تبچين وحسين دمعه بروحه
مــن طاح وياچ يـنخاچ يا مجروحه
يــــايمه عالباب ومصاب نــــار تلوحه
وظل يصرخ بآه أمـــــاه يـالمطروحه

بــالحمائل منچتف والــــده يشوفه
والزمن مابي عرف عـــاشو الخوفه
أمه طلعت بالضلع وحاله مكسوفه
مــــانوصف حالته بدمـعه مذروفه

يافاطمه
يافاطمه .. ام الحسن
"""""""""""""""""""""""""""""""""""''''''''''

ياوسفه للبيعه مچتوف حيدر
مـعقوله إيـــجرونه كرار ينجر
مقيدينه .. والينه
ينسونه بوگفــــاته ياباب خيبر

وبگـــــــلبه يانار مختار قَــــيد حاله
مـــــــن گله كرار فــــقار لا تـــــدناله
لو حـــرگو البيت وصيت ودمع الهاله
والمرتضى بحال بــحبال ودمع عياله

يـــاعلي يابو الحسن حــــالتك كلفه
انـــته قــــتال الشرك تنـچتف وسفه
يـــــاخــــلافه ياعلي انته ابو العِرفه
يا أساس الكل شرف ولــــلزمن عفه

يافاطمه
يافاطمه .. ام الحسن
"""""""""""""""""""""""""""""""""""''''''''''

والزهره من طلعت رجعو الوالي
تناديهم بالـدمعه ضــلعي أشوالي
بدمعتها .. بحسرتها
متهمني طيحــــــاتي ردو الغالي

والحـسن موجود ويگود أمه وحاضر
يــــادمعته وأوف ويشوف رد الكافر
طگ أمه بالسوط يـــاناس جرح الناضر
يشوف أمه عالگاع وبــساع جرحچ عابر

وشـعمل هذا العبد صعبه الحچايه
لو نموت من البچي مــوش وفايه
واليطيح من اللطم هايه مو غايه
الــــبرائه من العده غـــايتك هايه

يافاطمه
يافاطمه .. ام الحسن
"""""""""""""""""""""""""""""""""""''''''''''

عرش الله مـن حزنچ بـــآه وشيب
والــورثت احزانچ بــــالطف زينب
صَوْت جاء .. كربلاء
والحره من شافت جسمه مخضب

من شافت الخيل ياحيل ظــل وياها
مــن هدت الناس عــباس شو ماجاها
مو حرمه چاليش والجيش يتـــــلگاها
تـــعثر بجــــسام وأســهام يـا ممشاها

زيـنب وياحسرتي تنــهض وتعثر
خـايفه بلايه ولي هايه بت حيدر
والخيام أمفرهده والـــولي أموذر
بلايه چفين الگمر والـضعن بــالبر

يافاطمه
يافاطمه .. ام الحسن

عبد زينب
محمد الابراهيمي

#اللهم_عجل_لوليك_الفرج

لكَ العزاء...ياعلي
لكَ العزاء...ياعلي

تلوُج لوحدْك مولاي محتار
نحيله رويحتك من حرگة الدار
الصار بفاطم بهالكون ماصار
مامعقوله جنه اجيسها النار

حگك من توّن لو عسعس الليل
ترى فراگ العزيز يبريّد الحيل

لك البكاء... ياعلي
لك العزاء.... ياعلي

"""""""""""""""""""""""""""""
خريف يخون زرعك وانته فلاّح
ويأذيك الورد عالگاع لو طاح
لأجل فاطم يحيدر تسلب ارواح
صارت وبچفوف الغير تلاّح

راحت،والدمع مايطفي نيران
وتظل لشوفة الأحباب عطشان

هو العناء...ياعلي
لك العزاء...ياعلي

"""""""""""""""""""""""""""""
مهضومه وضواها انشاف عالگاع
ومن تهوى السفينه يضيع الشراع
تلوب أعليك حيدر وين هالساع
راح الحيل -وينك- والطفل ضاع

مااعاتب يحيدر ادري معذور
بس مابيه اگومن ضلعي مكسور

خبا الضياء...ياعلي
لك العزاء...ياعلي

"""""""""""""""""""""""""""""
مذبوحه الأماني وذاب الاحساس
وروحك بالصبر ماإلها مقياس
صار الهَم -يغالي- لشجرتك فاس
تبچي بسكته خاف تشوفك الناس

يبو گلب الچبير وحزنك چبير
تروح بليل تحچي اسرار للبير

هو الشقاء ...ياعلي
لك العزاء...ياعلي

"""""""""""""""""""""""""""""
وَهمْ خاطر عشت بعد ام الحسين
چنت وياها مثل الشوف والعين
من راحت الزهره ورادها البين
رحل حتى العطر من البساتين

ذبلت وردتك ماجور مولاي
چانت من چفوفك تشرب الماي

هو البلاء...ياعلي
لك العزاء...ياعلي


علي طعمه البطاط

#اللهم_عجل_لوليك_الفرج

يمه خل انطيچ ضلعي
انه اهون من اموت
يمه ذن چفين اديه
ادعي بيهن بالقنوت
الموت اهون يالحبيبه
الي من هذا السكوت
ييمه ..
الدنيا ماترحم بشر ماعنده ام
كلمة الأمك مشت تچوي العظم
وعطرچ بكل ركن بالمنزل نشم

هذا الحنان يضمه التراااااااب .. يمه
ياريت ماموجود هالباااااااااب .. يمه
شيصير يمه الضلع لوطااااااب .. يمه
__
يمه بين اعيونچ اني
جنت كل ساعه اطوف
ليش كل ما اصد هسه
وجهچ اتدورينه خوف
شني الي تضمينه عنه
جوه ايدچ مااشوف
ييمه
سامع ايِطيب الضلع من ينكسر
وكسرة الماعنده ام ماتنجبر
كون عيني ولاعيونچ تنسطر

ياريت ضلعي نصاب بسمااااار .. يمه
وانعصر هم واتچوه بالناااااااار .. يمه
يهونن علي لو وجهچ اندااااااار .. يمه
__
البيت من تموت امه
حتى حيطانه تنوح
لو جرح واحد يصيبچ
احنه ننصاب بجروح
غير ربيتينه بيدچ
وي ايدچ خل نروح
ييمه
لو كسر بالغصن شيضل بالورد
والتموت امه يعيش المن بعد
الأبو الخيمه لكن الأم العمد

من هجمو عله الدار والله .. يمه
من علي طلعت اه من ااااااااه .. يمه
طاح الجنين وطاح وياااااااااه .. يمه
__
حلم عدنا يصير اخونه
وماتحقق هل حلم
خاطر يباري خواته
من يمر بيهن هظم
حتى مالحك ييمه
كطره منه تطيح دم
ييمه
احنه موبيت الوحي وخير العمل
والله مانستاهل البينه حصل
ينحرك دار وكسر ضلع وطفل

بعده محمد جدنه مامااااااات .. يمه
وتزاحمت عالباب دفعااااااااات .. يمه
طلعت وأن من بين الاصواااات .. يمه

__
اللـهم بلوعة اولاد فاطمة عليهم السلام عـجـل لـوليـك الفـرج

محسن الحمداني

#اللهم_عجل_لوليك_الفرج

حال مولاتنا زينب العقيله عليها السلام
بعد رحيل مولاتنا الزهراء عليها السلام

======================

حزن تارس زوايه البيت
وچانت زينب العباس عمرها چان خمس أعوام
گوا نامت من الضيم
رادت راحه تلفيهه مثل الناس عود تنام

نامت وما چنهه نامت
بالحلم چم ضيم شافت
شافت العاشر يصيح = الماي

الگاع والخيل وزلمهه
كلهه تسبيهه بحلمهه
وزينب تصيح عله امهه =اهواي

يايمه الحگي لزينب
الحلم خوفني واريد احضانچ اليوم
يايمه وراي العاشر
بمشاعل يركض بعد ما ريدن النوم

======
فزت تبچي الطفله
ومبچاها خفي الصوت حلم خلاها مذعوره
فزت فزت المحروگ
رادت تشبگ الزهره وردت تبچي مكسوره

رادت تسولف حلمهه
لمهه والموقف لچمهه
بس تذكرت امهه مات = بليل

تگلهه رادت عن مصايب
الهزايل والخرايب
وفوگ اخوها حسين شافت =خيل

يايمه تنادي وينچ
الحلم خوفني == اريد احچيلچ الصار
يايمه يراحت زينب
اذا مو لمي ==اسولف المن احتار
==========
راحت دخلت الغرفه
وتشتم گامت بسكته بفراش امها مهضومه
عن لا يسمع الونات
حسين وينكسر گلبه حنينه وتبچي محرومه

لاكو ام تسمع وجعها
ولا اكو اخت تمسح دمعها
شافت الهم من زغرها =ضيم

تشتم بهدم الزچيه
وتحچي والچلمه سبيه
يمه بعدچ ياهو اليه = ضيم

محتاره =صفت محتاره
تگول لياهو ويداوي بيهه الاوجاع
يايمه الهظم كاتلني
مشيتي وعفتي زينب تشبع اوداع
====
مكسوره صفت زينب
لا ام لا اكو راحت بال وسابيهه ضلام البيت
تبچي وتحچي مهضومه
اليفگد امه واشلون ام لو ابچي عمر يايمه ماوفيت

تنادي ها يا روحي هيدي
ماتت امي فوگ ايدي
اشلون انه البس جديدي = اشلون

امي هايه الماكو منهه
بدنيا ما ابدل حضنهه
اشلون اكف بچيي وحزننه = اشلون

ما انزع = سوادي واضحك
واموت بحزني ريت العمر لا طال
يايمه عليچ اعيوني
نذر تبچيلچ وحالي عليچ ياحال

=====================
✍️ابو فضه الحميداوي

#اللهم_عجل_لوليك_الفرج

كأني بالسيدة زينب (عليها السلام) بعد استشهاد الزهراء وهي تركض الى ابيها تارة و الى اخوتها اخرى وتنادي...(گابلوني)💔




مو مخيم واج واركض
واليتم ما منه طلعه
بويه حيدر راحت امنه
ودمعه جرت بينه دمعه
حسين خويه راحت امنه
روحه ماضن بيها رجعه

يبو محمد گابل عيوني تعال
زينب اختك راح من عدها الدلال
الليله شمس امي يحل بيها المغيب
هاي اول مره احسن حملي مال

گابلوني ... واليتيمه اتدور مگابل بواچي
گابلوني .... هواي وجرن بالگلب ذني المحاچي



༺༺༻༻༺༺༻༻


ياهلي كلفه الزغيره
تشوف امها تموت يمها
اثمنطعش ورده تبدت
ردت لو بچفوفي المها

بعد بيها هواي عشره
وبابها الكاتل حلمها

حسين خويه شلون اصدك مستحيل
الموت مو ساعه هجر كلش طويل
يعني تغفه عيوني ماشوف البتول
وافز ما الگاها شيصبر الدليل

گابلوني ... الليله ما ضلت هموم و ما شلتها
گابلوني .... راحت امي الـ ما تعوف بيوم بتها



༺༺༻༻༺༺༻༻



بويه حيدر شيل راسك
لا تفت گلب اليتامه
وارفع ايدك ادعي ربك
ترجع أمي بالسلامه
بويه من بعد الزچيه
هذا يا ليل اللننامه

بويه شوف عيون بتك يا حنين
ذبلت و بايگ معانـيها الـونيــن
لاحگه أعله الضيم چا مو من صباي
هواي مضموات اليه من السنين

گابلوني ... هاي ليله بالسلامه ما تطوف
گابلوني ... لو اموت الليله لو اعمي التشوف



༺༺༻༻༺༺༻༻



حسن خويه الليله زينب
تمرد الفرگه چبدها
يا چبير عيال حيدر
هاي فجه الـ ما نسدها
راحت امي يا عضيدي
راحت وملچوم خدها

حسن خويه الحرمه مو مثل الرجال
من يهدها الضيم ما توگف محال
واني هداني الوكت بأمي يخوي
و النوايب صارن بثگل الجبال

گابلوني ... الليله من ضيم البواچي جفوني سود
گابلوني ... الليله اختكم رايــده امها و ما تهود



༺༺༻༻༺༺༻༻

حسين خويه الليله اموتن
شمس ما تطلع عليه
ساتر اجفوني تهدم
وفاضت دموعي من اديه
هيه مو حي الله حرمه
الرايحه مني الزچيه

حسين خويه التاكل بروحي العمر
اثمنطعش مو مال باب و تنعصر
هاي وادم ما رعت حگ الله يوم
الورده اليشمها مُحَمد تنكسر؟

گابلوني : الليله شاغت روحي وانعاب الدليل
گابلوني : الخشب بعيون اليتامه شگد يعيل

༺༺༻༻༺༺༻༻

محرم السيدة فاطمة

گابلوني_سماعي_دمعة


ابو نوح الكناني

#اللهم_عجل_لوليك_الفرج

#رَحلـتْ_فَاطمه


هيه مو حلـوه الملامه
وبين الاحباب اشحلاهه
رحتي عني ابلايه موعد
وبسمتي موتچ خذاهه
بعشّره حلوه اتجمعينه
ليش احس گلبچ نساهه
أدعـي يـومـيه بصـلاتي
ربي أخذ روحي وراهـه

صوت امن السمه .. رَحلـتْ فاطمه
الله ايعينك ياحيدر
وتـابــوت الضـوه .. اخذ مني الهوى
والله وظهري اتكسّر

======ـ

فاطمه محني ابوداعچ
والحزن خرّب مشيتي
وصلت أدموعي الأديه
وانتي لدموعي بچيتي
قـالـع الـبـاب وحسـافه
يحترگ بابي اويه بيتي
بأسمي تتنخه العوالم
ليش مو بيه انتخيتي

وي دمع الجفن .. طايح هالمتن
من اجروحي وتعبي
وهـداني الضلع .. شابـع بالدمع
ماصرت اندل دربي

======ـ

اذكــر ايامچ واذوبن
والطم عيوني ابأديه
فاطمة وداعة غلاتچ
حزني ما لايگ عليه
انظر البـاب وعـذابه
واذكر السطره القويه
بخدچ ابيوم الشفتهه
بالگـلب اعـظـم رزيه

جارحني الصبر .. ومليت اشكثر
حيلي ابــلا عينچ طـايح
واتــراب الگـبـر .. بي اشگد كسر
واشكد جدمي اعليّ رايح

======ـ

كلشي خانگني بغيابچ
يم حسن ايدي اعلظهري
ودي امــوتن بس اكابر
لخــاطر اولادي يعمري
الخاطر ادموع الحنينه
زينب التغفه اعلصدري
بحالتي كل ساعه اگولن
شلون اعيشن والله مدري

فاطم دنيتي .. باگت بسمتي
تلچمني روحي المالومه
يوجعني الگلب .. بالفرگه يصب
دمعه وحگه وما لومه

======ـ

- خيري الصفراني ✍️

#اللهم_عجل_لوليك_الفرج

اه يا شبل الزجية المنتظر

يا اخر انفاس الزجية فاطمة
يا وريث اهموم حماي الحمة
يالوجودك عمد صاير للسمة
هم الك مولاي يتبسم ثغر

اه يا شبل الزجية المنتظر

هم الك مولاي راحة امن الدمع
وهالدمع هم اله ساعة وينگطع
لو تعز اعليك مكسورة ضلع
امك الزهراء ومجهولة قدر

اه يا شبل الزجية المنتظر

النوم مكتوب ولزوم اعلى الجفن
ينغمض من ظلمه الليلة تجن
من نمت مولاي گلبك مطمئن ؟
لو نمت وتفكر بجذع الشجر

اه يا شبل الزجية المنتظر

براحتك تكعد گبل طرت الفجر
لو تفز وانت گلبك منكسر
خاف شفت امك الزهراء تنعصر
وگعدك ثارك يمكسور الظهر

اه يا شبل الزجية المنتظر

بماي من تتوضه وعيونك تشوف
وبرودته تحس بيها لو لاح الجفوف
تذكر العطشان التحيطة الالوف
ضامي فاضت روحه يم شاطي النهر

اه يا شبل الزجية المنتظر

وبصلاة الليل الاطمن النفوس
تذكر الصلتها بالهيمة بجلوس
الخلت اخوتها تحت حر الشموس
مجتلين وما سلم منهم نحر

اه يا شبل الزجية المنتظر

الف عام وهذا حالك سيدي
ليمتى گلبك من مصابك ينحدي
يمتى فقارك احكامة تبتدي
هواي يا مولاي فقارك صبر

اه يا شبل الزجية المنتظر

ما تضل هيج ولزوم الها فرج
يجي يوم ونسمع المهدي خرج
وعذر ماكو اهناك ما تنفع حجج
من فقارك يومها ماكو مفر

اه يا شبل الزجية المنتظر

تضمين
وتصلب الجبتين من فوك اشجرة
والدفع باب البتول الطاهره
ضهره بيدك يا غيور اتكسره
وكوفة الكرار تصبحلك مقر

اه يا شبل الزجية المنتظر

وتنسعد بيك الگلوب الكابرت
الالها صار سنين جيتك ناطرت
البسبب حبك هواي تغربت
جيتك اطيب شكو شيعي انكسر

اه يا شبل الزجية المنتظر

عبدالله الفريجي

#اللهم_عجل_لوليك_الفرج

(( طلگت الفرح ))


طلگت الفرح ساعة مِشيتي
ورافگت الحزن والدمعه بيتي
بعدچ بالقنوت أدعي الهي
ياخالق علي عجل منيتي

... ياعلي گلبك الهم تره إيلمه
... راحت أم الحسن زهرتك فاطمة .... والهم بقالك
... ياعلي وياها ماينفع اكبر صبر
... مثل الاهلال عليهه تخلص العمر .... وتشبه خيالك

راحت زهرتي .... وطاحت دمعتي
الدنيه كلهه .... تسمعهه ؤنتي

حيدر منيته .... وياها ريته
يصعب عليه .... وحشه يبيته
"" "" "" "" "" "" "" "" "" "" "" "" "" "" ""
مايكفي الدمع عضمه الرزيه
مايصبر علي ابفگد الزچيه
ماكاسر ضلع بس منچ الباب
وحقچ منطبگ بابچ عليه

... صعبه عشرة عمر تنتهي بالجفه
... وياخذ الباب اميرة علي أم الوفه .... يازهره حيره
... يغمض اشلون علي ويستراح الگلب
... وهوا فاگد زهرته ويعيش الغرب .... صعبه وچبيره

مابيده حيله .... ليله اعلى ليله
تكبر حسرتي .... الفرگه طويله

اليبعد حبيبه .... يكبر نحيبه
تخلص حياته .... آآه ومصيبه
"" "" "" "" "" "" "" "" "" "" "" "" "" "" ""
اليفگدله محب لمن يسافر
بيته ابفرگته اتصير المگابر
والله اتحيرت ساعة دفنهه
دافن فاطمة لو روحي حاير

... اول بنادم ايموت وهوا عدل
... القالع الباب يسويه وداعچ كهل .... تعبني فگدچ
... اتغير وع الحياطين علي اتچه
... العمر ماباچي طاحت دمعته وبچه .... ومغيره حزنچ

دمچ بقالي .... ذكره ابخيالي
ميت وحقچ .... اليفگدله غالي

ليل اليمرني .... يكبر يحزني
باب الرزيه .... عنچ بعدني
"" "" "" "" "" "" "" "" "" "" "" "" "" "" ""
اليدفنله محب يرجع تشوفه
محني ويمسح ادموعه ابچفوفه
ماحاير گبل حيرني گبرچ
لابيه اضل لابيه اعوفه

... اتحير العمره ماحاير ابشده ابد
... موتي ياروحي شكثر هضيمه بعد .... ياروحي
... شيب البعده شاب ابوادعچ تره
... باقي ليل ونهار ابكسر خاطره .... بدموعي صوتي

شصبر يروحي .... اهوايه جروحي
ليلي ونهاري .... امرافگني نوحي

تاخذني حيره .... وتردني حيره
الفرگه عليه .... فاطم چبيره
"" "" "" "" "" "" "" "" "" "" "" "" "" "" ""
خادم السلطان
سيد محمد الياسري

#اللهم_عجل_لوليك_الفرج

مالي وقفت على القبور مسلماً
قبر الحبيب فلم يرد جوابي
أحبيب مالك لا ترد جوابنا
أنسيت بعدي خلة الاحبابي

رحمي غريب ومنكسر يا جوهرت روحي
سمعيني صوتج فاطمة وكطعي دمه جروحي
نوحي التسكنينه قبل هسه انفضح نوحي

يا انيست علي في غربته
من مشيتي ولته حسرته
كومي مسحي دمعته الجرية
اخلافج اتنومه حيدر دمعته
،،،،،،،،
نفسي على زفراتها محبوسةً
ياليتها خرجت مع الزفراتي
لاخير بعدكِ بالحياة وأنما
أبكي مخافةَ ان تطول حياتي

علة وجودي فاطمة وحيلي وقوا ايديني
ابلا فاطمة اللحظة التمر صعبة على سنيني
ياضوه عيني وموتج الطفه ضوه عيني

مو علي الي تعرفينه صاير
يمشي بدموعه دلاله حاير
شنسه منج يزهرة حياتي
افراكج الما يخليني اكابر
،،،،،،،،،،،،،،،
كنا كزوج حمامةً في أيكة
متمتعين بصحةً وشبابي
دخل الزمان بنا وفرق بيننا
إن الزمان مفرقُ الاحبابي

كسرو ضلع منج وأنه كسرو أمل عمري
ياصبر لي هَدي علي وانه ادفنت صبري
اليكسر ضياغم بالحرب موتج كسر ضهري

الـ بالحرب أصلب امن الحديدي
اخلافج امن القهر ترجف ايدي
صايم بحزني راح ابقى دونج
عيدي انتي ومشى امن ايدي عيدي
،،،،،،،،،

عباس اديب المالكي

#اللهم_عجل_لوليك_الفرج

يافاطمة يافاطمة

****

يل كاسر ضلوع
ياباب الجذوع
مخليني إطفه واشتعل نار ومصاب
فاطم وره الباب
صدر السمه انصاب
دمعه بجفن طاحت تسولف ياعذاب

ظهري نكسر بمصابج .. كلما امر ابابج .. بنفاسي دُخان
گلبي يفز لعيونج .. وايتامج يريدونج .. بيتي امتله احزان

كلما يمر طاري الج دمعي يهل نهران
يم الحسن ضاع العمر بالونه والأحزان
اني علي يافاطمة بنعشج رحت دفان

طاح العمر ... يم القبر
يازهرتي .. ضاع الصبر

يافاطمة يافاطمة

****

شايل نعش نور
يادرب الگبور
شيعتها ودربي رسميته أبجروح
اصعب جرح چان
بم حسن دفان
واليشيع غالي يرجع كله نوح

يم الحسن حاجيني .. مافززاج اونيني .. ضاع العمر ضاع
الفاتحه أمن اقراها .. فوگ القبر ونعاها .. ياكسر الضلوع

جان الحلم نگضي العمر وانتي السند للروح
هسه بغيابج فاطمه ماأهوه غير النوح
صبري انجله يازهرتي بجرح الهجر مذبوح

فگدج صعب .. كاسر گلب
حيدر علي .. ودمعي يصب

يافاطمة يافاطمة

****

بروحي تشب آه
الغالي فگدناه
18 عمر الورد مومالت اجروح
گلبي الشبع ضيم
بجفوني اثر غيم
هوه اليفاركله غالي اتشوفه مذبوح

واضح جرح بعيوني .. اطفالج يسألوني .. آمنه متى تعود
زينب تون يم بابج .. ضاعت عليها اخبارج .. والغالي مفگود

هاي اليتميه اتحيرت زينبنه ماترتاح
مابيدي غير اصبر بعد وادري الصبر مفتاح
اليدفن حبيبه بنص لحد مايلگه غير اجراح

ام الخدر .. هل تنتضر
بسيل الدمع .. حد الفجر

يافاطمة يافاطمة

****

ليل الفگد صار
من عنده احتار
ماتغفه عيني أو اشبع بدمعي اليصب
ياجرح الاحباب
منه الجفن ذاب
ايهزني يالزهره الهوه لمن يهب

الفركه هدت حيلي .. صاحي ونوح ابليلي .. فاجعني المصاب
بدري بتمامه مشيعه .. راجع كسير ابدمعه .. وبثيابي الاتراب

بجفوفي ادفنها ورد ومسح بالجفون
ذكره مريره ومؤلمه الغالي مدفون
والله غيابج فاطمه مبين بالعيون

كسرة ضلع .. نار وصفع
بابي احترك .. سال الدمع

يافاطمة يافاطمة

****

علي محسن الفرطوسي

#اللهم_عجل_لوليك_الفرج

#شور
قصيدة : مثل لون العَضد
لسان حال مولاي الحسين (عليه السلام) بفقد مولاتي الزهراء (عليها السلام)



يايمه ابنج .. واريدج
رجعيلي ابوسن .. ايدج
ما احمل البعد

صعبه عَلَيْ .. ييمه
وجهج كبر .. يضمه
يمج اجي وارد

يمج اجي وارد .. بلكي الله عينج تنفتح
كلبي انمرد مرد .. اعليج انشلع ياكبر جرح
مثل لون العَضد .. باجر شفافي وانذبح

باجر عطش يمه
والكلفه والهضمه
زينب غريبه بنص اجانب

واليكسر الخاطر
ركضتهه بالعاشر
تعثر اخيتي وانا اراقب


===============

دار الوكت .. علامه ؟
وصرنه صدك .. يتامه
يتامه وبزغر

وميته ييمه .. زغيره
هسه لون .. جبيره
مو كدرج الكبر

مو كدرج الكبر .. يالرحتي ميته من وكت
اعليج الدمع عمر .. دمعي ودمع زينب الاخت
وابونه منكسر .. حتى علي يكول اتيمت

اتيتم ابو الايتام
ويانه ضل مينام
نفرش عباتج نبجي سويه

ردنه الهلا بصوتج
ماردنه تابوتج
ولوني شحب من هالرزيه

===============

كلفه الرزايا .. باجر
بضلعي تكص .. خناجر
زينبنه حايره

شما تلتفت .. مصيبه
ينادوها يا .. غريبه
غريبه هالمره

غريبه هالمره .. ينادوها جي ما الهه احد
بالهيمه حايره .. لا من اخو ولا من ولد
دنياهه دايره .. تطب بقصر هاي الاشد

الما طالع الهه ضل
بسوك وسبي تدخل
يلاكوها بحجار وشتايم

يايمه يهظمني
تشاكف حجر عني
وبيها الحبل راسم علايم

===============

كلمات
الخادم حسن الكريماوي ✍️🏻

مثل الحـرير الشعر
ومثل الورد خوّته
شفنه إبتسامة خيم
من رفـرفـت رآيته

طب زلمه كلش كلف
صار الوضع يختلف

بـ أربـع جهاتـه علي
ومحد وصل شارته

يم ساقي الخيام .. مــا تــــذبـــل الــورده
عالخوذه ريشات .. وحده احله من وحده
متنومس حسين .. چــا غــيــرك اشـعـنده

ابا الفضلِ زلــزال .. هلا ابـرب الثگال
سلام الله عالزود .. العبرّ البي الجيال

ـ===•===•===•===ـ

يا خالس أكـبـر گلب
صيتك عِلىّ اعللنجم
ابفن الحرب محترف
والـيـوصلك يـنــردم

يا مُنـتـقــم يا وفــي
تچفي الحرايب چفي

زينب تصيح ابعلوّ
عباسي رب الــزلم

مستسهل الگوم .. هاي الحرب عيده
واگـباله يا ناس .. مـا تـعبـر الـصـيده
ما ثـنـه عبــاس .. مـن يـذبـح ابـأيده

أبا الفضل مهيوب .. يخلاس الحروب
جمالك بالطفوف .. سحـر كـل الگلوب

ـ===•===•===•===ـ

حي الـغيـور الشـهم
هبّت عجاجه الفحل
تبـرگ سمه الموزمه
راعي الكلافه حمل

لا يُـبـرد ولا تـعـب
والساتر الله غضب

بالهيمه طش الرگب
دم بالتراب انضحل

ما يلفظ انفـاس .. كلمن خـزر عينه
عـراك ابــن حيّد .. مـن أول اسنينه
صاحاله الحسين .. حي الله ساگينه

أبا الفضل طاعون .. دخيل الله العيون
دخيل الله من صال .. تحيرهه الفنون

ـ===•===•===•===ـ

يا قـاهــر ومقـتدر
والغيره غـيرة بدو
سبحـانه مـن ربتك
والله ونعمّ من أخو

طاهر حليبه الگمر
للخـوّه صاير ظهر

من فزعتك تنخلس
قاده ويحير العدو

بالفزعه معروف .. مـا ينـگـدر حيله
صـگـار الاسـباع .. حـط بيهم الميله
ما يـنـگحم صار .. هد كـافـل الشيله

أبا الفضلِ صايود .. ابن ذيچ الاحيّود
گمرها أم الابنين .. كسرهم كسر عود

ـ===•===•===•===ـ

- خيري الصفراني ✍️

كلام السيده زينب بعد رحيل أمها الزهراء :


يا يمـه بيتي ابلا ضوه
مكسـوره گـابلت الهوه
شـيردها گعـدتنه سوه .. يمه
معقوله اعيشن بالجرح
ويصبح اخـلافج صبح
يـزهره يذبـحـني ذبـح .. يمه

حيره .. هاي الديره
عفتي دارچ يالـزجـيه وغـربيتي
غـربه .. ضيم وغربه
روحي خذتيها وعلي لمن مشيتي

ويلي اعلضيمي اشلون بلوه
يا يمه صـرنه انــگــوم گــوه
طش الشـمل يا يمه الـتراب
راحـت ليـالي الكـلهه حـلـوه

======ـ

مـدفونه وابعينچ دمـع
گالــولي مكسـورة ضلع
ؤن الـگـلـب ما يـنسـمع .. يمه
هاي انه زينب والوكت
شيبني وبسرعه اذبلت
مو انـتي انه الي متت .. يمه

وينچ .. راحت عينچ
وحته تابوت الحزن يبچي عليه
حالي .. امدوهن حالي
يمه ويـاچ اندفـن لـو صح بأديه

كلما وصلت الـبـاب اخافن
ما حن ييمه اعليچ ما حن
مطبوگ يمه اعليچ ياحيف
وامتوني يمه ابؤني طاحن

======ـ

ضليت احـوم ابـمنـزلي
يملي الـدمع عيني ملّي
كل ساعه يشبگني علي .. يمه
ذابحـني مسمار الحـزن
وكلـمــا اشـــوفــنه اؤن
واذّكـــر احچــايــة وآن .. يمه

بلوه .. طحنه ابلوه
وهذا حيدر مختنگ من البواچي
گوه .. ايسولف گوه
امنالهجر وامنالبعُد وامن المحاچي

الچـــان التـهـابه الــدنيه كلهه
تالـيــته مـن دم عـيـنه هـلـهه 
خَربّ مَشيته افراگ الاحباب
اول طــلابــه ومـــا يــحــلـهه

======ـ

مشتاگه الچ يمه الگلب
وقـرانچ ادمـوعه تصب
وهـايه سبحتچ والترب .. يمه
مابي مـحـنـه ولا هـلــه
هــذا الــوكت ينكط بلّه
بــاجــر ورايــه كـربــلـه .. يمه

وسفه .. واكبر وسفه
ابلا دلال اشلون يم حسين ضعني
غيره .. مامش غيره
يمي وادم تضحك وينسمع ؤني

يا يمـه ويــاي انه اريــدچ
يزهـره اضيع ابـلايه ايدچ
انه الاميره العـدهه خـوان
لو انضـرب شنهـو اليهيدچ

=======ـ

- خيري الصفراني ✍️

آه يمه. يا فاطمه يا يمه

......................................................

گعدت زينب ابليله
يم گبر امها تشكيله
وحنانچ والبن. يمه الرضعته
فارگتچ وحس الدنيه ميته

يم گبر امها زينب سولفت هايه
علي يمه بغيابچ تايه ابرايه

يبچي .. علي كلما يصد لينه
يبچي ... ويخنگ صدره بونينه
يبچي ... الكاسر خاطره حسينه

يمه احسين كل ليله ابغيابچ
يشعل شمعه ويتاني على بابچ
يسولف بالدمع يمه بمصابچ
حسين اشتاگلچ چا ما تجينه

......................................................

يخيمة بيتنه وحيلي
يخلص بلدمع ليلي

كلساع الزمن يلچمنه سكته
عمر الضيم بعدچ يمي عشته

من واحد لوحد نحچي ادمووع
ياهو المنكسر من عنده ضلووع

نحچي... عن ضلوعچ وعنه
نحچي.... ضلعچ يمه كاسرنه
نحچي.... يمه البيت خانگنه

البيت بلايه أم شيلم شملنه
واحس ركضة عُمر وبعاد اهلنه
ونصد لچفوفنه ونمسح دمعنه
البيت بلايه أم نص خيمه چنه
......................................................

عيني نفتحت بضلمه
وعشت بحسرة اليمه
گوم الحاربتچ حاربتنه
كسرة ضلعچ وكسرت گلبنه

من نصيح يمه يبچي ابونه
چا عالبيت چنتي شگد حنونه

يمه ... كلشي بعدچ اتغير
يمه ... علي بس عالدمع يگدر
يمه ...علي بالممشه يتعثر

رحتي وصار بيتچ بيت اليتام
يمه وانه واخوتي وحته ابولثام
نتغطه بعباتچ گمنه وانام
اليفارگ ريحتچ كل ليله يسهر
.................................................

نار الحرگت الباب
باچر نفس السباب
هاي النار تحرگلي العبايه
ونصير انه وخواتي من السبايه

تسلب اخدور من ضعن الهوشم
شعده النار يمه وي الفواطم

النار ... حرگتلي اخو وامّي
النار ... باچر تاكل اخيمّي
النار ... منها وغيرو اسمّي

اسمي أم عون جان ابين اخوتي
سموني السبيه وطلع صوتي
المن عيشتچ يا أم عون موتي
راسي مشيب ومحروگ هدمي
……………………………………………
محمد عيسى المنصوري

#اللهم_عجل_لوليك_الفرج

مـن بـاب تــأديـب النـفـس..نـڪران ذاتـك بالفعل
مــو بـس كـلام ولـقـلـقـة..الـسـان وتخـالـف عـقل
حـب الانـا شيطان الك..المفروض الك فطرة طفل

ودمعة طفل كون..للضامي ومسلبينه
واليدعّي الحب..بالدمع تغرك عينه

عليمن تـدّعي الحب وانت ومرتاح
جـذب حـبـك اذا مـا يحمل اجراح
لــمّــن تـبــتـعــد عـن الــمـلـذات
تحب من صدگ لمّن تهوى الا نياح

دمع المحب لمّن يگـع يشـرح مـحبته
عالمـنـطـرح وبـلا هـدم ومسبية اخته
تناديله اهله امن الخيم تطلب فزعته

عيش بدمعتك اه
على الضامي اويلاه

حسين حسين
______
بأخلاص أخدمْ واقتدي ..واتـحـمّل الـما يـنحـمل
وأذرف دمع عينك لان..زينب بچـت فـوگ الهـزل
الخدمة درب الله الصدگ..عن هالدرب بالك تزل

وثبّتلك إجدام..وإلـسـانـك بهـالخـدمة
سهلة البدايات.. بس الصعوبة الختمة

سـهـل تـخـدم صعب تثبت بأصرار
تـرة الـمـا مچـوي گلـبـه يـبعد النار
الخدمة دين مــو بـس عـالمرامات
التخدمه افهم حياته بعيتله اشصار

ضـحّـى بـهـله لاجـل الخـدم واتـبـدّه دمّـه
لاجلك والي جم فاطمة تنعى اعله جسمه
بــالـك تـدوّر مـصـلحـة بـاخـلاص اخـدمـه

أخدم وانـت بحماه
على الضامي اويلاه

حسين حسين
_________
درب الأنـا مـا يعـدلـك..بالخـدمـة درب يعـتـدل
أصعـب بلاء ايـواجـهك..عـن خــدمته بالك تمل
كل حبل مابي منفعة.. بحسين بس حبل الوصل

اتفهّم وگول..مـيّـزني ليـش واخدم؟
ماعنده خدّام؟..حاشا الگمر متحزّم

المؤمن فطن كون وواعي تلگاه
مـا يـنـزاح جـدمـه الجدمه ويّاه
بـغــيـري لا تـبــدّلـنـي يـمــولاي
كلّه ومن صدق خـل طلع الـــ آه

خدّام اله بگد النجم واخـتـارك أنـت
إصلحْ كيانك وافـطن لـعـالم خدمته
المافاهم الخدمة چذب يفهم عبرته

أبچي لسيلـة ادماه
على الضامي اويلاه

حسين حسين
______
الدمعة أوضح منفعة..من هالخدامة تنحصـل
تـوصلـك مـراتب خـدمته..ما مـارّة ابالك تصل
صعبة الفعل لو طـبّقـت..والقول بالفم السهل

احذر بالاقوال..بـيـهـا تـنـال الـرفـعـة
بهبّة هوة وماي.ينطفي عمر الشمعة

(خـادم للـحسـين) اشمـحلى الالقـاب
ضوة اسمه ايشّع الك لو هالگمر غاب
إحــذرْ ثــــمَّ إحـذرْ تــنـــسـى مــولاك
بـنـسـيـانـك عـطـاءه تـنـسى الامصاب

ابچيلك بجزع ضعنه مشه لديره اجنبيّة
وام الـخـدر بـيـن الـزلـم صـارت سبـيّـة
يــكوم ويطيح اعله الوجه راعي الحـميّة

واخته بدمعه تنعاه
على الضامي اويلاه

حسين حسين
_______
الراسم الغاية بخدمته..للمهدي جُندي يمتثل
لـو مـات وانحطّ بگبر..يوزّر الچفن يرجع عـدل
من هسّة صفّي نيّتك..وإرسـم الغــاية وإستهل

من يظهر ايموت..كل عذر فايت وكته
ايـعـاتـبـك ليـش؟لو مـرّة شاء وشفته

صير أبيض وجه وإسعى لنصرته
وإسعى يجيس راسك فيّ يـمنـته
إشـهــر عِـلمـك بـوجـه اليـبغضه
كـلشي يحـين وكتـه استغل وكته

اسـعـى لنصرته وافهم احوال الرزيّة
للزهرة يصلب چم نذل مَسّ الزچية
ويرد دمه الطاحت هدر بالغـاضـرية

احضر ثاره ويّاه
على الضامي اويلاه

حسين حسين
________
كرار رحمن

يا زكية
يامن ادور القرون لمعرفتها
والعرفها وصل مرحلة الكمال
ولإلهه كلبه قر بالعبودية
يا زكية

امحبتج ورد النجاة
وبيج تتزكه النفوس
آمره لو مطمئنه
حددتها محبتج هاي الهوية
.
يا ملاذ المؤمنين
اليگصد الها العارفين
خاطر يوفقهم الله
ساعة استنباطهم
احكام شرعية الهيه
.
خالي گلبه امن الفقاهه
الما يقر بولاية الزهره النقية
.
اني ازغر واحد امن ابناء قومي
واقل منهم معرفة
وجايج مولاتي يا زهراء
ورايد گلبي نية

انطني نية
البيه تبعث روح عابد
والرجاء والخوف من ربي يصيرلي سجية

انطيني نية
التخلي بگلبي تقوى
وانت مولاتي التقية

انطيني نية
البيها اتورع على ما حرم الله
وروحي تصبح فاطمية

الوكت يمشي
وسيدي المهدي بعدها عيونه مولاتي جرية

اريد اصير لگلبه بلسم
ومن اكولن ربي عجل
كون من گلبي والساني
صدك رايد منه جية

رايد ارضيه
رايد ابجيه
رايد اشعر هو مالك كلشي بيه

نية
تجعل مني خادم
لائق بتمثيلي مولاي الامام
لمن اخدم بالمواكب والعيون تصد عليه

نية ترزقني مدامع
صادقة لاعظم رزية

بكربلاء الحجر يبجي
السمه تبجي
الوحوش دموع تبجي
اللي يرى والما يرى بكربله يبجي
للحسين السحكته خيول آل امية

انطيني نية
للمطيح دمع عينج
للحسين
وغربته
المسلوب واشفافه ضميه
للعقيلة الهاشمية
لجرح مولاتي رقية
يا زكية
انطني نية

عبدالله الفريجي

#اللهم_عجل_لوليك_الفرج

((يمه يمه))


يمه .. چم شوغه باتت چم هظم
يمه .. مــــن زغري حبيت اللطم
يمه .. ومــن عندچ وليش انحرم
يمه يمه
"""""""""""""""""""""""""""""""""""''''''''''

نسولف بنضره ودمع
شگد شماته ونستمع
ومحد يدگ بابنه وينشد علينه

يمه حيدر منمرد
يسلم ومحـد يرد
يمه فرحانيين لو سمعو بچينه

يمه علي
ذاك البطل .. عاشر نخل .. هضيمه
ذاك الولي
شَيب جـرح .. هــم نـذبح .. صميمه

صعبه .. صعبه الــورد ضايگّ ترب
صعبه .. عرش الله ليش وينضرب
صعبه .. مــو صعبه لا كلش صعب
يمه يمه

"""""""""""""""""""""""""""""""""""''''''''''

الحايط يون من نِونّ
يــــــمه للملگه نِحـنّ
آنه زينب والعـــمر عثره وملامه

حــــيدر يشـــــــيع وطن
حسين مات ويه الحسن
وآنه ميته بس جسد صاير علامه

عمري رحـل
متــنه بصــبر .. طال الهجر .. علينه
صار الاجـــل
يبچي الحجر .. ليش بقــهر .. حزينه

وينچ .. اديــــارچ ييــمه مضلمه
وينچ .. يمه انقهر حـامي الحمه
وينچ .. كل دمعه تصرخ فاطمه
يمه يمه

"""""""""""""""""""""""""""""""""""''''''''''

الديره صارت خاليه
مشـــــت ام العافيه
وياعباره بداخلي تشرح مصابي

الماتت أمه يظل يحس
مظلمه هــــاي الشمس
ويه الدمع يايمه مو خلص شبابي

يّــــرد الصده
راحـــت بعـد .. ام الـــولد .. شهيده
نـــــــار وعده
ومحسن بعـد .. حتى المهد .. يريده

محسن .. اول ذبيح مــن الخيم
محسن .. اول نحـر بعـــيونه دم
محسن .. والخاطره گلبي انهدم
يمه يمه

"""""""""""""""""""""""""""""""""""''''''''''

درب اليتم يا مَطّوله
وباچر ييمه كـــربلــه
وباچر سّوالف ذبح تشبـــگ نضرتي

باچر خيام امفرهده
باچر اضلن فـــاگده
ويبتدي شيب اهدعش يصبغ دمعتي

حيره وركض
وألزم طفـــل .. يفلت طفل .. مصيبه
بالماكو اكض
سوط ويطگ .. چف محترگ .. غريبه

كافي .. ياوكتي مو كافي الهجر
كافي .. كـــافي بعد مـن الجمر
كافي .. وهوه شبقه مــن الـعمر
يمه يمه

عبد زينب
محمد الابراهيمي

#اللهم_عجل_لوليك_الفرج

نادم عالمضى يحسين وياك
راح ابــجيك لسنين لخسارة

يزور احساسي عطفك وانه مغبون
وارد واتـنــاسى أيّــام الزيــارة

تاجرت اوي غيرك والربح ضاع
وعرفت اليحتضن حبّك تجارة

ضعت والدلّه گلبي للنبي قول
بكلب الشيعة لجروحك حرارة

بطلت اصطناعي لحزني وياك
من شفت الحزن للحب إمارة

سديت البصر وامشيت وياك
اعمى وبالبصيرة اعلن مساره

دريت الدنيا تكضي وتغمض العين
يجي يوم الگلب يذبل خضاره

مابيها نفع دنيانا يحسين
اذا ماصرنا لحزانك اُسارى

اذا ما يجري لجلك دمع العيون
من لا بارك الله بإنهماره

ضياعي بدنيتي واوهام الاسنين
نكثني منهن أتراب الزيارة

مرامي المو الك خلّيته للغير
وحرت بجروح ضعنك وانكساره

موش اعله المزاج وعالمرامات
اني بكيف جرحي واختياره

قراري بيد گلبي امسلمه يحسين
وانت ادره بحزن گلب وقراره

مثل أُفق الشمس بي حزنك يلوح
وحزنـك للگلب صـار احمراره

انكسار الـ مِن على الناگه يودعون
جسد والدلـهم بدمـع الحـيارى

الـ على التل نادتك يحسين يحسين
هجمت عالخيم يالوالي غارة

حـرام اعـلــه الرزيّـة اتهدّه لو يوم
وحرام اعله الدليل اتهيد ناره

لحد ما الله يبـعث صاحب الثار
واشـــد أوزاري واتـحــزّم لـثـاره

متوقّف نصر شيـعة علــي ليوم
يرد ويـظهـر الـمهـدي انتـصاره

يفرّق بالجسـوم وروس الاعداء
بـحـكـمـه ودولتـه وهيبة فقاره

كرار رحمن

#اللهم_عجل_لوليك_الفرج

#الليالي_الفاطمية


والله غربه .. من تشوف ام بيـتك تفرفح ألم
والله غربه .. لاضـلعـهه ولا ابــنها اللــي سلم

شتصير مـن مـاكـو دوه .. ايــطيـب ضلــعهه المكسور
شتصير وانت المرتضى .. وتـسكت عـله الحگ مجبور
شتـصـير وبـعـينك شفت .. خـد الـزجـيـه المسـطـور

شتصـير امن اتشاهد بابك
دم بي من اضلوع احبابك
لا انـت المـيت ويـــاهــم
ولا همه امداوين اصوابك

حزنك ياخذك دمعك يرد بيك
مجروح ودفنت ادواك بيديك

دوه دافـــن بالـگــبــر
گاضي حيلك والصبر

.........................

هايه شده .. مــن تشيـيع روحـك وانــت عدل
هايه شده .. من تشوف الصبر من صبرك يمل

يالكلشي بيدك شو صرت ..هالساعه بالگوه اتگوم
يم ولـدك اتـكابر گمت .. بـس انـت حيلك مهدوم
لـو مـا عـيالك ياعلي .. جا ما عشت سـاعه بيوم

لو ماهمه اتموت اوي امهم
عايش ضلــيت الخاطرهم
لفـراگ الـزهـره اتـسليـهـم
وتـگعـد يـم الباب اتلمـهم

وتمشون الگبرها امگاود اجروح
مسـموم .وسبيه . ونحر مذبوح

وهامه بـاجــر تنطـبـر
گاضي حيلك والصبر

..........................

يا عذابك .. من تمر عل باب ويلسعك جمر
يا عذابك .. اهنانه تتـمنه انت مدفون بگبر

مـن تعـبر ابـابـك تحـس .. بعـده الحـرگ والــدخان
وتتلاوه وي حيلك تضل.. عـــن لا تبـــيـن حـزنــان
بس انت مشيك مختلف .. واتكض گمت بالحيطان

اتكابر تبقه ايام اسنينك
عن لا تنزل دمعة عينك
بس لمن تعبر من بابك
اتشوف الدم ويعله اونينك

هـنا دم ابنك اتـبده اعـله الاتـراب
وحليب ام منجفي يم عتبة الباب

بعتبتك لـسه الـجـمر
گاضي حيلك والصبر

.......................

هيه صعبه .. مـن تـريـد اتـسولفك همومك لمن؟
هيه صعبه .. ومـاكـو غير البير ضل يا بالحسن

يم بيرك اتسولف هظم .. گلبك وضل يبجي البير
باب وجنين وفـاطمه .. و ايـتام شـتريـد اتـصـير
ماحاير انــت يـاعلي .. مـجبور هـالـمـره اتـحـيـر

يم البير اتصــيح بحــسره
كسرو ضلع ام بيتي الزهره
وذبحو ابني المحسن ويلي
هظمك يابو الغيره اشكبره

وليهسه اعله بالك موقف وحال
مـن مـروك يـم الـزهـره بـحـبال

وشافتك مـن تــنـكسر
گاضي حيـلك والصبر



ابو حميدة الشويلي

#اللهم_عجل_لوليك_الفرج

#ملمع
مولاتي الزهراء صلوات الله عليها
تخاطب مولاي الحسين
صلوات الله عليه





قد أوهنَ قَلبي دمٌ لا تبكي يا لِبَ الحشىٰ
كُلَ الرزايا قَطرةٌ و أنتَ البحارُ الأولىٰ
تَبكيكَ روحي وَلدي يجري عليكَ الما جرىٰ
﴿ يومٌ على صدرُ النبي يومٌ على وجهِ الثرىٰ ﴾

كف دمعك ييمه و عوف ضلعي
كبالي انته يذخري أعليك انعي
لا تبچي يروحي

نطر گلبي بدمعتك يابو گلبي
آنه اول مره يضل بزري تعبي
ليهَيج جروحي

يامن تضل لوحدك بين الگوم
لا تبقه مكسور الدليل و مهضوم
كلما تسيل دموعك أعطشلك شوف
و بس أنته الأعرف بلعطش يا ملچوم

========================

مَن ذَا الذي يُبكيكَ يا حُزنٌ فَلا تَبكيني
أذّ كانَ في الموتُ الجفىٰ فَأقرب ولا تَجفيني
ليسَ الضلوعِ الأذيَ أنتَ الذي يؤذيني
تُذيني حَقاً حينما تَبكي أمامَ عَيّني

باجر يمه صدرك وين أضمه
البي ريحه مُحمد وآنه أشمه
توصله الحوافر

أم تشوف أبنها يطيح وَحده
الماعنده اليعينه شنهو عنده
كلي شلون أكابر

أتحمل جروح الضلع و البسمار
و أنساهن جروحي من أشوفك محتار
علتي ييمه مو كسر حرگ البيت
العله الچبيره طيحتك هية النار

========================

قُم و أمسحَ الدمعهُ الذي حالَ العذابُ بيننا
قد قُطعَ قلبي الشَجي لا تبكي ريحانَ الضنى
تلكَ الدموعُ الجاريه في كربلا تَقتُلنا
أنتَ الذي فوقَ العولى تحتَ الخيولِ ترتما

جوه الخيل اشوفك يمه تدري
خدرك انته خدري و طلع خدري
تطلع زينب أختك

يمه أصعب مصيبه بهل ثواني
تركضلك نسائك حتى أني
ما ترحم غربتك

أعثر و أجيك لكربله يمه حسين
و هنا يصير ملاگه بين الضلعين
ضلعي التنوح انته عليه بحسرات
و ضلعك ألمه يمه بين الچفين

========================

صَرعٌ على تلكَ الثرى لا تَستَحي خيلُ العدىٰ
حَتماً سَتُقضىٰ حالتي فيها التُسمىٰ كربلا
أنتَ على حَوضِ الدَمىٰ يبكيكَ قَلبي من دَمىٰ
يا روحَ طه يَعتلي فوقَ الرماحِ اليُبترىٰ

و انته اعله الرماح يروح لونك
يا يمه هظيمه يتعبونك
و تعبك يمه تعبي

كون آنه الأنوح اعله المصيبه
الأميره تصبح خلافك غريبه
هنا شلعانه گلبي

تدري الغريبه بلا أخو تدنگ الراس
و انته ضحيه علـ الترب بين الناس
ما يبقه والي و يلحگ عيون أم عون
و كافلها طايح علشريعه العباس

علي حسين الخفاجي

#اللهم_عجل_لوليك_الفرج

مولاتي فاطمة الزهراء(ص) قبل الرحيل تحضن وليدها الحسين(ص) وتشمة بصدرة وتقبلة بنحرة وتبچي تدري بلراح يصير…


شمتة بصدرة
وقبلت نحرة…تدري موتة ينذبح

تبچي وتضمة
تگلة يا يُمة…بكربلة حضني يشح

يُمه يوليدي
ابقة بين ايدي…ياخذك مني الرمح


اشرب ييُمه الماي اگبالي
باچر يشح الماي__
وبحضني يبني طولّ منامك
باللطف ولاكو فياي__


شلون يبني شلون_ماكو فياي بوسط الهيمة
تحير حيل تحير_تشوف بعينك حرگ الخيمة
يموت كلشي يموت_محد مثلة لعاشر ضيمة


اه…ااايحسين يايُمه…

__________

تقبلة بچفة
تمسحة بلهفة…تدري بلخنصر يروح

كلشي تحسبلة
لكربلة تعدلة…كلشي بلعاشر جروح

تمسح اعيونة
تعاين بلونة…تذبل الوانة وتروح


يذبل جمالة ويرحل كلشي
ضامي تعرفة يموت__
وبصدرة تشتم تدري بمصيرة
ياويلي خيل تفوت__


تگول اه تگول…خد وليدي ينام بصحرة
فياي ماكو فياي…وكلها تعرفك ابن الزهرة
تنام من تنام….يُمه الخيل تهدلك عشرة


اه…ااايحسين يايُمه…

_______

والجروح تزيد
تبقة انتة وحيد…تلتفت محد الك

والخيول تغار
وحدك تحتار…تنذبح كلها هلك

والمصيبة الماي
يذبحك بهداي…گطرة لا ما توصلك


تلتم عليك خيول وعساكر
ماتبقة الك خوان__
بعينك تعاين نار الخيمة
اهنانة تضل حيران__


يضيع كلشي يضيع…لمن عينك تنضر زينب
تروح وين تروح…تصير الخيمة جمره وتلهب
ضيم تحمل ضيم…من فراگك زينب تتعب


اه…ااايحسين يايُمه…

_________

تنذبح ضامي
وترحل احلامي…تنتهي وكت الضهر

كربلة غربة
وشكثر صعبة…زينب تحير العصر

ينتهي كلشي
وبلدرب تمشي…وينكسر گلب الخدر


لمن تودعك تصبح غريبة
هواي العقيلة تحير__
متعودة يمك تگضي عمرها
تالي وحيدة تصير__


تصير حيف تصير…من عيونك تالي بهزلة
جروح كلة جروح…درب الغربة يهضم كلة
شام اه الشام…ماضن زينب تصبر عدلة


اه…ااايحسين يايُمه…

_______

✍️محسن الباوي

اللهم عجل لوليك الفرج
_______


لحن القصيدة 👇👇

#شنسه_منك
گعديه


شنسه منك يا بـوفاضل ..
يا حلو العشره وملذهه
روحي توجعني وتريدك ..
روحي بس انتَ اليردهه
مـاكـو يا عـبـاس مـنــك ..
و لاكـو من خوّه الشلتهه
ضعـني يمشي ابلا دلالك ..
دنيه من دونك عشتهه

مني الهوه .. يخجل گبل .. ما مس عباتي اگبالك
هسه صرت .. كلما طحت .. يخنگني خلهه ابالك
ريــتـك تـرد .. يا عـازتــك .. ويـرد دلالي ابجـالك

مــو غـريبه ولا سبيه .. الحـگ ونــادي عـليه
تعذبت روحي ابحبلهه .. خويه ومورمات اديه

=======ـ

گلبي حنّ لأيامه خويه ..
والسنين الـمـا املـهه
امدللـة روحـك وأميره ..
وهيبتي محد وصلهه
ابلا وجوه الغربه يمي ..
ولابچي عيوني وثگلهه
ياطلابة روحي صعبه ..
خويه بس انته التحلهه

وضعي صعب .. وانه ابدرب .. تبچي اعلحالي الناگه
خويه اذبلت .. وأتبـهذلـت .. هيجي الحبيب افراگه
وداعت علي .. يا كل هلي .. بس خويه الك مشتاگه

يللي ما تـرجـع بعـد .. ما إلي غيرك سند
غيبتك محد يسدها .. اشما يجيبولي عدد

=======ـ

الشام بيّ الدمعه جمره ..
الشام بيّ الموت خطوه
الشام عَيّيد من وصلته ..
الشام بيّ انـفاسي گــوه
تعـباني وصرت اميلن ..
وما لگيت الروحي تچوه
اتحسرت خويه الدلالي ..
گبـل جـانت عندي خوّه

من كل كتر .. نار وجمر .. نظره وضحك واشماته
ما التفت .. ولا باوعت .. خـويـه الحچوه اهـوايه
من انجرح .. انه انذبح .. واتــمـنه يـمــي الــرأيـه

كل عذابي وكل محنتي .. سولفتهه انه ابصفنتي
ما شفت واحد رحمني .. حيل گـالـولي الـوگعتي

=======ـ

بيوم واحد راح كلشي ..
بيوم واحد خلصيتوو
مالت امنالضيم روحي ..
اگبال العيون انطفيتو
الـدنيه مگـلـوبـه علـيه ..
يل عـلـيّ مـا لـحگيتو
الخيل ما ترحم غـريبه ..
عني ليش اتأخريتوو

هيچي صفت .. ها يخوتي .. تعوفوني بين الودام
محـد فــزع .. شال الحبل .. وي طولي ما يتـوالم
ضليت أؤن .. وانـه الگـبـل .. هيبه وعزيزة هاشم

تعبوني ابديرة غربه .. ركضوني والله صعبه
ما گلت زينب خطيه .. والطريچ ابعيد دربه

=======ـ

- خيري الصفراني ✍️

((اذا عينچ))


اذا عيــــنچ تعــــاين داخلي وذاتي
شلـــــي بعيـــنهم يـــالزهره مولاتي
المهم عيني بدمعها وانتي موجوده
اهـــم شي گلبــچ اليسمعهن آهاتي

بجرح العقول الماكو صفاتچ
حــبچ ستــرني بخيمةّ عباتچ
اولادچ اخدم وأخــــدم بناتچ .. اريد

وكل وكتي صاير انعه المصيبه
امشي الغريب وامـشي الغريبه
هذا اليحبكم طــــــاهر حليبه .. اكيد

من صبه افكاري انتي ماخذه افكاري
وهايه ناري المصـــــابچ بالگلب ناري
هــــذا داري عـــزائكم بالعشگ داري .. بالعشگ داري

نــــور حبچ اجاني الضلمةّ عيوني
بيا مسافه واروحن واگصد جنوني
تيهــــوني الامس چـــــــانو يدلوني .. چانو يدلوني

"""""""""""""""""""""""""""""""""""''''''''''

الجزه والماجزه مــــــايلتفت بالي
وبسمــارچ أحـــسه يلــچم اقوالي
محسن جاي اشوفه بعتبةّ عيـوني
يارخـــــص العمر وشما غده غالي

ترخص حياتي المو انتي بيها
صحوةّ ضميـــر الناس بأديها
بديـــها تخـــــدم تلطم بديها .. عيون

البي نضره منچ يكــثر حضوره
بمجلس عزائچ غير انتي سوره
وحتى الحسين المجلس يزوره .. شجون

انتي قبلةّ عزائي ومنچ احزاني
وبوصفچ احيرن يعجــز لساني
ماضايع ولكن واگــــــف متاني ..
واگف متاني

ماضايع واريدن ضـــايع وحاير
يحسب اليخدمه يحسب الزاير
هوه هيچ اليحب والفـكر طاير ..
والفكر طاير

"""""""""""""""""""""""""""""""""""''''''''''

ياخيمةّ عــــزائي وشـهگةّ انفاسي
يل كل خير منچ ضايگه احساسي
فارغ راسي اجيتچ وانتـي مـولاتي
مـــن حبچ اريــدن ينترس راسـي

ترسيلي راســي حــب الامامي
كون اضمه آنه بچلمةّ يضـامي
ويدمه هيامي من اسمع يدامي .. حسين

ياريته عمري يگضي بنحيبي
مولاتي فاطم گالت سلــــيبي
وليدي حسين وليدي حبيبي .. لوين

هذا حالچ عزيزه وانتي مهـيوبه
بس ديارچ شگلچ كلها منهـــوبه
هذا چبده وهذاك منسلب ثوبه .. منسلب ثوبه

هايه راحت غريبه ومن يدليها
عــــالهزيله وحبلها لازم إيديها
مو جمرها حــــزنها ألي يأذيها ..
ألي يأذيها

"""""""""""""""""""""""""""""""""""''''''''''

ورى عيون السوالف روحي توجعني
ومــــاهماني بـــــاب وبابـچ يهـــمني
خــــــــيارين بصفنتي انـــتي لو انتي
وطبعاً انتي ياهوّ اليسوه كـــل حزني

دمعةّ حياتي تروي المـــواقف
ويرسم خيالي الهجمو طوايف
عصرو شجون وحرگو سوالف .. كتاب

جروحچ غميجه لا مــو طفيفه
وحمره بألمها عـــين الصحيفه
بگد حبچ ابغض اهل السقيفه .. اكتئاب

يــــامدينةّ مُحمد وينــــــكم محد
هاي زهرةّ محمد صارت ابلا حد
ماكو ناصر اجاها وبـــــالزلم ينعد .. وبالزلم ينعد

هذا عار التعنه والحطــب جابه
وروح مولاتي ضلت ويلي مرتابه
ويلي يابه تصيح الحــگني يايابه .. الحگني يايابه

عبد زينب
محمد الابراهيمي

#اللهم_عجل_لوليك_الفرج

#ندم خادم


جريت اذن گلبي وتبت ماعاود اعلى ذنوبي
وثوبي الگبل مابي نفع بدلّته أسود ثوبي

ندم شابع اجيتك وانت شابع ضيم
اعطشك وارتوي ومافكرت مرة
مولاي المثل شخصي حرام ايعيش
دور غير واحد يستحق عِشرة

نادم نادم .. اجيتك نادم اقبل
نادم نادم ..دورلي علكيفك حل
نادم نادم.. وسويني علجسمك ضل
حبيبي حسين.. حبيبي حسين
————————————————
يحسين وزهرة استحي كلما اجيك اتسامح
هم زحمه متحمل ذنب كلساعه جاي ورايح

امفكر بلذنب مافكرت فد يوم
شلون اخلِص وياك وياوكت انضف
اطب المجلسك واطلع اعدال اثنين
وارجع اذنب شما ذنبي احسن خف

نادم نادم .. اجيتك ذنبي يركض
نادم نادم.. اتوبن يمته واتفض
نادم نادم.. وفقط بس اسمك احفض
حبيبي حسين.. حبيبي حسين

————————————————

هاي آخر اذنوبي وبعد ما اذنب وما لچمك
يحسين صحيني وبعد خليني ابچي لهدمك

مولاي الذنب تعبني خل ارتاح
اخذ عمري علحبك ليلة العاشر
وحك اعيون زينب اني صح موخوش
بس يحسين واحد يكسر الخاطر

نادم نادم..احبك وادري مذنب
نادم نادم .. الذنب مولانا متعب
نادم نادم.. ندم خادمكم ايحب
حبيبي حسين.. حبيبي حسين

————————————————
مولاي حسسني ابغلط بس كلي قدر تعبي
واثنينهن رايد انه حبك ورايد ذنبي

مولاي اني واحد ما استاهل هيج
دلال وما استاهل خدمتك والله
مولاي انت اكبر اني فد افلان
يحس انجاز سوه ابيوم اذا صله

نادم نادم..اريدك انت جرني
نادم نادم .. علراي وصيغه حطني
نادم نادم..بوادي العشق ذبني
حبيبي حسين.. حبيبي حسين

————————————————
تستاهل انموت وعلي بس حرگتك مابينه
وشوف الشرف والله الخلَق من طينك مسوينه

يحسين الذنب مستولي گلبي اهواي
نضّف گلبي بيدك ايدك تنضفه
بلكت من ارد من محلسك فديوم
انام واگعد وكون الصبح اصفه

نادم نادم.. يبعد الماي كله
نادم نادم.. تصير الگلبي خلّه
نادم نادم.. عليك هواي سهله
حبيبي حسين.. حبيبي حسين

————————————————

✍️✍️ علي ميران

#اللهم_عجل_لوليك_الفرج

واه ويلاه على الكسروا ضلعها

ييمه أعليج ذابل كلبـــــــي والشوف
وصدري أمن اللطم يا يمه مخسوف
ليــــــل أنهار طيفج بالفضى أيطوف
أشما أريد أفزع أيلزمنـــــي اللجفوف

فدوة حاجيني ...يا نبع المحنة
...................................................
يم الباب أكعد من يجـــــــــــي الليل
وأسولف وي جذعها ومدمعي أيسيل
أمن أذكــــــــر طيحتج والآه والويل
أشهك يمه شكهة أتهدم الحيـــــــــــل

كون ألج جية...أشم أتراب جدمج
.....................................................
وي كـــــــل مغربية أشعل أشموع
وأشوطن شوطة البوليــــده مفجوع
ثكيلة أدموع عيني أشحال الاضلوع
من كسروا ضلعهـا بصوت مسموع

حيرتي حيره...حيرة كسر ضلعج
.....................................................
يريت أوياج ميته يمه يا ريـــت
ولا بعدج وحيده الوحدي ضليت
صوتج ذكرياتج وحشـــــة البيت
بيهن راسي شيًب والـــــج حنيت

ريحة أثيابج...أشمها وروحي تطلع
....................................................
مثل دور الرحى دهري بقه أيدور
وبكل غرفــــة أشعل شمع وبخور
الفاكد ماي عينيه ويمشــي مكسور
علي هــــــــــذا علي يا يمه معذور

الخذوا عافيته...يعيش ألمن ييمه
.............................................
الفاكد أمـــــــــــه يمه شله بالعين
وشله بروحـــــــه واحبابه بعيدين
تعاي وشوفي يمه الحسن وحسين
يم كبرج أجـــــــــوا عدلين ميتين

طيحة الدمعة...طاحوا يمه ولدج
.......................................................
خادم خدمة الحسين
الشاعر
محمد الموالي

#اللهم_عجل_لوليك_الفرج

راحت
ام المحنه وماترد
راحت
مهضومه نامت باللحد
راحت
لخاطرها ظل محني الورد

لو بس تجي بطيف وتمر بعيوني لحظه
وشويه بالخاطر.. همس... ياعالم ارضه
وبغير فاطم هالگلب مايسوه نبضه

ام الحسن.. سالفتي ياناس وهلي
ام الحسن.. بعدج فلا عايش علي

..............................

حالي
بعد الحنينه بلا سكن
حالي
وضلوعي من ضيمي انحنن
حالي
بت روحي لفاها الجفن

اهنا تگعد اهنا سولفت ساعه وحجينه
واهنا تذكرنه النبي وشكد بجينه
ياربي والفارگ ولف الله يعينه

راحت بعد.. مايرجع النام بگبر
راحت بعد.. ياريته ماطال العمر

.....................................

شوگي
ظل ياكل بروحي شكثر
شوگي
ماينفع لفگدج صبر
شوگي
ولياوكت راح انتظر

اتخطر ايامي المضت والباري يدري
وبلايه فاطم ياخلگ ماريده عمري
فگد الزجيه يادهر كاسرلي ظهري

شيّب علي..وسفه وبعد ماننجمع
شيّب علي.. وكون المشه يرده الدمع

.......................................

فاطم
صبر اليفارگ مو سهل
فاطم
بعدج جذب ماظل عدل
فاطم
فراگج صدگ يكتل كتل

شيسوي بيامه الفگد روحه ودفنها
والعين لو شح الدمع ذبّل جفنها
والكاع لو ما حوّه آدم ماسكنها

هوّه العمر.. بعدج يفاطم بس جرح
هوّه العمر.. بعد الحنينه بلا ملح

..............................

زينب
بالباب ظلت تنتظر
زينب
حسبالها يرد العمر
زينب
طفله ويتعبها الهجر

والراحت امه يحس غريب وباقي وحده
كل مغرب يهل الدمع وأيده اعله خده
فارغ مكان الوالِده ومحد يسده

كلش صعب... طفله وتموت امها بعجل
كلش صعب.. تعاين على وجوه الأهل

علي طعمه البطاط

#اللهم_عجل_لوليك_الفرج

رفعت ايدي وحبل بيهه .. هيج الينسبي حاله
صحتلك گوم يحسيني .. اجـتك خيـل چتاله
تره الحافر يخويه اعمه .. يسحگ كلشي اگباله
عمت عيني اعلچثمانك .. محد غسله وشاله

من عگبكم حالي حال .. ظهري ياخواني مال
ذبحك الذابحني ياخويه وعماني
تالي خدري ابلا فياي .. خلوه اعيونك وراي
تلتفت مهمومه وانه الهمّ چواني

كلهه طاحت ..
ربعك وخواني وخيامي انتلاشت
الخوه مالت ..
ومالت الدنيه ابكبرهه الخوه مالت
واستراحت ..
روحي من اتموت اگولن واستراحت

--+-----+---+----+---+ـ

التعب ماعايف عيوني .. ضيم ابضيم متروسه
الرآيه الغطت امتوني .. شفتها ابهيمه مديوسه
حگي امنسحل بروحي .. البراري تحرگ اشموسه
وعلي مشتاگه للكافل .. چـنـت ابفيه محروسه

راحت أيام الدلال .. وهسه بأيام الحبال
والله دنيه وصارت الخوّه بعيده
وين أهلنه گمت اصيح .. عثروني وصرت أطيح
شنهو حاله اليوگع ومچتوفه ايده

وين اخوتي ..
بيه شمسوي زماني وين اخوتي
ايا يـموتي ..
روحي مشتاگه وتريدك ايا يموتي
هذا صوتي ..
يهلي مبحوح وانادي هذا صوتي

--+-----+---+----+---+ـ

شكثر تتحمل الفرگه .. يا هو اليرحم بروحي
ياهو اليگعد اشكيله .. واحچيله عله جروحي
اخذ مني الذبح كلشي .. خلاني ابطرگ نوحي
يم راس الاخـو انـعه .. يمحبوبي ويمذبوحي

گتله يامن طشروك .. انه اختيك وين اخوك
من حضن گلبي خذوا طولك يغالي
ابوجهك الدم والتراب .. يشلع بگلبي العذاب
شاهداني اليدعي بس يلمح خيالي

اهوايه أخوه ..
مو ملامح حرمه عدهه اهوايه أخوه
والله گوه ..
گمت اجـر انفـاسي يهلي والله گـوه
هايه بلوه ..
طـاحــت اعليه وعـمـتني هايه بلوه

--+-----+---+----+---+ـ


- خيري الصفراني ✍️

كأني بأمير المؤمنين (عليه السلام) مخاطباً المسمار الذي تسلَّل إلى خزانة السرِّ الإلٰهي :

خابَ اعتذارُكَ أيها المسمارُ
فبِقَتْلِها لا تنفعُ الأعذارُ

بالبابِ بابُ اللهِ تعصرُهُ العِدى
وترى…فلا يعلو لكَ استنكارُ

للجارِ حقُّ الجارِ كيفَ بمنْ غدا
في البيتِ تملؤُ عينَهُ الأنوارُ

أنتَ اتَّحدْتَ معَ الجدارِ بِغدْرِها
وغدتْ تشدُّ على يديكَ النَّارُ

إنِّي وَجَدْتُ الكسرَ في أضلاعِها
فَلِزَندِهِ وسْطَ الضلوعِ أُوارُ (لهيب)

عجباً غداةَ نبتَّ في أحشائِها
أوَلَمْ تُلِنْكَ بصَدْرِها الأسرارُ ؟!

أولمْ تكُنْ أنفاسَ أحمدَ سامعاً ؟
فكأنَّما صدْرُ البتولةِ غارُ !

رَحَلَتْ وطولُ الحزنِ يَبَّسَ جِلْدَها
وعلى المتونِ لِجَلْدِها آثارُ

معصورةً ، مكسورةً ، مقهورةً
ولسوطِ قُنفُذَ في الزنودِ سِوارُ

آهٍ لقدْ رُفِستْ فأُسْقِطَ حَمْلُها
يا كيفَ تطلعُ بعدهُ الأقمارُ ؟!

آهٍ لقدْ لُطمتْ لينظمَ أدمعي
قرطٌ لهُ فوقَ التُّرابِ نثارُ !

ما كانَ أصعبَ أنْ تراني مُوثَقاً
وإلى الزَّنيمِ يجُرُّني الفرَّارُ !

كم قالَ ذاك الحبلُ وهوَ يشدُّني
عجباً أأنتَ الحيدرُ الكرَّارُ ؟!

علي عسيلي العاملي

#اللهم_عجل_لوليك_الفرج

لوحة فضائل فاطمه
محفوظه بلواح السمه
مخطوطه بنوار العرش
يارحمة الله الدائمه

بذكر أسمچ دوام النعمه يتجسد
سر معرفتچ الحق هو سر أوحد
تجلت قدرة الباري وعظم شانه
الموحد باسمچ الرب العرش وحد

ياقبلة علي وطه… الباري بنوره جلاها
زهرة الله والقرأن… وضح شنهو معناها
فاطم ليلة القدري… ونهر الكوثر اليجري
مايحتاج ألچ تبيان… نورچ سورة الفجري



أول مصاديق العشق
بتسبيحچ تلوذ الخلق
أسمچ وِرِد لهل السمه
وأنتي التقسمين الرزق

من أنخاچ أبد مايبقه أمر مُبهم
علينه بلا شعور الرزق يتقسم
يل چفچ علينه تصب فيوضاته
وتحت خيمة حنانچ بالدمع نلتم

عشنه بجنة أنعامچ… أحنه صرنه أيتامچ
بدونچ كلشي مانسوه… نأمل نبقه خدامچ
أمنيته العاشگ الحاير… الگبرچ يعتني زاير
يتعنه مشي الگبرچ… ويظل ليل المشي ساهر



أكره مقالات الزمن
والمايحب يدفع ثمن
والحب فقط ل أل النبي
ومفتاحه عند أم الحسن

بالسر من دعيتچ دعوة المظطر
ربيلي گلب خادم مثل قنبر
يوافي وياكم ويتخلى عن وقته
وعلى ألسانه ذكركم بالعشگ خضّر

أزكى نفحه نفحتكم …عطر الجنه ريحتكم
بقرأن العشگ والشوگ… أول صفحه صفحتكم
منكم يانبع أطيب …..… منكم يانهر أعذب
اليعشگ غيركم مغبون… منكم ياعشگ أهيب



نور الله ياأقدس ضوه
بيكم تجلى (القل هوه)
أل الله أنتم سادتي
وأنتم تسيرون الهوه

عليكم أتكل كل ما ردت أنظك
بيكم كل عسر وكت العسر ينفك
أللزم أل النبي لاشك يلزمونه
وبگلب المحب ماتلگه قطرة شك

بحبلكم معتصم گلبي… ما أتخلى عن حبي
رغم كل أختبار يصير… بولايتكم سهل دربي
حُب أل النبي منجه… حُجه ومنهم الحُجه
من قبل النطق حسيت… بأسمهم گلبي يتهجه
__
✏️::حسين حمدان الدلفي

#اللهم_عجل_لوليك_الفرج

(( شمس الحياة ))


شمس الحياة أنطفت .... والكلشي بعيوني مات
أمه التغمض بعد .... المن يعيش الحياة
مثل السعف ينحني .... كلما تمر ذكريات

رسمهه ....
مافارگ أعيوني وخيالي
وحچاية اليمه اعلى بالي
تراودني بطيوفي وسؤالي

رسمهه ....
من سافر وعافيتي راحت
وحچاية اليا يمه ماتت
والراحه يم العتبه طاحت

كلما يجيني الليل .... يسير حزنهه
أتذكر أمي اشلون .... اغفه ابحضنهه
اليتيتم من ازغير .... ويفارگ أمه
وياها روحه اتموت .... ساعة دفنهه

أماااه ....
انا عزيزكِ الحسين كلميني
"" "" "" "" "" "" "" "" "" "" "" "" "" "" ""
سلوى الصور والدمع .... للفارگ أمه تصير
يادمعة الماله أم .... تنزل تشيب الزغير
ليل اليوادع صعب .... يذلك لؤنك امير

ابفگدهه ....
تتنفس وخنگه تحسهه
حدر الترب روحك نفسهه
دافن هوء الريه وشمسهه

ابفگدهه ....
بعيونك الدنيه ضواها
هندس ومايصلح هواها
تتمنى بس موتك وراها

ماصخ تحس الزاد .... والعيشه مُرء
ويزغر الكون اتشوف .... والدنيه ذره
وحشه تحس البيت .... مابيه ضواها
الأم صعب ياناس .... فرگتهه كسره

أماااه ....
انا عزيزكِ الحسين كلميني
"" "" "" "" "" "" "" "" "" "" "" "" "" "" ""
بير المحنه نشف .... ومات الورد بالوادع
مثل الورد بالعطش .... الفاگد يحس بالضياع
كلما يسير ألـم .... تتفطر اجروحه گاع

تعاشر ....
ليل الثكالى والنواعي
الفارگ أمه ليله واعي
عايش حياته ماله داعي

تعاشر ....
دمعاتك ومو أنت أنت
مثل النعش تگضيهه سكته
تحرگ بلد گلبك حسرته

يتغير من الـ آه .... الأمه فاگد
وتحرگه نار الشوگ .... مثل الكواغد
ناحل هدم وعضام .... كلمن يشوفه
ينعه نهاره ادموع .... اوليله گاعد

أماااه ....
انا عزيزكِ الحسين كلميني
"" "" "" "" "" "" "" "" "" "" "" "" "" "" ""
صوت أمه ليفارگه .... يتذكره ابكل مكان
شمعه يذوبه البُعد .... ويتمنى لحضه الحنان
بعيونه تعرض صور .... أمه وهذاك الأمان

حضنهه ....
يتذكره وذيچ المحنه
والعشره وهنانه گعدنه
الماترد مابيهه ضنه
حضنهه ....
وحچاية اليمه الحنينه
يتذكر وتگصر سنينه
ينطي العمر لوصح بدينه

ليش النحب مَيدوم .... ويدوم ألمنه
نتمنى بعده الموت .... شلنه ابعمرنه
ليش العمر نگضيهه .... حسره وبواچي
ابصف گبره نتمناه .... ينحط گبرنه

أماااه ....
انا عزيزكِ الحسين كلميني
"" "" "" "" "" "" "" "" "" "" "" "" "" "" ""
بعيونه كلمن فگد .... أمه يموت الصبح
وليل الهجر والصور .... بجروحه حفنت ملح
من الزغر للممات .... مايبرء بِيه الجرح

حچيهه ....
يغفه ويفز تارس خياله
وحال الهضم والضيم حاله
فارگ حضن أمه ودلاله

حچيهه ....
يسير على باله وجروحه
ومن الهضم ماتبقه روحه
الميت گعد ليسمعه نوحه

صورتهه وسط الروح .... ترسم أذيه
وتخنگه من الشوگ .... كل مغربيه
ماعيش أبد ماشوف .... بالدنيه راحه
خليتي حفنه اجروح .... يايمه بيه

أماااه ....
انا عزيزكِ الحسين كلميني
"" "" "" "" "" "" "" "" "" "" "" "" "" "" ""
سيد محمد الياسري
محمد مسلم الأسدي

((ملح العشگ))


ملـــح العــــشگ من عتبتچ .. يافاطمه
الخدمه الصدگ من نضرتچ .. يافاطمه
يافاطمه
يافاطمه ...
"""""""""""""""""""""""""""""""""""''''''''''

يـــريعان الـــموده الشيمتني
بــخـــدمتها الـــزجيه كبرتني
وبــــالرئفه الحنينه وشملتني
ومن ايدي المجالسها خذتني

عـــزيز وأهـمل العين
وصرت بدفتر حسين
عفـــت الـناس للناس
وخذاني حب الحسين

دام الــــوفه مــــــن خـيمتچ .. يافاطمه
الخدمه الصدگ من نضرتچ .. يافاطمه
يافاطمه
يافاطمه ...
"""""""""""""""""""""""""""""""""""''''''''''

ألــــچ ممنون كل صبح ومسيه
ألــــچ مــديون يــــايمه الزجيه
فهمت الخدمه مو غايه وقضيه
الخدمه الـــوحدي بدمعه سريه

عشــگ النـيه تسديد
اليخدمچ هذا شيريد
المــــهم يافاطمه ويآ
وبــيدچ ماسكه الايـد

كـــل القـــصـص من قصتچ .. يافاطمه
الخدمه الصدگ من نضرتچ .. يافاطمه
يافاطمه
يافاطمه ...
"""""""""""""""""""""""""""""""""""''''''''''

يـــمـــولاتي بديـــچ الدنيا كلها
وأمـلاك الســمه هــيه وأهــلها
أنـــه بــس دمـعه جايبلچ اهلها
وأحس الدمعه خدمه وما أملها

أملن دمعتي شلون
أملن لــطم المتون
نخيتچ يأم الحسين
أريـدن ابچي عيون

تبــچي الســمه مـــــن ونتچ .. يافاطمه
الخدمه الصدگ من نضرتچ .. يافاطمه
يافاطمه
يافاطمه ...
"""""""""""""""""""""""""""""""""""''''''''''

ألچ طشــيت يايمه سنيني
وبيدچ كون ريت تحزميني
ومن هذا وهذاك اتبعديني
ومن حسين ريـت اتقربيني

بـــعد يــايـمه أقرب
عـــليچ بخدر زينب
عليچ الماشرب ماي
وألــ بـدمه تخــضب

هـــــذا الــــطلب من رئفتچ .. يافاطمه
الخدمه الصدگ من نضرتچ .. يافاطمه
يافاطمه
يافاطمه ...
"""""""""""""""""""""""""""""""""""''''''''''

يسالوفةْ محنه بمـاي جاري
الــمايدري بحنانچ آنه داري
أريد بخدمتچ ماتـطفه ناري
هيچ آنه ردت هــــذا قراري

أريـــدن نار تلضه
مثل مولاتي فضه
وأضلن دوم وياچ
وبـالنضره أتوضه

اصـــل الـــكرم من حضرتچ .. يافاطمه
الخدمه الصدگ من نضرتچ .. يافاطمه
يافاطمه
يافاطمه ...

عبد زينب
محمد الابراهيمي

#اللهم_عجل_لوليك_الفرج

يمة يزهراء يمة يزهراء

*-*-*-*-*-*-*-*-*-*-*

صـارت صـدك واللـيل وياي يعـانــد
شـينـوم ال بـالبـاب گـلبه مـشـلـوع

وشتكفي عيني المامعـلمتهه تفارك
يمه الدمـوع تريــد بالفرگــة دمــوع

مثــلج حنــينه الـعين ماشافت يمه
تشبگـين زيـنب وانـتي مابيج ضلوع

هيه المصيبة .. لمن يجي الليل .. وجروحي تحجي

ليش الحنينه .. مكسر ضلـعهه .. وخــلوهـه تبـجي

راحت  وعيوني راحت
طاحت عافيتي طاحت
*-*-*-*-*-*-*-*-*-*-*

جــاهيــه هــيج بــلا عيـون تـخــليني
اليفكد الشوف عزاز روحه مغمضين

يدفنــوني كــون وياج يمــه يـدفنوني
كلسـاع اگـل لـروحي ليـش تعيشين

شلــفايــده تضــلــين عــدلــه يـاروح
وعطــر امــج مــونس گـبور الميتين

شلي بحياتي..المابيهه عطرج ..شلي بــحياتي

وي كبرج هناك..مدفونه الاحلام..وي امنياتي

ليلي    شيخلصه ليلي
حيلي   كسرولي حيلي
*-*-*-*-*-*-*-*-*-*-*

عگــبج گــلت للــناس من تعزوني
يانـاس وي الفـاتحه ابجـولي هـواي

الـمافـاكد امــة لا يــراويني خــيالـه
مايحــس بالعـطشان الـمبلل مـاي

وجلمــة اليـمة لا تگـولوهه گبــالي
كلشي احجو يمي ولاتذكروني بهاي

كلشي احجو يمي .. بس طاري امي ..يكسرلي ضهري

انا اليتيمة .. حنو على حالي ..وحفضولي گدري

ياناس .. كلفة وهضيمة
رحمو .. الصارت يتيمة
*-*-*-*-*-*-*-*-*-*-*

الله يعثرة الباب ماشاف دموعـج
والله يعثرة ال على دموعج دفعا

مكسورة وتضمين دمعات عيونج
وبسكته لو نمـتي تــكولــين احـاه

تخافين لا تبجين وتسمعج زينـب
وتـكــابريـن وضـلعج انــهد ويـلاه

يملوحة البيت .. عكبج ترة البيت ..يايمة باهت

كطعو هوه الله ..بسمار الجروح ..بالـريه نـابـت

خنكة .. يـايـمة خنـكة
احنه .. عطرج نشهكة

-محمد الزيدي

#اللهم_عجل_لوليك_الفرج

قصيدة شور

للسيدة الزهراء عليها السلام
وامير المؤمنين عليه السلام


حبيتك لإن * شفت حبك وطن
حبيت وجنت ادري اليحب يدفع ثمن
اختبار أصعب ولي * ولأن بَس انتَ الي
لذلك قررت من انكسر قربى لعلي

هذا حُب
اليضحي بحياته ويعرف بتقصير وضعة
هذا حُب
اليموت امن الوجع بس يستحي ينشاف دمعة
هذا حُب
الما يهتم ولا يحجي اذا ينكسر ضلعة

وداعت عيونك يا علي هيه ونظرها
قربان احسب فاطمة هيه وكسِرها
أجري رضاك انت عَليه وهاي العيون
اخافن تبجي وتضيع أجرها

@
وآسيتك دمع * وبجي ما ينسمع
شفت حبك يريد التضحيه نطيته ضلع
بعيونك حجي * المن هالبجي
وأنه لو حَركت جفني اعله اسمك انتجي

يا علي
آنه السويته الك ما ينحجي تكليف واجب
يا علي
السويته أمر من الله مو فزعة گرايب
يا علي
وآنه الخاطر عيونك تَلگيت المصايب

لا تنكسر يا بو الحسن يابو الحمية
ممنونه الك ما قصرت عن الزجية
واعذرني اذا مره شفت محتركه الجفوف
مو قصدي اواريهن الك حگك علية

@
حبيتك صفة * مو من عاطفة
وصلت المرحلة امن الحب عبرت المعرفة
حب ما ينشرح *محسن منذبح
و خفت لو صيحن باسمك حيائك ينجرح

كمت اصيح
يا فضة الحگيلي ثكيل اعليه بابي
كمت اصيح
لأن انت اغلى من عمري وستر بيتي وشبابي
كمت اصيح
خلوو ابن عمي لو ترى أكشِف حجابي

يا عافية تضِل يا ستر يا حال حالي
مكسورة وركضلك ركض آنه وخيالي
لزموني عنك جي كمت مكسورة ضلوع
عوفوني كلتلهم ترى المجتوف غالي

@
صبرت اعله الاذى * لان كلشي انتهى
شهتم وآنه عندي ابيتي سدرة منتهى
انكسر ضلعي صبَرت * انغصب حكي صبَرت
ودفنت الما غفى بحضني ولا شفته صَبرت

هنانه لااااا
من توصل الك لا ياعلي اعلِك شموعي
هنانة لااااا
وخافن ضلع مني انكسر وأسبَل دموعي
هنانه لااااا
افزعلك اركضلك ركض وأكسر اضلوعي

ما ردت اشوفك تنجتف وتموت قبلي
وانتَ امامي من قبل لتصير بَعلي
ولو صار شي بيك انتهي وشيبقى بالبيت
وآنه بلايه عيونك بالهالدنيا شلي

اللهم عجل لوليك الفرج
علي الحسن

#اللهم_عجل_لوليك_الفرج

صح عفتك يخويه وعفت الخيام
بس ضلت مصيبه بكلبي نيشــان
من اسمع تنـــــــــــادي بين الزلام
وحق جدي محمد انه عطـــــشان

هل من معين ويسقني الــماي
هل من عبايه تصير الي فياي
بين العده وضليـت محـــــتار
وماضلي صاحب لااخـو وياي

حركو خيامي وخلوني ضامي
وين الهواشـــم واحسيناه
فوك المصيبه زينـب غريبـــــه
بضعن الفواطم واحسيناه
ــــــــــــــــــــــــــــــــــــــ
خويه بغربه اخيتك دون عبـاس
ويا طبت القصر زيدلي المصـاب
شلون انه غريبه تشوفني الناس
والهضمتني خويه وكفت البـــاب

شنهي الجنيته وامشي لشام
ع الهزله وانضر موت الايتام
ياخويه هيمة وحشة اليــــل
وايتامك بدرب الضمه تنـــام

حرمه وجبيره..وامشي اسيره
بين الــقبائل واحسيناه
كتلتني هايه.. نطلع سبــــــايه
فوك الهزايل. واحسيناه
ــــــــــــــــــــــــــــــــــــــ
من شفتك طحت وخــيول فوكاك
من الفوك المهر طايح ع تـــــــراب
بهل لحضه امنياتي خويه بجفــاك
يگرب خويه موتي وانسه المصاب

شفتك يخويه ع ترب ضــــال
ع تل اجيــــــتك والدمع سال
صحتك لجن ماتسمع الصـوت
خلص كلبنه والـــــضعن شـال

ع تل اجيتك..ابجي ونخيتك
خويه الحكنه واحسيناه
شافو خيالي.. وباگـــــو دلالي
كوم افزعلــنه واحسيناه
ــــــــــــــــــــــــــــــــــــــ
بيدك يا ابوفاضل اصعد النـــوك
وهسه الاجنبي يصعدني هـــزله
محد شاف ضلي وطبت السوگ
تهضمني يخويه وموش سهلـــه

مالت يخويه بل ضعن حـــيـل
من هجمت ع ضعونك الخـيل
واطفالك الكاتلهم الخـــــــوف
راحو سبايه و هندس الـــــيل

ضليت اكابر.. مكسوره خاطر
بل غاضـــريه واحسيناه
انه الجليله.. واسمي العـــقيله
صرت السبيه واحسيناه

مقتدى المحمداوي ✍️.

#اللهم_عجل_لوليك_الفرج

راحت الجانت تارسه البيت
ظلت بالگبر ولوحدك جيت
سولفلي يغالي انه الحسين
راسك مدنگ بويه رديت

بجفوفك شلت نيشان
باقي تراب غطاها
راجع بس جسد للدار
روحك ظلت وياها

ياغالي
تكتل صفنته الينهضم
ياغالي
جنك ابن فاگدله ام
ياغالي
سولفلي حزنك لاتضم

/////////////////

لو بالدمع يرجعلي اليروح
هاي الليالي اگضيها بالنوح
وشلون حاله الدافن اعزاز
تذبل جفونه وصوته مبحوح

الدمع للهم يسد عازه
بس للفاگد اعزازه
محدب يمشي بين الناس
مثل الشايل جنازه

شد حيلك
يابويه وامسح دمعتك
شد حيلك
ندري جبيره مصيبتك
شد حيلك
يابويه واحنه بعازتك

///////////////

قالع الباب بروحه محتار
مدنگ يون يم عتبة الدار
الماي يجرح فاطمه شلون
يحمل ضلعها صواب بسمار

تتلفت يسار يمين
زهره ومو حمل هضمه
زينب طفله يمها اصيح
هاي النار يايمه

حرگوها
دار النبي وسيد الملا
حرگوها
والزهره جنها بكربلا
حرگوها
وكسروا ضلع المدلله

///////////////

صارت يبوبه وجلحل الليل
وفراگ الحنينه يمرد الحيل
نامت روح حيدر حدر التراب
هاي سنين محد دافن الهيل

بيت بلايه ام مو بيت
وحشه وياعسر ليله
وزينب طفله ياكرار
تبجي وحاضنه الشيله

مهضومه
بنيتك يبوبه من الجرى
مهضومه
امها وهوت فوگ الثرى
مهضومه
وينك يسبع الگنطره

///////////////

حقك يبويه مدنگ الهام
والفاگد عزيز شلون يلاّم
والجانت احزامك ياضوه العين
عافتك يغالي وطاح الحزام

راحت بعد التواسيك
واصبرك على همومك
متغير يبو الحسنين
ضيمك غيّر رسومك

ياوالي
بحجابها اشم وتحن
ياوالي
ولفاطمه تنوح وتون
ياوالي
بالباب مكسور الغصن

علي طعمه البطاط

#اللهم_عجل_لوليك_الفرج

اللهم عجل لوليك الفرج


أين الطالب بدم الصدّيقة
أين الطالب بدم المقتوله


قرارك . نافذ قرارك
قرارك . يحچيه فقارك
قرارك . ينتضره سيفك. يغالب

شعارك . صبح ومسيه
شعارك . ثأر الزچيه
شعارك . بأم وطفلها . تطالب

يالسهرته ليلك . حگك تصيح بصوت
الزهره تشتكيلك . بثمنطعش وتموت
نادتك دخيلك . وحاشه الها ثار يفوت

ثأر انته طلابه شينسه . غير انته راعي الثار
مظلومه تندب خيرِ النسه . ومتانيه الفقار
دمعة يتيمه منتظرك . يا غيرة الكرار
__
تقدم . والحر يجيلك
تقدم . عَجل دخيلك
تقدم . ترفع يمينك . لواها

منِ الدم . اصبغ أرضها
منِ الدم . طول وعرضها
منِ الدم . لازم تفيض . لدمها

يالتهل علينه . بسبعة قُبب من نور
وتوصل المدينه . تلگه دمها اتفور
تعاين الحزينه . عدها ضلع مكسور

تگلك ييمه مني انسلب . ثالث سبط يا حيف
شعندي جنايه وبيا سبب . شايلته بس بالطيف
ومن بابي لسه بگلبي اللهب . ما يطفه بس بالسيف
__

بهائك . حتى اليعاند
بهائك . گدامه ساجد
بهائك . يكسر قواعد . يقاهر

لوائك . چف الله شاله
لوائك . اكبر رساله
لوائك . يرهب رفيفه . العساكر

منتظر قدومك . عباس اليحييك
مرتقب ليومك . يبرد غليله بيك
الزهره مالحگها . لاچن بقه يتانيك

هظم الگمر ودموعه الجرن . يم عتبة الزهراء
بس هالنداء بي يتنشفن . المنتقم قد جاء
گبالك دموع هواي انبچن . يا اكبر الاسماء
__
يمينك . للباري ايده
يمينك . وعده ووعيده
يمينك . وسيفك جلاء الرزايه

يناقم . حتى دمعتك
يناقم . دم من حرگتك
يناقم . يعني نظرتك . منايه

والدمعته حمره . إشحال ويسل صمصام
اليبچي دمه حسره . ايمطرها دم لو قام
غالب اشيگدره . وبس الله يدري شضام

كل الأئمة لهم فاطمه . بيهم جرح ما طاب
ايتانونك اتسد نزف الدمه . اليتفايض من الباب
انته البدء وانته الخاتمه . من الخيمه للمحراب
__

- سيد مرتضى الياسري

.
يا دار ويـن أم الحسن وين .. يمه يمه
يادار يبچي ويصرخ حسين .. يمه يمه
حنيت هسه اشوفهه العـيـن .. يمه يمه

يمه مكسوره هضيمه اضلوعچ
يمه عالباب چـفـوهه ادمــوعچ
هـــذا الحـسين يـؤن اكــبـــالي
يــذكــر الــنـار يـيـمه ولــوعــچ

ويلااااه يايمه .. ويلااااه يايمه

======ـ

راح الحنان وراحت الـروح .. يمه يمه
گلبي اليؤن اعليچ مـذبـوح .. يمه يمه
عفتيني ليش ابين الاجروح .. يمه يمه

يمه مشتـاگه احس ابصـوتچ
اگبــال العيون خــذوا تابوتچ
يمــه عالبــاب تفــرهد حـيلي
ما يــرف عين اشـوفن موتچ

ويلااااه يايمه .. ويلااااه يايمه

======ـ

معقوله اعيش امگابله الباب .. يمه يمه
وأمـي الحنـيه چــوه التراب .. يمه يمه
مو حـال هذا ايشيب الشاب .. يمه يمه

وحشــة البــيت چبــيره ابيـتي
يمــه الافــراگ اخــذ عـافـيـتي
مــدري اشلــون عشــت بالگـوه
والــگــلـب طــاح ولا رديــتــي

ويلااااه يايمه .. ويلااااه يايمه

======ـ

مهضومه راحت شمعة البيت .. يمه يمه
ؤنـت يــتـامه اللــيله ؤنـيـت .. يمه يمه
ما بيه اكـابـــر والله ضـلـيت .. يمه يمه

يمـه مـجــروح گـلـب والـيـنـه
يمـه بــدمــوع يــرد اعـلــيـنـه
خفن بس لا يمــوت اخــلافـج
ومــو دمـع دم نــزل مـن عينـه

ويلااااه يايمه .. ويلااااه يايمه

======ـ

- خيري الصفراني ✍️

يمه يمه
مصابج اخذ من عمرنه
وكسر ضلعج اكثر كسرنه
الحزن من غيابج يسرنه
يمه يمه
يصبرنه ابونه وعلينه ..
يمد جفه يمسح بجينه
ونعاينهه دم تجري عينه

كلما يندگ الباب .. يحضر بينه المصاب
ايبجينه
اه يا وحشة الدار ... من دونج عَتم صار
امطفينه

احاااه طفوو شمعة البيت
وبضلمة يابيت اهلي ضليت
انطفه الباب وغربة وجيت

.......... واويلاه يازهراء
يمه يمه
بواجينه ماتنشف اعليج
تتانينه صارت نتانيج
بحلم وسفه نحلم نلاگيج
يمه يمه
انتشاهد اذا صار الغروب
مصابج يحل وسط الاگلوب
وعلى المحسن المدمع ايلوب

الاول لبسه تجفين... وتغسيله بدمع عين
المنتضرين
شو كاروكه محفور؟ ... من حضنج للگبور!
اه يلبين


وزينب على اگماطه تلولي
خليت حسره بدللولي
لمّك كبر يابعد طولي...

وايلاه يازهراء
............

يمه يمه
اليتم جاس ابونه المصيبه
يفت الحجر يا نحيبه
هضم دنيته ابلا حبيبه

(لا خير بعدك في الحياة وانما
ابكي مخافتَ ان تطول حياتي )
.. الخ
فاطمه اناا عزيزكِ علي كلميني

يمه يمه
اذا زارج ورد علينه
يحاول يضم مجره عينه
وتراب العليه يحجي لينه

من ذب روحه فوگاي. وعيونه الجرت ماي
وينادي
حاجيني انه ابو تراب. الجرحج خله عطاب
بفادي

يايمه هاي الحاله حاله
يبجي الابو تسكْته اطفاله؟
راعي الصبر شو صبر ماله

واويلاه يازهراء
.............

يمه يمه
بمصايبنه نذكر مصابج
ويهون العذاب لعذابج
بقت ناره بإحشانه بابج
يمه يمه
هضم راس ابونه التگسم
وهضم جبد اخونه التسمم
يكسرونه..بالزهره نلتم

اه ياتالي الفراگ .... خله الگلبه مشتاگ
يموت بشوگ
يرتاح اليلاگيج.... مومثل اليتانيج
شكد محروگ

نار الفگد يايمه كلفَه
ابملگاج يلا انوب تطفَه
للموت صارت بينه لهفه

واويلاه يازهراء
......
يمه يمه
اعذرينه لمن نريدج
بوكت بي مصايب نزيدج
تجينه وعلى اضلوعج ايدج

يمه يمه
انتمنه اعله عينج سلامه
اذا شفتي طاحت عِمامه
وحرمنه اليفر من خيامه


نار الخيمه والباب .... ذني الاعضم امصاب
للعتره
بيهن جم علي انهار.... ونفسه بزينب الصار
بلزهره

كسرة اضلوع حسين بيهه
واطفال مجويه اعله اديهه
وشام المنيه ايصيح ليهه


مصطفى خالد

#اللهم_عجل_لوليك_الفرج

((الروايه امنشره))


ياحسرتك .. والدمــوع بناضرك
ياجمـرتك .. والضلوع بخاطرك
ياشهگتك .. والضهور بفـــاكرك

أظهر وخـــلّي الــــروايه امنـــــشره
واصلب الجبـتين من فوگ اشجره
وصيـــح ضلع امّي الزجيه اشكسره
او من غصب حگها او هاج أحزانها

گــوم بچفـــك وطرها
يــالمخسف خواصرها
وبحبال الصدگ شرها .. ابو صالح

گــوم اطلب بثآر امك
يــادم العشـــگ دمـك
سيفــك بالغمد شمك .. ابو صالح

العجل يالمهدي ابو صالح ...

"""""""""""""""""""""""""""""""""""''''''''''

وبعـــيونك .. ياسـوالف ماضيه
وبشجونك .. نـار منــهم حاميه
وبضنونك .. الهسه امك داميه

من غصب حگـها اوشگ كتـــــابهـا
اومـن گرب لحدودها او مـــا هابها
اومنهو جـاب الحطب واشعل بابها
وبگـــت للســا بــــالگلب نيـــــرانها

گوم وارچي ميلتها
امك صــعبه علتها
بگد الدنيا حيـرتها .. ابو صالح

امـــك دوم تربـــيلك
تدري الغيره وتشيلك
چــــم حسره توديلك .. ابو صالح

العجل يالمهدي ابو صالح ...

"""""""""""""""""""""""""""""""""""''''''''''

ياحنينك .. يابـــــو صالح لوعتك
يـــاونينك .. تچوي گلبك جمرتك
واليعينك .. هــــــــاي امك نادتك

گـــوم محّـــد غيرك ابهــاي انوتر
وانشد اعله الباب ياهو اللي جسر
وانشد امك يا ضــــلع منها انكسر
وانظــــر المتنيــــــنها واشجـــانها

ياسالف بني هاشم
گوم وجرد الصارم
كلها كتانيه الـوادم .. ابو صالح

من اغيابك انعاني
هذا الجيش ويتاني
غيرك ماحصل ثاني .. ابو صالح

العجل يالمهدي ابو صالح ...

"""""""""""""""""""""""""""""""""""''''''''''

ياهضيمه .. والعــــــــيال بيا فله
ياجـــريمه .. الصارت بطف كربله
چم يتيمه .. وچم سهم من حرمله

گـــوم لــــم عيــــــالك المتشرده
گوم حط سيفك بنحر اهل الرده
الماسده يالمهدي بحسينك سده
وعمتــــك بــــالغربه يــــا وليانها

گــــوم العمتك زينب
محزونه وجفن شيب
هذا الحــــال وترتب .. ابو صالح

گوم اگصد مــنازلها
عگده وچفك يحلها
اهل الشـــام وتذلها .. ابو صالح

العجل يالمهدي ابو صالح ...


كذلك الخادم المرحوم
عبود فلله

عبد زينب
محمد الابراهيمي

#اللهم_عجل_لوليك_الفرج