سيد مرتضى الياسري

أنته روحي . وسنيني
الخذتها . الغاضريه
____
خويه بغيابك أجل روحي أجه
من فارگتني گطعت الرجه
يحسين أخبرك . عمري ويه عمرك
راح وبقاله الدمع ناتجه

قدمت ليك المهر . وأيامي انتهت
ماشفتني جسد ماهي روحه

قدمت ليك العمر . وأحزانه البقت
وانته أخذته وعفتلي جروحه

وردت اكلك يخويه المن سنيني
وانته ما بيها وأتصد الك عيني

وآنه شوفي . علمودك
وحياتي . وكلشي بيه
______

عيني أرد اسدها وأنه بمحضرك
آخر لقاء خويه أتنطرك
تأخذها روحي . وتنظر جروحي
وهنه على حالتي تِخبرك

گلّب جروح الگلب . وأيدك خل تمر
بيهن وشوف منو أصعب عليه

تلگه صوره آنه بدرب . اي هذا اليسر
ولسه أثر للسبي فوگ أديه

خويه تعبني دربي وبقت وعيني
شابحه بلكي أخو بي يلاگيني

شفت رمحك . وگلتله
يموتي . اتعنه ليه
______

حيّرني حزني ولا ينشرح
ليلي دموع ودموع الصبح
حتى بمنامي . الگه خيامي
وهيمه وأشوفن جرح يم جرح

دمعتي بليل الألم . من تنزل يرد
بيه بالي لعصر بي وحيده

آنه ورماد الخيم . ويضيع النشِد
وين أخوي أنده اخته وأريده

خويه خيل التمر ماتجاوبني
بس أثرهن تبعته و الك خذني

من وصلتك . يغالي
منامك . شخله اليه
______

مو من هضم دمعتي نادتك
يبن أمي من حسرتي لشوفتك
أسمع نحيبه . گلب الغريبه
ينادي يخويه آنه بعازتك

تدري وي آخر نفس . شتمنه الگلب
يا عزيز أمي أشوفك وأگلك

بالغرب شوگي انحبس . هاي آنه بغرب
خذني يمك أموت اعلى وصلك

لكربله خذني آنه و رقيتنه
أحنه شوگ لعيونك منيتنه

الشام غربه . و مصيبه
و بأرضها . شچم رزيه
______
https://t.me/murttdaalyasre

شهادة مولاتنا العقيله صلوات الله وسلامه عليها



خويه وينك . آخر حچايه بلساني
راح صوتي وبجروحي صرخه ماراحت
يم حنينك . عالرمل درته حناني
ما لگت چفك دمعتي وعالترب طاحت

آخر ألم احچي الك . يحسين يا تالي هلي
مو هذا موعد موتتي . عندي انه موعد اولي
ملهوفه اجيت من اللهب . بس مالگيت امچان الي
سهامك وله انطتني شبر . من شافت ادموعي اتهلي

السهام اتحملت ذمه
تزاودني يبو اليمه
بقيت بكسرة الخاطر
اخوي أگبالي مااشمه

شبيها السهام هناك . ماتسمع اونيني
ياخويه ما انساك . لو تنطبگ عيني
______

وينه عمري . ماحسبته خلاف عينك
ياعمر دونك احسبه وشلگه بأيامه
تدري صبري . راح وي نبرة ونينك
من صحت عطشان گلبي حرگته آلامه

گلبي احترگ من صيحتك . وللنار مايرهم دوه
بس بالعذب يطفه الگلب . والماي شح بنينوه
لو شارب الماي ارتوي . چي گلبي وي گلبك سوه
يا الي ذبح گلبك عطش . أشلون گلبي ايشم هوه

اگلب ماهن اوصافك
لگيتك ذابله اشفافك
يخويه بيا عذر گلبي
يشتم الهوه اخلافك

عشت ويه نار اضماك . وضلت تچويني
يا خويه ما انساك . لو تنطبگ عيني


______

دمعه دمعه . ثلّمن بلساني اسمك
العبره ماتنطيني فرصه تكمل حروفي
ماكو رجعه . مايرد لعيوني رسمك
عاشرت ليلة رحيلك وارتحل شوفي

من ليلة الحادي عشر . ومن ساعة المدمع همل
لمن تعليت الرمح . الليل بعيوني نِزل
عيني انعمت شفت الضوه . امدمه وعلى الرمح انحمل
جاني الأجل لكن لگه . رمحك اخذ دور الأجل

بلا روح امشي بضعونك
احط عيوني بعيونك
يحاچونك يتامانه
وارد لمن يحاچونك

بس لمن احچي وياك . ياهو اليحاچيني
ياخويه ماانساك . لو تنطبگ عيني
______

ذكرياتي . وياك لچمات ومآسي
صواب صرت بكبر گلبي الينزف صوابه
وبمماتي . گلت وين يصير راسي
خل يصير وحتى إذا اتوسد اترابه

يحسين صرت صواب الي . يألمني بس لصوابي احن
بكل ذكره منك انلچم . وتفتحلي باب امن الحزن
بلحضات موتي اذكر وافز . ماي وغسل طبگة جفن
ومن صعدت التل مااهم . اندفن لو مااندفن

لان فوگ الترب شفتك
بلا غِسل وچفن عفتك
لا تگدر تگوم وياي
ولا آنه البيدي دافنتك

بآخر نفس وانعاك . نومك يبچيني
يا خويه ما انساك . لو تنطبگ عيني

______
https://t.me/murttdaalyasre

شهادة مولانا النقي علي أبن محمد الهادي صلوات الله وسلامه عليه

اللهم عجل لوليك الفرج


نورٌ في سامرّا . ضيّ وَهاج او وَحْي الطاف اتنزل
فيضُ الرحمةِ قد جا . هادي الأمه بجده الهادي اتمثل
وهالنور بتاليته
اصبح مظلم بيته
______

عليّ الهادي تعريفه . واضح لليعَرفونه
من تركيبة حروفه . يسهل عاليوصفونه
علي يعني علي حيدر . بدمه ونفس مضمونه
والهادي النبي الهادي . بشمائل روحه وعيونه

بُشرى في عينيهِ . الشاف عيونه يخر ساجد لاوصافه
من الطافِ يديهِ . چم معلول ابرحمة ايده اتشافه

المن جده انسانيته
اصبح مظلم بيته
______

النقي واحد من ألقابه . ونقائه منهل الرحمه
لذلك من نجي نزوره . هواه انقه هوه انشمه
التِلوّث فطرته الدنيه . وگلبه ايحسه صار اعمه
للهادي النقي يدخل . يرد گلبه ابيض ورسمه

صوتُ الروحَ يُنادي . من نَقَويتك خلي بگلبي بإيدك
يا مولايَ الهادي . يا هادي الأمم اهدي الرحمه عبيدك

المعروف بنقويْته
اصبح مظلم بيته
______

ما يخفه عظم شانه . طالع سيرته و اقره
أمام بثامن اسنينه . تنصب عاشر العتره
وانهلت كراماته . ومعاجز يمنته كثره
چم واحد اجاه ميت . والهادي يرد عمره

لا تَعجَب إن تَسمع . شلون يعيش الشالوه ابتابوته
شاء الله أن يَرفع . المعصوم وبيده اترد روح الموته

الماتنحد ماهيته
اصبح مظلم بيته
_____

صراط الحق احاديثه . وشروق المعرفه صمته
كلامه الخالفه يهلك. واليتبعه شكبر بخته
أرض تنعه اعله توديعه . وارض مستبشره لجيته
المدينه وحشه بغيابه . وزهت سامره من طلته

قد هاجرها جَبرا . ولديرة جده اشگد دار انظاره
وهُنا أشرقَ بدرا . وين ايحل البدر اتضوي انواره

الهادي الزاهر صيته
اصبح مظلم بيته
____

عصر الهاديّ اتميّز . بقربه من عصر غيّبه
لذلك جان كل همه . يهيّئ ناس ترتقبه
حكم جور وبني العباس . طواغي وعيشوو غربه
عليه انفرضت العِزله . وغصب عن شيعته اتحجبه

رغمَ طُغاة العصرِ . خرّج فقهاء تنشر فكره ودينه
حطمَ هامَ الكفرِ . استقلال الخط الشيعي وتأمينه

الأنطه الشيعي هَويته
اصبح مظلم بيته
______

حقد اهل السقيفه امتد . من يوم الظلع لليوم
والهادي الزمن خلاه . مثل جده علي مظلوم
آل المصطفى شسوو . ايتجازون ابألم وهموم
من دون البشر راحو . لو مذبوح لو مسموم

ومضى خيرُ ربيعِ . بموته أهتز بيت المعمور اركانه
خرجت في التشييعِ . كل طائفه چي شافت چف احسانه

مْن انصبت تعزيته
اصبح مظلم بيته
______
https://t.me/murttdaalyasre

اللهم عجل لوليك الفرج
شهادة مولاتنا أم كلثوم صلوات الله وسلامه عليها


ردت أذكر أيام
مابيهن آلام
من العَليّ صار

ومرت على البال
صوره بلا أحبال
ولچمني الآثار

أريد اتذكر أيامي . يروحي النايحه هيّدي
ولو حتى امن اريد انسه . يلچمني اثر أيدي
دلالي يمتى يرجعلي . ويغير هذا تعويدي

تعويدي صار . ليل ونهار . بس النواعي والبچي
عمري ضلام . دمعي كلام . ماضل بعد عندي حچي


أمن الماضي ردت صوره
ولو بس لحظه مسروره
من باب امي للخيمه . غريبه
عمري دمعة بالهيمه . غريبه
__

ما ينّسه الصار
من ساعة النار
مختنگه الأنفاس

من اطبگ العين
الگه الصواوين
مابيها عباس

غريبه من ضهر عاشر . لا حالي ولا اسمي
حلم ما شافت عيوني . هاي آنه وأخو يمي
غريبه حتى بأحلامي . أناطر والسهر سهمي

يفززني خوف . صوت السيوف . وأگعد دمعتي هامله
منتظره أموت . وما ألگه صوت . خيل وبواچي العايله

شيخلص حزني وآلامي
انام اصحه الگه گدامي
الطف وحيرته وضيمه . غريبه
عمري دمعه بالهيمه . غريبه
__

وكت الخدر فات
حسره وحرامات
بيه الزمن دار

عمري انتهى بليل
دمع المداليل
والهيمه والنار

أنه شعرفني بالهيمه . ما ضمت صدى نوحي
ومثل ضلي على التربه . تبديت بخجل روحي
جروحي بكل نفس تنزف . ماينشدن جروحي

الوالي ذبيح . وزينب تصيح . و الخيمه تتگاطر جمر
صاحت تعاي . ياهيه هاي . ام كلثوم انه يم الخدر

دخان الخيمه عامينه
انجبرنه انگول اسامينه
يتيمه اتدلي بيتيمه . غريبه
عمري دمعه بالهيمه . غريبه
__

تهل دمعة العين
طبينه دارين
للكوفه والشام

ذاب الگلب ذاب
من ممشه الاجناب
شخلتنه الايام

هضمه الممشه وي اجناب .شلون ووي عدو تمشي
التعب يطبگ رمش عيني . وخوفي يفتح برمشي
طلعت روحي واعله النوگ .ما ادري آني لو نعشي

الوادم تنام . لو حل ظلام . واحنه اختلفنه من البشر
اليغفه يجوه . وايفززوه . لا ارحم هواي السهر

غفينه واحنه عالهزله
السبي مانگدر نحمله
الحده بيه بلا شيمه . غريبه
عمري دمعه بالهيمه . غريبه
____
https://t.me/murttdaalyasre

نالها چف المصايب نالها
يا لياليها اشعملتي بحالها

يالياليها ابد ما صح سرور
والدمع بركان بالمحجر يفور
ياليالي راحت ام اربع بدور
بليله ظلمه والگمر ما شالها

يالياليها أخذ منها الزمن
حيدره وحسينها ونور الحسن
امن المصايب ذابت وصار البدن
ماتعرفيها إهي امن اخيالها

يا لياليها الگلب ما بي كتر
سالم من جروح واسهام العمر
شتصبر وشتاني وشتالي الصبر
جوه تربة كربله ابطالها

ياليالي بحالها عندچ عِلم
تنعه عاشت آه يحيود الزلم
انتو طحتو وشلتو راسي بهالاسم
اخوة حسين التشييم افعالها

وينها النعايه خليها تصيح
ماتت ام عباس بجروح الذبيح
ميته وتون ليش عالغبره طريح
الموت ما غيّب ونين الوالها

جروحها لحگتها حد وكت الدفن
الماي غسلها واهي منه تون
فز جرحها حتى من طبگت جفن
لان سهم الگمر باقي ابالها

https://t.me/murttdaalyasre

شهادة مولاتنا السيدة أم البنين صلوات الله عليها

أسلم بآخِر انفاسي
على اوْليدي الرفع راسي
بكلامي ينزف احساسي .. حنيني
______

على ولدي أسلم و شمعز ولدي
على عون اويه عبد الله نجم سعدي
أسلم والدمع ينزل على خدي
هذا آخر سلام ورايحه اللحدي

سلامي لجعفر وطوله
اجه موت امه گلوله
وتگلكم عمري محصوله .. بنيني
______

مرضعتهم حميه وعاطفه امرضعه
وسلامي أهل الحميه لابد اترجعه
أحاذر من اسلم چفي مارفعه
يرد بيش الگمر وچفوفه متگطعه

أروحن فدوه لچفوفه
أنعمت عيني على شوفه
الگضه ومايگضي معروفه .. بسنيني
______

اعز ما أمتلك ولدي اعله دلالي
غالين وعليهم طاحت آمالي
والغالي فقط يهدونه للغالي
عفيه الخلو امهم هامها عالي

هديت النشمي والقائد
وهديت البي وفه وزايد
وابد ماناطرت واحد .. يجيني
______

على آل النبي كل عمري متوكله
ولابو الأكبر گلت افني العمر كله
ربح شفت العمر من ينخسر لأجله
الآهي أشكره وأتحمده لفضله

الحمد للّه اعله تفضيله
صرت ام كافل العيله
و صبح دمعي لمداليله .. وأنيني
______

گبل هذا الگلب لاينگطع نبضه
تمنيت الحسين بشوفته احضه
وعن تقصيري اتعذر و اگله ارضه
بقليلي والتقبله يا كبر حضه

چبدي مو مثل چبدك
العذر من حيدر وجدك
رجائي ورافعه عندك .. يميني
______

اون لآخر نفس وبدمعتي اقره
سلامي عالبقت بالهيمة متحيره
يزينب راح اموت وبالگلب حسره
ما مرني السبي واتحسرت لأمره

تمنيت الهزل يمشن
وحالي حال الإنهضمن
الحزن نتجاسمه والون .. قريني
______
https://t.me/murttdaalyasre

وي يا أمير . صار اليصير
وحده يعوفونه ويغربو
انصاره وين . ماله معين
والناس اتفقو يجرحو

بيّن على عيونه الهظم . وصارت خطوته حيره
يأسلام مو هذا علي . شسوه ونكرتو خيره
من راد چف يطفي اللهب . شو مالگه نصيره
وين الچفوف البايعت . ليش أنسه غديره

علي كلها ساترها
ابدايتها وآخرها
الشدد هوه حاضرها . شلون ايحير

علي حيله ماهوه
علي مشيته گوه
علي تشوفه يتلوه . عيون البير

شلون ايشدها على الزهراء جروحه
غمضت عين الوديعه وطلعت روحه
بعيونه يشوف دماها فوگ الحايط
وتهل بلون دماها دمعة نوحه
______

اصعب حياة . بس ذكريات
ماضي وراعيه ماموجود
ايرد مستحيل . راح الخليل
و الخل اسنينه صارن سود

كل يوم أصعب من امس . ولاطر يريته باچر
مابي علي يصبر بعد . وشگد بعد يكابر
غير الزچيه المرتضى . ياهو الجبرله خاطر ؟
راحت التتلگاه گبل . من دنيته اشيناطر

صفت هايه تاليته
جرح طبته لبيته
لان ماهي راعيته . آ يالدار

دمع محد ايمسحه
يصد ويفز جرحه
أثر جفها عالرحه . فوگه اغبار

وين ايدير النواضر يلگه آلامه
حجرتها الظلمه يمها يطيح احزامه
شيرد الزهره اله ويرد بي حيله
حيدر والموت صبح اكبر احلامه
______

راح الحبيب . وحيدر غريب
ولا واحد يرحم المفجوع

آخر كلام . رد السلام
مو واجب شو عليه ممنوع

شتردون مو بابه احترگ . لاتِحرگونه گلبه
متغرب ابلا فاطمه . ودورة عيونه غربه
يالماتفزعون لعلي . خافن نسيتو قربه
مو بت نبيكم فاطمه . تموت بجرحها صعبه

ولا چلمه مقبوله
أبوها شتگلوله
مشت يمه معلوله . بيها اثار

جبيره مأآسيها
جذع طايح عليها
جمر باقي بيديها . من النار

ام أتاني طفلها اتعد لصياره
تاليها الباب يجيها وتلهب ناره
راحت مقهوره ولحيدر حسرتها
حامي الجيران عجيبه حرگوه داره
______

صار المُحال . وضاع الدلال
اليتنفس حيدر بمحياا

عايش عذاب . ضي عمره غاب
من غابت فاطمه الزهراء

الطاحتله من إسماه شمس .بيمن يرد نهاره
المكسورله جناح وظهره . هم يجبر انكساره ؟
خسران فاطمته وبعد . شيعوّض الخساره
ودموعه غير ام الحسن . ما يرهم الها چاره

يتاماه يتچوله
جرح حيدر بطوله
ابن وام يصيبوله . واويلاه

علت بالگلب ناره
لان ما أخذ ثاره
ومشه گباله فجاره . وما حاچاه

تاليها ايعيش جليس الدار ايامه
وكلشي ايبچيه علي ابيته وگدامه
يصبر عالثار عجيبه اشصبر گلبه
مجروح وحسرته ما سل صمصامه
______

https://t.me/murttdaalyasre

ﺃﺑﻜﻴﻚِ ﻓﺎﻃﻢُ ﻭﺍﻟﺒﻜﺎﺀُ ﺑﻜﺎﻧﻲ
ﺃﺗﻐﻴﺐُ ﺷﻤﺴﻲ ﻓﻲ ﻋُﺮﻯ ﺍﻷﻛﻔﺎﻥِ
ﺃﺭﺛﻴﻚِ ﺑﻞ ﻳَﺮﺛﻲ ﻋﻠﻲٌّ ﻧﻔﺴَﻪُ
ﻳﺎ ﻟﻴﺘﻪُ ﺛﻐﺮَ ﺍﻟﺤﺒﻴﺐِ ﺭﺛﺎﻧﻲ

هليت ويه اسمج دمع . والشيب دمعي بلله
فاطمه حلال الشدد . تدرينه طاح بمشكله؟
لو تنضرين لحالتي . الگه دموعچ هامله
مجروح حماي الحمه . والجرح ياهو ايضمده اله

فاطمه . گلبي ونحيبه
فاطمه . ماتت غريبه

______

ﺭﺣَﻠﺖْ ﺑﻬﺎﺋﺠُﻨﺎ ﻭﺟﻨّﺔُ ﺩﺍﺭِﻧﺎ
ﻟﻢ ﻳﺒﻖَ ﻓﻲ ﺩﺍﺭﻱ ﺳﻮﻯ ﺍﻷﺷﺠﺎﻥِ
ﻻ ﺭﻭﺡَ ﻟﻲ ﻻ ﻋُﻤﺮَ ﻟﻲ ﻻ ﺃُﻧﺲَ ﻟﻲ
ﺫﺍ ﻛﻞُّ ﺣُﻠﻮٍ ﻓﻲ ﺍﻟﺪﻳﺎﺭِ ﺟﻔﺎﻧﻲ

آنه علي الما آهاب آحد . وبعزمي تشهدلي الحرب
كل صعب يسهلي لچن . دار وبلا فاطم صعب
من عفتي داري اتغربت . للدار اتشاهد واطب
إتجرعت مر الزمن . من يوم ضماچ الترب

هالعمر . حزنه نصيبه
فاطمه . ماتت غريبه
___

ﺃﻳﻦ ﺍﻟﻬﻤﻮﻡُ ﺃﺣﻄُّﻬﺎ ﻳﺎ ﺳﻠﻮﺗﻲ
ﻳﺎ ﻗِﺒﻠﺔَ ﺍﻟﻤﺜﻘﻮﻝِ ﺑﺎﻷﺣﺰﺍﻥِ
ﻗﺪ ﻛﻨﺖُ ﻋﻨﺪَ ﺍﻟﺒﺎﺏِ ﺃُﻟﻘﻲ ﺛﻘﻠَﻬﺎ
ﻟﻢ ﻳﺒﻖَ ﻋﻨﺪَ ﺍﻟﺒﺎﺏِ ﻣَﻦ ﻳﻠﻘﺎﻧﻲ

ماأهم گبل يا زهرتي . رغم اليجرحوني شكثر
من عندچ أسمعها الهلا . چن دوه اعله جروحي تمر
اهمومي المن أحچيها بعد . لاطال عگبچ هالعمر
يالمنكسر منچ ظلع . كل يوم گلبي ينكسر

راحله . وآنه بمصيبه
فاطمه . ماتت غريبه
______

ﻓﻠﻤﻦ ﺃﻋﻮﺩُ ﺇﺫﺍ ﺍﻟﺪﻳﺎﺭُ ﺗﺼﺤّﺮﺕْ
ﻭﺑﻤﻦ ﺃﻟﻮﺫ ﺇﺫﺍ ﺍﻟﻀﻨﻰ ﺃﻋﻴﺎﻧﻲ
ﺃﻳﻦ ﺍﻟﺪﻋﺎﺀُ ﻭﺃﻳﻦ ﺗﺮﻧﻴﻢُ ﺍﻟﺪُّﺟﻰ
ﻳﺎ ﻧﺠﻤﺔً ﺗﺪﻣﻰ ﻟﻬﺎ ﺍﻟﻌﻴﻨﺎﻥِ

يا وطن حيدر مو سهل . ترحين ودموعي اتهلي
رديلي خيمة عاطفه . أشتاگ لطبعنه الاولي
يانبره حبها مسمعي . ارتوي من اتصيحين الي
شح صوتچ وعوده ذبل . بيمن يشد حيله علي

هالجرح . أيس طبيبه
فاطمه . ماتت غريبه
______

ﻟﻬﻔﻲ ﻋﻠﻴﻚِ ﻭﻗﺪ ﺃﺗﻴﺖِ ﻛﺮﻳﻤﺔً
ﻭﻏﺪﻭﺕِ ﺭﺍﺣﻠﺔً ﺑﺠﺮﺡٍ ﻗﺎﻥِ
ﻣﺤﺰﻭﻧﺔً ﻣﻬﻤﻮﻣﺔً ﻣﻬﺸﻮﻣﺔً
ﻣﺤﻤﻮﻟﺔً ﺑﺎﻟﻨﻌﺶِ ﻟﻠﺘُﺮﺑﺎﻥِ

يمدلله ابيت الوصي . ترحين وانتي بهالوضع
مااهيل فوگاچ الترب . خافن ونينچ ينسمع
لو شاف الإصواب النبي . إحچيله حزني والدمع
مجبور أدفنچ بالجرح . ماينجبر كسر الظلع

متألمه . تروح الحبيبه
فاطمه . ماتت غريبه
______
https://t.me/murttdaalyasre

اللهم عجل لوليك الفرج

خيرُ النساء . أمُ الكساء . ذا قَدرُها
امُ الخلود . قُطبُ الوجود . ما سِرُها

عن فاطمه واثمنطعشها . ما بالِغ بكبره الوصف
سلطانه وإمهيمن عرشها . فوگ القدر واقسه ضرف
دنيا النبي عليه شوحشها . ونزلتله مو بت لا لطف

باريها سرها
ماينعرف محتواها
ولايندرك حد غطاها
اتغطه جبريل بكساها . يعني شكبرها

كلشي ابديها
مسره الافلاك ومداره
تغير بديها مساره
وتگدر تحطلي حراره . وأبچي عليها

آنه بلا حجم . وغطاها واسع
بأسم اعظم اسم . ردت مدامع
______

من ذا يقول . انْ للبتول . شَبهٌ جَلي
حقاً جنون . او هل يكون . مِثلَ علي

لو گلنه فاطم يعني حيدر . وحيدر فريد بهالبشر
النور واحد بس تقدر . بيناتهم بأاقدس صور
فاطم منو أيشبها يگدر . و إلي يشبها كفر

لو شبهتها
شبهه بس ابّعلها
والغير مايوصل الها
ذرة تراب ابنِعَلها . الدنيا او وكتها

واسع فضلها
فضل المطر عالترابه
اليدعيها حصل جوابه
فاطمه خير الله جابه . والرحمه كلها

رحمتها عمر . سنينه يمها
والنعمه ذكر . حروف اسمها
______

روحُ القلوب . نور الدروب . المظلمه
طُهرُ الذوات . ذكرُ النجاة . يا فاطمه

الصارت أحن ام لإبوها . وانس النبي من كل هضم
ويامه بشر ضاعو واجوها . وبحروف اسمها شافو اُم
شلون بولدها الفارگوها . من ها المحنه تنفطم

ما نگدرلها
فرگتچ كسرت ولينه
چن بيتچ انهد علينه
هالشده يمنه الحنينه . انطينه حلها

بلكت ييمه
يكسر قرارچ دمعنه
وحضنچ يعاود يلمنه
شسوينه حتى انحرمنه . عطرچ نشمه

يا يمه بديج . عجيبه متنه
ما نصبر عليج . يفاطمتنه
______

كانت تُرى . بُشرى الثرى . في سَيْرِها
وَ لها دُعاء . يروي السماء . من خيرِها

اهل السمه اتاني دُعاها . وتصغيلها وتنصت اله
والگاع تتنطر خطاها . تراب التسحگه ادللھ
وسمعوها تشكي من أذاها . وشافوها تمشي امعلعله

اي رادت اطيح
السمه برفعة اديها
وانسمع صوت لبچيها
مچتوف شافت وليها . عوفو الولي تصيح

اي ماجت الگاع
واغتاضت اعله التحبها
شافت مأسي بگلبها
والدمع بلل دربها . وجروحها أوساع

مجروحه وذبل . ورد عمرها
ذبحوها أمل . وبقه صبرها
______
https://t.me/murttdaalyasre

اللهم عجل لوليك الفرج


يا بضعة المختار
گلبي لضواچ اندار
بيچ أرتقى العلياء
مولاتي يا زهراء

يم اسمج الگه وياي
فيّ وخضار وماي
واتورد الاشياء
مولاتي يا زهراء

من رحمتچ نِده بروحي شفته
وخضر الحب ورد تروي شمته

ما دريت انرحم والگلب ينوجد
جيت الچ خالي بس خالي لا ماارد
يا كريمه ورزقتيني بااطهر وِرد
واحلى الاسماء . مولاتي يا زهراء
_____

يا علة التكوين
يا كفؤ ابو الحسنين
يا منهل اللآلاء
مولاتي يا زهراء

رزقچ نشوفه دموع
ضَوّن دربنه شموع
ماتشترط بأجواء
مولاتي يا زهراء

شفنه أسمچ طهاره بگلبنه
مر علينه ومطر بينه حبنه

دموع هلت لان ترتجي العاطفه
تطفه الأرواح اذا مدمع الحب طفه
نستعيذ ابرحمتچ اذا مر جفه
وكلشي ننساه . مولاتي يا زهراء
_____
يمغيره العنوان
لخادم صُبح سلطان
مو غايتي الأضواء
مولاتي يا زهراء

تسجليني بيدچ كون
بصفحات اليخدمون
بس هذا الاتمناه
مولاتي يا زهراء

احچي بيه اُمنيه وجفني اغمضه
امنيتي بالخدمه مولاتي ترضه

بيه ترضى و أجر خدمتي اخدم بعد
غيره بيه تصب مدمع ابلا عدد
واعله محسنها گلبي لهب مابرد
وابقى انعاه . مولاتي يا زهراء
______
حروف اسمج احله حروف
هنياله بيها الشوف
ما خاب الإترجاا
مولاتي يا زهراء

راضي آنه عا الترضين
ومعادي التعادين
ديني انتي واشمحلاه
مولاتي يا زهراء

ظلمه عمري وضواچ الرحمني
ضايع وچف حنانچ لزمني

الخدمه توفيق لچن لليخدمتچ حِظه
بنظرة ام البنين وعطاء الرضا
والخسر خدمتج شنهو اليعوضه
وشنهو يلگاه . مولاتي يا زهراء
______

https://t.me/murttdaalyasre

اللهم عجل لوليك الفرج


أين الطالب بدم الصدّيقة
أين الطالب بدم المقتوله


قرارك . نافذ قرارك
قرارك . يحچيه فقارك
قرارك . ينتضره سيفك. يغالب

شعارك . صبح ومسيه
شعارك . ثأر الزچيه
شعارك . بأم وطفلها . تطالب

يالسهرته ليلك . حگك تصيح بصوت
الزهره تشتكيلك . بثمنطعش وتموت
نادتك دخيلك . وحاشه الها ثار يفوت

ثأر انته طلابه شينسه . غير انته راعي الثار
مظلومه تندب خيرِ النسه . ومتانيه الفقار
دمعة يتيمه منتظرك . يا غيرة الكرار
______
تقدم . والحر يجيلك
تقدم . عَجل دخيلك
تقدم . ترفع يمينك . لواها

منِ الدم . اصبغ أرضها
منِ الدم . طول وعرضها
منِ الدم . لازم تفيض . لدمها

يالتهل علينه . بسبعة قُبب من نور
وتوصل المدينه . تلگه دمها اتفور
تعاين الحزينه . عدها ضلع مكسور

تگلك ييمه مني انسلب . ثالث سبط يا حيف
شعندي جنايه وبيا سبب . شايلته بس بالطيف
ومن بابي لسه بگلبي اللهب . ما يطفه بس بالسيف
______

بهائك . حتى اليعاند
بهائك . گدامه ساجد
بهائك . يكسر قواعد . يقاهر

لوائك . چف الله شاله
لوائك . اكبر رساله
لوائك . يرهب رفيفه . العساكر

منتظر قدومك . عباس اليحييك
مرتقب ليومك . يبرد غليله بيك
الزهره مالحگها . لاچن بقه يتانيك

هظم الگمر ودموعه الجرن . يم عتبة الزهراء
بس هالنداء بي يتنشفن . المنتقم قد جاء
گبالك دموع هواي انبچن . يا اكبر الاسماء
______
يمينك . للباري ايده
يمينك . وعده ووعيده
يمينك . وسيفك جلاء الرزايه

يناقم . حتى دمعتك
يناقم . دم من حرگتك
يناقم . يعني نظرتك . منايه

والدمعته حمره . إشحال ويسل صمصام
اليبچي دمه حسره . ايمطرها دم لو قام
غالب اشيگدره . وبس الله يدري شضام

كل الأئمة لهم فاطمه . بيهم جرح ما طاب
ايتانونك اتسد نزف الدمه . اليتفايض من الباب
انته البدء وانته الخاتمه . من الخيمه للمحراب
______

https://t.me/murttdaalyasre

اللهم عجل لوليك الفرج


لا تِغمضين
اتفتح الدنيا علينه عيون غربه
لا تغمضين
أرياگنه يبست وياماي النشربه
لا تغمضين
سهله فَتحت عينچ وطبگتها صعبه
لاتغمضين
النضره أشاره اتطيب المصيوب گلبه
اتصوبينه جروح كلفه
واحنه مانگدر نشدهه
نترس إيدينه بواچي
وبالدعاء يمچ نمدهه
هاچ اخذي ادموعنه وطيّبي الخواطر
اليوم يمنه وخايفين
مانشوفچ يمنه باچر
احنه التحبيهم احنه
زينب آنه وذوله اخوتي
أسمعينه هواي صحنه
لا تغمضين

يمه مدينه ادينه
نريد چف منچ تمديه اعله چفنه
نريد لمسه من المحنه
يالسبلتيهن إديچ
شلنه اديچ واحنه بإدينه طبگناهن علينه
وگلنه لا ... شبگتنه أُمنه
حتى مايتغلب الواقع علينه
صرنه نحلم عدله أُمنه
جروح والتمينه يمچ
وإنتي شوفي شگد نِزفنه
شوفي يم كل ذكره طاحت
دمعه تصرخ ياليالينه القديمه . اتفارگينه
شوفي بيتچ ماهو بيتچ
اتلاحگينه وفتحي عينچ
من گبل لا يوگع علينه سگفنه
أسمعينه هواي صحنه
لا تغمضين

استاحشينه
نريد صوت . نريد چلمه . نريد نسمه
أختنگنه وماتت الچلمه بحلگنه
من امس واليوم صيام اعله چلمه
من امس واليوم صيام اعله نضره
گبل من سائل اجه انطيتي فطورچ
فطرينه بنضره وحده
فتحي عينچ لو نموت
لو جروح البينه تبره
شلون يخنگنه الدُخان وأمنه زهره
شلون نغفه الليل و احنه بهيمه صرنه
واليبات بهيمه حگه من يجن ليله يسهره
شلون هالواقع نعبره
منين نتقوه وأبونه محني ضهره
شلون ننسه وبابنه مشتعله جمره
شلون ننسه او وره الباب آثار عصره
بحاله وحده كلشي ننسه
لا تغمضين

ورگه ورگه نطيح من شجرة مصابچ
يأ الي بثمنطعش عام وكلشي شفتي
راح اعيش جروحچ آنه
يالحملتي ما حملتي
وياي للخميسن عام نعيش حسره
انتي زينب وآنه انتي
الباب خيمه
واللهب واحد يمرنه
والخرابه بيت الاحزان اليلمنه
بي تصير السكته صرخه
السكته الإتوصف هضمنه

من مشه حيدر ابونه
انتي جبتي الوالي بيدچ من طلعتي
من اعوف الوالي ضامي بالعبايه ضللي انتي
واذكريني بالنيابه لو گعدتي ويمه صحتي
يمه يحسين


https://t.me/murttdaalyasre

اللهم عجل لوليك الفرج


ارتفع الصوت . بالسمه
بجرح تموت . فاطمه
______

بمصاب ام الكساء . يا فاطمه
هتف صوت السماء . يا فاطمه
لقد قام العزاء . يا فاطمه

فاطميه هالليالي والحزن با الوانها
والسماوات لجرحها اتوشحت بحزانها
وبالمدامع ضجت اعله الزهره كل سكانها

علت اصوات . نايحه
اجت أيام . جارحه
______

فجيعتها تگول . يا فاطمه
أندفع باب الرسول . يا فاطمه
انكسر گلب البتول . يا فاطمه

نعيش وياها مصيبه ونلطم اعله جروحها
شلون ريحانة محمد والرماد أيلوحها
فاطمه مظلومه وإمن الهظم طلعت روحها

البچي والنوح . واللطم
اخذ الروح . هالهظم
______

الدُعاء بيها مُجاب . يا فاطمه
وسف مرها العذاب . يا فاطمه
تشوف اشچم مصاب . يا فاطمه

اتيمت وإمن البواچي عالابو منعوها
و بيت احزان الزچيه يفضح الأذوها
رادت يسليها محسن وعالولد لحگوها

بقت تنوح . عالابن
وسف ابساع. تندفن
______

أسمها امن الجليل . يا فاطمه
وتسوي المستحيل . يا فاطمه
بدمع صار الرحيل . يا فاطمه

طاعة الزهراء واجب والها كل الطاعه
والخلق هذا سفينه وبس اسمها شراعه
على باب الزهره وسفه الطاغي مد اذراعه

اندفع الباب . من هجم
الضلع انصاب . وانهشم
______

https://t.me/murttdaalyasre

اللهم عجل لوليك الفرج

عفتيني بجرح من عمري يمه أكبر
على فراگچ يبعد عيوني ما أگدر
__

أمسي أويه الجرح وأسهرله كل ليلي
ألم لدموعي حيلي وأبچي كل حيلي
ويلي إعله السِنين إثمنطعش ويلي
راحن والعمر حسره ودمع خَضّر
__

ليالينه بدمعتي يمه أنعاها
چن لحضات موش سنين عِشناها
مشيتي و روحي بس إلآه وياها
هوه حَچيّ الليالي والگلب مَجمر
__

اعله حنيتچ ييمه روحي متعلمه
هواي بلايه عطرچ گلبي ما شمه
بعد ما أستمعها چلمة الـ يمه
لهالچلمه دليلي يبقى يتحسر
__

مثل جرحچ فتحت الباب ما اسده
وگلبي يناطر إو لسه أمل عنده
هنا يالعِفتي زينب هم إلچ رَده
لو اسِدنه بابي و للدمع أسهر

__

أسِد عيني ودمعتي اعله الوجن طاحت
أگول أنه بحلم لا اُمي ما راحت
أصيحن يمه ويرد الصدى ماتت
والعبره تضل بصدري تتكسر

__

عسه يوم الكِدر ما ماطر عَليّ صبحه
وأشوف المرتضى ماخَله بي جرحه
عگبچ صار يوّگف والهوه يطيّحه
ميت حيله ذاك إلي قِلع خيبر
__

يخيمتنه الچبيره الهم عَليّ خيم
وبضيم الزمن يمه الگلب يعلم
بعد هيهات عگبچ يم حَسن نلتم
هاي آنه العزيزه وداري تالي البر
__
 

https://t.me/murttdaalyasre

اللهم عجل لوليك الفرج

خاسر كلمن ما اجه
لمجلس فاطم وإلتجه
ضايع دربه ومنهجه .. يا فاطمه يا فاطمه
بلا غايه يعيش العمر
واظلم گلبه والفكر
الماناده بااقدس ذكر .. يا فاطمه يا فاطمه

كل نهايات البدايه
مظلمه ومابيها غايه
بس دربها بلا نهايه .. وابتده
بالهدايه السرمديه
للخِلص وياها نيه
والليالي الفاطميه .. موعده

لجرح الزچيه يون .. ويلطم لأجلها الصدر
مايصبر اعله البچي .. عالزهره ماكو صبر

كل مأتمه .. يا فاطمه
يا فاطمه .. يا فاطمه
__

آخر حد بالمعرفه
مايدرك منها صفه
نحچي بس بالعاطفه .. يا فاطمه يا فاطمه
ما يوصلها كل عقل
لا شَبه إلها ولا مثل
لفظة اسمها اكبر فضل .. يا فاطمه يا فاطمه

الرحمه واجب نفتهمها
عن وضوء إنگول اسمها
وتگضي الايام لهظمها .. باللطم
سر الاسرار الوديعه
ومرت عليها فجيعه
بيا ديانه بيا شريعه .. تنهظم

مهضومه من الجرح .. الذَبّل سنين العمر
بـ أي ذنب ام الحسن .. منها الظلع ينكسر

متألمه .. يا فاطمه
يا فاطمه .. يا فاطمه
__

بحب الزهره نقترب
إلآل الزهره وننحسب
خدام وصوت المحب .. يا فاطمه يا فاطمه
چم ضايع يمها انوجد
ما ردت سائل ابد
ونترجه ونصرخ مدد .. يا فاطمه يا فاطمه

والگلب تفتحله بابه
للغريب وحب مصابه
نبچي وياها لعذابه .. وغربته
ونطلب ونترجه منها
ننحسب خدام ابنها
الفارگاها ولحضنها .. حسرته

امه الزچيه مشت .. وبالحسره عاش السنين
عالحايط الدم بقه ..  يشوفه وينوح الحسين

شاف الدمه .. يا فاطمه
يا فاطمه .. يا فاطمه
__

فقرة حُب وننحني
لچف الزهراء الغني
لحبها إنادي وينبني .. يا فاطمه يا فاطمه
ميت گلبه بدنيته
الما مكسور بدمعته
لحيدر دمعه وزهرته .. يا فاطمه يا فاطمه

ويا دمع يكفي لكسرها
المرتضى فارگ عطرها
حيله خلص يم گبرها .. ينتحب
فاطمه طفو ضواها
حيدر بلوعه بچاها
الفرگه نار ومن وراها .. بي تشب

وبيته صفه بس دمع .. وايامه كلهن طفن
بيمن يصبّر اليون .. وما ترجع ام الحسن

ون السمه .. يا فاطمه
يا فاطمه .. يا فاطمه
__

https://t.me/murttdaalyasre

اللهم عجل لوليك الفرج

فاطمة .. حنين الباري البالسمه
و على أرضه الرحمه الدائمه .. ذكر فاطم
فاطمة .. رجوع النفس الآثمه
الهدايه وحُسن الخاتمه .. وعطف دايم

أقرأ وأتزود ذكرها ويروه گلبي بـأزكى نفحه
مكنتني ألفظ أسمها وهوه سر محد يشرحه
أفهم العطف الألهي بفاطمه وهيه التوضحه
بيها خله الباري نوره وأنولد من عدها صبحه

هذا أسمها أشوفنه بعيوني أحن روح
تنولد بيه من أقره اله وأندب جروح
عذبنها بعمرها وبقت منهن اتنوح
______

خاسره .. السنين بلا مدمع جره
وحصلية دنيه وآخره .. رضا البضعه
خاسره .. وأبد ماتنعد مثمره
الربح للعين الساهره .. التصب دمعه

من شفت هالدنيا صوره ماكو الوان برسمها
لوّنت بدموعي عمري شلون أرد دمعاتي أضمها؟
وصارت الغايه بحياتي تعدني فاطم من خدمها
وكل رجائي بكلبي يكبر ويمتد إويه سنيني ألمها

أرتجيها تِمدني بدمع يرفض يهيد
حسرة حسين عليها تألِمني وتزيد
بس حزنها بحياتي وبعد كلشي مااريد
______

يا حزن .. يذبل أيامي وأبقه أون
جرح عايش مايندفن .. و ألم يكبر
يا حزن .. المحب بي يبقى ممتحن
تبده من هذا الحزن ..  دمع حيدر

زهرة وبيت الصميدة كل نسيم يروي منها
چانو يشموها نسمه عذبه الحسين وحسنها
لحضه وإتناثر عطرها وكلهم أشتمو حزنها
دمعة طاحو كلهم الها بدمعه وحده من جفنها

أتصوبت وإلها كل واحد بحسرته يبات
وچم أمل من جرحها أنگطع وإنسه ومات
دمعة بدت عليها الارض والسماوات
______

من طفه .. حنين ونور العاطفه
تشتت شمل المصطفى .. بحرگ بابه
زمن طفه .. جرح خله ماله شفه
وحزن مانگدر نوّصفه .. وره غيابه

بالليالي الفاطمية نعطش النسمه الحنينه
ولظلع فاطم وألمها تطلع الحسرة الدفينه
نسأل بهالفتره حيدر شصارت بعينه المدينه
أتغرب بفگد الزجيه و محد بدمعه يعينه

حيله من عنده راح باأثر ذيچ ألآلام
ألمن يسولف جروحه وإبيته أيتام
دمعه عالزهره ماينگطع لآخر أيام
__


https://t.me/murttdaalyasre

روي أنه لما قبض رسول الله صلى الله عليه وآله ونال فاطمة عليها السلام من القوم ما نالها لزمت الفراش ونحل جسمها وذاب لحمها وجف جلدها على عظمها وصارت كالخيال

اَلسَّلامُ عَلَيْكِ اَيَّتُهَا الصِّدّيقَةُ الشَّهيدَةُ

ولادة مولانا وحبيبنا ومقتدنا ومنقذنا خاتم الأنبياء حبيب أله العالمين ابا الزهراء محمد
صلوات الله وصلوات انبيائه و رسله وملائكته على محمد وآل محمد وسلامه عليه وعليهم اجميعن 💐

ما هل گبل جيتك لون الضوه
گبلك العالم كل ضوه ما شهد

من أيد موسى وانحسب معجزه
والمعجزه يعني وضعها انفرد

هليّت نور وخِفت وجه الصبح
المِبدر اذا هل يعني الأظلم لبد

بالتالي ردت روحه وجه الصبح
من صار من حضرتك يطلب مدد

مولود مو مثل البشر . يا بشر ؟
كل الجمال اوياه طگ وانولد

مولود لوّن كوكب بأكمله
والكائن الحيّ والجماد أنسعد

چانت ثلاث افصول بيها السنه
وي جيتك فصل الربيع انوجد

أعظم خلق سواك رب الخلق
وحدك صفاتك ماكو مثلك أحد

من عرگ تعبك الله صاغ الورد
يعني الورد عطره عليك اعتمد

رتبت كلشي و أنته بأول عمر
ودگيت بأول ركعه لله وتد

صليت لله خاشع ومبتشر
والله يصلي عليك بأكثر عدد

ذايب بحب الباري وأتحملت
وغصبن على الأوثان الله انعبد

شلت الاسلام بصدرك ويه الگلب
والدرع حيدر ياهو يوصل بعد

دفنو گبل جيّتك أحياء شكثر
كلش طبيعي الأمر محد نِشد

صارو شعب عدلين جوه الترب
والگاع تنتج دم اذا بزها أحد

بهاي القساوه وسولِفت رحمتك
مايك نِبع وإخضّر جفاف البلد

أمنت چم خايف بفرض الصبح
وخليتهم صلّو و نامو رغد

بوجه الجهل رديت ضيم الجهل
وحطيت چف ايدك بعين الحسد

يا نعمة الله الفوگ كل النِعم
كون الله كل لحضه عليك أنحمد

بوسط الضلام و بيك شفنه الضوه
گبلك العالم كل ضوه ما شهد

https://t.me/murttdaalyasre

أم وطفلها . واحلام وامنيات
ورّد أملها. وماشم هوه الحياة

عدمن بعد تضمه . جوه الضلوع ابنها
ما لحگت تشمه . نار وعده اسبگنها

آمال وليالي متانه ذبحونهن سويه
امن الزهره خذت اجمل حلم هالمغربيه
تريد تشوف محسنها بحضن لا مو رميه

گلب اليحن . صاح
صوت الحضن . صاح
راح الابن . راح
___

شوگ الامومه . بين أم وإبن حنين
الچف الظلومه . كتلت اعز جنين

عنه العدو ترده . الباب ادفعت بديها
شده لفتها شده . ومحد عطف عليها

ظالم يا زمن ظالم خذِت من أم هواها
منتظره شكثر جانت تشم رگبة ظناها
جنين ودمه ع العتبه وعليه نزفت دماها

شوگ المهد . مات
عدها ولد . مات
لا ما تچن . راح
______

رادت تودعه . ما يطلع الكلام
خافت تفجعه . بااول حچي حرام

غير اليجي ولدها . لازم هله تِسمعه
وكون ابتسامه عدها . مو ينضرلها دمعه

هلا بجيتك تگله لو تگله وداعة الله
تشوفه مسافر بجرحها وحضنها ما يعطله
تگله متانيه طولك ردت ثوبك افصله

مات الحچي . وياه
دم البچي . وياه
سد الجفن . راح
______

محسنها نسمه . و ايغيبه الدُخان
صاحتله يمه . ودلاها بي حنان

الباب أحترگ عليها . بين اللهب وحيده
اتزيح الجمر بديها . وتنادي ابني اريده

گطره من العذب بين اللهب صعبه تشوفه
جنين ويسمع امه ما گدر يرفع چفوفه
محنيه ودمه تصب بس ولا تگدر تعوفه

گلبي انجرح . ليش
ابني انذبح . ليش
واخته تون . راح
______

https://t.me/murttdaalyasre

صَلّى الله عَلَيكَ يا مُحسن أبن عَلي يا سَيِّدَنا وَمَوْلانا اِنّا تَوَجَّهْنا وَاسْتَشْفَعْنا وَتَوَسَّلْنا بِكَ اِلَى اللهِ وَقَدَّمْناكَ بَيْنَ يَدَيْ حاجاتِنا، يا وَجيهاً عِنْدَ اللهِ اِشْفَعْ لَنا عِنْدَ اللهِ

اللهم بدم مولانا المحسن الشهيد عجل لوليك الفرج

علي السجاد صارت عنده عاده
يهل دمعة عيونه فوگ زاده
وما حل ليله واتوسد وساده
اله وسادته بدمعه إتبلل

تتبل وسادة نومه بدموع
وما يغفه ويضل الليل موجوع
لا ساگه شفه لا طابت ضلوع
ولا حال السبي يرضه ايتبدل

ما يتبدل الحال وبقه ينوح
العين شيّهودها وشافت جروح
هيمه ونار خيمه و ابو مذبوح
وخدر ماله مُحامي وليل چلچل

چلچل ليلهم وشلونه الليل
يجمّع باليتامه وتاخذ الخيل
عليل وضعف جسمه منيله الحيل؟
عليل وضعنه ضاع وضايع الحل

طلع صبح اهدعش والحال أصعب
الصبح چنه رمح وگلوب صوّب
جابو هِزل كون الضعن يركب
وعلي محتار شيركبه اعله هِزّل

محتار ومحنته عليه ثجيله
اعله هزله شلون يرچبها العقيله
دره بخبارها الرحله طويله
ولأرض الغربه ضعنه الصبّح حوّل

حوُل للغرب ضعنه بونينه
وإهو مهضوم من ممشه الضعينه
تراه الليث حمره تصير عينه
اذا يندار وكته وضيمه طوّل

طوّل ضيمه و أشتد بيه تعبه
يضهده الممشه لنه وعر دربه
والأكثر زاد همه وكسر گلبه
بضعنه اطفال مابيها أتحمل

بضعنه اطفال ماتحمل مصايب
منها هواي كتلتها النوايب
وعلي السجاد يدفن بالخرايب
يعينه الله شكثر للترب نَزّل

يعينه الله لمن طبالها الشام
ما بيها مچان لعيلته أولام
شاف الناس كل نضراتها اسهام
ومرامهيم بصدره وحيله أنشل

أنشل حيله الولي وشباگي منه
من الشام ما ينزاح حزنه
عگب طف الكدر ما بان سنه
ثلاثينه گضاها او وجنه مبتل

نوحه معاشره وما بان مبسم
ولحگ بيه الوليد و جرّعه السم
ابو الباقر گضه وچبده تجسم
فاضت روحه وبدمعه تِغسل

اللهم عجل لوليك الفرج

https://t.me/murttdaalyasre

اللهم عجل لوليك الفرج

ألتفت وين التفت
لا خيمه لا رايه شفت
للتل مشيت شگد صحت
يا خويه يحسين
يبن امي بس ردلي خبر
يحسين دلالي انكسر
وين امشي ما ضل حتى اثر
من الصواوين

بهذا النهار اتحيرت . يا ريت تنضر حالي
خيل وعساكرهم اجت . خويه شيلم اطفالي

وداني وكتي اعله حومة قتال
وماعندي والي يلم العيّال
يا خويه كلشي انتهى بالغروب
طاحت خيمنه ونسينه الدلال
__

يا خويه عطشانه الحرم
وعلينه اجت نار الخيم
بگلوبنه محد رحم
شنترجه ذبّاح ؟

كل وحده ودعها ابن
بالهيمه ضل مامندفن
فوگ الرمل كلها تون
من تسمع صياح

التتچوه من جمر الخيم . تصيح أبأسم واليها
تترجه بلكت بي نفس . ويلحگها ويطفيها

شما صحنه خويه ولا نلگه صوت
بس الخيول بركضها نموت
ياهو النگصده ونگله بحماك
غربه وعرف ماكو يمنه يفوت

__

يحسين مايرجع امس
ندور فياي امن الشمس
والخيل بينه ما تحس
ولا ندري شتريد

ما توگف تروح وترد
وگلوب منها تنمرد
احچيلها لمن تهد
والحچي شيفيد

يا خيل ما عدنه ولي . عوفينه هاي الليله
اطفال عطشانه وحرم . ولا كافل النشكيله

بينه جروح وتعبنه يزيد
حيل البراري يخويه تريد
وحدنه ما ندري المن نروح
والغاضريه تهضمه الوحيد
__

عدوانه من كل كتر
والگاع بس شوك وجمر
ننجرح وگفه ومن نفر
تكبر هالاجروح

يحسين والله اتحيرت
ياخويه مثلي يا اخت
مهضومه وبإسمك صحت
وادريك مذبوح

أتعنيتك بليلي دمع . متغربه وارد اشتمك
مالي مچان لشمتك . هواي الجروح بجسمك

يمك يخويه انوحن واصيح
اداوي جروحك لوّنك جريح
گلي شسوي وشداوي وشعوف
فوگ الترابه واشوفك ذبيح
__
https://t.me/murttdaalyasre

احسب لياليك و اهم عبد الله يبني
تاليها دهري بكربله منك حرمني
ناغيني يوليدي ترى نومك كتلني

دهري شخله اليه
بضهر الغاضريه
خذت مني دلالي
وفرغ خضني وأيديه

بچفوفي دمك يوليدي احضنه
و لو در حليبك وياك ادفنه
راح ابقه اناغي وكل عمري ونه

جرح أيس طبيبك
جرن دمعي وحليبك
__

رد واعصر عيوني الك واشرب يتعبي
رد طفي گلبي يالولد محروگ گلبي
بليل ادورك فازعه وعثرني دربي

يبعد أمك نخيتك
طلعت ودوريتك
بگماطك عثرتني
لگيته وما لگيتك

گماطك لگيته وما خذني يمك
ضليت اصيّح جا وينه جسمك
ردلي حبيبي وبگلبي اضمك

حرّت ياهو اليجيبك
وجرن دمعي وحليبك
__

ست أشهر انعدن عمر نسمه وترافه
تاليها اخذ دوره السهم بيهن حسافه
والماي يا عبد الله دلالي يخافه

صرت كل ماي اخافه
لان ذابح ترافه
العذب بارد شرابه
والطفل يبست شفافه

يجري الفرات وبذني سمعته
گلته يماي الگلب كسرته
يبني علمودك لمن شربته

يدر بيه بنصيبك
جرن دمعي وحليبك
__

كلما انام من التعب ناغاني حلمك
ولمن افز ما الگه بس بلساني أسمك
مشتاقه الك والله يعبد الله ارد اضمك

أنوح إوليدي وينك
وتشب جمرة حنينك
و أرد لصوره بيها
تلاعبهن ادينك

اسهر ألولي وأحچي سوالي
المن الولي لو حضني خالي
ميت عدل أتعبلك يغالي

يعبد الله بمغيبك
جرن دمعي وحليبك
__

https://t.me/murttdaalyasre

الليله العاشره 👇

اريد اكوم يا حيلي
علي شبقالي يالولد تچيلي
اجيت أصيحن وينك
يمينك شكثر ردت توميلي

علي وصلتك بدموع
گلت عليه مد اديك
لهب يچوي بالضلوع
طفيني يبني أنتخيك

يولدي گلبي انچوه من الجروح الي بيك
يا سلوتي بدنيتي وحسرتي بس عليك
مديت اديه شعجب ماتمدهن اليه اديك
______

علي تروح من يمي
علي وتچوي من غيابك دمي
يهيبتي وضي عيني
ترى الهجر يغالي عيني يعمي

انوحن بغرب وراك
حبيبي فارگت ضواه
يالاكبر اشيرد هواك
وراك اضل أشمن آه

لعيوني امنين اجيبن بعد هالجمال
راح الحچي يالولد والتعب والدلال
صوت الخيم صاح الك يا علي بس تعال
-_____

علي انحنيت يالغالي
علي شيداوي الي جرح دلالي
على التراب يوليدي
بمنامك اندفن حنين آمالي

مغيبك بدليلي نار
حرگلي يالولد حنين
يالاكبر انطفه النهار
بمخيمك عِله الونين

شوف المخيم عِله بي ونين الخوات
وليلى تتاني بگلبها وطن أمنيات
شلون ارجعلها واكولن يليله ابني مات

______
العقيله تنتضر ترجع
گلب عمامك وگلبها اتصدع
اشيلك وأروح الها
وامن المخيم الدموع ماتگطع

الدمع يصب والك يطول
واحيّرن أشأرد كلام
اذا رقيه اجت شگول
اخوها يرجع بسهام

گلي شيصبر رقيه وتصد دم عليك
لمن تجي تنادي يا اغلى أخو افتحلي اديك
تهل المدامع جمر لمن ايحل بچيك
______
https://t.me/murttdaalyasre

بحچايه الگلب يبني تعناك
تاني يا علي لاتغمض عيون
اتسميت ابو الاكبر وانته موجود
الغريب عليه من تمشي يگولون
تريد تعوفني مو تدري مااعيش
ابوك وبيك يبني گلبي مفتون
يالحيّرت گلبي هواي الاجروح
وتراه بكل جروحك گلبي مطعون

أشد جروح الك و شد جروح الي
يبني يا علي
______

يالعشت بوجودك رافع الراس
يحلوّ اطباع ما يحلالك النوم
على جروحك تهل دموع العيون
مو قصدي الچمك ردتك تگوم
اصيحن يا علي ومايشتد الحيل
ساعدني ارد اشيلك حيلي مهدوم
يتغطه الجمال بورد وفياي
جمالك شو غطاه اتراب ودموم

على جروحك ترى . دمع عيني ايهلي
يبني يا علي

______

شكثر يمك حچيت شكثر ونيت
عليه بچلمه ما رديت معقول
ردت چلمه و أكول وليدي ما مات
اي شي گول بس عطشان لتگول
سكوتك والعطش يالاكبر اسهام
وانه بثنينهن يوليدي مكتول
ردت يندار بيه صوابك الحار
ويمك مددت والطول بالطول

الألم هيّن ولا . بغيابك ابتلي
يبني يا علي


______

علي لازم ترد اخيامي تحتاج
ضوه مثلك يسر عيون الاخيام
زين شلون اردك يبني محتار
ضوه ينزف دمه ما مر بالاحلام
تدري بليله ابد ما تصبر عليك
يبني بشبگتك تجرحها الاسهام
مو ماترضه امك تنجرح بيك
شيل اسهامك ورد بالحضن نام

تعال انرد سوه . لطبعنه الاولي
يبني علي

______
https://t.me/murttdaalyasre

الليله التاسعة👇

بندريه للأمام القاسم أبن الحسن صلوات الله وسلامه عليهم

جسام .. انعاك .. وانته گبالي
جسام .. وياك .. اخذ آمالي

شوف .. دلالي انجرح .. فرگاك اتضح .. وانته گبالي

دمعاتي اهلها .. الزفه منو الها .. يوليدي وانته تريد تقاتل
حاچيني يبني ..وضعك كتلني .. امك دمعها لحالك سايل

گلي امسح دمعي لو ابقى بدمعات العين
امك محتاره وماادري شيضملي البين
______

جسام .. لهالطول .. تجري دموعي
جسام .. شتگول .. اطفي شموعي

هاي .. أجواء الحرب .. والديره غرب .. وتجري دموعي

شترجه منها .. هالديره چنها .. يايمه ماترحم دلالي
بس حسره شفنه .. ومن عطشتنه .. ماتت ييمه كل آمالي

ممنوعه بهالديره الفرحه يايمه تدوم
واعله اهلك نيتهم بس شر يوليدي الگوم

___

جسام .. خليت .. عيني بعينك
جسام .. ضميت .. بيني وبيك

شوگ .. لعيونك احن .. راح ابقى اون .. يبني لعينك

انعى لوصالك .. يمه وجمالك ..  تمشي وحسرتي تصير عيونك
يوليدي حيره .. المن اديره .. هالناضر وماكو يشبهونك

أتريض يوليدي بمشيك خل عيني تشوف
طولك يالحسنك بعيوني وحده المألوف

___

جسام .. ارباي .. هذا يومه
جسام .. الرأي .. صار الحومه

روح .. زلزل كربله .. سيفك عالمله .. هذا يومه

الواقع نضرته .. عمك غربته .. نستني عرسك يمه او وعده  
يوليدي قاتل .. دلالي قابل .. هالطول لعمك يتبده
بكلشي ولا احد عمك يهضمه

صار اسنين اتنطر طولك ومدمع اسگيه
وحل وكتك يوليدي وعمك بلكي نوافيه

___

جسام .. يا حيد .. شوف جروحي
جسام .. شيفيد .. وني ونوحي

هاك .. اسمع ونتي .. وعاين غربتي .. شوف جروحي

ابچي لمصيبة ..اسمي الغريبة .. يبني يصير امن امشي واعوفك
فوگ الترايب .. وهاي المصايب .. اكبرها يمه من مااشوفك

مو بيدي يابعد عيوني عنك لو اروح
امشي وتبقى اتطوف بجسمك يايمه الروح
___
https://t.me/murttdaalyasre