(ألَشُـأعر والَرادٍودٍ مًوٌسِـى أّلَخِـأدٍم )

يالماخذه الزهره الزجية حيلك
ليليله تعجيل الفرج ندعيلك
يا املنه الغالي .. يابو صالح
.....
يغايب نرتجيك
دعاء الندبه نقرالك بالدموع
اوكل جمعه عليك
نسولف ما نسولف غير موضوع
نحس ابكلشي بيك
نعلم حالتك عالزهره مفجوع
اخذنه ابين اديك
فداك انحرونه وافداك الاظلوع

وين انت ساكن سيدي نجيلك
ليلية تعجيل الفرج ندعيلك
يا املنه الغالي
.....
يبو صالح تعال
عليك ابكل دمع من عينه يسيل
عليك البل حبال
كيدوهه ومشت وي رمح الطويل
اشتاكينه الوصال
واحدنه اعله جيتك ساهر الليل
نسال هالسؤال
يايوم اللقاء يحصل مشه الحيل

يالمهدي ملينه البعد نشكيلك
ليليله تعجيل الفرج ندعيلك

........
الك ثار اليصيح
يا يوم الفرج يا صاحب الثار
تتوجه وتطيح
من تذكر الزهره وحركت الدار
نظر عينك جريح
على الظلع الكسير الصابه بسمار
سعفه تهزهه ريح
حالك هيجي صاير تحجي الاقدار

اظلم نهارك مثل ظلمت ليلك
ليليله تعجيل الفرج ندعيلك
.......
يسيد الاتقياء
امك فاطمه محمّرة العين
لحد هسه البكاء
ابيت احزانهه مسموع للحين
تصيح ارض وسماء
يا محي الشريعه ومحي هالدين
تناشد كربلاء
عن ثار الزجية وثار الحسين

يالتبجي جدك من دمه نبجيلك
ليليه تعجيل الفرج ندعيلك
.........
يمذبوح الونين
منك نعتذر حتمن لجمناك
الك الله المُعين
ابكسر ظلع الزجية ما جبرناك
على مر السنين
تنوح الوحدك مولانه عفناك
تنادي ياحسين
وابداخلك غصه الفاطمه اهناك

تعتني روحك للبقيع اتشيلك
يليله تعجيل الفرج ندعيلك
......
كلمات
موسى الخادم

شور

يا زهرة حياتي
.......
تعاي ... عوفي الكبر عوفي الكبر
تعاي ... موحش بلياج العمر
تعاي ... ليلية جيتج انتظر

يافاطمه  كلبي انمرد
ماظل صبر  بيه بعد
رجعي الي عون وسند

رجعيلي .. ياضحكتي
رجعيلي ... يرويحتي ... فداج .. فداج 

ايامي ... وحتى النفس
ايامي ... صارت همس ... وراج .. وراج

نوح .. بعدج حياتي
نوح .. يا ذكرياتي
نوح ... ساعاتي بعدج ... لو بيدي اردج
يم الحسن وحسين
راح ... حيلي ابغيابج
راح ... ابجي المصابج
راح ... كلشي امندية ...  اه يالزجية
يم الحسن وحسين


يا كل امنياتي
.......
اصيح ... يم الحسن يم الحسن
اصيح ... من بعدج اعيوني انعمن
ااصيح ... عايش غريب ابلا وطن

مشتاق الج يافاطمه
روحي عليج امعلمه
تشهد علي ارض وسمه

من دونج ... كلشي عدم
من دونج ... عايش وهم ... كلام ... كلام

ياروحي ... بالمختصر
ياروحي ... عمري كبر  .... حرام ... حرام

شيب ... تارس لحيتي
شيب ... من عفتي بيتي
شيب ... يا اغله ناسي ... صار اعله راسي
بعدج ينور العين
حيل ... اذاني فكدج ....
حيل ... سهرني بعدج
حيل ... ماظل يزهره   ... بظلوعي كسره
بعدج ينو العين

تشهد نايباتي 
.....
عليج   ... يافرحتي يافرحتي 
عليج  ... اتغيرت رسومي وحالتي
عليج .... عيني انعمت من دمعتي

موتج اخذ كلشي احب
امشي بلا شوف الدرب
ينبض حزن صار الكلب

مو حيدر ... جني صرت
مو حيدر ... اتغيرت ... عليج ... عليج

وي موتج  ... حلمي انذبح
وي موتج  ... موتي صبح ... بديج ... بديج

وين ... تاليهه كولي
وين ... محني اعله طولي
وين ... ياديرة اشوفج ... مابية اعوفج
اشتاق الج كل حين

ريت ... قبلج عساني ...
ريت ... موت الخذاني
ريت ... دفنوني قبلج ... يالحيل احبج
اشتاق الج كل حين
يا كل ذكرياتي
......
اموت  ..  احسن الي  احسن الي
اموت ... يحجيهه من كَلبه علي
اموت ..  يازهرة سنيني وهلي

شلي بعد بيه العمر
وياج اعيشن بالكبر
حلوه السوالف تنذكر

يازهره ... صبري خلص
يازهره ... العمره نقص .... وحيد ... وحيد

اخذيني ... ليج انه احن
اخذيني ... اوياج اندفن ... اريد ... اريد ...

نار .... ما تطفه بيه
نار .... صبح ومسيه
نار  ... حركت دليلي ... بعدج يويلي
وين انطي وجهي الوين

مال ... حملي برحيلج ...
مال ... خليني  اجيلج
مال ... كلشي اعله كلشي ... شمتناي نعشي
وين انطي وجهي الوين
ياصومي وصلاتي 
.......
وراج ... ظهري انحنه ظهري انحنه
وراج ... كل يوم اليمرني بسنه
وراج ... متهني بحزاني انه

ياعشره تشبه عشرتج
روحي ادفنت وي دفنتج
كلشي انتهى وي موتتج

ذابحني ... انتي بكبر
ذابحي ... طاري الهجر ... اصيح ... اصيح

مابية ... اصبر بعد
مابيه ... جبدي انمرد ... ذبيح ... ذبيح

مات ... حلمي البنيته
مات ... كلشي هويته
مات ... بعدج دلالي ... شحجي اعله حالي
اتمنيتج اتشوفين 

صار ... اظلم نهاري
صار ... يبجيلي داري
صار .... حزني اعله كدي .... دمعي اعله خدي
اتمنيتج اتشوفين

اشباقيلي الوفاتي
......
كلمات
موسى الخادم

يالزهره امشي اعليج ابو اليمه
رزقيني ساعة بمجلسج خدمه
يافاطمه ... يافاطمه
......

يافاطمه مجلس لطم رزقيني
ميت تراني وخدمتج تحييني
بابج طرقته وادري مترديني
خليني وين اخدم الج ترديني

لو اكنس .. لو الطم ... لو اقره ... بخدمتج
تحت امرج ...مولاتي ... بس اشري ... بخدمتج
رهن الاشاره منتظر كلمه

.....
وفقيني اخدمج حد اخير ايامي
عليج اقسم بنحر الحسين الدامي
احلامي كلها ابماتمج احلامي
ضامي تراني ابلا عزائج ضامي

كل ساعه ... محسوبه ... من عمري ... فاطمه
خليني ... بمصابج ... دمعي يصب ... فاطمه
تبجي المصابج روحي متعلمه
......

يم الحسن كل اني ملكج اني
خادم زغير ومنبرج رباني
يالبيح اشوفن مكتمل ايماني
وخيمه عزائج عندي بيتي الثاني

كل ليله ... اتمر بيه ... تليكيني ... بالعزه
ما عايف ... ايامج ... يالنورج ... بالعزه
فطمتني امي الدمعه واللطمه

......
هنياله كلمن خادمج سويتي
وجهه ابيض اكبال الخلق خليتي
الامه دعتله ابمجلسج ربيتي
وصيته اعله كل ناسه وهله عليتي

يانعمه .. الكل نعمه .... منا منهه ... تنوجد
كل سائل ... يم بابج ... طلباته .... تنوجد

يا رحمة الله الواهبه النعمه
...
يالعالمج يختلف ان كل عالم
بي مرتبط كلشي انخلق كبل ادم
لو ما وجودج بالارض جا ماتم
فرض الصلاه والصوم والله اعلم

يا اعظم ... يا اقدس... شي طاهر ... منخلق
لو منتي ... لا طه ... لا حيدر ... منخلق
هاي الحقيقه تنحجي ذمه

........
يافاطمه يا اغله من كل غالي
ليج ارفعت جفي وطلبت امالي
تنظرين حال الناس هاي وحالي
وتدعين تعجيل الفرج للوالي

عند الله ... كلشي انتي ... واقربله ... من العرش
دعواتج ... مقبوله ... يا زهره .... من العرش
سر الله انتي المحد يفهمه

.........
كلمات
موسى الخادم

رد ظهره منكسر ... من حفرت الكبر
ودع علي ... بنت النبي  ... بين اللحد وترابه
.......
كوه يمشي اعله الجدم ... رد علي منهه
اعليهه يسجب دمعته ... من مشه عنهه
حار بامره  المرتضى ... من سمع ونهه
رد عليهه للكبر .... راد يحضنهه

اتذكر بيده دافنهه ... بالترابه
مدد عالكبر طوله ...  يا عاذبه
وزع دمعة اعيونه ... في ثوابه
قصة فاطمه اخذت ... كل شبابه

شيب علي قهر .... رد منحني الظهر
لم الحسن ... شيد وطن .... دمعت حزن سجابه

.......
تخوصر اكبال الكبر ... منكسر ظهره
مثل المضيع وطن ... حاير أبامره
صاح بدموعه التصب ... كومي يازهره
علي بعدج مو علي .... سنينه مطشره

كومي وعايني الحالي ... يالحبيبه
جرحي ابفركتج نازف ... يا طبيبه
هاذي صيحته الجانت ... بالمصيبه
حيدر ذبلت ارسومه ... من نحيبه

كالساعه يلتفت .... يحجي منو ادفنت
وسط الكبر ... دافن عمر ... اغله واعز احبابه 
.......

جرحه اكبر كل جرح .... سولفت ناسه
من دفن ام الحسن ... شيب اكل راسه
كُبر ما جنه علي .... حزنه هد ساسه
كَوه صار امن البجي ... ياخذ انفاسه

ما جنه القلع خيبر .... يمشي كَوه
واحد يسأل الثاني .... اعليه منوه
كلشي اتغير بحيدر ... حتى هوه
غابت ضحكته الجانت ... عنده حلوه

متعوبه مشيته .... مذبوحه ضحكته
دافن ورد ... وسط اللحد ... مكتوبه اله بكتابه

......
البيده دافن ضحكته ... تخلص اسنينه
الفرحه متمر خاطره ... ولا تمر  عينه
هيج كظاهه علي ... بحزنه واونينه
ناره تسعر بالكلب ... شاهد أحسينه

من يوم المشت عنه ... ام جهاله
ولون السهر ظل ياخذ ....من خياله
ويه ام الحسن ودع ... ما حلاله
ما واحد علي يلومه ... ايبجي حاله

كلشي ابعلي ذبل .... ومتاني للّاجل
الفارك شمس ... بيته يحس .. ما واحد ايدك بابه
......
سلوته بالمكبره ... اليفكد ام بيته
تخلص ايامه قهر ... وتروح عافيته
الزهره جانت عد علي ... هيه غاليته
حقه حيدر يختنك ... كل هوه بريته

اغله امن النفس عنده ... هي جانت
بموتت فاطمه الزهره .... روحه ماتت
ظلمت دنيته بعينه ... وحشه صارت
كل أحلامه وافراحه ... اوياهه راحت

من فارك ام حسن ... بالمكبره سكن
ليل وصبح ... نازف جرح ... حيدر غميج اصوابه

..........
كلمات
موسى الخادم

شور

اه ييمه ...اه ييمه ... اه ييمه
.....
يمه لا تمشين عني ... ابقى مثل امضيعه ايه
باجر احتاجج ييمه ... بلمت أطفال وسبايه

لمن اظل ابلايه حماي
وبسياطهم تتورم اكفاي
وحدي اظلن محد اوياي
وياناظري لا وين اديره

يمه العين فتحي وعايني اعليه
وحشه ابدونج اكظي سنيني مسبيه

من هسه صرت انه  احس غريبه
مو هينه كلش توجع المصيبه
افراكج ييمه يذبح امنياتي
وين انطي بعدج وجهي يالحبيبه


.....

يمه ما شبعانه منج .. شوف عيني يالحنينه
كلمة اليمه تلجمه ... الماتت امه الله يعينه

يايمه لتخليني للنوح
اوياج روحي رايده اتروح
صرت اشوف حسين مذبوح
من كبل عاشر من محرم

صرت انظر اخيام كبالي محتركه
وجثة ابو اليمه ابخيل منسحكه

ابكثره الحوافر ساحكه اعله صدره
ماينعرف صاير وذر يزهره
والرمح نابت بالكلب اشوفه
وسكنه ورقيه طاحن اعله نحره
..........

ازغيره مو مالت مكابر ... عمرج سنينه كصيره
وردة الله انتي مكانج .... جنة الله يالأميره

المنج حرمني ريته بالموت
ماخله عندي فرحه لا صوت
الأمه يمه هذا مبخوت
الله يساعد كل يتيمه

اودعج من زغر ما جانت ابالي
بعدج كل حزن كل نوح يحلالي

بعدج يزهره حالي يقهر حالي
حزني اعله طولي يمشي ويه اخيالي
كبل السبي مسبيه روحي اني
وجفوفي مشدوده بحبل جتالي

....
لا تموتين اعله بختج ... داخله ابدمعي الاسيله
من اطيح ابحيرة الطف .... ياهو اروحله اشتكيله

من اوكف اعله التل وحيده
حيلج اوياي اني اريده
حسين من ينحز وريده
ياهو اليصبرني ييمه

ما يبقالي حيل ابكطعت المنحر
اظل كلي اعله طولي ابمشيتي اتعثر

امن اركضله ياهو يكلي يمه تاني
خل امشي وياج العشك زماني
بذيج الفجيعه ياهو يعتنيني
وكل البقالي انحور من خواني
......
الهوه الما بيه عطرج ... خنكه ما اكدر اشمه
ظلي يمي سنيني وحشه ... وانه احب كلمة ييمه

فركاج يذبح منحري بسيف
مثل الرضيع العطشه الصيف
كربله باجر تذبح الضيف
وحبل السبي يموت رقيه

وبركبة عليل حسين انظرهه
ذيج الجامعه اليصعب اوخرهه

وكل الاحبهم عالترب أشاهد
مثل الذبايح واحد اعله واحد
وللشام اروح اميسره اويه غربه
ما واحد اليسال علي ويناشد

.......
كلمات
موسى الخادم

السلام عليكم اخوتي خدام الحسين في الايام المقبلة سوف يتم نشر قصائد الليالي الفاطمية… الرواية الثانية

بالمغتسل ... مد ايدة حيدر عالظلع وارتبك
بالمغتسل ... قصت حياته صارت اعله المحك
بامر الزجية اتحير
شاهد ظلعها امكسر
.......

حيدر علي ذاك النفل .. بالحرب شايع صيته
بالمغتسل حيله فكد ... صار الدمع عوجيته
مو عجبة الي فارك محب ... لو تنسلب عافيته
اومو شاب شايب ينكلب ... بيضه تصبح الحيته

شايب صبح ... بعد ام حسن حيدر امير المله
شايب صبح ... بي حارت املاك السماء العله
شكله بعجل تغير

......
شاهد كسر ظلع ام حسن ... واتغيرت احواله
مايدري يبجي اعله الظلع...ما يدري يبجي الحاله
ظهرة انكسر عل المغسل ... وتناثرت اماله
يافاطمه ايصيح بحزن ... وايعاين اعله اعياله

محني الظهر ... ينظر على احسينه اليصب دمع
محني الظهر ...وصرخت بواجي عل ظلع تنسمع
ما ينوصف هالمنظر
......
شيّعها حيدر بالخفى .... والدمع تارس عينه
بوحشة الليل المظلمه .... شال النعش بونينه
بخطواته جم عثر عثر ... كايد حسن وحسينه
مو هينه عظمه الفاجعه ... فاكد حنان اسنينه

روحه علي ... الزهرة جانت حكة من ينتحب
روحه علي ... ماتت وراها هو هذا اليحب
افراك اليحب ما يكدر

.......
بالمكبرة حامي الحمه ... ودع حياته وعمره
كل فرحه ما ظلت اله ... من بعد عين الزهرة
يحجي اويه تربان الكبر ... بحسره دليله وكسرة
هنيالك امغطي وجه ... جان الرسول اينظرة

هاي ام حسن ... عندك امانه ياتراب الكبر
هاي ام حسن ... اغله واعز شي امتلك بالعمر
اعليه الدليل اتفطر
.....
دار الحزن حيدر بنه ... بعد الزجية ابروحه
ليليته يكظيها بدمع ... وانهاره يكظي بنوحه
معذور فارك فاطمه ... مرهم شفاء اجروحه
معذور حيدر لو نحل ... هدت الزهره اصروحه

اصغيرت عمر ... من ايدة راحت فاطمه الطاهرة
اصغيرت عمر ... مو بيته سكنت سكنت المكبرة
بالحشر يفتح محضر

.........

@Alfoatm5
الحمد الله رب العالمين
اللهم صل على محمد وال محمد
موسى الخادم

من دفعو الباب عالزهرة مولاتي
كسر الظلع بان وأبتدت مأساتي
صاحت يفضة سنديني
قد اسقطو مني جنيني
…… ..... وأبتدت مأساتي
… ..

من هجم عالباب أبحقد… اتلكتة ريحان الورد
يدفعهة صار وهي تسد… حد ما كسر منهة الظلع
صاحت يفضة لحكي … بظلوعي حيل اتشبكي… ما حس بدية حركي…
ألباب فوكي منطبع
غطني بحجاب السمة … لا حيدر ايشوف الدمة… كسرت ظلوعي أتألمة
بالج يشاهدلج دمع

حيدر لون شاف كسري ونزف دمي
من طولة يوكع موته يصح يمي
اخُذي بكفي وسديني
قد اسقطو مني جنيني

……
أتعنيت الهة ابلا وعي … وعالخد يسايل مدمعي … صاحت يفضة طلعي … بظلوعي بسمار أنغرس
حاولت وياه اشكثر… منغرس حيل امن العصر… كل ما اسحبة تحتضر
ويضيك للزهره النفس
كل هذا وبحيدر تهم … موش بجرحة الملچم … ليهة السمة مطرت نجم.
والكمر ينعى اوية الشمس

عالزهرة ياناس شفت الورد يبچي
وعيون الحسين متحّيرة اشتحچي
صيحاتُ حزنٌٍ تعتنيني
قد اسقطو مني جنيني
… .
حاولت اشيلنهة وشفت… كسر الظلع بيدي وعفت… ساعتهة حيل اتخوفت… منظرهة يبجلة الصخر
كالتلي فضة اتحملي .. الخاطري والخاطر علي… عن حالي لا لا تسألي
متألمة حيل امن الكسر
كل حيل ما ظلي بعد … بالباب احس صدري أنمرد… ياجرح أعوف وجرح اشد
والنزف ماخذني وكثر

بنت النبي اشلون هيجي يجازوني
يافضة ترضين عالعين سطروني
لم يكتفو جرحاً بعيني
قد اسقطو مني جنيني
… ..
محسن شفت فوك الارض… نازف دمة بطول وعرض… بمصابة بچة اهل الفرض… وعيون اخوه احسينة
غطيته بمصلايتي … واعلية تسايل دمعتي … الزهرة أشد من حالتي
من شافتة امغطينة
صاحت يسباح الگلب… وسفة يغطيك الترب… مو هين افراك صعب … يل ماعشتهة اسنينة

ما شبعت العين من شوفتك ليلة
مستجعل الموت تابوتك ايشيلة
يا هل ترى ذنبي بديني
قد اسقطو مني جنيني
… ..

شحجي وشسولف عالجرة … جيش وهجمة اعلة مرة … والدار نار أموجرة… البيهة الوحي تنزيلة
كادو علي بحبل الغدر… ظهرة بوصية منكسر
والزهرة خدهة منسطر … نازف دمة اعلة الشيلة
طلعت وماخذهة النزف … واعظاهة كلهة ترتجف… خلو أبن عمي يا حلف
لو راسي اكشفة الليلة

من أكشف الراس والدمعة أجريهة
دنياكم أبساع بارينة يمحيهة
لا يرضى ربي في انيني
قد اسقطو مني جنيني
… ..
الحمد الله رب العالمين
اللهم صل على محمد وال محمد
موسى الخادم

امير المؤمنين ع يخاطب الزهراء ع وهي في قبرها…
… ..
مشتاگلج … يالبية طيبج زارعة
مشتاگلج ... كد رحمة الله الواسعة
يا فاطمة .. يا فاطمة… يافاطمة
… ..
يم سوالف دافية وتكطر حنان
شرد اسولف عنج ايحير اللسان
انت رحمه امن الاله ابكل زمان
وبعد عينج ما بقت رحمة وامان

وي موتج … مات الورد يالغالية
وي موتج … طاحت شمسنة العالية
متألمة… متألمة… متألمة
… ..

يل صفاتج تختلف عن كل صفات
ابروحتج كل معنى ماظل للحياة
مو عجيبة الكون يبجيلج فرات
ومو عجيبة الفرح بعدج ذكره مات

حزنانه… لمصيبتج دنيانه
حزنانه… ارض وسمة ويانه
تبجي السمة... تبجي السمة... تبجي السمة
… .
انتي يازهرة جنان امن الزهور
امچانچ البستان مو ذيج الاكبور
ما مصدك ميته والكبرج أزور
والج اقرة الفاتحة واشعل بخور

معقولة … الفاتحة اقرالج
معقولة ... جوه التُراب أخيالج
شهل خاتمة… شهل خاتمة…شهل خاتمة
… .
يالتركتني وانه بعازه الهواج
داري ظلمة يالزجية ابلا ضواج
علّيتي ما تشفة الا من دواج
انه ميت بس جسد باقي وراج

تدريني … ما اهو اعيش أبدونج
تدريني … للموت احن وأعيونج
حلم ارسمة… حلم ارسمة… حلم ارسمة
… .
صورتج بعيوني مكسورة ظلوع
وحركة الباب بحقد ذيج الجموع
روحي تاخذني الحجرتج بالدموع
اعلك ابحزاني يا زهرة الشموع

كل ليلة… ادخل حجرتج ناعي
كل ليلة… اللطم عليج اظلاعي
وخدي اللطمة… وخدي واللطمة ..وخدي اللطمة

……
بية حسرة الموتتج حسرة يتيم
ماتت امة وعافته بحزنه يهيم
الدنية من بعدج احسنهة جحيم
يالمشيتي بظلع مكسور وألليم

يالغالية… روحي الج مشتاكة
يالغالية… كولي اشوكت نتلاكة
يالعالمة… يالعالمة… يالعالمة
… .
الحمدلله رب العالمين
اللهم صل على محمد وال محمد
موسى الخادم

لعن الله ظالميكِ فاطمه
....
الهجمو اعله الدار والشبوها نار ... ذوله موش اسلام ذوله ناصبية
الله لاعنهم على اللسان الرسول ... وحيدر الكرار حماي الحمية

هله .. هله

ما يصح الة الصحيح ...
وهمة اساس الكل غلط
للفتن رفعو شعار ...
وعاشو بهذا النمط

لعن الله قاتليك فاطمه
........
مو زلم نسوان ذوله الحاربوج ... الزلمه ما يضرب مرة فشله بسلفنه
غيرة ماعدهم ولا عدهم حياء ... الايده مدها عليج هذا ايده عفنه

هله .. هله

بختج ايعثر مضيف
ويشهد التاريخ الج
بالسعير الحاربوج
وانت جنه منزلج

لعن الله جاحديك فاطمه
......
الدفع بابج والدخل عنوا عليج ... هذا مو طاهر حليبه هذا ناصب
الروحه نصبّها خليفه ابلا قرار ... هذا خان العشره ما تلكاله صاحب

هله ... هله
باجر القاضي الالاه
ويحكم ابكلشي الج
حق ظلوعج والجنين
ياخذه من عاذلج

لعن الله عاذليك فاطمه


......
سيدة كل النساء ابهل وجود ... مثلج ابهل كون
ماكو يالعفيفه
انتي سر الله العظيم الحاربو .... بحركت الدار ونصب ذيج السقيفه

هله ... هله
باجر المهدي يثور
ثارج امربع يرد
بيده شايل ذو الفقار
على ظلامج يهد

لعن الله باغضيك فاطمه
.......
الحمدالله رب العالمين
اللهم صل على محمد وآل محمد
موسى الخادم

موسى الخادم:
يااله السماولت ... أخرة موت أمي لحضات ..... صعبة فركاهة مأسات
،،،،
رايد أشكي همومي للزهرة الزجـية
رايد اخبرهة البعد يصعب عــــلـية
رايد احضنهة وأضمهة أبين أديــة
رايد أشبع منه شوف ابهل المسـيـة
ارد أشوف حالي لمي .. ارد اكلهة تــبقى يمي ... ... فاكـــــد ألابـتسامات
،،،،،
يااللهي أقسم عليك أبمحي هالــدين
يااللهي أخذ العمر كبل أم الحــسين
يااللهي موتي أرحم عندي مــرتين
يااللهي أبلاية أم مـــا تغمض العين
بالسهر أيامي تمضي .... بالحزن كل عمري يكظي ... عمري يخلص بالاهات
،،،،
راجي عطفك ربي لا تاخذهة مـني
راجي عطفك بالدموع التجري ذني
راجي عطفك تســـتمع يا ربي وني
راجي عطفك لا تبعد الزهرة عــني
انه هذا حسين أبنهة .... صعبة يتفارك حضنهة ... ربي رجعهة ساعات
،،،،،


مالي غيرك يا اللهي أشكـيلة حـالي
مالي غيرك يا رحيم أيـرد ســـؤالي
مالي غيرك وحشة بعد أمي اللـيالي
مالي غيرك والحـزن واضح يـلالي
حزني يكبر من بعدهة ... غالية الام عد ولدهة ... أحمل أشكد معانات
،،،،،
ربي قادر تنطي من عمري العمرهة
ربي قادر تشفي كـــل علة بصدرهة
ربي قادر بيـــدك أتجــــبر كســرهة
ربي قادر تاخـــذ اسنين العــصرهة
ربي لا ترحم خصمهة ... دخلة نارك من ظلمهة ... لا تشوفة المسرات
،،،،،
انت أعلم مــن تموت امي الحبــيبة
انت أعلم كل فــرح يعـــلن مغيــبة
انت أعــــلم كلبي يتعالى بنحــــيبة
انت أعلم روحي ما تحمل مصيبة
من تمـوت أخفيه موتي ... وأستعـد لـيه بسكوتي ... ربي قـرب المسافات
"""""""""""
الحمد لله رب العالمين
اللهم صل على محمد وال محمد
موسى الخادم

يازهراء .... يا مصدر كُل نعمه
يازهراء ....مشكورة اعله الخدمه
خدمتج يامحلاها
البيها عايش يتباها
......
مشكورة يا ام الوفه .... مجلسج من جبتيني
تايه جنت مثل الطفل ... عالخدمه دليتيني
لو الف عام اخدم الج .... امقصر اشوف بعيني
لا شي جنت كبلج انه .... وانتي الي سويتيني

يازهراء ... ما وافيج افضالج
يا زهراء ... لو كل عمري اقرالج
قيمتي من سواها
خدمتج يا محلاها


....
ممنون الج يم الحسن ... من جدمي والحد هامي
من غيرج انتي فاطمه ... للخدمه شد احزامي
مطلوبلج دين ابكبر ...طف الحسين الضامي
ماوافي حقج لو الج ... اخدم جميع ايامي

يا زهراء ... يا مفتاح الجنه
يا زهراء ....الخادم بيج مهنه
يا هديت الله الطاها
خدمتج يا محلاها
......
يافاطمه الزهرة الج ... افضال كثرة اعلية
لو ريد اعدهن بالضبط ...احتاج الف لطمية
خيرج امغركني اعترف ... هالخير بين بية
شكرا الج شكرا الج .... يم زينب العلوية

يا زهراء .... شكراً يم العتره
يا زهراء .... اعليج اقبلتيني اقره
كل قصيدة امن اقراها
خدمتج يا محلاها
.....
الف انعم الله يم حسن ... احجيها دوم ابالي
لو ما خدمتج جا تهت .... والضيم اصبح حالي
شلي بحياتي ودنيتي .... المابيها مثلج غالي
ياسر وجود اهل السمه ... واهل الارض للتالي

يا زهراء ... تسبيحت كل حيدر
يا زهراء ... تنفع يوم المحشر
بالمواقف خصّاها
خدمتج يا محلاها

.....
هنياله كلمن صار الج ... خادم امسجل اسمه
اهل السمه واهل الارض .... تحسدة على هالنعمه
مجلسج مو ياهو اليجي ... يحضر اله ويخدمه
محتاج توقيع النبي .... ومعصوم من اليمه

يا زهراء .... خيراتج ما تنعد
يا زهراء .... كل العالم يشهد
اسمج الدنيا احياها
خدمتج يا محلاها
......
كلمن يبغضج فاطمه ... الله بعضمته ايبغضه
ما يحصد الفرحه ابد ... كلمن بدالج رفضه
بس اليحبج من صدك ...هذا الي كاعد حضه
للجنه يدخل كل الملك ... أبتوج الذهب والفضه

يا زهراء ... رابح كلمن حبج
يا زهراء ... راضي العترة و ربج
كلمه بالحق كلناها
خدمتج يا محلاها
......
الحمدالله رب العالمين
اللهم صل على محمد وال محمد
موسى الخادم ..

اخر ليله ... كعدو سوه يم امهم
اخر ليله ... ايكلموهه وتكلمهم
بجه حسين ونظرهه
وعلي ايعاين كسرهه
اخر ليله ... اخر ليله
......
منظر ياخذ روح الشافه . مو بس زينب
حسين مكدر كاعد يبجي . وحيدر ينحب

شابح لونه ... هدله امتونه ... الله بعونه
حيل امعذب

ماجن حيدر هذا الواكف . باقي اخياله
مره ايكوم ويوكع مره . اكبال اعياله

شهكة ريته ... وكل عافيته ... اتفارك بيته ...شيضل حاله

باجر ماكو ... ابيته الزجية الزهره
باجر ماكو .... صاحبت اجمل عشره
يضموهة بكبرهه
وعلي ايعاين كسرهه .
......
متوسده اعله افراش العله . وتنظر ليهم
ماهمت بألام البيها . همّت بيهم

دكلهم يمه ... ما متألمه ... وهي ابظلمه
امن تحاجيهم

خافن تفجع كلب العيله . جرعت كل مر
وبسكته اتوصيه بحيدر . كالتله اصبر

حيدر يسمع ... منهه ويدمع ... كلبه اتكطع
لمن يحفر

يا عافيتي .... امسح دموع اعيونك
يا عافيتي .... من فدوه اروح اللونك
تواسيه ابعمرهه
وعلي ايعاين كسرهه
......
وحال الحسن يم جدم امه . ايبوس بيهه
ويكلهه الدار ابلا شوفج . ما طب ليهه

اوياج اخذيني ... لتعوفيني ... دمعت عيني
اعليج اجريهه

ماعندي افراح ابهل دنية . انتي افراحي
يايمه ابموتج تدريني . تزيد اجراحي

رحمي ابحالي ... يا اَمالي .... كعدي اكبالي
سمعي انياحي

يمه بدونج .... دارج تسكنه الدمعه
بمه بدونج .... اكضيهه ابجي وانعه
مصيبه يا كبرهه
وعلي ايعاين كسرهه

.......
اكثر صوره اتألم جانت . عل شافاهه
حسين امدد طول اويمه . وما عافاهه

يصرخ يمه... وهيه اتضمه .. بهيده اتكلمه
روحه انطاهه
من كثر امناشغته اعله امه . وكثر اوجاعه
خفت عليه لا تطلع روحه . بهاي الساعه

اسماء اني ... حسين اذاني ... زاد احزاني
عطشت كاعه

يشبك بيهه .... ويعاين اعله اعضيده
يشبك بيهه .... ويخلي اديها ابيده
وي شمشم ابعطرهه
وعلي ايعاين كسرهه
.......
كلهه بصوب وزينب جانت . هاي الليله
تجري ادموع الفركه وتشكي . الحامي ادخيله

ادكله امنه ... امن اتفاركنه .... يكثر همنه
ياهو يشيله

بوية ازغيره انه ومحتاجه . الحضن الزهره
مابية اتيتم من زغري . واجري العبره

من بعد امي ... يكثر همي ... ويصير اسمي
ايتيمه ابكسره

محتاجتهه ... كللهه لا تتركني
محتاجتهه ... اشمحلاهه من تحضني
تتخيل صورهه
وعلي ايعاين كسرهه
.......
كلمات
موسى الخادم

حضره الج تنبي ... وسط الصحن يم علي
متنورة بالذهب ... لاخر سمه تعتلي
يم البخت والفخر
هاي امنيات البشر
......
كبه ومناير من ذهب مبنيه الج وسط الصحن
منا ضريح المرتضى منا ضريحج يم الحسن
واجمل عباره تنكتب بسمج على مر الزمن
ياخادم الزهره ابتشر رجعت الزهره للوطن

كبر ام حسن يم علي ... من المدينه انتقل
الباري انطه الامر ... وجبريله جابه بعجل
عاجل يرد هالخبر
هاي امنيات البشر
.....
ماكو كبر مخفي بعد كبرج يصير البلنجف
تتنعنه زوارج الج مثل اربعين البسمه طف
درب المواكب ينملي زوار الج كلهم شرف
واعداد زوار التجي مليون صف يماشي صف

زوار الج تعتني ... من كل بقاع الارض
ليل ونهار وصبح .... ما واحد اليعترض
هنياله كلمن حضر
هاي امنيات البشر
......
كل زاير ايزورج يجي بيمينه شايل رايته
يم بابج ايدنك خجل والسمه تلقط صورته
لهفته الشباجج اشد من لهفته الشوف اخوته
بعيونه ما ننظر دمع ننظر فرح بزيارته

خلص حياته بجي ... واليوم اجاه الفرح
بزيارتج يم حسن ... صدرة ودليله انشرح
طوك الهموم انكسر
هاي امنيات البشر
.....
اويه المهدي ينقام العزه بسمج يمكسورة ظلع
يرتقي المنبر بالدمع والنور من خده يشع
والبث مباشر ينقل ويشوفه كل هذا الجمع
اليوم يوم ام الحسن نستقبله بحركه ودمع

اعظم عزاء ينعقد ... بسمج يبنت النبي
والمستهل ينكتب ... لعنه اعله كل ناصبي
والقارئ المنتظر
هاي امنيات البشر
......
كلمات
موسى الخادم

بين الحايط وبابه  ... امي الزهره عصرو
دمهه انتثر .. خدهه انسطر .. هذا الشفت
بعيوني
.......

انه الحسين اروي ما صار وجره
من هجوم الدار حد الكسر
امي جانت كاعده اويانه بهنه
لحضه والباب انطرق بالغدر
اعتنتله امي الحبيبه وهو صاح
دفعو باب الزهره ما ظل عذر
اتلكته ابكل حيلهه المابيه حيل
لحضه والبسمار ضك بالصدر

صار ابحيله يدفعه .. عالحايط انظره
كلشي عصر ... خدهه انسطر ... هذ الشفت
بعيوني
.....
ابعصرت امي عاينت محسن سقط
على العتبه ابلا ذنب دم جره  
صاحت امي فضه سنديني ابعجل
مني محسن طاح فوك الثره
الحيل ما بيهه على الكومه بعد
حكهه كل اظلوعهه أمكسره
اركضت ليهه بلايه راي ابلا فكر 
ومثلي الهه هم ركض حيدره

صاحت ياضوه اعيوني ... لا تبجي علية
زال الخطر ... خدهه انسطر ...
....
بعد حرك الدار كادو جف علي
وامي طلعت خلفه تجري الدمع
هو يمشي ويلتفت ليهه بحزن
بشريني شنو اخبار الضلع
خلو ابن عمي تصيح ولامجيب
حالهه بجه العرش  والشرع
صورة من اذكره ما تبقالي روح
وانهضم حيل ابذكرهه انفجع


تمشي اعله الجدم كوه ... امي شاهدتهه
تمشي اتعثر ... خدهه انسطر ... هذا الشفت بعيوني
......
امي من هالحادثه سلهه المرض
حسره صارت عدهه جرت النفس
ليلهه امساهره اتكضيه بالونين
والنهار اعليهه يخلص همس
كوه تركع كوه تسجد للصلاه
ما تبين الوجع خافن نحس
شابحه اللون امي غيرهه الكسر
وين هسه اواوين جانت امس

وردة امفتحه ابنصنه ... وسفه ذبلوهه
شبعت قهر ...خدهه انسطر ... هذا الشفت بعيوني
........
اخ ياليلة وداع امي الاحب
هاي اشد ليلهص علي بالزمن 
كلميني صحت الهه بعبرتي
وهي طلعت ايدهه من الجفن
نادت جبرائيل ياحامي الحمه
نحَّي ايتامك امن ام الحسن
بجت املاك السمه ايتامك علي
ساعد الله كلبك ابهل محن

ما انسه الجفن احمر ...ساعت ودعتهه
بالمختصر ... خدهه انسطر ... هذا الشافت اعيوني
........
كلمات
موسى الخادم

كلنا جنودك  ... يا امام الزمان

.....
١.
أيُها الموعود ... ضاكَت الأنفاس بينه ... أيُها الموعود
أيُها الموعود ... وجارت الدنيه علينه ...  يا أمير الجود

اتمادت  ...  سيدي اسرائيل
واتعنت ....  للقدس بالفيل
خل سيفك ...  يمطر السجيل ... راوينه

غضب فقارك
يتاني الثارك
مثل متاني
جموع انصارك

امتانينه .... امتانينه ... يومك يراعي النصر
امتانينه.... امتانينه ... اشما باقي بينه عمر
امتانينه .... امتانينه ... موت اليمر عالكفر

كلنا جنودك ... يا سفير الحنان
......
........
٢.

شيعتك كل يوم ... امشيعه قائد مثل الاشتر ... شيعتك كل يوم
شيعتك كل يوم ... تنذبح مرتين واكثر .... يادوه الملجوم

يا جمعه ... ننتظر ملكـاك
كل واحد ... بينه روحه اوياك
ما نصبر ... اكثر وفركَاك ... ماذينه

يناصر دينك
نناشد وينك
بعيده اديارك
بعيده اسنينك

ندعيلك ... ندعيلك ... كلنه ابدعاء الفرج 
ندعيلك ... ندعيلك ... يا محيَّ كل المهج
ندعيلك ... ندعيلك ... يا باقي نسل الحجج

كلنا جنودك .... ترجع النه ابأمان
.....
.......

٣...
أشر بيمناك .... وانظر انصارك يغايب  ... أشر بيمناك
أشر بيمناك ... ندخل ابهمه ونحارب  ... سيدي العاداك

يا قائد ...  ثورة الإسلام ...
يل بسمك ...  تنتخي الايام ...
يا وراث ...  حيدر الضرغام .... والينه

قسم بالكوثر
نرَّجع خيبر
على كل ساتر
تشوف الأكبر

يا مهدي ... يامهدي ...  صيحتنه ساعت نطب
يا مهدي .. يا مهدي .. اسمك نخط عالكَلب  ...
يا مهدي ... يا مهدي ... لجلك نخوض الصعب ... هد بينه

كلنا جنودك ... من كَلب مو لسان
.......
.......

٤.....

كثرت الثارات ... يابو صالح عجل امرك ... كثرت الثارات
كثرت الثارات ... وبدمه المنحر ننصرك ... تشهد الآيات

حشمنه ...  وانظر الأفعال
تلكَانه  ....  والله خوش ارجال
ما نركع ... للظلم لو طال .... تدرينه

نظل وفايه
ونرف بالرايه
امن اخير الدنيه
نجيك اعنايه

فرسانك ....فرسانك... جربنه كَول وفعل
فرسانك .... فرسانك ... باجر لمن ننسئل
فرسانك .... فرسانك ... عنك ابد ما نزل

كلنا جنودك ... كل زمان ومكان
......
..........

٥.....

انتقامك حان ...دكَ طبول الحرب بيدك ..انتقامك حان
انتقامك حان ... يا نصير الحق نريدك .. انتقامك حان

أمريكا ... موطن الكفار
هب ريحك ... واشهر البتار
يامهدي .... تطلب اشكم ثار ... مهدينه

كثر ثاراتك
وحق لوعاتك
ظلوع ومنحر
أوسبي عماتك

وبروحك ... وبروحك ... اكبر جرح منفتح
وبروحك ... وبروحك ... جم قائد اعله الرمح
وبروحك ... وبروحك .... حركَ الخيم كل صبح

كلنا جنودك ... من يحين الأوان
...........

✍️ كلمات موسى الخادم

مجالس فاطمه .... تحبهه اهل السمه
تحبهه اهل السمه .... مجالس فاطمه
......
رابح البيهه حضر هاي المجالس
اعليهه حتى الأنبياء صارت تنافس
والملائك تكَصدلهه  كالنوارس
والمنابر تشهد ابهاي القضيه
.....
هل مجالس نعمة الله ومن حضرهه
ما تمس  النار عينه ولا تضرهه
جنة الله اتصير اله دار بكبرهه
ياهو اليحصل مثل هاي الهديه
....
كل حوائج ما تظل ابهل مئاتم
كلهه توكع بيد امنه الزهره فاطم
الف هنيالك يمن عالصدر لاطِم
هل وسام يصير الك اعظم هويه
.....
فاتحت ام الحسن ألهه اهلهه
موش ياهو الجان يكَدر يوصلهه
بس التحبه الزجيه يحضرلهه
ويا كبر حضه العلي ترضى الزجيه

......
باجر ابسجل الزجيه ايشوفه اسمه
كل شخص محروك لم حسين  دمه
وبكثر دمعاته الهه وكثر لطمه
أجره ياخذ اي وحق حامي الحميه
......
✍️ كلمات موسى الخادم

احب ملكَاج ... يا يمه
صعب فركَاج ... يا يمه
اموت اوياج ... يا يمه .... يا زهراء
.......
الحياة ابلا وجودج ظلمه تدريهه
منو الزينب بعد موتج يباريهه
تريد اوياج روحي اتروح خليهه
من شوفت اعيونج لا تحرميهه

الكَلب يهواج ... يايمه
صعب فركَاج ... يا يمه
اموت اوياج ... يا يمه .... يا زهراء
.....
على ارسومج ييمه اعيوني متعوده
ودليلي اعليج من النوح شيهوده
التموت امه يعيش ابدنيته الوحده
مثل واحد غريب وكلشي ما عنده

ابدمعتي انخاج ... يايمه
صعب فركَاج ... يا يمه
اموت اوياج ... يا يمه .... يا زهراء

.......
يم حلو الحجي ويم حلوت الملكَه
بعد عينج نضيع وفرحه ما نلكَه
عليج ابداعت الخيل العده اتسحكَه
افتحي ااذراعج اواخذيني بالشبكَه

أظل انعاج ... يا يمه
صعب فركَاج ... يا يمه
اموت اوياج ... يا يمه .... يا زهراء
.......
ييمه المكَبره ما لايكَه السنج
وبعدنه ما شبعنه اهواي من حضنج
تدخلين الكَبر وانتي الورد جنج
ابعمر اثمنطعش حرمو هلج منج

طفو عيناج .... يا يمه
صعب فركَاج ... يا يمه
اموت اوياج ... يا يمه .... يا زهراء
......
باجر ياهو اليه ابحركَت الخيمه
ومنو ايلملم اعيالي وماكو اهل شيمه
تجيني لو اظلن وحدي بالهيمه
امن اصيحلج تعالي ابصيحت ايتيمه

إلحكَي أرباج  ...  يا يمه
صعب فركَاج ... يا يمه
اموت اوياج ... يا يمه .... يا زهراء
.......
✍️كلمات .. موسى الخادم

الصعب وضعك سهل وضعي
الدمع نشفه الكسر ضلعي
يمه يحسين .. يمه يحسين
......
؛١
بس ضلع واحد منكسر ...من عندي بطل ادموعك
باجر اشوف ابكربله ... متكسره كل اضلوعك

ضلعي ايهون يالبلطف تضل دامي
وكل اضلوعك ايكسروهه كدامي
وما واحد يرحمك والجبد ضامي 

ظلع  أمك سهل  يبني
كسر ظلعك يألمني
طول الاسنين
يمه يحسين

......
؛؛٢
ألباب اهون من سحك ... خيل العده يوليدي
بعاشر محرم من اجي ... بلكَوه المك بيدي

ايطشرونك مثل سبحه البدي هايه
واصير اتعب ييمه ابجمعك هوايه
وتضل فوكي الحوافر رايحه وجايه

ييمه ابكل اثر حافر
دماك ودمي متناثر
واحنه ميتين
يمه يحسين
......
؛؛؛٣
الحمد لله والشكر ... هسه انه ما عطشانه
بس انت ضامي تنذبح ... واشفايفك ذبلانه

راسك عالرماح اتشيله عدواني
واظل اركض وراهم يمه بحزاني
وارد بخيبتي يم منحرك اني

اجي بكسري وألم جسمك
واخضب شيبتي بدمك
وحدي يا زين
يمه يحسين
.....
؛؛؛؛٤
نار العله لدار اشعلو  ... مو نفس نار الخيمه
عيلتي ما تطلع ركض..امن الخوف صوب الهيمه

لا طفلي بدي يبني ويذبحونه
واكَماطه يفك ويغمض اعيونه
محسن مات ما شايفته تدرونه

يعينك الله تنضرله
رضيعك منذبح كله
اه يالحنين
يمه يحسين
......
؛؛؛؛؛٥
هسه انه بيه بس جرح.. بس انته كثره اجروحك
بذاك الظهر أنظر ألك ... جم سيف موت ايلوحك

أجروحك تعبر الالف وتسعميه
ياجرح الأضمده  ابساعت الجيه
واسمع صوت بجي اسكينه وارقيه

السهام ابصدرك امطشره
اجر عشره بعد عشره
مالك امعين
يمه يحسين
......
؛؛؛؛؛؛٦
لا يوم مثل امصيبتك ... لا يوم يابو اليمه
من راسك الحد الجدم ... كلك تصير امدمه

يصير احمر ييمه امن النزف لونك
وعلى الغبره تضل وما يشيلونك
بلا غسل ودفن عاري يخلونك

على الجسم الي يتسلب
اظل اتلث ليالي انحب
يا ضوه العين
يمه يحسين
.......
✍️ كلمات موسى الخادم

صيحه بالحق ترتفع  .. يافاطمه
مانساوم عالضلع  . . يافاطمه
......
ثارج امربع نرده باجر اويه القائم
خل يعادينه اليعادي وخل يلوم الايم
حصرًا ابهاي القضية النه موقف حاسم
نصلب اعله الشجره كلمن داس بيتج فاطم

نشلع اعيونه شلع .... يافاطمه
مانساوم عالظلع ... يافاطمه
......
ما نجامل بالقضية لا نساوم واحد
هالقضية اضلوع بيها امكسرات انشاهد
لاخر الانفاس بينه يالزجية انعاهد
دمج ابركبتنه دين انجيبه من كل حاقد

مانعوفه ابأي وضع ... يافاطمه

......
حقنه ما نتخله عنه نعتنيه اعناية
حجاية كلناهه بعزائج واحنه كد لحجاية
الدنيا نكلبهه اعلمودج راية تتبع راية
احنه تربات ابو فاضل سيد الوفاية

بينه زارع هالطبع ... يا فاطمه
.......
قصة البسمار عشنه امن الزغر وياهه
جيل جيل انوصي صرنه حتى ما ننساهه
اللعين الحرك بابج كبله من سواهه
هاية اول جمله نكتبها الطفل اليقراهه

سيدة كل الجمع ... يا فاطمه
......
والنكر طيحت جنينج والظلع والعصره
منة متبرين لاخر نفس عدنه انجره
بالقيامه اول قضيه تنرفع يالزهره
على شيخين الرذيله المارعوهه العشره

محكمة حق ترفع   ... يا فاطمه

......
يالزجية افداج كلنه من الشبل للشايب
بس تأشرين بيمينج صاحب يجر صاحب 
جنود تحت امرج يزهره وتحت امر الغايب
سمعاً وطاعه ننادي للظهور انراقب

نورة يا ساعه اليشع ... يا فاطمه
.......
الكلمات
موسى الخادم

أماني ... فاطمه
كياني ... فاطمه
ملاذي ... فاطمه .... ام الحسن والحسين
.......
اني كلشي ... عندي هيه ... فاطمه أم الحسن
وي دمي ... ويه روحي ... تسري ما عشت الزمن
انه تايه ... عمري جبته .. وهيه صارتلي الوطن
ليهه ترخص ... كل حياتي ..  وما اوفيهه الثمن

ندائي ... فاطمه
رجائي ... فاطمه
ملاذي.... فاطمه .... ام الحسن والحسين

.......
نعمة الله ... ام ابوها .... اعليه افضل كل نعم
الهه خادم ... أفخر انه ... من صرت يهل الشيم
بعتقادي ... كلشي زايل ... هذا واقع مو وهم 
بس ذكرها .. الزهره باقي ... ارد افهم الما فهم

شعاري ... فاطمه
خياري ...  فاطمه
ملاذي .... فاطمه ... ام الحسن والحسين
......
جنة الله ... من سألني .... راح اكَله فاطمه
ما أساوم ... على حبهه ... لو يملكوني السمه
الدنيا هايه ... ابلا رسمهه ... جنهه ذيج الحاطمه
وحق زينب ... وابو اليمه ... وعلي حماي الحمه

وجودي ... فاطمه
خلودي ... فاطمه
ملاذي ... فاطمه ... ام الحسن والحسين
......
أبقى خادم ... وبخدمتي ... للزجيه انه افتخر
والمجالس ... نعمت الله ... بيهه يا محله الذكر
بالنواعي ... والبواجي .. وبلطم ذاكه الصدر
كَبري أدخل ... انه ناذر ... من يخلَّص هالعمر

حياتي ... فاطمه
مماتي ... فاطمه
ملاذي ... فاطمه ... ام الحسن والحسين
......

......
✍️ كلمات .. موسى الخادم

وصلو سلامي العباس ... وكَلوله من الزهره
بس لا تكَلوله اضلوع ... من الصدر منكسره
يغتاض ابعجل تدرونه يمه
لتجيبونه طاري الباب يمه
......
وصلو سلامي الكافل ام عون الحبيبه
وكَلوله أمك فاطمه اتحبك يهيبه
واخفو عليه كسر الظلع واخفو المصيبه
والحايط البيه الدمه ايزيد نحيبه


مسحو الدمه الظل عالباب .. خافن تشوفه اعيونه
عباس غيره عاشور  ... ايهدل مصابي امتونه

دمه ايفور مثل الفحل دمه
لتجيبونه طاري الباب يمه
.......
اتمنيت اشوفه ابعيني بس ما بيدي حيله
مكتوب اموت انه قبل عم العليله
ما بيني اوبين اليجي اسنين الطويله
ومن عمري بس ضلتلي ساعات القليله

كَربت منيتي ابهل يوم ... راح انه اودع اسنيني
ما بيني بين العباس ... جم سنه تنظر عيني

حيل اهواي باقي سنين هضمه
لتجيبونه طاري الباب يمه 
.......
حرموني اضمه اعله الصدر بثنين اديه
الحركو علي داري وشفت منهم اذيه
بوسولي جفينه التضل بالغاضريه
وكَلوله هالبوسه الك من الزجيه

كلش حنين العباس ... يستاهل انطي روحي
طالع على ابني حسين ... بلسم الهاي اجروحي

مشتاكَه اشكثر بجفوفي اضمه
لتجيبونه طاري الباب يمه
.......

عندي أمانه للكَمر حامل لوانه
سبحتي الطين انطوهه اله وصلو الأمانه
تمنيته حاضر هالمسه ويمي مكانه
عباس مو بن ضرتي لا جن ابني انه

مو بس حسن والحسين.. والمحسن العندي اني
عباس ابني المحبوب ... وصلوهه أله امن الساني

حسين الثاني عندي الكَمر اسمه
لتجيبونه طاري الباب يمه
.......
يحصل لقائي اوي الكفل بنتي الوحيده
بعاشر محرم أعتني الناصر عضيده
عالمشرعه دمعي يصب لعيونه ويده
وبعالي صوت اصرخ تره اني مو بعيده

يم الشريعه ابلا روح ... اهناك احضر انه بدمعي
من عينه اطلع الاسهام  ... وما خله ينظر ظلعي

اومن جفينه والمنحر اشمه
لتجيبونه طاري الباب يمه
.......
✍️ كلمات .. موسى الخادم

شيعني ياحيدر ... من تغمض اعيون البشر
ودعني ياحيدر ... من ياخذك حيل السهر
هاي الوصية ابينك وبيني
.......
ما ريد الغصب حقي ... اوياك الدفنتي يحضر
عليه يحرم حمل نعشي .. ظلعي ابلا ذنب كسر
هاي اول وصية اكتب ... الك بدموعي يا حيدر
اصبر ياعلي اصبر .... باجر عل الصبر تؤجر

من تغمض اعيوني ... لاتحني ظهرك ياعلي
يا بسمتي ولوني ... كسرك يفرح عاذلي
عظمه المصيبه ادري ياعيني

......
انه ابثوب الصلا اطلب ... تغسل ياعلي جسمي
اني طاهره وتعلم ... طاهر دمي ولحمي
الله يعينك تشاهد ... كسراتي ونزف دمي
ياحيدر ينور العين .. دمعك لا تصب يمي

يااغله من روحي ... ما اريد اشاهدلك دمع
يابلسم اجروحي ... فدواتك اني والضلع
يافرحت الايام وسنيني
....
شيعني ابظلام الليل ... وغطي ابرايتك نعشي
تمشي انت وانه وياك ... روحي ياعلي تمشي
يالاقرب الي امن العين .. وامن الحاجب ورمشي
وياك العمر كظيت ... ما بي خله من كلشي

ماقصرت عمرك .... كضيته وياي بهله
شارح الي صدرك ... بجالك جنت مدلله
يالعشرتك جانت تغطيني
......
ياحيدر علي بهيده ... الكبري من تنزلني
خافك تلجم اظلوعي ... وتسمع لوعتي اوني
وسعلي اللحد فدوه ... وظل لا تبتعد عني
رش كبري بدموع العين ...واقره الفاتحه ابذني

ليليه يالغالي ... تحضر اريدك للكبر
قران تقرالي ... حد ما يطر خيط الفجر
متعودة اسمع صوتك ارويني
......
ياحيدر يداحي الباب ... يغله امن النفس عندي
قبل متهيل فوكَي اتراب .. خل خدك على خدي
روح انت وجسد اني ... سوه ندخل علي اللحدي
وحدك ما تعيش تموت ... وقصة غربتك تبدي

صعبه الفكد روحه .... عايش يضل بين الاهل
ما تنشف اجروحه ... حد ما يجي يوم الاجل
ميته انه صح بس انت تحيني
.......
لا تكطع وصال اوياي ... ليلية تجي الكبري
كايد زينب ابيمناك ... وحسين وحسن عمري
وحشه المكبره ياحيد ...بيكم ينشرح صدري
مامتعَّودة اعله افراك ... اعليك امعوده تدري

يالصورتك بية ... مافاركتني صورتك
فاركتك اشوية ... عيني عمت من فركتك
ابريك ذمتك وانت تبريني

.....

الكلمات
موسى الخادم

مولاتي يزهراء يفاطمه
......
خدامج يزهراء ... دنية واخره
مانترك طريقج ... يمنه الطاهره

نفديلج مو منحر نفديلج عمر  
خدامج تدرينه ابجالج نفتخر
مانوفي اشما نلطم ليج اعله صدر
مأساتج واهاتج عشنه امن الزغر

ما ننسه الجره اعليج يل عالمه
مولاتي يزهراء يفاطمه
....
خيرج يالزجية ... فايض عالخدم
الفين انعم الله ... يالكلج كرم

كل خادم متنهني بخيرج يم حسن
عايش عيش املوك الدنية ابهل زمن
للحاير والمتعوب انتي اجمل وطن
ما نوفيلج حقج حد لفت الجفن

خدامج الج دوم متحزمه
مولاتي يزهراء يفاطمه
.....
ما يلهينه عنج .... كلشي ابهل العمر
عن مجلس عزائج ... لا ما نعتذر

لو صار اباخر هالدنيا ماتمج
نتعناه ابلوعه رمله القاسمج
اعليج ابدا ما تنشف دمعت خادمج
بالمحشر يتباها بدمعه اليخدمج

للجنه يزفو املاك السمه
مولاتي يزهراء يفاطمه
......
لامونه اعله حبج .... يابت النبي
جاوبناهم بصوت .... نهوا ام العبي

اشما رادو عن دربنج نبعد نقترب
هيهات انعوفج يا سباح الكلب
عدنه استعداد انخوض العينج حرب
عاهدناج امن الذر لجلج ننصلب

وقعنه عهدنه بحبر الدمه
مولاتي يزهراء يفاطمه
......
نقسملج بالحسين .... وبموج الدمع
ما ننسه مصابج .... لا كسر الظلع

ثارج عايش بينه ثارج فاطمه
يسري بهاي اعروكنه مسرات الدمه 
الله يلعنه الظالم ظلعج هشمه
معلون وما حصّل حسُن الخاتمه

خصمه بيوم الحساب حامي الحمه
مولاتي يزهراء يفاطمه
.......

الحمد آلله رب العالمين
اللهم صل على محمد وال محمد
موسى الخادم

ودعوهه ... ودعوهه ... بدمعة العين
شيعوهه ... شيعوهه ... ام الحسين
....
يله يا شيعة علي ... خل نشيع الطاهرة
بلوعت احزان الكلب ... والعيون الساهره

خل نشيعها بمدامعنه الثجيله
والنعش عل الراس يا شيعه نشيله
احنه غير الزهرة ما عدنه وسيله
والاحزان اهواي جفتها ثجيله

ودعوهه ... ودعوهه ... يالمحبين
شيعوهه ... شيعوهه ... ام الحسين
.....
من تشيلون النعش ... بهيدة يحباب الكلب
الزهرة مكسورة ظلع ...وخاف يلجمها الدرب

من ظلعهه لسه ما ناشف  دماهه
علي شاهد شافه ساعة غسلاهه
يا مصيبة فاطمه البجت سماهه
ماتت وعافت يتاماهه وراهه

ودعوهه ... ودعوهه ... ها بلونين
شيعوهه ... شيعوهه ... ام الحسين
.....

كل عمرها اثمنطعش ... فاطمه ام الحسن
سكنت افراش المرض ..  من غدر هذا الزمن

ابنار شبو بابها وقتلو طفلهه
من بعد موت الرسول الكل جهلهه
محد الدك بابهه ومحد وصلهه
حقهه غصبو بالكسر جابو اجلهه

ودعوهه .... ودعوهه ...يالموالين
شيعوهه .... شيعوهه .... ام الحسين
......
ماتت ابلايه ذنب ... جي ذنبهه فاطمه
البيهه وصه المصطفى ... الأرض ويه السمه


الوردة جانت من عدل وياهه ابوهه
حاربوهه وعطشوهه وذبلوهه
ما رعو حرمة محمد ما رعوهه
ابدال ميواسوهه عالعين اسطروهه

ودعوهه ... ودعوهه ... حمرة العين
شيعوهه ... شيعوهه ... ام الحسين
......
وسعو لحد الطاهره ... من تحفرون الكبر
هواي عانت فاطمه ... من لجم جرح الصدر

ابهيده نزلوهه الكبرهه يالحبايب
وهيلو دمع اعيونكم ويه الترايب
حيل ماظله علي ودلاله ذايب
بموتت ام الحسن حيدر صار شايب

ودعوهه .... ودعوهه ... وانتو باجين
شيعوهه ... شيعوهه ... ام الحسين
......
باجر المهدي يجي ... ابيمنته اترف رايته
ايحاسب الافتى بحرك ... باب جده وجدته

باجر المهدي بطلعته أيسل فقاره
ويصلب اعله الشجره شيخين القذارة
راعي غيره المنتظر ما ينسى ثاره
ندعي الله اهواي ميطول انتظاره

ودعوهه .... ودعوهه .... زهرة الدين
شيعوهه .... شيعوهه ... ام الحسين
......
كلمات
موسى الخادم

نزله

أحنه أنصار الامام المنتظر
انطالب بثار الزجيه والنحر
.......١
لو يضل يوم ابعمرنه انطالب بحق ام حسن
ما نساوم عالضلوع الكسروهه اهل الفتن

هذا الوعد كتبناه.... وسط الكلب حفضناه
لاخر نفس مننساه .... ثار الضلع فاطمه

نترجه من ثار الله ... نصبح سيوف ابيمناه
ونحارب ابهمه اعداه ... اعليهم نهد السمه

احنه اهل افعال نحجيهه بفخر
انطالب ابثار الزجية والنحر
.........٢
ندعي الله بجاه حيدر يرضي عنه فاطمه
رضى الله من رضاهه سيدة ارض وسمه

الما ترضى عنه ام الخير . ميشوف راحه ولا خير
مكسور جنه كالطير ....  تخلص حياته قهر

شما يعله ويصير اجبير . عنده الله يا ناس صغير
ولهذا ننطي تفسير .. كلمن بغضهه كفر

ندعي الله ننشمل منهه بنظر
انطالب بثار الزجيه والنحر

.....٣
الحرك باب الزجيه والكسر منهه الظلع
هذا مو انسان صالح هذا شيطان الربع

ما عنده ذمه ولا دين ... ذاك الجرح كلب حسين
مشرده امن المهدي وين ... من يظهر برايته

كل احنه جيته امتانين .... ثار الضلع ما ناسين
عدلين احنه وميتين ..... منعوف ابد نصرته

بلهفه منتظرين مهديكم ظهر
انطالب بثار الزجيه والنحر

......٤
باجر المهدي بظهوره ايقيم دوله عادله
بيهه ميعيش المنافق والسلب حق المله

يمحي الظلم يمحي الجور .. ويزيح كل ظلمه بنور
يحيي ليالي عاشور .... من كربله الكربله

مجلس عزاء المنحور .... ما ينتهي ايظل معمور
شاهدنه لطم الاصدور .... غصبن على حرمله

باقي ذكر حسين مو يوم وشهر
انطالب بثار الزجيه والنحر
.......

كلمات
موسى الخادم

حسين وحسن فوك النعش طاحو
بحركت كَلب يا فاطمه  صاحو
للموت لا تمشين
نحتاجج ابكل حين
.......
فوك النعش ذب روحه الحسين وحسن
بدمعتهم اتلاكو على صدر المحن
واحد للاخر يشكي همه امن الزمن
صارو يتامه واليتامه امهم وطن

محد يعوضهم حنان امهم
جرح الهجر كل ليله يلجمهم
صيحاتهم باجين
للموت لا تمشين

......
طشو دمعهم عل النعش طش المطر
وحيدر علي ايعاينهم وكلبه انفطر
وزينب تصيح ابلوعه وبحركه وقهر
يايمه منج ما شبع شوف النظر

من حضنج الدافي يمحبوبه
حسين وحسن ما شبعو اعذوبه
رحمي بحبيبي حسين
للموت لا تمشين
... ...
منظر يتامه فاطمه بجه العرش
مثل الحمام اموزعين اعله النعش
ماتت صغيره كل عمرها اثمنطعش
حيل الدهر اذاها بسهامه يطش

ليله ابعمرها فاطمة الزهرة
ما شافت الراحه ولا مره
بسهامه يرمي البين
للموت لا تمشين
.......
اء مصيبت فاطمه التنزف دمه
اعليه بجه كلشي انخلق برض وسمه
عافت يتاماها العليها امعلمه
وعافت علي بداره الخليه المظلمه

وحشت علي ما تنوصف ليها
نشفت عيونه من بواجيها
ماظل دمع بالعين
للموت لا تمشين
.....
شنهو الجنت بنت النبي يحجي الدمع
اترد الابوها وهي مكسورت ظلع
ابوسط الكبر للزهرة ونه تنسمع
يسمعها بس المهدي ذاك المنفجع

ليله ونهارة يبجي مهدينه
الله يساعد كلبة ويعينه
عايش حياته اونين
للموت لا تمشين



الحمدالله رب العالمين
اللهم صل على محمد وال محمد
موسى الخادم

نزله

يازهراء ... يازهراء ... يازهراء مدد
...........

يالزجيه انخاج .. لا تحرميني خدمتج يالزجيه
انخاج
يالزجيه انخاج ... دوم خليني اعله بابج خادم اترجاج
يالزجيه انخاج ... لا تخليني اويه روحي يمه اريد اوياج

حزميني اعله الخدمه اشما املك عمر
لتخلين ايامي ابلا خدمه تمر
عبدج يالمظلومه للموت افتخر

........
علميني اشلون ... من كلب والسان اخدمج علميني اشلون ...
علميني اشلون... ما اخونن زاد خيرج مثل اليخونون
علميني اشلون ... ابجي لمصابج لحد مدكلي كافي ام عون

وفقيني اعليج الطم حد كسر الظلع
وما يخلص من عيني الحد موتي الدمع
خادم روحي ابابج اشعلهه شمع
......

كلشي بية يصيح... ويلي لمصابج يزهره كلشي بية ايصيح
كلشي بية ايصيح..رايتج بالعالي رفت رايتج مطيح
كلشي بية ايصيح..الحاربوج اصبحو ماضي في مهب الريح

وين الاول وينه الثاني اللم حطب
فعلتهم مفضوحه كدام العرب
خانو عشرة طه الاغله امن الذهب
.......
يم حسن للموت..باقي وياج اعله عهدي
يم حسن للموت ..
يم حسن للموت .... ما اساوم على كسرج لا ابيع الصوت
يم حسن للموت .... اه يا مظلومه اصيحاً حتى بالتابوت

لمصابج يالزهره اسنيني امكدره
صورة كسر اظلوعج عيني امناظره
ثارج بية ايعيش اليوم الاخره
...
عالمج اعجاز .. يحس بيه  العاش عمره
عالمج اعجاز
عالمج اعجاز ...ما يضل مهموم بيه ولا يضل معتاز
عالمج اعجاز..ما اعوفه امشيله لاخر عمري عالعكاز

باصملج بالعشره يا أم الحسن
عبدج باقي وابقى ويشهدلي الجفن
و أعمى الماينظرلج بعيونه وطن
.........

كلمات
موسى الخادم

( أين الطالبُ بدمِ الزهراء )
....
باجر المهدي من يطلع
صيحته اهل الارض تسمع
ياليثار الضلع يرفع
لا عذر لا دمع ينفع

زهراء ... يزهراء
يرفع شعاره بوجوه الاعادي
زهراء ... يزهراء
لبيكي مسطورة الخد ينادي
زهراء ... يزهراء
ثاراته ياخذها من كل مرادي

هيهات ينسه
الطفو شمسه
فاطمة الراضية المرضية

(اين الطالبُ بدمِ الزهراء )
......
القائم المهدي من يظهر
لجدته ام الحسن يثأر
ابكل بقاع الارض يفتر
ايحاسب الظلمو الكوثر

حيدر ... يحيدر
يبديها غزواته عالناصبية
حيدر .... يحيدر
ما ينسى محسن وكع عالوطية
حيدر ... يحيدر
يشهد فقارة ينول القضية

ميعوف خصمه
لا ثار امه
اي وحك كافل العلوية

(اين الطالبُ بدمِ الزهراء )
......
يفتح المحضر الاول
منهو التسبب بمقتل
ام ابيها بوجع يسأل
ياهو كسر الظلع حلل

ويلاه ... وويلاه
شنهو الجنت فاطمه ام ابيها
ويلاه ... وويلاه
منهو الحطب جابه من شبه بيها
ويلاه ... وويلاه
منهو العصرها منو من سب عليها

هاليوم حاسم
بثارات فاطم
تنبني المحكمه المهدية

(اين الطالبُ بدمِ الزهراء )
.......
يبني لام الحسن مرقد
كبته امن النجم ابعد
والصحن كبره ما ينعد
يوسع الشيعه من كل حد

حوراء ... يحوراء
يكتبها عل الراية بالخط الاحمر
حوراء ... يحوراء
نال الشفاعه الكصدلج يكوثر
حوراء ... يحوراء
يستقبل انصارة بالثوب الاخضر

رايات نصره
بكبرالحضره
اترف بسم فاطمه الحورية

(اين الطالبُ بدمِ الزهراء )
.......
الحمدالله رب العالمين
اللهم صل على محمد وآل محمد
موسى الخادم

يالماخذه اوياج النبض... لاسمه تلميني ولا ارض
بغيابج
وياج راحت ضحكتي ... شلي ابحياتي ودنيتي
بغيابج

......
يعافيتي المشت ... كسيرة للكبر
النفس كوه صبح.... وسط ريتي يمر
الفكد مثلج مره .... شله ابهذا العمر

يالماكو مثلج بالناس .. شاب الراس .. ياروحي
ما احتمل طاري الموت.. والتابوت .. واجروحي

تصعبه الحياة ابروحتج ... لو ساعه ردي امروتج
الاحبابج

.....
وحكج يم حسن ... جبيرة مصيبتي
فكدت ابموتتج... وجودي وبسمتي
عليج ابكل وكت ... متنشف دمعتي

عفتيني وحدي بهل كون ... ابجي عيون .. عفتيني
اظلم صرت مثل الليل ... راح الحيل ... شوفيني

محني الظهر يا فاطمه .... بعدج حياتي مظلمه
اوشبابج

......
يوجه الله السمح ... الج كلبي انمرد
شسولفلج بعد. غيابج حيلي هد
الدفن بيدة الورد .. صعب يزرع بعد

اتراب الكبر من هليت .. ربي ادعيت ... يم بيتي
ياخذه روحي بساعات .. بس لجمات ... تاليتي

يم بيتي بعدج لا عشت... توسلت اموت وما متت
بمصابج

.....
علي بعدج صبح ... فلا يشبه علي
ذبل مثل الغصن ... يعز ناسي وهلي
وداعج مني اخذ ... حياتي وكلشي الي

ماظلي كلشي ابدنياي ... غير ابجاي .. واحزاني
همي صبح شبه الغيم ... حال الضيم ... حال اني

كبرني موتج جم سنه . وي روحي اسولف ياهو انه .... اعله بابج

.....
الحمدالله رب العالمين
اللهم صل على محمد وآل محمد
موسى الخادم

وردة 🌹 الله ذبلوهة
بعد موتي عطشوهه
مارحمو ابد بيهة
لا راعو بواجيهة
بعد موتي عطشوهه
……
ترفه مثل الوردة جانت بنتي بنتي
عطر جنت الله بيهة وحك بختي
اشكثر حسدوني عليه من صحبتي
اليوم ردت ليه ذبلانه كبرتي

حيل متغير رسمهه
معرفتهة لانه لامهه
جم هضم السده اعليهة
مارحمو بواجيهة
… .
بعد موتي شافت انواع المصايب
فوك خدهه الدمع ليل انهار سايب
بنت بيت احزانهة بدمع وترايب
وسكنت اوياهة المصايب والنوايب


ليل وانهار الزجية
امرافكة الدمعه الجرية
مسموعه نواعيهة

……
منعو الزهرة علية تبجي ياناس
بنيت بيت احزان الهة خالي الانفاس
اثمنطعش عمر الزجية وشابت الراس
راحة ما شافت عكب موتي امن الارجاس

اثمنطعش عام الحبيبه
شوفوهة اجم مصيبه
كثر الهضم ماذيهة
……
حكة لو ماتت الزهرة من هضمهة
الله لا ينطيه كل واحد ظلمهة
بالقيامة اهناك نوكف انه ومهة
انطالب ابحق الزجية السال دمهة

بالحشر اول قضية
من كسر ظلع الزجية
من غير معانيهة
……
الجنت اسميهم اصحابي بية غدرو
من بعد موتي بحقدهم داري حركو
خلف باب الدار ظلع ابنيتي عصرو
ابلا رحم كسرو ظلعهة وكلبي كسرو

ما رعوهة وما رعوني
ابسطرت العين اهضموني
ايد انمدت اعليهة
… .
خانو الزاد وملح عبّاد الاصنام
اتأمرو بعدي اعله حيدر روح الاسلام
نصبو غيره خليفه ايقيم الاحكام
حقه غصبو بالخلافه كوم ظلام

غصبو الحق والخلافه
وجتفو اجفوف الترافه
قصة بدمعي ارويهة

… .

الحمدالله رب العالمين
اللهم صل على محمد وال محمد
موسى الخادم

السلام عليكم اخوتي خدام الحسين سوف يتم نشر قصائد الليالي الفاطمية… الرواية الاولى .

ابعمر اثمنطعش… شالوها ابنعش
ليش… ليش
مكسورة ظلع… واتصب الدمع…
ليش… ليش

……
هاي ام الحسن هاي… هاي الطاهرة
ليش ابدال القصور .. تسكن مكبرة
الله ايساعدة حسين… عالصار وجرة
فكد امه تراه حيل… كاسر خاطرة

بيت ابلا ام… ما يخله الهضم … ليش ليش
… .
عمر الزهراء ياناس… كله اثمنطعش
ماتت و الظلع بي… بسمار انقش
ليش ابظلمت الليل… شالوها ابنعش
وليش اعيون الايتام… صايبهة العطش

امهم فاركو… والدنيه أكرهو . . ليش ليش
… ..
ام الحسن وحسين… عانت من زغر
ما شافت ابد يوم… راحه بالعمر
ضيم وقهر والالم…بالزهرة اشكثر
اوحيده ابلايه خوان… خاواها الصبر

جم حسره اتعلي … عافت عد علي… ليش… ليش
… ..
دنيت حيدر اليوم ..ظلمه ابلا ضوه
يتعثر ابممشاه ..والظهر التوه
افراك الزهره خلاها ..ابعازه الكل هوه
ميت يمشي عالكاع … ماجنه هوه

اتغيرت حالته … غابت ضحكته.. ليش
..
جرح الفاكد اعزيز… يشفه بشوفته
وحيدر مثل هاليوم… ودع سلوته
الله ايساعدة اشلون… صبّر حالته
ساعت هال الاتراب ... فوك ارويحته

ماظل بي نفس .. ما سمعوله حس… ليش ليش

… ..
الحمدالله رب العالمين
اللهم صل على محمد وال محمد
موسى الخادم

يا يوسف الزهرة… جم كبه جم حضره
باجر .. ابلطعتك .. تبني للزهرة
… .
هالسؤال ايدور بعقول الملايين
ابطعلتك باجر يمهدي ياضوه العين
جم صحن للزهره تبني ابهاي الايدين
وجم مناره وكبه تشبه كبه حسين

ياصاحب الطلعه… موعدنا ياجمعه
بيهة ...يبن الحسن… حقك اترجعه
… ..
يابو صالح ننتظر منك بشارة
حيل ملهوفه الاكلوب اعله الزيارة
يمتى هذا اليوم يحصل انطي اشاره
بنتظاره بنتظاره بنتظاره

كل عاشك ومغرم … ابهذا الامر مهتم
الفجرك… امتاني… وابرايته امحزم

……
حلم بينه ايعيش يا راعي الحمية
انشوف للزهرة ضريح اليزهي ضيه
ويمهة نحييها الليالي الفاطمية
باللطم والنوح والدمعه الجرية

كل مجلس انقيمه… بسمك يبو الشيمه
واللطم… عالصدر… نهدي تعزيه
… ..
يمتى ننصبها المواكب يم كبرها
وهلا بالزاير نصيح الي حضرها
خدمة الزهرة عظيمه يا كبرها
انبياء الله اخدموها من زغرها

كل خادم امنيته … يخدمه واليته
ابروحهة ..الهة يعزب… وابهل بيته
… .
نعتني مشايه للزهرة حلمنه
مثل يوم الاربعين ايرف علمنه
لام حسن زوار يسجل اسمنه
وتحت كبته الشريفه اتلم شلمنه

نتعنه مشايه… رايه اباثر رايه
للمدينه … نوصل … المظلومة بقرايه
……
جم زياره المرت وما جينه ليها
والسبب معروف ما نندل نجيها
مخفي كبر الزهره دلينه عليها
ليش ذكراها تمر ما نعتنيها

يالعل جرح صابر… وين الكبر صاير
فدوه… دلينه يمهدي… نكسر الخاطر
…… .

الحمد الله رب العالمين ..
اللهم صل على محمد وال محمد
موسى الخادم

رايتنه مرفوعه
صيحتنه مسموعه
للعسكري .... للعسكري
.........
شيب وشباب امحزمين الليله
اويه المهدي راعي العزه دم نبجيله
امصابه ثجيل ابحاجة الي ايشيله
بالصبر والتعجيل خل ندعيله

ما نشفت ادموعه
صيحتنه مسموعه
للعسكري .... للعسكري
.......

صيحتنه يابو المنتظر صيحتنه
باجر نعليهه ابعلو رايتنه
والشاهد اعلينه تضل دمعتنه
غايتنه مو نحصد اجر غايتنه

واحدنه بي لوعه
صيحتنه مسموعه
للعسكري .... للعسكري
.......

للعسكري واحدنه ذايب شمعه
و ما بطل اعليه الجفن بالدمعه
الهاي المصيبه كلشي بينه ينعه
حتى الكَلب يبجي المصابه انسمعه

كل نبضه مفجوعه
صيحتنه مسموعه
للعسكري .... للعسكري
.......
مثل اربعين حسين اله نتعنه
وننصب مواكبنه بطريق الجنه
للعسكري بَّصمنه بالدم كلنه
يرخصله كلشي المنه واحنه منه

وانضل رهن طوعه
صيحتنه مسموعه
للعسكري .... للعسكري
........

اويه المهدي باجر  نعتني بالرايه
من كربله الصحن الحسن مشايه
وفايه نبقه اعله العهد وفايه
ومابينه ابد واحد يبدل رايه

والطحنو اظلوعه
صيحتنه مسموعه
للعسكري .... للعسكري
.........
✍️ كلمات . موسى الخادم