ملا أبراهيم الكربلائي

هله زاير والف هله   واليجينه احنه اندلله
هله بيكم   هله بيكم
**
من تمر انته بينه   تتفضل علينه  نخدمنكم اجينه  ونحسب ساعه ساعه
بالموكب سهرنه   وتضاعف اجرنه   الزاير لو عبرنه   ما نحمل وداعه

وهله بالمشايه  لبو طلبه الجايه  
صاحت الوفايه   ما تطيح الرايه

يله زاير شد العزم   يم امامك سجل الاسم
هله بيكم   هله بيكم
****
كل الرافضيه    اتعنت هالمسيه   لرض الكاظميه    تجددله عدها
يم باب الحياره   يا محله الزياره   وتشع المناره   وهنياله اليصدها

هذا راعي الغيره   وهذا شيخ الديره
سيرته افضل سيره   وماكو قائد غيره

انه احبه من الزغر   وبولائه ابقه افتخر   
هله بيكم    هله بيكم
***






يا زاير علي وياك   حته المهدي ناداك   لتضن لحضه ينساك  يغفر كل الذنوب
تعبك والله ما ضاع   صيتك بالسمه شاع  وتسبحلك الكاع   ماشي الاغله محبوب
    
الخطوه من تمشيها   للامام اهديها
رايتك عليها   ونيتك صفيها

المهدي قادم ابن الحجج   ادعي يقرب يوم الفرج
هله بيكم   هله بيكم
****
زوار احنه خدام   بالخدمه الكلب هام   ونتانيها كل عام   ردناكم تجونه
شلناكم بالعيون   بالموكب تشوفون    خدامه يرحبون   عونه الخدمه عونه

كل سنه انتانيكم   مرو الله عليكم
احنه نفرح بيكم    عيونه ننطيكم

وبطريقه شفنه الخدم      والمواكب دوله وعلم
هله بيكم   هله بيكم
****
مد جفك يزاير   يم ذيج المناير     ميرد والله حاير   يكظيها الحوائج
كله بهمي اجيتك   وبدمعي نخيتك   وانه ادري بحميتك   معروفه النائج

خيرك مغطيني   اشما ردت تنطيني
وكاصدك تدريني   بحيره لتخلني

عندي حاجه مستعجله   وماكو غيرك اتعنه اله
هله بيكم   هله بيكم
***

تمت
تحسين الخفاجي

صرختنه بأسم ابو الرضا     وويلاه يالكاظم
بالنعش ساگه مرضرضه     وويلاه يالكاظم

                  *---------------*----------------*

محد اجاه وشيعــــــــــه     وويلاه يالكاظم
ولا ناعي يـم جسمه نعه     وويلاه يالكاظم
هاليوم يـوم الفاجعــــــه     وويلاه يالكاظم
بـَـچّــه السماء السابعــــه     وويلاه يالكاظم

انــصــيــح رغم المارضه     وويلاه يالكاظم

                  *---------------*----------------*

يا قصه تشبه قصـتــــه     وويلاه يالكاظم
بسَم الاعادي وغـربـتــه     وويلاه يالكاظم
والجسـر شــال اجنازتـه     وويلاه يالكاظم
شيعو النعش يـا شيعتـه     وويلاه يالكاظم

بَچّه الارض واهل الفضه     وويلاه يالكاظم

                  *---------------*----------------*

مات بغربته وحـــــده     وويلاه يالكاظم
صــوت العزاء نــردده     وويلاه يالكاظم
چبده السموم تـمــرده     وويلاه يالكاظم
بين العصابه الحاقـده     وويلاه يالكاظم

ما چنه جده المرتضى     وويلاه يالكاظم

                  *---------------*----------------*

يومه يشابه كـربـلــــه     وويلاه يالكاظم
جثته بحديد مسلسله     وويلاه يالكاظم
يالشيعي حاله اتخيلـه     وويلاه يالكاظم
لا يمه ناسه ولا هــلــه     وويلاه يالكاظم

وسم الاعادي بي مضه     وويلاه يالكاظم

                  *---------------*----------------*

النعش عالجسر انـرمـه     وويلاه يالكاظم
ساكه بحديد مهشمـــه     وويلاه يالكاظم
بحقد الطغات الظالـمـه     وويلاه يالكاظم
انعزي جده وفــاطمـــه     وويلاه يالكاظم

نصبت عزيه الـرافضــه     وويلاه يالكاظم

                  *---------------*----------------*

انـواره غابت والضـوه      وويلاه يالكاظم
لمصابه خل نلطم سوه     وويلاه يالكاظم
السمّه مـا فــاد الـــدوه     وويلاه يالكاظم
وبسجنه حرموه الهـوه     وويلاه يالكاظم

بدمعه هنياله الحــضـه     وويلاه يالكاظم

                  *---------------*----------------*

✍ خادم موسى ابن جعفر ع
     الشاعر رعد الچريخي

#تراث
لمولاي موسى بن جعفر روحي فداه

على الكاظم ينوح او يبچي الدين
وگع بالحبس وحده او ماله امعين

ياگلبي على الكاظم تلچم
يعيني اعليه سحي الدمع دم
غريب او بالحبس ويلوج بالسم
يتگلب يسار او نوب ايمين

بس ما طاح سدو بابه اعليه
ظل وحده ولا واحد گرب ليه
تگبل مد ايده او عِدل رجليه
گضت روحه يويلي اوفرگ البين

ظل ابنومته ليله ابحبسه
ميت بالحبس محمد يجسه
السندي ابهای مستانس ابونسه
نهض نهضة فرح يضحك السنين

نهض نهضة فرح ما تالي الليل
لعد باب الحوايج عازم ايشيل
شال اجنازته اعلى اربع حماميل
فوگ الجسر تتفرج الصوبين

على ظهر الجسر خله الشفيه
نادى اعليه المنادى اضحويه
هذا نعش امام الرافضية
تعالو اتفرجو فرجة مطربين

المرحوم الشيخ محمد حسن دكسن

(337)

#اللهم_عجل_لوليك_الفرج

#نعي

لمولاي موسى بن جعفر
روحي فداه

يبوابراهيم شو مالك عشيره
وين الصيت والهيبه الچبيره
السلاسل موالك والذله مولاي
ليش اجنازتك مثل الاسيره
احماميل اربعه اعله الجسر خلوك
ماشالوك للدفنه ابحصيره
كل هذا ونگول اتهون الاحزان
مثل احسين مامذبوح عطشان
ولا بالشام عندك مشن نسوان
وتصگع روسهن حر الجزيره
يبوابراهيم شو مالك عشيره

محمد الجماسي

#اللهم_عجل_لوليك_الفرج

اخذوني وياكم يزوار
ادخل ضريحه وتبرد النار
ــــــــــــــــــــــــــــــــــــــ
اخذوني وأخذوا ادموع العيون
خلوني اطوف اوي اليطوفون
موسى بن جعفر چان مسجون 
وهسه اسد بغدادكم صار
ــــــــــــــــــــــــــــــــــــــ
اخذوني يم عطّاي الامراد        
اطبخ واوزع للخدم زاد
حــيـــهم اصيحن هايلاولاد
الكاظم وحيد ورايد انصار
ــــــــــــــــــــــــــــــــــــــ
خلوني يم الحضره ياناس
لازملي ريشه وابقه كناس
خدمة الكاظم تاج عالراس
هذا ابو الملگه المالح الحار
ــــــــــــــــــــــــــــــــــــــ
مشتاكه روحي للجوادين           
بشوفة گببهم تفرح العين
امجدي على باب الامامين   
حالف اظلن ليل وانهار
ــــــــــــــــــــــــــــــــــــــ
اشلون الشمس يدفنهه سرداب
وايظل وحيد ابعازة احباب
الله فتحله للفـرج باب
ومن كل بقاع الدنيه ينزار
ــــــــــــــــــــــــــــــــــــــ
للكاظميه الليله عناي
وي المواكب امشي مشاي
شايل الرايه وابني وياي
وانعوف اهلنه وكل الاديار

محمد الجماسي

#اللهم_عجل_لوليك_الفرج

موش من اهلها   (ناس غربه يشعيون)
؛؛::::::::
  غريبه ام الخدر من غير جناز
الاخو وين الاخو  بالشده ينعاز
نعشها اليوم زينب فزع يحتاز

مايحضروها   (زينب وين اهلها)
؛:::::::::::
تريد اليوم اخوها يحضر هنا
يشد الثامه كون ونعشي ينعا
يصيح بصوت زينب ويلي ويلا

عالنعش كون    (اخوها يشكه ثوبه )
:::::::::
لطم نسوان نلطم حكنه ياناس
غريبه ابلا وليهه وينه عباس
عله الراحت سبيه ندگ عله الراس

ويلي يم عون.      (نحسج هسه ميته)
؛:::::::::
  يبوي نصيح كلنه ويلي يم عون
عليج انشك هدمنه ونعمي العيون
يخت عباس خدامج يصيحون

مانخليها    (وحيده بغربه زينب)
::::::؛:؛؛؛
الشرف واهل الشرف يمج يدنكون
العفيفه ام الخدر بسمج يسمون
خلق الله الشرف الزهره وام عون

بيها يتباها.    (زينب ضل اخوها)

هاشم الدراجي

هَا يَا زَيْنَبُ وحدج و الدُّنْيَا لَيْل



يَا غَرِيبَةٌ و شايلة بدمعج نَهْر .



آمِنِين أجيبن لَجّ ي بِتّ حَيْدَرٌ



كَفِيلٌ و بهالظلام آمِنِين أَدُور لَجّ قَمَر .



الْمَسَافَة بَيْن عينج و الْفُرَات



غَيْمُه عَطْشَانَة و تَدُور إبِلًا مَطَر .



هَا ي زَيْنَب طَالِعَة بِهَذَا الظَّلَام



اسْمُ اللَّهِ صَاح اللَّيْل لَو جدمج عَثَر .



خَطَؤُه أجدامج مِثْل طَيْر الْغَرِيب



بَيْن أَلْف صايود و جَنَاحِه انْكَسَر .



عَاصِفَة حزنج تطخ إلَهًا الْجِبَال



و انتي راسج عَالِي يَتَحَدَّى الْخَطَر .



اللَّيْلِ يَا زَيْنَبُ يَطُول أَعْلَى آل يَخَاف



و انتي مَنْ كَثُرَ الْعَتَب ليلج قَصَر .



شَوْفَة خيالج قَبْل بالمستحيل



هسة ياهو آل جَان مِنْ حَقِّهِ النَّظَر .



النَّوْم سُلْطَان و يسيطر ع الْجُفُون



إلَّا انتي نَائِمَةٌ بعينج سَهِر .



يَا بَحْرٌ مِنْ الْأَلَمِ موجاته آه



يَا وكت صَار النَّهْر يَقْهَر بَحْرٌ .



لَيْلَةَ الْعَاشِرِ عَنْ أَلْفٍ عَامٍ و تَزَوَّد



بَيْن دَمْعُه و دَمْعُه نمشيها بِشَهْر .



كَفِي دمعج خُلِّي للشامت دُمُوع



لَمِّيٌّ صبرج بِأَجْر وَدَاعٍ وَ سَفَر .



لَو رَكِبَت النَّاقَةِ مِنْ يَلْزَمُ ايديج



مدي جفج يُمْكِن الْكَافِل حَضَر .



مِن تعبرين الصَّحَارَى أَعْلَى الْهَزِيل



ع الرِّمَال دموعج تخضر شَجَر .



حزنج أَهْوائِه لَجِن عمرج قَصِيرٌ



و إنَّا كُلَّ عُمْرِي لِجُلّ عينج صَفَر .



وَي طولج بيه قَصَر جُرْح الطفوف



عُذْر أَبُو الْغَيْرَة آوِي طولج جَفّ كَبَّر .



هَا يَا زَيْنَبُ لَا تَمْرِين أَعْلَى اخوج



يَمُوت صبرج مِن تشوفين النَّحْر .



سحقته الْخَيْل و تُوَزَّع ع التُّرَاب



خِنْصَر الْمَقْطُوع ينطيج الْخَبَر .



مِثْل ابوج أَمْشِي و اُنْظُرِي لِلْإِمَام



حَيْدَرٌ بصدرين يَمْشِي بِلَا ظَهَر .



ي آل قَصَدْت أَعْلَى النَّهْرِ كلج عَتَّاب



ه اللَّهَ اللَّهَ بكافلج مَنِ اعْتَذَرَ .



جفوفه ذبلن مستحى طَلَبْن سَمَاح



ل خَاطَر الْقَادِر اعذري آلَ مَا قَدَرَ .



هَا ي زَيْنَب وحدج و اللَّه الْمُعَيَّن



انتي دَمْعُه و الْخَصْم قَلْبِه حَجَر


كلمات الشاعر عبد الخالق المحنه

أمنيات السيدة زينب (عليها السلام)

ياموت اخذني أمن الغرب        
متني انشلع من الضرب
وديني يم هلي   يم فاطمه وعلي
ياموت اخذني
ــــــــــــــــــــــــــــــــــــــ
سافر يموت برحلتي الاخيره
خلصني من احچاية الاسيره
خل ارجع المملكة الاميره
عد الله زينب عالـمه وچبيره

جهلوني ذول أهل الأرض
خليني بجناحك اكض
خلينه نعتلي    يم فاطمه وعلي
ياموت اخذني
ــــــــــــــــــــــــــــــــــــــ
من عالم العالم أخذني دمعه
وهذا السفر نهائي ماكو رجعه
تابوتي فوگ اوي الشمس ارفعه
هوه الضوه لازم ضوه يشيعه

لاهلي وعمامي اهواي احن
الشام احس بيهه سجن
ترجع الهيبه إلي    يم فاطمه وعلي
ياموت اخذني
ــــــــــــــــــــــــــــــــــــــ
محد رحمني الدنيه چنهه غابه
شايف أميره وتگعد بخرابه
واحسين كاسر خاطري بمصابه
تاجي انسلب من سلبّو ثيابه

أمن الخيم للتل ركضتي
طلعت شيب بصفنتي
ماعندي ظل ولي     يم فاطمه وعلي
ياموت اخذني
ــــــــــــــــــــــــــــــــــــــ
أخذ الجنازه ولفهه بالعبايه
موكب نروح العالم النهايه
ياموت عجّل خلصت الحكايه
ماريد أشم ريحة بچي وسبايه

عاين عله امتوني الحمر
وتعرف اشسوالي الشمر
أذاني عاذلي    يم فاطمه وعلي
ياموت اخذني
ــــــــــــــــــــــــــــــــــــــ
بالشام أول شي چنت سبيه
بس ثاني جــيه من اجل رقيه
لازم العالم تفهم القضيه
واهنا تصير الحضره زينبيه

بالحضره نسوان وزلم
يايوم اشوفن هالحلم
والصحن ممتلي     يم فاطمه وعلي
ياموت اخذني
ــــــــــــــــــــــــــــــــــــــ
والراد مني ايحصل البشاره
خل يبچي كون بحرگه وبحراره
الراسم اباله الگبه والمناره
يتوفق أن شاء الله للزياره

كل عام وآنه امتانيه         
يمي تصير التعزيه
واهمومي تنجلي      يم فاطمه وعلي
ياموت اخذني

الشاعر محمد الجماسي

#اللهم_عجل_لوليك_الفرج

آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
آه اعلَه من هامَت بنص الهيمه
وسِمعت فَرس يصهِل بكِتر الخيمه
يصيح (الظليمه) (العطش) والله اهضيمه
شگربه النهر بس صار بُعد الغيمه

حسينچ تركته   برمل نايم
آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
آه اعله من صاحت هَلي لِحگوني
حرگو خيامي اعليّه واتولّوني
وصاحت ينار اعله الفواطم هُوني
(يانار برداً وسلاماً كوني)

برداً على ايتام  علي وفاطم
آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
آه عالتدوّر مِسَت وسط الحومه
حسين ولِگتّه منغسِل بدمومه
وگالتله اجيتك والطرق ملزومه
اگعد يخويه طولّيت النومه

البجسمه ما صح   كِتِر سالم
آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
آه عالصُفت فوگ الهزل مچتوفه
ونِشدت نروح المَن وهِي مخطوفه
جِفلت لَمَن گالولهه للكوفه
اتصدّع گلبهه وانكسر من خوفه

بالكوفه تعرف   شني الوادم
آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
من وگفت بمجلس ابن مرجانه
وكِل الشماته انجمعت بديوانه
لحاميهه صاحو زينبك بِحمانه
اهنانه اطّلع الآه كِلهه اهنانه

واشعر سبيهه   بدمع ساجم
آه يا عقيلة     بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
تكبر الآه وتعتلي صرخاتي
صدري يضيگ وتِتسع عبراتي
ويطول نوحي وتگصر حچاياتي
من دِخلت اعله ابن الدعي مولاتي

دخلت اسيره   بقصر ظالم
آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
الآه اعله زينب ما مشت عن بالي
من عاودت لاوطانهه بلا والي
من طبّت الدار ودمعهه يلالي
والدار من العايزتهم خالي

وحشه ومظلمه   وحزن دايم
آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈

ياسر حسن
رجب الأصب ¹⁴⁴⁶

الما يحب الكرار ما عنده غيره
...
نبايعه بيعة وفه هالليله
علي سلطان البريه ادخيله
الما يوالي حيدره يا ويله
هذا لا ام لا ابو داعيله
وبجهنم ياناس حتماً مصيره
...
عمري يكبر والعشگ بي يكبر
علي هو آمّن يجيب المظطر
ما اخاف من الگبر والمحشر
وما يزل جدمي وعلي عالمعبر
عندي حب حامي الجار يسوه العشيره
...
علي خطيت بضميري  حروفه
شمس بعيونه عمه الميشوفه
صوت عدنه ويعتلي للكوفه
نعوف كلشي وحب علي منعوفه
الما يبايعه صار بايع ضميره
...
المؤمن بحبه صبح عنوانه
الما يحبه فارغ من ايمانه
أشهدُ ان علي مولانه
نگولها غصباً على العادانه
بالحشر خصيمه حيرته حيره
...
بالگلب نبضي علي سميته
بالصلاه فرضي علي صليته
من گبل ما انخلق واليته
واليعادي المرتضه عاديته
لأن شفت الكرار لله سفيره
...
لا تلوموني ملك انفاسي
حب علي عرشه بوسط احساسي
انه عشكي حيدري عباسي
من ابو فاضل عندي غيره براسي
يشهد اعله الميثاق بدر العشيره
...
خادم الحسين ( عليه السلام)
كرار حسين الكربلائي
( ابو كميل)

ياحامي خدري انه زينب
جيت ودليلي ناره تلهب
چانت وجهتي خويه للتل
لاچن طلعتي عليه تصعب

جيت اخذ شورك بهايه واروح
ترضه اطلع وانه زينب يبن ابوي
گوم ويايه يخويه وخل اگول
مارضه يردني اجه وياي اخوي

احاجيه.... ولاگام...... صحت هاي..... الايتام
ينادوك..... ترد كون..... يلفياي..... للخيام
===================================
يا في ضعوني خويه اجيتك
محمله بدموعي من اعتنيتك
سمعت العده يخويه كالو
تمشي بسبي يردون اخيتك

يبن حيدر جيتك وشفت العذاب 
عالنهر  شفت الكفاله والجفوف
حيره الم بنسوه لو الم الصغار
ردتك ويايه تجي انته وتشوف

يحركون.... بالخيام..... وذعر صار..... بالاطفال 
نفر وين  .... والاجناب ..... بالسياط... والحبال
====================================
ضامي الضعن يفي خيامي
مو لشرب يخويه ضامي
باوع عله الضعينه تعرف
تشوف الخيم عطشانه حامي 

تنطر الخيمات رفت رايتك
من بعد فيك تره الناكه عذاب
ارجع البخيمه عطشانه عليك
الهن ترد ما يردنه الشراب

يالكفيل... احاجيك... الخيام... تناديك
يعباس... هالضعون... الحمه تريد... تناجيك

====================================
مواليه كوم يخويه اريدك 
محني الضهر غده عضيدك
شافك عله الشريعه طايح
وينزف وفه نضر وريدك

كوم خويه حسين ضل وحده غريب
يصيح هل ناصر ولا عنده نصير
ضامي فوك الكاعد محبوب البتول
متوسد التربان وبحر الهجير

بلا فياي... عله تربان... بقه وحيد.. بلاعون
بالسيوف... والرماح.... بالحسين... يطعنون
====================================
مودع يخويه ضعني رايح
عالهزله صارت النوايح
انه بسبي يخويه وانته
فوك الشريعه خويه طايح

يمته خويه تكوم موفوك الهزيل
صعدت الماشايفين الهه خيال
شكد صحت نغار من اهلي اريد
بت علي تاليهه تصعد عالجمال

بلا اخوان ....وسبي نروح.... بالضعون....وي فجار
وي جتال... اخوتي... يالكفيل ... الضعن السار
====================================


خادم الزهراء عليها السلام
الشاعر حسين فائز السعد

ماتت وهية ما مرتاحة مولاتي زينب(صلوات الله عليها) من العاشر لحد الشام تسولف مولاتي لحضات موتها وحيرتها وشني ألي خلاها تموت وهية ما مرتاحة….


زينب ماتت ما مرتاحة
من الشام وذاكة السوگ…
يا موت شعطلها ايامك
الحگ گلبي الضل محروگ…
أبيتي ومحد شايف ضلي
شلون تصير وارگب نوگ…


هسه گلبي
ارتاح توة
راح اغمض عيني…
بس كسرتي
من اغمض
ماكو يمي حسيني…
راح اموتن
موتي سكتة
باقي بس اونيني…


ليش توة الموت اجاني
كون وي اهلي وخذاني
ردت ايدي بيد اخوتي
ليش عنهم بعَداني


غريبه وراح اموتن غريبه…

_______

لحگو لزينب زينب ماتت
راحت تطلع هاي الروح…
كون حسين يغمض عيوني
بس حسيني ضل مذبوح…
ما جارحني بس اغيابه
من اعيوني لا ميروح…


وين اخوتي
لحگو زينب
انة وحدي بروحي…
اخر انفاسي
وموتن
وتبقة بية جروحي…
هسه اهلي
هم يجوني
يمتة ابطل نوحي…


ولله مشتاگه لكفيلي
راح اموتن ما يجيلي
كون بچفوفه الحنينة
الزم ايدة ويكضي ليلي


غريبه راح اموتن غريبه….

________

شلعو گلبي لگالو اسمي
بروحي شسوه ااااا يلشام…
اطلع من ديره لحد ديره
مشوني بلغربه أأيام…
اتلفت بس ألمن امشي
انة الحرگو ليها اخيام…


اصل موتي
يوم عاشر
من طلعت بهيمه…
اركض شلون
وانه زينب
بضهري حرگو خيمه…
ذبحو حسين
وانه اصيحن
عوفو اخوي بضيمه…


ااه گلبي أشگد عذابة
انذبحو اهلي اعلل ترابة
واركضت بلهيمه وحدي
والجرح ما سدلي بابة


غريبه وراح اموتن غريبه…

_______

تعَبت زينب كلش تعبت
الذبحو اهلة مايرتاح…
والهضمتها زينب راحت
حاديها هوه الذباح…
هيه الغربه هاي التكتل
من حاديها زينب صاح…


هاي زينب
هيچ صارت
عل هزل تعبانة…
ولله مايرهم
بديها
حبل موش امچانة…
اه صاحت
وين اخوتي
هاي زينب انة…


الشام هوه الموتاني
شلع گلبي وتَعباني
صاحو أعلية الغريبة
وكبر جرحي وضيعاني


غريبه وراح اموتن غريبه…

______

✍️محسن الباوي

اللهم عجل لوليك الفرج
_____

أمنيات السيدة زينب (عليها السلام)

ياموت اخذني أمن الغرب        
متني انشلع من الضرب
وديني يم هلي   يم فاطمه وعلي
ياموت اخذني
ــــــــــــــــــــــــــــــــــــــ
سافر يموت برحلتي الاخيره
خلصني من احچاية الاسيره
خل ارجع المملكة الاميره
عد الله زينب عالـمه وچبيره

جهلوني ذول أهل الأرض
خليني بجناحك اكض
خلينه نعتلي    يم فاطمه وعلي
ياموت اخذني
ــــــــــــــــــــــــــــــــــــــ
من عالم العالم أخذني دمعه
وهذا السفر نهائي ماكو رجعه
تابوتي فوگ اوي الشمس ارفعه
هوه الضوه لازم ضوه يشيعه

لاهلي وعمامي اهواي احن
الشام احس بيهه سجن
ترجع الهيبه إلي    يم فاطمه وعلي
ياموت اخذني
ــــــــــــــــــــــــــــــــــــــ
محد رحمني الدنيه چنهه غابه
شايف أميره وتگعد بخرابه
واحسين كاسر خاطري بمصابه
تاجي انسلب من سلبّو ثيابه

أمن الخيم للتل ركضتي
طلعت شيب بصفنتي
ماعندي ظل ولي     يم فاطمه وعلي
ياموت اخذني
ــــــــــــــــــــــــــــــــــــــ
أخذ الجنازه ولفهه بالعبايه
موكب نروح العالم النهايه
ياموت عجّل خلصت الحكايه
ماريد أشم ريحة بچي وسبايه

عاين عله امتوني الحمر
وتعرف اشسوالي الشمر
أذاني عاذلي    يم فاطمه وعلي
ياموت اخذني
ــــــــــــــــــــــــــــــــــــــ
بالشام أول شي چنت سبيه
بس ثاني جــيه من اجل رقيه
لازم العالم تفهم القضيه
واهنا تصير الحضره زينبيه

بالحضره نسوان وزلم
يايوم اشوفن هالحلم
والصحن ممتلي     يم فاطمه وعلي
ياموت اخذني
ــــــــــــــــــــــــــــــــــــــ
والراد مني ايحصل البشاره
خل يبچي كون بحرگه وبحراره
الراسم اباله الگبه والمناره
يتوفق أن شاء الله للزياره

كل عام وآنه امتانيه         
يمي تصير التعزيه
واهمومي تنجلي      يم فاطمه وعلي
ياموت اخذني

الشاعر محمد الجماسي

#اللهم_عجل_لوليك_الفرج

غمضت اعيوني  راح يشيعوني
يم النعش اسمع ناس
بشروني ماجه العباس
****
غمضتهن وحده وحده اعيوني الثنين
وچنت منتضره ابوفاضل ويه الحسين
ب الله شنهي العطلاهم خاف ناسين
بل دمع ارسم صورهم صارلي اسنين

سلتني الغربه        فرگتكم صعبه
خنگت عبرتي الانفاس
بشروني ماجه العباس
****
انشال نعشي بلايه دمعه وناس يبچون
والمتون الشايلتني غربه المتون
وين اخوتي البل شدايد مايقصرون
يازمن ليش الردتهم مايضلون

كلش مهضومه.   منهم محرومه
بل خوه حسيت احساس
بشروني مااجه العباس
****
الجره عليه يوادم ماجره وصار
الحزن حسيته بيه مگدراگدار
اليمته اضلن يابوفاضل گلبي محتار
من الشماته ابروحي احسن تشتعل نار

محدشيعهه   خلي انودعهه
النعش مابي حراس
بشروني ماجه العباس
****
الشماته اتريدفرصه حته تلجمني
كيفومن ابوفاضل چفه مويمي
مادرو دم ابوفاضل يمشي وي دمي
وفوگ جفني ارسم اسمه بدمعه وي اسمي

مشتاگه الچفه.     نتفارگ وسفه
الخوه يمك تنقاس
بشروني ماجه العباس
****
امنيتي احس وياي ميته وتكسرالخاطر
وجبت عمري امتانيتكم ونطرالباچر
ومنكثرماصحت خويه النعش حاير
لچن ماخلتلي ملگه ليلت العاشر

ماتوخواني.    وكبرت احزاني
بحافرجثثهم تنداس
بشروني ماجه العباس
****
انه خويه اشوايت الله من يدفنوني
كون مثلك بل حوافر هم يسحگوني
ولسهام اطيح فوگي وتنطفي اعيوني
ونطحن بل رمل مثلك مايشوفوني
خلصن ايامي _ ماتن احلامي
يل خوتك رفعت راس
بشروني ماجه العباس
****
سلام البهادلي

نعي للامام الكاظم عليه السلام
****
فوگ الجسر مطروح نعشه
وبغداد كلها اليوم وحشه
اشلون العزيز يموت غبشه
خل ناخذ افراشه ونفرشه

ناده المنادي وبجه العيون
راح ابن جعفر لا تتانون
خلص حياته بسجن هارون
ونعش الغريب ايريدله امتون

ون الجسر وشتد نحيبه
وامصيبة الكاظم مصيبه
وجنازته ضلت غريبه
وبعلته تحير طبيبه

محروم من الشمس محروم
اشلون الغريب يموت مسموم
طحنه وبعد ما نكدر نگوم
ومهموم يتوجه اعله مهموم

كلش خسارتنه جبيره
ومن شال شيله عشيره
حيرتنه بعده اشلون حيره
راح البعد ما نلگه غيره

للمكبره خل نمشي وياه
مو عالمتن عالروس شلناه
اتراب الكبر ياحيف غطاه
الشايل عزيزه وين نلگاه
**
الشاعر
تحسين الخفاجي

ما ضل دمع وبجي اشلون   صحت البجي ايريد عيون
باجر تره ادور السنه    وانه انتظرهم يدرون
**
ما يرتاح كلبي اله اشوفنهم
جنهم بالمكابر طولو جنهم
دربي بعيد وانه اشلون امرنهم
عافوني الابد ما ينشبع منهم

اشيسوه الهوه ابلايه اخوان   حزني انرسم عالبيبان
كل يوم افزن ونلجم    يمته اعله حالي ايحنون
**
شو دارت سنه واحبابي ما جوني
ليش الوحدي اتعذب يخلوني
ما احمل هجر ولياني يدروني
صورهم ما تفارك ضلت عيوني

والعاشو اسنين وياي   عافوني وحدي بدنياي
وانه الاودنهم صحت    من عندي ليش ايروحون
**
مشتاكه اشوف اخواني مشتاكه
اشكثر ضهري انكسر من صعدت الناكه
راح حسين عني وطول افراكه
وعله اخواني دليلي تلهب اشواكه

والحيل اجيبنه امنين    عالغبره خليت حسين
متغسل بفيض الدمه    وبراسه شفت ايهوسون
**
اشلون اعله الرمح راس الاخو ينشال
جم لوعه ومصيبه يحمل الدلال
تره ضيم الحملته ما تحمله اجبال
من عكب الدلال امجتفه بحبال

درب السبي ما انساه   واهواي الي اعتاب وياه
من ضيم دهري اتغيرت    وما ضل بعد عندي عيون
****
يدهري اعله المصايب كافي تجبرني
كل نسمة هوه بيهم تذكرني
عكب عين المشو ياهو اليصبرني
كل واحد يشوف جروحي يعذرني

ما مر عله عيوني النوم   ونشد عليهم كل يوم
جم مره بالعاشر طحت   والصوط ما خله امتون
***
ذب ضيمه زماني بكربله عليه
عكب اخواني كلها تشمتت بيه
وبنار الخيم جفيني مجويه
هظموني ورحت للشام مسبيه

من وكفوني بالسوك    اعليه بجت حته النوك
ناديت اكعدو يخوتي   الزينب اريد اتفزعون
*
تمت
تحسين الخفاجي

يا غريبه   زينب الله ايعين كلبج يا غريبه
مو مصيبه   امصيبتج بالدنيه كلها مو مصيبه

ابلا خيام  ابلا كلام   والجرح   مو سهل
والعذاب   والمصاب  والله ما   ينحمل

اعله الوجه كل ساع زينب طايحه
ولليسر كل يوم جنج رايحه
الموت اجاج وكل اخوتج بالتراب
اعليج زينب ياهو يقره الفاتحه

يا زينب  يا زينب
*
مو بديه   كلبي هوه يريد يمج مو بديه
يالسبيه   بيج شمسويه المصايب يالسبيه

جنتي وين   وهسه وين  كلشي ضاع  باليسر
احبال اديج   اتون عليج  كافي هم  ياعمر

صارت امن الصوط زركه امتونج
المن اديرين بله عيونج
انتي بت حيدر علي وام الدلال
وكت زينب كامو ايشتمونج

يا زينب   يا زينب
*

وين اخوتج   خل يحضرونج يزينب وين اخوتج
حان موتج   ومن هلج محد اجاج وحان موتج

ابلا كفيل   وهذا ليل  وتجوي نار  دمعتج
كلشي مات   الهوه مات   ما تطيب  علتج

اجنازتج بس ابن اخوج وياها
وناس غربه اتجمعت فوكاها
كلها تسال وين فاتحتج تصير
والحسين بكربله سواها
يا زينب   يا زينب
***
من اذكرج   ينعصر كلبي يزينب من اذكرج
يبقه عطرج   امن الزم الشباج بيدي يبقه عطرج

بكل خشوع   بالدموع   اندعي   بالصحن
غربوج  وعذبوج   عيوني بيج   سولفن

زينب اوصل عتبتج خليني
اعليج اخوج حسين لترديني
انه حيل اعله الزياره كلبي طاك
ورايد بهاي السنه توفقيني

يا زينب   يا زينب
**
تمت
تحسين الخفاجي

نعي

وشهل الكطع يالما تمرون
جا ليش عني ما تنشدون
وين الله وسمع دكت الباب
وساعة وكت يمي تسيرون

من ابجي ينكع حته الفراش
عمريش هذا اشلون ينعاش
يوجعني كلبي الله ولحد
وماضل عكبكم حيل بياش

ليش امن انوح تكظني الصفاح
شيخ العشيره والسلف راح
اتمنيت عمر الياخذه الله
بلكي امن اموت بموتتي ارتاح

شيصبره المضيعله خلان
فرغت منازلكم يالحنان
انه بجفاكم كلبي ملجوم
لا من هلي ولا من الاخوان

الشاعر
تحسين الخفاجي

قصيدة ميمر للسيدة أم البنين


تسهيل  أمر يم عباس    نقرالچ اللطميه

،،،،،،،،،،،،،،،،،،،،،،،،،،،،،،،،،،،،،،،،،،،

يم    البنين    ابمجلسچ   كل   مره
يحضر  محمد وي   علي    والزهره
لا مو بعيده  وي  الحسين  الحضره

ونصيح ها يم حسين   منگلچ البدويه

**

غير انتي باب الله الرحيم الشافي
معذور   لو اسمچ    حرز  بشفافي
يم الله     ذكرچ    للحوائچ  كافي

يا شيعي اطلب واختار  يلحاجتك مگضيه

*

هذا   الدليل    وباب  صرتي   لربچ
مو چان گلب حسين حيل    يحبچ
يلچنتي    منه  وهمه   چانو   منچ 

اولاد نعم الاولاد    مأجوره يا علويه

****

غير   الاسود   ولا     تجيب   اللبوه
يمربيه   ولدچ  علوفى     وعلنخوه
تروح المره  اوالدهه   لجلچ    فدوه
 
ام الجمل ما تنقاس   بالطاهره الشيعية

*

يم البنين   (حسين  نشبع  منه ؟ )
هاي  المجالس  جسر   بس  للجنه
گول   برگبتي     شتطلب   وتتمنه

وديهه  بيد  العباس   بس گله بالمسبيه

****

بالدنيا  هم  بالاخره   احنه   وياكم
ميتين     ما    ميتين   ما   ننساكم
بيوم     القيامه    ونلطم    لبلواكم 

بالحشر نرفع رايات   يتحول حسينية



كلمات خادم أم العباس /  رعد الفريجي

ام البنين بدمعة تنحب
تلگت ضعن بتهه التسلب
ساعه اعله زينب صافنه تگول
يمه انتي زينب موش زينب

اه ياضيم السبي. اه يا ضيم السبي
............

عمت عيني اعليج زينب يمه شو ذبلانه
بطولج مبينه المصايب منحني وكصرانه
مبينه من شدت عباتج ياتعب تعبانه
يمه بالكوه عرفتج كلت مو منانه

شكد شايفه هموم ومصايب
مبينه من شيب الحواجب
جا شنهي شفتي بطبت السوگ
وشصار بيجن بالخرايب

اه يا ضيم السبي. اه يا ضيم السبي
..........

بيهه لذه من النعاوي يانعاوي الفاكده
شلون لو ينعن سويه  الاخت وي الوالده
ما الومن كلب زينب عمي الله يساعده
حركو الخيمه وسبوهه وبصحاري شارده

مو حگهه زينب تشكي وتگول
علويه شنهي تبات بالجول
الماعدهه اخو لا توصل الشام
عيونهم جن خيل وتجول

اه يا ضيم السبي. اه يا ضيم السبي
........

تكلهه يمه اخلاف اخوتي العيشه صارت باهته
ثاري من ايفارك اخته الاخو تبين عازته
حيل مهضومه الهضمني الشمر مشه حجايته
ياوكت هو اليسولف وانه زينب ساكته

حگه الشمر لو طول السان
شافاني حرمه ومالي خوان
غم الوكت من عكب الحسين
مجتوفه اطب ديوان ديوان

اه يا ضيم السبي. اه يا ضيم السبي
.........

ارد اريح كلبي يمه خل اطب ديوانهم
وخل  امر ابيوت اخوتي وارد ادك بيبانهم
بلكت الله وحلم يطلع واصحه من نسيانهم
نذر لو  ردو   عليه  الا  احني   امجانهم

هيج وعَلَي كلهم يردون
وترجع الكواج الله يأم عون
ويرجعلي شوفي واصبغ الشيب
هذا الحلم يتحقق اشلون

اه يا ضيم السبي. اه يا ضيم السبي
...........
 
بعد مولاتي زينب ع تسولف

زين اجيتج يمه عدله وباقي بعيوني دمع
العلي صارن لو بغيري تموت لو تسمع سمع
ابجي مرات اعله روحي ليش بس انه انفجع
وليش بس انه ويه اخوتي موادع وما ننجمع

ليش اليحبه الكلب والروح
لازم تشوفه عيوني مذبوح
شمسويه ما مرني الفرح يوم
فتحت عيني مكابله النوح

اه يا ضيم السبي. اه يا ضيم السبي
...........
 الخادم موسى البطلي

قصيدة { إخذ روحي}
ذكرى وفاة سيدتي ومولاتي أم البنين عليها السلام



يا موت إخذ روحي ... حتى الگه مذبوحي
مشتاگه لحسين
.............................................................................................................................

آني أم البنيــن وهالطلب منّـي
طال الإنتظار وما خلـص ونّـي
أرحّب بيك أنا يا موت صدّگني
ما دامك تجي ولحسين تاخذني

من تاخذ اسنيني ... توصّلني لحسيني
وسنيني لحسين
.............................................................................................................................

صبرت وكابرت والشوگ مو عابر
يگظي اليــوم أگولــن أنتظر باچر
مشه ضعن الأحبّة وگلبي ظل صابر
على جمر الحزن صبـح ومسه يناطر

كل عمري أنتظره ... حسره بعد حسره
حسراتي لحسين
.............................................................................................................................

مو بس أربعة لو عشرة أولادي
أنذرهم سوه الريحانت الهادي
چانت شوفته آمالـــي ومْرادي
الدنيه بوادي كلها ودمعتي بوادي

أزرع ورد دربه ... لن فرگته صعبه
كل نذري لحسين
.............................................................................................................................

نعم يا موت نار بمهجتي الأشواگ
إخذ روحي الگظت من كثر ما تشتاگ
شحسبهه الجروح جروحي كلها اغماگ
مل مني الصبر والكون الأوسع ضاگ

من سافر الغالي... حال الحزن حالي
أحزاني لحسين
.............................................................................................................................

خلهه تموت روحي وما تظل اتنوح
من عاشر محرم ميته بيّه الروح
عشت بس الجسد ومناطره المذبوح
أنفاسي مواجع وانتظاري جروح

من تنتهي ايامي ... تاخذني للظامي
أيامي لحسين
.............................................................................................................................

تقرّبني يموتي لو إلك جيّه
من العاف أكثر من جرح بيّه
حسين وبالدمع أنعاه ليليّه
عزيز الطاهره الراضيّه المرضيّه

يا موتي نمشيله ... والموعد الليله
ملهوفه لحسين
.............................................................................................................................

چانت أُمنيه لو گبري يم گبره
نسيم الهاب منّه يزورني بعطره
حسين العنده ظلّت بالگلب حضره
شگد مشتاگه أشوفه هواي منتظره

ما ترجع ظنوني ... لو شفته بعيوني
وعيوني لحسين
.............................................................................................................................

خادم الإمام الحسين عليه السلام
عمار هليل الواسطي

أسمع رسـايل دمـع .. و تبَچي أهـل السمه
بين الوفه و الضلع .. من فاطمه لـ فاطمه
__
الزهراء :
الىٰ أم الوفه المتروســه حنــيّه
المْــشَرْفه عَشــيرتها الكِــلابـيّـه
أولادي أمــانه ابگــلبچ إخذيهم
و خصوصاً دَلليها هـــاي البنيّـه

إنطيها حُـبْ و دِفو ... بس أنتي گدها و كفو
شانــچ غَــداً يرتفِع ... من فاطمه لـ فاطمه
__
أم البنين :
شكبُر بَخْتِي عليّه بولــدچ اتوصين
الله قَـدْ خِلَـقـني إلچ خَـد و عـيـــن
زينب (يمه) ما اصيح إلَّه (مولاتي)
مو (أُم) إقبـلــينـي خادمه لحسين

من فدوه لحچــايِته ... أتشـرَّف بخِــدمِــته
أشعِل چفوفي شمع ... من فاطمه لـ فاطمه
__
الزهراء :
اعرفچ بالوفـه اتأديــن تَوصيتي
هذوله چانو من الدنيــه عافيتي
لَتخـليـهـم ايشعــرون بـ فــراگـي
أريد ابگلبچ ايحسُّونْ اَنَه ابيـتـي

بْـلا أُم يتـيم الظَنَـه ... خَلْ يشوفـونـچ اَنَـه
أولادي من تِجـتِمِـع ... من فاطمه لـ فاطمه
___
أم البنين :
قَسَـم بحجــابچ ايظل هالعهد وياي
إذا عِطشوا أصبْ اعيوني إلهم ماي
و لَخَلُّفلـه أخو لـ حسـيـن من گلبچ
مَـيـگـلّه يـخـويـه ايگـلّـه يا مـولاي

مِثل البـدُر مِنْ يــهِل ... يصيحوله يا أبا الفَضِل
وجها ضوه من يشِع ... من فاطمه لـ فاطمه
_
الزهراء :
طوله احْجاب صار لزينب من الناس
گمــر يشــبه علي مــن الجِـدم لراس
أبو الغيره الي باع اچفوفه لـ الخـوّه
أحبّــه هــواي سلـمـيلي عله العـباس

امسمِيته و بمَعرفه ... استاذ العَطش و الوفه
مِثــلچ عليه انفِجِع ... من فاطمه لـ فاطمه
____
أم البنين :
الحَمِد للٓه رضيتي اثلاثه و بـكافل
أولادچ عيـــوني و الله تِــســتاهِل
الله برحمــتــه ودانــي يم حيــدر
و خَلّه بكربلـه لـ زينــب أبو فاضل

صِرْت برفيـع الفـخر ... أم الشمس و الگـمـر
تـاج الأســم ينوضِع ... من فاطمه لـ فاطمه
_
أم البنين :
من يوگــف أگــباله ايذب العمامه
و إذا طاح الحسين ايطيح گدامه
مملــوح بكــثــر ما زيــنب اتحـبّه
يشم عطرچ اذا يفتر عله اخـيامه

چفوفه بگطع لو حِضَت ... معناها زينب رِضَت
( شـكراً أخي ) يستِمِـع ... من فاطمه لـ فاطمه


الشاعر حاتم صبري الكاظمي

#تراث

گعدية لمولاتي أم البنين روحي فداها وفداهم

آنه أُم البنين إو فاجده الحيل
بألله إهنا يهل عدكم مچاتيل
هاكم دمعة العين...تضوي إبدم الحسين
بألله إهنا يهل عدكم مچاتيل
ــــــــــــــــــــــــــــــــــــــ
إهنا يهل عدكم ضحايا والمآتم ناصبيها
عله إمصاب إللي دهاكم يالأهل يمفارجيها
ساعدوني عله إمصابي وآنه أساعدكم عليها

تدرون بيه إملوعه
إبجمر البنين ألأربعه
وإچفوف عندي إمگطعه
إعله الشريعه إمگطعيها

هـاي إچفوف أبو فاضل تراهن
لحسين إو لعد زينب فداهن
إو عالمشرعـه الچفين...تضوي إبدم الحسين
بألله إهنا يهل عدكم مچاتيل
ــــــــــــــــــــــــــــــــــــــ
إهنا يهل عندك شباب إو عينك إعليه إترصّد
إتريد منه الغانمات إوبالخطر يلزملك الحد
مثل گلبي إللي تأمل ورده من شجرة محمد

هاكم دليلي إو حسرته
عألأكبر إيجر ونّته
وإبراسي اهجس طبرته
إو گلبي لمصابه تمر

منهو المثل گلبي إبفگد ينظـام
فاجدله شباب إثمنطعش عام
محزوز الوريدين...تضوي إبدم الحسين
بألله إهنا يهل عدكم مچاتيل
ــــــــــــــــــــــــــــــــــــــ
إهنا يهل عدكم شباب إو رايدين إتعرّسونه
إو عارضت عرسه المنيه إو گبل عرسه إتفارجونه
مثل عرّيس الهواشم بالدموم إتخضبونه

عرّيس جاسم حنّته
ما أدري من دم رگبته
لو من إجروح الصابته
إو عله الغبره إيوسدونه

ظلت بالگلب جمـرة إمصابه
جاسم حنته إو شمعة شبابه
تزهر بالصواوين...تضوي إبدم الحسين
بألله إهنا يهل عدكم مچاتيل
ــــــــــــــــــــــــــــــــــــــ
إهنا يهل عدكم رضيع إو يجذب إعله الماي حسره
لا لبن لا ماي يحصل وأُمه متحيره إبأمره
إتذكرو إمصاب الرضيع الخلّه بيّه إشلون جمره

أحّا يجمرة هالطفل
إبگلبك إو گلبي تشتعل
إشمطلوب ظامي ينچتل
إو نبلة الخيّطت نحره

إبگلب أُم البنين إشخلت إجـروح
تنزف من وريد الظامي مجروح
تتفـايض العينين...تضوي إبدم الحسين
بألله إهنا يهل عدكم مچاتيل
ــــــــــــــــــــــــــــــــــــــ
آنه ضحيت البنين أو ردت بس حسين يسلم
إو لا ردت سهم المثلث يمضي إبچبده إو تخذّم
إو من إصواب الحجر شيبه ما ردت ينصبغ بالدم

ضحيت إله إشبول أربعه
وإتفادو إبحد مصرعه
وإبأمره مو متورعّه
إو ما چنت بالحكمه أعلم

حكمه إو صـالح الحكمه إقتضاها
إو شرّف كربله إو تربة ثراها
من عالم التكوين...تضوي إبدم الحسين
بألله إهنا يهل عدكم مچاتيل
ــــــــــــــــــــــــــــــــــــــ
إهنا يهل عدكم عشيره إو چتل راحت هالعشيره
لا تفكرون إبأمرها وبالعيال المستجيره
إتصورو إعيال الحسين المشت مسبيه إو يسيره

إو خلت رجال الغانمه
إبحد السيوف إمخذمه
إو حيرة ودايع فاطمه
ما مثلها إتصير حيره

إو دم كل هاشمي إو مهجته إو روحه
تنزف من وريده إو من جروحه
ظلت بالميادين...تضوي إبدم الحسين
بألله إهنا يهل عدكم مچاتيل
ــــــــــــــــــــــــــــــــــــــ
إهنا يهل عدكم يتيم إو ما إله مشفج يعينه
ما يهم أمره إو يهون إبطفل حمّاي الضعينه
من عله إمتوني إيتجفل للطفوف إيدير عينه

إعيون اليتيم إمن السهر
ذابت إو روحه إعله النهر
وإتدور الهاشم گمر
بالسيوف إمگطعينه

بجنـاح المصيبه إيطير گلبه
وإعيونه عله حسين إتـّربّه
وإتجلب الكونين...تضوي إبدم الحسين
بألله إهنا يهل عدكم مچاتيل


الشاعر المرحوم الشيخ
كاظم منظور الكربلائي

(321)
#اللهم_عجل_لوليك_الفرج

كبرتي وربيتي  ،،    بولادچ ضحيتي
هذا الربچ راده  ،، جبتي القاده القاده
بولادچ  ضحيتي

****

يمعدله    المچفيه
غير انتي النشميه
أم الأهلآ    حيهم
بدويه     وعلويه


الله المختارچ      والخالق
يدري    شبيچ   من اسرار
خله الثوره بحظنچ عاشت
بس   خله    وياچ    الغار


درع حسين وطوله  ،،  للتصعب منگوله
شنهي    التتمنينه  ،،  ابنچ سهم  ابعينه 

عزبتي  أوفيتي ،،،  بولادچ ضحيتي

*


شوصف ولدچ حيره
قرءآن       وتفسيره
من  فارس  للفارس
غيره  تخاوي الغيره

دگو   ثايه    بعالم   ثاني
وچان      هناك   الميعاد
ارواح وركضو  لحسينچ
بالذر      صار     التعداد


كلهم صارو  واحد  ،،، صاحو هذا القائد
مو خوان اليوسف ،،،  لا  شبان   وتنزف

بالطف شسويتي  ،،، بولادچ ضحيتي

*



يمچ   بس مشتاگه
متحملين     فراگه
هو حسينچ روحچ
ها   يمبچيه  الناگه


لو  حنيتي لشوفة طوله
حسين   ايجيلچ   عناي
وتحشمين بكافل زينب
عباس      الماي   الماي

عمره ايام وساقي  ،، مات الماي وباقي
يا شط صار بطوله ؟،   لا يزعل گلوله

لا تخلص عافيتي ،،،  بولادچ ضحيتي

*


بالطف چنتي وياهم
ما     مات    الرباهم
سيف ورايه  وجربه
اهلا     يا     حياهم

طبو     للحومه    بهيبتهم
طاحت   ناس  اعله الناس
مو  واحد  واطيح چفوفه
نازل     جيش       العباس

يطبر ماي وهامه  ،،    تتراجف گدامه
وادم حيل بعيده ،    كلهم گضهم بيده

عفيه ابني وناديتي ،،، بولادچ ضحيتي

***


خندق  صاح   لخيبر
للطف    خل نتحضر
عدنه طلابه  أچبيره
هاي  اولادك   حيدر

هاي امهم طشتهم فدوه
گبال      أخيام    الحره
امهم فاطم لكن   فاطم
تخدم    ولد      الزهره

تسبيحتهه أعيونه  ،،   مولاي ايسمونه
هيه وياهم صارت ،، عاشت لمن ماتت

مشكوره اوكفيتي،،، بولادچ  ضحيتي


كلمات خادم أم البنين / رعد الفريجي

ياموت عيني ماغفت  بس الدمع يبرالي
عشت بحلم ماصار الي  من عيني راح الغالي
بجفوفه الثنين.. يدفني الحسين
*
عشت بحلم بس ياحلم  خلصت يموتي سنيني
ساعة مماتي لو دنت  يدفني كون حسيني
ودعته مكسورة گلب  ولا منه شبعت عيني
باخباره من ردلي بشر  مابطلتها ونيني

ما فاركت دمعي ابد  واحسب كمت بايامي
كالوا حوافر داسته  وحسين ميت ضامي
انطر كلبي نصين .. يدفني الحسين
*
من كربله جروحي ابتدت  وبدموعي اضمد جروحي
بعيوني من شفت الضعن  من عدها طلعت روحي
ضليت اون اعلى المشوا  ودياري تبجي لنوحي
لا سالم ولا رد نعش  بالغربه ضل مذبوحي

مذبوح وبحر الشمس  كلولي ضل حسينج
وتذبحوا يم الوفه  بالغربه كل بنينج
منيت ام البنين  .. يدفني الحسين
*
كتلهم احجولي شجره  عن الغريب احجولي
اولادي خو ما قصروا  شنهو الخبر كلولي
بحسين اوصي وعيلته  حال الخدر وصفولي
وين الكه ناس لكربله   بيه بضعن يمشولي

لحسين ارد لكربله.. يهل الرحم ودوني
طول عليه بغيبته .. ماضل دمع بعيوني
والدمعه بالعين  .. يدفني الحسين
*
كلولي من ناخ الضعن  والتمت الخياله
اطفاله كاتلها العطش وحسينج بيا حاله
عباس كطعوا يمنته  يم الوفه وشماله
وحسين مرمي اعلى الترب  بصدره رفس جتاله

الف وتسعمية جرح  والخيل كسرت ظهره
ومتربع بصدره الشمر  ويحز يويلي بنحره
روحي شتظنين  .. يدفني الحسين
*
وزينب غريبه بكربله ومذبحين اخوتها
ويا ويلي من حرك الخيم  للتل نوت ركضتها
محنيه صارت بت علي  بحر الظهر وكفتها
وخيول عشره بلا كلب  حسينج ترض شافتها

وتتجتف ام عون بحبل .. وبين الزلم جروها
وراس الحسين اعلى الرمح .. طول الدرب راوها
يا جرح اليعين   .. يدفني الحسين
*
ياموت كاتلني الضمه  لوجه الفجر عطشانه
كل حيلي من ذاك السفر  مثل الغصن ذبلانه
بداري وافز من صفنتي  من تندفع بيبانه
هلبت يردلي من الهجر  لو اكضي عمري متانه

الليله اموت بلا اهل .. واليوم وكت العازه
اولادي موته بكربله .. وانه ردت جنازه
وين الاهل وين   .. يدفني الحسين
*
تمت
احمد الخفاجي

وفـقينه يزهراء وفـــقينه
                سجلينه يزهراء  سجلينه
                   ———————
          رزقينه للضلوع دمعه فاطـــميه
          مديناها الجفوف لاترجع خليـــه
        وبكل الـــروايات نقرالج سويــــــه
       المو شيعي رفضناه احنه الرافــــضيه

             حبينه يزهراء حبينـــه
           سجلينه يزهراء  سجلينه

                    ———————
         انصار البسامير مانسمع حجيهم
        بفلسين اليضدوج محد يشتريهم
        خدامج يريـــــدون نضراتج عليهم
        فري سبحة الطين ادعي واذكريهــم

               لــمينه يزهراء لـــمينه
             سجلينه يزهراء  سجلينه

                   ———————
           ببيوت اليحبوج اســــٰمائج هويه
         لازم عدنه زهراء لو عبد الزجــــــيه
         سمينه فدك ليش جم بت حيدريه
         چيه بستانج اخذوه الماعدهم حميه
      
              ضحينــه يزهراء ضحينه
             سجلينه يزهراء  سجلينه
                 ————————-
        تحضرين العزاءات معروفه الروايه
        مولاتي وتكعديـن انتي بالبدايــــــه
        علمتينه للموت منعوف الولايــــه
         وابابج قرابين قدمنه وضحــــــايه

               حزمينه يزهراء حزمينه 
             سجلينه يزهراء  سجلينه

                   ———————
       بالمجلس توزعين للمخلص شــهايد
       خاتمها ابو حسين حـــلال الشدايـد
        بعِباتج تغــطي اليقرالج قصايــــــد
        اليفتر العزاءات يتسجل مجاهــــد
       
             شوفينه يزهراء شوفيــنه
             سجلينه يزهراء  سجلينه

                   ———————
         من نختم تمدين سفرتنه بجفوفج
         احنه بعين الگلوب ويانه نشوفج
         ذبحونه ويذبحون لگن ما نعوفج
        بعد الباري بحروف يـ لزهره حروفج

              امرينه يزهراء امرينــه
            سجلينه يزهراء سجلينه

                   ———————
         
سيد معتز الحسيني

             لاتسلم  والسلام وياي اگطعه
           مااسامح  والعذر ماريد اسمعه
          مااصدلك  لو تصير بليلي شمعه
                        —-————-
         لاهله بجيتك يشايل طبع شيطان
        شوفتك تخنك واحسها چنها دخان
         وياك ماغزر ملحنه ليش يفلان !
       العذر من الفعل اقبح بعض الأحيان
           مااعذرك  والوجه عنك اديره
         ما اريده  الباع اسلامه وضميره
         وبصلاتي اعليك چفي ابقه ارفعه
                     ——————
         لو تجيني الف مره ما احاجيك
       يلي خنت الزاد تحلم يوم اراضيك
         باجر بيوم القيامه راح ابجيك
         اِينزلك كرسي الخلافه مايعليك

        لاتصدك  خاف كالولك خليفه
      دور اصلك  يله تنصبلك سقيفه
        تاج حيدر مو حلو براسك انزعه
                      ————
          لاسلام اعليك يامن حارك الباب
         والزعل وياك يبقه ليوم الحساب
        ماادخلك بيتي بس بختك ببو تراب
       انت مو زلمه وانصحك تلبس حچاب
           ماتنفعك  بعد اعذار وندامه
           لاتحاول  يلي ماعندك كرامه
          وبجهنم  المر اشوفنك تجرعه
                       ————-
     السم اليطبخه يضوكه وانت مسموم
      تحلم اشما تعله توصل يم النجوم
     انت عاصي شلون تحرك باب معصوم
    شلون ارضه أعليك وآنه ضلعي مهشوم
           
         لاتكلي  ابلا قصد ضلعي كسرته
       ومحسن ابني  كبل ميلاده ذبحته
         انته مذنب والثمن لازم تدفعه
                    —————
       والدي بذنك سمعته من حچه هاي
      يغضب الله لمن اغضب يرضه برضاي
       اعليك غضبانه اصيح بدمع عيناي
        لو تصير الماي ابطل اشرب الماي
         مااطيقك لو توچ العشره اليه
           انته واحد ابد ماعندك حميه
       خد محمد تعمدت بيدك تصفعه
                      —————
       بموتي ماريدك تروح ويا اليشيعون
        انت حته ابليس كلك انته ملعون
      الصاحب من يموت ربعه ويا يموتون
        انت ماتعرف توافي تعرف تخون
       انته صاحب غدر مو صاحب طويله
        واليحشمك تطعنه لا ماتنتخيله
         اليمد جفه الك متعود تگطعه
                   ————-
سيد معتز الحسيني

قصيدة ثگيل..

البيت الباقي وماتت امه
رغم البي بس تلگاه ضلمه
موت الام يصعب ملكاه
ومو أي أم أمنه الزهراء

___

طول امي فْي وغاب
بشمس الهجم عل باب
زهرة محمد تنعصر الله اكبر
تدفع تحاول غير
حرمه شتريد تصير
عالباب مو زلمه وكف ثلثميه واكثر

الباب اشسوه. لاذت گوه
صاحت اه ابكثر الچمه
صعبه تطلع. من اليدفع
حيل الحرمه شجابه الزلمه

ماصّحت بيهم اي رحمه
البيت الباقي وماتت امه

_____

من گد ألمها تريد
تحمي نفسها بأيد
والأيد الاخرى لازمه حجاب وعبايه
بنت النبي گالت
كالو وأن ماتت
هجمو عليها وصيحو هاي النهايه

صوت الكسره. بذيج العصره
صحنا وياها اه اجروح
طاح ابدمه. من حضن امه
محسن صار اول مذبوح

ذنب الماصاير بس اسمه
البيت الباقي وماتت امه

______

شوف الهظيمه شلون
اضلم عليها الكون
كسرو ضلعها ومارعو ذيج الوصيه
مو بس ضلع والله
ضربو متنها وياه
كالدملج الاسود صبح عضد الزجيه

عبّرو حدها. وسطرو خدها
شفنه اللوعه وهاي الغربه
ياهو اليگدر. لكن حيدر
موصى وهاي الحيره الصعبه

ماطلعت من عنده الكلمه
البيت الباقي وماتت امه

_____

مامر مثل هل يوم
واكف علي مهضوم
حِيله على هذا الجره مالزمت ايديه
رغم الجراح نشوف
اخذو علي مجتوف
رغم الألم بس فاطمه طلعت تحاميه

هاي الوسفه. قيدو چفه
حيدر صعبه ابچفه قيود
طلعت فاطم. يا هل عالم
يرجع حيدر لو ما عود

تگلب بيها الدنيا الأمه
البيت الباقي وماتت امه

____

اللـهم عـجـل لـوليـك الفـرج

✍️محسن الحمداني

شيعتهه ... للمكَابر ... شيعتهه
وادفنتهه ... وانه حاير ... وادفنتهه
وظل سؤال ابداخلي
الزهره ماتت لو علي
.....
؛١
من بعد ما غسلتهه ابدمع الاعيون
بين اديه انه شلتهه مو عالمتون
غاليه عندي الزجيه وناسي يدرون
جنت اخاف اعليهه من الهوه البلكون

اغله مني ... عندي هيه ... اغله مني
فاركَتني ... للمنيه ... فاركَتني
يا عمر يحله الي
الزهره ماتت لو علي
......
؛؛٢
آنه قالع باب خيبر ذاكه الاثكَيل
وحيل ما ظلالي راح اوياهه كل حيل
من شفت كسر الظلع والدم الايسيل
شاب راسي الجان يشبه ظلمة الليل

كلشي بيه ... صاير ابيض ... كلشي بيه
عالزجيه ... كلي اختض ... عالزجيه
حقي بالهم مبتلي
الزهره ماتت لو علي
.....
؛؛؛٣
من وصلت المكَبره صرت انحب اهواي
أعرفت أم بيتي مترد بيتي وياي
حرت أرجع لو أتاني فرحة اصباي
وصرت بالدمعات يمهه رايح وجاي

عالي نوحي  .. ودعتهه ..  عالي نوحي
يمهه روحي ... ما جبتهه ... يمهه روحي
نوحي يمهه معتلي
الزهره ماتت لو علي
.....
؛؛؛؛٤
بيه ما بيه احفرت كَبر ام الحسين
مثل واحد ميت ويدفنله ميتين
اوموش ماي اللحد رشيته ابدمع عين
وخفت لا تنلجم وسعته اللحد زين

جاري  دمه ... شكَد ضلعهه ... جاري دمه
خاف الجمه ... وي رفعهه ... خاف الجمه
وتنوجع روحي وهلي
الزهره ماتت لو علي
......
؛؛؛؛؛٥
أشد موقف مر عليه وأبد ما راح
من عليهه بجفي اهيل الترب بصياح
اتذكرت من فوكَهه باب الخشب طاح
ساعه ظليت انه واكَف لازم اصفاح

هذا حالي ..  من بعدهه ... هذا حالي
داري خالي ... روحي عدهه ... داري خالي
والحزن واضح جلي
الزهره ماتت لو علي
................؛؛؛؛؛...................
✍️ كلمات موسى الخادم

الله يعينك ياعلي

الله يعـيـنـك يا عـلـي  من ودعـتـها الـزهـره
راحت يحيدر فاطمه  وراحت وياها العشره
ضياع .. عمرك بدون ام الحسن
ضياع .. الزهره چانـتـلك وطـن
الله يعـينـك يا عـلـي
……………………………

الـ بس هيه چانـتلك كـفو .. والتارسـه بـيتك دفـو
وچـانت الك أم وابـو .. راحت يحيدر
ذيـچ الحـنينه الطيـبة .. روحـك علـيها معـذبـه
جـرح الهجـر شيطيـبه .. وگـلبك تكـدر

أم بـيـتـك وأم  وابــو  وچـانـت اخـو  بـالـشـده
وچانت حبـيـبه ام الحسن  وياها حلوه الگـعـده
ومـاي الـيـبـردك بالضـمـه  والمـاي هـسـه اتـبـده


ذبحـو عشرتـك يا علي  وراحت هذيـچ ايامك
من يوم ما طگـها النذل  وطاحت تون جدامك
ضياع .. ابابك بدت ذيچ المحن
ضياع .. الزهره چانـتـلك وطـن
الله يعـينـك يا عـلـي
……………………………

شفت الجره عليها وحصل .. بيتك على الزهره اشتعل
لگـلب العرش دمها وصل .. بذيـچ الرزيه
من الرفـس من الضـرب .. تـتـلـوه ضلت عالـتـرب
ودمعـك علي الها يصب .. تـگـلها شبديه

الغـيرة والحـيرة اكـسرن ظـهرك ابـذيـچ اللحـظـه
گـبالك يدوس اعله الضلع  واسمعت طگـة الرضه
ومجـبـور عن ذاك الوضـع  الـنـظـر گــوه تـغـضـه

چـف الضرب خـد فاطمة  ماتگدر انته اتگـصه
مجـبـور يا حـيـدر لأن  ابـهـاي چـنـت امـوصه
ضياع .. هـاي اول ايـام الفـتـن
ضياع .. الزهره چانـتـلك وطـن
الله يعـينـك يا عـلـي
……………………………
الداس بـثـنـية منـزلك .. قصده يحرگـك وي هلك
بـس فاطمة ضحت الك .. زهـرة عمـرها
فدت الك خـد وضلع .. وضحت الك شوف وسمع
خافت ابچـتلك تنفجع .. تحملت كسرها

وهو استغل هالتضحيه  وصوب اصوابه ابگـلبك
يـدري بــدون ام الحـسـن   الدنـيـا  راح اتـعـبـك
ورادك تمـوت مـن الحزن  يدري بـهجرها ايعذبك


والثاني حـقـق غايـته  وچـتال چـان اصوابه
الغالي مـن يسكـن گـبر  اتـمـوت كـل احـبـابه
ضياع .. حـيدر ابـدنـياه انسجن
ضياع .. الزهره چانـتـلك وطـن
الله يعـينـك يا عـلـي
……………………………

الله يعـينـك عالهـجـر .. من غسلـتـها ابـيا صبر
ماتدري شمسوي الكسر .. چـان بصدرها
وي كل نـَفس خنگـة وألم .. چان الهوى مثل السهم
وزفـراتـها تـطلعـها دم .. مصيبة شكبرها

وما چانت اتـريـدك تحـس يا حيدر ابـمحـنـتها
مـن تـقـره قـرآن الفـجـر  تـطلـعـها بـي ونـتـهـا
وبكل قنوت ابكل فرض  فرصة تصب دمعـتـها

شگـد جـاهدت وي الألـم  لمن شهـيـده ماتـت
توها الزچيه من الوجـع  ابنص گبرها ارتاحت
ضياع .. بيـها المصايب دولـبـن
ضياع .. الزهره چانـتـلك وطـن
الله يعـينـك يا عـلـي
……………………………

يا راحـة تلـگـه ابدنيتك .. وام حسن وحدك عافتك
ايعـينك الله ابـغـربـتـك .. يا حـامي الجـار
الچـانت الك مثل الهـوى .. وبالحلوة والمـرة سـوه
شگد گـلبك عليها انچـوه .. وما تنطفي النار

الچانت سكن روحك امس  هسه بگبرها سكنت
بـثـيابـها شــم يـا عـلي لـو لـيـها  روحـك حـنـت
مكـتـوب روحـك مـن تـحـن  للمگـبـرة  اتـعـنـت

شم بتراب ام الحسن  وصب عالگبر دمعاتك
واحـچـيلـها عن غربـتك  بـفـراگـها ولوعـاتك
ضياع .. دموع المفارگ لو جرن
ضياع .. الزهره چانـتـلك وطـن
الله يعـينـك يا عـلـي


الشاعر عقيل الحسناوي..
.

حاجيني يا دار   كلبي اشتعل نار
اهلج وين  دمع العين  ما فارك عيوني
***
شو فرغت منازلهم   والوحشه اعله حيطانج
راحو والتحبيهم   ما دكوها بيبانج
يا دار الهجر موزين   شالو وين خلانج
من دار السعد صرتي   دار الحزن عنوانج

والفاركتهم   يمي ردتهم
كلبي اشتاك   وانه افراك   ما بيه تدروني
اهلج وين  دمع العين   ما فارك عيوني
*
يا دار اشبعد يا دار  بين عيوني الف حسره
بس دموع اخلص الليل   وابجي الفركة الزهره
يا دار امن اطبنج   انوح واذكر العشره
مهدوم الحسن حيله   وحسين انكسر ضهره

يا دار الاحزان   نوحي اويالخوان
بيه اشلون  اصرخ كون   وياها دفنوني
اهلج وين   دمع العين   ما فارك عيوني
*






يا دار انحلت يا دار   كاسر ضهري فركاهم
اتمنيت العمر لحضات    يكضي ويخلص وياهم
حنيت الهلي والروح   ما تصبر بلياهم
ما ظن ترجع الايام    عكب الضيعيناهم

جا وين اهلنه   اهل المحنه
صعبه ارتاح   والكل راح  وبحيره خلوني
اهلج وين  دمع العين   ما فارك عيوني
*
امي الكلها طيبه اشلون   خلف الباب عصروها
وحركو دارها الاشرار   واعله العين سطروها
بهمها تصيح محسن مات   ولا جنهم يسمعوها
اضلوع ام الحسن يا حيف   بذاك الباب كسروها

التمو عليها   واشتد بجيها
والدخان  يصعد جان  وتنادي اذوني
اهلج وين  دمع العين   ما فارك عيوني
*









اشعدها الدنيه بله وياي   ليش الوحدي خلتني
راوتني هظم وجروح   ومن الزهره حرمتني
انه ام الخدر زينب   والاحزان   سلتني
ماظن الزمان ايعود   الدنيه اهواي بجتني

شلي بحياتي   ونطر مماتي
بعيني دموع  كلبي ايلوع   ورتاح يردوني
اهلج وين  دمع العين   ما فارك عيوني
*
تمت
تحسين الخفاجي

نامت عيوني وامامي هسه گاعد
وين ما ادري المهم    يم المراقد
يابو صالح انته وين
يم علي  يم الحسين
ما    تگلي    يلحنين  وينك انته

***

راح احلفك بالعبايه
بزينب ودمع السبايه
بچف كفيل بلايه رايه   انته وين؟

انته  هسه  بيا  مدينه ؟
مقترب ؟  مبعد  علينه ؟
يا  ألم   ما يهدا   بينه    انته وين ؟

گلي يا بعد النواظر ،، هسه باچر،، يلحبيب
نامت عيونك  ثواني ؟ ،، مثلي آني  ،  يلغريب

يا   مصيبه   تشوف  بالليل   اليمرك
ها  ضلوع الزهره  مولاي   التكسرك ؟
لو شفت   باب انتهيت ؟
اتصيح يا يمه وبچيت ؟
من الوجع حيل انحنيت ؟ وينك انته ؟

-------------------------------------

اي   شفت   ضيم  المناحر ؟
وكل  وجع  ذيچ    الخناجر
دبچن        اعليه   الحوافر  يا  حسين


تنذبح    كل    ليله      يمه
حسين   هم   تگدر   تشمه ؟
ينشبگ ؟   خافن    تثلمه    يا حسين


تزغر  اعليك  الوسيعه ،، من رضيعه ،، بحظنه مات
نحره   ازغر  من  رماحه  ،، آه جراحه
مهلكات

هم تحاچي حسين ؟ وتجاوب عظامه
شگال ؟ كل كسرة  ضلع   يوم القيامه
شلونه بآخر لحظه گال
روحه تسحبهه  الرمال
آه  من  هذا    السؤال   وينك انته

****

هسه وينك يم چفوفه ؟
للگمر  رايح     تشوفه  ؟
يا نهر  يبست  جروفه  وكله  ماي

هم    بعد    دم   بعيونه  ؟
واليتامى      يناطرونه   ؟
جربه  مذبوحه بمتونه   وكله  ماي

تشتعل نار بخيامه ،،  وبس كلامه ،،  زينب  آآه
شگال آخر لحظه  گلي  ،، ظل يصلي
زينب  آآه

گام چم مره  اوگع   والجربه   ميته
راد آخر   مره   يوصل   يم   اخيته
عنده چلمه وعنده ماي
والحسين  بدمعه جاي
خويه ظل خالي  گفاي وينك انته

***

انت  يم  ضلع    الزچيه  ؟
الچنه   ضيم   الغاضريه
انته  يم    خيمة   رقيه  وبيهه ناار

انته   فوگ    التله    گلي  ؟
يم   يتيمه  تصيح   يهٌلي 
ويم  عبي  بدمعة   تصلي  وبيهه نار

انت يم طفله وتراجي ،، ورمح باچي ،، ودم يسيل
انته چنت بيا ضعينه  ،، تون حزينه ،، وي العليل

وين   يا  كل  الجروح    ويا   دواهه
تشوف زينب گلي هم تحچي  معاهه
هم   تسولف  علفرات
علوجع      علذكريات
شلون بدموعك  تبات   وينك انته

***

انته  يم عبد الله  واگف  ؟
الخلص دموع السوالف
بعده   ذبلان    الشفايف  يا ذبيح

بعده    نايم   فوگ  صدره ؟
مخلي دم نحره اعله نحره
بعد يصرخ  جده     زهره  يا ذبيح

بعده وشبعده ومنيته  ،، بغاضريته ،، بلايا ماي
والرباب لهسه تنعه ،، وچن تسمعه ،، وليدي جاي

يلصباحك  ليل  چن  وحشة  خيمكم
من    مشى العباس  ما رد  الحرمكم 
اي نريدك     يمنه   ترجع
ندري  تسمع  والله  تسمع 
يمتى نورك  لينه  يسطع  وينك انته


كلمات الخادم / رعد الفريجي

يمه خل انطيچ ضلعي
انه اهون من اموت
يمه ذن چفين اديه
ادعي بيهن بالقنوت
الموت اهون يالحبيبه
الي من هذا السكوت
ييمه ..
الدنيا ماترحم بشر ماعنده ام
كلمة الأمك مشت تچوي العظم
وعطرچ بكل ركن بالمنزل نشم

هذا الحنان يضمه التراااااااب .. يمه
ياريت ماموجود هالباااااااااب .. يمه
شيصير يمه الضلع لوطااااااب .. يمه

_____

يمه بين اعيونچ اني
جنت كل ساعه اطوف
ليش كل ما اصد هسه
وجهچ اتدورينه خوف
شني الي تضمينه عنه
جوه ايدچ مااشوف
ييمه
سامع ايِطيب الضلع من ينكسر
وكسرة الماعنده ام ماتنجبر
كون عيني ولاعيونچ تنسطر

ياريت ضلعي نصاب بسمااااار .. يمه
وانعصر هم واتچوه بالناااااااار .. يمه
يهونن علي لو وجهچ اندااااااار .. يمه

_______

البيت من تموت امه
حتى حيطانه تنوح
لو جرح واحد يصيبچ
احنه ننصاب بجروح
غير ربيتينه بيدچ
وي ايدچ خل نروح
ييمه
لو كسر بالغصن شيضل بالورد
والتموت امه يعيش المن بعد
الأبو الخيمه لكن الأم العمد

من هجمو عله الدار والله .. يمه
من علي طلعت اه من ااااااااه .. يمه
طاح الجنين وطاح وياااااااااه .. يمه

______

حلم عدنا يصير اخونه
وماتحقق هل حلم
خاطر يباري خواته
من يمر بيهن هظم
حتى مالحك ييمه
كطره منه تطيح دم
ييمه
احنه موبيت الوحي وخير العمل
والله مانستاهل البينه حصل
ينحرك دار وكسر ضلع وطفل

بعده محمد جدنه مامااااااات .. يمه
وتزاحمت عالباب دفعااااااااات .. يمه
طلعت وأن من بين الاصواااات .. يمه

_______

✍️محسن الحمداني

اللـهم بلوعة اولاد فاطمة عليهم السلام عـجـل لـوليـك الفـرج

نعي
حوار بين الأمام علي ع وفضه بعد تغسيل الزهراء ع


حـيـدر غـسـلاهـه ابـلـيـل
وشاف الضـلـع والـكـسـره
نـاشـد فـضــه بــدمـوعــه
وبــنــص الـگـلـب حـسـره
يـفـضـه احـچيلي گالـلـهه
أشتـخفي فـاطمة الـزهـره

يـداحــي الـبـاب گـالـتـلــه
وتـشــاهــد نــفــذ صـبــره
تـصـبّـر گــامـت بــحــيـدر
وأتـعـظـم عــلــيــه أجـــره
وتـكـلـه فــاطـمـة مــاتــت
وبـخـدهـه أثــــر ســطــره

يفـضـه شـلـون حـمـلـتـهـه
هــايــه الـفـاجـعـة الــمــره
هَضمة مـحـسـن وخـدهــه
مـاكـشـفـت إلــي الــزهــره
الـكـاسـر اظــهــور الـگــوم
هــالـيـوم انـكـسـر ظــهــره

تـعـلـمـنــه الـصـبـر گــالــت
وانـتـه الـيـجــزع اتـصـبـره
أشـــوفـك حـدّبـت ظـهـرك
واشــوفـن بـالـگـلـب عـَبـره
شـلـون ايـخـلـص ويــنـهـار
وادري بــصـبـرك اشــكـبـره

                                          *---------------*---------------*

✍ خادم الزهراء ع
الشاعر رعد الجريخي

فاطمه فاطمه أم الشعائر
__
بسمج الاحباب طلقو هالاسم
فاطمه أم الشعائر والنعم
دولة  الخدام بيدج تنرسم
واليخدمج بالدمه يصير الختم
بالسمه  بالسمه نعلي المنابر
____
خيرج مغطينه عن أباً وجد
غير حبج هذا كلبي ما وجد
لو صحت يا فاطمه بوكت الشدد
ماتعوف الخادم وتنطي مدد
قائمه   قائمه  تصيح الحناجر
___
نعمة الله مجلسج يالطاهره
سيدة كل النساء وأشرف مره
اسيا ومريم بعدها لي وره
فوك كلشي فاطمه ومتصدره
حاكمه   حاكمه  فوك المناير
___
أنه عندي الكون كله وما حوه
مايساوي الخيط بحجاب الضوه
لوما فاطم الله ما خالق هوه
اسمج الزهراء مفتاح الدوه
عالمه   عالمه  بالزهره افاخر
___
إم على كل الائمه وام نبي
واليعادي الزهره يبقه ناصبي
صعبه يم باب تلكه الأجنبي
عوفو ابن عمي يعالم مطلبي
ملحمه   ملحمه   وانه المناصر
___
الشاعر|| مؤمل هاني القريشي

يله  يا  شيعه  نشيع  فاطمه
 

*

  خل تسيل دموعنه  وي  حيدره
  اليوم تبچي ويانه حتى المكبره
  ماتت   الام   العفيفه   الطاهره
  هاي زينب بقت  هسه  محيره


  تصيح زينب يا علي
  اه  يبويه   يل  ولي
  اليوم ماتو كل هلي
 
 
  خل نصب ادموعنه اعليهه دمه
  يله   يا   شيعه   نشيع   فاطمه
 
*

   يله شيلو  النعش هاي ام الحسن
   عيون كل الكون بس  يمهه  بچن
  جنه  بل  تابوت   مشيول  الوطن
  صيحو يا زهراء بل بدموع وحزن


  الجرح ميطيب الجرح
  نور   ما  ضل   وصبح
  الفرح شو مات  الفرح
 
 
  صارت  الدنيه  حزينه  ومظلمه
  يله   يا  شيعه   نشيع   فاطمه

*

  اليوم زينب يا خلگ تبچي وتنوح
  تجري الدموع وبدت هسه الجروح
  من  بعد   ام  الحسن  ألمن  تروح
  يا  عطرهه   الجان   بدنيه  يفوح


  جروح زينب هل بدت
   عله   اليمه   تحسرت
  تصيح يا زهره  ونعت
 
  جنه  طف اليوم  واكبر  ملحمه
   يله  يا   شيعه   نشيع   فاطمه
 
****

  بهيده يل  تحمل  نعشهه  بهيده
  اضلوع متكسره ووجعهه تزيده
  اليوم   الزجيه   صارت   ابعيده
  الله  يساعدچ  يا  زينب  وحيده


   نعزي   امام   المنتظر
  افراگج  اليعمي  النظر
  گلب    زينب    ينكسر
 
ماتت    الام   الحنينه   العالمه
  يله   يا  شيعه   نشيع   فاطمه
 
*

  تحضر الزهراء مكسورت ضلع
  تخيل   وانظر   عليه  واستمع
  هسه ونت  بل كبر  من  الوجع
  وحيدر    الكرار    دلاله   نشلع


  علي  يا ناس  انجوه
  راحت  الجانت دوه
  مات   وياهه   الهوه

  نزلت اليوم بحزنهه اهل السمه
  يله   يا   شيعه  نشيع   فاطمه


*

  واسو زينب عل جرح واسوهه
  العمر   خمسه   تيتمت  خلوهه
  تبچي  مكسوره  صدگ  عافوهه
  حرگ    دارك    يا  علي    اذوهه

  زينب  تنوح  وتون
  فاركتهه ام الحسن
  بدت   ايام   المحن
 
  زينب  بحسره   نعشهه  تكلمه
  يله  يا  شيعه   نشيع   فاطمه


  كلمات الخادم /   حيدر ناجي

ثلاث دكات

اضلوع الزجيه اشلون.  كسروها بالباب
وانته القلعت الباب. بيدك يبو اتراب
****
بكل حيله اجه وعالباب   خصمك عصرها
وياحيدر البسمار.  صوب صدرها
وبقوته اعله العين.  رد وسطرها

ودار النبي المختار. حركوها الاصحاب
**
عندك علم بالصار.  هجمو عليها
ماتت عصر والنار.  تسعر بديها
وام الحسن كل حيل.  ما تلكه بيها

طاح الضنه وما طاح. من عدها الاحجاب
***--
وكت الحروب نشوف.  جانو يرجعون
ومن الرسول ايصيح.  كلهم يلبدون
بس انته للميدان.  تبرز يعرفون

حيدر الك صفين.  تشهد والأحزاب
*
ميت علي يكولون  عكب الشهيده
وبالكوه طاست ماي.  يلزمها بيده
تتسند اعله الكاع  وانته الصميده

بعده الجرح لليوم. عالزهره ما طاب
**
وينك يحامي الجار.  يالتحمي جارك
ما تنحط اعله البال.  محروكه دارك
وانته انعرف جبريل.  حد ذو الفقارك

دخن يراعي الزود.  سيفك بالكراب
*
انته علي ولولاك. ما قام السلام
بعد الوصيه اعداك  شو صارو ازلام
لو زلم جان وين  ذنيج الأيام
هجمو لان يدرون.  معروفه الأسباب
***
تمت
تحسين الخفاجي

كلمة يمه تبقه اغله كلمه
الله يصبره كلمن فارگ امه
الماتت امه ميت حتى حلمه
:::::
گلب امك ابد ما تلگه منه
ابد ما بي دغش ينگط محنه
تره بكل بيت الله مخلي جنه
مقبول الدعاء من تدعي النه

علاج لكل مرض شوفتها يا ناس
مثل المرقد امي هواي تنباس
اشكر الله لازم امي نعمه
::::
كلمة يمه تبقه اجمل عباره
امي عاصمه ومثل الحضاره
اليخسر امه هاي اكبر خساره
اليشم شيلة امه تطفه ناره

تدرسي بدرس يمه استمع زين
بالك يوم تترك خدمة حسين
حسين وخدمته سوتني زلمه
:::::
بيت بدون ام ما يسوه فلسين
صبح ومسه كون تشوفها العين
ابد ما تلگه مثل امك بعد وين
تحب امي البواچي بس عله حسين

اذا مشكله عندك دون تفسير
يم امك تعال وانت متحير
الولد من امه يأخذ كون علمه
::::
الميته امه يون خلو معذور
يخلص ايامه كلها بنص الگبور
شحلات امك اذا صبتلك افطور
تحب حسين امي وتحب عاشور

كون الموت يتعاتب واحاچيه
خلي امي اگله وروحي انطيه
الحياة بدون امي تصير ضلمه
::::
بيت بدون ام مگبره ينشاف
الله يساعده الشال امه بچتاف
امان الام اذا يمها الولد خاف
تفرح باليجي لو بيتها انضاف

تشوف امك ابيتك حيل ترتاح
مميز عطر امك يظل فواح
امك عافيه وتنطيك همه
:::::
علي جبار الكعبي
الفاتحه لوالدي

يا أبو البيت المحترك  -  حقك يحيدر  تحتار
                 فاتحه مسوي الفاطمه -  وفـاتحتك بلا خطار
                        والناس عافوكم -  ما جــو  يعزوكم
      -------------------------------------------------------------
1= البكه براسك  -  ماتخـــــسره  -  لليجي ويحجــيها للــدافنله غالي
     لــيش جـارك -   ساد  بابـــه  -  ومجلس الزهراء من الناس خالي
      الجار  كالـــوا  ياعلـــي حكه عله جاره 
      وأنت  جار  وفاكـــد   ومحروكه  داره
     محد أيـــــواسيك  أجه  بهاي  الخساره
     ***
                  محد أجالك ياعـــــلي  --  يوكف أوياك أيواسيك
                  عافوك وحدك بالحزن --  ومنـضر الباب  يبجيك
                               تبجون خلوكم  --  ما جـو  يعـــزوكم
    





2= منهو بيهم  -  ما مضيفه   -  وياهو من جيرانك أنته الماتعـينه
      علي ولدك  -  يسألــونك   -   ليش مـــن جيــرانه  محد  يجينه
      كــمت  تبجي ياعـــلي  وضميت  ولـدك
      تدري  هاي  الناس  مـــا بيها  اليسندك
      وأكعـدت  بالدار  كمت  تــــنوح   وحدك
      ***
               تجيت ضهرك عالجرح  **  والفاكد أم بيته يحير
               لـــو أكو عالم  تسمعك  **  ماسولفـــت وي البير
                      للأسف نكـروكم  **   ما جو  يعــزوكم
     









3= ناس وكتـك  -  مشكلـــتهم  - علي مابيهم أنسان بكصته غـيره
      علمــــــتهم  -  وساعدتهم  -  وبالزغـيره  تركضلهم  والجبيره
      شــكــد  وكـفــتـلهم  أوكـــفاتـــك   نسوها
      بفاتـحــتــكم   دمـعه   وحده   ما   بجوها
      بت  رسول   الله   الزجيه   وعـــــــذبوها
      *** 
           للعـنده ميــــت ياعلي  **  تفـــتح البوب الجيران
           جا ليش  محد ساعدك **  غــير أنته عدل القرأن
                  للحزن باعـوكم  **  ما جو  يعزوكم
    









4= تشوف بيتك  -  صاير أسود  -  وعينك تشوف السوالف كلها ماتت
      بابه  طـايح  -   حطب فـوكه -   وكلبك يكلك  الزهره هـناك  طاحت 
      تــــروح  للـباب  الوكع  تـبجي وتـشمه
      تصيح  هلـبت   فاطمه  مخليـتـلي جلمه
      وترجع الزينب علي  مـــن  تصيح  يمه
      ***
          الله يعـــينك  ياعـــلي   **   مالك يبو حسين معين
          ماتدري تمسح دمعتك  **   لو تمسح دموع حسين 
                  بالفـركه أذوكم  **   ماجو  يعـــزوكم
      









5=  علـــي أسئلك  -  ع  حـــــالك  -   فـــاطمه من البيت لمــن طلعـتها
       شلون تمشي  -  شلون تبجي  -   شلون  رديت الهلك مـن  أدفنتها
       شكد  عــثر  جدمك  وماتــدري  بعــثرته
       وتره  يـــموت  أبنادم  اليدفــن   عشرته
       شـــصاح  كلبك  من مشت  منه   زهرته
       ***
           أحلام عمرك ياعلي  **  فوكاهــــن تهيل تراب
           الغياب بس الفاطمه **   لو ألك هم صار غياب
               بالشين جازوكم  **   ماجو  يعزوكم
      ***
                  الخادم  عبد الجليل المالكي

اليالي الفاطميه

راحت . هضيمه ام بيتي    وخذت عافيتي
وبقيت معاشر  خنگتي  ونوحي
ماتت . الأحب طرواها   ومشه وياها
العمر والعشره  وضحكتي وروحي

انده اعله الزهره بس ضاع الجواب
ياهو  شايف  نجمه  يدفنها  التراب
حيدر انه المنحني وماعندي راي
انه داحي الباب بس كسراني باب

حياتي . امنياتي . اگبالي كلها اطشرت
اصيحن . يفاطم . روحي بعدج ذوبلت
يقبلت . حياتي . اعيوني والله اتحيرت
يازهراء انا علي
،،،،،،،،،،،،،،،،،،،،،،،،،،،،،،،،،،،،
جانت . تلمني ازغيره    ومحنت ديره
ابگلبها الزهره  وخذت كل بالي
ضاعت . وضعت بسنيني    وتغورگ عيني
اذى اذكرها  شيصير ابحالي

جانت تنسيني كل هم عمري ذاك
جنت اغار اعليها حته امن السواك
عشگ اكتب الها كل ماريد انام
كيفَ تغمض عيني دونَ أن اراك

عفتها . ابگبرها . وهاذه حالي وغربتي
خذاني . عمرها . وراح اعاشر دمعتي
حنينه . الزجيه . وياها دفنو ضحكتي
يازهراء انا علي
،،،،،،،،،،،،،،،،،،،،،،،،،،،،،،،،،،،،
وينج . يزهرت روحي   شيطيب جروحي
وحقج عيني  تريد املاگه
العينج . تحن اعيوني    تشوفي اشلوني
ينسمت عمري   اشوكت نتلاگه

غمضيتي عيونج وكل حيلي مات
ابلايه وجهج والله ماتسوه الحيات
الگه مثلج يالزجيه ابعمري وين
ذكرياتج جانت احلا الذكريات

اذكرج . يفاطم . وبجي عيني ويالدمع
اعاشر . مصابي . الله لا ينطي الجذع
كسرلج .يروحي . عمري لاموبس ضلع
يازهراء انا علي
،،،،،،،،،،،،،،،،،،،،،،،،،،،،،،،،،،،،
يمته . اموتن سكته    واجيلج يمته
وطيب روحي  بحنين نفاسج
عفته . العمر ياحيلي   نهاري وليلي
تسيل دموعي  واحن الحساسج

علي خلافج يالزجيه ابلايه روح
رحتي مني وياهو اليطيب الجروح
كون اموت ولا اعيشن هل عذاب
بالله شيخلص السنين الكلها نوح

اموت . واجيلج . يمته يابعد الگلب
اكابر . حسرتي . فاطمه فراگج صعب
هضيمه . بدونج . اجهب البيت واطب
يازهراء انا علي

العبد ابوفايز الرافضي
الفاتحه على روح والدي

عصرت باب وحافر خيل    
ينراد الزينب چم حيل

اليوم الوالد يمهه الحاضر    
باجر بالطف تكسر خاطر
٠٠٠٠ ٠٠ ٠٠٠٠
بعدهه ابسن طفولتهه وشسوه الدهر بيهه
شافت امهه خلف الباب تلوذ وما يحاميهه
نسطرت والسطرهه يگول خل زينب نبچيهه
هاي النار نفس النار  باچر بيهه نچويهه

دموعج فوك خدودج سيل
اليل الطف مو هذا اليل

بين النار وبين الحافر   
باجر بالطف تكسر خاطر
٠٠٠٠ ٠٠ ٠٠٠٠
حزن زينب فلا موجود  مثله ونگدر نفسره
خلف الباب وبياحال شافت فاطمه الزهره
ماتت امهه بالحسرات بين العصره والسطره
الحزنها كل حزن بالكون يوادم  ماوصل ذره


الحزنج مايوصل يعكوب
دمعه بعينج كل غروب

وصعبهن يايوم  العاشر
  باجر بالطف تكسر خاطر
٠٠٠٠ ٠٠ ٠٠٠٠

البنيه التموت امهه تعيش ابلوعه وبغربه
مثل زينب يتيمه اتصير وبهذا العمر صعبه
علي بياحال شافاهه حضنهه وأشتكى لربه
يوصيهه الصبر شديه ونار الطف چوت گلبه

بالطف يامحنه تشوفين
من خيمه الخيمه تركضين

يشيّب باچر حته الناظر
باجر بالطف تكسر خاطر
٠٠٠٠ ٠٠ ٠٠٠٠
إبتدى أول جرح بالباب ونار الخيم نفس النار
هي شافت ظلع مكسور باچر خيل موبسمار
حافر يتبع الحافر ويصير الأخو طشّار
يتسلب على الغبره وراسه على الضعن يندار

فوك الرماح الراس يصير
بصبرج حيرتي التفسير

مجروحه وعالضيم تكابر
باجر بالطف تكسر خاطر
٠٠٠٠ ٠٠ ٠٠٠٠
نعش امهه تشوفه انشال وصارت للحزن خيمه
وسرح بيها الخيال بعيد وخذاهه للطف وضيمه
باچر كل دَلال يروح يويلي بطرت الهيمه
يتيمه ام الخدر ويلاه وشمر ما يرحم ايتيمه

مجتوفه وللشام اتروح
مذبوح ايصبر مذبوح

وياهه يصير الماصاير     
باجر بالطف تكسر خاطر
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

طلعـت جنازه بلايه رجعه  **  طلعي يروحي  وره  الزهره
                         المفارك أمه  عـمره **  خيط أنكطع من أبره
         --------------------------------------------------------------------
1=  اليــفــــارك  أمـــه  المــوت  يلــزم  بابه
      أومحــد   يـــرده   أمغــربــــين    أحـبابه
      دمع  العــــيون   اليـــندفــــــن   ما  جابه
      طلابة  عـــــــيوني  وي  البواجي   طلابه
      ****
           شالوها أمي بحضن تابوت   **  ماتـت عـــيوني كبل  لا موت     
                  ذبحتـني أخر  نضره   **  خيط  أنكطع من أبره
      ******
   2=  ناطــــور  بجروحه   الــــيفارك   كاعــد
         وحزانه  نار   وكلــــبه  يصبح   كاغــــد
         يحصد  النوح  بروحه  جــن   ما  حاصد
         وكل  مغربــيه   وي   الدمع    يــتواعــد
         ****
              فاتح  جفوفه  وماكو  شبكه  **  والهوه مــــــن أينسم  يخنكه
                        ينطر  نهاية عمره  **   خيط  أنكطع من أبره

   3=  شكد صعبه مـن  يصبح  عـزيـزك  ذكره
         براسك  رسـاله  تفـــــوت  بس   ماتقره
         ثاري  المضـيع  حكه   يلــــزم    ضهره
         كل  مايـــــزوره   الكبره  يكصر   عمره
         ***
             والله عــزيز يصــير الأ تراب   **   المدفون حدره أغله الأحباب
                      يصبر لجن شيصبره   **    خيط أنكطع من أبره
        *****
    4= جــرح  العـزيـز  أيضل  عــمر  ما  يشفه
         مثل  النهر  يمشي  ويحاجــــــي   أبجرفه
         المكبره   الدافــــن أمـــه   بـــيها    تعرفه
         بــردان  شـــوك  ويــــرجف   ومـــا  يدفه
         ****
              تعـــرف مشيته من  يجــيها  **  مــــن  الوالده  يـــبجي  عليها
                       تخنك العبره بصدره **   خيط  أنكطع من أبره




  5=  جلمة  اليمه   تصـير   مثــل   الصوره
        من  الكبر  تطلع   لو   مشيت   تـزوره
        ضلوع  أمي  ضلت   بالكـبر   مكسوره
        لو   ما  تجيني   من   أجي   معـــذوره
        ****
             لو سالمه ضلوع الحنينه   **   جا  صاحت  أهلا  باليجينه
                   ليل الهجر ما أكدره   **   خيط  أنكطع من أبره
       ***
                  الخادم  عبد الجليل المالكي

قصيدة { الوصية }

أدري بيهه ... أعرف الچف السطرهه

أدري بيهه ... أعرف الفـتنـه وأمرهه

أدري بيهه ... ولازم أختار الوصيّه

..................................................................................................................................


آني حيدر يلّي تسأل ياهو حيدر

مؤمن برب العـــرش من عالم الذر

فاجعه بفــگـــــد الزچيه وربنا قدّر

صاحــــــــت الأملاك بيهه اللهُ أكبر


خطوه خطوه ... عالأثر كل خطوه دمعه
خطوه خطوه ... ليلي وحشه بغير شمعه
خطوه خطوه ... والگمر مدفون ضيّه 

..................................................................................................................................


بهالمصيبه فــاطـمــه كـتــمـت حزنـهه

لخاطر عيوني شفتهه تخفــي ونّهـه

بت نبي الرحمه وسـگـط منـهه إبنهـه

والدفع بابـــي كـسـر ضلعيــن منهــه


بالوصيه ... ملتزم هذا قراري
بالوصيه ... بالغمد يبقه فُقاري
بالوصيه ... اتحدِدَت هاي الرزيه

..................................................................................................................................


فاطمه إتغيّـر وضعها وزاد حـزني

چنت أشاهدهه تون وبروحي ونّي

گامت تصلي الزچيه بظهــر محني

لونها المخطوف ماخذ حيلي منّي


شاهدتها ... ابيا علي توگف تصـلّي

شاهدتها ... بيهه حسره وما تگلّي

شاهدتها ... خايفه الزهره عليّه

..................................................................................................................................


والله لوما هالـوصـيّــه الدنيــه تـنــدار

ياهو يوصل فاطمه ويهجم على الدار

لو زعل فقّـاري يــهــوه إرگـاب الأشرار

كل مياديني شهودي وماكو أسرار


آني حيدر ... ما زعل ميــداني لحظه
آني حيدر ... والنصر سيفي يفرضه
آني حيدر ... أبو الصوله الحيدريه

..................................................................................................................................


وصّـت الزهره بوصـيتها وبالأسـباب

ما تشيّـعــهه العصابه الدفعـت الباب

بس أهلهه والخواص بربعي الأطياب

هيچ ناخــذ فاطـــمـه نواريـهــه التراب  


هالوديـعه ... يشتكي باچر ضلعهه
هالوديعه ... امن السطـرهه والدفعهه
هالوديعه ... تشتكي الرب البريّه

..................................................................................................................................


ينكسر بالفجـعـه گلبي ودمعي لو صَبْ

لأن تنـشدني اعله أُمهه الليله زينب

دمعي يجري روحي ذابت گلبي يلهب

آني أدري باليتم عالطـفــلــه يصعب


أدري زينب ... يـبتدي الليله هضـمهه
أدري زينب ... من تودع الزهره أُمهه
أدري زينب ... إلهه بالحسره بقيه

..................................................................................................................................


من أشـيّــع فاطـمــه يسبقني دمعي 

هذا نعش الغالــيـــــه خل يطفه شمعي

شيّعتهه الليله بس إيدي اعله ضلعي

مو جميل الصبر وآني الصبر طبعي


كل حياتي ... رايح أدفن كل حياتي
كل حياتي ... سنين عمري وذكرياتي
كل حياتي ... هيّه روحي وعمري هيّه

..................................................................................................................................


خادم الحسين عليه السلام


عمار هليل الواسطي

قصيدة { شرف الخدمة }




من غير خدمه شتسوه الأيام
للزهــــره نـبـقـــه كلنـــا خِدّام
...........................................................................................................................................

هذا العهد من كل گلــــب مكتوب للبضعه
چم عام يبدي وينتهي وما تنشف الدمعه
أيامنه كلـهــن وقــف والفاطــــمــه نسعه
دوله وعلم كلنا خدم تســتــاهـــل الفزعه

  يبقه نداء الفــخــــر كل عام
للزهــــره نـبـقـــه كلنـــا خِدّام
...........................................................................................................................................

تبقه المجالس عامره ونبض الحزن فاطم
خدمتنه ما تخلص أبد حـــد طلعــة القائم
بيهه اللطم بيهه الدمـــع بيهه الحــزن دائم
بيهه المجد بيهه النصر وَلْـيَـخســــأ الظالم

بهاي المجالس نصــر الاسلام
للزهــــره نـبـقـــه كلنـــا خِدّام
...........................................................................................................................................

هنياله من ضحــه الــعــمــر والناذر اسنينه
فـــدوه لمحبـــة فاطـــمــه وباچر تگر عينه
خط الدمـــع هذا العــهــــد ما لحظه ناسينه
يجمعنه مجلس فاطـــــمـــه عالحق يدلينه

لولا الزچــيّـــه يا فـــرض دام
للزهــــره نـبـقـــه كلنـــا خِدّام
...........................................................................................................................................

ياهو اليـعــــيــش بلا هـَـوه معقوله من يگدر
إحنه هوانه الفاطمي بمجلـســـهــه من نحضر
بسم الزچـــيـــه الطاهـــره كل نَـــفَــس يتعطّر
ما نـــتـرك صــفــوف اللــطــم ما نــتــرك المنبر

هالنعمه ما تحصـــل بالاحلام
للزهــــره نـبـقـــه كلنـــا خِدّام
...........................................................................................................................................

نلطــم نواســـي أم الحســن كلمن يدگ صدره
ونعيش كل الفاجـــعـــه بدمــعــة حــــــزن مُرّه
نتفاعل وهذا الطـــبــــع مـــوجــــود بالفـــطــره
ونصــيـــح للمــــلا (( أعد )) يا خـــادم الزهــره

كلما يعيد اتعود الآلام
للزهــــره نـبـقـــه كلنـــا خِدّام
..........................................................................................................................................

عِشرة عُــمُـر لـطـــم ودمــــع أعـــوام عشــنـاهه
خوّه وعلى حـــب فاطمـــه الزهـــره عــقــدنـاهه
عفناهه دنـــيـــا الفانـــــيــه إي والــلــــــه عفناهه
دنيانه خدمـــــةْ فاطـــمـــه وبس هيّـــــه ردناهه

نجدد عهدنه طول الأعوام
للزهــــره نـبـقـــه كلنـــا خِدّام
...........................................................................................................................................

موجوده لا شـــك بالـعــزا ويـبـقــه الأمل بينه
فد نظره مـــن أم الحـــســـن للحشــــر تِـكْـفِينه
أولنه خدمــــة فاطــــمـــه وهالخـــدمــــه تالينه
إكراماً إلْـهــه ابْـجَــنّــتــه ربـــنـــا يخــــليـــنــــــه

للطاهـــــره إجــــلالاً وَإكــرام
للزهــــره نـبـقـــه كلنـــا خِدّام
...........................................................................................................................................

خادم السيدة الزهراء عليها السلام
عمار هليل الواسطي

▪️قصيدة لطم
في استشهاد مولاتنا الزهراء (عليها السلام)

حِرزُ الأمانِ مِنْ سعيرِ الحاطمهْ
بفاطمهْ ، بفاطمهْ ، بفاطمهْ

١/كفاطمٍ فلا مثيلْ
يرضى إذا ترضى الجليلْ
مهما نَقُلْ في فضْلِها
فقولُنا يبقى قليلْ..

سيدةٌ مِنْ سيِّدِ
جوهرةٌ في السُّؤددِ
مُحمَّديُّ قلبُها
ووجهُها مُحَمَّديْ

وصيَّةُ المختارِ كانتْ دائمهْ
بفاطمهْ ، بفاطمهْ ، بفاطمهْ

٢/"أمُّ أبيها" المؤتَمنْ
في سرِّها تاهَ الزَّمنْ
أمُّ الحسينِ إنَّها..
وقبلَ ذا أمُّ الحسنْ !

وحسبُها الشَّأنُ العليْ
زَوَّجَها اللهُ العليْ
فلا فتاةَ مثلُها
ولا فتى مثلُ عليْ..

عنْ حيدرٍ تُجْلَى الهمومُ القاتمَهْ
بفاطمهْ ، بفاطمهْ ، بفاطمهْ

٣/في بابِها الوحْيُ كتَبْ :
هنا السماءُ لا عجَبْ
لذاكَ إبليسُ الورى
بالنارِ جاءَ والحطَبْ

صدَّتْهُ قُربانُ الرِّضا
والضلعُ منها رُضْرِضا
قالتْ أنا ومُحسني
فدا الوصِيِّ المُرتضَى

فالرَّفضُ مِنَّا للعُتاةِ الظالِمَهْ
بفاطمهْ ، بفاطمهْ ، بفاطمهْ


٤/كوكَبُها دُرَّاً ظَهَرْ
في حشرِنا لا يُسْتَتَرْ
يأتي نداءُ ربِّنا
لفاطمٍ غضُّوا البصَرْ

بها ندورُ في الغدِ
مثلَ الفَراشِ نهتدي
كلُّ يقولُ راجياً :
شفيعتي خُذِيْ يَدِيْ

ندعو بها وهْيَ العطوفُ الراحِمَهْ :
بفاطمهْ ، بفاطمهْ ، بفاطمهْ

٥/مَفْزَعُنا يومَ الفزَعْ
يَنْجُوْ بِها أهلُ الجَزَعْ
ما خابَ باكٍ لاطمٌ
لبابِها العاليْ قَرَعْ

مَنْ عنْدَهُ "عِلْمُ الأنينْ"
يفرَحُ في اليومِ الحزينْ
لَطالَما أسْعَدَها
يبكي لمقطوعِ الوتينْ

في مجلسِ العزاءِ حُسْنُ الخاتِمَهْ :
بفاطمهْ ، بفاطمهْ ، بفاطمهْ

#الليالي_الفاطمية
#اللهم_عجل_لوليك_الفرج

▪️في خروج سيدة النساء (عليها السلام) للدفاع عن أمير المؤمنين (عليه السلام)

إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

١/قد خرجتْ بحيدرٍ تُطالبْ
وخلْفَها منَ السما مواكبْ
لو همستْ تُكوِّرُ الكواكبْ
ففاطمٌ مُظْهِرةُ العجائبْ !

أمُّ الهدى، بنتُ الهدى، كُفْوُ الهدى
في جمعِهمْ نادتْ بكلِّ حنينِ :
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

٢/غريبةٌ في دارِها غريبهْ !
مُصَابةٌ تُنْذِرُ بالمُصيبهْ
قامتْ برغمِ كَسْرِها مَهِيْبَهْ
فكلُّ ضلعٍ وَحْدَهُ كتيبَهْ !

من جنبِها المكسورِ تعلو صرخةٌ :
ما همَّني عصري وفقدُ جنيني
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

٣/كلَبْوَةٍ داستْ على الدواهي
للموتِ تَحْمِيْ أسَدَ الإلٰهِ
كَأَنْ بِها أتى نداءُ اللهِ :
" أنْ لا فتاةَ في الولا إلاَّ هِيْ !"

اليومَ صدَّتْ فاطمٌ عنْ حيدرٍ
إذْ حيْدرٌ كمْ صدَّ عنْ ياسينِ
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

٤/ذي (قُلْ تعالَوْا) هُشِّمَتْ بالرَّضِّ ؟
أمْ تلكَ طوبى أُسقِطَتْ للْأرْضِ ؟
قالَتْ : أنا يا كفرُ أمُّ الرَّفضِ !
عَليْ ، عَلِيْ ، عَلِيْ ، عليٌّ نبْضِيْ

لنْ أَتْركَ الكرَّارَ يا أهلَ الجفا
أقسمتُ : والزيتونِ إيْ والتِّينِ
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

٥/همَّت لتدعو بَضْعَةُ العدنانِ
فارتفعتْ قواعِدُ الجُدرانِ
جاءَ إليها الأمرُ مَعْ سلمانِ
فامتثلتْ لِحُجَّةِ الزمانِ !

لكنَّهُمْ عادوا لها بسياطِهمْ
فغدتْ تنادي عِلَّةُ التكوينِ :
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

٦/ردَّ عليهِمْ متْنُها المضروبْ
دونَ الذُّبابِ قدْرُكُمْ محسوبُ
إنْ كانَ في الدنيا لكمْ نصيبُ
قدْ (ضعُفَ الطَّالبُ والمطلوبُ)

لي مقعدُ الفردوسِ قربَ المصطفى
ولكمْ طعامُ النارِ منْ غِسْلينِ
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني


٧/كَمْ بدَّدَتْ لرِجْسِهمْ أوْهامَهْ
فرُزْؤها وثيقَةُ الظُّلامهْ
يا حبترٌ قمْ شاهدِ العَلامَهْ
إذْ نزَفَتْ أضلاعُها (لَطَّامَهْ)

إنَّا بَنُو الزهراءِ منها درسُنا
نفدي أبا حسنٍ بكلِّ ثمينِ
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

٨/سياطُهمْ آلمتِ الزَّكيّهْ
فألهبتْ في روحِنا القضيَّهْ
قلنا : خُذي الضلوعَ فاطميَّهْ
"لبَّيكِ يا زهراءُ للمنيَّهٌ "

قدْ ردَّدَ "الرادودُ" فينا صارخاً
وبإِثرِهِ صِحْنا ليومِ الدِّينِ
إنْ كانَ حِفظُ المرتضى لا يقتضي
إلاَّ بِقَتْلِي يا سيـــاطُ خُذيني

#الليالي_الفاطمية
#اللهم_عجل_لوليك_الفرج

قصيدة شور
ياحيدر.      ياحيدر
ياحيدر.      ياحيدر

ياعلي بية الوجع ما ينحمل
ضلعي ينزف والدمع من دم يهل
لاني ميته ولاني عدله بس جروح
بياذنب ابچي وجنيني ينقتل
فاطمه واذوني     ابجي دم خلوني
وصّه بيه الهادي.   تالي ما رحموني
امن الكسر محنيّه.    بالجمر مچويّه
يا علي تتحمل.      احجي ضيم البيّه
ياحيدر.      ياحيدر
ياحيدر.      ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي كسر الضلع ماظن يطيب
لا تجي وتشوف حالي يالحبيب
حالي يجرح گلبك وخوفي عليك
لا تموت امن البواچي والنحيب
الينجرح بضلوعه.     ما تفيده دموعه
بوالدي وبوليدي      ياعلي مفجوعه
من عذاب جروحي.   والله طلعت روحي
عنك وعن زينب.     اخفي وني ونوحي
ياحيدر.      ياحيدر
ياحيدر.      ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
من عصرني الظالم بحقده الدفين
ما رحمني ولا رحم حتى الجنين
ما كفاه كسر الضلع وبجي وصيح
يا علي رد وسطر وجهي اللعين
من سطرني بعيني.    غايته يأذّيني
والوصية الحالت.     بينك ومابيني
ظلعي خل يتكسّر.     ما صحت ياحيدر
لو نخيتك اني.       ادري ما تتعذر
ياحيدر.      ياحيدر
ياحيدر.      ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
راح اودعك ياعلي حان الوداع
بعد ما احمل مصايب وفتجاع
الله لا ينطي الكسر ضلعي اصيح
ويلعن الچان السبب بالانقطاع
لو متت عزّيني.      للگبر ودّيني
علي الله يعينك.    بيدك تواريني
فاطمه المظلومه.    من زغر محرومه
بياذنب يا دنيا.      اندفن مهضومه
ياحيدر.      ياحيدر
ياحيدر.      ياحيدر

سيد زيد الفحام

علي  علي  علي  علي      فاطمه بالشدد
علي  علي  علي  علي      نادت علي مدد
ومن شدة العصر
صلت على الكسر
ونادت علي مدد
..............................................
يامن لذت بيك       سيف الله ادريك
حشمت امي فاطمه وانته ادرى بيها
ما تطلع الباب      وينك يبو تراب
اهل السقيفه يا علي هجموا عليها
خالي ترى البيت       بس اني ضليت
وبعيني اشاهد فاطمه واسمع بجيها
من شبوا النار      تدري شنو الصار
امي خلف الباب والنار اباديها
صحت صحت صحت صحت        واهتزت السبعه
صحت صحت صحت صحت       هاياعلي البضعه
ما صلت الفجر
صلت على الكسر
ونادت علي مدد
.............................................
يا بويه من طاح        محسن والصياح
انه وامي انعاين ونصفك بدينه
مثل الورد جان         بس عطره دخان
وبحطاب جمر الباب بويه مكمطينه
وامي اعله هالحال       اتكلي علي شكال
وين ابوج اشبيه تاخر ما يجينه
ما يسمع الصوت        يمه اجه الموت
وخاف اموت وعيني ما تشبكها عينه
خفت خفت خفت خفت        لا امي افكدها
خفت خفت خفت خفت        والمثلي اشعدها
خايفه من الهجر
صلت على الكسر
ونادت علي مدد
................................................
يامن عسى وكون        ما املك اعيون
ولاانضر الصار وجرى بامي الزجيه
من حركوا الدار         يا حامي الجار
دفعوا على امي الباب بويه وهم عليه
واحد حجى وكال        ذبحوها بالحال
وحركو كلب حيدر علي حامي الحميه
وضل شوفي مشبوح          كل جسمي جروح
ومن خوفي امي كامت ولزمت اديه
دعت دعت دعت دعت         يا ربي احضرها
دعت دعت دعت دعت            عندك اودعها
يا صاحب الامر
صلت على الكسر
ونادت علي مدد
....................................................
من دفعوا الباب          وضلع امي انصاب
اباذني جن كسر الضلع صوته سمعته
كمت وطحت ويل        ما ضل بعد حيل
والسطر خد الزهره بويه بعيني شفته
جان امن الاصحاب        وحافض للكتاب
وسمع جدي المصطفى وصى اعله بنته
حاضر جنت ريت         بويه وتمنيت
جا ما تجرئ لو درى موجود انته
ردت ردت ردت ردت         تحضر يبو الحمله
ردت ردت ردت ردت          نعش امي تحمله
الجيتك تنتضر
صلت على الكسر
ونادت علي مدد
..................................................
يا بيت الاحزان          اخر نفس جان
ذكرت اسم امي وبجت واختنكت العبره
يمه الحسن وين         جا وين الحسين
يمه خل واحد يجي المحسن يحضره
وبالج تغسليه       عرش الله غطيه
خاطر لمن حيدر يجي بعينه ينضره
وكليله بسكوت          امي ترى تموت
معقوله يحضر يونس وما يحضر الزهره
بجت بجت بجت بجت          امي وحجت كلمه
بجت بجت بجت بجت         حيدر علي يمه
من بعدي ينغدر
صلت على الكسر
ونادت علي مدد
............................................................
خادم خدمة الحسين
الشاعر
محمد الموالي

آنه البعد فرگاچ يتوچه لو گام
وما بينت مكسور مثل الضوه بجام

جروحي بروحي ما سولفتهن حته ويه روحي
…
سولفت يم البير گتله الجرح باب
ومن حزني حته الماي ضم روحه بتراب
شيبت لون الليل من كثر العتاب
ضلعچ بموتچ طاب بس گلبي ما طاب
…
انه القلعت الباب بس بابي حرگوه
طبگة سمه اعله الگاع عالزهره طبگوه
ساكت صبر مو خوف من بابي دفعوه
كون بحرب وياي تتلاگه الوجوه
…
عاندت وجه الريح وشراعي مكسور
امدلي العطش عالماي وبروحي تنور
بيت وصفه بفرگاچ بي وحشة گبور
اتمنه موتي وياچ بس عشته مجبور
…
آنه المتعب السيف ومتعب الخيل
انتچي اعله الحيطان ما ظل بعد حيل
أبچي واضم عالناس دمعاتي التسيل
دمعتي تطيح اعليچ شامه بوجه ليل
…
بچفوفي ارد شمسين يدروني گدها
بس الايام وياچ محد يردها
دافن فرحتي بالليل وابچي لفگدها
اتمنه ابدي سنين عمري بلحدها
…
خادم الحسين ( عليه السلام)
كرار حسين الكربلائي
( ابو كميل )

من راحت امي وسافرت عني
  ضلت الحسره بگلبي توجعني
  عمري  انتهى  عمري انتهى

**

ضل  البيت  خالي  وشوفته  تخنگ
   كل  ساعه  ييمه  بشيلتج   اشبگ
  من   اذكر   گعتچ   تنزل   الدمعات
  يا جمرت   فراكچ   بل گلب  تحرگ

  رديلي يا يمه  وعلي  مشتاگه
  تدرين بغيابچ الكلب واشوكه
  مري بحلم حنيت  مثل الناگه
 

  كافي  البعد  يم  الحسن  كافي
  شتاكينه والله الحضنچ الدافي
  عمري  انتهى   عمري  انتهى
 
**

  من   بعدچ    يتيمه   وعلتي   عله
  التموت  ام  يزهره   ميت   احسله
  ما تسوه الدنيه  وروحي  مدفونه
  التموت امه يوادم موته كل  اهله


  اشمن ريحتچ بل بيت واتذكر
  ويهلن ادموعي وبعد ما اكدر
  يچي لغروب بل اهات اتصبر


  تمنيت   گبلچ   ميته   احسلي
  شلي بل  عمر  يا فاطمه  شلي
  عمري  انتهى   عمري  انتهى

***

  شلي بل عمر  ما يسوى  من  بعدچ
  اشوف البيت خالي  من  بعد ضلچ
  يا حلوه  المحاچي  الدار  مهجوره
  ما  تسوى  بعد   يا   فاطمه   نگلچ


  انتي الدنيه كلهه وانتي خيمتنه
  ما تسوه  من  بعدچ  يمه  لمتنه
  ما نحتاج  كلشي  انتي   عازتنه

  يا وحشت الدار  وطفت دونچ
  ما تسوه والله وداعت عيونچ
  عمري انتهى   عمري  انتهى

*

  مشتاگه  اشوفچ   يا ضوه  البيت
  حنيت   الگعتچ    ذيچه    حنيت
  عذبني  الدهر    واحتازچ   اليوم
  اسمع     كلمت     اليمه     تمنيت
 
 
  اضل مناطره عل  باب  يوميه
  يل ذكرچ بروحي يبقى طاريه
  صعبه   فاطمه    تتيتم  ابنيه

 
  يرتاح  گلبي   بشوفتچ  جنه
  اتمنيت  ميته    گبلچ   اتمنه
  عمري  انتهى   عمري انتهى

**

  حاچيني   ييمه    فدوه  حاچيني
  يا روحي  وحياتي  يا نظر  عيني
  كل لحضه احن  الشوفتچ  اشتاگ
  الدمعه اجيبني  وحسره  التوديني

 
  كون  انه  وياچ  اندفن  يا زهره
  تفتحين عينچ ردت  منچ  نظره
  من بعدچ انه عيشتي تضل مره
 
  يرد   الزمان   وجهچ   انشوفه
  يا جنت  الله  حضنچ  انطوفه
  عمري انتهى  عمري انتهى


كلمات /   حيدر ناجي الدراجي

يافاطمه.. جيت ودمعي. غرگ عيني.. واشهگ بالنفِس
يافاطمه.. مثل اضلوعچ.. امشي ومحني.  ومحد بيه حس
گلبي منكسر
مايحمل صبر
~~
الله لايطي الزمان الـــفرگ الــعِشره
الدافنچ حدر الترايب منكسر ظهره
شنهي حاله التدفن ايده فاطمه الزهره
اتضيگ بعيونه الوسيعه وعيشته مُره

اتراب الگبر.. غطه ارسومچ.. ذيچ الحلوه.. يابعد الگلب
اتراب الگبر.. من اشتمه.. اشتم عطرچ.. ودموعي تصب
وحيدر من يمر
ما يحمل صبر
~
اليل عالفارگ احبابه يخلــــص بـغربــــه
ايطول وحسبات يگضي وساعته صعبه
حيدره بعدچ يزهره منكــــسر گلــــــــبه
وناري ماتــهـده بــغيابـچ والله مــلتهبــه
دمع الحزن.. چوه اخدودي..يالمظلومه.. وامصابج كلف
دمع الحزن.. هوه الشاهد..راكع امشي..وضهري منخسف

دمعي ايصب جمر
ما يحمل صــــــــبر
~
عاهديتچ ماعــوفچ واقــــــره قراني
گبرچ اصبح يالزچيه بيتي الثانــــــي
ومثل بيتچ رايح ابني خيمه لحزاني
يالرحيلچ هدم حيلي ومحني خلاني
بيتچ فرغ.. ولمن ارجع.. زينب تنشد.. وين امي مشت 
بيتچ فرغ.. وكل حيطانه..ابهاي الليله..وي زينب بجت
شيخلص العمر
ما يحمل صبر
~
جيت انشدچ على اوليدي محسن شلونه 
ابيا كـــــتر ابنــي يفاطـــــم نامت عيونـه
بعده مامـولـود وابطـــنج يعـصرونــه
حتى لوكبران هم بالــــطف يذبـحونه

طير الجنه .. ابني المحسن..طالع مثلي..طلك دنيته
طيرالجنه.. .. ازغير اجناحه..وكسرة ضلعج..هيه الكسرته

طير ابلا گبر
ما يحمل صبر
~
ماتلمنــي عگب عينـــچ دار يالـــبضعه
ظلمه منبعدچ اسنيني وانطفت شمعه
وانتِ تدرين بعلي بس الوفه طـبعـــــه
والحزن بعدچ خليلي واعشگ الدمــعه

شلي بدنيتي.. من عفتيني.. وماحسبتي.. ماظلي وطن
شلي بدنيتي.. وصارت غربه.. هاي الدنيا.. وعيوني انعمن

وحالي مايسر
ما يحمل صبر
~
حيدر بشار الدراجي

ابيات نعي بحق مولاتي الزهراء عليها السلام


اترجاك بويه ودمعي اسيله
من الدار  باب البيت شيله
اذا شافه الحسن يفطر دليله
بلايه امه ينام شلون ليله
٠٠٠٠ ٠٠ ٠٠٠٠
مفجوعين بويه بعِظم المصاب
ونذب العتب ولوم عالباب
مسماره ذبحنه والظلع صاب
من ظيم الاصحاب المن  نشتكي من ظيم الأصحاب
فوگ التراب طاحت الزجيه فوك التراب

٠٠٠٠ ٠٠ ٠٠٠٠
ماينجهب بويه البيت خالي
يتيمه صرت وشلون حالي
زغيره ويتمو مني دلالي
الحزن من الزغر والهم صفالي
نتفارگ ابد موش عله بالي
تخليني يايمه وتروحين
٠٠٠٠ ٠٠ ٠٠٠٠

خادم اهل البيت ع
فلاح طالب الماجدي

استشهاد الزهراء ع


إدعيلي  .. يزهراء
شفعيلي .. يزهراء
****
للمجلس تعنيت وعيوني جريه
ضايع يم الحسين لزميهن اديه
شغلت فكري دنياي والتمت عليه
غيرچ مالي والله من تلفي المنيه

إدعيلي  .. يزهراء
شفعيلي .. يزهراء
****
اشكر رب الأكوان شيعي من خلقني
صح ابذنبي انعاب بس حبكم رزقني
من تلتم الاحزان دهري الكم يذبني
اشما ابعد مسافات مجلسكم يردني

إدعيلي  .. يزهراء
شفعيلي .. يزهراء
****
بدموعي احس روح  يطول بيها عمري
وأشعر املك الكون كل ما لطمه صدري
مو من فارغ البال واقع هذا امري
بالمجلس تحضرين وتنظريلي ادري

إدعيلي  .. يزهراء
شفعيلي .. يزهراء
****
مني ادري اشتريدين من احضر عزائچ
ما ردتيها الدموع بس تبچي المصابچ
اذكر دوم الحسين هذا اول رجائچ
اوليدچ باب الاحزان يعني هوه بابچ

إدعيلي .. يزهراء
شفعيلي .. يزهراء
****
ضلعچ طره مسمار  يا ويلي اعله ضلعچ
هاي السيره تنعاد  يساعد الله گلبچ
بالطف عشرة خيول تنهد اعله ابنچ
مصابه مصابچ حسين ينحز يمه نحرچ

إدعيلي .. يزهراء
شفعيلي .. يزهراء
****
امصابچ چنه عاشور  مفهومه الفجيعه
بابچ خيمة اطفوف  شافته الوديعه
محسن لونه ينشاف چن لون الشريعه
باچر يوگع اعضيد  چفينه گطيعه

إدعيلي .. يزهراء
شفعيلي .. يزهراء
****

الشاعر اياد الديراوي

نعي
مفجع


يحيدر من تغسلني
                   بهداي الضلع كضه
تراهو الباب جارحني
                  وبثگله الصدر رضّه
خفيت اعليك ونّاتي
              وحجيت بحالتي الفضه
خفت لاحاقد ايصدلي
                واصيرن للنظر عِرضه
*----------------*-----------------*

ادري بحالتي صعبه
                     وتشاهد اثر بسمار
اصبر والصبر مطلوب
                  ولا تجزع يحامي الجار
بتوالي الليل شيعني
              ونعشي لاتحضره اشرار
اشكي مصابي للباري
                  والطه النبي المختار

*--------------------*----------------*
يحيدر وألأهم مني
                عينك عالحسن وحسين
وزينب صير سلوتهه
                    ونشفلهه دموع العين
يتيمه وتكسر الخاطر
                  تضل ومارحمهه البين
ألله بغيبتي ايعينك
               ويصبرك يحامي الدين

*------------------*-----------------*

✍خادم الزهراء ع
الشاعر رعد الجريخي

شوط كربلائي



قصة فاطمه ولباب اريد الليله احجيهه
اشلون اتلگت البسمار وسولف كل ماعنيهه
---------------------------------
متروسه ابأمان الدار ولن باب القدر يندگ
وراحت فاطمه للباب وسمع صوت لن تشهگ
وعاين امي خلف الباب ومزاود عليهه الطگ

لن دفعه وزلم طبت
سعت لاجنه ماگدرت
وزنه اثجيل ونطبگت
عليهه اولاگت البسمار ولباب انتجه اعليهه
-----------------------------
اسمع واحد اينادي حرگوهه اعله اهلهه الدار
وإن فاطم اضربوهه وحرگو گلبه حامي الجار
دفعوو باب إلمنيه ابضلع امي انثنه البسمار

وسمع شوغت الزهره
رن بذني الضلع كسره
كلفه جانت العصره
تريد اتصيح ماتگدر ثگل الباب ماذيهه
---------------------------------
بين الباب ولحايط سعت لاجنه ماگدرت
من اجذوع جان الباب اهواي الوادم الدفعت
حرمه اواگابلوهه ازلام من كثر العصر وگعت

رضوهه لحد ماصار
دمهه ولدمع مدرار
وهيه اتصيح شنهو الصار
ياذنب الجنيته اتصيح اولاواحد يهم
--------------------------
اعاين ليهه حدر الباب تشهگ بالنفس گوه
ما واحد رحمهه اهناك مامش منهم امروه
اليرجف من اسم حيدر عليهه كام يتكوه

وعليهه دارت الوادم
بين الضارب وشاتم
مامش بيهم الغانم
يعين الزهره من الباب وتشم نسمه يخليهه
-----------------------------
ابياذنب اليصير اواياي اسمع امي مختنگه
جاوبهه ابصفع ع الخد اسكتي بيتج انحرگه
عصرهه ابن الدعي بالباب الهوه مالحگت اتشهگه

اشوف الناس ملتمه
اعله ام حسين متحزمه
ماجنهه مره وحرمه
المالحگ ابدفع الباب ابصوطه ضل يطگ بيهه
-------------------------------
تلوذ ابياكتر حارت همه ابكل كتر بالدار
مره ابجف تشاگف صوط وجف الثاني يخمد نار
ياوسفه والف ياحيف تنطگ حرمة الكرار

اعاين ليهه مالومه
تغص بالعبره مهضومه
تريد الشايعه اعلومه
لاكن بالوصيه انگاد مايگدر يحاميهه
------------------
علي سليم الحسناوي

اليالي الفاطميه

بيه لجمه  ..  وگلبي صاح
راحت امي ..  وكلشي راح
ياسگفنه   ..   الي يلمنه
خلاف امي ..  اعلينه طاح

ياعازت سلف مو بيت
عازت امي اريدنها
يرد بيه العمر سنتين
امن شبگها واشمنها
ترد ازغيره ادعي شلون
جوه الگاع اعوفنها

راحت والعمر شيرجعه    ياناس
دج شيب القهر من جدمي  للراس
يمه وينج    يمه وينج
،،،،،،،،،،،،،،،،،،،،،،،،،،،،،،،،،
ابيوم رحتي .. شبيه صار
يلوع گلبي .. ودمعي حار
حگي اعتب .. راح اموت
شمعه روحي .. وحزني نار

عاتبتج غصن للماي
من عفتيني صرت اذبل
عطشان وحنانج راح
ردي ابشوفج اتبلل
أعمه وضيعتني ادموع
كلشي ابعمري ما اندل

جندوب العتب يابعد   العيون
اصبر عالهجر بفراگج   اشلون
يمه وينج    يمه وينج
،،،،،،،،،،،،،،،،،،،،،،،،،،،،،،،،،
رحتي مني  .. وعمري ضاع
السفره صعبه .. ابلا متاع
يالمتاعج  ..  ضيم صاير
الدنيه تخلص .. بس وداع

زحمه الزلمه يبجي نگول
لازم بالگلب همه
هوه الزلمه كون يموت
من يدفن بديه امه
يادمعه التگضها العين
ياحضن البقه ايلمه

يمه وداعتج ضل فارغ   البيت
لو وياج خلص عمري    ياريت
يمه وينج    يمه وينج
،،،،،،،،،،،،،،،،،،،،،،،،،،،،،،،،،،
بيه خنگه .. ابلايه صوت
وياج بلكت .. يمه اموت
شلون حاله .. حسين بالله
وامه ماتت  ... بل قنوت

الدافن امه مايرتاح
وشيطيب وجع گلبه
المايشتم عطرها يموت
كلشي ابدنيته ايتعبه
حسين بطيحت الزهراء
عثرت روحه بالعتبه

الله ايساعدك عالفرگه  يحسين
راحت فاطمه وتتحصل  امنين
يمه وينج    يمه وينج

ابوفايز الرافضي
الفاتحه على روح والدي

لسان حال الحسن والحسين ع



الـدهـر يـاحـيـف سـلّـب  ..   راحـت أمـنـه
وبــعـد هـيـهـاة نـشـتـم  ..   راحـت أمـنـه
بـقـت بــس الــمــدامــع  ..   راحـت أمـنـه

ومـضـلـمـه الـدار هـاللـيـلـه وخــلـيــه
*---------------------*-----------------*
✍خـادم الزهـراء ع
الشاعر رعد الجريخي

واكف اعله بابج   ونحب المصابج
عيوني وعيونج جرن   ليش فركنه الزمن
**
حزني ليل وساكن بوسط الجوارح
انه طايح مدري كلبي مني طايح
فاطمه بوجهج جنت كل يوم اصابح
رحتي عني وكلشي احس من عندي رايح

والله يالحبيبه   فركتج مصيبه
فاطمه يم الحسن   ليش فركنه الزمن
****
الحرك بابج فاطمه شيريد منج
انه ادري امن الضلع كل هذا ونج
اشلون اغسلج فاطمه وبجفوفي ادفنج
يا حرامات الكبر يبعدني عنج

من علي خذيتي   كلشي من مشيتي
الشوفتج دلالي حن    ليش فركنه الزمن
**








ليش اليفارك حبيبه ايزيد ونه
انه وانتي احله شي بالدنيه جنه
انتي رحتي وراحت وياج المحنه
والدهر كل يوم يحرمنه امن اهلنه

هاجت المواجع   امشي جني ضايع
عكبج احلامي اختفن   ليش فركنه الزمن
*
ياهي مثلج حيل بالباب اعصروها
وطيحو من عدها ابنها وروعوها
ياهي مثلج حيل عالخد اسطروها
ونبت بسمار بضلعها وشتموها

فاطمه العضيمه   تنعصر هضيمه
والجروح اتراكمن   ليش فركنه الزمن
***
اشلون تغفه عيوني بليل واسدها
صحت ذيج ايامنه الحلوه اشيردها
انه روحي اويالمصايب هذا حدها
والحديقه تموت من يذبل وردها

فركتج طويله   ودمعتي ثكيله
شيبت من المحن   ليش فركنه الزمن
**
تمتم
تحسين الخفاجي

يمه وينج   ضل مجاني خالي
فكي عينج   وشوفي عكبج حالي
اهنا ييمه   اهنا ييمه
***
ييمه اشلون انام وتغمض عيوني
ابجي اعليج كل ساع ويسكتوني

يمه اشلون اطب للبيت   وام البيت ماهيه
كلبي ما يحب اوداع   وانه افراك ما بيه
جنازج حجيت وياه   وكتله اتعطل اشويه
شالت للكبر يا حيف   امي الكلها حنيه

يالخذتها   جلمه عندي وياها
انسه روحي   وامي ما انساها
اهنا ييمه    اهنا ييمه
***
شينشف الدمع يايمه حاجيني
محتاجه الحنانج ليش عفتيني

لمن شالج الجناز   روحي وياج شالاها
صحت بصوت هاي امي   وخل اتواع وياها
عافتنه وبعدنه ازغار   وامنه وين نلكاها
بتراب الكبر نامت   والضنه كطعناها

وكت الغروب   ندخل الحجرتها
والها نشتاك   من نشم ريحتها
اهنا ييمه   اهنا ييمه
*
فليت الجفن بيدي ولزمت ايدج
وتخليني بعذابي يمه ماريدج

يايمه صحت شبساع   رحتي وخلصت العشره
كلبي ينعصر كل يوم   كمت امن ادخل الحجره
اذكر كعدتج بالبيت   ضليت واجر حسره
بس اسمع صده الحيطان   يرجع وانه منتظره

يمه يمه   ليش فاركتيني
انه زينب   اوياج ماخذتيني
اهنا ييمه   اهنا ييمه
**
صحت شمسويه واعله الخد يسطرونج
وبين الباب والحايط يعصرونج

بضلوعج نبت بسمار   يالحالج يبجيني
وتنادين اسمعنج    يا فضه الحكيني
رفسوني اعله بطني ومات   والله محسن اجنيني
انه فاطمه كتله   وشال ايده وسطر عيني

ما رعوني   وصوبو دلالي
حيروني    وخيبوا مالي
اهنا ييمه   اهنا ييمه
**


المن عايش وضال التموت امه
بعيني الدنيه من رحتي اصبحت ظلمه

شو كل ما اذكرنج   مالحك عله عيوني
يايمه اشكد اتمنيت   يم كبرج يدفنوني
اعثر بالجدم ضليت   يايمه ويشيلوني
اتلفت وصيح اعليج   وخواني يسكتوني

يالمشيتي   ناري شيطفيها
يالحنينه   جروحي شيداويها
اهنا ييمه   اهنا ييمه
**
تمت
تحسين الخفاجي

شهيدة الامامة

عمري الوجودك فدوه
اوياك الـمواقف تسوه
لجلك يحيدر  ضحيت     
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
آنه بمقامك عارفه .. وهذا سبب تضحيتي
البسمار اخذ حيلي ومشه .. والباب أخذ عافيتي
كله اعله مودك ياعلي .. غير أنته كشخة بيتي
ربيتلك أعظم ولد .. وانطيتهم حنيتي

اگبالك اغطّي السطره
خاطر اصون العشره
طردوني حته من البيت
وانكسر ضلعي وناديت
عمره الوجودك فدوه
ــــــــــــــــــــــــــــــــــــــ
عصروني بالباب وطحت .. طيحت شمس من قمه
يافضه أدركيني صحت .. راح الولد من أمه
امقدره احساسك ياعلي .. ومااريد ازيدك لچمه
وجه ابوجه من نلتقي .. عنك اغطي اللطمه

مثل الشمع بسكوتي
من أبچي اخفض صوتي
يمك علي ماونيت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
عشرتنه چانت ياعلي .. بالدنيه اجمل عشره
مايوم زعلتك ولا .. قولك اخالف أمره
تاج الـولايه أنته علي .. وبالتاج آنه الشذره
لله حبيتك علي .. وانته تحب الزهره

ابوجهك محمد شفته
اسمك حرز شايلته
مايوم عني اتخليت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
ماهمني بسمار النبت .. بضلوعي همني احساسك
ايأذيني ظل حته الهوه .. ومحتاجه اشم انفاسك
أهل السقيفه وكل حكم .. ياعلي جوه امداسك
لومتت لاتحفر گبر.. خليني شيبه براسك

موزوجي احس بيك ابني
وآنه ادري حيل اتحبني
يمك أظل اتمنيت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
أذكر احاديث النبي .. عنك اشگال وعني
گال اليحبك ياعلي .. معناهه هم ايحبني
وآنه الله لو أرضه رضه .. ويغضب عله الزعلني
كل هذا والثاني جسر .. شال ايده حيل وطگني

طگني وطحت ياحيدر
والقرط مني اتناثر
شكوه الـمحمد وديت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
مااريد اودعك يالولي .. اوداعك أشد من كسري
لاكن يحماي الحمه .. ماباقي شي من عمري
ابتغسيلي اصبر لوشفت .. بسمار جارح صدري
وانته اوي الحسين وحسن .. گعدو سوه يم گبري

مجلس عزاء سوولي
واعله السبي اقرولي
الزينب وحقك حنيت
وانكسر ضلعي وناديت
عمري الوجودك فدوه

محمد الجماسي

#اللهم_عجل_لوليك_الفرج

حزن بالوراثة

بدخان الباب.   مكتوب اسمي
من هسه النار   لزمت هدمي
ضلعي المكسور لو ضلع امي

****
الدمع رافگني من زغري     وخمسه أهل الكسا عمري
بده توه
شفت َباب النبي امورثه   وجف حاقد سلب ارثه
حقد دعوه
من صاحوا  وأن بيها    بدت رحلة عذابي
باب الكاسر  الزهره      فتح باب المصابي
من شفت الفرح يبجي صحت حان انتدابي

گمت اعله الباب   أقره المقتل
شفت الدخان     جن صاير تل
نفس الأحزان        والهم  همي....
____
اليِطَفَّي  النار مَيّ يمها     وباب امي طفه بدمها 
عمت عيني
   الباب برجله رافسها   كسر امي وگطع حسها
ضوه اسنيني

سمعيت الضلع من طگ   سمه وطاحت عَليَّهَ
ركضت الها گبل فضه        لمن رادت تجيَّه
حتى وهي مكسوره           تهم بِيَّه  الزجيه

حضنتني وأخ    صاحت ضلعي
شمتني  اهواي   واتحس دمعي
جفها المحروگ.    زيد همي.....
__
حِجَّه الدخان ع الخيمه    وركض نسوان بالهيمه
ونزل دمعي
يِگلَّي أرماد   اسويها    واطلع كل حقد بيها
أَنَّه وربعي
باجر من اجي للطف        اشب ناري ابدليلج
وتشبَّه طِيحَت المحسن هظم طيحت كفيلج
باجر مَحَد امن اهلج       يزينَب شِدَّي  حيلج

باجر ينراد           حيل وعبره
لو شفتي حسين   گِطعوا نحره
متنج بالسوط       باجر مدمي ....
_
العبد سوطه كسر متنج    وعشيره التضرب ابتج
ورث حزني
أديه البل حَبِل  زرگه       ورث من بابج وحرگه
سبب وني

خدج منسطر واني     يسطروني اعله خَدّي
حاميُتَّي علي بضلعج  وعلي هم أَنَّه عندي
ولد الكسرو اضلوعج      غدا ملتمه ضدي

باجر جم نار      تحرگ زينب
عين الشمات.      نار وتلهب
يايمه هناك          ردتج يمي ....
__
ظلام البيت اكل روحي     ضماد ايدج عله جروحي
يبعد اهلي
بدون امي الگَبُر رحمه     احسده المات گبل امه
بعمر شِلَّي

يهنياله السبل جفه     گَبُل سَبلت اديها
ويِكتبون السَبب أُمهَ.    لان ميت عليها
يريت البلگَبُر تدري  بحزن روحي وبجيها

جم مره الموت    يفكس عيني
واني الجناز       أَگضي اسنيني
حدر التربان .... وين النشمي......

__
فيصل المياحي

قصيدة للزهراء ع

يكلبي. الليله سافر
على جناح المنابر

لعالم الخدمه إتعنه واتوضه بدمع
واعلك العشره للزهره بالمجلس شمع
……

لا تتكاسل بس ياكلبي. انطيني چفوفك يله وكوم
ومن ليل اسود مابي كمره. كون تفصل منه هدوم
بشريانك ياكلبي اتحزم. مايتعوض هذا اليوم
عايش من خيرات ام زينب. بالك تتسجل محروم

الليالي الفاطميه
امانه من الزچيه

اجزع الليله للزهره مكسورة ضلع
واعلك العشره للزهره بالمجلس شمع

………

بالك ياكلبي من الدنيا. ميّز واعرف وافهم زين
لاتبرد خليك بنارك. خلصانه الدنيا وماشين
انبض للزهرا والخدمه. هاي الخدمه تگر العين
چف اليلطم باچر يفرح. والعين التبچي اعله حسين



غرورك مايفيدك
تفيدك. لطمة ايدك

باچر الحسره متفيدك وعضت الصبع
واعلك العشره للزهره بالمجلس شمع

……

عاشرنه هواي بهالدنيا. شفنه الناس اشكال اشكال
وعاشرنه الزهره وكل خادم. لا ماطحنه بأي اشكال
كالو طاحت امكم زحمه. ومن العصره المدمع سال
شلال وطايح جاوبنه. ويحله من يطيح الشلال

سلاماً. ام ابوهه
شمسنه وماطفوهه

وي خدمهه مثل نسمه وي ريه انجمِع
واعلك العشره للزهره بالمجلس شمع

………

ابنادم ينحب اعله الفطره. مو كوه يحبونه الناس
الموقف لو مابي روحيه. بلسانك لا ماينقاس
يالكلبك صخره من الدنيا. الزهره تعلمك عالاحساس
احنه نحب المجلس تدري. چي بي طعم من العباس

المجالس. علمتنه
على الله. وافتهمنه

لو عمر ثاني اخدم ابد ما اقتنع
واعلك العشره للزهره بالمجلس شمع

……

لتلوم الخادم يتجنن. من يخدم امه الزهراء
وداعة هالمنبر تعرفنه. واحد واحد بالاسماء
تعلمنه الحب والروحيه. كلما ندخل هالاجواء
هذا العام احنه تعاهدنه. نقيم لفاطم عاشوراء

الخدمهه. عن قناعه
اله صك الشفاعه

الخدمه ماي الله تجريله من اطهر نبع
واعلك العشره للزهره بالمجلس شمع

………

حسين صادق العقابي

قصيدة لشهادة الزهراء ع

من گلبي صحت.. يمج شيبت
اكتب عالگبر.. ماتت من وكت
……..

بخنكة الصوت.. صحت ياعافيتي بعدج هالعمر ضاع
بخنكة الصوت.. آه وايام الحبايب يكضن بساع

بيه حسره وسالفه ومابيه انعه
راح اسولفهن يروحي دمعه دمعه
ياخسارة  كلبي ما ادري شكبرهه
كلشي يرجع بس اليموت شيرجعه

ريتي بلا هوه. وعيني بلا ضوه
تسولف دمعتي. ماتت من وكت
.....................

بيت مهيوب. يصير للفقره وطن لو دكو الباب
بيت مهيوب. ومن عتبته مراد اخذو كلهم تراب

دارت الدنيا علينه والله صعبه
ياهظيمه لبيتي طبت ناس غربه
18 نبضه انتي عمرج ليش اذوج
والقصد چان النبي يشلعون كلبه

مذبوح الامل. دك بابي الاجل
وناده ياعلي. ماتت من وكت
...................

اسمع الاه. من وره الباب وضلع للزهره مكسور
اسمع الاه. وانه اجرع بالصبر يالزهره مجبور

طايحه طيحت نده  بحسره شكبرهه
ظلوعج مكسريهه واعله الباب اثرهه
الله يدري الحسره البكلبي بغيابج
كومي يابعد اليشوفن يانظرهه

يرويحة علي. ياناسي وهلي
ما اسمع ردت. ماتت من وكت
.....................

بيه تدرين.. الليل من ايمرني اخلصه بدمعة العين
بيه تدرين.. ضهري محني من فركتج يم الحسين

ذبل عودي والحزن خيم عليه
مامصدك دافنج اني باديه
للمكابر امشي الج محتار حيره
وعل كبر اغفه ودمعتي تضل جريه

اصحه امن الألم.. فراكج جن سهم
وكلشي ايصيح الي.. ماتت من وكت
........................

كلبي مشلوع. بلايه كواك الله لمن ادخل البيت
كلبي مشلوع . هواي وادم بس احس لوحدي ظليت

هواي كبرتيني من عفتيني وحدي
الليل يكضي بدمعتي وايدي اعله خدي
ردت كلمة ياعلي بلسانج انتي
اه ياكبرج اخذ كل فرحه عندي

اوصل بالدمع. بقرآن وشمع
ويرد الكبر. ماتت من وكت


حسين صادق العقابي

يمه يا يمه   يمه يايمه
**
يردون كلبي يردون   جي بي محنه
كلبي تره بهذا الكون    ما تلكه منه
تحرمنه هاي الايام   ليش امن اهلنه
منج صبح يم حسين   خالي نزلنه

يمه يايمه   يمه يايمه
*
عالباب امرن عالباب   وشتم هواهم
يمشوني عني والروح    تمشي وراهم
غالين عندي وتدرون   ماكو بغلاهم
وبكلبي رايح شيصير    لو فاركاهم

يمه يايمه   يمه يايمه
****
امنه مشت واحنه نريد   نبجي عليها
للمكبره كون يصير   جا شلنه ليها
زينب تون واعله الراح   تصفج بديها
وامصايب الدنيه اهواي   شمسويه بيها

يمه يايمه   يمه يايمه
***




وياج يمه وياج   اخذيني يمه
مثل الكبر صار البيت   والدنيه ظلمه
الما عنده ام بدنياه    كلشي يهظمه
والحسن بوداعج وين   دمعه يضمه

يمه يايمه   يمه يايمه
****
كل يوم ضلت كل يوم   سهرانه عيني
وبيت الحزن راد يشيل   من كد ونيني
ليش انطفت يمه بساع   شمعة سنيني
مريني لو حته بطيف   رايد تجيني

يمه يايمه   يمه يايمه
**
حسبالي يمه تكومين   لينه بسلامه
كل احنه عكبج تدرين   صرنه يتامه
حيدر علي صعبه الليل   يغفه وينامه
يالزهره ضلعج بالباب   تارك علامه

يمه يايمه   يمه يايمه
*
تمت
تحسين الخفاجي

(جاوب يسلمان)


بيدي أدفنت روحي  **  اشلون احمل اجروحي

جـاوب يـسـلـمـان   **   جـاوب يـسـلـمـان

*---------------------------*-------------------*

قصت جراحاتي ابتدت للموت اعيش اوياهه
الترست اعيوني صوور تصعب عليّه انساهه
دافـنـهـه مكسورت ضلـع بـاچـر شـگـل ألطـٰه
استعجل اتراب الـگـبـر بـعـمـر الورد غطاهه

المايدري خل يدري  **  ألهه انكسر ظهري

*------------------------*------------------*

هاي الوديعـه فاطمة خـدهـه بـتـرب خليته
جاوب يسلمان بعَجل اشحال الدفن عافيته
ايحقله تـنـزل دمعته الماتت عليله ام بيته
الفاگـد ايجرحه الـهـوه لـمـن يـطـب الريته

خليني أبّث حزني  **  شال النعش متني

*-----------------------*---------------------*

اثمنطعش عـمـر الـورد وتراب اخلي اعليهه
عافتني بثياب الحزن وألهه الدموع اجريهه
دنيا التغيّب فاطمة اشباقيلي واطمع بيهه
اتمنه وياهه الاجل كلمه بصراحهه احچيهه

الكسرت ظهر حيدر  **  صعبه الدفِنهه أكدر

*-------------------------*--------------------*

ياهو اليلومه الحسرته اليدفن عزيزت روحه
بگد ذكرياته ومدمعه ايحس تصير اجروحه
والمثلي فاگدله غصن واجب يضل ابنوحه
ماعوفن الدمعه أبـد وبـكـل وكت مسموحه

زهره وعَلّي تبعد  **  خليني يمهه أگعد

*--------------------------*--------------------*

اشلون اعيش ابدنيتي والزهره عني ابعيده
أتـنـطـر الموتي صـرت هـذا الـعـمـر ماريده
اليبقى وحيد بـغـربـتـه حتى الصبر ميفيده
ايسولف بطاري المشه وأسم الحبيب ايعيده

تدري انهدم حيلي  **  ويخلص سهر ليلي

*---------------------------*----------------------*

✍خادم الزهراء ع
الشاعر رعد الجريخي

انه الكسر ضهر  الزلم  هسه انكسر ضهري
وي فاطمه ابنص الگبر بيدي ادفنت عمري

انه علي ودافن علي
ــــــــــــــــــــــــــــــــــــــــــــــــــــــــــــــــــــــ

اجنازه  شايل للگبر رحـــــــــت ورجعت  اجنازه
لبيته يـــرد  ميت تــــــــــره اليدفن بديه اعزازه
راح وتركــــــــني الوحـــــدي المثل الهوه اعتازه
للمثلي الحــــــــــيله  تــــــــــره  يراد الف عكازه

كسرت عظم هــــــدهد تره ماينجبر كسري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

لا مره مكسور بحــــــــــرب لا سيــــــــفي خاسر مره
بس هسه لا ضهري انكسر وجرحي عله طولي ابكبره
انه علي مشــــــــــيع علــــي وللــــــــــگبر ماخذ عمره
ياكسرتي الماتنوصــــــــــف  لمن دفــــــــــنت الزهرة

من وسدتها عله الترب ضاگ الهوه ابصدري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ
مو بس تـــــره اجـــــدمي ثگل  ثگلانه حته انفاسي
من بيتنه لحـــــد الگـــــــــبر  ابيض صفه كل راسي
گمت امــــشي واعثر بالهوه وشكبره جرح احساسي
مــــــن شيعتها  فاطمه  جــــــــــن شيعت كل ناسي


مثل الهلال امشي صرت والدمع دم يجري
وي فاطمه ابنص الگبر بيدي ادفنت عمري

انه علي ودافن علي
ــــــــــــــــــــــــــــــــــــــــــــــــــــــــــــــــــــــ

بيدي شلت للمگــــــبره  الچـــانت هوه ابنص ريتي
شلت الجنازه الوحـــــدي ودمعي جره عله الحيتي
مثل الگبر بيتي صــــــــــفه موحش ويخنگ بيتي
امنيتي جانت  فاطــــــــــمه وياهه اموت امنيتي


مو الها اتمنه الگـــــــــبر ريت انحفر گبري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

انه المفــــــــــحطها جنــــــــــت الخيل والخياله
هسه ابجي ودمــــوعي حمر وگلبي الحزن يبراله
موقف كسر طــــــــــولي كسر وخل دمعتي هماله
صعــــــــــبه عله الزلمه تـــره تنطگ حرمته اكباله


انه علي يـــــــــم الحـــــسن اتقبلي عذري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

روحين بــــس جنه ابجسد مانحب طاري الفرگه
عين ورمــــــــــش مانفترگ  حيدر وزهرت عشگه
مرافگها خلــــــــــصت العمر ويامحله ذيچ الرفگه
من چنه نتلاكه ســــــــــوه يفيض العشگ بالملگه


بس هسه ماتت فاطمه وياحيرتي بأمري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

عن عيني لو ردتي تروحين
وين انطي وجهي يم الحسين
تدرين الچ اشتاگ
ما بيه حيل فراگ
...
ذبلانه اشوفچ يالحنينه وخافت الصوت
كلشي ولَـ تگليلي حضر ليه تابوت
يالزهره والزهره علي من بعدچ يموت

هدت عله الخد دمعتي وتصيح الجروح
المن تظل بدنيتك لو فاطمه تروح
بعدچ تظل سلوة حياتي الآه والنوح

عوفي الرحيل وظلي وياي
لو رحتي ما ترحمني دنياي
اعليچ الحزن ما لاگ
ما بيه حيل فراگ
...
كبالج اضم دمعي اليصب وبحرگه ناديت
ما بيج غير العافيه يا شمعة البيت
بعدچ شسوي بعمري لو بالدنيه ظليت

دنياي خوف وروحي محتاجه لأمانچ
يام الحنان ولا تحرمينه حنانچ
باچر اموتن لو شفت خالي مكانچ

گومي اعله طولچ يالحبيبه
بعدچ علي ايطول نحيبه
عايش بديره اشواگ
ما بيه حيل فراگ
...
صدي عليه وعوفي بالله طاري الوداع
وشوفي دمعتي الخضرت شيبات بالگاع
عافيتج بروحي اشتريها لون تنباع

باچر تگومين بسلامه وننسه الدموع
يا فاطمه ايطيب المتن واتطيب الضلوع
للفرحه مو للوحشه باچر نعلگ شموع

توه العمر بادي وبعدنه
ردنه سوه انكبر ولدنه
بروحي جمر حراگ
ما بيه حيل فراگ
...
اعليمن يبعد اهلي اشوفچ گوه تحچين
شو ناسيه كسر الضلع واعليه تبچين
والله علي كل حيله ينهد من تموتين

يالزهره مو چنه سوه والعيش محلاه
عالدفع بابچ والظلمنه حسبي الله
خلانه نتوادع وداع الموت والآه

يا فرحه ما مقسومه اليه
اخفي الحزن والبيه بيه
طعم الالم ينضاگ
ما بيه حيل افراگ
...
يا زهرة الدنيه بغيابچ يظلم الكون
وطبع اليودعله حبيب يعيش محزون
يكتم شعوره بس تفضحه دموع العيون

يا ما تقاسمنه الألم يا ما صبرنه
بليل وضحه وسفه انتهت عشرة عمرنه
امر الله هذا ولله سلمنه امرنه

شگد صعبه من تموت الاعزاز
وبأغله ناسك تمشي جناز
من عيني حلمي انباگ
ما بيه حيل افراگ
...
خادم الحسين ( عليه السلام)
كرار حسين الكربلائي
( ابو كميل)

يا اهل العالم روحي جروحي اتدور عن وطن
وبغربة آدم وحدي شعندي عايش بالزمن
ما شايف راحه .. علي علي علي
مكسور جناحه ..  علي علي علي
...
العاش بسكوته .. يتمنه موته
المن يسولف دمعته ومحد يفهمه
تنظرها وادم .. بس مو اوادم
الما يجرح بسيفه بحچي جرحك يلچمه
بين الخليقه .. اِحچي الحقيقه
واليحچي عنك بالظهر ماعنده ذمه
بعض الاقارب .. مثل العقارب
ام الجمل حاشه الجمل تتسمه امه

آه من الدنيه اندارت صارت غابه من البشر
بس الله اليدري بناري بداري يا ضلع انكسر

غايب مصباحه .. علي علي علي
مكسور جناحه ..  علي علي علي
...
يا گلبي ضايع.. بين المواجع
ليش بمحطات القهر عمرك گضيته
ليل اليجيني .. سهرانه عيني
وبس الوساده تدري بالدمع البچيته
بجروحي وحدي .. والدنيه ضدي
ردت الاسولفله الجرح بس ما لگيته
العنده شماته .. تصعب حياته
مثل اليضم دمعه بنهر دمعي خفيته

حاير باحزاني بليلي وحيلي يا ناس انهدم
ما ينشف زمزم دمعي وضلعي چم مره انهشم
ذبحو افراحه .. علي علي علي
مكسور جناحه ..  علي علي علي
...
عشت بزماني .. لا مو زماني
السميته صاحب صحبته طلعت مطامع
واقعها واضح  .. صحبة مصالح
الما تنكر العشره صفت عَد الاصابع
نكرو عشرتي .. باگو فرحتي
ناس الكلت زادي سبب هاي المواجع
لا ما اعاتب .. بالدنيه صاحب
اني ادري اصل المشكله طيب المراضع

لخطوط الحمره عبرت نكرت للزاد وملح
والچنت انطيهم عيني سنيني جازوني بجرح
يتلگه ارماحه .. علي علي علي
مكسور جناحه ..  علي علي علي
...
فارگني غالي .. شيبلي حالي
يهل الصبر رايد صبر يقنع دمعتي
اصعب مشاعر .. لمن تكابر
اضحك چذب بين الخلگ
وانه بحسرتي
فقد الأحبه .. يسمونه غربه
وانه اكبر من سنيني يا عالم غربتي
الودع حبيبه .. ايعيش بنحيبه
وانه حبيبي ينرسم دمعه بصفنتي

ومفارگ راحة بالي الغالي ما يرجع بعد
جرحي اعله الزهره شكبره وذكره للمحسن مهد
دمعاته سلاحه .. علي علي علي
ومكسور جناحه ..  علي علي علي
...
بهاي الهظيمه .. روحي يتيمه
صعبه عله المثلي تره يحرگوله بيته
داسو عتبتي .. ضربو حرمتي
عصروها والمحسن هوه و ميت لگيته
فگدت ابنها .. واسود متنها
لذاك الاثر عالمغتسل ظهري حنيته
الكسّر ضلعها .. بخدها صفعها
الطگ فاطمه بچعب الرمح لا مانسيته

اللهم اشهد جوراً جهراً قتلو فاطمه
راحت ام بيتي وتدري بأمري يا رب السمه
گطعو سباحه  .. علي علي علي
مكسور جناحه ..  علي علي علي
...
خادم الحسين ( عليه السلام)
كرار حسين الكربلائي
( ابو كميل)

الدافن غالي وكاسر ضهره ،، بس  كلي  شلونه
حيدر   راجع   من  الزهره ،، ودم تبجي عيونه ،، مصيبه

1-
دافلي  انسان   ، مو  اي   انسان ، مثل   الجمار   عيونه
الغالي من يروح ، شيضل بالروح ، كبال عيوني يدفنونه

رجعت من الدفن كوه اعله رجليه
ومن كد البواجي اضلوعي محنيه
المغرب   والصور   تلجمني  ليليه
غير  الزهره   محد   يعرف  شبيه

كون  الفاكد  محد يمه ،،  لوحده    يخلونه
حيدر راجع من الزهره ،، ودم تبجي عيونه ،، مصيبه

2-
المغرب رديت ، بس ضلمه البيت ، جانت هيه محليته
الما عده عيون ، يرتاح اشلون ، الدافن روحه وعافيته

ليش وي  التحبه  الموت  يتوازه
الفاكد  ما  تفيد   بضهره   عكازه
الزين  يموت  لازم  خاف  تعتازه
المثل الزهره بالله اشلون تتجازه

هوه الميت نور ويضوي ،، شلون  يغسلونه
راجع حيدر من الزهره ،، ودم تبجي عيونه ،، مصيبه

3-
جرحج حساس ، من اتنام الناس ، وتخنكني هواي العبره
طير  ومسجون ،   يمته  تردون  ،  ونرد    بدار     الزهره

كلبي يكول  هذا  وي  الزمن  حده
أخذ مني العزيزه وهيه بس وحده
كون  الموت   زلمه   ونكدر   نرده
غير  دموع   عينه   الفاكد  شعده

شلون اطير وتصبح حره ،، الطيره المسجونه
حيدر  راجع  من  الزهره ،، ودم تبجي عيونه ،، مصيبه

4-
متروس احزان ، ومنج فشلان ، المن   عايش  بغيابج
جبت التابوت ، ومتاني الموت ، بلكت يرتاح اصوابج

الما مجروح ما  يفهم  شني الحسره
صح حيدر  عدل  بس  يحفر  بكبره
انحني مثل السعف من اذكر العشره
انه العايش جذب من ماتت  الزهره

بتراب الدافن  ام بيته ،،    كون    يدفنونه
حيدر راجع من الزهره ،، ودم تبجي عيونه ،، مصيبه

5-
شيضل بالروح ،، وليليه  اتنوح ،، لو موت اهواي احسلي
ما  رد  عليك ،، يا كلبي  شبيك ،،  المن تنبض  بس  كلي

راد من ا لدفن  بس  روحي  متعوبه
تعاي  الخاطر   الله   الروح  مسلوبه
ما  يغفه   تره   الما    يمه    محبوبه
بسهم يالزهره روحي عليك مصيوبه

كون الفاكد يم   محبوبه ،،   بصفه  يدفنونه
حيدر  راجع من  الزهره ،، ودم تبجي عيونه ،، مصيبه

-----------------
حسين عبد الجليل المالكي

قناة حيدر تركي الكربلائي:
الفاطميه
.
.
.

عـاشــوراء .. الــزهـــراء
قــد اقــبل
يابو صالح

_____

ردت الايـــــام .. وكـــــــبـــرت الالام .. ابگلبك انته اشضام
يــارزيه
اشخله بيك الباب .. چم جرح ومصاب .. ادري راسك شاب
عالزچيه

متبدي من عـينك نهر    بس الله يدري اشكبره
يالخلصت عمرك بچي    مـاذيــك جـرح الزهره

يــوما أت .. لــلاهــات
قــد اقــبل
يابو صالح

_____

حزنك المنشور .. بي ضلع مكسور .. وبي وجه مسطور
وبي عذابات
تحـترگ ادريك .. ومــحد ايطفيك .. محــسن امــأذيك
وكلك اهات

اهاتك اتفطر الصخر    بسمار چن بضلوعك
خدك امصـلاية دمع    صلت عليها ادموعك

حزن الآل .. في الأصال
قد اقبل
يابو صالح

_____

شهگـــتك دخان .. دمعـــتك نيران .. اتلچــمك البيبان
لو شفتها
عيشتك جرحين .. بيها عاشورين .. الفاطمه وحسين
وضفتها

انته الحزن بس حصتك    وعطر المجالس عطـرك
بسمار لــو حافر فــرس     يالمهدي شنهو ابصدرك
واويلاه .. سمهم الاه
قد اقبل
يابو صالح

_____

تتــنحب مالو .. عالظــلع مهظوم .. تعـثر امــن اتگون
بالمصايب
دمعتك تسبيح .. يالزچيه اتصيح .. انـته من اتطيح
عالترايب

لو طحت تذكر فاطمه    من طاحت اعله الغبره
تتبده يالچـنك دمــع    من تذكــر انته السـطـره
دمـعً لاح .. فيك وصاح
قد اقبل
يابو صالح

__

اهدومك اتضل سود .. عالذي مگيود .. وگبلك الممرود
شايل اهواي
حيدره امن انگاد .. گــادو السجاد .. يلي صرت ارماد
انته من هاي

ابدلالك اشسوه السبي    وهيچي تهل دمعاتك
چيه عالهزل يالمنتظر     راحــن ســـبي عماتك

صوت عزاء .. صوت بكاء
قد اقبل
يابو صالح

_____

سـيدي ندريك .. شنهو المبــچـــيك .. فاطــمه اتاذيك
يالمغيب
وعالجره مقهور .. تبچي عالمنحور .. هسه وين اتدور
وين تنحب

يم مذبح حسين السبط    لو بالبقيع انته اتنوح
لجــل الزچــيه وَنــتك     لو عالذي ظل مطروح
جرحا بات .. لامامات
قد اقبل
يابو صالح

_____
تمت والحمد لله
حيدر تركي الكربلائي

بسك يالفحل. موخدك ذبل. كف عن البچي اشويه
ارحم حالتك. خفف ونتـك. گمــــت اسمعها ليليه
يابويه راسك شاب ---- جرح الفرگه ماطاب
                    ***
سهرانه طـــول اليل عذبني ونينك
والدمعه ياكرار مرسومه اعله عينك
بفراك أمي هل يوم بس الله اليعينك
حتى اكثر امن النوك للزهره حنينك

يا حامي الحمه.  دارك مظلمه.  نور أم الحسن طافي
الغايب مايرد.  ذبلان الورد.  ملينه الحزن كافي
كلبك يحيدر ذاب ----- جرح الفركه ماطاب
                   ****
صوت الزهره ناداك خلف الباب اسمعه
يا حيدر البسمار من اضلوعي طلعه
طاح المحسن ومات مالحكت اودعه
سل فقارك اوكوم عني الشر ادفعه

اتناديك اوتون.  أنه أم الحزن.  ياراعي المدد مدني
ونته اتعذرت.  من عدهه وكلت.  عنج طه كيدني
عذب دليلي الباب ---- جرح الفركه ماطاب
                 *
صبرني بويه اوياك وصبر عالمصيبه
يجرحني صوتك حيل من اسمع نحيبه
گلبك ادري شب نار ما يبرد لهيبه
ودري المحب يحتار لو ودع حبيبه

جم غالي الرحل.  يوم اوداعه حل.  تلسع جمرة امصابه
ليل الوحشه مر. گضيه بالصبر.  وجرع لوعة اغيابه
نور ام الحسن غاب---- جرح الفركه ماطاب
*
ما جاوز العشرين يابويه عمرهه
ميتهه اوياهه ياريت وتحطني ابكترهه
محرومه صار ايام ما اشتم عطرهه
يابويه اخذني اوياك دليني ابگبرهه

خل نگعد سوه - دلالي انچوه - وزادت لوعة اجروحي
هسه اني ابحلم- ماادري ابعلم - فگد الزهره حز روحي
عذب گلبي الامصاب ---- جرح الفرگه ماطاب
****
هون عليه آلام فگد امي الزچيه
باچر وراي امصاب برض الغاظريه
باچر اشوف حسين جثه اعله الوطيه
ولچم گلبك اهواي من اطلع سبيه

باچر بالغرب- بنتك تنظرب - وصحاب الشيم نومه
آه امن الزمن- راواني المحن- من زغري انه ملچومه
دلالي بويه انصاب ---- جرح الفرگه ماطاب
***

     الخادم
كامل السعيدي

الإمام العسكري مخاطباً
الحجة القائم عليهما السلام




يبني اوصيِّـتِي /  ساعة دفنـِـتِي
تذكر عمِّــــتِي ...  زينب
ماتت آلام  /  من ضيم الشام ...  زينب

ــــــــــــــــــــــــــــــــــــــــــــــــــــــــ

ساعة تلقيني / وغسلي وتكفيني
أنعه وبچيني / لعمتي العلويه

بعد الكفلوها / طلعت شافوها
بالصوط آذوها / حرمه وموليه

مچتوفه ايديها / وهزله امرچبيها
شمر اليحديها / وراحت مسبيه

بت اشرف نبي /  تمشي اويه اجنبي
محروگة عبي ...   زينب
مصيوبه اسهام  /   من ضيم الشام ... زينب

ــــــــــــــــــــــــــــــــــــــــــــــــــــــــ

المحد شافاها / ولحد سمعاها
فگدت ولياها / وظلت محتاره

حامي اصواوينه / لوتسئل وينه
مگطوعه ايمينه / ومگطوعه ايساره

وي طيحت جوده /  وسهمه وعاموده
وصلوها احدوده /  وسحگوها ازغاره

من طاح العلم /  ماظلت خيم
واتچوت جدم ...  زينب
مچويه اجدام   /   من ضيم الشام  ... زينب

ــــــــــــــــــــــــــــــــــــــــــــــــــــــــ

صورتها ابـالي / ابتوديع الغالي
دمعتها اتلالي / وتشم بالمنحر

ساعه وميمونه /  رد خالي ابدونه
گالتله شلونه /  گاللها اموذر

والعشر اخيوله /   لعبت بي جوله
باگن من طوله / وعافنه امطشر

حزو منحره / گطعو خنصره
واتسلب تره ...  زينب
گربت لـ ايام   /  من ضيم الشام  ... زينب

ــــــــــــــــــــــــــــــــــــــــــــــــــــــــ

يلـغايب هيه /  اول علويه
تطلع مسبيه   من ديره لديره

للشام وكوفه / راحت مچتوفه
والكل ملهوفه /  تنظرها  ايسيره

راس الكفلاها / يبره لـممشاها
تعثر و وياها / يتحرك غيره

سهمه امن الدمع /  خضر چن زرع
وسفه ابهلـ وضع  ...  زينب
بي نار اخيام /  من ضيم الشام ... زينب

ــــــــــــــــــــــــــــــــــــــــــــــــــــــــ

يلمهدي اونيني / لا ما يكفيني
لو كل اسنيني /  زينب ابچيها

ابذكره استشهادي /  يا زينب نادي
خل حزنك بادي /   بالسادي اعليها

جرد بتارك / جهز انصارك
الها اطلب ثارك / طلعه انتانيها

اطلب يا ذخر  / ثارات الخدر
يلجيتك تسر ... زينب
ثار الايتام / من ضيم الشام ... زينب

ــــــــــــــــــــــــــــــــــــــــــــــــــــــــ
سيد علي عبدالزهره الناجي

للصحن جينه.   نواسي مهدينه
العسكري بيده.  ايسجل اسامينه
***
الخدمه نوعيه   بيها روحيه   ابدار الامام
نرفع الرايه   واحنه وفايه   بهذا المقام

اليوم كردوس الخدم رافع شعاره
والتحيه تختلف جوه المناره
عالامام نسلم ونقره الزياره

نقترب منه   وهوه يقبلنه
بالصحن نشتم   ريحت الجنه
***
كل ايادينه   بيد مهدينه   نبع الحنان
سيد النعمه   وعطره نشتمه   بهذا المكان

من نطب سامره ياخذنه العشك وين
وشحلات الهوه يم العسكريين
ما يرد خالي اليدك باب الامامين

اشمحله سامره   الناضر تسره
وحلف المهدي   خادم الحضره
**




كل سنه نعاهد   حضرت القائد   ونحي العزاء
بالصحن نصطف   وخدم نتشرف   الراعي العطاء

الرايه هاي المنتظر يشرف عليها
يعني عطر العسكري موجود بيها
بعلي الهادي ونرجس احنه مزوريها

تبقه رايتنه   رمز خدمتنه
بدار ابو صالح   تعله صيحتنه
**
كل سنه وكل عام   تلتم الخدام   بوسط الرواق
وللضريح نصد   ولحضه من نبعد   نموت اشتياق

ونرجع نطوف الكبر ويزيد حبنه
بالامام المهدي متعلك كلبنه
يمته يوم الثار يالغايب ندبنه

دوم ندعيله    وكلشي نحجيله
صاحب المرقد   ويانه كل ليله
**







الارض سامره   تحضر الزهره   والهم تنوح
تنصب الماتم   والدمع من دم   وتبدي الجروح

تعتني يم الامامين الحزينه
اتنادي يبني توني اجيت امن المدينه
تصيح ليش اوليدي جبده مسممينه

عالولد تنعه   وتذرف الدمعه
وتدري بالمهدي    منكسر ضلعه
*
تمت
تحس

انته ياقوت السمه ومرجانها
والرساله ثبتت عنوانها
يا محمد يا محمد
****
يا رسول الدين يا نعم الرسول
براية الإسلام حيرت العقول
ذكرك ايضل خالد وكلشي يزول
الله بيك الأمه رافع شانها
*
انته قائد سيدي اعله القائده
اتلوذ بيك اهل البخت والساده
انته كملت الفضل وزياده
الكاع تجفل من تكض اعنانها
***
يا جبير الطايفه الملزومه
وال هاشم سولفت بعلومه
انته بعيونك صكرت الحومه
والملاحم عجت بتربانها
*
يا محمد ذكرك ايطهر اللسان
وسيدي لولاك جا ضاع الأمان
جم ملك يقره الحمد عالعتبه جان
وتستجار بهيبتك نيرانها
***
يا سراج الدين يا شمس البديع
يا محمد بالحشر انته الشفيع
احنه لو ما رحمتك والله نضيع
ونجرفنه سيدي بطوفانها
****
انته صادق بذن رب العالمين
والتعوف محبتك ما عدها دين
اعله منزلتك تره امن المرسلين
وفتحت الجنه الك ذرعانه
***
تمت
تحسين الخفاجي

بهل ليله الحزينه    نودعك يا نبينه
انته اول بشر يستأذنه الموت
وجبرائيل مد اجناحه تابوت
*
انته اول نبي بالكون   اشتاك الجامع الصوته
اول مره اشوف انسان   يفرح كلش بموته
وكف حته الهوه بلياك   وناح النحل ببيوته
انته حسين مدري حسين   شايل بيده تابوته

من جفنك غمضته   حيل حسين اخذته
راح الهادي منكم نسمع الصوت
وجبرائيل مد اجناحه تابوت
***
نكلب لون السمه مولاي   ويمك فاطمه تنعه
هاي ام الحسن طاحت   صحت لو طاحن السبعه
تره كلشي المكانه يعود   بس المات شيرجعه
ليش اسنينك الحلوه   جزتنه وخلصت بسرعه

ياليل المنيه   حن اعله الزجيه
تبجي الفركتك وتون البيوت
وجبرائيل مد اجناحه تابوت
**





اول مره اشوف الماي   يتغسل حبيبي بماي
علي كل عمره ما مكسور   بس انته كسرته اهواي
بالكافور عطرك صار   وطهر الكبر مولاي
عله امصابك بجه القران   وزينب ضلت بلا راي

محتاره السماوات   وتنوح المجرات
اسمك عالعرش يالهادي منحوت
وجبرائيل مد اجناحه تابوت
*
هليله الحسن مكسور   واه يصيح يا جدي
انه دمعة طفل محروم   بوجه كل غالي متبدي
محتاجك وريد وياك   ومن تتركني اضل وحدي
رافكني الحزن والنوح   وانه الحزن مو كدي

يذبحني غيابك   شيبني مصابك
بسكوت الدمع ضل يجري بسكوت
وجبرائيل مد اجناحه تابوت
*









عكبك ضجت الايتام   وصاحت وين والينه
بعدك يا رسول الله   ياهو اليعطف اعلينه
من عندك يبحر الجود    نشبع شوف خلينه
جنت تمسح مدامعنه   وبجفوفك تغطينه

كل ضن اليتامه   تكوم الها بسلامه
يلجم جم كلب من نعشك يفوت
وجبرائيل مد اجناحه تابوت
***
تمت
تحسين الخفاجي