الشاعر مصطفى الصالحي

‏حي الله راعي الرايه
،،،،،،،،،،،،،،،،،،،،،،،،،،،،،،،،،
للعركه شد الحزامه وعيونــــــــه تلهب نار
يچوي الشمس لو كضها بچفوفه گد ماحار
خوط الزلــــم خاطاها وگبالــه فگره الصار
ضاع النفس بالحومه من هـــد عليها وغار
بين الزلـــم دگ ثايه
حي الله راعي الرايه
،،،،،،،،،،،،،،،،،،،،،،،،،،،،،،،،،،
جاب الفرات بكبـــره يـــــــم خيمة النسوان
وصاح بثواب ابن امي خل يشرب العطشان
وخيل وزلــــــــــم بچاها وتضعضـع الميدان
والمايلوحه بسيفه مـــن عنــــده رد فحطان
للحره گال حچايــــه
حي الله راعي الرايه
،،،،،،،،،،،،،،،،،،،،،،،،،،،،،،،،،،
نشمي وثجيــــــل اعناده والدنيا هيچ تريد
وكــل ماتزيد گبالـــــــــه وياها هـــــم يزيد
يهوه العرك مــــــن زغره ينطرها مثل العيد
يلحگها ويكردســها كلما تروح بعيـــــــــــــد
بالحومه سوه سوايه
حي الله راعي الرايه
،،،،،،،،،،،،،،،،،،،،،،،،،،،،،،،،،،،
طـــــب للشريعه بزوده وبزوده جاب الماي
ملگه الزلــــــــــم لاگاها ماخله عــدهم راي
گام بعلي يذكرها طگاتــــــه مــــــــو بهداي
ماتنحسب خلاها بالحومه موتـــــــه هواي
هاي الهواشــــم هايه
حي الله راعي الرايه
،،،،،،،،،،،،،،،،،،،،،،،،،،،،،،،،،
مصطفئ الصالحي
،،،،، نزال،،،،،

زينب زينب اه يازينب
زينب زينب اه يازينب
،،،،،،،،،،،،،،،،،،،،،،،،،،،،،،،،،،،،،،،،،،،،،،
يازينــــب ردي الخيمتنــه
ماريـــــــدچ يمي تضليــن
خاف حچايه تغثــچ منهم
وزعلانـــه عليـــه تروحين
جيب البي حيل ويگعدلچ
شوف عيونچ هـل ميتين
عوفي حسين وحيري بروحچ
فدوه اندار ام عــــون الطولچ
خايف حيل
مــن الخيل
صـــار اليل
وخافن يم عــــون يسحگونچ
،،،،،،،،،،،،،،،،،،،،،،،،،،،،،،،،،،،،،،،،،،،،،،،
الله اليدري اشگـــد اتعذب
كـــل ماتنزل منـــــچ دمعه
وده ابن امـــچ يگعد لاچن
الحافر شالع گلبــه وضلعه
موش انتي التنعين اعليه
المفروض انه اعليچ الينعه
ياخـــت گلبي وياخــت روحي
مــــــن تبچين تزيـــد جروحي
كافي ام عون
لا يـــــــدرون
ويسمعــــــون
وانه المحــد سامـــــــع نوحي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انه ادري هواي تحبيـــني
وماودچ عني تگوميـــــن
بس وداعت عينچ يختي
ماريـــــــــد وياي اتعبين
ذوله الوادم مـــو وادمنه
ذوله  الوادم مو خيريــن
الذبحــو عبـــد الله وما همهم
كلشي اتوقــــــــع يطلـع منهم
غربه الناس
مـــو عباس
تاج الراس
الله يبعـــــــدچ زينـــب عنهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالمتعوده اعليــنه المغرب
انه وعبــــــد الله انمر بيچ
هــــــذا المغرب ما مريتچ
انتي تمريــــــن متانيــــچ
  چنتي مـــن تروحين نزتچ
چا ياهـــــــو اليوم يوديچ
گومي بسكتــه وروحي بسكتــه
محــــد يسمـــع صوتــــچ حتـــه
يخت حسين
لاتبچيــــــــن
تنطگيــــــــن
والله يعيـــــن التنطگ اختــــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

اه ياحبيبي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
المن جاي يحسين ارجـــع لايذبحونك
المن جاي يحسين طلعو مايحبونــــك
المن جاي يحسين باچــــر مايرحمونك
المن جاي يحسين كلها متانيه ضعونك
ارجع يالنموت عليك فدوه ارجع
باچر عالحوافر حصص تتـــوزع
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وين تريد مولاي وين ام عــون جايبها
وين تريد مولاي زينب محــــــد يحبها
وين تريد مولاي روحـــــــــــك لاتعبها
وين تريد مولاي الرسايل هــاي چذبها
محد يالحنين يريدكم محــــــد
ابيض گلبك الذباح گلبه اســـود
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رد يحسين ورتاح رد هـــواي احسلك
رد يحسين ورتاح شلك بألتعـب شلك
رد يحسين ورتاح هنانـه الوادم تملك
رد يحسين ورتاح شلونك محد يگلك
شجابك ياالبعيد الكربله شجابك
باچر يطمع الســــلاب بثيابـــــك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
دربك موش منا  ارجـــع يابو عبدالله
دربك موش منا شجابــك للذبح بألله
دربك موش منا هنانـــه ولا الك ضله
دربك موش منا باچــــــر تنذبح غفله
تتعب واحنه مانرتاح مــن تتعب
مسلب مانريــــد نشوفك مسلب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

https://youtu.be/tsu4IaYcQpo?si=h7zoECNirjAFOxFi

يمــــــولاي يمـــــولاي يالكضــــــــــام  يمولاي
حچي هواي حچي هواي بعيوني حچي هواي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يــــــم باب الحضــــــــره يامحله النضـــــــره
مـــــــن ابــن الزهـــره الكلها رحمه عيونــــــه
تدخلـــــــــــه الوادم خادم مــــــــــــــو خادم
مايطلـــــــع نادم يطـــي اليطلبونــــــــــــــــه
اليطبلــه يـــــدلله
گبـــل لا يــــوصله
يگله ياهــــــــــــلا
الك مني شتريـــد
دوه الروح دوه الروح بالحضــره دوه الروح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياموطن روحـــــــــــي وبلســـــــم لجروحي
ولچماتني ونوحي بيـــــــــك أمـــــــــن گلبي
عــــــــن كلشي ابعدني ماريـــــــــــــد تهدني
لجفوفك شدني خاف اضيــــــــــــــــع دربي
الك مني وعــــــد
يمولاي وعهـــــــد
اضلن للأبـــــــــــد
خادم للحسيــــــن
بـــــــلا راي بـــــلا راي تايــــــــه بــــــلا راي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالبيــــــــــك امالي غيـــــــــــــر مــــن حالي
غيــــــــــرك يالغالي منـــــو يقبـــــــــل مثلي
مولاي ادخيــــــلك عبــــــــــــــــدك وشكيلك
بيا لچمــــــــــــــه ابديلك حتئ اخفف حملي 
الحمل زاد الحمل
بعـــــــــد ماانقبل
اضلن هـــل شكل
ماتقبــــــــل بهاي
يبو الحيل يبو الحيل شــد حيلي يبو الحيل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشــــــــده شما تكبر يــــــــم بابــك تزغــــر
غيــــــــرك مايگـــــــــــــدر يگضي التگضيها
اليطلب لو جنـــــــــــــــه ماتبخــــل عنــــــه
وتگله تمنـــــــــــه الجنـــــــــــــه الك والبيها
ابــــد ماتعتــــــذر
شكثر ناس شكثـر
الك سجـدت شكر
حبيبـــــي يمولاي
بالعيــــــــون بالعيــــــون رسمناك بالعيـــون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

شحال گلبك يالرضا اليوم والله يعينه
جنازه ابــوك وعالجسر وحـده مخلينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم كسران الضهر بيـــــن اعليك وبده
والسده بطف كربله اليوم عالكاضم سده
حسين ضــل الوحده وانته ابوك الوحده
ومثل زينب يالرضا الكاضــــــم مگيدينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليــوم عنــــــك يالرضا عزاز گلبك رايحه
اليوم حزنك وحـــــــدك لاعزه ولافاتحـــه
خيمه ابوك وللأسف الخيمه امست طايحه
ابو عيون الكلها ود اليـــــــوم غمض عينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من عمت عين الوكت شكثر وياكم جسه
بده مـــن كسر الضلع الهذا يومك مانسه
عليكم اليـــــــــل اليمر مكدر يمر هندسه
الفرح مامركم ابــــــــــــد والفرح ناسينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيل ماضل بالرضا اخــــذ حيله الكاضم
محني مـن كثر الحزن يمشي بين الوادم
وين هاشم خــل تجي مات رهاب هاشم
ماكو اهــــــل فزعو اله الغربه المشيعينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نزال استعراض
مصطفئ الصالحي

https://youtu.be/2BfioGdwz28?si=yECDkID_5tWeCuUm

https://t.me/mo_duss

https://youtu.be/fv_uwWDm140?si=7I9dZ108S9DnsouG

https://youtu.be/ltSOdQv0J9Y?si=NG5m99gteb3Kd7Fd

يايمه  يازينب
يايمه  يازينب
،،،،،،،،،،،،،،،،،،،،،،،،،،،،،،،،،،،،
هـــــــــــم غربــــه هــــــــــــم فراگ
هم گلبي الـــــچ مشتاگ اه يالحبيبه

شــــــــــــــــــــــوگ الگلــــــب چتال
مــــو چلمة التنگال هاي المصيبـــــه

جيــــــــــــــب اليصبــــــــــــر الروح
واسكت بعــــد مانوح عــــن الغريبه
،،
زينب يزينــــــب هاضمتنـي
زينب يزينـــــــــب لاچمتني
كـــون السياط الفوگ متنچ
كلهن يزينــــب فــوگ متني
،،،،،،،،،،،،،،،،،،،،،،،،،،،،،،،،،،،،،،،،،،،
حــــــــن الگلب يـــــــــم عــــــــون
حاچيني هسه شلون مـو طر دليلي

الـــوادم تمــــــــــــــــــل وتنــــــــام
وانه اعله ضيـــم الشام مانمته ليلي

گلـــــب اليحـــــــــــــــــــب مشلوع
ماتبقه عـــــده دموع زينـب يحيلي
،،
ثاري الگلب يم عون لو حب
ليله اعله ليله يگـــوم يتعب
ماطبله غيرچ گلبي يم عون
شيـــب عليــچ بساع شيب
،،،،،،،،،،،،،،،،،،،،،،،،،،،،،،،،،،،،،،،،،،،،
يامــــــن عليــــــــــــــــــچ العيــــن
نشفت يخيت حسين سويلي چاره

نار بدليلـــي تفــــــــــــــــــــــــــور
چن خيمه من عاشور ماتطفي ناره

مــــــــــــــــــــن اسمع بطاريـــــــچ
اوگف يزينب ليـــــــچ وگفت مناره
،،
زينب يزينــــب حيلي مهدوم
وثلمه اشكبــرها الگلب مثلوم
سالفتي صرتي ويــــن ماروح
گد ما عليچ ام عــون ملچوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مـــــــن زغــــــــري مـــــــــن صباي
حبــــــــچ كبــــر وياي وحتل كياني 

گلبـــــــــــــي نشغــــــــــــــل بهواچ
يازينــــب وحباچ ماحبله ثانــــــــي

الفرگــــــــــــــــــه الطويله تريــــــد
يم الخـــــــــــدر تعويد وگعد وتاني
،،
يامن عليــــــــچ الگلب ماهد
وصار الدليـــــــل بلون الرماد
مو هينه بــــت الزهره ياناس
فــــــــوگ النياگ الهزله تنگاد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شور وگفه
مصطفئ الصالحي

https://youtu.be/S-c7IVRrUGc?si=qdMzVC5iRgYCqOcQ

https://youtu.be/xW3ZXJxeReU?si=kt0ohq6iy3TbI3AZ

اه يالغريبه
اه يالغريبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هازينــــب شلونـــــه الشام وياچ
منــــــــچ نعتذر چـــي مااجيناچ
صارت والدرب ســـدوه يم عون
مـن فوگ السطوح الفشله زرناچ
،،
عمت عيني عليچ ام عون
عدلــه وميته مكســـــوره
هضيمه بنيــــــــت الزهره
وضريحــچ محــــد يزوره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خايــــف لاطويله السالفه تصير
ونتأخر وبـــــــــد مو مال تأخير
الگاعـد لربعينچ يحسب احساب
حگه ينهضم يــــم عـون ويحير
،،
اذا رحنــــــــــــه ولگينها
الحدود اعلينه مسدوده
اذا لا حـــــــــل ولاچاره
نرد بوجوهنــــه السوده
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا خدمــه بعــد لاصـــــــوت خدام
ضلمه الحضره چنها غروب الخيام
يم حسين كونـــــچ يخت الحسين
مـــــــو بالشام مايستاهــــل الشام
،،
شحلات الحضـره يازينب
من تتوســـــــــط اخوانچ
شحلات الخوه مــن تلتم
يزينب موش عدوانـــــچ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منا وانتهـت ماصـــــــــــدگ بهاي
يگلولي بعــــــــــد ماتمشي مشاي
لزينــــــــب مااروح شلون ياناس
خاف تگلي زينـــــب ليش ماجاي
،،
التعـــود عليها شلــــــون
يگطـــــع بيها ماترهـــــم
ينضــــــــم العشگ مرات
وعشگ ام عون ماينضم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور گعده
،،، غربة زينب،،،

حي الله الحسين حي الله اخوته
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شـــــــــــدت حيود الهواشم حيلها
وره الرايـــــــه الحمره غارت خيلها
عليها طبو وين ابـو السيف المتين
والثگال الـــــــــــــه الثگال تشيلها
طبوها الزلم ستـــــر الله طبوها
وي ريح التهب خلگ الله ذروها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم هاشــــــم طلعو من خيامهم
الگاع رادت تنخسف بجـــــــدامهم
حيـــــــود طلعو عالطلابه معاندين
وابو فاضــــــــــل محترگ جدامهم
يامحله الگمر والرايــه بچفوفه
العركـه بكربله شوصلها للكوفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
روس وادي كربلـــــــه ودم نتـرس
وبيـــــــــع لو ينباع يشرون النفس
الهوه ضاع بكربله وگامـــــت تفور
وفرس يردم گـــــام ساعتها بفرس
محتاره وعلي بالشرده محتاره
عسكره نثلــم بزغاره وكـــــباره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ام عون صاحت حيهم اعله اخوانها
ركبــــــــــــــو البيض وثگل ميدانها
اخوان زينـــــــب عالعرك يتنافسون
ياهو الاكثـــــر يذبـــــــــح بجيمانها
حيهم حشمت بالحومــــه علويه
وبزود الگمر بذن الله مگضيـــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
نزال

اه يالغريبه
اه يالغريبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هازينــــب شلونـــــه الشام وياچ
منــــــــچ نعتذر چـــي مااجيناچ
صارت والدرب ســـدوه يم عون
مـن فوگ السطوح الفشله زرناچ
،،
عمت عيني عليچ ام عون
عدلــه وميته مكســـــوره
هضيمه بنيــــــــت الزهره
وضريحــچ محــــد يزوره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خايــــف لاطويله السالفه تصير
ونتأخر وبـــــــــد مو مال تأخير
الگاعـد لربعينچ يحسب احساب
حگه ينهضم يــــم عـون ويحير
،،
اذا رحنــــــــــــه ولگينها
الحدود اعلينه مسدوده
اذا لا حـــــــــل ولاچاره
نرد بوجوهنــــه السوده
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا خدمــه بعــد لاصـــــــوت خدام
ضلمه الحضره چنها غروب الخيام
يم حسين كونـــــچ يخت الحسين
مـــــــو بالشام مايستاهــــل الشام
،،
شحلات الحضـره يازينب
من تتوســـــــــط اخوانچ
شحلات الخوه مــن تلتم
يزينب موش عدوانـــــچ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منا وانتهـت ماصـــــــــــدگ بهاي
يگلولي بعــــــــــد ماتمشي مشاي
لزينــــــــب مااروح شلون ياناس
خاف تگلي زينـــــب ليش ماجاي
،،
التعـــود عليها شلــــــون
يگطـــــع بيها ماترهـــــم
ينضــــــــم العشگ مرات
وعشگ ام عون ماينضم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور گعده
،،، غربة زينب،،،

ويلا يزينب ويلا
،،،،،،،،،،،،،،،،،،،،،،،،،،
حيهـــــــــم يهاشم ياهلي
حيهم يبـــــو النخوه علي
زينـــــب يااشراف العرب
زينب غريبه بـــــــلا ولي
،،
بين الغرب طاحت
ومــن التعب ماتت
محد رحـــم زينب
ضيم شكثر شافت
،،،،،،،،،،،،،،،،،،،،،،،،،،،،،،،
حيهـــــــــــم ييمه فاطمه
حيهم يالمبچيــــــه السمه
تكسر الخاطر بـــــت علي
عويناتها يخرن دمـــــــــه
،،
ضيــــــم القصر ذلها
وممشه الهــزل شلها
حادي الضعن شامت
هاي الصعــــب حلها
،،،،،،،،،،،،،،،،،،،،،،،،،،،،،،،،،
حيهــــــــــم يحلال المحن
حيهــــــــم يخيي يالحسن
وينــــــــك يالمعزب العرب
زينب غريبــــــــه بلا وطن
،،
درب اليســـــر هيمه
مابي بعــــــــد خيمه
خويـــه نكسر ضهري
مــــن السبي وضيمه
،،،،،،،،،،،،،،،،،،،،،،،،،،،،،،،،،،،،
حيهم يالمشيــــــب الگلب
ماكافي نـــــوم اعله الترب
يحسين عنـــــــي شعطلك
ناسينـــــي لو ضاع الدرب
،،
زينــب يخي زينــــب
خيمه وبـــــدت تلهب
فوگ التعب هــــــــذا
اتعـــب وارد اتعـــــب
،،،،،،،،،،،،،،،،،،،،،،،،،،،،،،،،،،،،،،
عباس يابعـــــــــــــــد الهوه
صحتك واحس گلبي انچوه
حيهــــــم يالمبچي الزلـــــم
زينـب ضهركـــــــــــم ونلوه
،،
اختـك يبعــــــد اختك
زينــــــب انه الصحتك
يابالفضل وينـــــــــــك
يومــك دنه اوكتــــــك
،،،،،،،،،،،،،،،،،،،،،،،،،،،،،،،،،،،،،،،
ياعــــــــــــون لمـك ماگمت
وحيهم ييمه اشگــد صحت
ياعــــــــون ماصارت ابـــــد
امك وحيــــده بيا وكــــــت
،،
يبني التعـــــب هدني
گــــــــــوم لهلي ردني
الشام الاخـــــذ حيلي
ماريد اضـــــــل يبني
،،،،،،،،،،،،،،،،،،،،،،،،،،،،،،،،،،،،،،،،،،
نخوة زينب لهلها،،،
مصطفئ الصالحي
،،،2025،، ابتدء بجرح زينب

بويه حسين
،،،،،،،،،،،،،،،،،،،،،،،،،،،،،،،،،،،،،،،
شحلات المــــوت اذا وياك
اليمــــوت وياك هنيالـــــــه
اغار مــــن اليشيعه حسين
ودورن وجهـي اذا شالـــــه
انه اول واحـــــــــد تمنيت
ابــــوه يصيــــــــــر چتالـه
اموتن حرگه اذا مامــــوت
بذبـــــح وملاگــــــه خياله
،،
عذاب الروح مايرحــم
لايطلـع ولا ينضــــــــم
،،،،،،،،،،،،،،،،،،،،،،،،،،،،،،،،،،،،،،،،،
غلطه وماذبحني السيــــف
مــــــــــو بالهـــــون اعديها
فاتتني وعـــــــــدل ضليت
هــــاي النـــــادم اعليــــــها
اطـــــب بيا عـــــذر للروح
وقنـــــــــع روحي ورضيها
الدنيا التخله مــــن حسين
مغلوب اليضــــــــــــل بيها
،،
انه اليتمنه ماصايــــــر
انه المهضوم انه الحاير
،،،،،،،،،،،،،،،،،،،،،،،،،،،،،،،،،،،،،،،،،،
تمنيت الوجــــــــــع ينشاف
وراويــك البعــــــــد ماطاب
الحرگ مو بالخيــم يحسين
حترگ گلبي وصبــح عطاب
بكثـــر ما بالگلــــب ملچوم
وعلي تمنيـــــــت ارد اتراب
المصايـــــب بيــــه مچلبات
بمصاب اطلع وطب بمصاب
،،
شسولفلك شضــم عنك
هذني شويــــــــه وذنك
،،،،،،،،،،،،،،،،،،،،،،،،،،،،،،،،،،،،،،،،،،،
الحچي الموزيــــن يهضمني
وحچــــو گدامـــي بالموزين
يأشــــــرون اعلـــــــه عماتي
هذني المن هذنـــــي منيـــن
وبـــــــن ياراس نشـــــدوني
ومد شوفي اعله راس حسين
يطگونـــــــك وكــــض گلبي
كض كلبي وتصـب العيـــــن
،،
وگولن وانـــــه اتحسر
عساني بموتــت الاكبر
،،،،،،،،،،،،،،،،،،،،،،،،،،،،،،،،،،،،،،،،،،،
لسان حال زين العابدين ع
""شور گعده"""

https://youtu.be/S3jFshGNeDM?si=Vn-qCZ8rMH3XCv0D

علي مولا
علي مولا
،،،،،،،،،،،،،،،،،،،،،،،،
علي يالحبــــك عباده
علي ياسيــــد الساده
اشهــــــــــــد ان عليآ
الله مطيــــــه الأراده
،،
المايوالي ياعلي نخليـــــــه هــــــــذا براحته
خسران دنيا واخره وماتمشي عدنه احچايته
العاداك صوچـــه ياعلي محد مسوي سوايته
علي ياخيـــــــر البشر
علي ابو العز والفخــر
حبـــك بگلبي كبــــــر
علي مولا
علي الأخر موش الك
علــــــــي الأول أولك
انتــــــــه الدير الفلك
علي مولا
،،،،،،،،،،،،،،،،،،،،،،،،،،،،،،،،،
علي واسمك ياحلاتـــه
غالي وماكـــــــو بغلاته
علي غيـــــــرك مانوالي
خل يسمعون الشماتـــه
،،
ياهيـــــــل يالماتنوصف يالماكو اليشبهونــك
بعيونك الرايد يصد يصفن سنـه اعله عيونك
والجنة اذا مو انته ابــــد ماتنجرع من دونك
،،
علي ياحيــــد الزلم
قالـــــع الباب ونعم
بالحرب كلك عــزم
علي مولا
شكثر حيدر دورت
بشر مثلك ماشفت
من صرت وصورت
علي مولا
،،،،،،،،،،،،،،،،،،،،،،،،،،،،،
علي يالكلك شهامــــه
بس الك تحله الزعامه
انتـــــه الأول مانبدلك
ياعلي اليوم القيامــــه
،،
من ادم الهذا الوكــــت ياعلي وكـــــل العالم
لاطير لاجن لاانس يابـــو الحسن حتئ ادام
خاطر اتشوفك ياعلي بيــــوم الحشر تزاحم
،،
علي يادر ياذهــــــب
تستحق هـــــذا القب
علي ياشيــــخ العرب
علي مولا
علي يالذكــــرك دوه
علي يمسيـر الهــــوه
الشمس انته والضوه
علي مولا
،،،،،،،،،،،،،،،،،،،،،،،،،،،،،،،،،
الكلشي ياحيـــــدر نهايه
ويبقئ بس حبـــك بدايه
علي عالفطره عشگتــــك
بلا كتاب ولا روايـــــــــه
،،
كل عشگ لابــد ينتهي بس عشگ حيدر يبدي
بس هوه متوصط الگلب غيره وعلي ولاعندي
من كثر ماحبـــــــــــــه احس محد يحبه بگدي
،،
علي يافــرد وصمـــــد
علي ياواحد أحــــــــد
مدد ياحيــــــــدر مدد
علي مولا
علي مثلك وين اكـــو
ابو للمالــــــــــــــه ابو
واخو للرايـــــــــد اخو
علي مولا
،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،شور،،،

هذا نعش امك يعباس الحنين
گوم شيعها وحيـــده ام البنين
----------------------------------------
گوم ياشيخ الزلم لأم الزلـــــــــم
اليوم بيت المرتضى بكبره انهدم
گوم ديــــــــر انگاب لمك ياشهم
عليـــك تتلفت يمگطوع اليميـن
-----------------------------------------
هذا نعش امك يبو فاضل وحيد
والنعش جناز مـــــن بيتـــه يريد
شلون عـن امك يروح امك بعيد
مـن الأبن محلاه لو صار الونين
------------------------------------------
شلون ماجيتـو يبـو فاضل شلون
عنها ماضـــــــــن يألگمر تتعطلون
گوم حشم اخوانك وخلهم يجون
وبالچفافي الخضر كون محزمين
------------------------------------------
اليوم يومك يالچفيـــــل وساعتك
اليـــــــــوم نعش ام البنين بعازتك
طيحت امــك مثل طيحت رايتك
لچمه وتضل بالگلب طول السنين
-------------------------------------------
گومــــــــو لمكم يالنشامه الأربعه
هـــل نعش رايــــــد متون تشيعه
وين صرتو وين عـن هـــل فاجعه
اليوم هاشـــــم بالمصاب مكدرين
--------------------------------------------
مصطفئ الصالحي

اه يالغريبه
اه يالغريبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هازينــــب شلونـــــه الشام وياچ
منــــــــچ نعتذر چـــي مااجيناچ
صارت والدرب ســـدوه يم عون
مـن فوگ السطوح الفشله زرناچ
،،
عمت عيني عليچ ام عون
عدلــه وميته مكســـــوره
هضيمه بنيــــــــت الزهره
وضريحــچ محــــد يزوره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خايــــف لاطويله السالفه تصير
ونتأخر وبـــــــــد مو مال تأخير
الگاعـد لربعينچ يحسب احساب
حگه ينهضم يــــم عـون ويحير
،،
اذا رحنــــــــــــه ولگينها
الحدود اعلينه مسدوده
اذا لا حـــــــــل ولاچاره
نرد بوجوهنــــه السوده
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا خدمــه بعــد لاصـــــــوت خدام
ضلمه الحضره چنها غروب الخيام
يم حسين كونـــــچ يخت الحسين
مـــــــو بالشام مايستاهــــل الشام
،،
شحلات الحضـره يازينب
من تتوســـــــــط اخوانچ
شحلات الخوه مــن تلتم
يزينب موش عدوانـــــچ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منا وانتهـت ماصـــــــــــدگ بهاي
يگلولي بعــــــــــد ماتمشي مشاي
لزينــــــــب مااروح شلون ياناس
خاف تگلي زينـــــب ليش ماجاي
،،
التعـــود عليها شلــــــون
يگطـــــع بيها ماترهـــــم
ينضــــــــم العشگ مرات
وعشگ ام عون ماينضم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور گعده
،،، غربة زينب،،،

https://youtu.be/CKXAf15nJrM?si=x1o3-Z55mxZog9_g

https://youtu.be/cAdnkaOb92U?si=wd9_Ltld8aPhYl8j

يبني يالاكبر يبني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي العساكــــر ياعلي جدامــــــــك تخيرها
مــن هسه تتراجف بــدت وتناوشت معبرها
لاتذبح المن هل ذبح بعيونك امشي اخزرها
شوف الزلم لو ماگضـــــت عاتبني ياميمرها
من هسه بسمك يحچون
چا مـــــــن تطبلها شلون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ذني الشگـــــــر كلهن الك والتعجب تخيلها
يالتلزم الماتنعـــــــدل بچفوفــــــك وتعدلها
طبالها يكبــــــــــــــر ياعلي متانينك اطبلها
اذبــــــــــح لحد ماتكتفي والزامطت فشلها
هــــــد وبعــــد ماوصيك
خل كربله اسولف بيــــك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
محتام اشوفــــك عالعرك وعيونك الواديها
هاويها اول مابــــدت يوليدي احس هاويها
كــــــــل ماأكلك يبني رد تگلي هدنيا اعليها
تگضيها خايف ياعلي شيضلي مــن تكضيها
يكبـــــــــر يملحي ولوني
يبني ويشــــــوف عيوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يمشيم ابــــوك وعمتك يالطگتك محسومه
ملزومه هاي وخلصت بچفوفــــك الملزومه
بالحومه ماضلت زلــم شمسوي چا بالحومه
يازلمه بالله بكربله مثــل ابني حلوه اعلومه
يكبــــــر يالمفحط الخيل
وگالـــــب نهار الطف ليل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،،، نزال للأكبر،،،،،

https://youtu.be/EuaSIZWKRxw?si=uBFC_RvoksMcpGG0

حي الله الحسين حي الله اخوته
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شـــــــــــدت حيود الهواشم حيلها
وره الرايـــــــه الحمره غارت خيلها
عليها طبو وين ابـو السيف المتين
والثگال الـــــــــــــه الثگال تشيلها
طبوها الزلم ستـــــر الله طبوها
وي ريح التهب خلگ الله ذروها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم هاشــــــم طلعو من خيامهم
الگاع رادت تنخسف بجـــــــدامهم
حيـــــــود طلعو عالطلابه معاندين
وابو فاضــــــــــل محترگ جدامهم
يامحله الگمر والرايــه بچفوفه
العركـه بكربله شوصلها للكوفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
روس وادي كربلـــــــه ودم نتـرس
وبيـــــــــع لو ينباع يشرون النفس
الهوه ضاع بكربله وگامـــــت تفور
وفرس يردم گـــــام ساعتها بفرس
محتاره وعلي بالشرده محتاره
عسكره نثلــم بزغاره وكـــــباره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ام عون صاحت حيهم اعله اخوانها
ركبــــــــــــــو البيض وثگل ميدانها
اخوان زينـــــــب عالعرك يتنافسون
ياهو الاكثـــــر يذبـــــــــح بجيمانها
حيهم حشمت بالحومــــه علويه
وبزود الگمر بذن الله مگضيـــــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
نزال

https://youtu.be/uAtsEobgBIQ?si=h9nnkV_jGNuOffpN

خويه يابو سكينه وينك
عميــــه عين الذابحينك
،،،،،،،،،،،،،،،،،،،،،،،،،،،،،،،،،،،،،،
وصلت الخيل الخيمنه وحيرة النسوان حيره
والتهضمك كلها غربه وماكو عــد الغرب غيره
حيل صاحــو علئ زينب زينب بلايــه عشيره
والچبيره تريد حيل حسين شيركض الچبيره
،،
گــــوم يوليــد امي گـــوم
مالي غيــــــرك كلشي راح
من طحت يحسين اشوف
گلبي بيــــن ضلوعي طاح
گوه اصيحك گمت گــــوه
الصوت راح مــن الصياح
،،
حل اريـــــد اليــــوم منك يبن ابوي
انه اخيتك مو غريبـــه وانته اخوي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منين اجيب الزلـــم بالله والزلم مذبوحـه كلها
والمره تريدلها والي اوالي ماضـــل مــن اهلها
صعبه وي الغربه نمشي حسين كونك تصفنلها
اخ ياعگدت فراگــــــــك شيبتني شلون احلها
،،،
ويــن اروحـــن حــرت وين
خويــــه منك حــــل اريـــد
عالركض مابيــــــه حيـــــل
والدربـــــــــك كلش بعيـــد
زلــــــــــــــم جدامي اوراي
وايدي مشدوده بحديـــــد
،،،
صعـــبه نمشي حسين صعبه مچتفات
وينه اوين المهازل احنه نسوه مدللات
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نمشي وي ذباح اهلنه وهاي كلش ماهي زينه
وعلي ياديره النطبها عيـــون خلگ الله علينه
والتهضمك كلها تنشد وينه چابو سكينه وينه
مو حنينه الناس ثاري عليك تنشد مـو حنينه
،،،
كلها تشمـــــــــــت يخـوي
وكلها وحدك تــــدري بيك
اليحبك خـــــــــل يلحگك
موش بس ينشـــــد عليك
وانته دربك مــــــــو بعيد
ليش چا محـــــــد يجيك
،،،
مايفيد النشـد منهم خويــه كلش مايفيد
وغير زينيب لاتصدگ واحد يحبك يحيد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مچتفات انام ونفز خويه مــــن يوم الخذونه
واحد يصيح علينه اواحـــــــــــد يشتم ببونه
تعبونه حسين خويـــــه وعلي كلش تعبونــــه
هاضعفنه حسين صرنه من التعب كلش گضونه
،،،
خاف نشرد خويـــه خاف
يكثر علينــــــــــه العذاب
ناس ترحم ماكــــــو ناس
هاي منها الگلبـي شــــاب
شوف ماضل عدي شوف
والحـزن فاتحــــــله باب
،،،
زين منـــي وعدلـــــــه يالمذبـــوح زين
انــــــــــــــه لازم موتي گبلك يالحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

https://youtu.be/adozissfJQ4?si=HPyo_e1HtF_Kg-cw

https://youtu.be/qOGg_5L3d3w?si=4WOHjQlfa4wRgsmU

علي وليدي
علي بويـــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تعلم اعله الشوغه گلبي گلبي ابـــــــد مامستراح
توني كبرتــك يالاكبر شلون اقنـــــــع روحي راح
انته شايف من اجوني وصاحو الحــگ علي طاح
صحت اخ واحس گلبي وگف يبني مــن الصياح
انه وانته بروح وحــده وگلب واحد
يبني بس تموت اموتن والله شاهـد
علئ الدنيا العفئ بعدك مـــــن گلتها
بگلـب يلهـب يبني موش بگلـب بارد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انه ماعولي تكبر واحســب حسابـــــــك وتاني
لاسنه ولا يوم يبني الك جنــت احسـب ثواني
انته ماشايف الوالد علئ بزره اشگــــــد يعاني
اشوه اذا بس ابني انته انته حسبت اخـو ثاني
حساب ابو فاضـــل يالاكبـر حاسبينك
ساعه اخونه وساعه ابنه نصيح وينك
حيرتني وعكس صوتـك كمت اروحن
تهطر اتهطر يالاكبـــــر شوف عيــــنك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لو اموتن لو تردلي غيرهن ماعـــــــــــــدي راي
مال اعوفك چـــــذب يبني دوم لاتحچيها هاي
تدري بالوادم يالاكبــــــــر تگعـــد تسولف وراي
چلمة العاف ابنــــــه تكتـــل خاف تنگال بگفاي
انــــه ماعايز يالاكبـــــــر حچي وادم
يحسب الكل چلمه ابوكــم يبني گايم
فراگكم ماخله شي تحبــــــــه روحي
فراگكم ماخله شـــــي بجسمي سالم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مثل للوادم يالاكبـــــر صرت من حزني عليك
اليفگد يگلوله بالك يصير مثــــل حسين بيك
يبني كـل ماگوم عنك يكضني گلبي وارد ليك
شما اشوفنها يالاكبر اليله اموت انه اعله اديك
مــــن كثر مابالي يمك كلشي ناسي
الخيمه والبالخيمه صدگ مو براسي
تگول انـــــــــه الميت وموش انتــه
يبني شو من بالي راحو حتئ ناسي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور گعده

https://youtu.be/KnCWSWlskUE?si=_g94q1AuAb4HHAOJ

اليوم حسين والعباس طبوها
عن الگاع شيـل الزلـم شالوها
،،،،،،،،،،،،،،،،،،،،،،،،،،،،،،،،،،،،،،،،،،،،،،
طبو ال هاشم والحرب شـــــدت
وخيل الاگـــــــت العباس ماردت
هدت لاچـــــن بيا حال من هدت
رجالـــه الزلــم صوبيـــــن ردوها
،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم شيوخ هاشم للحرب گعدو
لاطلبوش عطوه ولازلـــــــم ودو
صـــح ثنين لاچـــــــن كفو اوفو
گبل الماي روس الزلــــم جابوها
،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي ازلام كلفه ودوم ماتبـــــــرد
وين الحيــــد والبيه الضهر ينشد
اخوان ام عون للعياله حطو حـد
لاگوها برحابت صـــــــدر لاگوها
،،،،،،،،،،،،،،،،،،،،،،،،،،،،،،،،،،،،،،،،،،،،،
طلابه وال حيدر بيها متحزمين
للعباس نص ونص لخوه حسين
من العدلين صارو اكثـر الميتين
كل جيمه بكتـــــر ياناس خلوها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم الخيل تركض والزلم تركض
والعباس شايـــــل بيرغه ويفرض
ياصوب اليطبه الموت بي يعرض
صفوها النشامـــــه بساع صفوها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
نزال
من ارشيف محرم

يافاطمه يافاطمه
،،،،،،،،،،،،،،،،،،،،،،،،،،،،،،،،،،،،،،،،،،
شخليتي بيـه بطيحتـچ هاي
اگعــــد وگومن كاض مگفاي
يم بيتي گلبي عليـچ ممرود
سويها لله وگـــــــومي وياي
،،
گومــي ياعزي ودلالي گومي گلبي عليج راح
علي اذا مــو انتي يمه بعــــــد ليمت يستراح
،،
چا هاي تاليها المحنه
تخلينه وترحيــن عنه
،،،،،،،،،،،،،،،،،،،،،،،،،،،،،،،،،،،،،،،،،،
شيكضله گلبه الگلبه محتام
ماعنده غيـــــر يخلي وينام
چاغير كــــون بنومه يرتاح
كـــل ماينام تگعده الاحلام
،،
انه ماتعبان انه انه اصــــــلآ ارد امــــــــــوت
انه من گـــــــد المتانه ريجي ابلعه ومايفوت
،،
كومــي ياشلعان گلبي
گومي مو تيهت دربي
،،،،،،،،،،،،،،،،،،،،،،،،،،،،،،،،،،،،،،،،،،
من گلبي رحتي الحـدر التراب
وخليتي گلبي اعليــــچ عطاب
يالزهره هجرج عافيـــــه يريد
وعافيتي اخذها الضلع والباب
،،
علي التنخاه الوادم علي بالگــــــــــوه يگوم
اعليچ ما ساكتله ساعـــه علي مانايمله يوم
،،
علي يالزهــره تعــــذب
علي ليـــل انهار ينحب
،،،،،،،،،،،،،،،،،،،،،،،،،،،،،،،،،،،،،،،،،،،،
ياحيلي ماضــل حيل بجفاچ
كـــــــــل الأحبهن ماتن وياچ
سويلي چاره الروحي لاموت
الكلشي انه گادر الـــه فرگاچ
،،
حيل ماضل للبواچي والبواچي تريــــد حيل
صبح مامر اعله عيني كلشي صار بعيني ليل
،،
انتي رحتي وراح كلشي
وگمــت باليادوب امشي
،،،،،،،،،،،،،،،،،،،،،،،،،،،،،،،،،،،،،،،،،،،،،
انكسار ابالحسن ع
،، مصطفئ الصالحي،،

https://youtu.be/gB80a20Z7AM?si=kDNEaDcf4nb2dOuR

سنيني ضلمه بگلبي هضمه
يمـــــه يمــــه
،،،،،،،،،،،،،،،،،،،،،،،،،،،،،،،،،،،،،،،،،،
يمه حاچيني يم گلب الحنين عفتيني وين وحدي ردي
يمه هذا انه التحبينه حيـــل مابيــه حيل خلص حيلي
،،
ييمه الفرگـــــــــــه ماترحم
عليـــــــــچ الموت مايرهـم
مشيتي وكلشي صار اضلم
علينه،،
،،
اگعدي الموت مو گـــــدچ
بعدنه اشفنه من عــــــدچ
اذا رحتي منــــــــو يردچ
لدينه،،
فدوه اگعدي وليـــه ردي
يمــــه يمــــه
،،،،،،،،،،،،،،،،،،،،،،،،،،،،،،،،،،،،،،،
گومي يايمه لامــــوتن وراچ يألمانساچ گلبي وروحي
گومي يايمه خليني استراح مو گلبي راح شيب گلبي
،،
اعيش بلايـــه ام صعبــــه
احس روحي وسـط غربـه
التروح امه چــــــذب گلبه
يعينه،،
،،
منــــــو يعوض حنان امي
الچانت كل وكــــــت يمي
الچانـــت تمشي وي دمي
الحنينه،،
عني راحــــــت وستراحت
يمـــه يمــه
،،،،،،،،،،،،،،،،،،،،،،،،،،،،،،،،،،،،،،،،،،
وينچ كل مايجيني اليل اصيح اوگف وطيح هدني فراكچ
وينچ ياوحشة البيت بجفاچ الموت الخذاچ شسوه بحالي
،،
الهجـــــــر ماينحمل بلوه
ييمه الدنيا مـــــــو حلوه
بدونـــــچ كلشي مايسوه
عمرنه،،
،،
يبعد العافيـــــــه شلونچ
هلچ والبيت يردونــــــچ
ييمه وداعــــــت عيونچ
تعبنه،،
روحي ملت وعيني نشفت
يمــــه يمــــه
،،،،،،،،،،،،،،،،،،،،،،،،،،،،،،،،،،،،،،،،
اليله يايمه دم تبجي السمه يافطمه وحيــدر ينحب
اليله مافارگ البيت الحزن كلها تون راحــــــت امنه
،،
اليله بكـــل گلب حسره
وحيـــدر منحني ضهره
يايمه منــــــــــو يصبره
عالغياب،،
،،
فراگ الغالــــي عالغالي
يكتـــــل يمــــــه لتالي
شوفي شســوه بحالي
هل امصاب،،
بينه ارحمي وگومي يمي
يمــه يمــــه
،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،، لسان الحسين،،،ع

يازهراء
يازهراء
،،،،،،،،،،،،،،،،،،،،،،،
فاطمه يعنـــي بكاء ويعنـــــــي عـزاء
فاطمه يعني اميـــــــــــرة رب السماء
فاطمه الدنـــيا بكبــرها بســـدها تلوذ
فاطمه هيه الحبيبه وخيـــــــر النساء
يــم المحنــه وگلب الوسيع
انتي الشفيعه وام الشفيــع
انتي الرساله البيد الله دوم
دمــــچ كتبها ودم الرضيــع
ا يالغريبـــــه ا يالحبيبــــــه ا يالعليـــــــج الدنيا تنوح
فراگچ لچمنه فراگچ هضمنه فراگچ جرح وسط الروح
،،،،،،،،،،،،،،،،،،،،،،،،،،،،،،،،،،،،،،،،،،،،
ياعلي هيـــــه جرحنـــه وهيه الطبيب
ياعلي هيـــــه الدعاء وهيـــه المجيب
ياعلي كاســــــر گفاك فراگ البتـــــول
ياعلي اليـوم الحبيـــب مفارگ حبيب
اعضم مصيبــه تمر اعليـك
حين الشفتها تحشم بيـــك
عازتـــه عازه الزهـره شلون
من تمشي عنــــك وتخليك
التلچم يحيدر والتوجع اكثــر تدفنـها بيــدك يالكرار
الدوم بأمانك تحفة زمانك وحشه بجفاها عليك الدار
،،،،،،،،،،،،،،،،،،،،،،،،،،،،،،،،،،،،،،،،،،،،،
موحشه الدنيـا بجفاچ وكلها تنــــــــوح
موحشه ويبچي الحسين بحس مبحوح
موحشه ولبست سواد ام عون اعليـــچ
موحشه ماعدها غيـــــــــرچ وين تروح
حيره يفاطــــــم راح تحير
ونفس المصيبه وياها تصير
بطرگ اليتامه وماكو معين
بكل البلاد ام عـــــون ادير
زينب وحيده وديره بعيده تطلع سبيه بلايه اخوان
مذبوحه اهلها بالحومه كلها وهيه الكفيله بهل نسوان
،،،،،،،،،،،،،،،،،،،،،،،،،،،،،،،،،،،،،،،،،،،
يحترگ گلبي مـن اجيبن طاري الباب
يحترگ بيتچ هضيمه بلايــــه اسباب
يحترگ كون التعـــــــده اعله الزهراء
يحترگ كــــون الخبيـث ابن الخطاب
الماجاسه گلبه وجاب النار
الهد اعله بيـت وكله ازغار
الماعنده غيره ومابي خير
الخلاها تبچي من البسمار
النزل دمعها الكاســـــــر ضلعها الذب حيله كله عليها وراح
الطگها اعله خدها اليتم ولدها المنگد دفعته المحسن طاح
،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،، شور وگفه

https://youtu.be/EYIBUEGMTtI?si=Yu1AOAMyskR2djoJ

هلي انه زينب
هلي انه زينب
،،،،،،،،،،،،،،،،،،،،،،،
راح ياهلي راح  عني الچان احــــــب كلشي اعله موده
طاح گلبي من طاح وصارت الدنيا احس بعيوني سوده
،،راح،،
گلبــــي ممرود والفراگ هلـــــي موتني
بغربـه والشـوگ للحسين صـدگ شيبني
وشـــوگ العزاز للعزاز ابـــد مايرحـــــم
شويـه اذا اگـــول عالفراگ هلي عذبني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وين چابعد وين تلگه العيون بشـــر بي مـــــــــن حنانه
وين أيسي ياعيـــــن مثله هيهات يجي ويملي مكانـــه
،،وين،،
حتئ الاحلام بطت بي عجب يا عيني
الاقرب الناس الي هواي احس ناسيني
تعمه العيـــــــون اذا غاب عليها الغالي
وتگضـــــي بالأه والأحاه وراه سنيني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كون بيه تدرون وحدي ضليت هلي ومكسـوره خاطر
شلون ياهلي شلون عنـــــه التروح هله مايبقـه حايـر
،،كون،،
يادوه الروح والجروح يراحــت بالي
بسكــــم فراگ يالبعاد ورحمو بحالي
گلبي محتام والعيـون عليكم شبحه
وكت الغروب ياالحنان تجـون گبالي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيل مابقه حيل حيلي خلصان ترئ كلــه اعله اخوتي
اليل من يجي اليل تبدي الالام وضـــــــل اتمنه موتي
،،اليل،،
ياهلي الشام والفراگ خذن نص عمري
ونوم الحسين عالتراب كسرلي ضهري
شنســه والنار بالخيام لهســـــــه ابالي
ياهالي ام عون بلاعون منـو المايدري
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

https://youtu.be/9yNSZn_sUD4?si=llSvZQeE8Uq7U-e6

اليوم مكسور الضهر
علئ ابــــوه المنتظر
،،،،،،،،،،،،،،،،،،،،،،،،،،،،،،،
اليوم ابو صالــــح يـــــون وبگلبه نار
علئ راعــــــــــــــي الثار زاد الثار ثار
نمرد گلــــــــــب المنتــظر بالأنتــضار
ساعه كــــون اليبچي مـــو ليل ونهار
من الحزن گلبه نفطر
علئ ابـــــوه المنتظر
،،،،،،،،،،،،،،،،،،،،،،،،،،،،،،،،،
اليوم دم يبچي الحبيب اعله الحبيب
وعلي ياجرح الحسن مالــــــه طبيب
زغير بعــــــده المنتظر ونترس شيب
يعينــــك الله بدنيتــــك مالك نصيب
بشـــر مثلك ماصبــر
علئ ابـــــوه المنتظر
،،،،،،،،،،،،،،،،،،،،،،،،،،،،،،،،
شثگله يافگــــــد الحسن لبن الحسن
وهـــوه تـــــوه العمته عيونــــه عمن
شينسه ضلع الزهره لـو سبي الضعن
وعلي يألبألمهدي ابــــــــــــد ماينسن
حگه لو ضهره نكسر
علئ ابــــوه المنتظر
،،،،،،،،،،،،،،،،،،،،،،،،،،،،،،،،
شحاله هســـــه المنتظر ماندري بي
ياهــــــو اليواسيه ويهـــــــون عليه
ياهو هســـه مــن الطــــم لازم اديه
ياهو يمســح دمعته ويبچي البچيه
الغربته تبچي الحجر
علئ ابـــــوه المنتظر
،،،،،،،،،،،،،،،،،،،،،،،،،،،،،،،،
دمع لاضل عده لاضــــــل بي حيل
خلصن دمعاته عالسحگتــــه الخيل
المهدي فوگ الويل زاد اعليه الويل
ضهر عاشر خله كــــل ايامــــه ليل
موش يوم ولاشهر
علئ ابــوه المنتظر
،،،،،،،،،،،،،،،،،،،،،،،،،،،،،،،
قصيدة استعراضيه
سهادة الحسن العسكري

علي الاكبر ياعلي
علي الاكبر ياعلي
،،،،،،،،،،،،،،،،،،،،،،،،،،،،،،،،،،،،،
لا لهاشـــــــم طلــع زلمه
محترگ عالحرب دمــــه
الاكــــــبر يسمونه
الگاع ماشالـــــت مهرته
تذبــــــــح الزلمه خزرته
تگول سيف عيونه
هاشمي ومن ضهر ساده
ومايعارك الــــــــــه قاده
السمه تلوح متونه
،،
زلمه ومبچي الزلم بفعاله
ابن ابوه البالحرب يدناله
،،،،،،،،،،،،،،،،،،،،،،،،،،،،،،،،،،،،،،
الاكبــــر واسمه شحلاته
حلو بس مــــر عالشماته
گمــــــر وملثمينـه
تسولف الدنيا بجمالـــــه
الشمس تبرد يـــم خياله
هلال حاجب عينه
خلف ومامات حيــــــدر
كل صفاتــه بعلي الاكبـر
هل علي مسمينه
،،
دخيله محد بالحرب يگدرله
يموت مــن خزراته اليوصله
،،،،،،،،،،،،،،،،،،،،،،،،،،،،،،،،،،،،،،،،،،،،،
مايقل عــــن ابــو فاضل
گمر ثاني اليــــــوم نازل
عوزه بس الرايـــــه
علي ثلثينـــــه اعله عمه
نفس طبعه ونفس عزمه
يحـــــب المسنايـــه
ابن شيـــــــخ العام طبها
والزلــــــــم ضمت ارگبها
وهاي موش حچايه
،،
منه ماضلت زلــم بالحومه
وصلت الاخر الدنيا علومه
،،،،،،،،،،،،،،،،،،،،،،،،،،،،،،،،،،،،،،،،،،
ابــــــــن الحسين وتحزم
گلب لــون الگاع بالــــدم
والزلــــــم بچاها
بعينه محد گــــدر يوگف
بكيفه صار الموت بالطف
علي مـــن طباها
ماكو واحـــــد طلع حسه
الگاع تحچي الزلم خرسه
ابن الفحل خلاها
،،
الزلم كفت لو ذبح لو شارده
غيــر المتيها الدرب والابـده
،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،، مراجل الاكبر،،

https://youtu.be/RKI5-FpLnqs?si=rW0pKfo1Iy4LHWhO

https://youtu.be/R8RY6Daamqs?si=CSXhbaahIx4-o8om

https://youtu.be/CwhWP7_yMYU?si=3_8YAfjBGUDn_-Wx

التواصل فقط انستا 👆 الي الشرف بكل الخدام زغير وچبير

https://www.instagram.com/mustafa_alsalehi?utm_source=qr&igsh=NGVyODV3d3puZXN6

https://youtu.be/lW5me6pPTL8?si=5PkO-n0GVu6zV6xj

https://youtu.be/X5vALUIa10c?si=GfRf_jokO8ImyGFB

السلام علئ القمر
السلام علئ القمر
،،،،،،،،،،،،،،،،،،،،،،،،،،،،،،،،
الگمر گام شــــــــد اللثام نوره عابــــر كــل الخيام
بيده فقار عالحرب غار  للحرب حيـــل گلبه محتام
طب اخو حسين طرها نصين والعساكر ردها للشام
قمر الكـــون تخفئ قمر الطف ضهر
غاضباً والله اعلم ما ورئ هذا القمر
قلبهو قلب علياً صوتهو رعد السماء
عارماً والقومُ ضنـو انهو وادي سقر
بيــرغ اعله الماي رفرف
والزلـم طرها صف صف
شايل الرايــه ابو فاضل
موت چنــه وجاي للطف
،،،،،،،،،،،،،،،،،،،،،،،،،،،،،،،،،،،،،
ماكو خيال ماكو عيال ماكو واحــــــد شافه ماخاف
گلبه مالان مـــــو حچي السان من اگولن ذابح الاف
بيده اليطيح دخيلك يصيح زلمه مثله بعمره ماشاف
قلــــب الطـف عليهم وعليهم لايلين
كل ماصاح بصوتاً فرو منهو خائفين
انهو ابـــــــــن علياً وعلياً فيهي كان
بين كفيهي حساماً لأميــر المؤمنين
سيفه مـــن الروس ناگع
والاف راس براس فادع
اليعرض العباس بالطف
هذا مــــن لاراس راجع
،،،،،،،،،،،،،،،،،،،،،،،،،،،،،،،،،،،،،،
شما يصيرون هـــــم يخلصون لبو فاضــل مايگدرون
اطيني فرسان اطيني شجعان بسمه تسمع مايشردون
ياهو يدناه والله وياه الزلمه يوصل يم اخـــو ام عون
يضرب الاعداء ضرباً بحسـاماً قاطعاً
وعلئ روس الآعادي بشمـوخاً واقفاً
كادت الارواحو تزهق حيـــــــن غار
كعلياً بــــــــــل علياً دون شكاً غائراً
كربله مــن الروس غصت
والزلـم صوبيـــن خنست
اليحچي جدام ابو فاضل
گول روحـه بساع طلعت
،،،،،،،،،،،،،،،،،،،،،،،،،،،،،،،،،،،،،،،،
كربله اليوم وباچر ودوم يبقئ شايـــخ بيها عباس
راعي الثگال للأبد ضال عنــه تحچي الناس للناس
سيد الگوم وحلو العلوم ماكــو غيرك تاج عالراس
بيد الله يديهي عزهــــــو الله وجـــــل
عـــــدد الأنفاس فيهم يوم عاشورِ قتل
اضلم الطف عليهم اصبح الطف جحيم
كيف لا يضلمو فيهم وابالفضــــــل نزل
شايخ اعله الزلم شايخ
هلا ياشيــــخ المشايخ
هلا يالتسبــج اعلومك
جبل چنك جبل شامخ
،،،،،،،،،،،،،،،،،،،،،،،،،،،،،،،،،،،،،،
شور وگفه
مصطفئ الصالحي

https://youtu.be/S-c7IVRrUGc?si=V-kEuIYD8QXEEbCS

يارقيه يارقيه

مامقسوم أيخلص عمري
أگبال اعيونج مامقسوم
مامقسوم وظلت ساعه
يبنيتي وتوليني الگوم
عينج من عمتج يزغيره
خاف ادور اعليج اتگوم
مثل الطيره باجر زينب
يم الراس اضل اتحوم
باجر وشثگلك ياباجر
باجر مايشبه اي يوم

باجر أفراگ والدموع تصير ابكثره
باجر الخيل عزيزج تطشر صدره
جلمة البويه باجر بواجي وياهه
المات يرتاح واليضل تموته الذكره

ذكرياتج كلها حلوه      بويه لاتبجين فدوه

ياروحي رقيه     ياروحي رقيه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بويه النار التبقه بگلبي
اكثر من نار البالخيمه
انتي الباجر يطلع ضيمج
وآنه التطلع روحه وضيمه
ال خيل العميه هم تسحگني
گدما أتوزع بالهيمه
هواي اعيون الباجر تمطر
وماتجزي اضل هاي الغيمه
ابيا روحي وياج اتلاگه
وراح ايلاگونج بيتيمه

أدري يآذي او يتعب اليتم طاريه
ويهظم اكثر اذا مر يتم ببنيه
انه مو هاي يبنتي الإحسب بيها
باجر اشكال تسمعين اذا مسبيه

وفوگ كل هاي الطلابه       النومه باجر بالخرابه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
شويه شويه وي اعيونج
مايصلح باجر تعميهن
بيش تفيدج بالله ادموعج
مذبوح المن خلصتيهن
عن الترجيات احجيلي
خو ما جرو اذنج بيهن
شتنفع مات البذنج يهمس
مايسوون بويه تخليهن
الراد يسلبج ليمد جفه
من وحدج بويه انتي انطيهن

بلكي عنج يبنتي يخفف ظلمه
رحمه ماكو وأخافن يزيدج هظمه
ايسي بيهم تلاگين زلم تتعاتب
وهو يا زلمه هذا اليعذب حرمه

ايسي ماتلگين زلمه       اعليجن اليحترگ دمه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
شرد احجيلج محتار آنه
وتحير اكثر بيش ابديلج
آنه الظهر اتفرهد باجر
وأنتي التحتارين ابليلج
امنطيحين اتعذر منج
ماعندي اجفوف الي تشيلج
وينج وين اركاض الهيمه
بساع بساع يخلص حيلج
يمج بالي وبالج يمي
تبجين اعليه آنه أبجيلج ؟

كلمن ابراسه شايل سوالف صعبه
واحد يموت والآخر يعيش ابغربه
الگلبي مافات عزيز بحياتي اخلافج
وباجر اسهام عزيزج تفوت ابگلبه

باجر الله يعين گلبي         منه لتطيحين جلبي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
هاي الجثه اتمثل بيها
شلون اگبالج من تنگال
الخلص عمره ابجفه يشيلج
كدامج برماح انشال
بس الدم ايصبح فوگي
اعليه اتراب اولاينهال
اعله اعيوني كثري ابشوفج
راح تشوفين انتي اشكال
خل عينج بويه بعين الله
لازم ترضين بهل حال

اعلينه مكتوبه لازم يصير افراگنه
وحده الله يبويه اليعاين حالنه
توج ازغيره والشوگ عليج هوايه
ياهو حاسبها خيل التطشر احلامنه

حلمج المايكضي باجر اتوذر اتوذره الحوافر
,,,,,,,,,,,,,,,,,,,,,,,
الشاعر سجاد حازم

https://youtu.be/77UPokK39BU?si=AiuLk-E8t3FIDaBc

https://youtu.be/S-c7IVRrUGc?si=FWqOjKASWyfh4S8k

هلي انه زينب
هلي انه زينب
،،،،،،،،،،،،،،،،،،،،،،،
راح ياهلي راح  عني الچان احــــــب كلشي اعله موده
طاح گلبي من طاح وصارت الدنيا احس بعيوني سوده
،،راح،،
گلبــــي ممرود والفراگ هلـــــي موتني
بغربـه والشـوگ للحسين صـدگ شيبني
وشـــوگ العزاز للعزاز ابـــد مايرحـــــم
شويـه اذا اگـــول عالفراگ هلي عذبني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وين چابعد وين تلگه العيون بشـــر بي مـــــــــن حنانه
وين أيسي ياعيـــــن مثله هيهات يجي ويملي مكانـــه
،،وين،،
حتئ الاحلام بطت بي عجب يا عيني
الاقرب الناس الي هواي احس ناسيني
تعمه العيـــــــون اذا غاب عليها الغالي
وتگضـــــي بالأه والأحاه وراه سنيني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كون بيه تدرون وحدي ضليت هلي ومكسـوره خاطر
شلون ياهلي شلون عنـــــه التروح هله مايبقـه حايـر
،،كون،،
يادوه الروح والجروح يراحــت بالي
بسكــــم فراگ يالبعاد ورحمو بحالي
گلبي محتام والعيـون عليكم شبحه
وكت الغروب ياالحنان تجـون گبالي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيل مابقه حيل حيلي خلصان ترئ كلــه اعله اخوتي
اليل من يجي اليل تبدي الالام وضـــــــل اتمنه موتي
،،اليل،،
ياهلي الشام والفراگ خذن نص عمري
ونوم الحسين عالتراب كسرلي ضهري
شنســه والنار بالخيام لهســـــــه ابالي
ياهالي ام عون بلاعون منـو المايدري
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي