နန်းမိုဇင်ဖူး

MNDAA ခေါင်းဆောင်နှင့် ဝ ဒုစစ်ဦးစီးချုပ်ကို တရုတ်ဖမ်းပြီး တော်လှန်ရေးအင်အားစုများကို အကြပ်ကိုင်

https://www.facebook.com/share/1ShauitAC1/

MNDAA ခေါင်းဆောင်နှင့် ဝ ဒုစစ်ဦးစီးချုပ်ကို တရုတ်ဖမ်းပြီး တော်လှန်ရေးအင်အားစုများကို အကြပ်ကိုင်

နိုဝင်ဘာ ၁၈ ရက်

လားရှိုးမြို့အား စစ်ကောင်စီကိုပြန်ပေးအပ်ရန် MNDAAအား ဖိအားပေးနေသည့်တရုတ်အစိုးရက MNDAA ခေါင်းဆောင်ဖုန်တာရွှင် နှင့် ဝ” ပြည် သွေးစည်းညီညွတ်ရေးတပ်မတော် (UWSA) ဒုတိယစစ်ဦးစီးချုပ်ပေါက်ကျွင်းဖုန်းအားနေအိမ်
အကျယ်ချုပ်ဖြင့် ဖမ်းဆီထားကြောင်း People's Spring၏ သတင်းရင်းမြစ်အချို့က ပြောသည်။

"ပေါက်ကျွင်းဖုန်းကို ပြီးခဲ့တဲ့အောက်တိုဘာလ ၂ရက်က ဖမ်းဆီးခဲ့တယ်။ ဖုန်းတာရွှင်ကိုတော့ အောက်တိုဘာလကုန်ပိုင်းမှာ ပြန်မလွှတ်ဘဲ နေအိမ်အကျယ်ချုပ်လုပ်လိုက်တယ်။ တရုတ်က အစွမ်းကုန် ယုတ်မာမဲ့ သဘောရှိတယ်"ဟု UWSA၊MNDAA၊ တရုတ် ရွှေလီအုပ်ချုပ်ရေးပိုင်းနှင့် နီးစပ်​သောသတင်ရင်းမြစ်တဦးက ပြောသည်။

UWSAဒုတိယစစ်ဦးစီးချုပ်ပေါက်ကျွင်းဖုန်းအား ဖမ်းဆီးခဲ့ရာတွင် ကျားဖြန့်လုပ်ငန်းများကြောင့်ဟု တရုတ်ကအကြောင်းပြထားသော်လည်း အမှန်တကယ်တွင် ၁၀၂၇ စစ်ဆင်ရေးအတွင်း မြောက်ပိုင်းမဟာမိတ်ညီ​နောင် သုံးဖွဲ့အား UWSAက ကူ
ညီနေသည်ဟုတရုတ်ကစွပ်စွဲကာ ဖမ်းဆီးပြီး အကူအညီရပ်ရန် ဖိအားပေး​နေခြင်းဖြစ်​ကြောင်း သတင်းရင်းမြစ်အချို့က​ပြောသည်။

ပေါက်ကျွင်းဖုန်းမှာ UWSAခေါင်းဆောင် ပေါက်ယိုချန်၏ညီ ပေါက်ယိုလျန်၏သားဖြစ်သည်။ ၂၀၂၃ခုနှစ် ဩဂုတ်လတွင် UWSA ၏ ဒုတိယစစ်ဦးစီးချုပ်ဖြစ်လာခဲ့သည်။ ၎င်းအား တရုတ်က ဖမ်းဆီးထိန်းသိမ်းထားမှုကို UWSAကိုယ်တိုင်က နှုတ်ဆိတ်နေသည်။ ​ပေါက်ကျွင်းဖုန်းဖမ်းဆီးခံထားရမှုနှင့်ပတ်သက်၍ UWSA ထံ ဆက်သွယ်မေးမြန်းနိုင်ရန် People's Spring ကကြိုးစား​နေဆဲဖြစ်သည်။

အသက် ၅၉ နှစ်အရွယ်ဖုန်တာရွှင်သည် မြန်မာအ
မျိုးသားဒီမိုကရက်တစ်တပ်မတော် (MNDAA)
တည်ထောင်သူ ဖုန်ကြားရှင်၏ သားဖြစ်သည်။၁၀၂၇ စစ်ဆင်​ရေးပထမပိုင်း MNDAA ​ခေါင်း​ဆောင် ဖုန်တာရွှင်ကို တရုတ် လူမှုကွန် ယက် မီဒီယာများ နှင့် တရုတ်မီဒီယာအချို့တွင်ပင် ထုတ်​ဖော်ချီးကျူး​ရေးသားခဲ့ကြသည်။သို့​သော် ​​တော်လှန်​ရေးအင်အားစုများ၏ ထိုးစစ်အရှိန်မြင့်တက်လာပြီး စစ်​ကောင်စီ ပြုတ်ကျ​တော့မည့်အ​ခြေအ​နေကြုံလာ​သောအခါ စစ်အုပ်စုပြုတ်ကျရန် မလိုလားသည့် တရုတ်အစိုးရက ကိုးကန့်​ခေါင်း​ဆောင်ကို လားရှိုးမြို့ပြန်မ​ပေးသည့်အတွက် ခြိမ်း​ခြောက်ရာမှတဆင့် ဖမ်းဆီးထားခြင်းဖြစ်သည်။

ဖုန်တာရွှင်ကို တရုတ်ကထိန်းသိမ်းထားသော်
လည်းကျန်MNDAAခေါင်းဆောင်များကတရုတ်
၏ခြိမ်းခြောက်မှုကို အာခံတုံ့ပြန်နိုင်ကြောင်း သုံးသပ်မှုများရှိနေသည်။

" လားရှိုးကို ပြန်မပေးနိုင်ဘူးလို့သူတို့( MNDAA)
သဘောထားရှိတယ်။MNDAA အမာလိုင်းက အားကောင်းနေတယ်" ဟု People's Spring ၏ သတင်းရင်းမြစ်ကပြောသည်။

ဖုန်တာရွှင်အား တရုတ်ကနေအိမ်အကျယ်ချုပ်ဖြင့်ဖမ်းဆီးထားမှုကို ပထမဆုံးသတင်းဖော်ပြထားသည့် Myanmar Now သတင်းဌာနတွင်လည်း စစ်ကောင်စီအားတော်လှန်နေသည့် ထိပ်တန်းတော်လှန်ရေးအကြီးအကဲတစ်ဦးအား ကိုးကား၍
“ဖုန်တာရွှင်ကတော့ သူအသေခံလိုက်မယ် လားရှိုးကမဆုတ်ဖို့ ပြောထားတယ်”ဟု ပြောဆိုကြောင်း ရေးသားဖော်ပြထားသည်။

ကိုးကန့်ခေါင်းဆောင်ဖမ်းဆီးခံထားရသည်ဆိုသည်နှင့်ပတ်သက်ပြီး MNDAAထံ ဆက်သွယ်မေးမြန်းထားဆဲဖြစ်သည်။

တရုတ်က မြောက်ပိုင်းမဟာမိတ်သုံးဖွဲ့အား စစ်ကောင်စီအားတိုက်ခိုက်မှုများရပ်တန့်ရန်၊ MNDAAအနေဖြင့် လားရှိုးမြို့အား စစ်ကောင်စီထံပြန်ပေးရန်၊ NUG ၊PDFများနှင့် အဆက်အ
သွယ်မလုပ်ရန် ခြိမ်းခြောက်ထားသည်။ စစ်​ကောင်စီကို မတိုက်ရန် ဖိအား​ပေးသည့် အ​နေနှင့် မြောက်ပိုင်းမဟာမိတ်သုံးဖွဲ့ထိန်းချုပ်ထားသည့် ရှမ်းပြည်နယ်မြောက်ပိုင်းသို့ ရိက္ခာဝင်ရောက်မှုလမ်း ကြောင်းများကို တရုတ်နှင့်စစ်ကောင်စီက ဖြတ်တောက်ထားသည်။ အထူးသဖြင့် MNDAA ထိန်းချုပ်​ဒေသများသို့ စားနပ်ရိက္ခာ၊​ဆေးဝါးနှင့် လက်နက်ခဲယမ်း၊​လောင်စာစီ စသဖြင့်မည်သည့် အရာမျှမဝင်​ရောက်​စေရန် ကိုးကန့်​ဒေသရှိ ဂိတ်များတွင်ပင် တရုတ်​ထောက်လှမ်း​ရေးက​စောင့်
ကြည့်​နေ​ကြောင်းလည်းစုံစမ်းသိရသည်။

စစ်ကောင်စီခေါင်းဆောင်သည် တရုတ်နိုင်ငံသို့ နိုဝင်ဘာလ၅ရက်မှ ၁၀ရက်နေ့အထိ သွားရောက်ခဲ့ပြီး ပြန်ရောက်လာပြီးနောက် မြောက်ပိုင်းမှာသုံးဖွဲ့ထိန်းချုပ်ထားသည့်မြို့များ၊ တိုက်ခိုက်နေဆဲမြို့များကို နေ့စဉ် ဗုံးကြဲတိုက်ခိုက်နေသည်။

"လူကြီးလူကောင်းမဆန်တဲ့ တရုတ်နိုင်ငံရဲ့ အပြု
အမူတွေဟာ မြန်မာပြည်တွင်းရေးကို ကိုယ်ထိလက်ရောက် ပါဝင်သင့်တာထက် လွန်ကျူးလာနေပြီ ။မကြာခင်မှာ မြန်မာပြည်သူလူထု တရပ်လုံးနဲ့ တရုတ်နိုင်ငံ ထိပ်တိုက်တွေ့လာရနိုင်တယ်" ဟု ပြည်သူ့ကာကွယ်ရေးတပ်မတော်(မန္တ​လေး) မှစစ်ဦးစီးအဖွဲ့ဝင် ဒေါက်တာစိုးသူရ‌ဇော်က ၎င်း၏လူမှုကွန်ရက်စာမျက်နှာတွင် ယနေ့(နိုဝင်ဘာ ၁၈ ရက်)ညနေပိုင်း၌ ရေးသားထားသည်။

(MNDAA ​ခေါင်း​ဆောင်ဖုန်တာရွှင် နှင့် UWSA
ဒုတိယစစ်ဦးစီးချုပ်ပေါက်ကျွင်းဖုန်း။
ဓါတ်ပုံ-MNDAA ၊ UWSA)
People's Spring

ငါးမင်းဆွေကို လှိုင်ရဲစခန်း အချုပ်ကနေ ၈ မိုင်က စရဖ စစ်ကြောရေးကို ပို့လိုက်ပြီး ဝိုင်းဘေကြတာ လူရုပ်တောင် မထွက်တော့ဘူးလို့ ရန်ကုန်တိုင်း ရဲသတင်းရင်းမြစ်က ဖော်ကောင် လုပ်ထားပါတယ်..

ခွေးပုရဲ့ ကျွန်သပေါက်တွေ အချင်းချင်းပေါ်မှာ လက်ရဲဇက်ရဲ ရှိချက်ကတော့ ကမ်းကုန်ပဲ..

ဒါတွေ သဘောပေါက်သွားလို့လဲ ကျွန်စိုးဦးက အရင်လို တူဝေဝေ မလုပ်ရဲတော့ပဲ စစ်ခွေးတွေ အသေကြမ်းတဲ့ရက် ဆိုရင် သတင်းနားပါတယ် ဆိုပြီး ခြင်ထောင်ထဲမှာ ခွေးပုန်းဝက်ပုန်း ခွေပုန်းနေရှာတော့တာ..

စာကလေးခေါင်းရဲ့ ကျွန်ပါးဗျူဟာ အသစ်တွေပေါ့လေ..

အ..ဟစ်..ဟစ်.. 🤣

#4C_TruthNews

ရန်ကုန်လေဆိပ်တွင် PV နိုင်ငံကူးလက်မှတ်ဖြင့် ပြည်ပထွက်မည့် လူငယ်တချို့၏ မိုဘိုင်းလ်ဖုန်းများ စစ်ဆေးခံရပြီး မိသားစုကို နှုတ်ဆက်ကန်တော့နေသည့် ဓာတ်ပုံပါသည်ဟုဆိုကာ လေယာဉ်ပေါ် တက်ခွင့်မပေး ၊ ပထမဆုံးအကြိမ် ပြည်ပထွက်မည့် လူငယ် အများစုကို မြန်မာနိုင်ငံမှ ထွက်ခွင့်မပြု

ရန်ကုန်၊ နိုဝင်ဘာ ၁၇

ရန်ကုန်အပြည်ပြည်ဆိုင်ရာ လေဆိပ်တွင် အလည်အပတ် PV နိုင်ငံကူးလက် မှတ်ဖြင့် ပြည်ပထွက်မည့် လူငယ်တချို့၏ မိုဘိုင်းလ်ဖုန်းများကို စစ်ကောင်စီလက်အောက်ခံ စစ်ဆေးရေးအဖွဲ့တချို့က စစ်ဆေးပြီးနောက် မိသားစုကို နှုတ် ဆက်ကန်တော့နေသည့်ဓာတ်ပုံပါသည်ဟုဆိုကာ လေယာဉ်ပေါ် တက်ခွင့်မပေးဘဲ လေဆိပ်မှ ပြန်လွှတ်လိုက်ကြောင်း ပြန်လွှတ်ခံရသည့် လူငယ်အမျိုးသားတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

ယမန်နေ့ နိုဝင်ဘာလ ၁၆ ရက်နေ့ နံနက် ၆ နာရီအချိန်မြန်မာ အပြည်ပြည်ဆိုင်ရာ လေကြောင်းလိုင်း MAI လေယာဉ် ၊ လေယာဉ်ခရီးစဉ်အမှတ် 8M 364 ဖြင့် ထိုင်းနိုင်ငံသို့ ထွက်ခွာရန် ကြိုးစားသည့် လူငယ် ၁ ဦး၏ ဖုန်းကို စစ်ကောင်စီတပ်ဖွဲ့ဝင်တချို့၊ ရဲနှင့် လ၀က တချို့က စစ်ဆေးကြောင်း၊ ယင်းနောက် မိုဘိုင်းလ်ဖုန်းထဲတွင် မိဘနှင့် ဆွေမျိုးများကို ကန့်တော့နေသည့် ဓာတ်ပုံကို မြင်တွေ့ရပြီးနောက် အလည် အပတ်သွားရောက်ခြင်းမဟုတ်ဟုဆိုကာ လေယာဉ်ပေါ် တက်ခွင့်မပေးဘဲ လှည့်ပြန်ခိုင်းခဲ့ကြောင်း သိရှိရသည်။

"ဖုန်းထဲမှာ ခရီးသွားခါနီးဆိုတော့ မိဘကို ကန်တော့တဲ့ပုံနဲ့ သီတင်းကျွတ်တုန်းက အိမ်ကို အလည်လာတဲ့ ဆွေမျိုးဘကြီးတွေကို ကန်တော့တဲ့ဓာတ်ပုံတွေကို ရိုက်ထားတာပါ။ သူတို့ စစ်ဆေးတဲ့ စာရွက်စာတမ်းတွေ အကုန် ပြနိုင်ပါတယ်။ မနေ့က ရန်ကုန်-ဒွန်မောင်း ခရီးစဉ်နဲ့ ဘန်ကောက်သွားဖို့ပါ။ ၂ လ တိုးရစ်ဗီဇာလည်းပါတယ်။ Show Money ဘတ် ၃၀၀၀၀ ပြပါတယ်။ လေယာဉ်လက်မှတ်အသွားအပြန်၊ ဟိုတယ်ဘိုကင်စာရွက်လည်း အကုန်ပါတယ်။ အဲဒါ ပြီးမှ ဖုန်းကို ယူစစ်ပြီး မိဘတွေကို ကန်တော့နေတဲ့ပုံတွေ့တယ်ဆိုပြီး လေဆိပ်ကနေ ပေးမထွက်ပါဘူး။ လူတိုင်းကို ဖုန်းစစ်တာမဟုတ်ဘူး။ ကျနော်နဲ့ အခြားလူငယ် ၃ ဦးရဲ့ ဖုန်းကို ယူစစ်တာပါ။ ခရီးသွားမယ့် လူတိုင်းရဲ့ ဖုန်းကို စစ်တာမဟုတ်ပါဘူး" ဟု ခရီးသွားခွင့် ငြင်းပယ်ခံခဲ့ရသည့် ကာယကံရှင် လူငယ်က ပြောဆိုသည်။

ထို့ပြင် ရန်ကုန်လေဆိပ်တွင် PV နိုင်ငံကူးလက်မှတ်ဖြင့် ပြည်ပသို့ ပထမဆုံးအကြိမ် သွားရောက်မည့် လူငယ်များအနက်မှ ၉၀ ရာခိုင်နှုန်းခန့်မှာ လေဆိပ်မှ ထွက်ခွာခွင့်မရရှိဘဲ နေအိမ်သို့ ပြန်ခိုင်းနေကြောင်း သိရှိရသည်။

"ကျနော်နဲ့အတူ PV အလည်အပတ် နိုင်ငံကူးလက်မှတ်နဲ့ ပထမဆုံးအကြိမ်သွားမယ့် လူငယ်တော်တော်များများ ပြန်လွှတ်ခံရတယ်။ တစ်ကြိမ်ငြင်းလိုက်လို့ နောက်တစ်ကြိမ် ထပ်ကြိုးစားတာလည်း မရဘူး။ PV ပထမဆုံးအကြိမ်တွေ ပေးမသွားဘူးဆိုပြီးပြောတယ်။ ဘာအကြောင်း ပြချက်မှ မပေးဘဲနဲ့ ပယ်ချတာပါ" ဟု PV နိုင်ငံကူးလက်မှတ်ဖြင့် အောက်တိုဘာလနှောင်းပိုင်းနှင့် နိုဝင်ဘာလဆန်းပိုင်း ထိုင်းနိုင်ငံသို့ ထွက်ခွာရန် ၂ ကြိမ်ကြိုးစားခဲ့သူ ရန်ကုန်မှ အသက် ၂၉ နှစ်အရွယ် လူငယ်တစ်ဦးက ရှင်းပြသည်။

ယခုနှစ် ဩဂုတ်လ ၁၅ ရက်နေ့မှစ၍ စစ်ကောင်စီက နိုင်ငံကူးလက်မှတ် Passport For Visit- PV ဖြင့် ပြည်အလုပ်အကိုင်အတွက် လေ ကြောင်း ခရီးဖြင့် ပြည်ပထွက်ခွာရန် ဆောင်ရွက်လျက်ရှိကြသဖြင့် တားဆီးစစ်ဆေးမည်ဟု ကြေညာကာ စစ်တပ်က လူငယ်များကို ပြည်ပထွက်ခွင့် စတင်ပိတ်ပင်မှုများ လုပ်ဆောင်လာကြောင်း၊ ရန်ကုန်လေ ဆိပ်တွင် အလည်အပတ်နိုင်ငံကူးလက် မှတ် PV ၊ အလုပ်အကိုင်နိုင်ငံကူးလက်မှတ် PJ ဖြင့် ပြည်ပထွက်ခွာသူများအား လုံးကို စစ်ကောင်စီက တင်း ကျပ်စွာ စစ်ဆေးနေပြီး မသင်္ကာသူမှန်သမျှကို လေဆိပ်မှ ထွက်ခွာခွင့်မပြုတော့ဘဲ တားဆီးနေခြင်းဖြစ်ကြောင်း သိရှိရသည်။

KNU , AA , MNDAA တို့ရဲ့ ဦးဆောင်မှုအောက်မှာ စည်းစနစ်တကျဖွဲ့စည်းထားတဲ့ BPLA နှင့် KIA ရဲ့ ဦးဆောင်မှုအောက်မှာ စည်းစနစ်တကျဖွဲ့စည်းထားတဲ့ အညာ PDF တပ်ရင်းတွေဟာ အမိန့်စီးဆင်းမှုတစ်ခုတည်းအောက်မှာ အညာဒေသသိမ်းအော်ပရေးရှင်းတွေဆင်နွဲပါတော့မယ်။

ဒါဟာ အသစ်ဖြစ်ထွန်းလာတဲ့ တပ်ပေါင်းစုပုံသဏ္ဌန်ဖြစ်ပါတယ်။ အညာတော်လှန်ရေးလှိုင်းကြီးတစ်လုံးက သိမ်မွေ့စွာဖွဲ့စည်းကြီးထွားလာခဲပါပြီ ၊ ဒီလှိုင်းဟာ ခြေသံလုံလွန်းတဲ့အလျောက် လှိုင်းအော်သံမကြားရပေမဲ့လည်း သူရဲ့ရိုက်ချက်တွေက ပြင်းထန်မှာဖြစ်ပါတယ်။

၈။ ဖွဲ့စည်းပုံအသစ်၊ အင်စတီကျုးရှင်းအသစ်၊ CoC ပုံစံအသစ်။
————————————————————————————-

ဒါဟာ ကျွန်တော်သိရှိခဲ့သမျှရဲ့ အစိတ်အပိုင်း သေးသေးလေးကိုဖွင့်ပြတာဖြစ်ပါတယ်။ အညာဒေသမှာ ရှိနေပြီး ဘယ် CoC အောက်မှာမှ မရှိတဲ့ တပ်ဖွဲ့တွေအားလုံးလည်း အညာဒေသရဲ့ ဖွဲ့စည်းပုံအသစ်၊ အင်စတီကျုးရှင်းအသစ်၊ CoC ပုံစံအသစ်ထဲမှာ မလွှဲမသွေဝင်ရောက်ပါဝင်ကြရမှာဖြစ်ပါတယ်။ မပါဝင်ခဲ့လျှင် တော်လှန်ရေးရဲ့ဘေးကို ရောက်ရှိသွားမှာဖြစ်ပါတယ်။ ဘယ်လိုမျိုးပါဝင်နိုင်ကြမလဲဆိုတာကတော့ “တူရာအခြေအနေကိုဖန်တီးပြီး စတင်လက်တွဲကြဖို့ပဲဖြစ်ပါတယ်။ “

အညာဒေသအားလုံးဟာ အမှတ် ( ၁ ) စစ်ဒေသထဲမှာဆိုတာကို NUG / PDF တွေရော၊ ကိုဆောင်းခရော၊ BPLA ရော ၊ ERO တွေကရော အားလုံးကလက်ခံထားကြပြီး၊ CoC တစ်ခုတည်းအောက်မှာလည်း ရောက်ရှိနေပြီဖြစ်ပါတယ်။

ဦးမျိုးရန်နောင်သိန်း
၂၀၂၄ ခုနှစ် နိုဝင်ဘာလ ၁၄ ရက်

မောင်ဆောင်းခ ၊ BPLA နှင့် အညာမြေ
=========================

အင်စတီကျုးရှင်း ( Institutions ) နှင့် Chain of Command CoC ) စကားလုံးနှစ်လုံးနှင့်ပက်သက်ပြီးကျွန်တော်တချိိန်လုံး​ သတိပေးပြောကြားနေတာ တော်လှန်ရေးအတွက်ရော ၊ အနာဂါတ်နိုင်ငံတော်အတွက်ပါအရေးကြီးလို့ဖြစ်ပါတယ်။

၁။ အင်စတီကျုးရှင်းမတည်ဆောက်နိုင်ခြင်းရဲ့အကျိုးဆက်
———————————————————————

လွတ်လပ်ရေးရပြီးစကတည်းက ဒီမိုကရက်တစ်အင်စတီကျုးရှင်းတွေကိုခိုင်မာအောင်မတည်ဆောက်နိုင်ခဲ့လို့ စစ်တပ်ရဲ့အုပ်စီုးမှုကိုခံခဲ့ရတဲ့မြန်မာနိုင်ငံဟာ ၊ ၁၉၈၈ ကာလ၊ ၁၉၉၆ ကာလ၊ ၂၀၀၇ ကာလ၊ ၂၀၁၅ ကာလတွေမှာလည်း အရပ်ဖက်အင်စတီကျုးရှင်းတွေကိုသေသေချာချာမတည်ဆောက်နိုင်ခဲ့ပါဘူး။ အဲ့ဒီလိုမျိုး ကိုယ့်ဖက်က အင်စတီကျုးရှင်းမရှိတဲ့အတွက်လည်း မြန်မာပြည်မှာ တစ်ခုတည်းသော အင်စတီကျုးရှင်းလိုဖြစ်နေတဲ့ စစ်တပ်က ထင်တိုင်းကြဲခွင့်ရနေတာပါ။ အမေရိကန်ပြည်ထောင်စုလို ၊ ဥရောပလိုနိုင်ငံတွေမှာ အရပ်ဖက်အင်စတီကျုးရှင်းတွေက အပြိုင်အဆိုင်အားကောင်းနေတဲ့အတွက် လက်နက်ကိုင်ထားတဲ့စစ်တပ်အင်စတီကျုးရှင်းဟာ လုပ်ချင်တိုင်းလုပ်လို့မရတာဖြစ်ပါတယ်။

၂။ CoC မရှိပဲ စစ်အနိုင်တိုက်ဖို့မဖြစ်နိုင်
——————————————————

CoC ကိုတိုက်တွန်းနေရတာကလည်း ဒီသဘောအတိုင်းပါပဲ၊ တော်လှန်ရေးဖက်က စစ်တပ်အင်စတီကျုးရှင်းတစ်ခုကိုတည်ဆောက်မယ်၊ စစ်အနိုင်တိုက်ကြမယ်ဆိုရင် Chain of Command က အသက်ပဲဖြစ်ပါတယ်။ ကမ္ဘာစစ်သမိုင်း ၊ မြန်မာစစ်သမိုင်းမှာ CoC မရှိပဲ ဘယ်စစ်ပွဲမှနိုင်အောင်မတိုက်နိုင်ပါဘူး။ အခု နွေဦးတော်လှန်ရေးမှာ စစ်အနိုင်တိုက်နေတဲ့ MNDAA , KIA , TNLA , AA အားလုံးဟာ ကိုယ်ဒေသမှာကိုယ် CoC တစ်ခုတည်းနဲ့တိုက်နေတဲ့အတွက် ကိုယ့်ရဲ့ဒေသတွေမှာအနိုင်ရနေတာဖြစ်ပါတယ်။ ဒါပေမယ့် အားလုံးပေါင်းထားတဲ့ CoC မရှိတဲ့အတွက် မြန်မာတစ်နိုင်ငံလုံးအတိုင်းအတာနဲ့ ထိုးစစ်ဆင်ဖို့လုံးဝမဖြစ်နိုင်ပါဘူး။

၃။ တပ်တော်များပြီးပွဲမစည်ဖြစ်နေတဲ့အညာဒေသ။
—————————————————————-

မောင်ဆောင်းခ ရဲ့ ဗမာ့အမျိုးသားလွတ်မြောက်ရေးတပ်တော် ( BPLA ) အညာဖက်ကို လာမယ်လို့ကြားရတဲ့အခါ ဘယ်လိုပုံစံနဲ့လာမှာလဲဆိုတာကို မေးခွန်းထုတ်ခဲ့ပါတယ်။ တပ်တော်များပြီးပွဲမစည်ဖြစ်နေတဲ့ အညာဒေသမှာ နောက်ထပ် ဗမာ့တပ်တော်အမည်ခံတပ်တော်တစ်ခုထပ်ရောက်လာပြီး တပ်တော်များနှင့် အညာဒေသဖြစ်သွားမလားဆိုတဲ့ မေးခွန်းနှင့်အတူ အညာဒေသတော်လှန်ရေးဟာ သူတစ်လူငါတစ်မင်း ထပ်ဖြစ်ပြီး ဖရိုဖရဲဖြစ်သွားမလားစီုးရိမ်မိခဲ့ပါတယ်။

၄။ စီုးရိမ်စိတ်နှင့်အတူ
——————————

အဲ့ဒီလို စီုးရိမ်စိတ်နဲ့အတူ NUG ကတာဝန်ရှိသူတွေနှင့် ERO တွေထဲက တာဝန်ရှိသူတစ်ချို့ကို တီးခေါက်ကြည့်ခဲ့ပါတယ်။ NUG က တာဝန်ရှိသူတွေက ကျွန်တော်ရဲ့ စီုးရိမ်စိတ်ဖြစ်ရတဲ့ အကြောင်းရင်းကို နားလည်တဲ့အတွက် သေသေချာချာ ဖြေကြားရှင်းပြလာကြပါတယ်။

၅။ အားလုံးညှိနှိုင်းထားကြပြီးဖြစ်တယ်။
——————————————————

“ မစီုးရိမ်ပါနဲ့ ၊ ကျွန်တော်တို့ အားလုံးညှိနှိုင်းထားကြပါတယ်” ဆိုတဲ့စကားသံဟာ အတော်ကိုချိုမြိန်လှပါတယ်။ တာဝန်ရှိသူတွေက သူတို့ပြောပြလို့ရသလောက် ပြောပြရှင်းပြကြပြီး ၊ သူတို့ရဲ့ပြောပြရှင်းပြချက်တွေအရ သူတို့ဟာ ဖက်စုံထောင့်စုံက ပြင်ဆင်ထားကြတယ်ဆိုတာသိလိုက်ရပါတယ်။

အညာဒေသဟာ နွေဦးတော်လှန်ရေးရဲ့ စစ်ဒေသ ( ၁ )ထဲမှာရှိပါတယ်။ KIA က စစ်ဒေသ ( ၁ ) ကို ဦးစီးပါတယ်။ KIA ကခန့်ထားတဲ့ ဒူကမ္ဘာတွေ၊ ဒူချွန်တွေက တပ်မှုးတွေဖြစ်ပါတယ်။

BPLA ကို KNU တပ်မဟာ ၅ ဗိုလ်ချုပ်ဘောကျော်ဟဲကစတင်ပြုစုပျိုးထောင်ပါတယ်၊ AA က ဝင်ရောက်ကူညီပျိုးထောင်ပေးပါတယ်။ MNDAA ရဲ့ စည်းမျည်းစည်းကမ်း နှင့် လေ့ကျင့်ပေးမှုအောက်မှာ လူလားမြောက်ခဲ့ပါတယ်။

အားလုံးညှိနှိုင်းပြီးရောက်ရှိလာတာဖြစ်တဲ့အတွက် ၊ အခု BPLA အညာကိုရောက်လာတာဟာ NUG ၊ KIA ၊ MNDAA ၊ KNU ၊ AA အားလုံး အညာမှာ စုစည်းရောက်ရှိလာသလို ပုံဖော်လိုက် လို့ရပါတယ်။ ဒါဟာ NUG က လူကြီးမင်းတွေရဲ့ ရှင်းပြချက်ကို အများမြင်သာအောင် ပုံဖော်ပြတာဖြစ်ပါတယ်။

၆။ အညာတပ်ပေါင်းစုပုံစံသစ်
—————————————

အညာတပ်ပေါင်းစုဆိုတာကို အခုမြင်ရတော့မှာဖြစ်ပါတယ်။ အဲ့ဒီတပ်ပေါင်းစုထဲကို မပါတဲ့သူ၊ မပါဝင်တဲ့အဖွဲ့ က တော်လှန်ရေးရဲ့ဘေးကို အလိုအလျောက်ရောက်သွားမှာဖြစ်ပါတယ်။ အညာတပ်ပေါင်းစုရဲ့ ဖွဲ့စည်းပုံ နှင့် သဘောသဘာဝက အလွန်ကိုသိမ်မွေ့ပါတယ်။ တရုတ်ရဲ့ဖိအားတွေ ၊ စစ်မြေပြင်အနေအထားတွေအားလုံးကို တွက်ဆပြီး ဖြစ်တည်လာတဲ့ ပုံသဏ္ဌန်အသစ်ဖြစ်ပါတယ်။

၇။ လာခြင်းကောင်းသော BPLA
—————————————-

ကိုဆောင်းခ နဲ့ BPLA အညာကိုဆင်းလာမယ်ကြားရချိန်က တပ်တော်များပြီးပွဲမစည်ဲဖြစ်နေတဲ့ အညာဒေသမှာ နောက်ထပ်တပ်တော်တစ်ခုတိုးလာပြီးသူတစ်လူငါတစ်မင်းနဲ့ အားလုံးပျက်စီးကုန်မှာလားလို့ ကျွန်တော်အပါအဝင် ၊ စီုးရိမ်ကြသူတွေအတော်များပါတယ်။ အခု BPLA အညာကို ဆင်းလာတာဟာ NUG အပါအဝင် အဖွဲ့အားလုံးနဲ့ ညှိနှိုင်း၊ အစီအစဉ်ချမှတ်လာတာဖြစ်တဲ့အတွက် BPLA အညာဒေသကိုရောက်ရှိလာတာဟာ “ကောင်းသာလာခြင်း” ဖြစ်ပါတယ်။

ပုလဲမြို့ကို ဗမာအမျိုးသားတော်လှန်ရေးတပ်မတော်ကထိန်းချုပ်နိုင်ဟု သိရ ၊ စစ်ကောင်စီဘက်က အရာရှိအချို့ ဖမ်းဆီးရမိခဲ့ဆို

မျက်မှောက်ခေတ် နိုဝင်ဘာလ ၁၃ ရက်

စစ်ကိုင်းတိုင်းဒေသကြီး ယင်းမာပင်ခရိုင်ထဲမှာရှိတဲ့ ပုလဲမြို့ကို နိုဝင်ဘာလ ၁၃ ရက်နေ့ ညနေပိုင်းက ဗမာအမျိုးသား တော်လှန်ရေးတပ်မတော် ( BNRA ) က အားလုံးထိန်းချုပ်နိုင်ခဲ့ပြီး စစ်ကောင်စီဘက်က အရာရှိအချို့ ဖမ်းဆီးရမိခဲ့တယ်လို့ စစ်ရေးသတင်းအရင်းအမြစ်တွေက မျက်မှောက်ခေတ်သတင်းဌာနကို ပြောပါတယ်။
ပုလဲမြို့သိမ်းတိုက်ပွဲကို နိုဝင်ဘာလ ၁၁ ရက်နေ့ နံနက် ၄ နာရီအချိန်မှာ မြို့သိမ်းတိုက်ပွဲစတင်ခဲ့ပြီး ၃ ရက်အကြာမှာ မြို့ကို ထိန်းချုပ်နိုင်ခဲ့ကြောင်း ၊ နှစ်ဖက်ထိခိုက်မှုတွေရှိခဲ့ကြောင်း သိရပါတယ်။

" ပုလဲမြို့က သိမ်းပြီးပြီ။ မြို့ပျက်ကြီးဖြစ်နေပြီ။ လေယာဉ်ကတော့ မနက်ပိုင်း အကြိမ်ရေများတယ်။ပစ်တာရော ဗုံးသီးချတာရော။ ဒီနေ့ညနေကြတော့ လေယာဉ်နဲ့ ခြောက်ခေါက်လာပစ်တယ်။ဗုံးသီးလည်း ချတယ်။ မြို့ထဲက စစ်ကောင်စီတပ်ဖွဲ့ဝင်တွေမရှိတော့ဘူးကြားတယ် " လို့ စစ်ရေးသတင်းအရင်းအမြစ်တွေက မျက်မှောက်ခေတ်သတင်းဌာနကို ပြောပါတယ်။
ဒါ့အပြင် ပုလဲမြို့သိမ်းတိုက်ပွဲကနေ စစ်ကောင်စီတပ်ဖွဲ့ဝင် အရှင် ၂၀ ဉီးနဲ့ စစ်တပ်အရာရှိ ၅ ဉီးကိုလည်း အသက်ရှင်လျှက် ဗမာအမျိုးသား တော်လှန်ရေးတပ်မတော် ( BNRA ) က ဖမ်းဆီးရမိခဲ့တဲ့အကြောင်း သတင်းတွေ ထွက်ပေါ်နေပြီး ဒီအခြေအနေနဲ့ ပက်သက်ပြီး မျက်မှောက်ခေတ်သတင်းဌာနအနေနဲ့ အတည်ပြုနိုင်ရန် စုံစမ်းနေဆဲဖြစ်ပါတယ်။
ယင်းမာပင်ခရိုင်ထဲမှာ စစ်ကောင်စီတပ်က ထိန်းချုပ်ထားတဲ့ မြို့နယ် လေးမြို့နယ်အထိရှိပြီး ယင်းမာပင် ၊ ဆားလင်းကြီး ၊ ကနီ ၊ ပုလဲ စတာတွေဖြစ်ကြပြီး ဒီလေးမြို့နယ်အထဲက ပုလဲမြို့ကို စစ်ကောင်စီတပ်ဘက်က လက်လွှတ်လိုက်ရတာဖြစ်ပါတယ်။

တောင်ကုတ်မြို့နယ်၊ ပန်းမြောက်တောင် စစ်တပ်အမြောက်စခန်းကို AA က တိုက်ခိုက်သိမ်းပိုက်

နိုဝင်ဘာ ၆ ရက်

ရခိုင်ပြည်နယ်၊ တောင်ကုတ်မြို့၊ အမှတ် ၅ စစ်ဆင်ရေးကွက်ကဲမှုဌာနချုပ် (စကခ ၅) တပ်မနှင့် ၃ မိုင်ကျော်သာဝေးသည့် ပန်းမြောက်တောင်ပေါ်ရှိ စစ်ကောင်စီအမြောက်တပ်စခန်းကို အာရက္ခတပ်တော် AA က သိမ်းပိုက်လိုက်ပြီဟု ဒေသခံများထံမှ သိရသည်။

အောက်တိုဘာလ ၃၀ ရက်နေ့ကစ၍ ပန်းမြောက်တောင် အမြောက်တပ်ရင်းကို AA က ထိုးစစ်ဆင်တိုက်ခိုက်ခဲ့ပြီး နိုဝင်ဘာလ ၃ ရက်နေ့တွင် အပြီးသတ်သိမ်းပိုက် ရရှိခဲ့ကြောင်း ဒေသခံ စစ်ရေးအခြေအနေ သိသူတစ်ဦးက ပြောသည်။

" AA ရဲ့ ထိုးစစ်ကို စစ်ကောင်စီက လေကြောင်းကနေ နိုဝင်ဘာလ ၂ ရက်နေ့မှာ ဗုံးအလုံး အများအပြားနဲ့ ခုခံခဲ့တယ်။ တောင်ကုတ်မြို့ တပ်ရင်းတွေကလည်း လက်နက်ကြီးတွေနဲ့ တောက်လျှောက်ပစ်တယ်။ အဲဒီကြားထဲကပဲ AA က သိမ်းပိုက်လိုက်တယ်။ ပန်းမြောက်တောင်မှာ စစ်ကောင်စီက အများအပြားကျဆုံးတယ်လို့ သိရတယ်။ တပ်ပြန်ဆုတ်လာတဲ့သူတွေဆီမှာ သေနတ်တွေ နှစ်လက် သုံးလက်လောက်ကိုင်ပြီး တပ်ဆုတ်လာတာကို တွေ့တဲ့သူတွေရှိတယ်။ " ဟု ၎င်းက ပြောသည်။

ပန်းမြောက်တောင် အမြောက်တပ်ရင်း သိမ်းပိုက်ရရှိခြင်းကို AA က ထုတ်ပြန်ခြင်းမရှိသော်လည်း နယ်မြေတပ်ဖွဲ့ဝင်များကတစ်ဆင့် စစ်ရေးသတင်းရင်းမြစ်များက အတည်ပြုထားကြသည်။

ပန်းမြောက်တောင်နှင့် စကခ ၅ တပ်မကြားရှိ သိမ်တောင်ရပ်ကွက် ဝေဠုဝန်ကျောင်းတိုက်ရှိရာ တောင်ပေါ်တွင် တပ်ဆုတ်လာသော တပ်ဖွဲ့ဝင်များမှ တပ်စွဲထားပြီး တပ်မက တပ်ဖွဲ့ဝင်များဖြင့် ပူးပေါင်း၍ AA ထိုးစစ်အား ပြန်တိုက်ခိုက်ရန် ခံစစ်ပြင်ဆင်နေကြောင်း သိရသည်။

" နိုဝင်ဘာ ၃ ရက်နေ့က ပန်းမြောက်တောင် အမြောက်တပ်ရင်းက စစ်ကောင်စီတပ်ဖွဲ့တွေဟာ အကျအဆုံးအများအပြားနဲ့ တပ်မဘက်သို့ တပ်ဆုတ်လာတယ်။ ၄ ရက်နေ့မှာ တပ်မအကူအညီနဲ့ ဝေဠုဝန်တောင်ပေါ်မှာ ခံစစ်ပြင်တယ်။ ဒီနေ့ နေ့လယ်လောက်က AA တပ်ဖွဲ့ဝင်တွေနဲ့ တိုက်ပွဲဖြစ်ကြသေးတယ်။ အထိအခိုက်တော့ မသိရသေးဘူး။ " ဟု ၎င်းက ဆက်ပြောသည်။

ပန်းမြောက်တောင် အမြောက်တပ်ရင်းကို ထိုးစစ်ဆင်တိုက်ခိုက်နေချိန် အောက်တိုဘာလ ၃၁ ရက်နေ့တွင် အာရက္ခတပ်တော် AA ဖက်က တောင်ကုတ်မြို့အဝင် တက္ကသိုလ်အနီးရှိ ဌာနပေါင်းစုံရှိသည့် စစ်ကောင်စီမောင်းတံဂိတ်ကို လက်နက်ကြီးဖြင့် ပစ်ခတ်တိုက်ခိုက်ခဲ့သည်။

AA ၏ တိုက်ခိုက်မှုကြောင့် မောင်းတံဂိတ်က စစ်ကောင်စီတပ်ဖွဲ့ဝင် ဒုရဲအုပ်အဆင့်ရှိသူတစ်ဦးနှင့် ရဲတပ်သားငယ်တစ်ဦး ဒဏ်အရာအပြင်းအထန်ရကာ စစ်ဆေးရုံတွင် ဆေးကုသမှုခံနေစဉ် နိုဝင်ဘာလ ၂ ရက်နေ့တွင် သေဆုံးသွားကြောင်း စစ်ရေးသတင်းရင်းမြစ်များက ပြောဆိုကြသည်။

စစ်ကောင်စီဖက်ကလည်း လေကြောင်းဗုံးကြဲတိုက်ခိုက်မှု၊ လက်နက်ကြီးပစ်ခတ်မှုကို အဆက်မပြတ် ပြုလုပ်နေပြီး ယနေ့ နိုဝင်ဘာလ ၅ ရက်နေ့ နေ့လယ် ၁၂ နာရီခွဲအချိန်က တောင်ကုတ် သင်္ဘောဆိပ်အနီး မှိုဟင်းတောကျေးရွာကို ဒရုန်းဖြင့် ဗုံးကြဲတိုက်ခိုက်ခဲ့၍ အမျိုးသား ၂ ဦးနှင့် အမျိုးသမီး ၁ ဦး ထိခိုက်ဒဏ်ရာရရှိသွားသည်။

၂၀၂၄ ခုနှစ် ဇွန်လမှစ၍ ယခု နိုဝင်ဘာလအစောပိုင်းအထိ အာဏာသိမ်း စစ်ကောင်စီ ဗုံးကြဲတိုက်ခိုက်မှုကြောင့် တောင်ကုတ်မြို့နယ်တွင် အရပ်သားသေဆုံးသူ ၃၉ ဦးရှိပြီး ဒဏ်ရာရရှိသူ ၆၀ ဦးထက်မနည်းရှိကြောင်း စစ်ကောင်စီက အရပ်သားပြည်သူများအပေါ် ဦးတည်ပစ်မှတ်ထား တိုက်ခိုက်နေကြောင်း ဒေသခံများက ပြောဆိုကြသည်။

လက်ရှိတွင်လည်း တောင်ကုတ်မြို့ထဲတွင် အပြစ်မဲ့အရပ်သားပြည်သူ ၆ သောင်းကျော်ပိတ်မိနေပြီး စစ်ကောင်စီတပ်ဖွဲ့ဝင်များက မြို့ပြင်ထွက်ခွင့်မပြုဘဲ ပိတ်လှောင်ထားကာ လူသားဒိုင်းကာအသုံးပြုနေကြောင်း သိရသည်။

ဓာတ်ပုံ- စစ်ကောင်စီ၏ စခန်းသိမ်းတိုက်ပွဲတစ်ခုမှ အောင်ပွဲရ AA ရဲဘော်များ။ (ပုံအဟောင်းဖြစ်ပါသည်။)

ထင်ရှားကျော်ကြားသော စီးပွားရေးလုပ်ငန်းရှင်များအားလုံး ပြည်ပ ထွက်ခွာလိုပါက စစ်ကောင်စီထံမှ ကြိုတင်ခွင့်ပြုချက် တောင်းခံရမည်၊ မန္တလေးလေဆိပ်မှ ထိုင်းသို့ သွားမည့် အောင်သမာဓိရွှေဆိုင်ပိုင်ရှင် ဦးအောင်ဆန်းဝင်း ပတ်စ်ပို့သိမ်းခံရပြီး လေဆိပ်မှ လှည့်ပြန်ရ

နိုဝင်ဘာ ၄ ရက်

မြန်မာနိုင်ငံမှ နာမည်ကြီး ထင်ရှားကျော်ကြားသော ကုန်သည်ကြီးများ၊ ဘဏ်လုပ်ငန်းရှင်များ၊ ရွှေဆိုင်ပိုင်ရှင် အပါအဝင် စီးပွားရေးလုပ်ငန်းရှင်များအနေဖြင့် ပြည်ပသို့ ထွက်ခွာလိုပါက ထွက်ခွာလိုသည့် အကြောင်းအရာကို စစ်ကောင်စီထံမှ တင်ပြကြိုတင်ခွင့်ပြုချက် တောင်းခံရန် လိုအပ်ပြီး ခွင့်ပြုချက်တောင်းခံခြင်းမရှိဘဲ ပြည်ပထွက်ခွာရန် ကြိုးပမ်းသည့် အောင်သမာဓိရွှေဆိုင်ပိုင်ရှင်ကို လေဆိပ်တွင် ပတ်စ်ပို့သိမ်း၍ အိမ်ပြန်ခိုင်းခဲ့ကြောင်း သိရှိရသည်။

မြန်မာနိုင်ငံအတွင်းရှိ အလွန်ချမ်းသာကြွယ်၀သည်ဟု နာမည်ပေါက်သော ကုန်သည်ကြီးများ ၊ဘဏ်လုပ်ငန်းရှင်များ၊ ဆောက်လုပ်ရေးလုပ်ငန်းရှင်ကြီးများ၊ ရွှေကုန်သည်နှင့်ရွှေဆိုင်ပိုင်ရှင်များ အပါ အဝင် ထင်ရှားကျော်ကြားသော စီးပွားရေး လုပ်ငန်းရှင်များအနေဖြင့် ပြည်ပသို့ မည်သည့်အကြောင်းဖြင့် ထွ့က်ခွာလိုသည်ဖြစ်စေ စစ်ကောင်စီထံသို့ တင်ပြအကြောင်းကြားရမည်ဖြစ် ကြောင်း၊ ထိုသို့ အကြောင်းကြားခြင်းမရှိဘဲ ပြည်ပထွက်ခွာရန် ကြိုးစား ပါက ပတ်စ်ပို့စ်သိမ်း ဆည်း၍ ပြည်ပထွက်ခွင့် အမြဲတမ်းပိတ်ပင်မည်ဖြစ်ကြောင်း ပြည်ထဲရေး သတင်းရင်းမြစ်က ပြောဆိုသည်။

"အဲဒီ ညွှန်ကြားချက်က အသစ်တော့မဟုတ်ဘူး။ ၂၀၂၁ ခုနှစ် ဖေဖော်ဝါရီ ၁ ရက်နောက်ပိုင်းကတည်းက အဲဒါကို ညွှန်ကြားထားတာ။ အခုကတော့ ပိုမို တင်းတင်းကျပ်ကျပ် စိစစ်ဆောင်ရွက်ဖို့နဲ့ စီးပွားရေးအသင်းအဖွဲ့တွေ၊ စီးပွားရေးလုပ်ငန်းရှင်တွေအနေနဲ့ အစည်းအဝေး၊ မီတင်၊ စီးပွားရေးကိစ္စ၊ ဖိုရမ်၊ ဆေးစစ်၊ဘုရားဖူး ၊ အလည် ဘာကိစ္စပဲဖြစ်ဖြစ် ကြိုတင်ခွင့်ပြုချက် ယူရမယ်ဆိုတာရှိပါတယ်။ အဲဒါ ကြိုတင် အသိမပေးရင်တော့ စုံစမ်းစစ်ဆေးမှု ခံရနိုင်ပါတယ်။ အဲဒီလို စုံစမ်းစစ်ဆေးခံရတဲ့သူတွေလည်း အတော်များများရှိခဲ့ပါတယ်" ဟု ပြည်ထဲရေး သတင်းရင်းမြစ်က ပြောဆိုသည်။

နာမည်ကြီး ရွှေဆိုင်ပိုင်ရှင်ဖြစ်သော အောင်သမာဓိရွှေဆိုင်ပိုင်ရှင် ဦးအောင်ဆန်းဝင်းသည် နိုဝင် ဘာလ ၃ ရက်နေ့ နံနက် ၈ နာရီ ၁၅ မိနစ်အချိန် မန္တလေး အပြည်ပြည်ဆိုင်ရာ လေဆိပ်မှတစ်ဆင့် MAI အပြည်ပြည်ဆိုင်ရာမြန်မာလေကြောင်းလိုင်း၊ လေယာဉ်အမှတ် XY-ALP(E-190)၊ ခရီးစဉ်အမှတ် 8M-337 ဖြင့် ထိုင်းနိုင်ငံ၊ သု၀ဏ္ဏဘူမိလေဆိပ်သို့ သွားရောက်ရန် ကြိုးစားစဉ် စစ်တပ်က ၎င်း၏ နိုင်ငံကူးလက်မှတ် သိမ်းဆည်း ၍ နေအိမ်သို့ ပြန်ခိုင်းခဲ့ကြောင်း၊ ရွှေစျေးကစားမှုဖြင့် အောင်သမာဓိရွှေဆိုင်ပိုင်ရှင် ဦးအောင်ဆန်းဝင်းကို စစ်ကောင်စီက ဖမ်း၀ရမ်းထုတ်၍ ပြည်ပထွက်ခွာခွင့်ပိတ်ထားသော အမည်မည်းစာရင်း(Black List) အသွင်းခံထားရသူဖြစ်ကြောင်း စစ်ကောင်စီ၏ သတင်းထုတ်ပြန်ချက်အရ သိရှိရသည်။

"ကြိုတင်အသိမပေးဘူး။ ကြိုတင် ခွင့်ပြုချက်လည်း မတောင်းထားဘူး။ အဲဒါကြောင့် ပတ်စ်ပို့အသိမ်းခံရတာ" ဟု ပြည်ထဲရေးသတင်းရင်းမြစ်က အောင်သမာဓိ ရွှေဆိုင်ပိုင်ရှင်ကိစ္စနှင့်ပတ် သက်၍ ပြောဆိုသည်။

အကြမ်းဖက်စစ်ကောင်စီက ရွှေစျေးကစားသည်ဟုဆိုကာ ဇွန်လ ၂ ရက်နေ့တွင် မြန်မာနိုင်ငံစျေးကွက်၏ အဓိက လက်ကြီးသမားများဖြစ်သော အောင်သမာဓိရွှေဆိုင်ပိုင်ရှင် ဦးအောင်ဆန်းဝင်း အပါအဝင် ရွှေဆိုင်ပိုင်ရှင်နှင့် ရွှေကုန်သည် ၁၀ ဦးကို ရွှေစျေးနှုန်း မတည်မငြိမ်ဖြစ်အောင် လုပ်သည်ဟုဆိုကာ ဖမ်း ၀ရမ်းထုတ်ခဲ့ကြောင်း၊ ထို့ပြင် ရွှေကုန်သည်နှင့်ဝယ်ရောင်း ၂၁ ဦးကို ဖမ်းဆီးအရေးယူခဲ့ကြောင်း သိရှိရသည်။