Абдулла Орипов шеърияти @abdullaorifijodi Channel on Telegram

Абдулла Орипов шеърияти

@abdullaorifijodi

Қалбим буюрмаса, бирор сўзни ҳам
Ёзмасман ҳеч қайда, ҳеч вақт, ҳеч қачон!

YouTobehttps://www.youtube.com/@abdullaorifijodi.
Бот: @OripovAbdullabot
fecebook https://www.facebook.com/ruxsora.oripova?mibextid=ZbWKwL

Абдулла Орипов шеърияти (Uzbek)

Do'stliklar! Sizlarga eng zo'r va eng yangi she'riyatlar bilan tanishtirishga tayyor bo'lgan "Абдулла Орипов шеърияти" kanaliga xush kelibsiz! Kanalimizda O'zbekistonning mashhur she'riyati Abdulla Oripovning eng yaxshi qo'shiqlarini topishingiz mumkin. Har bir she'r uning qalamidan, uning o'ziga xos uslubi bilan yozilgan. Eger siz sevgiliziz, she'rni so'kib qo'ymagansiz, shu kanalda u qo'shiqlar barcha so'zlar bilan birga topiladi. Do'stlar, "Абдулла Орипов шe'riyati" kanaliga a'zo bo'lib, Oripovning eng zo'r qo'shiqlarini tinglang! Buning ustida, agar siz boshqa foydali manba qidirayotgan bo'lsangiz, ularni ham bilib olishingiz mumkin. Shuningdek, kanalda @OripovAbdullabot nomli bot mavjud. Bu bot orqali siz tanlangan she'rlar ustida baho bering va ularga izoh qoldiring. Boshqa foydali ma'lumotlar va yangiliklar uchun, bizni Facebook sahifamizdan ham kuzatib boring - https://www.facebook.com/ruxsora.oripova?mibextid=ZbWKwL. Barcha yangiliklardan xabardor bo'lib Qo'ng'iroq qilib, abadiy yagona she'r sarguzashtiga to'liq tomonlashtiring. Iltimos, sizning ko'zlaridan o'tkazilgan hech qachon ham o'tip ketmasin! Azo bo'lib, do'stlarga ham ulashing. Keyinroq ko'rishguncha! Oribekor! Qaysijon Oripov! Sevgacha, do'stlar!

Абдулла Орипов шеърияти

18 Feb, 12:28

Абдулла Орипов

ЁЛҒИЗЛИК

Нега уюридан кетган от мисол,
Бир ўзинг кезасан яйловдан йироқ.
Қачондир ёлғизлик келмасми малол,
Ахир, йўқми сенда дўсту ёр, ўртоқ?

Дейман дўстларим бор ҳавас қилгулик,
Ҳиммати бир юртнинг ҳирожи қадар.
Юракнинг қатида асраб келгулик
Тенгсиз зотлар улар, баҳосиз гавҳар.

Лекин отам айтган шундай гап ҳам бор:
Номардга ёлборма, қолсанг ҳамки оч.
Айтилмаган жойга бош суқма зинҳор,
Қадрингни билмаган давралардан қоч.

✍2014 йил 30 декабрь

@abdullaorifijodi
1,360
Абдулла Орипов шеърияти

17 Feb, 09:47

Abdulla Oripov Sirojiddin Sayyidning birinchi kitobi haqida nima degan?

📺 "Zamondosh"-Sirojiddin Sayyid
To’liq videoni ko’rish (https://youtu.be/uAiKVOCtHlA?si=tVNmm-TcdB0jQfsI)
1,401
Абдулла Орипов шеърияти

16 Feb, 17:32

Абдулла Орипов

ТЕМИР ОДАМ

Бир ҳайкал турибди,
У — Робот эмиш,
Темирдан ясалган, одам тимсоли.
Илмда энг сўнгги кашфиёт эмиш,
Ақлли зот эмиш, қусурдан холи.
Шахмат ҳам ўйнармиш,
Ер ҳам қазармиш.
Росмана ювармиш юзу қўлини.
Ҳадису ҳисобдан адашмас эмиш,
Ҳаттоки санармиш Сомон йўлини.
Ёнида халойиқ ҳайратда турар:
— Қарангиз, нақадар ақлли, мумтоз!
Хулласки, оламда кашфиёт дерлар,
Кашфиёт эмас бу, кечиринг, устоз.
Тилсимни билмайман, аммо анчайин
Одатим тарк этиб, кўкрак кераман!
Мен сизга темирнинг худди шундайин
Ажиб бир нусхасин топиб бераман.
У ҳам ишлай билар, унинг қошида
Сизнинг темирингиз ожиз бир буюм.
У ҳам санай билар, унинг бошида
Алжабр усули уюм ва уюм.
Балки у донодир беқиёс, якка,
Балки йўқ унинг-чун бирор муаммо;
Балки у ҳеч қандай темир-терсакка
Аъло вужудини эгмайди, аммо,
Устоз, қалби йўқдир унинг ҳам, ҳайҳот,
На нафрат, на ишқни танлайди у ҳам.
Унинг ҳам кўзида чақнамас ҳаёт,
Мунис боқишларни англамас у ҳам.
У ҳам тўлғанолмас,
инграмас,
кулмас,
Йиғлаган гўдакни юпатолмас ул.
У ҳам юлдузларнинг ҳидини билмас,
Бағрини тирнамас сўлаётган гул.
Кимсанинг меҳридан, балки, о, балки
Сизнинг темирингиз бўлар миннатдор.
Азиз дўст, меҳрни билмас бу ҳали,
Дўст кутиб йўлларга чиқмас интизор.
Дунё-ю одамлар тақдири зарра
Ташвишга солмагай, йўқ зўру зори.
Ташвишга солади на қўшиқ ва на
Менинг юрагимда нималар бори.
Балки темирлар ҳам йиғлайди чиндан...
Бу-чи, йиғлай олмас, айланган тошга!
Кимдир у?
Кимдир у? Балки у менман?!
Балки у сиздирсиз?
Балки у бошқа...
Ҳаётнинг поёнсиз уммони ичра
Бор шундай ғариблар — темирлар ҳиссиз.
Ва лекин ўзларин темирмас сира,
Муҳтарам инсон, деб атарлар, эсиз...
Шундайлар бўлмаса, азалдан тупроқ
Яшнарди тағин ҳам гўзалу мумтоз.
Темир одам ясаб юргунча, кўпроқ
"Жонли темир"ларни ўйлангиз, устоз.

✍1965

@abdullaorifijodi
1,505
Абдулла Орипов шеърияти

14 Feb, 13:54

Абдулла Орипов

СОДДАЛИК

Инсон болалари барибир содда,
Мен сизга келтирай уч-тўртта мисол.
Балки сиз уларни сақларсиз ёдда,
Ёки бойитарсиз, эҳтимол.

Мана бу ҳолатни айланг тасаввур,
Бу ҳам соддаликдан эмасдир йироқ:
Кимдир заррача ҳам қилмай тафаккур,
Уйсиздан жой сўрар, сўқирдан чироқ.

Ҳамёнин олдирган нуроний бир чол
Инсоф!-деб бошини қиларди сарак.
Оҳ, гўл отажоним, содда оқсоқол,
Инсофни бор гап деб ўйласа керак.

Ўзим учратганман, бир нокас, нодон
Масхара қиларди содда сиймони.
Дер эди: - Билмайди бу латта инсон
Ҳозир калла эмас, ақча замони!

Инсон болалари содда барибир,
Мана қабулхона. Одамлар турлик.
Навбати келганда қувонди кимдир,
Ишим битади, деб ўйлади шўрлик.

Инсон болалари барибир содда,
Гарчанд дунё мушкул – буни билади.
Яшагиси келмас йиғлаб фарёдда,
Шўх-шўх қўшиқларни талаб қилади.

✍️ 2007 йил 1 июль

@abdullaorifijodi
2,069
Абдулла Орипов шеърияти

14 Feb, 11:16

Абдулла Орипов

* * *

Деразангни қоплар оқшом зулмати,
Изин қора айлаб ботади ой ҳам.
Нечун мени фақат шу зулмат пайти
Қучиб ардоқлайсан, нозик фариштам?
Самовий кўзларинг сачратиб учқун,
Нечун тикилади фақат ўшанда?
О, наҳот шу кўзлар ётдир мен учун
Кундуз машъаласи порлаб турганда.
Теппамдан тун каби қуюлади соч,
Қора тун ёнади оташ юзларда.
Нечун ўзгаларга нур сочган қуёш
Бизнинг орамизда бўлади парда?
Нечун иккимизни қолдириб ёлғиз,
Коинот тубида қуёш чекар оҳ?
Жавоб бер, қошингда чўкмакдаман тиз,
Жавоб бер, макрингдан мени қил огоҳ.

✍1963

@abdullaorifijodi
1,344
Абдулла Орипов шеърияти

14 Feb, 11:07

Абдулла Орипов "Биринчи муҳаббатим"
Шерали Жўраев ижросида
@abdullaorifijodi
932
Абдулла Орипов шеърияти

14 Feb, 11:00

Абдулла Орипов

БИРИНЧИ МУҲАББАТИМ

Кеча оқшом фалакда ой бўзариб ботганда,
Зуҳра юлдуз милтираб, хира ханда отганда,
Руҳимда бир маъюслик, сокинлик уйғотганда,
Мен сени эсга олдим, биринчи муҳаббатим.
Эслаб хаёлга толдим, биринчи муҳаббатим.

Ўтди ёшлик завқ билан, гоҳи тўполон билан,
Гоҳида яхши билан, гоҳида ёмон билан,
Айро ҳам тушдим баъзан қалб билан, имон билан,
Лекин сени йўқотдим, биринчи муҳаббатим,
Мангу ғафлатда қотдим, биринчи муҳаббатим.

Дунё деган шундайин англаб бўлмас сир экан,
Гоҳ кенг экан, гоҳида туйнуксиз қаср экан.
Лекин инсон ҳамиша бир ҳисга асир экан...
Нечун билмовдим аввал, биринчи муҳаббатим,
Парво қилмовдим аввал, биринчи муҳаббатим.

Ҳолбуки орзулардан жудо ҳам бўлганим йўқ,
Юлдуздай кулганим йўқ, ой каби тўлганим йўқ.
Эрта хазон гул каби сарғайиб сўлганим йўқ,
Сени эслаб йиғлайман, биринчи муҳаббатим,
Эслаб бағрим тиғлайман, биринчи муҳаббатим.

Йўлин йўқотса одам — муҳаббатга суянгай,
Ғуссага ботса одам — муҳаббатга суянгай.
Чорасиз қотса одам — муҳаббатга суянгай,
Мен кимга суянгайман, биринчи муҳаббатим.
Фақат эслаб ёнгайман, биринчи муҳаббатим.

Нидо бергил, қайдасан, шарпангга қулоқ тутдим,
Сирли тушлар кўриб мен бор дунёни унутдим.
Тонгда туриб номингга ушбу шеъримни битдим,
Дилдаги оҳим менинг, биринчи муҳаббатим,
Ёлғиз Оллоҳим менинг, биринчи муҳаббатим.

✍1968

@abdullaorifijodi
1,591
Абдулла Орипов шеърияти

14 Feb, 06:58

Абдулла Орипов

БОБУР

Мен-ку, оддий одам,
Шундоқ бўлса ҳам
Шукр, бас, деганча ғанимларим бор.
Шарт эмас уларга таъриф чинакам,
Бири жунунсифат, бирови ҳушёр.

Бировига ёқмас жиндек журъатим,
Бировига ёқмас мен юрган йўлак.
Ногоҳ бирор жойда чиқса сувратим
Бири ухлай олмай қийналса керак.

Биз шундай ўтамиз,
Яъни кун кўриб...
Майдагина кучсиз, майдагина зўр.
Ҳаётнинг мана шу буржидан туриб,
Мен Сизни ўйладим, ҳазрати Бобур.

Сиз — зобит, дастини чўзган дунёга,
Сиз — шоир, мангу бир аланга ёққан.
Наинки бандалар, Сизнинг сиймога
Не-не салтанатлар кек билан боққан.

Баҳодирлик ичра ёр Сизга Ҳумой,
Сиз улуғ зотларнинг изин босган эр.
Назмий саждагоҳда Сизга, ҳойнаҳой,
Имомликка ўтгай фақат Алишер.

Ҳа, ёлғиз шеър қолди, бошқаси, абас,
Етти иқлим аро достон нақлингиз.
Не бахт, парчин бўлиб тож деган қафас,
Бизга етиб келди олмос ақлингиз.

Айтинг, не топдингиз Сиз кезиб дунё,
Ҳануз боқишарлар шўришга тўлиб.
Шоирсиз, яхшиси, қолингиз, Мирзо,
Мушфиқ юртингизда бир шоир бўлиб.

1983

✍️Абдулла Орипов

@abdullaorifijodi
4,136
Абдулла Орипов шеърияти

14 Feb, 06:57

Абдулла Орипов

БОБУРШОҲ

Темурбек наслидан чиққан
Ажиб сиймодир, Бобуршоҳ.
Навоийдек шеъриятда
Ўзи дунёдир, Бобуршоҳ.

Ғалат ҳолким, қалам бирла
Танилди соҳиби шамшир,
Бунингдек зўр саодатда
Ҳануз танҳодир, Бобуршоҳ.

Не юртлар нусратига тан бериб,
Шайдо ҳам бўлмиш, лек
Туғилган юртига зору
Абад шайдодир, Бобуршоҳ.

Бу зотнинг тоза қони
Қайда томса, бир чечак унди.
Хумоюн, Гулбадан, Акбар
Боқинг, пайдодир, Бобуршоҳ.

Жаҳон аҳлини лол этмиш
Мислсиз "Воқеъот" бирлан,
Асрлар қаъридан кечган
Улуғ дарёдир, Бобуршоҳ.

Буюк Ҳинд юртида қолмиш
Маломат ичра сабр айлаб,
Мусофир кўп бу дунёда,
Валек яктодир, Бобуршоҳ.

Қилиб кўп яхшиликлар
Яхшиликни кўрмаса ҳамки,
Дер Абдулло, Ватан ичра
Бобур Мирзодир, Бобуршоҳ.

✍️2013 йил 20 январь

@abdullaorifijodi
1,115
Абдулла Орипов шеърияти

13 Feb, 01:30

Абдулла Орипов

ЯХШИЛИК ВА ЁМОНЛИК

Эл аро юради бир нақл,
Халқ уни такрорлаб айтади.
Кимсага ёмонлик қилмагил,
Бир куни ўзингга қайтади.

Дарвоқе, панд берсанг бир жонга,
У ҳам тинч турарми ҳеч замон.
Дейдилар, туфласанг осмонга
Юзингга тушгайдир бегумон.

Яхшилик қилсанг-чи, сен, бироқ,
Қайтарми у сенга? Бу мубҳам...
Бошини силасанг гоҳи чоқ
Қўлингни тишлайди итинг ҳам.

✍1994

@abdullaorifijodi
2,262
Абдулла Орипов шеърияти

11 Feb, 06:54

Абдулла Орипов

ПАХСА УЙ

Боболардан қолган пахса уй, мана,
Обдан оёқ билан пишитилган лой.
Қурилган чоғида бундай бошпана
Бор эди на қалъа, на бирор сарой.

Ўтиб неча аср, балки милён йил,
Олимлар қазишар ерни галма-гал.
Уларга топилдиқ оддий пахса-гил,
Ганчдан ҳам қадимий, мармардан аввал.

– Зарур бўлса қурган кошонамга боқ!
Бу – Ҳазрат Темурнинг мағрур сўзлари.
Қўшни деворда-чи турибди шундоқ
Пахсакаш авлоднинг панжа излари.

Бинолар бўй чўзар энди пайдар-пай,
Ахир биз гувоҳмиз бошқа айёмга.
Бироқ шеърлар ёзиб, ичган билан май
Тенг кела олурми биров Хайёмга.

Шундоқ турфа эрур аслида одам,
Ўзини ҳар ишда этгай намоён.
Унинг бир оёғи ойда бўлса ҳам,
Бири пахса лойни тепкилар ҳамон.

✍2015 йил 22 май

@abdullaorifijodi
2,123
Абдулла Орипов шеърияти

10 Feb, 13:23

Абдулла Орипов


БОЗОР

Кўникасан, очликка, болам,
Сенга ҳеч ким бери кел демас.
Ёпиқ сенга пуллик ерлар ҳам,
Қондошларинг ғамингни емас.

Ер юзида шундоқ бир давр,
Шундоқ удум бўлди ҳукмрон:
Илмда йўқ заррача қадр,
Даҳолар ҳам кезар саргардон.

Бу тизимнинг номидир – бозор,
Бас келолсанг сеники марра.
Ахтармагин инсофни бекор,
Алданасан кунда юз карра.

Қайга борма, барибир, шу ҳол,
Бозор етган ҳар қандай жойга.
Бойлар бойни танийди дарҳол,
Сув, албатта, оқади сойга.

Сен турмушдан ибрат ол, болам,
Бўрини ҳам боққан оёғи.
Чумолининг жағи мустаҳкам,
Чўпоннинг ҳам бордир таёғи.

✍2015 йил 8 июнь

@abdullaorifijodi
3,778
Абдулла Орипов шеърияти

09 Feb, 07:57

Абдулла Орипов :
"Мен ҳам эрта тонгда касалхона деразаларини очиб юбораман ва бутун борлиққа беихтиёр изҳори дил қила бошлайман:

-- Бугун Навоий туғилди!".........

Ханифа ая хотираларидан:

"2013 йилнинг қиш фаслини Истамбулда ўтказдик. 9-феврал Навоий бобони таваллуд топган кунларида Абдулла ака Туркия давлати, Истамбул шаҳри «Само» касалхонасининг жонлантириш бўлимида ётгандилар. "Бу йил Навоийнинг туғилган кунида қатнаша олмаяпман" деб жуда безовта бўлдилар. 1968 йил «Навоий» шеърини ёзганларини хамон кечагидек эсимда, биз Чилонзор туманида истиқомат қилар эдик.

Беш юз йил унга ҳам нима гап ахир,
Мингга қадам қўйди йигирма беш ёш.

мисралари билан тугайдиган шеърларининг ёзилиш жараёни. Ўша йиллардан бери бизнинг хонадонимизда Навоий бобомизнинг таваллуд айёмларини албатта ош қилиб нишонлардик. "Навоий бобомиз жуда нозиктаб, инжиққина бўлганлар -да, бирор марта ҳам шу кунда ҳаво очиқ бўлмайди, ё қор ёки ёмғир ёғиб изғирин бўлади» дердилар. Жуда кўп мақолалар ёзганлар. Бирор марта такрор гап айтмас, албатта, бирор бир янги ташбеҳ топар эдилар.
Касалхонада ҳам ўзлари осма уколда ётган бўлсаларда, менга шу мақолани айтиб туриб ёздирдилар. Юз марта ўчириб, юз марта кўчирдим. Мақолани қораламаси тайёр бўлди. Ниҳоят палатага чиқдик. Анча яхши бўлиб қолдилар. Кечаси билан мақолани қайта- қайта ишладилар. Илхомжон касалхонанинг компьютерида бир неча марталаб кўчириб чиқди. Ўзбекистон Ёзувчилар уюшмасига хат ёздирдилар. "Албатта халқимга ўқиб эшитдиринглар. А.Орипов қаёққа йўқолиб қолди демасин, бирор газетага беринглар" деб илтимос қилдилар. Интернет орқали Ўзбекистон Ёзувчилар уюшмасига юбордик. Аммо соғлиқлари яна бўлмай яна қайтиб реанимацияга тушиб қолдилар. Мақолани ҳеч қаерда беришмади. Абдулла акага эса Сирожиддин Сайид ўқиб берибди деб ёлғон айтишга мажбур бўлдик, сабаби кўнгиллари оғришидан хавотирда эдик. Шу тариқа ушбу мақола эълон қилинмади."

Абдулла Орипов

Ўзбекистон Ёзувчилар уюшмасига!

Ҳурматли раис!

Менинг олисдан юбораётган ушбу мактубимни Навоийхонлик кунларида барчага ўқиб эшиттиришингизни сўрайман.

БУГУН НАВОИЙ ТУҒИЛДИ.

Ҳазратнинг таваллуд кунларини хориж сафарида нишонлашимга тўғри келди. Зеро бунинг ҳеч бир ажабланадиган жойи йўқ.
Навоий жаҳон шоиридир ва бўлганда ҳам биринчисидир. Менинг назаримда бу мақом Навоий ҳазратларига абадул абад берилган. Мен ҳамиша ўйлаганимни сўйлашга ҳаракат қилиб келганман. Дейман-ки, халқимизнинг қайсидир фазилати Парвардигори Оламга ёққан экан-ки ўз аршидан Навоийдек шоирни бизга туҳфа қилиб юбормишдир.
Навоий бобомиз ўзларини бир халққагина эмас, жами туркий элатларга, аҳли дунёга мансублигини яхши билганлар.

Агар бир қавм ,
Гар юз, йўқса мингдур.
Муайян турк улуси
Худ менингдур.

Алишер Навоий номини эшитгандаёқ қалбимиз қувонч ва ифтихорга тўлиб кетади, инчунун, у зотнинг туғилган кунларида бу ифтихорнинг адоғи бўлмас.
Мен ҳам эрта тонгда касалхона деразаларини очиб юбораман ва бутун борлиққа беихтиёр изҳори дил қила бошлайман:

-- Бугун Навоий туғилди!

Ўзбекистон Қаҳрамони,
Халқ шоири Абдулла Орипов.
Феврал 2014 йил. Истанбул

✍ Абдулла Орипов

@abdullaorifijodi
2,248
Абдулла Орипов шеърияти

09 Feb, 07:44

https://telegra.ph/Bar%D2%B3ayot-obida-02-09
1,302
Абдулла Орипов шеърияти

09 Feb, 07:39

https://telegra.ph/Navoij-da%D2%B3osi-02-09

@abdullaorifijodi
1,329
Абдулла Орипов шеърияти

09 Feb, 06:57

Абдулла Орипов

АЛИШЕР

Жаҳонки муқаддас нени кўрибди, —
Барига онасан, эй қодир ҳаёт.
Беш юз йил наридан боқиб турибди,
Нурли бу юзларга нуроний бир зот.

Шу буюк ўғлингни ардоқлаб дилдан, —
Халқим, таъзим этсанг арзигай тамом.
Унинг номи билан бирга битилган
Дунё дафтарига ўзбек деган ном.

Бойқаро ирғишлаб истак отида
Жаҳонга боққанда мисли бола шер, —
Ҳирот дарвозасин бир қанотида
Шеърий лашкарини тизган Алишер.

Дунёда бирор ном қолдирмоқ учун
Юрт бузиш шарт эмас, деган гап-ку, рост.
Кимдир пеш қилганда найзанинг кучин,
Алишер қаламни кўрсатган, холос.

Тун билан тонг эрур ташбиҳда удум,
Мисоли заҳру май, ҳажру шакар лаб.
Кимнидир қуёшдай эсласа мардум,
Кимнидир зулматдай юрарлар қарғаб.

Нидо тингла, бу кун, юртинг тарафдан,
Эй, йироқ Ҳиротда маскан топган эр!
Огоҳ бўл, Алишер, сен ушбу гапдан:
Ҳар икки набиранг бири — Алишер.

Байтингга бир бора қовушган ҳар лаб,
Такрорлаб кетгуси маҳшаргача то.
Қаратиб турибсан бу ён, не ажаб,
Миллиард мартабали жаҳонни ҳатто.

Бировлар наздида жоҳил Осиё
Фақат завол кўриб, кўрмаган камол.
Мусо илтижоси етди-ю гўё,
Ҳақ Тур тоғи узра кўргазди жамол —

Жаҳон меҳробида пайдо Алишер...
Шодмон қасида айт сен ҳам, эй қуёш!
Беш юз йил унга ҳам нима гап ахир,
Мингга қадам қўйди йигирма беш ёш.

✍1968

@abdullaorifijodi
1,196
Абдулла Орипов шеърияти

09 Feb, 06:56

Абдулла Орипов

АЛИШЕРНИНГ ОНАСИ

(Болаларга)

Билмам, қандай аёл бўлган
Алишернинг онаси.
Балки унинг ақлига ҳам
Лол бўлган замонаси.
Балки унинг кўзларида
Бўлган оғир бир хаёл.
Балки ғамгин бир зотдир у,
Балки шўхчан бир аёл.
Балки буюк фарзандига
Териб келган чечаклар.
Балки тунлар унга бедор
Айтиб берган эртаклар.
Майлига, у ким бўлмасин,
Ёлғиз бир сўз маъноси:
Алишернинг онаси у,
Навоийнинг онаси.

1968

✍ Абдулла Орипов

@abdullaorifijodi
1,259
Абдулла Орипов шеърияти

08 Feb, 21:00

Абдулла Орипов

ҒАШЛИК

Ҳаётимда нимадир қилсам,
Хонадоним бўлса ё обод.
Сен билмаган неники билсам,
Ғашинг келди менга умрбод.

Тонгда туриб уйқусиз, нолон,
Дарвозамга боқурсан гирён.
Бугун йўқлар қанақа меҳмон,
Ғашинг келди менга умрбод.

Ҳайитларни нишонлай қолсам,
Болаларга ҳадялар олсам.
Чалпак ҳидин сезсанг ҳам шу дам,
Ғашинг келди менга умрбод.

Дўстларим бор дунёлар қадар,
Чўктирмаслар кўнглимга кадар.
Саломлашса улар ҳам магар,
Ғашинг келди менга умрбод.

Юрагимни дард қилса пора,
Роса кутдинг кетгай, деб зора.
Бошқа ишинг йўқми, бечора,
Ғашинг келди менга умрбод.

Узоқ умр кўрсам ҳам ҳатто,
Сўнг этсалар ҳурматим бажо.
Куйсанг керак Маҳшаргача то,
Ғашинг келди менга умрбод.

✍2015 йил 16 август, Хьюстон.

@abdullaorifijodi
1,424
Абдулла Орипов шеърияти

08 Feb, 18:13

Абдулла Орипов

ОТА-ЎҒИЛ ТОРТИШУВИ

Ота-ўғил тортишарди Маҳшар куни,
Қоғозга ҳам ёзиб бўлмас ҳатто буни.

Ота дерди: – Гўдакликдан сени боқдим,
Байрамларда ўйинчоқлар этдим тақдим.

Еган барча овқатларинг ҳисоби бор,
Рўйхат қилиб қўйганман мен, сен – қарздор!

Ўғил дерди: – Мен уларни узгум албат,
Маҳшар куни берса бўлди имконият.

Бироқ, Сизнинг гуноҳингиз ғоят катта,
Каллангизни узишса ҳам оз, албатта.

Қилмишингиз кўриб, билиб ўлтиргансиз,
Мени ёлғон шу дунёга келтиргансиз.

✍2015 йил 17 август, Хьюстон.

@abdullaorifijodi
1,426
Абдулла Орипов шеърияти

08 Feb, 13:53

Абдулла Орипов

АКТЁР

Бир кун томошага тушиб лаҳзада,
Турфа актёрларни кўриб қайтибсан.
Лекин сен уларни фақат саҳнада
Мавжуд деб ўйласанг бекор айтибсан.

Чин актёр санъат деб, бағрини тиғлаб,
Амаллаб кунини кўриб юради.
Шундай инсонлар бор, бир кўзи йиғлаб,
Битта кўзи эса кулиб туради.

Шундай инсонлар бор, вой отам, дея,
Бир зумда ўзгарар турқи, сиёғи.
Лекин ўша маҳал, ўша сония
Онасин кўксида турар оёғи.

Шундай инсонлар бор, гўё юртпарвар,
Юртини улуғлар гўё ҳар сўзи.
Лекин разм солиб қарасанг агар,
Амал поясида иккала кўзи.

Шундай инсонлар бор, халқим дер ҳар чоқ,
Сўзлайди ҳамиша олиб халқ ёнин.
Бир қўли кўксида, бир қўли бироқ,
Тозалаб боради халқнинг ҳамёнин.

Санъатга умрини ким этмиш фидо,
Шарафи юксалсин, оламни тутсин,
Ҳаётни ўйин деб билганнинг аммо
Толеи кулмасин, бири кам ўтсин.

✍2000

@abdullaorifijodi
2,642
Абдулла Орипов шеърияти

06 Feb, 11:22

Абдулла Орипов

ЧУМОЛИХЎР

Чумолихўр деган бир хил ҳайвон бор,
Амриқо ёқларда қозонган шуҳрат.
Туриши кўппакдай ўша жонивор,
Майда чумолини териб ер фақат.

Бир кун арслон деди: — Улкан бўлсанг ҳам,
Чумоли ейишни қилмайсан канда.
Чумолихўр деди: — Кечиринг ҳожам,
Ахир нима қилай, майдакашманда.

✍🏻2014 йил 3 май

@abdullaorifijodi
2,544
Абдулла Орипов шеърияти

06 Feb, 06:45

Абдулла Орипов

МУЛОҲАЗА

Китобхонлар ичра кўпдир билимдон,
Хат ёзар, ижодинг текшириб обдон.

Дейди: – Менга ёқди манов шеърингиз,
Бироқ маълум эмас нима дерингиз.

Кимга атагансиз анови шеърни,
Юртдош деганингиз хотинми, эрми?

Мана бу байтингиз кимга бахшида,
Бизлар тафсилотин билсак, яхши-да.

Эски ков-ковлардан қотгандир бошим,
Майли яна бир бор тингла, қондошим:

– Барча бағишловлар катта бобонгга,
Марсиялар эса ўлган момонгга.

Мақтовлар онангга туҳфа, албатта,
Чунки волиданинг хизмати катта.

Мисралар амма-ю холангга ҳам бор,
Шахсий тарихчингман, амрингга тайёр.

Қийиқ ахтарасан ҳар гапдан доим,
Гўёки бўлгандек қиёмат қойим.

Хоҳлайсан, ёзсаму бирор раҳбарни,
Ўқиб маза қилсанг тагдор гапларни.

Янгилик эмасдир бу ҳолат асло,
Қолган шўролардан энг мудҳиш бало.

Шеър айтдим мен одам болаларига,
Уларнинг қувонч-у нолаларига.

Фаҳминг етмаса гар, энди нетайин,
Ўпка-гина қилиб, қайга кетайин.

Агар тушунмасанг қалбни, юракни,
Уни ёриб кўриш шартми, керакми?

Оддий, тўғри сўзни англайсан қачон?
Сендан бошқа дардим йўқми, эй, нодон.

✍🏻АҚШ. Хьюстон. 2015 йил 6 август

@abdullaorifijodi
2,171
Абдулла Орипов шеърияти

05 Feb, 05:45

Абдулла Орипов

ҚИЗЛАРИМ

Ўғил-ку, эгилган қаддингни тутиб,
Қулатмай тургувчи таянч – тиргакдир.
Қизинг-чи, ҳаттоки ўзни унутиб,
Бошга қўниб турган қушдай сергакдир.

Нимани истасанг, пилдираб қизинг
Ўша он олдингга шай қилиб қўйгай.
Унга қувонч эрур борлигинг — ўзинг,
Кўриб кўзи билан меҳрингга тўйгай.

Қайдандир сен томон отилса бир тош
Зарбаси теккайдир энг аввал унга.
Шод бўлсанг, севинчдан кўзларида ёш,
Алёрлар айтади ўша хуш кунга.

Ел тегса, иссиғинг чиқса ногаҳон,
Мисоли ўтда у ёниб кетгайдир.
Йиғласа, фалакка дастлаб, бегумон
Унинг илтижоси бориб етгайдир.

Гўдак чоғиданоқ қўғирчоқ ўйнаб
Ҳаётни яратиш туғма хислати.
Яхлит мўъжиза у, қарасанг ўйлаб,
Жам унда онанинг бор фазилати.

Келгай-ку балоғат ёши ҳам тайин,
Умрнинг мунис бир палласи етгай.
Ўша кун тиззангга қўйиб манглайин
“Раҳмат, Отажон“, деб сени тарк этгай.

Энди-чи, ёнида жуфти муносиб,
Қумридек сайр этиб юриши яхши.
Пайт келиб, боласин бағрига босиб,
Ота, — деб эшикдан кириши яхши.

Қизларим шоҳ байтдир мумтоз ғазалдан
Фаришта юрармиш қиз бор хонада.
Бежиз айтмаганлар азал-азалдан
Қизнинг ҳақи кўпроқ ота-онада.

✍2010 йил 23 ноябрь

@abdullaorifijodi
3,957
Абдулла Орипов шеърияти

04 Feb, 11:24

Рухсора Орипова ва Мадина Юсупова.
"Икки шоирнинг икки кенжа қизи."

@abdullaorifijodi
1,949
Абдулла Орипов шеърияти

04 Feb, 10:56

Toshkent Fotosuratlar uyida O‘zbekiston xalq shoiri Muhammad Yusuf tavalludining 70 yilligiga bag‘ishlangan fotoko‘rgazma ochildi.
Muallif: Abdug‘ani Juma.

@abdullaorifijodi
1,115
Абдулла Орипов шеърияти

04 Feb, 05:27

Абдулла Орипов

ИККИ КАЛАМУШ

Каламушлар, каламушлик иши қолиб,
Талашарди уясидан чиқиб олиб.

Мен адирнинг бу ёғидан, дерди бири,
Мен адирнинг у ёғидан, дерди бири.

Иккиси ҳам қўймади ҳеч кериларин,
Бир кун овчи шилиб кетди териларин.

Айтганларим ҳикмат эмас, масал эмас,
Ҳар кимга ҳам ёқадиган асал эмас.

Очиқ гап шул: ажратмангиз ерингизни,
Токи шилиб кетмасинлар терингизни.

✍🏻1996

@abdullaorifijodi
2,258
Абдулла Орипов шеърияти

03 Feb, 09:59

Абдулла Орипов

ЭТИКДЎЗ

Бу ҳол юз берибди қадим замонда,
Бир аёл жазога мустаҳиқ эрмиш.
Уни қопга солиб, гавжум майдонда
Қози бигизлашга фармойиш бермиш.

Қутурган оломон, қўлида бигиз
Дарҳол ташланибди шўрлик аёлга.
Ўша муюлишда кекса этикдўз
Тун-кун ўлтираркан, чўмиб хаёлга.

Ғоят мўмин экан қария, бироқ
У ҳам оломонга қўшилиб қолмиш.
Издиҳом ичида туртиниб узоқ
У ҳам бигизини бир санчиб олмиш.

Қайтиб дўконига келгач, шу асно
Қўшниси сўрабди: - Нима гап отам?
Чол жавоб қилибди секин, бепарво:
- Ҳамма санчаверди, санчдим-да мен ҳам.

✍🏻2005 йил 20 апрель

@abdullaorifijodi
2,048
Абдулла Орипов шеърияти

03 Feb, 09:57

Абдулла Орипов

НАПОЛЕОН

Дўхтир даволади беморни узоқ,
Тузатгач маслаҳат берди у шундоқ:
Наполеон менман, деб юрмагил энди,
Наполеон мен ўзим, билиб қўй, ўртоқ!

✍🏻2004 йил 25 ноябрь

@abdullaorifijodi
1,568
Абдулла Орипов шеърияти

03 Feb, 07:00

Абдулла Орипов

ИНСОН МАНЗАРАСИ

Баъзан ўйлаб дейман, не бўларди гар
Қудратин кўргазса табиат ҳассос.
Ва инсон сувратин унинг муқаррар
Феълу атворига айлаб қўйса мос.

Бунёд бўлар эди ажиб бир ҳолат,
Не-не инсонларнинг абас ор шарми.
Намоён бўларди аввал хушомад,
Эмаклаб юрарди бу қавмнинг бари.

Бешак яширарди турфа қилмишин
Издиҳом ичида бадкор мунофиқ.
Таниб бўлмас эди лекин юришин,
Яъни ўз феълига мос ва мувофиқ.

Қанчалар ранг-баранг инсон ҳаёти,
Бари очиқ-ойдин шундоқ турарди.
Оёғи осмонда иғвогар зоти
Айри тили билан изғиб юрарди.

Ҳа, магар чеврилса олам шу тахлит,
Имон келтирардим бир ҳолга бешак:
Оёғин заминга қадаган собит,
Комил Инсон зоти не чоғлик юксак.

Фақат у мавжудки, олам файзиёб,
Фақат инсонликка унинг ҳаққи бор.
Устивор инсонлар, сиз нечоғ ноёб,
Сизни учратган қалб нечоғ бахтиёр...

✍1980

@abdullaorifijodi
4,191
Абдулла Орипов шеърияти

30 Jan, 10:30

https://youtu.be/jw4e-B5po2A?si=qdXCepLcJwkGJ6O-

@abdullaorifijodi
1,636
Абдулла Орипов шеърияти

30 Jan, 08:58

Абдулла Орипов

ТАФСИР

Тузумлар ўзгарса ҳам,
Инсон ўзгармас экан.
Тизимлар ўзгарса ҳам
Инсон ўзгармас экан.
Жаҳолат даврида ҳам
Авлиё — авлиёдир.
Кафорат даврида ҳам
Анбиё — анбиёдир.
Балки даврон йўруғи
Аслан тўғри бўлгайдир.
Лекин минг бор дод дема,
Ўғри — ўғри бўлгайдир.
Ҳар қадамда бир масжид
Қурганинг билан, инсон,
Инсоф бермаса, ҳеч ким
Муслим бўлмас ҳеч қачон.
Кўпкарига кирганнинг
Ҳалоллик эрур дарди.
Лекин улар сафида
От сурар бир номарди.
Гоҳида садоқатли
Дўстларинг қолиб бир ён,
Йўлин топиб, қўйнингга
Кириб олгайдир илон.
Мўмин деб атар ўзин
Гоҳ яхши ҳам, ёмон ҳам.
Кайси бири ҳақ эрур?
Ўзи билгайдир Эгам.
Тузумлар ўзгарса ҳам
Инсон ўзгармас экан.
Тизимлар ўзгарса ҳам
Инсон ўзгармас экан.
Шул боисдан Пайғамбар
Уммат ғамин еганлар.
Аллоҳдан бошқасига
Сиғинмагин, деганлар.

✍🏻1996

@abdullaorifijodi
2,930
Абдулла Орипов шеърияти

30 Jan, 07:38

Абдулла Орипов

САВОЛ

Танҳо саҳроларга бош олиб кетсам.
Ё йироқ ғорларни ошён этсам,
Бедўсту беёрон тугасам, битсам,
Кўнглинг тўладими, ўшанда, айт-чи?

Қолмаса дунёда мендан хотирот,
Наинки хотирот, оддий, жўн бир от.
Бўлса на бир қавмим, на хеш, на авлод,
Кўнглинг тўладими, ўшанда, айт-чи?

Оламга ўт қўйса ҳар айтар сўзинг,
Йиқсанг дунёларни — тиккан чоқ кўзинг,
Сўнгра мўри каби қолсанг бир ўзинг,
Кўнглинг тўладими, ўшанда, айт-чи!

✍🏻1984

@abdullaorifijodi
1,882
Абдулла Орипов шеърияти

30 Jan, 05:27

https://telegra.ph/Buyuk-bunyodkor-01-30

@abdullaorifijodi
1,386
Абдулла Орипов шеърияти

30 Jan, 05:09

@abdullaorifijodi
1,825
Абдулла Орипов шеърияти

29 Jan, 15:35

Абдулла Орипов "Мен нечун севаман Ўзбекистонни?"

@abdullaorifijodi
1,450
Абдулла Орипов шеърияти

29 Jan, 06:01

Абдулла Орипов

СЕН ҚАЙДАН БИЛАСАН

Сен қайдан биласан,
Балки юлдузлар
Менга сирларини
Сўйлаётгандир.
Сен қайдан биласан,
Балки бу кўзлар
Унсиз бир қўшиқни
Куйлаётгандир.
Сен қайдан биласан,
Балки кенг олам
Шу мўъжаз қалбимга
Бўйлаётгандир.
Сен қайдан биласан,
Балки мени ҳам
Кимдир қайдадир жим
Ўйлаётгандир...

✍🏻1980

@abdullaorifijodi
2,131
Абдулла Орипов шеърияти

27 Jan, 16:16

Абдулла Орипов
"Ҳаким ва ажал" достони.
Достонни муаллифнинг ўзи ўқиган.

@abdullaorifijodi
1,460
Абдулла Орипов шеърияти

27 Jan, 16:00

Абдулла Орипов

ҲАКИМ ВА АЖАЛ

Абу Али ибн Синога бағишланади.


(Достондан парча)

1
Жуда қадим замонларда, минг йилча бурун,
Бухоронинг шундоққина Афшонасида
Яшар эди ғоят закий битта ўспирин,
Тенгдошлари қаторида ҳали расида.

Чорва билан машғул эди ота-онаси,
Тирикликдан камтаргина ком олган эди.
Лекин шундоқ оиланинг ўша боласи
Ёш бошидан Ҳаким деган ном олган эди.

Бир нарсада танти эрур доим табиат,
Идрок берса қарамагай усти-бошингга.
Неча-неча саройлардан ҳатлаб ўтган бахт
Ногаҳоний Хумой бўлиб келар қошингга.

Ҳакимда ҳам турфа хислат эди мужассам,
Хусусан у табибликда пур ҳунар эди.
Ҳар бир гиёҳ кўзларига гўёки малҳам,
Малҳам эса гиёҳ бўлиб кўринар эди.

Болаликнинг беғамлиги ўтди кўп шитоб,
Жуда эрта ниш кўрсатди унда тафаккур.
Эрмак бўлди бобосидан қолган тиб китоб,
Табиатдай баравж ўсди, табиатдай хур.

Баҳор келса Ўрта чўлнинг далаларида,
Чўликларнинг даврасида куни ўтарди.
Гиёҳ териб гоҳо ўрим паллаларида
Ҳўп1 чиларнинг усулида байтлар битарди....


@abdullaorifijodi
1,999
Абдулла Орипов шеърияти

27 Jan, 13:29

Абдулла Орипов


РАНГ-БАРАНГЛИК

Заминга баробар кулфати, бахти,
Мажнунтол ёнида заққум дарахти.

Caҳролар белибос, ўрмонлар башанг,
Делфиннинг ҳамроҳи одамхўр наҳанг.

Шодлик бир томонда, бир томонда ғам,
Икки хил балодир сув билан ўт ҳам.

Лекин қозонда сув, тагида чўғдир,
Бирови бўлмаса таом ҳам йўқдир.

Яхшилар бор жойда ёмон ҳам мавжуд,
Бу – қадим боболар қолдирган ўгит.

Мен ҳам ўз фикримни айтай якунда:
Қайсига мансубсан – ҳамма гап шунда!

✍ 2015 йил 27сентябрь, Хьюстон.

@abdullaorifijodi
3,197
Абдулла Орипов шеърияти

26 Jan, 17:09

(Тепада садо гулдирайди.)

Йигит:
Тингла, дўстим, келаётир қандайдир садо!
Бирга ўсдик, бирга майли топайлик тўзим.

Садо:
Волида-ю падарларга қуллуқ ва раҳмат!
Ташаккурлар бўлсин нурли инсон зотига.
Фикрингизни лекин бу ён буринг бир фурсат.
Зеҳн солинг гапнинг асл тафсилотига:
Икки дўстнинг садоқати, меҳри, ҳиммати
Коинотнинг қадридан ҳам тургайдир баланд.
Ҳеч не билан ўлчанмайди дўстлик қиммати,
Қулатгай у сарҳадларни қудрати билан.
Ҳикоятдан мурод шулким, улуғ, муҳтарам
Дўсти содиқ насиб этсин ҳар кимга ҳар он,
Жаннат ато қилажакман иккингизга ҳам!
Жаннат йўли мана, Сизга очиқ, чароғон.
(Атроф бирдан ёришиб кетади)

1978

✍ Абдулла Орипов

@abdullaorifijodi
1,736
Абдулла Орипов шеърияти

26 Jan, 17:08

Абдулла Орипов "Жаннатга йўл"

Давоми:

Йигит:
Гуноҳимми? Одамзодга ортиқ ишонмоқ!
Шу боисдан икки пайса етмади сабил,
Тарозибон дашном берди, у ҳақдир бироқ.

Дўст:
Нимасига ишондинг сен одам боласин,
Айт-чи, унинг қай хислати сени этди ром?
Йиғлаб туриб, сева туриб, дейман, тингла сен,
Ишонмадим инсонга мен, тамом, вассалом!
Осмондаги юлдузларни мумкин санамоқ
Аммо инсон феъл-атворин борми поёни.
Сенга доим нима дердим, эслагин ўртоқ:
Хаёл билан безаб бўлмас асло дунёни!
Эсингдами, қутқазгандинг мени иғводан,
Йиғиштириб олмасимдан ҳали ҳушимни,
Маҳкаманинг котибаси тўсиб дафъатан
Тилаб олди оғзимдаги тилла тишимни.
Иғво, найранг, ҳасад, ғийбат булар бариси
Оҳ, азизим, очолмади кўзингни наҳот?!
Сенга вафо қилдими, хўш, илҳом париси,
Жаннат ато қилдими ё "гўзал" коинот?!

Йигит:
Тугатдингми?

Дўст:
Нимайди, хўш?

Йигит:
Ўзинг-чи, ўзинг,
Ғалва билан не орттирдинг? Айбинг не экан?

Дўст:
Ҳа, ўйлашга мажбур этар сенинг бул сўзинг,
Ишончсизлик бўлди менинг бошимга етган!
Тарозибон роппа-роса бир кун ўлтириб
Кўз олдимда қилмишимни чўтига солди.
Ишонмайсан менга ҳам деб, писанда қилиб,
Дафтарига қўл қўйдирди, тилхат ҳам олди.

Йигит:
Сенга қанча етмас экан?

Дўст:
Икки пайса, ҳа,
Етишмаган менда ҳам шу Маънавий томон.

Йигит:
Янглишибмиз иккимиз ҳам нозик нарсада,
Чунки инсон ўз номи-ла Ҳазрати Инсон!

Дўст:
Ҳазрат Инсон деганинг не? Қуруқ сўз фақат!
Мен ҳам инсон, сен ҳам инсон, у ҳам инсон-ку!
Эса қайда ҳазратга хос бирор фазилат,
Булар бари биз тўқиган оддий лисон-ку!

Йигит:
Ишонмайсан, демак шулдир ақиданг тугал,
Сени ким деб атасак, хўш, одамзод учун?

Дўст:
Ишончингни поймол қилиб қўярлар аввал,
Сўнгра уни қайта талаб қилмоқлик нечун?
Оҳ, азизим, мени асло ёвуз деб билма,
Мен ёвузлик қурбониман, қалбимда алам.
Ушбу ғалат нисбатимдан тағин сен кулма:
Ура берсанг ғаюр тортар энг ёввош ит ҳам.

Йигит:
Яшаб ўтдик тирикликнинг тунд саҳросида,
Масалан, бир набототдек, бир чечак мисол.
Яшнадик гоҳ баҳорларнинг хуш ҳавосида,
Бандимизни букиб кетди гоҳ ёвуз шамол.
Жами инсон борасида менинг бул сўзим,
Ўйлаб қара, тарихда бор ибрат доимо:
Не-не зотлар гар ўзлари топса ҳам тўзим,
Одамзодга кўрмаганлар ёмонлик раво.
Эзгуликнинг йўли оғир, серғалва гарчанд,
Юксакларга кўтаради соҳибин бироқ.
Майли, менинг руҳим синиқ, хаёлим парканд,
Ҳис қилурман эзгуликнинг офтобин порлоқ.
Асабларим қақшаб кетди, ростини айтсам,
Жаннат, дўзах ғалвасидан бўлдим ҳам безор
Дўстим, сенга бир ниятим изҳор айласам.

Дўст:
Хўш, у қандай ният экан?

Йигит:
Рад этма зинҳор.
Ҳозир икков кириб борсак, дейлик, масалан,
Тўлармиди жаҳаннамнинг чексиз маскани?!
Дўстлик ҳаққи, илтимосим эшит қатъиян:
Олгин мендан етмаган шул икки пайсани!

Дўст:
Нима? Нима? Эсинг бутми? Сенга не бўлди?
Эшитмадим гапингни мен! қайтиб ол дарҳол!
Билсанг, ҳозир коинотнинг бели букилди,
Оҳ, сарсонлик қуриб кетсин, чарчабсан алҳол.

Й и г и т:
Гапим қатъий!

Дўст:
Қуллуқ! Аммо сабр этиб бирров
Менинг айтар гапларимга қулоғинг тутгин.
Яхши-ёмон ҳикматларинг ўзингга сийлов,
Фалсафангни, азиз дўстим, бир зум унутгин,
Кимманки мен ўз дўстимдан олсаму савоб,
Ёлғиз ўзим кетаверсам ўша жаннатга.
Ҳақиқатнинг мезонидир азалдан инсоф.
Ҳар нарсанинг ўз йўриғи бордир, албатта.
Эсингдами, Махшар бағрин роса оралаб
Фақат сени, фақат сени ахтардим дедим?!

Йигит:
Дединг.

Дўст:
Аммо нима эди мендаги талаб?

Йигит:
Нима эди?

Дўст:
Мен қарзимни узмоқчи эдим!
Сўнгги пайтда иғвогардан қилгандинг халос.
Ҳаётимга бахш этгандинг тинчлик, ҳаловат.
Яхшилигинг қайтаролмай қарздор эдим, рост,
Бўйнимда бурч, эзилдим то рўзи қиёмат,
Менинг учун икки олам бўлди бир чақа,
Биласан-ку, қиёмат қарз деган нарсани.
Тушун ахир мени, дўстим, қулоқ тут гапга,
Савобим ол, сен ол мендан икки пайсани!

Йигит:
Во ажабо, томошанинг қизиғи чиқди!
Биласанми, таъма заҳри куфрдан ортиқ.
Иғвогар-ку, ғазабингга ахир йўлиқди.
Лекин сенда қарзим бўлса — ол, сенга тортиқ!
Оғайнимдан икки пайса ўмариб шодон,
Мақтанайми падаримнинг олдида, қани?!
Аҳволимни тушун, сен ҳам, баҳаққи имон.
Сен оласан мендан ўша икки пайсани.

Дўст:
Асло! Асло! Сен оласан!

Йигит:
Йўқ, йўқ, мутлақо!

Дўст:
Сен оласан! Сен оласан! Охирги сўзим!

👇
1,409
Абдулла Орипов шеърияти

26 Jan, 15:45

https://youtu.be/moKtoDCG75c

@abdullaorifijodi
521
Абдулла Орипов шеърияти

26 Jan, 15:45

https://youtu.be/dz1_e225KNY

@abdullaorifijodi
538
Абдулла Орипов шеърияти

26 Jan, 15:45

https://youtu.be/SQD3KTtNcAU
@abdullaorifijodi
519
Абдулла Орипов шеърияти

26 Jan, 15:38

Абдулла Орипов

("Жаннатга йўл" драматик достонига қўшилган парча.)

ЙИГИТ МОНОЛОГИ

1
Улуғ бир зот савоб ишни ҳар кун қил деган,
Каттага ҳам, кичикка ҳам фарздир бу ўгит.
Гавжум йўлдан бу тарафга ўтолмай турган
Қариянинг ҳолатини бир тасаввур эт!
Балки унга ёрдам қўлин чўзмоққа шайсан,
Лекин нега мадад бергач, ҳақин сўрайсан.
Савоб шуми?
2
Ҳар кимса ҳам юмуш қилсин қараб кучига,
Ҳар кимса ҳам муаммосин ечолсин эплаб.
Лекин ўғри, муттаҳамга, товламачига
Имконият бериб қўйсанг, бу қандайин гап?
Бир дўстингга омонат мол жўнатсанг агар,
Йўл-йўлакай еб қўярлар ярмин муқаррар.
Инсоф шуми?
3
Бир олимнинг номин сотар минг битта жоҳил,
Бир даҳонинг соясида гердаяр миллат.
Гарчи кўпдир бу дунёда донишманд, оқил,
Ҳар кимга ҳам ёқавермас бунақа нисбат.
Барчасини очиқ-ойдин кўриб турарлар,
Лекин нечун фозилларни ерга урарлар?
Адолат шуми?
4
Ҳали сўфи таҳоратин олмасдан аввал,
Ибодатин бошламасдан ҳаттоки Ҳаққа
“Ассалом!” деб ўрнимиздан қалқардик ҳар гал,
Бир халқ таъзим қилар эди иккинчи халққа.
Устозларга эргашардим, пилдирар эдим,
Мен ўзим ҳам “Ассалом!”деб чулдирар эдим.
Диёнат шуми?
5
Мен яхшилик тилар эдим Инсониятга,
Ўйлардимки, эзгуликни куйладим фақат.
Лекин, афсус, етолмабман қутлуғ ниятга,
Курашмоғим керак экан балки бешафқат.
Иродасиз дўстларимнинг касри учун ҳам
Пешонамга ёзилибди дўзах, жаҳаннам!
Кафолат шуми?

✍2013 йил 3 октябрь

@abdullaorifijodi
692
Абдулла Орипов шеърияти

26 Jan, 14:04

Абдулла Орипов

ВАҚТ

Сен бировга яхшилик қилсанг,
Қайтишини кутмагил асло.
Абадият ёнида, билсанг,
Унутилиш бордир доимо.

Вақт гўёки қилкўприк, ундан
Икки эмас, бир ўтилади.
Сени эслаб унутмай юрган
Одамлар ҳам унутилади.

✍2013 йил 21 декабрь

@abdullaorifijodi
1,748
Абдулла Орипов шеърияти

24 Jan, 18:43

Абдулла Орипов


ЯХШИ ВА ЁМОН

Бир кўприкда дуч келди
Икки одам ногаҳон,
Бирови Яхши эди,
Бирови эса Ёмон.
Яхши одам Ёмонга
Салом берди, қўл берди,
Бир чеккага сурилиб,
— Ўтинг, дея йўл берди.
Ёмон эса ўшқирди,
ғазабга тўлди чунон,
Яхшини улоқтирди
Тошқин дарёга томон.
Деди: — Мени тенг қилма,
Ўзинггаю зотингга,
Зор эмасман, билиб қўй,
Сенинг илтифотингга.

✍ 2013 йил 28 декабрь

@abdullaorifijodi
1,969
Абдулла Орипов шеърияти

24 Jan, 07:27

Абдулла Орипов

ҲАСАДГЎЙ

Инсоф берар бўлса Худойим агар
Ўғрини тарбият айламоқ мумкин.
Ногаҳон бировга етказса зарар,
Телбани занжирга бойламоқ мумкин.

Энг катта ёвни ҳам енгмоқлик осон,
Битта сотқинини қўлга олсанг бас.
Донога айланар ҳаттоки нодон,
Фақат ҳасадгўйни даф қилиб бўлмас.

✍️2013 йил 27 декабрь

@abdullaorifijodi
2,369
Абдулла Орипов шеърияти

24 Jan, 06:43

Абдулла Орипов

ДОНИШМАНД ДЕДИКИ

Донишманд дедики, осонни кутма,
Имкондан ортиқ бир имконни кутма.
Дарёдан дарёни талаб айлагил
Ва лекин ҳеч қачон уммонни кутма.

✍🏻1980

@abdullaorifijodi
1,405
Абдулла Орипов шеърияти

23 Jan, 07:43

Абдулла Орипов


МЕҲРУ ОҚИБАТ ҲАҚИДА БАЛЛАДА

Дема кўтарилди меҳру оқибат,
Биргина чора бор бундай чоғ фақат.

Токи танангда жон, оғзингда сўзинг,
Энди хабар олгин ўзингдан ўзинг.

Хотин нонуштага олиб кирса чой,
Ўзингни таклиф қил: — Ич, фалончибой!

Тонгда ишхонангга қўйсанг гар қадам,
Жумладан, салом бер ўз-ўзингга ҳам.

Илгакка палтонгни ҳурмат билан ос,
Кўрсат ўзингга ҳам садоқат, ихлос.

Одатда бир кимса ишга бўлар ғов,
Ҳайфсан эълон қилгин ўзингга дарров.

Балки йўл оларсан узоқ сафарга,
Йироқ қишлоққами, олис шаҳарга,

Ҳол сўраб дадангдан, туққан онангдан,
Ўзингга мактуб ёз борган жойингдан.

Дема, кўтарилди меҳру оқибат,
Бунинг чораси бор, изла, топ фақат.

Туғилган кунингни балки биларсан,
Ўзингга нимадир совға қиларсан.

Ногоҳ тушиб қолсанг касалхонага,
Кўз тиккил на дўсту на бегонага.

Яхшиси, ўғлингга тезликда сим қоқ,
Дегил: Келмасанг гар, оқ қиламан, оқ!

Магар шоир бўлсанг ғазал ёз, ёз фард,
Лекин топилмайди ўқийдиган мард.

Ижро эт шеърингни ўзинг баралла,
Дегил: қотирибман, уҳ, баракалла!

Набиранг кўнглига изласанг калит,
Бир жуфт чақич беру ўзингни танит.

Улфат изламагин кўча юзидан,
Ҳозир ҳамма кетган пулнинг изидан.

Ниҳоят қартайиб, ҳориб толгайсан,
Барча ташаббусни қўлга олгайсан.

Бир кун трамвайга чиқсанг ҳойнаҳой,
Сенга бирор кимса бўшатмагай жой.

Холи ўриндиққа тушса гар кўзинг,
Ўтиринг, домла! — де ўзингга ўзинг.

Кимлардир тортмасин, ташвиш, жабрингни,
Албатта, қаздириб қўйгин қабрингни.

Бир жуфт сўз ўйдиргин мармар тошга ҳам:
"Бу ерда ётибди Энг Яхши Одам!"

Ахир тиригингда йўқлашмади, бас,
Ўлганингдан сўнг ҳам ҳеч ким эсламас.

Хуллас, йўқолмагай меҳру оқибат,
Бунинг чорасини изла, топ фақат.

✍🏻1994

@abdullaorifijodi
4,770
Абдулла Орипов шеърияти

21 Jan, 05:10

Абдулла Орипов

ТУҒИЛИШ

Юришни ўрганди болакай сал-пал,
Орқада кузатар ота ва она.
Оҳ, ушбу кўриниш нақадар гўзал,
Минглаб оилага орзу — ягона.

Суринмай улғайсин майли болакай,
Умр фаслларин гаштини сурсин.
Лекин, пайти келгач ким бўлар, ҳай-ҳай,
Ҳаёт елканини у қайга бурсин.

Бир чўқиб атрофга ўн бор қараса,
Ҳар кимнинг юзига боқса жовдираб.
Кошкийди шу ҳолда корга яраса,
Суянчиғи йўқ-ку тургувчи қараб.

Бировдан берухсат ҳатто кулмаган,
Билмас, муроди не — обрўми, пулдир.
Унда мустақиллик ўзи бўлмаган,
Энди у мутедир, энди у қулдир.

Йўлин қора мушук кесиб ўтган дам,
Дод! — дея йигитлик оридан тонса.
Ёмон туш кўрганда улуғ ёшда ҳам,
Эна, энажон! — деб йиғлаб уйғонса.

Мен бундай касларни топмадим ўйлаб,
Шеърни ҳам ёзмадим асло атайин.
Қофия устида етмиш йил ўйнаб,
Бир жиддий гапни ҳам энди айтайин.

Бу қавмнинг қиммати йўқдир мутлақо,
Лекин омад доим уларга ўртоқ.
Пастда муносиблар қолиб, ажабо,
Тўрга ўтиб олар ўшалар кўпроқ.

Кўзимиз қораси азиз зурёдлар,
Ҳаттоки тантиқдир, ғоятда суюк.
Оҳ, қайдан келаркан фидойи зотлар,
Қайдан туғиларкан ботирлар буюк.

Магар бўлганда ҳам қиёмат қойим,
Дегайман, етгунча сўнгги нафасим.
Комил инсонларни қўмсарман доим,
Улуғ сиймоларга келгай ҳавасим.

✍🏻2015 йил 18 апрель

@abdullaorifijodi
2,607
Абдулла Орипов шеърияти

16 Jan, 05:32

⚡️Исроил ва Фаластин 19 январдан бошлаб ярашув сулҳини тузишга келишишди.

Абдулла Орипов

ЯХШИ ГАП

Орзу-ҳавасларим йўқ эди ҳали,
Парвосиз кезардим майса-ўтларда.
Ёшим ўсмирликка етган маҳали
Учгим келиб қолди самолётларда.

Йиллар ўтиб кетди гоҳ ҳуд, гоҳ беҳуд,
Айрилик, ҳижронлар енгдилар мени.
Энди барчасидан узгандим умид,
Кўргим келиб қолди дафъатан сени.

Кечди-ку ҳаётим ёвузлар аро,
Бахтсизлик сўзига кўникдим беун.
Дердим, меҳмондирман дунёда, аммо
Бахтли бўлгим келди ажойиб бир кун.

Ишонмай қўйгандим дўсту ёрга ҳам,
Бирдан юрагимда уйғонди ишонч.
Қайгадир йўқолди, ғойиб бўлди ғам
Қайтди унутилган шодлик ва қувонч.

Ажиб ҳол юз берди умримда гўё,
Кўнглимни тоғ этди қандайин сабаб?
Жимиб қолгандилар ғанимлар ҳатто,
Чунки эшитгандим мен ҳам яхши гап.

✍🏻2015 йил 3 ноябрь

@abdullaorifijodi
2,996
Абдулла Орипов шеърияти

15 Jan, 10:40

Абдулла Орипов

ХАЛОЙИҚ ХОҲИШИ

Қудуқ қаздинг чўл ўртасида,
Суви ширин, албатта, текин.
Тенги йўқдир унинг аслида,
Биров ичмас бу сувни лекин.

Шиддат билан оқади дарё,
Кўприк қурдинг ба ҳаққи савоб.
Бирор кимса ўтмади аммо,
Қолиб кетди гўёки сароб.

Қора тунда ёқдинг-ку гулхан,
Келгайми, деб бирор йўловчи.
Бироқ ҳечким ўтмади йўлдан,
На бир ҳайвон ва на бир овчи.

Шеърлар ёздинг бамисли олов,
Яхшиларни куйладинг роса.
Қизиқмади ва лекин биров,
Ўқимади шеърингни кимса.

Тилла дўкон очдинг бир куни,
Бирданига ўзгарди олам.
Кутган экан халойиқ шуни,
Босиб кетди тумонат одам.

✍2016 йил 10 октябрь, Хьюстон.

@abdullaorifijodi
3,318
Абдулла Орипов шеърияти

14 Jan, 04:03

Абдулла Орипов

ҚАЛҚОН

Осойишталик посбонларига

Кимдир эл тинчини бузса ногаҳон
Ёки қўл кўтарса қаҳрга тўлиб,
Сиз — озор чекканга энг аввал қалқон,
Ҳимоя қилгайсиз биринчи бўлиб.

Ҳаётда фожиа учраб турар гоҳ,
Гоҳ умр ғунчаси қолгайдир сўлиб,
Бунга ҳам энг аввал Сиздирсиз гувоҳ,
Сиз кўз ёш тўккайсиз Биринчи бўлиб.

1999 йил, 14 январь

✍ Абдулла Орипов

@abdullaorifijodi
2,029
Абдулла Орипов шеърияти

14 Jan, 04:01

Абдулла Орипов

ЭР ЙИГИТ

Ўғлим, бул ҳикматни қилгил бошга тож:
Ҳеч кимса бўлмасин номардга муҳтож...
Эр йигит қалқондир юртига доим,
Мангудир Ватанда мардга эҳтиёж.

2005 йил 13 январь

✍ Абдулла Орипов

@abdullaorifijodi
1,963
Абдулла Орипов шеърияти

14 Jan, 04:00

Абдулла Орипов

ВАТАН ҲИМОЯЧИЛАРИГА

Осойишта экан шу юрт, шу чаман,
Ҳатто кипригингга қўнмайди гардлар.
Мардларни вояга етказди Ватан,
Демак, қўриқлайди Ватанни мардлар.

2011 йил 11 январь

✍ Абдулла Орипов

@abdullaorifijodi
1,882
Абдулла Орипов шеърияти

13 Jan, 19:51

Абдулла Орипов

ЭРЛАРНИ АВАЙЛАНГ!

Дунёнинг ярмини аёллар ташкил қилади. Айниқса, ўзимизнинг юртимизда. Мана шу гапларнинг тўқсон фоизини аёлларимизга айтиш керак. Оналарга, бувиларга айтиш керак. Эркакларни йўлга соладиган мана, шулар ҳисобланади. Шулар “топиб кел”, дейди. Ундай қил, бундай қил, дейди. Эркаланиб қизи туради, эшигимиз тагида йигирмата “Мерседес” бўлмаса эрга тегмайман, дейди. У қил, дейди, бу қил, дейди. Ишонасизми, кўпинча эркакларни йўлдан уриб, тарбиясини бузиб юборадиган шулар ҳисобланади. Порага ҳам ўргатади. У йўқ, бу йўқ, опкелинг, дейди. Унисини ундай қилинг, бунисини бундай қилинг, дейди. Иродаси сал сустроқ бўлган эркак бир кунмас бир кун аёлнинг етовига кириб кетади. Бў-ў-ўлди: ундан кейин порахўрлик бошланиб кетади. Аёлнинг ўзи ҳам олаверади, керак бўлса. Раҳбар эрнинг хотини ҳодимларидан ҳам, бошқалардан ҳам олаверади!
Аёлларимизга малол келган тақдирда ҳам айтмасак бўлмайди: ўша эр қонун олдида қанчалик жавобгар бўлса аёл ҳам шунчалик жавобгар. Албатта, ғалвир сувдан кўтарилганда аёлга тегилмайди. У қўл қўйган эмас, олган эмас, бошқа-бошқа дейилади. Ўша аёл нима бўлганини билади. Уйида бирданига қозони вақрлаб қолганини балодек билади! Эри олиб келган нарсани керакли ерга яшириб қўяди, тўғрими? Сандиққа яширади — панага қўяди. Эрининг пайтавасига қурт тушиб қолганида эса, “менинг нима айбим бор?” дейди. Айбинг — ўша олиб келинган нарсанинг ҳаммасини жуда яхши санаб ўтиргансан, яшириб қўйгансан. “Тани жонингиз COF бўлсин” деб миннатдор ҳам бўлгансан. Ҳа, қонун бўйича сен ҳам шерик ҳисобланасан-ку, дейдиган одамнинг ўзи йўқ. - Аслида эринг билан панжаранинг ортида сен ҳам ўтиришинг керак. Сенга тегишмабди-ку, шунга шукр қилиб теккина ўтиравер, дейдиган йўқ.
Энди бу ерда энг ёмон нарса — болаларнинг ота меҳрисиз қолиши. Ўша болаларга қийин. Ўша ерда ақллигина қизлари ўсаётган бўлса, биров эшик тақиллатиб ё келади ёки бўлмаса — йўқ. Диёнатли ўғли бўлса унга ҳам оғир — фалон порахўр ёки муттаҳамнинг ўғли-да, дейишади. Бунақа гапни у кўтариб юра оладими? Кейин — ўзига ўхшаган қаровсиз, нашавандларни топиб ўшаларга қўшилиб кетади, ҳалиги бола. Рисоладаги давраларга қўшила олмай юради, ор қилади — шу тарзда у бутунлай бузилиб кетади. Агар ўша бола отаси қамалмасдан унинг йўлига кириб кетмаган бўлса — хўп бола хўп!
Қийино-қийин — ўша болаларга қийин.
Биби Ойиша қавмларидан бўлган оналаримизга, аёлларимизга аччиқ бўлса ҳам айтиш керак, эркакларни авайланг. Ўзингизнинг, хонадонингизнинг соябони бўлган эркакларни куфр йўлларига бошламангиз. Сизнинг эътиборингиздан четда шундай иш тутаётган умр йўлдошингизни, ўғлингизни нопок йўллардан қайтаринг. Илоҳим, умрингизга умр қўшилсин, сермазмун умрингиз давомида эл-юрт кўз ўнгида оилангиз бахту саодатини кўринг. Тўйлар қилинг. Ҳаммамиз шу тилак билан яшайлик, Ўзбекистондек фахрли Ватан учун сидқидилдан меҳнат қилайлик!

1999 йил

@abdullaorifijodi
5,027
Абдулла Орипов шеърияти

13 Jan, 10:11

Абдулла Орипов

НАМОЙИШ

Осмони фалакда чиқди фармойиш:
“Сомончи йўлида ўтсин намойиш!

Қатнашсин катта-ю кичик давлатлар,
Барча қитъалардан барча миллатлар”.

Чиндан кўрик бўлди ғоятда катта,
Олам йиғилганди ахир парадда.

Найзасин кўтариб Африка ўтди,
Там-там овозлари самони тутди.

Улар кийиб олган турфа либосин,
Бири филин минган, бири қўтосин.

Осиё етаклаб болаларини,
Аравага ортган бомбаларини.

Бизникилар ўтди хушнуд ва ғолиб,
Пахта чаноғини қўлига олиб.

Ўтдилар, дейишиб акани опа,
Жинсни фарқлай олмай қолган Европа.

Турли ўйиннинг ҳам борлиги дуруст,
Ракетаси билан қўрқитди ўрис.

Ҳамма ёқни босган турли штаблар,
Режиссёрлик қилди ўзи — Штатлар.

Томоша охирлаб қолди-ку қарийб,
Оҳ, ҳеч ким ўтмади китоб кўтариб.

✍🏻2015 йил 4 май

@abdullaorifijodi
2,591
Абдулла Орипов шеърияти

13 Jan, 07:28

@abdullaorifijodi
1,334
Абдулла Орипов шеърияти

12 Jan, 19:24

Мухлислар эътиборига!

2024 йилнинг январь ойларида шоиримиз Абдулла Ориповнинг "Буюк соддалик" ва "Уммон бўйидаги ўйлар" китоблари оиласи томонидан нашр эттирилди. Китобларини топа олмаётган мухлисларнинг кўпдан кўп мурожаатларини инобатга олган холда, қуйидаги икки китобни сотувга ўзимиз қўйдик. Иккита китоб 100 минг сўм. Етказиб бериш (Тошкент шаҳри ичида) билан биргаликда. Хоҳловчилар бўлса Абдулла Орипов группасига https://t.me/+VHu5t9peOq5lMOuq мурожаат қилишингиз мумкин.

@abdullaorifijodi
1,650
Абдулла Орипов шеърияти

12 Jan, 14:40

Эълон қилинмаган шеърлар туркумидан....

Абдулла Орипов

Олтин қозиқ

Буюк ипак йўлида
Борар Ўзбек карвони.
Манзилини чамалаб
Самога тиккан кўзин.
Ўтовидан чиқди-ю,
Кекса қозоқ чўпони.
Мўлжал шу деб кўрсатди,
Олтин қозиқ юлдузин.

Бир-биридан ҳимматин
Аямаган халқлармиз.
Баҳам кўриб ўртада,
Ҳам ёзиқ, ҳам озиқни,
Иншааллоҳ боболар
Ақидасин сақлармиз
Эслаб ўша йўлларни,
Эслаб ўша қозиқни.

✍8.06.2006

@abdullaorifijodi
1,609
Абдулла Орипов шеърияти

11 Jan, 18:20

Abdulla Oripov ijodi "Olamning qalbi" ko‘rsatuvida.
1,446
Абдулла Орипов шеърияти

11 Jan, 09:31

Абдулла Орипов

ҚАЛДИРҒОЧ

Дейдилар, қайгадир ўт кетса, албат,
Чумчуқ хас таширмиш, қалдирғоч-чи, сув.
Балки, бу чумчуқнинг шаънига туҳмат,
Ёнғин нималигин, балки, билмас у...

Сен дунё ҳолига назар сол бирпас,
Назар сол кўзлардан оққан ёшларга.
Дунёда кулбалар ёнар ҳар нафас,
У доим муҳтождир қалдирғочларга.

✍1986

@abdullaorifijodi
2,981
Абдулла Орипов шеърияти

10 Jan, 07:29

Мусо Тошмуҳаммад ўғли Ойбекнинг Абдулла Ориповга Ёзувчилар уюшмаси аъзолиги учун берган тавсияномаси.

@abdullaorifijodi
1,579
Абдулла Орипов шеърияти

10 Jan, 07:29

Мусо Тошмуҳаммад ўғли Ойбек уй музейида....

Абдулла Орипов "Мардлик" шеъри...
3,425
Абдулла Орипов шеърияти

10 Jan, 06:25

Ойбек адабиёти – Telegraph
https://telegra.ph/Ojbek-adabiyoti-01-10
Абдулла Орипов
@abdullaorufijodi
1,446
Абдулла Орипов шеърияти

10 Jan, 06:25

10 январ - Мусо Тошмуҳаммад ўғли Ойбек таваллуд куни

Абдулла Орипов

ОЙБЕК ҲАҚИДА ҚЎШИҚ

Қалби пок мардона элнинг,
Сен азиз фарзандисан.
Ганжу мулкка бергисиз эл,
Гавҳари, дилбандисан.
Ҳар калиманг маърифатнинг
Уфқида ойдек тўлиб,
Эл аро топдинг шараф сен,
Устоз Ойбек бўлиб.
Шан ҳаётинг одамийлик
Хайру софликдан нишон,
Чақнади шеърингда нурли
Эътиқод бирлан имон.
Гоҳ Навоий суҳбатингда,
Гоҳ Торобий, Йўлчи гоҳ,
Сен севикли даврим ўғли
Бегумон, беиштибоҳ.
Хизматингдан, ҳикматингдан
Элу юрт мангу ризо,
Ўчмагай, номинг асрлар
Сўнгидан бергай садо.

1986

✍ Абдулла Орипов

@abdullaorifijodi
1,436
Абдулла Орипов шеърияти

07 Jan, 10:18

Абдулла Орипов

НУР

Нима қолур мендан дунёда,
Фарзандлар-у тўрт-бешта баёт.
Толиқсам-да ҳаддан зиёда,
Сени жуда севаман, ҳаёт.

Фаҳм этарман, не бўлар кейин,
Мармар тошнинг нархи бир тийин.
Қийин, қийин, кетганга қийин,
Сени жуда севаман, ҳаёт.

Туғилгандим меҳрдан гарчанд,
Яшаш учун курашдим ҳарчанд.
Турмуш доим берса ҳамки панд,
Сени жуда севаман, ҳаёт.

Ўз жойига мослашгай янтоқ,
Дарранда ҳам апоқ ва чапоқ.
Кўникмадим теграмга бироқ,
Сени жуда севаман, ҳаёт.

Зимистоннинг юзин терс қилсин,
Умр қадрин билганлар билсин.
Билмаган-чи, кўксини тилсин,
Сени жуда севаман, ҳаёт.

Яшаяпман, Тангрига шукур,
Деразамдан тушиб турсин нур.
Мен шундан ҳам қилурман ҳузур,
Сени жуда севаман, ҳаёт.

✍🏻2016 йил 26 август.

@abdullaorifijodi
3,404
Абдулла Орипов шеърияти

07 Jan, 07:17

Абдулла Орипов

СИЗДАН НИМА КЕТДИ

Гарчи, яшамадим беиқбол, нигун,
Гарчи, давраларим нурлик, оташлик,
Нега, менинг дилим, титрайсан нечун,
Нечун юрагимни тирнайсан, ғашлик.

Не бу, эрта кетган ёшлигимми бу,
Ёки дўстларимдан орттирган ҳасрат?
Не бу, қандайин ҳис, қандайин туйғу,
Қандай номсиз меҳр, исмсиз нафрат?

Қирқ йил ҳам ўтибди мисли бир дамдек,
Қолгани не кечар — менга ноаён.
Вайрона тагида мажруҳ одамдек
Тирмашиб яшайман ҳаётга томон.

Сиздан нима кетди, эй дўсти азиз,
Соғинманг менга ҳар бир зум ёмонлик.
Мендан нима кетди, сизга ҳам чексиз
Саодат тилайин, тилай омонлик.

✍🏻1983

@abdullaorifijodi
3,075
Абдулла Орипов шеърияти

06 Jan, 07:58

Абдулла Орипов

САН-ФРАНЦИСКОЛИК ТАЛАБА
БИЛАН СУҲБАТ

(Оқ шеър)

Менинг гапим билан дунё ўзгармаса,
Сенинг гапинг билан дунё ўзгармаса,
Унинг гапи билан дунё ўзгармаса,
Аҳвол шундоқ экан, деб жим ўтира берсак —
Яхшими?
Қуёш бир кишиники эмас, шубҳасиз,
Юлдузлар бир кишиники эмас, шубҳасиз,
Ой ва ер бир кишиники эмас, шубҳасиз,
Модомики, шундоқ экан, нечун бу талотўп —
Нечун бу шўриш?
Сталинградда ҳалок бўлганларнинг,
Сонмида ҳалок бўлганларнинг,
Сабра-Шатилада ҳалок бўлганларнинг,
Яшашга ҳақлари бормиди, ахир?
Бор эди, шаксиз!
Билъакс ҳайқирмоқ керак — жим
ўтиргандан кўра,
Тирикликни талаб қилмоқ керак — жим
ўтиргандан кўра.
Бақирмоқ, ҳа, бақирмоқ керак — жим
ўтиргандан кўра.
Бақир, ҳа, бақир, қулоқлари батанг бўлсин
токи —
Урушқоқ афандиларнинг...

✍🏻1985

@abdullaorifijodi
2,208
Абдулла Орипов шеърияти

06 Jan, 07:50

Абдулла Орипов

МЕН АНГЛАБ ЕТГАН ФАЛСАФА

Бозорга ўхшайди асли бу дунё,
Бозорга ўхшайди бунда ҳам маъни.
Иккиси ичра ҳам кўрмадим асло,
Молим ёмон деган бирор кимсани.

✍🏻1973

@abdullaorifijodi
2,213
Абдулла Орипов шеърияти

03 Jan, 10:51

Абдулла Орипов

НИСБИЙЛИК

Жуда яхши! — деймиз мана бу нарса,
Гўё ҳукм каби янграр сўзимиз.
Ўйлаб кўрганмизми ҳеч бирор марта,
Киммиз ўзимиз?
Жуда ёмон! — деймиз мана бу нарса,
Гўё ҳукм каби янграр сўзимиз.
Ўйлаб кўрганмизми ҳеч бирор марта,
Хўш, ким ўзимиз?
Кимгадир ёқамиз биз ўзимиз ҳам,
Кимгадир ёқмаймиз биз ҳам ўзимиз.
Шунақа чархпалак экан бу олам,
Демак, нисбий эрур ҳар бир сўзимиз.

✍1977

@abdullaorifijodi
3,265
Абдулла Орипов шеърияти

03 Jan, 10:17

Абдулла Орипов

ЙИРТИҚ БОТИНКА

Доим уст-бошингга қараб юр болам,
Ўхшама эгасиз дайди, саёққа.
Бежиз демаганлар боболаринг ҳам
—Дўст бошга қарайди, душман оёққа.

Дўстнинг оёғига эгилсин бошинг,
Дўстни шерик қилғил ёвғон ошингга.
Йиртиқ ботинкага етса бардошинг,
Хумой келажакдир албат қошингга.

✍1975

@abdullaorifijodi
2,830
Абдулла Орипов шеърияти

03 Jan, 05:47

Абдулла Орипов

ДАРД

Нега ёмонларга дард бермас Худо,
Ҳатто товонига тикан кирмайди?
–Ҳамманинг жонига теккан у бало,
Худо дардини ҳам раво кўрмайди.

✍🏻2003 йил 19 март

@abdullaorifijodi
2,945
Абдулла Орипов шеърияти

01 Jan, 20:38

Абдулла Орипов

АДОЛАТ

Йўқсилга дедилар: Даъвойингдан кеч,
Мана ол, сийму зар сенга кафолат.
Йўқсил улар гапин тингламади ҳеч,
Адолат, деди у фақат, адолат!

Бадавлат кимсага бердилар савол,
Дедилар: Нима бор кучлироқ пулдан?
У жавоб қайтарди: —Қўрқаман алҳол,
Адолат ахтарган ўша йўқсилдан.

✍1994

@abdullaorifijodi
4,873
Абдулла Орипов шеърияти

31 Dec, 18:45

Абдулла Орипов

ЯНГИ ЙИЛ

Меҳру муҳаббатга ташна кўнгилни
Ҳатто дақиқалар айлар экан зор.
Бир ўзим билурман, ҳар янги йилни
Қанчалик кутганман бўлиб интизор.

Ундан омонликни кутдим, аввало,
Сўнгра осойишта онларни кутдим.
Бир қултум сув билан бир ютум ҳаво,
Тандирдан узилган нонларни кутдим.

Кутдим, набиралар бўлишсин, деб жам,
Ҳар бирин лабида табассум қалқсин.
Ёғсин оппоқ қор ҳам гупиллаб шу дам,
Қишнинг қуёши ҳам ялтираб балқсин.

Қўни қўшнилару дўсту биродар
Бир-бирин қутласин қувончга тўлиб.
Кекса-ёш бағрини очиб баробар
Йилни қарши олсин жамулжам бўлиб.

Гина- кудуратлар орқада қолсин,
Янги яралгандай бу вужуд – бу тан.
Севиб ва авайлаб бағрига олсин
Ҳар битта фарзандин шу она Ватан.

Самовий нур билан чулғансин юрак,
Шоирлар байтида умидбахш нақл.
Ахир, ортиқчалик қилмаса керак,
Кибрга чегара, нодонга ақл.

Бўлса пешонада даврини сурсин,
Бандаси умрини этмасин исроф.
Қўзичоқ уч-тўрт кун ўйноқлаб юрсин,
Чўпон ва чўлиқдан кетмасин инсоф.

Жомга шароб қуйсанг лиммо-лим тўлгай,
Тагига тўкилгай ундан ортиғи.
Виждон ҳар лаҳзада қўриқчи бўлгай,
Насибанг – тақдирнинг туҳфа, тортиғи.

Учар осмонларда бахт деган бир қуш,
У юртлар устида қанотин қоқсин.
Ғам-ташвиш гўёки босириқ бир туш,
Бесамар хаёллар сувларга оқсин.

Кичкинтой набирам талпинар менга,
Шу соат у билан эрурман тенгқур.
Қуллуқ қилажакман, тириклик, сенга,
Берган куни учун Тангрига шукур.

✍2015 йил 27 декабрь

@abdullaorifijodi
6,490
Абдулла Орипов шеърияти

30 Dec, 15:48

Абдулла Орипов

ВАЪДАЛАР

Мен қўрқаман Янги йилга
Шеърлар битмоқдан,
Ўқувчимга йўқ нарсани
Ваъда этмоқдан.
Айтилдими — бажарилса
Ваъда ва тилак,
Йўқса, бир йил кўздан йироқ
Юрмоқлик керак.
Ваъда бериб айтамиз биз:
Йўқолгай нифоқ,
Меҳнат қилган катта-кичик
Бўлиб иттифоқ.
Қарабсизки, қай бировлар
Аҳдни бузгайлар,
Зум ўтмайин ўзларича
Режа тузгайлар.
Ваъдамиздан ўрин олар
Албатта виждон,
Янги йилда, деймиз, ҳар ким
Бўлгай покдомон.
Лекин риё бир бурчакда
Пойлаб туради.
У ҳам энди кимларнидир
Йўлдан уради.
Шуҳратпараст, лўттибозга
Ўрин йўқ сира!
Ҳар биримиз бўлажакмиз
Соф ва бокира!
Янги йилда ана шундай
Янграр сўзимиз,
Эртаси-чи, лўттибозмиз
Баъзи биримиз.
Дўсту ёрга меҳримизни
Этамиз изҳор,
Сўнг йил бўйи бегонадир
Кимларга дийдор.
Янги йил-чи, барчасига
Қарагай кулиб,
Кела берар, кета берар
Ишончга тўлиб.
Қаримайман, мангу ёшман
Деганнинг, бироқ,
Қасамига бовар қилмас,
Солмагай қулоқ,
Ундайларнинг кўзин жиндек
Ёшлаб ўтар у,
Сочларига бир тола оқ
Ташлаб ўтар у.

✍1986

@abdullaorifijodi
4,546
Абдулла Орипов шеърияти

29 Dec, 18:48

Абдулла Орипов

Хуш келибсан, Янги йил!

Яна келдинг ҳадяга тўлиб,
Кутмоқдайдик сени интизор.
Қадамингдан миннатдор бўлиб
Зарра-зарра тўкилади қор.
Хафамасмиз бобо йилдан ҳам,
Қувонтирди у бизни қанча:
Конфетини кўришдик баҳам
Ва қўшиқлар ўргандик анча.
Ниҳол ўсди, қурилди қаср,
Фазоларга қилдик сафарлар.
Ўша йили туғилди ахир
Бизнинг қанча ўринбосарлар.
Сени асло унутмагай дил,
Хайр энди, хайр, йил бобо.
Симобдайин типирлар кўнгил,
Янги йилга энди марҳабо,
Энди уни қутлаб зиёда
Манзилига жадал элтамиз.
Кирмоқ учун кечки кинога
Ўн олтига тезроқ етамиз.
Йўл оламиз мактабга қатор
Бу йил энди биринчи карра.
Мактаб йўли, дўстлар, фазокор
Парвозидан кам эмас зарра.
Боғчаларга эмаклаб оз-оз
Яна келар янги қисмимиз.
Улғаяди ёшимиз бир оз,
Ўзгармайди аммо исмимиз.

1965

✍ Абдулла Орипов

@abdullaorifijodi
2,232
Абдулла Орипов шеърияти

27 Dec, 06:36

Абдулла Орипов

НИЯТ

Умрим китобидан бир варақ ўтди,
Бир саҳфа шодлигу бир саҳфа заҳмат.
Кимдир дўстим дея қўлини тутди,
Кимнингдир дастида санги маломат.

Ҳаёт дегани шу, қалбнинг тубида
Қолғуси шодлик ҳам, қайғу ҳам қатор,
Ва лекин умримни аввал-сўнгида
Ватансиз тасаввур этмоғим душвор.

Сокину улуғвор бонг урар соат,
Ўйларим чароғин яна ёқурман.
Янги йил дарича қоққан бу фурсат
Ўлкам камолига хушнуд боқурман.

Борми ундан бўлак менга ҳеч шодлик,
Борми ундан ўзга толе ва аъмол?
Орзум не, не бахтга бўлолдим молик?
Ундан айри бахтни этдимми хаёл?

Дунё бепоёндир, турфадир Инсон,
Юлдузлар мисоли беадад қисмат.
Лекин бахтга ошён бўлсин бу жаҳон,
Инсонга осойиш ёр бўлсин фақат.

Соатнинг интиҳо бонги ҳам тинди,
Қолди яна бир йил орқада кўркам.
Кани, қўлларингни узатгил энди,
Севикли диёрим, навқирон ўлкам!

✍🏻1973

@abdullaorifijodi
4,858
Абдулла Орипов шеърияти

25 Dec, 07:23

Абдулла Орипов


ҚУТЛОВ

Йиллар ўтаётир пояма-поя,
Йиллар — умидларга оташин чароқ
Замон-ку фазода билмас ниҳоя,
Ўтган фурсатлар ҳам қайтмагай бироқ,

Умрдан йил ўтса, яширмоқ нечун,
Юрак симоб янглиғ титрагай ҳар гал.
Устоз лутф этгандай, ҳар фурсат учун.
Қудратли қўл билан кўяйлик ҳайкал.

Кечган хар онингга назар солсанг гар,
Шоирнинг шоҳ сатри раводир балким,
Олтин уйди ахир фазолар қадар,
Менинг бобо юртим, азамат халқим.

Ҳали офтоб ишга шимармасдан енг,
Ҳали Зуҳро кўкдан боққанда яккаш,
Туманли далалар қўйнида кездинг,
Менинг сингилгинам, мунис, жафокаш.

Сенинг меҳнатингдан тупроқ очиб зар,
Ватаним беқиёс бўстон бўлғуси.
Сенинг шавкатингни ёзаверса гар,
''Шоҳнома” янглиғ бир достон бўлғуси

Мадҳу санолардан хижолат каби,
Қизларнинг ёноғи ёнади гулгун.
Бу кўҳна оламнинг ҳар тўрт тарафи,
Не ажаб, қутласа сизларни бугун.

Бунчалик шон-шуҳрат учрамас тайин,
“Минг бир кеча”ларнинг афсонасида.
Юртим, сени яна қутлаб қўяйин,
Қутлуғ Янги йилнинг остонасида.

Мангулик водийси узра билмай ҳад,
Йиллар-ку югурик ел каби ўтгай.
Халқим, юксалавер офтобдай баланд,
Қутлуғ замон сенга елкасин тутгай.

Сенинг шавкатингни улуғлаб юрсин,
Буюк анжуманлар, олтин сатрлар.
Тегрангда лол қотиб, бош эгиб турсин,
Ўтган ва ўтажак йиллар, асрлар.

✍🏻1970

@abdullaorifijodi
3,190
Абдулла Орипов шеърияти

24 Dec, 14:22

Эътибор ва эътироф...

Абдулла Орипов

          ИСТАКЛАРИМ

Янги йил ҳам келаётир,
Дўстларим, бугун
Янги-янги бахт тилаймиз бир-биримизга.
Янги зафар, янги омад, янги байт учун
Янги-янги аҳд тилаймиз бир-биримизга.
Ҳамма нарса янги-янги бўлсин, майлига,
Қутлуғ бўлсин гўдакларнинг янги қадами.
Ўша янги қадам билан ўссин, майлига,
Шу умидбахш асримизнинг янги одами.
Ҳамма нарса янги бўлсин, дўстларим, фақат
Чеҳрамиздан аримасин ҳаётнинг ранги.
Ҳамма нарса янги бўлсин, дўстларим, фақат
Ғам бўлмасин, эски ғамлар бўлмасин янги!

✍1964

@abdullaorifijodi

"Абдулла Орипов" кинофильмидан парча.
Президентимиз табриги.
6,962
Абдулла Орипов шеърияти

22 Dec, 14:05

Абдулла Орипов

ТАҚДИР

Мен-ку бу дунёни обдон ўргандим,
Уммонидан тортиб тоғигача то.
Қувончли кунларни роса кўргандим,
Бенасиб қолмадим ғамдан ҳам ҳатто.

Энди хоҳлайсанми, йўқми — барибир,
Рўбарў келади сенга ҳам олам.
Фақат қувончимни кўрсатсин тақдир,
Бошқасин такрорлаш шарт эмас, болам.

✍2015 йил 9 февраль

@abdullaorifijodi
4,622
Абдулла Орипов шеърияти

17 Dec, 11:15

Абдулла Орипов

САМОЛЁТДА ЁЗИЛГАН ШЕЪР


Чарх урар эрдим фазода, юлдузим йўлдош эди,
Юлдузимга термулиб юлдуз кўзимда ёш эди.

Дер эдим: — Жон юлдузим, васлингга бир етказ мани,
Дер эди: — Кўк севмагай сендай гуноҳкор бандани.

Чарх урар эрдим фазода, юлдузим йўлдош эди.
Юлдузимга термулиб юлдуз кўзимда ёш эди.

Дер эдим: — Туш, юлдузим, йўқса заминга, сен ўзинг.
Дер эди: — Хуш кўрмагай ташвишли ерни юлдузинг.

✍1968

@abdullaorifijodi
3,747
Абдулла Орипов шеърияти

17 Dec, 11:11

Абдулла Орипов

ХАТОЛАР

Ватерлоода хато қилди Наполеон —
Жаҳонгирнинг қайтди шу кун омади.
Мана ўтса ҳамки неча бир замон,
У ҳақда гапирмаган одам қолмади.

Бобом пайғамбарлар қасоси учун
Гоҳо осийларнинг олди бошини.
Уни қарғадилар хатоси учун,
Ҳамон отмоқдалар таъна тошини.

...Хато қилган бўлсам кечиргин, болам,
Юз йил давомида чўзаверма, бас.
Кўриб турибсан-ку, мен оддий одам,
Наполеон эмасман, Темур ҳам эмас!

✍1968

@abdullaorifijodi
3,577
Абдулла Орипов шеърияти

16 Dec, 07:16

ШОШИЛИНГ!

Мансур Жумаевнинг қаттиқ муқовали "Ҳазрати ишқ" китобнинг дастлабки икки нусхаси сотилди. Илк харидор – Зебо Омонова бўлди.
Шошилинг, китоб унча кўп эмас. Донаси 100 000 сўм. Олмоқчи бўлсангиз, шу ердан ё шахсийга ёзинг ёки ушбу рақамга қўнғироқ қилинг: +998909967125

Фозил Фарҳод
2,390
Абдулла Орипов шеърияти

15 Dec, 06:26

Абдулла Орипов

ЛАЙЛАК ҚОР

Аллоҳимнинг жамолин
Кўрмоқчи бўлсанг,
Наинки, ёзу куз
Ва баҳорга боқ.
Астойдил талпиниб,
Соғинчга тўлсанг,
Декабрда ёққан
Лайлак қорга боқ.

2015 йил, декабрь

✍ Абдулла Орипов

@abdullaorifijodi
9,111
Абдулла Орипов шеърияти

13 Dec, 07:03

Абдулла Орипов

МЕН ФАҚАТ...

Мен фақат Сен учун яшадим десам,
Бир оз лоф бўларди ва бир оз ёлғон.
Гоҳи босганида тўфон каби ғам,
Кўзимга кўрингай ўзимдаги жон.

Сенсиз ҳам яшадим десам мен агар,
Десамки, сенсиз ҳам танамда бор жон.
Ишонгил, бу гапим баридан баттар,
Ёлғон бўлар эди, тамоман ёлғон.

✍🏻2000 йил август

@abdullaorifijodi
2,734
Абдулла Орипов шеърияти

12 Dec, 10:39

Бугун, Ҳамид Олимжон таваллуд куни.

Абдулла Орипов

ҲАМИД ОЛИМЖОН ХОТИРАСИГА

Ўрик гуллаганмиш кечаги тунда,
Баҳор муждаси бу, яйрагин, эй жон.
Йиллар ўтар экан, бугунги кунда
Олтмишга кирибсиз, устоз Олимжон.

Бир ёнда Ҳулкар бу, бир ён Омон бу,
Бир ён шоирамиз — машҳури олам.
Сизнинг тегрангизда аҳли замон бу,
Сизнинг тегрангизда дўстлар бўлмиш жам.

Барҳаёт Ойбек бу — қутлайди мамнун,
Қутлар Ғафур Ғулом — донгдор замондош.
Сизни қутлаётир дўст-ёрлар букун,
Қутлар Ўзбекистон — мағрур эгиб бош.

Етимтов бағридан чиққан навқирон,
Сиз бу — шеъримизнинг энг жаранг саси.
Сизнинг сатрингизда қурмиш ошён
Учирма қуш каби шеър илоҳаси.

Олтмишга кирибсиз, ёдингиз аммо
Шабнамдай маъсуму кўклам каби ёш.
Ахир қанча қадим бўлмасин дунё
Бағрида нур борки. қаримас қуёш.

Ҳаёт бўлсайдингиз турардингиз шод
Улкан шу давранинг энг ўртасида,
Тириклик шаънини улуғлаб кушод
Достон иншо этиб, битиб қасида.

Ҳаёт бўлсайдингиз ҳар салқич саҳар
Ошко булоқларга қуярдингиз лаб.
Юрардингиз элда азиз, мўътабар,
Сонсиз шогирдларнинг манглайин силаб.

Яхшиям боқийдир дилбар шеърият,
Самандар мисоли ўлим билмас жон.
Миннатдор юрт сизни қутлайди фақат,
Кутлуғ бу айёмда, устоз Олимжон.

Юрт бу кун карвонлар бошида нордир,
Юрт бу кун Шарқ ичра тенгсиз бир диёр.
Юрт бу кун оҳудай хўп ишвакордир,
Сир каби сермавждир, Помирдай пойдор.

Толе юлдузининг қутлуғ зиёси
Саодат буржида балққай, замон бу.
Қадим бир диёр бу — йўқдир қиёси,
Ажиб бир бўстон бу — Ўзбекистон бу.

Устоз, созга солай боқий ҳаётни,
Боқий шеър қошида бош эгай бир он.
Шодлик ва бахтини куйлаган зотни
Шодлик билан эслар одатда замон.

1970

✍️Абдулла Орипов

@abdullaorifijodi
3,701
Абдулла Орипов шеърияти

12 Dec, 06:37

Бугун, Чингиз Айтматов туғилган кун.

Абдулла Орипов

ҚИРҒИЗ ДИЁРИ

Чингиз Айтматовга

Азамат Манас юрти, Тўқтағулнинг ватани,
Алпомиш ва Навоий юртидан сенга салом.
Юксак тоғлар ўлкаси, мовий кўллар маскани —
Қирғизлар диёрига ўзбеклардан эҳтиром.
Мангу оппоқ қор билан ялтирайди Олатов,
Бамисоли қирғизнинг бошидаги оқ қалпоқ.
Ям-яшил яйловларда сон-саноқсиз оқ ўтов
Қирғиз халқин қалбидай беғубору тоза, пок.
Эй, қадим Осиёнинг абадий ёш ўлкаси,
Ялангтўш ва меҳнаткаш ўзбек билан инисан.
Қирғизларда женгайдир ўзбекларнинг бекаси,
Шону шараф осмонин чақнаган чақинисан.
Бутун дунё билади ижодкор Чингиз номин,
Азамат халқ, шуҳратинг бундан ҳам бўлсин зиёд.
Не ажабки, барҳаёт Ғафур Ғулом каломин
Қирғизлар ҳам унутмай, айлаб турган бўлса ёд.
Чорвадорсан, ботирсан — қўлда қўбизинг билан,
Пахтакорсан, ишчисан, дарёни бурувчисан.
Роса термилиб боқсанг шу қийиқ кўзинг билан
Куппа-кундуз кунда ҳам юлдузни кўргувчисан.
Шу бепоён дунёнинг бағрида тенг фарзандмиз,
Завқ олурмиз баробар ўлану куйларидан.
Азал-абад ҳамдаммиз, азал-абад дилбандмиз,
Салом келтирдик сенга Сирдарё бўйларидан.
Кетмасин бошимиздан асло бахт беланчаги,
Янграсин дўстлик куйи, янграсин шеър, тарона.
Бор бўл, эй Қирғизистон — қуёшнинг келинчаги,
Дўстини топган инсон дўстни десин ягона.

1970

✍ Абдулла Орипов

@abdullaorifijodi
2,371
Абдулла Орипов шеърияти

11 Dec, 07:30

Абдулла Орипов

***

Оқшомдан бошлангай одатда тонглар,
Сукутдан узилгай гулдурос, бонглар.
Бошинг эгма сира, ҳоксор банда,
Эрта руҳинг топгай олий оҳанглар.

✍🏻1987

@abdullaorifijodi
2,636
Абдулла Орипов шеърияти

10 Dec, 10:04

Абдулла Орипов

ЎЗБЕКИСТОН МАДҲИЯСИ

Вужуднинг соғлиги шартдир одамга,
Унутманг, аммо руҳ тарбиясини.
Тўрт нафар турк қизи келиб хонамга
Ижро этди Ўзбек мадҳиясини.

Денгизлардан оша, тоғлардан оша
Юртим кўз ўнгимда бўлди намоён.
Гўё диёримни қилдим томоша,
Жаннат харитасин кўрганимсимон.

Юксак ва шиддатли, латиф ҳам майин
Оҳанг тараларди Мармара бўйлаб.
Юртим қўшиғини шу лаҳза, тайин,
Осиё, Европа турарди куйлаб.

Мисли уфурарди менга нафасин
Олтин водийларим, кумуш тоғларим.
Илғадим Дўрмонда булбуллар сасин.
Кўринди шовуллаб турган боғларим.

Мадад қўлларини чўзарди шу дам
Йироқ-йироқлардан мардона бир руҳ.
Денгиз туманидек тарқаб кетди ғам,
Тоғлар қори каби эриди андуҳ.

         
✍  Истанбул. 2013 йил 10 октябрь

@abdullaorifihodi
3,904
Абдулла Орипов шеърияти

10 Dec, 07:16

ЎЗБЕКИСТОН_МАДҲИЯСИ_32_ЁШДА

Абдулла Орипов,

Ўзбекистон Қаҳрамони,
Ўзбекистон Халқ шоири

Ўзбекистон Республикаси Давлат
                         Мадҳияси

Серқуёш, ҳур ўлкам, элга бахт, нажот,
Сен ўзинг дўстларга йўлдош, меҳрибон!
Яшнагай то абад илм-у фан, ижод,
Шуҳратинг порласин токи бор жаҳон!

                    Н а қ о р а т
Олтин бу водийлар – жон Ўзбекистон,
Аждодлар мардона руҳи сенга ёр!
Улуғ халқ қудрати жўш урган замон,
Оламни маҳлиё айлаган диёр!


Бағри кенг ўзбекнинг ўчмас иймони,
Эркин, ёш авлодлар Сенга зўр қанот!
Истиқлол машъали, тинчлик посбони,
Ҳақсевар она-юрт, мангу бўл обод!

                    Н а қ о р а т
Олтин бу водийлар – жон Ўзбекистон,
Аждодлар мардона руҳи сенга ёр!
Улуғ халқ қудрати жўш урган замон,
Оламни маҳлиё айлаган диёр!

1992 йил

✍ Абдулла Орипов

@abdullaorifijodi
5,459
Абдулла Орипов шеърияти

22 Nov, 07:12

Эълон қилинмаган шеърлар туркумидан...

Абдулла Орипов

Мактуб

Шўх-шўх парвоз этган қушлар,
Қулоқ солинг куйимга.
Сўнгра учиб, етинг тезда,
Менинг она уйимга.

Онагинам уйда мени,
Кутар айвон остида
Қадамгинам теккан жойда,
Йўлгинамнинг устида.

Балки онам сиз борганда
Буғдой ёйган бўлсалар.
Сизлар унинг буғдойини
Ҳар ён сочманг қушчалар.

Балки онам том бошига
Туршак ёйиб, тушгандир.
Эй қушчалар, тегманг унга,
Илтимосим сиздандир.

Сўнмоқдадир, балки хира,
Кўзларининг ёлқини.
Ҳаёлидан кетмас сира
Боласининг тақдири.

Саломимни элтинг қушлар,
Шоир ўғлинг омон, денг,
Эрта-индин келиб қолар,
Соғинган кўп ёмон денг.

✍1960

@abdullaorifijodi
1,146
Абдулла Орипов шеърияти

22 Nov, 06:41

Абдулла Орипов

ЖАННАТ

Умрим шамоллари ҳануз елади,
Ҳануз нурли чеҳранг турар қошимда.
Онажон, мен сени кўргим келади
Етмишни қоралаб қолган ёшимда.

Майлига, менга ҳам ором тилагин,
Онажон, соғинчим сен ўзинг рости.
Мўйсафид ўғлингнинг бошин силагин,
Менга жаннат эрур оёғинг ости.

✍2007 йил 25 ноябрь

@abdullaorifijodi
1,477
Абдулла Орипов шеърияти

22 Nov, 06:40

Абдулла Орипов

МЕҲРИ ОРТИҚ ЭРУР...

Отанинг қарғиши бамисоли ўқ,
Тегади, бир фурсат кутмайди дерлар.
Гарчи падар каби бўлса-да улуғ,
Онанинг қарғиши ўтмайди дерлар.

Асли ёмонликдан асрасин Худо
Ва яна асрасин жавоб-заҳридан.
Она шундайин бир қалби кенг сиймо,
Меҳри ортиқ эрур доим қаҳридан.

✍ 2007 йил 7 март

@abdullaorifijodi
1,182
Абдулла Орипов шеърияти

22 Nov, 06:39

Абдулла Орипов

ДИЙДОР

Онам эрта кетди дунёдан нолон,
Ёшидан ўтганман мен аллақачон.
Қартайган ўғлингни охират куни
Таний олурмисан, билмам, онажон!

✍2004 йил 25 май

@abdullaorifijodi
1,024
Абдулла Орипов шеърияти

22 Nov, 06:38

Абдулла Орипов

ОНА

Кимдир савол берди: — Айтгил, Муҳаммад,
Ёлғиз сен Расулсан буткул оламга.
Кимга кўп яхшилик айлай, ўзинг айт,
Ота-онамгами? Ёхуд боламга?

Расул жавоб қилди: — Тингла биродар,
Гапимни уч бора қулоққа илгил.
Имкон топа олсанг дунёда агар,
Энг аввал онангга яхшилик қилгил!

Бу ҳикмат шарҳини ўйладим узоқ
Ростдан она эрур қиблаи олам.
Гарчи барчамиз ҳам падармиз, бироқ
Онадан туғилган пайғамбарлар ҳам.

@abdullaorifijodi
1,285
Абдулла Орипов шеърияти

22 Nov, 06:37

Абдулла Орипов

ОНА

Кўкда юлдуз учса ногаҳон
Битди дерлар қайси бир тақдир.
Бундай ғамни кўтармак осон,
Бу эҳтимол бизлар ҳақдадир.
Баъзи тунлар кўкка тикиб кўз
Эслаб дейман онамни шу он:
Она кетса, юлдуз-ку, юлдуз,
Қулаб тушса арзийди осмон.

✍1967

@abdullaorifijodi
932
Абдулла Орипов шеърияти

22 Nov, 06:37

Абдулла Орипов

ТАБИАТ
(Шеърдан папча)

...Мен азиз онамни тупроққа қўйдим,
Ҳали тинган эмас кўздаги ёшим.
Олис кечалари ҳижронда куйдим.
Энди қай сийнага қўяман бошим.
Энди мен эслайман кўзларимда нам,
Она деган сўзнинг қайтмас сеҳрини.
Қўмсаб талпинаман ҳар зум, ҳар қадам
Онам оғушини, онам меҳрини.
Шундай пайт ҳам ўзинг айлагил шафқат,
Она бўла қолгил менга, табиат.

✍1966

@abdullaorifijodi
760
Абдулла Орипов шеърияти

22 Nov, 06:35

Абдулла Орипов

ОНАМ ВАФОТИГА

Маконда ломаконсан, энди қайдан излагайдурман,
Фиғоним кимга айтиб, кимга сендан сўзлагайдурман.
Бировлар мотамида оҳу фарёд айлаган эрдим,
Сенинг-чун, эй, ғарибим, ич-ичимдан бўзлагайдурман.

✍1966

@abdullaorifijodi
749
Абдулла Орипов шеърияти

22 Nov, 06:08

Абдулла Орипов


"Й и г и т:
Алвидо, эй меҳрибоним, хуш қол, онажон!

(Ҳур қиз Йигитни кузатиб чиқади.)

Она:
Маҳбус каби туравериб ушбу қасрда
Балки фаҳмим ўтмаслашган, толиққан руҳим.
Ким бўлди бу ажаб одам? Ким у аслида?
Шунчаки бир ўткинчими? Ким бўлди у? Ким?
Нимагадир танитмади ўзин, ҳар қалай,
Юрагида дарди тўла, аламзада зот.
Мурожаат қилди менга она деб атай.
Ёнган дилим қайта бошдан ўртади, ҳайҳот!

(Ҳур қиз киради.)

Она:
(Ҳур қизга)
Кузатдингми?

Ҳур қиз:
Ҳа, кузатдим, эсин қўйган еб,
Тушунмадим, муроди не? Қанақа дарди?
Иккинчи бор видолашдим онам билан деб,
Катта йўлда дабдурустдан йиғлаб юборди.

Она:
Нима? Нима? Чақир уни, қайтаринг зинҳор,
Оҳ, жаннатинг поймол бўлсин, бошимга етди!

Ҳур қиз:
Фурсат ўтди, энди уни ахтармоқ бекор,
У улкан бир издиҳомга қўшилиб кетди.

Она ҳушидан кетади...

"Жаннатга йўл" драматик достонидан парча.

@abdullaorifijodi
1,204
Абдулла Орипов шеърияти

21 Nov, 20:26

Отажон Норов
филология фанлари бўйича фалсафа доктори

@abdullaorifijodi
1,307
Абдулла Орипов шеърияти

21 Nov, 17:49

Фарзандлар учун ота-она кўпинча идеал бўлиб келади. Бу табиий ҳол албатта , лекин отам билан боғлиқ бир жиҳат бор эдики, бизни доим лол қолдирган. Отам ҳаётлик пайтида ўзим гувоҳ бўлган бир ҳолат, уларнинг дилини кимки оғритса, ўша инсон билан бир ёмонлик содир бўлганлигини хабари келар эди. Улар ё яқинидан айрилар ёки ўзларига нимадир бўлар эди. Ваҳоланки, отам уларнинг келтирган изтиробларига сукут билан жавоб қайтарар эдилар. Куни кеча улар ҳақида ёзилган танқидий мақолага дуч келдим. Тўғри, ҳамма ҳам ўз фикрини билдириш, шоирнинг ижодини таҳлил, талқин этиш ҳуқуқига эга, бу илм, лекин ўтган одамнинг шахсияти ҳақида гапириш нечоғлик тўғри? Аммо фарзанд сифатида кўнглимиз оғриди, исён қилдик, олов бўлиб ёндик ва яна отам қилган ишни қилиб, жим бўлиб қўя қолдик. Лекин ўша танқидий мақола муаллифини бошига тушган кўргуликни ижтимоий тармоқда ўқиб, яна ҳайратга тушдим, бизнинг жавоб қайтариш ва ёки бирон бир фикр билдиришимиз ҳам ноўрин бўлиб қолди. Балки бу яна бир тасодифдир...

Рухсора Орипова
985
Абдулла Орипов шеърияти

21 Nov, 17:23

Абдулла Орипов

"...Шу мўъжаз уйимда ёнсин деб чироқ,
Не азиз зотларга ёндошдим гоҳи.
Бирин ака дедим, бирини ўртоқ,
Баъзан ном чиқардим: даврон маддоҳи!
Ким алам чекмабди умрида бир бор —
У мени англамас, англамас асло!"...

✍"Қирқ ёш" шеъридан парча.

@abdullaorifijodi
955
Абдулла Орипов шеърияти

21 Nov, 17:15

Абдулла Орипов

КЕЧИР ШЕЪРИМ

Кечир шеърим, кечиргин мени,
Йиллар ўтиб чарчадим, толдим.
Шундай пайтлар бўлди-ки, сени—
Муҳофаза қилолмай қолдим.

Қудуқ қаздим сув танқис дамлар,
Эришдим ҳам балки ютуққа.
Чўктирдилар лекин одамлар
Ўзим қазган ўша қудуққа.

✍2014 йил 1 декабрь

@abdullaorifijodi
941
Абдулла Орипов шеърияти

21 Nov, 16:24

Абдулла Орипов

ДЎСТЛАР ВА РАҚИБЛАР

Ёшлик йилларимни эслайман секин,
Гоҳида тинибман, гоҳида қайнаб.
Турфа сатрларни битибман, лекин
Бир сўз ҳам ёзмабман қаламни қийнаб.

Ўрни келганида кечдим дарёдан,
Битта ўзим қолдим гирдобда гоҳо.
Куч олдим дўстларим берган ҳимодан,
Тортди оёғимдан рақиблар аммо.

Агар тоғ аталса у шонли равоқ,
Олтин зинасига қўйдим бир кун бош.
Дўстларим қутловга қўл чўзди, бироқ
Рақиблар тепадан отиб турди тош.

Равон йўл йўқ экан, ҳар ён сўқмоқдир,
Йўлбарс ҳам юрмаган чигал бу ўрмон.
Дўстлар-ку юлдуздек сенга маёқдир,
Рақиблар билдирмай қўярлар қопқон.

Бу ёруғ дунёда йўл юриб албат,
Охири тўхтайсан, паймонанг тўлиб.
Ўша кун дўстларга бермасдан навбат,
Рақиблар сўз айтар биринчи бўлиб.

Инсонга кўргилик азалдан ўтган,
Доимо виждонга келтирганлар шак.
Худойим ургану пайғамбар туртган
Рақибнинг устози — Иблисдир бешак.

✍2015 йил 29 январь

@abdullaorifijodi
1,215
Абдулла Орипов шеърияти

21 Nov, 16:06

Абдулла Орипов

ОНА НИГОҲИ

Ҳазрати Хизрга йўлиқсам албат,
Фақат бир нарсани сўрардим фақат:
Ёмон назарлардан толиқди руҳим,
Онам нигоҳини кўрсатинг ҳазрат.

✍2015 йил 23 январь

@abdullaorifijodi
1,513
Абдулла Орипов шеърияти

21 Nov, 06:48

Абдулла Орипов

ШОКОЛАД

Чўнтагимга солиб олдим тўртта шоколад
Ва ўзимга битта шартни айладим тайин:
Кимки мени алдамаса, сийлайман албат,
Шоколадни шу одамга совға этайин.

Куни бўйи бирор ғолиб чиқмади, ажаб,
Боз устига билмас эди ҳеч ким шартларни.
Уйга қайтдим, болаларни байрам деб алдаб,
Бўлиб бердим чўнтакдаги шоколадларни.

✍2014 йил 28 декабрь

@abdullaorifijodi
1,863
Абдулла Орипов шеърияти

20 Nov, 19:39

Абдулла Орипов

ЛАҲЗА

Дафъатан атрофга чўкар сукунат,
Гўё дарз кетгудек қисилар борлиқ.
Барглар қимирламас, тош қотган дарахт,
Ҳаёт тўхтагандай. Даҳшат нечоғлик!

Фақат эшитилар юрак товуши,
Қалбингда юз берар илоҳий бир ҳол.
Йўқ ахир юракнинг ўнги-ю туши,
Самодан келгандек бу товуш яққол.

Ҳаёт бирданига уйғонар яна,
Дарёлар гувиллар, шовуллар боғлар.
Бошланар ҳар ёнда буюк тантана,
Тириклик нафаси – бетакрор чоғлар.

Яна жам бўлади дунёнинг қуши,
Яна қалдироқлар солади ларза.
Фақат эшитилмас юрак товуши,
Фақат сезилмайди илоҳий лаҳза.

✍2014 йил 26 октябрь

@abdullaorifijodi
1,399
Абдулла Орипов шеърияти

20 Nov, 07:14

Абдулла Орипов

АКТЁР

Бир кун томошага тушиб лаҳзада,
Турфа актёрларни кўриб қайтибсан.
Лекин сен уларни фақат саҳнада
Мавжуд деб ўйласанг бекор айтибсан.

Чин актёр санъат деб, бағрини тиғлаб,
Амаллаб кунини кўриб юради.
Шундай инсонлар бор, бир кўзи йиғлаб,
Битта кўзи эса кулиб туради.

Шундай инсонлар бор, вой отам, дея,
Бир зумда ўзгарар турқи, сиёғи.
Лекин ўша маҳал, ўша сония
Онасин кўксида турар оёғи.

Шундай инсонлар бор, гўё юртпарвар,
Юртини улуғлар гўё ҳар сўзи.
Лекин разм солиб қарасанг агар,
Амал поясида иккала кўзи.

Шундай инсонлар бор, халқим дер ҳар чоқ,
Сўзлайди ҳамиша олиб халқ ёнин.
Бир қўли кўксида, бир қўли бироқ,
Тозалаб боради халқнинг ҳамёнин.

Санъатга умрини ким этмиш фидо,
Шарафи юксалсин, оламни тутсин,
Ҳаётни ўйин деб билганнинг аммо
Толеи кулмасин, бири кам ўтсин.

✍2000

@abdullaorifijodi
2,662
Абдулла Орипов шеърияти

19 Nov, 07:12

Абдулла Орипов

ЛОФ

Лофчининг услуби шундоқдир азал,
Маҳлиё қилади сизни ёлғонга.
Қай куни бир лофчи дер эди дангал:
-Шапалоқ тортганман Наполеонга.

Гапни илиб кетди иккинчи лофчи,
Деди: - Эшит энди, оғайни, бизни,
Ўлик денгиз дерлар, сабабин топ-чи,
Ўзим ўлдирганман ўша денгизни.

Лофнинг замони ҳам ўтди-ку мутлоқ,
Унга муҳтож эмас бирорта одам.
Ростдан дуч келганга тортиб шапалоқ,
Ростдан қуритгайдир денгизларни ҳам.

✍🏻 2007 йил 11 июль

@abdullaorifijodi
1,695
Абдулла Орипов шеърияти

18 Nov, 10:16

Абдулла Орипов

ЎЗБЕКИСТОН БАЙРОҒИ

Ҳар қандай лашкарнинг ҳам
Ўз туғи, ялови бор,
Сен қайси салтанатдан,
Сен қайси давлатдан кам.
Қўрғонлар қаторида
Бир қўрғонсан устувор,
Валламат, туғдор юртим,
Муҳташам Республикам.

Ўйлайман, ҳа, оламда
Нисбий эрур кўп ҳолат,
Замона ғалвиридан
Ҳар нарса ўтаверар.
Тарих учун ва лекин
Ким ҳам бергай кафолат,
Якка инсон бир йўлчи:
Келару кетаберар.

Қадим-қадим замонда
Юнонлик ҳайкалтарош,
Бир санъат яратибди,
Мақсади — бир бурда нон.
Ҳайкал эса асрлар
Синовига бермиш дош,
Бугун уни кўкларга
Кўтарар буткул жаҳон.

Кўзни каттароқ очиб
Боқсанг бу муаммога,
Алам қилгулик қадар
Кам яшар инсон зоти,
Фақатгина халқ соҳиб
Бардавом бу дунёга,
Асрагай ҳар қас номин
Фақат халқнинг ҳаёти.

Санасанг ҳодисот мўл
Ўзбекнинг тарихида,
Ҳар бирига бир нома
Ёки достон битгулик.
Не зотлар оқмаган бу
Асрлар ариғида,
Ҳар бири битта халқнинг
Ғурурига етгулик.

Барчага аён эрур
Мен айтган ушбу гаплар,
То ҳануз асабларни
Эзғилар бу шум ўтмиш.
Мозийга ўқтин-ўқтин
Сочсак ҳамки ғазаблар,
Лекин айтинг, ўзбекнинг
Қўлидан ким ҳам тутмиш?

Бир куни ёвқур шоир
Яъни Турди Фарғоний,
Бўлтак бўлган бу халққа
Бирлаш деб қилди хитоб.
Бежавоб қолаберди
Унинг дардли сўроғи,
Ўша-ўша замин кар,
Ўша-ўша гунг офтоб.

Бугун зимдан назар сол
Сен мана бу байроққа,
Майлига бир дақиқа
Унутгин турфа кекни.
Шу байроқ номимизни
Элтди йироқ-йироққа,
Шу байроқ бирлаштирди
Пароканда ўзбекни.

✍1984

@abdullaorifijodi
2,600
Абдулла Орипов шеърияти

16 Nov, 13:04

Абдулла Орипов

ҚОНУНИЯТ

Оқшом бароқ мушук лабини ялаб
Уйқуга кетади сичқонни ўйлаб.
Сассиз қанот қоқар бойқуш тунлари,
Эс-ҳушида фақат қушнинг инлари.
Тулки тўқайларда изғийди гирён
Хаёлида унинг товуқ ё қуён.
Бургут юксакларда қанот қоқади,
У ҳам ўлжа излаб тубан боқади.
Бу-ку, табиатда қонундир азал,
Фойдасиз бу ерда ахтарсанг масал.
Лекин оламда бор ўзга бир ҳолат
Уни шарҳ этолмас ҳеч кимса, ҳеч вақт.
Оҳ, фақат одамзод — фарзанди башар.
Бир-бирин маҳв этиш қасдида яшар.

✍1982

@abdullaorifijodi
2,475
Абдулла Орипов шеърияти

15 Nov, 11:01

Абдулла Орипов

***

Дейдилар, ит ҳурар
— Ўтади карвон,
Ранжу балолардан
Ёнмасин жонинг,
Лекин алам қилар,
Бир умр гирён
Итлар орасидан
Ўтса карвонинг.

✍1980

@abdullaorifijodi
3,668
Абдулла Орипов шеърияти

15 Nov, 10:57

Абдулла Орипов

***

Коинот гултожи инсондир азал,
Ундадир энг олий тафаккур, амал.
Ҳатто у тубанлик ичра ҳам танҳо,
Ё фалак, ижодинг бунча мукаммал.

✍1977

@abdullaorifijodi
2,640
Абдулла Орипов шеърияти

13 Nov, 17:30

Абдулла Орипов

СУРАТ ВА СИЙРАТ

Майли, сувратимга боққилу қувон,
Лекин сийратимга ташлама назар.
Бир ёқдан туганмас бахт берди жаҳон,
Бир ёқдан туганмас ўкинч ва кадар.

Чароғон умримни ёритган қуёш,
Торгина кулбамга боқмади гоҳо.
Заминдек айланган савдоли бу бош
Қолди қисмат ичра заминдек танҳо.

Оҳ, нечоғ рангларга тўлиқ бу жаҳон,
Оҳ, нечоғ ширин шу тириклик, кадар.
Майли, сувратимга боққилу қувон,
Фақат сийратимга ташлама назар.

✍1976

@abdullaorifijodi
3,439
Абдулла Орипов шеърияти

13 Nov, 17:24

Абдулла Орипов

ОНАМНИ ЭСЛАБ

Шамол увиллайди,
Қор, бўрон тошиб,
Тепалик тўшига ўзни уради.
У ерда тупроққа бағрини босиб
Танҳо бир сағана маъюс туради.
Қошига чиқай деб бўзлаб йўл юрдим,
Кўкрагимни тилди изғирин, тикан.
...Нетай, онажоним, қанча одам кўрдим,
Сендан яқин кишим йўқ экан...

✍1973

@abdullaorifijodi
2,053
Абдулла Орипов шеърияти

13 Nov, 17:19

Абдулла Орипов

ЧЕКСИЗЛИК

Дейдилар, фазонинг чегараси йўқ,
Миллиард юлдузларнинг сўнги ҳам фазо.
У шу қадар чексиз, шу қадар буюк,
Хаёлга сиғдириб бўлмайди ҳатто.

Баъзан фазоларга боқаман узоқ,
Руҳимга шу туйғу сиғмас гупириб.
Чексизлик юракни қисганда, шу чоқ,
Торгина уйимга кетаман кириб.

✍1969

@abdullaorifijodi
1,790
Абдулла Орипов шеърияти

13 Nov, 06:53

Абдулла Орипов

"... Ўтган мафкура бизни, халқни, олимларниям, адабиётшуносликниям шу даражада буздики, ким нима деса шуни тагидан кир, маъно ахтариш бошланиб кетди. Усмон Носирни ҳукм қилишган.

Йўлчиман манзилим уфқдан нари
Ложувард денгизнинг тубига яқин.

Шу сатрлар делосида ёзилган, ложувард денгизнинг тубида нима бор? Америка! Усмон Носир Америкага кетяпти.
Мана шунақа хулоса чиқарган. Кейин Усмон Носирдан айб ахтаришган:

Шеърим яна ўзинг яхшисан
Боққа кирсанг гуллар шарманда.

Айбловни қаранг: «Бу нима дегани? Совет гуллари Усмон Носир шеърларидан хунукми? Совет гуллари шарманда бўладими?» Энди шу даражага етдики, образли фикрлашнинг ўзи керак бўлмай қолди. Адабиётшуносликнинг қизиқ-қизиқ томонлари бор. Бу ҳақда раҳматли Озод Шарафиддинов айтиб юрарди. Танқидчилар атайлаб қилмайди, бу кўпинча тушунмасликдан келиб чиқади..."

2005 йил декабр

✍️Абдулла Орипов

@abdullaorifijodi
1,768
Абдулла Орипов шеърияти

13 Nov, 06:51

13 ноябрь - Усмон Носир туваллуд куни.
Жойлари жаннатда бўлсин!

Абдулла Орипов

АРМОН
Усмон Носирга

Жажжи бола тинмасдан сира
Акасига ёлворар ёниб:
— Жон акажон, кўрсат биргина,
Жон акажон, бир кўрай қониб.
Акасининг қўймас қўлидан,
Ўртанади ёшгина жони.
Ниманидир олиб қўйнидан
Кўрсатади сўнг акажони.
Гўдак яна ўтмайин фурсат,
Акасига тикади кўзин:
—Жон акажон, яна бир кўрсат,
Кўзим билан кўрайин ўзим.
Тинчитмайди уни бир нафас,
Осилади "жон" деб бўйнига.
Акажони кўрсатиб бирпас,
Яширади сўнг бор қўйнига.
Нимайди у? Маъсум туйғунинг
Оромига сололган ғавғо?
Не бўлса ҳам болакай унинг
Дийдорига тўймади асло.
Нимайди у? Балки бир безак —
Армон қилиб юрган нечалар.
Не бўлса ҳам ўшани гўдак
Тушларида кўрди кечалар.
Нимайди у? Балки бир тугун,
Ё оддий тош, ёки оддий гул.
Не бўлса ҳам ёш инсон учун
Ўша дамда ноёб эди ул.

1965

✍️Абдулла ОРИПОВ

@abdullaorifijodi
1,405
Абдулла Орипов шеърияти

12 Nov, 09:37

Абдулла Орипов


ОХИРАТ

Нимадандир ғашдир кўнгиллар,
Тиканакка бурканмиш гуллар.
Боққа ногоҳ адашиб кирсанг,
Ғазаб билан сайрар булбуллар.

Қонга тўлмиш Миррихнинг кўзи,
Уммонларнинг сачрайди тузи.
Аллақачон бол томмас тилдан,
Шоирларнинг заққумдир сўзи.

Йўлга боқсанг кўрингайдир жар,
Гўдакларнинг тушида аждар.
Туни бўйи йигитлар бедор,
Ёстиқларин тагида ханжар.

Билиб бўлмас — кимда бор имкон,
Олағовур маҳшардир замон.
Не қиларин билмай ҳайратда
Денгиз каби қалқир оломон.

Хабар бордир на дўст, на ёрдан,
На дўсту ёр, балки, диёрдан.
Ёлғиз Ҳазрат меҳроб қошида
Мадад тилар Парвардигордан.

✍🏻1990

@abdullaorifijodi
2,230
Абдулла Орипов шеърияти

11 Nov, 16:03

Абдулла Орипов

ИККИ ҚАРИЯ

Қариялар уйи.
Икки мўйсафид
Дардлашар эдилар сокин, жимгина.
Бири дер: яшадим, гарчи эгним бут,
Фарзанд кўрмадим мен, оқибат — мана...

Иккинчиси эса оҳ чекди шу он,
Деди: армонингиз чексиздир, билдим.
Мен эса дардимни этолмам баён,
Фарзандлар дастидан бул ерга келдим.

✍2004 йил 15 ноябрь

@abdullaorifijodi
2,696
Абдулла Орипов шеърияти

08 Nov, 16:07

#мусиқий танаффус

Абдулла Орипов "Соғинч" шеъри

@abdullaorifijodi
2,635
Абдулла Орипов шеърияти

08 Nov, 05:33

Абдулла Орипов

ФАҚАТ ЎЗИНГ АНГЛА...

Бас, етар,
Шоирлик сенга ўйинмас.
Ғам билан ўйнашма
Эй шодмон инсон.
Бу олов ёқади
Ўзин ҳар нафас.
Сенга жондош бўлмас
Ёнингдаги жон.
Енгил қила билмас
Бир азобингни
Фалакда минг-минглаб
Фаришталар ҳам.
Фақат ўзинг англа...
Изтиробимни,
Фақат ўзинг кечир,
Яратган Эгам.

✍🏻2006 йил 23 октябрь
Қарши.

@abdullaorifijodi
2,804
Абдулла Орипов шеърияти

07 Nov, 15:57

Абдулла Орипов

РУҲ

Кетдинг – фано бўлдинг,
Энди сен учун
Лаҳад гўша бўлса, танҳолик ҳамдам.
Қайдадир бир дўстинг оҳ чекса узун,
Қайдадир топилгай қариндошинг ҳам.

Кимдир оромидан чиндан ҳам кечган,
Бир туш деб ўйлайди буларнинг барин.
Кимдир тиригингда қонингни ичган,
Энди сўйлай бошлар хотираларин.

Кетдинг, бари битди, энди қаршингда
Балки очилгайдир поёнсиз ҳудуд.
Балки булут бўлиб турар аршингда
Ҳовлинг ўчоғидан ўрлаётган дуд.

Руҳинг самоларда юрса ҳам кезиб,
Унутмас заминда қолган изларни.
Офат, балоларнинг шарпасин сезиб,
Огоҳ ҳам қилгайдир балки бизларни.

✍2009 йил 12 июнь

@abdullaorifijodi
2,837
Абдулла Орипов шеърияти

07 Nov, 06:17

Абдулла Орипов

ТОР ЭТИК

Ҳатто майда-чуйдага
Қилолсин ақлинг бовар,
Ҳаётда яхши- ёмон
Юрмас асло баробар.

Гар этигинг тор бўлиб,
Оёғингни қисганда,
Дунёнинг кенглигидан
Нима фойда, биродар.

✍🏻2015 йил 2 сентябрь, Хьюстон

@abdullaorifijodi
2,871
Абдулла Орипов шеърияти

05 Nov, 14:59

Соғинсам отажоним....

@abdullaorifijodi
3,159
Абдулла Орипов шеърияти

05 Nov, 08:16

ШОИР

Мен Алишер бўлиб келган замонда,
Ҳусайний бор эди ҳарнав жаҳонда.

Олтмиш йил ҳикматин айладим иншо,
Ўзгардими-йўқми, билмадим, дунё.

Айролиқларга ҳам собир эдим мен,
Кетдим мен, агарчи Бобур эдим мен.

Келдим бу оламга бўлиб шоҳ Машраб,
Дунё ўзгармади, боз кетдим ташлаб.

Фурқат бўлиб келдим, фурқатда кетдим,
Чўлпон бўлиб келдим, ҳасратда кетдим.

Эрким қайда эди, эрким, билмадим,
Эркин бўлиб келдим, эркин бўлмадим.

Ҳасратли қўшиқлар ҳам яллалар — мен,
Келиб кетган қанча Абдуллалар — мен.

Мен тағин борман шу дунёйингизда,
Лекин шеър тиловчи дил борми сизда?!

Саволим юракка қадалган ўқми:
Ё ҳануз Бойқаро туғилган йўқми?!

Бу очиқ дафтарни буткул ёпай деб,
Мансур бўлиб келдим нусрат топай деб.

Тағин ўзгармаса дунё, нетгайман?
Энди ўзгартирмай ташлаб кетмайман!

Мансур Жумаев


SHOIR

Men Alisher bo‘lib kelgan zamonda,
Husayniy bor edi harnav jahonda.

Oltmish yil hikmatin ayladim insho,
O‘zgardimi-yo‘qmi, bilmadim, dunyo.

Ayroliqlarga ham sobir edim men,
Ketdim men, agarchi Bobur edim men.

Keldim bu olamga bo‘lib shoh Mashrab,
Dunyo o‘zgarmadi, boz ketdim tashlab.

Furqat bo‘lib keldim, furqatda ketdim,
Cho‘lpon bo‘lib keldim, hasratda ketdim.

Erkim qayda edi, erkim, bilmadim,
Erkin bo‘lib keldim, erkin bo‘lmadim.

Hasratli qo‘shiqlar ham yallalar — men,
Kelib ketgan qancha Abdullalar — men.

Men tag‘in borman shu dunyoyingizda,
Lekin she’r tilovchi dil bormi sizda?!

Savolim yurakka qadalgan o‘qmi:
Yo hanuz Boyqaro tug‘ilgan yo‘qmi?!

Bu ochiq daftarni butkul yopay deb,
Mansur bo‘lib keldim nusrat topay deb.

Tag‘in o‘zgarmasa dunyo, netgayman?
Endi o‘zgartirmay tashlab ketmayman!

Mansur Jumayev

@abdullaorifijodi
3,516
Абдулла Орипов шеърияти

05 Nov, 05:36

Мансур, шоир деб чақирардим сизни отамни эслаб, шеъриятингиз мухлиси эдим укажоним! 5 ноябрь куни отамни йўқотганди адабиёт, шу кун яна бир шоиридан айрилди. 😭😭😭😭 Жойингиз жаннатларда бўлсин! Оилангизга ва фарзандларига сабр берсин Аллоҳим!!!

"Шоир хоҳ ёшдир, хоҳ қаридир,
Ижоди ажалдан наридир.
Аламдир, бари бир аламдир,
Ҳеч кимнинг шогирди ўлмасин!"

Абдулла Орипов

@abdullaorifijodi
2,651
Абдулла Орипов шеърияти

05 Nov, 02:08

5 ноябрь, Ўзбекистон қаҳрамони, Ўзбекистон халқ шоири Абдулла Орипов вафот этган кун....😢

"Бу гулшан водийда мен ҳам бир шамол,
Шамол каби келдим, шундоқ кетурман.
Лекин Абдулланинг боқий камоли,
О, юртим шамоли, юртим шамоли."

@abdullaorifijodi
9,156
Абдулла Орипов шеърияти

04 Nov, 13:19

@abdullaorifijodi
1,874
Абдулла Орипов шеърияти

04 Nov, 13:09

Абдулла Орипов

ОЛАМ МАНЗАРАЛАРИ


Тунларим бедор ўтди, мижжа қоқмайин гоҳо,
Бир зум ором олмоқни қўмсаб яшадим ҳар дам.
Теграмда ноз-неъматнинг ками йўқ эди асло,
Ва лекин томоғимдан ўтмади бурда нон ҳам.

Қай бир ишга қўл урсам, акси бўлди, во ажаб,
Дўстларимни чорласам, ғанимлар етиб келди.
Бахт изладим бир умр орқа-олдимга қараб,
Ташвиш доим сўрамай, ғовлардан ўтиб келди.

Баъзан эса тушингнинг тескариси бўлармиш,
Ойнинг орқа томонин кўрмаганмиз ҳеч қачон.
Ҳолингга кимдир йиғлаб, кимдир зимдан кулармиш,
Омад белгиси эмиш ойдинда ётган илон.

Йиғлай-йиғлай тугатди қувноқ достонин шоир,
Теракнинг узунлиги йиқилганда билингай.
Ушбу нисбат, чеки йўқ фазоларга ҳам доир,
Нур дастаси зулматда кўзга аниқ илингай.

Чорасиз қолсанг агар, ўкиниб юрма зинҳор,
Сендан ҳам бечорароқ кимсалар кўп дунёда.
Кимдир амал соҳиби, кимдадир бойлик бисёр,
Балки ўшаларнинг ҳам ғами ҳаддан зиёда.

Ҳар ишнинг асосида қиёс ётар, албатта,
Бир ёнда тоғу тошу, бир ёнда турар уммон.
Каҳкашонда зарранинг салмоғи беҳад катта,
Фалакни суяб турган мантиқдир неча замон.

Сизу биз кўриб турган ранг-баранг ушбу ҳилқат,
Эҳтимол ўзга олам аксидир, соясидир.
Инсонни бунёд этган фақатгина Муҳаббат,
У коинот бешигин тебратган доясидир.

✍2016 йил 17 сентябрь, Хьюстон.

@abdullaorifijodi
2,085
Абдулла Орипов шеърияти

04 Nov, 10:58

Абдулла Орипов

ФАСЛЛАРИМ

Етаклашиб қатор ва қатор,
Йўлдан ўтди етмиш беш баҳор.
У баҳорлар меники эди,
Болам, бари сеники энди.
Йўлдан ўтди ёз билан куз ҳам,
Улар менга бўлганлар ҳамдам.
Иккови ҳам меники эди,
Эгалик қил, сеники энди.
Ортда қолди чаманлар, боғлар,
Йўл сўнгида кўринди тоғлар.
Музликларга бориб етдим мен,
Фақат қишни ола кетдим мен.

✍2016 йил 13 сентябрь, Хьюстон.

@abdullaorifijodi
1,913
Абдулла Орипов шеърияти

04 Nov, 06:32

Абдулла Орипов


***

Ўзимни мозийнинг бағрига урдим,
Ва шу он шукрона айтиб қайтдим мен,
Кимдир кўрмай кетган бахтни мен кўрдим,
Кимдир айтмай кетган сўзни айтдим мен.

Мени кутаётир ажиб келажак,
У менинг иқболим, менинг бахтимдир.
Мен кўрмаган бахтни кимдир кўражак,
Мен айтмаган сўзни айтажак кимдир.

✍🏻1967

@abdullaorifijodi
2,134
Абдулла Орипов шеърияти

01 Nov, 06:22

А.ФАЙНБЕРГ

ЭСКИ ФОНУС

Куйлама у эски фонусни менга,
Пушкин ё Блок деб чекмагил фироқ.
Уларнинг шуъласи мендан кўп йироқ,
Куйлама у эски фонусни менга.

Куйлама менга Русь қаҳратонини,
Қишнинг замҳарири ер узра оқар.
Бестужев изиллаб қаёнга боқар,
Куйлама менга Русь қаҳратонини.

Менга у йўлларни куйламагин сен,
Шамол ҳам тополмас қорли сарҳадлар.
Навжувон Радишчев, овлоқ бекатлар,
Менга у йўлларни куйламагин сен.

Куйлама у сирли юртлар ҳақида,
Куйлама мафтункор олис гўшани.
Куйлама, куйлама фақат ўшани,
Куйлама у сирли юртлар ҳақида.

Ўзи йўқ севгини куйлама, жоним,
Овозинг, бардошинг етмагай бу дам.
Ўчгай у фонуснинг шуълалари ҳам,
Ўзи йўқ севгини куйлама, жоним.

✍🏻Абдулла Орипов таржимаси

@abdullaorifijodi
2,302
Абдулла Орипов шеърияти

01 Nov, 06:17

Бугун, 2 ноябр Ўзбекистон халқ шоири Александр Файнберг туғилган кун.

(Ушбу шеър 1999 йил 16 феврал куни Тошкент шаҳрида юз берган террористик воқеалар сабаб ёзилган )

Александр Файнберг

АБДУЛЛЕ АРИПОВУ

Срываю трубку: - Абдулла, живой?!
Ну слава Богу, милый. Слава Богу,
что не умолк певучий голос твой,
и взрыв не оборвал твою дорогу.

Другие не дожили до весны.
Смерть выбрала не нас, поэт, с тобою.
И нам осталось мучиться виною
пред теми, что погибли без вины.

Кто сеет зло, скажи мне Абдулла?
Кому земли и неба не хватает?
Кому желанней пепел и зола,
чем поле хлеба и трава с цветами?

Скажи, ну что им не дает покоя?
Зачем так невтерпеж увидеть им,
как озариться их средневековье
кострами, на которых мы сгорим?

Коран трактуя по своим воззреньям,
пускай ответит нам их грамотей -
уже ль за тем крестьянин пашет землю,
чтоб хоронить в ней собственных детей?

Зачем под нашим синим небосводом
им грезится в горячечном пылу
страну, глаза открывшую к восходу,
назло рассудку обратить во мглу?

...Какие б ни случались перемены,
и как не повернется шар земной,
товарищ мой, сосед Данилов Гена
с работы больше не придет домой.

И здесь бессильно наше состраданье,
напрасны утешения слова.
Три горестные ангелы рыдают -
две дочери прекрасных и вдова.

Пред ними остаемся мы в ответе.
И горечью утрат нам сердце жжет.
Не мы, а строки мечены бессмертьем.
И плачет над страной твой "Муножот".

✍️20 февраля 1999 год.

@abdullaorifijodi
1,795
Абдулла Орипов шеърияти

31 Oct, 07:17

Абдулла Орипов

ШАРОФ РАШИДОВ ХОТИРАСИГА

Марҳумлар ҳаётдан эрурлар йироқ,
Демакки, йироқлар хушомаддан ҳам.
Макру найрангларин қўймайди бироқ,
Токи ҳаёт экан Нобакор Одам.

Уларнинг турфа хил одатлари бор,
Аввал ганжларини кўмгай тупроққа.
Сўнг бирдан ўзларин ҳис этиб ночор,
Гавҳарим қайда деб тушгай титроққа.

Дунёда ҳар кимга қисмат ёр эмиш,
Кимдир тож кийгайдир, кимлардир кулоҳ.
Гўёки Алишер сизга ҳам дермиш:
"Сийратинг дарвешу сувратингдир шоҳ".

Эзгулик ниқобин юзига тортган
Манфур бир майдонда сургандингиз от.
Кимдир ўз падарин бир пулга сотган,
Қўл-оёқ кишанда, таланган бисот.

Ўйчан кўзингизда не ғам бор эди,
Келажакмиди ё мозийнинг шони?
Ўзбек-ку, бир эркка интизор эди,
Сизни адо қилди минг бир армони.

Эрксевар элларнинг орзусин ёқлаб,
Хаёл денгизида тунлар сузгансиз.
Истиқлол сўзини юракда сақлаб,
Сиз қафас ичида гуллар тузгансиз.

Шоирман, бўйнимда шеърнинг гуноҳи,
Соҳибин асрайди Салтанат маккор.
Очкўз, амалпараст кимсалар гоҳи
Адолат менман деб топгай эътибор.

Уларнинг дастидан нотинч эл, замон,
Танимай қолурсан оқ-қорани ҳам.
Чалғитиб келганлар топганда имкон,
Ҳаттоки Темуру Бойқарони ҳам.

Одилдир — ким элни бошлаган бахтга,
Ўзи ўтда ёниб, йўлни очганлар.
Лекин интиларкан тож ила тахтга,
Во ажаб, кўпинча дордан қочганлар.

Қуллуқ, Шароф ота, минг бора қуллуқ,
Боқий Ўзбекистон сизга ҳам ёдгор.
Бугун у истиқлол шавқига тўлиқ,
Хизматингиз эслар такрор ва такрор.

Илоҳи, ҳар кимга берсину тўзим,
Бут бўлсин Ватаннинг метин қўрғони.
Сизни қўллаб турар Ўзбегим — ўзим,
Ва, юртнинг посбони — жасур ўғлони!

Султон бўлмасангиз, Шароф ота, гар,
Яшардингиз қалам қўлдоши бўлиб.
Покликка, вафога тимсол муқаррар,
Хурсаной аянинг йўлдоши бўлиб.

✍🏻1992 йил 2 ноябрь

@abdullaorifijodi
2,648
Абдулла Орипов шеърияти

31 Oct, 07:00

Бугун давлат ва жамоат арбоби Шароф Рашидов вафот этган кун.

"1983 йил 30 октябр.
Ваҳимали хабар тарқалди. Одамлар гапиришга қўрқади. “Балки ёлғондир...”
Шароф ота Рашидов вафот этибди. Фақат бир нарса, радиодан мақом кетаяпти, телевизор эса кечқурун кўрсатади. Гўё ҳамма нарса сувга чўккандай, ҳаёт тўхтаб қолгандек, ҳатто қушлар овози ҳам тингандек эди.
“Энди нима бўлади?” Бизнинг хонадонимизда ҳам саросимали холат ҳукмрон. Абдулла ака эса анча вақт карахт бўлиб қолдилар. Бизнинг оиламиз Шароф бобони подшомиз, қолаверса ўғлимиз Илҳомжонинг исмини қўйган бобоси деб жуда қадрлар эди.
Бир нарсани айтишни жуда хоҳлар эдим. 1965-70 йилларда Абдулла аканинг илк китоблари чиқиб, ёш шоир, элни оғзига тушиб, айниқса талабалар, адабиёт ихлосмандлари орасида номи чиқа бошлаган пайтлар. Адабиёт кушандалари қўлларида тош билан кутиб олиб, “Бу болани кучукваччалигида йўқотиш керак” деб миллатчилик тамғаси остида ура бошлашган. Абдулла Қаҳҳор, буюк адабимиз асарларига шеърларидан эпиграф олиб ҳимоя қилган бўлсалар, Шароф Рашидов уларни асраш учун нималар қилмади... Абдулла аканинг “Совға ”номли шеъри бор. (Бухоро газининг Москвага етиб бориши муносабати билан)

Мен бу кун Москва ёнида туриб
Сени улуғлайман, эй она халқим.

каби мисралар учун ўша йилларда Хадрага олиб чиқиб, отишар эди. Ёдимда, Шароф ота чақирибдилар, деб чиқиб кетганлари-ю , рангларига ранг қўшилиб, кайфиятлари чоқ қайтиб келганлари.
Шароф бобонинг ўлими шоир қаддини бир қадар букиб кетганди...

Шоир умр йўлдоши Ханифа Мустафо қизи хотираларидан...

Абдулла Орипов

ЎҒЛИМ ИЛҲОМЖОННИНГ ШЕЪРИ

Биз яхши кунларни хаёл этгандик,
Ўзингиз от қўйган Илҳомжон билан.
Кичкина дунёда каттакон эдик,
Шароф ота деган кенг жаҳон билан.

Не қилиб қўйдингиз, отажон, ахир,
Кимга зарур бўлди азиз жонингиз.
Бу қандай бедодлик, бу қандай тақдир,
“Бобом ўлмаган” дер, Илҳомжонингиз.

Ота юртимизнинг ҳар гўшасида,
Тириклар мисоли бирга юргайсиз.
Унинг ҳар воҳаси, ҳар кўчасида,
Азиз Ўзбекистон бўлиб тургайсиз.

✍🏻1983 йил 31 октябрь

@abdullaorifijodi
4,354
Абдулла Орипов шеърияти

30 Oct, 09:26

@abdullaorifijodi
2,627
Абдулла Орипов шеърияти

28 Oct, 08:02

Абдулла Орипов


ЭВЕРЕСТ ВА УММОН

Эверест тоғида яшар бир одам
Ва Баҳри Муҳитнинг энг тубида ҳам.

Чўққида турган у, албатта, сенсан,
Уммон остидаги, шубҳасиз, менман.

Асло қўлим етмас юксак поянгга,
Эверест аталмиш баланд қоянгга.

Лекин сен тўхтовсиз тошлар отгайсан,
Мудом камситувчи сўзлар қотгайсан.

Бир вақтлар дердилар: – Инсоф, Виждон бор,
Минг афсус, бори ҳам ғариб ва ночор.

✍🏻 2015 йил 25 август, Хьюстон.

@abdullaorifijodi
2,780
Абдулла Орипов шеърияти

28 Oct, 06:26

Абдулла Орипов

ҲАЁТ АЖОЙИБОТЛАРИ

Бир умр яшадинг кўзингни ёшлаб,
Ўзи йўқ омаддан нолидинг секин.
Атай келтирдилар дарёни бошлаб,
Сув сенинг ҳовлингга чиқмасди лекин.

Ахир пўлат эмас бу жону бу тан,
Аёз ва изғирин ялайверади.
Ҳимоя қилишар нуқул бомбадан,
Қумурсқалар эса талайверади.

✍🏻2015 йил 2 август, Хьюстон.

@abdullaorifijodi
1,139
Абдулла Орипов шеърияти

25 Oct, 14:24

Абдулла Орипов

МАХТУМҚУЛИ

Шоир укам, ўқи, Махтумқулини,
Ҳикматга йўғрилган панду насиҳат.
Ғанимат демиш у умр йўлини,
Ҳа, умр ўткинчи, умр ғанимат.

Беписанд боқмагил кўҳна оламга,
Ҳали май ичмабсан қисмат қўлидан.
Фақат билганингни олгил қаламга,
Буни ҳам ўргангил Махтумқулидан.

✍2010 йил 14 январь

@abdullaorifijodi
1,686
Абдулла Орипов шеърияти

25 Oct, 11:45

Абдулла Орипов

АСРИМИЗ ОДАМИ

Менинг кўз ўнгимда жонланар тарих,
Ғамлардан тўқилган шу кўҳна олам.
Асрлар бирма-бир ўтар ва ахир
Юксалар қаршимда энг бахтли одам.
Юксалару, шу дам чопар, уринар,
Талпинар қайгадир билмасдан тиним.
Бахтининг ёнида ғами кўринар,
Ғами кўринади бахтида унинг.
Билагида гарчанд етарли кучи,
Бойлик эргашса-да гарчанд ортидан,
Унинг чеҳрасида ташвиш бор, нечун?
Нечун у айрилмиш ҳаловатидан?
Гоҳ бемор бошида жарроҳ бўлиб у
"Тақдири азал"га қўрсатса кучин.
Гоҳо бир довюрак сайёҳ бўлиб у
Совуқ Арктикага уради тўшин.
Дам оғир хаёлга бўлур занжирбанд,
Дам қўшиқ тўқийди у ёна-ёна.
Интилар юлдузлар туманига дам,
Дам ойнинг ёнида бўлар парвона.
У нима истайди? Шону шавкатми?
Юлдузлардан баланд, кундан пурзиё.
У нима истайди? Тенгсиз қудратми,
Оёғи остида ётсинми дунё?!
У нима истайди? Балки истаги
Унинг теграсида айлансин олам?
О, дўстим, саволнинг йўқдир кераги,
У истайди бунинг ҳаммасини ҳам!
Одамлар ўтдилар бир вақт, бир замон,
Ўтдилар энг оддий бахтдан ҳам йироқ
Ягона орзуси эди парча нон,
Энг буюк армони — озод яшамоқ!
Одамлар ўтдилар бир вақт, бир замон,
Ҳа, яшаб ўтдилар, энди-чи, мана:
Ўзи банди бўлган олам устидан
Ҳоким бўлмоқни у истар ягона!

✍1964

@abdullaorifijodi
1,350
Абдулла Орипов шеърияти

25 Oct, 10:22

Абдулла Орипов

БУЛУТ

Тиниқ кўл бағридан парча оқ булут
Сузиб чиқди бир вақт мовий осмонга
Шамол қанотида йўл олди хушнуд
Ошёнидан узоқ-узоқ томонга...
Қайларга шошарди?! Билмас эди у
Ошиб ўтди чўллар, тоғлардан йироқ
Ва бир кун кезишлар жонга тегди-ю,
Кайтмоқ бўлди шунда ортига, бироқ,
Бироқ... йўл бермади шамоллар: ҳайдаб,
Йиғлаб битди булут, сел бўлди кўз ёш.
Сўнг ирмоқ бўлди-ю, билмайди, қайда..
Маконин ахтариб олиб кетди бош.

✍1964

@abdullaorifijodi
1,562
Абдулла Орипов шеърияти

23 Oct, 09:35

Абдулла Орипов

ДИАЛОГ

– Отанг билан онанг ҳаётми, укам?
– Улар юрибдилар саломат, ўктам.
– Сенга қилмадими дўстлар хиёнат?
– Ҳозирча, ўртада бордир диёнат.
– Қийнаб қўймадими турмуш ва рўзғор?
– Оила қуришга ҳали вақтим бор.
– Айтгин, энг муҳими, соғмисан ахир?
– Шукур, нолимасман соғлиқдан тақcир.
– Омад ўзи сенга боққан экан заб,
Укам, энди менга ўргатмагин гап.

✍🏻2015 йил 31 июль, Хьюстон.

@abdullaorifijodi
1,802
Абдулла Орипов шеърияти

23 Oct, 05:51

Абдулла Орипов

ИМОН

Кексалик бошланиб, танни беморлик
Забтига олди-ю хору зор қилди.
Бир замон юрардим давлатлик, норлик,
Кўзимга дунёни энди тор қилди.

Шогирдлар ўстирдим жойлаб жонимга,
Маҳрамдек санадим хонадонимга.
Оқибат ўшалар ҳатто ёнимга
Келиб ўтиришдан гўё ор қилди.

Ҳеч ким “Бас” демайди бойликка тўйиб,
Йўқсил ҳам чидайди, ёнмайди куйиб.
Бир жуфт шеър айтишни бўйнимга қўйиб,
Оламда йўқ эдим, Ўзи бор қилди.

Ҳаёт гўзаллигини куйладим, бай-бай,
Тулпорим фалакни қучмоққа ҳам шай.
Лекин қанча севиб, қанча ёлбормай,
Бир санам йўлига интизор қилди.

Афсус, дунё мени алдади боплаб,
Олдимга ташлади ёлғонни қоплаб.
Эккан дарахтларим кўрсам ҳисоблаб,
Ярмин бешик қилди, ярмин дор қилди.

Ношукур эмасман умримдан зинҳор,
Бировдан қолишмас қадим халқим бор.
Кимнидир кўришдан қилсам ифтихор,
Ким мени кўришдан ифтихор қилди.

Нафс деган ҳаммани урди йўлидан,
Айлан авлиёнинг ўнгу сўлидан.
Ақчасиз ҳеч нарса келмас қўлидан,
Масжидни бузди-ю чўнг бозор қилди.

Мен ҳам жиловладим гоҳо фикратни,
Асл деб ўйладим сохта суратни.
Меҳру муҳаббатни, илму ҳикматни
Фақат сийратимда барқарор қилдим.

Ёвузлик ҳар ённи этса ҳам хароб,
Бир куни қайдадир бергайдир жавоб.
Эзгулик седана донидек ноёб,
Бўй сочиб, ўзидан умидвор қилди.

Ер юзи бўлгайдир шаксиз фаровон,
Инсонга қайтгайдир диёнат, виждон.
Шоир келажакка келтириб имон,
Шу шеърни ёзмоққа ихтиёр қилди.

✍🏻2015 йил 30 июнь

@abdullaorifijodi
1,918
Абдулла Орипов шеърияти

21 Oct, 05:44

Абдулла Орипов

ЎЗБЕК ТИЛИМ

Кўп қадимман,
Карвон билан замонлар кечдим,
Нор туянинг норлиги ҳам афсона экан.
Бир кун туя айронини шифо деб ичдим,
Она туя номи эса арвона экан.

Давронимни сурганман ҳам оқ отга миниб,
Ҳай-ҳай, унинг қўлтиғида бор эди қанот.
Вақти келиб, шон-шуҳратдан ҳаёлим тиниб,
Билсам, ўша оқ отимни дерканлар - бўз от.

Юксак Ҳисор тоғларининг бағрида қат - қат,
Тошни ёриб ўсиб ётган наъматак эди.
Устоз Ойбек шеърин эслаб шоир Холмамат,
Бизнинг жойда унинг номи " Ҳулулу", деди.

Сен туганмас чашмадирсан, оҳ, она тилим,
Етмиш икки томиримга мавжларинг борди.
Бир кун тиниб қолган эди боғда булбулим,
Сандулочим ! - деган эдим сайраб юборди.

Инсон деган қутлуғ сўзнинг тенги йўқ ҳеч бир,
У танҳодир, фалакларнинг қуёши мисол.
Лекин манов болакайдир, буниси ўсмир,
Бу йигитдир, бу зот эса бобо, оқсоқол.

2013 йил

✍️ Абдулла Орипов

@abdullaorifijodi

Суратда: чапдан ўнга, Анвар Ражабов, Холмамат Хасан, Сирожиддин Саййид, Абдулла Орипов, Мансурхон Тоиров, Фарход Бобожонов, Қўчқор Норқобул
5,544
Абдулла Орипов шеърияти

21 Oct, 03:25

Абдулла Орипов

СЎЗ

Сўз асли пайғамбар,
У боис балки
Одамзот таниган ўз Худойини.
Эриган темирнинг томчиси каби
Ўртаб юборар у теккан жойини.

✍2001 йил, декабрь

@abdullaorifijodi
3,712
Абдулла Орипов шеърияти

21 Oct, 03:23

21-октябрь, Ўзбек тилига давлат тили мақоми берилган кун!

Абдулла Орипов

            ОНА ТИЛИМГА

Минг йилларким, булбул каломи
Ўзгармайди, яхлит ҳамиша.
Аммо шўрлик тўтининг ҳоли
Ўзгаларга тақлид ҳамиша.

Она тилим, сен борсан, шаксиз
Булбул куйин шеърга соламан.
Сен йўқолган кунинг, шубҳасиз,
Мен ҳам тўти бўлиб қоламан...

✍1965

@abdullaorifijodi
1,238
Абдулла Орипов шеърияти

18 Oct, 16:04

Абдулла Орипов

ЎЗБЕК

Халқимнинг тарихи жуда ҳам қадим,
Ҳамиша оққан у дарёдай тўлиб.
Ҳали турфа динлар бермасдан таълим,
Дунёга танилган Хоразм бўлиб.

Кўҳна Самарқанду Бухорою Шош
Мудом кимлигимиз англатиб турган.
Не эллар Темурга бўлай деб ёндош
Қўлига обдаста олиб югурган.

Кўҳна шажарани чуватсанг агар,
Учи бориб етгай Одам Атога.
Ўзбек унвонингдан тонма, биродар,
Таяниб кимлардир қилган хатога.

Ҳануз сузиб юрар Нуҳнинг кемаси,
Барча жонзотларнинг қисмати бирдек.
Биз ҳам алал-абад ҳужжат эгаси,
У ерда ёзилган Ўзбек деб, Ўзбек!

✍ 2010 йил 5 апрель

@abdullaorifijodi
3,715
Абдулла Орипов шеърияти

16 Oct, 08:01

15 октябр -Халқаро қишлоқ аёллари куни...

Абдулла Орипов

ПОЕЗДДА

Қаршигами, Термизгами поезд юрар,
Икки аёл чой ҳўплашиб суҳбат қурар.

Бири дейди: — Минг шукрки уйимиз бор,
Тарновлари оқ тунука, зап нақшинкор.

Униси дер: — Бизники ҳам жуда кўркам,
Бордир ҳатто ҳовлимизнинг девори ҳам.

Қаршигами, Термизгами поезд юрар,
Икки аёл чой ҳўплашиб суҳбат қурар. . .

✍2015 йил 6 март

@abdullaorifijodi
4,051
Абдулла Орипов шеърияти

16 Oct, 05:47

Абдулла Орипов

НАЙ

Яшнарди у адирда дуркун,
Эпкинларга очганча қучоқ.
Келдилару одамлар бир кун
Танасига санчдилар пичоқ.

Айирдилар аввал кўзидан,
Сўнг бағрини олдилар ўйиб:
Етмагандай бу ҳам бўғзидан
Пуфладилар лабларин қўйиб.

Кўрмаганди бунчалар хўрлик
Ҳатто аёз тилганда юзин.
Аламига чидолмай шўрлик,
Нола тортиб юборди узун.

Одамлар-чи, тўпланди шу он
Фарёдига қилолмай тоқат.
Бир қамишни йиғлатиб чунон,
Сўнг ўзлари қилдилар роҳат.

✍1966

@abdullaorifijodi
4,015
Абдулла Орипов шеърияти

14 Oct, 16:35

Абдулла Орипов

ТУН

Ташқарида ёмғир шивирлайди жим,
Кўрингай на чироқ ва на бир зиё.
Гўё деразамни чертар аллаким,
Босиб кела бошлар қандайдир рўё.
Ўзимни тўшакка отаман шу он,
Ўраниб оламан ваҳима ичра.
Қоронғи йўлакда шитирлар хазон,
Кимдир деразамдан кетмайди сира.
Чироқни ёқаман бетоқат бориб,
Гўё ваҳималар бўлади абас.
Ёмғир ялтирайди нурда оқариб,
Тасалли чулғайди дилни бир нафас.
Липиллаб сўнади чироқ ҳам охир,
Қайдадир шовуллаб эгилади тол,
Кимдир ташқарида энтикар оғир,
Бирдан деразамни қоплайди хаёл.
Кимсан, эй, тунлари мени пойлаган,
Макрига бойлаган ёвуз дарбадар.
Кимсан, эй, руҳимни мағлуб айлаган,
Мағрур юрагимга ташлаган назар.
Ёлвора бошлайман кимгадир ёниб,
Бир зум иродамни этаман бекор.
Бир зум ўзлигимдан қоламан тониб,
Бир зум ожизликка бўламан иқрор.
Гуноҳкор бандадай титраб-қалтираб
Кимдандир сўрайман сўнгги ҳимоя.
Шамол ҳам увиллар нимадир тилаб,
Бирдан кела бошлар у машъум соя.
Тўлғониб кетади ногоҳ юрагим,
Нимани истайсан, сўйла, эй дайди!
Секин ғудурлайди шунда аллаким:
— Наҳотки менга ҳеч раҳминг келмайди.
Ёмғир ҳам савалар мени беомон,
Шамол ҳам ҳолимдан кулгани-кулган.
Бошпана бер менга, мен — ваҳимаман,
Ботирлар қалбидан қувғинди бўлган.

✍1965

@abdullaorifijodi
3,198
Абдулла Орипов шеърияти

14 Oct, 10:54

Абдулла Орипов

***

Ёмғирли кун эди,
Атроф жим, сокин,
Маъюс кўзларингга боқардим сармаст.
Секин шивирладинг: — Боқмагил, йигит,
Севгинг менга янгилик эмас...

Ёмғир ҳам тинмади ўша куни ҳеч,
У ҳам қуволмади кўздан хобингни.
Совуқ, рутубатли хонамга шу кеч
Олиб қайтдим изтиробингни.

Тунда ҳам жимгина ёш тўкди осмон,
У менинг ҳолимга йиғлар эди, бас!
Бас, дўстим, мени деб чекмагил фиғон,
Сенинг кўз ёшинг ҳам янгилик эмас.

✍1966

@abdullaorifijodi
3,165
Абдулла Орипов шеърияти

14 Oct, 07:04

Абдулла Орипов

СОҒИНИШ

У узоқ жойларга қилмасди сафар,
Тўкманг дерди кўздан жолаларимни.
Дерди: Бир кунгина кўрмасам агар
Соғиниб қоламан болаларимни.

Бедаво бир дардга чалинди шўрлик,
Деди: Энди қайтиб турмасам керак.
Бўғзига тиқилиб келса ҳам хўрлик,
Барига чидади, босиқ ва тийрак,

Кетар чоғида ҳам йўқликка томон,
У тақдир ҳукмига мардона кўнди.
Фақатгина деди: — Қийнар бир армон,
Мени болаларим соғинар энди...

✍🏻1996

@abdullaorifijodi
2,726
Абдулла Орипов шеърияти

13 Oct, 18:36

Абдулла Орипов

Истеъдод

Нафақага чиққан кекса бир ўғри,
Мева бозорида қиларди савдо.
Бир кун ёш ўғрига келди у тўғри,
Бошланиб кетди-ку савдо шу асно.

Ёш ўғри пайтини топдию чаққон,
Уч-тўртта олмани урди қўйнига.
Кекса ўғри уни тутди ўша он,
Қўйди қилмишини дарҳол бўйнига.

Деди: Унутмагин асли зотингни,
Айтганимни қилсанг, ҳеч бўлмассан кам.
Ёшсан, қадрлагин истеъдодингни,
Каттароқ ишларга қўл ургин, укам.

1.03.2010

@abdullaorifijodi
5,089
Абдулла Орипов шеърияти

11 Oct, 08:10

Абдулла Орипов

***

Туғилсанг бахт билан камол ўшадир,
Тарк этсанг оламни завол ўшадир.
Охир чоғ тупроғинг устига келиб,
Кимдир ёд айласа, иқбол ўшадир.

✍1983

@abdullaorifijodi
2,324
Абдулла Орипов шеърияти

11 Oct, 06:29

Абдулла Орипов

ГЎЗАЛЛИК

Кузнинг рутубатли оқшоми эди,
Боғлар сокингина чекар эди оҳ.
Руҳимда бир хазон айёми эди,
Ажиб гўзалликка дуч келдим ногоҳ.
Мисли хаёл эди у малак сиймо
Чирой оламининг тенгсиз сайқали.
Кўзларим олдида турарди гўё
Навоий ғазалин тирик ҳайкали.
Бир зум кўзларимдан йўқолди уйқу,
Бир зум баҳор каби ёришди олам.
Бир зум хаёлимдан чекинди қайғу,
Бир зум юрагимдан кетди ғам-алам.
Бир зум гўзалликнинг ҳузурида жим
Самовий ҳисларга бўлиб қолдим банд.
О, доно табиат, о буюк ҳаким,
Ҳикмат кўрмадим ҳеч мен сенга монанд.
Ўзинг юракларга чўктириб кадар,
Халос ҳам қилурсан раҳм этган дамда.
Шундай гўзалларни яратмасанг гар,
Қолиб кетармидик бир умр ғамда.

✍🏻1967

@abdullaorifijodi
2,322
Абдулла Орипов шеърияти

11 Oct, 06:13

Абдулла Орипов

***

Қўйгил, у кунларни эслатма менга,
Қалбимни ёқмасин бу хазон фаслинг.
Энди бегонаман, жонгинам, сенга,
Энди бегонадир менга ҳам васлинг.
Гоҳида севиниб, гоҳи ғамдадир
Ишқ узра ёзардим мен эркин қанот.
Билмайман қайси кун, қайси дамдадир,
Менинг қисматимга чанг солди сайёд.
Унинг қўлидадир бу кун имконим,
Бу кун ҳамроҳимдир гўзал изтироб.
Қўйгил, у кунларни эслатма, жоним,
Қўйгил, юрагимга сен берма азоб.
Ўзгалар юзимга боқса ҳам ҳайрон,
Фақат сен томоша қилма ҳолимни
Фақат сен шеъримни севма ҳеч қачон,
Фақат сен ҳимоя қилма номимни.
Дариғ тут ишваю назокатларинг,
Фақат сен юзимга боқмагил кулиб.
Ҳайҳот, энди барча илтифотларинг
Менга туюлади масхара бўлиб.

✍🏻1967

@abdullaorifijodi
1,928
Абдулла Орипов шеърияти

10 Oct, 08:41

Абдулла Орипов

ВАТАН МЕҲРИ

Синглим Бибисорага

Хасталикка йўлиқдим Ватанимдан йироқда,
Вайрон бўлди минг карра шундоқ ҳам вайрон кўнглим.
Денгизу тоғлар оша, гоҳ яёв, гоҳ учоқда
Мени кўргани келдинг, Бибисора, жон синглим.

Эллик йил айро тушган икки жигарбанд мисол
Ака-сингил йиғлашдик, елкаларга қўйиб бош.
Шу лаҳза онам руҳи чарх урарди эҳтимол,
Балки отам арвоҳи тиларди бизга бардош.

Ношукурлик ёмондир, яшадим-ку ҳарқалай,
Қайга борсам, мухлислар бизники деб аташди.
Бироқ ўтган йилларнинг феълин ҳам айтиб ўтай:
Аввало қўрқитдилар, сўнгра эса талашди.

Бойлик ва амал топиш қийин эмас дунёда,
Жиндек чаққонлик билан устакорлик бўлса, бас.
Душман-ку пойлаб турар ҳар ўру ҳар қиёда,
Фақатгина чин дўстни учратмоқ осон эмас.

Мен ҳам бир дўст ахтариб, шамол мисоли елдим,
Гоҳо топдим, гоҳида тополмай чекдим алам.
Тўрт мучанинг қадрини ёшим ўтганда билдим,
Жароҳат топдим гоҳо туянинг устида ҳам.

Донишмадлар ҳаётни аслида синов дейди,
Бу ҳикматни ҳар инсон ўзича англар бироқ.
Тирикликда собит бир мантиқ бўлса қанийди,
Бўрилар қолиб кетиб, қўйни синашар кўпроқ.

Соғайиб сафингизда юрарман ҳали мен ҳам,
Ошно бўлиб шеър деган абадий бир сеҳрга.
Ёлғиз худога солдим, гар бировдан етса ғам,
Лекин мудом талпиндим эзгуликка, меҳрга.

Ким бўлибман ахир мен, меҳрга зор-ку башар,
Чулғаб олмиш оламни зўравонлик ва ақча.
Оддий бир тўп тепарга қиёслаб кўрсанг агар,
Гомер ва Толстойнинг нархи бўларкан қанча?!

Ҳа, одам боласи бу, қон қақшатар дилларни,
Қўли ҳеч бўшамайди иғво билан урушдан.
Кўрдим афсус дунёда ҳатто шундоқ элларни,
Завқ олади ўз бирин топтаб, ерга уришдан.

Сен Ватаним меҳрини келтирдинг, Бибисора,
Энди оёққа тургум соғ-омон, ўйнаб-кулиб.
Билиб қўй, бу меҳрни топиб бўлмайди сира,
Инчунин, у кўрингай гоҳида сингил бўлиб.

✍🏻2014 йил 4 август Истамбул

@abdullaorifijodi
1,804
Абдулла Орипов шеърияти

10 Oct, 08:41

Бугун, шоирнинг синглиси, олий тоифали шифокор Бибисора Орипова аммамизнинг таваллуд кунлари. Туғилган кунингиз муборак бўлсин аммажон!

@abdullaorifijodi
1,645
Абдулла Орипов шеърияти

09 Oct, 06:52

"Дўстлик қадри" Хотира мақоласида келтирилган ариза шоир архивидан топилди.

@abdullaorifijodi
1,905
Абдулла Орипов шеърияти

09 Oct, 06:42

#abdullaorifijodi Мусиқий танаффус

Абдулла Орипов шеъри
Шерали Жўраев куйлайди

"Дунёни қизғанма"

@abdullaorifijodi
5,126
Абдулла Орипов шеърияти

09 Oct, 06:13

Абдулла Орипов

ДУНЁНИ ҚИЗҒАНМА

Дунёни қизғанма мендан, азизим,
Мен сенинг кўчангдан ўтмасман зинҳор.
Менинг бу оламда ўз айтар сўзим
Ва ўзим сиғинар мозорларим бор.

Дунёни қизғанма мендан, азизим,
Сен ичган булоқдан ичмасман асло.
Сен юрган тоғларда қолмагай изим,
Сен кечган дарёдан кечмасман асло.

Дунёни қизғанма мендан, азизим,
Қалбингни ёқмасин шубҳа ва сўроқ,
Мен ўзга манзилга тикканман кўзим,
У сенинг кулбангдан жуда ҳам йироқ.

✍🏻1980

@abdullaorifijodi
2,600
Абдулла Орипов шеърияти

08 Oct, 06:52

#Ijodkor_nigohi

Abdulla Oripov
Ba’zan menga savol berishadi:

— Iste’dodingiz bor. She’ringizni qadrlaydigan badavlat turkiy nashriyotlar yer yuzida mavjud. Madomiki, shuncha qiyinchilik bo‘lgan ekan, nega siz o‘z qadringizni bilib, vaqtida chet elga chiqib ketmadingiz?

Javobim doimo bitta:

— Yurtdan mosuvo bo‘lganlarga taqdir o‘zi javob bersin. Biroq... shunga imonim komilki, biron-bir o‘zbek chegaraga yetib turganida «ket!» deb orqasiga tepishgan taqdirda ham yo chalqancha va yoki yuztuban Vatan tuprog‘iga yiqiladi. Menimcha, buning izohiga hojat bo‘lmasa kerak...
Xullaski, har bir she’rning yozilish tarixi ko‘pdan-ko‘p hodisalar bilan bog‘liqdir. Shu kunlarda kamina ona tilimizning mavqeini ta’minlash hukumat qo‘mitasining mas’ul a’zosiman. Xo‘sh, o‘sha malomatlar o‘rinli bo‘lganmikan?
Menimcha, bu illatlarning barchasiga aslida muhit aybdordir.

“Yoshlik”1992/7/8

@yoshlikjurnali
1,525
Абдулла Орипов шеърияти

07 Oct, 13:10

Абдулла Орипов

ОИЛА

Каттаси кетганди балиқ овига,
Чўмилиб-нетмасин, ишқилиб.
Турли тасаввурлар олар довига,
Кампирнинг нафаси келар тиқилиб.

— Ҳой, сиз ҳам болани ўйланг-да бундоқ...-
Кампир эрк берганча пуч хаёлига,
Капгирни қайгадир илиб ўша чоқ
Танбеҳ бера бошлар чолига.

Чол-чи, кўзойнагин артганча бот-бот
Китоб варақлайди: Бедилми, Машраб...
— Мошинда кетувди кенжаси шаддод,
Юрсин-да, ишқилиб, кўзига қараб...

Кун ҳам эрта ботди, билмадим, кузми,
Биттаси кечкида ўқийди.
— Сен ҳам ўйлагин-да анави қизни?—
Чол ҳам кампирини нуқийди.

Ҳеч қайда ҳеч гап йўқ, шундоқ икковлон
Бир-бирин бесабаб койир, турткилар.
Лекин иккиси ҳам билади пинҳон:
Болаларни ўйлайди улар.

Сўнгра бир маҳалда узун-қисқа бўлиб
Болалар ҳам келар галма-гал.
Дастурхон атрофи боради тўлиб,
Хайрият, ҳаммаси жам, тугал.

Кампир: — Шукр, — дейди қимтиниб лаби,
Чол ҳам жилмаяди:
Тушунар...
Дунёда ҳеч бир гап бўлмаган каби
Болалар овқатни туширар.

✍🏻1979

#abdullaorifijodi
3,780

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.