Yuridik yordam

«Инсон» ижтимоий хизматлар маркази томонидан «Ягона миллий ижтимоий ҳимоя» ахборот тизимида ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар танловига кўра темир йўл ёки шаҳарлараро автобус учун бепул чипталардан бир йилда фақат бир марта фойдаланиши мумкин

Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар бепул чиптани расмийлаштиришда масъул ходимга ўзининг шахсини тасдиқловчи ҳужжатини кўрсатиши шарт

Шахсни тасдиқловчи ҳужжат чиптани олиш вақтида, шунингдек, темир йўл ёки шаҳарлараро автобусда фойдаланиш вақтида амал қилиш муддати ўтмаган бўлиши керак

Амал қилиш муддати ўтган шахсни тасдиқловчи ҳужжат асосида бепул чипталарни расмийлаштиришга, темир йўл ёки шаҳарлараро автобусда олиб юриш хизматларини кўрсатишга йўл қўйилмайди

Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларга темир йўл транспортида бепул юришлари учун купели вагон тарифи бўйича чипталар берилади.

Бунда бошқа юқори тарифдаги чипталар олинганда нархлар ўртасидаги фарқ йўловчи ва уларга ҳамроҳлик қилувчи шахслар томонидан қопланади


Ҳуқуқий асос: Ўзбекистон Республикаси Вазирлар Маҳкамасининг 04.11.2024 йилдаги 733-сон қарори

Савол ва мурожаат учун @yuridik_yordamuz_bot

@yuridik_yordamuz

Rasmiy munosabat:

CHIQINDIDAN QARZDOR ISTE’MOLCHILAR ELEKTR ENERGIYASIDAN UZILMAYDI

Ijtimoiy tarmoqlarda 1-noyabrdan "musor"dan qarzi borlar tо‘liq elektrdan uzilishi haqida xabarlar tarqaldi.

“Hududiy elektr tarmoqlari” AJ mazkur xabarni о‘rganib chiqib, quyidagilarni ma’lum qiladi.

Ma’lum bо‘lishicha, Ekologiya, atrof-muhitni muhofaza qilish va iqlim o‘zgarishi vazirligi huzuridagi Chiqindilarni boshqarish va sirkulyar iqtisodiyotni rivojlantirish agentligi tomonidan chiqindi tashish va olib ketish xizmatida foydalanuvchilarga qulaylik yaratish maqsadida yangi “Toza Makon-billing” dasturiy kompleksi ishga tushirilishi munosabati bilan 2024-yil 31-oktabr soat 23:50dan 5-noyabr soat 23:50gacha profilaktik ishlar olib borilishini ma’lum qilgan.

Shuningdek Agentlik tomonidan mazkur vaqt oralig‘ida chiqindi xizmati uchun barcha turdagi to‘lovlarni amalga oshirishda hamda shaxsiy hisob raqamdagi mavjud ma’lumotlarni olish, abonent to‘g‘risidagi ma’lumotlarni o‘zgartirish, qo‘shish va o‘chirishda vaqtinchalik texnik uzilishlar bo‘lishini haqida xabar bergan.

Mazkur xabar ijtimoiy tarmoqlarda notо‘g‘ri talqin qilinishi natijasida kо‘pgina manbalarda chiqindi xizmatidan qarzi bor fuqarolar elektr energiyasidan ham uzilishi haqida ma’lumotlar tarqalmoqda.

Ayni paytda "Hududiy elektr tarmoqlari" AJ tomonidan Oʼzbekiston Respublikasi Prezidentining “Chiqindilarni boshqarish tizimini takomillashtirish va ularning ekologik vaziyatga salbiy taʼsirini kamaytirish boʼyicha chora-tadbirlar toʼgʼrisida”gi Farmoniga asosan isteʼmolchining chiqindi boʼyicha qarzdorlik boʼyicha ogohlantirilgandan keyin toʼlov qilmagan shaxslarning elektr uchun toʼlovlarini qabul qilishni vaqtinchalik cheklash amaliyoti joriy etilishi amaliyoti bо‘yicha texnik ishlar olib borilmoqda.

Shu о‘rinda chiqindidan qarzdor iste’molchilar elektr energiyasidan uzilishi haqidagi xabarlar mutlaqo asossiz ekanligini ma’lum qilamiz.

Facebook | Telegram | YouTube | Instagram | X | het.uz

Фарзанд туғилганда бериладиган бир марталик нафақа пулини расмийлаштириш тартиби

2024 йил 1 апрелдан бошлаб фарзанд туғилганда бериладиган бир марталик нафақа пули

биринчи фарзанди учун — барча аёлларга

иккинчи фарзанди учун — фарзанд туғилган пайтда «Ижтимоий ҳимоя ягона реестри» ахборот тизимига киритилган оиланинг аъзоси бўлган аёлларга расмийлаштирилади.
Қолган барча ҳолатларда фарзанд туғилганда бериладиган бир марталик нафақа пулини расмийлаштириш рад этилади.

Ижтимоий ҳимоя миллий агентлигининг Қорақалпоғистон Республикаси, вилоятлар ва Тошкент шаҳар бошқармалари ҳар ойнинг бошида ўтган ойда ушбу ҳудудда тўланган фарзанд туғилганда бериладиган бир марталик нафақаларнинг умумий суммасидан кам бўлмаган миқдордаги маблағларни АТ «Халқ банки» филиалининг ҳисобварағи орқали молиялаштиради.

Боланинг отаси ёки онаси шахсини тасдиқловчи ҳужжатларни кўрсатган ҳолда, бола туғилгандан бошлаб 1 ой муддат ичида бир марталик нафақа пулини олиш учун АТ «Халқ банки» нинг исталган филиалига мурожаат қилади.

Ўзбекистон Республикаси Вазирлар Маҳкамасининг 04.03.2024 йилдаги 110-сон қарори

@yuridik_yordamuz

«Ижтимоий ҳимоя ягона реестри» ахборот тизими орқали кам таъминланган оилалар, болалар нафақаси ва моддий ёрдам олувчи оилалар ҳамда Ягона реестрга киритилмаган, «маҳалла еттилиги» хулосаси асосида аниқланадиган қўшимча рўйхатдаги эҳтиёжманд оилалар сони тегишли маҳалладаги Ягона реестрга киритилган оилалар сонининг 15 фоизидан ошмаган эҳтиёжманд оилаларга иситиш мавсумида (ноябрь — февраль ойларида) қуйидаги компенсация турлари тақдим этилади.

а) Ижтимоий ҳимоя миллий агентлиги АТ «Халқ банки» билан биргаликда ноябрь ойида 270 минг сўм миқдорида бир марталик моддий ёрдам ўтказиб беради;

б) электр энергияси ва табиий газ бўйича қуйидаги миқдорлардаги истеъмол учун базавий меъёр доирасидаги ҳамда базавий меъёрдан ошган нархлар ўртасидаги фарқ компенсация қилиб берилади:

Электр энергияси ва табиий газ (иситиш мавсумида):

а) Қорақалпоғистон Республикаси ва Хоразм вилоятида:
октябрь — февраль ойлари;

б) бошқа ҳудудларда:
ноябрь-февраль ойлари.

табиий газ учун — ойига базавий меъёрдан (500 куб метр) ортиқ фойдаланилган 250 куб метргача; 1 куб метр табиий газ нархи – 650 сўм.

электр энергияси учун — ойига базавий меъёрдан (200 кВт соат) ортиқ фойдаланилган 150 кВт соатгача. 1 кВт электр энергияси нархи – 450 сўм.


Ҳуқуқий асос: Ўзбекистон Республикаси Вазирлар Маҳкамасининг 16.04.2024 йилдаги 204-сон қарори


@yuridik_yordamuz

🛑«Саховат ва кўмак» жамғармаси маблағлари ҳисобидан қуйидаги дастурлар бўйича ёрдам кўрсатилади:

а) оғир ва узоқ вақт даволаниш талаб этиладиган касалликка чалинган оилаларга ёрдам кўрсатиш дастури доирасида:

базавий ҳисоблаш миқдорининг (кейинги ўринларда — БҲМ) 10 бараваригача бўлган миқдорда дори-дармон билан таъминлаш харажатларини қоплаш;
БҲМнинг 50 бараваригача бўлган миқдорда даволаниш харажатларини (яшаш ва йўл харажати билан бирга) қоплаш.
Бунда дори-дармон билан таъминлаш харажатларини қоплаш учун битта оилага бир йилда икки марта, даволаниш харажатларини қоплаш учун эса бир йилда бир марта ёрдам кўрсатилиши мумкин. БҲМнинг 5 бараваригача бўлган маблағлар ижтимоий ҳимояга муҳтож шахснинг банк пластик картасига ўтказиб берилади, қолган ҳолатларда эса тегишли маблағлар шартнома асосида ўтказилади;

б) биринчи даражали эҳтиёжларни қоплашга кўмаклашиш дастури доирасида;

БҲМнинг 1 баравари миқдорида озиқ-овқат, 5 бараваригача миқдорида кийим-кечак ва бошқа энг зарур товарлар билан таъминлаш харажатларини қоплаш. Бунда озиқ-овқат билан таъминлаш харажатларини қоплаш бир чоракда бир марта, кийим-кечак билан таъминлаш харажатларини қоплаш эса бир йилда икки марта белгиланиши мумкин ҳамда маблағлар ижтимоий ҳимояга муҳтож шахснинг банк пластик картасига ўтказилади ёки шартнома асосида натура кўринишида берилади;

в) уй-жой шароитига эга бўлмаган оилаларни қўллаб-қувватлаш дастури доирасида:

олти ой давомида ҳар ойда ижара шартномасининг 50 фоизи, бироқ БҲМнинг 4 бараваридан ошмаган миқдорда вақтинча бошпана учун харажатларни (ижара тўловини тўлиқ ёки бир қисмини) қоплаш;
БҲМнинг 50 бараваригача бўлган миқдорда фақат бир маротаба уй-жойини таъмирлаш, шу жумладан, ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахсларнинг яшаш шароитини мослаштириш харажатларини қоплаш. Бунда ушбу кичик бандда назарда тутилган маблағлар ижтимоий ҳимояга муҳтож шахснинг банк пластик картасига ёки шартнома асосида ўтказиб берилади;

г) иситиш таъминотидан узилган оилаларга ёрдам кўрсатиш дастури доирасида:

бир йилда кўпи билан икки маротаба куз-қиш мавсумида (1 октябрдан 15 мартга қадар) БҲМнинг 1 бараваригача бўлган миқдорда коммунал харажатларни қоплаш;
куз-қиш мавсумида БҲМнинг 2 бараваригача бўлган миқдорда кўмир билан таъминлаш харажатларини қоплаш.
Ушбу кичик бандда назарда тутилган маблағлар ижтимоий ҳимояга муҳтож шахснинг банк пластик картасига ёки таъминот корхоналарига тўғридан-тўғри ўтказиб берилади.

❗️Ҳуқуқий асос: Вазирлар Маҳкамасининг 2024 йил 31 майдаги 313-сон қарори


@yuridik_yordamuz

Alimentga doir ayrim savollarga javoblar:

⁉️ Aliment to'lovchi shaxs chetga chiqa oladimi?
Javob: vaqtincha chiqa olmaydi❌
Asos: 258-II-son Qonun bilan, davlat ijrochisi qarori asosida aliment to‘lovchilarning xorijga chiqishi vaqtincha cheklanishi mumkin deya keltirilgan.

⁉️Cheklovni olib tashlash imkoni bormi?

✅ Alimentlar oldindan to‘langan yoki bu bo‘yicha garov shartnomasi tuzilgan bo‘lsa xorijga chiqishga oid cheklov olib tashlanadi.

⁉️Cheklovdan qutilish uchun alimentni oldindan qancha muddat uchun to‘lash kerak ?

✅ Hukumatning 06.10.2018 yildagi 808-son qaroriga asosan, alimentlarni oldindan to‘lash 5 yildan kam bo‘lmagan muddatga amalga oshirilishi kerak. Agar bolalar voyaga yetgunigacha bo‘lgan davr 5 yildan kam bo‘lsa, alimentlarni oldindan to‘lash qolgan davr uchun amalga oshiriladi.

⁉️Aliment to‘lovchi garov evaziga cheklovdan qutilishi uchun o‘sha garovning qiymati qancha bo‘lishi kerak ?

✅ Garov qiymati BHMning 250 baravaridan kam bo‘lmasligi lozim.

⁉️Qanday narsalar garov bo‘lishi mumkin ?

✅ Har qanday mol-mulk (avtomobil, do‘kon, uy-joy, kvartira) garov bo‘lishi mumkin.

⁉️Garov evaziga chelovdan chiqish uchun ariza qayerga beriladi ?

✅ Alimentni to‘lashni garov bilan ta’minlash uchun ariza sudga taqdim qilinadi.

Bugungi kunda notarial idoraga bormasdan amalga oshiriladigan notarial harakat turlari ko'payib bormoqda, shuningdek,

Endilikda siz:

📌 er va xotinning umumiy mol-mulkni, shu jumladan ko’chmas mulkni tasarruf etish boʻyicha bitim tuzish uchun xotin (er)ning rozilik arizasini;

📌avtomototrnasport vositasini tasarruf etish (sotish, hadya, qilish, ayirboshlash, garovga qoʻyish va boshqa turdagi tasarruf qilish) ishonchnomasini;

📌Hujjatlarning bir tildan boshqa tilga toʻgʻri tarjima qilinganligini shahodatlashni videokonferensiya orqali (onlayn) notarial rasmiylashtirishingiz mumkin.³

💻 " E-notarius.uz" axborot portali orqali notarial harakatlarni dunyoning istalgan joyidan turib turib rasmiylashtiring.

❗️❗️❗️

📌Болалар нафақаси ва моддий ёрдам қанча муддатга берилади ва миқдори қандай ҳисобланади?

❗️Болалар нафақаси 12 ой муддатга тайинланади, бироқ оиланинг энг кичик ёхуд ягона боласи тегишлича ўн саккиз ёшга тўлган ойнинг охиригача тўланади.

❗️Моддий ёрдам бола(болалар)сиз ёки барча болалари 18 ёшдан катта бўлган оилаларга ва якка-ёлғиз фуқароларга 6 ой муддатга тайинланади ва тўланади.

🛑 1 – август ҳолатига кўра болалар нафақаси
Биричи фарзанд учун - оиласида бир фарзанд уч ёшдан ошмаган бўлса 325 000 сўм, 3 ёшдан ошган бўлса 250 000 сўм;
Иккинчи фарзанд учун – 150 000 сўм;
Учинчи фарзанд учун – 100 000 сўм;
Тўртинчи фарзанд учун – 100 000 сўм:

🛑 Моддий ёрдам миқдори 380 000 сўмни ташкил этади.

@yuridik_yordamuz

🏢 Ta'lim kreditini olish uchun talab etiladigan hujjatlar ro'yhati:📜⬇️


📌Vazirlar Mahkamasining 18.08.2021 yildagi 527-son qarori bilan tasdiqlangan nizomga ko‘ra, ta’lim kreditini olish uchun Moliya vazirligining rasmiy veb-saytida e’lon qilingan tijorat banklariga quyidagi hujjatlar taqdim etiladi:

1⃣ta’lim krediti olish to‘g‘risidagi ariza;

2⃣talaba va ta’lim tashkiloti o‘rtasidagi to‘lov-kontrakt asosida o‘qish haqidagi to‘lov-kontrakt shartnomasi. (Shartnomada o‘qishni tamomlashning belgilangan muddati va bir yil uchun to‘lov miqdori ko‘rsatilgan bo‘lishi lozim)

3⃣ ta’lim krediti qaytarilishining ta’minoti bo‘yicha hujjat. ("Ijtimoiy himoya yagona reyestri”ga kirgan oilalarning farzandlariga ajratiladigan ta’lim krediti bo‘yicha garov va kafillik talab etilmaydi)

4⃣ “Ijtimoiy himoya yagona reyestri”ga kiritilgan oilalar farzandlari uchun o‘sha reyestrga kiritilganligini tasdiqlovchi ma’lumotnoma

5⃣ Yuqoridagi reyestrga kirmaydiganlar uchun birgalikda kredit oluvchi (Kafil)ga tegishli ma’lumot va hujjatlar.

https://t.me/yuridik_yordamuz

🆕🆕🆕🆕 🧑🏻‍🎓👩🏻‍🎓Xorijiy tilni S1 darajada biladigan talabalarga ishlashga ruxsat etiladi

📌Mazkur qarorga muvofiq, 2024 yil 1-oktyabrdan:

🌐Yoshlar ishlari agentligi har yili xususiy o‘quv markazlarining Qoraqalpog‘iston Respublikasi, viloyatlar va Toshkent shahri kesimidagi reytingini tuzadi hamda rasmiy veb-saytida e’lon qilib boradi;

🔍reyting natijalariga ko‘ra olis va chekka hududlarda faoliyat ko‘rsatuvchi eng yuqori ko‘rsatkichga ega 100 ta xususiy o‘quv markazining ta’lim jarayonida foydalanadigan bino va inshootlar uchun ijara to‘lovi xarajatlarining bir qismi kompensatsiya qilinadi.

🔜 2024–2026 yillarda oliy ta’lim tashkilotlarining xorijiy til filologiyasi ta’lim yo‘nalishi bo‘yicha 3 va 4-kursda tahsil olayotgan hamda kamida S1 darajadagi sertifikatga ega talabalariga umumiy o‘rta, o‘rta maxsus va professional ta’lim tashkilotlarida o‘qituvchi sifatida mehnat faoliyatini amalga oshirishiga ruxsat etiladi.

♻️2024/2025 o‘quv yilidan ota-onalar va o‘quvchilar talabidan kelib chiqib, ixtisoslashtirilgan maktablar va kasb-hunar maktablarida chet tili sifatida nemis, fransuz, koreys, xitoy va yapon tillarini o‘qitishni yo‘lga qo‘yiladi.

💠2025 yil 1 yanvargacha ingliz tili, keyingi yillarda boshqa xorijiy tillar va zamonaviy kasblarni o‘rgatish bo‘yicha dunyoning yetakchi markazlari, oliy ta’lim tashkilotlari bilan hamkorlikni yo‘lga qo‘yiladi hamda ularning xalqaro ta’lim standartlariga mos ta’lim dasturlari “Ibrat farzandlari” va “Ustoz” loyihalariga tatbiq etiladi.

Endilikda Temurbeklar maktabi bitiruvchilari boshqa abiturentlarga xalaqit bermaydi

🏢Nodavlat (xususiy) oliygohlardan davlat oliygohlariga imtihonsiz o‘qishni ko‘chirish tartibi qanday?

🖇 Prezident qaroriga asosan Respublikada faoliyat yuritayotgan nodavlat (xususiy) va xorijiy OTM filiallaridan davlat oliy ta'lim muassasalariga 2 xil yo‘l bilan o'qishni ko'chirishi mumkin.
Ular:

📌 Mos va turdosh ta'lim yo'nalishlariga o'qishni ko'chirganda alohida iqtidor talab etiladigan ta’lim yo‘nalishlari bo‘yicha kasbiy (ijodiy) imtihonlar, boshqa ta’lim yo‘nalishlari bo‘yicha test sinovlari asosida;

📌Davlat oliy ta’lim muassasalarining mos va turdosh bo‘lmagan ta’lim yo‘nalishlariga ko‘chirish o‘rnatilgan tartibda, tegishli bakalavriat ta’lim yo‘nalishi uchun belgilangan tabaqalashtirilgan to‘lov-kontraktning minimal miqdoriga teng bo‘lgan bir martalik to‘lov asosida amalga oshiriladi:
🗞Qisqa qilib aytganda, nodavlat oliygohlardan davlat oliygohlarining noturdosh ta'lim yo'nalishlariga tabaqalashtirilgan to‘lov-kontraktning minimal miqdoriga teng bo‘lgan bir martalik to‘lov asosida imtihonsiz o‘qishni ko‘chirish mumkin.


@yuridik_yordamuz

⁉️Aliment miqdori qancha?

Agar voyaga yetmagan bolalariga ta'minot berish haqida ota-ona o'rtasida kelishuv bo'lmasa, ularning ta'minoti uchun aliment sud tomonidan ota- onaning har oydagi ish haqi va (yoki) boshqa daromadining

bir bola uchun - to'rtdan bir qismi;

ikki bola uchun - uchdan bir qismi;

uch va undan ortiq bola uchun - yarmisi miqdorida undiriladi.

Aliment miqdori taraflarning moddiy yoki oilaviy ahvolini hisobga olgan holda sud tomonidan kamaytirilishi yoki ko'paytirilishi mumkin.

Har bir bola uchun undiriladigan aliment miqdori qonun hujjatlari bilan belgilangan eng kam ish haqining yetmish besh foizidan kam bo'lmasligi kerak.

(O'zbekiston Respublikasi Oila Kodeksi 99-modda).


⁉️Agarda aliment toʻlovchi hech qayerda ishlamasa-chi?

Aliment to'lovchi ishlamaydigan bo'lsa yoki ish haqi yoxud daromadini tasdiqlovchi hujjatlarni sudga taqdim qilmagan bo'lsa, aliment qarzi undirilayotgan vaqtda aliment O'zbekistondagi o'rtacha oylik ish haqi miqdori bo'yicha hisoblab chiqiladi.

Agar qarzni bunday belgilash aliment to'lovchining manfaatlariga jiddiy putur yetkazsa, bu haqda sudga murojaat qilish mumkin. Sud aliment to'lovchining moddiy, oilaviy ahvoli va boshqa holatlarni inobatga olib, alimentning pul bilan to'lanadigan qat'iy summasini belgilashi mumkin.

@yuridik_yordamuz