Youth focus

በልጅነት የተመኘናቸው ምኞቶች will come to reality hold on to your dreams

Do not despise these small beginnings
Zechariah 4:10

እግዚአብሔርን ማወቅ፤ ፈቃዱን ማወቅ ነው።

ሳሙኤል ከበደ

https://youtu.be/MKlrUKpQSkQ?si=7lfefle8ixV8VnZn

https://youtu.be/72VdZAC4YNY

🎄🎄🎄ገና ለኔ🎄🎄🎄
ሁለተኛ እድል! ሌላ አይደለም እንደገና የመኖር፣ እንደገና ተስፋ የማድረጊያ፣ የተበላሸውን የማስተካከያ፣ የጠለሸውን የማጽጃ፣ የተሰበረውን መጠገኛ፣ ተስፋው፣ ህይወቱ በቀጭን ገመድ ላይ ለተንጠለጠለው የረዳት እጅ መዘርጊያ፣ ያበቃለትን እንደ ገና ማስቀጠያ፣ ተስፋ በመቁረጥ በጨለማ ለተቀመጡ አዲስ ተስፋ፣ አዲስ የብርሀን ወጋገን። በተስፋ እጦት፣ በሀጥያት እስራት፣ ለመውጣት አዳጋች በሆነ እስር ቤት፣ ለተከረቸሙ እንደገና መፈታት፣ እንደገና ነጻ መውጣት  ለእኔ ገና ይህ ነው።
ሀለተኛ እድል!
እንደገና!
እንደ አዲስ!


🙏ክብር ለእርሱ ከዘላለም እስከ ዘላለም ይሁን አሜን! 🙏

መልካም የገና በአል ይሁንላችሁ

        🎄🎄🎄መልካም በአል🎄🎄🎄
        🎄🎄🎄ሳሙኤል ከበደ🎄🎄🎄

@youthfocus✨✨
@youthfocus✨✨
@youthfocus✨✨

Please watch it its so powerful teaching

https://youtu.be/x41-tT_BD-0?si=K77ObfhIW7UnILeR

መመለስ ወደማንችልበት እግሮቻችን ፈጥነው ከመጥፋታችን በፊት፣ በጭፍን ስሜት ተነድተን ከአበታችን ቤት ከመኮብለላችን በፊት፣ እኔነት ገዝፎ፣ አይን ታውሮ፣ ልብ ደንድኖ፣ ከመጥፋታችን በፊት ቀድሞ በመንገዳችን ላይ ይቁም፤ ስለእብደታችን ግዑዝ አፍ እውጥቶ ይናገረን፣ ከተኛንበት መንቃት ይሁንልን እግዚአብሔር አምላክ ወደ ልባችን ይመልሰን

መልካም ምሽት
ሳሙኤል ከበደ

https://youtube.com/shorts/_p-01x9U2Nk?si=v2UtPs53QdpoFRYt

👆👆👆👆subscribe 👆👆👆👆👆

Share this guys please so that it would reach more people thanks

https://youtu.be/11lNfTTWUDM

Channel photo updated

Day 1
ሊገለጽ በማይችል ብዙ መከራና መሥዋዕትነት ወስጥ በማለፍ ፍቅሩን በተግባር ያስረዳን አምላክ ክርስቶስ የደረሰበትን አበሳ ስንመለከት ቆም ብለን የበደላችንን ክብደትና የፍቅሩን ጥልቀት እንድናሰላስል ይጋብዘናል። የተሸከመው ቅጣት ሰላምን ያመጣልናል፤ ከማስተዋል በላይ የኾነ ዕረፍት ያስገኝልናል። ኀጢአታችንን ተሸክሞ ባለፈበት መከራው ባሳየን አስደናቂ ፍቅር ካለንበት መንፈሳዊ፣ ስሜታዊና አካላዊ ሕመም እንፈወሳለን።  ኢየሱስ ክርስቶስ ለኀጢአታችን ማስተስረያ መሥዋዕት በመኾን የከፈለውን ዋጋ ጥልቀት በመረዳት ለሕይወትዎ ያለውን ብቸኛ ተስፋ ይቀበሉ። በክርስቶስ መሥዋዕትነት ውስጥ የሚገኘውን የማዳን ኃይል በማመን አኹኑኑ የዘላለም ሕይወትን ያግኙ። የመዳን ቀን ዛሬ ነው።

#ኑ_ወደ_ኢየሱስ 
#ያ_መሲሕ
#ኢየሱስ_የእግዚአብሔር_ልጅ

እርሱ ግን ስለ መተላለፋችን ቈሰለ፥ ስለ በደላችንም ደቀቀ፤ የደኅንነታችንም ተግሣጽ በእርሱ ላይ ነበረ፥ በእርሱም ቍስል እኛ ተፈወስን (ኢሳይያስ 53÷5)።
Follow Tesfa on:
Instagram | Facebook | Telegram | TikTok | Youtube | Threads | pinterest

#ሁለት_ሰይፍ
ክፍል ሶስት (ሜርሲ✍️)


"ኦውው... የአቤነዘር ጓደኛ...ማታ መልእክት ልኮልኝ ነበር እመልሰዋለሁ እያልኩ ተዘናጋሁ::"
"ያ.. አብሮኝ እንዳይመጣ ፕሮግራም ገጠመው::አቅጣጫውን እያጠያየኩ ነበር የደረስኩት::"
"ኦውው.. አስለፋሁህ ይቅርታ::የሚከራየው ቤት ከዚህ ቤት ሶስተኛ ላይ ያለው ነበር::እምም... ቀደም ብትል ጥሩ ነበር::አንድ ሶስት ቀን አለፈው ሰው ከገባባት::"
"እርሊይ..."
"ይቅርታ በጣም::"
ዮሃና መጥታ ከአጠገቧ ትቆማለች::
"እንዴ ናቲ..."
ዞራ አየቻት:-
"ታውቂዋለሽ::"
"እኛ ቸርች ሆኖ እሱን የማያውቀው አለ::ልክ እኛ እዛ ቸርች እንኳን ደህና መጣችሁ የተባለን ቀን ነው እርሱ የተሸኘው::የወጣቶች መሪ ነበር::አንቺ አልነበርሽም ነበር::"
"ኦውው... አንድ ቀን አይተሽኝ ነው ያልረሳሽኝ::"
"መርሳት የማልፈልገውን ሰው አልረሳም::ምን እግርህ ጣለህ እኛ ቤት?"
"እምም... የሚከራይ ቤት አለ ተብዬ ነበር::ተከራይቷል::"
"ኦውው... ብቻህን አንድ ግቢ ነው የምትፈልገው ማለት ነው?"
"አይ እንደዛ እንኳ ሳይሆን.. ሥራዬን ከቤት ሆኘ ስለሆነ የምሰራው..."
"ገባኝ::ግን እዚህ ማንም ነፃነትህን የሚነሳ የለም::ግራውንድ ላይ ከተመቸህ ክፍሎች አሉ::እኛ አንጠቀምበትም::"
"ዮሂ..."
"እህቴ ደግሞ::ለሚታመን ሰው ነው የማከራየው ስትይ አልነበር::"
"አይ... ፍቃድሽ ካልሆነ ችግር የለውም ሌላ ቦታ እከራያለሁ::"
"አይ እንደዛ ሳይሆን::ልንረብሽህ እንችላለን ብዬ ነው::"
"እነማናቸው የሚረብሹት?.. አረ እህቴ... ይሀውልህ ናቲአታስብ::አንድ አንዴ እኔ ብረብሽህ ነው... እባክህን ክፍሉን ልታየው ትችላለህ?..."

*                          *                           *

"ዕቃ ከመግዛት ነው የተረፍኩት::ሙሉ ዕቃ የተሟላለት ቤት ነው::ሳሎን መኝታ ሻወር አለው ሌላ ምን እፈልጋለሁ::"
"አይ ጥሩ አድርገሃል::እዛ መግባትህ የእግዚአብሔር ፍቃድ ይሆናል::አሁን እንዴት እንደምታሳምናቸው አስብ::"
"እምም... እሱም አለ ለካ... አይፈቅዱልኝም በእርግጥ::አሳውቅሃለሁ ለማንኛውም::"
"እንደዋወል.." ስልኩን ከዘጋ በኋላ ወደ ጎን አይኑን ከትራፊኩ ላይ ይጥላል::የፈራው አልቀረም የፊሺካ ድምፅ ይሰማል::
"ፈጣሪዬ... ናቲ መንጃ ፍቃድ ይዣለሁ በለኝ::"መኪናውን ከዳር አቁሞ ሊፈልግ ዝቅ ይላል::

*                            *                            *

"በዛ ላይ ቆንጆ ነው..."
"ምን አልሽ!?"
"ቀልዴን ነው አረ::"እጇን ከፍ እያደረገች::
"ለቀልድም ቢሆን..."
"አረ አምላኬ መች ነው እንደዚህ አንባገነን የሆንሽው::"
"ዶክተሩ ያለውን በደምብ ሰምተሻል::በፍፁም መጠጥ አጠገብ መድረስ የለብሽም::ጨጓራሽ በጣም ተጎድቷል::"
"እሺ... እሞክራለሁ::"
"እሞክራለሁ አይደለም ታደርጊዋለሽ!" ትላለች ድምፁአን ከፍ አድርጋ::
"እህቴ እየጮህሽ ነው::"
"ልጩህ::ጮኬም በገባሽ::"
"እህቴ ከአይንሽ እንባ እየፈሰሰ ነው እያለቀስሽ ነው?"
ፊቷን ወደ አስፓልቱ አድርጋ በእጇ እንባዋን ትጠርጋለች::
"መች ነው እራስሽን መበቀል የምታቆሚው?... ቆይ እንዳጣሽ ትፈልጊያለሽ?... እናታችን እጄን ይዛ ነው ቃል ያስገባችኝ::"
"እህቴ.. ይቅርታ::" ስታቅፋት ሳራም ታቅፋታለች::
ድምፅ ሰምታ ዘወር ስትል ማክቤል ከመኪናው ውጭ ሆኖ መስታወቱን እያንኳኳ አይታ ፈገግ ትላለች::
"ማክ... " ዮሀና ዘወር ብላ ታየው እና ትስቃለች::
"በሩን ክፈቺለት::" ከኋላ ሲገባ ቦርሳውን አስቀምጦ በየተራ ይስማቸዋል::
"ክላስ ቆንጆ ነበር ማክ.."
"አዎ... ተሻለሽ አንቺ?"
"አንተም ሰምተህ ነበር!?"
"ባትሄጂ ማታ ጥሩ እራት ትበይ ነበር::አያምሽም ነበር::"
"የእኔ ነብስ::ሁለተኛ አልሄድም ጥያችሁ::አሁን ቤት ሄደን ቆንጆ እራት እንሰራለን::"
"እንዴ... ዛሬ ፒዛ አልጋበዝም?"
"ትጋበዛለህ አረ... እሱ ግን መክሰስ ነው::እራት እኔ ነኝ ቆንጆ አድርጌ የምሰራው::"
"ምን... እራት ላይ እንቁላል ልታበይን?"አለች ሳራ::
"እየተሰደብኩ ነው!?"
ማክቤል እና ሳራ ተያይተው ይሳሳቃሉ::

*                         *                                *

ናትናኤል ከእናቱ ሕይወት እና አባቱ ኪሮስ ጋር እራት በአንድ ጠረጴዛ እየተመገበ በየመሃሉ ቀና እያለ ይመለከታቸዋል::
ኪሮስ አስተውሎት ኖሮ ከወንበሩ ደገፍ ብሎ ይመለከተዋል::
"የሆነ ነገር ልትነግረን ፈልገሃል አይደል?"
ደንገጥ ብሎ ቀና ብሎ ይመለከተዋል::ሕይወትም መመገቧን አቁማ ታየዋለች::ከዚህ በላይ እንደማያስኬደው ስላወቀ ለመናገር ይወስናል::
"ምን መሰላችሁ አባዬ.... አድጌባችሁ አይደለም::እናንተ ላይ ማደግ አልፈልግም::ይሄን ስወስን ሁለት ዓመት እርቄያችሁ ቆይቼ እንደገና ልርቃችሁ ፈልጌ ሳይሆን...."
"ናቲ... ምንድነው ዋናው ጉዳይ?" አለ ኪሮስ ቆጣ እንዳለ::
"ቤት ተከራይቻለሁ::" ፊታቸው ሲለዋወጥ አስተዋለ::

   ይቀጥላል....


@youthfocus

#ሁለት_ሰይፍ
ክፍል ሁለት(ሜርሲ✍️)

"ማክቤል.." በዝግታ ዘወር ብሎ ይመለከታት እና ዓይኑን አንገቱን ይመልሳል::በእፎይታ ትተነፍስ እና ከሶፋው ላይ ከአጠገቡ ትቀመጣለች::
"ጨረቃዋ ደስ ትላለች አይደል?"
"እማዬ ሁሌ ማታ ማታ እዚህ መቀመጥ ትወድ ነበር::"
ትመለከተዋለች::
"ለምን ቆንጆ እራት አንሰራም?"
"ላዛኛ ነው?"
"ኦፍኮርስ.... የፈለግከውን::"
እጁን ይዛ ይነሳሉ::

*                                *                              *

"እና አቤኒ... እንዴት ነው ቸርች... የወጣቶች መሪ መሆን..."
"ለአንተ አልነግርህም መችም ፈታኝ መሆኑን ::ግን እግዚአብሔር ይመስገን እሱ ከድካምህ በላይ ያደርግሃል::"
"እሱ ነው ትልቁ ነገር::" አስተናጋጁ ያዘዙትን የቤቱን እስፔሻል ኮምቦ ከፊታቸው ያስቀምጥ እና ከመሶቡ ከትሪው ላይ አድርጎላቸው::
"መልካም እራት::"ብሏቸው ሲሄድ አፀፋዊ ምስጋናቸውን ሰጥተውት ወደ ምግቡ ይመለከታሉ::
"በጣም የናፈቀኝ ምግብ::"
"ምሳ መጋበዙ ባይፈቀድልኝም እራቱ አይቅርብኝ ብዬ ነው::እንፀልይ::"
"ያ.."አይኑን ሲጨፍን አቤነዘር ይፀልይ እና እየተጫወቱ መመገብ ይጀምራሉ::በመሃል ናትናኤል አሰብ ያደርግ እና:-
"እኔ ምልህ አቤኒ... የሚከራይ ቤት እየፈለግኩህ ነበር እና አሪፍ ደላላ የምታውቀው ካለ..."
"ለማን ነው የምትፈልገው?" ግራ እየተጋባ ጠየቀው::
"ለእራሴ ነዋ ሌላ ለማን ይሆናል::"
"አረ አትቀልድ ናቲ::ቤታችሁስ..."
"ጠብቄ ነበር አለማመንህን::online ሥራዎችን ስለሆነ እየሰራሁ ያለሁት እረጅም ሰዓት ቤት ስቀመጥ ሌላ ነገር ይመስላቸዋል::እና ሥራው ነፃነት ይፈልጋል::በዛ ላይ ደግሞ እራሴንም ብቻዬን ሆኘ ሕይወቴን መምራት እፈልጋለሁ::"
"ይሄ ከባድ ነገር ነው::ነግረሀቸዋል?"
"አይ::ቤቱን ላግኝ እና እነግራቸዋለሁ::"
"ካልክ እሺ.... እምም... ደላላ ሳያስፈልገው የሆነ ቤት አለ::ካላከራዩት የምጠይቅልህ ይሆናል::ግን ምን አይነት ቤት እንደምትፈልግ አልነገርከኝም::"
"ምንም ይሁን ብቻ የእኔ ቤት መዋል የሚያሳስበው ሰው የሌለበት ቦታ ይሁን::"
"ገባኝ.."

*                             *                              *

ሳራ ከሳሎኑ ላይ ካለው ሶፋ ላይ ጋቢ ለብሳ ጋደም ብላ አንዴ የግድጊዳውን ሰዓት አንዴ በሩን ትመለከታለች::ሰዓቱ ለስድስት ይቆጥራል::ስልኳን አንስታ ቁልፎቹን ስትጫን የበር ጥሪውን ትሰማ እና ብድግ ብላ የሳሎኑን በር ከፍታ በመውጣት ከግቢው በር እሮጥ ብላ ደርሳ በሩን ትከፍታለች::ዮሃና በስካር መንፈስ ሆና ራይድ ካመጣት ሹፌር ትከሻ ላይ እራሷን ጥላለች::
"እባክሽን ታግዥኝ::"
ሳራ ፈጠን ብላ ትደግፋት እና ጋቢውን ታለብሳታለች::
"እስከ ቤት ላግዝሽ?"
"አይ አመሰግናለሁ::ከፈለችህ?"
"አዎ::በዚህ እንኳ ጎበዝ ናት::"
ፈገግ ብላ:-
"አመሰግናለሁ::ደሕና እደር::" ይዛት እስክትገባ ይመለከት እና ወደ መኪናው ይመለሳል::"
ሳራ ደግፋት እያስገበቻት ዮሃና በጨረፍታ ትመለከታታለች:-
"እህቴ.. ይቅርታ::ሳልፈልግ ነው::"
"አስገድደውሽ ነው አይደል::"
"አዎ እህቴ ልክ... ብለሻል::"
"አስገድደውሽ.. ህ... ማክቤል ተኝቷል ድምፅሽን ቀንሽ::
ከተከፈተው በር ይገቡ እና ከኋላቸው ትዘጋለች::

*                  *                               *
ዮሃና ከፊቷ ላይ ያለው ብልድልብስ ሲከፈት አይኖችዋን ትከፍታለች::ወዲያው የእራስ ምታቱ ህመም ጭንቅላቷን በእጇ ያስይዛታል::ሳራ ቆማ ትመለከታታለች::
"እኔና መክቤል እየወጣን ነው::ሱፍ ፍትፍት እና ጁስ አዘጋጅቼልሻል::ማስታገሻም ውሰጂበት::ዛሬ እረፍት አድርጊ::"
"እንዴ.. ክላስ እሄዳለሁ እኮ..."
"እንደዚህ ሆነሽ ነው የምትሄጂው!?.. ማታ ደም ነበር እኮ ሲያስመልስሽ የነበረው::ለማንኛው ሰራተኞቹን ቦታ ቦታ አስይዤ እመለሳለሁ::ሀኪም ቤት እንሄዳለን::"
"ሀኪም ቤት..!?"
ሳራ ሳትመልስላት ትወጣለች::
"ኤጭጭ ..."

*                        *                             "

"ሰዓት እየሄደ ነው... ቶሎ በይ..."
"እየጨረስኩ ነው እህቴ....."

የበሩን ደውል ስትሰማ ግራ በመጋባት አሰብ ታደርግ እና ወደ ውጭ በመውጣት በሩን ስትከፍት ከፊቷ የቆመውን ወጣት አይታ ደንገጥ ትላለች::
"ሰላም.. ምን ነበር?"
"ሰላም... ናትናኤል እባላለሁ::የሚከራይ ቤት እንዳላችሁ ሰው ጠቁሞኝ ነው የመጣሁት"


  ይቀጥላል....

@youthfocus

A 100 years after Wesley death, A noble man came into a Small England Village looking For ALCOHOLIC BEVERAGES and Finding None

He asked a black slave why he couldn't find alcohol in this entire village, and the black slave replied:

"Master, a 100 years ago Someone by the name John Wesley passed through this Village, since then all alcoholic shop Closed because no one would buy"

What a Life of impact by John Wesley His Passion for Souls and impact is still Felt till date.

Reaching the Lost at all Cost.

#ሁለት_ሰይፍ
✍️ሜርሲ
ክፍል አንድ

"ይሄ መኪና ፍጥነቱ ምንም አላማረኝም::"
"ሆስፒታል ገብታለች እኮ ልጄ::"
"አውቃለሁ ግን ተረጋግተህ ንዳው..."
ወደ ኋላ ስትመለከት ማክቤል ጆሮው ላይ ማዳመጫ አድርጎ ውጪውን ይመለከታል::
ዘወር ትላለች:-
"መኪናውን አቁመው.."
ዞሮ ይመለከታታል:-
"ምን ሆነሻል::"
"መኪናውን አቁመው.."ድምፁአን አውጥታው ስለነበር ማክቤል ማዳመጫውን ያወጣ እና ወደ እነርሱ ይመለከታል::
"ጥሩ ስሜት እየተሰማኝ አይደለም::"
"እማዬ..."
ሁለቱም ወደ ማክቤል ይዞራሉ::እና በዝግታ አይናቸውን ከማክቤል አይን ጋር አከታትለው ከመንገዱ ያደርጋሉ::
"ፍፁም እያየህ::" ከእሷ ድምፅ እኩል መሪውን ወደ ግራ ያዞረዋል::
"እማ... አባ..."ሳራ በሩን በርግዳ ትገባ እና አልጋው ላይ የመዝለል ያህል ወጥታ ከጉያዋ ውስጥ ታስገባዋለች::
"ቅዠት ነው.... ቅዠት ነው::"

*                             *                                  *

"እግዚአብሔር በሥራው አይሳሳትም::የሚሳሳት ይመስላል በእርግጥ::ግን እውነታው እሱ ዘንድ ስህተት የለም::"ፕሮግራሙ አልቆ ሰዉ መበተን ጀምሮ ሳለ አንድ ረዘም ብሎ መልከ መልካም ወጣት እየተጣደፈ ጉባኤውን ቀድሞ ይወጣል::

"ናቲሻ.."
ዘወር ብሎ ይመለከታል::
"አንተ... ወዴት እያመለጥክ ነው::"
ቆም ብሎ በፈገግታ ይጠብቀው እና ሞቅ ያለ ሰላምታ ይለዋወጣሉ::
"ተናፍቀሃል.."
"እዚህም እንደዛው::"
"እና ምን ያስሮጥሃል..."
"ትንሽ ደክሞኛል አቤኒ::እዚህ ቆየሁ ማለት ጉባኤውን ሁሉ ሰላም አልኩ ማለት ነው::"
"ይሄ መበላሸት ነው ይታረም::"
"በእርግጥ አዎ ይታረማል::"
"ሙሉ ፕሮግራሙን ተኝተሽ ነበር..."
"ሲጀመር ለአንቺ ስል ነው የመጣሁት.."
ሁለቱም ድምፁን ወደ ሰሙበት ዘወር ይላሉ::ሁለት ሴቶች እና አንድ ልጅ ፈጠን እያሉ ጀርባቸውን ሰጥተው ከግቢው ያልፏቸዋል::
"ታሳዝነኛለችም... ታበረታኛለችም::"
ናትናኤል ወደ እሱ ይዞራል:-
"ማናት.."
"አንተ ውጭ በነበርክ ጊዜ ብዙ ታሪክ አልፎሃል::"
ናትናኤል ድጋሚ ዞሮ ይመለከታቸዋል::
"እንዴ... ናቲ... መች መጥተህ ነው?"
"አላልኩህም... ማደሬ ነው በቃ::"
"የቅዱሳን ሰላምታ ሊናፍቅህ ነበር የሚገባው::ምሳ እና ቡና በእኔ ግብዣ ይሁን::አሁን ሰላም በላቸው::"
ፈገግ ብሎ ወደጠራው ሰው ዘወር ይላል::

*                             *                             *

"መኪናዬን በትክክል እንድነዳው ፍቀጂልኝ እባክሽ::"
"ምኑን ነዳሽው::እስካሁን በእግሬ ሮጥ ሮጥ ብል ቤት ደርሼ ወጥቼ ነበር::"
"በዚህ ሰዓት ክራውድድ ይሆናል::ሶ ታገሺኝ ፕሊስ::ደግሞ የት ነው የምትወጪው?"
"የጓደኛዬ ልደት አለብኝ::"
"የአንቺ ጓደኞች ደግሞ በየእሁዱ ነው እንዴ ልደት የሚያከብሩት::"
"ጓደኞቼ ብዙ ናቸው::ሰው ይስጥሽ ብሎ መርቆኝ::ዛሬ ልክ አልሰራሽም::ቆይ የከተማው ሰው ሁሉ እኔ ሳልሰማ መኪና ታደለው እንዴ::"
ሳራ ፈገግ ብላ መንገዱን ታያለች::
"በኢየሱስ ስም!" ቃሉ ከአፏ እንደወጣ ፍሬኑን የበጠሰ መኪና ከግራ በኩል በብርሃን ፍጥነት ወጥቶ ከአንዱ ቪ8 ጋር ይላተማል::ሁለቱም በድንጋጤ ፈዘው ከፊታቸው የተፈጠረውን እየተመለከቱ ከኋላ ድምፅ ይሰሙ እና ዘወር ይላሉ::
"ማክ.." በአንድ ድምፀት::

*                              *                               *

ሁለቱም ማክቤል ላይ ዓይናቸውን አድርገው ከአልጋው ጫፍ ተቀምጠው ይመለከቱታል::
ዮሃና በዝግታ ትነሳለች::
"ተኝቷል::ልሂድ::" ቀረብ ብላ ግንባሩን ትስመው እና ለአፍታ ተመልክታው ትወጣለች::ሳራ ትከተላታለች::በሩን ገርበብ ካደረገች በኋላ ዮሃና ክፍሏ ስትገባ ተከትላት ትገባለች::ዮሃና ቁም ሳጥኗን በመክፈት በፍጥነት ልብስ ለመምረጥ ትሞክራለች::ከአልጋው ላይ ከዘረገቻቸው ልብሶች ላይ ግራ በመጋባት አይኗን ታንከራትታለች::
ከበሩ ላይ ቆማ ወደ ምታያት ሳራ እየተመለከተች:-
"ስምኚ እህቴ.... እኔ ስቻኮል ምን መልበስ እንዳለብኝ እንኳ አላውቅም::"
"እኔ ገና እንድትሄጂ አልፈቀድኩልሽም::"
"ቸርች ሄጄልሻለሁ ይሄን አትርሺ::"
"ለእኔ ነበር..."
"ኦፍ ኮርስ...ወንበር ላይ ከምተኛ አልጋዬ ላይ ተኝቼ አሳልፌ ቢሆን ኖሮ ይሄ ሁሉ ጣጣ ባልተከተለ ነበር::አሁን አትመርጪልኝም::ህ.. ለዛሬ ብቻ::"
ወደ እሷ ስትቀርብ በደስታ ከመሬቱ ዘለል ዘለል ትላለች::
"ማክ ተኝቷል..."
"ኦህህ... ይቅርታ...." ባለችበት ቀጥ ብላ ትቆማለች::
ሳራ አልጋው ላይ ካሉት ልብሶች አንዱን ውሃ ሰማያዊ ከለር ቀሚስ ታነሳለች::
"ትራይ ዚስ ዋን..."
ዮሃና በፈገግታ ትቀበላታለች::
"ግን እባክሽ... አምሽተሽ እና ሰክረሽ ቤት አለኝ ብለሽ እንዳትመጪ::"
"አያሳስብሽ..ቤት ሞልቷል..."
"ህ..."
"አልጠጣም.. አላመሽም እህቴ::"
"ሹፌሩን ልደውልለት::"
"አይ እህቴ.... ራይድ እደውላለሁ::"
በትዝብት ስትመለከታት ቆይታ ትወጣለች::

*                                  *                             *

ሳራ ከእንቅልፏ ስትባንን ከሶፋው ላይ ከሳሎኑ መተኛቷን አስተዋለች::ስልኳን ከጠረጴዛው በማንሳት ስትመለከት ከምሽቱ አንድ ከአስር ይላል::
"በጌታ... እንዴት ብተኛ ነው..." አሰብ ታደርግ እና እግሯን በፍጥነት ከሶፋው በማውረድ ነጠላ ጫማውን አድርጋ ስልኳን እንደያዘች ወደ ላይ በደረጃው ትወጣለች::ደረጃው እንዳለቀ አንደኛ ፎቅ ላይ ካለው በስተቀኝ በኩል የማክቤልን ክፍል ከፍታ ትገባለች::አይኖችዋን ከክፍሉ ላይ እያንከራተተች ከቆየች በኋላ ከፍ ባለ ድምፅ:-
"ማክቤል..."ትላለች::

   ይቀጥላል...

@youthfocus

አዲስ ልብወለድ

"ሁለት ሰይፍ"

በሜርሲ ተጻፈ

ዛሬ ምሽት 1:00 ሰአት  ላይ ይጠብቁን

@youthfocus

የሁላችሁም ትብብር ያስፈልገናል ይህን ጥናት ዛሬ እንሙላው ሞልታችሁ ስትጨርሱ በኮሜንት አሳውቁን

Thank you for participating in this study of ministry to children, youth, and families. The questionnaire should be completed by someone who is responsible for working with children and/or youth, or who is very knowledgeable about that ministry in this church. 

The goal of this study is to better understand the growth and needs of ministry to children, youth, and families across East Africa. Your answers will help us understand how to better serve and equip the Church

Dead line November 9/2024

የጥናቱ መሙያ ሊንክ ከስር አለ

👇👇👇👇👇👇👇👇👇👇👇👇👇https://survey.alchemer.com/s3/7862752/Affect-Destiny-Durable-Network


ሞልቶ የጨረሰ ኮሜንት ላይ ምልክት ይስጠን

👆👆👆👆👆100 ብር ቻሌንጅ 👆👆👆👆👆screen shot ኮሜንት ላይ አርጉልን
🙏🙏🙏🙏🙏🙏🙏🙏🙏🙏🙏🙏🙏🙏

👆👆👆👆👆100 ብር ቻሌንጅ 👆👆👆👆👆screen shot ኮሜንት ላይ አርጉልን
🙏🙏🙏🙏🙏🙏🙏🙏🙏🙏🙏🙏🙏🙏

የ11ኛ ክፍል ተማሪ ናት በምንችለው እናግዛት በyouth focus በኩል ከ100ብር ጀምረን ቻሌንጅ እናድርግ ከዚህ ሰአት ጀምሮ እንጀምር

ገንዘቡን ገቢ ካደረጋችሁ በሗላ ስክሪን ሾት ኮሜንት ላይ አስቀምጡልን ጌታ ይባርካችሁ

Channel photo removed

የዛሬዋን ጨረቃ እዮአትማ🌔

"...ምን ማድረግ እንዳለብን አናውቅም አይኖቻችን ግን በአንተ ላይ ናቸው።..."

ድብርትን መርጫለሁ!

ድሮ ድሮ ድብርት ሲገጥመን የነበሩን አማራጮቻችን ፊልም (እንደዛሬው left influence ሳይደረግ በፊት ማለቴ ነው) እሱንም ለማየት ወይ መከራያት ወይ ዲሽ መግዛትን ይጠይቃል አልያም ከጓደኞች ጋር ፑል፣ፒኤስ፣ ኳስ ማንበብም አንዱ ከድብርት መውጫ መገዳችን ነበሩ የዛሬን አያርገው እና!

ዛሬ ዛሬ ዛሬ ግን ነገር ሁሉ በእጅ ሆነና እንኳንስ ደብሮን ሊደብረን እንደሆነ ሲመስለን ራሳችንን አቀርቅረን ታፕ ታፕ ማድረጉን እንያያዘዋለን ዘማኑም ሶሻል ሚዲያውም ሰው አቅሉን እንዲስት በእጁ ላይ ካለው መሳሪያ ውጪ መኖር እንደማይችል ለማሳመን ከዛም ውስጥ እንዳይወጣ መጥፎ እና ክፋ አጀንዳዎቻቸውን ባሸበረቀ፣ በተብለጨለጨ ሽፋን ያቀርቡልናል እኛም እየሳቅን፣ ወይ ጉድ ፣ አይዘመን፣ ወይ ትውልድ እያልን ሳንጠነቀቅ እነዛን ኮንተንቶች አእምሯችንን መመገብ ተያይዘነዋል

አሁን ላይ ባገኘነው አጋጣሚ ሁላ ከስልካችን ጋር ሕጋዊ ጋብቻ ያደረግን ያህል በእጆቻችን አጥብቀን ይዘን አብዝተን ጊዜያችንን ከነዚህ መገልገያ እቃዎች ጋር በማጥፋት ጥብቅ የሆነ ወዳጅነት መፍጠርን ቀጥለናል

አንዳች አዚም በላያችን እንደተደረገ ቢገባንም ነገሩ ሱስ ነውና መላቀቅ ዳገት የመውጣት ያህል አዳጋች ሆኖብናል። በዚህ ሁሉ ባርነት ውስጥ ከመያዝ ድብርትን ብንመርጥስ ያኔ መሬት ላይ ሆነን ማሰብ ለሕይወታችን የእውነት ጠቃሚ የሆኑትን ነገሮች ማድረግ እንጀምራለን።

እኔ ድብርትን መርጫለሁ!

መልካም ቀን
ሳሙኤል ከበደ

Hi guys subscribe to our YouTube channel we are preparing new content that will be aired in the coming months
👇👇👇👇👇👇👇👇👇👇👇👇👇👇

https://youtube.com/@youthfocuspodcast3339

ለካ ሰው እንደዚህ ውድ ነው! ቆይቶ የሚገባን ነገር ሰውን ማግኘት እንዴት ከባድ እንደሆነ ነው።
ሰው በሞላበት፤ ሰውን ፍለጋ
በ"ወዳጅ" ተከበን፣ወዳጅን ፍለጋ
ፍለጋው አያበቃም ሰው እስኪገኝ

ሳሙኤል ከበደ

are you ready?

እያነበባችሁ ነው?😊

በኢትሮንስ መተግበሪያ ለአንባቢያን ቀርቧል በ80 ብር ብቻ መተግበሪያውን ከ app store እና play store በማውረድ መጽሐፋን ያግኙ ከታች ያለውን ሊክ በመጠቀም ማውረድ ይቻላል

https://play.google.com/store/apps/details?id=com.aquila.ethrons

መተግበሪያውን አውርደው መጽሐፋን ያግኙ


ከኢትዮጲያ ውጭ ለምትገኙ አማራጮች አሉ ፍላጎት ካላችሁ ኮሜንት ላይ ጻፋልን እናቀርባለን

                    ሳሙኤል ከበደ

የታመነ ነው

በሕይወታችን ለሚሆኑት ነገሮች ሁሉ መልስ የለንም። ብዙ ለምኖችን በየእለት ኑሯችን እናስተናግዳለን፤ ልባችንን አስደንግጦ እንደ እንጨት ድርቅ አርጎ የሚያስቀሩን ብዙ ነገሮች እንዳሉ ነዋሪ ምስክር ነው ግና ብዙ ነገር እየሆነ ማዕበሉ እየተናወጠ፣ ወጀቡም እያጓራ ልባችን ላይ ግን አንድ ድምጽ አለ " እርሱ እኮ ታማኝ ነው፣ እርሱ እኮ እውነተኛ ናው፣ ያለውን ያደርጋል ያለውን ይፈጽማል የሚል እርግጠኝነት በዛ ሁሉ ነገር ውስጥ እያለፍንም ግን ልባችን ይመሰክራል እንዲህም ይለናል
"አባቶቻችን ተማመኑበት ደግሞም አላፈሩም"

ወደ ዕብራውያን የተላከ መልእክት 10:23
የተስፋውን ቃል የሰጠን ታማኝ ስለ ሆነ አሁን አምነን የምንመሰክረውን ተስፋ ሳናወላውል አጥብቀን እንያዝ።
ሳሙኤል ከበደ

የመነመነ

በ21ኛ ክፍለ ዘመን ነዋሪ ዘንድ መንምኖ እጅግ ዘመናዊ የሆነው፣ መንኩሶ በከተማ ሚኖረው መንፈሳዊ ህይወት፤ ተመናምኖ መጥፊያ ላይ የደረሰ ይመስላል ፈልቶ እንደቀዘቀዘ ሻይ ለብታ ውስጥ ገብተናል ምንም አይመስለንም ሁሉም ኖርማል ነው ፈታ በል፣ በሗላ ይደርሳል፣አታካብድ፣ምንችግር አለው? ብቻ ብዙ የዘነጋነው ለብታ ውጦን ከልባችን እየወጣ ያለው እንዳያድግ አንቆ እንደያዘው በእሾኹ መካከል እንደተዘራው ዘር ሆኗል መንፈሳዊ ሕይወታችን

የመነመነው እንዳይቀነጭር፣ በአጭሩ እንዳይቀጭ መፍትሄ ፍለጋ ላይ የተሰማሩ እረኞቻችን ፍለጋው አታካች ሆኖባቸዋል፣ ምክንያቱም ዘመናዊነት ስሩን ሰዶ እንደሚያድግ አረም መልካሙን ዘር እንዳያፈራ እየከለለለው ስለሆነ ማደግ አልቻለም እና እጅ አጣጥፈን እንቀመጥ በፍጹም እስቲ እንንቃ ወጥመድ የሆኑብንን እናስወግድ ዛሬ መንገድ ለማስተካከል ካልተነሳን ሳናውቀው እያሳሳቀ እያዝናና ከገደል ሊከተን እየታገለ ይኸው አለ።
እምቢ ማለትን ሕይወታችንን በጣታችንን ወደላይ እና ወደታች እያልን ብቻ ላለመኖር መወሰን አለብን

ሳሙኤል ከበደ

ለራሴ አሳልፈህ አትስጠኝ

እንካ ሕይወቴን እኔ አልፈልገውም! እኔ ጋ ከሆነ አመሳቅለዋለው፣ እመርዘዋለሁ፣ አቆሽሸዋለሁ፣ ያወኩ መስሎኝ ራሴን ቅርቃር ውስጥ እከተዋለሁ ስለዚህ ይህች ጸሎቴን ስማኝ ለራሴ አሳልፈህ አትስጠኝ።

ሳሙኤል ከበደ

ስልጠናው የሚጀምረው ቀጣይ ሳምንት አርብ ይሆናል

"The proper understanding of everything in life begins with God"

John piper  "desiring God" book

@youthfocus

ሰላም የ online leadership ስልጠና በነፃ ቀረበላችሁ መማር ምትፈልጉ

ዕድሜ:- 16-25 ብቻ

ፍላጎት ያለው በየሳምንቱ ትምህርቱ ስለሚኖር ተከታትሎ መማር ይጠይቃል

አርብ ማታ 3:00 ላይ የሚደረግ ይሆናል።

ከስር ባለው ሊንክ ተመዝገቡ

ምዝገባው ዛሬ ማታ ጥቅምት 14/2017  ይጠናቀቃል።

https://docs.google.com/forms/d/e/1FAIpQLSdP-ifbKoqdoHxN9eWAmzpukth-wnCWB0IMKIhzqMUG0lDwIg/viewform?usp=sf_link

ቦልት

ኑሯችን ከአጭር እርቀት ሩጫ የተለየ አይመስለኝም አጭር ርቀት ሩጫ ፋጥነትን የተመረኮዘ የስፓርት አይነት ነው ስለዚህም ገና ከጀማሬው ተፈትልኮ ወጥቶ ፍጻሜው ድረስ በፍጥነት መጓዝን ይጠይቃል።

ገና ጎህ ከመቅደዱ የሚጀመረው የኛ የኑሮ ሽኩቻ ቀኑን ሙሉ ሲጧጧፍ ውሎ ላደለው አመሻሽ ላይ ሲያበቃ ለማረፍ ከጎጆው በታች ይከትማል ለተቀረው ደሞ እስከ እኩለ ለሊት አልያም እስከ ንጋት ይቀጥላል

ስራን በትጋት መስራት እጅግ የሚበረታታ ልምምድ ነው ነገር ግን ማብቂያ የሌለው በአካል በጎጆአችን ተሰይመን በአልጋችን ላይ እየተገላበጥን ልብ እና አእምሯችን ግን አሁንም ትተነው የመጣነውን ስራ እየሰራ ያድራል። mind absent body present እንዲሉ

ዛሬ የእጅ ቦምቦቻችን(ዘመናዊ ስልኮቻችን) ሌላ የእረፍት እና ጥሞና ነጣቂ ለምድ የለበሱ ተኩላዎቻችን ናቸው። ኑሮን ለማሸነፍ የምናደርገው ትግል ሳያንስ በቃኝን የማያውቀው አይን እና ጆሮዋቻችን ልክ እንደ ልጅ እያታለሉ 'ይጠቅማችሁአል"፣"ይበጃችሗል" እያሉ ሚረባውንም ማይረባውንም እንድንመገብ የሚያቀርቡልን "የይዘት ፈጣሪዎቻችን" ተጨምረው ብዙ እንዲያበረክት የተፈጠረው ሰው በጣቶቹ ወደ ላይ እና ወደ ታች ደግሞ መታ መታ እያደረገ ቀና ብሎ ሕይወቱን እንዳይገፋ ከአንገቱ ሰብሮ አስቀርቶታል።

ታዲያ በዚህ አይነት የሩጫ እና ስውር ጦርነት ውስጥ ለምንኖር ፍጡራን ዝምታን ማግኘት ማይታሰብ ከሆነ እንዴት ትኩረት ሳይሰረቅ አላማችንን የሕይወት ጥሪያችንን፣ በጥሞና ሊሰራ የሚገባውን ስራ እንፈጽም?

መፍትሄው እንዲህ ቀላል አይደለም ምክንያቱም ነገሩ ስር የሰደደ አረም በመሆኑ ከጫጫታው ራቅ ማለት፣ ራሳችንን "የዲጅታል ጾም ማስተማር" እንደ መፍትሄ ልንወስዳቸው ብንችልም በመጀመሪያ ግን ቁርጥ የሆነ ውሳኔን መውሰድ ይጀምራል ለሰው ልጅ በየቀኑ ጥቂት ዝምታ ብዙ ውለታ ይውልለታል።የተነጠቀውን የትኩረት በረከት መልሶ ይሰጠዋል

ሳሙኤል ከበደ

🙏አንድ ደቂቃችሁን ብቻ🙏

በኢትሮንስ መተግበሪያ ለአንባቢያን ቀርቧል ዋጋው ኪስን የሚጎዳ አደለም 80 ብር ብቻ ነው መተግበሪያውን ከ app store እና play store በማውረድ መጽሐፋን ያገኙታል በቴሌብር ወይም cbe birr መግዛት ትችላላችሁ።

ከታች ያለውን ሊንክ በመጫን መተግበሪያውን ማውረድ ይቻላል

ብትችሉ አገልግሎቱን ለመደገፍ ይህን ማስታወቂያ ለብዙዎች አጋሩልኝ ተባረኩ!

https://play.google.com/store/apps/details?id=com.aquila.ethrons

መተግበሪያውን አውርደው መጽሐፋን ያግኙ


ከኢትዮጲያ ውጭ ለምትገኙ አማራጮች አሉ ፍላጎት ካላችሁ ኮሜንት ላይ ጻፋልን እናቀርባለን

                    ሳሙኤል ከበደ

Cover:-Kingdom sound

Song :-Lily tilahun

@Youthfocus

አካሄድን......... ከ እግዚአብሔር ጋር

መጽሐፍ ቅዱስ ምድር ከተፈጠረችበት ወቅት አንስቶ እስከዛሬ ድረስ መልክ፣ ጾታ፣ እድሜ፣ ቁመት እና ቀለም ይለያይ፤ የምንኖርበት ስፍራ፣ባህል እና ቋንቋ ለየቅል ይሁን እንጂ የሰው ልጆችን በሁለት ከፍለን መመልከት እንደምንችል ያስተምረናል የሚከፍላቸውም በምድር ጉዟቸን በምንመርጠው ምርጫዎቻችን በመመርኮዝ ነው፤ ይህ ምርጫ በብርሃን እና ጨለማ፤ በእውነት እና ሃሰት መካከል የሚደረግ ሲሆን  ምንም አይነት አወዛጋቢነት እንዳይኖረው ከፍጥረታችን እውነት እና ሃሰትን መልካሙን እና ክፉን የምንለይበት ማመዛዘኛ በውስጣችን አስቀምጧል.

በአንድነት ውስጥ ያለን ሃይል ተጠቅሞ ሰማይ የሚደርስ ህንጻ ለመገንባት እርምጃ መውሰድ፣ እስከዛሬ የቆሙ፣ በዘመናት መካከል በተካሄዱ ጦርነቶች እና ሽምቅ ውጊያዎች ምክንያት የወደሙ፣ ከአፈር በታች የተቀበሩ ከፍርስራሽ ክምር ስር የሚገኙ፣ በቁፋሮ ለዘመናችን ጠቢባን ተጨማሪ ግርምትን ሊፈጥሩ ከዘመናት አኩኩሉ በኋላ ብቅ ብቅ ያሉ አስደናቂ ስራዎቻቸው እንዲሁም የሂሳብ፣ የኪነ-ህንጻ፣ የስነ-ጽሁፍ ጠበብተኛነታቸው በ21ኛው ክፍለ ዘመን የምንገኝ እኛ እስከዛሬ ከሃገር ሃገር እየተዘዋወርን የእጅ ስራዎቻቸውን ለማየት ረብጣ ገንዘቦችን የምንገብር ያላቸውን ችሎታ እና ግባአት ተጠቅመው ከልብ በትጋት ስለሰሩ ከእነርሱም ዘመን አልፎ ለልጅ ልጅ ልጅ.....ልጆቻቸው የኢኮኖሚ እድገት ዋልታ የሆኑላቸው እነዛ ጠቢባን እውነት እና ሃሰትን መለየት ጠፍቶአቸው ነው ብንል መቼም ትርፉ ትዝብት ነው

በእርግጥ የሚያወዛግቡ ብዙ ምርጫዎች ስለመኖራቸው ሃገር ያወቀው ጸሃይ የሞቀው እውነት ቢሆንም እውነት እና ሃሰት መልካሙን እና ክፉውን መለየት ግን ፈጽሞ አወዛጋቢ አይደለም እውነት እውነት ነውና ፤ ወተትን ከቡና ፤ ነጭን ከጥቁር የመለየት ያህል ግልጽ ነው

የሰው ልጆች ግን ከጥንት ጀምሮ ይህን ሚዛን መጠበቅ አቅቶን ብዙ ስንንገዳገድ ኖረናል መለስ ብለን ታሪክን የኋሊት ስንመለከት "...የሰው ዐመፅ በምድር ላይ የበዛና የልቡም ሐሳብ ዘወትር ወደ ክፋት ብቻ ያዘነበለ መሆኑን ተመለከተ..."ዘፍ 6 ፡5 ልባችን ወደ ዐመፅ እና ክፋት እንደሚፈጥን አምላክ በብዙ ሃዘን ሲናገር እንመለከታለን

አለማችንን ስንመለከትም ዛሬ የዜና አውታሮቻችን፣ የቲክ ቶኩ ሰፈር ሽኩቻ ፣የፌስ ቡኩ ሃሜት እና ስድብ፣ ዲጂታል መኖሪያ መንደራችንን (ስልክ) ያጨናነቀው እውነታ መሆኑን እናውቃለን በዚህም ጥድፊያ እና ውድድር በበዛበት የፍልሚያ ሜዳ ለእውነት ቆሞ መወገን፣ አቅልን ገዝቶ ሚዛንን መጠበቅ እጅግ አዳጋች ነው በእርግጥ ለሁሉም በየዘመናቱ የየራሳቸው ተግዳሮቶች ነበሩባቸው እንዴት በቅድስና፣እግዚአብሔርን በመፍራት፣ እርሱንም በመታመን መኖር ይቻላል የሚያስብሉ ሁኔታዎች ውስጥ ኖረዋል እየኖርንም ነው ዋናው ጥያቄ ግን ያለንበት ሁኔታ ምንም ይሁን ምን አካሄዳችን ግን ከማን ጋር ነው?

"እሱ ሲሞት ይመጣል" (ማቱሳላ ማለት ትርጓሜው "እሱ ሲሞት ይመጣል" ) ብሎ የጥፋት ውሃን መምጣትን የተነበየ የዘመኑን ክፋት እና አመጽን ርቆ አካሄድን ጠብቆ 365 ዓመታትን የኖረው ሄኖክ "... አካሄዱን ከእግዚአብሔር ጋር አደረገ እግዚአብሔር ስለወስደውም አልተገኘም..." ዘፍ 5:23 ስፐርጅን ሲናገር "..አይደለም 365 ዓመታት ለተወሰኑ ስአታት አብረውን ያሉ ሰዎችን ሰልችተን ለመቀየር ሌላ ሰው እንፈልጋለን..." ይህ ሰው ግን ያንን ያህል አመታት 3 ክፍለ ዘመናት አካሄዱን ጠብቆ ለእርሱ ተለይቶ ኖሯል

የምድር ላይ ክፋት እጅግ በመብዛቱ ምርር ያለው አባት ላሜህ ልጁን "እግዚአብሔር በረገማት ምድር ከልፋታችንና ከጉልበታችን ድካም ያሳርፈናል ሲል ኖኅ ብሎ ጠራው"ዘፍ 5:29 ይህ ሰው ክፋት እጅግ በናኘበት፣ ቅድስና በረከስበት ዘመን ውስጥ አካሄዱን ከእግዚአብሔር ጋር ያደረገ በዚህም

"እግዚአብሔርም የሰው ክፉት በምድር ላይ እንደ በዛ፥ የልቡ አሳብ ምኞትም ሁልጊዜ ፈጽሞ ክፉ እንደ ሆነ አየ። እግዚአብሔርም ሰውን በምድር ላይ በመፍጠሩ ተጸጸተ፥ በልቡም አዘነ።
እግዚአብሔርም። የፈጠርሁትን ሰው ከምድር ላይ አጠፋለሁ፥ ከሰው እስከ እንስሳ እስከ ተንቀሳቃሽም እስከ ሰማይ ወፍም ድረስ፤ ስለ ፈጠርኋቸው ተጸጽቼአለሁና አለ።
ኖኅ ግን በእግዚአብሔር ፊት ሞገስን አገኘ።
....ኖኅም በትውልዱ ጻድቅ ፍጹምም ሰው ነበረ፤ ኖኅ አካሄዱን ከእግዚአብሔር ጋር አደረገ።" ዘፍ 6:5-9
የተባለለት በአምላክም ዘንድ ሞገስን ያገኘ፣ ለጽድቅ የጨከነ ለእውነት የቆመ ሰው ነው አካሄዱን ከእግዚአብሔር ጋር ያደረገ

በእድሜው ማምሻ ብርሃንን በቤቱ፣ ድንቅ የሆነ ተአምራትም የተደረገለት አብርሐም ከአባቱ ቤት መውጣት፣ ከወንድሙ ልጅ መለየት፣ በዙሪያው ከከበቡት አሕዛብ ተጠብቆ እየኖሩ አካሄድን ከእግዚአብሔር ጋር ማድረግ ከባድ ውሳኔ ነው ነገር ግን አብርሃም በዘመኑ ሁሉ ማንም አልተገዳደረውም አካሄዱን ከአምላኩ ጋር ስላደረገ እርሱም እንደተናገረው ጋሻ ሆኖለታል

ስለሌሎች አባቶቻችን ስለ ዮሴፍ፣ ሙሴ፣እያሱ፣ ሳሙኤል፣ ዳዊት፣ ጳውሎስ፣ ጢሞቴዎስ ባወራ ጊዜ አይበቃኝም እንጂ ሁሉም አካሄዳቸውን ከእግዚአብሔር ጋር ያደረጉ የእምነት አባቶቻችን ናቸው ታዲያ እኛ ምን ላይ ነው ያለነው? አካሄዳችንስ ከማ ጋር ነው? በዘመን ተሸነፍን? ወይስ ከከበባ በላይ መራመድችለናል? ሰው እኛን ሲያዩ ኢየሱስን ያያሉ ወይስ ጭልፊቱ ከዶሮዎች ጋር ተመሳስሎ እንደኖረው ተመሳስለን እየኖርን ነው?

መልሶቻችን ተመሳስሎ ኑሮ ከሆነ ዛሬ መንቃት ያሻናል ይህች ጥጽሁፍ ከእንቅልፍ የምንነሳበት አንቂ ደውል ናት ከለብታ ሕይወት ከድንዛዜ ሰፈር የምንኮበልልበት አካሄዳችንንም የምናስተካክልበት

"እንግዲህ እነዚህን የሚያህሉ ምስክሮች እንደ ደመና በዙሪያችን ካሉልን፥
እኛ ደግሞ ሸክምን ሁሉ ቶሎም የሚከበንን ኃጢአት አስወግደን፥ የእምነታችንንም ራስና ፈጻሚውን ኢየሱስን ተመልክተን፥ በፊታችን ያለውን ሩጫ በትዕግሥት እንሩጥ፤ እርሱ ነውርን ንቆ በፊቱም ስላለው ደስታ በመስቀል ታግሦ በእግዚአብሔር ዙፋን ቀኝ ተቀምጦአልና።"ዕብ 12:1

ሳሙኤል ከበደ

@youthfocus
@youthfocus
@youthfocus

I still bless you 😍

By mavric

@youthfocus

በሐጢያት ላይ መንገስ

በዙሪያችን የሚያደባው ሊያሰናክለን፣ ከፈጠረንም ሊለየን ቀድሞ አዳምን ከገነት፣ ከእረፍት፣ ከመገኘቱ፣ ከሰላሙ ቃየንንም ተቅበዝባዥ ያደረገው ሐጢያት እኛንም ዛሬ ከሕይወት መዝገብ ሊያወጣን ሊለየን ያደባል

እግዚአብሔር አምላክ ቃየንን ሐጢያት በዙሪያህ ያደባል አንተ ግን ንገስበት እንዳለው በሐጢያት ላይ መንገስ ይሁንልን፤ በመሸሽ፣ በመራቅ፣ እምቢ በማለት አለመታዘዝን በመታዘዝ ማሸነፍ መርታት ጸጋው ይብዛልን

ሳሙኤል ከበደ

🦁ከአንበሳው ሆድ 🦁

ህይወት ልክ እንደ ሸረሪት ድር ውስብስብ ናት ባልተጠበቁ ተግዳሮቶች ትርጉም በሌላቸው ቅርጽ ልንሰጣቸው በማንችላቸው እውነታዎች የተሞላች ናት በዚህ አለም እየኖርን ተግዳሮትን ሳይጋፈጡ ማለፍ አይቻልም። ምንም አይነት እድሜ ላይ እንሁን ፣ ምንም አይነት የትምህርት ደረጃ ይኑረን፣ በየትኛውም የሀብት ደረጃ ላይ እንሁን፤ ሁላችንም የሚገጥመን ድንገት የምንጋፈጠው ነገሮች አሉ።
በትምህርት ቤት ከአስተማሪዎቻችን፣ከትምህርት ቤቱ አስተዳደር፣ በመስሪያ ቤት ከአለቃችን፣ አብረውን ከሚሰሩ ሰዎች ጋር በቤት ባለንግንኙነቶች ብቻ በአንድም ይሁን በሌላ በምንኖረው ኑሮ ውስጥ የሚያታግሉን፣ የሚያስለቅሱን፣ ተስፋ የሚያስቆርጡ ነገሮች ወደ ህይወታችን ይመጣሉ። ኑሮአችንን እጅግ የሚያስመርር፣ መንጋቱን ማሰብ ህመም የሚያደርጉብን፤ ወደ እለት ሃላፊነቶቻችን መሄድ ደስ የሚያሰኝ እና የምንወደው መሆኑ ቀርቶ በጭንቅ፣ በፍርሃት የምናደርገው እስከሚሆን ጉልበታችን የሚያርዱ፣ ብሩሁን ቀን ጨለማ እስኪመስል የሚያደርጉ የፈተና ቀናቶች ወደ እኛ ይመጣሉ።
የጥይት ድምጽ፣ የቦንብ ፍንዳታ አይሰማ እንጂ ህይወት ጦር ሜዳነች። የማያቋርጥ ውጊያ ያለበት ማረፍ ህልም የሚሆንባቸው ጊዜያት ብዙ ናቸው። ማለዳ ወጥተን ያለእረፍት ስንሮጥ፤ ቀኑን ስንለፋ ውለን ማታ አምሽተን የምንገባበት ደግሞ ከሰአታት በኋላ ተመልሰን ወደ ተለመደው የኑሮ ትግል የምንመለስበት፤ ህይወትን ለመኖር የምንሞትበት በአጠቃላይ የምድር ላይ ኑሮ ዋጋ የመክፈል ህይወት ነው።
የህይወት ትግልን ሳስብ አንድ ታሪክ ትዝ ይለኛል መሳፍንት በሚፈርዱበት ዘመን እግዚአብሄር ህዝቡን ከፍልስጤማውያን ለማዳን ያስነሳው ብርቱ እና ሀያል ሰው ሳምሶን ከእለታቱ በአንዱ ቀን በመንገድ ሲያልፍ የአንበሳ ደቦል ይገጥመዋል ከደቦሉ ጋርም ታግሎ ይገድለውና መንገዱን ይቀጥላል፤ ከጥቂት ቀን በኋላ ሲመለስ በዚያ እርሱ በገደለው አንበሳ ሆድ ውስጥ ንብሰፍሮ ማርም ያገኛል ያንን ማር ይበላል ለቤተቦቹም እንዲሁ ያበላቸዋል ምንጩን ግን አልነገራቸውም።
ለእኛም እንዲሁ ካታገሉን የህይወት ተግዳሮቶቻችን ውስጥ እንደማር ጣፋጭ የሆነ ነገር እናወጣለን። አዎን እጅግ በጣም ዋጋ ካስከፈለን የህይወት ተግዳሮቶች ውስጥ በድል ስንወጣ ጣፋጭን ነገር ይዘን እንወጣለን። ለእኛ ብቻ ሳይሆን ከእኛ ትግል ልፋት በሚወጣ ፍሬ ደግሞ ሌሎችም ይመገባሉ።


ሳሙኤል ከበደ
@youthfocus

Its out on YouTube watch it guys soooooo amezing 🎉🎉🎉🎉🎉

Its out guys

የዘማሪት አስቴር አበበ 26ዝማሬዎችን
በውስጡ የያዘው 2ተኛ አልበም
በዲጂታል ሚዲያ Itunes ለገበያ ቀርቧል።

በቴሌግራም ከነገ ጀምሮ በቦት መግዛት ትችላላችሁ።

@youthfocus

ያ መሲሕ

🎉ድንቅ አልበም መሲኪ ጌታ አብዝቶ ይባርክሽ🎉

Hi guys selam
Endet nachu and የእናንተን እገዛ ፈልጌ ነበር online ሪሰግች ፎርም አለ እርሱን በመጀመሪያ ሁላችሁም እንድትሞልልን ስትሞሉ ሳትሞሉ የምታልፋት እንዳይኖር እያረጋገጣችሁ ቋንቋ 3ቱም ኦሮምኛም አማርኛም እንግሊዘኛም አለ በስተ ቀኝ ከላይ የአለም ምልክት አለ እሱን ነክታችሁ መቀየር ትችላላችሁ ከዛ እናንተ ስትጨርሱ በስርአት ሊሞላ የሚችል ጓደኛችሁን ቢያንስ አንድ ሰው ሌላ 10 ሰው ቢያስሞላልን

እድሜ ከ18-25

ከታች ያለውን ሊንክ በመጫን እና በማጋራት አስሞሉልን ግን ማሳሰቢያው ሙሉ በሙሉ ጨርሱት ሌሎችንም እንደዛው እንዲጨርሱት አሳስቡልን

ሞልቶ የጨረሰ ከስር ኮሜንት ላይ ጨርሻለሁ ብላችሁ አሳውቁን ተባረኩ

👇👇👇👇👇👇👇👇👇👇👇👇

https://survey.alchemer.com/s3/7851183/GYC-Ethiopia-2024

🙏 ከብዙ ፍቅር እና ትህትና ጋር

🌻🌻🌻የአዲሱ አመት መልእክት 🌻🌻🌻

አካሄድን ከእግዚአብሔር ጋር ማድረግ

2017 አዲሱ አመት በራሳችን መንገድ በመሄድ ካበላሸነው አካሄድ መልሰን አካሄዳችንን ከእግዚአብሔር ጋር የምናደርግበት በዚህም ልክ እንደ ኖህ ከጥፋት የምንድንበት አመት ይህን።

እስከዛሬ የሄድንበትን የተጣመመ መንገድ ትተን ወደ እርሱ ፈቃድ እና ሀሳብ የምንመለስበት የራሳችንን ፈቃድ ለመፈጸም የምንሮጥበት አመት ሳይሆን የእርሱን ፈቃድ በማድረግ በሀሳብ ውስጥ በመኖር አካሄዳችንን ከእርሱ ጋር የምናደርግበት ይሁንልን።


🌼2017 መልካም አዲስ አመት 2017 🌼

ሳሙኤል ከበደ

2016 ዘግተን ወደ ሌላ ምእራፍ ለመሸጋገር ሰአታት ብቻ ቀርተውናል እናም ባሳለፍነው አመት በሕይወት የተማራችሁትን በኮሜንት ሴክሽን ላይ ብታጋሩን።

አንድ አንድ እውነቶች ከመቀበል ውጪ ልንታገላቸው ብንሞክር ትርፋ ከንቱ ልፋት እና ከራስ ጋር ግብ ግብ ብቻ የሆኑ ነገሮች በሕይወት አሉ። ለምሳሌ አንሳ ካላችሁኝ የእርጅናችን ጉዳይ አንዱ ነው።😂

ሳሙኤል ከበደ

አዲስ መጽሐፍ

እንዴት ዋላችሁ እጅግ የተለፋበት አዲስ መጽሐፍ ለማድረስ ብዙ ጥረን ዛሬ በኢትሮንስ መተግበሪያ ለአንባቢያን ቀርቧል ዋጋው ኪስን የሚጎዳ አደለም 80 ብር ብቻ ነው መተግበሪያውን ከ app store እና play store በማውረድ መጽሐፋን ያገኙታል በቴሌብር ወይም cbe birr መግዛት ትችላላችሁ ተባረኩልኝ እጅግ በጣም ደስ ብሎኛል ይህን ለትውልድ ማድረስ በመቻሌ። ከታች ያለውን ሊንክ በመጫን መተግበሪያውን ማውረድ ይቻላል

ብትችሉ አገልግሎቱን ለመደገፍ ይህን ማስታወቂያ ለብዙዎች አጋሩልኝ ተባረኩ!

https://play.google.com/store/apps/details?id=com.aquila.ethrons

መተግበሪያውን አውርደው መጽሐፋን ያግኙ


ከኢትዮጲያ ውጭ ለምትገኙ አማራጮች አሉ ፍላጎት ካላችሁ ኮሜንት ላይ ጻፋልን እናቀርባለን

ሳሙኤል ከበደ