💎 Këshilla, të cilat e gjejnë vendin e vet -2-
〰 Me emrin e Allahut, të Gjithëmëshirshmit, Mëshiruesit.
〰 Pejgamberi ﷺ ka thënë:
((الدِّينُ النَّصِيحَةُ))
“Feja është këshillë”
🔸 Ajo që duhet të thuhet për një vëlla tonin në Mekke, Allahu na udhëzoftë ne dhe atë në rrugën e drejtë, si këshillë për disa njerëz që mendojnë se ne – unë dhe disa për të cilët aludoj – pajtohemi me të, është si në vazhdim:
1 – Ai ndërhyn në disa tema që i prekin selefijtë në përgjithësi, me një mënyrë të papranueshme dhe të pasaktë;
2 – Ka folur për një numër të vëllezërve tanë prej nxënësve të dijes në Sudan, Palestinë dhe në vende të tjera;
3 – Ka folur, gjithashtu, për një numër të vëllezërve tanë në Xhidde, Medine etj.;
Kjo që them nuk nënkupton mohim se secili mund të bjerë në gabim, mirëpo rruga e ndjekur nga ky vëlla në Mekke është rrugë që largon nga e vërteta dhe përçan. I përgojon vëllezërit e tij në takime të veçanta dhe flet kundër tyre këtu e aty, pa këshillë sipas mënyrës sheriatike.
4 – Është këshilluar nga një numër i shujuhëve dhe nxënësve të dijes, por vazhdon në pamaturinë e tij.
🔸 E kam këshilluar për disa çështje dhe kundërshtime të veçanta të tij, ose që kanë të bëjnë me veprimin e tij ndaj vëllezërve të tij prej shujuhëve dhe nxënësve të dijes, mirëpo, me keqardhje, kam parë vetëm këmbëngulje në kotësinë e tij.
🔸 Një numër i nxënësve të dijes më kanë treguar se edhe ata, gjithashtu, e kanë arritur rezultatin e njëjtë dhe kanë parë mospranim të këshillës.
🔸Si mund t’i pranohen këshillat dhe t’i merret fjala këtij mekkasi, kur ai nuk i pranon këshillat e një numri të shujuhëve dhe nxënësve të dijes?!
〰 Prandaj them:
🔸 Ja ku është njëri nga dijetarët, për ndjekjen e të cilëve ti porosit, siç porosit secili selefij, e ky është Shejh Dr. Abdullah ibën AbdirRahim elBuhari, Allahu e ruajttë, prandaj hajde tek ai që t’i shfaqim ato që i ke ti dhe ato që i kam unë dhe të mësojmë dhe përfitojmë prej tij, e ta braktisim këmbënguljen në pamaturi dhe në të kotën.
〰 Si sqarim them: Këtë më lart e shkrova për dy qëllime:
1 – Të dihet se me të dhe me rrugën e tij nuk pajtohet askush nga ata, për të cilët aludova;
2 – Të shfaqet publikisht qortimi i tij, pasi është këshilluar privatisht dhe nuk e ka pranuar këshillën, megjithëse i është bërë i qartë gabimi, në mënyrë që të mos i vishet gabimi i tij shujuhëve dhe nxënësve të vlershëm të dijes.
🔸 E gjithë lavdia i takon Allahut Zotit të botëve.
✍ Shkroi: Dr. Abdul-Ilah erRifai, Allahu i dhëntë sukses!
https://t.me/alrfaee1440/415
✍ Përktheu: Xhemal Jakupi
------------------------------
🔗 linktr.ee/xhemal_j
