Кун Хадислари @xadislar Channel on Telegram

Кун Хадислари

@xadislar

Кун Хадислари (Uzbek)

Кун Хадислари kanalimizda, uning a'zolari har bir kuni uchun mustahkamlik va ishonchli his qilish uchun islomiy hadislar paydo etiladi. Bu, foydali va ilmiy ma'lumotlar bilan to'ldirilgan maqola xizmatidir, zamonaviy hayotda ishonch va yo'l ko'rsatish uchun muhimlikka ega. Kanalimizga obuna bo'lib, har bir kuni o'zingizni mustahkamlab qolish uchun ilgari maqolalardan foydalanishingiz mumkin. 'xadislar' kanali - ishonch va rozi qilish uchun eng yaxshi manbalardan biri! Obuna bo'ling va ma'lumotlar bilan to'ldirilgan har bir kungacha yangiliklardan xabardor bo'ling!

Кун Хадислари

20 Feb, 01:44

КУН ҲАДИСЛАРИ
📚Расулуллоҳ ﷺ дедилар: «Эй, аёллар жамоаси, садақа қилинглар, истиғфорни кўпроқ айтинглар. Албатта, мен сизни аҳли дўзахнинг кўпи эканингизни кўрдим..»
Бухорий ва Муслим ривояти
(Ибн Умар (р.а)дан)
📚Расулуллоҳ ﷺ дедилар: «Албатта, аёл қовурғадан яратилган. Уни ҳечам тўғрилай олмайсан. Ундан фойдаланмоқчи бўлсанг эгрлигича фойдалан. Агар уни тўғрилайман десанг, синдириб қўясан. Унинг синиши талоқидир»
Муслим ривояти
📚Расулуллоҳ ﷺ дедилар: «Аёлларга ҳуснлари учун уйланманглар, ҳуснлари уларни ҳалок қилади. Уларга моллари учун уйланманглар, балки мол-дунёлари уларни ҳаддан ошириб юборар. Лекин уларга динлари учун уйланинглар......»
Ибн Можжа ривояти
(Абдуллоҳ ибн Амр (р.а)дан)
📚Расулуллоҳ ﷺ дедилар: «Шукр қилувчи қалб, зикр айтувчи тил ҳамда дунё ва дин ишларингда сенга ёрдам берувчи солиҳа аёл(ингни бўлиши) одамлар хазина қилиб жамлайдиган нарсалардан яхшидир»
Имом Термизий ривояти
(Абу Умома (р.а)дан)
188
Кун Хадислари

17 Feb, 01:50

КУН ҲАДИСЛАРИ
📚Расулуллоҳ ﷺ дедилар: «Эрининг рухсатисиз кўчага чиққан аёлга эри рози бўлгунга қадар қуёш ва ой нури тушадиган барча нарса лаънат айтади»
Дайламий ривояти
📚Расулуллоҳ ﷺ дедилар: «Ким оиласи тинч, жасади саломат ва ҳузурида бир кунлик таоми бор ҳолатда тонг оттирса, унга дунё тўлиғича берилибди»
Имом Термизий ривояти
(Убайдуллоҳ ибн Миҳсан (р.а)дан)
📚Расулуллоҳ ﷺ дедилар: «Эрнинг аёли устидаги ҳақи:
1.тўшагидан ажралмаслик,
2.қасамининг устидан чиқиш,
3.буйруғига итоат қилиши,
4.изни билан уйдан чиқиш
5.эри ёмон кўрган кишиларни уйига киритмаслик»
Табароний ривояти
(Тамим Дорий (р.а)дан)
📚Расулуллоҳ ﷺ дедилар: «Агар аёллар бўлмаганида, Аллоҳга ҳақиқий ибодат қилинар эди»
Дайламий ривояти
(Анас (р.а)дан)
📚Расулуллоҳ ﷺ дедилар: «Эркаклар аёлларга итоат қилган пайтда ҳалок бўлишади»
Имом Аҳмад ривояти
(Абу Бакр (р.а)дан)
5,800
Кун Хадислари

13 Feb, 01:53

КУН ҲАДИСЛАРИ
📚Расулуллоҳ ﷺ дедилар: «Агар аёл киши беш вақт намозини ўқиса, бир ой (рамазон) рўзасини тутса, фаржини сақласа ва эрига итоат қилса, унга: "жаннатнинг қайси эшигидан хоҳласанг – киравер", дейилади»
Имом Аҳмад ривояти
(Абдурраҳмон ибн Авф (р.а)дан)
📚Расулуллоҳ ﷺ дедилар: «Тўрт нарса кишининг бахтли бўлишидан далолатдир»
1.Солиҳа аёл
2.Кенг уй жой
3.Яхши қўшни
4.Ёқимли маркаб»
Хоким ва Байҳақий ривояти
📚Расулуллоҳ ﷺ дедилар: «Қайси бир мўминга Аллоҳ таоло солиҳа хотин насиб қилган бўлса, демак, динининг ярмига ёрдам қилибди. Қолган иккинчи ярми учун унинг ўзи ҳаракат қилсин!»
Имом Термизий ривояти
📚Расулуллоҳ ﷺ дедилар: «Эри рози бўлмагунча аёлнинг намозлари ва хеч бир яхшилиги қабул булмайди»
Табароний ривояти
8,870
Кун Хадислари

10 Feb, 02:05

КУН ҲАДИСЛАРИ
📚Расулуллоҳ ﷺ дедилар: «Агар кишининг кишига сажда қилиши мумкин бўлганида, хотинларни ўз эрларига сажда қилишга буюрган бўлар эдим»
Имом Термизий ривояти
(Абу Ҳурайра (р.а)дан)
📚Расулуллоҳ ﷺ дедилар: «Қайси бир хотин вафот этса ва эри ундан рози бўлса, ўша хотин жаннатга киради»
Имом Термизий ривояти
(Умму Салама (р.а)дан)
📚Расулуллоҳ ﷺ дедилар: «Ўзимдан кейин кишиларга аёллардан кўра зарарлироқ фитнани қолдирмадим»
Бухорий ва Муслим ривояти
(Усома ибн Зайд (р.а)дан)
📚Расулуллоҳ ﷺ дедилар: «Аллоҳ таолонинг ғазабини келтирадиган ҳалол нарса талоқдир»
Ибн Можа ривояти
5,746
Кун Хадислари

06 Feb, 01:45

КУН ҲАДИСЛАРИ
📚Мен: «Эй Аллоҳнинг расули, бизларнинг зиммамиздаги хотинларимизнин ҳақлари нима?» десам, у зот ﷺ «Ўзинг овқатланганда унга ҳам едирмоғинг ўзинг либос кийганингда уни ҳам кийинтирмоқлигинг ва юзига урмаслигинг, ...сўкмаслигинг ҳамда уйингдан ташқари жойда аразлашмаслигинг», дедилар»
Абу Довуд ривояти
(Муовия ибн Ҳайда (р.а)дан)
📚Расулуллоҳ ﷺ дедилар: «..Сизларнинг яхшиларингиз аёллар билан яхши бўлганларингиздир»
Имом Термизий ривояти
(Абу Ҳурайра (р.а)дан)
📚Расулуллоҳ ﷺ дедилар: «Дунё ўзи бир матодир. Унинг энг яхши матоси солиҳа аёлдир»
Муслим ривояти
(Амр ибн Осс (р.а)дан)
9,121
Кун Хадислари

03 Feb, 02:01

КУН ҲАДИСЛАРИ
📚Расулуллоҳ ﷺ дедилар: «Аёлларнинг энг яхшиси назар солганингда сени хурсанд қиладиган, буюрганингда сенга итоат қиладиган ва сен йўғингда ҳам нафсини ва сенинг молингни муҳофаза қиладиган аёлдир»
Табароний ривояти
(Абдуллоҳ ибн Салом (р.а)дан)
📚Расулуллоҳ ﷺ дедилар: «Хотинлар тўрт нарсанинг бири учун никоҳга олинади: мол-дунёси, насл-насаби чирой-жамоли ва дин-диёнати учун. Сен дин-диёнати учун никоҳингга олиб муваффақият қозонгин...»
Бухорий ва Муслим ривояти
(Абу Ҳурайра (р.а)дан)
📚Расулуллоҳ ﷺ дедилар: «Хотинларга яхши муомалада бўлинглар, деб айтган васиятимни қабул қилинглар. Чунки аёл қовурғадан яратилган. Қовурғанинг энг қийшиқ жойи юқорисидир. Агар сен уни тўғрилайман, десанг, синдириб қўясан. Агар шундай қолдирсанг, эгри бўйича қолади. Шундай экан, хотинлар ҳақидаги васиятимни қабул қилинглар»
Бухорий ва Муслим ривояти
(Абу Ҳурайра (р.а)дан)
12,513
Кун Хадислари

30 Jan, 02:10

КУН ҲАДИСЛАРИ
📚Расулуллоҳ ﷺ дедилар: «Ҳеч бирингиз биродарининг буюмини ҳазиллашиб ҳам, чиндан ҳам олиб қўймасин»
Имом Термизий ривояти
(Абдуллоҳ ибн Соиб (р.а)дан)
📚Расулуллоҳ ﷺ дедилар: «Қишлоқдами, саҳродами, уч киши бўлса-ю, улар ичида жамоат намози қоим қилинмаса, албатта, шайтон уларга эга чиқар. Жамоатни лозим тут. Айрилганни бўри ер»
Абу Довуд ривояти
(Абу Дардо (р.а)дан)
📚Расулуллоҳ ﷺ дедилар: «Уч гуноҳ борки, ким уларга қўл урмаса, улардан бошқасини Аллоҳ хоҳлаган кишисидан кечириб юборади.
1. Аллоҳга бирор нарсани ширк келтирмай вафот этган одам;
2. Сеҳргар бўлмаган ёки сеҳргарга эргашмаган одам.
3. Биродарига ҳасад-адоват қилмаган одам»
Бухорий «Ал-адаб ал-муфрад»да
(Ибн Аббос (р.а).дан)
📚Расулуллоҳ ﷺ дедилар: «Шаъбон ойи ярмидаги кечада Аллоҳ таоло, жамики махлуқотларини мағфират қилур. Бундан мушрик ва хусуматчи мустаснодир»
Табароний ва Байҳақий ривояти
(Муоз (р.а)дан)
📚Расулуллоҳ ﷺ дедилар: «Дўстингни севишда ўртача бўлгин, балки бир кун келиб сенга душман бўлиб қолар. Душманингни ёмон кўришда ҳам ўртача бўл, балки бир кун келиб у сенга дўст бўлиб қолар»
Имом Термизий ривояти
(Абу Ҳурайра (р.а)дан)
18,869
Кун Хадислари

27 Jan, 02:13

КУН ҲАДИСЛАРИ
📚Расулуллоҳ ﷺ дедилар: «Киши дўстининг динида бўлади. Шундай экан, у ўзига дўст тутаётган кимсасига қараб қўйсин»
Абу Довуд ривояти
(Абу Ҳурайра (р.а)дан)
📚Расулуллоҳ ﷺ дедилар: «Ким бир иш қилишни хоҳлаб мусулмон киши билан маслаҳатлашса, Аллоҳ уни ишларни энг тўғрисига мувофиқ қилиб қўяди»
Тобароний ривояти
(Ибн Аббос (р.а)дан)
📚Расулуллоҳ ﷺ дедилар: «Ким ўртада туриб, биродарига ишини битириб берса ва бу ишига ҳадя берилганида, уни қабул қилса, демак, рибо эшикларидан катта эшикни очибди»
Абу Довуд ривояти
(Абу Умома (р.а)дан)
📚Расулуллоҳ ﷺ дедилар: «Нафл намоз ўқиш, нафл рўза тутиш ва нафл садақа беришдан ҳам фазилатли бир амални хабарини айтайми?" деб сўрадилар. Саҳобалар: «Албатта (айтинг)", дейишди. Шунда ул Зоти ﷺ дедилар: "Икки киши орасини ислоҳ қилишдир. Икки киши орасини бузулиши динни асосини йўқотади»
Абу Довуд ривояти
(Абу Дардо (р.а)дан)
15,493
Кун Хадислари

23 Jan, 03:11

КУН ҲАДИСЛАРИ
📚Расулуллоҳ ﷺ дедилар: «Душанба ва пайшанба кунлари жаннат эшиклари очилади. Ҳамда Аллоҳ таолога бирор нарсани шерик қилмаган бандаларнинг гуноҳлари кечирилади. Лекин бир кишининг биродари билан адовати бўлса, гуноҳлари кечирилмайди. Ва: «Бу иккови ярашгунча муҳлат бериб туринглар. Бу иккови ярашгунча муҳлат бериб туринглар», деб айтилади»
Имом Муслим ривояти
(Абу Ҳурайра (р.а)дан)
📚Расулуллоҳ ﷺ дедилар: «Аллоҳ таоло шундай деб буюрган: «Икки дўстдан бири иккинчисига хиёнат этмас экан, уларнинг учинчи шериги Менман; бири бошқасига хиёнат қилса, Мен ораларидан чиққайман»
Абу Довуд ривояти
(Абу Ҳурайра (р.а)дан)
📚Расулуллоҳ ﷺ дедилар: «Уч хил кимсанинг адо этган намози бошидан бир қарич ҳам юқори кўтарилмас:
1.одамлар ёқтирмаган имом,
2.эрини ранжитиб тунаган аёл,
3.жудо бўлган (алоқани узган) биродарлар»
Ибн Можа ривояти
19,061
Кун Хадислари

20 Jan, 02:31

КУН ҲАДИСЛАРИ
📚Расулуллоҳ ﷺ дедилар: «Сизларга дўзах ҳаром кишини ёки дўзах унга ҳаром бўлган кишининг хабарини берайми? У биродарларига ҳожат вақтида яқин турадиган, тавозуъли ва мулойим кишидир»
Имом Термизий ривояти
(Ибн Масъуд (р.а)дан)
📚Расулуллоҳ ﷺ дедилар: «Мусулмон киши биродари билан уч кундан кўп аразлашиши ҳалол эмас. Ким уч кундан кўп аразлашиб вафот этса, дўзахга киради»
Абу Довуд ривояти
(Абу Ҳурайра (р.а)дан)
📚Расулуллоҳ ﷺ дедилар: «Ким биродари билан бир йил аразлашиб юрса, гўёки унинг қонини тўкибди»
Абу Довуд ривояти
15,964
Кун Хадислари

16 Jan, 02:30

КУН ҲАДИСЛАРИ
📚Расулуллоҳ ﷺ дедилар: «Ким бирор касални бориб кўрса ёки Аллоҳ йўлидаги биродарини зиёрат қилса, бир нидо қилувчи: «Яхши инсон бўлдинг, юришинг ҳам яхши бўлди ва жаннатдан ўзинг учун жой тайёрлаб қўйдинг», деб нидо қилади»
Имом Термизий ривояти
(Абу Ҳурайра (р.а)дан)
📚Расулуллоҳ ﷺ дедилар: «Фақат мўминлар билан суҳбатда бўл. Ва таомингни фақат тақводорларгина есин»
Имом Термизий ривояти
📚Расулуллоҳ ﷺ дедилар: «Аллоҳ таоло: «Менинг азаматим учун бир-бирларини дўст тутгувчиларга нурдан бўлган минбарлар берилади. Уни кўрган набийлар ва шаҳидлар ҳавас қилишади», деди»
Имом Термизий ривояти
(Муоз (р.а)дан)
18,086
Кун Хадислари

13 Jan, 02:38

КУН ҲАДИСЛАРИ
📚Расулуллоҳ ﷺ дедилар: «Бир-бирларингизга ҳадялар беринглар. Чунки ҳадя қалб ғашини кетказади»
Имом Термизий ривояти
📚Расулуллоҳ ﷺ дедилар: «Сизлардан бирингиз ўзи учун яхши кўрган нарсасини биродари учун ҳам яхши кўрмагунича мўмин бўла олмайди»
Бухорий ва Муслим ривояти
(Анас (р.а)дан)
📚Расулуллоҳ ﷺ дедилар: «Мусулмон мусулмон кишининг биродаридир. Унга зулм ҳам қилмайди ва биродарини душманига топшириб ҳам қўймайди. Ким биродарининг ҳожатида бўлса, Аллоҳ ҳам унинг ҳожатида бўлади. Кимки мусулмондан ғам-ташвишни кетказса, Аллоҳ таоло Қиёмат ғам-ташвишларидан уни халос этади. Кимки мусулмоннинг (айбини) беркитса, Аллоҳ таоло Қиёмат кунида унинг ҳам (айбини) беркитади»
Бухорий ва Муслим ривояти
(Ибн Умар (р.а)дан)
📚Расулуллоҳ ﷺ дедилар: «Мусулмоннинг бошқа бир мусулмон устида бешта ҳаққи бордир:
1.Саломига алик олиш.
2.Касал бўлса, бориб кўриш.
3.Ўлса, жанозасига қатнашиш.
4.Таом ёки бирор нарсага чақирса, бориш.
5.Акса уриб «Алҳамдулиллаҳ», деса, «Ярҳамукаллоҳ», деб жавоб бериш»
Бухорий ва Муслим ривояти
(Абу Ҳурайра (р.а)дан)
📚Расулуллоҳ ﷺ дедилар: «Соқоли оқарган мусулмонни, Қуръонга амал қилиб, уни доим тиловат қилиб юрувчи қорини ҳамда одил подшоҳни ҳурмат қилиш билан Аллоҳни ҳурмат қилган бўлади»
Абу Довуд ривояти
(Абу Мусо (р.а)дан)
16,913
Кун Хадислари

09 Jan, 02:35

КУН ҲАДИСЛАРИ
📚Расулуллоҳ ﷺ «Ноўрин қаттиқлик қилиб, чуқур кетувчилар ҳалок бўлишди», деб уч марта айтдилар»
Муслим ривояти
(Ибн Масъуд (р.а)дан)
📚Расулуллоҳ ﷺ дан, қандоқ амал Аллоҳ учун энг маҳбубдир?» деб сўралди. У зот ﷺ «Агар оз бўлса ҳам давомлиси», дедилар»
Бухорий ва Муслим ривояти
(Оиша (р.а)дан)
📚Расулуллоҳ ﷺ дедилар: «Албатта дин осондир. Бирор киши дин билан тортишса уни енгиб қўяди. Бас, шундай экан, ўрта ҳол бўлган тўғри йўлни лозим тутиб, мўътадилига яқин бўлинглар..»
Бухорий ривояти
(Абу Ҳурайра (р.а)дан)
14,477
Кун Хадислари

06 Jan, 02:38

КУН ҲАДИСЛАРИ
📚Расулуллоҳ ﷺ дедилар: «Осон қилинглар, қийин қилиб қўйманглар. Хурсандлик хабарини беринглар, қочириб юборманглар»
Бухорий ва Муслим ривояти
(Анас (р.а)дан)
📚Расулуллоҳ ﷺ дедилар: «Аллоҳ мусофирдан рўзани ва намознинг ярмини, ҳомиладор ва эмизикли аёлдан рўзани кечди»
Имом Термизий ривояти
(Анас (р.а)дан)
📚Расулуллоҳ ﷺ дедилар: «Агар ихтилофни кўрсангиз, ўзингизга кўпчилик томонини лозим тутинг»
Ибн Можа ривояти
13,432
Кун Хадислари

02 Jan, 02:32

КУН ҲАДИСЛАРИ
📚Расулуллоҳ ﷺ дедилар: «Сиздан ким бир ёмон ишни кўрса, қўли билан қайтарсин, агар қодир бўлмаса, тили билан қайтарсин, агар қодир бўлмаса, дили билан қайтарсин, ана ўша энг заиф иймондир, Ундан кейин ачитқининг уруғича ҳам иймон қолмайди»
Имом Муслим ривояти
(Абу Саъийд Худрий (р.а)дан)
📚Расулуллоҳ ﷺ дедилар: «...яхшиликка буюриб, ёмонликдан қайтаринглар. Бундай қилмайдиган бўлсангизлар, Аллоҳ таоло сизларга бир балони юборади. Сўнгра дуо қилсангизлар, дуоларингиз қабул қилинмайди»
Имом Термизий ривояти
(Ҳузайфа (р.а)дан)
📚Расулуллоҳ ﷺ дедилар: «Яхшиликка буюрасизлар ва ёмонликдан қайтарасизлар, бўлмаса Аллоҳ сизларни устларингизга ёмонларингизни бошлиқ қилиб қўяди»
Имом Баззор ривояти
📚Расулуллоҳ ﷺ дедилар: «Мен умматим учун адаштирувчи имомлар зараридан қўрқаман»
Имом Термизий ривояти
(Савбон (р.а)дан)
18,537
Кун Хадислари

30 Dec, 02:43

КУН ҲАДИСЛАРИ
📚Расулуллоҳ ﷺ дедилар: «Илм талаб қилиш ҳар бир муслим учун фарздир»
Ибн Можжа ривояти
(Анас (р.а)дан)
📚Расулуллоҳ ﷺ дедилар: «Икки хислат мунофиқда жам бўлмайди: Гўзал шакл ва динда фақиҳ бўлишлик»
Имом Термизий ривояти
(Абу Ҳурайра (р.а)дан)
📚Расулуллоҳ ﷺ дедилар: «Бир фақиҳ Шайтон учун минг обиддан ҳам ашаддийроқ (душман)дир»
Имом Термизий ривояти
(Ибн Аббос (р.а)дан)
📚Расулуллоҳ ﷺ дедилар: «Қоқилмагунча ҳалим бўлмас. Тажриба кўрмагунча ҳаким бўлмас»
Имом Термизий ривояти
(Абу Саъид (р.а)дан)
📚Расулуллоҳ ﷺ дедилар: «...менга умматимнинг гуноҳлари ҳам кўрсатилди. Мен Қуръондан бир сура ёки оят берилиб, кейин уни унутган кишининг гуноҳидан каттароқ гуноҳни кўрмадим»
Имом Термизий ривояти
(Анас (р.а)дан)
14,589
Кун Хадислари

26 Dec, 02:35

КУН ҲАДИСЛАРИ
📚Расулуллоҳ ﷺ дедилар: «Албатта Аллоҳ таоло, Фаришталар, Еру-осмон аҳли ва ҳаттоки чумолилар уясида туриб одамларга яхшиликни ўргатувчи кишига дуо-истиғфор айтиб туришади»
Имом Термизий ривояти
(Абу Умома (р.а)дан)
📚Расулуллоҳ ﷺ дедилар: «... Аллоҳ дунёни Ўзи яхши кўрган ва яхши кўрмаган бандасига бераверади, аммо динни фақат яхши кўрган бандасига беради. Бас, Аллоҳ кимга динни берган экан, У зот уни яхши кўрибди»
(Имом Аҳмад ривояти)
(ибн Масъуд (р.а)дан)
📚Расулуллоҳ ﷺ дедилар: "Темирга сув тегса занглайди. Худди шунга ўхшаб қалбларни ҳам занг босади”, дедилар. Шунда: “Ё Расулуллоҳ, унинг жилоси нима?” деб сўралди. У зот: “Ўлимни кўп эслаш, Қуръон ўқиш” дедилар
Байҳақий ривояти
(Ибн Умар (р.а)дан)
17,608
Кун Хадислари

23 Dec, 04:28

КУН ҲАДИСЛАРИ
📚Расулуллоҳ ﷺ дедилар: «Сизларнинг яхшиларингиз Қуръонни ўрганиб, уни (бошқаларга) ўргатувчиларингиздир»
Имом Бухорий ривояти
(Усмон (р.а)дан)
📚Расулуллоҳ ﷺ дедилар: «Огоҳ бўлинг, албатта дунё ва ундаги нарсалар лаънатлангандир. Фақатгина Аллоҳнинг зикри, шунга яқин нарсалар ҳамда илм берувчи ва илм олувчилар бундай эмас»
Имом Термизий ривояти
(Абу Ҳурайра (р.а)дан)
📚Расулуллоҳ ﷺ дедилар: «Қуръондан ҳеч бир нарса ёдламаган киши хароба уйга ўхшайди»
Имом Термизий ривояти
(Ибн Аббос (р.а)дан)
17,628
Кун Хадислари

19 Dec, 02:43

КУН ҲАДИСЛАРИ
📚Расулуллоҳ ﷺ дедилар: «Ким менга итоат қилса, Аллоҳга итоат қилибди. Кимки менга осийлик қилса, Аллоҳга осийлик қилибди...»
Бухорий ва Муслим ривояти
(Абу Ҳурайра (р.а)дан)
📚Расулуллоҳ ﷺ дедилар: «...Ким менга итоат қилса, жаннатга киради....»
Бухорий ва Муслим ривояти
(Абу Ҳурайра (р.а)дан)
15,746
Кун Хадислари

16 Dec, 02:50

КУН ҲАДИСЛАРИ
📚Расулуллоҳ ﷺ «Ортингизда сабр кунлари бор. У кунларда сабр қилиш қўлида чўғни тутиб туриш каби бўлади. У кунларда динига амал қилувчилар учун эллик кишининг ажри бор” дедилар. Шунда саҳобалар “Ўзларидан эллик кишиними ёки биздан эллик кишиними ё Расулуллоҳ дедилар. У зот ﷺ “Сиздан эллик кишини” дедилар.»
Баззор ва Табароний ривояти
(ибн Масъуд (р.а)дан)
📚Расулуллоҳ ﷺ дедилар: Умматимдан шундай одамлар бўладики, улар зино, ипак, маст қилувчи ичимлик ва мусиқани ҳалол санайдилар
Бухорий ривояти
📚Расулуллоҳ ﷺ дедилар: «Бу уммат ичида ер ютиш, (осмондан) тош ёғиш, (исёнкорларни) тўнғиз ва маймунларга айлантириб (ҳолатлари) содир бўлади. Бу эса улар маст қилувчи ичимликлар ичишган, ўзларига яллачилар олишган ва мусиқа асбоблари чалишган пайтда бўлади
(Анас(р.а).дан)
Ибн Абу ад-Дунё ривояти
📚Расулуллоҳ ﷺ дедилар: «Бахтли одам фитналардан узоқ юрган (киши)дир. (Бахтли одам) мусибатга йўлиқиб, унга сабр қилган (киши)дир. (Бу) қандай яхши!»
(Миқдод ибн Асвад (р.а)дан)
Абу Довуд ривояти
16,208
Кун Хадислари

12 Dec, 02:31

КУН ҲАДИСЛАРИ
📚Расулуллоҳ ﷺ дедилар: «Қийинчиликда (Фасод-фитна кўпайиб кетганида) ибодат қилиш менга (яъни, Маккадан Мадинага) ҳижрат қилинган кабидир»
Имом Муслим ривояти
(Маъқал ибн Ясор (р.а)дан)
📚Расулуллоҳ ﷺ дедилар: «Ким умматим бузилиб кетган вақтда менинг суннатимни махкам ушлаб (унга амал қилса), унга 100 та шаҳиднинг ажрича ажр бордир»
Имом Аҳмад ривояти
(Абу Ҳурайра (р.а)дан)
📚Расулуллоҳ ﷺ дедилар: «Ҳали одамларга бир замон келурки, унда динида сабр қилувчи худди чўғни чангалловчига ўхшаш бўлур»
Имом Термизий ривояти
(Анас (р.а)дан)
📚Расулуллоҳ ﷺ дедилар: «Сизлар ким ўзига амр қилинган нарсани ўндан бирини тарк қилса ҳалок бўладиган замондасиз. Сўнгра бир замон келурки, унда сизлардан ўзига амр қилинган нарсанинг ўндан бирига амал қилган одам нажот топади»
Имом Термизий ривояти
(Абу Ҳурайра (р.а)дан)
📚Расулуллоҳ ﷺ дедилар: «Одамларга шундай замон келадики, ўшанда мўмин киши қўйдан ҳам хорроқ бўлади»
Ибн Асокир ривояти.
(Анас (р.а)дан)
📚Расулуллоҳ ﷺ дедилар: «Ислом ғариб (холда) бошланди, ва тезда қандай бошланган бўлса, ўша холатига қайтади. Бас, ғарибларга яхшилик бўлсин»
Имом Муслим ривояти
(Абу Ҳурайра (р.а)дан)
15,773
Кун Хадислари

09 Dec, 02:45

КУН ҲАДИСЛАРИ
📚Расулуллоҳ ﷺ дедилар: «....Ёмонларингиз – яхшилигидан умидвор, ёмонлигидан омонда бўлинмайдиганингиздир»
Термизий ривояти
(Абу Ҳурайра (р.а)дан)
📚Расулуллоҳ ﷺ дедилар: «Раҳм қилинглар, сизларга ҳам раҳм қилинади. Кечиринглар, Аллоҳ ҳам сизларни кечиради. Гап бир қулоғидан кириб, бошқасидан чиқиб кетадиган кимсалар ҳолига вой бўлсин! Қилаётган ишининг гуноҳлигини била туриб, ундан тийилмай қилаверадиган кимсалар ҳолига вой бўлсин»
Имом Аҳмад ривояти
(Абдуллоҳ ибн Амр (р.а)дан)
12,908
Кун Хадислари

05 Dec, 02:41

КУН ҲАДИСЛАРИ
📚Расулуллоҳ ﷺ дедилар: «Кимки бир қарич ерга эгалик қилиш билан зулм қилса, етти (қават) тавқи лаънат ер бўйнига ўраб қўйилади»
Бухорий ва Муслим ривояти
(Оиша (р.а)дан)
📚Расулуллоҳ ﷺ дедилар: «Кимки инсонларга раҳм қилмаса, Аллоҳ ҳам унга раҳм қилмайди»
Бухорий ва Муслим ривояти
(Жарир (р.а)дан)
📚Расулуллоҳ ﷺ дедилар: «Бадавлат кишининг (қарзини, омонатини ва бировларнинг ҳаққини беришда) кечиктириши зулмдир..»
Бухорий ва Муслим ривояти
(Абу Ҳурайра (р.а)дан)
📚Расулуллоҳ ﷺ дедилар: «Аллоҳ таоло бир қавмга ёмонликни хоҳласа, уларнинг ишларини ҳаддан ошувчи золимлар қўлида қилиб қўяди»
Дайламий ривояти
📚Расулуллоҳ ﷺ дедилар: «Раҳмдиллик фақат бадбахтнинг қалбидангина суғуриб олинади»
Термизий ривояти
(Абу Ҳурайра (р.а)дан)
11,552
Кун Хадислари

28 Nov, 01:45

КУН ҲАДИСЛАРИ
📚Расулуллоҳ ﷺ дедилар: «Бир хотин мушук сабабли азобга мустаҳиқ бўлди. (Яъни, уни қафасга қамаб ўлдиргани сабаб дўзахга дохил бўлди.) У хотин мушукни қафасга солиб овқат ҳам, ичимлик ҳам бермади...»
Бухорий ва Муслим ривояти
(Ибн Умар (р.а)дан)
📚Расулуллоҳ ﷺ дедилар: «... Умматимдан бўлган муфлис Қиёматга бу дунёда намоз ўқиган, рўза тутган, закот берган бўлиб боради, яна кимнидир сўккан, молини ноҳақ еган, урган, хақорат қилган ҳамда қонини тўккан бўлиб боради. Шунда муфлиснинг яхши амалларидан олиб берилади. Унинг яхши амаллари тамом бўлганида, мазлумларнинг гуноҳларини унга олиб берилиб, ҳисобот қилинади. Ниҳоят муфлиснинг савоб амаллари тугагач, уни дўзахга улоқтирилади»
Имом Муслим ривояти
(Абу Ҳурайра (р.а)дан)
📚Расулуллоҳ ﷺ дедилар: «Қиёмат куни бўлганида ҳақлар ўз эгасига қайтарилади (яъни, золимдан мазлумнинг ҳаққи олиб берилади). Ҳаттоки, шохли қўйдан шохсиз қўйнинг қасоси олиб берилади»
Имом Муслим ривояти
(Абу Ҳурайра (р.а)дан)
14,051
Кун Хадислари

25 Nov, 01:48

КУН ҲАДИСЛАРИ
📚Расулуллоҳ ﷺ дедилар: «Ким фолбин ёки мунажжим ҳузурига бориб бирор нарса ҳақида сўраса, кейин фолбин берган жавобга ишонса, ўша кишининг қирқ кун ўқиган намози қабул этилмайди»
Имом Муслим ривояти
📚Расулуллоҳ ﷺ дедилар: «Ким фолбин ёки мунажжим ҳузурига бориб у айтган нарсани тасдиқласа Мухаммадга нозил бўлган нарсага кофир бўлибди»
Имом Термизий ривояти
(Абу Ҳурайра (р.а).дан)
📚Расулуллоҳ ﷺ дедилар: «Кимки тумор осиб олса, Оллоҳ унинг ишини охирига етказмайди ва кимки тешик тош осиб олса, Оллоҳ уни ҳимоя қилмайди»
Имом Хоким ривояти
(Ақама ибн Омир (р.а).дан)
📚Расулуллоҳ ﷺ дедилар: «Кимки бирор нарса (тумор) осиб олса, ўшанга топшириб қўйилади»
(Аҳмад ва Ҳоким ривояти
📚Расулуллоҳ ﷺ дедилар: «Ким бирон нарсага боғланса Аллоҳ таоло уни ташлаб қўяди»
Имом Термизий ривояти
(Абдуллоҳ ибн Укайм (р.а)дан)
📚Расулуллоҳ ﷺ дедилар: «Ирим қилиш, шумланиш ширк амалидан бўлиб, ирим қилувчилар бизлардан эмас. Аммо Аллоҳ таоло иримни таваккул амали билан даф қилади»
Имом Бухорий ривояти
📚Расулуллоҳ ﷺ дедилар: «Уч гуноҳ борки, ким уларга қўл урмаса, улардан бошқасини Аллоҳ хоҳлаган кишисидан кечириб юборади.
1. Аллоҳга бирор нарсани ширк келтирмай вафот этган одам;
2. Сеҳргар бўлмаган ёки сеҳргарга эргашмаган одам.
3. Биродарига ҳасад-адоват қилмаган одам»
Бухорий «Ал-адаб ал-муфрад»да ривоят
қилган
(Ибн Аббос (р.а).дан)
15,078
Кун Хадислари

21 Nov, 01:38

КУН ҲАДИСЛАРИ
📚Расулуллоҳ ﷺ дедилар: «Қайси қавмда фаҳш ишлар пайдо бўлиб, ҳатто уни ошкора қилишга ўтсалар, у қавмда вабо ва ўтган ота-боболарида бўлмаган касалликлар тарқалади»
Ибн Можа ривояти
(ибн Умар (р.а).дан)
📚Расулуллоҳ ﷺ дедилар: «Агар бирор жойда зино ва судхўрлик тарқалса, ўша ернинг аҳолиси ўзига Аллоҳнинг азобини чақиради»
Имом Хоким ривояти
(Ибн Аббос (р.а).дан)
📚Расулуллоҳ ﷺ дедилар: «Бир киши лой ёки балчиққа беланиб ётган тўнғизга тегиниши, ўзига ҳалол бўлмаган аёлнин елкасига елкасини тегишидан яхшироқдир»
Табароний ривояти
📚Расулуллоҳ ﷺ дедилар: «Бирортангизга ўзига ҳалол бўлмаган аёлни ушлашдан кўра бошига темирдан бўлган мих қоқилиши яхшироқдир»
Табароний ривояти
📚Расулуллоҳ ﷺ дедилар: «Аёл киши авратдир, қачон (ташқарига) чиқса, шайтон (хурсанд бўлиб) кутиб олади»
Имом Термизий ривояти
(Ибн Масъуд (р.а) .дан)
📚Расулуллоҳ ﷺ дедилар: «Уч турли кўз борки, улар Қиёмат куни дўзахни кўрмайди.
1. Аллоҳдан қўрқиб йиғлаган кўз.
2. Аллоҳ йўлида қўриқчилик қилган кўз.
3. Аллоҳ ҳаром қилган нарсалардан тийилган кўз»
Табароний ривояти
📚Расулуллоҳ ﷺ дедилар: «Эй Али, назарга назарни эргаштирма. Албатта, биринчиси сен учун безарар бўлса ҳам, бошқаси ундоқ эмас»
Имом Термизий ривояти
(Али (р.а) .дан)
14,280
Кун Хадислари

18 Nov, 01:33

КУН ҲАДИСЛАРИ
📚Расулуллоҳ ﷺ дедилар: «...Аёлларга қарайверманг, шунда ҳам сизларни аёлингизга қаралмайди...»
Имом Хоким ривояти
(Жобир (р.а).дан)
📚Расулуллоҳ ﷺ дедилар: «Ким зино қилса, унинг ҳам (яқини) зино қилинади, агар ҳовлиси деворлари ичида бўлса ҳам»
Ибн Нажжор ривояти
📚Расулуллоҳ ﷺ дедилар: «Ҳаж бойликка, Зино фақирликка сабаб бўлади»
Табароний ривояти
📚Расулуллоҳ ﷺ дедилар: «Қайси бир аёл атир сепиб, унинг ҳидидан баҳраманд бўлишлари учун бир гуруҳ одамлар олдидан ўтса, ўша аёл зинокордир»
Насоий, ва Ҳоким ривояти
(Абу Мусо Ашъарий (р.а).дан)
14,053
Кун Хадислари

15 Nov, 01:26

ЖУМА ХАДИСЛАРИ
📚Расулуллоҳ ﷺ дедилар: «Ким қастдан уч жумани тарк этса, Аллоҳ унинг қалбига муҳр босади»
Ҳоким ривояти.
(Абу Жаъд Зомрий (р.а).дан)
📚Расулуллоҳ ﷺ дедилар: «Ким жума куни ғусл қилса, унинг гуноҳ ва хатолари кечирилади. Намозга юра бошласа, ҳар бир қадамига 20та ҳасанот, савоб берилади. Намозни адо этиб қайтаётган пайтида 200 йиллик амаллар савоби билан мукофотланади»
Табароний ривояти
(Имрон ибн Ҳусайн (р.а).дан)
📚Расулуллоҳ ﷺ дедилар: «Ким жума куни ювса ва ғусл қилса, сўнгра эрта борса, пиёда юриб, (улов) минмаса, имомга яқинроқ ўтирса ва тингласа, беҳуда (ҳаракат) қилмаса, унинг ҳар бир қадамига бир йилнинг рўзаси ва Тунги (Таҳажжуд намози)нинг ажри берилур»
Абу Довуд ривояти
(Авс ибн Авс Сақафий (р.а).дан)
📚Расулуллоҳ ﷺ дедилар: «Кимки жума куни ғусл қилиб, масжидга жума намозининг аввалги соатида кeлса, унинг савоби бир туяни қурбонлик қилгандeк бўлади.....»
Имом Бухорий ривояти
(Абу Хурайра р.а).дан)
680
Кун Хадислари

14 Nov, 01:33

КУН ҲАДИСЛАРИ
📚Расулуллоҳ ﷺ дедилар: «Ўзингиз номусли бўлсангиз, аёлингиз ҳам номусли бўлади»
Имом Хоким ривояти
📚Расулуллоҳ ﷺ дедилар: «Эркак киши бошқа эркакнинг авратига қарамасин. Аёл киши бошқа аёл кишининг авратига қарамасин...»
Имом Муслим ривояти
(Абу Саид (р.а).дан)
📚Расулуллоҳ ﷺ аёлларнинг либосини киювчи эркакни ва эркакларнинг либосини киювчи аёлни лаънатладилар
Абу Довуд ривояти
(Абу Ҳурайра (р.а).дан)
📚Расулуллоҳ ﷺ дедилар: «Ким зино қилса ёки маст қилувчи ичимлик сотса, Аллоҳ ундан иймонни худди киши бошидан либосини ечгани каби ечиб олади»
Имом Хоким ривояти
(Абу Ҳурайра (р.а).дан)
15,972
Кун Хадислари

11 Nov, 01:44

КУН ҲАДИСЛАРИ
📚Расулуллоҳ ﷺ дедилар: «Тўрт нарса бадбахтликдандир:
1.кўзнинг қуруқлиги,
2.қалбнинг қаттиқлиги,
3.орзу-ҳаваснинг узунлиги
4.дунёга ҳирс қўйиш»
Имом Баззор ривояти
(Анас (р.а) .дан)
📚Расулуллоҳ ﷺ дедилар: «..Дунёга муҳаббат қўйма, Аллоҳ сени яхши кўради, одамларнинг нарсаларига кўз тикма, одамлар сени яхши кўришади»
Ибн Можа ривояти
(Саҳл ибн Саъд Соидий (р.а)дан)
15,769
Кун Хадислари

07 Nov, 01:45

КУН ҲАДИСЛАРИ
📚Расулуллоҳ ﷺ дедилар: «Охират роҳати олдида дунёнинг роҳати худди сизлардан бирингиз бармоғини денгизга суққанда бирга илашиб чиққан сувга қарасин, ўша қанча бўлса, шу миқдордадир»
Имом Муслим ривояти(
Муставрид ибн Шаддод (р.а).дан)
📚Расулуллоҳ ﷺ дедилар: «Агар одам боласининг бир водий тилласи бўлса, у киши икки водий тиллоси бўлишини яхши кўради. Унинг оғзини қабр тупроғидан бошқа нарса тўлдира олмайди...»
Бухорий ва Муслим ривояти.
(Ибн Аббос (р.а).дан)
📚Расулуллоҳ ﷺ дедилар: «Агар Аллоҳ ҳузурида дунёнинг пашша қанотичалик қадри бўлганида эди, кофирларга бир ҳўплам сувни ҳам бермас эди»
Имом Термизий ривояти
(Саҳл ибн Саъд ас-Соъидий (р.а).дан)
13,985
Кун Хадислари

04 Nov, 01:52

КУН ҲАДИСЛАРИ
📚Расулуллоҳ ﷺ дедилар: «Кимки тиланчилик қилишдан сақланиш, оиласини боқиш ва қўни-қўшниларига мурувват қилиш мақсадида ҳалол йўл орқали ризқ топиш билан машғул бўлса, қиёмат кунида у Аллоҳ таолога юзи ўн беш кунлик ойдек ёруғ бўлган ҳолида йўлиқади»
Имом Байҳақий ривояти
(Абу Ҳурайра (р.а).дан)
📚Расулуллоҳ ﷺ дедилар: «Аллоҳ таоло пора олувчини, пора берувчини ва ўртадаги востачини лаънатласин»
Имом Ахмад ривояти
(Савбон (р.а).дан)
📚Расулуллоҳ ﷺ дедилар: «Касбларнинг энг яхшиси, кишининг ўз қўли билан қилган касбидир. Ҳамда хиёнатсиз ва ёлғонсиз бўлган савдодир»
Ахмад ва Хоким ривояти
(Рофиъ ибн Хадиж (р.а).дан)
📚Расулуллоҳ ﷺ дедилар: «Биз бирор ишга бошлиқ қилиб тайинлаган одам унга белгиланган маошдан ортиқ мол топса, у учун ҳаромдир»
Абу Довуд ривояти
(Бурайда ибн ал-Ҳусайб (р.а).дан)
📚Расулуллоҳ ﷺ дедилар: «Мусулмон кишининг моли кўнглидан чиқариб берсагина ҳалол бўлади. Акс ҳолда ҳалол бўлмайди»
Дорақутний ривояти
(Анас (р.а).дан)
11,592
Кун Хадислари

31 Oct, 01:23

КУН ҲАДИСЛАРИ
📚Расулуллоҳ ﷺ дедилар: «Ибодат ўн қисмдир. тўққизи ҳалол меҳнат қилиб пул топишдир»
Дайламий ривояти
📚Расулуллоҳ ﷺ дедилар: «Касбу ҳунар исташ ҳар бир мусулмон зиммасига фарздир»
Табароний ривояти
📚Расулуллоҳ ﷺ дедилар: «Бирор киши қўли билан меҳнат қилиб, касби орқали еган таомидан яхшироқ таом ея олмайди»
Имом Бухорий ривояти.
📚Расулуллоҳ ﷺ дедилар: «Ким ҳалол таом еса ва суннатга амал қилса ва одамлар унинг ёмонлигидан омон бўлсалар, жаннатга киради...»
Имом Термизий ривояти
(Абу Саид ал Худрий (р.а).дан)
9,850
Кун Хадислари

28 Oct, 01:45

КУН ҲАДИСЛАРИ
📚Расулуллоҳ ﷺ дедилар: «Мусулмон молининг айбини билиб уни айтмай сотиши ҳалол эмас»
Бухорий ривояти
📚Расулуллоҳ ﷺ дедилар: «Қиёмат куни беш нарса ҳақида сўралмагунича Одам боласининг қадами Парвардигори ҳузуридан силжимайди:
1. умрини қандай ўтказгани,
2. ёшлигида қандай ишлар қилгани,
3. бойликни қаердан топгани,
4. бойликни қаерга сарфлагани
5. билган нарсаларига қай даражада амал қилгани»
Имом Термизий ривоятлари
(Ибн Масъуд (р.а) .дан)
📚Расулуллоҳ ﷺ дедилар: «Уч тоифа киши борки, қиёмат куни Аллоҳ уларга гапирмайди, уларга қарамайди, уларни покламайди ва уларга аламли азоб бордир.......
1. Кийимини (тўпиқдан пастга) осилтириб юрувчи
2. миннат қилувчи
3. молини ёлғон қасам билан сотувчи кимсалар»
Имом Муслим ривояти.
(Абу Зар (р.а) .дан)
📚Расулуллоҳ ﷺ дедилар: «Ким айбли нарсани сотиб, айби борлигидан олувчини хабардор қилмаса, доим Аллоҳнинг ғазабида бўлади ёки фаришталар тўхтовсиз унга лаънат айтадилар»
Ибн Можа ривояти
(Восила ибн Асқаъ (р.а) .дан)
10,942
Кун Хадислари

24 Oct, 01:19

КУН ҲАДИСЛАРИ
📚Расулуллоҳ ﷺ дедилар: «Ростгўй савдогар Қиёмат куни Арш сояси остидадир»
Имом Дайламий ривояти.
📚Расулуллоҳ ﷺ дедилар: «Омонатгўй, ростгўй савдогар набийлар, сиддиқлар, шаҳидлар ва солиҳлар билан (Қиёмат куни) биргадир»
Имом Термизий ривояти
(Абу Саид (р.а).дан)
📚Расулуллоҳ ﷺ судхўрни, уни едиргувчини, унинг устида гувоҳ бўлувчини ва ёзув-чизув қилувчини лаънатладилар»
Имом Термизий ривояти
(Ибн Масъуд (р.а).дан)
📚Расулуллоҳ ﷺ дедилар: «Рибони (фойдаси) кўпайса ҳам, оқибатда албатта озайишга қайтади»
Имом Ахмад ривояти
📚Расулуллоҳ ﷺ дедилар: «... Ёлғондан ичилган қасам савдо моли учун ҳалокат ва ҳунар-касб учун фалокатдир»
Имом Аҳмад ривояти
14,883
Кун Хадислари

21 Oct, 02:27

КУН ҲАДИСЛАРИ
📚Расулуллоҳ ﷺ дедилар: «...бир одам қорнига ҳаром луқма еса, Аллоҳ унинг дуосини қирқ кунгача қабул қилмайди...»
Имом Термизий ривояти
(ибн Аббос (р.а).дан)
📚Расулуллоҳ ﷺ дедилар: «Ким ҳаммадан умидини узиб, фақат Аллоҳга умид боғласа, Аллоҳ таоло унинг ҳар турли эҳтиёжини ва ризқини кутмаган еридан етказади ҳамда бировларга муҳтож бўлишдан қутқаради. Ким умидини дунёга боғласа, Аллоҳ таоло уни дунёси билан ёлғиз ташлаб қўяди»
Байҳақий ривояти
(Имрон ибн Хусайн (р.а).дан)
📚Расулуллоҳ ﷺ дедилар: «Хамр (маст қиладиган ичкилик) дан сақланинглар. Зеро, у барча ёмонликнинг калитидир»
Имом Ҳоким ривояти
(ибн Аббос (р.а) дан)
📚Расулуллоҳ ﷺ дедилар: «Агар меҳмон бирор қавм ҳузурига кирса, ризқи билан киради. Агар у ердан чиқса, уларнинг гуноҳлари учун мағфират билан чиқади»
Имом Дайламий ривояти
(Анас (р.а).дан)
📚Расулуллоҳ ﷺ дедилар: «Уйларингизда Қуръон тиловатини кўпайтиринглар. Чунки Қуръон ўқилмайдиган уйда яхшилик озайиб, ёмонлик кўпаяди ҳамда аҳлига торлик келади»
Дорақутний ривояти.
(Анас (р.а).дан)
13,186
Кун Хадислари

17 Oct, 01:44

КУН ҲАДИСЛАРИ
📚Расулуллоҳ ﷺ дедилар: «Ҳалол касб қилиш фарздан кейинги фарздир»
Имом Байҳақий ривояти
(Ибн Масъуд (р.а).дан)
📚Расулуллоҳ ﷺ дедилар: «Ким ҳалол ризқ топаман деб, толиқиб тунаса гуноҳлари мағфират қилиниб тонг оттиради»
Ибн Асокир ривояти
(Анас (р.а).дан)
📚Расулуллоҳ ﷺ дедилар: «Қаноатни лозим тутинглар! Қаноат туганмас молдир»
Табароний ривояти
(Жобир (р.а).дан)
📚Расулуллоҳ ﷺ дедилар: «... банда қилган гуноҳи туфайли ризқдан маҳрум бўлади»
Имом Аҳмад ривояти
(Савбон (р.а).дан)
15,535
Кун Хадислари

14 Oct, 08:30

КУН ҲАДИСЛАРИ
📚Расулуллоҳ ﷺ дедилар: «Таомнинг баракаси ундан олдин (икки қўлни) ювишдир ва ундан кейин (икки қўлни) ювишдир»
Имом Термизий ривояти
(Салмон (р.а).дан)
📚Расулуллоҳ ﷺ дедилар: «Кимнинг қорни очса ёки (бирон нарсага) эҳтиёж сезсаю, буни одамлардан яшириб, Аллоҳга ошкор қилса, у банда учун бир йиллик ҳалол насиба (келадиган йўл) ни очиш Аллоҳ зиммасида бўлади»
Табароний ривояти
(Абу Ҳурайра (р.а).дан)
📚Расулуллоҳ ﷺ дедилар: «Кимнинг ташвиши охират бўлса, Аллоҳ унинг қалбида бойлик пайдо қилади ва хотирини жам этади. (Мол-)дунё унга судралиб келади. Кимнинг ғами дунё бўлса, Аллоҳ унинг икки кўзи олдига фақирлигини келтиради, хаёлини паришон қилади ва унга (мол-)дунёдан фақат ўзига тақдир қилинганигина етади»
Имом Термизий ривояти
(Анас (р.а).дан)
📚Расулуллоҳ ﷺ дедилар: «Жам бўлиб овқат енглар. Фирқа бўлиб еманглар. Чунки барака тўпланиб еганлар билан биргадир»
Ибн Можа ривояти
12,286
Кун Хадислари

10 Oct, 02:42

КУН ҲАДИСЛАРИ
📚Расулуллоҳ ﷺ дедилар: «Кимки мусулмон бўлиб, кифоя қилгудек ризқланган бўлса ва Аллоҳ таоло ўша берган ризқига қаноатли этиб қўйган бўлса, батаҳқиқ ўша киши нажот топибди»
Имом Муслим ривояти
(ибн Умар (р.а).дан)
📚Расулуллоҳ ﷺ дедилар: «Кимга муҳтожлик етса, у ўша муҳтожлигини одамларга шикоят қилса, у кишидан муҳтожлик аримайди. Кимки ўша муҳтожлигини Аллоҳга арз қилса, тезда ёки бироздан кейин унга ризқ ато қилинади»
Имом Термизий ривояти
(Ибн Масъуд (р.а).дан)
📚Расулуллоҳ ﷺ дедилар: «Тежамкор бўлган (киши) камбағал бўлмайди»
Имом Аҳмад ривояти
(Ибн Масъуд (р.а).дан)
14,666
Кун Хадислари

07 Oct, 02:50

КУН ҲАДИСЛАРИ
📚Расулуллоҳ ﷺ дедилар: «Албатта ризқ бандани худди ажали қидирганидек қидиради»
Ибн Ҳиббон ва Баззор ривояти
(Абу Дардо (р.а).дан)
📚Расулуллоҳ ﷺ дедилар: «Эй одамлар, Аллоҳга тақво қилинглар ва (ризқни) чиройли суратда изланглар! Зеро, бирон нафс токи ризқини тўла олмагунича ўлмайди...»
Ибн Можа ривояти
(Жобир (р.а).дан)
📚Расулуллоҳ ﷺ дедилар: «Уч нарсага қасам ичаман...:
1.банданинг моли садақа билан камаймайди,
2.бир бандага зулм қилинса ва ўшанга сабр қилса, албатта Аллоҳ унинг обрўсини зиёда қилади.
3.Агар банда ўзига тиланчилик эшигини очса, албатта Аллоҳ унга фақирлик эшигини очади»
Имом Термизий ривояти
(Абу Кабша Анморий (р.а).дан)
13,670
Кун Хадислари

03 Oct, 01:30

КУН ҲАДИСЛАРИ
📚Расулуллоҳ ﷺ дедилар: «Мўминни қарғаган уни ўлдирган билан бир хил»
Бухорий ривояти
📚Расулуллоҳ ﷺ дедилар: «Рибо етмиш жуздир, уни (гуноҳи)нг энг енгили киши онаси билан зино қилиш билан баробардир. Рибонинг энг каттаси киши ўз биродарининг обрўсини тўкишдир»
Имом Ахмад ривояти
(Абу Ҳурайра (р.а).дан)
📚Расулуллоҳ ﷺ дедилар: «Мўмин ўз биродарини айбини кўриб, уни яширса, шу сабабли Аллоҳ таоло уни жаннатга киритади»
Табароний ривояти
(Абу Саид ал-Худрий (р.а).дан)
📚Расулуллоҳ ﷺ дедилар: «Ким айблаш мақсадида бирор мусулмонга туҳмат қилса Аллоҳ уни жаҳаннамнинг кўприги устида айтган гапидан қутқарадиган нарсани келтиргунича тутиб туради»
Абу Довуд ривояти.
15,055
Кун Хадислари

30 Sep, 01:33

КУН ҲАДИСЛАРИ
📚Расулуллоҳ ﷺ дедилар: «Чақимчи жаннатга кирмайди»
Бухорий ва Муслим ривояти
(Ҳузайфа (р.а).дан)
📚Расулуллоҳ ﷺ дедилар: «..Кимки уларнинг (мусулмонларнинг) камчилигини қидирса, Аллоҳ ўша одамнинг камчилигини қидиради. Аллоҳ кимнинг камчилигини қидирса, уни уйида шарманда қилади»
Абу Довуд ривояти
(Абу Барза Асламий (р.а).дан)
📚Расулуллоҳ ﷺ дедилар: «..Бир киши сенинг айбингни билиб олиб, юзингга солса, сен унинг айбини билсанг ҳам, юзига солмагин. Қўйиб бер, балоси ўзига, ажри сенга. Ҳеч нарсани сўкмагин...»
Бухорий ривояти
📚Росулуллоҳ ﷺ сафарда эканларида ансорлардан бир аёлнинг туяси қайсарлик қилганида у туясини лаънатлади. Расулуллоҳ ﷺ буни эшитиб қолиб: «Туянинг устидаги юкларни олинглар ва ўзини қўйиб юборинглар, чунки у малъун бўлди» дедилар
Муслим ривояти
(Имрон ибн Ҳусайн (р.а).дан)
14,500
Кун Хадислари

26 Sep, 01:38

КУН ҲАДИСЛАРИ
📚Расулуллоҳ ﷺ дедилар: «Ким бошқа бир кишини кофир ёки Аллоҳ душмани, деб айтса-ю, ўша нарса у кишида бўлмаса, айтувчининг сўзи ўзига қайтади»
Бухорий ва Муслим ривояти
(Абу Зарр (р.а).дан)
📚Расулуллоҳ ﷺ дедилар: «Банда бир кимсани лаънатласа..., лаънат айтилганга боради, агар у лойиқ бўлса унга тегади, лойиқ бўлмаса, айтган кимсага тегади»
Абу Довуд ривояти
(Абу Дардо (р.а).дан)
📚Расулуллоҳ ﷺ дедилар: «Ким биродарини айбласа, то ўзи ҳам ўша айблаган нарсани қилмагунича вафот этмайди»
Имом Термизий ривояти
(Муъоз (р.а).дан)
📚Расулуллоҳ ﷺ дедилар: «Ким биродарининг мактубига унинг изнисиз назар солса, худди дўзах ташига назар солгандек бўлади»
Абу Довуд ривояти
(ибн Аббос (р.а).дан)
📚Расулуллоҳ ﷺ дедилар: «Гап пойлаган одамнинг қулоғига Қиёмат куни эритилган қўрғошин қуйилади»
Табароний ривояти
(ибн Аббос (р.а).дан)
14,768
Кун Хадислари

23 Sep, 01:35

КУН ҲАДИСЛАРИ
📚Расулуллоҳ ﷺ дедилар: «Бирор банда бошқа бир банданинг айбини дунёда беркитадиган бўлса, Аллоҳ таоло Қиёмат кунида унинг айбини беркитади»
Имом Муслим ривояти
(Абу Ҳурайра (р.а).дан)
📚Расулуллоҳ ﷺ дедилар: «Қиёмат куни Аллоҳ ҳузурида ёмон мақомдаги киши шундай кишики, у ўз хотини билан жинсий алоқада бўлиб, бир-бирларининг аъзоларига назар ташлаб, кейин хотинидаги сирларни тарқатади»
Имом Муслим ривояти
(Абу Саид ал-Худрий (р.а).дан)
📚Расулуллоҳ ﷺ дедилар: «Инсонларда икки хислат борки, улар ана шу икки хислат билан куфрдадирлар: насабини ҳақорат қилиш ва маййитга баланд овоз билан йиғлаш»
Имом Муслим ривояти
(Абу Ҳурайра (р.а).дан)
📚Расулуллоҳ ﷺ дедилар: «Агар бир киши одамлар ҳалок бўлди (яъни, бузилиб кетди), деса, ўша кишининг ўзи ҳаммадан кўпроқ халок бўлгувчидир»
Имом Муслим ривояти
(Абу Ҳурайра (р.а).дан)
12,867
Кун Хадислари

19 Sep, 01:23

КУН ҲАДИСЛАРИ
📚Расулуллоҳ ﷺ дедилар: «Мендан эмас хасадчи, чақимчи, коҳин. Ва мен ҳам улардан эмасман»
Имом Табароний ривояти
(Абдуллох ибн Буср (р.а).дан)
📚Расулуллоҳ ﷺ дедилар: «Инсонлар бир-бирларига ҳасад қилмасликда бардавом бўлсалар, яхшилик узра бардавом бўладилар»
Имом Табароний ривояти
(Абу Ҳурайра (р.а).дан)
📚Расулуллоҳ ﷺ дедилар: «Мен осмонга кўтарилганимда (Меърож кечасида) бир қавмнинг олдидан ўтдим. Уларнинг мисдан тирноқлари бўлиб, юзлари ва кўкракларини тирнашар эди. Шунда мен: «Эй Жаброил, анавилар ким?» десам, у зот: «Улар кишилар гўштини еб (яъни, ғийбат қилиб), обрўларига бўҳтон қилишарди», дедилар»
Абу Довуд ривояти
(Анас (р.а).дан)
12,935
Кун Хадислари

16 Sep, 01:27

КУН ҲАДИСЛАРИ
📚Расулуллоҳ ﷺ дедилар: «...Айтаётган нарсанг биродарингда бўлса, ғийбат қилибсан. Агар айтаётган нарсан биродарингда бўлмаса, унда бўҳтон қилибсан»
Имом Муслим ривояти
(Абу Ҳурайра (р.а).дан)
📚Расулуллоҳ ﷺ дедилар: «Ҳасаддан четланинглар. Чунки олов ўтин ёки ўт-хашакларни еганидек, ҳасад ҳам яхши амалларни еб битиради»
Абу Довуд ривояти
(Абу Ҳурайра (р.а).дан)
📚Расулуллоҳ ﷺ дедилар: «Бир банданинг ичида иймон билан ҳасад жамъ бўлмайди»
Имом Насаий ривояти
(Абу Ҳурайра (р.а).дан)
📚Расулуллоҳ ﷺ дедилар: «(Ғийбатни) эшитувчи ҳам ғийбатчининг биридир»
Имом Табароний ривояти
📚Расулуллоҳ ﷺ дедилар: «Одамларнинг қўлидаги нарсаларга кўз тикма. Таъмадан эҳтиёт бўл, чунки у фақирлик келтиради...»
Ҳоким ва Байҳақий ривояти
(Саъд ибн Абу Ваққос (р.а).дан)
15,567
Кун Хадислари

12 Sep, 02:34

КУН ҲАДИСЛАРИ
📚Расулуллоҳ ﷺ дедилар: «Кўп кулманглар! Чунки, кўп кулиш қалбни ўлдиради»
Ибн Можа ривояти
(Абу Ҳурайра (р.а).дан)
📚Расулуллоҳ ﷺ дедилар: «Биродарингга мусибат етганда хурсанд бўлма! Борди-ю, хурсанд бўлсанг, Аллоҳ унга раҳм қилиб мусибатдан халос этади, ўзингни эса мусибатга солиб қўяди»
Имом Термизий ривояти
(Восила ибн Асқаъ (р.а).дан)
11,729
Кун Хадислари

09 Sep, 01:35

КУН ҲАДИСЛАРИ
📚Расулуллоҳ ﷺ дедилар: «.. Уч нарса ҳалок қилувчидир:
1.ўз бахиллигига бўйсуниш
2.ҳавойи нафсга эргашиш
3. кишининг ўзидан ғурурланиши»
Табароний ва Байҳақий ривояти
(Ибн Умар (р.а).дан)
📚Расулуллоҳ ﷺ бир кишининг бошқа бировни мақтаб, маддоҳлик қилаётганини эшитиб қолдилар ва: «Ўша одамни ҳалок қилдиларинг ёки белини уздиларинг», дедилар»
Бухорий ва Муслим ривояти
📚Расулуллоҳ ﷺ нинг Азбо номли туялари билан бирорта туя мусобақалаша олмас эди. Балки мусобақалашишга яқинлаша олмасди ҳам., бир аъробий туясига ўтириб олиб, Расулуллоҳнинг ﷺ ўша туяларидан ўзиб кетди. Бу воқеъа мусулмонларга оғир ботди. Расулуллоҳ ﷺ уларнинг хафа бўлганларини билиб: «Дунёда бирор нарса баланд бўлса, Аллоҳ уни пасайтирур», дедилар»
Бухорий ривояти
(Анас (р.а).дан)
12,128
Кун Хадислари

05 Sep, 01:31

КУН ҲАДИСЛАРИ
📚Расулуллоҳ ﷺ дедилар: «Кимки бу дунёда шуҳрат либосини кийса, Қиёмат Куни Оллоҳ унга хорлик либосини кийдириб, унга ўт ёқдириб қўяди»
Ибн Можа ривояти
📚Расулуллоҳ ﷺ дедилар: «Кимнинг қалбида хардал уруғининг бир мисқолича кибр бўлса, Оллоҳ ундай одамни дўзах ўтига улоқтиради»
Имом Аҳмад ривояти
📚Расулуллоҳ ﷺ дедилар: «Кимки кишилар унинг учун саф бўлиб ўринларидан туришларини яхши кўрса, жойини дўзахдан тайёрласин»
Абу Довуд ривояти
📚Расулуллоҳ ﷺ дедилар: «..Кибр — ҳақни қабул қилмаслик ва одамларни менсимасликдир»
Имом Муслим ривояти
(ибн Масъуд (р.а).дан)
📚Расулуллоҳ ﷺ дедилар: «Уч тоифа кишилар борки, Аллоҳ таоло Қиёмат куни улар билан гаплашмайди ва покламайди. Уларга қарамайди хамда улар учун аламли азоб бордир.
1) Зинокор қария.
2) Ёлғончи подшоҳ.
3) Мутакаббир камбағал»
Имом Муслим ривояти
(Абу Ҳурайра (р.а).дан)
9,811
Кун Хадислари

02 Sep, 01:35

КУН ҲАДИСЛАРИ
📚Расулуллоҳ ﷺ дедилар: «Киши гердайиб юришда бардавом бўлади, ҳаттоки, шафқатсиз золимлар қаторига ёзилади. Ва уларга келган азоб бу кишига ҳам келади»
Имом Термизий ривояти
(Салама ибн Акваъ (р.а).дан)
📚Расулуллоҳ ﷺ дедилар: «...қалбида хантал уруғи мисқолича кибри бор бирор киши жаннатга кирмайди»
Имом Муслим ривояти
(Абдуллоҳ (р.а).дан)
📚Расулуллоҳ ﷺ дедилар: «...Сизларга аҳли дўзах кимлар эканини айтайми? Улар қўпол, дағал, гердайиб юрувчи мутакаббирлардир»
Бухорий ва Муслим ривояти
📚Расулуллоҳ ﷺ дедилар: «Аллоҳ таоло: «Азизлик изорим, кибрлик эса ридоимдир (яъни бу икки сифат менга хосдир). Кимки менинг бу сифатларим устида мен билан низо қилса, уни азобимга гирифтор қиламан» деди
Имом Муслим ривояти
(Абу Ҳурайра (р.а).дан)
13,371
Кун Хадислари

29 Aug, 01:35

КУН ҲАДИСЛАРИ
📚Расулуллоҳ ﷺ дедилар: «Қадарни дуодан ўзга ҳеч нарса рад қила олмайди»
Имом Аҳмад ривояти
(Савбон (р.а).дан)
📚Расулуллоҳ ﷺ дедилар: «Аллоҳ таолога бирор нарса дуодан кўра қадрлироқ эмасдир»
Имом Термизий ривояти
(Абу Ҳурайра (р.а).дан)
📚Расулуллоҳ ﷺ дедилар: «…Аллоҳ ҳаёли Карим, саховатли зотдир. Бандаси Унга қўлларини кўтарган пайтда уларни қуруқ-бўш қайтаришдан ҳаё қилади»
Имом Термизий ривояти
(Салмон Форисий (р.а).дан)
📚Расулуллоҳ ﷺ дедилар: «Беморларни зиёрат қилинглар ва улардан ҳаққингизга дуо қилишларини сўранглар. Чунки касалнинг дуоси фаришталарни дуоси каби мустажобдир..»
Имом Байҳақий ривояти
(Анас (р.а).дан)
📚Расулуллоҳ ﷺ дедилар: «Мазлумнинг дуосидан сақланинглар. Зеро У булутларга кўтарилади. Аллоҳ "Иззатимга ва Улуғлигимга қасамки, гарчи озгинадан кейин бўлсада сенга албатта ёрдам бераман" дейди»
Табароний ривояти
12,292
Кун Хадислари

26 Aug, 01:35

КУН ҲАДИСЛАРИ
📚Расулуллоҳ ﷺ дедилар: «Кимни дуоси қабул бўлишини ва дард ғамларнинг кетишини ҳоҳласа, қийин аҳволдаги бирор кишини қувонтирсин»
Имом Термизий ривояти
(Ибн Умар (р.а).дан)
📚Расулуллоҳ ﷺ дедилар: «Ким Аллоҳга дуо қилиб сўрамаса, Аллоҳ унга ғазаб қилади»
Имом Термизий ривояти
(Абу Ҳурайра (р.а).дан)
📚Расулуллоҳ ﷺ дедилар: «Кимнинг қийинчилик ва ғам-ғусса пайтидаги дуосини Аллоҳ таоло қабул қилиши хурсанд қилса, фароғат пайти дуони кўпайтирсин»
Имом Термизий ривояти
(Абу Ҳурайра (р.а).дан)
8,450

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.