Adliya yangiliklari/Новости юстиции

#Adliya_xabari

Oʻzbekiston delegatsiyasi Yaponiyada davlat tashkilotlari vakillari bilan qator uchrashuvlar oʻtkazdi

Soʻnggi yillarda Oʻzbekistonda mavjud byurokratik toʻsiqlarni qisqartirish va aholiga davlat xizmatlarini koʻrsatish tizimini yaxshilash boʻyicha keng koʻlamli maʼmuriy islohotlar amalga oshirilmoqda.

Ushbu sohadagi islohotlarni yanada takomillashtirish maqsadida Adliya vazirligi, Oliy sud va Huquqni muhofaza qilish akademiyasi, Toshkent davlat yuridik universiteti vakillaridan iborat delegatsiya Yaponiya tomonining taklifiga asosan xizmat safarida boʻlib qaytdi. Delegatsiya aʼzolari maʼmuriy tartib-taomillar toʻgʻrisidagi qonunchilikni amaliyotga toʻgʻri tatbiq etish, davlat organlarining jismoniy va yuridik shaxslar bilan boʻlgan munosabatlarida qonuniylik va shaffoflik taʼminlanishida davlat xizmatchilarining professional korpusini yaratish boyicha xorijiy tajriba bilan tanishdi.

Xususan, Yaponiya Adliya vazirligining Xalqaro hamkorlik va Maʼmuriy huquq departamentlari, Yaponiya Patent agentligi, Raqamlashtirish agentligi, Yaponiya Umumiy ishlar va kommunikatsiyalar vazirligi, Nagoya universiteti, Huquqiy tadqiqotlar markazi hamda Nagoya shahar hokimligi vakillari bilan uchrashuvlar oʻtkazildi.

Muloqotlar davomida Yaponiya davlat tashkilotlari tomonidan maʼmuriy tartib-taomillar toʻgʻrisidagi qonunchilik hamda ularning amaliyotda qoʻllanilishi, maʼmuriy aktlar ustidan shikoyat berish tartiblari, apellyatsiya kengashlari faoliyati, raqamlashtirish sohasida amalga oshirilayotgan ishlar toʻgʻrisida batafsil maʼlumotlar berildi.

📌 Kanalga ulanish

#OAV_biz_haqimizda

Adliya vazirligi tashabbusi bilan Zarbdor tumanida “Adliya sayli” oʻtkazildi

📌 Kanalga ulanish

#Huquqiy_mahalla

“Beshrabot” — “Huquqiy mahalla”

Adliya vazirligi tomonidan “Huquqiy mahalla” loyihasi amalga oshirilmoqda. Navoiy viloyatida ham bu boradagi ishlar avjida. Loyiha doirasida hududning Navbahor tumani “Beshrabot” mahallasi tanladi. Mahalla aholisi 3 ming nafardan ortiq, xonadonlar soni 692 ta, 30 yoshgacha boʻlganlar 1,5 ming nafarni tashkil etadi.

Adliya boshqarmasi jamoasi, ishchi guruh aʼzolari mahalla hududida fuqaro murojaatlarini oʻrganmoqda. Aholini qiynayotgan asosiy masalalar kadastr va shaxsga doir hujjatlarni rasmiylashtirish, bandlik, subsidiya olish, taʼlim krediti, uy-joy taʼmiri, moddiy yordam hamda oilaviy munosabatlar bilan bogʻliq.

Soha vakillari uyma-uy yurish jarayonida aholining ijtimoiy va huquqiy masalalariga yanada oydinlik kiritib, muammolarni alohida tartibda turkumladi. Shuningdek, huquqiy savolnoma ham oʻtkazildi.

📌 Kanalga ulanish

#Adliya_hudud

Adliya xodimlari mahallalarda

Toshkent shahar adliya boshqarmasi tomonidan „Adliya kuni“ tadbirlari doirasida poytaxtning Shayxontohur tumani „Gulobod“ MFYda aholi uchun sayyor qabul oʻtkazildi.

Sayyor qabulda 30 ga yaqin fuqarolar ishtirok etishib, ulardan 10 ga yaqin murojaat kelib tushdi. Shundan 3 ta murojaatga joyida huquqiy tushuntirish berildi, 2 ta murojaat boʻyicha sayyor davlat xizmatlari koʻrsatildi. Qolgan murojaatlar ish yurituviga qabul qilindi.

Jumladan, meros rasmiylashtirilmagan va bugungi kunga qadar mulk huquqi eʼtirof etilmagan 6 nafar fuqaroning murojaati yuzasidan notarius tomonidan huquqiy tushintirish berilib, merosni rasmiylashtirish boyicha fuqarolarning arizalari qabul qilindi.

📌 Kanalga ulanish

#Huquqiy_mahalla

“Huquqiy mahalla” loyihasi doirasida aholining koʻp yillik huquqiy muammolari hal etilmoqda

Asrorbek Mamirovning 3 nafar singlisiga tugʻilganlik haqidagi guvohnoma oʻz vaqtida olinmagan. Singillardan biri 26 yoshda, biri 18, yana biri 16 yosh. Ular hujjatsizlik oqibatida na bogʻchaga bora olgan, na maktabda oʻqiy olgan.

Katta singil turmushga chiqishi kerak boʻlgan vaqtda yana shu hujjatsizlik pand berdi. Rasmiy nikohdan oʻtish uchun pasport kerak. Boʻlmasa nikohni qonuniy qayd etishning imkoni yoʻq. Shu muammolar qarshisida turgan Asrorning oilasiga “Huquqiy mahalla” loyihasidagi masʼullar yordamga keldi.

📌 Kanalga ulanish

#Bir_murojaat_izidan

Adliya aralashuvi bilan bir oilaning muammosi oʻz yechimini topdi

Mamlakatimizda jismoniy va yuridik shaxslarning murojaatlari bilan ishlash tizimi tubdan takomillashtirilib, fuqarolarning bu boradagi huquq va manfaatlari taʼminlab kelinmoqda.

Xususan, Maftuna Milibayeva Yangi Namangan tumani fuqarolik holati dalolatnomalarini yozish boʻlimiga murojaat qilib, 1998-yilda tugʻilganligini, 26 yoshga yetgan boʻlsa-da hozirga qadar tugʻilganlik guvohnomasi olmaganligini, bu borada bir necha marotaba davlat idoralariga murojaat qilganligini, biroq murojaati ijobiy yechim topmaganligini bayon qilib, bu borada amaliy yordam berishni soʻragan.

Uning murojaatiga asosan, kerakli maʼlumotlarni olish maqsadida tashkilot va muassasalarga aloqa xati bilan murojaat qilindi. Barcha maʼlumotlar olinib, M.Milibayevaning tugʻilishi qayd etildi.

Tugilishi qayd etilib tugʻilganlik guvohnomasi berilgandan soʻng, fuqarolik pasporti olishda amaliy yordam koʻrsatildi. Unga fuqarolik pasportini olingandan keyin, 2018, 2020 va 2022-yil tugʻilgan farzandlari ham tugʻilishi qayd etilib, guvohnomalari berildi. Shu bilan bir oilaning 4 nafar aʼzosini yillar davomida qiynab kelayotgan muammoga barham berildi.

📌 Kanalga ulanish

#Qonunchilikdagi_yangiliklar

Oʻzbekiston Respublikasi Adliya vazirligi tomonidan Bojxona toʻlovlarini toʻlashning bosh taminotini qoʻllash tartibi toʻgʻrisidagi nizom (roʻyxat raqami 3579, 2024 yil 21-noyabr) davlat roʻyxatidan oʻtkazildi.

Ushbu Nizomda bojxona toʻlovlarini toʻlashning bosh taminotini qoʻllash tartibi belgilandi.

Bojxona toʻlovlarini toʻlashning bosh taminoti ayni bir shaxs tomonidan muayyan vaqt ichida bir nechta bojxona operatsiyalarini bajarish chogʻida yuzaga keladigan bojxona toʻlovlarining toʻlanishini bank kafolatini taqdim etish, sugʻurtalash yoki tovarlarni garovga qoʻyish orqali taʼminlash hisoblanadi.

Toʻlovchi bosh taʼminotni Bojxona kodeksining 336, 337 va 338-moddalarida belgilangan hollarda yuzaga keladigan bir yoki bir nechta majburiyat boʻyicha istalgan vaqtda taqdim etishi mumkin.

Bosh taʼminot:
➖taʼminlov hujjatlarining (bank kafolati, sugʻurta polisi yoxud garov shartnomasi) amal qilish muddatlari toʻlovchining bojxona toʻlovlarini toʻlash muddatlaridan koʻp boʻlganda;
➖bojxona toʻlovlari bosh taʼminot hisobidan undirilishi mumkin boʻlganda qabul qilinadi.

Bosh taʼminotni qabul qilish uchun ariza Bojxona qoʻmitasiga yozma yoki uning rasmiy veb-sayti orqali elektron tarzda berilishi mumkin.

Bojxona qoʻmitasi tomonidan ariza 10 ish kuni ichida koʻrib chiqiladi hamda bosh taʼminotni qabul qilish yoki uni qabul qilishni rad etish haqida qaror chiqariladi.

Bosh taʼminotni qabul qilish haqidagi arizani koʻrib chiqish hamda bosh taʼminotni qabul qilish haqida qaror chiqarish uchun yigʻim undirilmaydi.

📌 Kanalga ulanish

#OAV_biz_haqimizda

Adliya vazirligi tashabbusi bilan Zarbdor tumanida sayyor qabul tashkil etildi

📌 Kanalga ulanish

#Qonunchilikdagi_yangiliklar

Oʻzbekiston Respublikasi Adliya vazirligi Ish beruvchilar tomonidan fuqarolarning shaxsiy jamgʻarib boriladigan pensiya hisobvaraqlariga majburiy jamgʻarib boriladigan pensiya badallarini hisoblash va toʻlash tartibi toʻgʻrisidagi nizom (roʻyxat raqami 3577, 20.11.2024-y.) davlat roʻyxatidan oʻtkazdi.

Ushbu Nizomda ish beruvchilar tomonidan fuqarolarning shaxsiy jamgʻarib boriladigan pensiya hisobvaraqlariga majburiy jamgʻarib boriladigan pensiya badallarini hisoblash va toʻlash tartibi belgilangan.

Xususan ish beruvchilar fuqarolarning jamgʻarib boriladigan pensiya hisobvaraqlariga pensiya badallarini byudjetga jismoniy shaxslardan olinadigan daromad soligʻini toʻlash bilan birgalikda jismoniy shaxslardan olinadigan daromad soligʻini toʻlash uchun belgilangan muddatlarda ajratadi.

Bunda, ish beruvchi har oyda hisobot oyidan keyingi oyning 15-kuniga qadar jamgʻarib boriladigan pensiya badallari oʻtkazilgan har bir toʻlov hujjati summasiga alohida, shaxsiy jamgʻarib boriladigan pensiya hisobvaraq raqamlari, har bir xodimning familiyasi, hisoblangan ish haqi va jamgʻarib boriladigan pensiya badallari summasi koʻrsatilgan holda xodimlar reyestrlarini elektron hujjat sifatida shakllantirib, tegishli Xalq banki filialiga taqdim etishi yoki uni Yagona interaktiv davlat xizmatlari portali orqali elektron bazasiga yuborishi shart.

Maʼlumot uchun: “Fuqarolarning jamgʻarib boriladigan pensiya taʼminoti toʻgʻrisida”gi Qonunning 10-moddasida, jismoniy shaxslarning qonunchilikka muvofiq hisoblab chiqarilgan daromad soligʻining tegishlicha kamaytirilgan summasi hisobiga jamgʻarib boriladigan majburiy pensiya badallarini ish beruvchi har oyda toʻlab borishi nazarda tutilgan.

📌 Kanalga ulanish

#Ochiq_adliya

⚠️ Adliya organlari tizimida korrupsiyaga qarshi murosasiz kurash e'lon qilingan.

📲 Bunda Adliya vazirligi tizimidagi, jumladan:

▫️adliya boshqarmalari va bo‘limlari;
▫️yuridik xizmat ko‘rsatish markazlari;
▫️FHDY organlari;
▫️davlat xizmatlari markazlari;
▫️"O‘zarxiv" agentligi va uning hududiy tuzilmalari;
▫️X. Sulaymonova nomidagi Respublika sud-ekspertiza markazi va uning hududiy bo‘linmalari;
▫️“Adolat” milliy huquqiy axborot markazi;
▫️Personallashtirish agentligi;
▫️Adliya organlari va muassasalarida axborot-kommunikatsiya texnologiyalarini rivojlantirish markazi;
▫️Intellektual mulk markazi;
▫️davlat notarial idoralari va arxivlari;
▫️Yuristlar malakasini oshirish markazi;
▫️Toshkent davlat yuridik universiteti;
▫️Yuridik texnikumlar;
▫️TDYU qoshidagi akademik litseydagi korrupsiya holatlari haqida ma'lumotlarni Telegramdagi @antikorbot botiga, (71) 207-04-64 (1321 yoki 1323) telefon raqamiga yoki vazirlik rasmiy veb-saytidagi maxsus platformaga yuborish mumkin.

❗️Yuborilgan xabarlar belgilangan tartibda ko‘rib chiqiladi hamda murojaat qiluvchining shaxsi sir saqlanishi kafolatlanadi.

📌 Kanalga ulanish

#OAV_biz_haqimizda

Axborot 24 | Huquqiy sinflar tashkil qilinmoqda

📌 Kanalga ulanish

#Adliya_xabari

Adliya vaziri oʻrinbosari BMTning Bola huquqlari boʻyicha qoʻmitasining sobiq raisi Renate Vinter xonim boshchiligidagi delegatsiyani qabul qildi

👉Batafsil

📌 Kanalga ulanish