Ulysmedia.kz

Қазақстан мен Ресей мұнай жеткізуге қатысты келісімді ұзартпақ

Қазақстан мен Ресей мұнай және мұнай өнімдерін жеткізу саласындағы ынтымақтастықты жалғастырады.

▪️МИНИСТРЛІК МӘЛІМДЕМЕСІ
 
Ақпаратқа сәйкес, қазір Қазақстан мен Ресей Үкіметтері арасында жасалған 2010 жылдың 9 желтоқсанындағы Қазақстанға мұнай және мұнай өнімдерін жеткізу саласындағы сауда-экономикалық ынтымақтастық туралы келісімнің қолданылуын 2024 жылғы 1 қаңтардан 2028 жылғы 1 қаңтарға дейін ұзарту (қайта бастау) рәсімдері жүргізіліп жатыр.

- Мұнай және мұнай өнімдерін жеткізу туралы келісім аясында бажсыз жеткізу жағдайында ресейлік мұнай өнімдерін импорттау мүмкіндігі бар, – делінген Энергетика министрлігі хабарламасында.

https://qaz.ulysmedia.kz/news/22810-kazakstan-men-resei-munai-zhetkizuge-katysty-kelisimdi-uzartpak/

☑️Ұлысқа жазылыңыз

Халықаралық қылмыстық сот Израиль премьер-министрі Биньямин Нетаньяху мен бұрынғы қорғаныс министрі Йоав Галлантқа Газа секторында әскери қылмыстар жасағаны үшін айып тағып, тұтқындау ордерін шығарды.

📲Оқиғаларыңыз болса редакцияның +7 705 729 9700 нөміріне хабарласыңыздар.

☑️Ұлысқа жазылыңыз

Алматыда 55 жылдық тарихы бар Оқушылар үйі жаңа ғимаратқа ие болады

Бостандық ауданын аралау барысында Алматы әкімі Ерболат Досаев қосымша білім беру мәселесінің шешімімен, оның ішінде жеке капиталдың қатысуымен танысты. Әкім Вахтангов көшесіндегі №3 Оқушылар үйінің жаңа ғимаратының құрылыс алаңында болды.

Қаланың құрылыс басқармасының басшысы Алмас Шабдарбаев нысанның 80 пайыздық дайын екенін баяндады. Бұрынғы апатты деп танылған жерде заманауи екі қабатты ғимарат салынуда, шығармашылыққа арналған 12 кабинет, дәрісханалар, тіпті ауланың ішіндегі бақ та болады. 

Апта сайын оқушылар үйінде 5-17 жас аралығындағы 2 мың бала оқи алады. Олар үшін дебат клубы, бағдарламалау, 3D-модельдеу, құрастыру, фото-, видеомонтаж бойынша үйірмелер жұмыс істейді. Балалар шешендік, сәндік-қолданбалы және бейнелеу өнерін меңгереді. 

Құрылысшылардың айтуынша, олар келесі жылдың 15 қаңтарына дейін  нысанның «кілтін» тапсыруға ниетті.

Толығырақ

☑️Ұлысқа жазылыңыз

Бұрынғы LRT компаниясы жүздеген миллионға Астана шетіндегі жер учаскелерін сатып жатыр

Жер учаскелерінің саудаға шығарылғаны жөнінде хабарландыру электронды сауда-саттық алаңында жарияланды.

Атап айтқанда Астанадағы құрылыс әлі түспеген Нұра, Есіл, Сарыарқа ауданындағы жер учаскелері электронды сауда-саттық алаңына шығарылған. Жүздеген гектар жер учаскелелерінің ең қымбаты 1,2 млрд теңгеге барады. 40, 100, 200, 300 млн теңгеге бағаланған жер учаскелері де бар. 

Аумақтардың кейбірі жер учаскесі деп көрсетілсе, кейбірінің мақсаты ауыл шаруашылығын жүргізу үшін деп көрсетілген. Жер учаскелерінің иесі әрі сатушысы – City Transportation Systems компаниясы (бұрынғы Астана LRT).

Хабарландыруда жер учаскелерінің құжаттары, актісі, тіркелген құқық иесі жөнінде анықтамасы қоса берілген. Жер учаскелерін сату бойынша аукцион биыл желтоқсан айында өткізіледі.

https://qaz.ulysmedia.kz/news/22799-buryngy-lrt-kompaniiasy-zhuzdegen-millionga-astana-shetindegi-zher-uchaskelerin-satyp-zhatyr/

☑️Ұлысқа жазылыңыз

Алматыда тапа-тал түсте ер адам автобус бақылаушысын пышақтап кетті

Алматының Наурызбай ауданында полиция қызметкерлері қоғамдық көліктің бақылаушысына пышақпен шабуыл жасаған 38 жастағы ер адамды ұстады.

▪️МӘН-ЖАЙЫ

Қылмыс қоғамдық көліктің соңғы аялдамасында болған.
Қоғамдық көліктің бірінің бақылаушысы өтіп бара жатқан адамға белгіленбеген жерде темекі шекпеу туралы ескерту айтқан, салдарынан ер адамдар арасында жанжал шыққан.
Содан кейін өтіп бара жатқан адам автобусқа жүгіріп кіріп, қарсыласын пышақтап кеткен.

▪️ЖӘБІРЛЕНУШІ АУРУХАНАДА

“Жедел жәрдем” бригадасы қоғамдық көліктің бақылаушысын шұғыл түрде ауруханаға жеткізді. Аталған дерек бойынша қылмыстық іс қозғалды. Күдікті “ізін суытпай” ұсталды. Ол уақытша ұстау изоляторына қамалды.

https://qaz.ulysmedia.kz/news/22801-almatyda-tapa-tal-tuste-er-adam-askhana-pyshagymen-avtobus-bakylaushysyna-pyshak-ala-zhugirdi/

☑️Ұлысқа жазылыңыз

Қазақстандықтар несиелік қабілетін онлайн бақылай алады

EGov Mobile мобильді қосымшасында «Кредиттік және сақтандыру тарихы бойынша нұсқаулық» атты жаңа сервис іске қосылды. Енді пайдаланушылар өздерінің несие алу және сақтандыру тарихын қадағалап, жалпы кредиттік қабілеттілік деңгейін онлайн бағалай алады.

«Ұлттық ақпараттық технологиялар» акционерлік қоғамы дерегінше, сервис «Кредиттеу» және «Сақтандыру» атты бөлімдерден тұрады. Бұл бөлімдерде пайдаланушы бұрын алған несиелері мен сақтандыру қызметтері туралы АО «Мемлекеттік несие бюросының» деректеріне негізделген өзекті ақпарат ұсынылған.

Толығырақ: https://qaz.ulysmedia.kz/news/22796-kazakstandyktar-nesielik-kabiletin-onlain-bakylai-alady/

☑️Ұлысқа жазылыңыз

Қызылордада секс құлдыққа түскен оқушы: бес қылмыстық істің тергеуі аяқталды

Ішкі істер министрі Ержан Сәденов Қызылорда облысындағы жыныстық құлдыққа түскен 16 жастағы оқушының ісі бойынша жаңа мәліметтерді жариялады.

▪️СӘДЕНОВ НЕ ДЕЙДІ

Сәденовтің айтуынша, іс бойынша күдікті 13 адам бар. Олардың саны өзгермеген.

– 9 қылмыстық істің 5-і аяқталды. Жалпы бірнеш іс қаралып жатыр. Соңында істер сотқа жіберіліп, нүкте қоямыз, - деді министр.

https://qaz.ulysmedia.kz/news/22794-kyzylordada-seks-ku-ldykk-a-tusken-okushy-bes-kylmystyk-istin-tergeui-aiaktaldy/

☑️Ұлысқа жазылыңыз

Жақын танымаймын – Әшімбаев Перизат Қайрат жайлы

Сенат төрағасы Мәулен Әшімбаев Biz Birgemiz Qazaqstan қорының ұсталған басшысы Перизат Қайрат жөнінде сұраққа жауап берді. Ол оны тым жақын танымайтынын айтты.

▪️ӘШІМБАЕВ НЕ ДЕЙДІ

Әшімбаев түрлі іс-шараларға жиі қатысатынын түсіндірді. Ондай орындарда көп адаммен кездесетінін айтады. Сөзінше, ол Перизат Қайратпен тығыз қарым-қатынаста болмаған.  

– Мен онымен жақын таныс емеспін. Мен қоғамдық адам ретінде әртүрлі іс-шараға қатысамын. Осы іс-шараларда әр апта сайын көп адаммен кездесем. Өткен жылдары, мүмкін, ол қандай да бір іс-шараларда болған шығар, бірақ мен онымен тығыз қарым-қатынаста емеспін, - деп атап өтті ол.

Сондай-ақ, ол құқық қорғау органдары бұл іс бойынша тергеу жүргізіп жатқанын айтты. Егер кінәсі дәлелденсе, онда үкім қатаң түрде шығарылатынына сенімді.

https://qaz.ulysmedia.kz/news/22793-zhakyn-tanymaimyn-shimbaev-perizat-kairat-zhaily/

☑️Ұлысқа жазылыңыз

Талғардағы трагедиядан кейін Әленовтің лауазымы қалай көтеріліп кетті – сұрақ министрге қойылды

Ішкі істер министрі Ержан Сәденовтен Алматы облысының полиция департаментін басқарған Бауыржан Әленовтың Талғардағы трагедиядан кейін қызметі қалай өскені сұралды.

Сәденов Әленовті тағайындау шешімі алдын-ала қабылданғанын мойындайды, өйткені министрлікте кадрлық резерв бар. Алайда қол астындағы шенеунікті ол тәжірибелі офицер ретінде сипаттады.

– Бізде кадрлық резерв ұғымы бар, сондықтан бір қылмыс бойынша қызметіне баға беруге болмайды. Оны осы қызметке ұсыну шешімі бұрын қабылданған. Жалпы ол бұл қылмыстың бетініің толық ашылғануына жауапты болды, - деді ІІМ басшысы.

Ол тергеуді тергеуші жүргізіп жатқанын және Әленов бүкіл жағдайды білетінін түсіндірді.

– Қазір менің бақылауымдағы жедел-тергеу тобы құрылды. Менің де жетекшілік ететін орынбасарларым бар, яғни барлығы толық бақылауда, — деді Сәденов.

Толығырақ

☑️Ұлысқа жазылыңыз

Голливуд фильмдерінің қазақша дубляжына бөлінген 443 млн игерілмей бюджетке қайтарылды

Шетелдік фильмдер мен анимацияларды аударуға Қазақстан бюджетінен 2023 және 2024 жылы 443 млн теңгеден бөлінген. Алайда бірде-бір фильм бюджет есебінен аударылмай, қаражат бюджетке кері қайтарылған.

▪️МӘСЕЛЕ ҚАЙДА КӨТЕРІЛДІ

Аталған мәселені Сенатта бүгін депутат Айгүл Қаппарова көтерді. Оның айтуынша, шетелдік 15 блокбастерді қазақ тіліне дубляждауға мемлекеттік қолдауға шамамен жылына 443 млн теңге бөлінеді. Алдағы 2025-2027 жылдары да дубляжға осы мөлшерде қаражат бөлу көзделіп отыр. Алайда 2023-2024 жылдары аталған қаражат игерілмей, толық бюджетке қайтарылған. Яғни, мемлекет есебінен бірде-бір шетелдік фильм қазақ тіліне дубляждалмаған. Яғни, көрерменнің әлем деңгейінде киноматографты ана тілінде көру құқығы ескерілмей отыр. “Бюджетке қаражаттың қайтарылу себебі неде?” деп мәселе көтерді ол.

Толығырақ

☑️Ұлысқа жазылыңыз

2025 жылы білім, денсаулық сақтау және әлеуметтік салаға қанша триллион жұмсалады

Қаржы министрі Мәди Тәкиев Сенаттың жалпы отырысында сөйлеген сөзінде 2025 жылға арналған түсімдер мен тапшылықты ескере отырып, бюджет шығысы өткен жылмен салыстырғанда 1,7 трлн теңгеге ұлғаятынын айтады. Министр жалпы шығын 25,8 трлн теңгені құрайтынын мәлімдеді.

▪️БЮДЖЕТ ШЫҒЫСТАРЫ  

Тәкиевтің айтуынша, таза ауыз сумен қамтамасыз ету, газбен жабдықтау, жылу, электр энергетикасы, көлік инфрақұрылымы, инфрақұрылым жүйесін дамыту, өңірлерді дамыту, сондай-ақ "Ауыл – ел бесігі жобасын" іске асыруға қосымша шығындар қарастырылған.
Министрдің айтуныша, бюджет әлі де әлеуметтік бағытқа көбірек бағдарланған

https://qaz.ulysmedia.kz/news/22785-2025-zhyly-bilim-densaulyk-saktau-zh-ne-leumettik-salaga-kansha-trillion-zhumsalady/

☑️Ұлысқа жазылыңыз

Шымкенттегі базарда арыстанның абданы сатылған: полиция іс қозғады

20 қараша күні полицейлер қаладағы базарлардың бірінің маңында арыстанның абданын сатпақ болған азаматтың әрекетінің жолын кесті.

Жедел уәкілдер жануарды Түркістан облысы тұрғынының автокөлігінің жүк салғышында тапқан.

Жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен заңсыз айналысу жайты бойынша полиция қылмыстық іс тіркеді.

https://qaz.ulysmedia.kz/news/22784-shymkenttegi-bazarda-arystan-abadany-satylgan-politsiia-is-kozgady/

☑️Ұлысқа жазылыңыз

1 қаңтардан бастап екі түрлі жәрдемақының мөлшері өседі: қанша теңгеге

Үкімет әлеуметтік төлемдердің мөлшерін арттыру туралы тиісті қаулыны бекітті.

Құжатқа сәйкес, Қазақстанда еңбекке қабілеттілігінен айырылған және асыраушысынан айырылған азаматтарға берілетін жәрдемақы 2025 жылдың 1 қаңтарынан бастап ұлғаяды. Оларға қазіргі мөлшердің 6,5% қосылады. 

Қаулы 1 қаңтардан бастап күшіне енеді.

2024 жылы жалпы ауру-сырқаттан мүгедектік бойынша мемлекеттік әлеуметтік жәрдемақының мөлшері мынадай соманы құраған:

• І топ үшін – 95 496 теңге;
• ІІ топ – 76 397 теңге;
• ІІІ топ – 52 089 теңге.  

2024 жылдың 1 қазанындағы көрсеткіш бойынша, мүгедектігі бар 542,2 мың қазақстандық жәрдемақы алған.

https://qaz.ulysmedia.kz/news/22782-1-kantardan-bastap-eki-turli-zh-rdemakynyn-molsheri-osedi-kansha-tengege/

☑️Ұлысқа жазылыңыз

Ақсуда 2008 жылы баланы зорлап өлтіріп, қашып кеткен: күдікті Ресейде ұсталды

Қазақстанның Бас прокуратурасы кәмелетке толмаған баланы зорлап өлтірді деп айыпталған күдіктіні Ресейден экстрадициялады.

▪️БАС ПРОКУРАТУРА НЕ ДЕЙДІ

Құзырлы органның хабарлауынша, кәмелетке толмаған баланы алдын ала сөз байласу арқылы зорлағаны және оны өлтіруді ұйымдастырғаны үшін қылмыстық жауаптылыққа тарту мақсатында Ресейден Қазақстан азаматы экстрадицияланған. 

– Аталған тұлға 2008 жылы Павлодар облысы Ақсу қаласындағы пәтерлердің бірінде кәмелетке толмаған баланы зорлаған. Осыдан кейін күдікті жауаптылықтан қорқып, таныстарымен бір топ адам болып әрекет етіп, кәмелетке толмаған баланы күштеп көлікке отырғызып, ауылдық аймаққа алып кеткен. Жол бойында сыбайластардың бірі (бұрын адам өлтіргені үшін сотталған) жәбірленушінің мойнын ұстап, оны тұншықтырып өлтірген. Адам өлтіруді жасыру үшін қаскүнемдер кәмелетке толмаған баланың денесін далаға көмген, – дейді құзырлы орган.

Толығырақ

☑️Ұлысқа жазылыңыз

Зеленский Қырымды дипломатиялық жолмен қайтаруға болатынын мәлімдеді

Президент Владимир Зеленский Украина Ресей аннексиялаған Қырымды қайтару үшін ондаған мың адамды құрбан ете алмайтынын, бірақ оны дипломатиялық жолмен қайтаруға болатынын айтты.

«Сөз 2014 жылдан бастап Путин толыққанды басып кіруге дейін оккупациялаған аумақтар туралы болып отыр. Біз мұны заңды түрде мойындамаймыз. Мұндай жағдайды қабылдамаймыз. Екінші жағынан, Путинді 1991 жылғы шекараға дейін қарумен шегіндіруге жеткілікті күшіміз жоқ екенін түсінеміз», – деді Зеленский Fox News арнасына берген сұхбатында.

«Мен Қырымды дипломатиялық жолмен қайтаруға дайын екенімізді бұған дейін де айтқанмын. Біз Қырымды қайтару үшін ондаған мың азаматтарымызды құрбан ете алмаймыз... Бірақ Қырымды дипломатиялық жолмен қайтаруға болатынын түсінеміз», деді ол.

https://qaz.ulysmedia.kz/news/22779-zelenskii-kyrymdy-diplomatiialyk-zholmen-kaitaruga-bolatynyn-m-limdedi/

☑️Ұлысқа жазылыңыз