U Myint Khaing ( Psychology) @u_myint_khaing_psychology Channel on Telegram

U Myint Khaing ( Psychology)

@u_myint_khaing_psychology

U Myint Khaing (Psychology) (English)

Are you interested in delving into the fascinating world of psychology? Look no further than the U Myint Khaing (Psychology) Telegram channel! This channel, run by the knowledgeable and experienced U Myint Khaing, is dedicated to exploring various aspects of psychology and mental health. Whether you are a student looking to expand your knowledge or simply someone curious about the human mind, this channel has something for everyone. U Myint Khaing shares valuable insights, research findings, and practical tips to help you understand yourself and others better. Join the U Myint Khaing (Psychology) Telegram channel today and embark on an exciting journey of self-discovery and personal growth!

U Myint Khaing ( Psychology)

11 Feb, 14:57

တကယ့်အန္တရယ်
------------

စိတ်ပူတယ်ဆိုတာ
တကယ်တော့ စိတ်က ပူတာ မဟုတ်ဘူး။

စိတ်ထဲမှာ ဖြစ်တဲ့ ကိလေသာတွေကြောင့် ပူတာ။

လူတွေဟာ စိတ်ပူတတ်ကြတယ်။

အဲဒီစိတ်ပူတာတွေဟာ ကိလေသာတွေ မပယ်နိုင်သေးလို့ စိတ်ပူတာပဲဖြစ်တယ်။

တဏှာကို ဖယ်ရှားလိုက်မယ်၊ သံသယကို ဖယ်ရှားလိုက်မယ်။

ကျန်တဲ့ ကိလေသာတွေကို ဖယ်ရှား လိုက်မယ်ဆိုရင်
ဘယ်အတွက်မှ စိတ်ပူစရာမရှိဘူး။

စိတ်နှလုံးဟာ အေးချမ်းသွားမှာပဲ ဖြစ်တယ် ဘယ်အတွက်မှ ဘေးရန်အန္တရာယ်တွေ ဖြစ်နေတာ မရှိတော့ဘူး။

ဘေးရန်ကင်းကွာ,အန္တရာယ်ဆိုတာမရှိတော့ဘူး။

အန္တရာယ်ဆိုတဲ့အထဲမယ် အတွင်းအန္တရာယ်၊ အပြင်အန္တရာယ်လို့ ဒီလို ၂-ခုမှတ်သားရမယ်။

အဲဒီအန္တရာယ် ၂-ခုထဲမှာ အတွင်းအန္တရာယ်က
ပိုကြောက်စရာကောင်းတယ်။

ဆိုလိုတာက လူတွေဟာ အတွင်း အန္တရာယ်ကို
သိပ် မကြောက်ဘူး။

အပြင်အန္တရာယ်ကိုပဲ ကြောက်နေတယ်။ဘေးရန်ဆိုလို့ရှိရင်လည်း အပြင်ကလာတဲ့ဘေးရန်ကိုပဲ ကြောက်တယ်။

အတွင်းမှာရှိတဲ့ရန်က ပိုကြောက်ရမှာဖြစ်တယ်။

ဘာလဲဆိုရင် ကိုယ့်စိတ်မှာ မပယ်နိုင်သေးတဲ့ လောဘတွေ၊ဒေါသတွေ၊ မောဟတွေ။

အဲဒီ ကိလေသာတွေဟာ တကယ့် အန္တရာယ်ပြုမယ့်
ဘေးရန်တွေပဲ ဖြစ်တယ်ပေါ့။

အပြင်ကလာတဲ့ဘေးရန်အန္တရာယ်ဆိုတာ ကိုယ့်ကို အပါယ် ဆွဲမချနိုင်ဘူး။လုံခြုံအောင် နေလို့ရတယ်။
ရှောင်တိမ်းလို့ရတယ်။

အတွင်းရန်ဆိုတာ ရှောင်တိမ်းလို့မရဘူး။

ကိလေသာတွေ ဖယ်ရှားနိုင်အောင် ကြိုးစားမှအတွင်း ရန်ဆိုတာ အေးမယ်။

အဲဒီ အတွင်းရန်အေးမှ ငြိမ်းချမ်းတဲ့အဆင့်ကို
ရောက်နိုင်တယ်။

ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ

crd

ဦးမြင့်ခိုင်
1,448
U Myint Khaing ( Psychology)

08 Feb, 13:28

လှော်ရင်းနစ်နေတဲ့ နိုင်ငံ
----------------

မြန်မာနိုင်ငံ သာသနာတော်ရဲ့ခေတ်အဆက်ဆက်မှာ သီလထက် ဒါနဘက် အားသန်လာလိုက်ကြတာ။

ရှင်ဘုရင်တွေ မိဖုရားတွေကအစ၊ မှူးကြီးမတ်ရာ သေနာပတိတွေအလယ်၊ မုဆိုးမအဆုံး အုန်းအုန်းကျွတ်ကျွတ်နဲ့ ဘုရားတွေတည်၊ ကျောင်းတွေဆောက်နဲ့ ဒါနဘက် အားသန်လာလိုက်ကြတာ။

သီလစောင့်ရတာနဲ့စာရင် ဒါနပြုရတာက လွယ်တယ်ကိုး၊ ဒီလိုနဲ့ ဘုန်းကြီးတွေရော လူတွေပါ သီလဘက်ကို မစဉ်စားနိုင်တာပဲ။

ဒီအတိုင်းလာခဲ့ကြလို့ သာသနာနဲ့နိုင်ငံဟာ ကမ္ဘာကိုရင်ဘောင်မတန်းနိုင်ဘဲ လှော်ရင်းနစ်လာခဲ့ကြရတယ်။

အရှင်ဇနကာဘိဝံသ
တောင်မြို့ မဟာဂန္ဓာရုံဆရာတော်ကြီး

crd

ဦးမြင့်ခိုင်
2,365
U Myint Khaing ( Psychology)

07 Feb, 14:19

သွားကြည့်ကြပါဦးလား
---------=--------

မြန်မာနိင်ငံမှာ လူဦးရေ သန်း
၅ဝ ကျော်ရှိပါတယ်
လူတွေစောင့်ထိမ်းအိပ်တဲ့ငါးပါးသီလမလုံခြုံတဲ့သူ
များပြီး လုံခြုံတဲ့သူဟာ ၁၀ ရောက်တရောက်နုန်း
မရှိပါဘူး

ရဟန်းသံဃားအရေအတွက် ၅ သိန်းဝန်းကျင်
ရှိပါတယ် အကျင့်ပျက်ရဟန်းဟာ နည်းနည်းလေးပဲရှိပါတယ်
မပြောပလောက်ပါဘူး ဘုရားရှင်လက်ထပ်ကတောင်
ဆဗ္ဗဂီရဟန်းဆိုပြီး အကျင့်ပျက်ရဟန်းတော်တွေ
ရှိခဲ့ပါတယ်

သာမန်သိက္ခာပုဒ်တွေကျုးလွန်တဲ့ ရဟန်းမျိုးကတော့
အနည်းနဲ့အများတော့ရှိမှာပါပဲ ပိုက်ဆံကိုင်တာ
ညနေစာစားတာ ဘောပွဲကြည့်တာလောက်နဲ့တော့
အကျင့်ပျက်ရဟန်းဆိုပြီးမပြောဆိုထိုက်ပါဘူး

အနည်းငယ်သောရဟန်းတော်တွေကိုကြည့်ပြီး
သာသနာတော်ကြီးအတွက် ဘာဖြစ်တယ်
ညာဖြစ်တယ်ဆိုပြီး စိတ်ခုစရာလိုမယ်မထင်ပါဘူး

မြန်မာနိုင်ငံမှာ စာသင်သားအများဆုံးရှိတဲ့

မန္တလေး စစ်ကိုင်း ပခုက္ကူ မြို ့တွေက

မစိုးရိမ်စာသင်တိုက်
မဟာဂန္ဓာရုံစာသင်တိုက်
မဟာဝိသုဒ္ဓါရုံ
မြစင်္ကြာ
စည်ရှင်
မဟာဝိသုတာရာမ

အဲ ဒီစာသင်တိုက်တွေမှာ
စာလိုက်နေကြတဲ့ စာသင်သားတွေရဲ့
တနေ့တာလုပ်ငန်းစဉ်တွေကို
အသေးစိတ်လေ့လာကြည့်ကြစမ်းပါ

ကြည်ညိုစရာကောင်းလွန်းလို့တောင်

အံ့သြလွန်ပြီး သေသွားနိုင်ပါတယ်

ဦးမြင့်ခိုင်

share
2,542
U Myint Khaing ( Psychology)

06 Feb, 13:21

သံသရာနဲ့ချီ ရင်းပြီး
ဝေဘန် စတေးဖို့ မသင့်ပါဘူး
------------------

သင်္ကန်းကို ရိုသေဖို့
တန်ဘိုးထားဖို့ ရေးတဲ့အခါ
သင်္ကန်းဝတ်ပြီး မဟုတ်တာ
လုပ်နေတာ အားမပေးနိုင်ဘူးတဲ့။
အားမပေးခိုင်းပါဘူး။

သင်္ကန်းဝတ်ပြီး
မတော်တရော်လုပ်နေရင်
ကိုယ်တားဆီးနိုင်တာတော့
တားဆီးကြရမှာပေါ့ ။
ဒါက တပိုင်းပါ။

သင်္ကန်း နဲ့ လူ မကွဲတာ
တော်တော်ဆိုးတယ် ။
လူကနေ ရဟန်းမခံပဲ
သင်္ကန်းဝတ်ပြီး
မဟုတ်တာ လုပ်နေပြီဆိုရင်တော့
သာသနာတော်ကို
ကြည်ညိုတဲ့စိတ်နဲ့
ထိုက်သင့်သလို တားဆီးတာ
သဘာဝကျပေမဲ့

ရဟန်းခံပြီးသား
ရဟန်းတပါးကို
သာမန် ဝိနည်း
ချိုးဖျက်တာလောက်နဲ့
ရဟန်းမဟုတ်တော့ဘူး
ဘာဖြစ်တယ် ညာဖြစ်တယ်နဲ့
ဝေဘန်တာဆိုရင်တော့
အဆိပ်ရှိတဲ့မြွေနဲ့
ဆော့ကစားနေတယ်လို့
သဘောပေါက်လိုက်ပါ။
ကိုယ်ပဲ အမြဲရှုံးလိမ့်မယ်။

ကိုယ်က
ရဟန်းဝိနည်းတွေကိုတော့
နားလည်အောင်ကြိုးစားပေါ့။

တကယ်ပဲ
ပါရာဇိက ကျတယ်ပဲထားပါဦး
အဲဒီရဟန်းအတွက်က
ရဟန်းဘဝ
ဆုံးရှုံးတာလောက်ပဲရှိတယ် ။
တရားထူး တရားမြတ်ကို
လူအဖြစ်နဲ့ပြောင်းပြီး
အားထုတ်ရင်
ရနိုင်ပါသေးတယ် ။
နောက်ပြီး
အဲဒီရဟန်းကဝန်မခံမချင်း
သူ့ကို သင်္ကန်းချွတ်လို့မရပါဘူး။

ဘုရားရှင်လက်ထက်က
အဲဒီလို ပါရာဇိကကျတဲ့
ရဟန်းတော်တွေကို
တရားဟောတာ
တချို့ လူထွက်တယ်၊
တချို့ သွေးအံတယ် ၊
တချို့ တရားထူးရသွားကြပါတယ်။

ရဟန်းကိစ္စကို
ရဟန်းတွေ က အပြစ်ပေးတာ
ပိုကောင်းပါတယ်။

ကိုယ်မကျေနပ်တာရှိရင်
အချက်အလက် အပြည့်အစုံနဲ့
သံဃမဟာနာယက အဖွဲ့ကို
တင်ပြတောင်းဆိုတာ
ပိုကောင်းပါတယ် ။

ကိုယ်က
ဝိနည်းတွေနားမလည်ပဲ
ရဟန်းတပါးကို
ဝေဘန်ပုတ်ခတ်တာဆိုရင်တော့
တော်တော်လေး
ပေးဆပ်ရလိမ့်မယ်ထင်တယ်။
သင်္ကန်းနဲ့ လူ ကို
ခွဲခြားပြီးဆက်ဆံကြပါ။

ဒေါသဦးစီးတဲ့ အယူအဆတွေနဲ့
ပြောဆို ဝေဘန် မယ်ဆိုရင်တော့
သာသနာတော်အတွက်လည်း
ဘာမှအကျိုးထူးမှာ မဟုတ်သလို
ကိုယ်ကတော့
တ သံသရာလုံး
နစ်နာသွားလိမ့်မယ်။

( ဦးမြင့်ခိုင် )
2,092
U Myint Khaing ( Psychology)

01 Feb, 13:23

လုပ်မိအောင်လုပ်ပါ
---------------------

ဒါနဆိုတာ
ပိုက်ဆံ ချမ်းသာမှ လုပ်လို့ရတယ်လို့လည်း
မတွက်လေနဲ့။
ကိုယ်စားနေတဲ့အထဲက လှူတာလည်း
ဒါနပဲနော်။

တစ်နေ့ကို ထမင်းတစ်လုပ်လျော့စားလို့
ပိန်တဲ့သူ မရှိပါဘူး။
တချို့ ဝိတ်တောင်ချနေတယ်။
အဲဒီ ဝိတ်ချတဲ့အထဲကလည်း လှူလို့ရတာပဲ။
အဲဒီတော့ ဒါနကောင်းမှုဆိုတာ
လုပ်တတ်ရင် ဖြစ်ပါတယ်။

မြတ်စွာဘုရားက
ဘယ်လောက်ထိ ဟောထားတုန်းဆိုတော့
ကိုယ့်ရဲ့စားကြွင်းစားကျန် အိုးခွက်ကလေးဘာလေး
ဆေးကြောတာကအစ သွန်တဲ့အခါမှာ
" တိရိစ္ဆာန်လေးတွေ စားကြပါစေ " လို့ အာရုံပြုလိုက်ပါတဲ့။
အဲဒီဒါနရဲ့အကျိုးက ကိုယ့်ဆီရောက်တာပဲ။
အဂုင်္တ္တရနိကာယ်၊ ဝစ္ဆဂေါတ္တသုတ်မှာ ဟောထားတယ်။
မြတ်စွာဘုရားက ...
ဒါနနဲ့ပတ်သက်ပြီး အဲဒီလောက်ထိအောင်
ဟောထားတာနော်။

အဲဒီတော့ ဒါနဖြစ်ဖို့ဆိုတာ
ပိုက်ဆံချမ်းသာမှ ဖြစ်တာမဟုတ်ဘူး။
ပိုက်ဆံချမ်းသာမှ ဒါနလုပ်နိုင်တာ မဟုတ်ဘူး။
အားလုံး လုပ်နိုင်ကြတယ်။
ကောင်းပြီ....
ဒါနဆိုတာ လုပ်မိအောင်လုပ်ပါ။
ကိုယ့်အတိုင်းအတာအရ ...
ဒါနဆိုတာ လုပ်ရမယ်။

- ဆရာတော်ဒေါက်တာအရှင်နန္ဒမာလာဘိဝံသ

crd

ဦးမြင့်ခိုင်
3,398
U Myint Khaing ( Psychology)

30 Jan, 15:42

အနောက်တိုင်း ပညာရှင်ကြီးများ၏ ဗုဒ္ဓ ဓမ္မ အပေါ် ရှူ့မြင် သုံးသပ်ချက်
-------------

လက်တွေ့ ကျင့်သုံးနည်းအရ စိတ် စေတသိတ် သို အလုပ်လုပ်ပုံ အကြောင်းကို သဘောပေါက်မှ တကယ့်ချမ်းသာကို လူသားတို့ ရ ရှိကြပေလိမ့်မည်။

လူသားတို့ နေ့စဥ်ကြုံတွေ့နေရသော ဒုက္ခ ပြသနာများကို ဖြေရှင်းပယ်ဖျောက်နိုင်သော အစွမ်းသတ္တိရှိကြောင်း စမ်းသပ်တွေ့ ရှိရပေရာ၊ လူသားအချင်းချင်း မနာလိုမူ့ မုန်းတီးမူ့၊ အထင်မှားမှူ့တို့ကို ဝိပသနာပညာအသိဖြင့် ထိရောက်စွာ ပါယ်ဖျောက်နိုင်ပါသည်။

ဤဖြေရှင်းပယ်ဖျောက်နည်းကို စက် ကိရိယာဖြင့် ပြုလုပ်၍ မရနိုင်ပါ၊ ဝိပသနာနည်းဖြင့်သာ ကျော်လွန်နိုင်ပါသည်။

ရောဘတ်ဟိုးမား
ဒုံးပျံပါရဂူ
အမေရိကန်ပြည်
*******

ယနေ့ကမ္ဘာကြီး၌ ဆိုးရွားလှသောပြသနာများ နှင့်တွေ့ကြုံခံစားနေကြရာ၊ ဗုဒ္ဓ ရှင်တော်မြတ်၏ တရားတော်ကျင့်သုံးနည်းအရ အအေးဓာတ်ပေးရန် အထူးလိုအပ်နေပါသည်။

အမုမြူစစ်ပွဲ ကြီးကား တနေ့တခြားနီးကပ်လာနေပြီ ဖြစ်ရာ လူသားအားလုံး ပျက်ပြုန်းမူ့မှ ကာကွယ်လိုကြပါလျှင် သစ္စာလေးပါးကို
တကမ္ဘာလုံးသိအောင် အလင်းရောင်လမ်းညွန်ပေးမူ့မှ တပါး အခြားနည်းလမ်း မရှိပါ။

မစ္စတာ ဂျွန်ကိုးမင်း
အဂ်လန်
********

ဗုဒ္ဓ ဘာသာ၏ လိုရင်းဖြစ်သော ကိုယ်တွေ့လုပ်ငန်း ကမ္မဋ္ဌာန်းတရားကို ကျွန်ုပ်ထံ မှ တဆင့်ကြားရသူတိုင်း မည်မျှ လေးနက်စွာလက်ခံ၍ စိတ်ထက်သန်စွာဖြင့် အဘယ်ကဲ့သို့သော ကျေနပ် နှစ်သိမ့်မူ့မျိုး ရ ရှိသွားကြပုံကို ဖော်ပြနိုင်ရန် ကျွန်တော့မှာ စကားလုံးများကိုပင် ရှာ ၍ မရနိုင်တော့ပါ။

ဗုဒ္ဓ ဘာသာသည် အားလုံးတို့တွင် အကောင်းဆုံးဘာသာပင် ဖြစ်ကြောင်း အလွယ်တကူ သိရှိနိုင်ပါသည်ဟု တညီတညွတ်တည်း ထုတ်ဖော်ပြောဆိုကြပါသည်။

ဒေါက်တာ လီယွန်အီးရိုက်
ခရစ်ယာမ်ဘာသာပါမေက္ခ(ဟောင်း)
ဝါရှင်တန် မြို့

********

ကမ္ဘာကြီးမှာ အစရှိခဲ့တယ်ဆိုတာ မှတ်ယူဖို့အကြောင်း မရှိခဲ့ပါဘူး၊ အရာဝတ္တူ တွေရဲ့ အစရှိတယ်ဆိုတဲ့ စိတ်ကူးကလည်း စိတ်ကူးစိတ်သန်းခေါင်းပါးလို့ပဲ ဖြစ်ပါတယ်၊ ဒါ့ကြောင့် ကျွန်ုပ်အနေနဲ့ ပထမဦးဆုံးဖြစ်စေတဲ့ အကြောင်းတရားကို ငြင်းခုန်ဖို့ အချိန်မဖြုန်းတော့ပါဘူး။

ကျွန်တော်ဘယ်ဘာသာမှ မကိုးကွယ်ပါဘူး၊ ဒါပေမဲ့ ဘာငါတခုကိုသတ်မှတ်ပြပါ ဆိုရင်တော့၊ ဗုဒ္ဓ ဘာသာကိုပဲ ပြရမှာပါ၊ ဘာဖြစ်လို့လည်း ဆိုတော့၊ လူ့လောကရဲ့ ပညာကို စွဲဆောင်နိုင်စွမ်းရှိလို့ပါပဲ။

ဘာထရမ်ရပ်ဆဲလ်
ဗြိတသျှ ဒသန နှင့် သချ်ာပညာရှင်

ဦးမြင့်ခိုင်
3,760
U Myint Khaing ( Psychology)

30 Jan, 13:34

မမြင်နိုင်တဲ့ ပရလောကသားတွေအတွက် သပြေ ကန့်ကော် ဩဇာ သုံးညွန့်စီထိုးထားကြပါ ကုသိုလ်တော့မရပါဘူး လောကီအကာအကွယ်ပါ

ဦးမြင့်ခိုင်
2,957
U Myint Khaing ( Psychology)

29 Jan, 01:48

တနေ့နေ့တော့
-------------

မင်းတို့ မျက်လုံးနဲ့ ငါ့မျက်လုံး အကြည့်ချင်းဆုံမိရင် ငါ့မျက်လုံးကို ချက်ချင်း ထိုးဖေါက်ပစ်လိုက်လို့ သပိတ်အိုင်ဆရာတော်ဘုရားကြီးက ကြုံးဝါးခဲ့ဘူးတယ်။ စက္ခုန္ဒြေ ကို အဲဒီလောက်ထိလုံအောင်စောင့်ထိမ်းခဲ့တာ။

တကယ်လည်း ရဟန္တာကြီး ဖြစ်သွားခဲ့ရတယ်။

မိုးညှင်းဆရာတော်ဘုရားကြီးလည်း လယ်တီဆရာတော်ဘုရားကြီးဆီမှာ ကမ္မဋ္ဌာန်းနည်းတောင်းတော့လယ်တီဆရာတော်ဘုရားကြီးက ဆယ်နှစ်တိတိ စကားမပြောရဘူးလို့ ကတိတောင်းတယ်၊ မိုးညှင်းဆရာတော်ဘုရားကြီးလည်း ကတိပေးတယ် ဆယ်နှစ်တိတိ စကားမပြောပဲ တရားကျင့်လိုက်တာ တကယ်ပဲ ရဟန္တာကြီး ဖြစ်သွားခဲ့တယ်။

လူတွေနဲ့ မပတ်သတ်ယုံတင်မဟုတ်ဘူး အရာဝတ္တုတွေနဲ့ပါ မပတ်သတ်မှ တရားထူးတရားမြတ်က မြန်မြန်ရနိုင်တာ။

လူ့လောကထဲမှာ နေရတဲ့အခါ သားရေး သမီးရေး စီးပွားရေး ဆွေမျိုးမိသင်္ဂဟ အရေးတွေဟာ များလွန်းလှတယ်။ (ကိုယ်နဲ့ မဖြစ်မနေပါတ်သတ်ရတဲ့လူတွေဟာ အတ္တတွေကြီးတဲ့သူ ဆုံးမခက်သူ ကိုယ့်ကို မယုံကြည်သူ ကျေးဇူးတရားနားမလည်တဲ့သူတွေ ဆိုရင် ပိုဆိုးတယ်) ကူညီရတာ ပေးဆပ်ရတာတွေဟာ အလကားဖြစ်ကုန်ရော။

ဒီလိုနဲ့ပဲ ဘဝတွေဟာ နေဝင်ချိန်ရောက်လာပြီး အသက်တွေကြီး ကျမ္မာရေးတွေညံ့ ကံတွေမွဲ ဉာဏ်တွေထိုင်းလာရတော့တယ် အဲဒီအခါ ရသင့်ရထိုက်တဲ့ မဂ်ဖိုလ် ပါရမီတွေ လွဲချော်ကုန်ကြရော။

တရားထူးရဖို့ကတော့ လွယ်လွယ်နဲ့ မဖြစ်နိုင်ဘူး။

အခုအချိန်မှာ အဲဒီလိုခံနေရတဲ့သူတွေ အများကြီးပဲရှိတယ်။

တနေ့တော့

မိုးညှင်းဆရာတော်ဘုရားကြီး လိုမျိုး ဘယ်သူနဲ့မှ စကားမပြောတာ
သပိတ်အိုင်ဆရာတော်ဘုရားကြီး လိုမျိုး ဘယ်အရာတွေမှ စိတ်မဝင်စားပဲ စက္ခုန္ဒြေစောင့်ထိမ်းနိုင်တဲ့သူမျိုးဖြစ်အောင် ကြုးစားရမယ်။

ဦးမြင့်ခိုင်
3,850
U Myint Khaing ( Psychology)

24 Jan, 04:50

သပြေ ကန့်ကော် ဩဇာ
သုံးညွန့်စီ ပြန်ထိုးထားကြပါတဲ့ မထေရ်မြတ်ကြီးတပါး အိပ်မက်ထဲမှာ လာပြောသွားပြန်ပါတယ်

ဦးမြင့်ခိုင်
4,729
U Myint Khaing ( Psychology)

23 Jan, 15:42

ကိုယ်တွေ့ ဖြစ်ရပ်မှန်
-----------

ပရိတ်ပဋ္ဌာန်းအမြဲတမ်းပူဇော်ဖြစ်တယ် အမျှအတန်းတွေအမြဲတမ်းပေးဖြစ်တယ်။

အမျှဝေဖို့ လာပြောတဲ့အထဲမှာ ပြိတ္တာကြီးတွေဟာ သနားစရာ ကောင်းလွန်းလှတယ်၊ ဆယ်ပေပါတ်လည်လောက်ရှိတဲ့ ခန္ဓာကိုယ်ကြီးတွေနဲ့ ပုံပန်းသဏ္ဌာန်ဟာ အင်မတန် အရုပ်ဆိုးဆိုးကြီးတွေဖြစ်တယ် ခန္ဓာကိုယ်ကြီးသလောက် ပါးစပ်ပေါက်ဟာ ကျဉ်းကျဉ်းလေးတွေပဲ ပါတယ် စားသောက်ဖို့အဆင်မပြေလောက်ဘူး။
အရောင်က ညိုပုပ်ပုပ်အရောင်တွေဖြစ်တယ် ၊ တချို့တွေများခန္ဓာကိုယ်က လူ ခေါင်းက အမည်တပ်ပြီးပြောလို့တောင်မရတဲ့ ခေါင်းတွေ ဖြစ်နေတာ အံ့ဩစရာကောင်းလှတယ်။

လွန်ခဲ့တဲ့ သုံးလေးဆယ်လောက်ကသေသွားတဲ့ အိမ်နီးနားချင်း အဖိုးအဖွားနှစ်ဦးလည်း မကျွတ်မလွတ်ဖြစ်နေပြီး သားရယ် မစားမသောက်ရလို့ အမျှပေးပေးပါဆိုပြီး လာပြောလို့ နာမည်တပ်အမျှပေးတာ သူတို့ စားလို့ရပြီဆိုပြီး လာပြောကြတယ်။

အဖဖြစ်သူက ငယ်ငယ်လေးကတည်းကဆုံးသွားတာ မကျွတ်မလွတ်ဘဝကိုရောက်နေတယ်၊ ကောင်းမှူ့ကုသိုလ် လုပ်တိုင်း ထိပ်ဆုံးကတပ်ပြီး အမျှပေးတယ်၊ စားရသောက်ရတဲ့အကြောင်းပြောတယ်၊ ပြီးတော့ ခဏခဏ သာဓုခေါ်ရလို့ ကောင်းမွန်တဲ့ဘဝကို သွားရတော့မယ်ဆိုပြီး လာနုတ်ဆက်သွားတယ် နောက်ပိုင်း မတွေ့ရတော့ဘူ။ (ကွယ်လွန်သွားတဲ့ မိဘတွေကို ကျေးဇူးဆပ်ခြင်းတမျိုးပါပဲ။

မိဘတွေမရှိတော့တဲ့ သားသမီးတွေ အထူးပြုလုပ်သင့်တယ်၊ တနှစ်တခါ နှ နှစ်တခါ ကုသိုလ်လုပ်ပေးတာထက် နေ့စဉ်ကုသိုလ်လုပ်တိုင်း အမျှပေးတာ သူတို့အတွက် ပိုထိုရောက်လှပါတယ်။

အိမ်ပြောင်း အိမ်ရွှေ့ ဘယ်နေရာရောက်ရောက် ပါတ်ဝန်းကျင်က မကျွတ်မလွတ်တွေကို အမြဲ အမျှပေးတယ် သူတို့ ရတဲ့အကြောင်း ပြောတယ်၊ ပြောင်းတော့မယ်ဆိုရင် ငိုယိုပြီးတောင်းပန်ကြတယ်။

အမျှရတဲ့ ဝေမာနိကပြိတ္တာမျိုးတွေက သာဓုခေါ်ဖို့ လွယ်ပေမဲ့ တချို့သော ပြိတ္တာကြီးများဟာ သာဓုခေါ်ဖို့တောင် ပါးစပ်မဟ နိုင်ကြပါဘူး၊ သိပ်ပြီးသနားဖို့ ကောင်းလှတယ်။

ပြောချင်တာက
ကောင်းမှူ့ကုသိုလ် လုပ်တိုင်း ကွယ်လွန်သွားရှာပြီးဖြစ်မိဘဆွေမျိုးများကို အမျှပေးပါ ဝေမာနိကပြိတ္တာအမျိုးအနွယ်ဆိုရင်သာဓုခေါ်ရင်သူတို့ကောင်းကျိုးရပါတယ်။ အမျှပေးတဲ့ရည်စူးသူတွေ မရရှိလည်း ပါတ်ဝန်ကျင်က အမျှပေးသံကြားလို့သာဓုခေါ်ရတဲ့သူတွေ အမြဲရှိနေတတ်သလို သူတို့ကစောင့်နေတတ်ပါတယ်။

ဒါ့ကြောင့် ကောင်းမှူ့များများလုပ်ကြပါ ကုသိုလ်လုပ်ပြီးတိုင်း အမျှပေးကြပါ ကိုယ့်မိသားစုဝင်တွေ မရှိတော့ဘူး ဆိုရင် ကုသိုလ်အမြဲ လုပ်ပြီး အမျှပေးရင် ကိုယ်လည်း ကူညီရာရောက်သလို ကျေးဇူဆပ်ရာလည်း ရောက်ပါတယ်။

ဒါတွေအားလုံးဟာ ကျွန်တော့ရဲ့ ဖြစ်ရပ်မှန် ကိုယ်တွေ့တွေပါပဲ။

မိဘတွေမရှိတော့ဘူး ဆိုရင် ကောင်းမှူ့လုပ်ပြီး အမျှပေးတာဟာ မိဘတွေအတွက်အကောင်းဆုံးပါပဲ။

ကိုယ်ကုသိုလ် လုပ်တိုင်း အမျှဝေသံကို စောင့်နေတဲ့ ရှေးရှေးဘဝကပဋ္ဌာန်းဆက်ပုဂ္ဂိုလ်တွေ နဲ့ ကုသိုလ်အမြဲလုပ်သူတွေရဲ့ အနီးအနားမှာ အမြဲစောင့်နေတတ်တဲ့ ပုဂ္ဂိုလ်တွေ အများကြီးရှိနေတတ်ပါတယ်

ကုသိုလ်လုပ်ပြီဆိုရင် ကျက်သီးထတာမျိုး အမွှေးနံ့ အပုတ်နံ့ ပေးတာမျိုးတွေ ကြုံဘူးကြပါလိမ့်မယ် အဲဒါ သူတို့ပါပဲ။

ဒါ့ကြောင့် ဘာကုသိုလ် လုပ်လုပ် အမျှပေးဖို့ မမေ့ကြ ပါနဲ့။

ဦးမြင့်ခိုင်
5,080
U Myint Khaing ( Psychology)

22 Jan, 14:33

...ရေနည်းရင်_ရေဖြည့်_ကံနည်းရင်_ကုသိုလ်ဖြည့်..။
°°°°°°°°°°°°°°°°°°°°°°°°°

လူတွေရဲ့ကံဆိုတာ
မိမိတို့ အိမ်မှာသုံးနေတဲ့
ရေကန်ရဲ့ သဘောတရားနဲ့
အတူတူပါပဲ။

ရေကန်ထဲက-ရေဟာ
သုံးပြီးရင်.. ထပ်ထပ်ဖြည့်ရသလို
လူတွေရဲ့ကံဟာလည်း
ကုသိုလ်တရားတွေ ထပ်ထပ်ဖြည့်ပေးဖို့
လိုပါတယ်။

တကယ်လို့များ...
ကောင်းမှုကုသိုလ်ကို ထပ်ထပ်မဖြည့်ရင်
အဲ့ဒီလူဟာ သက်တမ်းမကုန်ခင် ကံကုန်ပြီး
စောစောစီးစီးသေတတ်တဲ့သဘော ရှိပါတယ်။

မြတ်စွာဘုရားရှင် ဟောကြားတော်မူခဲ့သော
သေခြင်းလေးမျိုးထဲက-
သက်တမ်းမကုန်ခင် ကံကုန်ပြီး
သေရတဲ့ သေနည်းမျိုးပါ။

ဒါဟာ…
ကောင်းမှုကုသိုလ်ကံ
ထပ်မဖြည့်လို့..သေရတဲ့
သေခြင်းပါ ။

ဘုရားရှင်လက်ထက်က-
သုံးနှစ်အတွင်းသေမယ့် ပုဏ္ဏားတစ်ဦးဟာ
ကောင်းမှုကုသိုလ်ကံလက်ငင်း အကျိုးပေးနိုင်တဲ့
ရေတွင်းရေကန်လှူ၊ သစ်ပင်ပန်းမန်စိုက်၊
ကျောင်းကန်ဟောင်း၊ လမ်း၊ တံတားတွေ
ပြုပြင်ခြင်းစတဲ့...
ကောင်းမှုကုသိုလ်တွေကို လုပ်တဲ့အတွက်
သုံးနှစ်အတွင်း မသေပဲ
အသက်ဆက်လက် ရှင်သန်ခဲ့ရတယ်။

ဝသဘမင်းဟာ...
တစ်ဆယ့်နှစ်နှစ်သာ နန်းစံရပေမဲ့
ထိုကုသိုလ်ကံတွေ ပြုလုပ်တဲ့အတွက်
လေးဆယ်နှစ်နှစ်တောင် နန်းစံသွားရပါတယ်။

ဒါဟာ…
ကောင်းမှုကုသိုလ် ထပ်ဖြည့်လို့..
ကံဆက်တဲ့သာဓက_နှစ်ခုပါပဲ။

ကျေးဇူးတော်ရှင်
ပါမောက္ခချုပ်ဆရာတော်ကြီး
ဒေါက်တာ-အရှင်နန္ဒမာလာဘိဝံသ
🙏🙏🙏🙏🙏

Credit ~
3,266
U Myint Khaing ( Psychology)

21 Jan, 13:33

ယုံရခက်ကြီး
---------------

တိုင်းပြည်က ဒုက္ခရောက်ပြီး ဆင်းရဲနေတယ်သာပြောတယ် ညနေစောင်းလာပြီ ဆိုရင် ဘီယာဆိုင်တွေ အရက်ဆိုင်တွေမှာ လူတွေ အပြည့်ပဲ စင်တင်တွေ နိုက်ကလပ် တွေဆိုလည်း အော်ဟစ်မြူးတူးသံတွေ ရပ်ကွက်အနှံ့ ကြားနေရတယ်

စစ်ဘေး စစ်ဒဏ်ကြောင့် ဒုက္ခရောက်နေသူတွေ
တနေ့လုပ် တနေ့စားသမားတွေ လောက်သာ ပင်ပမ်းဆင်းရဲလွန်းလှတာတွေ ဖြစ်နေပေမဲ့ ဘီယာဆိုင် အရက်ဆိုင်တွေ ကတော့ အမြဲတမ်းလိုလို လူပြည့်နေတယ် ရပ်ကွက်တိုင်း ရပ်ကွက်တိုင်း လမ်းတိုင်း လမ်းတိုင်းမှာဆိုရင်လည်း အရက်ဆိုင် ဘီယာတွေ မရှိတဲ့လမ်း မရှိသလောက်ပါပဲ

သီလ မလုံခြုံလို့ အကုသိုလ်တွေ ချက်ချင်း လက်ငင်း အကျိုးပေးနေတဲ့ ခုလိုအချိန်အခါမျိုးတွေမှာ အနိဋ္ဌာရုံတွေ ပိုများလာခြင်းကလည်း အရက်ဆိုင် ဘီယာဆိုင် ပေါများခြင်းရဲ့ အကြောင်းတခုပဲ

အရက်သောက်တတ်တဲ့ပရလောကသားတယောက်နဲ့ အင်တာဗျူးကြည့်မိတယ်
ဘယ်လိုများ အရက်သောက်လဲ လို့မေးတော့ အရက်ဆိုင်တွေနားသွားစောင့်နေပြီး အမူးလွန်လာတဲ့သူတွေကို ပူးကပ်ပြီးခန္ဓာကိုယ်အငှား နဲ့ သောက်နေကြတာ အများကြီးပဲ တဲ့
အဲဒီလိုသောက်ပြီးတာနဲ့ အိမ်အထိလိုက်သွားပြီး ကိုယ့် သားသမီးတွေကို စော်ကားတာမျိုး တွေ လုပ်ကြတယ် တဲ့

သူပြောတာက အမူးလွန်နေတဲ့ သူကို ခန္ဓာကိုယ်အငှား နဲ့ ပူးကပ်ပြီး မကောင်းတာ အကုန်လုပ်တယ် လို့ ပြောတာ ဖြစ်တယ် မနက်မိုးလင်းတော့မှ ကိုယ့်သားသမီးရော သူများသားသမီးပါ မုဒိန်းကျင့်တဲ့ ဆိုတဲ့ ပုဒ်မ နဲ့ အဖမ်းခံရတဲ့ အဖေ တွေ ဖြစ်ကုန်တာတဲ့

တော်တော်ကြောက်စရာ ကောင်းလှတယ်

ဒီလိုသာ သောက်စားမူးယစ်မှူ့တွေ ထပ်ပြီးပေါများနေဦးမယ် ဆိုရင် တိုင်းပြည်အတွက်ရော မ်သားစုတွေအတွက်ပါ မကောင်းလှဘူး

စီးပွားရေးသမားတွေကတော့ ငွေရဖို့ဘာမဆိုအကုန် လုပ်မှာပါပဲ ကိုယ့်အသိနဲ့ ကိုယ်ထိမ်းနိုင်ဖို့ အထူး လိုအပ်လှတယ်

အခုနောက်ပိုင်း အနိဋ္ဌာရုံ မှန်သမျှ အဲဒီပယောဂ တွေ အများကြီးပါလာတာ သတိထားမိတယ်

ဘယ်သူ့မှ တရားပြလို့မရတဲ့ အခြေအနေမျိုးမို့ ကိုယ့်မိသားစု အတွက် ကိုယ်ကိုယ်တိုင်သာ ဆင်ဆင်ခြင်ခြင်နေကြဖို့ တိုက်တွန်းနိုးဆော်ပါရစေ

မြန်မာပြည်ကြီး ဒုက္ခရောက်နေတယ်သာပြောတယ် ညနေဘက်ကျရင် အရက်ဆိုင် ဘီယာဆိုင်တွေကြည့်ပြီး ယုံတောင်မယုံချင်ဘူး

အခုအချိန်အခါဟာ ချက်ချင်း လက်ငင်း အကျိုးပေးတဲ့အချိန်အခါပါ

အကုသိုလ်မျိုးစုံဝင်ရောက်ခြင်းရဲ့ အကြောင်းတရားဟာ ငါးပါးသီလ မလုံခြင်းက စတာမို့ အစစအရာရာ ဂရုစိုက်ကြပါ

ဦးမြင့်ခိုင်
3,676
U Myint Khaing ( Psychology)

18 Jan, 14:09

တော်တော်ချမ်းသာတယ်
------------------

ပရမတ် ကို မြင်ပြီဆိုရင်

ချစ်စရာလူမရှိတော့သလို မုန်းစရာလူလည်း မတွေ့တော့ဘူး။

ပျော်စရာ မရှိတော့သလို ပျင်းစရာလည်း မတွေ့တော့ဘူး။

လိုချင်တဲ့အရာအပေါ် မစွဲလန်းတော့သလို ထွက်သွားတဲ့အရာကိုလည်း မတမ်းတ တော့ဘူး။

အဖေ အမေ ဆိုတာ မတွေ့တော့သလို ဘယ်သူဘယ်ဝါဆိုတာလည်း မတွေ့တော့ဘူး။

သတိလက်လွတ်ဖြစ်လို့ ပူလောင်တတ်ပေမဲ့ သတိကပ်တာနဲ့ အေးချမ်းသွားတယ်။

လောက ကြီးတခုလုံး

အကြောင်းအကျိုးမျှသာ
ဖြစ် ပျက် မျှသာ
သဘောတရား မျှသာ ပါပဲ

နားလည်လွယ်အောင် သတ်မှတ်ထားတဲ့ အခေါ်အဝေါ်တွေ (ပညတ်) အပေါ်မှာ သိစိတ်ကလေးတခုပဲ တွေ့တော့တယ်။

အဲဒီ သိနေတဲ့ သိစိတ်ကလေးဟာလည်း နားလည်လွယ်အောင် သတ်မှတ်ထားတဲ့ နာမ် ပညတ် ကလေးမျှသာပါပဲ။

ဓမ္မရဲ့ နက်နဲ တဲ့အပိုင်းရောက်သွားရင် ကမ္ဘာပေါ်မှ စိတ်အချမ်းသာဆုံး လူသားတယောက်ပါပဲ။ ( စိတ်ချမ်းသာတယ်ဆိုတာ ပျော်ရွှင်တဲ့စိတ်နဲ့ပျော်ခြင်းမဟုတ် လွတ်မြောက်လိုစိတ်နဲ့ ပျော်ခြင်းပါ)

ပညတ် လွန်မြောက်
ပရမတ် ရောက်နိုင်ကြပါစေ။

ဦးမြင့်ခိုင်

Credit
3,826
U Myint Khaing ( Psychology)

17 Jan, 14:20

ပဋ္ဌာန်းပူဇော်သူများအတွက်
--------------

ပဋ္ဌာန်း တရားတော်မြတ်ကြီးကို စွဲစွဲမြဲမြဲ ပူဇော်ကြဖို့ တိုက်တွန်းပါရစေ

မျက်စိနဲ့ မြင်ရတာတွေရော
မျက်စိနဲ့ မမြင်ရတာတွေရော အကုန်မြင်ရတယ်

ရှေ့ကို ကြိုပြီး ဖြစ်မဲ့အရာတွေရော မဖြစ်မဲ့အရာတွေရော ကြိုသိရတယ်

မြန်မာ့အရေးတင်မကဘူး
ကမ္ဘာ့အရေးတွေပါ ကိုယ်မသိနိုင်ပေမဲ့ ပြောပြတဲ့ ပုဂ္ဂိုလ်တွေ မှ အများကြီးပဲ

ဝိဇ္ဇာ တွေရော ပြိတ္တာတွေရော နတ်တွေရော ကြပ်တွေရော အကုန် တွေ့နိုင်တယ်

နတ်တွေတရားနာလာနာတာ သိရသလို ဝိဇ္ဇာတွေဖြစ်တဲ့ အဘဘိုးဘိုးအောင် အဘ ဘိုးမင်းခေါင် ရသေ့ကြီးဦးခန္တီ စင်္ကြာမင်း စတဲ့ ပုဂ္ဂိုလ်ထူးကြီးတွေလည်း တရားနာယူကြတာတွေ့ရတယ်

ကိုယ်ကတော့ စနစ်တကျ ပင့်ဖိတ်နေရပေးဖို့တော့ လိုအပ်ပါတယ် အချိန်မှတ် နေရာမှန် အသံထွက်မှန်ဖို့လည်း လိုအပ်တာကို သတိပြုမိပါတယ်

ဇွဲကောင်းကောင်းနဲ့ပူဇော်တာမို့ တကယ်လာကြတာမျက်မြင်ကိုယ်တွေ့ပါပဲ။

မိမိသိချင်တဲ့အရာ တွေ့ချင်တဲ့ အရာ မှန်သမျှ သိပ်မကြာခင်မှာပဲ သိရတယ် တွေ့ရတယ်

နေ့တိုင်း နေ့တိုင်း နံက်သုံးနာရီလောက် အချိန်မှန် နေရာမှန် အသံထွက်မှန် လေးငါးနှစ်လောက် ပဋ္ဌာန်းပူဇော်လို့ ရရှိတဲ့အကျိုးကျေးဇူးဟာ အင်မတန်မှ အံ့သြ နဘမ်း ဖြစ်ရတယ်

ပြောပြရင် ယုံနိုင်စရာတောင်မရှိလို့
ဓမ္မမိတ်ဆွေ တို့လည်း ကျွန်တော့လိုပဲ မိမိတို့ နှစ်သက်တဲ့အချိန် စွဲစွဲမြဲမြဲ ပဋ္ဌာန်းတရားတော်မြတ်ကြီးကို ဇွဲကောင်းကောင်းနိုင် ပူဇော်ကြဖို့ အထူးတလည် တိုက်တွန်းပါတယ်

ဦးမြင့်ခိုင်
3,768
U Myint Khaing ( Psychology)

13 Jan, 13:51

ယနေ့ည အဓိဋ္ဌာန် ပြန်စပါမယ်
မေတ္တာသုတ်(၃)ကြိမ်
ရတနသုတ်(၁)ကြိမ်
အာဋာနာဋိယ သုတ်(၁)ကြိမ် ဝိပဿနာ (၁၅)မိနစ်
ကိုးနာရီ ကိုးရက်အဓိဋ္ဌာန် ပါ
1,031
U Myint Khaing ( Psychology)

10 Jan, 15:48

အသက်ရှူနေသေးလား
---------------

ဆင်းရဲလို့ လှူချင်ပေမဲ့ မလှူမတန်းနိုင်ဘူးဆိုတဲ့ သူတွေ အများပြီး တွေ့ဘူးတယ်

လူတယောက်အတွက် အကြီးမားဆုံရရှိစေတဲ့ ကုသိုလ် လေးမျိူး ရှိပါတယ်

ဒါန သီလ သမထ နဲ့ ဝိပဿနာ ကုသိုလ်တွေပါပဲ

ဒါနကုသိုလ် ထက် သီလ ကုသိုလ်ကပိုကြီးမားတယ်
သီလထက် သမထ ကုသိုလ် သမထထက် ဝိပဿနာကုသိုလ်က အကျိုးကျေးဇူး အကြီးမားဆုံး ကုသိုလ် ရ ရှိစေပါတယ်

ဒါနက မှ လှူစရာ ပစ္စည်းအလှူခံပုဂ္ဂိုလ် နဲ့
လှူချင် တဲ့ သဒ်ဓါတရား ဆိုတဲ့ အကြောင်းသုံးချက် ရှိရသေးတယ်

ကျန်တဲ့ သီလ သမထ ဝိပဿနာကုသိုလ်တွေက ဘာမှ မရှိလည်း ယူနိုင်တဲ့ကုသိုလ်တွေပါ

ဒါဆိုရင် မလှူနိုင် မတန်းနိုင်လို့ ဆိုပြီး ညည်းနေကြတာဟာ သဘာဝကျပါ့မလား

အသက်ရှူနေသမျှ ကာလ ပတ်လုံး အကျိုးကျေးဇူးအကြီးမားဆုံးကုသိုလ်ဖြစ်တဲ့ ဝိပဿနာကုသိုလ် ရယူနိုင်တယ်ဆိုတာ မမေ့ကြပါနဲ့

ဒါ့ကြောင့် မရှိလို့မလှူနိုင်ဘူးဆိုပြီး ညည်းနေကြတာဟာ တကယ်ကုသိုလ်မလိုချင်လို့ ပြောနေကြတာပါ

တကယ်ကုသိုလ်ယူဖို့
အသက်ရှူနေရင် ရပါပြီ

ကိုယ့်နှာခေါင်းက ဝင်လေ ထွက်လေ ကို
သတိလေးကပ်ပြီး စောင့်ကြည့်နေတာဟာ ရှိသမျှ စည်းစိမ် ပုံအောပြီးလှူတာထက် အဆပေါင်း များစွား အကျိုးရှိစေတယ်ဆိုတာသဘောပေါက်ကြပါ

ဆင်းရဲလို့ ကုသိုလ်မရနိုင်ဘူးဆိုတာ
မမှန်ပါဘူး
အသက်ရှူနေသမျှ ကာလပါတ်လုံး
ကုသိုလ်ရနိုင်တယ် လို့ သဘောပေါက်ထားကြပါ

ဝင်လေထွက်လေ ဟာ အကြီးမားဆုံးကုသိုလ် ရနိုင်တယ်ဆိုတာ မမေ့ကြပါနဲ့

အသက်ရှူနေသေးတယ်မလား ဒါဆိုရင်
အကြီးမားဆုံးကုသိုလ် ယူနိုင်ပါသေးတယ်

ဦးမြင့်ခိုင်

Share&copy
2,896
U Myint Khaing ( Psychology)

09 Jan, 14:37

တကယ် လှချင်ရင်
--------------

ငါးပါးသီလ မြဲသူတွေ အတွက်
ထူးခြားချက် ( ၃ ) ခု ရှိပါတယ် … ဘာတွေလဲ …?

သူများတွေထက် ပိုပြီးတော့ -
ရုပ်လှတယ်
စည်းစိမ်ဥစ္စာချမ်းသာ ကြွယ်ဝတယ်
ဉာဏ်ပညာ ကြီးမားတယ်

ဒကာကြီးတွေ စဉ်းစားကြည့်စမ်း
လောကမှာ ရှာနေတာ
ဒီသုံးခုပဲ မဟုတ်ဘူးလား …?

ဟို … ဆံပင်ကောက်ဆိုင်တို့
အလှပြင်ဆိုင်တို့ သွားနေကြတယ် …

အဲ့ဒီဆိုင်တွေ သွားနေကြတာ
အယ်မတန် ပြင်လို့ ,ဆင်လို့ လှတဲ့ အလှပဲ …

အခု ငါးပါသီလ
ကိုယ်ကျင့်သီလကြောင့် လှတဲ့ လှနည်းက
ဆင်းလုံးချော …

မပြုမပြင်ရပဲ
ပင်ကိုယ်အတိုင်း လှတဲ့ အလှပဲ …

ဟိုက အတု , ဒီက အစစ် …

ဒကာကြီး/ဒကာမကြီးတွေ
အစစ်ယူမလား , အတုယူမလား ?

အစစ်လိုချင်ရင် ဘာလုပ်မလဲ ?
အနိမ့်ဆုံး ငါးပါးသီလမြဲအောင် ကြိုးစားပါ
တကယ် လှပါလိမ့်မယ် …

ဖားအောက်တောရ_ဆရာတော်_ဘုရားကြီး

crd

ဦးမြင့်ခိုင်
2,101
U Myint Khaing ( Psychology)

08 Jan, 13:40

ဓမ္မဆိုတာ
------------------

စိတ်ဓာတ်ကျပြီး အနာဂတ်မရှိတော့သလိုခံစားရရင်
"ဗုဒ္ဓနုဿတိ" ဂုဏ်တော်ပွား

ဂြိုလ်စီးဂြိုလ်နင်းညံ့တဲ့အခါ ကံဇာတာညံ့တဲ့အခါ အဆင်မပြေတဲ့အခါ အတိတ်နမိတ်မကောင်းတဲ့အခါ
"ပုပဏှသုတ်" ကိုရွတ်

ကျန်းမာရေးညံ့ရင်
"ဗောဇ္စျင်သုတ်"နဲ့"ရတနာ့သုတ်"ကိုရွတ်

အချစ်မခံရရင် မျက်နှာအကြည်ဓာတ်ပျက်နေရင် လူမုန်းများနေရင် သောကရောက်နေရင်
"မေတ္တာသုတ်"ကို ၁၁၁ ခေါက် (၁) လအဓိဌာန်ဝင် အချိန်ခွဲပူဇော်လို့ရပါတယ်

ငွေကြေးအကြပ်အတည်းဖြစ်နေရင်
"ဦးခန္တီ ပုတီး " စိတ်

စီးပွားရေး အဆင်မပြေရင်
"ဒိဝါတပတိ" နိုင်သလောက်စိတ်

ဆုတောင်းတွေပြည့်ချင်ရင်
"မဟာသမယသုတ်"ကိုလူခြေတိတ်ချိန် သေချာရွတ် မနက် ၂နာရီ ထရွတ်နိုင်ရင်အကောင်းဆုံး

လူယုတ်မာတွေနဲ့ဝေးချင်ပြီး အောင်မြင်ချင်ရင်
"ပဌာန်း" အကျယ် အဓိဌာန် ၁လဝင်

အန္တရာယ်ကင်းချင်ရင်
"သဗုဒ္ဓေ ဂါတာတော်နဲ့ ပရိတ်ကြီး ၁၁ သုတ်" ကိုရွတ်

စစ်ဖြစ်ပြီး ကြောက်မက်ဖွယ်ရာတွေကြုံတဲ့အခါ
"ဓဇဂ္ဂသုတ်"ကိုသေချာရွတ်

ယုံကြည်စွာနဲ့ အားကိုးရလောက်တဲ့ကုသိုလ်ဖြစ်အောင် မပျက်မကွက်နဲ့ထုံနေအောင်သာပူဇော်ကြည့်
ဘယ်ကနေရောက်လာမှန်းမသိတဲ့အကူညီတွေ ရောက်လာလိမ့်မယ်
နတ်တွေကိုမေတ္တာအပြည့်ထားပြီးအမျှဝေ ကိုယ်စောင့်နတ်ကိုမေတ္တာပို့ နတ်ချစ်ရင် လူချစ်တယ်

ဒီလောက်စိတ်အဆင်မပြေတာ ဘာတွေရွတ်ခိုင်းနေတာလဲထင်ချင်ထင်မယ်
ပါချုပ်ဆရာတော်ကြီးမိန့်သလိုပဲ
"အကုသိုလ်က ကုသိုလ်ထက်အားကြီးနေရင် ကုသိုလ်က အကုသိုလ်ထက်အားပိုကြီးအောင်လုပ်ရမယ် တစ်ခုအဆင်မပြေရင် ဘာသာရေးတစ်ခုပိုလုပ် အများကြီးအဆင်မပြေရင် ဘာသာရေးအများကြီးပိုလုပ်" သိသိသာသာ အဆင်ပြေလာလိမ့်မယ်

အားတဲ့ချိန်တိုင်း အလကားအတင်းတုတ်နေသီချင်းဆိုနေမဲ့အစား ဂုဏ်တော်တစ်ခုကောက်ရွတ်နေလိုက်
တနေ့ကို ၁၅မိနစ်လောက်အချိန်ယူပြီး ဝိပ္ပဿနာ ထိုင်ဖို့ကြိုးစားကြည့်
တရားစခန်းတွေဝင်ဖို့က နောက်ဆံတင်းနေရတော့ ၂၄နာရီ မှာ ၁၅မိနစ်လောက် သံယောဇဥ်ဖြတ်နိုင်ဖို့ကြိုးစား

အူမတောင့်တောင့် မတောင့်တောင့်သီလဆိုတာ ဆောက်တည်ရမဲ့အရာ တနေ့ကို ဒါန သီလ ဘာဝနာ ညီမျှအောင်လုပ်ဖို့လိုတယ်

ကပ်ကဆိုက်နေပြီ ဘုရား တရား သံဃာမှတစ်ပါး အားကိုးရာမရှိဘူး ။

ကပ်ဘေးကလွတ်တဲ့အခါ လမ်းကြုံရင်ကျမကိုကျေးဇူးတင်လာလိမ့်မယ် ။

crd

ဦးမြင့်ခိုင်
2,223
U Myint Khaing ( Psychology)

07 Jan, 15:41

သံဝေဂရဖွယ်
--------------------

US မှာ ပြည်နယ် လေးဆယ်လောက်နှင်းမုန်တိုင်းကြကျ

UK မှာ နှင်းမုန်တိုင်းကျ ရေကြီး

တရုတ် နိပေါ တိဗက်ဒေသ ငလျှင်ကြီးတွေလှုပ်

မက္ကာ မှာ နှစ်နာရီလောက် မိုးရွာ ရေကြီး

တရုတ်မှာ နောက်ဆက်တွဲငလျင် 62 ကြိမ် ရှိပြီတဲ့

သံဝေဂ ရစရာပါပဲ

ကမ္ဘာကြီးရဲ့ အခြေအနေဟာ မနက်ဖန် ဘာဖြစ်မယ် ဆိုတာတောင် ကြိုမတွေးရဲစရာပါပဲ။

ဒီလောက်နဲ့ မရပ်သေးဘူး ထူးကဲ သဘဝဘေးကြီးတွေ ထပ်လာဖို့ရှိတယ်

ကိုယ့်နိုင်ငံအတွက်လည်း ကုသိုလ်များများလုပ်ထားကြဖို့နဲ့ ကြိုတင်ပြင်ဆင်ထားနိုင်ကြဖို့ အထူးသတိရှိနေဖို့ လိုအပ်ပါတယ်

ဦးမြင့်ခိုင်
2,275
U Myint Khaing ( Psychology)

07 Jan, 14:00

အရူးလို မဖြစ်စေနဲ့
-----------------

ဆင်းရဲတာမှ ဒုက္ခရောက်တယ်မထင်နဲ့
ချမ်းသာရင်လည်း ဒုက္ခရောက်နေတာပဲ

မုန်းမှ စိတ်ပူလောင်ရတာ
မဟုတ်ဘူး ချစ်ရင်လည်း စိတ်ပူလောင်ရတာပဲ!!!!

လောကဓံတရား ရှစ်ပါး ဆိုတာ
ဆန့်ကျင်ဘက် တရားတွေပဲ
အပြန်အလှန် ဒုက္ခ ရောက်နေကြတာ
လောကဓံ မုန်တိုင်းနဲ့
ကြံ့ခိုင်သည့်စိတ်ထား
ဘယ်လိုထားမလဲဆိုတာပဲ
အရေးကြီးတယ်

သက်ဆိုးရှည်တယ် ဆိုတာ
လောဘ ဒေါသ မောဟ
အကုသိုလ် မကင်းပဲနဲ့ အသက်ရှင်နေတာ

သက်ကောင်း ရှည်တယ်ဆိုတာ
ကုသိုလ်ကောင်းမှုတွေ များများလုပ်ရင်းနဲ့
အသက်ရှင်နေတာ

ငွေ ဂုဏ် ရာထူး စည်းစိမ်
နောက်လိုက်ရင်းနဲ့
မိသားစုနဲ့ ဝေးသထက်
ဝေးနေကြရတယ်
ကိုယ်ချစ်တဲ့ ခင်တဲ့သူတွေနဲ့
အတူမနေရတဲ့ နေ့တွေ ပိုများလာတယ်

ကိုယ့်ဇာတိ ကိုယ့်အိမ်ယာမှာ
နေရတဲ့ ရက်တွေ မရှိသလောက်
ရှားလာတယ်
ကုသိုလ် ကောင်းမှုတွေ လုပ်ဖို့
အချိန်မရှိသလောက် ဖြစ်လာတယ်

သာသနာ ထွန်းကားတယ် ဆိုတာ
အမှန်တရားကို သိရှိတာ
လက်ခံတာ လိုက်နာ ကျင့်သုံးတာ

သာသနာ ကွယ်တယ်ဆိုတာ
အမှန်တရားကို မသိတာ
လက်မခံတာ မလိုက်နာ မကျင့်သုံးတာ

ကြောက်တဲ့ စိတ်နဲ့ ကြည့်ရင်
တစ်လောကလုံးက
ကြောက်စရာချည်းပဲ

သံသယ စိတ်နဲ့ ကြည့်ရင်
အရာရာဟာ သံသယ ဖြစ်စရာချည်းပဲ

အားကိုးချင်တဲ့ စိတ်နဲ့ ကြည့်ရင်
အကုန်လုံးက အားကိုး ချင်စရာချည်းပဲ

လိုချင်တဲ့ စိတ်နဲ့ကြည့်ရင်
အရာရာ လိုချင်စရာချည်းပဲ

စားချင်တဲ့ စိတ်နဲ့ ကြည့်ရင်
အရာရာ စားချင်စရာ ချည်းပဲ

အရာရာစိတ်ပဲ
စိတ်က ဖန်ဆင်းထားတာပါပဲ

အရာရာ ရှိတာမဟုတ်ပဲ
စိတ်ရဲ့သတ်မှတ်ချက်တွေပဲ ရှိနေတာ
စိတ်က လက်ခံရင် လက်ခံသလို ဖြစ်တာပါပဲ
ဦးနှောက်နဲ့တော့ ဉာဏ်မှီမှာ မဟုတ်ဘူး

ဖန်ဆင်းထားတာတွေ
သတ်မှတ်ထားတာတွေကို
ပညတ်/ ပရမတ် သိတာနဲ့လည်း
မမြတ်သေးဘူး
ပညတ် / ပရမတ်ကွဲတာနဲ့လည်း
မမြတ်သေးဘူး

ပညတ် / ပရမတ် နှစ်ခုစပ်
သိတတ်သူက မြတ်တယ်

သတိမရှိရင်
၁စက္ကန့် /၁မိနစ်/ ၁နာရီ အတွင်းမှာ
အကုသိုလ် စိတ်တွေ
လှေတွေ လှည်းတွေ ကားတွေနဲ့
တိုက်လို့ မကုန်နိုင်အောင် များလွန်းလှတယ်

သတိနဲ့ မနေတဲ့ စိတ်ဟာ
အရူး လိုပါပဲ

တရားအားထုတ်တယ်ဆိုတာ
စိတ်ကိုပြင်တဲ့ အလုပ်ပါပဲ

ဂေါတမမြတ်စွာဘုရား
နောက်ဆုံးသာသနာမှာ
စိတ်ကိုပြင်ဖို့ အရေးတကြီး လုပ်သင့်ပါပြီ။

မင်းကွန်းဆရာတော်ဘုရားကြီး


ဦးမြင့်ခိုင်
2,535
U Myint Khaing ( Psychology)

06 Jan, 13:27

"တရားနာသောသူများ ထားရမည့်ရည်ရွယ်ချက်"
------------------

တရားနာတယ်ဆိုကတည်းက ရည်ရွယ်ချက်က ဘာထားရမလဲဆိုရင် "မြတ်စွာဘုရားဟောတဲ့တရားကို ဓမ္မကထိက ဆရာတော်တွေဆီက တို့နာမယ်၊ နာပြီးရင် သင်ခန်းစာယူသင့်တဲ့ဟာ ယူမယ်၊ ရှောင်သင့်တာ ရှောင်မယ်၊ ဆောင်သင့်တာ ဆောင်မယ်၊ ဒီတရားတွေအတိုင်း လိုက်နာကျင့်သုံးနိုင်အောင် ကြိုးစားအားထုတ်မယ်" ဆိုတဲ့
ဒီလို နှလုံးသွင်းထားရှိရမယ်။

အဲဒီ နှလုံးသွင်းမရှိဘဲနဲ့ အိမ်မှာနေရာတာပျင်းလို့ တရားပွဲသွားဦးမယ် ဆိုတာမျိုးကတော့ မဟုတ်သေးဘူးနော်။ အဲဒါကြောင့်မို့ တရားပေါ်မှာ စိတ်ဝင်စားမှုဆိုသည်မှာ နားလည်ဖို့အတွက် စိတ်ဝင်စားတာဖြစ်ရမယ်။ ကိုယ့်ဘဝနဲ့ပတ်သက်ပြီး ဘဝကို ရှင်းရှင်းလင်းလင်း မြင်ဖို့ရာအတွက် မြတ်စွာဘုရားဟောတဲ့ တရားအဆုံးအမတွေ နာယူကြရမှာဖြစ်မယ်။

အဲဒီလို နာယူပြီး တရားဓမ္မကို လိုက်နာကျင့်သုံးတဲ့ ပုဂ္ဂိုလ်ကျမှ အကျိုးသက်ရောက်မှုဆိုတာ ဖြစ်လာနိုင်မယ်ပေါ့။ အဲဒီလိုမှ မလုပ်ဘူးဆိုရင် အကျိုးသက်ရောက်မှုဆိုတာ မဖြစ်နိုင်ဘူး။

(ကျေးဇူးတော်ရှင် ပါ/ချုပ် ဆရာတော်ဘုရားကြီး ဒေါက်တာနန္ဒမာလာဘိဝံသ၏ "အလေးထား၍စဉ်းစားဆင်ခြင် ကောင်းအောင်ပြင်" တရားတော်စာအုပ် စာမျက်နှာ(၁၀)မှ ထုတ်နုတ်ပူဇော်သည်

crd

ဦးမြင့်ခိုင်
2,792
U Myint Khaing ( Psychology)

05 Jan, 13:46

ကိုယ့်ကိုကိုယ်သာ အားကိုးပါ
------------------

ကံတွေရဲ့ အကျိုးပေးမှု့ကို AI. နည်းပညာနဲ့ တွက်လို့မရပါဘူး။

စေတနာ ဇော တွေရဲ့ အကျိုးပေးမှူ့တွေကို
သိပ္ပံကိရိယာနဲ့ ဘယ်တော့မှ တွင်လို့မရနိုင်ဘူး။

ရှေးဘဝအကြောင်းတွေလနောက်ဘဝအကြောင်းတွေကို ဘယ်သိပ္ပံကိရိယာနဲ့မှ တွက်လို့မရဘူး။

တရားအားထုတ်လို့ သမာဓိကြောင့် တွေ့မြင်လာရတဲ့ ဓမ္မရဲ့သဘောတွေကို သိပ္ပံကိရိယာနဲ့ တွက်လို့မရဘူး။

မဂ်လေးတန် ဖိုလ်လေးတန် နိဗ္ဗါန် ဆိုတဲ့ လောကုတ္တရတရား ကိုးပါးဟာ ဘယ်လိုသောသိပ္ပံပစ္စည်းနဲ့မှ ဘယ်သောအခါမှ လုပ်ယူလို့မရဘူး။

လူသားတွေ တီထွင်တဲ့ ကိရိယာဟာ လောကီအတွက်သာ အမြင့်ဆုံးအကျိုးရှိစေမှာပါ၊

ကံ ကံရဲ့အကျိုး အတိတ်အကြောင်း အနာဂါတ်အကြောင်း သစ္စာအကြောင်း မဂ်ဖိုလ်အကြောင်း တွေဟာ သမ္မာသဗ္ဗုဒ ဉာဏ်တော်ကြီးရဲ့ အရာတွေမို့ ဘယ်လောက်ပဲ သိပ္ပံ ထွန်းကားပါစေ မှီစရာအကြောင်းမရှိပါဘူးလေ။

လောကီအတွက်တော့ သိပ္ပံကိုမျှေယ်လင်ပါ သံသရာအတွက်တော့ လူသားတွေကိုယ့်ကိုကိုယ်သာ မျှော်လင့်ရပါလိမ့်မယ်။

ဦးမြင့်ခိုင်
3,037
U Myint Khaing ( Psychology)

04 Jan, 13:46

"တရားနာသောသူများ ထားရမည့်ရည်ရွယ်ချက်"
------------------

တရားနာတယ်ဆိုကတည်းက ရည်ရွယ်ချက်က ဘာထားရမလဲဆိုရင် "မြတ်စွာဘုရားဟောတဲ့တရားကို ဓမ္မကထိက ဆရာတော်တွေဆီက တို့နာမယ်၊ နာပြီးရင် သင်ခန်းစာယူသင့်တဲ့ဟာ ယူမယ်၊ ရှောင်သင့်တာ ရှောင်မယ်၊ ဆောင်သင့်တာ ဆောင်မယ်၊ ဒီတရားတွေအတိုင်း လိုက်နာကျင့်သုံးနိုင်အောင် ကြိုးစားအားထုတ်မယ်" ဆိုတဲ့
ဒီလို နှလုံးသွင်းထားရှိရမယ်။

အဲဒီ နှလုံးသွင်းမရှိဘဲနဲ့ အိမ်မှာနေရာတာပျင်းလို့ တရားပွဲသွားဦးမယ် ဆိုတာမျိုးကတော့ မဟုတ်သေးဘူးနော်။ အဲဒါကြောင့်မို့ တရားပေါ်မှာ စိတ်ဝင်စားမှုဆိုသည်မှာ နားလည်ဖို့အတွက် စိတ်ဝင်စားတာဖြစ်ရမယ်။ ကိုယ့်ဘဝနဲ့ပတ်သက်ပြီး ဘဝကို ရှင်းရှင်းလင်းလင်း မြင်ဖို့ရာအတွက် မြတ်စွာဘုရားဟောတဲ့ တရားအဆုံးအမတွေ နာယူကြရမှာဖြစ်မယ်။

အဲဒီလို နာယူပြီး တရားဓမ္မကို လိုက်နာကျင့်သုံးတဲ့ ပုဂ္ဂိုလ်ကျမှ အကျိုးသက်ရောက်မှုဆိုတာ ဖြစ်လာနိုင်မယ်ပေါ့။ အဲဒီလိုမှ မလုပ်ဘူးဆိုရင် အကျိုးသက်ရောက်မှုဆိုတာ မဖြစ်နိုင်ဘူး။

(ကျေးဇူးတော်ရှင် ပါ/ချုပ် ဆရာတော်ဘုရားကြီး ဒေါက်တာနန္ဒမာလာဘိဝံသ၏ "အလေးထား၍စဉ်းစားဆင်ခြင် ကောင်းအောင်ပြင်" တရားတော်စာအုပ် စာမျက်နှာ(၁၀)မှ ထုတ်နုတ်ပူဇော်သည်

crd

ဦးမြင့်ခိုင်
2,808
U Myint Khaing ( Psychology)

02 Jan, 14:16

ယနေ့ည အဓိဋ္ဌာန်တရက်နားပါသည်
မနက်ဖန် ည
ရတနသုတ်(၃)ကြိမ်
အာဋာနာဋိယသုတိ (၃)ကြိမ်
ပူဇော်ကြပါမည်

အချိန်
ည(၉)နာရီ
ကိုးရက်အဓိဋ္ဌာန် ပါ

ပြန်လည်မျှဝေပေးကြပါရန်

ဦးမြင့်ခိုင်
3,227
U Myint Khaing ( Psychology)

31 Dec, 15:32

နှစ်ဦးဆုတောင်း
------------------
မကောင်းမှူ့ ရှောင်
ကောင်းမှူ့ဆောင်
ဖြူအောင်စိတ်ကိုထားကြပါ၊

ဘေးမှန်သမျှ
အကာအကွယ်ရဖို့
ကုသိုလ်များများ လုပ်ကြပါ၊

ရန်သူ မိတ်ဆွေ
ဤ နှစ်ထွေ
ရွေးကာ ပေါင်းကြပါ။

ကောင်း ဆိုး နှစ်တန်
လောကဓံ
မတုန် မလှုပ် သည်းခံပါ၊

ကပ်ဆိုး ကပ်ညစ်
ကျော်လွှားပြစ်ဖို့
သတိ ဉာဏ်ပညာ ရှိကြပါ၊

တဦး နှင့် တဦး
ရွှင်ကြည်နူးဖို့
မေတ္တာ သစ္စာ ပြုကြပါ။

စိတ်အကြံမြာက်
အဓိဋ္ဌာန်ပေါက်
နောက်ဆုံး နိဗ္ဗါန် ရောက်ကြပါစေ။

ဦးမြင့်ခိုင်
3,297
U Myint Khaing ( Psychology)

29 Dec, 14:14

လူသားတို့ရဲ့အခွင့်အရေး "
----------------

အထက် တက်ချင်သလား ?
လူသာ တက်လို့ရတယ်။

အောက် ဆင်းချင်သလား ?
လူပဲ ဆင်းနိုင်တယ်။

လူပဲ .... ,
လူသားတွေက ဣစ္ဆာသယ ပဲ။

နတ်တွေ, ဗြဟ္မာတွေက
တို့ လူသားတွေထက် ဉာဏ်, ပိုကောင်းကြတယ်။

ဒါပေမယ့် ....
သူတို့မှာ ကျင့်နိုင်တဲ့ ရုပ် မရှိတော့
အခွင့်အရေးတွေ ဆုံးရှုံးနေတယ်။

နတ်တွေ, ဗြဟ္မာတွေ ဆိုတာက
လူ့ဘဝ ကနေ ကျင့်ဖို့ရာ ပါသွားမှသာ
ဟိုမှာ ဆက်ကျင့်နိုင်တာ။

ဒီကနေ ပါမသွားရင်
အန္တုပြည်မှာ အလကားပဲ၊ ဘာမှ မလုပ်နိုင်ဘူး။

နတ်မှာ အခွင့်အရေးက တို့လို မရှိဘူး။
သိတယ်, ဒါပေမဲ့ မကျင့်နိုင်ဘူး။

ငရဲတို့, ပြိတ္တာတို့ ဆိုတာ ထားလိုက်တော့။

တို့နားက ဘူတရုပ်( ပထဝီ, အာပေါ, တေဇော, ဝါယော ဟူသော ရုပ်ကြီးလေးပါး ) နှင့် ပတ်သက်တဲ့ ဆင်တို့, ကြံ့တို့ ဘာတို့, ညာတို့ တွေက သိနိုင်တဲ့အသိ မရှိကြဘူး။

တို့ လူသားတွေမှာ ကျတော့
သိနိုင်တဲ့ အသိလည်း ရှိတယ်
ကျင့်နိုင်တဲ့ အကျင့်လည်း ရှိတယ်။

လူသားတွေရဲ့ တန်ဖိုးက ကျင့်လည်း ကျင့်နိုင်တယ်
ကျင့်သလောက်လည်း သိနိုင်တယ်။
ဣစ္ဆာသယ ဘဝက လူသားတွေမှာပဲ ရှိပါတယ်။

ကျေးဇူးရှင် မဟာဗောဓိမြိုင်ဆရာတော်ဘုရားကြီး

crd

ဦးမြင့်ခိုင်
3,376
U Myint Khaing ( Psychology)

28 Dec, 15:29

မဟာဗောဓိမြိုင် ဆရာတော်ဘုရားကြီးလည်း တောထွက်ခါကစ သထုံမှာ အဲဒီလို အမှုအခင်းမျိုးဖြစ်အောင် မာရ်နတ်က နှောင့်ယှက်လို့ တောပြောင်းပြီး ကျင့်ကြံခဲ့ရပါတယ်။

ဒါ့ကြောင့် ဗုဒ္ဓ က " တင်ပျဥ်ဖွဲ့ခွေ၍ အထက်ပိုင်းကိုယ်ကို ဖြောင့်မတ်စွာထားလျှက် ထိုင်နေသော ရဟန်း, ယောဂီ တို့သည် မာရ်နတ်၏ စိတ်ကို တုန်လှုပ်စေ၏ " လို့ မိန့်တော်မူခဲ့ပါတယ်။

ဝိပဿနာတရား အားထုတ်တော့မယ် ဆိုရင် အဲဒီ မာရ်နတ်ရဲ့ အဖျက်တွေကို ကြိုသိထားဖို့ လိုအပ်ပါတယ်။

ဘယ်အချိန်မှာ တောထွက်မယ်, ဘယ်အချိန်ရောက်ရင် တရားဘက် လှည့်တော့မယ် ဆိုတဲ့ သူတွေ သတိထားသင့်ပါတယ်။

ဒီစာကို ရေးတဲ့သူလည်း သပိတ် နှစ်လုံးစာလောက်တော့ ကုန်နေပြီ၊ ခုထိ တောမထွက်နိုင်သေးပါဘူး။ ဓမ္မ မိတ်ဆွေ တို့ရော သပိတ် ဘယ်နှစ်လုံးစာလောက် ကုန်ပြီးကြပါပြီလဲ။

သတ္တဝါတိုင်း တရားတွေ့၊ အေးချမ်းကြပါစေ။

ဦးမြင့်ခိုင်
3,215
U Myint Khaing ( Psychology)

28 Dec, 15:29

မာရ်နတ်လက်က လွတ်အောင်ရှောင်
------------------

မာန်နတ်ဟာ ဝိပဿနာတရား အားထုတ်သူတွေကို အနည်းနဲ့အများတော့ ဖျက်စီးလေ့ရှိတတ်ပါတယ်။🌼

ဝိပဿနာတရား အားထုတ်ပြီ ဆိုရင် ယောဂီအကြိုက် ကာမဂုဏ်ငါးပါးနဲ့ ဖျက်စီးလေ့ ရှိတတ်ပါတယ်။

မာန်နတ်ဟာ သူ့တပည့်တွေကို ဖျက်စီးခိုင်းလေ့ ရှိသလို ပါရမီပြည့်လို့ ကျွတ်တမ်းဝင်မဲ့ ပုဂ္ဂိုလ်ကြီးတွေ ဆိုရင် သူကိုယ်တိုင် ဖျက်စီးလေ့ ရှိတယ် တဲ့။

စွန်းလွန်း ဆရာတော်ကြီး, သဲအင်းဂူ ဆရာတော်ကြီး, ဆားတောင် ဆရာတော်ကြီး တို့လို ပုဂ္ဂိုလ်ကြီးတွေဟာ သံသရာကနေ လွတ်မြောက်သွားကြသူတွေ ဖြစ်ကြပေမဲ့ နောက်ဆုံးချိန်ထိ လိုက်ပြီး ဖျက်စီးလေ့ ရှိပါတယ်။

အနာဂါမ်ဆရာသက်ကြီး ဟာ ရွှေကျင်မြို့ကို တရားစခန်း သွားဖွင့်ပါတယ်။ ညနေဘက်ရောက်တော့ မြို့ပြင်ဘက်ကို ဝိပဿနာ ရှုမှတ်ရင်း လမ်းလျှောက်ထွက်ပါတယ်။ သူဟာ မျက်စိလည်ပြီး ဘယ်ရောက်မှန်းမသိပဲ တောကြီးထဲ ရောက်သွားတယ် တဲ့။

ဆရာသက်ကြီးလည်း မိုးကလည်းချုပ် လူသူလေးပါးလည်း မမြင်တော့ သစ်ပင်ကြီးတစ်ပင်အောက်မှာ ထိုင်နေခဲ့ပါတယ်။ ဆရာကြီးဟာ ဒါ မာန်နတ်လက်ချက်ပဲ၊ ငါဟာ သံသရာကထွက်မဲ့သူ မဟုတ်ဘူးလို့ သူထင်သွားအောင် ဝိပဿနာ မရှုမှတ်ပဲ ပုတီး ပြောင်းစိတ်မယ် လို့ တွေးပြီး ပုတီး ကောက်စိပ်လိုက်ပါတယ်။ ဝိပဿနာ ကနေ သမထ ပြောင်းကျင့်လိုက်တာပါ ။

သိပ်မကြာခင်မှာပဲ ထင်းခွေတဲ့မိန်းမတစ်ယောက် ရောက်လာပြီး အကျိုးအကြောင်းကို မေးပြီး သူမက ဆရာသက်ကြီးကို လမ်းပေါ်ရောက်အောင် လိုက်ပို့ပေးပါတယ်။

ဆရာသက်ကြီးလည်း သူသာ တရားအမှတ်နဲ့ ဆက်လျှောက်နေရင် ပြန်ဖို့ မလွယ်လောက်တော့ဘူး၊ ပုတီးစိပ်လို့သာ တော်သေးရဲ့လို့ တွေးပြီး မိမိရဲ့ အကြံပိုင်ပုံကို စဥ်းစားနေမိပါတယ်။

မာရ်နတ်နှယ်၊ အချိန်မတော်ကြီး ငါ့ကို မိန်းကလေးအဖော် ထည့်ပေးတယ်။ မသင့်တော်လိုက်တာ၊ ယျောကျ်ားလေးအဖော် ဆိုရင် တော်သေးတယ် လို့ စိတ်ထဲက စဥ်းစားရင်း ပြုံးမိပါတယ် တဲ့။

မာရ်နတ်ဟာ စွန်းလွန်း ဆရာတော်ကြီးနဲ့ သဲအင်းဂူ ဆရာတော်ဘုရားတို့ ရဟန္တာ ဖြစ်နေတာတောင် တရားမဟောဖို့ လျှောက်ခဲ့ပါတယ်။ ဆရာတော်ကြီးတွေက " ဟောမယ်၊ ဘာဖြစ်လည်း " လို့ မိန့်လိုက်တော့မှ တောက်ခေါက်ပြီး ပြန်သွားတယ် တဲ့။

မန္တလေးတောင်ပေါ်မှာ ဆားတောင်ဆရာတော်ကြီး ရောက်ရှိနေတုန်း တရားမဟောဖို့ လာလျှောက်တာ ဆရာတော်ကြီးက " ဆက်ဟောမယ် " လို့ ပြောလိုက်လို့ တောင်နံရံ ကာထားတဲ့ သံလက်တန်းတွေကို တင်းပုတ်နဲ့ ထုတာ " အုန်းကနဲ, အုန်းကနဲ " ပဲ။ ဆရာတော်ကြီးရဲ့ တပည့်တွေက အသံကြီးကြားလို့ " ဘာဖြစ်တာလည်း " မေးလျှောက်တော့မှ " မာရ်နတ် ဒေါသထွက်လို့ တင်းပုတ်နဲ့ ထုတာ " လို့ မိန့်ပါတယ်။

ရဟန္တာ ဖြစ်သွားကြတဲ့ ဆရာတော်ကြီးတွေ တရား အားမထုတ်ခင် လူ့ဘဝတွေမှာ သူများထက် ပင်ပန်း ဆင်းရဲပြီး လောကဓံ အထုအထောင်း ခံရတာဟာ ကျွတ်မဲ့သူတွေဖြစ်လို့ မာရ်နတ်ကိုယ်တိုင် နှောင့်ယှက်နေလို့ပါ။

တော်တော်များများလဲ သတိထားမိကြပါလိမ့်မယ်။

တရားစခန်း ဝင်တော့မယ် ဆိုရင် မဖြစ်မနေ ကိုယ်တိုင်လုပ်မှ ရမဲ့ အလုပ်မျိုး ကြုံတာတွေ, ကျမ္မာရေး ရုတ်တရက် ချွတ်ယွင်းသွားတာတွေ, တခြား တခြားသော အရေးတကြီး လူမှူ့ရေးကိစ္စတွေ ဝင်ရောက်လာတာမျိုးတွေ စသည်ဖြင့် .... အားလုံး ကြုံဘူးကြမှာပါ။ အဲဒါ မာရ်နတ်နဲ့ သူ့အပေါင်းအပါတွေ လက်ချက်ပါပဲ။

မာရ်နတ်ဟာ တရား အားထုတ်မဲ့သူတွေ, တောထွက်မယ် ဆိုတဲ့ ရဟန်းတွေကို အဓိကထားပြီး နှောင့်ယှက်ပါတယ်။

စာသင်တိုက်တည်ထောင်တဲ့ ဆရာတော်ကြီးတစ်ပါး ဆိုရင် စာသင်တိုက်ထောင်ပြီးရင် တောထွက်မယ် ဆိုပြီး သပိတ် တစ်လုံး, သင်္ကန်း သုံးထည် တို့ကို ဘုရားခန်းထဲမှာ ထည့်ထားတယ်။ စာသင်တိုက်လည်း အောင်မြင်ပြီးရော တစ်နှစ်ထွက်မယ် လုပ်လိုက်, အဖျက် လာလိုက်၊ နောက်တစ်နှစ် ထွက်မယ် လုပ်လိုက်, အဖျက် ဝင်လိုက်နဲ့ သိမ်းထားတဲ့ သပိတ်တွေလည်း သံချေး တက်လာလိုက်, စွန့်လိုက်နဲ့ သပိတ် လေးလုံး ကုန်သွားမှပဲ တကယ် တောထွက်သွားဖြစ်ပါတယ်။

တောထွက်မယ် ရည်မှန်းထားတဲ့ နှစ်ရဲ့ နှစ်နှစ်ဆယ်လောက် နောက်ကျပြီးမှ တောထွက်ဖြစ်တော့ ကျမ္မာရေးက ညံ့, ဥာဏ်တွေ ထိုင်းပြီး ထင်သလောက် တရား မရတော့ဘူး။ ဆရာတော်ကြီးက ညည်းတွားပါတယ်။ " ငါ မာရ်နတ် လက်ချက် မိသွားတယ် " တဲ့။

တရား အားထုတ်တော့မယ် ဆိုရင် စီးပွားရေး အဆင်ပြေလာလို့ အားမထုတ်နိုင်တာမျိုးတွေ, ပျက်စီးသွားလို့ စိတ်ဓာတ်ကျပြီး တောမထွက်နိုင်တာမျိုးတွေ ဟာ မာရ်နတ် လက်ချက်ပါ။

မာရ်နတ်ဟာ စီးပွား ကြိုက်သူတွေကို စီးပွားရေးကောင်းအောင် ကူညီပြီး ဖျက်စီးတတ်သလို စီးပွားရေးကြောင့် မတုန်လှုပ်သူတွေကို စား, ဝတ်, နေရေး ပင်ပန်းဆင်းရဲအောင် နှိပ်စက်တတ်ပါတယ်။ မာတုကာမနဲ့ ဖျက်တာမျိုးတွေ, အမှုအခင်း ဖြစ်အောင် လုပ်တာမျိုးတွေ အများကြီးပါပဲ။

ဆရာသက်ကြီး တောင်မှ လယ်တီဆရာတော်ဘုရားကြီးနဲ့ ဆယ့်သုံးနှစ် လိုက်သွားပြီး ပြန်လာတော့ ပေးစရာရှိတဲ့ အကြွေးရှင်ပါ ဆိုပြီး အတိုးရော အရင်းပါ ပေးဖို့ မတရားသဖြင့် တရားစွဲဆို တောင်းဆိုခံခဲ့ရပါတယ်။

ဦးဘခင် တို့က " ဆရာကြီး၊ ဒါဟာ မတရားလုပ်တာ။ တပည့်တို့ ဥပဒေအကြောင်းနဲ့ တရားပြန်စွဲမယ် " လုပ်တော့ ဆရာသက်ကြီးက ခွင့်မပြုပဲ အမှုသည်ရဲ့ လိုအပ်ချက်အတိုင်း ဆက်လက် ပြုမူပြီး အမှုကို ရင်ဆိုင် ဖြေရှင်းခဲ့ပါတယ်။
3,038
U Myint Khaing ( Psychology)

27 Dec, 16:19

အလောင်းတွေ နဲ့ပါတ်သတ်ပြီး ထပ်မြင်ရပြန်ပြီ
ထင်တာမမှားရင် အားပြင်းငလျှင်ကြီးတွေ လာတော့မယ်ထင်တယ် ဟိုတလောကသတိပေးထားတယ်

ဦးမြင့်ခိုင်
2,987
U Myint Khaing ( Psychology)

27 Dec, 15:13

နည်းတဲ့ကုသိုလ်လား
-------------

fb သုံးနေရင်းနဲ့ တရားတစ်ပုဒ်တွေ့လို့ ဖတ်လိုက်ရတယ် ဆိုရင် နည်းတဲ့ကုသိုလ်လား

သာဓုခေါ်လိုက်မယ်ဆိုရင်ရော နည်းတဲ့ကုသိုလ်လား
တစ်ကမ္ဘာတောင်အကျိုးပေးမှာ။

ကိုယ်သိသလိုသူများလည်း သိပါစေဆိုတဲ့ စေတနာနဲ့
share လိုက်မယ်ဆိုရင်ရော
နည်းတဲ့ကုသိုလ်လား။

ကိုယ် share လိုက်လို့ ဖတ်လိုက်ရတဲ့ သူတွေကပါ သူတစ်ပါးသိအောင် ထပ် share မယ်ဆိုရင်ရော
နည်းတဲ့ကုသိုလ်လား။

တရားတစ်ပုဒ်တိုင်း တွေ့တဲ့သူက shareမယ်ဆိုရင်
ပထမဦးဆုံး share တဲ့သူဟာ ကုသိုလ်တွေ အများကြီးရမှာပါ ။

ဒါဆိုရင် တရားတော်တွေ လူမှုကွန်ယက်မှာပြန့်နှံ့နေပြီး မလိမ္မာသူတွေ လိမ္မာလာမယ် အသိနည်းသူတွေ အသိများလာမယ်
အဲဒီလိုများလာမယ်ဆိုရင်
ဒီကနေ့ မြန်မာနိုင်ငံမှာ ဖြစ်နေတဲ့ အခြေအနေမျိုး နောက်နောင်ဘယ်တော့မှ
ဖြစ်လာစရာ အကြောင်းမရှိပါဘူး။

အာဏာလုတာတွေ သူတစ်ပါးပျက်စီးအောင်လုပ်တာတွေ ရတနာ သုံးပါးစော်ကားတာတွေ အချင်းချင်း ချနင်းတာတွေ
ဝိသမ လောဘသားတွေ
အဂတိ သမားတွေ
အားလုံးဟာ
ကိုယ်ကျင့်တရားအပေါ်အခြေခံပြီး ပြုပြင်ပြောင်းလဲလာကြမှာပါ

အဲဒီလိုဆိုရင်
မြန်မာပြည်ကြီး မငြိမ်းချမ်းပေဘူးလား

မိတ်ဆွေ
တရားတော်တွေ့တိုင်း မျှဝေတာဟာ ကုသိုလ်အကြီးကြီး ရစေတာမို့ တက်ညီလက်ညီ လုပ်ဆောင်ကြဖို့
အထူးတိုက်တွန်းပါရစေ

fri နည်းလို့ဆိုပြီး
ဆင်ခြေမပေးပါနဲ့

တစ်ယောက်သိသွားရင်တောင် အဲဒီတစ်ယောက်ကပြန်မျှဝေရင် တစ်ရာ တစ်ထောင် တစ်သောင်း တစ်သိန်းအထိ သိသွားနိုင်တယ် ဆိုတာ သိထားကြပါ။

ဒါ့ကြောင့် တရားဓမ္မတွေ့ရင် ဖတ်ကြပါ မျှဝေကြပါလို့ တိုက်တွန်းပါရစေ၊

ဦးမြင့်ခိုင်
3,788
U Myint Khaing ( Psychology)

27 Dec, 13:15

ပျက်စီးလွယ်လို့ သတိထား
-----------

ဗုဒ္ဓဘာသာမှာ အက်ဆီးဒင့် ဆိုတာ မရှိပါဘူး

ခုနောက်ပိုင်း ဥပေစ္ဆဒက ကံတွေနဲ့သေကြတာတွေ များများလာကြသလို အဆိုးလောကဓံအကြီးကြီးတွေလည်း လူသားတိုင်းရင်ဆိုင်နေကြရတယ်။

သေသွားပြီဆိုရင်လည်း ကျန်ခဲ့တဲ့သူတွေက အံ့သြဘနမ်းဖြစ်ကြတာတွေ့ရတယ်

ဟာ မဖြစ်နိုင်ဘူး
ဟင် ခုနမှ အကောင်းကြီးရှိသေးတယ်
အခုလေးတင် ငါနဲ့စကားပြောခဲ့သေးတယ် ။

စသဖြင့် အံ့သြတဲ့သူတွေသာတွေ့နေရတယ် ဓမ္မနဲ့ယှဉ်ပြီး တွေးတာ ပြောတာသိပ်မတွေ့ရဘူး။

ကဲဒီဇာတ်တော်လေးတွေ လေ့လာကြည့်ပါ

လေထဲမှာ ပျံနေတဲ့ ကျီးကန်းကြီးမီးလောင်သေတာ အံ့သြစရာထင်ရပေမဲ့
သူလယ်လုပ်တုံးက နွားတကောင်ကို မီးကွင်းစွပ်ပြီး သတ်ခဲ့တာသိရရင်
အံ့သြစရာမရှိပါဘူး

ပဋာစာရီဟာ မိဘတွေသေ လင်မြွေကိုက် သားရေနစ် စွန်ချီ ခံရတာ ပကတိမျက်လုံးနဲ့ကြည့်ရင်တော့ အံ့သြစရာပေါ့ ဒါပေမဲ့ သူ့အတိတ်အကြောင်းကိုစိရင်တော့ အံ့ဩစရာမရှိပါဘူး

ဆိတ်တကောင်ကို လည်လှီးသတ်ခဲ့လို့ဆိတ်အမွှေးနဲ့ညီမျှအောင်လည်လှီးအသတ်ခံခဲ့ရတယ် နောက်ဆုံးခံရမဲ့ဘဝမှ သတ်မဲ့သူက လွှတ်ပေးတာတောင် တောင်ပို့မှာ မြက်စားနေတုံးမိုးကြိုးပစ်လို့ကျောက်ချပ်ကွာပြီး လည်ပင်းကို ဖြတ်သွားတာသိရတော့ အံ့သြစရာမရှိပါဘူး။

ရဟန်းခုနစ်ပါး ဂူထဲမှာ တရားအားထုတ်နေတုံး ဂူပေါက်ကို ကျောက်တုံးကြီးပိတ်သွားတာ ခုနစ်ရက်ကြာခဲ့တာ
ထူးဆန်းတယ်လို့ထင်ရပေမဲ့ အဲဒီခုနစ်ယောက်နွားကျောင်းသား ဘဝက ဖွတ်ကြီးကို ဂူထဲပိတ်ခဲ့တာခုနစ်ရက်ကြာလို့ဝဋ်ကြွေးပေးဆပ်ရတာ ဆိုတာသိခဲ့ရင် အံ့သြစရာမရှိပါဘူး

ရဟန္တာဖြစ်တာတောင်အနောက်မှာ မိန်းမတယောက်ကပ်ပါလာတဲ့ မထေရ်ကြီးဟာ အတိတ်ဘဝက ချစ်ခင်တဲ့ရဟန်းနှစ်ပါးကို ကွဲအောင်လုပ်ခဲ့လို့ဆိုတာ သိရင် အံ့ဩစရာမရှိပါဘူး

ပုတိဂတ္တမထေရ်ရဟန္တာကြီးဟာ အရိုးအဆစ်တွေ ပြုတ်ထွက်ပြီး ဝေဒနာတွေ ခံခဲ့ရတာဟာ ဘဝတစ်ခု မှာ ငှက်မုဆိုးဘဝနဲ့ ငှက်တွေကိုသတ်ဖြတ်ခဲ့တဲ့ အကုသိုလ်ကံဆိုတာကို သိရင် အံ့ဩစရာမဟုတ်ပါဘူး။

သတ္တဝါတိုင်းသံသရာမှာ မလုပ်ဘူးတဲ့အကုသိုလ် မရှိဘူးလို့ဗုဒ္ဓဟောထားတယ်လေ

ခုလို သီလ သမာဓိ ပညာ အားနည်းနေတဲ့ အချိန်မှာ ဝင်ရောက်အကျိုးပေးဖို့ စောင့်နေကြတာပါ။

ငါးရာ့ငါးဆယ်နိပါတ်တော်မှာ ဇာတ်ပေါင်းလို့ရှိရင် ဘုရားရှင်နဲ့ အရှင်သာရိပုတြာ အရှင်မဟာမောဂ္ဂလန်မိထွေးတော်ဂေါတမီ စတဲ့
ပုဂ္ဂိုလ် ကြီးများအားလုံးဟာ ဘုရားရှင်နဲ့ ပါတ်သတ်ဘူးတာတွေချည်းပါပဲ။

နောက်ပြီး သံသရာမှာ တဦးနဲ့တဦး အမေမတော်ဘူးသူမရှိဘူးဆိုတော့ တဦးနဲတဦးပါတ်သတ်ဘူးတာ အသေအချာပါပဲ။

ဒါ့ကြောင့် အခု တွေ့မြင်နေရတဲ့ ဥပေစ္ဆဒက ကံတွေဟာ နွားကျောင်းသားခုနစ်ယောက်လို ကံတူအကျိုးပေးတွေ ဆုံတိုင်း ဆုံတိုင်း ဝင်ရောက်အကျိုးပေးတာပါပဲ။

ကံ ကံရဲ့အကျိုးကိုယုံကြည်ရင်
အံ့သြစရာအဖြစ် မမြင်ပဲ
သံဝေဂ ရအောင်ယူတတ်ဖို့သာ
အရေးကြီးပါကြောင်း
သတိပေးချင်ပါတယ်။

ဝမ်းနည်းစိတ်တွေ နေရာမှာ
သံဝေဂဉာဏ်နဲ့ယှဉ်ပြီး
ကုသိုလ်ယူနိုင်ကြပါစေ

ဗုဒ္ဓဘာသာမှာ
အက်ဆီးဒင့် မရှိပါဘူး

ပကတိ မျက်လုံးနဲ့မကြည့်ပဲ
ဉာဏ်မျက်လုံး နဲ့ မြင်နိုင်ကြပါစေ

အကြောင်းတရားကင်းတဲ့
အကျိုးတရား မရှိဘူးဆိုတာ ဗုဒ္ဓ ဘာသာဝင်တိုင်း သိလောက်ပါတယ်။

ဒါ့ကြောင့် ပျက်စီးလွယ်တဲ့ခုလိုအချိန်မျိုးမှာ အကုသိုလ်တွေဝင်ခွင့်မရအောင် ကုသိုလ်များများ လုပ်ထားကြပြီး အရာရာကို ဉာဏ်ဝိရိယ နဲ့ အထူးသတိထား နေထိုင်ကြဖို့ တိုက်တွက်ပါတယ်။

,ဦးမြင့်ခိုင်
2,933
U Myint Khaing ( Psychology)

26 Dec, 13:42

ဓမ္မဆိုတာ
------------------

စိတ်ဓာတ်ကျပြီး အနာဂတ်မရှိတော့သလိုခံစားရရင်
"ဗုဒ္ဓနုဿတိ" ဂုဏ်တော်ပွား

ဂြိုလ်စီးဂြိုလ်နင်းညံ့တဲ့အခါ ကံဇာတာညံ့တဲ့အခါ အဆင်မပြေတဲ့အခါ အတိတ်နမိတ်မကောင်းတဲ့အခါ
"ပုပဏှသုတ်" ကိုရွတ်

ကျန်းမာရေးညံ့ရင်
"ဗောဇ္စျင်သုတ်"နဲ့"ရတနာ့သုတ်"ကိုရွတ်

အချစ်မခံရရင် မျက်နှာအကြည်ဓာတ်ပျက်နေရင် လူမုန်းများနေရင် သောကရောက်နေရင်
"မေတ္တာသုတ်"ကို ၁၁၁ ခေါက် (၁) လအဓိဌာန်ဝင် အချိန်ခွဲပူဇော်လို့ရပါတယ်

ငွေကြေးအကြပ်အတည်းဖြစ်နေရင်
"ဦးခန္တီ ပုတီး " စိတ်

စီးပွားရေး အဆင်မပြေရင်
"ဒိဝါတပတိ" နိုင်သလောက်စိတ်

ဆုတောင်းတွေပြည့်ချင်ရင်
"မဟာသမယသုတ်"ကိုလူခြေတိတ်ချိန် သေချာရွတ် မနက် ၂နာရီ ထရွတ်နိုင်ရင်အကောင်းဆုံး

လူယုတ်မာတွေနဲ့ဝေးချင်ပြီး အောင်မြင်ချင်ရင်
"ပဌာန်း" အကျယ် အဓိဌာန် ၁လဝင်

အန္တရာယ်ကင်းချင်ရင်
"သဗုဒ္ဓေ ဂါတာတော်နဲ့ ပရိတ်ကြီး ၁၁ သုတ်" ကိုရွတ်

စစ်ဖြစ်ပြီး ကြောက်မက်ဖွယ်ရာတွေကြုံတဲ့အခါ
"ဓဇဂ္ဂသုတ်"ကိုသေချာရွတ်

ယုံကြည်စွာနဲ့ အားကိုးရလောက်တဲ့ကုသိုလ်ဖြစ်အောင် မပျက်မကွက်နဲ့ထုံနေအောင်သာပူဇော်ကြည့်
ဘယ်ကနေရောက်လာမှန်းမသိတဲ့အကူညီတွေ ရောက်လာလိမ့်မယ်
နတ်တွေကိုမေတ္တာအပြည့်ထားပြီးအမျှဝေ ကိုယ်စောင့်နတ်ကိုမေတ္တာပို့ နတ်ချစ်ရင် လူချစ်တယ်

ဒီလောက်စိတ်အဆင်မပြေတာ ဘာတွေရွတ်ခိုင်းနေတာလဲထင်ချင်ထင်မယ်
ပါချုပ်ဆရာတော်ကြီးမိန့်သလိုပဲ
"အကုသိုလ်က ကုသိုလ်ထက်အားကြီးနေရင် ကုသိုလ်က အကုသိုလ်ထက်အားပိုကြီးအောင်လုပ်ရမယ် တစ်ခုအဆင်မပြေရင် ဘာသာရေးတစ်ခုပိုလုပ် အများကြီးအဆင်မပြေရင် ဘာသာရေးအများကြီးပိုလုပ်" သိသိသာသာ အဆင်ပြေလာလိမ့်မယ်

အားတဲ့ချိန်တိုင်း အလကားအတင်းတုတ်နေသီချင်းဆိုနေမဲ့အစား ဂုဏ်တော်တစ်ခုကောက်ရွတ်နေလိုက်
တနေ့ကို ၁၅မိနစ်လောက်အချိန်ယူပြီး ဝိပ္ပဿနာ ထိုင်ဖို့ကြိုးစားကြည့်
တရားစခန်းတွေဝင်ဖို့က နောက်ဆံတင်းနေရတော့ ၂၄နာရီ မှာ ၁၅မိနစ်လောက် သံယောဇဥ်ဖြတ်နိုင်ဖို့ကြိုးစား

အူမတောင့်တောင့် မတောင့်တောင့်သီလဆိုတာ ဆောက်တည်ရမဲ့အရာ တနေ့ကို ဒါန သီလ ဘာဝနာ ညီမျှအောင်လုပ်ဖို့လိုတယ်

ကပ်ကဆိုက်နေပြီ ဘုရား တရား သံဃာမှတစ်ပါး အားကိုးရာမရှိဘူး ။

ကပ်ဘေးကလွတ်တဲ့အခါ လမ်းကြုံရင်ကျမကိုကျေးဇူးတင်လာလိမ့်မယ် ။

crd

ဦးမြင့်ခိုင်
2,916
U Myint Khaing ( Psychology)

25 Dec, 14:23

မရှင်းချင်တော့ဘူး
--------------

ဟိုးအရင်တွေကတော့ ကွန်းမန့်တွေမှာ မန့်တဲ့အခါ စိတ်ရှည်ရှည်နဲ့ရှင်းပြတယ်၊ နားလည်တဲ့ တခြားသောပုဂ္ဂိုလ်တွေကလည်း ဝိုင်းပြီးတော့ရှင်းပြပေးတယ်၊ လက်ခံကြတယ် အသိပညာတွေ ဖလှယ်ကြတယ် မသိသေးတဲ့အရာတွေကို ပိုသိလာတယ် ဗဟုသုတ ပိုရကြတယ်။

ခုနောက်ပိုင်းကျတော့ အဲဒီလိုမဟုတ်တော့ဘူး၊ ဘယ်လောက်ပဲ ကြောင်းကျိုးညီညွတ်အောင် ရှင်းပြပါစေ ဖင်ပိတ်ပြီးတော့ကိုငြင်းကြတာများလာတယ်၊ တခြားသောပုဂ္ဂိုလ်တွေကလည်း ဝိုင်းရှင်းပြတယ်၊ဒါပေမဲ့ လက်မခံဘူး၊ သူ့အယူအဆသာအမှန် ဆိုတဲ့သူတွေ ပိုပိုများများလာတယ်၊ နောက်ဆုံးရှင်းပြတဲ့သူတွေက ဒေါသထွက်လာတယ် အဲဒီအခါ မန့်တဲ့သူကလည်း ဒေါသပြန်ထွက်ပြီး အဆဲအဆိုတွေနဲ့သာ နိဂုံးချုပ်တာများများလာတယ်။

ပထမတော့ ဉာဏ်မမီလို့ မမြင်နိုင်တာလို့ ထင်မိခဲ့တာ သူတို့ဝေါထဲဝင်ကြည့်တော့မှ အဲဒီလိုမဟုတ်ဘူး တမင်တကာကို လက်မခံတာ နိုင်ငံရေးအမြင်မတူတာကို ရန်သူအဖြစ် ဆက်ဆံလာတယ်ဆိုတာ သိလာတယ်။

ဒါ့ကြောင့် ခုနောက်ပိုင်းပြန်မရှင်းတော့ဘူး။ မူဝါဒတခု ချမှတ်လိုက်တယ်။

တကယ်သိချင်တဲ့သူကိုအကြောင်းအကျိုးညီညွတ်အောင်ရှင်းပြတယ်

တမင်တကာဖင်ပိတ်ငြင်းတဲ့သူကို ဥပေက္ခာပြုလိုက်တယ်၊ အဆဲအဆိုနဲ့မန့်ရင် ဘလော့တယ်၊ ဘုရားတရားပြန်မမျှဝေတဲ့သူကို unfriend လုပ်ပြီး မျှဝေတဲ့သူနဲ့အစားထိုးတယ်။

အခုတော့ အဲဒီလိုပဲ လုပ်တော့တယ်။

စိတ်ချမ်းသာတယ် ဒေါသမထွက်တော့ဘူး၊တခြားသူတွေနဲ့လည်း ရန်ဖြစ်စရာမလိုတော့ဘူး။

ဦးမြင့်ခိုင်
2,568
U Myint Khaing ( Psychology)

27 Nov, 13:28

ကျွန်တော့ဘဝနဲ့ ဇွဲလုံ့လ
-----------------
အပိုင်း (၇)

သိုက်နန်းရှင်တွေ နတ်စိမ်းတွေအကြောင်း ရေးမယ်ဆိုရင်တော့ရေးစရာတွေ အများကြီး ကျန်ပါသေးတယ် ဒီလောက်ဆိုရင် သူတို့နဲ့ပါတ်သတ်တဲ့ သဘောတရားတွေ အခြေခံသိလောက်ရောပေါ့။

မကိုးကွယ်ပါနဲ့ ဒါနပြုပေးပါ အမျှပေးပါ ဝေသာလီကပ်ဘေးဖြစ်ပြီးတော့ မြတ်ဗုဒ္ဓဟာ ဘီလူးတွေကိုမြို့စောင့်ထားခဲ့တယ် ပြီးတော့ ပြည်သူတွေကို ဒါနပြုပေးဖို့ ပသ ဖို့တော့ လမ်းညွန်ခဲ့ပါတယ်။

အဲဒီသဘောပါပဲ သူတို့ကို မရှိခိုးနဲ့ လက်အုပ်မချီနဲ့ ဒါနပြုပေး အမျှဝေပေးပါ ဘဝဟောင်းက ဆွေမျိုးများအားလည်း အမျှပေးပါ၏ ဆိုပြီး အမျှပေးပါ သူတို့နိုင်သမျှကူညီတတ်ပါတယ် အမျှဝေတဲ့အခါ ကိုယ်စောင့်နတ်ကစပြီး အိမ်စောင့်နတ် မြို့စောင့်နတ် တိုင်းပြည်စောင့်နတ် သာသနာစောင့်နတ် ဝိဇ္ဇာဇော်ဂျီတပသီအပေါင်း သိကြားမင်း ယမမင်းအပေါင်း နတ်ပြည်ခြောက်ထပ်မှ နတ်များ ဗြဟ္မာပြည်နှစ်ဆယ်မှ နတ်ဗြဟ္မာများ ဆိုပြီး စုံလင်အောင်အမျှပေးဝေပါ။

နတ်စိမ်းတွေကတော့ အတွေ့စားတဲ့နတ်တွေရှိသလို အငွေ့စားတဲ့နတ်များလည်းရှိပါတယ် ဒါ့ကြောင့် သူတို့ကိုလည်းအမျှပေးဝေပါ သူတို့ကိုတော့ မိဆိုင် ဖဆိုင်ရိုးရာ နတ်များ ဆိုပြီး အမျှပေးပါ အဲဒီလောက်ဆိုရင် လုံလောက်ပါပြီ သေသူတွေအတွက်အမျှပေးရင်တော့ နာမည်တပ်ခေါ်ပြီး အမျှပေးကြပါ။

ဒီကနေ့ မြန်မာပြည်မှာ အလွဲကြီးလွဲနေကြတာကတော့ ဝိဇ္ဇာတွေဆိုလည်း ကိုးကွယ်မှူ့ပုံစံနဲ့ ကန်တော့ကြတယ် သိုက်နန်းရှင်တွေဆိုလည်း အရူးအမူး လက်အုပ်တွေချီကန်တော့ကြ ဆုတောင်း ကြတယ် နတ်စိမ်းတွေလည်း ပွဲတွေပေးပြီး ကယ်တင်ရှင်ပုံစံ နဲ့ ကန်တော့ကြတယ် ။

ဒါတွေဟာ သရဏဂုံ ဆုံးရှုံးစေတတ်တဲ့ ညှိုးနွမ်းစေတတ်တဲ့ အပ်ဝင်ပုဆိန် ထွက်သဘောမျိုးတွေပါပဲ။
သရဏဂုံဆိုတာ ကုသိုလ်မပြတ်စီးဝင်တဲ့ဘသဘောတရားရှိတယ်လို့ ပါချုပ်ဆရာတော်ဘုရားကြီးဟောထားတာ အားလုံးကြားဘူးကြမှာပါ အဲဒီကုသိုလ်ကို မဆုံးရှုံးကြစေချင်ပါဘူး။

အဲဒီလိုတွေ မိရိုးဖလာ ယုံကြည်မှူ့ ကိုးကွယ်မှူ့ပုံစံတွေကို ပြင်ပေးချင်လို့ သူတို့နဲ့ ပါတ်သတ်ဆက်နွယ်လာအောင်ကြိုးစားခဲ့ရတာပါပဲ။

ကျွန်တော့ရဲ့ ပင်ကိုယ်အသိစိတ်ကတော့ ခန္ဓာဉာဏ်ရောက် ဝိပဿနာက လွဲပြီး ဘာကိုမှ စိတ်မဝင်စားခဲ့ပါဘူး။

ပဋ္ဌာန်းတွေပူဇော်ပြီးနောက်ပိုင်းမှာ လူတွေရဲ့ ဥပတိကိုကြည့်တာနဲ့ ဘယ်လိုစိတ်ဓါတ်ပိုင်ရှင်ရှိတယ်ဆိုတာ သိလာတယ်။ လူတယောက်ဒုက္ခရောက်လို့ အကူအညီတောင်းရင် ဘယ်လိုလုပ်ပေးရင် အဆင်ပြေမယ်ဆိုတဲ့အဖြေဟာ ချက်ချင်းပေါ်လာတယ် နိုင်ငံ့အရေးတွေ ဘာဖြစ်မယ် ဆိုတာ ကြိုသိလာတယ်၊ သဘဝဘေးတွေလာတော့မယ် ဆိုရင် ကြိုပြော ကြိုသတိပေးတဲ့ပုဂ္ဂိုလ်တွေ အများကြီးလာပြီးသတိပေးတာတွေ ကြုံတွေ့လာရတယ်၊ ဒါတွေဟာ ထူးပေမဲ့ မဆန်းပါဘူး ပဋ္ဌာန်းပူဇော်မှူ့ရဲ့ အကျိုးဆက်လေးတခုပါပဲ၊

အခုတော့ ဝိပဿနာရှူ့မှတ်လို့ ပညတ်ကွာပြီး ပရမတ်မြင်ပြီးတဲ့နောက်မှာတော့ လောကထဲက အကြောင်းအရာတွေ သုံးဆယ့်တဘုံအတွင်းက အကြောင်းအရာတွေဟာ ဘာမှမဟုတ်တော့ပါဘူး၊ ဘာပဲကြိုသိကြိုသိ စိတ်ထဲမှာ ထူးဆန်းမနေတော့ဘူး
လူတွေနဲ့ပါတ်သတ်တဲ့အခါမှာ ချစ်ခြင်းမုန်းခြင်းတွေကင်းလာတယ် ချစ်ရမဲ့သူမရှိသလို မုန်းရမဲ့သူလည်း မရှိတော့ဘူး အောင်မြင်မှူ့တွေကျရှုံးမှူ့တွေဟာ ရင်ခုံစရာမဟုတ်တော့ဘူး။

အကောင်းလောကဓံတွေဟာ ရန်သူတွေဖြစ်ပြီး အဆိုးလောကဓံတွေဟာ မိတ်ဆွေတွေ ဖြစ်လာတယ်၊

ကောင်းခြင်း ဆိုးခြင်းကို ဥပေက္ခာဆိုတဲ့ တူညီတဲ့စိတ်ခံစားမှု့နဲ့ပဲ ကျော်ဖြတ်လာနိုင်တယ်၊

လူဆိုတာမရှိသလို ပုဂ္ဂိုလ်သတ္တဝါဆိုတာလည်း မတွေ့တော့ပါဘူး ဘယ်သူဘယ်ဝါဆိုတာလည်း မတွေ့တော့ဘူး

အရာအားလုံးဟာ အကြောင်းအကျိုး ဖြစ်ပျက် သဘောတရား စတဲ့ ဓမ္မ သဘောလေးတခုတည်းပဲ ခံစားမိပါတော့တယ်၊

အခုတော့ လောကအတွင်းက အကြောင်းအရာမှန်သမျှဟာ စက်ဆုပ် ဖွယ်သာဖြစ်တယ်ဆိုတာ ဉာဏ်နဲ့ မြင်လာပြီမို့ လောကကို လွန်မြောက်စေတဲ့ တရားသဘောကိုသာ မျှော်လင့်ရင်း နေ့စဉ်ဝိပဿနာဉာဏ်တွေ ရင့်သန်အောင် ကြိုးစားအားထုတ်နေမိပါတော့တယ်၊

ဦးမြင့်ခိုင်
1,396
U Myint Khaing ( Psychology)

25 Nov, 13:30

ကျွန်တော့ဘဝနဲ့ ဇွဲ လုံ့လ
------------------
အပိုင်း (၆)

တကယ်တော့ အစွဲအလန်းကြီးပြီး သေသွားတဲ့သူတွေဟာ အင်မတန် နစ်နာလှတာကို ဗုဒ္ဓဘာသာဝင်တွေ သဘောပေါက်သင့်တယ်။

လူသားအဖြစ်က ကိုယ့်စိတ်ကြိုက်ကုသိုလ် လုပ်ခွင့်ရတယ် ကြိုက်သလောက် လုပ်ပိုင်ခွင့်ရှိတယ်၊ အစွဲအလန်းနဲ့သေသွားတဲ့အခါ သူများ အမျှပေးလို့ သာဓုခေါ်နိုင်ပါမှ ကျွတ်နိုင်မှာပါ လူ့အသက်တမ်းတရာမှ တာဝတိံသာတရက် ပဲရှိတယ် အဲဒီလို နတ်အသက်တမ်းတစ်ရာမှ ငရဲသက်ပြိတ္တာသက်ကဘတရက်ပဲ ရှိတယ်ဆိုတော့ ငရဲသားတွေ ပြိတ္တာတွေဟာ အဲဒီဘဝရောက်သွားရင် တော်တော်နဲ့ ကျွတ်ဖို့မလွယ်လှဘူး ဗုဒ္ဓဘာသာဝင်တိုင်းသိထားတဲ့ ဇာတ်တော်တခုရှိတယ်မလား ဗိမ္မဿာရမင်းကြီးဟာ သူ့ဆွေမျိုးတွေကို အမျှပေးဖို့မေ့နေလို့ ပြိတ္တာတွေဟာ မြို့တံတိုင်းအပေါ်ကနေ ခြောက်လှန်အော်ဟစ်ကြတယ် မင်းကြီးကကြောက်လန့်ပြီး ဘုရားရှင်ကို လျှောက်တော့မှ အသင်မင်းကြီးမကြောက်ပါနဲ့ အဲဒီပုဂ္ဂိုလ်တွေဟာ လွန်ခဲ့တဲ့ ကိုးဆယ့်နှစ်ကမ္ဘာအထက်က မင်းကြီးရဲ့ ဆွေမျိုးတွေပါ မင်းကြီးက အမျှဝေဖို့ကတိပေးထားဘူးတယ် မင်းကြီးအမျှဝေမှ သူတို့ဘဝ စားရသောက်ရပြီး ဒီထက်ကောင်းတဲ့ဘဝကိုဘရရှိကြမှာမို့ မင်းကြီးအမျှဝေသံကိုစောင့်နေကြတာပါတဲ့။

ဒီဇာတ်တော်ကို စဉ်းစားကြည့်ပေါ့ ကမ္ဘာပေါင်းများစွား မကျွတ်မလွတ်တဲ့ဘဝမှာ နေလာခဲ့ကြရတယ် သာဓုတခါခေါ်ဖို့ အဲဒီလောက်အထိ ခက်ခဲပါတယ်။ ပြိတ္တာအမျိုး နှစ်ဆယ် မှာ ဝေမာနိကပြိတ္တာ တမျိုးပဲ သာဓုခေါ်နိုင်နိုင်ပါတယ် ကျန်တဲ့ ဆယ့်ကိုးမျိုးက သာဓုမခေါ်နိုင်တဲ့ဘဝတွေပါပဲ။

ဒါဟာ အစွဲအလန်းနဲ့ သေသွားကြတဲ့ ဖြစ်စဉ်တွေပါပဲ ဒီကနေ့ဖြစ်စဉ်တွေမှာလဲ ရှိပါတယ် လင်သေလို့ အစွဲအလန်းကြီးတွေနဲ့ သေသွားကြတယ် အမျှပေးတာတောင် မယူကြပဲနဲ့ တစ္ဆေဘဝနဲ့ သွားလေရာ လိုက်နေကြတဲ့ ဖြစ်စဉ်တွေတောင် ဒီကနေ့အများကြီး တွေ့ဘူး ကြုံဘူးကြမှာပါ။

ဒီကနေ့ သိုက်နန်းရှင်တွေဟာလူး သူတို့အတွက် ပဋ္ဌာန်းဆက်ပုဂ္ဂိုလ်တွေပေးတဲ့ အမျှကို အများကြီးရကြပေမဲ့ မကျွတ်ကြသေးဘူး၊ ခက်တာက သူတို့ကိုယ်တိုင် အဲဒီလိုဘဝတွေမှာ နှစ်ချိုက်ပျော်မွေ့နေကြတာဟာလည်းမကျွတ်နိုင်ခြင်းရဲ့ အကြောင်းတရားတခုပါပဲ။

မင်းညီမင်းသားဘဝတွေဖြစ်ခဲ့ကြတဲ့အချိန် ပါတ်သတ်ခဲ့ကြဘူးတဲ့ မောင်းမမိဿာန်တွေအပေါ် ခံစားခဲ့ကြတဲ့ စည်းစိမ်ဥစ္စာတွေအပေါ်မှာ သယာနေကြတာများတယ်၊

သူတို့ဟာ သူတို့ရဲ့အဆက်တွေသေတော့မယ် ဆိုရင် ချက်ချင်းရောက်လာတတ်ကြပြီး အသက်ထွက်မဲ့ အချိန်မျိုးမှာ ဘဝဟောင်းက စည်းစိမ်တွေ ရာထူးတွေ ခင်မင်ခဲ့ရတဲ့ ဆွေမျိုးတွေကို သေမဲ့သူရဲ့ အာရုံပေါ်အောင်ပြကြတယ် အသက်ထွက်သွားတော့ အဲဒီအာရုံတွေနဲ့ပဲ အသက်ထွက်သွားကြတယ် ပြီးတော့ အဲဒီဘဝပဲ ပြန်ရောက်သွားကြတာကို သိုက်ကပြန်ခေါ်တယ်လို့ ဒီကနေ့လူတွေပြောပြောနေကြတယ်။ တကယ်တော့ အတင်းဆွဲခေါ်တာမဟုတ်ပါဘူး အာရုံထဲမှာ ထင်သာ မြင်သာအောင်ပြကြတာပါပဲ။

ကျွန်တော်ဟာ သိုက်နန်းရှင်တွေရဲ့ သဘောတရားကိုသိချင်လို့ သူတို့ကို ကုသိုလ်လုပ်တိုင်း နာမည်တပ်ပြီးပေးတယ် ဗိုလ်တထောင်ဘုရားရောက်တဲ့အခါ မြနန်းနွယ်ကစကားတွေလာပြောသလို ရွှေသိမ်တော်တို့ ရွှေစာရံတို့ ရောက်တဲ့အခါမှာလည်း စောမွန်လှက စကားလာပြောတယ် ၊သူတို့ရဲ့ ပဋ္ဌာန်းဆက်တွေကို ကူညီပေးဖို့ တောင်းဆိုလို့ ကန်တော့ပွဲတွေသွားပေးပေးရတာကိုက အခုဆိုရင် လူပေါင်း သုံးလေးရာ လောက်ပေးပေးဘူးတယ် သူတို့ အကူအညီတောင်လို့ ကူညီပေးတာ။

သူတို့နှောင့်ယှက်ထားတဲ့သူတွေ အတိဒုက္ခတွေ ရောက်လို့ လာပြီးအကူအညီတောင်းတဲ့အခါ ကျရင်လည်း ကျွန်တော်ကမနှောင့်ယှက်ဖို့ မေတ္တာရပ်ခံရင်လည်း သူတို့က နားထောင်တယ်။ ဒါကလည်း ကျွန်တော့ရဲ့ ပါရမီ ပရိတ်ပဋ္ဌာန်းပူဇော်ခြင်းအကျိုးနဲ့ သူတို့ကို ကုသိုလ်လုပ်တိုင်းအမျှဝေခြင်းအကျိုးပါပဲ၊ တချို့က ဓါတ်စကားတွေပြောကြတယ် တချို့က ဗမာစကားပြောကြတယ် ရှမ်းစကားပြောကြတယ် ကုလားစကားပြောတဲ့ အမျိုးသမီးတွေတောင်ပါသေးတယ် တချို့က ဘုရားရှင်လက်ထက်တော်က လူဖြစ်ဘူးတဲ့ ပုဂ္ဂိုလ်တွေလို့ ပြောတဲ့သူတွေတောင်ပါတယ်၊ သူတို့နဲ့ အများကြီးပါတ်သတိခဲ့ဘူးတယ်။

အခု ကျွန်တော့ရဲ့ စာဖတ်ပရိတ်သတ်တွေထဲမှာကို ကျွန်တော်ကူညီပေးဘူးတဲ့သူတော်တော်များများ ပါပါလိမ့်မယ်။

ကျွန်တော်ကို ကန်တော့ပွဲ ပေးပေးဖို့အကူအညီတောင်းတဲ့သူတွေကိုတော့ တခါတည်းအသိပေးထားတယ် လက်အုပ်မချီဖို့ ကိုးကွယ်မှူ့ပုံစံ မလုပ်ဖို့ နဲ့ အမျှအတန်းပေးဖို့ပဲ အဓိကလုပ်ဖို့ ပြောပြီးမှ ကျွန်တော်ကူညီတာပါ။ သရဏဂုံပျက်တာမျိုးမဖြစ်စေချင်လို့ပါပဲ။

ဒီလိုတွေ လုပ်ပေးတာဟာလည်း သူတို့ရဲ့ သဘောတရားကို သိချင်ယုံမျှပါပဲ စမ်းသပ်တဲ့သဘောပါ ဒီနေ့ထိ လူပေါင်းရာချီပြီး ပွဲပေးကူညီပေးခဲ့ပေမဲ့ လိုင်းပေါ်ကိုတခါမှ မတင်ပေးခဲ့ပါဘူး၊ သဒ္ဓါတရားတွေယိုင်နဲ့ကုန်မှာစိုးလို့ပါ။

အံ့ဩစရာကောင်းတာက သူတို့ဟာ သူတို့ရဲ့အဆက်တွေကို ရန်ကုန်ကဆိုရင်ဗိုလ်တထောင် မယ်လမု စတဲ့ ဘုရားတွေကို လာဖို့ ကူညီခိုင်းတယ် မန္တလေးရောက်ပြီဆိုရက်လည်း ရွှေသိမ်တော်တို့ ရွှေစာရံ တို့ကို မရောက်ရောက်အောင် ခေါ်တော့တာပဲ၊
1,714
U Myint Khaing ( Psychology)

25 Nov, 13:30

ပြောချင်တာက သိုက်နန်းရှင်တွေ မိဆိုင်ဖဆိုင် နတ်တွေဟာ တကယ်ရှိပါတယ်
ဦးရှင်ကြီး ရှိမရှိလည်းစမ်းသပ်ဘူးတယ် အိမ်တွင်း ဦးတင်တယ် နဂါးရိုင်း မယ်တော့ ရှိမရှိ စမ်းသပ်ဘူးတယ် သူတို့ကို လက်ဖတ်တွေကွမ်းယာတွေနဲ့ ဒါနပြုပေးတာ သူတို့တကယ်လာကြတယ် သူတို့လည်း အစွဲနဲ့သေသွားကြတဲ့ နတ်စိမ်းတွေမို့ မကျွတ်နိုင်ကြသေးဘူး။ ဦးတင့်တယ်ဆိုရင် ခန္ဓာကိုယ် အကြီးကြီးပဲ အင်မတန်ကြောက်စရာကောင်းတယ်၊ (သူတို့နဲ့ ပါတ်သတ်တာတွေလည်းအများကြီးရှိပေမဲ့ စာရှည်သွားမှာစိုးလို့ မရေးတော့ပါဘူး)

သူတို့ကို ဒါနပြုပေး အမျှပေးရင် လုံလောက်ပါပြီ အမြဲတမ်းလုပ်ရင် သူတို့က ထိုက်သင့်သလောက်စောင့်ရှောက်ပါတယ်။

ကိုးကွယ်မှူ့နဲ့ ပသမှူ့ကို ဗုဒ္ဓဘာသာဝင်တွေ မကွဲကြတာဟာ အင်မတန်ဝမ်းနည်းစရာကောင်းတယ် သူတိုကို လက်အုပ်ချီတာတွေ ကန်တော့တာတွေဟာ အကျိုးထက် အပြစ်က ပိုများပါတယ် ဗုဒ္ဓဘာသာဝင်တွေ ပြောပြောနေတဲ့ အပ်ဝင်ပုစိန်ထွက်ဆိုတဲ့ စကားပုံလိုပါပဲ သူတို့ကူညီတာ မစတာက မသေချာဘူး အင်မတန်အကျိုးကြီးတဲ့ သရဏဂုံက ပျက်သွားပြီ။

ဒါ့ကြောင့် နတ်ကိုးကွယ်မှူ့တွေ သိုက်နန်းရှင်တွေနဲ့ ပါတ်သတ်ပြီး ပြုလုပ်ကြတဲ့ ကုသိုလ်တွေမှာ သဒ္ဓါတရားတွေ မပျက်ကြစေဖို့ လက်အုပ်အချီကြဖို့ မကန်တော့ကြဖို့ အထူးအရေးကြီးလှပါတယ်။

ရတနာ သုံးပါး အနန္တောအနန္တ ငါးပါး ခင်ပွန်းကြီးဆယ်ပါးကို လက်အုပ်ရှိရှိခိုးလို့ ရပေမဲ့ သူတို့ကို မရှိခိုးကြဖို့ အထူးတိုက်တွန်းပါရစေ။

ဦးမြင့်ခိုင်

အပိုင်း (၇) ဆက်ရေးပါမည်
1,951
U Myint Khaing ( Psychology)

24 Nov, 13:46

ကျွန်တော့ဘဝ နဲ့ ဇွဲလုံ့လ
------------------
အပိုင်း (၄)

သိုက်နန်းရှင်တွေ အကြောင်းတော်တော်များများရတဲ့အခါ ပိဋကတ်တော်ထဲက သိုက်နန်းရှင်တွေနဲ့ ထပ်တူကျတာ တွေ့ရတယ်

ပိဋကတ်တော်တွေထဲမှာလဲ အဲဒီလို သေသွားပြီး မကျွတ်မလွတ်ကြလို့ နေ့စံညခံ ပြိတ္တာတွေအကြောင်း ဘဝဟောင်းက လင်တွေ မယားတွေက လူ့ဘဝက ယျောကျ်ားတွေ မိန်းမတွေနဲ့ ပြန်ပေါင်းချင်လို့ လူယောင်ဖန်ဆင်းပြီး ခေါ်တာမျိုးတွေ ဇာတ်တော်ထဲမှာ တွေ့ရတယ်။

အထင်ရှားဆုံးအနေနဲ့ သမုဒ္ဒရာထဲမှာ ဝေမာနိကပြိတ္တာဖြစ်နေပြီး သူ့ မယားဟောင်းပါလာတဲ့သင်္ဘောကို တန်ခိုးနဲ့တား တယ် သင်္ဘောသားတွေမဲနှိုက်တော့ သုံးခါလုံ မဲကျလို့ သမုဒ္ဒရာထဲကို ပစ်ချတဲ့အခါ လင်ယျောကျ်ားက ခေါ်သွားပြီး ပေါင်းသင်းနေထိုင်တယ်။

နောက်တခုက
ဘုရားမပွင့်ခင် နှစ်ပေါင်းခုနစ်ရာလောက်က ပြိတ္တာတယောက်ဟာ မယားဟောင်းနဲ့ပေါင်းချင်လို့ လူယောင်ဖန်ဆင်းပြီး မိဘတွေဆီ ရွှေငွေရတနာတွေပေးပြီး ခေါ်သွားတယ် ပြိတ္တာဘဝနဲ့ ပေါင်းသင်းနေထိုင်တယ် ခုနှ နှစ်လောက်ကြာတော့ မယားကပြန်ချင်တယ်ပြောတယ် တားပေမဲ့ မရလို့ လူ့ဘဝကခေါ်လာတာ လူ့အသက်တမ်းနဲ့ဆို နှစ်ပေါင်းခုနစ်ရာ ရှိတဲ့အကြောင်း လင်ကပြောပြတယ် မယားကမယုံလို့ အတင်းပြန်ပို့ခိုင်းတဲ့အခါ ကောင်းကင်ခရီးနဲ့ ခေါ်လာပြီး ပါဋလိပုတ်မြို့ရဲ့ မြို့လည်ခေါင်မှာ ချထားခဲ့တယ် အဲဒီအခါကျတော့မှ အမျိုးသမီးက သူထွက်လာတုန်းကခုနှ နှစ်ပဲ ကြာခဲ့ပေမဲ့ မြင်ကွင်းတွေက အတူတော့ဘူး

အဲဒီအချိန်မြတ်စွာဘုရားကပွင့်နေတော့ ဘုရားရှင်ကို သွားလျှောက်တယ်။ ဘုရားရှင်က ချစ်သမီး သင်ထွက်သွားတာ နှစ်ပေါင်းခုနစ်ရာကျော်ကြာသွားပြီ ရှင်းပြတော့မှ ယုံသွားတယ်
ဒါမဲ့ပဲ ပါလာတဲ့ ရတနာတွေကို ရောင်းချပြီး ကျောင်းဆောက်တယ် အသက်ထက်ဆုံး တရားအားထုတ်သွားတော့တယ်။
ဒီဖြစ်စဉ်တွေက ဘုရားရှင်သာ ရှင်းမပြရင် ဘယ်လိုမှ လက်ခံစရာမရှိဘူး၊ ပြိတ္တာသက်နဲ့ လူသက်ကွားခြားမှူ့ပါပဲ။

ဒီကနေ့ ကမ္ဘာပေါ်မှာ ပျောက်သွားပြီး နှစ်ပေါင်း လေးငါးဆယ် ကြာမှ ပြန်ပေါ်လာတယ် ဆိုတဲ့ဖြစ်စဉ်တွေဟာ အဲဒီလို ဝေမာနိကပြိတ္တာဘုံသားတွေရဲ့ လက်ချက်ပါပဲ ပြန်ပေါ်လာတာတွေရှိသလို ခုထိ ပြန်ပေါ်မလာတာတွေလည်း အများကြီးရှိသေးတယ် သိပ္ပံကတော့ ဘာမြူဒါလို့ ခေါင်းစဉ်တပ်တယ် ပြန်ပေါ်လာတဲ့လူတွေဟာ အိုမသွားဘူး အသက်ကြီးမသွားဘူး၊ သူတို့ကို သိပ္ပံကတော့ time wamp တဲ့ အဖြေထုတ်တယ် မအို မနာ မသေ အချိန်မဲ့တဲ့နေရာတဲ့။

တကယ်တော့ လူ့ဘုံနဲ့ ဝေမာနိကပြိတ္တာဘုံသားတွေရဲ့ ပါတ်သတ်မှူ့ဖြစ်စဉ်ဟာ အင်မတန်စိတ်ဝင်စားစရာကောင်းတယ် သိပ္ပံသဘောနဲ့ ဘယ်လိုမှ လိုက်လို့မမီနိုငိပါဘူး။

ဒီကနေ့ သိုက်နန်းရှင်တွေ လည်းသူတို့ရဲ့ အရင်ဘဝက လင်ဟောင်း မယားဟောင်းတွေ လူလာဖြစ်ကြတယ် အခု့ လူ့ပြည်ရောက်တော့ အိမ်ထောင်တွေပြုကြတဲ့အခါ ဘဝဟောင်းက လင်ဟောင်းမယားဟောင်းတွေက စိတ်ဆိုးပြီး ဒုက္ခရောက်အောင်လုပ်ကြတာတွေ အများကြီး တွေ့ရသလို အသက်သေတဲ့အထိ နှောင့်ယှက်ကြတာလည်း တွေ့ရတယ်၊ သိုက်ကလာရင် အိမ်ထောင်ပြုလို့မရဘူးဆိုတာ အဲဒီသဘောတွေပါပဲ။

သိုက်နန်းရှင်တွေဟာ သူတို့ရဲ့ ဆွေမျိုးတွေ သူတို့ကို မေ့နေကြလို့ ကျွန်တော့ဆီအကူအညီ လာတောင်းကြတာတွေ အများကြီးပဲ။

ဒါတွေက ကျွန်တော့ရဲ့ သိုက်နန်းရှင်တွေနဲ့ပါတ်သတ်တဲ့ သုံးသပ်ချက်တွေပါပဲ၊ သူတို့လည်း အစွဲအလန်းတွေအားကြီးလွန်းကြတော့ အမျှပေး တဲ့သူတွေများတာတောင် တော်တော်နဲ့ မကျွတ်နိုင်ကြဘူး အစွဲအလန်းတွေဟာ သိပ်ကြောက်စရာကောင်းတယ်။

ဒီဘုရားရှင်လက်ထက်တော့ သူတို့ မကျွတ်နိုင်ကြဘူး နောက်ဘုရားရှင်လက်ထက်လောက်မှ တော်တော်များများ ကျွတ်ကြလိမ့်မယ်။

ကိုယ့်ကိုကိုယ် အရင်ဘဝက ဆွေမျိုးတွေ တော်ခဲ့ဘူးတဲ့သူ သိုက်ဆက်ပါသူ သိချင်ရင် လေ့လာကြည့်ပါ မြွေအကြီးကြီးတွေ ခဏခဏအိမ်မက်မက်တာမျိုးတွေ ရှေးဟောင်းဘုရားတွေ အရင်ဘဝက ရွှေငွေရတနာ ပစ္စည်းဥစ္စာတွေကို ဘဝဟောင်းကဆွေမျိုးတွေပြလို့ မြင်မက်တာမျိုးတွေ နန်းဝတ်နန်းစားနဲ့ အိမ်မက်တာမျိုးတွေ ဆိုရင် အရင်ဘဝဟောင်းက ပြိတ္တာဆွေမျိုးအဆက်ရှိခဲ့တဲ့သူတွေပါပဲ။

အဲဒီလိုလူတွေဟာ ကုသိုလ် လုပ်တိုင်း ဘဝဟောင်းကဆွေမျိုးများအား အမျှပေးပါ၏ ဆိုပြီး ကုသိုလ်လုပ်တိုင်းအမျှပေးကြရပါမယ်။

အပိုင်း (၆) ဆက်ရေးပါမည်

ဦးမြင့်ခိုင်
1,898
U Myint Khaing ( Psychology)

23 Nov, 14:56

ကျွန်တော့ဘဝနဲ့ ဇွဲလုံ့လ
အပိုင်း (၃)
------------------


ပဋ္ဌာန်းပူဇော်လို့ ငါးလလောက်အကြာမှာ အရင်ဆုံး ဝေမာနိက ပြိတ္တာမလေးတယောက်က အဘ တို့ လွှတ်လို့ ဆိုပြီး ဆက်သွယ်လာပါတယ် အရေးအကြောင်းရှိရင် ချက်ချင်းပြောလို့ ရအောင်နဲ့ သိချင်တာရှိရင်လည်း မေးလို့ရအောင် ဆိုပြီး လာပြောပါတယ်၊ သူ့အသက်ကိုမေးကြည့်တော့ ဆယ့်သုံးနှစ်ရှိပါပြီတဲ့။

ပထမဦးဆုံးပြောတာကတော့ လူတွေအများကြီးသေကြေကြမဲ့ ကပ်ဘေးကြီးလာတော့မယ် ကယ်လို့ရတဲ့သူတွေကို ကယ်ရအောင် ဦးဆောင်ပြီး အဓိဋ္ဌာန်တွေ ဝင်ရပါမယ် လို့ ပြောတယ်။

ကိုယ်က နတ်တွေ ဝိဇ္ဇာတွေ တရားနာ ကြွမကြွ ပဲ သိချင်နေတော့ ပထမဦးဆုံးသူ့ကို အဲဒီမေးခွန်ပဲမေးတယ် ပဋ္ဌာန်းပူဇော်ရင် ဘယ်သူတွေလာတာတွေ့လဲပေါ့၊

သူကပြောတယ် နင့်ရဲ့ ဘယ်ဘက်မှာက ပုဆိုးအကွက်ကြီးနဲ့အင်္ကျီဟဗြဲကြီးနဲ့ တယောက် အပေါ်ဖြူ အောက်ဖြူ ခေါင်းပေါင်းကြီးနဲ့ တောင်ဝှေးကြီးနဲ့ လက်မှာလည်းပုတီးကြီးနဲ့တယောက်၊ ဘုရင်လိုအဝတ်စားနဲ့ လက်မှာလည်းဓါးလိုလို အချွန်ကြီးကိုင်ထားတဲ့တယောက် ပြီးတော့ အဝတ်အစားကြီးက မဲပြီးညစ်ပါတ်တယ် ခေါင်းမှာလည်း အပြားကြီးဆောင်းထားတယ် ခွက်ကြီးတခုကို လွယ်ထားပြီး ပုတီးအကြီးကြီးတွေကိုင်ထားတာကတယောက် အဲဒီလူကြီးကို တခြားလူကြီးတွေက ရသေ့ကြီးလို့ ခေါ်ကြတာတဲ့။

ဒါဆိုရင်ပဋ္ဌာန်းပူဇော်လို့ပင့်ဖိတ်တဲ့အခါ အဘဘိုးဘိုးအောင် အဘဘိုးမင်းခေါင် စင်္ကြာမင်း ရသေ့ကြီးဦးခန္တီ စတဲ့ ဝိဇ္ဇဓိုရ်ကြီးတွေ တရားနာ ကြွတယ်ဆိုတာ သေချာတယ်၊ ဒီကလေးမလေးက ဝေမာနိကဆိုတော့ တန်ခိုးအနည်းငယ်ရှိတယ် လာတဲ့သူတွေ ဘယ်သူတွေမှန်းသူမသိဘူး ဒါပေမဲ့ သူပြောတာတွေကိုကြည့်ခြင်းအားဖြင့် တရားနာဖိတ်တဲ့ ဝိဇ္ဇထိုရ်ကြီးတွေ ဆိုတာ သေချာသလောက်ပါပဲ။

ဒါနဲ့ ဘယ်ဘက်ကတော့ ဟုတ်ပါပြီ ညာဘက်ကကောဘယ်သူတွေလာလည်းလို့ မေးတော့ နင်က ပါးစပ်ကပွဲစိပွစိလုပ်တာနဲ့ ဘယ်ဘက်က ဟိုလူကြီးတွေအရင်လာတယ် ပြီးတော့ညာဘက်က လူကြီးတွေကတော့ မင်းသားတွေလိုပဲ အရမ်းချောတယ် ခေါင်းမှာ အချွန်အတက်တွေလည်း ပါတယ်၊ ပြီးတော့ သူတို့က မိုးပေါ်ကနေကျလာတာတွေတယ်၊ သူတို့လာခါနီးရင် မီးအလင်းတွေလို လင်းလာတယ် ပြီးတော့သူတို့ အများကြီးရောက်လာကြတယ်၊ သူတို့လာပြီဆိုရင် ငါလည်း ပူလာလို့ နေလို့မရတော့ဘူး အဝေးကြီးကို ရောက်ရောက်သွားတယ် နင်က ပွစိပွစိလုပ်ပြီး အမျှအမျှအမျှ လို့ ပြောပြီးတာနဲ့ သူတို့က ချက်ချက်ပျောက်သွားကြရောတဲ့။

ဒါဆိုရင် ဗုဒ္ဓတရားတော်တွေထဲကအတိုင်း နတ်ဗြဟ္မာတွေ လူ့ပြည်လာရင် အလင်းရောင်ကြီးတွေအရင်လာတယ် အဲဒီအချိန်မှာ တန်ခိုးငယ်တဲ့ စတုမဟာရဇ်အောက်ဘုံသားနတ်တွေနေရာဖယ်ပေးရတယ် ဆိုတဲ့ အချက်နဲ့ကိုက်ညီနေတာတွေ့ရတယ်။

အပိုင် (၄) ဆက်ရေးပါမည်

ဦးမြင့်ခိုင်

အရင်ဆုံး ဝိဇ္ဇာတွေ ရဲ့ သဘောတရားတွေ ကို ကိုယ်တိုင်လည်း လေ့လာ စာပေတွေလည်း ဖတ်ရှူ့တော့ ဝိဇ္ဇာနဲ့ ပါတ်သတ်ပြီး အဓိပ္ပါယ်ဖွင့်ဆိုထားတဲ့ တည်တော တောရဆရာတော်ကြီးရဲ့ အယူအဆ ဆုံးဖြတ်ချက်တွေ ဟာ အကောင်းဆုံး အထင်ရှားဆုံးပဲ ဒါ့ကြောင့် ဝိဇ္ဇာဆိုတာကို အသေးစိတ်သိချင်သူများအတွက် လူမှူ့ကွန်ယက်မှာ ဝိဇ္ဇာ ဇော်ဂျီ တပသီ ဆိုပြီး ရိုက်ရှာကြည့်ပါ ကျလာပါလိမ့်မယ်။
2,712
U Myint Khaing ( Psychology)

23 Nov, 14:20

ကျွန်တော့ဘဝနဲ့ ဇွဲလုံ့လ
-----------------
အပိုင်း (၂)

ဒီဆောင်းပါးရေးတာဟာ လူငယ်တွေအတွက် အားတက်ဖို့နဲ့ လိုချင်တဲ့ သိချင်တဲ့အရာဟာ လွယ်လွယ်နဲ့ ရရိုးထုံးစံမရှိဘူးဆိုတာကို သိစေချင်ယုံမျှပါပဲ၊ အထူးသဖြင့် ဆင်းရဲသားတွေအတွက် ဇွဲလုံ့လ နှစ်ဆ မြှင့်တင်မှ ရနိုင်မယ်ဆိုတဲ့ မက်ဆေ့ချ် ပေးချင်တာပါ၊

ပထမပိုင်းမှာ ဖြစ်ချင်တဲ့အရာဟာ ဘယ်လောက်ထိ ဇွဲလုံ့လနဲ့ကျိုးစားရတယ်ဆိုတာ ဖေါ်ပြခဲ့ပြီးပါပြီ။

အဲဒီလို ဘုရားတရားစာတွေ ဖတ်ရှူ့ လေ့လာရင်းနဲ့ပဲ နတ်တွေ ဝိဇ္ဇာတွေ ပြိတ္တာတွေ အကြောင်းကို အရမ်းစိတ်ဝင်စားလာခဲ့ရတယ်၊ ဘုရားဟောထဲမှာ မပါတဲ့ ဝိဇ္ဇာတွေ သိုက်နန်းရှင်တွေ မိဆိုင်ဖဆိုင်နတ်တွေ အကြောင်းကို ထဲထဲဝင်ဝင်သိချင်လာခဲ့တယ်၊ အဲဒီအချိန်က ဝိပဿနာကလွဲပြီး ကျန်တာဘာကိုမှ စိတ်မဝင်စားတဲ့အချိန်ပေါ့။

အဲဒီအကြောင်းတွေ သိချင်လာတော့ ထုံးစံအတိုင်း ဇွဲလုံ့လ နှစ်ဆထုတ်ရမယ်ဆိုတာလည်း သဘောပေါက်ပြီးသားမို့ ပရိတ်ပဋ္ဌာန်း ပူဇော်မှူ့တွေ အသက်သတ်လွတ်စားတာတွေ အဓိဋ္ဌာန်ဝင်တာတွေ ဆက်တိုက်လုပ်ရတယ် သူတို့သဘောက အဲဒီလိုလုပ်မှ သိခွင့်ရမှာကိုး။ ဒါပေမဲ့ဘဝိပဿနာကတော့ ကျွန်တော့ရဲ့ အမြင့်ဆုံးမျှော်လင့်ချက်မို့ တရားအားထုတ်မှူ့ကိုတော့ အမြဲတမ်းပြုလုပ်ခဲ့ပါတယ်။

အရင်ဆုံးပဋ္ဌာန်းတရားတော်မြတ်ကြီး ပစ္စယနိဒ္ဒေသကို အလွတ်ရအောင်အရင်ကျက်ရတယ်၊ သုံးလလောက်ကြာတယ်၊ အလွတ်ရတာနဲ့ မနက် သုံးနာရီထ ကိုယ်လက်သန့်စင် ဘုရားဝေယျာဝစ္စပြုလုပ်ပြီး အရုဏ်ဆွမ်းလောင်းဖို့ ထမင်းအိုး တည်ထားတယ်
ပြီးတာနဲ့ သုံးနာရီခွဲမှာ နတ်ပင့် မေတ္တာသုတ် စတဲ့ပရိတ်နဲ့ ပဋ္ဌာန်းတရားတော်မြတ်ကြီးကို စတင်ပူဇော်တယ်၊

ဗန်းမော်ဆရာတော်ဘုရားကြီးက လူတွေမနိုးတဲ့အချိန်မှာ မှန်သုံးမှန်နဲ့ပူဇော်ရင် နတ်တွေ ကြွလာတယ် ဆိုတာ ပြောထားဘူးလို့ တကယ်ပဲ နတ်တွေ အကြောင်းသိချင်ခဲ့မိတယ်။
ပိဋကတ်တော်ထဲမှာလည်း နတ်သားတွေအကြောင်း အထူးဖတ်ရှူ့ မှတ်သားရတယ်။

အဲဒါကြောင့်လည်း စတင်ပူဇော်ကတည်းက ရက်ပျက်မရှိပဲ အချိန်မှန် နေရာမှန်အသံထွက်မှန်ဆိုတဲ့ မှန်သုံးမှန် နဲ့ ပူဇော်တယ်၊ ပဋ္ဌာန်းပူဇော်ပြီးတာနဲ့ ဂုဏ်တော်ပွားတဲ့ ဗုဒ္ဓါအနုဿတိ ကမ္မဋ္ဌာန်း နဲ့ ဝိပဿနာ တရားထိုင်တယ်၊ ပြီးရင် အမျှဝေတယ်၊ ငါးနာရီထိုးခါနီးမှာ အရုဏ်သံဃာ အပါးနှစ်ဆယ်ကျော်ကိုလည်း နေ့စဉ် ကျောင်းတိုက်အဝကနေ လောင်းခဲ့တယ် သူတို့ကို အမျှပေးချင်လို့ သူတို့ ရမရ သိချင်လို့။

အဲဒီလို နေ့စဉ် ပြုလုပ်လာတာ ခြောက်လလောက် ကြာတဲ့အခါ မှာတော့ ထူးခြားမှူ့တွေ စတင်တွေ့လာရတယ်။

ပထမဦးဆုံးကတော့ အိမ်ရှေ့မှာ ရှိတဲ့ ကြိုးတန်းကိုဖြုတ်ပေးပါ တရားနာလာတဲ့ပုဂ္ဂိုလ်တွေ ဝင်လို့မရလို့တဲ့၊ ပြီးတော့ နေရာထိုင်ခင်းကို ခွဲပြီး နှစ်နေရာလုပ်ပေး
ပါ အမွှေးနံ့သာတွေ ဖျန်းပေးပါတဲ့၊ အဲဒါနဲ့ အမွေးတိုင်တွေထွန်းပေးတော့ အဲဒီအမွှေးတိုင်တွေမထွန်းပါနဲ့ နံ့သာဖြူ နံ့သာရေပဲ ဖျန်းပေးပါတဲ့၊ အဲဒါနဲ့ ပဲ အခင်းနှစ်ခု ဝယ်ပြီး ဘယ်ဘက်နဲ့ ညာဘက်မှာ အမွှေးနံ့သာတွေ ဖျန်းပေးပြီး တရာနာပင့်တဲ့အခါ နတ်တွေက ညာဘက်နဲ့ ဝိဇ္ဇာတွေက ဘယ်ဘက်မှာ တရားနာကြွရောက်ကြပါလို့ပင့်ဖိတ်ပြီး ပဋ္ဌာန်းပူဇော်တယ်။

တရားနာဖိတ်တဲ့အခါ နတ်ပြည်ခြောက်ထပ်မှ နတ်များ ဗြဟ္မာ့ပြည်မှ နတ် ဗြဟ္မာများ တရားနာကြွကြပါလို့ ဖိတ်တယ် ပြီးတော့ အဘဘိုးဘိုးအောင် အဘဘိုးမင်းခေါင် ရသေ့ကြီးဦးခန္တီ စင်္ကြာမင်းစတဲ့ ဝိဇ္ဇထိုရ်တွေကို နာမည် တပ်ပြီး ပင့်ဖိတ်တယ် အခြား အခြားသော ဟိမဝန္တာတောကြီးထဲကဝိဇ္ဇာတွေ မဟာမြိုင်တောကြီးထဲက ဝိဇ္ဇာတွေလည်း တရားနာ ကြွကြပါဆိုပြီးဖိတ်တယ် ပြီးတော့ သိုက်နန်းရှင်အပေါင်းလည်း တရားနာကြွကြပါဆိုပြီးဖိတ်တယ်။( ဝိဇ္ဇာတွေရဲ့ သဘောနဲ့ လူတွေပြောပြောနေတဲ့ သိုက်နန်းရှင်အကြောင်းတွေပါ သိချင်လို့ တမင်တကာပင့်ဖိတ်တာပါ)

ထေရဝါဒထွန်းကားတဲ့ နိုင်ငံမှာ ဝိဇ္ဇာတွေကို အလွန်အမင်းယုံကြည်ကြတာတွေ အခုကန်တော့ပွဲတွေပေးပေးနေကြတဲ့ သိုက်နန်းရှင်တွေ (၃၇) မင်းနတ်ကိုးကွယ်မှူ့တွေ ဟာ မြန်မာနိုင်ငံမှာ အလွန်အမင်းကို လမ်းလွဲနေကြလို့ အဲဒီပုဂ္ဂိုလ်တွေဟာ ဘယ်လိုပုဂ္ဂိုလ်တွေလဲ သူတို့ရဲ့ သဘောတရားကဘာတွေလည်း ဆိုတာကို သိပြီး ဗုဒ္ဓဘာသာဝင်တွေကို လမ်းမှန်ပို့ပေးချင်လို့ စာတွေ့မဟုတ်ပဲ ကိုယ်တွေ့ လက်တွေ့ပြနိုင်အောင် စူးစမ်းလေ့လာခဲ့ရတာပါ။

အပိုင်း (၃) ဆက်ရေးပါမည်။

အပိုင်း (၁) မဖတ်ရသူများ အောက်ပါ link တွင်ဝင်ရောက်ဖတ်ရှူ့နိုင်ပါသည်

https://www.facebook.com/share/p/1QRbbpdTT6/

ဦးမြင့်ခိုင်
2,080
U Myint Khaing ( Psychology)

20 Nov, 13:55

ကျွန်တော့ဘဝနဲ့ ဇွဲလုံ့လ
-------------------------------------

ငယ်ငယ်ကတည်းက ပညာတတ်ဖြစ်ချင်လို့ တနေ့ကို တဆယ့်သုံးမိုင် လမ်းလျှောက်ပြီး ကျောင်းတက်ခဲ့ရတယ်၊ ဝတ်စရာဆိုလို့ ပုဆိုးနှစ်ထည် အင်္ကျီ နှစ်ထည်ပဲရှိတယ် အဲဒီလိုနဲ့ ဆယ်တန်းအောင်ခဲ့ရတာ၊ ဘွဲ့ရခဲ့ရတာ။ တနေ့ကို ငါးနာရီလောက် လမ်းလျှောက် ကျောင်းတက်ခဲ့ရတာ၊ ပိုက်ဆံမရှိလို့ ဇွဲ ကောင်းခဲ့ရတာ။

ကမ္ဘာကျော် အတွေးအခေါ်ပညာရှင်တွေကို စိတ်ဝင်စားပြီး သူတို့အကြောင်းလေ့လာကြည့်တော့ အလုပ်မလုပ် စီးပွားမရှာကြပဲ စာဖတ်ကြတယ် ထိုင်ပြီးတော့ပဲ တွေးနေကြတာ သူတို့အလုပ်ဆိုတာ သိခဲ့တယ်၊ ဆိုကရေးတီးတို့ ပလေတို တို့ ဒိုင်အိုဂျေးနီးစ် တို့ဟာ ကျွန်တော်အားကျခဲ့ရတဲ့သူတွေပါပဲ အဲဒါကြောင့် အတွေးအခေါ်ပညာရှင်ဖြစ်ချင်လို့ လမ်းဘေးအိပ် လမ်းဘေးစား ပြီး အဝတ်တထည် ကိုယ်တခုနဲ့ တနေ့စာဝမ်းစာရှာပြီး ပြေလည်တာနဲ့ စာတွေဖတ် ကဗျာတွေရေး ဒဿနာ တွေထုတ် ကာ စီးပွားမရှာပဲ ထိုင်ပြီး တွေးနေတာက လေးနှစ်ကြာတယ်၊ ရန်ကုန်မြို့က အဝေးပြေးမှန်သမျှ နဲ့ မိုးအလင်းရောင်းတဲ့ သီရိမင်္ဂလာဈေးကြီးဟာ ကျွန်တော့ရဲ့ ညအိပ်ရာ နေရာတွေပါပဲ၊ အဲဒီလိုနဲ့ စီးပွားမရှာပဲ တနေ့စာတနေ့စာရှာရှင်းဖြတ်သန်းခဲ့ရတယ်၊ အဲဒီလို အမြဲတွေးနေလို့ အတွေးအခေါ်တွေအာသန်ပြီး အရာရာကို ကျောင်းကျိုးညီညွတ်အောင်းတွေးခေါ်တတ်လာတယ်၊ အခု ဆောင်းပါးပေါင်း ထောင်သောင်းချီရေးနိုင်တာ အဲဒီလို အတွေးအခေါ်တွေကို အခြေခံခဲ့လို့ ရေးနိုင်ခဲ့တာပါပဲ။ အဲဒီလောက်ထိ ဇွဲကောင်းခဲ့ရတယ်၊

လေးနှစ်လောက် ခြေသလုံးအိမ်တိုင်လုပ်ပြီး ဗုဒ္ဓရဲ့ တရားတော်တွေဖြစ်တဲ့ ပိဋကတ်မြန်မာပြန်ကျမ်း ကို အကြိမ်ကြိမ်အခါအခါ ဖတ်ရှူ့ခဲ့တယ် အစအဆုံး သုံးလေးကြိမ်ထက်မနည်း ဖတ်ရှူ့ခဲ့တယ် ပရိယတ် ပဋိပါတ် အကျော်အမော်ကြီးတွေ ဆရာတော်ကြီးတွေရေးခဲ့တဲ့ ကျမ်းတွေ မှန်သမျှ အကုန်လေ့လာခဲ့တယ် ဖတ်ရှူ့ခဲ့တယ် ပြီးတော့ မှတ်စုထုတ်ခဲ့တယ် ဆယ်စုနှစ်တစုစာလောက်ကို စီးပွားမရှာပဲ စာချည်း ထိုင်ဖတ်ခဲ့တာပါ၊ အခုရေးနေတဲ့ ဆောင်းပါးပေါင်း ထောင် သောင်းချီရေးတာ အဲဒီလို မှတ်စုကုန်ကြမ်းတွေရှိခဲ့လို့ ရေးနိုင်တာပါပဲ ဒါတောင်မကုန်သေးဘူး ရေးစရာတွေအများကြီးကျန်သေးတယ် ကျမ္မာရေးမကောင်းလို့သာ မရေးနိုင်တော့တာပါ ဖတ်ပြီးမှတ်စုရေးတဲ့အကျင့်ကလည်း စာဖတ်သူတွေအတွက် အင်မတန်အရေးပါလှပါတယ်။ စာပေတွေ လေ့လာခဲ့တော့လည်း အဲဒီလောက်အထိ ဇွဲ လုံ့လ ထုတ်ပြီး လေ့လာခဲ့ရတယ်။

လူမှူ့ကွန်ယက်ကနေ တရားဓမ္မတွေဖြန့်ဝေတာထိရောက်မယ်ဆိုတာ သိခဲ့လို့ တနေ့ကို ဆောင်းပါးပေါင်း လေးငါးပုဒ်ရေးပြီး ပေ့ချ်တွေ အကောင့်တွေကနေ နေ့စဉ်တင်ပေးတာ ဆယ့်လေးနှစ်နီးပါးရှိပြီ ရက်ပျက်ဆိုလို့ ကျမ္မာရေးမကောင်းလို့မတင်ဖြစ်တာ အားလုံးပေါင်း ရက်သုံးဆယ်တောင်မရှိခဲ့ဘူး အဲဒီလောက်ထိ ဇွဲကောင်းကောင်းနဲ့တင်ပေးခဲ့တာ ဒါကတော့ အားလုံးကို ခဏခဏ ပြောပြဖြစ်ပါတယ်။

(ဆောင်းပါးရှည်သွားမှာစိုးလို့ မနက်ဖန်မှ ဒုတိယပိုင်း ဆက်လက်တင်ပေးပါမယ်)

ဦးမြင့်ခိုင်
3,235
U Myint Khaing ( Psychology)

19 Nov, 13:15

ချစ်လို့ပါ
-------

တကယ်တော့ ကျွန်တော့ကျမ္မာရေးက အနားယူသင့်နေပါပြီ၊ ဆရာဝန်က အနားယူခိုင်းတာတောင် အနားမယူခဲ့ပါဘူး သာသနာတော်ကို ချစ်လို့ပါ။

သိန်းချီတဲ့ အကောင့်တွေ ပေချ့်တွေ အများကြီးရှိပါတယ် အဲဒီကနေ တရားဓမ္မတွေ တင်ပေးနေတာဟာ လူမှူ့ကွန်ယက်မှာ တရားဓမ္မတွေ ပျောက်ကွယ်သွားမှာစိုးလို့ပါ။ သာသနာတော်ကို အသက်ထက်တန်ဖိုးထားလို့ပါ။ သာသနာတော်ကို ချစ်လို့ပါ။

ကျောက်ကပ်တလုံးလှူထားလို့ တလုံးတည်းနဲ့အသက်ရှင်နေထိုင်ရတာ ဂရုစိုက်သင့်တာသိပါတယ် မလိုအပ်ပဲ အိပ်ရေးတွေပျက် စာတွေရေး အဓိဋ္ဌာန်တွေ ဝင်တာဟာ အသက်ထက် သာသနာတော်ကို တန်ဖိုးထားလို့ပါ။

မြန်မာနိုင်ငံဟာ ဗုဒ္ဓဘာသာအထွန်းကားဆုံးနိုင်ငံဖြစ်ပေမဲ့ တရားဓမ္မတွေကို မကျင့်သုံး မလိုက်နာကြဘူး၊ ဒါ့ကြောင့် လူငယ်အများ နားလည်လွယ်အောင် နေ့စဉ်တင်ပေးနေတာဟာ သာသနာတော်ကို ချစ်လို့ပါ။

ကျမ္မာရေး စီးပွားရေးတောင် ဂရုမစိုက်ခဲ့ပဲ တရားဓမ္မတွေ ဖတ်ဖို့ ရေးဖို့ ကိုပဲ နေ့စဉ်အာရုံစိုက်နေတာဟာ သာသနာတော်ကိုချစ်လို့ပါ။

ဒီနေ့ခေတ်လူငယ်တွေဟာ စာဖတ်ပျင်းကြပေမဲ့ လူမှူ့ကွန်ယက်ကိုတာ့ လူငယ်တိုင်းသုံးကြပါတယ်၊ ဒီလိုစာတွေဖတ်ရင်းနဲ့ပဲ လိမ္မာသွားကြတဲ့လူငယ်တွေလည်းအများကြီးရှိတာမို့ ဂရုတစိုက် နေ့စဉ်တင်ပေးခဲ့ပါတယ်။

သူများတွေ အကောင့်တွေပေ့ချ်တွေ ခဏခဏ ပျက်ပေမဲ့ ကျွန်တော့ရဲ့ နာမည်ကတော့ လူမှူ့ကွန်ယက်မှာ နေ့စဉ် တွေ့နေတာဟာ စီစဉ်မှူ့အားကောင်းကောင်းနဲ့ အစွန်းလွန်အောင်ရေးနိုင်ခဲ့လို့ပါပဲ၊ ဒီနေ့ထိ ဒီနာမည်တလုံးဟာ လူမှူ့ကွန်ယက်မှာ နေ့စဉ်တွေ့နေရတာကို သတိထားမိကြမှာပါ၊ ဒါကလည်း သာသနာကိုချစ်လို့ပါပဲ။

အခုတော့ ယိုယွင်းလာတဲ့ ခန္ဓာအတွက် အချိန်လျော့ပြီး လူမှူ့ကွန်ယက်သုံးတော့မှာမို့ ဓမ္မ မိတ်ဆွေတို့အနေနဲ့ ဝိုင်းဝန်းပြီး တရားဓမ္မတွေ တင်ပေးခြင်း ပြန်လည်မျှဝေခြင်းများ လုပ်ကြဖို့ အထူးတလည် တိုက်တွန်းပါတယ်။

ဓမ္မအသံတွေ တိတ်တဲ့နေ့ ကျွန်တော်တို့ရဲ့နိုင်ငံ ဒီထက်ဆိုးတဲ့အခြေအတရပ်ကို ရောက်သွားပါလိမ့်မယ်။

ဒါ့ကြောင့် တရားဓမ္မတွေကို လူမှူ့ကွန်ယက်ကနေ ဝိုင်းဝန်းတင်ပေးကြပါလို့ မေတ္တာရပ်ခံပါရစေ။

များများတင်ဖို့ကလွယ်ပါတယ် တရားဓမ္မပိုစ့်တွေကို မိမိတို့ရဲ့ ဖုန်းထဲက မှတ်စုထဲကို သိမ်းနိုင်သမျှ သိမ်းထားပါ ပြီးရင် တနေ့ တပုဒ်နှစ်ပုဒ်တင်ပေးပါ အပမ်းမကြီးသလို ကုသိုလ် လည်းရပါတယ်။

လူမှူ့ကွန်ယက်မှာ တရားဓမ္မတွေ ပျောက်ဆုံးမှာ အကြောက်ဆုံးမို့ ဝိုင်းဝန်းပေးကြဖို့ မေတ္တာရပ်ခံပါရစေ။

ကျွန်တော့ကျမ္မာရေးအတွက် လှူဒါန်းပေးသူအားလုံးကိုလည်း ကျေးဇူးတင် ဂုဏ်ပြုပါ၏။

နောက်ထပ် လှူဒါန်းပေးကြသော အလှူရှင်များစာရင်းကို ဖေါ်ပြပေးထားပါတယ်။


ကျမ္မာရေးအလှူရှင်များ
----------------

ကျွန်တော်၏ ကျမ္မာရေးအတွက်

Htay Htay Nwe အကောင့်ပိုင်ရှင်မှ 20000 ကျပ်

Pyae Hmue Pyae Hmue အကောင့်ပိုင်ရှင်မှ 10000ကျပ်

Mg Oakkar အကောင့်ပိုင်ရှငါမှ10000ကျပ်

Khay Lay Maymay အကောင့်ပိုင်ရှင်မှ 50000 ကျပ်

Chaw Ei အကောငါ့ပိုင်ရှင်မှ 20000 ကျပ်

Kyu Mon အကောင့်ပိုင်ရီင်မှ 100000 ကျပ်

Kyaw San Lwin အကောင့်ပိုင်ရှင်မှ 100000 ကျပ်

Khin Nandar အကောင့်ပိုင်ရှင်မှ 20000 ကျပ်

ဦးတင်မြင့် ဒေါ်စန္ဒာဝင်း မိသားစုမှ 15000 ကျပ်

ဦးသိန်းထူး ဒေါ်ကြွယ်ကြွယ်ဝင်း သမီး မမေသရဖူကျော် မိသားစု နေပြည်ျတာ်မှ 15000 ကျပ်

Diamond Gold အကောင့်ပိုင်ရှင်မှ 45000 ကျပ်

ဆရာမ MayHnin May Bhone Htet မှ 100000 ကျပ်

Ma Thida အကောင့်ပိုင်ရှင်မှ 30000 ကျပ်

Khin Moet Moet အကောင့်ပိုင်ရှင်မှ 30000 ကျပ်

Kxin Kxin Sxar အကောင့်ပိုင်ရှင်မှ 20000 ကျပ်

Kyi Kyi အကောင့်ပိုင်ရှင်မှ 100000 ကျပ်

Uma Rani အကောင့်ပိုင်ရှင်မှ 20000 ကျပ်

အရှင်သုစိတ္တမှ 30000 ကျပ်

Mon Mon အကောင့်ပိုင်ရှင်မှ 50000 ကျပ်

ဒေါ်ကြည်ကြည်သိန်း နေပြည်တော်မှ 10000 ကျပ် ကို

ကျွန်တော်၏ ကျမ္မာရေးအတွက် လှူဒါန်းကြပါကုန်၏

ဤကောင်းမှူ့ကြောင့် အလှူရှင်အပေါင်းတို့သည် မဂ်ဖိုလ်နိဗ္ဗါန်ကို ကျေးဇူးပြုသော အကူအညီအကြောင်း အထောက်အပံ့ကောင်းများ ဖြစ်နိုင်ကြပါစေ။

ဤကုသိုလ်ကို အလှူရှင်အပေါင်းနှင့် ဓမ္မမိတ်ဆွေအပေါင်းတို့အား အမျှအတန်းများပေးဝေပါကုန်၏

အမျှ အမျှ အမျှ ယူတော်မူကြပါကုန်လော့

သာဓုသာဓုသာဓု

ဦးမြင့်ခိုင်
3,398
U Myint Khaing ( Psychology)

18 Nov, 15:37

ပဋ္ဌာန်းပူဇော်မှူ့ကြောင့် နတ်များ ယမမင်း ပြိတ္တာများအား မြင်ရခြင်း
-------------

ပဌာန်းတရားတော်မြတ်ကြီးကို ရွတ်ဖတ်ပူဇော်တဲ့အခါ အမျှပေးခြင်း ကို အထူးတလည်ပြုလုပ်ကြပါ။

အမျှပေးခြင်းနဲ့ပါတ်သတ်လို့ မှတ်သားစရာ နှစ်ခု တွေ့ကြုံရပါတယ်။

တခုကတော့ ကျွန်တော် ငယ်ငယ်လေးကတည်းက သေသွားခဲ့တဲ့ အဖေဟာ ခြံထဲမှာ မကျွတ်မလွတ်ရှိနေခဲ့တယ် ဒါကို ကိုယ်ကမသိခဲ့ဘူး အဖေ့အတွက် ဘာကောင်းမူ့ပဲလုပ်လုပ် ဦးထိပ်ထားပြီး ပထမဦးဆုံး အမျှပေးဝေတယ်

ပဌာန်းတရားတော်မြတ်ကြီး စွဲစွဲမြဲမြဲ ရွတ်လို့ ပရလောကသားတွေနဲ့စကားပြောရတဲ့အခါ သူတို့ကို အကူအညီတောင်းပြီး မေးကြည့်တော့မှ ခြံထဲမှာ ဘယ်သစ်ပင်နားမှာနေတဲ့အကြောင်း မိသားစုကို ဘယ်လိုစောင့်ရှောက်တဲ့အကြောင်းသိခဲ့ရတယ် အမျှပေးတဲ့အခါ စားရသောက်ရတဲ့အကြောင်းပါ ပြောပြလို့ သိခဲ့ရတယ်။

အမျှပေးတာကြာလာတာနဲ့ အမျှ တနေ့ကျတော့ သာဓု ခဏခဏ ခေါ်နိုင်လို့ ကောင်းမွန်မြင့်မြတ်တဲ့ဘုံကိုသွားရတော့မဲ့အကြောင်း ကြိုတင်ပြောခိုင်းတယ်
သိပ်မကြာခင်မှာပဲ အဆင့်မြင့်တဲ့ဘုံကိုရောက်သွားတဲ့အကြောင်း အသိပေးခဲ့တယ် ဒါဟာ မိဘအတွက် ကောင်းမူ့ကုသိုလ် လုပ်ပေးပြီးကယ်တင်လိုက်နိုင်တဲ့သဘာပါပဲ။

ဓမ္မမိတ်ဆွေတို့လည်း မိမိတို့ရဲ့ တမလွန်ဘဝက မိဘဆွေမျိုး ညီအကိုမောင်နှမတွေအတွက် အမျှ့ပေးရင်းနဲ့ သာဓုခေါ်နိုင်တဲ့အကြောင်း ဝမ်းမြောက်စွာ သတိပေးပါရစေ။

အဲဒီမှာ ထူးခြားတာတခုတော့ရှိတယ်
ကောင်းမူ့ကုသိုလ်ပေးတဲ့အခါတိုင်းသူတို့ သာဓုခေါ်နိုင်မှ ရတာ တဲ့ တခါတလေ
အထက်ကပုဂ္ဂိုလ်တွေက ခိုင်းလို့ သာဓုမခေါ်န်ုင်တဲ့အခါမျိုးတွေ ရှိသလို မကောင်းတဲ့ပရလောကသားတွေ အချင်းချင်း သာဓုခေါ်လို့မရအောင် နှောင့်ယှက်တာမျိုးလည်း ရှိတယ် တဲ့။

ဒါ့ကြောင့် တမလွန်ကမိဘညီအကို မောင်နှမတွေအတွက် ရက်လည်ဆွမ်း လလည်းဆွမ်း နှစ်ပတ်လည်ဆွမ်းတွေ လုပ်ပေးတာထက် ညစဉ်ညတိုင်း အမျှပေးပြုလုပ်န်ုင်ရင် သာဓုခေါ်နိုင်ဖို့ ပိုပြီး အဆင်ပြေနိုင်တာမို့ ကောင်းမူ့ကုသိုလ်ပြုလုပ်တိုင်းသာအမျှပေးကြဖို့လည်း တိုက်တွန်းလိုပါတယ်။

နောက်ထပ်အမျှဝေခြင်းနဲ့ပါတ်သတ်လို့ သိခွင့်ရတာကတော့
ယမမင်းကြီး နဲ့ တွေ့ရခြင်းပါပဲ

တနေ့ တနေ့ကောင်းမူ့ကုသိုလ်လုပ်တိုင်းယမမင်းကြီးကို အမျှပေးဝေတယ်
တညကျတော့ အိမ်မက်ထဲမှာ ယမမင်းကြီးက ရွှေရောင်ပလ္လင်ကြီးပေါ်မှာခန့်ခန့်ညားညားကြီးထိုင်နေတယ်
ပေနှစ်ဆယ်အမြင့်လောက်ရှိပါတယ်
အင်မတန်တည်ကြည်ခန့်ညားတယ်
လက်ထဲမှာလည်း ရွှေအိုရောင်ပေပရပိုဒ်ကြီးကို ညာဘက်လက်ကနေကိုင်ထားတယ်။

ကျွန်နော်လည်း ယမမင်းကြီးကို မြင်ဘူးချင်လို့စိတ်ထဲမှာ ညွတ်နေမိတာကြာပြီ
သူ့ရဲ့ပုံသဏ္ဍာန်ကိုပြပြီးတာနဲ့ အဲဒါ သားကြည့်ချင်နေတဲ့ ယမမင်းကြီးဆိုတာသူပါပဲ သားပေးတဲ့ အမျှအတန်းတွေကိုလည်း ရပါတယ် တဲ့ ကြည့်ပါ ဆိုပြီး အသံတသံကြားရတယ်
ယမမင်းက တဦးတည်းမဟုတ်ဘူး အများကြီးရှိတယ် တဲ့ ဒါ့ကြောင့် အမျှပေးရင် ယမမင်းအပေါင်းဆိုပြီးပေးပါတဲ့အဲဒီနောက်ပိုင်း အမျှပေးရင် ယမမင်းအပေါင်းဆိုပြီးပေးပါတယ်။

အိမ်မက်ထဲမှာ သက်ရှိထက်ရှားဘုရားကိုဖူးမြင်ဘူးတုန်းကလည်း ကြက်သီးထမိသလို ယမမင်းကြီးတွေ တွေ့ရတော့လည်း ကြက်သီးထရပြန်ပါတယ်။

ဒါ့ကြောင့်အမျှပေးတဲ့အခါ ယမမင်းကြီးကိုပါ ထည့်ပေးရင် အမျှရတဲ့အကြောင်း
ကိုယ်တွေမို့ သိစေချင်ပါတယ်။

နတ်တွေ တရားနာကြွတဲ့အကြောင်း မမြင်ရတဲ့ ပုဂ္ဂိုလ်တွေ (ဝိဇ္ဇာတွေ )ပြောလို့ သိရသလို နတ်တွေရဲ့ ပုံသဏ္ဍာန်ကိုလည်း အိမ်မက်ထဲမှာပြလို့
နတ်သားတွေကိုပါ မြင်ဘူးတယ်။

တခြားသော ပြိတ္တာ ဘုံသားတွေမြင်ဘူးချင်လို့ စိတ်ညွတ်မိတော့လည်း ပြတာပါပဲ၊ ခန္ဓာ ကိုယ်က အကြီးကြီးတွေ နဲ့ ပါးစပ်က အပ်ပေါက်လောက်ပဲ ရှိလို့ အစာမစားနိုင်ပဲ ည ည်းနေတဲ ပြိတ္တာတွေ ခန္ဓာ ကို ပိန်လှီးပြီး အရိုးစုအတိုင်းဖြစ်နေတဲ့ပြိတ္တာတွေ၊ လူခန္ဓာကိုယ်နဲ့ တိရစ္ဆာန်ခေါင်း ပြိတ္တာတွေ၊
တိရစ္ဆာန်ခေါင်း နဲ့ လူ့ခန္ဓာ ကိုယ် ပြိတ္တာတွေ အပြင် ဘယ်လိုနာမည်တပ်ရမှန်းမသိတဲ့ အမျိုးမျိုးသောပြိတ္တာတွေဟာ နေရာတိုင်းအနှံ့ မှာ တွေ့နေရပါတယ်။

ပြိတ္တာအရောင်ဟာ ညိုပုပ်ပုပ်အရောင်ဖြစ်ပြီး အမြဲတမ်း ညည်းနေတာ ဆာလို့ အော်ဟစ်နေတာတွေပဲ များပါတယ်။

ပဋ္ဌာန်းတရားတော်မြတ်ကြီးကို နံက်သုံးနာရီထပြီး နှစ်ပေါင်းများစွာ အချိန်မှန် နေရာမှန် အသံထွက်မှန် ပူဇော်ရကျိုးဟာ ပြောပြလို့မကုန်နိုင်အောင်ကို အံ့သြစရာတွေ နဲ့ ပြည့်နှက်နေတယ်။

နောက်ဆုံး နိုင်ငံ့အရေး တွေသိချင်ရင်တောင် ကြိုပြောတာတွေ နိမိတ်ပြတာတွေ အိမ်မက် မက်တာတွေ အများကြီးပါပဲ။ ကပ်ဘေးဆိုက်မဲ့အကြောင်းတွေလည်း အများကြီးပြောတယ် ပြတယ်(ခဏခဏရေးပြီးသတိပေးခဲ့ဘူးပါတယ်)

ကျွန်တော့လို လေးငါးနှစ် မပူဇော်နိုင်တာတောင် နိုင်သမျှ ပူဇော်ကြည့်ကြပါ

ပဋ္ဌာန်းတရားတော်မြတ်ကြီးကို ပူဇော်ရတဲ့အကျိုးဟာ
အင်မတန်ကြီးကျယ်လှတာမို့ ဇွဲ ရှိရှိနဲ့ပူဇော်ကြပါလို့
တိုက်တွန်းနိုးဆော်အပ်ပါတယ်။

ကျွန်တော်ပူဇော်တာကတော့ ပဋ္ဌာန်းပစ္စယနိဒ္ဒေသ ပါ။

ဦးမြင့်ခိုင်

Share
2,877
U Myint Khaing ( Psychology)

17 Nov, 15:20

ဗုဒ္ဓကို မထိခိုက်စေနဲ့
-------------

ရတနသုတ်ပရိတ်တော်သည် ဘုရားဟော
ဖြစ်သည်။ ဘုရားလက်ထက်တော်၌ ပေါ်၏။

ရတနသုတ်သည်ခုဒ္ဒကပါဌ ပါဠိတော် စာ
မျက်နှာ(၄)၌လည်းကောင်း၊ သုတ္တနိပါတ်ပါဠိ
တော် စာမျက်နှာ(၃၁၂) ၌ လည်းကောင်းပါရှိ
သည်။
ရတနာသုံးပါး ဖြင့် သစ္စာ ပြုပုံကို ဖော်ပြ
သောကြောင့် ရတနသုတ်ဟုခေါ်သည်။
ရတနပဏီတံ - မြတ်သောရတနာဟူသည်
ဆန်းကြယ်သည်၊ ရှားပါးသည်၊ အဖိုးတန်လဲ
တန်သည်။ သို့အတွက် နှစ်သက်စရာ အရာ
ဝတ္ထုများကို “ရတနာ” ဟုခေါ်လေသည်။

ထိုသို့သော ရတနာအားလုံးထက် ဘုရား
ရတနာ၊ တရားရတနာ၊ သံဃာရတနာ တို့က
ပို၍မြတ်သည်ဟုဆိုထားခြင်းဖြစ်သည်။ဤ
ရတနပရိတ်သည် သစ္စာပရိတ်ဖြစ်သည်။
ဘုရားဂုဏ်၊တရားဂုဏ်၊သံဃာဂုဏ်တို့ကို
စနစ်တကျ ထုတ်၍ သစ္စာဆို ထားသည်ကို
တွေ့နိုင်သည်။
ဘုရားရှင်သည် တန်ခိုးကြီးသလို၊ တရား
တော်သည် ထက်မြက်သလို၊ သံဃာတော်
သည် ပူဇော်ခံထိုက်သလို ၊ ဤပရိတ်တော်
သည်လည်း တန်ခိုးကြီးသည် ၊ ထက်မြက်
သည်၊ ပူဇော်ခံထိုက်သည်။

သာမန်ဖြစ်ရပ်မှန်ကိုပင် မကွယ်မဝှက်ဘဲ
စိတ်ဓာတ် ထက်ထက် မြက်မြက်ဖြင့် သစ္စာ
ဆိုလျှင် အကျိုးထူးမြဲဖြစ်ရာ၊ ရတနသုတ်
သစ္စာကား အကြောင်းအရာ ကြီးကျယ်ပြီး
ဖြစ်ရာသစ္စာပြုရွတ်ဆိုသူ၏ စိတ်ဓာတ်စွမ်း
အားသာ ထက်သန်ကြီးမားလျှင်အကျိုးဖြစ်
ထွန်းမည်သာ ဖြစ်သည်။

အထူးသတိပြုရန်မှာ - အရှင်အာနန္ဒာအဖွဲ့
ပရိတ်ရွတ်သည်မှာ ခဏကလေးမဟုတ် ၊
အခြားပရိတ် အခြားစာကိုလည်းမရွတ်၊ ဤ
ရတနသုတ်ပရိတ်ကိုပင် တစ်ညလုံး၊ တစ်မြို့
လုံးလှည့်ပြီး ရွတ်ဆိုတော်မူကြသည်။
ယခုခေတ် အိမ်တစ်အိမ်မှာ အခြောက်အ
လှန့်ခံရခြင်း၊ ရောဂါအမျိုးမျိုး ဆက်တိုက်
ဖြစ်နေခြင်း စသည့်ဘေးကြုံနေရ၍ ပရိတ်
ရွတ်ကြလျှင် ပရိတ်ရွတ်ကြသူများက အချို့
(မညီမညာ) သုတ်သီးသုတ်ပြာရွတ်ပြီး ဖင်မ
ပူခင် ပြန်ကြွတော်မူကြသည်။ အပင်ပန်းမခံ
ကြချေ။လူတို့က မသိနားမလည်လျှင်လည်း
နားလည်သူမှညွှန်ကြားခြင်းပြုသင့်ပေသည်။

ယခုအခါ “ပရိတ်ရွတ်ပါတယ်၊ အကြောင်း
မထူးပါဘူး၊ပရိတ်ရွတ်တာ ဘာအကျိုးရှိလဲ”
ဟု ခေတ်လူငယ်တို့၏ အဝေဖန်ခံရ၏။

ပရိတ်ကြီး နာမည်ပျက်၏။ မြတ်စွာဘုရား
ကိုထိခိုက်လေ၏။ မိမိကိုယ်ကို မိမိစောဒက
တက်ရန်ကား မေ့နေကြလေပြီ။

ဦးဆန်းလင်း (ဆည်မြောင်း)

crd

ဦးမြင့်ခိုင်
3,371
U Myint Khaing ( Psychology)

16 Nov, 13:58

ကျိန်းသေပျက်စီးကြရတော့မှာပါ။
=================

#မနာလိုစိတ် အားကြီးလာပြီ ဆိုရင်...ကောက်ကျစ်တတ်လာကြတယ် ။

#ကောက်ကျစ်တဲ့စိတ် အားကြီးလာပြီ ဆိုရင်.. ယုတ်မာတတ်လာကြတယ် ။

#ယုတ်မာတဲ့စိတ် အားကြီးလာပြီ ဆိုရင်...ရက်စက်တတ်လာကြတယ် ။

#ရက်စက်မှု အားကြီးကြီးနဲ့ လုပ်ပြီး ရင်...ကြောက်စိတ်
ဝင်လာတတ်ကြတယ်။

#ကြောက်စိတ် အားကြီးပြီ ဆိုရင်...

#အယောင်ယောင်အမှားမှား လုပ်လာကြတယ်။

#အယောင်ယောင်အမှားမှားတွေ လုပ်ရင်း နဲ့ နောက်ဆုံး ပျက်စီးကျဆုံးသွားကြတာပါပဲ။

#ဣဿာ မစ္ဆရိယ ဆိုတဲ့ မနာလိုဝန်တိုတဲ့စိတ်ဟာ
အမှန်တကယ် ကိုယ့်ဟာကိုယ် ဖျက်ဆီးနေတဲ့စိတ်ပါပဲ ။

#ပျက်စီးချိန်တန်လာပြီ ဆိုရင်လည်း... ဘယ်လိုအဆောင်၊ ဘယ်လိုယတြာမျိုးကမှ မစွမ်းနိုင် မကယ်နိုင်တော့ဘဲ ကျိန်းသေ ပျက်စီးကြရတော့မှာပါပဲ ။

"ပါမောက္ခချုပ် ဆရာတော်"

ဦးမြင့်ခိုင်
2,396
U Myint Khaing ( Psychology)

13 Nov, 14:47

ကမ္ဘာ့အကောင်းဆုံး ပညာရေး
******-

ဓမ္မဆိုတာ
ကမ္ဘာ့အကောင်းဆုံးပညာရေးလို့သာ သိကြရင်
ကမ္ဘာ့နိုင်ငံတိုင်းမှာရှိတဲ့ ကျောင်းတိုင်း တက္ကသိုလ်တိုင်းမှာ
မသင်မနေရ ဘာသာရပ်အဖြစ် ပြဋ္ဌာန်းပြီး သင်ယူကြမှာပဲ။

ဓမ္မဆိုတာ
လူသားတွေရဲ့စိတ်ဓာတ်ကို ကောင်းမြတ်လာအောင်
သင်ပေးတဲ့ ပညာပါ။
ယနေ့ခေတ် ကမ္ဘာ့ပညာရေးဟာ
စိတ်ဓာတ်ကို ကောင်းမြတ်အောင် သင်မပေးလို့
ဒုစရိုက်ကမ္ဘာကြီး ဖြစ်နေတာပါ။

နည်းပညာတွေ ဘယ်လောက်တိုးတတ်နေပေမဲ့
စိတ်ဓာတ်တွေ ကောင်းမြတ်မလာတော့
ငြိမ်းချမ်းရေးဆိုတာ မျှော်လေတိုင်း ဝေးနေမှာပဲ။

ဗုဒ္ဓဘာသာထွန်းကားတဲ့
မြန်မာနိုင်ငံကျောင်းတွေမှာတောင်
ဓမ္မပညာရေးကို သင်မပေးခဲ့လို့
ခု ဒုစရိုက်နိုင်ငံ ဘီယာအရက်နိုင်ငံ မူးရစ်ဆေးဝါးနိုင်ငံ ဖြစ်နေတာပဲ ကြည့်ပေတော့။

ဒုစရိုက်နိုင်ငံကို သုစရိုက်နိုင်ငံဖြစ်အောင် တစ်ခုတည်းသော အဖြေကတော့ ဓမ္မပညာရေးကို ကလေးတွေကို ခေတ်မှီနည်းစနစ်တွေနဲ့ ကျောင်းတွေမှာ ဘာသာရပ်တစ်ခုအဖြစ် ပြဋ္ဌာန်းသင်ပေးဖို့ပါပဲ။

ဆုတောင်းရုံ ဆန္ဒပြုရုံသာ တတ်နိုင်ပါ၏။ ဓမ္မပညာတန်ဖိုးကို သိသော မဟာပညာရှိများ ပညာရေးဋ္ဌာနများတွင် ရာထူးကြီးကြီး ရပါစေဟုသာ။

cred

ဦးမြင့်ခိုင်
3,135
U Myint Khaing ( Psychology)

09 Nov, 15:33

သည်းခံခြင်းဟာ ငါ့အလုပ်ပဲ
.................................

နတ်တို့စစ်ပွဲမှာ သိကြားမင်းရဲ့
ဖမ်းဆီးခြင်း ခံထားရတဲ့ အသုရာနတ်မင်းက
နတ်သဘင်အစည်းအဝေး ခန်းမဆောင်ဆီကို
သိကြားမင်းက သူ့ရှေ့ကနေ ဝင်သွားတိုင်း
ဖြတ်သွားတိုင်း သိကြားမင်းကို မကြားဝံ့မနာသာ
ဖြစ်စေမယ့် စကားလုံးတွေနဲ့ ဆဲတယ်။

သို့ပေမယ့် သိကြားမင်းက
ဘယ်လိုပဲ အဆဲ ခံရ ခံရ အပြုံးမပျက်ဘူး။
သူပြောတဲ့စကားတွေကိုလည်း နားမထောင်ဘူး။

သိကြားမင်းရဲ့ ရထားထိန်းဖြစ်တဲ့
မာတလိနတ်သားက ပြောတယ်။
" အရှင်သိကြားမင်း ...
ကိုယ့်ကို သည်လောက်ဆဲတာ
ဘာလို့ သည်းခံနေတာလဲ
မှတ်လောက်အောင် ဆုံးမရမှာပေါ့
ဘာလို့မကြားချင်ယောင် ဆောင်နေတာလဲ
အရှုံးမပေးပါနဲ့ " လို့ ပြောတဲ့အခါ

ငါ့ကို ကြောက်လို့ သည်းခံတယ်ပဲ​ ထင်ထင်
ဘာကြောင့်ပဲ သည်းခံတယ် ထင်ထင်
သည်းခံခြင်းဟာ ငါ့အလုပ်ပဲ။

သူ့ဟာသူ ဆဲတာ ဆဲပါစေ၊
ငါ အသိအမှတ် မပြုဘူး။
အသိအမှတ် မပြုခြင်းဟာ
( ၂ ) ဦးစလုံးအတွက် ကောင်းတယ်။
သည်းခံခွင့်လွှတ်ခြင်းဟာ အကောင်းဆုံးပဲ။

မာတလိကို တုန့်ပြန်ပြောဆိုတဲ့ စကားတွေဟာ
သည်းခံမှုကို ဦးတည်ပြီးပြောတဲ့ စကားတွေပဲ။

သိကြားမင်းရဲ့ သည်းခံမှုဟာ
အံ့မခန်း စွမ်းဆောင်မှု ရှိတယ်။
ဘာကြောင့်လဲဆိုရင် ...
အနိုင်ရသူက သည်းခံတာ ဖြစ်လို့ပဲ။
ရှုံးလို့ ကြောက်လို့ သည်းခံတာဟာ
အဆန်းမဟုတ်ဘူး။

အနိုင်ရရဲ့သားနဲ့ သည်းခံခွင့်လွှတ်ခြင်းဟာ
ပိုပြီးတော့ အံ့သြဖွယ်ကောင်းတယ်ပေါ့။

#ပါမောက္ခချုပ်ဆရာတော်ဘုရားကြီး
#ဒေါက်တာအရှင်နန္ဒမာလာဘိဝံသ

#cred

ဦးမြင့်ခိုင်
3,668
U Myint Khaing ( Psychology)

07 Nov, 14:37

ပြောင်းလဲကြလေပြီ
---------------

အမြဲတမ်း နှင်းဖုံးနေတဲ့ ဖူဂျီမီးတောင်ဟာ နှင့်မကျတော့ပဲနဲ့ အမြဲတမ်း ခြောက်သွေ့နေတဲ့ သဲကန္တာရခဲမှာ နှင်းတွေကျနေခဲ့ပြီ။

လူသားတွေ နေထိုင်တဲ့လကမ္ဘာဂြိုဟ်ဟာ ပြောင်းလဲခြင်းတွေ စတင်တော့မယ် ဆိုတဲ့ အမှတ်လက္ခဏာပါပဲ။

နိုင်ငံတိုင်း အဖွဲ့အစည်းတိုင်း ဟာ ကောင်းတဲ့ပြောင်းလဲခြင်းတွေနဲ့ ကမ္ဘာကြီး ပြန်လည်ပတ်တော့မယ်။

ကမ္ဘာကြီး နှစ်ခြမ်းကွဲခဲ့သော်လဆိုတဲ့ စကားတခွန်း လူ့လောကခဲမှာ ထွက်ပေါ်ခဲ့တာအားလုံး သတိထားကြမိမှာပါ။

တခြမ်းကတတော့ဘပျက်စီးမှူ့အများကြီးတွေနဲ့လရင်ဆိုင်ကြရပြီး တချမ်းကတော့ သက်သာရာ ရကြပါလိမ့်မယ်။

ကမ္ဘာကြီးပေါ်က လူသားတွေကိုဒုက္ခပေးတဲ့ လူတွေ နဲ့ နောင်ချိန်ကမ္ဘာကြီး ငြိမ်းချမ်းအောင် ပြန်ပြီး စွမ်းဆောင်မဲ့ မျိုးဆက်သစ်တွေနဲ့ အစားထိုးကြရလိမ့်မယ်။

ဓမ္မနဲ့ အဓမ္မ ဆိုတာကို တခါတရံ လူသားတွေရွေးခြယ်ပိုင်ခွင့်မရှိပါဘူး၊ သဘာဝတရားကြီးကပဲ ရွေးခြယ်ပေးရပြီး သဘာဝတရားကြီးကပဲ ဆုံးဖြတ်ပေးတတ်တယ်။

အထူးသဖြင့် မြန်မာနိုင်ငံဟာ သာသနာတကြော့ပြန်ထွန်းကားဖို့ အဓိကကျတဲ့နိုင်ငံမို့ မမြင်ရတဲ့ အကြောင်းတရားတွေကပါ ကူညီပံ့ပိုးပေးကြရပါတယ်။

မြန်မာပြည်ကို စော်ကားဖျက်စီးတာဟာ ဗုဒ္ဓဘာသာကိုဖျက်စီးစော်ကားတဲ့ အကျိုးနဲ့အတူတူပါပဲ။

ဘယ်သူကစော်ကားပြီး ဘယ်သူ့ကြောင့် ပျက်စီးမှူ့ပိုများတယ်ဆိုတာ မကြာခင်အဖြေပေါ်လာပါလိမ့်မယ်။

မြတ်ဗုဒ္ဓရဲ့သာသနာဟာ ပါရမီဆယ်ပါးကို လေးအသင်္ချေနဲ့ကမ္ဘာတသိန်းပေးဆပ်ခဲ့ရတာမို့ အင်မတန်ကြီးကျယ်ခမ်းနားလှပါတယ်၊ သာသနာဟာ မပျက်ပါဘူး ဖျက်စီးမဲ့သူတွေပဲ ပျက်ပါလိမ့်မယ်လို့ ခဏခဏရေးခဲ့တာဟာ အကြောင်းမဲ့ရေးခဲ့တာမဟုတ်ပါဘူး။

သာသနာကိုဖျက်စီးနေတဲ့ လူ ရှင် ရဟန်း မင်း အဖွဲ့အစီး နိုင်ငံ စတဲ့ ဘယ်လိုပုဂ္ဂိုလ် ဘယ်လိုအဖွဲ့အစည်းဘယ်လိုနိုင်ငံမှ မတည်တန့်ဘူး အားလုံးပျက်စီးခြင်း ပြောင်းလဲခြင်းတွေ နဲ့ပဲ အဆုံးသပ်မှာပါ။

ကျွတ်တမ်းဝင်မဲ့ ဘုန်းရှင် ကံရှင် ပါရမီရှင်တွေ ဆိုင်ရာဆိုင်ရာ ဘုံဘဝတွေကနေ အများကြီးလာကြတော့မှာ
အဲဒီအတွက် ကမ္ဘာကြီးပေါ်က လက်ရှိ လူဆိုး လူညစ် တွေ ပျက်စီးပေးကြရပါလိမ့်မယ်။

ပူလောင်ခြင်းကနေ ပြောင်းလဲခြင်းတွေလာမှာမို့ ကမ္ဘာကြီးပေါ်ကမလိုလားအပ်တဲ့ ဘာသာ နဲ့ မလိုလားအပ်တဲ့လူတွေ အားနည်းအောင်ပျက်စီးပေးကြရလိမ့်မယ်၊ အဲဒီ ပျက်စီးမှူ့တွေပြီးရင် ဘာသာတရားတွေကို ဆန်းစစ်လာကြလိမ့်မယ်၊ ဘယ်ဘာသာက အားကိုးရာလဲ ဆိုတာ သဘောပေါက်သွားကြပြီး စစ်မှန်တဲ့ဘာသာတခုနဲ့ အစားထိုးကြရပါလိမ့်မယ်။

ကိုယ်ယုံကြည်ထားတဲ့ ဘာသာတရားတွေသာ အာရုံပြုထားကြပေါ့၊ အတု အစစ် ကို သဘာဝတရားကြီးက ဆုံးဖြတ်ပေးပါလိမ့်မယ်၊

အယူမှန်သူတွေ ပျက်စီးမှူ့နည်းမယ် အယူမှားသူတွေ ပျက်စီးမှူ့များမယ်။

ကဲ

ရှေ့လျှောက် ကျွန်တော်သုံးသပ်ပြောဆိုတာတွ မှားလား မှန်လား အချိန်တခုထိ စောင့်ကြည့်ကြရအောင်ပါ၊

ကမ္ဘာကြီးပေါ်က သဘာဝတရားတွေကတော့ စတင်ပြောင်းလဲနေပြီ
လူသားတွေလည်း လူဆိုး လူညစ် တွေနဲ့ မျိုးဆက်သစ်ပါရမီရှင်တွေ ပြောင်းလဲပေးကြရတော့မှာပါ၊

ကမ္ဘာကြီးက သူ့အေပါ်က လေးတဲ့အရာမှန်သမျှ အကုန်ဖယ်ရှားတော့မှာပါ။

မုသာဝါဒတွေ ဗိုလ်ကျစိုးမိုးနေတဲ့ နိုင်ငံတွေ ဘာသာတွေ လူတွေ အကုန်ပြောင်းလဲတော့မှာပါ

သူတော်ကောင်းတွေ လက်ခက်မောင်းခပ်ရတော့မဲ့ အချိန် သိပ်မကြာတော့ပါဘူး။

ဦးမြင့်ခိုင်
2,921
U Myint Khaing ( Psychology)

05 Nov, 14:20

သာသနာ့အန္တရယ်
-------------------

ဒီရက်ပိုင်းတွေ ကထိန်အလှူခံဆိုပြီး ရုပ်ပျက်ဆင်းပျက်ဝတ်စားဆင်ယဉ်မှူ့တွေ ၊ ရိုးရာနတ်တွေရဲ့ ပုံစံတွေဝတ်ပြီး ဆောင်းဘောက်ကြီးတွေအကျယ်ကြီးနဲ့ အလှူခံတွေ တွေ့နေရတယ်။

အလှူခံတဖွဲ့ကို အယောက်သုံးဆယ် ကျော်လေးဆယ်လောက်ကိုပါတယ်၊ အဆိုးဆုံးက လူတွေကျပ်နေတဲ့ ဈေးတွေထဲကိုပါ အဖွဲ့လိုက်ကြီးတွေ လိုက်ပြီးအလှူခံနေတာ တွေ့ရတော့ တော်တော်ကို ဝမ်းနည်းမိတယ်။

ကောသလမင်းကြီးဟာ ညနေဘက်ရေချိုးဆင်းလေ့ရှိတယ် ရေချိုးပြီးတာနဲ့ အပြန်ကို ဘုရားရှင်ဆီကို ဝင်ရောက်ဖူးမြှော်လေ့ရှိတယ်။

တနေ့မှာ ရေချိုးဆိပ်ကို လာတော့ သာမဏေကိုရင်တွေ ရဟန်းတော်တွေဟာ ရေချိုးနေကြတာတွေ့လို့ သူတို့ချိုးပြီးအောင်စောင့်ပြီးမှ ရေချိုးလိုက်ရတော့ ဘုရားရှင်ဆီကို အပြန်ဝင်တာနောက်ကျသွားတယ်။

ဘုရားရှင်ကလည်း အဲဒီအကြောင်းကို သိတယ်ဒါပေမဲ့ ဘာ့ကြောင့်နောက်ကျတာလည်းမေးတော့ အကြောင်းစုံပြောပြတယ်။

အဲဒီအခါ ဘုရားရှင်က သာသနာတော်ဟာ လူတွေရဲ့သဒ္ဓါတရားနဲ့ ရပ်တည်နေရတာ လူတွေသဒ္ဓါတရားပျက်ရင် သာသနာတော်ရေရှည်မလွယ်ဘူး ၊ သာမဏေတွေ ရဟန်းတော်တွေ ရေချိုးဆိပ်မှာ ရေချိုးတာဟာ လူတွေအကြည်ညိုမဲ့စေတယ် ဒါ့ကြောင့် နောက်နောင် လူတွေရေချိုးဆိပ်မှာ ရေမချိုးရဆိုပြီး ပညတ်တော်ထုတ်ကာ ဝိနည်းသက်မှတ်ပေးလိုက်တယ်။

ဒါကိုကြည့်ခြင်းအားခြင်း ဘုရားရှင်ဟာ လူတွေအကြာ်ညိုမဲ့စေမဲ့ ကိစ္စ လုံးဝ ခွင့်မပြုဘူး ဆိုတာ ထင်ရှားလှပါတယ်။

အခု ဈေးတွေထဲမှာ လူတွေဈေးရောင်းဈေးဝယ်လုပ်နေကြချိန် အုပ်စုလိုက်ကြီး အလှူခံနေကြတာဟာ တော်တော်လေးကို ရုပ်ပျက်လွန်းတယ်။

ကထိန်အတွက်အလှူခံပြီဆိုရင် အဲဒီအဖွဲ့ဟာ ကထိန်ခင်းမဲ့ ကျောင်းထိုင်ဆရာတော်ကို သေချာပေါက် လျှောက်ကြရလိမ့်မယ်၊ ဆရာတော်တွေက ဒီလို ကိစ္စတွေကို ပြင်းပြင်းထန်ထန် တားမြစ်ပြီး မလုပ်ဖို့ သတိပေးသင့်ပါတယ်။

သရုပ်ပျကါဝတ်စားဆင်ယဉ်မှူ့တွေနဲ့ ဝတ်ဆင်ကြတယ် လူတွေနားမခံသာအောင် ဆောင်းဘောက်ကြီးတွေဖွင့်ကြတယ်၊ ဒါတင်မကဘူး လူတွေဈေးရောင်းဈေးဝယ်လုပ်နေတဲ့ ဈေးတွေထဲမှာပါ အတင်းတိုးကြိတ်ကခုန်ပြီး ဝင်ရောက်အလှူခံနေတာဟာ သာသနာပြုတာမဟုတ်ဘူး သာသနာကိုလူတွေအကြည်ညိုပျက်အောင် ဖျက်နေတာပဲ။

ဒီဖြစ်စဉ်တွေဟာ နှစ်စဉ်ကြုံတွေ့နေကျမို့ နောက်နောင် မဖြစ်အောင် တာဝန်ရှိသူတွေနဲ့ ကျောင်းထိုင်ဆရာတော်တွေဟာ ပြင်းပြင်းထန်ထန် တားမြစ်သင့်လှတယ်။

ဗုဒ္ဓဘာသာဖြစ်တဲ့ ဒီနိုင်ငံဟာ သာသနာပြုခေါင်းစဉ်တပ်ပြီး ကိုယ်လုပ်ချင်ရာ လုပ်နေကြတာ တော်တော်များနေပြီ။

ဗုဒ္ဓဘာသာအလှူခံဟာ ဗုဒ္ဓဘာသာဝင်တွေကိုယ်တိုင်တောင် စိတ်ပျက်စရာဆိုတော့ တခြားဘာသာဝင်တွေအတွက် ပြောစရာကိုမရှိတော့ဘူး။

အာဏာစက် ဓမ္မစက် နဲ့ တာဝန်ရှိသူကျောင်းထိုင်ဆရာတော်တွေ မြို့နယ်ဂရပ်ကျေးဂသံဃနာယကတွေ ပြည်သူတွေပါပေါင်းပြီး ဒီစနစ်ဆိုးကို တွန်းလှန်မှ ရတော့မယ်။

အထိမ်းအကွပ်မရှိ လုပ်ချင်ရာလုပ်နေကြတာ နေမြင့်လေ အရူးရင့်လေဖြစ်နေပြီ၊

အချိန်မီ မထိမ်းသိမ်းမတားဆီးနိုင်ရင် သာသနာတော်အတွက် ရေရှည်မှာ အန္တရယ်ရှိနိုင်တယ်။

ကထိန်အလှူခံအသံကြားရင်တောင် ကြက်သီးထနေပြီ။

ဦးမြင့်ခိုင်
3,800
U Myint Khaing ( Psychology)

04 Nov, 16:00

လောကီအစီအရင်အသုံးပြုသော
ဆရာတော်ကြီးများ
-----------------

လောကထဲမှာနေရင် တခါတရံ
လောကီအစီအရင်တွေ ပြုလုပ်ပြီး
ကာကွယ်လေ့ရှိကြပါတယ်။

အဲဒီအခါ ဒါက ဘုရားမဟောခဲ့ဘူး
ဆိုပြီးလက်မခံသူတွေလည်း အများကြီး ရှိခဲ့ပါတယ်။

မြန်မာနိုင်ငံမှာ ကပ်ဆိုက်တဲ့အချိန်
တုန်းက လယ်တီဆရာတော်ကြီးဟာ ထန်းရွက် ပေရွက်တွေ မှာ
ပထရမ ဆိုတဲ့ တကြောင်းစွဲအက္ခရာကို ရေးပြီး အိမ်တွေမှာချိတ်ဆွဲ
စေခဲ့တယ် အဲဒီအချိန်တွေဟာ
လူ့လောက ထဲကို ပရလောက
သားတွ ဝင်ရောက်နှောင့်ယှက်လို့
ဆရတော်ကြီးဟာ လောကီအစီအရင် ကို အသုံးပြု ခဲ့ပါတယ်။

ဝေဘူ ဆရာတော်ကြီးလက်ထက်
ကလည်း ရွာတရွာမှာ ခလေးတွေ
အများကြီးသေလို့ ဆရာတော်ကြီးက ပထမဦးဆုံးသေလို့ မြေမြုတ်ထားတဲ့ခလေးကို ပြန်ဖေါ်ပြီး
မီးသဂြိုလ် လိုက်တဲ့.. ပြီးတော့
မသေသေးတဲ့ ခလေးတွေရဲ့
လည်ပင်းမှာ တမာသား ကို
ကြေးစည်ပုံစံလေးတွေ လုပ်ပြီး
လည်ပင်းမှာ ချိတ်ပေးလိုက် လို့
ပြောခဲ့ပြီး ခလေးတွေရဲ့ အသက်ကို
ကယ်ခဲ့တယ်။

စွန်းလွန်းဆရာတော်ကြီးဟာလည်း
သထုံနေမိန္ဒရတောင်မှာ
သိမ်သမုတ်တဲ့အခါ့ မနုဟာမင်းသေပြီးနတ်ဘီလူးဖြစ်နေတဲ့ ပုဂ္ဂိုလ်ကြီး နှောင့်ယှက်လို့
တံခွန်တွေ ကုက္ကားတွေ ကိုင်ပြီး
အထက်နတ်မင်းကြီးတွေကို
တိုင်တည်ကာ မနုဟာမင်းကို
မနှောင့်ယှက်ဖို့ အသုံးပြုခဲ့ဘူးတယ်။

လယ်တီ ဝေဘူ စွန်းလွန်း ဆရာတော်ကြီးတွေဟာ အရိယာကြီးတွေပါ အဲဒီအရိယာ ကြီးတွေ ဘာ့ကြောင့် လောကီအစီအရင်
သုံးခဲ့လဲ .?

ဘုရားဟောမဟုတ်ပေမဲ့
လောကီထဲမှာနေတဲ့အခါ လောကီ
အစီအရင်တွေကို လိုအပ်ရင်
အသုံးပြု ကြပါတယ်။

လူ့လောကမှာ သီသ သမာဓိ ပညာ မဲ့သူတွေများလာရင် ကပ်ဘေး ဖြစ်ပေါ်တတ်တယ်
အဲဒီကပ်ဘေးဆိုက်တဲ့အခါ ပရလောက သားတွေ နှောင့်ယှက်တတ်တယ် အဲဒီအချိန်မှာ လောကီ
အစီအရင်ကို အသုံးပြုကြရပါတယ်။

ဝေသာလီမှာ ကပ်ဘေးဆိုက်တော့
ဘုရားရှင်ကိုယ်တိုင် ပရိတ်ပဋ္ဌာန်း
တွေရွတ် ပရိတ်ရေတွေဖျန်းပြီး
ကပ်ဘေးကိုကယ်ခဲ့တယ်
ပြီးတော့ ဘီလူး ကို မြို့ကိုစောင့်ရှောက်ဖို့ ထားခဲ့ပြီး ပြည်သူတွေကို
ပသ ဖို့ ညွန်ကြားခဲ့ဘူးပါတယ်

ဗုဒ္ဓရဲ့ တရားတော်တွေက
အစွမ်းထက်ပေမဲ့
အကုသိုလ်ကြီးမားတဲ့လူတွေရဲ့
အကုသိုလ်ကို ကယ်ဖို့အတွက်
သီလ သမာဓိ ပညာ ပြည့်ဝလှတဲ့
ဆရာတော်ကြီးတွေပဲ ကယ်နိုင်တာပါ သာမန် ရဟန်းတော်တွေ
ရွတ်ဖတ်တာလောက်နဲ့ မလုံလောက်ပါဘူး။

လယ်တီဆရာတော်ကြီးလက်ထက်က တခြားရဟန်းတော်တွေ
ပရိတ်ပဋ္ဌာန်းတွေ ရွတ်ဖတ်ပေမဲ့
ဘုတ်ပြိတ္တာတွေ မပြေးလို့
ဆရာတော်ကြီးက မင်းတို့အသား
စားကျူးတဲ့ ပါးစပ်ကြီးတွေနဲရွ့တ်မှတော့
ဘာထူးမှာတုန်းလို့ မိန့်ကြားဘူးပါတယ်။

မန္တလေး စစ်ကိုင်း မုံရွာတွေမှာ
လူတွေ အများကြီးသေကြတယ်
လယ်တီ ဆရာတော်ကြီး ကြွလာ
တော့မယ်ဆိုရင် ဘုတ်ပြိတ္တာတွေက လယ်တီဆရာတော်ကြွလာတော့မယ် ငါတို့မနေရတော့ဘူး
ဆိုပြီး လူတွေကိုအိမ်မက်တွေပေးပြီး ထွက်ပြေးကြရတယ် တဲ့
( အပြည့်အစုံ ကို လယ်တီ ဒီပနီတွင် ဖတ်ရှု့ နိုင်ပါသည် )

တခုပဲ သတိထားရမှာပါ
လောကီအစီအရင်ကို လိုအပ်ရင်
သုံးလို့ရပါတယ် ဒါပေမဲ့ သဒ္ဓါတရားအစစ်တော့ မပျက်စီးပါစေနဲ့
အသိဥာဏ်နည်းတဲ့ လောကလူသားတွေဟာ လောကီအစီအရင်ကို အလွန်အကျွန်သုံးစွဲပြီး တရားတော်တွေကို ဥပေက္ခာပြု တတ်ကြတယ် အဲဒါတော့ သတိထားပါ။

တရားတော်တွေက အစွမ်းမထက်လို့မဟုတ်ပါဘူး လူတွေရဲ့ သီလ
သမာဓိ ပညာ အားနည်းနေကြလို့ပါ။

ဆရာတော်ကြီးတွေဟာ
လိုအပ်လို့သုံးပေမဲ့
အရေးမကြီးလို့ဘာမှ ရှင်းမပြခဲ့ပါဘူး ဒါ့ကြောင် သုံးတော့ သုံးပါ
မစွဲ ပါစေနဲ့ ။

လူမမယ်ခလေးသူငယ်တွေ မုဒိန်းကျင့်တာမျိုး၊ မိဘတွေကိုသတ်တာမျိုးတွေ ၊လူတွေ အစုလိုက် အပြုံလိုက်သေတာမျိုးတွေ
လူ့လောက မှာ ဖြစ်လာပြီဆိုရင်
အဲဒါ ကပ်ဘေးလက္ခဏာတွေပါပဲ ။

ဒါ့ကြောင့် လောကီလောကုတ်ပြည့်စုံတဲ့ ဆရာတော်ကြီးတွေက
လောကုတ်လည်း မယွင်းစေနဲ့
လောကီလည်း မဖျင်းစေနဲ့ဆိုပြီး
ဆုံးမ သတိပေးခဲ့ပါတယ်။

ဗုဒ္ဓဘာသာတွေမှာ
မြေဘုတ် ပြိတ္တာတွေ
လောကပါလ နတ်တွေ ရှိနေတယ်
ဆိုတာသတိထားကြပါ
မမြင်ရဘူး ဆိုပြီး ပါယ်ရင်တော့
ဆိုးကျိုးတွေ အများကြီး ဖြစ်ပေါ်
လာတတ်ပါတယ် ။

သီလ သမာဓိ ပညာ မဲ့လာရင်
လောကီပါ တွဲ ပြီး အသုံးပြု ကြပါ
သဒ္ဓါတရားအစစ်လည်းမပျက်စီး
ကြပါစေနဲ့ လို့
တိုက်တွန်းပါရစေ။

ဦးမြင့်ခိုင်
3,776
U Myint Khaing ( Psychology)

31 Oct, 13:22

ကြေငြာစရာ မလိုဘူး
------------------

ဘုရားဆုံးမတာက ဆင်းရဲအောင် မဆုံးမဘူး။
ကိုယ်ကသာ ထင်ချင်သလို ထင်နေကြတာ။

လူများများသိစေချင်ရင် မကြော်ငြာနဲ့။
ဝင်လေထွက်လေသာ များများရှူ…
ပုန်းတောင်နေရဦးမယ်။

ဘုရားတရားတော်တွေဟာ အကလိက ပဲ။
အချိန်မဆိုင်းဘူး အကျိုးပေးတယ်။
ဘုရားရှင် လက်ထပ်ကလိုပဲ ဘာမဆိုဖြစ်နိုင်တယ်။

တို့များစမ်းကြည့်တယ်။

သင်္ကန်းရုံ သပိတ်လွယ်ပြီး ဆွမ်းခံထွက်တယ်။
မြို့ထဲရွာထဲမသွားဘူး။
သစ်ပင်ရှိရာ လျှောက်ရပ်တာပဲ။
သစ်ပင်ရှိရင် ဆွမ်းရှိတယ်။


#ဝေဘူဆရာတော်ဘုရားကြီး

ဦးမြင့်ခိုင်
3,685
U Myint Khaing ( Psychology)

29 Oct, 13:55

မဟာကရုဏာတော်သခင်
------------------

စဉ်းစားကြည့်ပါ ၊

ပျံတော်မူ လောက်အောင်

မကျန်းမမာဖြစ်နေတဲ့

ဆရာတော် တစ်ပါးဟာ

ဘယ်လို စေတနာကောင်းတယ် ဆိုပေမယ့်

တစ်မိုင်နှစ်မိုင်ဝေးတဲ့ အရပ် ခြေလျှင်သွားပြီး

တရားဟောဘို့ဆိုရင်
ဖြစ်နိုင်ပါ့မလား၊
မဖြစ်နိုင် တာသေချာပါတယ်၊

ဗုဒ္ဓမြတ်စွာဘုရားမှာတော့ သနားတော်မူတဲ့

မဟာကရုဏာတော်က အင်မတန် ကြီးမားတော်မူတဲ့အတွက်

သုဘဒ္ဒ ပရိဗိုဇ်အား သနားတော်မူသဖြင့် အပြင်းအထန် ရောဂါ နှိပ်စက်နေပါလျှက်

၆ မိုင်ဝေးသောခရီးကြမ်းကို တနေကုန် ပင်ပန်းစွာ ကြွတော်မူပါတယ်၊

ကဆုန်လ ဆိုတော့ ရာသီဥတုကလဲ အလွန်

ပူပြင်းတဲ့ အခါကြီး ဖြစ်နေပါတယ်၊
အဲဒါတွေကို စဉ်းစားကြည့်ရင်
မဟာကရုဏာတော်သခင် ဘုရားရှင်ဟာ

အလွန်ပင် ကြည်ညိုစရာ ကောင်းလှပါပေတယ်။

(မဟာစည်ဆရာတော်ကြီး)
5,450
U Myint Khaing ( Psychology)

28 Oct, 13:29

#ပဋ္ဌာန်းအစွမ်း အံ့မခန်း
-----------------------------------------------

ပဋ္ဌာန်းတရားတော်မြတ်ကြီးကို
ဇွဲကောင်းကောင်းနဲ့ ပူဇော်ခဲ့တဲ့ အကျိုးကျေးဇူးဟာ ပြောပြရင် ယုံနိုင်စရာတောင်မရှိလို့ လူတွေ လက်ခံနိုင်သလောက်သာ ပြောခဲ့တယ်။

အဲဒီအထဲတွေက တချက်ကတော့
အံ့သြစရာကောင်းတယ်၊ ပဋ္ဌာန်းပူဇော်တဲ့သူတွေအတွက် အကျိုးကျေးဇူးရှိစေတာမို့ ပြောပြရတာပါပဲ။

နတ်တွေ ဝိဇ္ဇာတွေ တရားနာကြွရောက်တဲ့အထိ ပူဇော်ခဲ့ပြီးတဲ့နောက်မှာ အခြေအနေအရ အိမ်အပြောင်းအရွေ့လုပ်ရတဲ့အခါ နေရာထိုင်ခင်း အခက်အခဲကြောင့် သူတို့တွေ လာရောက်ဖို့ အဆင်မပြေတော့ဘူး။

ဒါပေမဲ့
ပဋ္ဌာန်းပူဇော်မှုကတော့ မပျက်ခဲ့ပါဘူး၊
သူတို့တွေ တရားနာမလာရောက်နိုင်တော့တဲ့အတွက် နည်းနည်းတော့ စိတ်မကောင်းဖြစ်မိတယ်။

အဲဒီလိုနဲ့ တနေ့ကျတော့ အိပ်မက်လိုလို တကယ်လိုလိုနဲ့ အသံတသံ ကြားရတယ်။

သူတို့တတွေ တရားနာမလာရောက်လို့
ဝမ်းမနည်းပါနဲ့တဲ့ သူတို့ကို တရားနာပင့်ဖိတ်ပြီဆိုတာနဲ့ သူတို့တွေဟာ နတ်ပြည်ကနေ နတ်တွေရဲ့ ( ဒိဗ္ဗ သောတ ဆိုတဲ့ )နတ်တွေရဲ့ နားနဲ့ နတ်ပြည်ကနေ ရိုသေစွာ တရားနာယူကြပါတယ်၊ သူတို့ကို တရားနာပင့်ဖိတ်တာနဲ့ သူတို့သိပါတယ်၊ ပူဇော်တဲ့အခါတိုင်း နတ်ပြည်ကနေ အမြဲတမ်း နာယူနေကြတာမို့ ရိုရိုသေသေနဲ့ သဒ်ဓါတရားကောင်းကောင်းနဲ့သာ ပူဇော်ပါတဲ့။

ပဋ္ဌာန်းပူဇော်တဲ့အခါ နတ်တွေ လာရောက်နာယူတာ မနာယူတာ အဓိကမကျပါဘူး၊
မိမိရဲ့သဒ်ဓါတရားကောင်းကောင်းနဲ့ ပူဇော်ဖို့သာ အဓိက ကျတာပါ၊ ဒါပေမဲ့ ကိုယ်လည်းသဒ်ဓါတရားကောင်းကောင်းနဲ့ ပူဇော် နတ်တွေလည်း တရားနာယူကြတယ်ဆိုတော့ ပိုပြီး ဝမ်းမြောက်ကြည်ညိုမိစေတာတော့ အမှန်ပါပဲ။

ဒီဖြစ်စဥ်ဟာလည်း
ပဋ္ဌားန်ပူဇော်မှုတွေထဲက
ထူးခြားဆန်းကြယ်ဖြစ်စဥ် တစ်ခုပါပဲ။

ဒါ့ကြောင့် #ပဋ္ဌာန်ပူဇော် သူများအဖို့
မိမိအိမ်ကနေ ပူဇော်နေပေမဲ့ နတ်တွေဟာ နတ်ပြည်ကနေ ရိုသေစွာနာယူနေကြတယ်ဆိုတာ သိကြစေချင်ပါတယ်။

.. ဦးမြင့်ခိုင်
4,344
U Myint Khaing ( Psychology)

26 Oct, 13:08

အဆင်မပြေဘူး ဆိုသူများအတွက်
------------------

ဆရာကြီးစနြ္ဒဆိုတာက မြန်မာပြည်ရဲ့ ဗေဒင်နဲ့ လက္ခဏာပညာမှာ နိုင်ငံ့ခေါင်းဆောင်တွေ သူဌေးတွေ ရုပ်ရှင်လောကသားတွေနဲ့ပြည်သူတွေပါ လေးစားဂုဏ်ပြုခြင်းခံရတဲ့ တကယ့်ပါရမီရှင် ပုဂ္ဂိုလ်တဦးပါ။

ဘယ်အသက်ရွယ်မှာသေမလဲ
ဘယ်အချိန်မှာဘာဖြစ်မယ်
ဘယ်အချိန်မှာအောင်မြင်မယ်
ဘယ်အချိန်ပြည်ပကို ခရီးထွက်ရမယ် ဆိုတာကအစ အတတ်ဟောနိုင်တဲ့အအောင်မြင်ဆုံး မြန်မာ့လက္ခဏာဗေဒင်ပညာရှင်။

ဒါပေမဲ့ သူ့ဟောခန်းမှာ ရဟန်းသာမဏေများနဲ့ သီလရှင်များအား မဟောပါ ဆိုပြီးဆိုင်းဘုတ်ချိတ်ထားသတဲ့

ဒါနဲ့ ပတ်သက်ပြီး ဆရာစနြ္ဒကို မေးမြန်းကြည့်တဲ့အခါ

တပည့်တော်က ရဟန်းသာမဏေများနဲ့ သီလရှင်များကို မကောင်းတဲ့ အတိတ်နိမိတ်မြင်လို့ ကြိုတင်နိမိတ်ဖတ်ဟောတဲ့အခါ

လွဲတာကများတယ်။ ရဟန်းသံဃာများဟာ နေ့စဉ်အမြဲ ဘုရားကို သောက်တော်ရေ၊ပန်းတော်၊ ဆွမ်းတော်စတဲ့
ဘုရားဝေယျာဝစ္စ။

ပရိတ် ပဋ္ဌာန်းရွတ်ဖတ်ပူဇော်တဲ့ ဓမ္မာနုဿတိ။

ကျောင်း အိပ်ရာနေရာ တံမြက်လှည်းခြင်းစတဲ့
ကုသိုလ်ကိစ္စတွေကို နေ့စဉ်မပြတ်ပြုလုပ်ကြတာများတော့ နောင်ဖြစ်လာမည့် မကောင်းတဲ့
အတိတ်နိမိတ်တွေဟာ မဖြစ်နိုင်ကြတော့ဘူး။

ကုသိုလ်စရဏတရားတွေမပြတ်ပြုလုပ်နေသူတွေကို
သူဟောရင်လွဲတာကများတယ် တဲ့။

ဒါကြောင့် ရဟန်းသံဃာများနဲ့ သီလရှင်များကို တပည့်တော် ဗေဒင်မဟောခြင်းပါလို့ ဆိုပါတယ်။

ဆရာကြီးဟာ သူ့အသက် ၇၂ နှစ်မှာ သေမယ်လို့
သူ့ပညာအရသိတဲ့အခါ ဗေဒင်လက္ခဏာ
ပညာကိုခဏရပ်နားကာ ဆရာတော်ကြီးတွေရဲ့အဆုံးအမကိုခံယူပြီး အညာဘက်ကိုသွား နွားတွေဝယ် ဘေးမဲ့လွတ်၊ ရေးရှားတဲ့ဒေသတွေမှာ ရေတွင်းရေကန်တွေတူးလှူစတဲ့ ကုသိုလ်တွေကို ပြုလုပ်ခဲ့ပါတယ်။

အသက် ၇၂နှစ်မှာမသေခဲ့တဲ့အတွက် သူ့ပညာတွေကိုအပြီးအပိုင် စွန့်လွတ်ပြီး ရဟန်းဝတ်ပါတယ်။

ရဟန်းဘဝနဲ့ ဗုဒ္ဓတရားတော်များက လူတယောက်ရဲ့ကံဇာတာကို ပြောင်းလဲပေးနိုင်ကြောင်း ဆောင်းပါးများကို ရေးသားခဲ့ပါတယ်။

အသက်၈၃နှစ်မှ ရွှေပြည်သာက
ဘုန်းတော်ကြီးကျောင်းတကျောင်းမှာ
လူကြီးရောဂါနဲ့ ပျံလွန်တော်မူခဲ့ပါတယ်။

ဆရာကြီးရဲ့ဘဝအတွေ့အကြုံ
သင်ခန်းစာတွေကို ကြည့်ခြင်းအားဖြင့်

ကုသိုလ်အလုပ်တွေကိုစဉ်ဆက်မပြတ်ပြုလုပ်နေသူတို့အဖို့ကံဆိုး ကံညံ့တွေမကျရောက်နိုင်ဘူး။

မကောင်းတဲ့အတိတ်တွေ နိမိတ်တွေဟာ အကောင်းဘက်ကို ရောက်ရှိသွားနိုင်တယ်ဆိုတာတွေ့ရပါတယ်။

ဒီသာသနာမှာ အသက်အရှည်ဆုံး အနာရောဂါအကင်းဆုံး ရှင်ဗာကုလ ဟာ အရင်ဘုရားရှင်လက်ထက်မှာ အဲဒီကုသိုလ်တွေ အများကြီးပြုလြပ်ခဲ့ပါသတဲ့

ဘုရားရှင်လက်ထက်တော်အခါက ဗေဒင်ပညာရှင်ကြီးဟာလည်းသုံးနှစ်အတွင်း သေပြီး ဟိမဝန္တာမှာ မျောက်ဖြစ်မယ်ဆိုတာ သူ့ဗေဒင်အရ သိခဲ့တယ် ဘုရားရှင်ကိုလျောက်ကြည့်တော့လည်း ဟုတ်တယ် မင်းဟာ သုံးနှစ်ကြာရင်သေမယ် သေပြီးဟိမဝန္တာမှာ မျောက်ဖြစ်မယ်ပြောလိုက်တော့ မျောက်ဖြစ်ရင် အေးအေးဆေးဆေးနေလို့ရအောက် ရေတွင်းရေကန်နွေတူး သစ်ပင်ပန်းမန် တွေစိုက်တဲ့ အလုပ်ကို ကြိုလုပ်ထားတယ်

သုံးနှစ်ကြာတဲ့အခါ မသေတော့ပဲ အသက်ဆက်ရှင်နေတယ် အဲဒါနဲ့ ဘုရားရှင်ကို လျှောက်တော့ မင်းပြုလုပ်ခဲ့တဲ့ ကောင်းမှူ့ကုသိုလ်တွေက မင်းအသက်ကို ကယ်လိုက်တာပဲတဲ့ ပြီးတော် အသက်သေမဲ့လူတွေ လှူသင့်တဲ့အလှူတွေကိုလည်း ဟောပြောခဲ့ပါတယ်

ရေတွင်းရေကန်လှူ (မလှူနိုင်ပါက ရေစစ်လှ)
ဆေးအလှူ
ကျောင်းအလှူ
လမ်းအဟောင်းတံတားအဟောင်း ကျောင်းအဟောင်းပြုပြင်တဲ့အလှူ
ဘေးမဲ့လွှတ်တဲ့အလှူ
ငါးပါးသီလ ဆောက်တည်
ရှစ်ပါးသီလ အခါလျှော်စွာဆောက်တည်
အဲဒီကုသိုလ်တွေဟာ လူတယောက်ကို အမြန်ဆုံးကံပြန်ကောင်းစေတဲ့ အလှူတွေပါပဲတဲ့


ဒါ့ကြောင့်
ကိုယ့်ဘဝမှာ မကောင်းတဲ့
အတိုက်အခိုက်တွေကြုံလာလို့ပဲ ဖြစ်ဖြစ်၊

အလုပ်အကိုင် အဆင်မပြေလို့ဘဲ ဖြစ်ဖြစ်၊ဗေဒင်ကကိုယ့်ကို ကံဆိုးကံညံ့နေတယ်လို့ ပြောရင်ဘဲဖြစ်ဖြစ်၊

အဆင်မပြေမှု့တွေကြုံလာတိုင်း

#ဘုရားဝေယျာဝစ္စတွေ
#ပရိတ်ပဌာန်းရွတ်တာတွေ၊
#ရေအလှူ ၊
#ဆေးအလှူ၊
#လမ်းအလှူ
#ဘေးမဲ့လွှတ်
စတဲ့ ကုသိုလ်တွေကိုသာ အတတ်နိုင်ဆုံး စွဲစွဲမြဲမြဲကြိုးစားအားထုတ်လိုက်ပါ။

ဒါဟာ ဗေဒင် ယတြာထက် ကောင်းတဲ့
ဘုရားပေးတဲ့ ယတြာပါပဲ

ဦးမြင့်ခိုင်
3,780
U Myint Khaing ( Psychology)

19 Oct, 14:20

သူဋ္ဌေးကြီးနဲ့ ဆင်းရဲသား
-----------------

သူဋ္ဌေးကြီးတွေလည်း ပိုက်ဆံရှာတာပဲ
ဆင်းရဲသားတွေလည်း ပိုက်ဆံရှာတာပဲ။

သူဋ္ဌေးကြီးတွေလည်း သားမယားအတွက်ပဲ
ဆင်းရဲသားတွေလည်း
သားမယားအတွက်ပဲ

သူဋ္ဌေးကြီးတွေ ကျောင်းဆောက်လှူ တာ
လည်း ကျောင်းကုသိုလ်ရတာပဲ
ဆင်းရဲသားရပ်ကွက်မှာ ကျောင်းဆောက်
ဖို့အလှူ ခံလာတဲ့အခါ ကိုယ်နိုင်
သလောက်လှူ တာလည်း ကျောင်းကုသိုလ် ရတာပါပဲ (သဒ္ဓါထက်သန်သူကအကျိုးပေးကြီးမှာပါ

သူဋ္ဌေးကြီးတွေလည်း နေမကောင်းတာပဲ
ဆင်းရဲသားတွေလည်းနေမကောင်းတာပဲ

သူဋ္ဌေးကြီးတွေကိုယ်ကျင့်တရားကောင်း
ရင်တန်ဘိုးရှိသလို ဆင်းရဲသားတွေ ကိုယ်
ကျင့်တရားကောင်းလည်းတန်ဘိုးရှိတာပဲ

သူဋ္ဌေးကြီးတွေတရားထိုင်လည်းနိဗ္ဗန်
အထောက်အပံ့ဖြစ်သလို
ဆင်းရဲသားတွေတရားထိုင်တော့လည်း
နိဗ္ဗါန်အထောက်အပံ့ဖြစ်တာပါပဲ

သူဋ္ဌေးကြီးတွေလည်း အို နာ သေ
ဆင်းရဲသားတွေလည်း အို နာ သေ

သူဋ္ဌေးကြီးတွေလည်း သေတော့အကုန်
ထားခဲ့ရတာပဲ
ဆင်းရဲသားတွေလည်း သေတော့
အကုန္ထာ.ခဲ့ရတာပဲ

ဘဘာဝတရားက ဘယ်သူ့ကိုမှ
ဘက်မလိုက်ပဲ ညီတူညီမျှ အခွင့်အရေး
ပေးထားတာပါ

ထင်တာက
လူတွေရဲ့ မူမမှန်တဲ့ စိတ်ကြောင့် ပါ

ကိုယ်လုပ်သလောက်ရမယ်
ကိုယ်လုပ်တာ ကိုယ်ခံစားရမယ်
သေရင် အကုန်ထားခဲ့ရမယ်

ကောင်းမှ ူ့လုပ်သူက
ကောင်းကျိ ု းခံစားရမယ်
မကောင်းတာလုပ်သူက
မကောင်းကျိ ု းခံစားရမယ်

အဓိက က
ကောင်းမှ ူ့ကုသိုလ် များများပိုလုပ်သူက
လူဖြစ်ကျိုးနပ်တာပါ ပဲ

အနာထပိဏ်လှူ တဲ့ ဇေတဝန် ကျောင်းနဲ့
ကုန်သည်လှူ တဲ့ မြက်ရှစ်ဆုပ်ဟာ
သူ့နေရာနဲ့သူ
တန်ဘိုးကြီးပြီး စေတနာထက်သန်
သလောက်အကျိ ု းပေးကြီးကြပါတယ်

ဆင်းရဲသားတွေဟာလည်း
ကျောင်းဆောက်လှူ တဲ့ကုသိုလ် ကထိန်
ခင်းတဲ့ကုသိုလ် သိမ်ဆောက်တဲ့ကုသိုလ်
အစရှိတဲ့ ကုသိုလ်ကြီးတွေကို စေတနာ
ထက်သန်စွာနဲ့သာ နိင်သလောက်
ငါးရာ တထောင် လှူ ကြစမ်းပါ
ကုသိုလ်အပြည့်ရပါတယ်

ကုသိုလ်ရဲ့အကျိ ု းပေးက
အလှူ ပစ္စည်း အနည်းအများမဟုတ်ပါဘူး
စေတနာ အနည်းအများ ပါ

ဒါ့ကြောင့်
ညောင်စေ့လောက်.လှူနိုင်လည်း.လှူကြပါ
ကုသိုလ်တွေ.ညောင်ပင်ကြီးလောက်
ရကြပါစေ.🙏

ဦးမြင့်ခိုင်
4,548
U Myint Khaing ( Psychology)

14 Oct, 14:12

သီတင်းကျွတ် ကန်တော့ပန်း
------------------

ကျွန်တော်၏ အကောင့်ထဲမှ သံဃာတော်အရှင်မြတ်များ သီလရှင်ဆရာကြီးဆရာလေးများ နှင့် ကျွန်တော့ထက် တနေ့ တရက် တမနက် တနာရီ တမိနစ် တစက္ကန့် ကြီးသော သူများအား ကျွန်ုပ်အနေ နှင့် ပဏာမဦးစွာ လက်ဆယ်ဖြာထိပ်မှာ မိုး၍ ရိုသေမြတ်နိုး ခြေစုံဦးခိုက် ကန်တော့ပါ၏။

ကျွန်တော်၏ လူမှူ့ကွန်ယက်သုံးစွဲခဲ့သော ဆယ့်နှ နှစ်တာကာလတလျောက်
လူမြင်မမြင်တွေ့ခဲ့ကြဘူးသော်လည်း ဆွေမျိုးအရင်းအချာများကဲ့သို့ ဓမ္မမိတ်ဆွေများနှင့်နေ့စဉ် ​မြင် တွေ့ ကြား သိခဲ့ရပါသည်။

ဤကဲ့သို့ လူခြင်းမမြင်ဘူးသော်လည်း နေ့စဉ်ဓမ္မစာပေများအား ဖတ်ရှူ့ခြင်း လေ့လာခြင်း ဆွေးနွေးခြင်းများဖြင့် နေ့စဉ်ပါတ်သတ်ခဲ့ကြပါသည်၊ ဤကဲ့သို့ ပါတ်သတ်စဉ်ကာလအတောအတွင်း အကြောင်းမညီညွတ်၍ ကာယကံ ဝစီကံ မနောကံ တို့ဖြင့် တဦးနှင့်တဦးပြစ်မှား မိသည်များ ရှိကောင်းရှိခဲ့ပါလိမ့်မည်။

အကယ်၍ များ ကျွန်ုပ်က ပြစ်မှားမိခဲ့ပါက ဓမ္မမိတ်ဆွေတို့အနေနှင့် သည်းခံခွင့်လွှတ်ကြပါရန် တောင်းပန်ဝန်ချ မေတ္တာရပ်ခံပါ၏။

အကျွန်ုပ်ကို ပြစ်မှားမိသည်များ ရှိခဲ့ပါကလည်း အကျွန်ုပ်က သည်းခံ ခွင့်လွှတ် ကျေအေးပါ၏၊ ခံင့်လွှတ်ပါ၏။

တဦးနှင့်တဦး ယခုမဘဝ ဆွေမျိုးမတော်စပ်ခဲ့ကြပါသော်လည်း မြတ်ဗုဒ္ဓ၏ တရားတော်အရ သံသရာ၌ တဦးနှင့်တဦး အမိအဘ သားနှင့်သမီး ဆွေမျိုးပေါက်ဖော်သေချာပေါက် တော်စပ်ခဲ့ဘူးကြပါသည်။

သို့ပါသောကြောင့် ယခုဘဝတင်သာမက သံသရာ အဆက်ဆက် ပါတ်သတ်ဘူးစဉ်က အပြစ်များပါ အကျွန်ုပ်ကို ကြေအေးပေးပါရန် နှင့် အကျွန်ုပ်က လည်း သည်းခံခွင့်လွှတ်ကြေအေးပါကြောင်း မေတ္တာလောင်း၍ ထပ်မံတောင်းပန်ပါ၏။

ယခုသီတင်းကျွတ်အခါသမယမှ စတင်ပြီး ဓမ္မမိတ်ဆွေအပေါင်းတို့ ကိုယ်၏ကျမ္မာခြင်း စိတ်၏ချမ်းသာခြင်းနှင့် ပြည့်စုံနိုင်ကြပါစေကြောင်းဆုမွန်ကောင်းများ တောင်းအပ်ပါသည်။

ဦးမြင့်ခိုင်
5,108
U Myint Khaing ( Psychology)

13 Oct, 12:56

ငါဘုရား သိသလိုသာ
----------------------------

ပေးကမ်းခြင်း ဝေမျှခြင်းရဲ့ အကျိုးကို ငါဘုရား သိသလိုသာ သတ္တဝါတွေ သိကြမယ်ဆိုရင် မပေးဘဲ စားဖြစ်မှာမဟုတ်၊ နှမြောတဲ့စိတ်ရဲ့အနိုင်ယူမှုကို ခံမှာမဟုတ်။

အဲဒီလို သိတဲ့ပုဂ္ဂိုလ်ဟာ ခံယူသူသာရှိရင် လက်ထဲကနောက်ဆုံးထမင်းလုပ် ပါးစပ်ထဲရောက်နေတဲ့နောက်ဆုံးထမင်းလုပ်ကိုတောင်မှ မဝေမျှဘဲ စားမှာမဟုတ်။

(ဗုဒ္ဓ)

ဒါနသုတ်၊ ဣတိဝုတ်ပါဠိ၊ တတိယဝဂ်
4,389
U Myint Khaing ( Psychology)

11 Oct, 15:22

အန္တရယ်ကင်းဖို့ အရေးကြီးတယ်။
------------

ဒီကနေ့ ဖြစ်နေတဲ့ အကုသိုလ်ကံ ကြီးတွေဟာ တော်တော်ကြောက်စကာကောင်းလှတယ်
အချိန်မရွေး နေရာမရွေး အမြဲဖြစ်နိုင်တာမို့ အထူးသတိထားဖို့လိုပါတယ်။

ကိုယ်တိုင် ဘယ်နေရာ ဘာဖြစ်မယ်မသိပေမဲ့ ကိုယ်စောင့်နတ်တွေ ဝိဇ္ဇာ တွေ နတ်ကောင်း နတ်မြတ် တွေက ကြိုသိတယ်၊ ဒါ့ကြောင့် ဒီအချိန်မှာ ပရိတ်ပဋ္ဌာန်းပူဇော်မူ့တွေ ဂုဏ်တော်ပွားတာတွေ ဝိပသနာ တရားအားထုတ်တာတွေ အထူးပြုလုပ်ကြပြီး သူတို့ကို အမျှ ပေးဖို့ လိုအပ်ပါတယ်၊ သူတို့ဟာ အမျှပေးဝေရင် ကိုယ်တွေရဲ့ မမြင်နိုင်တဲ့ အန္တရယ် တွေကို ကြိုတင်သတိပေးတာတွေ ရှောင်ကွင်းနိုင်အောင် ပြုလုပ်တာတွေ ရှိပါတယ်။

ဒါ့ကြောင့် မိမိတို့ ပြုလုပ်သမျှ ကုသိုလ်ကောင်းမူ့တွေကို အမျှပေးကြပါ သူတို့ တကယ်စောင့်ရှောက်ပါတယ်။

နောက်တချက်က သူတော်ကောင်းကြီးတွေဟာ လောက ကြီးကို ဒီလိုအချိန်မှာ ကယ်တင်လေ့ရှိတယ်၊ သူတို့ ကယ်လို့ရတဲ့ အခြေအနေ ရှိဖို့ ငါးပါးသီလ လုံခြုံအောင် စောင့်ထိမ်းရမယ်၊ ပြီးတော့ ခင်ပွန်းကြီးဆယ်ပါး ပြစ်မှား ထားတဲ့ ကံတွေ
ရတနာသုံးပါးကို ပြစ်မှားထားတဲ့ကံတွေ မရှိမှ သူတော်ကောင်းကြီးတွေ ကယ်လို့ရတာပါ။

ဒါ့ကြောင့် ငါးပါးသီလ လုံခြုံအောင် စောင့်ထိမ်းကြပါ ခင်ပွန်းကြီး ဆယ်ပါးကို ကန်တော့ တာင်းပန်ကြပါ၊
ရတနာသုံးပါးကို မပြစ်မှားမိအောင် အပြောအဆို အနေအထိုင် ဂရုစိုက်ကြပါ။
အမျှ အတန်းပေးဝေကြပါ။

သတ္တဝါ တွေရဲ့ ကံတူအကျိုးပေးဟာ သိပ်ကြောက်စရာ ကောင်းပါတယ်၊ ကိုယ်ကိုယ်တိုင် မလုပ်တာတောင် တပါးသူရဲ့ ပြုလုပ်မူ့ကြောင့် ကိုယ်ပါ ပါတတ်ပါတယ်။

ပရိတ်ပဋ္ဌာန်း ပူဇော်မူ့တွေကို ဘယ်လိုအကြောင်းနဲ့မှ မရပ်တန့်ကြပါနဲ့နော်။

အကြောင်း ရှိလို့ ပြောတာပါ။

ဦးမြင့်ခိုင်
4,264
U Myint Khaing ( Psychology)

10 Oct, 14:42

တန်ဆောင်မုန်းကျော်ရင် စိတ် တွေကြည်လင်လန်းဆန်းလာကြတော့မှာပါ
တပေါင်းကျော်ရင်တော့ ကောင်းသထက်ကောင်းလာပါပြီ
ဘုရားတရားအလုပ်တွေ ပိုလုပ်ကြပြီး အားတင်းထားကြနော်

ဦးမြင့်ခိုင်
3,997
U Myint Khaing ( Psychology)

08 Oct, 14:30

အညှာခိုင်အောင် လုပ်ထားကြ
------------

အမှည့်တဝင်းဝင်း
အကင်း တဖြုတ်ဖြုတ်
အကုန် ကိုင်လှုပ်တော့မှာမို့
အညှာခိုင်​အောင် လုပ်ထားကြ။

အပုတ်ကောင်တွေ ရေမျောရမှာမို့ ရေကြီးဖို့အကြောင်းတရားက လာကိုလာမှာ။

ပါပဂြိုဟ်
ဝါဆိုက သိမ်းမယ်လို့
ကိန်းအရ မှာခဲ့တယ်
အတည်မလွဲမျိုးညစ်
ဆိုးညစ်သူ အကုန်ပျောက်ပါလိမ့်
ကြောက်စရာ့ပွဲ တဲ့။

အရင်ဝါဆိုတွေထက်
ဒီဝါဆိုက
ပိုကြောက်စရာကောင်းမယ်။

ဒီဝါဆို
အကုန်သိမ်းလိမ့်မယ်။

ရေမမြုပ်ရသေတဲ့ နေရာတွေ ရေမြုပ်မယ်၊
မသန့်တဲ့ အပုပ်ကောင်တွေ
အကုန်ရေမျောရလိမ့်မယ်။

ရေမျောပြီးရင်
မဟာပထဝီ ကောင်းချီးပေးလိမ့်မယ်။

အမှည့်တဝင်းဝင်း
အကင်းတဖြုတ်ဖြုတ်
အကုန် ကိုင်လှုပ် မှာမို့
အညှာခိုင်အောင် လုပ်ထားကြ။

မိစ္ဆာ ပျက်ပွဲအတွက်
ကြားမညပ် ကြပါစေနဲ့ တဲ့။

ဦးမြင့်ခိုင်

2023 ခုနှစ်က ရေးပြီးသတိပေးထားတဲ့ပိုစ့်ပါ တကယ်မှန်ခဲ့တယ်
ငလျင်တခုကျန်သေးတယ်
4,528
U Myint Khaing ( Psychology)

07 Oct, 15:55

#ကုသိုလ်ပြုခါနီး_စိတ်ထား
******

ကောင်းမှုကုသိုလ် အလှူဒါနတစ်ခုကို
ဖြစ်ကတတ်ဆန်း ပြုလို့ရှိရင်
ဒီကံက အကျိုးပေးရင်
ဖြစ်ကတတ်ဆန်း အကျိုးပေးတတ်ပါတယ် …

❝ မနာပဒါယီ လဘတေ မနာပံ ❞ ဆိုတဲ့ အတိုင်း
နှစ်သက်မြတ်နှိုးဖွယ်ရာ ပစ္စည်းဝတ္ထုတွေကို
လှူဒါန်းမှ နှစ်သက်မြတ်နှိုးဖွယ်ရာ
အကျိုးဆိုတာ ရရှိပါတယ် …

ဒါကြောင့်
ဘုန်းကြီးရဲ့ ကျေးဇူးတော်ရှင်
ဆရာတော်တစ်ပါးက ခဏ, ခဏ ဆုံးမပါတယ် …

ကောင်းမှုကုသိုလ်တစ်ခု ပြုခါနီးမှာ
မိမိစိတ်ကို မိမိ နိုင်အောင် ဆုံးမကြည့်ပါ …

စိတ်က မနိုင်သေးဘူး ဆိုရင်
ဒီ ကောင်းမှုကုသိုလ် မပြုပါနဲ့ …

ကောင်းမှုကုသိုလ်တစ်ခု ပြုလိုက်လို့
ကံအရာ တည်သွားခဲ့ရင်
ဒီကံကို ပြန်ပြီး နှုတ်ပယ်လို့ မရဘူး …

တစ်နေ့ ...
ဒီကံက ရင့်ကျက်လို့ အကျိုးပေးရင်
ဒီကံနဲ့ တူတဲ့ အကျိုးတွေကို ရရှိတတ်တယ် …

ဘုန်းကြီး အမြဲ ပြောပါတယ် …

ဘုရားဆွမ်းတင်ရင် ဖြစ်သလို မတင်ပါနဲ့
ပြည့်ပြည့်စုံစုံ ဖွယ်ဖွယ်ရာရာလေး တင်ပါ …

ပန်းကန်တွေကို
အောက်ကို ဟိုချ၊ ဒီချ မလုပ်ပါနဲ့
သန့်စင်အောင် လုပ်ပါလို့ …

မိမိရဲ့ စိတ်က မနိုင်သေးရင်
မပြုဘဲ ဆိုင်းထား၊ ဘာမှ မဖြစ်ပါဘူး …

စိတ်က နိုင်နင်းပြီ ဆိုရင်
ကျကျနန မွန်မွန်မြတ်မြတ်နဲ့
ကောင်းမှုကုသိုလ် ပြုတတ်ဖို့တော့ လိုအပ်ပါတယ် …

🙏ကျေးဇူးရှင် ဖားအောက်ဆရာတော်ဘုရားကြီး🙏
3,411
U Myint Khaing ( Psychology)

05 Oct, 14:22

အငှားသုံးတတ်ရမယ်
-----------------

ကိုယ့်ဘဝရဲ့ တချို့ပြသနာတွေဟာ ကိုယ့်ဘဝရဲ့ အတွေ့အကြုံနဲ့ မလုံလောက်ဘူး၊ အဲဒီအခါကျရင် သူများဘဝနဲ့ သူများဦးနှောက်ကို အငှားသုံးတတ်ရတယ်၊ အငှားသုံးတယ်ဆိုတာ အကြံဥာဏ်ယူတာကို ပြောတာပါပဲ။

ဦးမြင့်ခိုင်
2,818
U Myint Khaing ( Psychology)

04 Oct, 13:34

သဒ္ဓါ အချိုးကျပါစေ
-----------------

ကိုယ့်သဏ္ဍာန်မှာ ဥာဏ်ဘုရားပေါ်အောင် လုပ်ရမှာ၊ အဲဒီလိုမလုပ်ကြပဲ ဟိုနားဘုရားပေါ်တယ်ဆိုလည်း သွားလိုက်ကြ ဒီနားဘုရားပေါ်တယ်ဆိုလည်း သွားလိုက်ကြတာ တားမရ ဆီမရပဲ၊ နွားမိတ်သင်းကြီး လိုပဲကွဲ့၊ ကောင်းလိုက်တဲ့ သဒ္ဓါတရားတွေ ပါတာအကုန်ချွတ်လှူတော့တာပဲ။

ပေါ်တော်မူအစစ်ဆိုတာ မှိုနဲ့ မျှစ်ပဲ ရှိတယ်ကွဲ့၊ အဲဒါကလွဲရင် ကိုယ့်ဘုရားကိုယ်မြှုပ်၊ ကိုယ့်အိပ်မက် ကိုယ်မက်ပြီး လိမ်စားနေကြတာ များတယ်၊ ပေါ်တော်မူမှန်ရင် မြေထဲမဆွေးလို့မြှုပ်တဲ့ ကျောက်ဆင်းတုနဲ့ ဖန်ဘုရားတွေချည်းပဲ၊ ကျွန်းဆင်းတုတော်မပါဘူး။

ဒီလိုမစဥ်းစားပဲ အရမ်းကောင်းတဲ့သဒ္ဓါဟာ သဒ္ဓါရူး သဒ္ဓါနှမ်းပဲ၊ ငွေကုန်ပြီးဘာမှ အကျိုးမရှိဘူး၊ အကျိုးမရှိတဲ့နေရာမှာ သဒ္ဓါတွေကကောင်းပြီး အကျိုးရှိတဲ့နေရာကျတော့ မကောင်းဘူး၊ ဘယ်ကလာပြီး မြန်မာတွေ ကောင်းစားမလဲ။

ကြည့်ပါလား လှူတာလဲ မြန်မာ မွဲတာလည်းမြန်မာပဲ
အဲဒါ သဒ္ဓါအချိုးမကျလို့ကွဲ့။

မြတ်စွာဘုရားက ဆင်းရဲတဲ့သူတွေကို ဂရုဏာ နဲ့ ပေးကမ်းကြ ထောက်ပံ့ကြတဲ့၊ ဒါမှ သဒ္ဓါအစစ်ကွဲ့။

အခုတော့ မဟုတ်တာလုပ်ပြီဆိုရင် သဒ္ဓါတရားကောင်းပြီ၊ အဲဒါ သဒ္ဓါအစစ်မဟုတ်ဘူး ၊ သဒ္ဓါရူး သဒ္ဓါနှမ်းပဲ ။

​နမ္မားဆရာတော် အရှင်ဥာဏ

မေတ္တာဖြင့်

ဦးမြင့်ခိုင
3,837
U Myint Khaing ( Psychology)

03 Oct, 15:07

စမ်းစစ်ဖို့ လိုပြီ
---------------

တလောကလုံးက ပြဿနာတွေကို အကြောင်းအကျိုးခိုင်လူံစွာနဲ့
ဖြေရှင်းဖို့ ဗုဒ္ဓတရားတော်တွေ
ရှိနေပါလျှက်နဲ့
ဖြေရှင်းခွင့်မရဘူး

အကြောင်းအကျိုးဝါဒ
ကိုယ်လုပ်မှ ကိုယ်ရတယ်ဆိုတဲ့
အယူဝါဒ နဲ့ဖန်ဆင်းရှင်အယူဝါဒ
လွန်ဆွဲပွဲမှာ အင်အားကြီးမားတဲ့
ဖန်ဆင်းရှင်ဝါဒက လွှမ်းမိုးတာ
ခံလိုက်ရတယ်

အယူဝါဒချင်းပြိုင်ဖို့
ဆွေးနွေးဖို့ဖိတ်ခေါ်တိုင်း
သူများဘာသာကို မဝေဖန်ပါနဲ့
ဆိုတဲ့ စကားအောက်မှာ ပျောက်ဆုံးခဲ့ရတာ အကြိမ်မနည်းတော့ဘူး

ဗုဒ္ဓက မမှန်တာကို မမှန်ဘူးလို့
ဖြေရှင်းနိုင်ရမယ် လို့
မိန့်မှာခဲ့ပါတယ် ဗုဒ္ဓကိုယ်တိုင်
စင်ပြိုင်ဆရာကြီးများနဲ့ အခွင့်ကြုံတိုင်း အယူဝါဒ ဆွေးနွေးသလို
တပည့်များဆွေးနွေးတာက
ိုလည်း သာဓုခေါ်ခဲ့ပါတယ်

ကိုယ့်အယူအဆ ကိုယ့်ဘာသာ
မှန်တယ်ဆိုရင်
ဘာ့ကြောင့်များ ခရူးစိတ် စတဲ့
ဘာသာရေးစစ်ပွဲတွေ ဖြစ်လာရတယ်ဆိုတာ စဉ်းစားမိပုံမရဘူး

ဘုရားတွေလည်း ရှိပါတယ်
သူတို့ဟောထားတဲ့ တရားတော်တွေလည်း အထင်အရှား
ရှိပါလျှက် ဘာ့ကြောင့် အယူဝါဒ
ဆွေးနွေးပြီး အမှန်တရားကို
မရှာနိုင်ကြတာလဲ ကိုယ်ကိုးကွယ်တဲ့ ဘုရားရှင်တွေဟာ ဘာတွေ
ဟောထားတယ်ဆိုတာ ဘာ့ကြောင့် လူတောထဲကို ချမပြနိ ုင်ရတာလဲ

အယူမှားသူတွေ ကြီးစိုးနေတဲ့
ကမ္ဘာလောကကြီးပူလောင်နေတာ ဆန်းတော့မဆန်းပါဘူး
လောကကြီးက လူတွေ ရဲ့စိတ်အလိုအတိုင်းဖြစ်တည်နေတာ တဲ့
ဒါ့ကြောင့် ကမ္ဘာကြီး အေးချမ်းဖို့
အယူမှန်တဲ့သူတွေ များဖို့ လိုအပ်ပါတယ်

ကိုယ်ကြိုက်တာ ကိုးကွယ်တယ်
ထောက်ပြတော့လည်း သူများ
ဘာသာကို မဝေဖန် နဲ့တဲ့
ဝေဖန် ထောက်ပြတာတောင်
မခံနိ ုင်တဲ့ ဘာသာတရားကို
ဘယ်လိုများ ကိုးကွယ်ကြလည်း
စဉ်းစားလို့မရဘူး

ဗုဒ္ဓဝါဒက
ငါဘုရားဟောလို့ဆိုပြီး
မယုံကြည်ကြနဲ တဲ့
လေ့လာပါ
ဆန်းစစ်ပါ
ကျင့်သုံးပါ
ကိုယ်တွေ့ကြုံမှ ယုံပါ တဲ့

ကဲ ဒီထက် သိပ္ပံသဘော
ဆန်တာ ရှိသေးရဲ့လား

အယူလွဲနေတာတွေ
မလေ့လာ မဆန်းစစ်
မပြင်သ၍တော့

ကမ္ဘာကြီးဟာ
တနေ့တခြား
ပိုပိုဆိုးပြီး ပိုပိုပူလောင်လာမှာ
အသေအချာပါပဲ

ကမ္ဘာကြီးငြိမ်းချမ်းဖို့
အယူဝါဒတွေ
ဆန်းစစ်ဖို့ လိုပြီ။

ဦးမြင့်ခိုင်

share
3,857

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.