TIKIVAH ETHIOPIA

#ሹመት

የትግራይ ክልል ጊዚያዊ አስተዳደር ፕሬዜዳንት አቶ ጌታቸው ረዳ ከሰሞኑን 6 አዳዲስ ሹመቶች ሰጥተዋል።

ከስድስቱ ሽመቶች ሁለቱ በደብረፅዮን ገ / ሚካኤል (ዶ/ር) የሚመራው ህወሓት የተሾሙትን በማንሳት የተሰጠ ነው።

በዚሁ መሰረት ፕሬዜዳንቱ ከህዳር 20/2017 ዓ.ም  ጀምሮ የሚፀና በደብረፅዮን ገ/ሚካኤል (ዶ/ር) የሚመራው ህወሓት የመቐለ ከንቲባ በመሆኑ የተሾሙት ረዳኢ በርሀ (ዶ/ር) በመሻር በብርሃነ ገ/ዮሱስ ተክተዋል።

የትግራይ ትምህርት ቢሮ ምክትል የስራ ሃላፊ ሆነው ሲያገለግሉ ቆይተው ከህዳር 17/2017 ዓ.ም ጀምሮ በደብረፅዮን ገ/ሚካኤል (ዶ/ር) የሚመራው ህወሓት የዓዲግራት ከንቲባ በመሆን የተሾሙት ረዳኢ ገ/ሄር ምትክ ኪ/ማርያም ወ/ሚካኤል ምክትል የቢሮ ሃላፊ ሆነው ተሹመዋል።

ፕሬዜዳንቱ በጡሮታ በተገለሉት ሓዱሽ ካሱ ምትክ ዶ/ር ገብሩ ካሕሳይ የመንግስት ኮሙኒኬሽን ጉዳዮች ምክትል ፅሕፈት ቤት ሃላፊ አድርገዋቸዋል።

ኮማንደር ተስፋይ ገ/ማርያም በምክትል ኮሚሽነር መዓርግ የወንጀል ማጣራት ሃላፊ ፤ ኮማንደር ጌታቸው ኪሮስን በምክትል ኮሚሽነር መዓርግ የወንጀል መከላከል ሃላፊ እንዲሁም አቶ ሃይላይ ኣብራሃ በምክትል ኮሚሽነር መዓርግ የሰው ሃይል ልማት ዘርፍ ሃላፊ አደርገው ሹመዋል።

በቅርቡ የግድያ ሙከራ እንደተደረገባቸው በተናገሩት የትግራይ ማእከላዊ ዞን ዋና አስተዳዳሪ ሰለሞን መዓሾ ምትክ ጉዕሽ ግደይ ሓድጉ የትግራይ ማእከላዊ ዞን ዋና አስተዳዳሪ ሆነው በፕሬዜዳንት አቶ ጌታቸው ደብዳቤ መሾማቸው ይታወሳል።

#TikivahEthiopiaMekelle

@tekivah_ethiopia 

" ሃይማኖቴ አይፈቅድልኝም !! "

" ሃይማኖቴ አይፈቅድልኝም ! " ያለው የእግር ኳስ ተጫዋች ግብረሰዶማውያን ለመደገፍ ሲባል ክንድ ላይ የሚጠለቀውን ምልክት ሳያደርግ ቀርቷል።

በዓለም ላይ በቢሊዮኖች የሚቆጠሩ የእግር ኳስ ፍልሚያ አፍቃሪያን እንዳሉ ይታወቃል።

ከየትኛውም ሀገራት በላይ ደግሞ የአውሮፓ ሀገራት ውስጥ የሚካሄዱት ፍልሚያዎች እጅግ ብዙ ተመልካች ያላቸውና ከፍተኛ ተወዳጅነትን ከፉክክር ጋር ያጣመሩ ናቸው።

በተለይም የእንግሊዝ ፕሪሜየርሊግ በሀገራችን ኢትዮጵያ ሳይቀር እጅግ ከፍተኛ ተወዳጅነት ያለውና ብዙ ተመልካች ያለው ነው።

ከህጻን እስከ አዋቂ፣ አዛውንቶች ሳይቀሩ ነው ፍልሚያውን የሚከታተሉት።

ነገር ግን በየዓመቱ ይህ የእግር ኳስ ፍልሚያ የሚደራበት ወር በተለይም ሃይማኖተኛ የሆኑ የእግር ኳስ ተመልካቾችን የሚያስቀይም ነው።

ምክንያት ? ሊጉ ውስጥ ግብረሰዶማውያንን ለመደገፍ ሲባል ዘመቻ ስለሚካሄድበት ነው።

ሰዎቹ " እኩልነትን ለማምጣት " ይበሉት እንጂ በበርካታ ሃይማኖተኛ እግር ኳስ ተመልካቾች እና ተጫዋቾች ዘንድ የሚወገዝ ተግባር ነው የሚፈጽሙት።

የፕሪሚዬር ሊግ ክለቦች ለግበረሰዶማውያን ያላቸውን ድጋፍ ለማሳየት አምበሎቻቸው የግብረሰዶማውያኑን መለያ ምልክት ክንዳቸው ላይ እንዲያጠልቁ ያደርጋሉ።

ይህን ዘመቻ የሚያደርጉትም እኤአ ከኅዳር 29 እስከ ታኅሣሥ 5 ነው።

ከቀናት በፊት በነበረ አንድ ጨዋታ ላይ ግን የአንድ ክለብ አምበል " እኔ ሃይማኖቴ አይፈቅድልኝም " በማለት ምልክቱን ሳያድረግ ቀርቷል።

የተጨዋቹ ስም ሳም ሞርሲ ይባላል ፤ ኢፕስዊች ታውን የተባለው ክለብ አምበል ነው።

በእምነቱም የእስላም እምነት ተከታይ ሲሆን የግብፅ ዜጋ ነው።

ይኸው ተጫዋች ነው ቡድኑ ኖቲንግሃም ፎረስት ከተባለው ቡድን ጋር በተጫወተበት ወቅት ክንዱ ላይ ምልክቱን " አላጠልቅም " ብሎ ጨዋታውን ያካሄደው።

ክለቡ ባወጣው መግለጫ ምልክቱን ያላደረገው " በሃይማኖቱ ምክንያት ነው ፤ ውሳኔውን እናከብራለን " ብሏል።

ክለቡ አክሎም ፤ የግብረሰዶማውያኑን ምልክት የሚያሳየውን የአምበሎች መለያ በኩራት እንደሚደግፍ ፤ ከግብረሰዶማውያን ማኅበረሰብ ጋር አብሮ እንደሚቆም ፤ እኩልነት እና ተቀባይነት እንዲንሰራፋ እንደሚሰራ ገልጿል።

ከሳም ሞርሲ በስተቀር ሌሎች የፕሪሚዬር ሊጉ አምበሎች የግብረሰዶማውያንን ባንዲራ አጥልቀው ሲጫወቱ ነበር።

#SamMorsy #PremierLeague #Muslim

@tekivah_ethiopia

" የቀድሞ / ነባር ነኝ አይደለሁም የሚለውን ከፓሊስ እንነጋገርበታለን ፤ ያኔ ግልፅ ይሆንላቸዋል !! " - አቶ ጌታቸው ረዳ

ባለፈው ሳምንት ህዳር 17/2017 ዓ.ም በደብረፅዮን ገ/ሚካኤል (ዶ/ር) በሚመራው ህወሓት ቡድን ምክትል ሊቀ መንበር የሆኑት አቶ አማኒኤል አሰፋ በሰጡት መግለጫ የጊዚያዊ አስተዳደሩ ፕሬዜዳንት አቶ ጌታቸው ረዳን " የቀድሞ ፕሬዜዳንት " ሲሉ ጠርተዋቸው ነበር።

ህዳር 22/2017 ዓ/ም በመቐለ ከተማና ዙሪያዋ ከሚገኘው ደቡባዊ ምስራቃዊ ዞን ከተውጣጡ ወጣቶች ጋር የተወያዩት ፕሬዜዳንት አቶ ጌታቸው ረዳ በመድረኩ ለአቶ አማኒኤል ንግግር በስሜትና ኃይለ ቃል በመጠቀም " እሳቸው ለሚገኙበት ቡድን " ሲሉ ምላሽ ሰጥተዋል።

ፕሬዜዳንት አቶ ጌታቸው ረዳ ምን አሉ ?   

" ባለፈው ጊዜ አንድ ሃላፊ ነኝ ባይ በመንግስት ሚድያ ' ነባር / የቀድሞ ፕሬዜዳንት ' ሲል ሰምታቹሃል ? ተልካሻ ነው። የቀድሞ / ነባር ነኝ አይደለሁም የሚለውን ከፓሊስ እንነጋገርበታለን ፤ ያኔ ግልፅ ይሆንላቸዋል።

እነዚህ አንድ ቀን ቁምነገር ሰርተው አያውቁም። መዋቅራቸው ስርቆት ላይ የተሰማራ ነው። አሁን የልዩነት ነጥቡ ፓለቲካ መሆኑ ቀርቷል። 

የኔ ሳምንት ይሁን ወር በዚህ ወንበር መቆየት ያን ያህል አያሳስበኝም ፤ ይህን አደገኛ ቡድን ግን የወንጅል ትስስር (Crime network ) ነው የሚመራው።

በሰሜን ምዕራብ ማእከላዊ ዞኖች ወርቅ ፣ መዳብ እና ሌላ ማዕድናት ያካተተ ዘረፋ የሚያካሄደው ይህን በወንጀል የተሳሰረ ቡድን ነው ፤ ስለሆነም ዞኖቹን ከሱ ቁጥጥር ውጪ እንዲወጡ ፍላጎት የለውም።

ቡድኑ ይህን የዘረፋ ባህሪ አሁን ያመጣው አዲስ ነገር አይደለም ፤ የቆየበት ነው ፤ ሃሜት አይደለም እየነገርኳችሁ ያለሁት ተደራጅቶ እየዘረፈ ነው ያለው።

በስንፍናችን ይሁን ድንገት ወደ ስርቆት ኔትወርክ ያልገባን ሰዎች አለን። ስለሆነም እነዚህን ያለ የሌለ ውሸት ፈጥሮ ስማችን በማጥፋትና በማጠልሸት ' ከጨዋታ ውጪ ማድረግ አለብን ' ብለው ነው በኛ ላይ የዘመቱት።

ስለዚህ ይህንን የቡድኑን ተግባር እንደ ፓለቲካ ሳይሆን እንደ ሌብነት ነው መቆጠር ያለበት፤ ስለሆነም ቡድኑ አንድ እሱን የመሰለ ሌባ አቀፎ ለመያዝ የመጣበት አከባቢ ሳይለይ አባሉ ያደርገዋል " ብለዋል። 

#TikivahEthiopiaFamilyMekelle

@tekivah_ethiopia

በጊኒ ወደ 60 የሚጠጉ የእግር ኳስ ተመልካቾች ህይወታቸውን አጡ ‼️

በጊኒ ሁለተኛዋ ትልቋ ከተማ ዤረኮር በእግር ኳስ ሜዳ በተከሰተ ግጭት 56 ሰዎች ህይወታቸው ማለፉን የሃገሪቱ መንግስት ተናግሯል፡፡

ጠቅላይ ሚኒስትር ማማዱ ኡሪ ባህ በእሁዱ ጨዋታ በደረሰ ‹‹መረጋገጥ›› ብዙዎች ህይወታቸውን ማጣታቸውን ገልጸው በዚህ ወቅት የሚያስፈልገው መረጋጋት መሆኑን ተናግረዋል፡፡

አንድ ስሙ እንዳይገለጽ የፈለገ ሃኪም ለኤ.ኤፍ.ፒ ለዓይን የሚያታክት በርካታ አስከሬን በሆስፒታል መመልከቱን ተናግሯል፡፡

የአካባቢው ሚዲያ የእንግዳው ቡድን ደጋፊዎች በአርቢትሩ ውሳኔ ተበሳጭተው ወደ ሜዳ ድንጋይ መወርወራቸውን ተከትሎ ፖሊስ አስለቃሽ ጭስ መጠቀሙን ዘግቧል፡፡

‹‹አጨቃጫቂውን ውሳኔ ተከትሎ ደጋፊዎች ወደ ሜዳ መግባታቸውን›› አንድ የዓይን እማኝ ለኤ.ኤፍ.ፒ ተናግሯል፡፡

ፖል ሳኩቮጊ የተባለ መቀመጫውን ዤሬኮር ያደረገ ጋዜጠኛ ለቢቢሲ እንደተናገረው በአካባቢው የኢንተርኔት አገልግሎት እንዲገደብ መደረጉን እና የሆስፒታል በሮች በሮች በፖሊሶች እየተጠበቁ መሆኑን ገልጿል፡፡

ጠቅላይ ሚኒስት ባህ ለድርጊቱ ተጠያቂ የሆኑትን ወገኖች ለማግኘት ምርመራ ተጀምሯል ብለዋል፡፡ አጋጣሚውን ‹‹አሰቃቂ›› ብለው ገልጸው ላዘኑት መጽናናትን ተመኝተዋል፡፡

#Update

በትግራይ ጊዚያዊ አስተዳደር የተሾሙት የመቐለ ከተማ  ከንቲባ ብርሃነ ገ/የሱስ ስራቸውን በይፋ ጀመሩ።

ከንቲባ ብርሃነ ገ/የሱስ ዛሬ ከሰዓት በኋላ ወደ ቢሮ ሲገቡ በከተማው አመራሮች ሰራተኞች አቀባበል እንደተደረገላቸው ተሰምቷል። 

ከንቲባው ዛሬ ዝግ ሰብሰባ የሚያደርጉ ሲሆን አብረዋቸው ከሚሰሩ አካላት ጋር ስለ ቀጣይ እቅዳቸው ይወያያሉ። 

አዲሱ የመቐለ ከንቲባ ብርሃነ ገ/የሱስ በቀጣይ ስለ እቅዶቻቸው እና ስራዎቻቸውን ለሚድያ ይፋዊ መግለጫ እንደሚሰጡ ቲክቫህ ኢትዮጵያ የመቐለ ቤተሰብ ከአቀባበሉ ስነ-ሰርዓት አዘጋጆች ያገኘው መረጃ ያመለክታል።

@tekivah_ethiopia

#Update

የቀድሞው የሰላም ሚኒስትር አቶ ብናልፍ አንዱዓለም ባለሙሉ ስልጣን አምባሳደር ሆነው ተሾሙ።

የፕሬዚዳንት ጽ/ቤት አቶ ብናልፍ አንዱዓለም ከሕዳር 23/ 2017 ዓ.ም ጀምሮ ባለሙሉ ስልጣን አምባሳዳር ሆነው መሾማቸውን ገልጿል።

ከቀናት በፊት የኢትዮጵያ መገናኛ ብዙሃን ባለስልጣን ዋና ዳይሬክተር የነበሩት አቶ መሐመድ እድሪስ የሰላም ሚኒስትር ሆነው መሾማቸው ይታወሳል። #ENA

@tekivah_ethiopia

#Update

" ውሳኔው በሌሎች ሴቶች ላይ ጥቃት ለመፈጸም የሚያስቡ ቆመም ብለው እንዲያስቡ የሚያስተምርና የሚያደርግ ነው " - አባት

በግፍ የተገደለችው የዓድዋዋ ተማሪ ማህሌት ተኽላይ የፍርድ ሂደት ገዳዮች ላይ የሞት እና የእድሜ ልክ ፅኑ እስራት በማስተላልፈ እልባት አግኝቷል።

የመቐለ ማእከላዊ ፍርድ ቤት ዛሬ ህዳር 23/2017 ዓ.ም ባዋለው ችሎት በተማሪ ማህሌት ግድያ የተጠረጠሩት ሁለት ግለሰቦች ወንጀለኝታቸውን አረጋግጦ ፍርድ ሰጥቷል።

አንደኛው ወንጀለኛ በሞት ሁለተኛው ደግሞ በፅኑ የዕድሜ ልክ እስራት እንዲቀጣ ወስኗል።

ቲክቫህ ኢትዮጵያ የመቐለ ቤተሰብ በትግራይ ማእከላዊ ዞን ዓድዋ ከተማ ታግታ ከወራት መሰወር በኋላ ተገድላ ተቀብራ ስለተገኘችው ወጣት ማህሌት ተኽላይ ጉዳይ ካለፈው ዓመት 2016 ዓ.ም ጀምሮ ተከታታይ መረጃዎች ሲያቀርብ መቆየቱ ይታወሳል።

ፍርድ ቤቱ ውሳኔ ከሰጠ በኋላም የሟች አባት አቶ ተኽላይ አጭር አስተያየት ተቀብሏል።

የሟች አባት አቶ ተኽላይ " የመቐለ ማእከላዊ ፍርድ ቤት የሰጠው ውሳኔ እንደ ቤተሰብ ትክክል እና የሚሳምን ፤ በሌሎች ሴቶች ጥቃት ለመፈጸም የሚያስቡ ቆመም ብለው እንዲያስቡት የሚያስተምርና የሚያደርግ ነው " ብለውታል።

#TikivahEthiopiaFamilyMekelle

@tekivah_ethiopia

#ኢትዮጵያ

የዘንድሮው በጀት ዓመት የፌዴራል መንግስት የአጠቃላይ በጀት 1.5 ትሪሊየን ብር ሆኗል።

ዛሬ የህዝብ ተወካዮች ም/ቤት 582 ቢሊየን ብር ተጨማሪ የፌደራል መንግስት በጀት አፅድቋል።

ለ2017 በጀት ዓመት ተጨማሪ ሆኖ የፀደቀው በጀት ፦

- ለውጭ እና ለሀገር ውስጥ ዕዳ ክፍያ፣

- ለማህበራዊ በጀት ድጎማ (ለነዳጅ፣ ለማዳበሪያ፣ ለመድሐኒት፣ ለምግብ ዘይትና ሌሎች)፣

- ለካፒታል ፕሮጀክቶች ማስፋፊያ፣

- ለማህበራዊ ሴፍቲኔት ፕሮግራም እና ለመንግስት ሰራተኞች ደመወዝ ማሻሻያ እንደሚውል የመንግስት ዋና ተጠሪ ሚኒስትር ተስፋዬ በልጅጌ (ዶ/ር) አሳውቀዋል።

ከተጨማሪ በጀቱ ለመደበኛ ወጪ 393 ቢሊዮን ፣ ለካፒታል ወጪ 70 ቢሊዮን ብር፣ ለወጪ አሸፋፈን ማስተካከያ 119 ቢሊዮን ብር ይውላል።

የምክር ቤት አባላት ምን ጠየቁ ?

- ተጨማሪ በጀቱ አልባዛም ወይ ?
- በገበያ ውስጥ የዋጋ ግሽበትን አያስከትምልም ወይ ?
- ከተጨማሪ በጀቱ 282 ቢሊየን ብር ከግብር የሚሰበሰብ ከሆነ በግብር ከፋዮች ላይ ጫና አያሳድርም ወይ ? የሚል ጥያቄ አቅርበዋል።

የገንዘብ ሚኒትሩ አቶ አህመድ ሽዴ ፤ " የቀረበው ተጨማሪ በጀት120 ሚሊየን ህዝብ ላላትና በኢኮኖሚ በማደግ ላይ ላለች ሀገር ብዙ የሚባል አይደለም " ብለዋል።

" በጀቱ ከሀገር ውስጥ እና ከውጪ ከሚገኝ ገቢ የሚሸፈንና ዝቅተኛ ተከፋይ ለሆኑ የመንግስት ሰራተኞች እንዲሁም ለሴፍቲኔት ተጠቃሚዎች የሚውል በመሆኑ በዋጋ ግሽበቱ ላይ ለውጥ አያመጣም " ሲሉ መልሰዋል።

ምክር ቤቱ ተጨማሪ በጀቱን በ3 ተቃውሞ እና በ5 ድምፀ ተዓቅቦ በአብላጫ ድምጽ አፅድቆታዋል።

ይህ መረጃ ባለቤትነቱ የህዝብ ተወካዮች ምክር ቤት ነው።

@tekivah_ethiopia

#ኢትዮጵያ

" ... የውጭ ምንዛሬ ለውጡ in in terms of Dollar ያመጣውን ለውጥ ሊያካክስ የሚችል የደመወዝ ጭማሪ መጨመር ነበረበት " - ደሳለኝ ጫኔ (ዶ/ር)

🔴 " አንድ ደመወዝተኛ በውጭ ምንዛሬ ስናሰላው ያገኝ የነበረው ገቢ በዶላር ከ50% በላይ እንዲቀነስ ተደርጓል !! "

የህ/ተ/ም/ቤት አባሉና የአማራ ብሔራዊ ንቅናቄ (አብን) ተወካዩ ደሳለኝ ጫኔ (ዶ/ር) በተጨማሪ በጀቱ ዙሪያ ስጋቶች እንዳላቸው ገልጸዋል።

የማክሮ ኢኮኖሚ እና ፊስካል ማዕቀፍ ማሻሻያው ሀገራዊ ውጥቅጥ ውስጥ እንዳስገባን በግልጽ እንደሚታይ ተናግረው ይሄ በጀት እሱን ምን ያህል አ
ተደራሽ ያደርጋል ? ሲሉ ጠይቀዋል።

ከዚህ ባለፈም ደሳለኝ (ዶ/ር) ፤ ስለ ኑሮ ውድነት ፣ ስለሰራተኞች የደመወዝ ጭማሪ ፣ በጀቱን ለመሸፈን ስለሚጣል ግብር አንስተው ጠይቀዋል ፤ ሃሳባቸውን አካፍለዋል።

ምን አሉ ?

" በኑሮ ውድነት ላይ / ቋሚ ደመወዝተኛ በሆነው አካል ላይ የውጭ ምንዛሬው (Foreign exchange) ለውጡ የፈጠረው ጫና አለ።

አንድ ደመወዝተኛ በውጭ ምንዛሬ ስናሰላው ያገኝ የነበረው ገቢ በዶላር ከ50% በላይ እንዲቀነስ ተደርጓል ፤ በውጭ ምንዛሬው ለውጥ ምክንያት።

መንግሥት የደመወዝ ማሻሻያ በተለይ ዝቅተኛ ገቢ ያላቸውን ተቀጣሪዎችን ደመወዝ ማሻሻያ አድርጊያለሁ ቢልም አብዛኛው ደመወዝተኛ ከ1 ሺህ ብር እና ከ2 ሺህ ብር በላይ ጭማሪ አልተደረገለትም። ስለዚህ እነዚህ የማህበረሰብ ክፍሎች ኑሯቸውን እንዴት እንዲመሩ ታስቦ ነው ?

በእኔ በኩል ቢያንስ መንግሥት ሌሎች የmarket variables ትቶ የውጭ ምንዛሬ ለውጡ in in terms of Dollar ያመጣውን ለውጥ ሊያካክስ የሚችል ጭማሪ መጨመር ነበረበት።

አንድ የ12 ሺህ ብር ደመወዝተኛ ከምንዛሬ ለውጡ በፊት ወደ 300 እስከ 350 ዶላር አካባቢ ያገኝ ነበር አሁን መንግሥት ጨመርኩ ያለው 1 ሺህ ብር ነው ወደ ዶላር ሲቀየር ደመወዙ የሚወድቀው ወደ 150 ዶላር አካባቢ ነው።

ይህ ከፍተኛ ጫና፣ የመንግሥት ሰራተኛውን ወደ ልመና፣ ወደ ጎዳና እያስወጣው እንደሆነ  መሸፈን በማንችልበት ሁኔታ ዘገባዎች እየወጡ ነው።

ስለዚህ ይህን በስነስርዓት address በሚያደርግ መንገድ የደመወዝ ማስተካከያው መስተካከል ነበረበት። ጭማሪውም ለዛ ትኩረት መስጠት ነበረበት።

ሌላው የ281.5 ቢሊዮን ተጨማሪ ታክስ raise በማድረግ ይሄን 532 ቢሊዮን ተጨማሪ በጀት ለመሸፈን ከሚደረገው ውስጥ አንደኛው ታክሱ ነው።

ይህ ከፍተኛ የታክስ ጫና (burden) ነጋዴው ላይ የሚጭን ነው። ነጋዴው ላይ ከፍተኛ የታክስ ጫና እየፈጠረ ነው። የንግዱ ማህበረሰብን ከፍተኛ confusion (መደናገር) ውስጥ እየተከተተው ነው።

የማክሮ ኢኮኖሚ ማሻሻያው ጋር ተያይዞ ቀድሞውኑ shock ውስጥ ነው ቢዝነሱ ፤ ብዙ ነጋዴዎች confusion ውስጥ እንደገቡ ይናገራሉ ከዛ ላይ ተጨማሪ confusion እና ተጨማሪ መደናገጥ እንዲሁም shock የሚፈጥር ነው ይሄ እንዴት ታስቦ ነው ?

መንግሥት fair በሆነ መንገድ ከከፍተኛ ታክስ ከፋዩ ላይ ከሚደበቁትን፣ የታክስ ሆሎችን ተጠቅመው የሚሰወሩትን እሱን መሰብሰብ አለበት በእርግጠኝነት ፤ ግን ደግሞ ከአቅም በላይ የሆነውን የመንግሥት spending compensate ለማድረግ ሲባል የታክስ ጫናውን ከአቅም በላይ መለጠጥ በንግድ እንቅስቃሴው ላይ በተለይ በሀገር ውስጥ የንግድ እንቅስቃሴ ላይ ያለው ችግር በደንብ ተገምግሟል ? የሚኒስትሮች ም/ቤት ይሄን እንዴት አይቶት ነው ?

ሌው ጭማሪው 532 ቢሊዮኑ በዋነኝነት ለዕዳ ክፍያ፣ ለማህበራዊ ድጎማ ፣ ለደመወዝ ጭማሪ እንደሚውል ነው የተገለጸው።

ባለፈው 971 ቢሊዮኑ በጀቱ ሲፀድቅ አሁንም የካፒታል ፕሮጀክቶችን ጉዳይ አንስቼ ነበር። መንግሥት literally ትቶታል።
- አዲስ መንገድ
- አዲስ ግድብ
- አዲስ ዩኒቨርሲቲ
- አዲስ ሆስፒታል ... አዳዲስ መሰረተ ልማቶችን መተው የሚታየው አሁን በተጨመረው 582 ቢሊዮን ውስጥ 90 ቢሊዮን ብቻ የካፒታል ፕሮጀክት ማሻሻያ ብቻ ነው የተካተተው።

ሌላው ነገር የለም። already እያልን ያለነው ኮሪደር ልማት ብቻ እንስራ ነው። እንደዚህ ሆኖ ሀገር እንዴት ሊለማ ይችላል ? መሰረታዊ የሚባሉ የ irrigation development ፣ ግድቦች ላይ ፣ አገር አቋራጭ መንገዶች ላይ፣ ፈጣን መንገዶች ላይ ፣ የኃይል ተቋማት ላይ፣ ሆስፒታሎች ፣ ዩኒቨርሲቲዎች ላይ እንዲህ አይነት critical የሆኑ የህዝብ መሰረተ ልማቶች ላይ በጀታችንን ካላዋልነው አሁንም ዞሮ ዞሮ የማብለጭለጭ አይነት ልማት structurally ምንም ለውጥ የማያመጣ ልማት ላይ ነው እንዳለ ገንዘባችንን ፈሰስ እያደረግን ያለነው። እዚህ ላይ ስጋት አለኝ።

መሰረታዊ የሚባሉ investment ላይ መንግሥት ውጪውን ቅድሚያ መስጠት አለበት። "

#TikvahEthiopia #ደመወዝ #ዶክተርደሳለኝጫኔ

@tikvahethiopia

ጋዜጠኛ መስከረም አበራ ጥፋተኛ በተባለችበት የኮምፒዩተር ወንጀል እስር ተፈረደባት‼️

ጋዜጠኛ መስከረም አበራ ከሦስት ሳምንት በፊት ጥፋተኛ በተባለችበት የኮምፒውተር ወንጀል ክስ የአንድ ዓመት ከአራት ወር እስራት ተፈርዶባታል።

ፍርድ ቤቱ በመስከረም ላይ የእስር ቅጣት ያሳለፈው በጣቢያዋ ባስተላለፈቻቸው ሁለት ፕሮግራሞች ፈጸመችው በተባለው በኮምፒውተር ተጠቅሞ በኅብረተሰቡ መካከል አመጽ፣ ሁከት እና ግጭት ለማነሳሳት የመሞከር ወንጀል መሆኑም ተነግሯል።

ፍርድ ቤቱ የእስር ቅጣቱን ባስተላለፈበት ችሎት ላይ መስከረም በአካል እንዳልተገኘችም ነው የተነገረው።

ዜጎች የፋይዳ ዲጅታል መታወቂያ ተመዝጋቢ እንዲሆኑ የሐይማኖት ተቋማት ሚና ከፍተኛ ነዉ ተባለ‼️

በፋይዳ ዲጅታል መታወቂያ ላይ ለሀይማኖት ተቋማት የግንዛቤ ማስጨበጫ መድረክ እየተካሄደ ይገኛል።

በመድረኩ የኢትዮጵያ ሐይማኖት ተቋማት ዋና ፀሐፊ ሊቀ ትጉሃን ቀሲስ ታጋይ ታደለ÷ ዜጎች ስለ ፋይዳ ዲጅታል መታወቂያ ከሐይማኖት አባቶች መረጃ አለማግኘታቸዉ እስካሁን ለማሳካት ከታሰበዉ ተመዝጋቢዎች ቁጥር ጋር ሲነፃፀር እጅግ አነስተኛ ነዉ ብለዋል ።

የብሔራዊ ዲጂታል መታወቂያ ፕሮግራም አስተባባሪ አቶ ዮዳሔ አርዓያሥላሴ በበኩላቸው÷ ሁሉም ዜጎች የፋይዳ ዲጅታል መታወቂያ ተመዝጋቢ እንዲሆኑ የሐይማኖት ተቋማት ሚና ከፍተኛ መሆኑን ገልፀዋል።

በግንዛቤ ማስጨበጫ መርሐግብሩ ላይ የሐይማኖቶች አባቶች የተገኙ ሲሆን÷ የፋይዳ ዲጅታል መታወቂያን የተመለከተ ዝርዝር ጉዳዮች ላይ ማብራሪያ ተሰጥቷል።

የሱዳን ሉአላዊ የሽግግር ምክርቤት ፕሬዝደንት እና የሱዳን ጦር መሪ ጀነራል አልቡርሃን ወደ ኤርትራ አቅንተዋል

የሽግግር ምክርቤቱ ጀነራሉ በሱዳን የእርስበርስ ጦርነት ከተጀመረ በኋላ ዋና መቀመጫ ካደረጓት ፖርት ሱዳን ሲሸኑ የሚያሳይ ምስል ለቋል።

አል ቡርሃን በኤርትራ በሚኖራቸው ቆይታ ከፕሬዝዳንት ኢሳያስ አፈወርቅ ጋር ወይይት ያደረጋሉ ብሏል ምክር ቤቱ።

ጀነራል አልቡርሃን ወደ ኤርትራ ያቀኑት የባህልና ሚዲያ ሚኒስትሩን ካሊድ አል አሰር እና የደህንነት ኃላፊውን አውል አህመድ ኢብራሂም ሞፋዚልን አስከትለው ነው።

በሱዳን፣ ጀነራል አልቡርሃን እና ጀነራል ሀምዳን ደጋሎ ወይም ሄሜቲ በሚመራቸው ጦሮች መካከል የተጀመረው ጦርነት 2 1/2 በላይ አመት አስቅጥሯል።

ጀነራሎቹ ወደ ጦርነት የገቡት ከአልበሽር ውድቀት በኋላ የሱዳንን ሽግግር ይመራሉ ተብለው በተሾሙት ጠቅላይ ሚኒስትር አብዳለ ሀምዶክ ላይ መፈንቀል መንግስት ካደረጉ በኋላ ነበር።

በጦርነቱ በሺዎች የሚቆጠሩ ሰዎች
መገደላቸውን እና ከ10 ሚሊዮን በላይ የሚሆኑት ደግሞ በሀገር ውስጥ አለያም ድንበር አቋርጠው ወደ ሌሎች ሀገራት መሰደዳቸውን አለምአቀፉ የስደተኞች ድርጅት (አይኦኤም) መግለጹ ይታወሳል ሲል አል ዓይን ዘግቧል።

#Update

🔴 " የቤንዚን አቅርቦት ባለባቸው ማደያዎች የፀጥታ መዋቅር እየተቆጣጠረ ተገቢዉ ስርጭት እየተካሄደ ነዉ " - ግብረ ኃይሉ

🔵 " ምንም እንኳን ማደያዎች አካባቢ ያለው ግብግብ ቢሻሻልም አሁንም ተሰልፎ መዋል ነው " - ነዋሪዎች

በሲዳማ ክልል፣ በሀዋሳ ከተማ የነበረዉን ሕገወጥ የቤንዚን ንግድ በተመለከተ ተደጋጋሚ መረጃዎችን መለዋወጣችን ይታወሳል።

ከሰሞኑን የተለያዩ እርምጃዎች እየተወሰዱ እንደሆነ መገለጹም የሚዘነጋ አይደለም።

ምንም እንኳን የመፍትሄ አቅጣጫዎች ቢቀመጡም እርምጃዎችም እየተወሰዱ እንደሆነ ቢነገርም አሁንም ያልተቀረፉ ችግሮች መኖራቸውን መታዘቡን የሀዋሳ የቲክቫህ ኢትዮጵያ ቤተሰብ አባል ከስፍራው ያለውን ሁኔታ አድርሶናል።

በክልሉ የነዳጅ ሥርጭቱን ለመቆጣጠር ግብረ-ኃይል መቋቋሙን ተከትሎ የከተማዉ ንግድ ኃላፊ ከኃላፊነታቸው መነሳታቸውን ፤ ሁለት ከፍተኛ ባለሙያዎች በቁጥጥር ስር መዋላቸውን፤ ሦስት ማደያዎች ላይ እርምጃ መወሰዱንና በአጠቃላይ ከ8 ሺህ ሊትር በላይ በሕገወጥ መንገድ የተከማቸ ቤንዚን መያዙ ተገልጿል።

ሆኖም ግን ግብረ-ኃይሉ ከቀናት በፊት ባካሄደው ውይይት ላይ " ከዚህ ቀደም ተሽከሪካሪ ተለይቶ ይደለደል የነበረዉ አሰራር ከአሁን ጀምሮ አይኖርም " ተብሎ ቢገለጽም ይህ የተሽከሪካሪ ምደባ አሁንም መቀጠሉን ታዝበናል።

ይህ ለምን ሆነ ? ብለን ለሀዋሳ ከተማ አስተዳደር ምክትል ከንቲባና የንግድ መምሪያ ኃላፊ ጥያቄ ያቀረብን ሲሆን " ምደባዉን ማስቆማችን አይቀርም አሁን ላይ ባለዉ እጥረት ለቁጥጥር ስለሚያስቸግር ነዉ ያላቆምነዉ። ከአራት በላይ ማደያዎች አቅርቦት ሲኖር ምደባዉን እናስቆማለን " የሚል ምላሽ ሰጥተውናል።

በቀጣይም በባለሙያዎች እና ማደያዎች ላይ የተጀመረው እርምጃ ተጠናክሮ ይቀጥላል የተባለ ሲሆን የተረጋጋ የቤንዚን ስርጭት እስኪፈጠር ግብረሃይሉ በትኩረት ይሰራል ተብሏል።

በተጨማሪም ግብረኃይሉ፦

- የቤንዚን አቅርቦት ባለባቸው ማደያዎች የፀጥታ መዋቅር እየተቆጣጠረ ተገቢዉ ስርጭት እየተካሄደ ነዉ።

- በሕገወጥ ግብይትና ተባባሪነት የተጠረጠሩ 34 ሰዎች በቁጥጥር ስር ዉለዋል።

- ለጥቁር ገበያዉ አመላላሽ የነበሩ ከ20 በላይ ተሽከርካሪዎች ተይዘዋል።

- የፀጥታ ሃይሎችና በእንግድነት ወደ ከተማዋ የሚገቡ ሰዎች እየተጣሩ ያለ ሰልፍ እንዲቀዱ ይደረጋል ... ብሏል።

ማደያዎች ምን አሉ ? ማደያዎች ግብረኃይሉ በሚመራው አካሄድ ስርጭት እየተካሄደ ነው ሲሉ ገልጸዋል።

አሽከርካሪዎች እና ነዋሪዎች ምን ይላሉ ?

ያነጋገርናቸው አሽከርካሪዎች በማደያዎች አከባቢ ይስተዋሉ የነበሩ ግብግቦች መቀነሳቸውንና አሁን ላይ እየተቀዳ ያለዉ በተራ ብቻ መሆኑን ገልጸዋል።

ሆኖም ግን የባጃጅ አሽከርካሪዎች " ከሰልፉ ብዛት የተነሳ አሁንም ተሰልፎ ዉሎ አለመቅዳት ስላለ፥ አይደለም የምንሰራበት ተሰልፈን ዉለን 12:ዐዐ ሲዘጋ ወደቤት መመለሻ እያጣን ነዉ " ሲሉ ቅሬታቸውን አቅርበዋል።

አሁንም ቢሆን የቤንዚን ሰልፉ በጣም ረጃጅም መሆኑን የገለጹት አሽከርካሪዎች " የታክሲ አገልግሎት ሰጥተን ቤተሰቦቻችንን የምንመራ ሰዎች ለከፍተኛ ችግር ተዳርገናል " ሲሉ ሁኔታውን ገልጸዋል።

ቁጥጥሩ ወቅታዊ እንዳይሆን ስጋት ያላቸው አሽከርካሪዎቹ የዕለቱ የቤንዚን ስርጭት ከተዘጋ በኋላ በአንዳንድ ማደያዎች ያለ ተራ የመቅዳት ተግባራት እንደሚስተዋሉ ጠቁመዋል።

የሞተር ባለንበረቶችም እንደልብ ነዳጅ ማግኘትና መንቀሳቀስ አሁንም እንዳልተቻለ ፤ እርምጃዎች ተወሰዱ ከተባለ በኃላ በተጨባጭ የታየ ለውጥ መመልከት እንዳልሻሉ ጠቁመዋል።

ቃላቸውን ለቲክቫህ የሰጡ ሌሎች የከተማው ነዋሪዎች " በማደያዎች አከባቢ መሻሻሎች ቢኖሩም ችግሩ አልተቀረፈም የትራንስፖርት እንቅስቃሴ ላይ ከፍተኛ መቀዛቀዞች ይስተዋላሉ " ብለዋል።

#TikivahEthiopiaFamilyHawassa

@tekivah_ethiopia

የፖለቲከኛ ጃል በቴ ኡርጌሳ ግድያ ምርመራ ምን ደረሰ ?

🔴 “ መረጃ የማሰባብ ሥራችን እንደቀጠለ ነው ” - ኢሰመኮ

የኦሮሞ ነፃነት ግንባር (ኦነግ) ከፍተኛ አመራር ፓለቲከኛ ጃል በቴ ኡርጌሳ በትውልድ ቦታቸው መቂ ከተማ በግፍ መገደላቸው የሚታወቅ ሲሆን፣ ባለቤቱም ሰሞኑን ልጆቻቸውን ይዘው ወደ አሜሪካ መሄዳቸው ተናግረዋል።

የኢትዮጵያ ሰብዓዊ መብቶች ኮሚሽን (ኢሰመኮ) በወቅቱ ስለግድያው ምርመራ ጀምሮ የነበረ ሲሆን፣ በኦሮሚያ ክልል በኩል በደረሰበት ጫና ምርመራውን ማቆሙን ለክልሉ በደብዳቤ ማሳወቁ በኋላ ደግሞ እንደገና ምርመራው እንደተጀመረ ለቲክቫህ ኢትዮጵያ መግለጹ ይታወሳል።

ምርመራው ቁሞ የነበረው፣ “ የመንግስት የጸጥታ ኃይሎች ተሳትፎ መኖሩን የሚያመለክት ምስክሮችን ማሰባሰብ ከጀመረ ከሦስት ቀናት በኋላ የምርመራው ቡድን ምርመራውን እንዲያቋርጥ በመገደዱ ” መሆኑ በወቅቱ በኢሰመኮ ደብዳቤ መጠቀሱ ተነግሮ ነበር።

የፓለቲከኛውን ግድያ ከተፈጸመ ከስድስት ወራት በላይ ያስቆጠረ ሲሆን፣ የግድያው ምክንያት እውቅና ግን የተነገረ ውጤት የለም።

ስለምርመራው አሁንስ ምን አዲስ ነገር አለ ?

እንዲያው የፓለቲከኛ ጃል በቴ ኡሬጌሳ ግድያን በተመለከተ የተጀመረው ምርመራ ከምን ደረሰ ? ያለው ሂደትስ ምንድን ነው ? ሲል ቲክቫህ ኢትዮጵያ የኢትዮጵያ ሰብዓዊ መብቶች ኮሚሽን (ኢሰመኮ)ን ጠይቋል።

ኮሚሽኑም ምርመራው እንደቀጠለ ገልጿል።

“ ሥራችንን ስናጠናቅቅ ውጤቱን ይፋ የምናደርግ ይሆናል። አሁን ግን መረጃ የማሰባብ ሥራችን እንደቀጠለ ነው ” ብሏል።

ሂደቱን በተመለከተ “ ከክልሉ የሚመለከታቸው ባለስልጣናት ጋርም እየተነጋገርን ነው ” ሲል ገልጿል።

ስለግድያ የሚያደርገውን ምርመራ በተመለከተ ኮሚሽኑ ከዚህ ቀደም የኦሮሚያ ክልል አካላት ጋር መንገራገጭ ገጥሞት እንደነበር ይታወሳል፤ ለመሆኑ አሁን በምን ደረጃ ላይ ነው ? ችግሩ ተፈታ ወይስ አልተፈታም ? ሲልም ቲክቫህ ለኮሚሽኑ ጥያቄ አቅርቧል።

ኮሚሽኑም፣ “ ከክልሉ ጋር ያለው ግንኙኘት በተመለከተ አሁን መረጀ መስጠት አልችልም ” ከማለት ውጪ ስለግንኙነታቸው አሁናዊ ሁኔታ ማብራሪያ ከመስጠት ተቆጥቧል።

አክሎ ደግሞ፣ “ ግን ሥራ እየሰራን ነው። አልተውንነውም ጉዳዩን ” ሲል ለቲክቫህ ኢትዮጵያ ገልጿል።

የኦሮሚያ ክልል መንግሥት ጃል በቴ ኡርጌሳ መቂ ላይ በግፍ በተገደሉበት ወቅት በሚዲያ ቀርቦ ግድያው ' ባልታወቁ ሰዎች መፈጸሙን ' ገልጾ መርምሬ ለህዝብ ውጤቱን ይፋ አደርጋለሁ ማለቱ ይታወሳል። ይህን ካለ ወራት ቢያልፉም እስካሁን ለህዝብ የተሰጠ ግልጽ እና ተጨባጭ መረጃም ሆነ ማብራሪያ የለም።

ሁነቱን እስከመጨረሻ በመከታተል መረጃ የምናደርሳችሁ ይሆናል።

#TikvahEthiopiaFamilyAA

@tekivah_ethiopia

#ነዳጅ #ረቂቅአዋጅ

🔴" ዋናው ነገር ኮንትሮባንድ ንግድ መስራታቸው እንደተጠበቀ ሆኖ ከባንኮች ብድር መውሰጃ እንደሆነ አረጋግጠናል " - የኢትዮጵያ ነዳጅ አቅራቢ ድርጅት

🔵 " ለኮንትሮባንድ ንግድና ብድር ማግኛ ብሎ የገባው ኩባንያ ስርዓት ይይዛል " - ንግድና ቀጠናዊ ትስስር ሚኒስቴር

በህገወጥ የነዳጅ ግብይት የታየዘ ግለሰብ ነዳጁ ተወርሶ ከ3 ዓመት በማይበልጥ እስራትና እስከ 100 ሺህ ብር የገንዘብ ቅጣት እንዲቀጣ የሚያደርግ ረቂቅ አዋጅ ተዘጋጀ።

ረቂቁ ምን ይላል ?

- አዲስ የነዳጅ ምርት አከፋፋዮች ስራ ለመጀመር ቢያንስ 500 ሺህ ሊትር የነዳጅ ውጤቶች መያዝ የሚችል ማከማቻ / ዴፖ እና 4 ማደያዎችን ማዘጋጀት እንዳለባቸው ያስገድዳል።

- በስራ ላይ ያሉ ማደያዎች ደግሞ አዋጁ ከሚጸድቅበት ጊዜ ጀምሮ ለአዲስ አከፋፋዮች የተጣሉትን ግዴታዎች ማሟላት ይጠበቅባቸዋል።

- አዲስ ጀማሪ ሆኑ ነባሮቹ በ3 ዓመታት ውስጥ ተጨማሪ 6 ማደያዎችን የመገንባት ግዴታ አለባቸው።

- የነዳጅ ውጤቶችን ከተፈቀደው ቦታ ውጭ ያከማቸ፣ ሊሸጥ ከሚገባው ሰው ቦታና የግብይት ስርዓት ውጭ ሲሸጥ የተገኘ ወይም አደጋ ያስከትላሉ በተባሉ መያዣዎች ሲሸጥ የተገኘ ማንኛውም ግለሰብ የተያዘው የነዳጅ ውጤት ተወርሶ ከ3 ዓመት በማይበልጥ እስርና ከብር 50 ሺህ እስከ ብር 100 ሺህ የሚደርስ ቅጣት ይፈጸምበታል።

- መንግሥት ከሚያወጣው የነዳጅ ምርቶች መሸጫ ተመን ውጪ በተደጋጋሚ የመገበያየት ወንጀል እንዲሁም የነዳጅ ምርቶችን ከባዕድ ነገሮች ጋር መቀላቀል እስከ 3 ዓመት እስርና እስከ 300 ሺህ ብር ቅጣት ያስጥላል።

የኢትዮጵያ ነዳጅ አቅራቢ ድርጅት ዋና ስራ አስፈጻሚ እስመለአለም ምህረቱ ምን አሉ ?

አሁን አሁን ወደነዳጅ አቅራቢነት ስራ ለመሰማራት ከፍተኛ ፍላጎት እየታየ ነው ብለዋል።

በድርጅቱ በተደረገው ጥናት ይህ ፍላጎት የኮንትሮባንድ ንግድ እና ከባንክ ብድር ለመወሰድ ተብሎ የሚደረግ እንደሆነ ተደርሶበታል ሲሉ ገልጸዋል።

ዋና ስራ አስፈጻሚው ፥ በዚህ 9 እና 10 ዓመት ውስጥ ከነበሩት 8 ወይም 9 ካምፓኒዎች አሁን 59 መድረሳቸውን ጠቁመዋል።

3ቱ የመንግሥት ገንዘብ አባክነው በፍርድ ቤት ክርክር ላይ ናቸው።

56ቱ ካምፓኒዎችን በማርኬትሼር በመደልደል ነዳጅ እየተሰጠ መሆኑን የገለጹ ሲሆን " ይህ ሁኔታ እራሱ እስካሁን ስምምነት የሌለበት ሁልጊዜ ጭቅጭቅ ያለበት ድርጊት ነው " ብለዋል።

ወደ ነዳጅ ግብይት አዲስ የሚገቡ ካምፓኒዎችን በተመለከተ ምንድነው አላማቸው ? ለምንድነው እንዲህ እያደገ የመጣው የሚለው መጠናቱን ገልጸዋል።

በጥናቱ ውጤትም " ዋናው ነገር ኮንትሮባንድ መስራታቸው እንደተጠበቀ ሆኖ ከባንኮች ብድር መውሰጃ እንደሆነ ነው የተረጋገጠው " ብለዋል።

እነዚህ የነዳጅ ካምፓኒዎች ባንኮች ጋር ሄደው ብድር በሚጠይቁበት ጊዜ ባንኮቹ " ከናተ ጋር ያላቸው የሥራ አፈጻጸም ይጻፍልን " እየተባለ ደብዳቤ እንደሚጻፍ ገልጸዋል።

የንግድና ቀጠናዊ ትስስር ሚኒስትር ካሳሁን ጎፌ (ዶ/ር) ምን አሉ ?

° አዋጁ አላማ መንግሥት በየዓመቱ በሚሊዮን ዶላሮች የሚያወጣበትን ለነዳጅ ምርት በአግባቡ ለማስተዳደር ነው።

° በመንግሥት በኩል የነዳጅ አቅርቦትን የማበራከት አላማ የለም።

° አዋጁ በእያንዳዱ የግብይት ሰንሰለት ውስጥ ባሉት ተዋናዮች ላይ የህግ ሪስትሪክሽኖችን ይጥላል። የአቅራቢ፣ የማደያ ... ግዴታዎች አሉ።

° ግብይታችን ችግር አለበት። የአቅርቦት ችግር ሳይኖር ስርጭት ላይ ትልቅ ችግር አለ። የታሰበላቸው ቦታ ያለመድረስን በተመለከተ በክልሎች የሚቀርበው ቅሬታ ገሚሱ ትክክል ነው።

° ነዳጅ አለ !! ሳምንት ሁለት ሳምንት ገበያ ማስራብ ፣ በነዳጅ ማደያዎች ውስጥ ነዳጅ ይዞ ' ቤንዚን የለም ፤ ናፍጣ የለም ' ብሎ መለጠፍ ይሄ ደግሞ ተጠያቂነት የማያስከትልበት ሴክተራል ባህሪው እንዲቀየር ይታሰባል፤ ይፈለጋል በመንግሥት በኩል ለዛም ነው ይሄ አዋጅ የሚወጣው።

° ከዚህ በኃላ ንግድን አንከለክልም እናሰፋዋለን ፤ ግብይቱ እንዲሳለጥ እንፈልጋለን ነገር ግን ለኮንትሮባንድ ንግድና ብድር ማግኛ ብሎ የገባው ኩባንያ ስርዓት ይይዛል።

° የነዳጅ ኮታ እና ስርጭት ላይ ፍትሃዊ ስርዓት ለመፍጠር ይሰራል።

° ከአቅርቦት እና ስርጭት ይልቅ ማስተዳደሩ ከባድ ነው።

° ነዳጅ እያላቸው ዘግተው የሚቀመጡ ማደያዎች በስፋት አሉ። የቅጣት መጠኑ ላይ ጠንካራ ስራ ይሰራል።

ቲክቫህ ኢትዮጵያ መረጃውን ከሪፖርተር እንዲሁም ከህ/ተ/ም/ቤት የቀጥታ ስርጭት ማግኘቱን ይገልጻል።

#ኢትዮጵያ #ነዳጅ #ረቂቅአዋጅ

@tekivah_ethiopia

በተፈጠረው የእሳት አደጋ በሰው ላይ የደረሰ ጉዳት የለም
ንጋቱ ማሞ

አራዳ ክፍለ ከተማ ደጃች ዉቤ ሰፈር በቻይና ጃንጉዜ የኮንስትራክሽን ስራ ድርጅት ላይ ያጋጠመዉን የእሳት አደጋ በቁጥጥር ስር ውሏል።

በአራዳ ክፍለ ከተማ ወረዳ አምስት ደጃች ዉቤ ሰፈር እየተባለ በሚጠራዉ አካባቢ በሚገኘዉ በቻይና ጃንጉዜ የኮንስትራክሽን ድርጅት ላይ ከቀኑ 9:04 ሰዓት ላይ የእሳት አደጋ መድረሱን እሳትና አደጋ ስራ አመራር ኮሚሽን አስታውቋል።

ለኮሚሽን መ/ቤቱ ጥሪ እንደመጣ ከሁሉም ቅርንጫፍ ጣቢያዎችና ከማዕከል የአደጋ መቆጣጠር ማሽነሪዎችና የአደጋ ጊዜ ሰራተኞች እንደተሰማሩ የኮሚሽኑ ህዝብ ግንኙነት ባለሙያ አቶ ንጋቱ ማሞ ተናግረዋል።

የእሳት አደጋዉን ለመቆጣጠር ሌሎች ባለድርሻ አካላትን በማሳተፍ ሰፊ ርብርብ ተደርጓል ብለዋል። በአሁኑ ሰዓት እሳቱ ወደሌሎች ቦታ እንዳይዛመት ባለበት መቆጣጠር የተቻለ ሲሆን ቀሪ ስራ እሳቱ የተነሳበትን ቦታ የማጥራት ብቻ መሆኑን አቶ ንጋቱ ተናግረዋል።

በእሳት አደጋዉ በሰዉ ላይ የደረሰ ጉዳት የለም ሲሉ ጨምረው ተናግረዋል።(Getu temesgen)

በአራዳ ክፍለ ከተማ ደጃች ዉቤ ሰፈር ያጋጠመዉን የእሳት አደጋ በቁጥጥር ስር ለማዋል ርብርብ እየተደረገ ነው፡፡ [እሳት አደጋ]

#USA

ተመራጩ የአሜሪካ ፕሬዜዳንት ዶናልድ ትራምፕ ጾታቸውን የቀየሩ የሀገሪቱ ጦር አባላት ወታደሮችን እንደሚያግዱ ተነገረ።

ትራምፕ ሰዎች ተፈጥሯዊ ጾታዎችን መቀየር የለባቸውም ብለው ያምናሉ።

ይህን ተከትሎም ጾታቸውን የቀየሩ እና የሀገሪቱ ጦር አባላት የሆኑ ወታደሮችን ከስራ እንደሚያግዱ ዘ ታየምስ ዘግቧል።

እንደዘገባው ከሆነ 15 ሺህ ጾታቸውን የቀየሩ ወታደሮችን የማባረር እቅድ አላቸው።

ከዚህ በተጨማሪም ተፈጥሯዊ ጾታቸውን የቀየሩ አሜሪካዊያን የሀገሪቱን ጦር መቀላቀል እንዳይችሉ እገዳ እንደሚጥሉም ተገልጿል።

ዶኔልድ ትራምፕ በከ2016-2020 ድረስ በስልጣን ላይ በነበሩባቸው ዓመታት ውስጥ ተፈጥሯዊ ጾታቸውን የቀየሩ ዜጎች የአሜሪካ ጦርን እንዳይቀላቀሉ እገዳ ጥለው የነበረ ቢሆንም ፕሬዝዳንት ጆ ባይደን ይህንን እገዳ አንስተውታል።

ይህን መረጃ ዘ ታይምስን ዋቢ በማድረግ ያጋራው አል አይን ኒውስ ነው።

@tekivah_ethiopia

#ማይናማር🚨

🔴 “ አምልጠን እንኳ ብንወጣ ያመለጠውን ኢትዮጵያዊ ለሚይዙ 500 ዶላር ይከፈላቸዋል። ” -ኢትዮጵያዊያን በማይናማር

🔵 “ ደብድበውት ራሱን አያውቅም ወጣቶች ተሸክመው ሆስፒታል ሲወስዱት የውጪ ዜጋ አናክምም ብለው መለሱት ” - በእንባ የታጀቡ እናት

ሰርተን እንለወጣለን፣ ቤተሰብም እንለውጣለን ብለው ከአገር የወጡ በርካታ ኢትዮጵያዊያን በማይናማር በስቃይ ውስጥ መሆናቸው ከዚህ ቀደም በተደጋጋሚ መገለጻችን አይዘነጋም።

ኢትዮጵያዊያኑ ከሀገር ሲወጡ የተነገራቸውና አሁን ያሉበት ሁኔታ የማይገናኝ ነው።

ጉልበታቸው እየተበዘበዘ ከሆኑም ባሻገር የሚፈጸምባቸው ድብደባና የአካል ጉዳት አሰቃቂ መሆኑን የገፈቱ ቀማሾች ከዚህ ቀደም ለቲክቫህ ኢትዮጵያ ገልጸው ነበር።

የውጪ ጉዳይ ሚኒስቴር በበኩሉ፣ ኢትዮጵያዊያኑን ወደ አገራቸው ለመመለስ ከሚመለከታቸው አካላት ጋር እየተየጋገረ መሆኑን ለቲክቫህ ኢትዮጵያ መግለጹ ይታወሳል።

የኢትዮጵያዊያኖቹ ጉዳይ አሁንስ ከምን ደረሰ ?

በምን ሁኔታ ላይ እንደሚገኙ፣ ያገቷቸው አካላት ካሉበት አገር መንግስት ጋር ያላቸውን ግንኙት…በተመለከተ ቲክቫህ ኢትዮጵያ ማብራሪያ የጠየቃቸው በማይናማር የሚገኙት ኢትዮጵያዊያን፣ በጣም በከፋ ሁኔታ ውስጥ መሆናቸውን በሀዘን ስሜት ገልጸው፣ የመንግስትን እርዳታ ጠይቀዋል።

በዝርዝር ምን አሉ ?

“ የኢትዮጵያ መንግስት ሙሉ ኃላፊነት ወስዶ ከረዳን ብቻ ነው መውጣት የሚቻለው። የሌሎች አገራት እንዳደረጉት።  ነገር ግን የተባልነው ነገር የለም እስካሁን በስቃይ ላይ ነን።

ያለንበት አገር ብዙም የተጠናከረ መንግስት የለውም። እንደሚታወቀው ወታደራዊ መንግስት ነውና። መንግስት ከመንግስት ጋር ተነጋግሮ ሊያስወጣን ከቻለ ብቻ ነው እንጂ።

እንወጣለን በሚል ተስፋ እያደረግን፣ እያለምን ነው እንጂ እስካሁን ምንም የተባልነው ነገር የለም። የኢትዮጵያ መንግስት ጫና ካላደረገ በስተቀር የያዙን ሽፍታዎችና የአገሪቱ መንግስት በጥቅም የተሳሰሩ ናቸውና መውጣት ይከብዳል።

አምልጠን እንኳ ብንወጣ ያመለጠውን ኢትዮጵያዊ ለሚይዙ 500 ዶላር ይከፈላቸዋል። ስለዚህ ተሳክቶልን ብናመልጥ እንኳ የአካባቢው ማህበረሰብ ይዞ አሳልፎ ይሰጠናል።

ሽፍቶቹ በቁጥር ብዙ ባይሆኑም መመሪያ የተሰጣቸው ናቸው። በዬቦታው ተሰራጭተው ነው የሚጠብቁት። ከእገታ ቦታው ወጣ ብለው በእስናይፐር የሚጠብቀ አሉ። በቁጥር ትንሽ ቢሆኑም የተጠናከረ ጥበቃ ላይ ያሉ ሽፍቶች ናቸው የያዙን።

የሚያሰሩን ቻይያዎች ናቸው። ያለነው ማይናማር ነው። ዜጎቹ ግን የቻይና ናቸው። ከአገሪቱ መንግስት ጋር በጥቅም የተሳሰሩ ናቸው። ለዚሁ መንግስት ግብር ይከፍላሁና ነገሩን ከባድ ያደረገው ከመንግስት ጋር የተያያዙ መሆናቸው ነው።

ወታደራዊ መንግስት ነው ያለው። ስለዚህ ከእኛ ከሚሰበሰው ገቢ ውስጥ ለመንግስት ይከፈላል። ለዛም ነው ሽፍቶቹ ደኀንነታቸው ተጠብቆ ሙሉ ድፍረት አግኝተው የሚሰሩት። የሕግ ከለላም አላቸው ነገሩ የተሳሰረ ነው። አጠቃላይ የአገራቱ መንግስት ሁኔታውን ሁሉ ያውቃል።

በስልክ እየደወልን ቤተሰብን ከመጠየቅ በስተቀር የኢትዮጵያ መንግስት ስለመውጣታችን እንዲህ ነው ያለን የሰማነው ነገር የለም። እባካችሁ በሕይወት ድረሱልን ” ሲሉ ተማጽነዋል።
 
ልጆቻቸው፣ የትዳር አጋሮቻቸው፣ እህትና ወንድሞቻቸው በማይናማር በከፋ ሁኔታ የሚገኙ ቤተሰቦች በበኩላቸው፣ ለወራት በከፍተኛ ጭንቀት ውስጥ እንደሆኑ ለቲክቫህ ኢትዮጵያ ተናግረዋል።

ልጃቸው የታገተባቸው አንዲት እናት እያለቀሱ በሰጡን ቃል፣ “ እኛም በጭንቀት ተሰቃዬን እንዴት አድርጌ እንደምገልጽ አላውቅም ” ሲሉ ጭንቀታቸውን አጋርተዋል። 

እኝሁ እናት አክለው ፦

“ ደብድበውት ራሱን አያውቅም ወጣቶች ተሸክመው ሆስፒታል ቢወስዱት 'የውጪ አገር ዜጋ አናክምም ' ብለው መለሱት።

እንደ ዜጋ መንግስት በዚህ ጉዳይ ላይ ጣልቃ መግባት ሲገባው ‘የራሳቸው ጉዳይ’ የተባለ ነው የሚመስለው። በጣም ያሳዝናል ለመናገር በጣም ነው የሚቸግረኝ።

እንደ ወላድ ይጨንቃል። ተቸግረን አሳድገን እንዲህ ሲሆኑ። እንደ ሀገር እኛ ከኡጋንዳ ሀገር በታች ነው እንዴ የኛ ሀገር መንግስት ! እንዲያው ጆሮ ዳባ ብለውን ነው እንጂ።

ስቲል ይሄዳሉ ልጆች ወደ ውጪ አገር። አምባሳደሩን ገብተን የውጪ ጉዳይ ቆንጽላ ጽህፈት ቤት ተሰባስበን አነጋግረን ነበር ከ15 ቀናት በፊት። 

ልጆቻችን አካለ ጎደሎ እየሆኑ፣ በሥነ ልቦና እየተሰቃዩ፣ እየተጎዱ ነው ዳግም ሌላ ወጣት እንዳይሄድ ስንል ‘የመንቀሳቀስ መብትን መንፈግ ነው የሚሆነው እኛ እንዴት ብለን እናሳግዳለን ?’ ነው ያሉን ” ሲሉ ገልጸዋል።

ገና የ8 ወር ልጅ ይዘው የቀሩ የትዳር አጋራቸው በማይናማር እንደታገተባቸው የገለጹ ሌላኛዋ እናት በበኩላቸው፣ ባለቤታቸው በከፋ ሁኔታ እንደሚገኝ፣ ልጅ አዝለው ውጪ ጉዳይ ሚኒስቴር ድረስ ቢሄዱም አጥጋቢ ምላሽ እንዳላገኙ ተናግረዋል።

በዝርዝር ምን አሉ ?

“ ባለቤቴ ማይናማር በስቃይ ውሰጥ ነው። ከሄደ 5 ወራት አስቆጥሯል። ‘የሥራ እድል አለ’ ተብሎ በደላሎች አማካኝነት ነበር ወደ ታይላንድ የሄደው። በሙያው ሐኪም ነው። ከሄደ በኋላ ግን ታይላንድ አይደለም የቀረው ወደ ማይናማር ነው የወሰዱት።

ያለበት ሁኔታ በጣም ከባድ ነው። የጨለማ ክፍል የሚባል አለ፤ ድብደባ አለ። በነገረኝ መሠረት አሰቃቂ ሁኔታ ነው። እኔም መፍትሄ ፍለጋ የውጪ ጉዳይ ሚኒስቴር ልጅ አዝዬ ጭምር ብዙ ጊዜ ተመላልሻለሁ። 

የሚሰጠኝ ምላሽ በራሳቸው ፍላጎት እንደሄዱ፣ በሕገወጥ መንገድ እንደሄዱ ነው። ከሦስት ቀናት በፊትም ሂጀ ነበርና ከታች ያሉት የቀረበውን ቅሬታ ካሳወቁ ከ10 ወራት በላይ እንዳስቆጠረ፣ ግን መፍትሄ እንዳልተገኘለት ነው የነገሩኝ።

‘ ከላይ ያሉት አካላት ናቸው መስራት ያለባቸው ’ ነው ያሉኝ። ጥሩ መልስ የሰጠን የኤምባሲ አካል ግን አላገኘንም። ቤተሰቡ በጭንቀት ውስጥ ነው ያለው። ባለቤቴ ከሄደ በኋላ ኑሮው ከብዶኛል።

ስለእርሱ መጨነቁ፣ የኑሮ ውድነቱ ተደራረቡብኝ። የባለቤቴ ደመወዝ ተቋርጧል። አዲስ አበባ ከተማ ላይ ብቻዬን ልጅ እያሳደኩ ስቃይ ላይ ነኝ።

የኢትዮጵያ መንግስት በደንብ ትኩረት ሰጥቶ ቢሰራበት የማይናማር መንግስት ሊለቃቸው እንደሚችል ባለቤቴ ነገሮኛል። ባለቤቴ ጋር የነበሩ የህንድ አገር ዜጎች ወጥተዋል። መንግስት መፍትሄ ይስጠን ” ሲሉ ተማጽነዋል።

ማይናማር ውስጥ የሚገኙ የታጋች ኢትዮጵያዊያኑ ወላጅች ያቋቋሙት ኮሚቴ በበኩሉ፣ መፍትሄ እየጠየቀ መሆኑን የገለጸ ሲሆን፣ የውጪ ጉዳይ ሚኒስቴር ምን እየሰራ እንሆነ ለቲክቫህ ኢትዮጵያ ከሰጠው ምላሽ ጋር በቀጣይ ይቀርባል።

#TikivahEthiopiaFamilyAA

@tekivah_ethiopia

"የእሳት አደጋዉ ወደሌሎች ሼዶች ተዛምቶ የከፋ ጉዳት ሳያደርስ መቆጣጠር ተችሏል"- የእሳት እና አደጋ ስራ አመራር ኮሚሽን

በዛሬው እለት ከረፋዱ 5:57 ሰዓት በአዲስ ከተማ ክፍለ-ከተማ ወረዳ 11 ሎሚ ሜዳ እየተባለ በሚጠራዉ ኢንደስትሪ መንደር ላይ ተከስቶ የነበረዉ የእሳት አደጋ ሙሉ በሙሉ መቆጣጠር መቻሉን የእሳት እና አደጋ ስራ አመራር ኮሚሽን አስታውቋል።

የእሳት አደጋዉ ያጋጠመዉ የእንጨትና የብረታ ብረት ዉጤቶች ማምረቻ ሼድ ላይ ሲሆን በአደጋዉ በአንድ መለስተኛ ሼድ ላይ ጉዳት ደርሷል ተብሏል።

በዚህ ኢንደስትሪ መንደር በርካታ የእንጨትና የብረታ ብረት ማምረቻ ሼዶች የሚገኙበት ሲሆን የእሳት አደጋዉ ወደሌሎች ሼዶች ተዛምቶ የከፋ ጉዳት ሳያደርስ መቆጣጠር መቻሉንም ነው ኮሚሽኑ የገለፀው።

የእሳት አደጋዉን ለመቆጣጠር ሰባት የአደጋ ጊዜ መቆጣጠር ተሽከርካሪዎች ከ 45 የአደጋ ጊዜ ሰራተኞች ጋር የተሰማሩ ሲሆን በአደጋዉ በሰዉ የደረሰ ጉዳት የለም።

የእሳት እና አደጋ ስራ አመራር ኮሚሽን ለእሳትና ለሌሎች ድንገተኛ አደጋዎች እንዲሁም ለአንቡላንስ አገልግሎቶች በ939 ፈጥነዉ ያሳዉቁ ሶል መልእክቱን አስተላልፏል።

የፑቲን ማስጠንቀቂያ እንደ አዉሮፓ መሪዎች ወሬ ብቻ ሳይሆን በተግባር የሚታይ ነዉ ሲሉ የሃንጋሪዉ መሪ አሳስቡ‼️

የሃንጋሪዉ ጠቅላይ ሚኒስትር ቪክቶር ኦርባን ፑቲን የሰጡትን ማስጠንቀቂ ትኩረት ሰጥተን መመልከት አለብን በለዋል፡፡

የሩሲያዉ ፕሬዝዳንት ቭላድሚር ፑቲን አሜሪካና አጋሮቿ ለዩክሬን ረጅም ርቀት የሚምዘገዘጉ ኪሳኤሎችን ማስታጠቃቸዉን ተከተሎ ጠንከር ያለ ማስጠንቀቂያ ሰጥተዋል፡፡

ይህንንም ተከትሎ የሃንጋሪዉ ጠቅላይ ሚኒስትር የፑቲን ማስጠንቀቂያ እንደ አዉሮፓ መሪዎች ወሬ ብቻ አይደለም ነዉ ያሉት፡፡

ይልቁንም ፑቲን የተናገሩትን ሚተገብሩ በመሆኑ ጥንቀቄ ማድረግ ያስፈልጋል ብለዋል፡፡

ኦርባን የአዉሮፓ መሪዎች ከሚናገሩት 20 በመቶዉን ብቻ ነዉ የሚተገብሩት ቀሪዉ 80 በመቶ ወሬ ብቻ ነዉ ሲሉም ወርፈዋቸዋል፡፡

ቪክቶር ኦርባን ከሩሲያዉ ፕሬዝዳንት ቭላድሚር ፑቲን ጋር መልካም ግንኙነት ያላቸዉ የአዉሮፓ መሪ ናቸዉ፡፡

በዚህም የፑቲን ቀኝ እጅ ናቸዉ በሚል በህብረቱ አባል አገራት ይወቀሳሉ፡፡

ሃንጋሪ የዩክሬኑ ጦርነት በሰላማዊ መንገድ እንዲቋጭ ተደጋጋሚ ጥረቶችን ስታደርግ መቆየቷ የሚታወስ ነዉ፡፡

አሁንም በምዕራቡ አለምና በሩሲያ መካከል እንደ አዲስ ያገረሸዉን ዉጥረት ማርገብ እንደሚገባ ኦርባን እያሳሰቡ መሆናቸዉን አርቲ ኒዉስ ዘግቧል፡፡

ዛሬ ማለዳ የብልፅግና ፓርቲ አምስተኛ ዓመት የምስረታ በዓልን ምክንያት በማድረግ ከ300 መቶ ሺህ በላይ የከተማችን ነዋሪዎች የተሳተፉበት የአካል ብቃት እንቅስቃሴ ተከናውኗል ‼️

በመዲናዋ ከ1300 በላይ የስፖርት ማዘውተሪያ ስፍራዎች ለአገልግሎት መብቃታቸውን የአዲስ አበባ ከተማ ከንቲባ አዳነች አቤቤ ገልጸዋል፡፡

ከንቲባዋ መንግሥት ከተማዋን ውብ አበባ ከማድረግ ሥራው ባሻገር በአዕምሮ እና በአካል ብቃት የዳበረ ትውልድ ለመፍጠር እየሰራ መሆኑን አስታውቀዋል፡፡

በዚህም በከተማዋ ባለፉት አምስት ዓመታት ከ1300 በላይ የስፖርት ማዘውተሪያ ስፍራዎች ለአገልግሎት መብቃታቸውን ጠቁመዋል፡፡

ከንቲባ አዳነች አቤቤ በማኀበራዊ ትስስር ገጻቸው “ዛሬ ማለዳ የብልፅግና ፓርቲ አምስተኛ ዓመት የምስረታ በዓልን ምክንያት በማድረግ ከ300 መቶ ሺህ በላይ የከተማችን ነዋሪዎች የተሳተፉበት የአካል ብቃት እንቅስቃሴ አከናውነናል” ብለዋል፡፡

በትግራይ ክልል በመጀመሪያው ምዕራፍ 75 ሺህ የቀድሞ ታጣቂዎችን መልሶ ለማቋቋም እየተሰራ ያለው ስራ ትልቅ እመርታ ነው ‼️


በመርሃ ግብሩ ላይ የውጭ ጉዳይ ሚኒስትርና የብሔራዊ ተሀድሶ ኮሚሽን የቦርድ ሰብሳቢ ጌዲዮን ጢሞቲዎስ(ዶ/ር)፣ የመስኖና ቆላማ አካባቢ ሚኒስትር አብርሃም በላይ(ዶ/ር)፣ የብሔራዊ መረጃና ደኅንነት አገልግሎት ዋና ዳይሬክተር አምባሳደር ሬድዋን ሑሴን፣ የክልሉ ጊዜያዊ አስተዳደር ምክትል ርዕሰ መስተዳድር ሌተናል ጄነራል ፃድቃን ገብረትንሳኤ እና የብሔራዊ ተሀድሶ ኮሚሽነር ተመስገን ጥላሁን እንዲሁም ሌሎች የፌደራልና የክልሉ ጊዜያዊ አስተዳደር የስራ ኃላፊዎች ተገኝተዋል።

በዚሁ ጊዜ የትግራይ ክልል ጊዜያዊ አስተዳደር ርዕሰ መስተዳድር ጌታቸው ረዳ እንደገለጹት፥ የብሔራዊ ተሀድሶ ኮሚሽንና የክልሉ ጊዜያዊ አስተዳደር እየሰሩት የሚገኘው የመልሶ ማቋቋም ስራ ከጦር መሳሪያ ማስፈታት ባለፈ የትግራይ ክልልን ሰላምና ደኅንነት ግምት ውስጥ ባስገባ መንገድ የሚከናወን ነው ብለዋል።

የቀድሞ የትግራይ ክልል ታጣቂዎችን በተሀድሶ ስልጠና መልሶ ለማቋቋም እየተሰራ የሚገኘው ተግባራዊ እንቅስቃሴ የሚበረታታ መሆኑን ተናግረዋል።

በቅንጅት እየተሰሩ ያሉ ስራዎች አዎንታዊ ውጤቶች እያመጡ መሆኑን ጠቅሰው ተፈናቃዮችን ወደ ቀያቸው የመመለስ ጉዳይ ቀሪ ስራ እንደሚጠይቅ ተናግረዋል።

የጊዜያዊ አስተዳደሩ የስራ ኃላፊዎችም ከፌደራል መንግስት ጋር በመተባበር የክልሉን ሰላምና ደኅንነት ለማረጋገጥ በቅርበት እየሰሩ መሆኑን ተናግረዋል።

በአሁኑ ወቅትም በመጀመሪያው ምዕራፍ 75 ሺህ የቀድሞ ታጣቂዎችን በተሀድሶ ስልጠና መልሶ ለማቋቋም እየተደረገ የሚገኘው ጥረት ትልቅ እመርታዊ ውጤት መሆኑን ገልጸዋል።

#Update

" ተገደን እንጂ ወደን የገባነው ጦርነት የለም ፤ በDDR አሰራር ወደ ህዝባችን ለመቀላቀል ፍቃደኞች ነን ሁሌም ምርጫችን ሰላም ነው " - ተመላሽ ታጣቂዎች 

የብሄራዊ ተሃድሶ ኮሚሽን የዲሞብላይዜሽን  እና መልሶ ማቋቋምያ ስነ-ሰርዓት በትግራይ መቐለ በይፋ ተጀምሯል።

ቅዳሜ ህዳር 14/2017 ዓ.ም በይፋ በተከናወነው የዲሞብላይዜሽን እና መልሶ ማቋቋምያ የማስጀመሪያ ስነ-ስርዓተ የክልሉ እና የፌደራል ከፍተኛ የስራ ኋላፊዎች ተገኝተው ነበር።

የብሄራዊ ተሃድሶ ኮሚሽን በDDR የሚታቀፉ የትግራይን ጨምሮ በስድስት የሀገሪቱ ክልሎች የሚገኙ ከ600 ሺህ በላይ  ታጣቂዎች በሁለት ዓመት ውስጥ ዴሞብላይዝ በማድረግ  ወደ ህዝቡ እንዲቀላቀሉ አቅዶ እየሰራ እንደሆነ በማስጀመሪያ ስነ-ስርዓቱ ተገልጿል።

የብሄራዊ ተሃድሶ ኮሚሽን ኮሚሽነር ተመስገን ጥላሁን ምን አሉ ?

ትጥቅ መፍታትና ዴሞብላይዜሽን (DDR)  ከፕሪቶሪያ የሰላም ስምምነቶች ዋነኛ እና ጎልቶ የሚጠቀስ ነጥብ ቢሆንም በሃብት እጦት ምክንያት መዘግየቱ ተናግረዋል።

በትግራይ ጦርነት የተሳተፉ 274,800 ታጣቂዎች በDDR ዴሞብላይዝ ሆነው በሁለት ዓመት ውስጥ ወደ ህዝብ ይቀላቀላሉ ያሉት ዋና ዳይሬክተሩ ፦
👉 በአንድኛ ዙር 75 ሺህ 
👉 በሁለተኛ 100 ሺህ
👉 በሦስታና ዙር 53 ሺህ 800 
👉 በአራተኛ ዙር 46 ሺህ እንደሆነ አብራርተዋል።

በተካሄደው እጅግ አሰቃቂ ደም አፋሳሽ ጦርነት " በርካታ ህይወት ተቀጥፈዋል ፣ አካል ጎድሏል የሀገር እና የህዝብ ሃብት ወድመዋል " ያሉት አቶ ተመስገን ይህ እንዳይደገም እንደ ሀገር እና ህዝብ በቁርጠኝነት መስራት አለብን ሲሉ በአፅንኦት ተናግረዋል።

የጊዚያዊ አስተዳደሩ ፕሬዜዳን ጌታቸው ረዳ ምን አሉ ?

DDR ቀድሞ መደረግ የነበረበት ቢሆንም፤ ለፕሮጀክቱ ማስፈፀሚያ የሚሆን ሃብት ለማሰባሰብ ነው የዘገየው ፤ የዘገየም ቢሆን ዛሬ መጀመሩ ለሰላም ያለው ትርጉም ትልቅ ነው ብለዋል።

ተፈናቃዮች ባልተለመለሱበት፣ የትግራይ ሉኣላዊ ግዛቶች ከፌደራል የሀገር መከላከያ ሰራዊት ውጭ ባሉ የሀገር ውስጥና የውጭ ታጣቂዎች ተይዞ ባለበት ወቅት DDR መጀመሩ ከስጋት ወጪ ሆኖ እየተፈፀመ ባይሆንም ሁኔታዎች እየተስተካከሉ ይሄዳሉ ከሚል ተስፋ ድጋፋችን መስጠት እንቀጥላለን ሲሉ ገልጸዋል።

የDDR መተግበር የትግራይ ሰላም መቀጠል ከሀገር ሰላም መፅናት ተያይዞ መታየትና መፈፀም እንዳለበት የፌደራል መንግስት እና ለጋሾች ትኩረት አደርገው ደጋፋቸው እንዲቀጥሉ ጥሪ አቅብረዋል።
 
የተሰናባች ታጣቂዎች ተወካይ ነጋሽ  ገ/ዮሃንሰ ምን አሉ ?

" ተገደን እንጂ ወደን የገባነው ጦርነት የለም ፤ ስለሆነም የነበረው ችግር በጠረጴዛ ውይይት መፍታት ከተቻለ ትጥቅ አንግበን የምንኖርበት ፍላጎት ስለሌለን  በDDR አሰራር ወደ ህዝባችን ለመቀላቀል ፍቃደኞች ነን " ብለዋል።

ታጣቂዎች " የመጀመሪያ እና የመጨረሻ ምርጫችን ሰላም ነው የተሟላ ሰላም እንዲሰፍን አሁንም ከፌደራል የሀገር መከላከያ ሰራዊት ውጪ በትግራይ መሬት ያሉ ታጣቂዎች ለቀው እንዲወጡ ለፌደራል መንግስት እና ለአደራዳሪዎች እንጠይቃለን " ሲሉ ተናግረዋል። 

" ለቀድሞ ታጣቂዎች ለማቋቋምያ የተመደበው በቂ ስላልሆነ ቀጣይ የሆነ ድጋፍ እንሻለን " በማለትም ተናግረዋል።

በመርሃ ግብሩ የውጭ ጉዳይ ሚኒስትር ጌዲዮን ጢሞቲዮስ (ዶ/ር) ፣ የብሔራዊ መረጃ እና ደህንነት አገልግሎት ዋና ዳይሬክተር አምባሳደር ሬድዋን ሁሴን፣ የጊዜያዊ አስተዳደሩ ፕሬዜዳንት አቶ ጌታቸው ረዳን ጨምሮ ሌሎች የፌዴራልና የክልል አመራሮች ተገኝተው ነበር።

#TikivahEthiopiaFamilyMekelle

Photo Credit - DW

@tekivah_ethiopia 

ሞሐ የለስላሳ መጠጦች ኢንድስትሪ አ.ማ. ለደንበኞቹ ካዘጋጃቸው ሽልማቶች ውስጥ ሁለተኛው ቮልስ ዋገንአይዲ4 (VW ID4) የኤሌክትሪክ መኪና ዕጣ፣ በመዲናችን አዲስ አበባ ለዕድለኛ ወጥቷል፡፡

ዕድለኛዋ አሸናፊ ወ/ሮ መቅደስ አስናቀ፣ ሽልማታቸውን ኅዳር 14 ቀን 2017ዓ.ም. በአዲስ አበባ ከተማ በተከናወነ ልዩ የሽልማት ፕሮግራም ተረክበዋል፡፡

ከዚህ በፊት በሐዋሳ ከተማ ነዋሪ የሆኑት አቶ ኤርሚያስ፣ የመጀመሪያውን ቮልስ ዋገን አይዲ4 (VWID4) የኤሌክትሪክ መኪና ዕጣ ማሸነፋቸው ይታወሳል፡፡

አሁንም በርካታ ሽልማቶች ተረኛ ዕድለኛቸውን እየጠበቁ ነው፡፡ የፔፕሲን ምርቶች እያጣጣምን ዕድላችን እንሞክር - እናሸንፍ! ፔፕሲ፣ ሚሪንዳ እና ሰቨን አፕ ይጥማሉ - ያስሸልማሉ!

ሞሐ !

🔈#የሠራተኞችድምፅ

🔴 " ደመወዛችን ተቆርጦ 15 ,000 ብር የሚከፈላቸው 5 ,000 ብር ነው የገባላቸው፡፡ ለ6 ወራት ደመወዛችን በስርዓት እየተከፈለን አይደለም " - ሠራተኞች

🔵 " ጥሩ ቅሬታ ነው። ድርጅቱ ደመወዝ የሚከፍለው ብር ሲኖር ነው " - የናሁ ቴሌቪዥን አስተዳደር

የናሁ ቴሌቪዥን ሠራተኞች የወር መወዛቸው በወቅቱ እንደማይፈጸም፣ ጊዜው ካፈ በኋላ ራሱ ከደመወዛቸው ከግማሽ በላይ ተቆርጦ እንደሚደርሳቸው፣ ደመወዛቸው ባለመከፈሉ ብድር ጭምር እንደገቡ፣ ድርጅቱ አጥጋቢ ምላሽ በመስጠት ፋንታ እያንጓጠጣቸው መሆኑን በቲክቫህ ኢትዮጵያ በኩል ስሞታ አሰምተዋል፡፡

ሠራተኞቹ ያቀረቡት ዝርዝር እሮሮ ምንድን ነው?

" ደመወዛችን ተቆርጦ 15 ሺሕ ብር የሚከፈላቸው 5 ሺሕ ብር ነው የገባላቸው። ላለፉት ስድስት ወራት የሰራንበት ደመወዝ በትክክል እየተከፈለን አይደለም፡፡ አሁን ለምሳሌ የጥቅምት ወር ደመወዝ ዛሬ ነው የገባልን።

ወቅቱን ተላልፎ እንኳ 13 ሺሕ ብር የሚከፈለን ሰዎች ተቆርጦ 6,500 ብር ነው የገባልን፡፡ ወሩን ሥራ ገብተናል፡፡ ግን ‘ፊርማ አልፈረማችሁም’ ተብሎ ነው የተቆረጠው፡፡ ለዜናም፣ ለጥቆማም ልናናግር ወጥተን ያረፈድነው ሰዓት አይቆጠርልንም፡፡ 

የሐምሌን ደመወዝ ራሱ ‘ከባንክ ተበደሩና ውሰዱ እኛ እንከፍላን’ ነበር ያሉን፡፡ የሐምሌ ደመወዛችን ባለመፈጸሙ አቢሲኒያ ብድር ገብተናል፡ ግን እስካሁን እለተከፈለንም፡፡ 

የነሐሴ ወር ደመወዝ ደግሞ 20 ፐርሰንት ተቀንሶ ነው የገባው፡፡ ቀሪውን ራሱ እስካሁን አልሰጡንም፡፡ የመስከረም ደግሞ ጥቅምት 20 ነው የተከፈለን፡፡ ይህ ባለበት ሁኔታ አሁን ደግሞ ደመወዛችን ከግማሽ በታች ተቆርጦ ነው የገባው፡፡ 

ከ10 ሺሕ ብር እስከ 3,000 ብር ነው የተቆረጠብን፡፡ ይህ ሲደረግ ምንም አይነት ማስጠንቀቂያ አናውቅም፡፡ ብቻ ደመወዛችን ሲገባ ግን ተቆርጧል፡፡ ስንናገርም ‘ከፈለጋችሁ ውጡ ከፈለጋችሁ ተቀመጡ’ ነው የምንባለው።

ድርጊቱ ከአቅማችን በላይ ሆኗል። እስከ ሰባት ዓመት የሰሩ ጓደኞቻችንን ‘እንዳትመጡ’ ብለዋቸዋል። አንዷ ወር ሙሉ የሠራችበት ተቆርጦ 1,000 ሺሕ ብር ነው የገባላት ከ10 ሺሕ ብር ደመወዟ። ‘ምን ታመጣላችሁ ብትፈልጉ ውጡ’ ነው የሚሉት።

ሰው ለመቀነስ ፈልገው ከሆነ እንኳ በአግባቡ ምክንያቱ ተጠቅሶ፣ ደብዳቤ ተፅፎ፣ ለሠራተኛው የሚገባው ሁሉ ተሰጥቶ ነው የሚሆነው። ከዚህ ግን ማናጀሩ ‘ኑ’ ብሎ ‘ካሁን ወዲያ እንዳትመጡ’ ነው የሚለው " ብለዋል።

የሌሎች ደመወዝ በትክክል እየተፈጸመ ከሆነ የእናንተ ለብቻው ለምን በወቅቱና ሳይቆረጥ አልተፈጸመም? ምን የተለዬ ምክንያት ኖሮ ነው የእናንተ ብቻ እንዲህ የተደረገው? በሚል ላቀረብነው  ጥያቄ ምላሻቸው፣ " እነርሱ የሚሉት ‘አቴንዳንስ በትክክል አልፈረማችሁም’ ነው፡፡ ግን ሰዓት አልፎም ቢሆን ፈርመናል " የሚል ነው።

“ ደመወዝ ሊቆረጥ የሚችለው በተሸረረፈው ሰዓት ነው፡፡ ሦስት ቀን ያልፈረመ የአንድ ቀን ይቆረጣል ነው የሚለው ሕጉ” ሲሉ አክለው፣ " እኛ ግን ለምሳሌ 4 ሰዓት ገብተን ቢሮ ውለን የሙሉ ቀን ደመዝ ነው የሚቆረጥብን " ብለዋል።

ቅሬታው ያላቸው 14 ሰዎች እንደሆኑ፣ ከድርጅቱ ደመወዝ ያልተቆረጠባቸው አራት ወይም አምስት ሰዎች እንደሆኑ አስረድተው፣ ድርጅቱ በአግባቡ እንዲያስተዳድራቸው ጠይቀዋል። 

ሠራተኞቹ ያቀረቡትን ቅሬታ በመንገር እውነት ነው ? ከሆነ ለምን እንደህ ተደረገ ? ሲል ቲክቫህ ኢትዮጵያ የጠየቃቸው የናሁ ቴሌቪዥን አስተዳደር አቶ ኢዶሳ ቀጀላ፣ " ጥሩ ቅሬታ ነው። ድርጅቱ ደመወዝ የሚከፍለው ብር ሲኖር ነው " የሚል ምላሽ ሰጥተዋል።

የድርጅቱ አስተዳደር አክለው ምን አሉ ?

" ብዙ ነገሮች ኪሳራ ላይ ስለጣሉን ብዙ ክፍያ ውጪ ላይ ስለሚያዝብንና ከከስተመሮቻችን ጋር ያሉትን ሴልሶች ቶሎ ኮሌክት ለማድረግ ስለማንችል/ ስለምንቸገር ደመወዝ ቆይተን ልንከፍል እንችላለን።

አንደኛ ደመወዝ ይቆያል። ሁለተኛ ደግሞ በአግባቡ ሥራ ያልገቡ ሰዎችን አቴንዳንሳቸው ኮሌክት ተደርጎ ይገባና ስንት ቀን ሥራ ገብተዋል? ተብሎ ነው ደመወዝ የሚከፈለው።

አሁን ‘ደመወዝ በአግባቡ አልተከፈለንም፣ ተቆረጠ’ የሚሉ ሠራተኞች በወር ውስጥ ስንት ቀን ገብተው እንደፈረሙ አቴንዳንሳቸው ታይቶ ነው ደመወዝ የተከፈላቸው እንጂ ሠራተኞች ስለሆኑ ብቻ 30 ቀናት ታስቦ አይሰጥም።

ስለዚህ የተቆረጠባቸው ሰዎች አሉ። እነርሱም በአግባቡ ያልገቡና አቴንዳንስ ያልፈረሙ ለድርጅቱ ሥራ ያልሰሩ ሰዎች ናቸው " ሲሉ ተናግረዋል።

ደመወዝ ሊቆረጥባቸው የሚገባው በሸራረፉት ሰዓት ሆኖ እያለ ሰዓት አሳልፈው ቢሮ ቢገቡም የሙሉ ቀን መቆረጡ ቅር እንዳሰኛቸው ሠራተኞቹ ገልጸዋል፤ ይህን ማድረጉ አግባብ ነው? ስንል ላቀረበው ጥያቄም ምላሽ ሰጥተዋል።

ምን አሉ ?

"አንድ ሠራተኛ ድርጅቱ በሚያውቀው መልክ ነው ገብቶ የሚወጣው እንጂ ሥራ ስለሌለ 4 ሰዓት መግባት የለም። 

የቢሮ መግቢያ ሰዓት ከ2፡30 ይጀምራል። እስከ 3፡30 እኛ እዚያ እንቆያለን አቴንዳንስ ከዚያ በኋላ ይነሳል” ያሉት የድርጅቱ አሰሰተዳዳሪ፣ “እስከ 4 ሰዓት ያልገባ ሠራተኛ ገብቶ እንዲሰራ አንፈልግም፤ አንፈቅድም።

አጋጣሚ ሆኖ ችግር ካጋጠመ ደውሎ ማሳወቅ፣ ማስፈቀድ ይኖርበታል። እንደዚህ የሚያደርጉ ሠራተኞች በጥሩ ትራት ይደረጋሉ። 

እንደፈለጉ ለሚገቡና ለሚወጡ ሠራተኞች ደመወዛቸውንም አንከፍልም፤ እሱም ብቻ ሳይሆን አስተዳደራዊ እርምጃም እንወስድባቸዋለን። ይህን ሕጉም ስርዓቱም ይፈቅዳል” በማለት ነው የመለሱት።

ድርጅቱ ሠራተኛ ለመቀነስ ፈልጎም ከሆነ በደብዳቤ እንጅ ‘ውጡ’ ተብሎ “ተጥላልተን” መሆን የለበትም የሚል ቅሬታ ሠራተኞቹ አላቸው፤ ይህን ማድረግስ ለምን አስፈለገ? በሚል ቲክቫህ ላቀረበው ጥየያቄ፣ “ይህን አላደረግነውም” የሚል አጭር ምላሽ ሰጥተዋል።

#TikivahEthiopiaFamilyAA

@tekivah_ethiopia

" አውሮፓና አሜሪካ ዜጎችን ለሥራ ለማሰማራት ለየትኛውም አካል የተሰጠ ውክልና የለም " - ሚኒስቴሩ

" ካናዳን ጨምሮ በተለያዩ የአውሮፓ ሀገራት ለሥራ ዜጎችን እንልካለን፡፡ ለዚህም ከሚመለከታቸው አካላት ፍቃድ አግኝተናል " በሚል በተለያዩ የማህበራዊ ትስስር ገጾች ህገ-ወጥ ማስታወቂያዎች እየተላለፉ እንደሆነ የሥራና ክህሎት ሚኒስቴር አሳውቋል።

እየተለለፉ ባሉት ህገ-ወጥ ማስታወቂያዎች ህብረተሰቡ ላላስፈላጊ ወጪና እንግልት እየተዳረገ መሆኑን አመልክቷል።

በመሆኑ " መሰል የማጭበርበር ተግባር እየፈፀሙ የሚገኙ አካላትን በህግ ተጠያቂ ለማድረግ እየሰራሁ ነው " ብሏል።

በውጭ ሀገር ስራ ስምሪቱ የሥራና ክህሎት ሚኒስቴር ወደ አውሮፓና አሜሪካ ዜጎችን ለሥራ ለማሰማራት ለየትኛውም አካል የሰጠው ውክልና የሌለ መሆኑን አሳውቋል።

ሚኒስቴሩ ፥ " ዜጎች በስምሪቱ ተጠቃሚ ለመሆን ህጋዊ አማራጮችን ብቻ በመጠቀም ካላስፈላጊ ወጪ፣ እንግልትና ሌሎች አስከፊ አደጋዎች ራሳቸውን እንዲጠብቁ በጥብቅ እናሳስባለን " ብሏል።

የሁለትየሽ ስምምነት የተፈረመባቸው መዳረሻ ሀገራት በ lmis.gov.et ላይ መመልከት እንደሚቻል ገልጿል።

@tekivah_ethiopia

የአፋር ፌዴራላዊ ዴሞክራሲ ፓርቲ ታጣቂዎች ለክልሉ ሰላም በጋራ ለመሥራት ተስማሙ

የአፋር ፌዴራላዊ ዴሞክራሲ ፓርቲ ታጣቂዎች ትጥቃቸውን ለአፋር ክልል መንግሥት አስረክበው ለክልሉ ሰላም እና ልማት በጋራ ለመሥራት ተስማሙ።

የትጥቅ ርክክብ ሥነ-ሥርዓቱ በክልሉ አብአላ ከተማ መካሄዱን የመከላከያ ሠራዊት ማኅበራዊ ትስስር ገጽ መረጃ አመላክቷል፡፡

ከንቲባ አዳነች አቤቤ ካዛንቺስን በትብብር መልሶ ማልማት በሚቻልበት ሁኔታ ላይ ከባለሃብቶች ጋር ተወያዩ

የአዲስ አበባ ከተማ አስተዳደር ከንቲባ አዳነች አቤቤ ካዛንቺስን በትብብር መልሶ ማልማት በሚቻልበት ሁኔታ ላይ ከአካባቢው ባለሃብቶች ጋር ተወያዩ።

ከንቲባዋ በውይይቱ ወቅት አዲስ አበባን ምቹ የመኖሪያ አካባቢ ለማድረግ በተጀመረው የኮሪደር ልማት ሥራ እንደ መጀመሪያው ሁሉ የሁለተኛውንም የኮሪደር ልማት ሥራ ህብረተሰቡንና ባለሃብቱን በማሳተፍ በጥራትና በፍጥነት ለማጠናቀቅ በትኩረት እየተሰራ መሆኑን ገልጸዋል።

የካዛንቺስ አካባቢ ባለሃብቶች በበኩላቸው በኮሪደር ልማትና በመልሶ ማልማት ሥራው እጅግ ደስተኛ መሆናቸውን ገልጸዋል።

የከተማው ጽዳትና ውበት ለኢኮኖሚ መነቃቃት ከፍተኛ አስተዋጽዖ እያበረከተ በመሆኑ በሚችሉት ሁሉ ከከተማ አስተዳደሩ ጎን በመቆም አካባቢውን እንደሚያለሙ ቃል መግባታቸውን የከንቲባ ጽሕፈት ቤት መረጃ አመላክቷል።

ባለሃብቶች ያሏቸውን የልማት ጥያቄዎች በማቅረብ ለመልሶ ማልማት ሥራው በቀረበላቸው ጥሪ ደስተኛ መሆናቸውንም ተናግረዋል።

በአንድ ወር የሚዘንብ ዝናብ መጠንን በአንድ ሰዓት ባስተናገደችው ስፔን ሺዎች ተፈናቀሉ

በአንድ ወር የሚዘንብ ዝናብ መጠንን በአንድ ሰዓት ባስተናገደችው ስፔን በሺዎች የሚቆጠሩ ዜጎቿ ተፈናቅለዋል፡፡

ከሁለት ሳምንታት በፊት በስፔን ቫሌንሺያ ከባድ ዝናብ ባስከተለው የጎርፍ አደጋ የበርካታ ሰዎች ሕይወት ማለፉ ይታወሳል፡፡

በዛሬው ዕለትም ሀገሪቱ በአንድ ወር የሚዘንብ ዝናብ መጠንን በአንድ ሰዓት በማስተናገዷበሺዎች የሚቆጠሩ ዜጎቿ መፈናቀላቸው ተሰምቷል፡፡

በሀገሪቱ ማላጋ አካባቢ ከ4 ሺህ በላይ ሰዎች ሲፈናቀሉ÷ከ1 ሺህ በላይ ቤቶች ደግሞ በጎርፉ አደጋ ከጥቅም ውጭ መሆናቸውን በአንዳሉሺያ የጎርፍ አደጋ ፕላን ዳይሬክተር አንቶኒዮ ሳንዝ አስታውቀዋል።

አሁንም ከባድ ዝናብ እስከ ምሽት ድረስ ከማላጋና ግራናዳ እስከ ቫሌንሲያ እና ታራጎና ሊቀጥል እንደሚችል መመላከቱን ሲኤንኤን ዘግቧል።

#ወጣቶቻችን😥

" ከአንድ ወረዳ ብቻ ከ2 ሺህ በላይ ወጣቶች በህገ-ወጥ መንገድ ተሰደው 200 ያህሉ ለህልፈት ተዳርገዋል " - የእገላ ወረዳ አስተዳደር

እገላ ከትግራይ ማእከላዊ ዞን ወረዳዎች አንድዋ ስትሆን የኤርትራዋ ፆሮና ጎረቤት ናት።

ከትግራዩ ጦርነቱ በፊት የወረዳዋ ዋና ከተማ በሆነችው ገርሁስርናይ በቀን በርካታ የኤርትራ ስደተኞች በህገወጥ መንገድ ወደ ኢትዮጵያ ትግራይ ክልል የሚተላለፉባት ነበረች።

ከጦርነቱ በኋላ በእገላ ወረዳ በተለይ በገርሁስርናይ ከተማ ብዙ ነገሮች ተቀያይረዋል።

ወረዳዋ በተለይ ከተማዋ በከፍተኛ ሁኔታ ወድመዋል።

አሁንም ድረስ ወረዳዋ በኤትርራ ድንበር የምትገኝ በመሆንዋ የተሟላ ፀጥታ አላት ለማለት ያስቸግራል ይላሉ የአከባቢው ነዋሪዎች።

በወረዳዋ የሚታየው ህገ-ወጥ ስደት እጅግ አስደንጋጭና አስፈሪ መሆኑ የአደጋው ሰለባዎች እና የመንግስት አካላት ጭምር ይናገራሉ።

አቶ ዘርኢሰናይ መንግስቱ የተባሉ የገርሁስርናይ ከተማ ነዋሪ ለትግራይ የመገናኛ ብዙሃን ኤጀንሲ ሬድዮ ባጋሩት መረጃ የህዝብ ማመላለሻ መኪና ሹፌር በመሆን ሲተዳደር የነበረው የ22 ወጣት ልጃቸው ህገ-ወጥ ስደት ተነጥቀዋል።

ከእገላ ወረዳ አስተዳደር የተገኘው መረጃ እንደሚያሳየው ባለፈው 2016 ዓ/ም የመጨረሻ ወራት ብቻ 192 ሴቶች የሚገኙባቸው ከ 2 ሺህ በላይ  ወጣቶች በህገ-ወጥ መንገድ ተሰደው ከ1300 በላይ በስደት በተጓዙበት አገር ፓሊስ በአጭር ጊዜ ተይዘው ሲመለሱ 200 የሚያህሉ ግን ለህልፈት ተዳርገዋል።

የወረዳው ከፍተኛ አመራር ፅጌ ተ/ማርያም እንዳሉት፤ በአከባቢው የሚታየው ህገ-ወጥ የስደት ፍልሰት እጅግ አስፈሪና አስደንጋጭ ነው።

ወረዳው ከጦርነቱ ጋር በተያያዘ ይህ ነው የሚባል በጀት ያለው ባይሆንም የወጣቶች ስደት ለማስቀረት ያለመ የመስሪያ ቦታ በመስጠት ላይ እንደሚገኝ ገልጸዋል።

በተያዘው የበጀት ዓመት የህገ-ወጥ ስደት ፍልሰት በከፍተኛ ቁጥር ለመቀነስ ወረዳው አቅዶ እየሰራ ነው።

ይሁን እንጂ ጦርነት ወለዱ የበጀት እጥረት ለተያዘው እቅድ መሳካት ሳንካ ሊሆን ስለሚችል በወጣቶች አቅም ግንባታ እና ህገ-ወጥ ስደት መከላከል ዙሪያ የሚሰሩ ምግባረ ሰናይ ድርጅቶች እንዲያግዙዋቸው ሃላፊው ጥሪ አቅርባዋል።

#Ethiopia #TigrayRegion

@tekivah_ethiopia

ተሽከርካሪን በመጠቀም በተለያዩ ቦታዎች እየተንቀሳቀሱ ወንጀል ሲፈፅሙ የነበሩ ተጠርጣሪዎች በተደረገባቸው ክትትል በቁጥጥር ስር ዋሉ‼️

የአዲስ አበባ ፖሊስ የክትትልና ኦፕሬሽን ክፍል በቁጥጥር ስር ያዋላቸው ተጠርጣሪዎች የተለያዩ ዘዴዎችን እየተጠቀሙ በተሽከርካሪ በመንቀሳቀስ የስርቆት እና የቅሚያ ወንጀል የሚፈፅሙ ናቸው ተብሏል፡፡

ተጠርጣሪዎቹ ሳሪስ አካባቢ በአንድ ግለሰብ ላይ ምራቅ በመትፋት እና ምራቁን የተፉት ባለማወቅ እንደሆነ ተናግረው ይቅርታ በመጠየቅ ምራቁን ከግለሰቡ ላይ የሚጠርጉ በመምሰል ከኪሱ ውስጥ ሞባይል ስልክ ሰርቀው በተለምዶ “ትፍታ” የሚባለውን ወንጀል ፈፅመው የሰሌዳ ቁጥር ኮድ 2-B41536 አ.አ በሆነ ተሽከርካሪ ተሳፍረው ተሰውረዋል፡፡

በአዲስ አበባ ፖሊስ የክትትልና ኦፕሬሽን ክፍል አባላት ክትትል ሲደረግባቸው የነበሩት እነዚህ ተጠርጣሪዎች በድጋሚ ወደ ለገሃር አካባቢ በመምጣት ተመሳሳይ ወንጀል ለመፈፀም ሙከራ አድርገው ሲያመልጡ የክትትል አባላቱ ቸርችል ጎዳና አካባቢ በቁጥጥር ስር አውለዋቸዋል፡፡

ተጠርጣሪዎቹ ለወንጀል ተግባር የሚጠቀሙበት ተሽከርካሪ ሲፈተሽ አራት ሞባይል ስልኮች ተገኝተዋል። ከእነዚህ ስልኮች መካከልም አንዱ የህጻናት ፎቶ በእስክሪኑ ላይም የሚገኝ ሲሆን በእነዚህ ተጠርጣሪዎች ወንጀል ተፈፅሞብኛል የሚል ግለሰብ አራዳ ክፍለ ከተማ ፖሊስ መምሪያ በአካል በመቅረብ መረጃ መስጠት እንደሚችልም ተገልጿል፡፡

"እኛ ተጠቃሚ ነን አንልም ሚጠቀመው ሌላ አካል ነው" ቡና አምራች አርሶአደሮች

በሲዳማ ክልል 170 ሺህ ሄክታር በቡና የተሸፈነ ሲሆን ከዚህም ውስጥ 143 ሺህ ሄክታሩ ምርት የሚሰጥ ነው ከዛ 159 ሺህ ቶን ይጠበቃል። አጠቃላይ 401 ሺህ ቡና አምራች የሆነ አርሶ አደርም በክልሉ በዚሁ ዘርፍ ተሰማርቶ ይገኛል።

ሆኖም ቡና አምራች አርሶአደሮች ከተጠቃሚነት አንጻር ቅሬታ ሲያቀርቡ ይደመጣል። ቲክቫህ ኢትዮጵያ በክልሉ በተለያዩ አካባቢዎች ቡናን የሚያመርቱ አርሷደሮችን ጠይቋል።

ቡና አምራች አርሷደሮች ምን አሉ?

የቡና ተክል ተክለን ፍሬ ለማግኘት ከ3-5 ዓመት እንደሚፈጅባቸው የነገሩን አንድ አርሶአደር፥ ቡና በማምረት ውስጥ ያለው ድካም ቀላል እንዳልሆነና ነገር ግን ፍሬው ሲታይ ድካሙ ሁሉ እንደሚጠፋ ይገልጻሉ።

"ሆኖም ለገቢያ ሲወጣ የሚቀርብበት የሽያጭ ዋጋ ልብ ሰባሪ ነው" ሲሉ ነው የተናገሩት። "ልክ ካመረትን በኋላ ለነጋዴዎች ነው ምናስረክበው ለመሀበራት ሚያስረክቡም አሉ። አምና መጨረሻው 30 ብር ነበር ዘንድሮ 35 ብር ነበር የጀመረው አሁን 45 ብር ደርሷል በኪሎ ይህ ደሞ ከልፋታችን አንጻር በጣም የወረደ ሂሳብ ነው" ሲሉ ያስረዳሉ።

"እኛ ተጠቃሚ ነን አንልም ሚጠቀመው ሌላ አካል ነው (በስም ያልገለጿቸው) እንደውም አንዳንዴ መሬቱን ሽጠን ወደሌላ ዘርፍ እንግባ ብለንም እናስባለን፣ በዚህ ሰዓት ቡና ብቻ አምርቼ ኖራለው ብሎ ማሰብ ከባድ ነው።" ሲሉም ጉዳቱን ያነሳሉ።

"በአሁን ገበያ አንድ ሰራተኛ ቡና ሊለቅም እንኳን ሚገባ በ120 ብር ነው ሚሰራው አሁን ላይ የሚሸጠው በ 45 ብር ነው ምናልባት 10 ሰው ሊለቅም ከገባ ገንዘቡ ለዛ ብቻ ነው ሚውለው ማለት ነው። እንደውም አምና ለሰራተኛ ብቻ ሰጥተን ነው የገባነው ዘንድሮም ያው ነው።" በማለት ቅሬታቸውን ያቀርባሉ።

ለመሆኑ ዋጋውን የሚወስነው ማነው ?

"ዋጋውን እራሳቸው ይወስናሉ እኛ ማን እንደሚወስን የምናውቀው ነገር የለም በዚህ ያህል ተከፈተ ሲባል ነው የምናውቀው ህብረቱም በዚህ ዋጋ ከፈተ ሲባል ነው ምንሰማው፣ ምናልባት ባለሀብቱ አንድ ብር እንኳን አሳልፎ ከገዛ እንኳን ያንን ባለሀብት ተረባርበው እንዴት እንዲህ አደረክ ብለው ወዲያው ይጣሉታል የትኛው አካል እንደዚህ እንደሚያደርግ ግን አናውቅም።" ሲሉ ይናገራሉ።

አክለውም፥ "እነሱ እኮ (ቡናውን የሚረከቡት ለማለት ነው) ስራውን በጀመሩ ሦስት እና አራት ዓመት ነው በብልጽግና ማማ ላይ የሚወጡት በጣም አልፈው ነው ሚሄዱት፤ አርሷደሩ እንደለፋ አላገኘም ባለስልጣናቱም ጭምር በእኛ ዘንድ ይታማሉም" ብለውናል።

"የሚመለከተው አካል ቢደርስልን እየተንገዳገድን ነው ወደ መውደቅ እየደረስን ነው ታች ተወርዶ ምን እየተካሄደ ነው ሚለውን አይቶ የቡናን ነገር ቢያይልን የዋጋውን ነገር ቢመለከትልን" ሲሉም ጠይቀዋል።

"ቡናችን ለአርሷደሩ ብቻ ሳይሆን ለሀገር የሚጠቅም ነገር ነው ህብረተሰቡ በዋጋ ማነስ ምክንያት ወደሌላ ምርት ፊቱን ካዞረ ጉዳቱ እንደ ሀገር ስለሆነ የገቢ ምንጭም ስለሚቀንስ መንግስት አርሷደሩን ወርዶ ቢመለከት ቢያወያዩ አርሷደሩ እንዳይጎዳ ቢያደርግ መልካም ነው" ሲሉ ጥሪያቸውን አቅርበዋል።

በጉዳዩ ላይ የክልሉ ቡና ፍራፍሬና ቅመማ ቅመም ባለስልጣንን ጠይቀናል ምላሹን የምናቀርብ ይሆናል።

#TikivahEthiopia

"አርሷደሩ ተጠቃሚ ነው ማለት ይቻላል" የሲዳማ ክልል ቡና ፍራፍሬና ቅመማ ቅመም ባለስልጣን

በሲዳማ ክልል ባለፈው ዓመት 25 ሺህ 572 ቶን ነው ወደ ማከላዊ ገበያ መቅረቡን እና በዘንድሮም ዓመትም በ15 ሺ በማሳደግ ወደ አርባ ሺ ቶን ለማዕከላዊ ገቢያ ለማቅረብ እቅድ መያዙን የክልሉ ቡና ፍራፍሬና ቅመማ ቅመም ባለስልጣን ዋና ዳይሬክተር መስፍን ቃሬ ለቲክቫህ ኢትዮጵያ ገልጸዋል።

ቡና በክልሉ በምን መንገድ ነው ለማዕከላዊ ገቢያ የሚቀርበው?

ዋና ዳይሬክተሩ ቡና አሁን ላይ በሦስት ዋና ዋና መንገዶች እየተሰበሰበ ይገኛል ብለዋል። በዚህም የመጀመሪያው በማኅበራት በኩል የሚሰበሰብ እንደሆነ ገልጸዋል።

በክልሉ ከ77 በላይ የቡና ምርት የሚሰበስቡ መሰረታዊ የህብረት ስራ ማኅበራት እንደሚገኙ አስቀምጠዋል። "እነዚህ [ማኅበራቱ] ከአርሷደሩ ምርቱን ተቀብለው ለዩኒየኑ [የሲዳማ ቡና አብቃይ ዩኒየን] አቅርበው ዩኒየኑ ደግሞ እስከውጪ ኤክስፖርት ያደርጋል" ሲሉ ያስረዳሉ።

ሁለተኛው መንገድ ደግሞ አቅራቢ ነጋዴዎች አማካኝነት የሚሰበሰብ እንደሆነ ነው የገለጹት። " ከ205 በላይ በግል ኢንዱስትሪ ያላቸው አቅራቢ ነጋዴዎች እና 129 በአክሲዮን የሚሰሩ አሉ በእነዚህ እየተሰበሰበ ለላኪዎች ቀርቦ ላኪዎች ደግሞ ቡናውን ኤክስፖርት የሚያደርጉበት አሰራር አለ።" ብለዋል። 

አቶ መስፍን ሦስተኛውን መንገድ ሲገልጹ፥ "ሶስተኛው ደግሞ ሁለት ሄክታር እና ከዛ በላይ ቡና ማሳ ያላቸው አርሷደሮች አሉ 262 ናቸው እነዚህ የራሳቸውን ቡና ብቻ ሰብስበው አድርቀው ለውጭ ገበያ ያቀርባሉ።" ሲሉ ተናግረዋል።

በዚህም፥ "ላኪ የሆኑ አርሷደሮች ቡናቸውን ተደራድረው፤ ጥራት ያለው ቡና አዘጋጅተው እስከ ውጪ ድረስ የሚልኩበት አሰራር አለ" ብለዋል።

አክለውም፥ "ለማኅበራት የሚያስረክቡ ደግሞ ሲያስረክቡ ቅድመ ክፍያ ያገኛሉ፤ ማኅበራቱ ካተረፉ ደግሞ ሁለተኛ ክፍያ ያገኛሉ፤ ዩኒየን ካተረፈው ደግሞ ሶስተኛ ክፍያ የሚያገኙበት አሰራር አለ" ሲሉ ያስረዳሉ።

የመሸጫ ዋጋው ጉዳይስ ?

አቶ መስፍን ዋጋውን ሲያስረዱ፥ አሁን ላይ በክልሉ ሁለት አይነት ቡና እንደሚዘጋጅ ይጠቅሳሉ። "በምዕራብ ዞኖች እና ወረዳዎች አካባቢ ማለትም ከሀዋሳ ጀምሮ እስከ ዲላ በንቴ ያሉ ወረዳዎች ከ47-49 ብር ነው በኪሎ እየሸጡ ያሉት፤ በምስራቅ በኩል ያሉ ወረዳዎች ደግሞ ከ50-70 ብር እየሸጡ ነው ያሉት፤ በየወረዳው ዋጋው የሚለዋወጥበት ሁኔታ ነው ያለው ይህ ማለት የቡናው ጥራትም በዛው ልክ ይለያያል ዋጋው ሚለያየውም ለዛ ነው።" የሚል ምላሻቸውን ሰጥተዋል።

አክለውም፥ "አሁን ያነሳነው ዋጋ [ከ47 - 70 ብር በኪሎ ብለው ከላይ የጠቀሱት] የእሸት ቡና ዋጋ ነው። ከ100 ኪሎ እሸት ቡና ከ 19-20 ኪሎ ደረቅ ቡና ይወጣል። [ይኽም] 5.5 ኪሎ እሸት ቡና አንድ ኪሎ ንጹህ ቡና ይወጣዋል የሚለውን ካሰላን በዛ ማግኘት ይቻላል።" ሲሉ ያስረዳሉ።

አርሶአደሩ ተጠቃሚ ነው ማለት ይቻላል?

ይህንን ጥያቄ ያቀረብንላቸው ዋና ዳይሬክተሩ፥ "አዎ አርሷደሩ ተጠቃሚ ነው ማለት ይቻላል" የሚል ምላሽ ሰጥተውናል። አክለውም "ዝቅተኛ መሬት ያለው አርሷደር ብዙም ተጠቃሚ ላይሆን ይችላል፤ ግን አማካይ እና ደህና መሬት ያለው ተጠቃሚ የሚሆንበት አግባብ አለ" ነው ያሉት።

ይኽን ሲያስረዱም፥ "ምርትና ምርታማነቱን የሚያሳድግ አርሷደር ተጠቃሚ ነው የሚሆነው ዝቅተኛ፣ መካከለኛ እና ከፍተኛ ምርት ሚያገኝ አለ ያ ከፍተኛ ምርት የሚያገኘው የባለሙያ ምክር እና ሳይንሳዊ ፓኬጁን በአግባቡ ተግባራዊ ያደረገ አርሷደር ነው። የተሰጠውን ምክር ቶሎ ተቀብሎ ተግባራዊ የሚያደርግ አርሷደር የተሻለ ተጠቃሚ ነው የሚሆነው።" ሲሉ ይገልጻሉ።

"ቡናን ተክለው ቡናን አምርተው እስከ ኢንዱስትሪ የደረሱ አርሷደሮች አሉ፤ ሁለት እና ከዛ በላይ ሄክታር ያላቸው አርሷደሮች ምርታቸውን እስከ ውጭ ሀገር ድረስ ልከው ሀብታም የሆኑ አሉ፤ በ2016 ዓ.ም እራሱ "Cup of Excellency" ላይ ተወዳድሮ ያሸነፈ አለ፤ ይሄ አርሶአደር ምርቱን አዘጋጅቶ ከ10 ሚልዮን ብር በላይ ነው የሸጠው ይህ ቀላል ነገር አይደለም። ስለዚህ ተጠቃሚነታቸው በሰሩት እና በለፉት ልክ ነው ሚሆነው ማለት ነው።" ሲሉ ያነሳሉ።

አክለውም "የተሻለ መሬት ያለው አርሷደር በቡና ምርት ላይ የሚሳተፍ ከሆነ የተሰጠውን የባለሙያ ምክር በአግባቡ የሚጠቀም ከሆነ እና ፓኬጁን ተግባራዊ የሚያደርግ ከሆነ ቡና ላይ ተጠቃሚ የሚሆንበት አግባብ ነው ያለው።" ሲሉ ተናግረዋል።

#TikivahEthiopia

#Update

ሲጠበቁ የነበሩ ሁለት መመሪያዎች ፍትህ ሚኒስቴር ማጽደቁ ተሰምቷል።

መመሪያዎቹ "የሰነደ ሙዓለ ነዋይን ለህዝብ የማቅረብ ግብይት መመሪያ " እና "ራሳቸውን በራሳቸው የሚያስተዳድሩ ድርጅቶች ቁጥጥር መመሪያ "  ናቸው።

ሁለቱን መመሪያዎች ሚኒስቴር መስሪያ ቤቱ  በትላንትናው ዕለት መዝግቦ አጽድቋቸዋል።

የሰነደ ሙዓለ ነዋይን ለህዝብ የማቅረብ ግብይት መመሪያን በሚመለከት የኢትዮጵያ የካፒታል ገበያ ባለሥልጣን ዋና ዳይሬክተር ሃና ተልህኩ ዝርዝር ማብራሪያ ሰጥተዋል።

ሰነደ ሙዓለ ነዋይን በሚመለከት ከዚህ ቀደም የተማከለ እና ሂደቱን የሚቆጣጠር ህግ እና ተቆጣጣሪ አካል ያልነበረ በመሆኑ የሰነደ ሙዓለ ነዋዮችን ማውጣት እና ግብይት በርካታ ችግሮች እንደነበሩበት ገልጸዋል።

በዚህ መሃል ለህዝብ የሚቀርቡ መረጃዎች ምንነት ፣ለሚቀርቡ መረጃዎች ሃላፊነት የሚወስዱ ሰዎች ማንነት፣ ሃላፊነት እና ግዴታቸው ምን ድረስ ነው፣ ሰነደ ሙዓለ ነዋይ ከወጣ በኋላ በዛ መንገድ የሚገኘው ገንዘብ ለምን ዓላማ እንደሚውል፣ አውጪዎች የሚኖርባቸው ተግባር እና ሃላፊነት ምንድነው የሚለውን ማወቅ ላይ ከዚህ ቀደም በነበሩ ህጎች ያለተዳሰሱ ስለነበር ገበያው በርካታ ችግሮች እንደነበሩበት ዳይሬክተሯ ተናግረዋል።

ይህንን ችግር ለመቅረፍም የካፒታል ገበያ አዋጅን መሰረት በማድረግ አዲሱ መመሪያ መዘጋጀቱን ጠቁመዋል።

መመሪያው በአጠቃላይ በኢትዮጵያ ውስጥ የሰነደ ሙዓለ ነዋይ ለሽያጭ የሚቀርብበትን እና የሰነደ ሙዓለ ነዋይ ግብይት የሚገዛበት ዝርዝር የያዘ የህግ ማዕቀፍ ነው።

በአዲሱ መመሪያ መሰረት ከአሁን በኋላ ሁሉም ሰነደ ሙዓለ ነዋዮች በኢትዮጵያ ካፒታል ገበያ ባለሥልጣን ቀርበው መጽደቅ አለባቸው።

በዚህ ሂደት ላይ የሚሳተፉ አካላት የምዝገባ ሰነዳቸውን ለባለሥልጣኑ አቅርበው ማጸደቅ የሚጠበቅባቸው ሲሆን የምዝገባ ሂደቱም ዝርዝር ሂደቶችን የያዘ ነው።

በአዲሱ መመሪያ መሰረት ከሰነደ ሙዓለ ነዋይ ጋር የተያያዙ ማስታወቂያዎች የሚተላለፉት ይዘታቸው እና ለህዝብ ይፋ የሚደረጉበት መንገድ ባለሥልጣኑ ተመልክቶ ሲያጸድቀው ብቻ ይሆናል።

መመሪያው ካካተታቸው እና ከዘረዘራቸው ጉዳዮች መካከል ዋና ዋናዎቹ :-

1 የሰነደ ሙዓለ ነዋይ ምዝገባ

2 ለ ኢንቨስተሮች መቅረብ ስላለበት የደንበኛ ሳቢ መግለጫ ይዘት እና የአቀራረብ መንገድ ሂደት እንዲሁም ተያይዞ ስለሚመጣ ሃላፊነት።

3 ስለ ሰነደ ሙዓለ ነዋይ ማስታወቂያ ይዘት እና አቀራረብ እንዲሁም ስለሚያስፈልገው ፍቃድ።

4 የሰነድ ሙዓለ ነዋይ ሽያጭ እና ድልድል
አጠቃቀሙ እና ስራ ላይ ስለሚውልበት አካሄድ እና ሁኔታ።

5 አንድ የሰነደ ሙዓለ ነዋይ አውጪ ሰነደ ሙዓለ ነዋይ ለህዝብ ሽጦ እንደ ህዝብ ኩባንያ በሚንቀሳቀስበት ጊዜ በቀጣይነት ስለሚኖርበት ሃላፊነት እና የዚህ የህግ ጥሰቶች በቀጣይነት ስለሚያስከትሉት አስተዳደራዊ እርምጃዎች ይገኙበታል።

በዚህ መሰረት ከዚህ በኋላ የሰነደ ሙዓለ ነዋዮች በኢትዮጵያ ካፒታል ገበያ ባለሥልጣን ካልተመዘገቡ ወይም በአዋጁ እና በመመሪያው ከዚህ ምዝገባ ነጻ ካልተደረጉ በቀር በኢትዮጵያ ውስጥ ለሽያጭ መቅረብ አይችሉም።

በተጨማሪም ማንኛውም ሰነደ ሙዓለ ነዋዮችን ለህዝብ ለማቅረብ የሚፈልግ ኩባንያ ሰነዶችን ለህዝብ ከማቅረቡ በፊት ዝርዝር መረጃዎችን ያካተተ የደንበኛ ሳቢ መግለጫ ለባለሥልጣኑ ማቅረብ እና ማጸደቅ የሚጠበቅበት ሲሆን ይህንን ከማድረጉ በፊት ማስታወቂያ ማሰራትም ሆነ ከኢንቨስተሮች ጋር ግንኙነት ማድረግ አይችልም።

መመሪያው በባለሥልጣኑ ገጽ ላይ ከተጫነበት ጊዜ ጀምሮ ተግባራዊ መሆን ይጀምራል።

በመመሪያው የመሸጋገሪያ ድንጋጌ መሰረትም አሁን ላይ ሰነደ ሙዓለ ነዋዮችን እያቀረቡ ያሉ ኩባንያዎች እና አስቀድመው ተሽጠው በአክስዮን ባለድርሻዎች እጅ ላይ የሚገኙ ሰነደ ሙዓለ ነዋዮችን በሚመለከት በአንድ አመት ጊዜ ውስጥ መመዝገብ እንዳለባቸው አስቀምጧል።

#Tikivahethiopia

በኦሮሚያ ክልል የተለያዩ አካባቢዎች ሕዝባዊ ሰልፎች ተካሄዱ

በኦሮሚያ ክልል የተለያዩ አካባቢዎች ሰላምን ለማፅናት ያለሙ ሰላማዊ ሰልፎች ተካሂደዋል።

ሕዝባዊ ስልፉ በምዕራብ ሸዋ፣ ምስራቅ ሸዋ፣ ቄለም ወለጋ እና የአርሲ ዞኖች እየተደረገ ሲሆን፤ በሕዝባዊ ሰልፉ ላይ አባ ገዳዎች፣ ሀደ ሲንቄዎች፣ የሃይማኖት አባቶችና የተለያዩ የሕብረተሰብ ክፍሎች ተሳትፈዋል።

የሰልፉ ተሳታፊዎች 'ሰላምን ለማጽናት የበኩላችንን እንወጣለን'፣ 'በሰላም እጦት ምክንያት የህዝቡ ስቃይ ሊቆም ይገባል'፣ 'ወደ ሰላም መመለስ መሰልጠን ነው' የሚሉና ሌሎች መልዕክቶችን ማስተላለፋቸውን የክልሉ ኮሙኒኬሽን መረጃ አመላክቷል።

አዲሱ የአሜሪካ ፕሬዝዳንት ዶናልድ ትራምፕ በ50 የአሜሪካ እስቴቶች ውስጥ የሚደረገውን ፆታ መቀያየር ከወንድ ወደ ሴት ፤ ከሴት ወደ ወንድ የሚደረገውን የፆታ ቅይይርን [ Transgender ] ሙሉ በሙሉ የሚያስቆም ህግ ለማውጣት እንቅስቃሴ መጀመራቸው ተገልጿል ። 👏

የሲዳማ ክልል ፖሊስ ኮሚሽን ኮሚሽነር አቶ ሽመልስ ቶማስ በሀዋሳ ከተማ በተካሄደው የሃገራዊ የሰላም ኮንፍራስ ላይ የሙሉ ኮምሽነር ማዕረግ ሹመት ተሰጣቸው!!!

የሲዳማ ክልል ፖሊስ ኮሚሽን ባለፉት ሁለት አመታት ውስጥ በርካታ ሪፎርሞችን ሰርቻለሁ ያለ ሲሆን ከተቋሙ ላይ ፍፁም ወገንተኝነት እና ብልሹ የሌቤነት አሰራርን ያለ ርራሄ በመታገል ፍትሃዊ ገለልተኛ መስመር ያለውን ጠንካራ ተቋም እንዲፈጠር አስችለናል ተብሏል።

በሲዳማ ክልል ብቻ ሳይሆን በአጎራባች ክልሎች ያለውን የሰላም ሁኔታ ለማስጠበቅ ቀን ሳይል ማታ ሳይል በብቃት ተልዕኮችን እየፈፀመ በብቃት እያከወነ ያለ ጠንካራ የፖሊስ ተቋም አቅም ያለው ሃይል ገንብተናል ብለዋል።

ከተቋሙ የሲዳማ ፖሊስ ኮሚሽን ግቢ የጀመርነው የግንባታ ሪፎርም እንደ ክልል አድጎ መሰረታዊ ቅርፅ ይዞ በመዋቅሩ ላይ አሻራ ጥሎ የሲዳማ ክልል ፖሊስ እስከ መጨረሻ ከክራይ ቤት ያዳነ ፕሮጀክት ይዘን በማጠናቀቅ ላይ እንገኛለን ብለዋል።

በህብረተሰብ ተሳትፎ የፖሊስ ተቋሙን ለመገንባት እና ለማዘመን በተያዘው እቅድ መሰረት ከህብረተሰብ ክፍሉ 1.1 ቢሊዮን ብር በላይ በመሰበብ 42 የፖሊስ ፅ/ቤት 640 የመረጃ መቀበያ መሰረተ ግንባታዎችን በ90 ቀን ገንብተን ለማጠናቀቅ እየሰራን ሲሆን ያጠናቀቅነውም አለ።

በሲዳማ ፖሊስ ታሪክ ለመጀመሪያ ጊዜ ለፖሊስ ሃይሉ እና ለቤተሰባቸው ነፃ የህክምና አገልግሎት የሚያገኙበት የፖሊስ ጤና ጣቢያ ከሟቋቋም ባለፈ ለፖሊስ ኮሚሽኑ ገራጅ እና ነዳጅ ማደያ ግንባታዎችን ከትራንስፎርሜሽን እቅድ ውስጥ አስገብተን ሪፎርሙን እያከናወንን እንገኛለን ብለዋል።

የዚህ የትራንስፎርሜሽ እቅድ አውራ አካል የሆኑት የሲዳማ ክልል ፖሊስ ኮሚሽን ኮሚሽነር ሽመልስ ቶማስ በክልሉ የመጀመሪያው የሆነውን የሙሉ ኮምሽነር ማዕረግን አግኝተዋል።

በኮንፍራንሱ ላይ የሁሉም ክልል የሰላምና ፀጥታ ቢሮ ሃላፊዎች, ኮሚሽነሮች, የመከላከያ ሰራዊቱ አመራሮች, የብሔራዊ መረጃ ደህንነት አመራሮች, እና ሚኒስተሮች ተገኝተዋል።

#USA #MASS_DEPORTATION

ትራምፕ በሚሊዮን የሚቆጠሩ ዶክመንት የሌላቸው ሰዎችን ከአሜሪካ ለማስወጣት ምን ያህል በጀት ያስፈልጋቸው ይሆን ?

ተመራጩ የአሜሪካ ፕሬዜዳንት ዶናልድ ትራምፕ ልክ በፕሬዜዳንትነት ስራ ሲጀምሩ የመጀመሪያ ስራቸው ይሆናል የተባለው በአሜሪካ ታሪክ ከፍተኛ የተባለ ዶክመንት የሌላቸው ሰዎችን ከሀገር ማስወጣት / የዲፖርቴሽን ስራ ነው።

ይህ ግዙፍ የተባለ ዲፖርቴሽን በቢሊዮን ዶላሮችን ሊጠይቅ ይችላል።

እሳቸው ግን ይህ የዲፖርቴሽን ጉዳይ " ምንም ዋጋ የሚወጣለት / ዋጋ የሚለጠፍለት አይደለም " ብለዋል።

ከአሁን በኃላ የአሜሪካ ድንበሮች እጅግ ጠንካራ ደህንነት ያለባቸው ኃይለኛ ድንበሮች እንደሚሆኑ ጠቁመዋል።

" እውነት ለመናገር ምንም ምርጫ የለንም " ያሉት ትራምፕ ፤ በሀገሪቱ ሰዎች እየተገደሉ እና የአደንዛዥ እጽ አዘዋዋሪ ጌቶች ሀገሪቱን እያወደሙ የሚኖሩበት ምንም ምክንያት የለም ብለዋል።

" አሁን እነዚህ ሰዎች እዚህ አይቆዩም ፤ እንዲቆዩም አይደረግም ወደነዛ ሀገራት ይመለሳሉ " ሲሉ ገልጸዋል።

ለዚህ ደግሞ ምንም ዋጋ የሚለጠፍለት እንዳልሆነ ጠቁመዋል።

ትራምፕ በምርጫ ዘመቻ ዶክመንት የሌላቸው ሰዎችን ለማስወጣት የገቡትን ቃል እንደሚተገብሩ አጽንኦት ሰጥተዋል።

" በቀላል መመሪያ ነው የማስተዳድረው " ያሉት ትራምፕ " የገባሁትን ቃልኪዳን አክብራለሁ አስፈጽማለሁ " ብለዋል።

እንዴት ባለ መንገድ እንደሚያስፈጽሙት ባይታወቅም ትራምፕ ከ11 ሚሊዮን እስከ 21 ሚሊዮን ሰዎችን ከአሜሪካ ሊያስወጡ እንደሚችሉ ተነግሯል።

ትክክለኛ ዶክመንት የሌላቸው ሰዎች ምን ያህል እንደሆኑ አይታወቅም። ምናልባትም አሁን ከሚባለው 21 ሚሊዮን ሊያንስ እንደሚችል ነው የሚነገረው።

' ፒው ሪሰርች ሴንተር ' 2021 ላይ ይፋ ባደረገው ዳታ 10.5 ሚሊዮን ዶክመንት የሌላቸው ሰዎች አሜሪካ ውስጥ አሉ።

#USA #NBC

#AddisAbaba

" አሁንም አንዳንድ የቤት ባለቤቶች ወደ ቤታቸው ለመግባት ምንም እንቅስቃሴ እያደረጉ አይደለም ፤ ይህ የመጨረሻ ማስጠንቀቂያ ነው " - ኮርፖሬሽኑ

የአዲስ አበባ ቤቶች ልማት ኮርፖሬሽን በተለያዩ ጊዜያት በእጣ እና በጨረታ ተላልፈው ነዋሪ ያልገባባቸው የጋራ መኖሪያ ቤቶች አስመልክቶ እስከ ጥቅምት 30/2017 ዓ.ም ድረስ የቤት ባለቤቶቹ ወደ ቤታቸው የማይገቡ ከሆነ በህግ አግባብ ውል የሚቋረጥ መሆኑን ማስጠንቀቁ ይታወሳል፡፡

በዚህም በርካታ የቤት ባለቤቶች ወደ ቤታቸው የገቡ ወይም ለመግባት ዕድሳት ላይ ስለመሆናቸው አደረኩት ባለው የአካል ምልከታ የተገነዘበ መሆኑን ገልጿል።

አሁንም ግን አንዳንድ የቤት ባለቤቶች ወደ ቤታቸው ለመግባት ምንም እንቅስቃሴ ያላደረጉ ፤ ነዋሪ ያልገባባቸው ቤቶች እንዳሉ መለየቱን አመክክቷል።

በኮርፖሬሽኑ የቀረበውን ጥሪ ተቀብለው ቤታቸውን አድሰው ለመግባት የጊዜ እጥረት ላጋጠማቸው አንዳንድ የቤት ባለቤቶች የተሰጠውን የጊዜ ገደብ አራዝሟል።

እስካሁን ድረስ ወደቤታቸው ለመግባት ምንም ይነት እንቅስቃሴ ያላደረጉ እንዲሁም ቤት ለማደስ የጊዜ እጥረት ያጋጠማቸው የቤት ባለቤቶች እስከ ህዳር 30 2017 ዓ.ም ወደ ቤታቸውን እንዲገቡ ለመጨራሻ ጊዜ አስጠንቅቋል።

በተሰጠው የጊዜ ገደብ ውስጥ የማይገቡ ነዋሪዎች የሽያጭ ውላቸው የሚቋረጥ እና በቤታቸው ውስጥ ለሚፈጸም ማንኛውም ህገወጥ ድርጊት ተጠያቂ የሚሆኑ መሆኑን ኮርፖሬሽኑ አሳስቧል።

ከዘህ ቀደም ኮርፖሬሽኑ ለቲክቫህ ኢትዮጵያ ሰጥቶት በነበረው ማብራሪያ ፥ ማስታወቂያው የወጣበት ዋናው ምክንያት ሰዎች ‘ ተቸገርን፣ ክፍት በሆኑ ቤቶች ወንጀል እየተሰራ ነው፣ እየተዘረፍን ነው፣ ሴቶች እየተደፈሩብን ነው፣ የጸጥታ ስጋትም እየሆኑብን ’ ብለው ቅሬታ ስላቀረቡ እንደሆነ መግለጹ ይታወሳል።

ቤቶቹ ቼክ ሲደረጉ ደግሞ እጣ ወጥቶባቸዋል፤ ውል ተፈጽሞባቸዋል፣ ግን ሰው አልገባባቸውም፡፡

" ስለዚህ ነዋሪው ተቸግሯል፡፡ የጸጥታ ኃይሉም ጥያቄ እያነሳ ነው " ብሎም ነበር።

" የቤት ባለቤቶች ቤታችሁን አድሳችሁ ግቡ " የተባለውም የግድ እራሳቸውን እንዳይሰለ አስረድቶ ነበር።

" ቢፈልጉ አድሶ ማከራየት መብት ነው፡፡ የራሳቸው ቤት እስከሆነ ድረስ፡፡ ግን ዞሮ ዞሮ ሰው በቤቱ ይኑርበት ነው የኛ ጥያቄ፡፡ አካራይ አታከራይ የኛ መልዕክት ሊሆን አይገባም፡፡ ግን ቤቱን ኦውን ያድረጉ " ነው የሚል ማብራሪያ ነበር ኮርፖሬሽኑ ለቲክቫህ ኢትዮጵያ የሰጠው።

#TikvahEthiopiaFamilyAA

ኢትዮ ቴሌኮም በቢሾፍቱ የ5ጂ ኢንተርኔት ኔትዎርክ አገልግሎት አስጀመረ‼️

በቢሾፍቱ ከተማ የቱሪዝም ዘርፉን ወደላቀ ደረጃ ለማሻገር ያስችላል የተባለው የ5ጂ አገልግሎቱን የቢሾፍቱ ከተማና የኢትዮ ቴሌኮም ከፍተኛ አመራሮች በይፋ አስጀምረዋል።

የኢትዮ ቴሌኮም ዋና ስራ አስፈፃሚ ፍሬህወት ታምሩ የ5ጂ አገልግሎት በቢሾፍቱ ከተማ መጀመሩ ከተማዋ በቱሪዝም፣ በንግድና በሌሎችም ዘርፎች ከፍተኛ ዕድገት ለማምጣት የሚያስችል መሆኑን ገልጸዋል።

በከተማዋ የ5ጂ አገልግሎት መጀመር ስማርት ቢሾፍቱን ለመገንባት አስተዋጽኦው ከፍተኛ መሆኑንም ተናግረዋል።

የቢሾፍቱ ከተማ ከንቲባ አቶ አለማየሁ አሰፋ፥ በዓለም አቀፍ ደረጃ የመጨረሻው ፈጣን የሆነውን የ5ጂ አገልግሎት በከተማዋ መጀመር የቢሮ ስራዎችን ለማቀላጠፍ፣ ለተገልጋዩ ፈጣን አገልግሎት ለመስጠት፣ ስማርት ሲቲን ለመገንባት፣ የቢሾፍቱን የቱሪስት መስህብነት አቅም ለማሳደግና በርካታ አገልግሎቶችን ለማከናወን የሚረዳ መሆኑን ገልፀዋል።

130 ዓመታት ለህዝቡ አገልግሎት ሲሰጥ የቆየው ኢትዮ ቴሌኮም ዓለማችን የደረሰችበትን የ5ጂ ኔትዎርክ አገልግሎት በቀጣይ በተለያዩ የሀገሪቱ አካባቢዎች ለማስጀመር እየሰራ መሆኑ ተገልጿል።

#ደመወዝ

" በእኛ መስሪያ ቤት በኩል የተስተካከለው የጥቅምት ወር ደመወዝ ተከፍሏል " - መኩሪያ ኃይሌ (ዶ/ር)

የሲቪል ሰርቪስ ኮሚሽን ኮሚሽነር የሆኑት መኩሪያ ኃይሌ (ዶ/ር) ፥ የመንግሥት ሠራተኞች የደመወዝ ማስተካከያን በተመለከተ ባሰራጩት ፅሁፍ፣ የገንዘብ ሚኒስቴር የተጨማሪ ክፍያ በጀቱን ለሚመለከታቸው ተቋማት ፈቅዷል። በእኛ መስሪያ ቤትም በኩል የተስተካከለውን የጥቅምት ወር ደመወዝ ተከፍሏል " ብለዋል።

" ሌሎችም እንደዚሁ የከፈሉ አሉ። የቀሩት ደግሞ የማጥራት ሥራ እየሰሩ ሊሆን ይችላል። " ሲሉ ገልጸዋል።

" እነዚያም ዝግጅታቸውን ሲያጠናቅቁ የተስተካከለው የጥቅምት ወር ክፍያ ታሳቢ በማድረግ የሚከፍሉ ይሆናል " ሲሉ አስረድተዋል።

" የተፈቀደው የመንግስት ሠራተኞች የደመወዝ ማስተካከያ ክፍያ ዘግይቷል፥ ቀርቷል የሚሉ ሃሳቦች እየተራመዱ ነው " ያሉት ኮሚሽነሩ " በሲቪል ሰርቪስ በኩል የሚለቀቁ መረጃዎች ኦፊሴላዊና የሚተገበሩ መሆኑን መተማመን ጥሩ ነው " ሲሉ ገልጸዋል።

" ከሠራተኞች ደመወዝ ስኬል ጋር በተገናኘ በማህበራዊ ሚዲያ የሚሰራጩ አሳሳች ወሬዎችን እንዳታምኗቸው መልዕክት አስተላልፌ ነበር " ሲሉም አክለዋል።

ከሰሞኑን ከሠራተኞች ደመወዝ ጋር በተገናኘ በተለያዩ የማህበራዊ ሚዲያዎች መረጃዎችን ተዘዋውረዋል።

ከነዚህም አንዱ ጭማሪው እንዳልተከፈለ የሚገልጽ ነው።

ነገር ግን በአንዳንድ መ/ቤቶች ጭማሪው መከፈሉ ታውቋል። ጭማሪው ያልተከፈለባቸውም መ/ቤቶችም ግን አሉ ፤ እነዚህ ናቸው ' እያጣሩ ናቸው " የተባሉት።

" ተጨምሯል የተባለው ገንዘብ ያን ያህል አይደለም " - ሠራተኞች

" የደመወዝ ጭማሪ ይደረጋል " የሚለውን መረጃ የሰሙ ሠራተኞች ከፍተኛ ጭማሪ ጠብቀው እንደነበር ነገር ግን እጃቸው ላይ የደረሰው እዚህ ግባ የማይባል እንደሆነ ለቲክቫህ ኢትዮጵያ ተናግረዋል።

አንድ ቃላቸውን የሰጡ ሠራተኛ ፥ " ምንኑን ከምኑን ልናደርገው ይሄ ብቻ እንደተጨመረ አልገባኝም " ብለዋል።

ጭማሪው አነስተኛ እንደሆነ የገለጹ አንዲት ሠራተኛ በበኩላቸው " ከሚጨመረው ብር በላይ ወሬው በዝቶ ይበልጥ ኑሮውን እንዳያስወድደው " ሲሉ ስጋታቸውን ገልጸዋል።

" አይደለም ደመወዝ ተጨመረ ተብሎ ሳይባል እንኳን ነጋዴው ሁሉን ነገር አምጥቶ የሚጭነው እኛው ድሃው ዜጎች ላይ ነው አሁን ተጨምሯል የተባለው ገንዘብ ከኑሮው ውድነቱ አንጻር ያን ያህል አይደለም፤ ጭራሽ ነጋዴዎቹ ዋጋ ጨምረው አሁንም አልገፋ ያለውን ኑሮን እንዳያከብዱብን " ብለዋል።

ያነጋገርናቸው ሌሎችም ሠራተኞች " ደመወዝ ተጨመረ " የተባለው አነስተኛ እንደሆነ፣ የቁጥጥር ስራ እንዲሰራ ፣ ሌሎች የሠራተኞችን ህይወት የሚያቀሉ መፍትሄዎች እንዲፈለጉ ጥሪ አቅርበዋል።

#AddisAbaba

" አሁንም አንዳንድ የቤት ባለቤቶች ወደ ቤታቸው ለመግባት ምንም እንቅስቃሴ እያደረጉ አይደለም ፤ ይህ የመጨረሻ ማስጠንቀቂያ ነው " - ኮርፖሬሽኑ

የአዲስ አበባ ቤቶች ልማት ኮርፖሬሽን በተለያዩ ጊዜያት በእጣ እና በጨረታ ተላልፈው ነዋሪ ያልገባባቸው የጋራ መኖሪያ ቤቶች አስመልክቶ እስከ ጥቅምት 30/2017 ዓ.ም ድረስ የቤት ባለቤቶቹ ወደ ቤታቸው የማይገቡ ከሆነ በህግ አግባብ ውል የሚቋረጥ መሆኑን ማስጠንቀቁ ይታወሳል፡፡

በዚህም በርካታ የቤት ባለቤቶች ወደ ቤታቸው የገቡ ወይም ለመግባት ዕድሳት ላይ ስለመሆናቸው አደረኩት ባለው የአካል ምልከታ የተገነዘበ መሆኑን ገልጿል።

አሁንም ግን አንዳንድ የቤት ባለቤቶች ወደ ቤታቸው ለመግባት ምንም እንቅስቃሴ ያላደረጉ ፤ ነዋሪ ያልገባባቸው ቤቶች እንዳሉ መለየቱን አመክክቷል።

በኮርፖሬሽኑ የቀረበውን ጥሪ ተቀብለው ቤታቸውን አድሰው ለመግባት የጊዜ እጥረት ላጋጠማቸው አንዳንድ የቤት ባለቤቶች የተሰጠውን የጊዜ ገደብ አራዝሟል።

እስካሁን ድረስ ወደቤታቸው ለመግባት ምንም ይነት እንቅስቃሴ ያላደረጉ እንዲሁም ቤት ለማደስ የጊዜ እጥረት ያጋጠማቸው የቤት ባለቤቶች እስከ ህዳር 30 2017 ዓ.ም ወደ ቤታቸውን እንዲገቡ ለመጨራሻ ጊዜ አስጠንቅቋል።

በተሰጠው የጊዜ ገደብ ውስጥ የማይገቡ ነዋሪዎች የሽያጭ ውላቸው የሚቋረጥ እና በቤታቸው ውስጥ ለሚፈጸም ማንኛውም ህገወጥ ድርጊት ተጠያቂ የሚሆኑ መሆኑን ኮርፖሬሽኑ አሳስቧል።

ከዘህ ቀደም ኮርፖሬሽኑ ለቲክቫህ ኢትዮጵያ ሰጥቶት በነበረው ማብራሪያ ፥ ማስታወቂያው የወጣበት ዋናው ምክንያት ሰዎች ‘ ተቸገርን፣ ክፍት በሆኑ ቤቶች ወንጀል እየተሰራ ነው፣ እየተዘረፍን ነው፣ ሴቶች እየተደፈሩብን ነው፣ የጸጥታ ስጋትም እየሆኑብን ’ ብለው ቅሬታ ስላቀረቡ እንደሆነ መግለጹ ይታወሳል።

ቤቶቹ ቼክ ሲደረጉ ደግሞ እጣ ወጥቶባቸዋል፤ ውል ተፈጽሞባቸዋል፣ ግን ሰው አልገባባቸውም፡፡

" ስለዚህ ነዋሪው ተቸግሯል፡፡ የጸጥታ ኃይሉም ጥያቄ እያነሳ ነው " ብሎም ነበር።

" የቤት ባለቤቶች ቤታችሁን አድሳችሁ ግቡ " የተባለውም የግድ እራሳቸውን እንዳይሰለ አስረድቶ ነበር።

" ቢፈልጉ አድሶ ማከራየት መብት ነው፡፡ የራሳቸው ቤት እስከሆነ ድረስ፡፡ ግን ዞሮ ዞሮ ሰው በቤቱ ይኑርበት ነው የኛ ጥያቄ፡፡ አካራይ አታከራይ የኛ መልዕክት ሊሆን አይገባም፡፡ ግን ቤቱን ኦውን ያድረጉ " ነው የሚል ማብራሪያ ነበር ኮርፖሬሽኑ ለቲክቫህ ኢትዮጵያ የሰጠው።

Almost አልቋል liveኡን ከፈለጋቹ በዚ link Sky news ላይ መከታተል ትችላላቹ

👉 https://www.youtube.com/live/6AyQ9-xwIUM?si=J0ejdl4zuvHdfCg0

ትራምፕ ማሸነፉን ተከትሎ መግለጫ ሊሰጥ እየተጠበቀ ነው

ሰበር ዜና : ዶናልድ ትራምፕ 47ኛው የአሜሪካ ፕሬዜዳንት ሆነው መመረጣቸው ይፋ ሆኗል።

ትራምፕ በነጩ ቤተመንግስት ለ 4 አመታት ይቆያል ሲል Fox News ዘግቧል።

#USElection

አሜሪካ ፕሬዝዳንታዊ ምርጫ እየተካሄደ ይገኛል።

ዶናልድ ትራምፕም በበርካታ ግዛቶች ድል ቀንቷቸው ምርጫውን እየመሩ ይገኛሉ።

የአሜሪካ ምርጫ ውጤት የሚታወቀው መቼ ነው ?

የምርጫ አሸናፊ በድምፅ መስጫው ምሽት ፣ አሊያም በነጋታው ካልሆነ ደግሞ ከቀናት ወይም ከሳምንታት በኋላ ሊታወጅ ይችላል።

ያለፈው ምርጫ በአውሮፓውያኑ 2020 ማክሰኞ ኅዳር 3 ነው የተደረገው። ነገር ግን ጆ ባይደን አሸናፊ መሆናቸው የተሰማው ቅዳሜ ኅዳር 7 ቀን ነበር።

በወቅቱ አብዛኞቹ ግዛቶች ድምፅ በተሰጠ በ24 ሰዓታት ውስጥ ውጤት ቢያሳውቁም በአንዳንድ ግዛቶች ላይ ቆጠራው ቀናትን ወስዷል።

በ2016 ዶናልድ ትራምፕ ለመጀመሪያ ጊዜ የአሜሪካ ፕሬዝደንት ሆነው ሲመረጡ ውጤት የታወቀው ከድምፅ መስጫው ቀጥሎ ባለው ቀን ነበር።

በ2012 ደግሞ ባራክ ኦባማ ለሁለተኛ ጊዜ ፕሬዝደንት ሆነው ሲመረጡ ውጤቱ ይፋ የተደረገው በድምፅ መስጫው ቀን እኩል ለሊት ገደማ ነው።

ነገር ግን በ2000 በጆርጅ ደብሊው ቡሽ እና አል ጎር መካከል የተደረገው ምርጫ ከሌሎቹ ለየት ይል ነበር።

ዕጩዎቹ የነበራቸውን ጠባብ ውጤት ተከትሎ ድምፅ ድጋሚ እንዲቆጠር ቢታዘዝም ጠቅላይ ፍርድ ቤቱ ጣልቃ በመግባት በግዛቲቱ በውጤት እየመሩ የነበሩት ቡሽ አሸናፊ እንዲሆኑ ወስኗል።

ቁልፍ ግዛቶች የትኞቹ ናቸው ?

የአሜሪካ ምርጫ ውጤት የሚወሰነው በጥቂት ግዛቶች በሚገኝ ድምፅ ነው።

ለዚህ ምክንያቱ ኢሌክቶራል ኮሌጅ የተባለው ሥርዓት ነው። ይህ ማለት አሜሪካ ፕሬዝደንቷን የምትመርጠው ዕጩዎች በሚያሸንፉት ግዛት መሠረት ነው። አብዛኛዎቹ ግዛቶች ዲሞክራት አሊያም ሪፐብሊካን ናቸው።

ዘንድሮ በጣም ወሳኝ የሚባሉት ግዛቶች ሰባት ናቸው። እነሱም ፦
° አሪዞና፣
° ጆርጂያ፣
° ኔቫዳ፣
° ኖርዝ ካሮላይና፣
° ዊስኮንሲን፣
° ፔንስሊቪኒያ እና ሚሸጋን ናቸው።

ድምፅ የሚቆጠረው እንዴት ነው ?

ብዙውን ጊዜ ቅድሚያ የሚሰጠው በምርጫው ቀን ለሚሰጡ ድምፆች ነው። ቀጥሎ ከድምፅ መስጫው ቀን በፊት የመረጡ እና በፖስት ድምፃቸውን ያስገቡ ሰዎች ቆጠራ ይካሄዳል።

ከውጭ ሀገራትና ከወታደራዎ ካምፖች የሚላኩ እንዲሁም ድጋሚ እንዲቆጠሩ የተደረጉ ድምፆች ይከተላሉ።

የአካባቢ የምርጫ ባለሥልጣናት አንዳንዶቹ የተሾሙ ሲሆን፣ አንዳንዶቹ ደግሞ ተመርጠው የመጡ ናቸው። እነዚህ የምርጫ አስተባባሪዎች ናቸው።

አስተባባሪዎች የተሰጠውን ድምፅና የተመዝጋቢዎችን ቁጥር ያመዛዝናሉ፤ መረጃዎችን ያጣራሉ፤ ጉዳት የደረሰባቸው የድምፅ መስጫ ወረቀቶችን ይፈትሻሉ፤ አለመመሳሰል ካለበት ደግሞ ምርመራ ያደርጋሉ።

ወረቀቶቹ ወደ ኤሌክትሮኒክ ሥርዓት ገብተው ውጤታቸው እንዲቆጠር ይደረጋል።

አንዳንዶቹ ድምፆች በእጅ ሊቆጠሩ ይችላሉ።

ድምፁ ትክክለኛ መሆኑ ከተረጋገጠ በኋላ መጀመሪያ በክፍለ-ግዛት ቀጥሎ ወደ ግዛት ይሸጋገራል።

መረጃው የቢቢሲ ነው።

@tikvahethiopia

#USElection2024

የአሜሪካ ፕሬዚዳንታዊ ምርጫ ውጤት ገና ቢሆንም እስካሁን ባሉ ቆጠራዎች ድሉ ወደ ሪፐብሊካኑ እጩ ዶናልድ ትራምፕ ያጋደለ መሆኑን ቢቢሲ ዘግቧል።

ትራምፕ በሀገሪቱ ወሳኝ ናቸው ከሚባሉ ግዛቶች መካከል የሰሜን ካሮላይና ግዛትን ያሸነፉ ሲሆን ሌላኛዋን ወሳኟን ጆርጂያ ግዛትንም ማሸነፍ ችለዋል።

የኢሌክቶራል ውጤትን የሚያሳየው ካርታ ትራምፕ ከ4 ዓመት በፊት ከነበረው በተለየ በአውሮፓውያኑ 2016 ያሸነፉበትን መስሏል።

በመላው አሜሪካ ውጤታቸውን ይፋ ባደረጉት ግዛቶች የቀድሞው ፕሬዚዳንት በሚታይ ልዩነት እየመሩ እንደሆነ አሳይቷል።

ምክትል ፕሬዚዳንት ካማላ ሃሪስ በከተሞች እና በከፊል ከተሞች መካከል ያገኙት ድምጽ ከዚህ ቀደም ጆ ባይደን ካገኙት ጋር ተመሳሳይ ቢሆንም ከትራምፕ ጋር ያላቸውን ልዩነት ማጥበብ አልቻሉም ሲል በዘገባው አስፍሯል።

በሌላ በኩል ፤ ኒውዮርክ ታይምስ ዶናልድ ትራምፕ በፕሬዜዳንትነት ለመመረጥ ከ95 በመቶ በላይ እድል አላቸው ብሏል።

በበርካታ ግዛቶችም እንዳሸነፉ አክሏል።

ሌሎች መገናኛ ብዙሃንም ከወዲሁ ዶናልድ ትራምፕ ፤ ሃሪስን በዝረራ አሸንፈው 47ኛው የሀገሪቱ ፕሬዜዳንት መሆናቸው አይቀርም ሲሉ ዘግበዋል።

በአሜሪካ ፕሬዚዳንታዊ ምርጫ ዶናልድ ትራምፕ እየመሩ ነው

በአሜሪካ እየተካሄደ የሚገኘውን ፕሬዚዳንታዊ ምርጫ አሸናፊ ዓለም በጉጉት እየጠበቀ ይገኛል።

እስካሁን ባለው ውጤትም ሪፐብሊካኑ ዶናልድ ትራምፕ ዴሞክራቷን ካማላ ሃሪስ እየመሩ መሆኑ ነው የተገለጸው፡፡

ይሁን እንጂ የምርጫውን አሸናፊ ለመለየት ወሳኝ ናቸው የተባሉ ሰባት ግዛቶችን ድምጽ ውጤት መጠበቅ ግድ ይላል፡፡

አሁን ላይ ተፎካካሪዎቹ የመጨረሻ ትንቅንቅ ውሰጥ የሚገኙ ሲሆን ፥ትራምፕ ወሳኝ የምትባለውን የሰሜን ካሮላይና ግዛት ማሸነፋቸው ተገልጿል።

በአሜሪካ እየተካሄደ ባለው ፕሬዝዳንታዊ ምርጫ ላይ ዶናልድ ትራምፕ ካሜላ ሀሪስን 198 ለ 99 እየመራት ይገኛል ።

ምርጫው በአብዛኛው ስቴት የተካሄደ ሲሆን አሁንም የተወሰኑ ቦታዎች ላይ እንደሚቀሩ ተዘግቧል ።

#አጠቃላይየትምህርትአቂቅአዋጅ

በአገር አቀፍ፣ በክልል ወይም በአካባቢ ደረጃ ያለው የትምህርት ደረጃና ጥራት ከተጠበቀው በታች መወረዱ ሲረጋገጥ የሚመለከታቸው ፦
➡️ የፌደራል፣
➡️ የክልል
➡️ የአካባቢ የትምህርት አስተዳደር ኃላፊዎችን ተጠያቂ የሚያደርግ ረቂቅ ሕግ ለፓርላማ ቀርቧል።

የአጠቃላይ ትምህርት ረቂቅ አዋጅ ባለፈው ሳምንት በሕዝብ ተወካዮች ምክር ቤት ውይይት ተደርጎበት ለሰው ሀብት ልማት የሥራ ሥምሪትና ቴክኖሎጂ ጉዳዮች ቋሚ ኮሚቴ ለዝርዝር ዕይታ በአብላጫ ድምፅ ተመርቷል፡፡

ረቂቁ ምን ይዟል ?

🟢 የትምህርት ደረጃና ጥራት ከሚጠበቀው በታች የወረደ መሆኑ ሲረጋገጥ የትምህርት ተቋሙ፣ ጉዳዩ የሚመለከታቸው መምህራን፣ ሌሎች ለችግሩ አስተዋጽኦ ያደረጉ አካላትና ግለሰቦች ተጠያቂዎች እንደሚሆኑ ተደንግጓል፡፡

🟢 በሒደቱ የትምህርት ደረጃና ጥራት መርማሪዎችን ሥራ ለማሰናከል የሚደረጉ ተግባራት የተከለከሉ መሆናቸው ተደንግጓል።

🟢 የአጠቃላይ የትምህርት ደረጃ ጥራትን በባለቤትነት የሚያስጠብቅ የትምህርት ቁጥጥርና ክትትል አገልግሎት የሚሰጥ መንግሥታዊ ተቋም በትምህርት ሚኒስቴር ሥር እንደሚቋቋም ተካቶበታል፡፡

🟢 የመንግሥት ዋነኛ ተግባር ዕድሜው ለትምህርት የደረሰ ማንኛውም ሕፃን ለአጠቃላይ ትምህርት ያለውን መብት ተግባራዊ ማድረግ፣ ተማሪውም የአንደኛና መለስተኛ ትምህርቱን ለመከታተል ያለበትን ግዴታ መወጣቱን ማረጋገጥ ያስችላል።

🟢 በትምህርት ዘርፍ ለሚሳተፉ ባለሀብቶችና ሌሎች መንግሥታዊ ላልሆኑ አካላት፣ በአገሪቱ የኢንቨስትመንት ሕግና አግባብ ባላቸው ሕጎች መሠረት ማበረታቻ ይሰጣል።

🟢 ስለትምህርት ክፍያ አለመኖር በሚያብራራው አንቀጽ በማንኛውም የመንግሥት አጠቃላይ የትምህርት ተቋም ውስጥ በመደበኛው የትምህርት መርሐ ግብር ከሚማር ተማሪ ከወላጆች ወይም ከአሳዳሪዎች የትምህርት ክፍያ፣ የመማርያ መጻሕፍት ዋጋ ወይም የመመዝገቢያ ክፍያ መቀበል ክልክል ስለመሆኑ ተደንግጓል፡፡

🟢 ክልሎች በሚያወጠት ሕግ መሠረት ለሌሎች የትምህርት መሣሪያዎች የሚውል መጠነኛ ክፍያ ከተማሪ ወላጆች የመክፈል አቅም ጋር በተጣጣመ መንገድ ሊያስከፍሉ እንደሚችሉ ተደንግጓል። ድንጋጌው ቢኖርም ይህንን አላሟላህም ተብሎ ተማሪው ከትምህርት ገበታው እንዲለይ ማድረግ አይቻልም።

🟢 የቅድመ አንደኛ ደረጃ መግቢያ ከአራት ዓመት እስከ ስድስት ዓመት ሲሆን፣ የአንደኛ ደረጃ ትምህርት ዕድሜ ደግሞ ሰባት ዓመት ተደርጓል፡፡

🟢 ተማሪዎች ቢያንስ ሦስት ቋንቋዎችን እንዲማሩ እንደሚደረግ ተደንግጓል። እንግሊዝኛ ቋንቋ ከአንደኛ ክፍል ጀምሮ እንደ አንድ የትምህርት ዓይነት ይሰጣል። እንዲሁም አንድ ተጨማሪ የውጭ ቋንቋ ክልሉ በሚመርጠው መሠረት ከዘጠነኛ ክፍል ጀምሮ በአማራጭነት እንዲሰጥ ይደረጋል።

🟢 ማንኛውም ሰው ተገቢው የማስተማር ሥራ ፈቃድ ሳይኖርው በአጠቃላይ ትምህርት ተቋማት ውስጥ በመምህርነት ሊሠራ እንደማይችል የተደነገገ ሲሆን፣ ለዚህ የሚረዳና የሥራ ፈቃድ አሰጣጥን የተመለከተ ስታንዳርድ መመርያ በትምህርት ሚኒስቴር በኩል ይወጣል።

🟢 ከቅድመ ሥራ ሥልጠና በኋላ በመምህርነት የሚመደብ ሰው በቅድሚያ የሁለት ዓመት የትውውቅ ሥልጠና የመከታተልና ለዚህም የሚሰጠውን መመዘኛ ፈተና የማለፍ ግዴታ አለበት። ይህን ግዴታ ከተወጣ በኋላ በዚህ አንቀጽ የሥራ ፈቃድ እንደሚሰጠው ተደንግጓል፡፡

🟢 የመምህራን የሙያ ፈቃዱ በየሁለት ዓመቱ መታደስ ያለበት ሲሆን፣ ዕድሳቱ ከማንኛውም የፈቃድ ክፍያ ነፃ ተደርጓል፡፡ ይህ ዕድሳት ለመምህራን ደረጃ ዕድገት እንደሚረዳ ተቀምጧል፡፡

🟢 በውጭ አገር ማኅበረሰቦች የሚቋቋሙ ትምህርት ቤቶች ከሚያስፈልጋቸው በጀት በአገራቸው መንግሥት 30 በመቶ የሚደገፉ እንደሆኑ፣ ቀሪውን 70 በመቶ ራሳቸው መሸፈን የሚችሉ መሆናቸውን የሚያሳይ ማረጋገጫ ማምጣት አለባቸው።

🟢 ኢትዮጵያ ውስጥ በሚቋቋሙ የውጭ አገር ማኅበረሰብ ትምህርት ቤቶችና ዓለም አቀፍ ትምህርት ቤቶች የሚያስተምሩ መምህራን ከሚመለከተው አገር የሥራ ፈቃድ ማምጣት እንደሚገባቸው ተደንግጓል፡፡ (ሪፖርተር ጋዜጣ)

አዲስ አበባ ዩኒቨርሲቲ የብሪክስ ሀገራት ዩኒቨርሲቲዎች ማህበር መስራች አባል ሆነ

አንጋፋው አዲስ አበባ ዩኒቨርሲቲ የብሪክስ ሀገራት ዩኒቨርሲቲዎች ማህበር መስራች አባል መሆኑን አስታውቋል፡፡

የአዲስ አበባ ዩኒቨርሲቲ ሩሲያ፣ ሕንድ እና ብራዚልን ጨምሮ ከብሪክስ ሀገራት ዩኒቨርሲቲዎች ጋር በመሆን በጣምራ የብሪክስ ሀገራት ዩኒቨርሲቲዎች ማኅበርን በመመስረት የመጀመሪያው የምስራቅ አፍሪካ ሀገር ዩኒቨርሲቲ ሆኗል ተብሏል።

አራቱ የብሪክስ ሀገራት ዩኒቨርሲቲዎች የመሰረቱት ማህበር በትምህርት በዲፕሎማሲ በጥናትና ምርምር እንዲሁም በፈጠራ ስራ በጋራ መስራት የሚያስችላቸው እንደሆነም ነው የተጠቆመው።

የአዲስ አበባ ዩኒቨርሲቲ በአዲሱ የራስ-ገዝ ስትራቴጂክ እቅድ መሰረት አጋርነትና ዓለም አቀፋዊነትን በትኩረት እየሰራ እንደሚገኝ በማህበራዊ ትስስር ገጹ አንስቷል።

ፎቶ ፦ የኢትዮጵያ አየር መንገድ ንብረት የሆነው በአፍሪካ የመጀመሪያው ኤርባስ ኤ350-1000 አውሮፕላን ዛሬ ኢትዮጵያ ገብቷል።

#EthiopianAirlines🇪🇹

በአሜሪካ የተለያዩ ግዛቶች መራጮች ድምጻቸውን መስጠት ጀምረዋል።

ሰሜን ካሮላይና፣ ኢንዲያና፣ ኬንታኪ፣ ኒው ጀርሲ፣ ኒው ዮርክ፣ ፍላዴልፊያ፣ ፔንሴልቫኒያ፣ ቨርጂኒያ፣ ጆርጂያ መራጮች ድምጻቸውን መስጠት ከጀመሩባቸው ግዛቶች መካከል ጥቂቶቹ ናቸው።

የአርቲስት ጥላሁን ገሠሠ አልባሳትና ቁሳቁስ ለዕይታ ሊቀርብ ነው

የአርቲስት ጥላሁን ገሠሠ አልባሳት እና ቁሳቁስ ትውልድ እንዲያየው በአዲስ አበባ ዩኒቨርሲቲ ጥናትና ምርምር ተቋም ጥቅምት 29 ቀን 2017 በክብር ይቀመጣል ተባለ፡፡ በዕለቱም የአርቲስቱ ቤተሰቦች፣ አድናቂዎች እና ሌሎች እንግዶች እንደሚገኙ የአርቲስት ጥላሁን ገሠሠ የመታሰቢያ ዝግጅት አስተባባሪ ኮሚቴ ለፋና ብሮድካስቲንግ ኮርፖሬት አስታውቋል፡፡ ታሪካዊ የሆኑ እና በትውልድ ቅብብሎሽ…

ኢትዮጵያ ለመጀመሪያ ጊዜ የውጭ ብድር ሰጠች

በአለም አዲስ አገር ለሆነችው ደቡብ ሱዳን የተሰጠው ብድር በሁለቱ አገራት መካከል አገናኝ ለሚሆን መንገድ ግንባታ የሚውል ነው።

የአራት አመት እፎይታ ኖሮት በ10 አመታት ተከፍሎ የሚጠናቀቀው ብድር ከ738 ሚሊየን ዶላር በላይ ነው።

በደቡብ ሱዳን ድንበር ውስጥ የሚገነባው 220 ኪሜ መንገድ በኢትዮጵያ ተቋራጮች እና አማካሪዎች እንዲከናወን በሁለቱ አገራት ከስምምነት መደረሱ ተገልጿል።

የብድር አመላለሱም በካሽ እና በድፍድፍ ነዳጅ እንደሚሆን ነው የተጠቀሰው ሲል ካፒታል አስነብቧል።

#NBE

የኢትዮጵያ ብሔራዊ ባንክ ለጊዜው የሞባይል ገንዘብ ግብይት ገደብ እንዳነሳ ሸገር ኤፍ ኤም 102.1 ዘግቧል።

ለጊዜው የተነሳው ከባንክ ወደ ቴሌ ብር ለሚደርግ የገንዘብ ዝውውር ብቻ እንደሆነ ተነግሯል።

የግል ባንኮችም ይህን እንዲያስፈፅሙ የኢትዮጵያ ብሄራዊ ባንክ አዟል ተብሏል።

መንግስት የኢትዮ ቴሌኮምን 10 በመቶ ድርሻ ወደ ገበያ ማውጣቱ ይታወቃል።

ይህን ተከትሎ ባንኮች ከአክስዮን ግዢ ጋር በተገናኘ በቀላሉ ገንዘብ እየለቀቁ እንዳልሆነ ተሰምቷል።

የሞባይል ገንዘብ ግብይት ገደብ የተነሳውም ኢትዮ ቴሌኮም ለገበያ ያቀረበውን የአክሲዮን ሽያጭ ሂደቱን እስኪያጠናቅቅ ድረስ ነው ተብሏል።

በተጨማሪም ፥ የግል ባንኮች ህዝብ የሚጠይቀው እንዲፈፀምለትና ለኢትዮ ቴሌኮም የአክሲዮን ግዥ ግብይቶች ከባንክ ወደ ቴሌብር ዝውውሮች ሲጠየቁ እንዲፈፅሙ ተጠይቀዋል።

የኢትዮ ቴሌኮም 10 በመቶ አክሲዮን ሽያጭ ተከትሎ 100 ሚሊዮን መደበኛ አክሲዮኖች እየተሸጠ መሆኑ ሸገር ኤፍ ኤም 102.1 ሬድዮ ዘግቧል።

" በሽጉጥ አስፈራርተው ነው መኪናውን ይዘው የተሰወሩት " - ቤተሰቦች

ሶስት የትራንስፖርት ተጠቃሚዎች የሜትር ታክሲ አሽርከርካሪን በሽጉጥ አስፈራርተው መኪናውን ይዘው መሰዋራቸውን ቤተሰቦች አሳውቁ።

ድርጊቱ የተፈጸመው እሮብ በቀን 20 /2/2017 ዓ/ም በግምት ከምሽቱ 6:30 አካባቢ ነው።

አዲስ አበባ ከኢምፔሪያል ሆቴል ወደ ገርጂ በሚወስደው መንገድ ኖክ ማደያ ጋር ከአትላስ ሆቴል ሦስት ትራንስፖርት ተጠቃሚዎችን አሳፍሮ ሲጎዝ የነበረው የሜትር ታክሲ ሹፌር ገርጂ ኖክ ማደያ አካባቢ በሽጉጥ አስፈራርተው መኪናውን ይዘው እንደተሰወሩ የአሽከርካሪው ቤተሰቦች ለቲክቫህ ኢትዮጵያ ገልጸዋል።

የመኪናው አይነት yaris compact ከለሩ ነጭ የሆነና ታርጋ ቁጥር code 3 B14395 እንደሆነ ጠቁመዋል።

ስርቆቱ ሲፈፅም የኃላው መስታወት ሙሉ ለሙሉ የተሰበረ እንደሆነም አክለዋል።

ተሽከርካሪውን ያየ ማንኛውም አካል በስልክ ቁጥሮች በ0912274400 ፣ 0913518744 ወይም ደግሞ አካባቢው ላይ ላለ ማንኛውም የፖሊስ አካል ጥቆማ እንዲሰጥላቸው ጥሪ አቅርበዋል።

የREMEDIALፕሮግራም ምደባ ይፋ ሆነ።

በ2016 ትምህርት ዘመን የ12ኛ ክፍል ማጠቃለያ አገር አቀፍ ፈተና ወስደው ለትምህርት ሚኒስቴር ተጠሪ በሆኑ የመንግስት ዩኒቨርስቲዎች የREMEDIAL ፕሮግራም ለመከታተል የሚያስችል ማለፊያ ውጤት ያስመዘገቡ ተማሪዎች የተቋም ምደባ ይፋ ተደርጓል።

ከአሁን ሰዓት ጀምሮ ተማሪዎች ምደባቸውን ፦
➡️ በዌብሳይት : https://placement.ethernet.edu.et 
➡️ በቴሌግራም : https://t.me/moestudentbot ላይ መመልከት እንደሚችሉ ትምህርት ሚኒስቴር አሳውቋል።

ተማሪዎች ተቋማት በሚያስተላልፉት ጥሪ  መሰረት የREMEDIAL ፕሮግራሙን እንዲከታተሉ ተብሏል።

ትምህርት ሚኒስቴር የተቋም ይቀየርልኝ ጥያቄ የማያስተናግድ መሆኑን ገልጿል።

የቢዋይዲ(BYD) ተሽከርካሪዎች ወደ ኢትዮጵያ ገበያ የሚያስመጣው ሞቢሊቲ-ኢ(Mobilit ~ E) በዓመት 1,000 የኤሌትሪክ ተሽከርካሪዎችን ወደ ሃገር ውስጥ ለማስገባት የሚያስችል የመግባቢያ ስምምነት ከሁለት ኩባንያዎች ጋር ተፈራረመ።

ስምምነቱ የተፈረመው በሞቢሊቲ-ኢ፣ ፓክ-ግሩፕና በሃንሰም-ግሩፕ መካከል ነው።

በየዓመቱ 1,000 የኤሌክትሪክ ተሽከርካሪዎች ወደ ሀገር ውስጥ ለማስገባት የሚያስችለው ስመምነት የተፈረመው ሞቢሊቲ-ኢ ከድጋፍ ማይክሮፋይናንስ ጋር በመተባበር 17 የቢዋይዲ ሴጉል ተሽከርካሪዎችን ለባለመኪኖች ባስረከበበት ስነ-ስርዓት ወቅት ነው።

ሞቢሊቲ-ኢ ከድጋፍ ማይክሮፋይናንስ ጋር በመተባበር ለደንበኞች ያስረከባቸው የኤሌክቲሪክ መኪናዎች በ14 በመቶ የቅድመ ክፍያ ብድር አገልግሎት እንደሆነ ተነግሯል።

እያንዳንዳቸው ተሽከርካሪዎችም ከ2.8 ሚሊየን ብር በላይ ያወጣሉ የተባለ ሲሆን ምንም እንኳን በማክሮ ኢኮኖሚ ማሻሻየው ምክንያት ዋጋቸው ቢጨምር ደንበኞች ግን ቀድሞ በገቡት ስምምነት መሰረት መኪኖቻቸውን መረከባቸው ተጠቅሷል።

ሁለተኛው ዙር የርክክብ ስነ-ስርዓትም በሁለት ሰምንት ውስጥ እንደሚፈፀም የሞቢሊቲ-ኢ ዋና ስራ አስፈፃሚው አቶ ምኒሊክ ጌታቸው ተናግረዋል።

ዲሞክራቶች ትራምፕ ቆጠራው ሳይጠናቀቅ አሸንፌያለሁ ብለው ቢያውጁ ለምላሽ ተዘጋጅተናል አሉ

ዲሞክራቶች ዶናልድ ትራምፕ የድምጽ ቆጠራው ሳይጠናቀቅ እንደ ምርጫ 2020 ማሸነፋቸውን ቢያውጁ፣ ቆጠራው እስከሚጠናቀቅ ትግስት እና መረጋጋት እንዲፈጠር ለማድረግ ማህበራዊ ሚዲያውን የሚያጥለቀልቅ ፈጣን ምላሽ ማዘጋጀታቸውን ሮይተርስ ዘግቧል።

የምርጫ ባለሙያዎች በተለይ ድጋሚ ቆጠራ ማድረግ አስፈላጊ የሚሆንበት አጋጣሚ ካለ አሸናፊውን ለመወሰን በርካታ ቀናት ሊፈጅ ይችላል ብለው ቢያስጠነቅቁም፣ ትራምፕ ግን ምርጫው በሚካሄድበት ቀን አሸናፊነታቸውን እንደሚያውጁ ተስፋ አላቸው።

የአሜሪካ ምርጫ ፉክክር አሸናፊዎች በአብዛኛው ይፋ የሚሆኑት ከምርጫ ባለስልጣናት የሚገኙ ውጥቶችን በሚተነትኑት ትልልቅ ሚዲያዎች ነው።እጩዎች ማሸነፋቸውን ይፋ የሚያደርጉት አልፎ አልፎ ነው።

በዋሽንግተን ግዛት የአሜሪካ ልዩ ኃይል ወታደሮች በተጠንቀቅ እንዲቆሙ ታዘዙ

የአሜሪካዋ ዋሽንግተን ግዛት ገዥ አርብ እለት እንደተናገሩት ከምርጫ 2024 ጋር ተያይዞ ሁከት ሊቀሰቀስ ይችላል የሚል መረጃ እና ስጋት መኖሩን ተከትሎ የተወሰኑ 'የናሽናል ጋርድ' ወይም ብሔራዊ ዘብ በተጠንቀቅ እንዲቆሙ አድርገዋል።

በህዝብ አስተያየት መሰረት የዲሞክራቷ እጩ ካማላ ሀሪስ የሪፐብሊካኑን እጩ ድናልድ ትራምፕን በቀላሉ ያሸነፉበታል የተባለው ይህ ግዛት በዚህ ሳምንት መጀመሪያ ላይ የምርጫ ኮሮጆ ከተቃጠሉባቸው መካከል አንዱ ነው።

"ከምርጫ 2024 ጋር በተያያዘ የሚነሱትን ጥቅል ወይም የተለዩ መረጃዎችን እና ስጋቶችን በተመለከተ፣ ምላሽ ለመስጠት በደንብ መዘጋጀታችንን ማረጋገጥ እፈልጋለሁ" ሲሉ ገዥው ጄይ ኢንስሌ አርብ እለት በጽረ-ገጻቸው ላይ በታተመ ጽሁፍ መግለጻቸውን ሮይተርስ ዘግቧል።

ማንችስተር ዩናይትድ እና ቼልሲ በአቻ ውጤት ተለያዩ

በእንግሊዝ ፕሪሚየር ሊግ 10ኛ ሳምንት መርኃ ግብር ማንችስተር ዩናይትድ ቼልሲን አስተናግዶ 1 ለ 1 አቻ ተለያይቷል።

ለማንችስተር ዩናይትድ በ70ኛው ደቂቃ ፈርናኔዴዝ በፍፁም ቅጣት ምት ሲያስቆጥር ለቼልሲ ሞሰስ ካይሴዶ በ74ኛው ደቂቃ የአቻነቷን ግብ አስቆጥሯል።

ይቅር እንላለን ግን አንረሳም።

ጥቅምት 24 በኢትዮጵያውያን ልብ ውስጥ ታትማ የምትቀመጥ አስቀያሚ ቀን ናት። ያ ለጠላት ብቻ ተዘጋጅቶ የተቀመጠ “የሰሜን እዝ ጦር” ድንበር ድንበር ሲመለከት ባልተዘጋጀበትና ባመነው ሀይል ከጀርባ የተወጋባት ጥቁር ቀን ናት። የሰሜን እዝ መከዳት ይዞት የመጣው እልቂትና ጥፋት ብዙ ነው። እንኳን ለተከዳው ለከዳውም ሀይል አልሆነም የጥቅምት 24 የጨለማ ተግባር።

አብሮ ለመኖር ስህተትን በይቅርታ መሻገር የውዴታ ግዴታ ነው። የተፈፀመውን ነገር ታሪክ ያውቀዋል። በሚዲያ ጋጋታ፥ በጩኸትና በግርግር መሸፈን አይቻልም። ይቅር እንላለን። ግን አንረሳውም። ኢትዮጵያን እስከመፍረስ ድረስ ወደቁልቁለት የሚልካት ተግባር የተፈፀመባትን ያቺን ቀን አንረሳም። ለአእላፋት ሰዎች መፈናቀል፥ ሞትና ውድመት ምክኒያት የሆነችን ጥቅምት 24 የምትባል የጥፋት ቀን አንረሳትም። እንማርባታለን። በቀጣይ ተመሳሳይ ጥፋት እንዳይፈፀም ምስክር አድርገን እናቆማታለን። በዚያን ቀን በክህደት ያጣናቸውን ንፁሃን ጀግና የኢትዮጵያ ወታደሮችን እንዘክርበታለን። አዎ ጥቅምት 24ን አንረሳትም። ልንረሳትም አንችልም።

አመፅ፥ የጦር መሳሪያ አፈሙዝ አምልኮ፥ ትእቢትና ንቀት በቀላሉ የማይቆም ጥፋት እንደሚያመጡ ከዚያች ቀን በላይ ምስክር የለም። ዛሬም መሳሪያ የሚወዘውዙ ነገም ለጥፋት የተዘጋጁ ሰዎች ያቺን ቀንና ይዛ የመጣችውን ጣጣ ቆም ብለው እንዲያስታውሱ እንመክራለን።

ክብር ጥቅምት 24 ለሐገሩና ለመለዮው ሲል በክብር ለተሰዋው ጀግና የኢትዮጵያ ወታደርና በዚያ ዳፋ ላለቁ ንፁህ ኢትዮጵያውያን ይሁን።

ስፔን : በደረሰው የጎርፍ አደጋ የሟቾች ቁጥር ከ200 አለፈ

#Ethiopia | በደቡብ ምስራቅ ስፔን ቫሌንሺያ ከተማ በጣለው ከባድ ዝናብ ምክንያት በርካታ ሰዎች ህይወታቸው ማለፉ እና ከፍተኛ ንብረት መውደሙ ተገልጿል።

የጎርፍ አደጋውን ተመልክቶ የሚወጡ ምስሎች እና ቪድዮዎችም የአደጋውን አስከፊነት የሚያመለክቱ ሆነዋል።

የሀገሪቱ ምስራቃዊ ግዛት በሆነችው ቫሌንሺያ የጣለው ከባድ ዝናብ ያስከተለው ጎርፍ በትንሹ ከ200 በላይ ሰዎችን ህይወት መቅጠፉ ተጠቅሷል።

የነብስ አድን ሰራተኞች አሁንም በጎርፉ ምክንያት የጠፉ ሰዎችን የማፈላለጉን ስራ አጠናክረው መቀጠላቸውን የዘገበው ሞርኒግ ፖስት ነው።

" ቅልጥ አለቱ በመሬት ውስጥ ተረጋግቶ ሊቀርም ወይም ወደ መሬት ላይ ሊፈስም ይችላል። ይህንን በሂደት የምናየው ነው " - ኤልያስ ሌዊ (ዶ/ር)

በአፋር ክልል፣ ፈንታሌ ተራራ አካባቢ ባለፉት ሳምንታት በተደጋጋሚ የመሬት መንቀጥቀጥ እየተከሰተ መሆኑ ይታወቃል።

አደጋው ትላንት ምሽት ከለሊቱ 6:04 ላይ በዚሁ አካበቢ የተከተሰተ ሲሆን፣ ንዝረቱም አዲስ አበባ ድረስ መሰማቱ ታውቋል።

ስለትላንቱ ርእደ መሬትና መንስኤው ሙያዊ ማብራሪያ እንዲሰጡበት በአዲስ አበባ ዩኒቨርሲቲ፤ የጂኦፊዚክስ፣ ስፔስ ሳይንስና አስትሮኖሚ ተቋም ዳይሬክተር የሆኑትን ኤሊያስ ሌዊ (ዶ/ር)ን ጠይቀናል።

እሳቸውም፣ " የየቀን ተግባራችንን እያከናወንን ክስተቱ የሚመለከታቸው አካላት ሁሉ በንቃት ሁኔታወን ቢከታተሉ ጥሩ ነው " ብለዋል።

በዝርዝር ምን አሉ ?

" ይሄ በአሁኑ ወቅት በፈንታሌ አካባቢ እየተከሰተ ያለው ርዕደ መሬት፤ ቅልጥ አለት (ማግማ) መሬት ውስጥ ከሚያደርገው እንቅስቃሴዎችና ተዛማጅ ሁኔታዎች ጋር የተገናኘ እንደሆነ ቀደም ሲልም አስታውቀናል።

ቅልጥ አለቱ መሬት ውስጥ የሚያደርገው እንቅስቃሴ የቀነሰ ቢመስልም አልተቋረጠም።

እዚህ ሰሞኑን ከሚሰማው የመሬት መንቀጥቀጥ ጋር ተያይዞ ፤ በወፍ በረር 130 ኪ.ሜ ላይ የሚገኘው ፈንታሌ አካባቢ እየተከሰተ ያለው የቅልጥ አለት እንቅስቃሴ ግን ወዴት እንደሚያመራ አናውቅም።

ይህ ቅልጥ አለት በመሬት ውስጥ ተረጋግቶ ሊቀርም ወይም ወደ መሬት ላይ ሊፈስ ይችላል። ይህንን በሂደት የምናየው ነው።

ተቋማችን ባለው አቅም እንዲሁም በሀገር ውስጥና በዓለም ዓቀፍ ደረጃ አብረውን ከሚሰሩ ባለሙያዎች ጋር ግንኙነቶችን በማድረግ ሳይንስ የደረሰበት የእውቀት ደረጃን በሙሉ ለመተግበር የሚገባውን በማድረግ ላይ እንገኛለን።

የእኛ ተቋም የምርምር ተቋም በመሆኑ የሚያከናውነው ይህ ርዕደ መሬት የት ተከሰተ? መጠኑ ስንት ነው? መንስኤው ምንድነው ? የቅልጥ ዓለቱስ እንቅስቃሴ ወዴት ሊያመራ ይችላል ? እና የመሳሰሉ ሃሳቦች ላይ መመራመር ሲሆን፤ ይህንን የምርምር ውጤትም ግብአት አድርገው  ባለድርሻ አካላት ከዚህ በኋል መሰራት ያለባቸውን ሥራዎች ይሰራሉ። "

ምናልባት የቴክኖሎጂ እጥረት ይኖር ይሆን ? አደጋውን መቆጣጠር የሚቻልበት የተለዬ ሁኔታስ የለም ? ስንል ላቀረብንላቸው ጥያቄ ኤልያስ (ዶ/ር) ማብራሪያ ሰጥተዋል።

ምን አሉ ?

" እየተከሰተ ያለውን ርእደ መሬትም ሆነ የቅልጥ አለት እንቅሰቃሴን ሂደት በቅርብ መከታተል የሚቻል ሲሆን፤ ማቆምም ሆነ መቆጣጠር ግን አይቻልም።

እኛ ብቻ አይደለንም በዓለም ላይ ያሉ ማናቸውም ባለሙያዎች መቆጣጠርና ማቆም አይችሉም። በፈንታሌ አካባቢ ያለውን ሁኔታ እኛ ብቻችን ሳይሆን፤ ሀገር ውስጥና በዓለም አቀፍ ደረጃ ካሉ ተባባሪ ባለሙያዎች ጋር በቅርብ ምክክር በማድረግ እየሰራን ነው።

የእኛ ዩኒቨርሲቲም ሆነ ኢንስቲትዩታችን በዚህ ሥራ ላይ የተሰማሩ ብቁ የሆኑ ባለሙያዎችና ለዚህ ተግባር የሚያገለግሉ ዘመናዊ የሆኑ መሳሪያዎች ያሉት ቢሆንም፣ ዓለም የደረሰበት ሁሉም ዓይነት መሰሪያዎች ግን አሉን ማለት አይደለም።

ለምሳሌ የርቀት ዳሰሳ ወይም ሪሞት ሴንሲንግ የሳተላይት መረጃዎችን የሚያሰባስቡ ሳተላይቶች ስለሌሉን ከዓለም ዓቀፍ ማዕላት መረጃ በመቀበል፣ በመተንተንና ከተባባሪዎቻችን ጋር ሆነን በመቀመር እንሰራለን።

በኢትዮጵያ ውስጥ በተለያዩ ቦታዎች መረጃ እንዲያሰባስቡ የተከልናቸው የርእደ መሬትና የGNSS መረጃ ማጠናቀሪያ ጣቢያዎች በዓለም ላይ ደረጃቸውን የጠበቁ ሲሆኑ፤ ብዛታቸውን ግን አሁን ካለው በላይ ማስፋፋት ይጠበቃል። 

ይህ ደግሞ መጠነ ሰፊ መዕዋለ ንዋይን ማፍሰስ ይፈልጋል። ከዚህም በተጨማሪ ከቦታ ቦታ ተዘዋውሮ አሁን ከተጠቀምንበት ተጨማሪ መረጃዎችን ለመሰብሰብ በአሁኑ ወቅት አስቸጋሪ ስለሆነ ባለን ለመስራት እየተጋን ነው።

ምንም እንኳን ተጨማሪ ጣቢያዎች ያስፈልጉናል ቢባልም፣ ፈጣሪ ይመስገንና በዓለም ደረጃ ስመጥር በሆኑ ባለሙያዎቻችን የማያሰልስ ጥረትና ችሎታ ትክክለኛውን መረጃ ከማንም ባላነሰ መልኩ እያቀረብን እንገኛለን።

አሁን የሚጠበቀው ይህንን መረጃ ወስዶ በተቀናጀ መልኩ ምናልባት ሊፈጠር ከሚችል አደጋ ለመከላከል ዝግጁ መሆን ነው። እኛ የአንድ ዩኒቨርሲቲ የምርምር ማዕከል ነን። ከዚህ ውጭ ያለው ሥራ ግን የሌላ ብዙ ባለድርሻ አካላትን መቀናጀትን ይጠይቃል። 

አሁን እያደረግን ካለው ውጭ የማድረግ ማንዴቱም የለንም ተልእኳችንም አይደለም። ይህም ሆኖ ግን የሚቻለውን ሁሉ ለማድረግ ከሚመለከታቸው ባለድርሻ አካላት ጋር የሚቻለንን ሁሉ እያደረግን ነው " ብለዋል።

አደጋውን በተመለከተ መደረግ ስላበት የጥንቃቄ ሥራ ባስተላለፉት መልዕክት ደግም፣ " እንዳንዘናጋ ! የእለት ከእለት ተግባራችንን እያከናወንን በንቃት ሂደቱን እንከታተል " ሲሉ አስገንዝበዋል።

" የስምጥ ሸለቆዎች ባሉበት ሀገር ስለሆነ የምንኖረው ክስተቱ በታየበት ሰሞን ብቻ ሳይሆን፣ አኗራራችን፣ ግንባታዎቻችን፣ አስተሳሰባችን፣ የትምህርት ካሪክለሞቻችን ባጠቃላይ ዝግጁነታችን በዚሁ የተቃኘ መሆን አለበት " ነው ያሉት።

#TikvahEthiopiaFamilyAA

ዲሞክራቶች ትራምፕ ቆጣራው ሳይጠናቀቅ አሸንፌያለሁ ብለው ቢያውጁ የሚሰጡትን ምላሽ ማዘጋጀታቸውን ገለጹ

በ2020ው ምርጫ ትራምፕ ማሸነፋቸውን ያወጁት ምርጫ ከተጀመረ ከሰአታት በኋላ ነበር። ነገርግን በመጨረሻ በጆ ባይደን ተሸንፈዋል።
https://bit.ly/3YNj612

😎ቴሌግራም የቲክቶክን ፈለግ በመከተል አዲስ Telegram Stars የተሰኘ Gift Coin አምጥቷል። ይህንን ነገር ለማስተዋወቅ Major በተሰኘ Airdrop መሰል ነገር መጥቷል፡፡

😎በዚህ ወር November 8 እንደሚጠናቀቅ የተናገሩት ይህCoin አሁን ላይ በቴሌግራም 100 Star 1.5$Dollar ወይም 190 የኢትዮጵያ ብር እየተሸጠ ይገኛል

😎Bitget ላይ ከላይ እንዳለው Pre-market ከተከፈተ ሰንበት ብሎዋል  ዋጋውም በጣም ጭማሬ እያሳየ ይገኛል

😎ይህ በቴሌግራም መስራችም ጭምር ድጋፍ ያለው ሲሆን በአጭር ግዜ ውስጥ ከ 30 ሚልዮን ተጠቃሚ አግኝቷል

😎ትላልቅ  Social Media  በጣም ግምት ሰጠውታል Pvel Durov እና Elon Musk Twitter ላይ Follow አድርገውታል

😎5ቀን ስለቀረው ግዜያቹን ተጠቀሙበት ምን ያህል እንደሆነ ባይታወቅም እንደሚከፍል የተረጋገጠ ነዉና

Point ለመሰብሰብ
➖በየቀኑ የሚመጡ Task አሉ እነሱን አጠናቁ
➖ከዛም በተጨማሪ በየቀኑ አንዴ ስገቡ እንደየቀኑ Coin ይሰጣችኃል
➖እንዲሁም Reward የሚለው ቦታ ላይ ስትገቡ በየ8 ሰዓቱ Spin እና Hold እንዲሁም Swap  እያረጋችሁ በ3ቱም ተጨማሪ Coin ማግኘት ትችላላችሁ

🔗ለመጀመር👇
https://t.me/major/start?startapp=7247235346

በኡጋንዳ በመብረቅ አደጋ 14 ሰዎች ሞቱ

በኡጋንዳ በስደተኞች ካምፕ አካባቢ በደረሰ የመብረቅ አደጋ 14 ሰዎች መሞታቸውን ፖሊስ አስታወቀ።

የአደጋው ተጠቂዎች በእምነት ቦታ በታደሙበት ወቅት መብረቅ በመከሰቱ 14 ሰዎች ወዲያውኑ ሲሞቱ 34 ሰዎች ደግሞ ቆስለዋል።

አንድ የአካባቢው ባለስልጣን ለሀገር ውስጥ ሚዲያ እንደገለጹት የሞቱት ሁሉም ህጻናት ናቸው።

አደጋው የተከሰተው በሀገሪቱ ሰሜን ምዕራብ ክፍል በሚገኘው የስደተኞች ካምፕ አካባቢ መሆኑን ቢቢሲ ዘግቧል።

በአካባቢው በቅርብ ጊዜ ነጎድጓድ እና መብረቅ የተቀላቀለበት ከባድ ዝናብ ተከስቷል።

በስደተኞች ካምፑ ከ80 ሺሕ በላይ ስደተኞች እና ጥገኝነት ጠያቂዎች የሚገኙ መሆኑን የተባበሩት መንግስታት የስደተኞች ኤጀንሲ መረጃ ያሳያል።

ብዙዎቹ ከጎረቤት ደቡብ ሱዳን የመጡ መሆናቸውንም መረጃው አካቷል።

" ተቀራረቦ እንደመነጋገር የመሰለ ነገር የለም " - አቶ ጌታቸው ረዳ

የትግራይ ጊዜያዊ አስተዳደር ፕሬዜዳንት የሆኑት አቶ ጌታቸው ረዳ ዛሬ ምሽት ብዙዎችን ያነጋገር መልእክትና ፎቶ በይፋዊና በተረጋገጠ የX ገጻቸው ላይ አጋርተዋል።

ፎቶው ከደብረጽዮን ገ/ሚካኤል (ዶ/ር) ጋር አብረው ያሉበት ነው።

አቶ ጌታቸው ፤ " ከሩቅ የሚመጣ ሰው አያስፈልግም ለመቀራረቡ እኛ እንቀርባለን ብላችሁ እኛን ለማገናኘት በመጣር ላይ ያላችሁ ትግራዎት ክብር ይስጣችሁ። ተቀራረቦ እንደመነጋገር የመሰለ ነገር የለም " ብለዋል ከፎቶው ጋር ባያያዙት ፅሁፍ።

ፕሬዜዳንት አቶ ጌታቸው ረዳና የህወሓት ሊቀመንበር ዶ/ር ደብረፅዮን ገ/ሚካኤል በጋራ የተነሱትን ፎቶ ብዙዎች በመጋራት አስተያየታቸውን በመስጠት ላይ ይገኛሉ።

አብዛኞቹ ምስሉ በአውንታ ተቀብለው ሲያስተጋቡ ፤ ጥቂት የማይባሉት ደግሞ " ከአንገት በላይ " ያሉትን ፎቶና መልእክት ንቅፈው እየጻፉ ነው።

አቶ ጌታቸው ረዳ እና ደብረጽዮን ገ/ሚካኤል (ዶ/ር) ለበርካታ ሳምንታት በሚዲያ እና በፅሁፍ መግለጫ ብዙ ሲባባሉ እንደነበር አይዘነጋም።

ምንም እንኳን ዛሬ በምን ጉዳዮች ላይ እንደተነጋገሩ በዝርዝር ባይታወቅም አቶ ጌታቸው ረዳ ያጋሩት ፎቶ ብዙዎችን እያነጋገረ ሲሆን ለአንዳንዶችም ' መካረሩ ያበቃለት ይሆናል ' የሚል ተስፋ የሰጠ ሆኖ ታይቷል።

#TikvahEthiopiaFamilyMekelle

#MoE #Placement

🔴 " እስካሁን ድረስ የዩኒቨርሲቲ መግቢያ ፎርም አልሞላንም ፤ ... ዝም ብለው ግን መድበውናል " - ተማሪዎች

⚫️ " እውነት ነው ! ጉዳዩን ለክልል ብናሳውቅም መፍትሔ አልተገኘም " - አቶ ዘሪሁን ደርጫቦ

በ2016 ዓ/ም የ 12ኛ ክፍል መውጫ ፈተና ወስደው የከፍተኛ ትምህርት ተቋማት መግቢያ ነጥብ ያመጡ እና በሪሚድያል ፕሮግራም ወደ ከፍተኛ ትምህርት ተቋማት የሚያመሩ ተማሪዎች በተመደቡ መምህራን ፎርም እንዲሞሉ የት/ት ሚንስቴር አቅጣጫ ማስቀመጡ ይታወሳል።

በዚህም ሀሙስ ቀን ወደ ክፍተኛ ትምህርት ተቋማት መግቢያ ነጥብ ያመጡ ተማሪዎች የዩኒቨርሲቲ ምደባ ይፋ መደረጉ ይታወቃል።

ይሁንና በማዕከላዊ ኢትዮጵያ ክልል በሀዲያ ዞን አመካ ወረዳ ላይ በዲምቢቾ፣ ጌቻ እና ገነዶ ት/ት ቤቶችን እንዲሁም በጎምቦራ ወረዳ ሀቢቾ እና ቢሻና ትምህርት ቤቶች ፎርም አለመሙላታቸውን ለቲክቫህ ኢትዮጵያ በላኩት ጥቆማ ለማወቅ ተችሏል።

በወረዳው ያነጋገርናቸው ተማሪዎች እስካሁን ፎርም እንዳልሞሉ እና ከመምህራኖቻቸው ' ሲስተም አስቸግሮናል ' የሚል ምላሽ እንዳገኙ የነገሩን ሲሆን ውጤት የመጣላቸው እንኳን ያልመረጡት እና ፍጹም ካላቸው ውጤት ጋር የማይገናኝ ዩኒቨርሲቲ እንደደረሳቸው ነግረውናል። 

በወረዳዎቹ ፎርሙን እንዲሞሉ የተወከሉት መምህራን ፎርሙን ለመሙላት ጥረት በሚያደርጉበት ወቅት እንዳስቸገራቸውና መሙላት እንዳልቻሉ ገልጸዋል።

" እስከ ክልል ደውለን ለማሳወቅ ብንሞክርም ጥረታችን አልተሳካም " ሲሉ አሳውቀዋል።

ቲክቫህ ኢትዮጵያ ያነጋገራቸው የሀዲያ ዞን ትምህርት መምሪያ አይሲቲ ዳይሬክቶሬት የሆኑት ዘሪሁን ደርጫቦ ነገሩ እውነት መሆኑን አረጋግጠዋል።

" እኚህ ብቻ ወረዳዎች አይደሉም ዛሬ ብቻ ከሻሸጎ፣ ሾኔ እና ሌሎችም ወረዳዎች እስከ 10 ከሚደርሱ ት/ትቤቶች ተደውሎልኛል" ብለውናል። 

ምክንያቱ ምን ይሆን ?

" የተማሪ ዳታ ሲሞላ በአምና user name ላይ ነበር እንዲሞላ የተደረገው የአምና ካልጠፋ / Delete ካልተደረገ በስተቀር አያስገባም እኔ ደግሞ በአምና ስገባ እኔን ያስገባኝ ቤንሻንጉል ላይ ነው የኔ አካውንት ካልጠፋ ሌላኛው ዞኑ ላይ መግባት አልችልም ማለት ነው የኔን አካውንት አጥፍታችሁ ዞኑ ላይ መልሱኝ ብዬ ለክልል ባሳውቅም ሳያደርጉ ቀርተዋል እዚህ ጋር ነው ክፍተቱ የተፈጠረው።

በዚህም ምንም ወረዳዎችን ላግዝ አልቻልኩም።

የትኛው ይሙላ አይሙላ የማውቀው ነገር የለም አድሚን ስትሆን አይደለ ሚያሳይህ እኔጋ የሚመጣው የቤንሻንጉል መረጃ ነው። ይህ እንዴት እንደሆነ አላውቅም ምናልባት ፌደራል ላይ መረጃ ሲገባ ሊሆን ይችላል ስህተቱ የተፈጠረው።

ምንም መረጃ ልንለዋወጥ አልቻልንም ሪሚድያል ሙሉ በሙሉ አልተሞላም ማለት ይችላል ክልል ላይ በተደጋጋሚ ለማናገር ሞክረን ነበር ነገር ግን አልተሳካም ከወረዳ ሲደወልልኝ ወደ ክልል እየላኳቸው ቆይቻለው " ብለዋል።

በማዕከላዊ ኢትዮጵያ ክልል ትምህርት ቢሮ የሚመለከታቸውን አካላት ለማነጋገር ያደረግነው ጥረት ለጊዜው አልተሳካም።

#TikvahEthiopiaFamilyAA

#AddisAbaba

የ1997 የጋራ መኖሪያ ቤት ተመዝጋቢዎች ፥ " ለ20 ዓመታት ቤት ይደርሰናል ብለን ስንጠብቅ ከሰሞኑን የሰማነው ነገር አሳዝኖናል ፤ ፍትህ ተጓድሎብናል መፍትሄ እንፈልጋለን ፤ በቤት ኪራይ ተሰቃየን ፤ የቤት ችግር ኑሯችንን ፈተና ላይ ጥሎታል " ሲሉ ድምጻቸውን አሰምተዋል።

ትላንት ምሽት የአዲስ አበባ ቤቶች ልማትና አስተዳደር ቢሮ ማብራሪያ መስጠቱ ይታወሳል።

ዛሬ ደግሞ አስተዳደሩ በቤቶች ልማት ኮርፖሬሽን በኩል ማብራሪያ ሰጥቷል።

ኮርፖሬሽኑ ምን አለ ?

" ብቁና ንቁ የነበሩ የ1997 የጋራ መኖሪያ ቤት ተመዝጋቢዎች በ14ኛው ዙር ዕጣ ሙሉ በሙሉ ተስተናግደዋል " ብሏል።

" በ1997 ዓ/ም የቤት ባለቤት ለመሆን ተመዝግበው የነበሩ የከተማችን ነዋሪዎች በ2005 ዓ.ም በተካሄደው ዳግም ምዝገባ ወቅት ' ነባር ' የሚል መለያ ተሰጥቷቸው የነበረ ሲሆን ዳግም ከተመዘገቡና ውላቸውን ካደሱ ጊዜ ጀምሮ ሳያቋርጡ ሲቆጥቡ የነበሩ ናቸው " ሲል ገልጿል።  

" እነዚህ ተመዝጋቢዎች ቀደም ብለው የተመዘገቡ እንደመሆናቸው መጠን በ20/80 የቤት ልማት መርሃ ግብር ተገንብተው ለእጣ ከሚተላለፉት ቤቶች ውስጥ የጋራ መኖሪያና ንግድ ቤቶች ለተጠቃሚዎች ለማስተላለፍ በወጣው መመርያ ቁጥር 3/2011 መሰረት በነበሩት ዙሮች ቅድሚያ እየተሰጣቸው ሙሉ በሙሉ ተስተናግደዋል " ሲል አሳውቋል።

" በ2005 ዳግም ምዝገባ ያደረጉ ከ140 ሺህ በላይ ተመዝጋቢዎች ሳያቆራርጡ እስከ እጣ ማውጫ ቀን ድረስ እየቆጠቡ ለነበሩት እስከ 13ኛ ዙር በነበረው የጋራ መኖርያ ቤቶች እጣ ሲሰተናገዱ ቆይተዋል " ብሏል።

" ህዳር 6 ቀን 2015 ዓ.ም ለ14ኛ ዙር በተላለፉት የ20/80 የጋራ መኖርያ ቤቶች ላይም የ1997 ተመዝጋቢዎች ቅድሚያ ተሰጥቷቸው ነው የተስተናገዱት " ሲል አብራርቷል።

" በ14ኛ ዙር እጣ ዝግጅት በሚደረግበት ወቅት ንቁና ብቁ የነበሩ ከ43 ሺህ ያልበለጡ ቆጣቢዎች ቅድሚያ በመስጠት ሙሉ በሙሉ እንዲሰተናገዱ ተደርጓል " ነው ያለው።

" በእጣ ማውጫ ጊዜ በመረጃ ቋት ውስጥ የቀሩት የ1997 ተመዝጋቢዎች በጊዜው ንቁና ብቁ ያልነበሩ ናቸው "ብሏል።

" እነዚህና ሌሎች ቤት ፈላጊዎች በከተማ አስተዳደሩ እየተተገበሩ በሚገኙ የተለያዩ የቤት የልማት አማራጮች ተጠቃሚ እየሆኑ ይገኛሉ " ሲልም አመልክቷል።

ከዚህ በተጨማሪ ፥ " በአሁኑ ወቅት በከተማዋ እየተካሄዱ በሚገኙ የልማት ስራዎች ምክንያት ከመኖርያ አካባቢያቸው ለሚነሱ የልማት ተነሽዎች በአዲስ አበባ ቤቶች ልማትና አስተዳደር ቢሮ የወጣው በጋራ መኖሪያና ንግድ ቤቶች ማስተላለፍ መመርያ ቁጥር 3/2011 አንቀጽ 23 በተገለጸው መሰረት በከተማ መልሶ ማልማት ምክንያት ለሚነሱ ነዋሪዎች ምትክ ቤት ለመመደብ በተቀመጠው አሰራር መሰረት እየተስተናገዱ ናቸው " ብሏል።

ኤጀንሲው " በልማት ምክንያት የሚነሱ ነዋሪዎች ምትክ ቤት የሚሰጣቸው ከላይ በተጠቀሰው መመርያ ላይ በሰፈረው መሰረት በከተማ አስተዳደሩ ከሚገነቡ የጋራ መኖርያ ቤቶች ውስጥ ለልማት ተነሺ በሚል በመጠባበቂያ ከተያዙት ቤቶች እንጂ በመደበኛነት ለተመዝጋቢዎች ከሚተላለፉ ቤቶች አይደለም " ብሏል።

" የልማት ተነሺ ሆነው የጋራ መኖርያ ቤት ምትክ የወሰዱና በ20/80 ወይም በ40/60 የቤት ልማት ፕሮግራሞች ተመዝጋቢ የሆኑ ነዋሪዎች ከምዝገባ ቋት ውስጥ የሚቀነሱ ይሆናል " ሲልም አመልክቷል።

#AddisAbaba

በሰሜን ጋዛ 4 የእስራኤል ወታደሮች ተገደሉ

የጋዛ ጤና ሚኒስቴር እንዳስታወቀው÷የእስራኤል ጦር በሰሜን ጋዛ በተለያዩ አካባቢዎች በፈጸመው የአየር ጥቃት በርካታ ሰብዓዊ እና ቁሳዊ ጉዳቶች ደርሰዋል፡፡

እስካሁን ድረስም በአየር ጥቃቱ ሕይወታቸው ያለፉት ዜጎች ቁጥር 109 መድረሱን ነው ሚኒስቴሩ የገለጸው፡፡

የእስራኤል ጦር በበኩሉ÷በሰሜን ጋዛ የሚንቀሳቀሰው የሃማስ ታጣቂ ቡድን ላይ የተጠናከረ እርምጃ እየወሰደ መሆኑን አመልክቷል፡፡

ይሁን እንጂ በተካሄደው ጦርነት የደረሰውን ጉዳት ከመግለጽ መቆጠቡ ተጠቁሟል፡፡

በሌላ በኩል በሰሜን ጋዛ እየተካሄደ በሚገኘው ጦርነት አራት የእስራኤል ወታደሮች መገደላቸውን የእስራኤል መከላከያ ሠራዊት አስታውቋል፡፡

ከተገደሉት ወታደሮች በተጨማሪ አንድ የእስራኤል ኦፊሰር ከባድ ጉዳት እንደደረሰበት አልጀዚራ በዘገባው አስፍሯል፡፡

ወታደሮቹ በአካባቢው ከባድ ውጊያ ሲያደርጉ እንደነበር የተገለጸ ሲሆን÷ የሟቾቹ ማንነት ለቤተሰቦቻቸው ይፋ መደረጉም ተመላክቷል፡፡

የቲክቶክ መስራቹ የቻይና ቁጥር አንድ ሀብታም ሆነ

ቲክቶክን በባለቤትነት የሚያስተዳድረው ባይተዳንስ ኩባንያ መስራች ዛንግ ይሚንግ በቻይና ሀብታሞች ዝርዝር አንደኛ ደረጃ ላይ ተቀመጠ።

በቻይና የሃብታሞች ደረጃ አውጭው ሁሩን እንዳስታወቀው ያንግ ይሚንግ በዓመታዊ የሀብታሞች ዝርዝር ሲወጣ በ49 ነጥብ 3 ቢሊዮን ዶላር ሃብት በማካበት ነው በቻይና ቁጥር አንድ ሀብታም ለመሆን የቻለው።

የ41 ዓመቱ ቱጃር እ.ኤ.አ በ2021 ከባይትዳንስ ዋና ስራ አስፈጻሚነት ስልጣኑ የለቀቀ ሲሆን የአንደኝነቱን ደረጃ የታሸገ ውሃ በማምረት ዘርፍ ከተሰማራው ዦንግ ሻንሻን ተቀብሏል።

ይህን ተከትሎ ሻንሻን በ47 ነጥብ 9 ቢሊዮን ዶላር ሀብት በማካበት በሁለተኛ ደረጃ ላይ ተቀምጧል።

ምንም እንኳን ባይትዳንስ በአሜሪካና በአውሮፓ ክሶችና የእገዳ ማስፈራሪያዎች ቢበረክቱበትም የባለፈው ዓመት ዓመታዊ ገቢው በ110 ቢሊዮን ዶላር (30 በመቶ) እንዳደገለት ኢኮኖሚክ ታይምስ የተባለ ድረገፅ ዘግቧል።

የትግራይ ክልል ፖለቲከኞች ዉዝግብ እንደቀጠለ ነዉ

በጌታቸው ረዳ የሚመራው የትግራይ ግዚያዊ አስተዳደር የመቐለ ከተማ ከንቲባን ከስልጣናቸው አገዸ። አሁን የታገዱት ከንቲባ፥ በቅርቡ የመቐለ ከተማ ምክር ቤት የሰየማቸው መሆናቸዉ ይታወቃል። የከተማዋ ምክር ቤት ትላንት ባወጣው መግለጫ ፕሬዝደንቱ ከንቲባውን ማገዳቸዉ ተቃውሟል። ትግራይ የተለያዩ አካባቢዎች ግዚያዊ አስተዳደሩ ከቆዩ ምክር ቤቶች ጋር ውዝግብ ውስጥ ናቸው።

ከግለሰቦች የተያዘን አደንዛዥ ዕጽ ቀንሶ በመሰወር የተከሰሰው የፖሊስ አባል በጽኑ እስራት ተቀጣ

በፍትሕ ሚኒስቴር የሙስና ጉዳዮች ዳይሬክቶሬት ዐቃቤ ሕግ በተከሳሹ ላይ የሙስና ወንጀሎችን ለመደንገግ የወጣውን አዋጅ ቁጥር 881/2007 አንቀጽ 15(1) እና (2) ስር የተመለከተውን መተላለፍ የሚል ክስ በ2016 ዓ.ም አቅርቦበት ነበር።

በዚህም ተከሳሹ በኢትዮጵያ ፌደራል ፖሊስ ኮሚሽን በወንጀል ምርመራ ጠቅላይ መምሪያ በህብረት ምርመራና ማስተዳደር ዋና ክፍል ስር የአደገኛ ዕጽ ኤግዚቪት አስተዳደር ስራ እንዲሰራ ተመድቦ በመስራት ላይ እያለ በ2015 ዓ.ም በተለያዩ ወራት ከተለያዩ 8 ተጠርጣሪዎች ላይ የተያዙ የተለያየ መጠን ያላቸው የኮኬይን አደንዛዥ ዕጾችን በኤግዚቪትነት ከተረከበ በኋላ በአጠቃላይ ተከሳሽ በአደራ የተረከበዉን ከተጠርጣሪዎች እጅ የተያዘን እና በኤግዚቪትነት የተመዝገበ አደገኛ የኮኬይን ዕጽ ማለትም 7 ጥቅል ፍሬ፣ ከ8 ግለሰቦች የተያዘ 16 ነጥብ 275 ኪሎ ግራም ካናቢስ ዕጽ አጥፍቶ አይነቱን በሌላ ንጥረ ነገር የቀየረ በመሆኑ በፈጸመው በስራ ተግባር የሚፈጸም የመውስድና የመሰወር ወንጀል ተከሷል።

ፍርድ ቤቱም የምስክር ቃሉን መርምሮ ተከሳሹ በተከሰሰበት ድንጋጌ ስር እንዲከላከል ብይን የሰጠ ሲሆን÷ተከሳሹ የመከላካያ ማስረጃ ያቀረበ ቢሆንም ያቀረበው መከላከያ ግን የዐቃቤ ሕግ ማስረጃን መከላከል (ማስተባበል)አለመቻሉ ተጠቅሶ የጥፋተኝነት ፍርድ ተላልፎበታል፡፡

ፍርድ ቤቱ የግራ ቀኝ የቅጣት አስተያየት መርምሮ ተከሳሹ በኩል የቀረቡ የቅጣት ማቅለያ አስተያየቶችን በመያዝ በ3 ዓመት ከ7 ወራት ጽኑ እስራትና በ2 ሺህ ብር የገንዘብ መቀጮ እንዲቀጣ ወስኗል።

ናኢም ቃሲም የሂዝቦላህ ታጣቂ ቡድን መሪ ሆኖ ተመረጠ

ሂዝቦላህ የቡድኑ መሪ የነበረው ሃሰን ናስራላህ በቅርቡ በእስራኤል ጦር ጥቃት መገደሉን ተከትሎ ነው ናኢም ቃሲምን የቡድኑ መሪ አድርጎ የመረጠው፡፡

የ71 ዓመቱ ናኢም ቃሲም ከዚህ ቀደም በቡድኑ ውስጥ ለረጅም ዓመታት በተለያዩ የሃላፊነት ቦታዎች ላይ ማገልገሉን የሬውተርስ ዘገባ አመላክቷል፡፡

የሂዝቦላህ ታጣቂ ቡድንን ለረጅም ዓመታት ሲመሩ የነበሩት ሃሰን ናስራላህ ከአንድ ወር በፊት እስራኤል በቤሩት በፈጸመችው የአየር ጥቃት መገደሉ ይታወሳል፡፡

በተመሳሳይ ናስረላህን ይተካል ተብሎ ሲታሰብ የነበረው ሃሺም ሴፊየዴን ከሳምንታት በፊት በእስራኤል ጥቃት መገደሉ ይታወቃል፡፡

የሰነዶች ማረጋገጫና ምዝገባ አገልግሎት ለሚሰጣቸው አገልግሎቶች "ፋይዳ" መታወቂያ ማቅረብ ግዴታ መሆኑን አስታወቀ

የሰነዶች ማረጋገጫና ምዝገባ አገልግሎት በአዲስ አበባ በሚገኙት 16 ቅርንጫፎች ለሚሰጣቸው አገልግሎቶች ደንበኞች "ፋይዳ" ዲጂታል መታወቂያ ማቅረብ ግዴታ እንዳለባቸው አስታወቀ።

በአዲስ አበባ ከተማ አገልግሎት ለማግኘት ፋይዳ ዲጂታል መታወቂያ ወይም የተመዘገቡበትን ማስረጃ ማቅረብ አስፈላጊ ስለመሆኑ ተቋሙ ባወጣው መረጃ አመላክቷል፡፡

በመሆኑም ከህዳር 1 ቀን 2017 ዓ.ም ጀምሮ ተቋሙ ለሚሰጠው አገልግሎት ደንበኞች ፋይዳ ዲጂታል መታወቂያ ወይም የተመዘገቡበትን ማስረጃ ማቅረብ ግዴታ እንዳለባቸው ማሳሰቡን ከሰነዶች ማረጋገጫና ምዝገባ አገልግሎት ያገኘነው መረጃ ያመላክታል፡፡

የBlum Ceo አሁን ያጋራው ነው PAWS REAL PROJECT ነው ቤተሰቦች የማይሰራ እንዳይኖር 🙏

🐾

#ExchangeRate

የዶላር ምንዛሬ ዋጋ ጭማሪ አሳየ።

ባለፉት ቀናት በኢትዮጵያ ንግድ ባንክ አንድ የአሜሪካ ዶላር መግዣው 116 ብር ከ6699 ሳንቲም  ፤ መሸጫው ደግሞ 119 ብር ከ0033 ሳንቲም ነበር።

ዛሬ ይፋ በሆነው ምንዛሬ ዋጋው ጨምሯል።

ባንኩ በመግዣ ዋጋው ላይ ከ2 ብር በላይ ጭማሪ በማድረግ 119 ብር ከ2044 ሳንቲም አስገብቶታል።

መሸጫውም በተመሳሳይ ከ2 ብር በላይ ጨምሮ 121 ብር ከ5885 ሳንቲም ገብቷል።

በግል ባንኮችም ዶላር ከ119 ብር - 120 ብር ባለው እየተገዛ ፤ እስከ 123 ብር ድረስ እየተሸጠ ይገኛል።

(በግል ባንኮች ያለውን የዶላር የምንዛሬ ተመንን እንዲሁም የሌሎች ሀገራት ገንዘብ ምንዛሬ ከላይ ተያይዟል)

" እኔ የፓርላማ አባል ሄጀ የተመለስኩ ሌላው ህዝብ እንዴት እየተገለገለ ነው ?  " -  የፓርላማ አባል

አንዳንድ ሚኒስትሮች ከተሾሙ በኃላ ለሆነ ጉዳይ ወደ ቢሯቸው ሲኬድ ቢሯቸውን እየዘጉ እንደሆነ አንድ የፓርላማ አባል ተናግረዋል።

አንድ ተሿሚ አመራር ከስልጣን ሲወርድ ህዝቡ ጋር እንደሚገባው በሹመቱ ሰዓትም ህዝቡ ጋር መኖር እንዳለበት አንሰተዋል።

ምን ጊዜም ተገልጋዮች ምላሽ እንዲያገኙ ቢሮዎች ክፍት መሆን አለባቸው ፤ በስልክም መገኘት አለባቸው የሚል ሃሳብ ተነስቷል።

የፓርላማ አባል ሄዶ ' ማግኘት አትችሉም ' ተብሎ ከተመለሰ ሌለው ተገልጋይ ህዝብ እንዴት እየሆነ ይሆን ? የሚል ጥያቄ ተነስቷል።

ወ/ሮ እታፈራሁ ዘገየ  (የፓርላማ አባል) ፥

" እኔ አንዳንዴ የሚጨንቀኝ ጉዳይ አለ። ተሿሚዎች የምናውቃቸውና የምናያቸው እዚህ ምክር ቤት ላይ መጥተው ሹመት ስንሰጣቸው ነው እንዴ ?

አንድ ተሿሚ ወይም አመራር ሚኒስተር ሆኖ ሲቀመጥ ሲወርድ ህዝብ ጋር እንደሚገባው ሲኖርም ህዝብ ጋር መኖር አለበት።

እያየን ነው ባለንበት ሂደት ሰው ተቋሙን ካበቃ እንደሚኖር ተቋሙን ካላበቃ ደግሞ ቦታ እንደሚፈለግለት እያየን ነው።

ስልጣን ጊዜያዊ ኮንትራት ነው።

ከዚህ ጋር በተያያዘ ሚኒስተር መ/ቤቶች ጋር የሚገጥመን ነገር አለ።

ምን ጊዜም ቢሮዎች ክፍት ነው መሆን ያለባቸው ለተገልጋይ  ምላሽ ለማግኘት።

ከፀሀፊ ይጀምራል ' ሚኒስትሩ የሉም ፣ ማግኘት አይቻልም ፣ ቀጠሮ ይዛችሁ ነው ' ይባላል። ይሄ መስተካከልና መሻሻል አለበት።

እኔ አንዳንድ ጊዜ ሚኒስትሮቹን እዛ ስንሾም ብቻ ነው እንዴ መልካቸውን የምናየው ? ለምን ቢሮ ላይ ሄደን አናገኛቸውም ? የምንላቸው ተቋማት አሉ።

እኔ አንድ ሚኒስቴር መ/ቤት ሄጄ ሚኒስትሩን ፈልጌ ነበር አልኩኝ  በጣም ተናደደብኝ ጥበቃው ' እንዴት ሚኒስትሩ ትያለሽ ? ' ብሎ አይ እኔ የፓርላማ አባል ነኝ ብዬ በግድ ነው የገባሁት።

ቢሮ ሁሉ ክፍት መሆን አለበት። ፀሀፊዎቹም ኦሬንት መደረግ አለባቸው።

እኔ ሄጄ (የፓርላማ አባል) የተመለሰ ሌላው ህዝብ እንዴት እየተገለገለ ነው ? የሚል ጥያቄና የራሴ ምልከታ አለኝ።

ባለጉዳይ የሚስተናገድበት ጊዜ መወሰን አለበት፤ ሂዶ ማግኘት የሚቻልበት ፤ ስልክ ላይ መገኘት ባለባቸው ሰዓት መገኘት አለባቸው።

ወርዶ ከህዝብ መቀላቀል ስለማይቀር ስንሾምም ደግሞ ነገ ህዝብ ጋር ስንኖር ስንወርድ ያምርብናል። "

#TikvahEthiopiaFamilyAA

ደመወዝ

ከዚህ ወር ጀምሮ ተግባራዊ የሚደረገው አዲሱ የደሞዝ ስኬል
የተሻሻለው የመንግስት ደሞዝ ጭማሪ ስኬል ይፋ ሆኗል።
የጥቅምት ወር የመግስት ሰራተኞች ደመወዝ በተጠቀሰው ስኬል መሰረትም እንደሚተገበር ታውቋል።

🔈 #የነዋሪዎችድምጽ

" በሰው ላይ ጨዋታ ነው እንዴ የያዙት ? " - ነዋሪዎች

በአዲስ አበባ ፈረንሳይ ለጋሲዮን ' ጨፌ ሜዳ ' ነዋሪዎች በመብራት መቆራረጥ እንዲሁም ጠፍቶ እስከወዲያኛው መቅረት እጅግ በጣም ተማረዋል።

በተደጋጋሚ ቅሬታ ቢያቀርቡም መፍትሄ አላገኙም።

ነዋሪዎች ለኤ ኤም ኤን በሰጡት ቃል ምን አሉ ?

➡️ ከአምትና ከሁለት ዓመት በፊት እንዲሁ ይጠፋል ይቃጠላል መጥተው ይቀይራሉ ፤ የሚቀይሩት ኃይሉ የተመጣጠነ አይደለም ወዲያ ይጠፋል።

➡️ ሰው ላይ ጨዋታ ነው እንዴ የያዙት ? ለምንድነው እንዲህ የሚደረገው ? ሰራን ብለው እንደሄዱ ወዲያው ይጠፋል። እነሱ ደመወዛቸውን እየበሉ ነው ፤ እንጀራ ጋግሮ መብያ ይጠፋል እንዴ ?

➡️ ከ30 እና 40 ዓመት በፊት ስንገለገልበት በነበረበት መጠን እንድንገለገል እየተደረገ ሰው ጭለማ ውስጥ ነው ያለው።

➡️ ፍሪጅ ተበላሽቷል አይሰራም ፤ ቴሌቪዥን ተበላሽቷል ለሰራተኛ ብር እየሰጠን ነው የምናሰራው። ለፍተን ደክመን አጠራቅመን በእርጅና ጾም እንፈታበታለን ያለው ነገር ሁላ እየተበላሸብን ነው። ባለፈው ብዙ ነገር ተበላሽቶ ጥለናል።

➡️ ፍሪጅ የሚፈልግ መድሃኒት አለ ያ ሁሉ ከንቱ ቀረ ሰው ይሙት እያሉ ነው ?

➡️ ህጻናት ፣ ልጆች ፣ አቅመ ደካማ አለ ስንት ጣጣ ነው ያለው። ቤት ውስጥ ብዙ ነገር ነው ያለው። ቢደወልላቸው አይመጡ ፤ መጣን መጣን እያሉ ያሾፋሉ። ሲመጡ ደግሞ ምኑን ነክተውት እንደሚሄዱ አይታወቅም ኬላ እንኳን ሳያልፉ ወዲያው ይጠፋል።

➡️ የተቦካ እህል እየተበላሸ ነው የት ይጋገር ?

በኢትዮጵያ ኤሌክትሪክ አገልግሎት የሰሜን አዲስ አበባ ሪጅን ኃላፊ ዳይሬክተር ይሄይስ ስዩም ለኤ ኤም ኤን በሰጡት ቃል ፤ ቅሬታው እውነትነት እንዳለው ገልጸዋል።

" ለፈጠርንባቸው ችግር ደንበኞቻችንን ይቅርታ ጠይቃለሁ። በአጭር ጊዜ ውስጥ ሁለት ሳምንት ሳይሞላ ወይም ከዛም ባነሰ ጊዜ መፍትሄ እንሰጣቸዋለን " ብለዋል።

#ፈረንሳይለጋሲዮን #ጨፌሜዳ

#AddisAbaba

“ ከቆጣሪ ጋ የመገጣጠም ሥራው ግፋ ቢል ከዚህ በኋላ አንድ ወር ቢፈጅ ነው ” - ኖህ ሪልስቴት

ኖህ ሪልስቴት ሰሚነት አካባቢ “ ኤርፓርት ድራይቭ ” በተሰኘ ሳይቱ የገነባቸውን ሱቆችና ቤቶች ዛሬ ለገዢዎቹ ማስረከቡን ገልጿል።

የድርጅቱ የሕግ ክፍል ኃላፊ አቶ ዮሴፍ ደስታ፣ “ ዛሬ ሰሚት አካባቢ በሚገኘው 'ኤርፓርት ድራይቭ' የተሰኘ ሳይት ቤቶችን ስላጠናቀቅን የምረቃት ሥነ ስርዓት አካሂደናል ” ሲሉ ለቲክቫህ ኢትዮጵያ ተናግረዋል።

በዚህ ፕሮጀክት በአጠቃላይ ሱቅን ጨምሮ ወደ 750 ቤቶች እንዳስረከቡ ገልጸዋል።

በመርሃ ግብሩ የተገኙት የአዲስ አበባ ከተማ አስተዳደር ምክትል ከንቲባ አቶ ጃንጥራር አባይ ባደረጉት ንግግር፣ “ በዛሬው እለት እያስመረቅናቸው ያሉ 750 ቤቶቾና 43 ሱቆች ከተማችንን የሚመጥኑ ሆነው ለምተዋል ” ብለዋል።

እስከዛሬ ባስረክባችኋቸው ቤቶች የመሠረተ ልማት ቅሬታ ይነሳል (ለምሳሌ አያት ግሪን ሰይት ተጠቃሽ ነው) በአሁኑ ሳይትስ ተመሳሳይ ቅሬታ እንዳይኖር መሠረተ ልማቱ ተሟልቷል ? ሲል ቲክቫህ ለአቶ ዮሴፍ ጥያቄ አቅርቧል።

ምን አሉ ?

“ ከአያት ግሪን ፓርክ ልምድ ወስደናል። ሁሉም ፕሮጀክቶቻችን ላይ መዘግዬት የተፈጠረው ከኮቪድ ጀምሮ ባለው ችግር ነው። ነገር ግን ከዚያ በኋላ ያለውን ነገር እንዴት እንፍታ ? በሚል ግሪን ፓርኩ ላይ ልምድ ወስደናል።
 
ከወሰድነው ልምድ አንጻር ለዚህኛው ፕሬጀክት አስፈላጊው ጀነሬተር ገብቷል ፤  ትራንስፎርመር ገብቷል። የመብራት ፓሎችም ተተክለዋል። ከህንጻዎቹ ጋር የማገናኘት ሥራ ብቻ ነው የሚቀረን።

ውሃን በተመለከተ ፤ ቦታው ላይ የከርሰ ምድር ውሃ ቆፍረን ለነዋሪው አዘጋጅተናል። ስለዚህ የውሃ ችግር አይኖርም። 

መብራትን በተመለከተም ከመንግስት የፓወር ችግር የለም። በኛ በኩል የሚያስፈልገውን ትራንስፎርመር፣ ጀነሬተር፣ ሌሎቹን ኢንፍራስትራክቸሮች በሙሉ አዘጋጅተናል። ስለዚህ እሱን የማገናኘት ሥራ እንሰራለን ” ብለዋል።

በአጠቃላይ በገዢዎች የሚነሱ የመሠረተ ልማት ቅሬታዎችን ለመቅረፍ ኖህ ምን እየሰራ ነው ? ዛሬ ያስረከባችኋቸው ቤቶች መሠረተ ልማቶች መቼ ይጠናቀቃሉ ? የሚጠናቀቁበትን ጊዜስ ከገዥዎቹ ጋር ተነጋግራችኋል ? ስንል ላቀረብነው ጥያቄም ተከታዩን ማብራሪያ ሰጥተዋል።

ማብራሪያቸው ምንድን ነው?

“ ትልቅ እንቅፋት የነበረው የትራንስፎርመር ችግር ነው። ከመንግስት (ከኤሌፓ) ነው የሚገዛ የነበረው። ከዚያ ብቻ በሚገዛበት ጊዜ ወረፋ እንጠብቅ ነበር። አሁን ግን ተፈቅዶልናል ከገበያ እንድንገዛ። ያ እንቅፋት የለም።

ውሃን በተመለከተ ፤ የከተማውን የውሃ እጥረት ስለምናውቅ ትኩረት ሰጥተን የምንሰራው በከርሰ ምድር ላይ ነው። ውሃም ቶሎ የሚገኝበትን መንገድ እንሰራለን።

ህንጻዎቹ ያልቃሉ ከዛ የመሠረተ ልማት ጥያቄ አለ። ይሄ ጥያቄ የኛ ብቻ አይደለም። ዋናው ሆኖ እያለ በመንግስት ፕሮጀክቶች ላይም የውሃ እጥረት አለ። ለመቅረፍ እየሰራን ነው።

መሠረተ ልማቱ በምን ያክል ጊዜ ውስጥ ያልቃል ? ሁሉም እቃ ቀርቧል። የቀረው ነገር መብራት በሚሰራው ኮንትራክተር መገጣጠም ነው። ከቆጣሪ ጋ የመገጣጠም ሥራው ግፋ ቢል ከዚህ በኋላ አንድ ወር ቢፈጅ ነው ” ሲሉ መልሰዋል።

የአያት ግሪን ፓርክ የገዢዎች የመሠረተ ልማት ከምን እንደደረሰ ጠይቀናቸው በሰጡን ቃል አቶ ዮሴፍ ፤ “ ተመሳሳይ እምጃዎችን ወስደን የመብራት አገልግሎቱ አሁን በዬቤቱ ቆጣሪ የማስገባት ሥራ ተጀምሯል” ነው ያሉት።

“ ስለዚህ እዛም ያለውን ችግር አቃለናል። ውሃን በተመለከተ ለውሃ የሚያስፉፍገው የታንከር ማስቀመጫ ቦታ ችግር ነበረብን እሱን ፈትተን ውሃውን ግቢ ውስጥ አስቀምጠን ወደ ፊት እየተራመድን ነው ያለነው ” ሲሉ አክለዋል።

#TikvahEthiopiaFamily

#መቐለ

" የጊዚያዊ አስተዳደሩን የሚፃረር አቋም በመያዝ በጊዚያዊ አስተዳደሩ ስር ያለን መዋቅር መምራት አትችሉም " - አቶ ጌታቸው ረዳ

የትግራይ ጊዜያዊ አስተዳደር ፕሬዜዳንት አቶ ጌታቸው ረዳ አዲሱን የመቐለ ከንቲባ ከስራ አገዱ።

ፕሬዜዳንት አቶ ጌታቸው ረዳ " ለዶ/ር ረዳኢ በርሀ " በማለት ጥቅምት 15/2017 ዓ.ም በፃፉት ደብዳቤ ፤ አዲሱ የመቐለ ከተማ ከንቲባ ዶ/ር ረዳኢ በርሀ ህጋዊ ያልሆነ ተግባራቸውን እንዲያቆሙ አሳስበዋል።

" የመቐለ ከተማ ምክር ቤት መጠቀምያ በማድረግ የጊዚያዊ አስተዳደሩ ስራ የሚፃረር ተግባር መፈፀም አይቻልም " ያለው የፕሬዜዳንቱ ደብዳቤ የአዲሱ ከንቲባ ሹመት በጊዚያዊ አስተዳደሩ ተቀባይነት እንደሌለው አስረድቷል።

አቶ ጌታቸው " የጊዚያዊ አስተዳደሩን የሚፃረር አቋም በመያዝ በጊዚያዊ አስተዳደሩ ስር ያለን መዋቅር መምራት አትችሉም ፤ ጊዚያዊ አስተዳደሩም ከእርስዎ ጋር መሰራት አይችልም " ብለዋል።

በመቐለ ከተማ የሚገኙ የመንግስት መዋቅሮች " ህጋዊ አይደሉም " የተባሉት ከንቲባ የሚሰጡዋቸው አመራሮች እና ትእዛዞች ተቀብለው እንዳይፈፅሙ ፕሬዜዳንቱ አስጠንቅቀዋል።

አዲሱ የመቐለ ከንቲባ ዶ/ር ረዳኢ በርሀ ፤ ዶ/ር ደብረፅዮን ገ/ሚካኤል በሚመሩት ህወሓት የስራ አስፈፃሚ ሆነው የተመረጡ ናቸው።

በያዝነው ወር መጀመሪያ ሳምንት ደግሞ የቀድሞውን ከንቲባ አቶ ይትባረክ አምሃ በመተካት ከንቲባ ሆነው እንዲመሩ በመቐለ ከተማ ምክር ቤት መሾማቸውን ቲክቫህ ኢትዮጵያ የመቐለ ቤተሰብ መዘገቡ ይታወሳል።

#TikvahEthiopiaFamilyMekelle

እስራኤል ከእኩለ ለሊት ጀምሮ በኢራን ወታደራዊ ተቋማት ላይ ተደጋጋሚ የአየር ጥቃት መፈጸሟን አስታወቀች!

ኢራንም በበኩሏ በዋና ከተማዋ ቴህራን፣ ኹዜስታን እና ኢላም በተባሉ ግዛቶቿ ውስጥ የሚገኙ ወታደራዊ ሰፈሮች የእስራኤል ጥቃት እንደተፈጸመባቸው አስታውቃለች።

የእስራኤል መከላከያ ኃይል ጥቃቱን የፈጸመው ኢራን እና በመካከለኛው ምሥራቅ የሚገኙ አጋሮቿ የሆኑ ታጣቂ ቡድኖች ለፈጸሙት “ለወራት የዘለቀ ጥቃት" ምላሽ መሆኑን አስታውቋል።

ጥቃቱን የፈጸመው “በተመረጡ ወታደራዊ ዒላማዎች” ላይ መሆኑን ያስታወቀው የእስራኤል መከላከያ ኃይል ኢራን ካለፈው ዓመት መስከረም 23/2016 ዓ.ም. ጀምሮ “ያለማቋረጥ እስራኤል ላይ ጥቃት ስትፈጽም ቆይታለች” ሲል ወንጅሏታል።

ይህ የእስራኤል ጥቃት የተፈጸመው ቴህራን ውስጥ በሐምሌ ወር የሐማስ ፖለቲካ መሪ በመገደላቸው ኢራን ከ200 በላይ ባሌስቲክ ሚሳዔሎችን መስከረም 21/2017 ዓ.ም. በእስራኤል ላይ ከተኮሰች በኋላ ነው።

የእስራኤል አየር ኃይል ሌሊቱን የፈጸመው ጥቃት ኢራን በእስራኤል ላይ የተኮሰቻቸውን ሚሳኤሎች የሚያመርቱ ተቋማትን፣ የአየር ጥቃት መከላከያ እና የሚሳዔል ማስወንጨፊያ ሥርዓቶችን ዒላማ መደረጋቸው መገለጹን ቢቢሲ ዘግቧል።

ኢራን በወታደራዊ ይዞታዎቿ ላይ ጥቃት እንደተፈጸመባት አረጋግጣ፤ ነገር ግን “ጥቃቱ ውስን ጉዳት” ቢያደርስም በተሳካ ሁኔታ ማክሸፏን አስታውቃለች።

🔈 #የነዋሪዎችድምፅ

የሰንጋ ተራ 40/60 የጋራ ህንጻ ቤቶች ባለቤቶች ኃ/የተ/ህብረት ስራ ማህበር የነዋሪዎች ይዞታ መሆኑ እየታወቀ ለሶስተኛ ወገን ተላልፏል ያለው ይዞታ ጉዳይ ፍርድ ቤት ድረስ የደረሰ ነው።

የፌዴራል የመጀመሪያ ደረጃ ፍርድ ቤት ነው ጉዳዩን የተከታተለው።

ከሳሽ ሆኖ የቀረበው ደግሞ ታሌሮ ኃ/የተ/የግል ማህበር ነው። ክስ ያቀረበው በሰንጋ ተራ የጋራ ህንጻ ነዋሪዎች ኃ/የተ/ የህብረት ስራ ማህበር ላይ ነው።

ከሳሽ ያቀረበው ክስ ፥ ተከሳሾች በኃይል ገብተው የተሰጠኝን ከ600 ካ.ሜ በላይ የሆነ ቦታ ለመንጠቅ የብረት አጥር በማጠር ሁከትም ፈጥረዋል የሚል ነው።

" በሁከቱ ምክንያት ለደረሰብኝ ጉዳትና ኪሳራ ከነወለዱ ተከሳሾች እንዲተኩ ይወስንልኝ " የሚል ነው።

ከዚህ ጋር የሰነድ ማስረጃ አቅርቧል።

የሰንጋ ተራ የጋራ ህንጻ ነዋሪዎች ኃ/የተ/ የህብረት ስራ ማህበር በበኩሉ ፦
-  ከሳሽ የሁከት ይወገድልኝ ክስ ያቀረበበት ይዞታ በእጃ አደርጎ ወይም በይዞታው ስር አድርጎ በቀጥታ ወይም በተዘዋዋሪ መንገድ ሲያዝበት የነበረ ይዞታ አይደለም።
- ከሳሽ ለክርክሩ መነሻ የሆነውን ይዞታ ይዞት አያውቅም።
- ከሳሽ ባያያዙት ካርታ ላይ ከተረጋገጠው ይዞታ ውጭ የሆነ ይዞታ ነው። ይዞታው በቤቶች ልማት ኮርፖሬሽን በክ/ከተማው መሬት ልማት ማኔጅመንት በኩል ካሳ ተከፍሎብት የሰንጋ ተራ የጋራ ህንፃ ነዋሪዎች ማህበር ይዞታነት የተካለለ ነው፡፡

ስለሆነም ከሳሽ በእጁ በማይገኝ ይዞታ የራሱ ባልሆነና በይዞታው ስር ባልነበረ ይዞታ ላይ ያቀረበው ክስ ተቀባይነት እንደሌለው ገልጿል።

ሌላው ከሳሽ የፕላን ስምምነት የተሰጠው አሁን ክርክር በተነሳበት ይዞታ ላይ ሳይሆን አስቀድሞ በነበረው ይዞታ ላይ እንደሆነ አመልክተዋል።

በከሳሽ ይዞታ በማስረጃነት ከተያያዘው ካርታ ላይ መረዳት እንደሚቻለው ባለ 7 ፎቅ ህንጻ የሰራው በ1685 ካ/ሜ ይዞታ ላይ ነው  እንጂ በክሱ ላይ እንደተገለጸው በካርታ ከተያያዘው ይዞታ ውጭ ባለው 600 ካ/ሜ በላይ በሆነው ይዞታ ላይ አይደለም ብለዋል።

ክሳሽ የሁከት ይወገድ ክስ ያቀረበው በህጋዊ መንገድ ከያዘው ይዞታ ውጪ በሆነው በ600 ካ/ሜ ይዞታ ላይ ነው ይህም በእጁ አድርጎ የማያዝበት በመሆኑ ክሱ ተገቢነት የለውም ብለው ተከራክረዋል።

የሰንጋ ተራ የጋራ ህንጻ ነዋሪዎች ኃ/የተ/ የህብረት ስራ ማህበር  ፦
° በከሳሽ ይዞታ ወስጥ በመግባት የሰራነው አጥር የለም፤
° ይዞታው የከሽ ስለመሆኑም የሚያረጋግጥ ምንም አይነት ማስረጃም የለም።
° አጥር የሰራነውም በይዞታችን ስር አድርገን እየተጠቀምንበት ባለው ይዞታ እና ስልጣን ካው አካል የተሰጠንን የግንባታ ቦታ ፕላን እና የአጥር ግንባታ ፈቃድ በመያዝ በህጋዊ መንገድ ነው።
° በከሳሽ በኩል የቀረቡት ሰነዶች ለክርክሩ መነሻ በሆነው ይዞታ በ600 ካ.ሜ በላይ የሆነው ይዞታ ላይ ባለይዞታነቱን የሚያስረዱ ማስረጃዎች አይደሉም።
° ' ማስፋፊያ ጠይቄ ተስጥቶኛል ' ካለም አግባብ ባለው አካል የተሰጠው ለመሆኑ ሊያረጋግጥ የሚችል ማስረጃ ማቅረብ ሲገባው አላቀረበም።

ክሱ ውድቅ ይሁን ፤ በቂ ወጪና ኪሳራ እንዲከፈለን ሲሉ ጠይቀዋል።

የልደታ ክ/ከተማ መሬት ልማት ማኔጅመንት ጽ/ቤት ጣልታ ገብቶ እንዲከራከር ይታዘዝልን በማለትም ለፍርድ ቤት አመልክተው ነበር።

ማህበሩ በማስረጃነት የሰነድ ማስረጃ እና የሰው ምስክር አቅርቧል።

ፍርድቤቱ የልደታ ክ/ከተማ መሬት ልማት ማኔጅመንት ጽ/ቤት ጣልቃ ገብቶ እንዲከራክር በ29/10/13 ዓ.ም ላይ ትእዛዝ የሰጠ ቢሆንም ጣልቃገብ የሰጡት መልስ ባለመኖሩ መልስ የመስጠት መብታቸው ታልፎ ክስ በሌሉበት ተሰምቷል።

ፍርድ ቤት በሁለቱም በኩል የቀረቡ ዶክመንቶችን ከተመላከተ በኃላ ጉዳዩ በገለልተኛ አካል መጣራት አለበት በማለት የአዲስ አበባ የመሬት ይዞታ አስተዳደር ፅ/ቤት ከልደታ ክ/ከተማ የመሬት ልማትና አስተዳደር ፅ/ቤት ጋር በጋራ በመሆን ግራ ቀኙ በተገኙበት ይዞታው በከሳሽ ስራ መሆን አለመሆኑን በማጣራት ምላሽ እንዲልክ አዟል።

በኃላም የአዲስ አበባ ከተማ የመሬት ልማትና አስተዳደር ቢሮ ፥

" የቅየሳ መሳሪያ ይዘን በቦታው ላይ በአካል ተገኝተን ልኬት ልንወስድ ዝግጅት እያደረግን እያለ ከሳሽ ጥያቄያቸው በይዞታ ማረጋገጫ ካርታ በያዙት 1685 ካ.ሜ ይዞታቸው ላይ ሳይሆን በካርታ ከያዙት ውጭ ተጨማሪ የቦታ ማስፋፋት ጥያቄ መሆኑን በቃል ያስረዱን ሲሆን በዚህም ልኬት ሳናከናውን ተመልሰናል። ጥያቄያቸው አስተዳደራዊ ውሳኔ የሚሻ በመሆኑ ለሚመለከተው አካል አመልክተናል። " የሚል ምላሽ ነው የሰጠው።

ፍ/ቤቱም በምላሽ የቀረበው የስነድ ማስረጃ ለክርክሩ መነሻ የሆነው ይዞታ ከሳሽ በይዞታ ማረጋገጫ ካርታ በያዙት 1685 ካ.ሜ ይዞታቸው ላይ ሳይሆን በካርታ ከያዙት ውጭ ተጨማሪ የቦታ ማስፋፋት ጥያቄ መሆኑን እና አስተዳደራዊ ውሳኔ የሚሻ መሆኑን ያሳያል ብሏል።

በዚህም ምላሽ የሚያስረዳው ለክርክሩ መነሻ የሆነው ይዞታ የከሳሽ ይዞታ አለመሆኑን እንደሆነ በግልጽ አስቀምጧል።

ከሳሽ ለክርክሩ መነሻ የሆነውን ይዞታ በእጁ አድርጎ በእዉነት እያዘዘበት መሆኑ እና ይዞታዉን በህግ አግባብ ያገኘዉ መሆኑ በማስረጃ ያልተረጋገጠ በመሆኑ የከሳሽን ክስ ፍ/ቤቱ አልተቀበለውም።

ውድቅም በማድረግ ወስኗል፡፡

ይህ ውሳኔ በተሰጠበት ሁኔታ ቆይቶ እና አረሳስቶ በሚመስል ሁኔታ ቦታው በፖሊስ ኃይል ታግዞ ታጥሯል።

የሰንጋ ተራ የጋራ ህንጻ ነዋሪዎች ኃ/የተ/ የህብረት ስራ ማህበር የማጠር ተግባሩና እየተፈጸመ ያለው ከህግ ውጭ የሚደረግ ድርጊት ይቁም በሚል ይመለከታቸው ያላቸው ቢሮችን ለማነጋገር ቢጥርም ሰሚ አላገኘም።

አሁንም ቦታው ታጥሮ ይገኛል።

(ቲክቫህ ኢትዮጵያ የደረሰው የፍርድ ቤት ውሳኔና ሌሎች ዶክመንቶች ከላይ ተያይዘዋል)

ትላንትና መርካቶ ሸማ ተራ እሳት አደጋ ሲከሰት እጅግ በሚያሳፍር ሁኔታ አንዳንድ ህሊና የሌላቸው ሰዎች ዝርፊያ ላይ ተሰማርተው ነበር።

በዛ ጭንቅ ሰዓት፣ ሁሉም እሳቱን ለማጥፋ ሲረባረብ እነሱ ግን የራሳቸው ሃቅ ያልሆነን የሰው ንብረት ሲዘርፉ ነበር።

ከአሳዛኙ የእሳት አደጋ በተጨማሪ ይህ የዝርፊያ ተግባር የአካባቢው ነሪዎችን አሳዝኗል።

ዛሬ የአዲስ አበባ ፖሊስ ይፋ ባደረገው መረጃ ፥ አደጋውን እንደ ምቹ ሁኔታ በመጠቀም የስርቆት ወንጀል የፈፀሙ 33 ተጠርጣሪዎችን ይዞ ምርመራ እያጣራ ይገኛል።

በሌላ በኩል ከአደጋው ጋር በተያያዘ በ7 ሰዎች ቀላል በ2 ሰዎች ላይ ደግሞ ከባድ ጉዳት  መድረሱን አሳውቋል።

የአደጋውን መንስኤ የለማጣራት ከፌዴራል ፖሊስ የፎረንሲክ ምርመራ ቡድን ጋር በመቀናጀት ምርመራ መጀመሩን አመልክቷል።

Photo Credit - Yeraguel Baria

“ አንድ እንጀራ 30 ብር በገባበት ወቅት 450 ብር ለምን ይጠቅማል ? ለቤት ኪራይ፣ ወይስ ለቀለብ ነው የሚሆነው? ” - የኢትዮጵያ መምህራን ማኀበር።

የመምህራን የስልጠና ክፍያ እጅግ አነስተኛ መሆን ከኑሮ ውደነት ጋር ተያይዞ ፣ ዩኒቨርሲቲዎች ሲሰጡት የነበረውን የሙያ ስልጠና አለመስጠታቸው የትምህርት ጥራት ቀውስ ውስጥ እንዲገባ እያደረገ በመሆኑ ትኩረት እንዲሰጠው የኢትዮጵያ መምህራን ማኀበር በቲክቫህ ኢትዮጵያ በኩል ጠየቀ።

ከማኀበሩ የተሰነዘሩ ቅሬታዎች ምንድን ናቸው ?

“ ከትምህርት ሥርዓት አንጻር በአሁኑ ሰዓት የትምህርት ጥራት ችግር ብቻ ልንለው አንችልም። የትምህርት ቀውስ ነው። ቀውስ ውስጥ ገብተናል። ወደ መምህራን ችግሩን የመግፋት ነገር ይታያል። ይሄ ትክክል አይደለም። 

ሲጀመር የመምህርት ስልጠና ዋጋ አልተሰጠውም። ለምላሌ ፦ የአንደኛ ደረጃ ት/ቤት እጩ መምህራን ከተወሰኑ ኮሌጆች ውጪ 450 ብር ተሰጥቷቸው ውጪ ሆነው እንዲማሩ የሚደረጉት።

አንድ እንጀራ 30 ብር በገባበት ወቅት 450 ብር ለምን ይጠቅማል ? ለቤት ኪራይ ወይስ ለቀለብ ነው የሚሆነው ? ችግሩ እዚያ ጋ ነው የሚጀምረው። 

እጩ መምህራን ወደ ኮሌጅ ውስጥ ሲገቡ 450 ብር ይከፈላቸዋል። ፍላጎታቸውን ስለማይሟላ ትምህርት ላይ ትኩረት ሳያደርጉ ፍላጎታቸውን ለሟሟላት ይንቀሳቀሳሉ። ይሄ የመምህርነትን ሙያ ጥራቱን ቀንሶታል። ስለዚህ ጉዳዩ ሊታረብበት ይገባል።

የኢትዮጵያ መምህራን ማኀበር ጥናት አጥንቷል። በዚያ መልኩ ተግባራዊ ሊደረግ ይገባል።

በሌላ በኩል ፥ ወደ መምህርነት ሙያ ሴንተር ኦፍ ኤክሰለንሲ ተብለው እነዚህ የመቐለ ፣ ባሕር ዳር፣ የአዲስ አበባ፣ ጅማና ሀዋሳ ዩኒቨርሲቲዎች መምህራንን የሚያሰለጥኑ ነበሩ ለ2ኛ ደረጃ ት/ቤቶች። 

ነገር ግን ላለፉት ሦስትና አራት ዓመታት ምንም አይነት ተማሪ ወደ መምህርነት ሙያ እንዲገባ እያሰለጠኑ አይደለም። 

ይሄ ደግሞ በቀጣይ 2ኛ ደረጃ ትምህርት ቤቶቻችንን በድጎማ መምህር ልናስይዝ አይደለም ወይ ! ይሄ ወዴት እየሄደ ነው ?

በተያያዘ፣ የመፅሐፍት ስርጭት ችግሮች አሉ። ችግር መኖር ብቻ ሳንሆን አንደኛ ደረጃ ት/ቤቶች ላይ በአንድ ላይ ኮምባይን የሆኑ ትምህርት ቤቶች አሉ። 

ለምላሌ ፦ ኬሚስትሪ፣ ፊዚክስና ባይሎጂ አንድ ላይ ናቸው። በአንድ መምህር ነው የሚሰጡት። ይህም መምህራን ኬሚስትሪውን ፓርት ያስተምሩና ፊዚክስና ባይሎጂው የተመረቁበት ስለማይሆን ለማስተማር እየተቸገሩ ነው። 

በሌሎች የትምህርት አይነቶችም ተመሳሳይ ችግር አለ። መምህር ያልተዘጋጀባቸው ሥርዓተ ትምህርቶች አሉ። የትምህርት ጥራቱን እየጎዳው ያለው አንዱ ችግር ይሄ ነው። አጠቃላይ ትምህርቱ ሴክተሩ በቂ ትኩረት አላገኘም። በቂ ፋይናንስ እየተመደበለት አይደለምና ሊመደብለት ይገባል።

መምህራንም የተለያዬ የመልካም አስተዳደር ችግሮች ሲፈጠሩ መብታቸውን ለማስከበር ወደ ሕግ ተቋማት ስለሚሄዱ የትምህርት ጊዜ ይዘጋል። ይሄ ደግሞ የትምህርት ጥራት ላይ ችግር አምጥቷል። ”

እነዚህ ቅሬታዎች የትምህርት ሚኒስቴር በተገኘበት መድረክ እንደቀረቡ ማኀበርሩ ገልጾልናል።

የሚመለከታቸው አካላት ለጉዳዩ በቂ ትኩረት እንዲሰጡ ያሳሰበው ማኀበሩ፣ ትምህርት ሚኒስቴር በተነሱት ቅሬታዎች ዙሪያ መፍትሄ ለማምጣት አሳይመንት ይዞ እንደሄደ አመላክቷል።

#TikvahEthiopiaFamilyAA

#ኦርቶዶክስተዋሕዶ

" ...አለመግባባት በዝቷል፤ ማኵረፍና መቀያየም ሰፍቷል ፤ ነገሩ ሁሉ ግራ የሚያጋባና የተመሰቃቀለ ሆኖ ይታያል፡፡ ችግሩ ከሕዝብ አልፎ የአምልኮ ስፍራዎችንና የአምልኮው ፈጻሚዎችን ዒላማ ያደረገ እግዚአብሔርን መዳፈር እየተለመደ መጥቷል " - ቅዱስነታቸው

የጥቅምት 2017 ዓ/ም የቅዱስ ሲኖዶስ ጉባኤ ተጀመረ።

በኢትዮጵያ ኦርቶዶክስ ተወሕዶ ቤተክርስቲያን ሁለንተናዊ አገልግሎትና የስራ አፈጻጸም ላይ ለመምከርና ለመወሰን ኃላፊነት ያለው ቅዱስ ሲኖዶስ ዛሬ መደበኛና ዓመታዊ ጉባኤውን ጀምሯል።

ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወዕጨጌ ዘመንበረ ተክለ ሃይማኖት የጉባኤውን መጀመረ አስመልክተው መልዕክት አስተላልፈዋል።

ከመልዕክታቸው ፦

" የሰው ልጆች በዚህ ዓለም ሲኖሩ የተሟላ ሰላምና ጣዕመ ሕይወት ሊኖራቸው የሚችለው በመንፈሳዊ ኑሮአቸው የተሻለ ነገር ስላገኙ ብቻ አይደለም፡፡

ሰዎች ከሥጋዊ ክዋኔም ጭምር የተፈጠሩ እንጂ እንደመላእክት ሥጋ የሌላቸው መንፈስ ስላይደሉ ለኑሮአቸውና ለሥጋዊ ክዋኔአቸው የሚሆን ነገር ያስፈልጋቸዋል፡፡

በዚህም ዓለማዊው አስተዳደር የተመቻቸ መደላድል ሊፈጥርላቸው ግድ ነው፤ ዓለማዊው አስተዳደርም የመለኮትን ተልእኮ ለመፈጸም የተሾመ ሹመኛ እንደመሆኑ የእግዚአብሔርን ሕዝብ በትክክል መምራት ይጠበቅበታል፡፡

ምንም ቢሆን የተቀበለው ኃላፊነት የእግዚአብሔር ነውና በሚሰራው ሁሉ በሿሚው አምላክ ከመጠየቅ አያመልጥም፡፡

እኛም በዚህ ዓለም የእግዚአብሔር ወኪሎች ስለሆንን ቢሰሙንም ባይሰሙንም ዓለማውያን ሹማምንትን የማስተማርና የመምከር ኃላፊነት አለብን፡፡

ይህ የሁለታችን ኃላፊነት እንደ እግዚብሔር ፈቃድ ስንፈጽም የሕዝብ ሰላምና በረከት፣ ፍቅርና አንድነት፣ ዕድገትና ልማት በአስተማማኝ ሁኔታ ይረጋገጣል፡፡

ነገር ግን በአሁኑ ጊዜ በሀገራችንም ሆነ በአካባቢያችን እየሆነ ያለው ይህ አይደለም፤ አለመግባባት በዝቶአል፣ ማኵረፍና መቀያየም ሰፍቶአል፤ ነገሩ ሁሉ ግራ የሚያጋባና የተመሰቃቀለ ሆኖ ይታያል፡፡

ችግሩ ከሕዝብ አልፎ የአምልኮ ስፍራዎችንና የአምልኮው ፈጻሚዎችን ዒላማ ያደረገ እግዚአብሔርን መዳፈር እየተለመደ መጥቶአል፤ ይህ ለአንድ ሀገር ወይም ሕዝብ የውድቀት ምክንያት ከሚሆን በቀር ከቶውኑም የዕድገት ምልክት ሊሆን አይችልም፡፡

ከሁሉም በላይ የሚያሳዝነው ደግሞ ይህ ክፉ ድርጊት እየተፈጸመ ያለው በእኛው ልጆች በኢትዮጵያውያን መሆኑ ነው፤ ስለሆነም በከተማም፣ በጫካም፣ በገጠርም በየትኛውም ስፍራ የምትገኙ ልጆቻችን ምንም ይሁን ምን ሀገርንና ሕዝብን ከመጉዳት ተቆጠቡ፡፡

በተለይም ከቤተ ክርስቲያንና ከሀገር እንደዚሁም ሕዝቡን ከሚያገለግሉ ካህናትና ሲቪል ሰራተኞች እባካችሁ እጃችሁን አንሡ፤ ቤተ ክርስቲያን እኮ የእናንተና የሕዝቡ ሁሉ እናት ናት፤ በእናታችሁ ላይ መጨከንን እንዴት ተለማመዳችሁት ? አሁንም ንስሐ ግቡ ያለፈው ይበቃል፡፡

ልብ በሉ ከእግዚአብሔር ጋር መጣላት አይበጅም፤ ሰውን መጉዳትና እግዚአብሔርን መዳፈር አቁሙ፤ የእግዚአብሔር ገንዘብ የሆነውን ሥርዓተ አምልኮም ያለቦታው አታውሉ፤ ጥያቄአችሁን በሰላማዊ መንገድ ለመፍታት ዕድል ስጡ፡፡

በእግዚአብሔር ስም ለመላው ኢትዮጵያውያን ወገኖቻችንና ልጆቻችን የምናስተላፈው ወቅታዊ መልእክታችን ይህ ነው፡፡ "

(የቅዱስነታቸው ሙሉ መልዕክት ከላይ ተያይዟል)

በመርካቶ ሸማ ተራ አካባቢ የደረሰውን የእሳት አደጋ መንስኤ እየመረመረ መሆኑን የአዲስ አበባ ፖሊስ አስታወቀ!

የአደጋውን መንስኤ ለማጣራት የአዲስ አበባ ፖሊስ ከፌዴራል ፖሊስ የፎረንሲክ ምርመራ ቡድን ጋር በመቀናጀት ምርመራ መጀመሩን አስታውቋል።

አደጋውን ለመከላከል እና በአደጋው ምክንያት ሌላ ወንጀል እንዳይፈፀም እንዲሁም የአደጋ ተከላከይ ሰራተኞች ተግባራቸውን በአግባቡ መወጣት እንዲችሉ እና ተጨማሪ ጉዳት እንዳያጋጥም የፌዴራል እና የአዲስ አበባ ፖሊስ፣ የመከላከያ ሠራዊት፣ ሪፐብሊካን ጋርድ፣ ብሔራዊ መረጃና ደህንነት አገልግሎት፣ የከተማ አስተዳደሩ አመራሮች፣ የሠላምና ፀጥታ መዋቅር፣ የኢትዮጵያ አየር መንገድ እና ሌሎች ተቋማትም ከፍተኛ ርብርብ በማድረግ አደጋው እንዳይባባስ ከፍተኛ ጥረት ተደርጓል።

አደጋውን እንደ ምቹ ሁኔታ በመጠቀም የስርቆት ወንጀል የፈፀሙ 33 ተጠርጣሪዎችን ይዞ ምርመራ እያጣራ መሆኑን እና ከአደጋው ጋር በተያያዘ በ7 ሰዎች ቀላል በ2ሰዎች ላይ ደግሞ ከባድ ጉዳት መድረሱን ፖሊስ አስታውቋል፡፡

አደጋውን ለመከለከል የፀጥታና ሌሎች ተቋማት እንዲሁም የአካባቢው ህብረተሰብ ላደረገው ድጋፍና ተባባሪነት ፖሊስ ምስጋናውን አቅርቧል፡፡

የአዲስ አበባ ፖሊስ በደረው የእሳት አደጋ የተሰማውን ሃዘን ገልፆ ወደፊት በምርመራ የደረሰበትን ውጤት ለህዝብ እንሚያሳውቅም አስታውቋል፡፡

ሂዝቦላህ በእስራኤል ባህር ሃይልና ደህንነት ቢሮ ላይ ያነጣጠረ የሮኬት ጥቃት መፈጸሙን አስታወቀ

ጥቃቱም በአካባቢዎቹ በሚገኙት የእስራኤል ባህር ሃይል ማዕከልና ደህንነት ቢሮ ላይ ያነጣጠረ መሆኑ ነው የተገለጸው፡፡

የሮኬት ጥቃቱን ተከትሎም በቴል አቪቭ የአስቸኳይ ጊዜ አዋጅ የታወጀ ሲሆን÷ በከተማዋ የማስጠንቀቂያ ደውል እየተሰማ መሆኑም ተገልጿል፡፡

የእስራኤል መከላከያ ሃይል በበኩሉ÷ በዛሬው ዕለት ጠዋት ሂዝቦላህ 20 የሚደርሱ ሮኬቶችን ወደ እስራኤል መተኮሱን አስታውቋል፡፡

አብዛኛዎቹ ሮኬቶች መምከናቸውን ገልጾ÷ ይሁን እንጂ በጥቃቱ የደረሰውን ጉዳት ከመግለጽ መቆጠቡን ቢቢሲ በዘገባው አመልክቷል፡፡

በሰሜን እስራኤል የሚገኙ ሆስፒታሎች በጥቃቱ ጉዳት የደረሰባቸው ወታደሮችን እያከሙ መሆኑን ጠቅሰው÷ እስካሁን 16 የቆሰሉ ወታደሮችን እንደተቀበሉ ገልጸዋል፡፡

በአንጻሩ እስራኤል በዛሬው ዕለት በደቡባዊ ቤሩት በፈጸመችው የአየር ጥቃት ቢያንስ የ4 ሰዎች ሕይወት ማለፉን የሊባኖስ ጤና ሚኒስቴር አስታወቋል፡፡

ይህ በእንዲህ እንዳለ የአሜሪካ ውጭ ጉዳይ ሚኒስትር አንቶኒ ብሊንከን በቀጣናው ሰላም ዙሪያ ለመምከር በአሁኑ ሰዓት እስራኤል ገብተዋል።

በቆይታቸውም በቀጣናው ተኩስ አቁም እና የታገቱ ዜጎች ዙሪያ ከጠቅላይ ሚኒስትር ቤንያሚን ኔታንያሁ እና ሌሎች ከፍተኛ የሥራ ሃላፊዎች ጋር እንደሚመክሩ ተጠቁሟል፡፡

🔈 #የሰራተኞችድምጽ

" የምንሰራው ስራና የሚከፈለን ወርሃዊ ደመወዝ አይመጣጠንም ፤ ድካማችንን የሚመጥን ክፍያ አናገኝም " - ሰራተኞች

በብረታ ብረትና ሞደፊክ ስራዎች የተሰማራው ከትእምት (EFORT) ግዙፍ ድርጅት አንዱ በሆነ መስፍን ኢንዳትሪያል ኢንጅነሪነንግ ውስጥ የሚሰሩ ሰራተኞች የመብት ጥያቄ እንዳላቸው ገለጹ።

ሰራተኞች ዛሬ ስራ በማቆም ወደ ትእምት ( ትግራይ መልሶ ግንባታ) ዋና ቢሮ በመጓዝ " የመብት ጥያቂያችን ይመለስ " ብለዋል።

ብዛታቸው ከ150 በላይ የሆኑ ሰራተኞቹ ፦

➡️ የሚሰሩት ስራና የሚከፈላቸው ወርሃዊ ደመወዝ እንደማይመጣጠን፤

➡️ በድርጅቱ በቀን አስከ 20 ሰዓታት የሚሰሩ ሰራተኞች ቢኖሩም የሚያከፈላቸው ከፍያ እጅግ አነስተኛ መሆኑ፤

➡️ ደርጅቱ አትራፊ ቢሆንም ለሰራተኞቹ የሚከፍለው ደመወዝ እጅግ አነስተኛ እንደሆነ፤

➡️ ከጥቅማጥቅም ፣ ያልተከፈለ ውዙፍ ደመወዝና የሰራተኛ ቅጥር ጋር የተያየዘ ጥያቄ እንዳላቸው ገልጸዋል።

" ለረጅም ጊዜ የመብት ጥያቄያችንን የሚመጥን አስቸኳይ መልስና መፍትሄ እንፈልጋለን " ብለዋል።

ለሰራተኞቹ ዘግይተው መልስ የሰጡት የትእምት የሰው ሃይል አስተዳደር ተኽለወኒ ገ/መድህን ፥ " ቀጣዩ አርብ ጥቅምት 15/2017 ዓ.ም ከትእምት ኢንደውመንት አመራሮች በጋራ በመሆን ጥያቄያችሁ እናደምጣለን " በማለት ሸኝተዋቸዋል።

መስፍን ኢንዱስትሪያል ኢንጅነሪነንግ በብረታ ብረትና ሞደፊክ ስራዎች የተሰማራ ከትእምት (EFORT) ግዙፍ ካምፓኒዎች አንዱ ነው።

#TikvahEthiopiaFamilyMekelle

ፎቶ ፦ ' መርካቶ ሸማ ተራ ' ከትላንት ምሽቱ ከባድ የእሳት አደጋ በኃላ ዛሬ ላይ ከላይ በፎቶው የምትመለከቱትን ይመስላል።

ከቆርቆሮ እና ከኮነቴነር ቤቶች አቅራቢያ ወዳለው ' ነባር የገበያ ማዕከል (ህንጻ) ' የተዛመተው እሳት የህንጻውን አንደኛውን ክፍል ክፉኛ አውድሞታል።

እስካሁን ሰው ላይ ስለደረሰ ጉዳት ሪፖርት አልተደረገም።

በትላንት ምሽቱ የእሳት አደጋ ምንም እንኳን ይፋዊ የጉዳት መጠን ባይገለጽም የደረሰው ጉዳት ከፍተኛ ነው።

በርካቶች ብዙ የደከሙበት ንብረታቸው በአንድ ምሽት ወደ አመድነት ተቀይሯል።

የአዲስ አበባ ከተማ አስተዳደር ፥ " በአደጋው የደረሰውን የጉዳት መጠኑን የተመለከተ ዝርዝር ጥናት ተደርጎ ከባለሃብቶች እና ከህብረተሰቡም ጋር በመሆን በፍጥነት መልሶ የማቋቋም ስራ ይሰራል ፤ ቦታውንም ወደ ቀደመው የንግድ ተግባር እንዲመለስ የማድረግ ስራ እንሰራለን "  ብሏል።