️بەڕێوەبەرایەتی هاتووچۆی سلێمانی️

پەیامی بەڕێز بەڕێوەبەری هاتووچۆی پارێزگای سلێمانی
بەبۆنەی یادی رۆژی جیھانی قوربانیانی ھاتووچۆ

بەبۆنەی ساڵیادی رۆژی قوربانیانی هاتووچۆ کە هەموو ساڵیک لە سێهەم یەکشەممەی مانگی یانزەدا یادی دەکرێتەوە بەڕێوەبەری هاتووچۆی سلێمانی پەیامێک ئاراستەی بەکارهێنەرانی شەقام دەکات:

دەقی پەیامەکە:
شۆفێرانی بەرێز ئێمە وەک بەرێوەبەرایەتی ھاتووچۆی سلێمانی لەم رۆژەدا پەیمان تازە دەکەینەوە کە وەک ھەمیشە و زیاتر کۆشش و تواناکانمان دەخەینە کار و کاراتریان دەکەین بۆ جێبەجێ کردنی یاسا و رێنماییەکانی ھاتووچۆ و پێشکەشکردنی خزمەتگوزارییەکانی ھاتووچۆ و پاراستنی سەروماڵی ھاوڵاتیان لە مەترسییەکانی رووداوەکانی ھاتووچۆ، ھەروەھا کۆشش وکۆنتاکتی زیاتر دەکەین لەگەڵ لایەنە پەیوەندیدارەکانی سێکتەری ھاتووچۆ و رێگاوبانەکان بەمەبەستی فەراھەم کردنی زیاتری تۆڕی رێگاوبانەکان وچاکسازی لەھەر کەموکورتییەک ، لەھەمان کاتدا ئومێدەوار و ھیواخوازین لە سەرجەم خوشک وبرایانمان لە بەکارھێنەرانی شەقام بەگشتی و زۆر بەتایبەتی شۆفێرانی ئازیز کە زیاتر پابەندی سەرجەم یاسا و رێنماییەکانی ھاتووچۆ بن کە لەخزمەت سەلامەتی بەرێزتان دانراون بەمەبەستی سەلامەتیتان و دابەزاندنی ئاماری قوربانیانی رووداوەکانی ھاتووچۆ، کە ئەمەش ئامانجی سەرەکیمانە .

عەمیدی ھاتوچۆ
ئاسۆ محمد امین بھرام
بەڕێوەبەری هاتووچۆی پارێزگای سلێمانی

پاش ئەوەی ئەم ماتۆڕسوارە بینرا کە سەرپێچی هاتووچۆیی ئەنجام دەدات، راستەوخۆ دەست بەسەر ماتۆڕەکەیدا گیراو رەوانەی گەراجی دەست بەسەرداگرتن کرا.

داواکارین لە سەرجەم شۆفێرانی بەڕێز و بەتایبەتی شۆفێرانی ماتۆڕسکیلەکان خۆیان بەدوور بگرن لە هەر سەپێچییەکی هاتووچۆ، لەبەرئەوەی لەکاتی بینینیان لەلایەن ئەفسەران و مەفرەزەکان لێپێچینەوەیان لەگەڵ دەکرێت.

بە سەرپەرشتی زانکۆی سلێمانی سیمینارێکی ژینگەیی ڕێکخرا

سەر لەبەیانی ئەمڕۆ ڕێکەوتی 10/11/2024 سیمینارێک ڕێکخرا بەسەرپەرشتی زانکۆی سلێمانی و لایەنە پەیوەندیدارەکان کە هەریەک لە بەڕێزان قایمقامی شاری سلێمانی و سەرۆکی شارەوانی سلێمانی سەرۆک شارەوانی ئەو قەزاو ناحیە یانەی کە شوێنی گەشتیارین و لایەنە پەیوەندیدارەکانی بواری گەشتیاری ئامادەی بوون کە تیایدا تاوتوێ ی پرسی خۆڵ و خاشاک ڕشتن کرا لەسەر شەقام و ڕێگا سەرەکیەکان کە دیاردەیەکی دزێو نایاسایی و ناشارستانییە ڕەگ و ڕیشەی کێشەکان دیاری کران و پلانی وورد دانراوە بۆ چارەسەرکردنی کێشەکان ، بەڕێوەبەرایەتی هاتووچۆی سلێمانی بەنوێنەرایەتی عەقیدی هاتووچۆ (بەختیار محمد عبدالله) بەڕێوەبەری بەشی ڕاگەیاندن و ووشیاری ئامادەی سیمینارەکە بوو.

لە ڕووداوێکی هاتووچۆدا (٦) کەس بریندار بوون کە دوانیان منداڵن

سەرلەئێوارەی ئەمڕۆ لەسەر ڕێگای قوڵقوڵە نزیک کانی گۆران لە مێرگەپان ڕووداوێکی هاتووچۆ ڕوویدا.

هۆکاری ڕووداوەکە دەگەڕێتەوە بۆ تێپەڕاندنی هەڵەو مەترسیداری ئوتومبیلی جۆری نیسان پیک-اب و بەداخەوە لەم ڕووداوەدا (٦) کەس برینداربوون کە سەرنشینی هەردوو ئوتومبیلەکە بوون.

لەلایەن ئێشکگری بەڕێوەبەرێتی هاتووچۆی بازگەکان کەشف و هێڵکاری ئەنجام دراوە بۆ رووداوەکە، کەشفەکان ئاراستەی بنکەی پۆلیس کراون بۆ لێکۆڵینەوە. بریندارەکان براونەتە نەخۆشخانە و سوپاس بۆ خودا لەم رووداوەدا گیان لەدەستدانی تیادا نەبووە.

داوا لە شۆفێران دەکەین پابەندی ڕێنماییەکانی هاتووچۆ بن و تێپەڕاندنی هەڵە و مەترسیدار ئەنجام نەدەن، بەهیوای سەلامەتی بۆ هەموو لایەک.

رووماڵکردنی میدیایی ڕووداوەکە لە لایەن بەشی ڕاگەیاندن و فۆتۆگرافەرە ئێشکگرەکان ئەنجام دراوە.

فۆتۆ: بەرهەم محمود

🔴ئاگادارییەک لە بەڕێوەبەرایەتی هاتووچۆی سلێمانی

لەسەر رۆشنایی هۆشداری و ئاگاداری سەرۆکایەتی شارەوانی سلێمانی ئاگاداری شۆفێرانی بەڕێز دەکەین (پردی خەلیفاوا) کە لەناوچەی پیشەسازی و لە گەراجی دەست بەسەرداگرتنی هاتووچۆی سلێمانی بەرەو خوار هەروەها لە بەکرەجۆوە کە بۆ هەمان پردی ناوبراو دەڕوات، ئەو پردە لە ئێستادا بەهۆی لێزمە بارانی بەخوڕی ئەمڕۆ وە ناهەمواری لە کەش و هەوادا مەترسی هەرەسهێنان و رووخانی لەسەرە.

بۆ پاراستنی سەلامەتیتان داواکارین بەهیچ جۆرێک ئەو پردە بەکارنەهێنن، وەلای خۆشمانەوە وەک هاتووچۆی سلێمانی و لەسەرفەرمانی بەڕێوەبەری هاتووچۆی سلێمانی، سەرجەم ڕێکارە پێویستەکان بۆ سەلامەتی شۆفێران گیراوەتەبەر.
بەهیوای پابەندبوون و سەلامەتی بۆ هەموو لایەک.

راگەیاندنی هاتووچۆی سلێمانی

سەبارەت بەو شەپۆلی باران بارینەی کە هەرێمی کوردستان و پارێزگای سلێمانی دەگرێتەوە، وەک بەڕێوەبەرایەتی هاتووچۆی سلێمانی بە گرنگی دەزانین شۆفێرانی بەڕێز پابەندبن بەم خاڵانەی لای خوارەوە:

۱: پابەندبوونی تەواو بە هێماکانی هاتووچۆ بە تایبەت هێماکانی دیاریکردنی خێرایی لەسەر شەقام و ڕێگاکان.
٢: پێویستە گرنگییەکی زیاتر بدرێت بە ماوەی سەلامەتی لەنێوان ئوتومبیلی خۆت و ئوتومبیلەکانی بەردەمت.
٣: مافی پیادەکان بدە و هاوکارییان بکە لە پەڕینەوەی شەقامەکان.
٤: پێش دەستکردن بە ڕۆشتن دڵنیابکەرەوە لە ( فڵچەکان، ئاو و ڕۆن، برێک، لایت، ،تایەکان )
٥: پێویستە هەر یەک لەم پارچانە لە ئوتومبیلەکەتدا هەبن ( ئاگرکوژێنەوە، سێگۆشەی فسفۆر،پێویستییەکانی فریاگوزاری سەرەتایی، جەگ، لایتی دەستی، تایەی سپێر کە پێویستە ئامادەبێت بۆ بەکارهێنان).
٦: لەو شوێنانە دوور بکەوەرەوە کە کۆبوونەوەی ئاو یان لافاوی تیادا دروست دەبێت
۷: هەمیشە ئەم ژمارانەت لەبیربێت
۱۸۸ کۆنترۆڵی هاتووچۆ
۱۱٥ بەرگری شارستانی
۱٠٤ پۆلیسی فریاکەوتن
۱۲۲ فریاگوزاری تەندروستی

‎ئەمە تەنها سێبەرە، بەڵام لەهەمان کاتدا ئاگادارکردنەوەیە.

‎ئاگادارییەک لە بەڕێوەبەرایەتی هاتووچۆی سلێمانی

‎ئاگاداری هاوڵاتیانی بەڕێز دەکەین کە سبەینێ ڕێکەوتی ۲۱/۱٠/۲٠۲٤ دووشەممە پشووی فەرمییە و مامەڵەی هاوڵاتییان ڕایی ناکرێت و بۆ رۆژی دواتر کە دەکاتە سێشەممە ۲۲/۱٠/۲٠۲٤ کارکردن لە بەڕێوەبەرایەتییەکەمان ئاسایی دەبێتەوە

ئاگاداری
ئاگادارییەک لە قائیمقامیەتی قەزای شارباژێڕ کە وێنەیەکی گەیشتۆتە بەشی ڕاگەیاندنی هاتووچۆی سلێمانی تێیدا هاتووە کە (تونێلی پێشڕەو) بۆ ماوەی (4) چوار شەو لە بەرواری (14/15/16/10/2024 ) لە کاتژمێر( 8 ) هەشتی ئێوارە بۆ (4) چواری بەیانی دادەخرێت بە مەبەستی صیانە کردنی سیستەمی (هەوا گۆڕکێ و ڕووناکی و ئاگرکوژێنەوە و سکادا) و لەم ماوەی دیاری کراوە شۆفێران دەتوانن ڕێگای سەر شاخ بەکار بهێنن .

نوێ_کراوەتەوە #سزای_ئۆتۆمبێل #تجديد_قسم_الغرامات

#هاتووچۆی_سلێمانی بە هەردوو سیستەمی #کۆن و #نوێ

02\10\2024

#کوردی

🔷ئێستا دەتوانیت بزانی ئۆتۆمبێلەکەت چەند سزای لە#کوردی

#العربیة

🔷الیوم تم تجدید قسم الغرامات في موقع مديرية مرور محافظة
السليمانية.

الان بامكانكم زيارة الموقع والتحقق من الغرامات المفروضة على سياراتكم.

🔷https://www.sultraffic.com/fines

ئاگاداریەک لە بەرێوەبەرایەتی هاتووچۆی پارێزگای سلێمانی

ئاماژە بە فەرمانی وەزارەتی ناوخۆ / بەڕێوەبەرایەتی گشتی دیوان / بەرێوەبەرایەتی کارگێڕی و سەرچاوە مرۆییەکان

بڕیار درا بە بەردەوام بوونی لێخۆشبوون لە سزای سەرپێچی هاتووچۆ بە ڕێژەی لە (٢٠٪) .
تا بە نوسراوێکی فەرمی دیکە لە کۆتایی هاتنی ئاگادار دەکرێینەوە.

ئاگادارییەک لە بەڕێوەبەرایەتی هاتووچۆی سلێمانییەوە سەبارەت بە داخستنی شەقامێک
بەڕێوەبەرایەتی هاتووچۆی سلێمانی ئاگاداری سەرجەم شۆفێران دەکات کە لە ڕێکەوتی 29/09/2024 کاتژمێر (06:00) ی ئێوارە شەقامی شوقەکانی دەروازە لە یوتێرنی یەکەم تا بەردەم پارێزگا بە ئاراستەی داخڵبوونی شەقامە سەرەکییەکە بەڕووی شۆفێراندا دادەخرێت بەمەبەستی هەڵکەندن و چاککردنی شەقامەکە، داواکارین شۆفێران تا تەواوبوونی کارەکان ڕێگا جێگرەوەکان بەکاربهێنن.

پەیامی بەرێزعەمید ئاسۆ محمد ئەمین بەرێوەبەری ھاتوچۆی سلێمانی بەبۆنەی دەستپێکردنی ھەڵمەتی بانگەشەی ھەڵبژاردنی پەرلەمانی کوردستان .

لەچوار چێوەی کار و چالاکییەکانی بەرێوەبەرایەتی ھاتوچۆی سلێمانی ، ئەمرۆ و بە ھەماھەنگی لەکەڵ کۆمپانیای تەڵبات ئیڤێنتێک رێکخرا بۆ ژمارەێکی بەرچاو لە شۆفێری ماتۆرسکیلەکان لەلایەن بەشی راگەیاندنی ھاتوچۆی سلێمانی ، لە ئیڤێنتە کە عەقید بەختیار محمد بەرێوەبەری بەشی راگەیاندن ولەژێر رۆشنایی داتا وئامارەکان ویاسای ھاتوچۆ مەترسی ودەرھاویشتەکانی ئەو سەرپێچی وسەرکێشی و مانۆرە ھەڵانەی لەلایەن ھەندێک لەشۆفێری ماتۆرسکیلەکان کە رۆژانە ئەنجام دەدرێت بۆ ئامادەبووان خستە ڕوو و دواتریش دەرگای گفتوگۆ و پرسیاریش بەھاوبەشی کرا ئامانجی بەرێوەبەرایەتی ھاتوچۆی سلێمانی لەم ئیڤێنتە بەرزکردنی ئاستی ووشیاری وپابەند بوونی شۆفێرانی ماتۆرسکیلەکانە لە سەرشەقامەکان ولە کاتی شۆفێری کردنیان و پارستنیان لە رووداو و کارەساتەکانی ھاتوچۆ.

لینکی پەرەی فەرمی بەرێوەبەرایەتی گشتی هاتووچۆی هەرێم
https://www.facebook.com/gdt.media1/

ئەو جانتایەی کە لە هاتووچۆی سلێمانی دۆزرایەوە گەڕێندرایەوە بۆ خاوەنەکەی
دوای ئەوەی ئەمڕۆ 17/9/2024 ڕێپێدراوی هاتووچۆ ( هاوسەر جەبار حەمە نوری) کارمەند لە بەڕێوەبەرایەتی هاتووچۆی سلێمانی،
جانتایەکی لەناو بارەگای بەڕێوەبەرایەتی هاتوچۆی سلێمانی دۆزییەوە کە بڕێک پارەو بەڵگەنامەی تێدا بوو رادەستی خاوەنەکەی کردەوە.
جێی ئاماژە پێکردنە لە ماوەی ڕابردوودا چەندین حاڵەتی هاوشێوە هەبووە و کارمەندە دەست پاکەکانمان پارەکانیان گەڕاندۆتەوە بۆ خاوەنەکانیان پاش ئەوەی وونیان کردبوو.

هاوڕێ و هاوپیشەکانمان لە یاد ناکەین
سەرلەبەیانی ئەمڕۆ ڕێکەوتی 16-09-2024 و پێش دەستپێکردنی دەوامی فەرمی مەراسیمی ماڵئاوایی بۆ کۆچی دوایی یەکێک لە کارمەندە چالاک و ئەزیزەکانی هاتووچۆی سلێمانی سازکرا.
بەئامادەبوون و سەرپەرشتی بەڕێز بەڕێوەبەری هاتووچۆی سلێمانی عمید ( ئاسۆ محمد امین بهرام) و بەڕێوەبەری بەشەکان و ئەفسەران و کارمەندانی هاتووچۆی سلێمانی و خانەوادەی کۆچکردوو مەراسیمێکی شایستە بۆ هاوڕێ و هاوپیشەی کۆچکردوومان ڕێپێدراوی هاتووچۆ ( صالح سعید مارف) بەڕێوەچوو.
کاک صالح یەکێک بوو لە کارمەندە بەتوانا و بەئەمەکەکانی هاتووچۆی سلێمانی کە چەندین ساڵ لە بەشە جیاوازەکاندا خزمەتی بە بواری هاتووچۆ کردووە و لە کۆتاییەکانی تەمەنی لە بەشی مۆڵەتی بەڕێوەبەرایەتی هاتووچۆی سلێمانی خزمەتی بە هاوڵاتییانی شارەکەی دەکرد، بەداخەوە کاک صالح بەهۆی نەخۆشییەوە بەجێی هێشتین، داواکارین لە خوای گەورە جێگاو مەکانی کۆتایی بەهەشتی بەرین بێت.

ئاگادارییەک لەبەرێوەبەرایەتی ھاتوچۆی سلێمانی سەبارەت
بە بەشی مۆڵەت

بەرێوەبەرایەتی ھاتوچۆی سلێمانی ئاگاداری ھاوڵاتیانی بەرێز دەکات کە لە رۆژی دوو شەممە رێکەوتی ١٦ / ٩ / ٢٠٢٤ چیتر بۆ ھەر کارێکی پەیوەست بە بەشی مۆڵەتی شۆفێری لە بارەگای بەرێوەبەرایەتیمان پێویست بە وەرگرتنی کۆد ناکات لە ڕێگەی ماڵپەڕی هاتووچۆی سلێمانییەوە ، واتا ھاوڵاتی دەتوانێت راستەوخۆ سەردانمان بکات بۆ رایی کردنی مامەڵەکەی بێ وەرگرتنی کۆد ، وەک نوێ کردنەوەی مۆڵەتی شۆفێری وھەرکارێکی دیکە لەبەشی مۆڵەتی شۆفێری ، تەنھا بەرلەوەی بێتە ژوورەوە، لای عەریزە نوسەکانی بەردەم بەرێوەبەرایەتیمان فۆرمی تایبەت بە مامەڵەی بەشی مۆڵەتی شۆفێری پڕ دەکاتەوە و پێویستە سەرجەم بەڵگەنامە رەسەنەکانی ( أصلي ) پێبێت و راستەو خۆ دێتە ناو بەرێوەبەراتیمان بۆ تەواو کردنی مامەڵەکەی .

‎تێبینی: رۆژی یەکشەممە پشووی فەرمییە