Сүйүү саптары. Поэзия.

Сүйүү саптары. Поэзия. pinned «Урматтуу, катталуучулар, группа боюнча суроолор, ыр жиберүү үчүн кайрылуулар болсо, мырзалар @Dal_oshol_Bakai ушул аккаунтка, айымдар мага кайрылыңыздар!»

ОРТОМЧУЛУК КЫЛААР ДЕП....

Жазга айлантып көңүлдөрдү гүлдөтүп,
Жайначу элек сөз калтырбай сүйлөшүп,
Азыр болсо жөн таанышка айландык,
Анда-санда ал сурашып үндөшүп.

Артык көрүп мени өзүңдүн жаныңдан,
Ардактаган сөз айтчу элең жалынган.
Ошол кезде күндө шайдоот жүрчү элем,
Оргуп чыккан булак өңдүү чамынган.

Басып жүрүп, жаздын жашыл килемин,
Бар болсун деп сага тилек тиледим.
Балким бизге ортомчулук кылаар деп
Жумшап койдум жылуу шамал илебин.



Клара Ниязова

"Сен деги кандай жансың?”

Сен деги кандай жансың?
Ойлорумдан такыр эле кетпей койгон.
Кайда барсам эсимден чыгара албайм,
Адаштырдың акылымдан эстен,ойдон.

Сен деги кандай жансың?
Күндүз ойдо түндөсү түшүмдөсүң.
Билгизбеймин а бирок кызганамын,
А сен аны сезбейсиң түшүнбөйсүң.

Сен деги кандай жансың?
Жипсиз эле өзүңө байлап алган.
Мейли ишен,ишенбе өзүң билгин,
Мен эмесмин сүйүүдөн пайдаланган.

Сен деги кандай жансың?
Балким азыр сүйүүгө сөз бере элексиң.
Минтип айтып турган менен өзүм дагы,
Сүйүүнүн даамын татып сезе элекмин.
Дүйнөнүн керемети жети болсо,
Сен мага сегизинчи кереметсиң!!

Автор: Ачылбек уулу Нурзаман

КЫЗЫЛ КӨЙНӨК


Аралап Оштун гүл багын
Ар түнү боздоп ырдадым
Ажарың козгоп санаамды
Арманым болдуң Гүлданым!!!


Кызгалдак белең жайнаган
Кышта да бүчүр байлаган
Күкүгү болдум гүлзардын
Кеч кирген кезде сайраган!!!


Жубайым болсо болмок деп
Жаш акты көздөн көлмөктөп
Атыңды билбей оболу
Атадым *Кызыл көйнөк* деп!!!


Асманда жанган ай белең?
Агарып аткан таң белең
Ар ойго салган дүйнөмдү
Арзуудан бүткөн жан белең?!!!

Бейишим болуп сен менин
Башаты болдуң термемин
Жансың го элден бөлөкчө
Жалжалым *Кызыл көйнөгүм*!!!


Жообуңду укпай соолудум
Жүрөгүм туйлай оорудум
Аздектеп салчы башыңа
Апамдын аппак жоолугун!!!

МАЛИК НАЗАРМАТОВ!!!

СУКТАНАМ

Өзгөчөсүн, мыкты адам,
Өзүң менен суктанам.
Эрке жарым бол менин,
Эч жанымдан чыкпаган.

Жалжалым -деп, ырдайын,
Жаркыраган нурдайым.
Жандап менин жанымда,
Жалгыз өзүң жүр дайым.

Чертип жүрөк кылдарын,
Чер жазышып жүр жаным.
Кымындай да, сүйүүңө,
Кыянаттык кылбайын!

"Ким сүйчү эле сени"- деп,
Кир жүрөктөр демигет.
Кыйнап сени, мен антип,
Кызганбаймын жөнү жок.

Тагдырлашым бол гүлүм,
Таалайыбыз оң бүгүн.
Тамаша айтсам чычалап,
Таарынганды койгунуң.

Жагып калдың чырагым,
Жүрөгүмдөн сурагын.
Ойрон кылбай сүйүүмдү,
Ойло жаным убалын.

Автор: Дамир Кадыр уулу
29.12.2024-ж.

СЕЗИМДЕН КАЙРЫЛУУ

Мүмкүнчүлүк сунуп бизге жарыктык,
Миллион жандар арасынан табыштык.
Ойлорумда сен ганасың ар убак,
Ортобузду бөлгөн менен алыстык.

Таң чолпонум, издеп жүрүп тапканым,
Сенсиз жүрүп далай атты ак таңым.
Сага деген көкүрөктө чоң сүйүүм,
Толгон токой санааларга батпагын.

Кезигиштик, кечириштик өткөндү,
Көмдүк жерге бизден ыраак кеткенди.
Колдорубуз бекем болуп кармашып,
Кел тособуз биргеликте көктөмдү.

Короп бүтүп убакыттын сандыгы,
Кеч билинет бул жашоонун тардыгы.
Мен да жетем, сен да жеткин баркыма,
Менден эмес, сезимдерден кайрылуу.

Каныбегим

29.12.2024.
Москва шаары.

АППАК ТАҢЫМ

Мейкиндик, көгүлтүр асман белең,
Мен үчүн жарык нур чачкан белең?
Мени эч ким сүйдүрө албай койгон,
Сен менин сырымды тапкан белең.

Жок кылып кыйнаган, муң-зарымды,
Чыгарып эсимден, мурдагымды.
Жүрөгүм таш болуп калган эле,
Сен аны сездирбей уурдадыңбы?

Акырын жанымды арбап алып,
Жиби жок өзүңө байлап алып.
Жылыттың муздаган сезимимди,
Кылыктуу назыңды пайдаланып.

Кезиктиң сен тагдыр жолдорунан,
Садага болоюн бойлоруңдан.
Сен менин таптакыр чыкпай калдың,
Секетим жүрөктөн, ойлорумдан.

Карагат көздөрүң кара-кара,
Сыйкырлап кадалып, караба да.
Өзүм да түшүнбөй калдым жаным,
Неге анча тартылам сага гана.

Жүрөгүм туйласа, жанчыламын,
Сырымды сыр бойдон калтырамын.
А балким сен аны сезгендирсин,
Сүйүүмдү айтууга тартынамын.

Автор: Дамир Кадыр уулу
28.12.2024-ж.

Кээде өзүмө суроо берем ушундай
Махабаттын азгырыгы ушулбу ай
Билбейм Көзгө көрүнөсүн башкача
Сейрек учкан Ала-Тоонун кушундай

Көзгө толуп келишимдүү келбетиң
Таппайм сендей кыдырсам бул жер бетин
Шыңгыр күлкүң көңүлүмө элестеп
Түшкө кирип бүгүн түнү келбедиң

4.10.2021 Чымырбаев Бекзат.

"ЖАН" ырлар түрмөгүнөн
32

Мындай күндөр буга дейре болбогон:
кусаланам, жыргайм, ыйлайм, ойлоном.
Түндө сени бар деп уктайм мемиреп –
Таңда сени бар деп күлүп ойгоном!

Буга дейре бир үңкүйгөн неме элем,
Булбул болдум таңда, кечте безеген.
"Капка салса эгер менин делбемди,
кап да чуркап кетет беле?" - дей берем.

Эмне кылып койдуң мени, зирегим?
Мен эмнени түшүнөм да, билемин?
Барып алып сенин таман астыңа,
Балбалактап бербес белем жүрөгүм!

Тоого булут оролгондой төгүп жаш,
Толкунунда ашыгылыктын жүрөм мас.
Өзүңдү таап, аяп калдым өзүмдү,
Мерез элем өзүмдү бир барктабас.


Элмирбек Иманалиев

***

Жарыгым, жаным, жапжашсың,
Мөлтүрсүң, тунук, тазасың.
Апакай, аруу максаттын–
Артынан ээрчип барасың...

Ууздайсың - эрин тие элек,
Кагазсың - калем чие элек.
Туйлаттың жанды. Турганда -
турмушка жаңы тизелеп...

Асылым, эркем, татынам!
Ашыкмын... Кантип батынам?
Тагдырдын ташын сүзгүлөп,
Кете элек тагы башыман...

Аңдоосуз чыксаң жолуман,
Алдастайм, чочуйм, корунам.
Ашыктык – алтын ажыдаар,
Жаңы эле кайткам оозунан...


Элмирбек Иманалиев.

СЕН - МЕН

Кадырым - сен, сыйым – сен,
Кайнап жаткан ырым - сен. Калчылдадым вагондой,
Кайда жүрдүң мурун сен?

Медерим сен, сыйым – сен,
Мен - бечара, кыйын - сен.
Мээм айланып баратат,
Мен - жалбырак, куюн – сен!

Мен - темирмин, сен көөрүк,
Сен - делбирим, мен өрүк.
Этегиңе күбүлүп,
Эзилейин түбөлүк...

Мен – күнөөкөр, сен – бейиш,
Сенде жемиш мен жегис.
Жетер жери белгисиз,
Жел кайык - мен, сен деңиз!


Элмирбек Иманалиев.

Түбү жок ойлор мени байлап алып
Арманымды төккүм келди сага барып
Ичимдеги бийик тоолор урагандай
Ички дүйнөм кулап жатат майдаланып

Ач бөрү кең талааны жойлогондой
Айдарым жел көл жээгин бойлогондой
Сүйүү деген деңиз болсо суусу туздуу
Ал суудан ууртап жатам тойбогондой

Чымырбаев Бекзат.

ПЕРИСИҢБИ

Көздөрү жылдыздардай жымыңдаган,
Көп жигит ага арнап, ыр-ырдаган.
Жамалың күн нурундай жылуу сенин,
Ким күндүн аптабына жылынбаган?

Мүнөзү ачык, шайыр, эрке, ширин,
Шимирип алмак элем, берсе тилин.
Тараса бүгүн нуруң, түндө ааламга,
Уялып чыкпай коймок, эртеси күн.

Сезимдер кытыгылап, тек ичимди,
Каалашат ак сүйүүмдү сезишиңди.
Адашып жалгыз жерге түшүп калган,
Үрлөрдүн бирисиңби, перисиңби?

Түшүнсөң кана, эмне айтаарымды,
А балким эчак эле байкадыңбы?
Мен болсо ыр жазгандан, башка дагы,
Мактайын сага жаным кайсы арымды?

Арбадың муукам, назик үнүң менен,
Мас кылат көздөрүң да күлүңдөгөн.
Мен эле болсом керек өжөр адам,
Меники болушуңдан түңүлбөгөн.

Автор: Дамир Кадыр уулу
17.12.2024ж.

"Ай секет"

Тажабай угам 🤤

Лейли🥰

#Эрлан_ЖУМАГАЗИЕВ

ОТ УУРТТАП АЛГАН КӨРҮНӨМ

Коргошундай эритүүмдү самасаң,
Сени эритпей өзүм эрип баратам.
Ысык демиң дене-бойду көлкүтүп,
Кылат чиркин, ызгаар кышты саратан!

Көлкүп денем оттой жанган демиңен,
Эрий берип, жок болбоймбу деги мен!
Оозуңан өөп, жүрөгүңдүн байкабай,
Отун кошо уурттап алган көрүнөм!

СУЛУУГА

Жаркырап тийген күн белең сулуу
Жайнаган жерде гүл белең сулуу
Дегдетип мынча кыйнадың мени
Дербиштей сени сүйдү элем сулуу

Жарыткан түндү ай белең сулуу
Жайнаган көрктүү жай белең сулуу
Тагдырым сенден күттүмбү билбейм
Таппадым такыр кайда элең сулуу

Табаармын бир күн сиз дедим сулуу
Таштабай кеттиң издериң сулуу
Таалайым сенден ачылабы деп
Талбастан такыр издедим сулуу

Түпөйүл кылдың сезимди сулуу
Түйшүккө салып өзүмдү сулуу
Түн кирсе такыр ойгонгум келбейт
Түшүмдө көрүп өзүңдү сулуу

Адылбек Икрамбек Тегин

МЕН СЕНИ ЖАНЫМ ЧЫГА ЖАЗДАЙ СҮЙДҮМ…

Оо эркем, сенин таппай көзүм катып,
Асман–Жер арасында жүрдүм калкып.
Ак тамак булбул болуп сен сайрасаң,
Көктамак булбул болдум үнүм катып.

Жүрсөк да түндүк, түштүк уюлда биз,
Таңгалтып, тагдыр кээде кошуп турду.
Каалаган кезде турмуш сууга ыргытып,
Каалаган кезде бизге от жуткурду.

Өзүңсүз өтүп жаткан күндөр жалган,
Бир чымчым жарыгы жок түндөр өлгөн.
Сен менен чайкайнамча болгон кезим,
Оо канча артык мага бейиш төрдөн.

Күн барбы менин оюм ишке ашар?
Ойлоймун: “Сүйүү, мынча жолуң татаал?”
Куураган кезде бакыт, сүйүү жетпей,
Кудайга болгум келет орун басар.

Бофорттун шкаласы өлчөй алгыс
бороондун жетегинде өмүр сүрдүм.
Жүрөгүм мухит сымал окторулуп,
Мен сени жаным чыга жаздап сүйдүм.
Оо сени жаным чыга жаздап сүйдүм!..

АТАНТАЙ АКБАРОВ

**
Күндөр өтүп, эсиме келесиң сен,
Себебин билесиңби эмнеликтен.
Сен кеткенде жылмайып кала бергем,
Деңиздин толкунундай термелип мен.

Сен ошондо айттың мага, кечир дедиң,
Ошондо эле сага айткам кечиргеним.
Унчукпастан сени анан кечирдим да,
Мен өзүмдү эч качан кечирбедим.

Сен бар кезде өмүрүм толукталган,
Сен жок кезде ичке арман толуп калган.
Сен экөөбүз коштошкон күндөн бери,
Жүрөк байкуш оорукчан болуп калган.

Бул өмүрдө сен деп соккон жүрөктү,
Неге мынча жек көрөсүң түшүнбөйм.
Балким мени унуткансың чын эле,
А мен сени жүрөгүмдөн түшүрбөйм.

Ачылбек уулу Нурзаман

АТТАП АЛДЫМ

Кемтик жайын толтурам деп боштуктун,
"Келет сени"- деп айттың сен "дос туткум".
Азгырылып ажарыңдын көркүнө,
А мен шертин бузуп кеттим достуктун...

Сенин дүйнөң ак кар сымал таза да,
Сезимталың мас болду окшойт мазаңа.
Жаңылыштык кылган достун айыбын,
Жазаласаң, сүйүү берип жазала.

Дарегимден адаштырган шоктук бу,
Бал эринден жалын татып, от жуттум.
Башка жандын кармаба деп колдорун,
Аттап алдым чек арасын достуктун.

Бөлөк жанга өзүңдү ыраа көрө албай,
Бөлүп кеттим чек арасын достуктун...

Адылбек Икрамбектегин

*  *  *

Аязы колду какшаткан,
Апакай кыштын кечинде.
Шаар ичи жанып ак шамдар,
Келаттык көчө четинде.

Көөдөндө сүйүү тумчугат,
Жаздагы албуут сел болуп.
Дүйнө-өмүр жаздай кулпурат,
Сен болуп анан мен болуп.

Өмүргө келип алтын күз,
Күбүлөөр кезде сымбатым.
Сыздатып асыл жүрөктү,
Жолуктуң неге кымбатым?

Айталбай сөздү тартынып,
Карайсың неге тайсалдай?
Кыялдын кууп артынан,
Өтүптүр жылдар байкалбай.

Канчалык кыйын болсо да,
Көөдөндө калсын арманым.
Жаз менен кошо узатып,
“Кайыр кош” деймин ардагым.

Дүйнө-өмүр жаздай кулпурат,
Сен болуп анан мен болуп…


НАЗГҮЛ ОСМОНОВА

КЫМБАТЫМ

Суу жаңыртып Ала-Тоонун жылгасын,
Талаа тыңшап торгойлордун ырдашын,
Жаз жадырап, мен турамын сумсайып,
Жазда неге келбей койдуң, кымбатым?

Жаркын гүлдөр жасалгалап кыр башын,
Жай чыгарып табигаттын сымбатын,
Жер жапжашыл, менин өңүм керсары,
Жайда неге келбей койдуң, кымбатым?

Дарак тагып түркүн мөмө-сыргасын,
Суктандырды адамдардын кыйласын.
Күтүп жүрсөм жүзүм камдап өзүңө,
Күздө неге келбей койдуң, кымбатым?

Эки жүрөк бирин-бири тыңдасын,
Эзилишип, элжирешип жыргасын.
Керемет бар сенде кышты жай кылаар,
Келчи, келчи кыш чилдеде, кымбатым.


СООРОНБАЙ ЖУСУЕВ

КЫШТЫ СҮЙГӨН СУЛУУ КЫЗ

Үлбүрөгөн назик сезим, ышкылуу,
Кылыгыңдан чагылууда бала кез.
Колу үшүгөн, а жүрөгү жыпжылуу,
Кышты сүйгөн периште кыз кара көз.

Келген өңдүү кымбат жаның сагынган.
Көздөрүңдө сүйүү, кубанч толо-мол.
Алтын сөйкөң күн баласы тагынган.
Кыпкызыл от мойнуңдагы оромол.

Күн эңкейди көлөкөңдү узартып,
Күмүш түскө чайынууда туш тарап.
Сен карасаң карлуу кышка сук артып,
Сага карап айлана бүт суктанат.

Эртең дагы ак сүйүүңдү жашырып,
Каштарыңдай кара тумак кийип кел.
Кардай таза сезимиңе баш ийип,
Кышты сүйсүн кышты сүйбөс жигиттер.


Улукбек Омокеев

БАЛЫКЧЫНЫН СУЛУУСУ

Таңда чыккан чолпон жылдыз сыяктуу,
Тамшандырды Ыссык-Көлдүк бир ак-куу.
Сезимимди ээлеп алып сездирбей,
Жүрөктү өрттөп, жан дүйнөмө кылат чуу.

Күнү-түнү кетпей такыр эсимден,
Көргүм келип, жүрөк туйлап, эзилген.
Көздү жумуп, айтып салып сүйүүмдү,
Өөп алгым келип турат бетиңден.

От чачкандай жүрөгүмө, жанарың,
Өрттөнөмүн, жаным күйүп жанамын.
Секетим ай сага болгон сүйүүмдү,
Сездирбестен, катып жүргөн баламын.

Байке деген сөзүң балдай сезилип,
Балкып кетем, муздай ээрип, эзилип.
Башка ааламга барып калган өңдөнөм,
Балыкчынын сулуусуна кезигип.

Сүрдөп кетем кокусунан бет келсе,
Сүйүү жанды кыйнайт тура кеч келсе.
Дүкөнүнө күндө барам, көрүү үчүн,
Керек эмес болсо дагы эч нерсе.

Байкап калып жүрбөсө экен апасы,
Башымды алат андай болсо атасы.
Бардыгына кайыл кылган адамды,
Жашачы сен аруу сүйүү жашачы.

Автор: Дамир Кадыр уулу.
29.11.2024ж.

УБАЙЫМ.......


Ойлосом ойдо карааның
Ооруулуу кылды жамалың
Дартыма болоор арачы
Дарыгер кайдан табамын...

Кусадан көңүл калганда
Кубанчым өттү арманга
Жоолукпай койсок не болмок
Жомоктой ушул Жалганда...

Жылдызы болбой жанымдын
Жыл өтпөй туруп сагындым
Жакындык бизге бербеген
Жашоого келет таарынгым...

Эстесем эсте карааның
Эсимди алды жамалың
Дарманым деле калган жок
Дарысын кайдан табамын...

Дартыма болоор арачы
Дарыгер кайдан табамын...


Элмирбек Иманалиев.

Жан дүйнөм жүргөн кезде жараланып,
Жан сырым төккөн элем сага барып.
Жаагымды алаканың аста сылап,
Жаш кеткен жүзүң ылдый салааланып.

Ширин-ширин аңгеме сүйлөп берип,
Жаш болсоң да сен көптү түшүнчүсүң.
Жазгы гүлдөй мен үчүн жайнап чыгып,
Жалбырактай кээде өксүп үзүлчүүсүң...

Биз үчүн биринде кең, биринде тар,
Өмүрдүн жылдар, айлар, мүнөтү бар.
Менин бир эски жаман альбомумда,
Сенин бир жакшы түшкөн сүрөтүң бар.

Түтөгөн өмүрүмө жалын тилеп,
Сен мага бересиңби асыл жүрөк?
Жыргалда жашабаган таза сүйүү,
Ырларда жашаганын баары билет.

Эркеледим көп ирет мастык менен,
Нени кылбайт өрт, шарап, жаштык деген?!
Эл көзүнчө өпкүлөп сени далай,
Эми өзүмчө азапты тартып келем.

Мен соолуктум,
Көзүмдү турмуш ачты.
Сен жолукчу,
Өзүңө айтып берем.


Элмирбек Иманалиев.

Көзүңдөн нур, сөзүңдөн ыр төгүлөт
Карегиңе каректерим чөмүлөт
Ыйлачу эле, туйлачу эле жүрөгүм
Көрсө жүрөк сени издеген көрүнөт...


Элмирбек Иманалиев.

Жарыгым, жалгызым, жакшынам,
Жете албай көксөөдөн аптыгам.
Сагыныч, кусалык дегенден,
Бир сенде дарылар барчылап.

Ашыгым, асылым, берекем,
Турмуштун запкысын жебе сен.
Мен барам сен тарап бет алып,
Сен дагы санаасыз кел эсен.

Акагым, татынам, жанымсың,
Кудайым жиберген багымсың.
Сыгылба, жыгылба бакытым,
Сен менин болочок жарымсың.

БАКАЙ АКМАТКУЛОВ

МЕНИ СҮЙСӨҢ

Мени сүйсөң баардыгына чыдап сүй,
Жүрөк менен жүрөгүмдү тыңдап сүй.
Жалган жашоо сыяктанбай жанымда,
Сезимимди ойнотпостон чындап сүй.

Мени сүйсөң жай чилдедей ысып сүй,
Кучагыңа бекем мени кысып сүй.
Муздай тоңуп турсаң дагы билгизбей,
Жалындаган отко окшоп кызып сүй.


Мени сүйсөң сүйүүмдү сен сезип сүй,
Жүрөгүмдү элжиретип эзип сүй.
Сүйүү үчүн даяр болуп баарына,
Бут ааламды чарк айланып кезип сүй.


Мени сүйсөң деңиз болуп чалкып сүй,
Океандын тынчтыгындай балкып сүй.
Сезимдеги сага болгон сүйүүмдүн,
Эң таттуусун жалгыз өзүң калпып сүй.

автору; ТАЛАНТ САДЫКОВ.

КЕРЕМЕТИ СҮЙҮҮНҮН

Келет сага жолуккум,
Болсо экен деп колуктум.
Сен он жети жашыңда,
Сага ашык болупмун.

Көркөмү укмуш жамалың,
Көзүм күйүп карадым.
Күндөн-күнгө мен сага,
Ашык болуп барамын.

Үнүң дагы жагымдуу,
Эргиттиң го жанымды.
Сага гана жетүү үчүн,
Арнамакмын баарымды.

Махабатка мас кылдың,
Магдыратып азгырдың.
Кычыраган кышында,
Жан дүйнөмдү жаз кылдың.

Сезимби же күч билек,
Дүйнөдө не күчтүүрөөк?
Керек болсо ханды да,
Сүйүү тизе бүктүрөт.

Андай болсо ардактуум,
Сага сүйүү арнапмын.
Хандар тизе бүгүшсө,
Мен каякка бармакмын.

Автор: Дамир Кадыр уулу
23.11.2024ж.

Жылдыздуу түн
Жүрөгүмө бактылуулук толгону,
Жүзүң көрсөм бир арманым болгону.
Жылдыздуу түн ошондогу өзгөчө,
Жолуктурган экөөбүздү жолдогу.

Ооба,билем, жеттим күнгө самаган,
Ал сезимдер жүрөгүмө тараган.
Уялгандан алып качып көзүмдү,
Асмандагы жылдыздарды карагам.
Жеткириптир максатыма ошондо,
Жылдыздуу түн бир ишиме жараган.

Бакытбек Полотов

ЭРКЕМ.
Өткөндө кырктын кырынан ашып.
Өзүңө кылды кудайым ашык.
Кыйноого салып, азапты берген.
Кылганмын кандай, эмнеден жазык.
Атыңды атап эрке деп бүгүн.
Ашыктык ырын турамын жазып.

Бурала бассаң, кыялап эркем.
Көркүңдөн гүлдөр уялат эркем.
Күлгөнүң күндөй жаркыган кезде.
Күн дагы батат уялап эркем.
Артыңдан калбай арбалып жүрөм.
Көлөкөң сыңар кубалап эркем.

Ойлосом оюм, ой кырды ашат.
Оң жолду пенде, солду да басат.
Бирөөгө бакыт күттүрбөй келсе,
Биринен кетип, жеткирбей качат.
Бирикпес бирок, сүйүүлөр таза.
Жүрөктөн чыккан ырларда жашайт.

Ар күнү чалып абалың сурап.
Акылым менен адебим турат.
Алсамбы десем жарыңдан тартып,
Абириң ойлоп, ыйманым турат.
Өнөрдүн жолу тосулбайт экен.
Өзүңө жүрөк ыр арнап сунат.

Жаралган пенде, бир дүйнө кем дейт.
Жараткан теңир бардыгын теңдейт.
Сагынган кезде санаага батып.
Сен жазган ырлар жаратым эмдейт.
Жашынып барып жолугуп качып.
Сүйүүмдү таза булгагым келбейт.

Кыялым менен тоо куштай эчен.
Сен менен бирге тоого учам эркем.
Бакыттай мага сезилип жатат.
Сени деп жүрөк ооруткан эркем.
Жалгандан өтсөк көп жылдан кийин.
Үр кызы болуп жолуксаң экен.

Арзыган жанга ак сүйүү берсин.
Бергенде ал да кечикпей келсин.
А биздин сүйүү таптаза бойдон.
Сабалап учуп тарыхты кезсин.
Сүйүүнү таза сактаптыр ах- деп.
Агасы менен эркеси дешсин.
✒️✒️ Абдырасулов.С✒️✒️

КАРА-КОЛДУН АЙЧҮРӨГҮ

Керемет, келишимдүү жан экенсиң,
Суктантып, сулуулукка бай экенсиң.
Кыргыздын тарыхында жашап калган,
Акмөөрдөй, Таңсулуудай бар экенсиң.

Ак көңүл, токтоо мүнөз жан экенсиң,
Адамдык сапатка да бай экенсиң.
Акылың зирек тура, жаш болсоң,
Апабыз Курманжандай бар экенсиң.

Агаңдын токтобосун шарт жүрөгү,
Канткенде жетем сага айтчы деги?
Байкатпай жүрөгүмдү ээлеп алды
Бал тилдүү Кара-Колдун Айчүрөгү.

Агаңдын кетпей калдың кыялынан,
Коркомун сени ойдон чыгаруудан.
Мен сени сүйбөй койсом күнөө болоор,
Чочуймун бирок сүйүү убалынан.

Бул сөздү айтуу мага кыйын болду,
А мени ашык кылган сыйың болду.
Бул менин чын жүрөктөн сага арнаган,
Алгачкы "сүйөм"- деген ырым болду.

Автор: Дамир Кадыр уулу
22.11.2024ж.

Кеп баштадың аянычтуу сезилдиң,
Келди беле же олуттуу сезилгиң?
Эптештирип эки сөздү айталбай
Айланайын эмне мынча эзилдиң?

Сөз баштадың төркүнү жок келиндей
Көп күттүрүп бербей койгон себиндей
Эмне дегиң келип турду каралдым?
Мен да кызык угуп турган эринбей

Унчукпадым кабак бүркөп уктум да
Бар ызамды түйүп алып муштумга
Колду шилтеп басып кеттим буулугуп
А сен тиктеп кала бердиң устунга

Автор:Мунара Чолпонкулова

Ыр жаздың кимдин ашыгы болуп.
А менин сүйүүм ташыды толуп.
Ашыктык ырын жаратып жатат.
Сен деген сезим басылбай коюп.

Тамаша кылган адатым жойду.
Бийледи селки, сезимди, ойду.
Төбөдөн ылдый суу куйса дагы.
Жалындуу сезим эч суубай  койду.

Болсо да сенин турагың бөлөк.
Кыялда жүрөм бакытка бөлөп.
Ыр окуп берем гулзарга барып.
Ийинге турсаң башыңды жөлөп.

Бүлөлүү мен да, бүлө бар сенде.
Жалганда бизбиз күнөөлүү пенде.
Элмирбек акын айткандай, бирок.
Сен болуп жашайт жүрөгүм менде.

Өзүңсүз кантип жүргөнмүн эркем.
Сүйүүсүз күндү өткөрүп эчен.
Айтматов айткан кашкайган чындык.
Ашыктар чындап бир болбойт экен.

Жолукчу дейин, жолукпа мага.
Жорукту кылып сагынткын жана.
Болгону жазчы ашыктык ырын.
Сүйүүдөн дастан жазгыча сага.

✒️✒️ Абдырасулов Советбек ✒️✒️

Сыйга тартып бул жолу өмүр мени,
Насип болду арзуунун төрүн көрүү.
Түгөнбөгөн жарыгын сунуп жатат,
Токтогулдун мырзасы көңүлдөгү.

Ал дүйнөдөй! Көөнүмө чачып нурун,
Ак сүйүүгө алпарды ачып нугум.
Токтогулдук жигитке ырым арнап,
Толуп жатат ансайын ашыктыгым.

Жүрөк сүйдү жүзүндө жаз ыраңды,
Дастан болуп сабында жазыламбы?
Кара ойлуу адамдан алыстатып,
Карегиме катайын казынамды.

Жандабаса күн өлүк, кечем өлүк,
Жаркыратса жолумду кетем өнүп.
Тоготпостон ызгаарын сыноолордун,
Токтогулга кетсемби жетеленип.

Тоң дүйнөнү тоготпой колдон алса,
Токтогулга кетейин жетеленип.

ЭРКИНБЕК КЫЗЫ МЭЭРИМ

ЫРААЗЫМЫН ТӨРТӨҢӨ

Эң биринчи сүйүүм эстен кетпеген,
Айта албайм аны жеңил кеп менен.
Салыштырсам аны ушул дүйнөгө,
Күлкүсүнө күндүн нуру жетпеген.

Экинчиси жарык кылат ааламды,
Суктанамын ал өзгөчө, амалдуу.
Аны сүйгөн күндөрүмө өкүнбөйм,
Аны менен нечен ырлар жаралды.

Үчүнчүсү ай нуруна теңешчү,
Айтпасамда ал да сулуу эмеспи.
Кусалыктан бак аралап көп жүрүп,
Сүйүүм эстеп ыр жазамын мен эски.

Төртүнчүсү мен искеген кызыл гүл,
Сулуулардын супсулуусу нагыз бул.
Арманымды катып жүргөм ичиме,
Ак сүйүүнүн алоосунан тамызды.

Жаа бербей кетем кээде эркиме,
Ырларымды чыгарууда көркүнө.
О балкы сүйгөндөрүм аман бол,
Ыраазычылык айтып өтөм төртөңө.

Бекмырза Шукурали уулу
08.07.2024 11:59

Урматтуу, катталуучулар, группа боюнча суроолор, ыр жиберүү үчүн кайрылуулар болсо,
мырзалар
@Dal_oshol_Bakai
ушул аккаунтка, айымдар мага кайрылыңыздар!

Өкүнүч

Жарытчусуң дүйнөмдү жарык шамдай,
Жалын өчтү сендеги жанып-жанбай.
Жолдон капыс кезигип калсак деле,
Жай гана өтүп кетерсиң тааныштардай...

Сени сүйүү чын бакыт деген элем,
Сен мен үчүн деңизден терең элең.
Сан адамдын сөзүнө каршы чыгып,
"Сүйүү — таза" дешимдин себеби элең.

Ашык болуп сен элең "тием" деген,
Акылымдан кетип мен сүйөр элем.
Ал айтканың унутта калып жатса,
Ак сүйүүнүн барлыгын билер белем?

Сенде кетти жашалбай бир өмүрүм,
Сезимдердин бүтүшүн тиледи ким?
Сенин жаштык кылышың билип туруп,
Сен деп жүргөн мен өзүм күнөөлүүмүн.

Сендей боло албастыр бирөө, гүлүм...

Алмаз Каныбеков | ©kanybegim
Москва шаары
29.08.2024

*ОШОНДОООЙ*!!!

Жула качып уяңдыктын кермесин.
Жазгым келди бактылуулук термесин.
Алыстаба эми менин жанымдан,
Андай күндү жаратканым бербесин.

Толкунданып токтоно албай бир жерге,
Таба албастан таттуу сөздү сүйлөөргө.
Колтукташып кыналыша бир баскан,
Тойбой жатам мен бүгүнкү күндөргө.

Жан дүйнөңө коём кантип кубанбай,
Кереметсиң кызга бергис жубандай.
Ааламымды багындырдың сен келип,
Аттан озо чуркап өткөн кунандай.

Сүйөм дедим, сүйгөндүгүм жалганбы?
Сендей кылып жаратпастыр ар жанды.
Ак-куу сымал моюнуңа шуру деп,
Ак сүйүүдөн таккым келди маржанды.

Каарман болуп ар бир жазган сабымда,
Кулпура бер гүл болуп гүл багымда.
Кучагыңдан чыккым келбейт бир мүнөт,
Бактылуумун сен бар кезде жанымда!!!


*МАЛИК НАЗАРМАТОВ*!!!

Бакыттын эшиктерин, акырын кагып жүрөм,
Сүйүүдөн шуру алып, мойнума тагып жүрөм.
Жароокер жакшымсын сен, жанымда бирге бол деп,
Сен берген кубанычты, ардактап багып жүрөм.

Өзгөчө сүйүү бердиң, өзгөдөн катып жүрөм,
Өрт болгон жүрөгүмдү, өзүңө ачып жүрөм.
Өзөктөн чыккан бул деп, өзүмө тартуулаган,
Өзүңдүк ак сүйүүгө, өмүрдө батып жүрөм.


Бактылуу бул дүйнөгө, колумду коюп жүрөм,
Бакыттын бутагына, дал азыр конуп жүрөм.
Мээр алып азыр сенин, мээримдүү жүрөгүңдөн,
Мен азыр эс-мас боло, мээримге толуп жүрөм




Өзүңсүз калсам жайда, ызгаардай тоңуп жүрөм
Бар үчүн сен дүйнөдө, бактылуу болуп жүрөм.

Үмүтай Жеңишбековна

«СЕНИН ЫРЫҢ»


Адам издейт өмүрүнө күйгөн жар,
А мен сага сактап жүргөн дүйнөм бар.
Жүрөгүмө жолду таптың катылган.
Эшик ачык кирсең болот сүйгөн жар.

********

Көңүлүмдө жанды жарык чырактар,
Көк асманга жеткен өңдүү кулачтар.
Ай-жылдарга, мезгилдерге мертинбес,
Сүйүшкөндөр бир болуучу убак бар.

***********

Аппак жүзүң, ай жүзүң деп сүрөттөп,
Айткым келбейт ай жылдызга теңеп көп.
Кызганамын башкаларда оюнда,
Конок кылып албасын деп элестеп.

********

Ооба эркем, эл деп жер деп ыр жазам,
А сен күлүп айланамды нурдасаң.
«Мага арнаган ырың кана»,-дебегин,
Сенин ырың, жүрөгүмдө тыңшасаң.

Жалгыз өзүң угаласың ал ырды,
Жалгыз гана жан дүйнөмдү тыңдасаң.


Акбар Кубанычбеков

Нурадил Рыспаев:

КЫМЫЗ ЖЫТТУУ МАХАБАТ

Кыйч деп эшик... "кел сулуу, кир" дечү элем,
"Кымыз алып келдиңби?” - "Ии", дечү элең.
Кере жутуп кымызың көп ичсем да,
Келин же кыз экениң билбечү элем.

Кер какшыгым акчу эле селдей болгон:
“Келинчегим бар болсо сендей болгон...
Жатпайт белем бут асып керегеге...
Каалайт белең күйөөнү мендей болгон?”

Чаначка окшош чапанды бүчүлөнүп,
Чайкап башты кылтыңдап “Ики-ленип”.
Оозуңдан жооп күтчүмүн... Күлкү аралаш,
Жообуң эмес кымыздын жыты келип.

Өстөн жыты сени ээрчип келчү дайым,
Өзгөргөнсүйт күн санап өң чырайың.
Кымызыңдын акчасын алар замат,
Чыгып үнүң: “Ырахмат, мен чыгайын”.

Сен келгенде жеңилдеп калаа деми,
Келген өндүү жайлоонун аба, жели.
Сен бүткөн соң таратып кымызыңды,
Ээрчип кете жаздачу калаа сени.

Кымыз жыты көөдөндү кере турган,
Кетпей койчу бөлмөдөн мен отурган.
Төргө айлана калчу эле гүл жайнаган,
Төрт аяктуу отургуч сен отурган...

Кер какшыгым акыры көңдөй болгон,
Келбет, мүчөң кебиме желбей койгон.
Какаткансың баш ийкеп суроомо бул:
"Каалайт белең күйөөнү мендей болгон".

Чыны, калпы аралаш мактай берип,
Чымыр эттүү далыңды таптай берип.
Сезбептирмин "бир жалын" дүрт этерин,
Сегиз асый өзүмдү аттай көрүп.

Кош бетиңде кыпкызыл алма калып,
Коркуу дагы, уялуу чаңда калып...
Коомай эле кетчүсүң... Кеттиң бир күн,
Оң колумду бек кыса кармап алып.

Карматпаска эмне амал тапмак колум,
Кармап көпкө кесилген чакмак колуң:
Кан жүгүрбөй кубара түшкөн экен,
Андан бетер агарып “аппак” колум...

...“Сизге кетсем жасалбай калбас ишим,
Сизге кетсем шек санай албас “кишим”.
Ойлобоңуз жеңил деп... Келем сизге,
Колуңузду жөн гана кармаш үчүн.

Агатайым жолугуп турсак экен,
Ала жипке көздөрдү жумсак экен.
Колуңузду кармайын колуңузду,
Колдорундай баламдын жумшак экен”...

Балким антип айттырган жүрөгүңдүр,
Балкыйм бирок, айласыз күлөмүн бир.
Уялчу элем көбүнөн... күтпөптүрмүн,
Жумшак колдун пайдасы тиерин бир...

Колдор, колдор... ийинге илип койгон,
Кармап көрүп сырыңды билип койгон...
Түйшүк тартып кесилген колуң секин,
Жумшак колдун жүрөгүн тилип койгон...

Ошол күндөр өмүрдүн өктөмү эле,
Ошондогу жайлоо да көктөм эле.
Бышып күнгө какталган калаада бир,
Кымыз жыттуу махабат өткөн эле...

Махабаттын деңизи терең эле,
Кайыгы да жээгинде белен эле.
Кайткан сенден күндөрдүн бири “бирөө”,
“Кайдан кымыз ичкенсиң” деген эле.

Тоого чыксам оюм он тегеренет,
Тору келин бээ сааган желе келет...
Далай жылдар көрүшпөй кетсек деле,
Дале кымыз жыттангым келе берет...

11.11.24

ПОЭМАМСЫН, ДАСТАНЫМСЫН

Барган сайын сага жаным тартыламын,
Бирок сенсиз жалгыздыкта жанчыламын.
Жарыгы жок, айсыз түндө жашап келем,
Жарыгыңды чаччы мага шам чырагым.

Нурларыңдан көңүл жаркып, шаттанайын,
Досторума тааныштырып мактанайын.
Жалындаган жүрөгүмдү берейинчи,
Сезимдерин өчүрбөстөн сакта дайым.

Эч ким менен таанышпагын, жоолукпагын!
Менин гана аппак сүйүүм болуп дайым.
Көңүлүмө сенден башка сыйбайт эч ким,
Көңүл деген гүлдөй назик солутпагын.

Мени жаным өзүң издеп тапканымсын,
Күнүм - айым, жылдызымсын, асманымсың.
Капысынан тагдырыма кирип келген,
Сүйүү - деген поэмамсын, дастанымсын.

Автор: Дамир Кадыр уулу.
12.11.2024ж.

Карарып көпкөк асманым,
Карайлап турган чактамын.
Көрсөтсөң боло көркүңдү,
Кызарып күйгөн ак шамым.

Сенсиздик келсе баш багып,
Сезимдер кыйнайт ач калып.
Сен жокто көңүл түнөрүп,
Сен барда дүйнөм жапжарык!

Сыймык Райымбердиев

***
Уурданып, жүрөгүңө кирейинби,
Удургуп кыялыңда жүрөйүнбү.
Сел болуп, толкун болуп, ташкын болуп,
Жарыгым сени гана,
Жапжалгыз, сени гана сүйөйүнбү…

Көңүлүңдү шайтанча ээлейинби,
Көрүнчүдөй капилет келейинби.
Кумарланып, кусадар жалын менен,
Күйгүзүп, тумчуктуруп, өбөйүнбү…

Жаштыкка бүт дүйнөнү ороюнбу,
Жароокер кубанычың болоюнбу.
Ааламга аптап чачып, алоолонуп,
Жалбырттап, жүрөгүңө коноюнбу…

Уялбай, турагыңа кирейинби,
Ууздай жүрөгүңө түнөйүнбү.
Өрт болуп, жалын болуп, алоо болуп,
Өлчөөсүз сени гана,
Өмүрдө, сени гана сүйөйүнбү…


ШЕРБЕТ КЕЛДИБЕКОВА

УРУКСАТПЫ!!!

Жалгыздыктын жыл, ай, көп күнү батты,
Жарым дейин сизге окшош улук затты!
Жай алайын түбөлүк чыкпас болуп,
Жүрөгүңүз төрүнө уруксатпы?

Оргуштаган сүйүүдөн сунуп таттуу,
Ордун таппай канча бир суулар акты.
Ойлондурбай башканы, мендик болсун
Ойлоруңуз болоюн уруксатпы?

Жар болоюн жаркылдап сунуп бакты,
Жан эмесмин калп сүйлөп тийип каччуу.
Көз салдырбай башкага ээлеп алам,
Көздөрүңүз ичине уруксатпы?

Сезим гүлдөп өнүккөн ыйык бак бу,
Сүйүү менен жаратам ыйык сапты.
Бирге татып өмүрдүн таттуу балын,
Бүт дүйнөңүз болоюн уруксатпы?

Убак келип ойлонуп уйку каччу,
Шыбырыңды жүрөгүм туюп жатты,
Күндүз эмес түнү да бирге жүрүп
Түн уйкуңду ээлейин уруксатпы?

Көздөрүмдөн көп ирет жашым акты,
Бул өмүрдүн бактылуу багын тапчы.
Бул өмүрдө адашпай жүрүү үчүн,
Колдоруңуз кармоого уруксатпы?

Жароокерсиз кең пейил улук аттуу,
Мамилеңиз сыйымды улуктатты.
Бойдокчулук өмүрдү чектеп анан,
Жубайыңыз болоюн УРУКСАТПЫ?

Үмүтай Жеңишбековна

ЖУРНАЛИСТ КЫЗ

Таанышууга таппай койдум айла-амал,
Дагы сендей жарык жамал кайда бар?
Сени көздөй туйлап жаткан жүрөктү,
Көп боздотпой бал тил менен байлап ал.

Сезим менен булуттарды арала,
Сен жылмайсаң, бакыт күлөт мага да.
Өз дүйнөңө батырып ал мени да,
Анча эле эмес, келбетиме караба.

Байкашымча журналисттик кесибиң,
Журналист кыз аламын мен - дечүмүн.
Балким сени мага тагдыр туш кылды,
Ачып алдың жүрөгүмдүн эшигин.

Мүмкүн мага турмуш койгон тузаксын,
Кыялымдан ар кыл ойлор сызат чын.
Ошентсе да сезимдерим түрткүлөп,
Сага мынтип ыр букетин узаттым.

Суранамын, мени бирок урушпа,
Сүйүү деген ыйык, асыл, улук да.
Акылыңды укпай такыр, чыр кылып
Сүйгөн жүрөк баш ийбешин унутпа.

Автор: Дамир Кадыр уулу
10.11.2024ж.

Кир ойлорду көөдөндөн өчүрүңүз,
Капалыкты кабактан кетириңиз.
Жетпей жатсам кээ-кезде баркыңызга,
Жан шеригим, анымды кечириңиз!


Бүркөө кабак кейпин эч кийбеңизчи,
Кемчилдигим көңүлгө илбеңизчи.
"Эркем менин, жубайым эң мыкты"- деп
Каталарым, көрбөңүз, билбеңизчи.

Аялмында ашыкча сүйлөп койгон,
Билип- билбей кабагын бүркөп койгон.
Эрке сөзгө эреркип кайра анан
Аялмында тамагын түрлөп койгон.

Күлкү болом, шат болом, убай болом,
Лондон, Париж мен сизге Дубай болом.
Жөлөнөөргө тоом болуп турсаңыз сиз,
Жаркыраган акылман жубай болом!!!

Кабагыңыз жаркыткан жубай болом!!!

Үмүтай Жеңишбековна

БАЛАЛЫК БАЛ СЕЗИМ

Көздөрүң карагат кара мончок,
Эстесем кайгырып калам онтоп.
Кайрадан биз бирге болот белек,
Капыстан кайрадан бала болсок.

Сен менин туң сүйүүм, балалыгым,
Сезбепмин ал кездин тазалыгын.
Мезгилге таарынам, алыстаткан,
Мен менен жаштыктын аралыгын.

Жаштыгым арманга салып кеткен,
Жалгызым жан биргем чанып кеткен.
Балалык өзүнө кошуп, бирге,
Балалык бактымды алып кеткен.

Жаштыкты эстеген жагат мага,
Элестер жаныма табат даба.
Сен түшкөн сүрөттү колума алып,
"Сагындым"- деп айтам карап сага

Автор: Дамир Кадыр уулу
07.11.2024ж.

Дүйнөдө бөлөк жүргөн, жанымдын жарымысыз,
Таң болуп жарык чачкан, жашоомдун жарыгысыз,
Кем болгон дүнүйөдө, кемтигим толуктаган,
Жан дүйнөм тынчтандырган, жалгызым баарысы сиз!

Бакыттан жайнап турган, көзүмдүн карасы сиз,
Дартымды айыктырчуу, табылгыс дабаасы сиз.
Ар убак жөлөп-таяп, түшүнүп колдоп турган,
Инсандын эң асылы, тунугу, даанасы сиз!

Ууртумдан тамып турган, күлкүмдүн себеби сиз,
Жакшымды ашыруучу, өмүргө кереги сиз!
Башыңды жөлөп анан, бактылуу болгун деген,
Берилген Жараткандын, тартуусу, белеги сиз!

Башымды жөлөп алып, уктоочу бейпилдигим,
Бейкут бир өмүр сүрчүү, сиз менин бейпил күнүм!


Үмүтай Жеңишбековна

АЙТОЛКУНГА ОДА

Бир меңи жок ак кардай тунуктугуң,
Мерездикти билбеген сылыктыгың.
Улуу сөздүн уучуна ийне тагып,
Ушак сөзгө үн катпас дудуктугуң.

Кулпунайдай кулпурган көрктүүлүгүң,
Кыз Сайкалдай курчтугуң, эрктүүлүгүң.
Жалтанбаган, коркпогон, айбыкпаган,
Жалын карек, от жүрөк, өрттүүлүгүң.

Жайдын аппак таңындай жарыктыгың,
Жан дүйнөмө абадай зарык бүгүн.
Утур басып жанымда жандай калсаң,
Унут калат качанкы карыптыгым.

Шишим толуп саан уйдун желининдей,
Шайтандадым көптөрдүн кебин илбей.
Майкандалган абийрим, кулк-мүнөзүм,
Малак түшкөн талаанын эгининдей.

Бузуп далай бактылуу түнөгүмдү,
Бузук жолдор булгаган жүрөгүмдү.
Жакшы жолго бурулуп баратамын,
Жакшы көрүп калган соң бир өзүңдү.

Ары тартып жалгыздык азаптарын,
Аруулуктан ай жүзүң чачат жалын.
Ашык болуп калуума себеп болгон,
Адамдыкты туу туткан сапаттарың.

Сендик сүйүүм тамырдан бүркүп чыкты,
Селден качкан үйүрдөй үркүп чыкты.
Дилим бузган жосунсуз кылыктарды,
Дилиңдеги аруулук түртүп чыкты.

Жалгыз болуп издеген, жоктогонум,
Жүзүң көрсөм селт эте токтоломун.
Көлдөй тунук көркүңө чөгүп кетип,
Көөдөнүңө түбөлүк соттоломун.

Кулдук уруп барсам деп астанаңа,
Бүтпөс ойлор мас кылды баштан ала.
Календердин кайрыгын созуп жүрөм,
Каңырылган үн менен аста гана.

Кайдан-жайдан кайгымды уга келдиң
Картым сыйрып, дартымды сыга келдиң.
Кара мүртөз жанымды сылык кылып,
Миң кубулуп калтардай чыга келдиң.

Көздөрүңдү көзүмө кынап өттүң,
Чынын билбейм сүйүп же сынап өттүң.
Күзгү таңдан жел аргы болуп келип,
Күйүп турган жеримди сылап өттүң.

Айткан сөзүң айыпсыз, кыябында,
Айтпаганың көзүңдөн туямын да.
Жашоо мага жагымдуу болуп жатат,
Жалгыз өзүң жаралып кыялымда.

Жүрөктөрдүн айтылып ашыктыгы,
Жылдыздарга угулуп ачык сыры.
Төгөрөгүм төп болуп жыргап калдым,
Төрт каректен төгүлүп бакыт нуру.
Автор: Ж.С.

* * *
Күтпөгөнүң күткөндөй,
Күндөн күлүп түшкөндөй.
Дүйнө сенден башталып,
Сени менен бүткөндөй.

Акпаганың аккандай,
Айдан ылдый шашкандай.
Жоодурасаң ар бир жан,
Жоготконун тапкандай.

Өппөгөнүң өпкөндөй,
Өрттөнүп жан кеткендей.
Жүрбөй калдым бир мүнөт,
Жүрөгүмдөн «честь» бербей.

Жибек болуп жел желбей,
Желге шыбак термелбей.
Ушул дүйнө ушинтип,
Турмак эмес сен келбей…

Жаныма жан кошосуң,
Эмне десем ошосуң.
Уктап калсам канымдан,
Укмуш ырың созосуң.


АНАТАЙ ӨМҮРКАНОВ

Кайгылар жат болот,
Махабат ак болот.
Өзүңдү көргөндө,
Жүрөгүм бат согот.

Айланат теребел,
Сен мага келе бер.
Ашыкмын өзүңө,
Көзүмдөн биле көр.

Билбедим кай багыт,
Баратам жайланып.
Ак сүйүүм кетсе экен,
Никеге айланып.

Жалынга көрк берет,
Жапжарык өрт демек.
Башкага жылмайсаң,
Өзөгүм өрттөнөт.

А сенде тек бир өң,
Аруусуң деп билем.
Таптаза сүйүүмдү,
Ыр менен жеткирем.

Чачылдым, жыйналдым,
Жок десең ыйлаармын.
Сүйүүмдү сөз менен,
Айта албай кыйналдым.

Кудайдан белексиң,
Аябай керексиң.
Көзүңө түз карап,
Жанымсың демекмин.

Ыйы жок жашыттың,
Ыр айтып машыктым.
Канчалык билбейсиң,
Мен сага ашыкмын.

БАКАЙ АКМАТКУЛОВ

Бүгүн дагы кадимкидей кун батты
Жатыш болду күндөгүдөй убакты
Эрте жаттым күндөгүдөй тез эле
Сен түшүмө кирип келдиң эрте эле

Аппак жүзүң,узун боюң суктантат
Таланттарың көргөн көздү шыктантат
Ошол күнү көргөн элем мен сени
Азыр жоксуң кайтып келчи сен эми

Сен бир жолу жанып өчкөн жылдыздай
Бир жылда бир пайда болчу кундуздай
Көргүм келет күндө сени тушүмдө
Кайтып келчи мени көпкө күттүрбө


Бул жашоодо барсыңбы же жоксуңбу
Эмнеликтен сага сүйүүм толкуду
Жашоомо сен кирип келдиң айттырбай
Кантем эми сени койуп жактырбай

Жакшынакай сулуу жигит кайдасың
Көргүм келсе кантип табам айласын
Атың айтчы издеп өзүм табайын
Чын жашоодо жоолуктуруп алайын

Автор Медербекова Малика

*  *  *

Билбей бакыт эмне экенин адатта...
Баскым келди багыты жок тарапка...
Биз экөөбүз бирге турган ушул жер,
Бизге азыр тардык кылып жатат да…

Жалгыздыкты эми кайда катабыз?
Жарык нурду карангылап жатабыз!
Бул жашоонун көчөлөрүн эми биз,
Катарлашпай бөлөк -бөлөк басабыз…

Курчалгандай туңгуюкка туш тарап,
Кимдер мени бул азаптан куткарат?
Сен коштоштун карай албай жүзүмдү,
Мен коштоштум карегиңе тик карап…

Дабаа таппай турдум журөк дартыма,
Дүйнө кенен болгон менен тар тура!!!
Балким мени тургандырсын узатып,
Басып кеттим карабастан артыма…

Кеткен элен күн батышка түн менен,
Күтүп жүрөм күн чыгыштан күн менен...

МЕЛИС МАМАЖАНОВ

КӨЛДҮК КЫЗ

Балбылдаган көздөрүңдүн карегинен айланам,
Бал тилиңдин таттуулугу мени жипсиз байлаган.
Бул дүйнөгө кайра-кайра жаралсам да мен эгер,
Башканы эмес, бир өзүңдү тандамакмын кайрадан.

Кундуз, кара чачтарыңдын, жыпар жыты мас кылат,
Күмүш күлкүң көңүлүмдү, гүл бакчалуу жаз кылат.
Кулпунайдай эриндериң кызыгуумду арттырып,
Күндө сени көрүү үчүн сезимдерим шаштырат.

Көргөн жерден баш ийкешип учурашып көндүк биз,
Көз тойбогон көркөмүңө байландым го мен жипсиз.
Байкатпастан жүрөгүмдү багындырып алыпсың,
Бир көрүштө сага ашык болуп калдым Көлдүк кыз.

Сага болгон сезимимди карегиме жашырам,
"Сүйүп калдым"- деп айтууга, анан кантип батынам.
Сезип туруп, эгер менин баалабасаң сүйүүмдү,
Бул дүйнөгө өрт коём да, кыяматты чакырам.

Автор: Дамир Кадыр уулу
29.10.2024ж

СҮЙ МЕНИ

Сүй мени
Шарап ичип мас болгондой
Сүй мени
Он сегиздей...жаш болгондой
Сүй мени
Бүтүн аалам каршы чыксын
А сен сүй
Акылыңа кас болгондой.

Сүй мени
Сагынычтан зилдегендей
Сүй мени
Кызганычтан жиндегендей
Сүй мени
Баары айтсын сүйүү жок деп
А сен сүй
Мурда эч качан сүйбөгөндөй.

Сүй мени
Жолугуудан толкуп дагы
Сүй мени
Жоготуудан коркуп дагы
Сүй мени
Мейли адамдар ушакташсын
А сен сүй
Ал ансайын оргуп дагы.

Сүй мени
Өмүр бою издегендей
Сүй мени
Менден башка билбегендей
Сүй мени
Мен да сага сүйүү берем
Мен сени
Сүйөм эч ким сүйбөгөндөй!

ГҮЛЗАТ ОРМОНБЕКОВА

Бүгүн күз сендей сулуу, сендей суук,
Сени ырдайт ак жамгыры, жалбырагы.
Экөөбүз күздөн сүйүү таптык эле,
Кел эми, кайра күзгө калтыралы…

Сен элең жан дүйнөмдүн эгиз деми…
Сезимдер сенек беле же биздеги?
Көзүңдөн Күн көрүнбөйт, Жылдыз учпайт,
Чакырбайт дилиңдеги деңиз мени…

Жарыгым жаанда калып жүзүмдөгү,
Көз жашым– көп үмүттүн үзүлгөнү.
Соолутуп сол жагымдын жалын, отун,
Махабат жарытпады күзүндөгү.

ЭРКИНБЕК КЫЗЫ МЭЭРИМ

“ДАРТ”

Кызыл нурум, асманымда батпаган,
Түйшүгүмдөн түңүлбөгөн, качпаган.
Сени сендей баалай албай кыйнадым,
Айыбымдан кантип танып, актанам?

Ар сөзүңдөн чексиз мээрим төгүлөт,
Карегиңден кусалыгың көрүнөт.
Мээнет артып, оорутсам да дилиңди,
Мен да ашыкмын сага сенден көбүрөөк…

Деңиз элем, ээсиз чөлдөй какшыдым,
Баасын билбей багымдагы бактынын.
Жашап жүрөм өзүмө өзүм түшүнбөй,
Бийлик кылып эркелигим, жаштыгым…

Жан жарыгым, сүкүтүмдөн ыр алып,
Сынсам тиреп, күлкүм уксаң кубанып.
Сени мендей сүйгөн бардыр дүйнөдө,
Мени сендей сүйбөйт эч ким, бул анык!

Башка жанга ыраа көрбөй сени мен,
Буулугам көп, бугум толуп, эзилем.
Бирок кээде сага келчү таалайды,
Сүйүүм менен тоскон өңдүү сезилем…

Кээде сени чын баалоочу адамды,
Сүйүүм менен тоскон өңдүн сезилем…

ЭРКИНБЕК КЫЗЫ МЭЭРИМ

* * *
Кайсыл күнү, кайдан буйруп табылдың,
көз алдымда ак дайрадай агылдың.
Каралдым ай, боорум менен бүткөндөй
карегимде балбылдап, жүрөгүмдө кагылдың.

Арзып сага ак булуттай айдалдым,
бакытыңа балкып жаным байралдым.
Демиң менен алоологон ыр жазып,
сени менен бир бүтүнгө айландым.

Арзып сүйүп, эригенден эридим,
жашып туруп, өзүмдө өзүм кемидим.
Караанымды көргөнүңдө кубанып,
шамалын да сүйдүң туулган жеримдин.

Канат кагат сени беттеп ой улам,
кайыптан бир табылгансың жолумдан.
Жарык кылдың менин барар жагымды,
айыктырдың жүрөгүмдү ооруган.

Жалындаттың кырдан ашкан кезимди,
жаныңдагы кезим бактым сезилди.
Сенден көрүп аппак кушун көңүлдүн,
сенден бөлүп карай албайм өзүмдү.

Самай берип сагынгандан сагындым,
ак жылдыздай карааныңа жалындым.
Каралдым ай, боорум менен бүткөндөй,
карегимде балбылдап, жүрөгүмдө кагылдың.


Атахан Кожогулов.

#Жыпар_ИСАБАЕВА

*  *  *

Мен күздө бакыт таптым бапыраган,
Мен күткөн, мен ишенген жакын адам.
Кучагы толо сүйүү, гүл көтөрүп,
Дүйнөмө кирип келди шашып анан…

Мен күздө сүйүү таптым мелмилдеген,
Дүйнөңдүн падышасы менмин деген.
Жүрөктү кубантууга асмандан нур,
Ак жарык үзүп алып келдим... деген.

Мен күздө сүйүү таптым бактылуумун!
Жөнү бар - алып учуп аптыгуумун.
Жанымды коерго жер таппай турам,
Жалыны кандай ысык - жактыруунун!..

Сүйүү деген өмүрдүн кызык жери,
Чын сүйүүлөр бир болбойт аттиң кеби.
Ак сүйүүсү болгондо Аллах үчүн,
Жанаша жүрөт беле,ашык эки?

Күтүүсүз кездешип,сүйүшкөндөр,
Бир болбой,тагдырга тирешкендер.
Акыры жазмышка башты ийип,
Тагдырга таарынып жүрүшкөндөр.

Байкасам баам салып айланама,
Жалгандан бактылуу үй-бүлөөлөр.
Байланып бактысы бала үчүн,
А бирок,баягы сүйүүсүн эңсегендер…

Мына ушу себептен сүйбөйм азыр,
Жигит жандап,гүл алып жүрбөйм азыр.
Сактаймын сүйүүмдү ал адамга,
Аллахым мени аманат кылган жанга.

Дубамда сыпаты ал адамдын,
Дал келтир жараткан я Аллахым🤲


Айжамал Асанова

ЖООП БЕРЧИ ОО СҮЙҮҮ

Аруулугун айтып бүтпөйм кеп менен,
Ар адамды жар оозуна кептеген.
Азабы да, ырахаты жагымдуу,
Ал бир гана "Сүйүү болот"- деп келем.

Күтүүсүздөн, капысынан кезигээр,
Туйган жанга күч-кубаты сезилээр.
Махабаттын кемчилиги ушунда:
Кулагы укпайт анан дагы көзү көр.

Жан дүйнөңө кирип келсе, черткилеп,
Алып учуп, булуттарга жеткирет.
Сезимиңди туйлатканда махабат,
Көзүңдү көр кылат экен эт жүрөк.

Бул махабат, а дегенде достошот,
Баёо сезим, балалыкты токтотот.
Бир-бириңе көнүп калган кезиңде,
Бир күн келип капысынан коштошот.

Сүйүү деген кубандырат, жыргатат,
Ыйлатат да, "Сагындым"-деп ырдатат.
Жүрөгүңдүн жараланган жарасын,
Жалгыздыктын азабы көп ырбатат.

Оо махабат алоолонгон оттойсун,
Көкүрөктө күйүп турган чоктойсун.
Ашык кылып, адаштырып акылдан,
Айтчы неге  акырында кошпойсун?

Автор: Дамир Кадыр уулу
09.10.2024ж.

КАЙДАСЫҢ СЕН

Менин гүлүм, айтчы деги кайдасың?
Шаарбы, айылбы, деги кандай жайдасың?
А мен болсо, сени издеп дагы эле,
Жалгыздыктын таппай жүрөм айласын.

Жеңе албадым жүрөк өйгөн ооруну,
Эңсегеним жаным сага жолугуу.
Башкалардай жолуктуруп бактымды,
Самай берем дайым бирге болууну.

Жүргөндүрсүн, башкаларга арбалып,
Тагдыр эмес, күнүмдүккө алданып.
Бир күн мендик болооруңду билбестен,
Башка адамдын үмүтүнө шам жагып.

Айыктырчы, жан дүйнөмдү сыздаган,
Жылуулук бер, жүрөгүмө муздаган.
Кайсыл жигит, колун кармап жүрөт -деп,
Элестетип, сени дайым кызганам.

Билдирип кой, кабарыңды барайын,
Дүйнө кезип болсо дагы табайын.
Сезимиңе өчпөс отту тутантып,
Сени жаным менчик кылып алайын.

Автор: Дамир Кадыр уулу
26.08.2024ж.

""" Сүйөсүң ээ""

Кандайсың деп кат жазсам мен өзүңө.
Жооп бербестен унчукпай жүрөсүң ээ
Кайсы күнөөм болду экен кайсы күнөөм
Сени сүйгөн муштумдай жүрөгүм ээ.

Кечке карап тигилем сүрөтүңө.
Сен да мени мен сыяктуу сүйөсүң ээ
Бир минут да эстебей туралбаймын.
Айтчы сен да мени эстеп жүрөсүң ээ

Мага берген бир гана сүрөтүңдү.
Билесиңби күндө карап жүрөөрүмдү.
Мен сени ушунчалык сүйүп калгам.
Сага арнап жанымды жүрөгүмдү.

Автор Сейталиева Светлана.

#Санира_СЫДЫКОВА

*  *  *

Ошо… не дейм жолдорубуз эки ача,
Болсо дагы… тилегеним сага жаз.
Кол тийгизбе аруу, тунук дилиңди,
Кир жугузчу алакандан ала кач…

Ыйлай көрбө… жумшак, жашык жан элең,
Тиреп чыкчы даяр көздө жаш дагы.
Элестете бербе унут эсиңден,
Сени сүйгөн баёо, делбир жаш чагым…

Тегеректээр качанкы бир ирмемдер,
Кубаласаң кетпей кайтып артына.
Өрттөй ысык эриниңдин эсине,
Дирилдеген эриндерим калтырам…

Жалбырактар жонун төшөп узаткан,
Кеткениңде акыркы ирет жанымдан.
Дале күздүн эң алгачкы маанайы,
Күтөт жолуң кадамдарың сагынган…

Байлап жоолук качанкы бир сен сүйгөн,
Тосом жолуң ичиркенткен шамалда.
Сезим азыр андагыдан эки эсе,
Күтпө мени аяп бекер… араңжан…

Мүмкүн көзүм көрүнөттүр чарчаңкы,
Ал өзүңдү сагынгандын белгиси.
Кармап жүрсөң керек дилиң кусадар,
Тыйып, чектеп мен тарапка келгисин…

Канча өмүрлөр чабандессиз күлүктөй,
Кеткен алыс шоокумдарга чабылып.
Сен да мени унуталбай коюпсуң,
Билгем бир кез келериңди сагынып…

Кайтат кадам, кайра артына айласыз,
Кыя карап көздөрүмдү капалуу.
Бир кезекте күн түнөгөн дүйнөмө,
Жашаарын сез, арзуу жана тазаруу…

#Нур_Зат_МОКЕНОВА

*  *  *

Качандыр бир, жансыз ойго суралбай,
Кайгы келсе - кайгыны да туялбай.
Арбап турган арман болсо бу үнүң,
Арманга да барам, билем кыялбай.

...Сезбейсиң, о, илеби жок сезимди,
Ооруп анан чүнчүп турган кезимди.
Өзгө эмес, өзүм гана билемин,
Өзгөрүүсүз ар бир баткан кечимди…

Тон бычаарсың жалгыз ойдо калганда,
"Тоңгон жан" деп басып жүргөн жалганда.
А мен болсо өз сүйүүмө камалган,
Айыпкермин эч айыпсыз таңдарга.

Бар болгону көрүнбөгөн бир сүйүү,
Батып кеткен Күндү тиктеп бир күйүү.
Күйсөм күйдүм... Күлүм калса ал бакыт,
Күлүм калса – тирүүлүктө мен тирүү.

Күйсөм күйдүм, күлүм калса ал бакыт,
Күлүм калса, тирүүлүктө мен тирүү.

***
Көптөн бери мындай сүйүү көрбөгөм,
Мындай сүйүп чын жүрөктөн күлбөгөм.
Колтукташып келе жаттык көчөдө,
Сен жигитим, а мен гүлмүн гүл менен.

Тайгаланып кулаганда жөлөдүң,
Көңүлүмдү кубанычка бөлөдүң.
Билбейм эртең анык билем азыркы,
Өчпөй турган бакыт шамы өзүңсүң!

Тоңгон колго жылуулукту өткөрүп,
Турдук кечке кыялдарды тең бөлүп.
Коштошоордо чоктой жанган жүзүмдү,
Аста гана сүйүп койдуң эңкейип!

З.к.А.

🎑

Айтайынбы?
Сага баарын сүйгөнүм?
Бүт сезимди өз башыма үйгөмүн.
Эстеп алып, аргасыздан жылмаям,
Жасалмасыз, кыткылыктап күлгөнүң.

Сезесиңби?
Сезбейсиң ээ сүйгөнүм?
Күтүү менен өтүп жатат күндөрүм.
Үмүт артып, жакшы тилек максатта,
Жашап жүрөм,бир бурчунда дүйнөнүн...

Кобурачы?
Мен угайын, сүйгөнүм.
Деги кандай илдет мага сүйкөдүң?
Көтөрө албай сагынычтын эзгенин,
Куса деген коркунучтуу «үйдөмүн»

Сенден такыр, күдөр үзбөйм сүйгөнүм,
Жүрөгүмдү тыңшап, кулак түргөмүн,
Аным деди:
«Мындан жүзүм бура албайм,
Мына ушул, ушул сенин сүйгөнүң»

Сага, болгон жакшылыкты тилеймин
Өс, өнө бер, жаркып-жайна гүлдөгүн!
Эбегейсиз сезимдерге батырган,
Сен аман бол, көздөй көргөн сүйгөнүм!

— Субан Жеткинбеков

*  *  *

Турду жымжырт, балким жалгыз акыйкат
Асман сындуу калыс дагы, бийик да.
Бакыт кайда? Жакындап да, алыстап,
Жашап аттык өчүп дагы, күйүп да.

Тагдыр келди, татаал дедик аны биз,
Жаштык менен кайнап, толкуп каныбыз.
Кайталангыс жалгыз дедик сүйүүнү,
Алгач ирет кумарына кабылып.

Кайда ошол өчкүс сүйүү, каякта?
Кайда ошол жалын толгон аваздар?
Качандыр бир жүрөк менен туюнган
Махабаттан алда-небак адашкам.

Асман сындуу калыс дагы, бийик да,
Турду жымжырт, балким жалгыз акыйкат.
Жашап аттык өчүп-жанып, бир гана
Жакындасак – бакыт улам алыстайт.


ШЕРБЕТ КЕЛДИБЕКОВА

"Сени эч кимге бербеймин"

Карагат сындуу көздөр турат тегерек,
Карашыңа ашык жанмын дегдеген.
Каш, кирпигиң ажарыңа чак келип,
Кантем, гүлүм? Сүйүп барам күндө мен.

Катып алгам, -мен эч кимге бербейм-деп,
Жүрөксүздөр катарына кирбеймин.
Жүрсөм кошо өзүң менен жан эргип,
Кызганычтан: "жүрөгүмө кир" - деймин.

Келдиң, сулуу, мага жөлөп сүйүүңдү,
Өчүрбөймүн, сенсиң жазган ырларым.
Келиштирип ал ансайын калемим,
Өрчүтөйүн ырларымдын ыргагын.

Коё бергим келбейт такыр, ардагым,
Коён сүрөт тартпайм, батпа санаага.
Колуң сунуп ишенгениң мен болдум,
Башың коюп ийиниме садага.

Мага болгон ак сүйүүңдү баалаймын,
Маашырлантып, махабатты сездирген.
Оюн кылуу оюмда жок, ашыгым,
Оргуштаган сүйүүбүздү сен билген.
__
Айтмакчы, бир сөз айтсам күлөсүң,
Жыл ичинде жок эле да чачтарым.
Жолуктурган күндөн тарта өзүңдү,
Сулууланып, чачты кое баштадым.😁

Абдурашит.

(көчүрүү❌️)

Ватсапка чакыруу.

Ойдон кетпей түшкө кирет уктасам,
Оонап жатып, дүйнөм менен мушташам.
Оору келди, көнгөн адат, кантели,
Оор болот го, ватсабыма чыкпасаң.

Үмүт кылбайм, мүмкүн эмес бир болуу,
Үлбүрөбөй күйсөм деймин бир жолу.
Үзгүлтүксүз жазбасан да, кээ бирде,
Үч төрт күндө, жазып койсоң болгону.

Сагындырып кээде жазбай жазасың,
Санааркатып, сенин ушул адатын.
Саман кылып, бир көңүлдү калтырчы,
Сенден агаң, жазышуудан жадасын.

Нервиң ойноп, кыжалатты башташса,
Не болду деп, жаман көрүп баш катпа.
Тиктеп турам карегимди жылдырбай,
Каралдым ой, жазып койчу ватсапка.


Жунушалиев Калыбек.

* * *
Канатында куштардын кагыламын,
качанкы өткөн күндөрдү сагынамын.
Кырк кабыргам кайышып ооруп туруп,
карааныңды көргөндө айыгамын.

Күндө жазып көңүлүм сураганым,
үзүлөрдө үмүтүм улаганым.
Мени бирөө капыстан кайгыртканда,
сенин барың эстетсем кубанамын.

Көзүм жумуп ээрдиңден сүйүп өптүм,
келет менин кадырың билип өткүм.
Мелт-калт болуп өзүмө батпай турам,
ырымды да, мени да бийиктеттиң.


Атахан Кожогулов.

Мүнөзүң бар жанга жагым, алпейим,
Жете албадым баркыңа да анчейин.
Сагынаарым, сагынычым жан эркем,
Карып барат сапарыбыз кантейин.

Байырлапсың жүрөгүмдүн түпкүрүн,
Көбөйүүдө күндөн күнгө үшкүрүүм.
Сенде билбейм, менде болсо алсыздап,
Калбай барат мурункудай күч бүгүн.

Айлуу түндө маңдайыма тамат шам,
Кербен болдум дареги жок бараткан.
Туталантпай экөөбүзгө ар дайым,
Жакшы күндү тартуу кылсын жараткан...

*МАЛИК НАЗАРМАТОВ*!!!

Алсыз турган калемиме жан кирди,
Учу курчуп, баштап турат жазууну.
Антын берди сага гана, ашыгым,
"Каалаймын"- деп ырым арнап жагууну.

Кубанычка толуп турат кабагым,
Кудум сенин сүрөттөгү күлкүңдөй.
Кубалашып кыялдарым бир-бирден,
Кучагыңа агып барат күн-түндөй.

Жаным эргип, ич-ичимден шаңдуумун,
Жазган болсоң жымыңдаган бир сүйлөм.
Телефонду кое салам бетиме,
Быйтыкчаны жиберсең сен жүз сүйгөн.

Абдурашит.

( көчүрүүгө болбойт🙂)

ТУРМУШ

Менин сүйүүм тиргиликке алмашып,
Түйшүк каптап, аруулукту чаң басып,
Бир кездерде гүл ташыган колдорум,
Жүрөт бүгүн май ташып да, нан ташып.

Сенин болсо ишке ашпай миң арзууң,
Кино, концерт, театрга кумарсың.
Көптү күтүп мага жубай болду элең,
Көп нерсеге үлгүрө албай турам чын.

Башын ийбей турмуштагы жадыбал,
Экөөбүздө бирдей эле акыбал.
Ууртубуздан өтпөй калат көп ирет,
Турмуш бизге чылап берген татымал.

Азыркыңа болбой анан ыраазы,
Дале менден гүл күтөсүң кыязы.
Шылып жатат гүлгө деген тыйынды,
Базарчынын картөшкөсү, пиязы.

Сенин деле сезимиң бар аялдык,
Менин деле милдетим бар адамдык.
Жашайлычы түшүнүшүп, сүйүшүп,
Биз экөөбүз ошентүүгө жаралдык.


ЖОЛБОЛДУ СУЛТАНБЕК УУЛУ

СӨЗСҮЗ ОКУҢУЗ!!!

Урматтуу жаш акындар! Ырлардын комментарий бөлүмүнө ыр жиберүүнү токтотуңуздар!
Ыр жибергиси келген акындар, личкага алып келиңиздер! Комментарий бөлүмүнө жазылган ырлар өчүрүлөт!

Кездер болгон башка капа үйүлгөн,
Кездер болгон бардыгынан түңүлгөн.
Таңды тостум сен жашаган дүйнөдө,
Тагдырыма ыраазымын бүгүн мен.

Ооба, мендей бактылуунун тагдыры,
агарган таң, жаздын таза жамгыры.
Жылуу жумшак не урунса жүрөккө,
Сен, сен болуп сезилүүдө бардыгы.

Жан секетим, Күнүм алыс, жакыным,
жүрөгүмө бийлик кылып жашырын.
ыроолодуң мага сонун ааламды,
ырдаттырган, ыр жаздырган асылым...

    - Элмирбек Иманалиев

*  *  *

Качандыр бир, жансыз ойго суралбай,
Кайгы келсе - кайгыны да туялбай.
Арбап турган арман болсо бу үнүң,
Арманга да барам, билем кыялбай.

...Сезбейсиң, о, илеби жок сезимди,
Ооруп анан чүнчүп турган кезимди.
Өзгө эмес, өзүм гана билемин,
Өзгөрүүсүз ар бир баткан кечимди…

Тон бычаарсың жалгыз ойдо калганда,
"Тоңгон жан" деп басып жүргөн жалганда.
А мен болсо өз сүйүүмө камалган,
Айыпкермин эч айыпсыз таңдарга.

Бар болгону көрүнбөгөн бир сүйүү,
Батып кеткен Күндү тиктеп бир күйүү.
Күйсөм күйдүм... Күлүм калса ал бакыт,
Күлүм калса – тирүүлүктө мен тирүү.

Күйсөм күйдүм, күлүм калса ал бакыт,
Күлүм калса, тирүүлүктө мен тирүү.

Нурзат Мокенова

#Нускайым_МАНКУШЕВА

*  *  *

Сары жорго токуп минет сагыныч,
Сага барчу жолду торойт таарыныч.

Күтүү менен таңдар атат, кеч кирет,
Күмөн саноом күм-жам болуп эскирет.

Жүрөк күйүп чокко, күлгө айланган,
Жүгөнү жок бир өзүңө байланган.

Аалам баткан мейкиндике сыйбадым,
Алтын сөздүн берметтерин жыйнадым.

Жакшы адамдар менден көптү күтүштү,
Жан дүйнөмдү жалгыз сөзүң үшүттү.

Эми күтпөйм, кездешүүгө акың жок,
Эргип сага ыр арначу акын жок.

Жакпай калдым.

Сага деген жүрөгүмө куса толду,
Акыл жетпейт кантип, качан пайда болду?
Сабалап, эх, санааларым алыс учуп,
Сени эңсеп асмандагы айга конду.

Сенсиз сезим, сезим эмес туюлат,
Сенсиз калып көздөн жашым куюлат.
Секетим деп жүрөр күнүм келгиче,
Кеттиң менин жан-дүйнөмө ый улап.

Издейм дале, эмне себеп мынчага?
Жакпай калдым, айтчы неге мен сага?
Жакшы көрүп, эркелетчүм өзгөчөм,
Жашый берем, каптай берет миң санаа.

Арнасам да ширин сөзүм түгөтпөй,
Арылууну каалап салдың жыл өтпөй.
Барам дечүм алыстардан өзүңө,
Бар ойлорум койду мени түнөтпөй.

Бактылуу бол, каалайм сага жакшысын,
А, мен дагы жүрөм далай күн өтпөй.

11.09.2024.
Абдурашит.