Жан дуйно азыгы

🗓️Бараат кечеси.

Эртең 13-февраль 2025-ж түнү өзгөчө түн. Бул кече бараат кечеси. Бул кечеде өзгөчө дубалар кабыл болот, амалдар Аллахка көтөрүлгөн кече.

Бараат дегендин мааниси "кутулуу, арылуу"-дегенди билдирет. Анткени бул түндө көптөгөн адамдар Аллахтын кечирими менен тозоктон кутулат.

Бул тууралуу
عثمان بن أبي العاص، مرفوعًا: "إذا كان ليلة النصف من شعبان، نادى مناد: هل من مستغفر فأغفر له؟ هل من سائل فأعطيه؟ فلا يسأل أحد شيئًا إلا أعطي، إلا زانية بفرجها، أو مشرك". البيهقي في (الشُّعب) (3836)

📌Усман ибну абил ьаас р.з пайгамбарыбыздан с.а.в риваят кылат:" Шаьбан айынын жарымында жар салуучу жар салат:"кечирим суроочу барбы кечирейин, суроочу барбы берейин." Ал түнү суралгандын баары берилет. Бир гана зынакор менен мушрик кечирилбейт". Байхаки 3836

عن أبي موسى عن النبي صلى الله عليه وسلم قال: "إن الله ليطلع في ليلة النصف من شعبان، فيغفر لجميع خلقه إلا لمشرك أو مشاحن". رواه ابن ماجه.

📌Абу Мууса р.з риваят кылат Пайгамбарыбыз С.А.В айтты:" Шаьбан айынын жарымында Аллах таала пенделерине карайт мушрик жана урушуп-талашуучудан башка баарын кечирет. Ибн маажа китеби.

Бул түндө:
✨Көп көп дуба кылуу абзел
✨Түндү ойгоо ибадат менен өткөрүү.
✨Куран окуу
✨намаз окуу
✨Көп истигфар кылып тообо кылуу
✨Зикир кылуу
✨Көп салават айтуу
✨Күнөөлөрдөн тыйылуу
✨Күндүзү 13-февраль орозо кармоо менен чоң чоң сооп-жакшылыктарга жетүү мүмкүн.

•Намазда турсаң - жүрөгүңдү сакта.

•Адамдар менен олтурсаң - тилиңди сакта.

•Бирөөнүн үйүнө кирсең - көзүңдү сакта.

•Тамактансаң - ашказаныңды сакта.

•Эки нерсени эч качан сөз кылба: адамдарга кылган жакшылыгыңды жана адамдардын сага кылган жамандыктарын.

ШААБАН АЙЫНЫН АРТЫКЧЫЛЫГЫ
 
Кадырлуу мусулман бир туугандар! Башка айлардан өзгөчөлөгөн жана кылган амалдарыбыз Аллахка көтөрүлө турган Шаабан айында турабыз. Аллахтын сүйүктүү пенделери бул айда Аллахка көбүрөөк ибадат кылууга аракет кылышкан. Ал эми күнөө кылган адамдар күнөөлөрү үчүн тообо кылып, Аллахтан күнөөлөрүн кечиришин сурашкан.
 
Усама бин Зайд (радиаллаху анху) Оо, Аллахтын Элчиси, сизди Шаабан айында орозо кармаганыңыз сыяктуу башка айларда орозо кармаганыңызды көргөн жокмун» - деп сурасам, Пайгамбарыбыз: «Ал Шаабан айы Ражап айы менен Рамазан айынын ортосунда келип, элдер ал айды кайдыгер болуп өткөрүп жиберишет. Бул ай - амалдар ааламдардын Роббисине көтөрүлө турган ай. Менин амалым орозо болуп турган учурумда көтөрүлүүсүн жакшы көрөм» - деди. 📚 Насаи: 2356.
 
Бул хадисте пайгамбарыбыз ﷺ адамдардын көпчүлүгү маани бербеген Шаабан айындагы амалдардын сооптуу экендиги жана бул айдын көпчүлүк күндөрүн орозо кармоо менен өткөрүүнүн артыкчылыгы туурасында айтып өттү. Ошондой эле бул айда ар бир адамдын кылган амалдары Аллах таалага көтөрүлөт.
 
Ал эми кээ бир сахабалардын Шаабан айына кандай мамиле кылышкандыгын айта турган болсок, алар Шаабан айына Рамазан айына даярдык көргөндөй даярданышкан. Мисалы, Аммар ибну Ясир (радиаллаху анху) туурасында мындай деп айтылган:«Аммар Рамазан айындагы орозого кандай даярдык көрсө, Шаабан айындагы орозого дагы ошондой даярдык көргөн».
 
Бул айдын артыкчылыгы жана андагы кылынган ибадаттар сооптуу болгондугу себептүү сахабалар бул айга өзгөчө көңүл бурушкан.

Ошондой эле мүмкүнчүлүктөрүнө жараша орозо кармашып, Куранды окууга жана аны башкаларга үйрөтүүгө көп убактыларын бөлүшкөн. Кедей-кембагалдарга колунан келген жардамын көрсөтүп, аларга садака беришкен. Бул ибадаттарды кылуу менен алар Шаабандан кийинки Рамазан айына даярдык көрүшөт эле. Качан Рамазан айы башталганда алар күч-кубат жагынан да, руханий жактан да ибадат кылууга толук даяр болуп, Рамазан айында эч кандай ачкалыкты же чарчоону сезбестен, ырахаттануу менен орозо тутушкан. 

Ошондой эле Хафиз Ибн Ражаб (Аллах аны ырайымына алсын) мындай деп айткан: “Шаабан айы келгенде Амр ибн Кайс куран окууга өзүн арноо үчүн соодасын жаап, Рамазанга чейин өзүн оңдогон адамга бейиш болсун”- деп айтат эле.
📚 لطائف المعارف: ١٣٨

￣￣￣￣￣￣￣￣￣￣￣￣￣
Демек, бул айда көбүрөөк орозо кармоого аракет кылалы. Анткени пайгамбарыбызﷺ бул айдын көпчүлүк күндөрүндө орозо кармаган. Шаабан айын толугу менен же тең жарымын орозо кармоо шарт эмес. Бул айдын көпчүлүгүн орозо кармоого кимдин кудурети жетсе, ал өзү үчүн жакшы. А эгер көпчүлүгүн кармоого кудурети жетпесе, анда жок дегенде сүннөткө ылайык дүйшөмбү (биринчи күн) жана бейшемби (төртүнчү) күндөрү орозо кармоого аракет кылсын.

Эгерде буга дагы кудурети жетпесе, анда бул айдын 13-14-15-күндөрүндө орозо кармаганга аракет кылсын. Анткени ар айдын ушул күндөрү орозо тутуу сүннөт болуп эсептелет.
 
Ошондой эле Куран китебин көбүрөөк окууга аракет кылалы. Анткени аалымдар айткандай Шаабан айы – Куранды окуунун айы. Эгерде ким бул айда Куранды бир жолу окуп бүтүрүүгө аракет кылса, анда ал үчүн Рамазанда Куранды көп ирээт окуп бүтүрүүсүнө жеңил болот.
 
═════════
башкалар менен бөлүшкөндү унутпаңыз. Себеби, сиз жиберген бир эле маалымат, балким кимдир-бирөөгө пайдалуу болушу мүмкүн. Эгер ал аны үйрөнүп жашоосунда аткара турган болсо, ал аткарган сайын сизге да ошондой сооп кемибестен жазылып турат.
Буга далил пайгамбарыбызﷺ мындай деп айткан: "Жакшылыкка жол көргөзгөн адам, ошол жакшылыкты кылган адамдын сообундай сооп алат".
📚 Сахих Муслим.

АЯЛЫМ КЫЗГАНАТ

Өлүм төшөгүндө жаткан аялы күйөөсүнө суроо узатты:

- Мен өткөндөн кийин качан үйлөнөсүң?

Аялынын сөздөрүн угуп, көздөрүндөгү жашы менен:

- Кам санаба гүлүм, топурагың кургамайынча үйлөнбөйм.

Аялы жылмаюу менен дагы бир ирет суроо берди:

- Чын элеби?

Күйөөсү жаштуу көздөрү менен:

- Ооба ,кымбатым, сөз берем деп, жанынан артык көргөн жубайынын бешенесинен жылуу бир өөп койду.

Аялы оюндагы жоопту алган соң, бир аз өтүп көзү өтөт. Күйөөсү акыркы сапарга узатты...

Арадан бир нече ай өттү, ал аялына берген сөзүн эсинен чыгарбады. Тез-тез аялынын жаткан жерин келип карап кетчү болду. Арадан кыйла убакыт өтүп, аялынын топурагы дагы кургап калчу кез келе баштаган эле. Ошол күндөр аралыгында күн сайын келип, топурагын карап кетчү болду. Бирок, арадан көп убакыт өтсө да аялынын жаткан жери эч кургачу эмес. Качан келип карабасын ным болуп турчу. Муну көрүп, аялын сагынып кошумчалап ыйлап дагы кетчү. Бир күнү бул иштерге таң калып, башы жетпей ойлонуп калчу болду. Себебин билгиси келип, ал жерге кечиндеси барды. Барса кайын иниси эжесинин жаткан жерине суу чачып жатканын көрүп, жанына барып себебин сурайт:

- Эмнеге суу чачып жатасың?

- Бул эжемдин мага дайындаган акыркы сөзү болчу, аткаруу мен үчүн парз эле.

Бул сөздөрдү угуп, аялынын сүйкүмдүү жан экенине, көзү өтсө дагы башкасына бергиси келбегенин түшүнүп жетти. Ага башкалар көп жолу айтып көрүштү, “Башка аял ал..."- деп, бирок анын жообу баарына бирдей эле:

- "Аялым кызганат...".

Бул жалган дүйнөдө башка табылгыс аялынан кийин, эч кимге үйлөнбөдү.

~ "Бизге сажда жарашат" китебинен

ЖАРЫМ ТҮН

Үйүбүздө кичинекей баламдын ыйы угулду. Жолдошум экөөбүз тең ойгонуп кеттик, аңгыча эле баламдын атасы акырын көзүн ачып баламдын жанына келип:

- "Ыйлаба шириним, мына мен жаныңдамын, апаңды ойготуп ийбе күндүз тынбай иш кылат. Чарчап калган. Эс алып алсын, а мен сени апаңдан да көбүрөк жакшы көрөм, козум" - деп, алаксытып балабызды кучагына алды.

Муну тыңшап жаткан мен дүйнөдөгү эң бактылуу аял экенимди сезип, жылмаюу менен уйкуга кеттим.

Инсан бактылуу болуп жашаймын десе: "Кичинекей жакшылыкты да чоң кылып көрө баштайт."

Баарыбызга бактылуу үй бүлө болууну насип кылсын Жаратканым. Ааминь!

~ "Бизге сажда жарашат" китебинен

*АТА-ЭНЕГЕ КЫЗМАТ КЫЛУУ*

*Динибизде ата-энеге кызмат кылууга жана урматтоого чоң маани берилген. Аллах Таала Исра сүрөсүнүн 23-аятында:*

*“Раббиң сага Анын Өзүнөн башкага ибадат кылбоону жана ата-энеңерге жакшылык кылууну буйруду.*

*Эгер алардын бирөө, же экөө тең карылык куракка жетсе, аларга; “Уф-ф! – дебе, зекибе! Жылуу-жумшак сөз сүйлө”.*

*Расулуллах саллаллаху алейхи васаллам айтты:*

*“Адам ата-энесинин жүзүнө мээрим жана ырайымдуулук менен караса, анын көз карашы үчүн ага кабыл болгон ажылык сообу берилет”.*

*“Ким ата-энесин ыраазы кылса, ал албетте Аллахты ыраазы кылган болот. Ким ата-эненин ачуусун келтирсе, албетте, ал Аллахтын ачуусун келтирген болот”.*

*Алтын санжыранын алтынчысы болгон Абул Хасан Харкани (к.с.) мындай дейт:*

*Эки бир тууган болгон. Бул бир туугандар өз ара макулдашып: Бирөөсү бир түн карыган энесине кызмат кылып, экинчи түнү ибадат менен алек болот; эртеси түнү да бирөөсү ибадат менен алек, ал эми экинчиси апасына кызмат кылуу менен алек болот.*

*Түндөрдүн биринде бир туугандардын бири Аллахка ибадат кылуу менен алек болуп, бул ибадаттан чоң руханий ырахат алат.*

*Эртеси түнү бир тууганынан ага ибадат кылууну суранат, экинчиси да макул болот. Ошол түнү ал ибадат менен алек болгон учурда саждада уктап калат. Түшүндө: “Аллах Таала бир тууганын кечирди.* *Анын жакшылыгы үчүн сени да кечирди” – деп айтылганын уктум.*

*Ал ибадат менен алек болгон адам: “Оо, Раббим! Бирок мен сага кызмат кылып жатам, бир тууганым болсо апама кызмат кылып жатат”  – деп айтканда.* *“Ооба, сен кызматка муктаж болбогон затка кызмат кылып жатасың, ал эми бир тууганың кызматка муктаж болгон энеңе кызмат кылып жатат” – деди.*

Бир жолу молдо бирөөнүн үйүндө конокто болот. Терезе ачылып үстөлдө турган акча чачылып кетет. Молдо акчаларды топтоп Курандын ичинде салып коёт. Молдо кетет. Үйдүн ээси акчасын таппай "Молдо уурдап кеткен окшойт." деп шектеп аны жаман көрүп калат. Бир канча убакыт өткөндөн кийин молдо үйдүн ээсинин андан качып калганын байкап бир күнү алдына барып "Билип-билбей сенин көңүлүңдү оорутуп койдум окшойт, сага дагы эмне кылдым?" деп сураганда үй ээси "Бир нерсе алам деп топтогон акчам мына ошол сиз келип кеткенден кийин жоголуп калды, сизден башка эч ким деле келбеди эле." деп жооп берет. Бул сөздөрдү угуп молдонун көзүнөн көз жаштары агат. Аны көргөн үй ээси "Эмнеге ыйлайсыз, өткөн иш өттү, акча келет, кетет." дегенде молдо "Мен акчага эмес, Куранга ыйлап атам, ошондо чачылып кеткен акчаңды Курандын ичинде салып койгон элем, демек арадан ушунча убакыт өтсө дагы аны ачпапсың, мен мына ошого ыйлап жатам." деп жооп берген экен.

https://chat.whatsapp.com/IxAf0fy89VuCej47ADdbLM

САГА КӨБҮН БЕРЕТ

Сен аял кишиге эмне берсең, аял сага андан көбүн берет! Аллах аялдарды ушундай жараткан!

Сен аялга үй-бүлөнү берсең - ал сага перзент белек кылат.

Сен ага үй куруп берсең - ал үйгө кут-береке алып кирет.

Сен ага бир аз эле жакшы сүйлөп койсоң - ал сага өз жүрөгүн берет.

Аллах берген аманатка кыянат кылбастан жашагыла, эркектер! Аялыңдын кемчилигин издеп, ааламга жайбастан, анын кемчилигин бөтөндөрдөн жашыргының!

~ "Бизге сажда жарашат" китебинен

🌷АЙЫМДАР ҮЧҮН КУРАН ҮЙРӨНҮҮ ЖАНА ТЕРЕҢДЕТИЛГЕН ТАЖВИД КУРСУНА ЖАҢЫ КАБЫЛ АЛУУ БАШТАЛДЫ....🌷

🔥Акция баасы 500с🔥

Өтүлүүчү сабактар:

1⃣Башталгыч деңгээл (нөлдөн баштап):

✅ Куранды нөлдөн баштап үйрөнүү

✅ Тамгаларды сулуу жазганды үйрөнүү

✅ Махраждарды чыгарууну үйрөнүү

✅ Мини тажвид

2⃣Улантуучулар (Куран окууну билгендер үчүн):

✅ Тажвидти терең үйрөнүү

✅ Куранды туура жана тажвид менен окууну үйрөнүү


🎓Курсту толук 2 айда бүтөсүздөр ин шаа Аллах

📚Онлайн Ватсап жана телеграм аркылуу жумасына 2 жолу өтүлөт



Катталуу үчүн:
0705484024, 0779606514

Аял затынын таажысы болгон *Жоолук*😍
Бул Аллахдын парз кылынган өкүмдөрүнүн бири. Ар бир аял затынын сулуулугун бир убакта ботон эркектерден жашырса,бир тараптан сулуулугун ,динин Аллах алдында дагы да көрктөндурөт.


Айымдарга ыйман, уят, намыстын символу болгон жоолукту тагынуу – зор сыймык! Бүгүнкү Жоолук күнүңүз менен куттуктайбыз! Аллах сизди ар дайым өз коргоосунда сактап, жүрөгүңүзгө тынчтык, үй-бүлөңүзгө береке, жашооңузга бакыт тартууласын. Жоолугуңуз ибадатыңызга, жүрөгүңүздүн тазалыгына жана бейишке карай жол болсун!🎉🎉🎉

Бир күнү бир аалым имам Абу Ханифадан "Устаз, мен дагы сиздей ибадат кылам, сиздей хадис билем, бирок эмнегедир намаз окуп жатканымда койлорум эсиме келе берет." дегенде имам Аззам "Сен жүрөгүңдү агылга (сарай) айландырып салыпсың. Биздин койлор агылда, сен болсо жүрөгүңдү агылга айландырып салыпсың. Жүрөгүңдөн койлоруңду чыгар." деп жооп берет. "Кантип чыгарам?" дегенде имам Абу Ханифа "Барчылык дагы, жокчулук дагы көзүңдө бирдей болуусу керек. Байлык Алланыкы, сен болсо кароолчусуң, Алла байлык берсе да, жокчулук берсе да шүгүр деш керек. " деп жооп берет.

ЭРТЕҢ КЫЯМАТ

Жогорку бир окуу жайдын кыраакы профессору, сабакты өзгөчө суроо менен баштаптыр:

- Балдар жакшылап ойлонгула, бүгүн бул дүйнөдөгү жашоонун да, дүйнөнүн да акыркы күнү. Эртең ушул саатта баары бүтөт. Кыямат башталат. Эч ким мындан кутула албайт. Айткылачы, бүгүн эмне кылмак элеңер?

Профессордун суроосу студенттердин баарын чочулатат. Терең ойго салат. Ар кимиси ар башка жоопторду беришет:

- Кудайга сыйынып, ибадат кылып, күнөөлөрүмдүн кечирилишин тилейт элем.

- Мен жакын болгон, сүйгөн адамдарым менен чогуу болмокмун.

- Үй-бүлөм менен чогуу убакыт өткөрмөкмүн.

- Ата-энеме барып, алардын ыраазычылыгын алып, жардам бермекмин.

- Досторум менен мурунку нерселерди эскерип, убакытымды аларга бөлмөкмүн.

- Мечитке барып эртеңге чейин баш көтөрбөй ибадат кылып, намаз окумакмын.

- Күндүн чыгышын жана батышын, акыркы жолу көз албай карайт элем. Кудайдан жакшылыкты үмүт кылып.

- Эсебимдеги акчанын баарын кайрымдуулукка жумшаар элем.

- Колдон келишинче сооп иштерди аткарганга чуркайт элем.

- Менден капа болгон адамдардын баарына барып, кечирим сурамакмын...

Айтылгандардын баарын мугалим доскага тизмектеп жазат да, акырында балдарга жылмая карап мындай дейт:

- Балдар, айткылачы?! Ушундай сонун иштерди аткарыш үчүн сөзсүз эле эртең кыямат болушу керекпи?!

~ "Дүйнө базарындагы саалихтер" китебинен

Имунитет алсыраса, оору тез жугат. Сасык тумоо менен ооруп жаткан адамга, имунитети начар адам жолосо, ал да оруп калуусу боло турган иш.

Анын сыңары ыйманы алсыз адам жаман чөйрөгө кошулуп кетсе же күнөө ишке мүмкүнчүлүк ачылса, тез эле алардай болуп, бузукулукту илгебей аткара баштайт.

https://t.me/Muazhawwa
Катталып, бөлүшүп коюңуздар

АТЕИСТ ЧАЧТАРАЧ

Бир киши чачын кырктырып, сакал-мурутун алдырганы чачтарачка барат. Чачын кырктырганча чачтарач менен ар нерсени сүйлөшүп, Кудай жөнүндө да сөз козгошот.

Анда чачтарач:

- Мага Кудай жөнүндө айтпаңыз, мен Кудайдын бар экенине ишенбейм,- деп анча жактыра бербейт.

- Эмне үчүн?

- "Ансыз деле түшүнүктүү да! Кудайдын жок экендигин билүү үчүн көчөгө чыгуу эле жетиштүү. Карасаңыз, эгер Кудай бар болсо, анда эмнеге оорулуу адамдар абдан көп? Эмне үчүн кароосуз калган балдар андан көп? Эгер чын эле Кудай бар болсо, кыйналган, ооруган адамдар болмок эмес! Мындайлардын баарына жол берилип жатса, кантип анан Кудай бар деп, Кудайды сүйөм?" - деп өзүнө ишенимдүү түрдө жооп кайтарат.

Тиги киши талаш менен эч нерсе чечилбесине ынанып, унчукпай калат. Чачтарач ишин бүтүп, чачтарачтан чыгып бара жатып, көчөдөн чачы кыркылбаган, сакал-муруту алынбаган, жүдөө адамды көрүп, кайра кирет да:

- Билесизби, чачтарачтар бул дүйнөдө жок окшойт, - деп кайрылат.

- Кандайча? - чачтарач таң калып карайт. - Менчи? Мен чачтарачмында!

- Жок! Чачтарачтар жок. Эгер алар бар болсо, көчөдөгү тиги кишиге окшогон чачы өскөн, сакал-муруту алынбаган адамдар болмок эмес!

- Ой, маселе чачтарачтарда эмес! Адамдар өздөрү чачтарачка келбесе, ошол үчүн алардын сакал-муруту, чачтары өсүп кеткен.

- Аа, маселе ошондобу?! Сиз өзүңүздүн суроонузга өзүңүз жооп бердиңиз. Кудай бар. Болгону адамдар Аны издешпейт жана Ага жакындашпайт. Ошол себептен дүйнөдө ушунча кыйынчылыктар, ушунча оорулар.

Эй, инсан баласы!
Бул дүйнөдө сен түшүнбөгөн же сен түшүнгүң келбеген нерсенин баарын, жокко чыгарууга шашпа! Сен жок деген нерсе, сенин оюң менен эле жок болуп калбайт. Адам баласы канчалык күн жок деп тырышып, көзүн жумбасын, жаркыраган күн өз жумушун аткарып, ар күн сайын чыгыштан чыгып, батыштан бата берет. Көзүн жумган кимсе, болгону өзүн жагымдуу күндүн шооласынан куру калтырат.

~ "Дүйнө базарындагы саалихтер" китебинен

https://t.me/janduynoazigi

"РАК" МЕНЕН ООРУГАН АЯЛДЫН АЙЫГУУСУ

Жашы кырктарга таяп калган аял, "рак" оорусуна чалдыгат. Оор жумуштарды аткарганга болбогондуктан, жанына жардамчы үй кызматкерин алат. Бир күндөн кийин кызматкер кыздын тез-тез эле дааратканага кире бергенин байкап калат. "Тамеки тартат окшойт" - деп ойлойт. Аял кызды жанына чакырып алып, ал иши туура эмес экенин айтып энелик акыл айтайын деди. Алдын ала эмне үчүн дааратканага тез-тез кире бергенинин себебин сурайт. Ошондо кыздын көздөрүнө жаш толуп: "Эже мен жаңы эле төрөгөн элем. Үй-бүлөмдү багыш үчүн, баламды таштап ушул жакка келдим. Дааратканага киргенимдин себеби эмчегимдеги сүттү саап салам. Ушул үчүн сизден уялам. Мени айып этпеңиз"- деп, ыйлап жиберет. Кызга аялдын боору ооруп, кыздын колуна акча карматат да: "Мына акчаны алып балаңа бар, кызым. Аны чоңойтуп эмчектен чыгарган соң, анан келерсиң, ага чейин башка жардамчы кыз алам" деп, учакка билет алып үйүнө жөнөтөт. Арадан бир топ убакыт өтөт. Аял ооруканага барып кайрадан анализ тапшырса, эч бир рактын дайыны жок болуп чыгат. Дарыгерлер түшүнбөй кайра кайра текшерүүдөн өткөрүшөт. Чындап эле аялдын анализи таптаза чыгат. Мына ошентип аял рак оорусунан садака аркылуу арылат.

"Чындыгында садака бардык балээлерди кайтарат!"

Билгин!
Эгерде ийгиликтүү жана бай болгуң келсе, анда ушул төрт нерсеге бекем болуп, ар дайым амал жүзүнө ашырып жүргүн!

Ал төрт нерсе төмөнкүлөр:

1. Намазды ар дайым өз убагында окуу.
2. Ата-энени ыраазы кылып, дубасын алуу (өтүп кетишкен болсо, артынан дуба кылуу).
3. Садака берип жүрүү.
4. Текебер болбоо.

~ "Дүйнө базарындагы саалихтер" китебинен

https://t.me/janduynoazigi

🍃 *Пайгамбарыбыз { ﷺ } айтат: "Ким кундо ушул дубаны 3 жолудан окуса Аллах Таала ага зыян бербейт" деп айткан(Абу Дауд,Тирмизий, Ибн Мажжа)*

   🔷 *"Бисмиллахил лазий лаа язурру маъа-исмихи шай ун фил арзи ва лаа фис самааи ва хувас Самийъул Алийм."*
   🔷*Котормосу:"Жердеги жана асмандагы нерселер зыян жеткире албай турган Аллахтын ысымы менен баштаймын,Ал угуучу билуучу."*

   🔷 *"Мен учун салават айткан бир уммотумдун оозунан салават чыгар чыкпас тездик менен жол алат.Дениздерди,кургактыктарды, чыгыш жана батышты айланып ар бир жерге таралат жана ушундай дейт: "Мен баланчанын перзенти баланча айткан салаватмын.Мени менен Аллах Таала кулдарынан болгон жакшы бир инсан Мухаммадул -Мухтар" учун салават айтты." Муну уккан ар бир нерселер ал инсан учун салават айта баштайт.Ал кулдун окуган салаватынан бир куш жаратылат.Анын 70 мин канаты бар,ар бир канатында 70мин тук бар.Ар бир туктун 70мин жузу бар.Ар бир жузунун 70 мин оозу бар .Ар бир ооздун 70 мин тили бар.Бул тилдердин ар бири башка- башка тилде суйлойт.Булардын баары Улуу Хакка тасбих айтып,аны зикир кылышат.Ал зикир жана таспилердин буткул сообу ушул салаватты айткан инсан учун жазылат."*

📚 *"Ыйык айлар жана кабыл болгон дубалар" китебинен"*

https://chat.whatsapp.com/IxAf0fy89VuCej47ADdbLM

Бир күнү бай адам кембагал адамга бир чака, толло таштанды берет.
Кембагал жылмайып гана чаканы алып кетет.
Чаканы кагып силкип,тазалап гүлдөр менен толтуруп кайра байга алып барып берет.
Бай таң калып сурады;
Мен сага чаканы толгон таштанды менен берсем сен неге толгон гүлдөр менен берип жатасың?
Кембагал жооп берет;
Ар-бир адам жүрөгүндө эмне болсо ошону берет.

https://chat.whatsapp.com/IxAf0fy89VuCej47ADdbLM

БИР ЗАМАТТА БАЙ БОЛГОН ЖИГИТ

Урпак сүйүү буюрбаган. Бирок өтө такыба, ары бай, бир киши дүйнөдөн өтөр чагында, өзүнө өмүр бою адал кызмат кылган кызматчыларын, кечки тамакты чогуу ичүүгө чакырат.

Ошентип аларга аябай кооз дасторкон жайып, алды менен абдан курсактарын тойгозуп, аягында ар биринин алдына бирден Куран китеби менен жанына белгилүү бир өлчөмдө акча койду.

Анан:

- "Алдыңардагы китеп менен акчанын, бирин тандагыла урматтууларым! Ошол менин силерге айткан алкышым болсун! Өкүнүчкө карай, силер менен коштошо турган күнүм да жакындап келе жаткансыйт" - дейт.

Күзөтчү:

- "Мен албетте, ушундай... мына Куран китепти тандамакмын... бирок... өкүнүчтүү... мен аны окууну билбеймин баары бир... Ошондуктан акчаны алайын, мага көбүрөөк пайдасы тиет" деп, акчаны алат.

Кезек ашпозчуга келет. Кыскасы, ашпозчу да, багбан да белгилүү бир себептерди айтып, акчаны тандашат. Соңунда кезек үй жаныбарларын багып, карап жүргөн жигитке келет.

Бай бул жаш жигиттин да өтө кедей үй-бүлөдөн экенин билет эле. Ошол үчүн аны карап:
- "Сен да акчаны тандасаң керек, кандай болсо да каалаганыңды ал. Тамак-ашка, кийим-кечекти жаңыртканга да акча керек да" - деди.

Бул сөздү угаары менен жигит дароо:

- "Ырасы менен да менин жаңы кийим алып кийүүгө каражатым жок. Апам экөөбүзгө тоок да сатып ала албаймын. Бирок, мен Куранды тандаймын! Себеби, апам: "Аллах Тааланын сөздөрүнүн куну алтындан да кымбат, балдан да таттуу" деп үйрөткөн" деп, кожоюнун таң калтырат.

Өтө ыраазы болгон бай, анын колуна Куран китепти сунат. Жигит дароо эле ала койбой, жүгүрүп барып даарат алып келип, анан акырын гана алаканы менен аярлап китептин бетин ачат. Ачса, китептин бетинде эки конверт бар экен. Биринде дасторкондо берилген акчанын он эсеси. Экинчисинде бай өзүнө жакында мураскор дайындоо жөнүндө осуяты бар экен. Бул ишин бай бир ооз сөз менен:

- "Ким Аллах Таала жөнүндө жакшы ойдо болсо, Аллах Таала аны эч качан үмүтсүз калтырбайт!". Мен өзүмдүн өмүр бою жыйган байлыгымдын, ушундай ыймандуу адамга буюрганын кааладым эле. Эми дал азыр көз жумсам да арманым жок!" - деп түшүндүргөн экен.

Ошондуктан билиңиз!

"Ким Аллахга такыбачылык кылса, анда Ал аны кыйынчылыктан чыгарат. Жана ал күтпөгөн жерден ырыскысын берет!"(Талак 2-3)

~ "Дүйнө базарындагы саалихтер" китебинен

https://t.me/janduynoazigi

https://chat.whatsapp.com/IxAf0fy89VuCej47ADdbLM

HACAAT

Бир бай динге бекем, такыба, көрөгөч болгон экен. Анын уулу эртерээк өсүп, көзүнө байлык, бийлик гана көрүнгөн текебер инсан болуп чоңоюптур. Карыянын бир буту төрдө болсо, бир буту көрдө болуп, бул жалган дүйнө менен коштошоор кезине да аз калыптыр. Ал баласын чакырып алып: "Балам, мен өлгөндө ушул маасым менен кошо көм", - деп керээзин айтат.

Арадан убакыт өтүп, ичээр суусу, көрөөр күнү бүтүп, ал адам көз жумат. Баласы ары чуркап, бери чуркап, молдолордон канчалык суранганына карабастан атасынын керээзин аткара албай калат.

Бул маасыны мени менен кошо көмгүн дегендей эмне мынчалык баалуулугу болду экен деп бала ойго чөгөт. Маасыны колго алып, аны карап жатып ичинен атасынын катын таап алат.

Ал катта атасы: "Көрдүңбү, балам, бул жалган дүйнөдөн жада калса жабыраган бир маасыны да алып кете алган жокмун. Адам баласы бул ааламга жылаңач келип, жылаңач кетет. Өзүң менен болгону кылган амалың, алган билимиң гана кетет. Андыктан татыктуу билим алып, көп - көп жакшы амалдарды кылганга аракет кылгын", - деп жазып калтырган экен.

~ "Жашоонун өзөгүн өзгөрткөн 100 окуя" китебинен

https://t.me/janduynoazigi

*🔴 КАНТИП ПРОБЛЕМАЛАРДАН АРЫЛА АЛАМ?*

Жашоодогу ар бир тардык же кыйынчылык адамдын өз колу менен жасаган күнөөлөрү аркылуу болот.

Алла Таала бир нече аяттарда баяндайт :
*«Адамдардын колдору жасаган (күнөө) иштер себептүү жерде жана деңизде (ар кандай) апааттар пайда болду. Аларга кылмыштарынын азабын таттырыш үчүн. Кана эми (Туура Жолго) кайтышса!»* (Куран, Руум 30: 41-аят)
*«Силерге кандай гана кыйынчылык жетпесин, ал өзүңөрдүн колуңар менен кылган күнөөлөрүңөр үчүн, Ал көбүн кечирет»* (Куран, Шуура 42:30-аят)

Адам баласы такыбалык жол менен Алланын ырайымын таап, жашоодогу көп ийгиликтердин эшиктерин ача алат.
«Эгер айыл тургундары ыйман келтиришкенде жана такуа болгондо аларга асман—жердин берекелерин ачмак элек, бирок алар «калп» дешти (биздин айткандарыбызды), анан аларды кылган иштери учун кармадык» (Куран, Аърооф 7:96-аят)
*«Ким такыбалыкты карманса, Аллах ага кыйынчылыктардан (проблемалардан) чыгуу жолун ачат жана ал күтпөгөн жерден ырыскысын берет»* (Куран, Талак 66:2-3 аяттар)

Такыбалык — деп Алланын буйруктарын аткаруу, Анын тыйууларынан тыйылганды айтабыз.
Күнөөдөн арылуу үчүн тооба кылуу керек.
Тообанын шарттары:
1. Жасаган күнөө үчүн чын жүрөктөн өкүнүү,
2. Күнөө үчүн бушайман болуп Аллахтан кечирим суроо,
2. Күнөө ишке эч качан жолобош керек.
Урматтуу бир тууган, Ар бир кыйынчылыкты өзүнүзгө кайгы же бактысыздык деп кабыл алып артка кетпениз! Келген кыйынчылыктар бул Аллахтын сыноосу, ар бир кыйынчылыктан кийин жеңилдик келет
*«Ал силердин кимиңер эң мыкты (сооптуу) иш жасай алышыңарды сыноо үчүн өлүм менен өмүрдү (б.а. жашоону) жараткан. Жана Ал — Кудуреттүү, Кечиримдүү!»* (Куран, Мулк 67:2-аят)

*«Чындыгында, ар бир кыйынчылыктан кийин жеңилчилик келет»* (Куран, Инширох 94:6-аят)

*«Кыйынчылыктан кийин Аллах (сөзсүз түрдө) жеңилчилик кылат»* (Куран, Талак 66:7-аят)

*«Аллах сабырдуулар менен бирге (б.а. дайым ыйманын сактап, алардын дуаларын кабыл кылып, иштерине камкор болот)»* (Куран, Бакара 2:153-аят)

Женилчилик сабыр кылган пенделерге келет, сабырсыздык кайра кыйынчылыктардан кийинки, андан оор деңгээлине түшүп калууга алып барат. Сабырдын түбү кандай экенин ар бирибиз билишибиз керек.

*Жүрөктүн кыжаалатчылыгын кетире турган амал барбы?*

Ооба, бар. Бул Алланы эстөө (зикр кылуу)

*«Чындыгында, Алланы эстоо (зикр) менен журоктор эс алат!»* (Куран, Раад 13:28)

*«Ким Менин эскеримемден баш тартса — анын жашоосу кысылган тар жашоо болот, акыретте көр тирилет. О, Алла, тиги дүйнөдө менин көзүм көрчү эле го — дегенде, ага айтылат: Аяттарым келгенде ага сокур болгонсуң, бүгүн ошон үчүн сен да унутуласың»* (Куран, ТаХа 20:124-126)

БИР КИЛОГРАММ КАЙМАК

Бир карыянын кемпири үйдө каймак тартчу экен. Абышка болсо даяр болгон каймакты күн сайын жакын тегеректеги дүкөндөргө алып барып өткөрүп, ушуну менен күн көрүшчү. Дүкөнчү киши каймакты таразага тартпастан эле алып жүргөн. Бир күнү кызыгып таразага тартып текшерип көрүүнү чечти. Алып келип таштаган каймакты тартып көрсө, 900 грамм болгонун көрүп ачууланды да: "Эртең дагы келгенде эсептешип, мындан ары каймагын да албаймын!" деди. Эртеси күнү тиги карыя колунда каймагы менен дүкөнгө кирди, дүкөнчү аны жаман көзү менен карап: "Мындан ары сенден каймак албаймын!" - деди. Карыя түшүнбөй: "Кечиресиң уулум, мен туура эмес бир иш кылдымбы?" деп, сыпайы сурады. Дүкөнчү ачуу тили менен: «Алып келген каймагыңды тарттым, 900 грамм экен, уят эмеспи аксакал болуп туруп алдаганың»,- деп атырылды. Карыя уялып башын жерге салды да: "Кечиресиң балам, биздин үйдө таразабыз жок, сенден бир килограмм шекер алган элек, ошону таразанын ордуна колдонуп жүрөбүз», деди. Дүкөнчү уялганынан бети кызарды.

Билиңиз!

Дүнүйө ушундай. Кимди канчалык бааласаң ошончолук баа табасың.

~ "Дүйнө базарындагы саалихтер" китебинен

https://chat.whatsapp.com/IxAf0fy89VuCej47ADdbLM

https://t.me/janduynoazigi

Күйөөсү 40 жылда кылганын аялы 2 секундда кылып коёт.

Күйөөсү шайтанды тутуп банкага салып коёт дагы аялына ачпагын деп эскертет. Күйөөсү кеткенден кийин аялы чыдабай капкагын ачканда шайтанда чыгып кетет. Шайтан күлүп туруп "Хаха, күйөөң 40 жыл кыйналып жүрүп мени тутту эле, сен болсо мени 2 секундда чыгарып жибердиң." дегенде аял "Койчу, каяктаганы айтасың, сен гилейген шайтан кантип эле ушул кичинекей банкага батмак элең, көп мени алдай бербе." деп жооп берет. Аял шайтандын намысына тийип, аны шылдыңдап салат. Жини келген шайтан токтоно албай, шашпай тур азыр көрсөтөм деп банканын ичине кирип кеткенде аял шарт этип капкагын жаап коёт.

Күйөөсү 40 жылда кылганын аялы 2 секундда кылып коёт. Мына ошондуктан аялыңарга жакшы мамиле кылгыла.

https://t.me/janduynoazigi

https://chat.whatsapp.com/IxAf0fy89VuCej47ADdbLM

Шайтандыгы аркылуу ыйман келтирген атеист адам.

Англияда мусапыр болуп жүргөн Сомалилик мусулман бир аял түз эфир учурунда радиодон жардам сурап кайрылат. Радиодо иштеген атеист киши тамаша катары бирөөнү чакырып, ага акча берип, дүкөндөн тамак-аш алып, ошол кара тору аялдын үйүнө алып бар, ким жиберди десе шайтан жиберди деп айткын дейт. Жиберген адам эки баштык тамак-аш алып келип берет. Кара тору аял көздөрүнө жаштары толуп, дуба кылат, киши "Ким жибергенин билесизби? " дегенде аял "Эгер Алла Таала кааласа шайтан аркылуу дагы жардам берип коёт. " деп жооп берет. Муну уккан атеист адам таң калып, ыйман келтирет.

Бир киши шам намазынын убакты кирейин деп жатканда уктап калат. Түшүндө кыямат болуп, сурак болуп жатат. "Сен бейишке, сен тозокко" деп адамдардын жандары кетип жатат. Кезек кишинин жанына жеткенде аны тозокко айдайт. Киши болсо "Токтой тургула, мен медреседе окудум, куранды билем, намаз окучумун." деп айтканына карабай эки периште тозокко ыргытат. Адамдын жаны тозокко учуп бара жатканда аны бирөө кармап калып, тозоктон алып чыгып "Жетиштим!" дейт. Таң калып "Сен кимсиң?" деп сураганда "Мен сен окуган намазыңмын" деп жооп берет. Өзүнө келе элек кишинин жаны "Неге эң аягында келдиң?!" дегенде намаз "Ой не кылайын, сен дагы эң аягында окучусуң, мен дагы аягында келдим" дейт дагы "Эге сен убагында мени окуганыңда, мен дагы убагында шапаат кылат элем."деп сөзүн бүтүргөн экен.

А сени тозокко ыргытканда сени куткара турган намазың, орозоң, зекетиң, сооп иштериң барбы?

https://t.me/janduynoazigi

https://chat.whatsapp.com/IxAf0fy89VuCej47ADdbLM

Эмне үчүн мурун айтпай келсе, азыр алдын ала кабар берип туруп келет?

Бир кавказдык киши мындай сөздөрдү айтты "Чоң энем көзү тирүүсүндө адамдар айтпай эле эшикти тыкылдатып келе алчу. Азыр болсо мен бирөөлөр келебиз дегенде алдын ала айтып туруп келгиле дейм. Алар болсо тамашалашып "Не болду даяр эмессиңби, мурун биз айтпай эле барчу элек." дегенде мен "Мурун адам келгенде үйгө көр болуп кирип, дүлөй болуп чыгышчу. Азыр андай эмес, силер келип андай экен, мындай экен деп гыйбат кыласыңар, ошого мен алдын ала даярданышым керек деп айтамын."

https://chat.whatsapp.com/IxAf0fy89VuCej47ADdbLM
https://t.me/janduynoazigi

Бут кийим оңдой турган бир уста бар болчу. Ал бут кийимдерге мык кагып, оңдочу. Анын көз жоосун алган сулуу аялы бар болчу. Ошол жердин бийи бир күнү ал аялды көрүп калып, ага үйлөнүүнү чечет. Бирок күйөөсү бар, аны жок кылыш керек болот. Устаны ордосуна чакырып "эртеңге чейин 100 аскерге туулга (шлем) жасап бересиң, болбосо башың кетет." деп буйрук кылат. Бул аткарылгыс буйрук болчу. Себеби бир күндө 100 аскерге эмес, 10 аскерге да туулга жасоо мүмкүн эмес болчу. Байкуш уста түнү менен дуба кылып чыгат. Эрте менен эшиги тыкылдайт. Уста эшикти ачса аскерлер "Бийибиз түндө каза болду, ошого анын табытына мык кагуу үчүн сизге келдик." деген экен.

Алла Таала бир күндө бут кийимге кагылчу мыкты табытка кагылчу мык кылып коёт. Куштун уясын пенде бузат, Алла Таала оңдоп коёт.

Билл Гейтстен "Сизден өткөн бай киши барбы?" дегенде ал башынан өткөн бир окуяны айтып берет. "Мен аба майданда бир жакка учуп жатканмын, ал убакта акчам жок болчу, газета саткан бир сатуучу мага бир гезитти бекер берет. Убакыт өтүп мен дүйнөнүн эң бай адамы болдум. Баягы аба майданда мага бекер гезит саткан кишини издеп табууну чечтим. Издеп отуруп таптым "Менин ким экенимди билесизби?" деп сурадым, гезит саткан киши "Ооба, билем." деп жооп берди. "Убагында сиз мага бекер гезит берген элеңиз, ошого сизге ыраазычылыгымды билдирейин деп келдим, кандай муктаждыгыңыз бар?" дегенимде ал киши "Билесизби, азыркы сиздин жардамыңыз менин кылган жардамыма жетпейт. Себеби мен бечара сатуучу болуп турган учурда бекер гезит бердим, а сиз болсо дүйнөдөгү эң бай болуп туруп жардам бергиңиз келип жатат." деп айтты. Мына ошондо ал менден да бай экенин түшүндүм. Бирөөгө жардам берүү үчүн сөзсүз бай болуу керек эмес. Болгону адам болуу керек.

https://t.me/janduynoazigi

https://chat.whatsapp.com/IxAf0fy89VuCej47ADdbLM

✨☕️
Кызыктуу окуя:

Бир адам тоого чыгып баратыптыр. Артында көп шакирттери бар эле. Узак жол жүрүп олтуруп, бир маалда алай-дүлөй, туш тараптан шамал согуп, бурганак башталды. Катуу бороон болуп, караңгы кирип баратты. Ошондо шакирттери токтоп, эс алууну каалайт.
Бирок башчысы токтобой, жүрүштү уланта берет. Шакирттери да адеп менен мейли эми бир аз чыдайлы деп артынан басып кете беришет.
Бир убакта буттарына бир нерселер тийип, тайгалана башташат.

Ошондо устаты:
- Бутуңарга бир нерселер тийдиби?
- Тийди.
- Ошону алган да арманда, албаган да арманда, - дейт.

Эми алгандар да арманда болсо, албай эле арманда болбойлубу, ансыз да жүк болот караңгыда деп көпчүлүгү албады.
Кээ бирлери бир-экиден алып алалычы деп алып, чөнтөктөрүнө, куржунуна салып алыптыр.
Эртеси бурганак басылып, таң аткандан кийин караса жанагы бутка тийгендер алтын, гаухарлар экен…

Ошондо алгандар арман кылган экен: “Аттиң, көбүрөөк алсак болмок” дешип. Албагандар арман кылган экен: “Биз деле бирден-экиден алып алсак болмок” деп.

Билим мына ушундай нерсе))

Анын даамын таткандар, дагы да көбүрөөк билим алсам дешет, ал эми даамын татпагандар өмүр бою өкүнүп өтүшөт. Билим - бул сени менен өмүр бою калчу нерсе.
Сени баккан ата-энең, бир тууганың, жолдошуң/аялың бир күнү бул дүйнөдөн өтүшү мүмкүн, же сени бакпай калышы мүмкүн.

Бирок, эгер сенде БИЛИМ болсо өмүр бою эч кимге көз каранды болбой, ар дайым өзүңө гана ишенип жашай аласың! Билими барлар эч качан жерде калбайт!

https://chat.whatsapp.com/IxAf0fy89VuCej47ADdbLM

https://t.me/janduynoazigi

🤲🏻 *Сынба, чөкпө, түңүлбө.*

*Бул жалган дүйнөдө адам баласы күн сайын, жадагалса мүнөт сайын сыноодо: бирде бар, бирде жок, бирде ач, бирде ток болосуң. Бул дүйнөнүн оомал-төкмөлү да мына ошондо. Жараткан Алла Таала кимдир бирөөнү ата-эне, кимдир бирөөнү бир тууган, кимдир бирөөнү уул-кыз, дагы башкасын өмүрлүк жар менен сынайт. Кимдир бирөөгө байлык-бийлик, ден соолук берип сынаса, башка бирөөдөн буларды алып сынайт*.

*“Сабырдын сыны сөөгүңдү сыздатканда, сызылган сызыктар санааңды саргайтпасын. Сабырыңдын сыйын сакайганда сөзсүз сезесиң”, - дегендей бул дүйнө өзү сыноо. Ал эми сыноону сабыр гана жеңет. Башкача айтканда, жыргал күндөр да, куурал күндөр да – сыноо. Ушул сыноолорго сынбай, чөкпөй, түңүлбөй, тескерисинче, жашоосуна ыраазы болуп жашаган инсан бактылуу*.

*Бабаларыбыз меселдегендей, оомалуу-төкмөлүү дүйнөнүн ыйы да, сыйы да сыноо. Куранда Алла Таала: “Биз силердин араңардагы аракетчилдер менен сабырдууларды билебиз жана силердин амалыңарды текшерүү үчүн, чындыгында, силерди сыноодон өткөрөбүз”, - деп айткан.*

*Хадисте: “Алла Таала кимге жакшылык кааласа, аны сыноого туш кылат”, - деп айтылган*.
*Кээ бир адамдар жашоонун сыноосуна кабылып, кыйынчылык, оору, кырсык-балээ, ажырашуу ж.б.у.с. жоготууларга туш болсо, сыноого сынып, жашоого кайгырып, караңгылык дүнүйөсүнө чөмүлүп, бири-бирин айыптап, бакырганды, ыйлаганды, үмүтсүздүк эшигине бут койгонду гана билишет.*

*Мындай адамдар Жараткандын каарына кабылып, өз жашоосун тозокко айлантып, акыретин талкалап жатканын аңдабайт*.

*Хадисте: “Чындыгында, чоң сыйлык үчүн чоң сыноолор берилет. Алла Таала кайсы бир мусулманды сүйгөн болсо, анда ага сыноолорду берет. Ага сабыр кылгандар Алланын ырайымына ээ болушат, ал эми нааразы болгондор анын каарына калышат”, - деп айтылган*.

*“Сыноону сыналган жан билет” дегендей кимдин башына сыноо келсе, анын ачуу даамын сезет. Ал эми сыноонун дарысы - бул сабыр. Бул жашоодо жеңиш менен ийгиликке сабыр менен гана жетесиң. Сыноолор сени чарчатат, кыйнайт, азаптайт, бара-бара курчутуп, күчтүү жана тажрыйбалуу адам кылып тарбиялайт. Бул тууралуу Алла Таала “Бакара” сүрөсүнүн жүз элүү бешинчи аятында мындай деген: “Биз силерди коркунуч жана ачкачылык сыяктуу нерселер менен, ошондой эле, мал –мүлкүңөрдү, жаныңарды, түшүмүңөрдү азайтуу аркылуу сынайбыз. Сабыр кылгандарга Бейишти сүйүнчүлө”*.

*Демек сыноо келгенде асан кайгы болуп кайгырбай, сынбай, чөкпөй, түңүлбөй сабыр менен күрөшүүнү үйрөнүү керек. “Ыймандын жарымы – сабыр” деп бекеринен айтылган эмес. Алла Таала ар пенденин ыйманына жараша сыноо берет. Хадисте: “Эң кыйын сыноо - бул пайгамбарларга, андан соң аларга окшогондорго. Андан соң ошолорго окшогондорго да берилет” - деп айтылган.*

*Оорубас жан болбос, инсан болгон соң оору менен сөзсүз сыналасың. Адам болуп жаралдыңбы, өлүм даамын сөзсүз татасың, жакыныңдан айрыласың. Ысык жан болгон соң, кимдир бирөөгө ашык болосуң, бир күн андан ажырайсың. Ар бир инсандын башына ар кандай сыноо келет. Башыңа сыноо, балээ-кырсык, жоготуу же оору келсе, ушунчалыгына шүгүр дегенди үйрөнүү керек.*

*Балким Алла Таала пендесинин жүрөгүн сыноо менен ойготуп, чыныгы жашоого кайтарат. Ошондуктан, башка келген сыноолорго сынбай, оош-кыйыш кыйынчылыкка чөкпөй, байлык-бийлик, жакшылыкка көппөй, сабыр кылып жаша.*

*Тагдырдын жаман-жакшысына ыйман келтирүү бакыттын башаты экенин унутпа. Баары биз каалагандай боло бербейт. Кээде мен каалайм, сен да каалайсың, бирок менин же сенин каалооң эмес, Кудайдын айтканы болот. Жараткандын тандоосунда жакшылык бар экенин унутпа*.

👤Автор: Шермухаммед Таштанбеков

📘"Сынба, чөкпө, түңүлбө" китебинен.

https://chat.whatsapp.com/IxAf0fy89VuCej47ADdbLM

Бир адам  Куранды ар дайым окуйт болчу.
Бирок андан эч нерсе жаттай алчу эмес.

Ошол адамдын кичинекей уулу атасынан сурады:
- Ата, сиз Куран окуйсуз, бирок эч нерсе жаттай албайсыз, анда анын сизге эмне пайдасы бар?

Атасы уулуна мындай деди:
- Балам, мен сага түшүндүрөйүн, бирок алгач бул себетти алып, суу толтуруп кел.
Бул себет адатта көмүрдү ташуу учун колдонулчу.

Уулу:
- Ата, бул мүмкүн эмес да!
Атасы:
- Сен аракет кылып көр, эмне болорун байкайбыз.

Уулу бул сөздөн кийин себетти алып, суу толтуруп келүүгө аракет кылды. Бирок жарым жолго жетпей эле, суу бүт агып кетти.Уулу атасына:
- Ата, көрүп жатпайсызбы, бул мүмкүн эмес нерсе!
Атасы:
- Мейли, дагы бир жолу аракет кыл,- деди.
Уулу дагы аракет кылды.

Бир жолу, эки жолу... бешинчи жолу болгондо, аябай чарчап, атасына:
- Ата, сиз өзүңүз да билесиз, бул мүмкүн эмес.
Эмне үчүн кайра-кайра аракет кылууга
мажбурлап жатасыз?
Анда атасы уулуна:
- Балам, себеттен эч нерсе байкабадыңбы?
Уулу карап, түшүндү да мындай деди:
- Ооба, ата, себет таптаза болуптур.

Атасы мындай деди:
- Ушундай,балам, бул себет сууну кармап кала албаса да, аны кайра-кайра жууп таптаза кылды.
Ошол сыяктуу эле, адамдын жүрөгү да дүйнө иштеринен булганат, бирок Куран окуу менен жүрөгүбүз аны жаттай албаса да, бул себет суу менен тазалангандай тазаланат.

- Балам, Куран - жүрөгүңдүн жана рухуңдун тазалоочусу, азыктандыргычы, шыпаасы.
Шайтандын:”Жаттабаган нерсенин эмне пайдасы бар?”-деген азгырыгынан сактан! 🕊️

Өзүнөн бай болгон адамдар менен отургандардын дүйнөгө кызыгуусу артат. Өзүнөн бечара болгон адамдар менен отургандардын шүгүр кылуусу көбөйөт. Мансаптуулар менен отургандардын бой көтөрүүсү көбөйөт. Аялдар менен көп отургандардын жыныстык арзуусу күчөйт, жаш балдар менен көп отургандардын мээрими күчөйт. Аалымдар менен отургандардын илими, салихтер менен отургандардын ибадатка болгон сүйүүсү артат. Ал эми күнөөнү көп кылгандар менен отургангандардын күнөөсү көбөйөт. А сиз кимдер менен көп отурасыз?

Сен мага досторуңду көрсөт, сенин ким экениңди айтып берем деген сөз бекеринен айтылган эмес. Азыркы сен бул кимдер менен жүргөнүңдүн жыйынтыгы. Сага акыретте дагы, бул дүйнөдө дагы пайдалуу боло турган достор бул Куран, жайнамаз жана илим жазылган китептер.

https://t.me/janduynoazigi

https://chat.whatsapp.com/IxAf0fy89VuCej47ADdbLM

Кыздын таарынчаактыгы — жаратылыш табиятынан.
Ал эми эркектин мыктысы — аны менен жарышып таарынууда эмес,ошол мүнөздү көтөрө билүүндө.

Ражаб айыныздар берекелүү болсун.

🌸Ражаб айынын касиеттери жана пайдасы:

1. Аллахтын ырайымы жана кечирими

Ражаб айы – бул Аллахтын мээриминин жана кечириминин айы болуп эсептелет. Бул айда жообсуз кала турган дубалар көп болот. Исламдын ичинде бул айда жасалган амалдар, ибадаттар үчүн көп сооптор жазылат. Пайгамбарыбыз (саллаллаху алейхи васаллам) Ражаб айынын аянтында айткан:

> "Ражаб айы – Аллахтын айы. Шаабан айы – менин айым, Рамазан айы – үммөтүмдүн айы."
(Ибн Хаббан)



2. Ибадат жана зикрдин көптөлүшү

Ражаб айы – Аллахка болгон ибадаттарды көбөйтүүнүн жана анын ырайымын табуунун жакшы мүмкүнчүлүгү. Бул айда көп зикр кылып, дуба жасоо керек. Пайгамбар (саллаллаху алейхи васаллам) мындай деген:

> "Ражабда көп зикр жаса."
(Ибн Мажа)
Бул айда адамдар өздөрүн күнөөлөрдөн тазалап, көп сажда кылышып, Аллахка жакын болууга аракеттенишет.



3. Ражаб айынын кечелеринде жасалган ибадаттар

Ражаб айынын биринчи күнү, кечеси, ошондой эле анын соңку күндөрүндө жасалган ибадаттардын пайдалары чоң. Бул айдын кечелеринде жалгыз гана Аллахка багытталган иштери менен максатка жетүү мүмкүнчүлүгү бар.

4. Ражаб айынын маанилүү күнү

Ражаб айынын 27-чисында Исламда "Ми'радж" окуясы болгон, анда Пайгамбар (саллаллаху алейхи васаллам) Аллахка көтөрүлүп, жогорку асмандарга барган. Бул окуя Исламдын тарыхында өтө маанилүү болгон жана ага байланыштуу диний маани бар. Пайгамбар (саллаллаху алейхи васаллам) ушул күнү көп дуба жасап, ибадат кылган.

5. Ражаб айынын түрдүү соопторду ала турган мезгили

Бул айда кылган амалдар чоң соопторго алып келет. Ражаб айында кыймылдар, саждалар, оозду бекемдикте кармоо, жана Аллахка жакындаган бардык ибадаттар көп соопту топтоого мүмкүндүк берет.

6. Ражаб айынын күнү кылынган күнөөлөрдүн кечирилиши

Ражаб айынын башында жана аягында адам көптөгөн күнөөлөрүн кечирүү үчүн дуба кылышы керек. Пайгамбар (саллаллаху алейхи васаллам) ушундай деп айткан:

> "Ким Ражаб айынын биринчи күнү көп дуба кылып, тилек кылса, Аллах аны кечирет."
(Ибн Хаббан)



7. Ражаб айынын адеп-ахлактык жактан мааниси

Ражаб айы – бул убакытты көп колдонууга, ибадатка бөлүүгө жана күнөөлөрдөн арылууга үндөйт. Бул ай адамдардын руханий адеп-ахлагын түзө турган жана алардын жүрөктөрүн тазартууга жардам берет.

Ражаб айынын пайдаларынын жыйынтыгы:

Ражаб айы – Исламда Аллахка жакындашууга, Ибадат кылууга жана күнөөлөрдөн тазаланууга эң ыңгайлуу ай.

Бул айда көп зикр кылып, дуба кылуу, Аллахтын ырайымын табуу мүмкүнчүлүгү бар.

Ражаб айынын кечелеринде жана 27-күндөгү Ми'радж окуясынын мааниси чоң.


Жалпысынан, Ражаб айы – руханий тазарууга, Аллахка болгон ишеними бекемдейтүүгө жана адептүү жашоого багыттаган маанилүү ай.

🛐ПАЙГАМБАР ﷺКОРККОН УЧУР...

Пайгамбарыбыз ﷺ:  өлүм алдында айткан: "Силер мал-мүлк, дүйнө кызыкчылыгына берилип кетесиңер го деп корком! Намазга бекем болгула! Биринчи намаздан сураласыңар! Намазыңарга бекем болгула! Үммөтүм, үммөтүм, үммөтүм...! " - деген сөздөрү кулагыма жаңыра берет. Угуп, окуп, билип турсак да намазга кайдыгерлик кылып: "эртең... анан... убагы келгенде... насип кылса..." деген шылтоолор менен жашап келатабыз.  Ушул жалган үмүт менен күн сайын канча адамдар о дүйнөгө кетип жатат. Жараткан Алла: “Силдерди мал-мүлк, бала-чакаңар, дүйнө кызыкчылыгы Мага ибадат кылууңардан алаксытып койбосун”, “Мен силерди жөндөн-жөн жаратканым жок, ибадат кылууңар үчүн жараттым”, “Мага кайтасыңар...”, “Үй-бүлө, жакындарыңарды намазга чакыргыла. Тозоктун отуну болуп калышпасын”, “Намазды сабырдуулук, толук моюн сунуу менен окугула" деп эчен эскертти го. Бир  учур келет, ата баласынан, эне кызынан, күйөөсү жубайынан качып:  " Аттиң! Ошондо намазга чакырганда эмнеге укпадык экен..." - деп арман кылат. “Эмнеге мага айтпадың!? Эмнеге мага намаз үйрөтпөдүң!?” деп бири-бирибиздин жакабызга жармашкан күн келет.  Бүгүн тирүүсүз, бүгүн мен жазганды окуп отурасыз, бүгүн өз аягыңыз менен басып даарат алганга жарайсыз... бүгүн намазды баштаңыз... эртеңди күтпөңүз...!

📍Пайгамбарыбыз (Аллахтын ага салам-салаваттары болсун) айткан:

“Маркум кабырга коюлгандан кийин, анын окуган намазы баш жагына, орозосу оң жагына, зекети сол жагына, садагалары, тууганчылыктагы карым-катнашы, дааваты, элге кылган жакшы мамилелери бут жагына келет. Азаптоочу периште баш жагынан келсе, намазы: “Мен жактан жол жок” – деп айтат. Оң жагынан келсе орозосу: “Мен жактан да жол жок” - дейт. Ошентип жакшы амалдары маркумду туш тарабыан коргоп турат”.  (Ахкам аль-Жанаиз, 272-бет.)

🤲О, Аллахым! Жакындарыбызды беш убак намазын толук окуучулардан кыл! Биз чакырдык качышты, биз айттык, угушпады, биз  эскерттик, макул деди, бирок намазга турушпады. Үмүтүмбүз Сенде, жүрөктөрдүн Ээси болгон Жаратканым! Жүрөктөрүн ойготуп, ыймандарын толуктоочу, туура жолго салуучу бир гана Өзүңсүң! Кыяматта эң өкүнүчтөрдүн өкүнүчү бир туугандарыңдын тозоко ташталуусу. Ошол күндүн караңгылыгынан, кайгысынан, азабынан Өзүң сакта! Өзүңө таянабыз, Өзүңдөн жардам сурайбыз. Бизди, Өзүң ырайым кылып, үй - бүлө жакындарыбызды, Пайгамбарыбыз саллаллооху алейхи саллам менен чогуу Фирдаус Бейишинде Өз жамалыңды, сыйыңды көрүүнү насип кылгын, о, Раббым!

🧕Автор: Насиба Абдуллаева

Ар бир күнөөнүн жазасы бар.
Жазанын түрү да аябай көп.

Бир киши Хасан Басрийге р.хге келип:
- “Мен “Ар бир күнөөгө жаза бар” - деп уктум. Көптөгөн күнөөлөрдү кылдым, бирок жазаланган жокмун!” – деп айтканда, мындай деп жооп берет:
- Оо, балам, Алла сени канча жолу жазалады, сен аны билген жоксуң.
- Кантип?
- Жалгыз калып, Аллага жалынуунун ырахатын [лаззатын) сенден алып койгон жокпу?
• Курандын бетин ачпаган канчалаган күндөрүң өттү?
• Түнкү намаз окубаган канчалаган түндөрүң өттү?
• Тилиңди Алланы эстөөдөн бууп койгон жокпу?
• Байлыкты, кадыр-барк, даңкты сүйүү менен сынаган жокпу?
• Ибадат кылуу жүрөгүңө оор болгон жокпу?
• Гыйбат кылуу, жалган айтууну жеңил кылган жокпу?
• Акыреттин камын жүрөгүңдөн алып салып, эң чоң камың – дүнүйө болгон жокпу?

https://chat.whatsapp.com/IxAf0fy89VuCej47ADdbLM

Акылман мугалим жана үч студент

Бир айылда өтө тажрыйбалуу жана акылман мугалим болгон . Ал окуучуларды жакшы тарбиялап, билим бергендиги үчүн коомдо таанымал ээ болчу. Бир күнү үч студент келип, мындай деп сурашты:

— Устат, кандайча биз эң мыкты боло алабыз?
Мугалим жылмайып, аларга ар кандай бирден тапшырма берди:

Биринчи студентке: "Айылдын эң ири талаасын чөптөн тазалап, эң туура жолдорду жасоого аракет кыл."

Экинчи студентке: "Айылдын эң чоң суусун таза кылып, аны элге пайдалуу кыл."

Үчүнчү студентке: "Айылдын балдарына билим берүүнүн эң мыкты жолдорун ойлоп тап."

Студенттер өз тапшырмаларын аткаруу үчүн жөнөштү. Бир ай өткөн соң, үчөө тең мугалимине кайтып келди.

Биринчи студент айтты:
"Мен талааны тазаладым, бирок убакыт өткөн сайын чөптөр кайрадан өсүп калды. Менин эмгегим убактылуу эле көрүнүп турат."

Экинчи студент айтты:
"Мен сууну тазаладым, бирок адамдар аны кайра булганыч кылышты. Кайра-кайра тазалаганыма карабастан суу дайыма кир бойдон калууда."

Үчүнчү студент айтты:
"Мен балдарга билим берүүнүн жаңы жолдорун, анын маанилүүлүгүн үйрөттүм. Азыр алар өз билимдерин колдонуп, билимдин күчү менен коомго ар тармактуу салым кошууда."

Мугалим жылмайып мындай деди:
— Карагыла, эң улуу жана туруктуу эмгек — бул билим берүү. Билим адамдын акыл-эсин, жүрүм-турумун жана коомго болгон пайдасын көрсөтөт.

Мугалим болуу — бул өмүр бою улана турган жакшы иш. Билим берүү коомго туруктуу пайда алып келет жана мугалимдин таасири убакыт өткөн сайын.

Келечекти_куруучу_мугалим_китебинен

https://chat.whatsapp.com/IxAf0fy89VuCej47ADdbLM

*ЭКӨӨ ТЕҢ КҮНӨӨЛҮҮ*

Жанаша турган эки үйдүн биринде күн сайын казан аяк кагышып, ызы-чуу чыгып турса, экинчи үйдөн деги эле үн чыкпайт экен.

Чуулгандуу үйдүн жашоочулары баягы адатынча урушуп жатканда аялы:

-Деги эле ушул кошуналардын урушуп, жаңжалдашканын такыр көргөн жокмун?! Урушпай кантип жашай турганын билип келчи?!- дейт күйөөсүнө.

Күйөөсү байкатпай коңшусуна барып, терезесинен үйдүн ичине көз салат. Ар ким өз иши менен алектенип, аялы ашканада тамак жасап, күйөөсү столдо бир нерсе жазып отурган болот.

Бир маалда телефон шыңгырап, күйөөсү аны ала коём деп столдо турган идишти байкабай түртүп, сындырып алат да, тизелеп олтура калып сыныктарды чогултуп кирет. Ашканадан аялы жетип келип, ал да олтура калып, сыныктарды терише баштайт.

Күйөөсү аялына:

-Кечирип койчу, телефонду ала коём деп сындырып албадымбы?! - десе, аялы:

-Эч нерсе эмес, мен өзүм туура эмес жерге коюп койгон турбаймынбы?! - деп жооп берет.

Экөө бири-бирине жылмайып, сыныктарды чогултуп, ар кимиси өз ишине кайтат.

Аларга терезеден көз салып турган киши үйүнө келгенде, аялы бейпил үйдүн сырын билдиңби - деп сурайт.

Ооба, билдим. АЛАРДЫН ҮЙҮНДӨ ЭКӨӨ ТЕҢ КҮНӨӨЛҮҮ ЭКЕН, А БИЗДЕ БОЛСО, ЭКӨӨБҮЗДҮКҮ ТЕҢ ТУУРА - деп үшкүргөн экен күйөөсү.

~ "Дүйнө базарындагы саалихтер" китебинен

https://chat.whatsapp.com/IxAf0fy89VuCej47ADdbLM

АЛМА БАК

Мисалы алма бакты алалы. Алма бакты карап көрсөк, күзүндө ширин-ширин, тап-таттуу, кып-кызыл алма түшүм берет. Бирок, арасында чириген, курт алмалары да болот. Кышка сактай тургандарды биринчи алып, чирибегендей кылып сактап коёбуз, а калган алмаларды чириген курт жерлерин кесип, таза жагынан ажыратып таштап салабыз.

Мына адам да ушул алма бак сыяктуу. Ар бир адамдын кемчилиги болот, ошондой эле жакшы жери да болот. Эгерде үй-бүлөдө, аял күйөөсү бири-биринин кемчилигин гана көрүп, бири-бирине жагышпаса, анда алма бактан чириген курт алма жеген сыяктуу. Чириген алма жесек, абдан эле жийиркеничтүү болсо керек...

Кыскача айтканда, андай үй-бүлө ырахатта жашай албайт. Үй-бүлөнүн бузулушуна алып келиши мүмкүн.

Алманын курт, чириген жерин кесип таштап салып, таза жагын жеп, ырахатта жашайлы! Урматтуу мусулман бир тууганым.

~ "Дүйнө базарындагы саалихтер" китебинен

https://chat.whatsapp.com/IxAf0fy89VuCej47ADdbLM

https://t.me/janduynoazigi

Адамга үч улуу адамдан мүнөз жугат:
Ата-энеден,устатынан,досунан.

ҮЙЛӨНГӨНДӨРГӨ, ҮЙЛӨНӨ ЭЛЕКТЕРГЕ ЖАНА ҮЙЛӨНҮҮНҮ КААЛАГАНДАРГА

Жигит үйлөнөт. Атасы куттуктап, батасын берип, анан барак, калем жана өчүргүч алып келүүсүн суранат.

- Эмне үчүн? - жигит таңдана сурайт.

- Алып келе бер, - дейт атасы, сырын чыгарбай.

Кагаз менен калемди алып келип, өчүргүч жок экенин айтат.

- Таап келе кал, - дейт атасы.

Жигит көчөгө чыгып, өчүргүч сатып алып келет.

- Жаз, - дейт атасы.

- Эмнени жазайын?

- Каалаганыңды жаз.

Жигит бир сүйлөм жазат.

- Өчүр, - дейт атасы.

Жигит өчүрөт.

- Кайра жаз,- дейт.

Чыдабаган жигит сырын сурайт.

- Жаз, - деп кайталайт атасы, олуттуу.

Жазат... дагы өчүртөт... кайра жаздырат... кайра өчүртөт...

Бир канча жолу кайталагандан кийин атасы сурайт:

- Барагыңдын бети дагы эле актай турабы?

Ооба, кайра-кайра өчүрүп жатсам.?!

- Оп, баракелде, - атасы уулун далысына таптайт.

Кептин төркүнү мына ушунда, сен бүгүн үйлөндүң.

Эми көкүрөгүндө дайыма "өчүргүчтү" ала жүр. Эгерде аялыңдын кээ бир кемчиликтерин, жаман жорук-жосунун дароо көңүлүңдөн өчүрүп салбасаң, бат эле кирге толуп, жакшылыгын жазчуудай орун табылбай калат. Аялыңда да ушундай өчүргүчү болууга тийиш. Мына ошондо гана силердин көкүрөгүңөр актай болуп, жакшылыкты жазганга орун табылат. Болбосо эр-аялдын "барагы" бат эле кирге толуп калышы турган кеп...

Эгер жашооң бактылуу, ырыс-кешиктүү болуусун кааласаң, "өчүргүчтү" дайыма ала жүр. Кимдир бирөөнүн жаман мамилесин, кемчилигин дароо өчүр. Таза жаша, ак кагаздай таза бол, жашоонун мааниси ушул «ӨЧҮРГҮЧТӨ».

~ "Дүйнө базарындагы саалихтер" китебинен

https://t.me/janduynoazigi

https://chat.whatsapp.com/IxAf0fy89VuCej47ADdbLM

🤲ШҮГҮР..

  Хиндустани азирет минтип айтат. Адаттагыдай эле эртең менен устазымдын жанында "Сахих Бухарини" көчүрүп жазып жатканмын. Бир убакта ашпоз келип, бүгүн жегенге эч нерсе калбагандыгын айтты. Устаз балдарга: "Бүгүн сабыр кылып тургула, Аллах кааласа, эртең ырыскы болор" деди. Ачка болсок да Аллахка шүгүр кылып, бөлмөлөрүбүзгө тарап кеттик. Бөлөмөгө  келер замат кайра китеп окуй баштадым. Ошол убакта чычкандын баласы ийнинен чыгып, тизилген китептердин үстүндө ары-бери баса баштады. Ары-бери чуркап алагды кыла бергендигинен, чыныны анын үстүнө көмкөрүп койдум. Бир аздан соң  ийинден чоңурак чычкан чыгып, чынынын жанына басып келди. Чынынын астында чый кылдаган үндү угуп, аны айланып ары-бери чуркай баштады. Ана ийнине кирип кетти да бир алтын теңгени тиштеп чыгып, чынынын жанына таштады. Дагы чыйкылдап чыныны айланып чуркады да, ийнине кирип кетти. Бир аздан кийин дагы бир алтын теңгени алып чыгып, чынынын жанына таштады. Мен аларды кызыгып карап отурдум. Чычкан ийнине кайра-кайра каттап отуруп он төрт алтын теңге ташып чыкты. Акырында, эч нерсе калбады дегенсип, бошогон баштыкчаны сүйрөп чыкты. Мен чыныны алып чычкандын баласын чыгарып жибердим. Чыйпылдаган эне бала ийнине чуркап кирип кетти. Аллах Таала чычкан себептүү биздин бир эмес, бир канча күндүк ырыскыбызды берип койгонуна дагы бир жолу шүгүр кылып, алтындарды алып устазыма жөнөдүм...


📔"Периштени ыйлаткан наристе" китебинен.

https://t.me/ilimnurusabaktar

Шейх Солах Абул Хааж 📜:
Суроо:
Мен күндүз жумушта болуп пешим, аср, шамды каза кылып окуп жатам. Куптандан кийин казаларын толтургуча саат тунку 2 болуп жатат. Сөзсүз сүннөтттөрдү да кошуп окушум керекпи?

Жооп:
Намазга деп уруксат сурасаныз,15- 20 мунот тоспосо керек. Фарз, суннотторду оз убагында окуганыныз милдет.
Эгер тосуп жатса жок дегенде фарзын окунуз. (Булда айла жоктун амалы).

Жумушчулар сотка чукуп, тамеки чегип, туалетте 10-15 мунот отуруп, ушакташып бекер отургандарга эч нерсе дебейт. Ошол убакытты сиз намазга жумушаныз.
Намазга 15 мунот десениз эч нерсе дешпейт. Десе да ыйык нерсе учун бираз жемелени угуп койсонуз сизге сооп жазылат. (Сабыр кылып, ибадатынызды улаганыныз учун).
Намазыныз эч калбасын.
Эгер намазга толугу менен тосуп жатышса, андай жумуштун барына караганда жогу жакшы. Андай жумуш намаздан айланып кетсин деп гана айталабыз! Аалам андай тайкы адамдарга токтоп калган эмес! Бөлөк жумуш караштырсаңыз андан да жакшысы табылаар.

Жакында эле ушул турасында узун макала жазганбыз
https://t.me/hanafiajordan

Суроо:
Сыйкыр, көз тиюүү жана серьезный оору дарттарга кайсыл суроолорду окуп дем салсам болот өзүмө?
Мен 50 жаштамын күйөөгө чыга элекмин, жеке турмуш кура албай такыр.

Жооп: Сыйкырды жандыруу үчүн Юнус сүрөөсүнүн 81 - аятын, Тоха сүрөөсүнүн 69 - 70 - аяттарын, Шуара сүрөөсүнүн 38 - аятын, Фуркон сүрөөсүнүн 23 - аятын, Исра сүрөөсүнүн 81 - аятын, Фаатыр сүрөөсүнүн 49 - аятын жана 51 - аятын, 54 - аятын жана Анбия сүрөөсүнүн 18 аятын окуп, бир чыны сууга үч жолу үйлөп дем салып андан соң ичесиз.
Муну эртең менен бир жолу кечинде бир жолу кылсаңыз буйруса сыйкыр - мыйкырлар жоголот.

Андан сырткары эртең мененки жана кечки зикирлерди калтырбай аткаруу керек.

Жооп берген: Абдылда уулу Болот устаз.
Катталып, пайда алыңыз..
https://t.me/hanafiajordan

БИР ТУУГАНЫМДЫН КОЛУ

(Бул окуяны окуп алып ыйладым)

Жакынкы кылымда, Каир шаарына жакын жерде, он сегиз балалуу зергер жашаптыр. Он сегиз баласын багуу үчүн күнүнө 18 сааттан иштеп, тапканы өп-чап жетет. Эс тартып калган эки уулу Заид менен Зияд, Каир шаарында жайгашкан "Аль-Азхар" университетинде илим-билим алсак дешет. Бирок аларды окутууга атасынын чама-чаркы жетпейт.

Эки бала өздөрүнчө мелдешип, мелдешти утканы окууга бармай болот. Ал эми утулганы анын окуусу үчүн шахтыда иштеп, каржысын төлөгөнгө макулдашышат. Мелдешти багы жанып Зияд утат. Университетке окууга кетет. Ал эми Заид болсо, шахтыда алты жыл бою иштеп бир тууганынын окуусун төлөйт.

Ошентип, Зияд университеттеги балдардан бөлүнүп чыга келет. Окуунун кайсы тармагы болбосун, астына киши салбайт. Кыскасы, окуусун жакшы аяктап, бүтүп келет.

Анын урматына дасторкон жайылып үй-бүлөсү чогулуп, күтүп алышат. Зияд сөз баштап, өз ийгилигинин чоң себепчиси Заидга ыраазычылык билдирип:
- "Эми сенин кезегин, барып, окуп кел, эми мен сени камсыз кылайын" - дейт.

Заид жылмая:

- "Жок, жок..." - деп ыйламсырайт.

Аягында өзүн карманып:

- "Мен эми окууга бара албаймын. Ар манжамдын бир мууну, жок дегенде эки жолудан сынган. Бул алты жылдык шахтыдагы жумуш, мени максаттарымдан биротоло кол жуудурду. "Артриттен" манжаларым ийкемге келбейт. Колума калем алып, бир нерселерди жазмак турсун, түз сызыкты да сыза албай калдым..." - дейт.

Окурманым!

Сен дагы бир тууганыңдын кадырын жана сага кылган жакшылыгын эч качан унутпагын!

"Бир тууган" - бул сага ата-энеңден мурас болуп калган жана кала турган, жалгыз, эң кымбат белек болуп саналат.

~ "Дүнүйө базарындагы саалихтер" китебинен

https://t.me/janduynoazigi

https://chat.whatsapp.com/IxAf0fy89VuCej47ADdbLM

☝🏻Адат өзгөрсө - адам өзгөрөт

"Эрте турган - сергек, ырыскыга - теңдеш" дейт. Ар бир күндүн береке эшиктери багымдат намазы менен башталат. Эрте менен жаңы күндүн башталышында Жараткандан өзүңө, үй-бүлөңө, жакындарыңа дуба кылып, коргоо тиле.

Адам үйдөгү тарбиясына караганда, чөйрөсүндөгү адамдардан көбүрөөк таасир алат. Кесепети тие турган жаман достор менен эмес, шарапаты тие турган жакшы достор менен бол.

Телевизордон пайдасыз сериалдарды көрүп, телефон чукуп убактыңды коротпой, пайдалуу китеп окуп, пайдалуу кеп-кеңеш ук.

Болор-болбоско наалыбай, өзүңө тың, чечкиндүү бол. Өзүңдөн өйдөлөрдү эмес, өзүңдөн төмөндөргө карап, Жараткан берген жакшылыкты баалап, шүгүр кыл.

Башканы сындай бербей, өзүңдүн катаңды оңдо.

Канга сиңген жаман адаттардан арылып, жакшы адаттарга көнөлү...

О, Жараткан Аллах, жаман адаттан, жагымсыз ахлактан Өзүң арылт.

Жашообузга оң таасирин тийгизген жакшы адаттарды каныбызга сиңир.

🧕Автор: Насиба Абдуллаева.

📕 "Эртең дебе" китебинен.

https://chat.whatsapp.com/IxAf0fy89VuCej47ADdbLM

"АТА, БИЗ АБДАН ЖАКШЫ ИШ КЫЛДЫК"
(кайгылуу окуя)

Бир күнү Унаамда 6 жашар уулум менен кетип жатып , жолдо көп кабаттуу үй астындагы жерге акча төлөш үчүн түштүм. Кайтып келсем, уулум ыйлап олтуруптур. Эмне болду десем "Ата, тигини карачы" деди. Карасам, жол четинде кийимдери эски бир кемпир такта үстүндө нерселерди коюп сатып олтуруптур.
"Нерселердин саныны караңыз, 2-3 нас пакети ,2 пачка сигарет. Башка эч нерсе жок" Анан эмне кылыптыр десем, 6 жашар уулум
"Уулу жокпу анын, эмнеге бул абалда , курсагы ачкадыр, ата суранам мына ушул акчанын баарын ошол аялга берели " деп Мага унаамдагы акчаны көрсөттү. Акыры таасирленип , баламдын айтканын аткарып акчалардын баарын ошол аялга алып барып бердим.
Аял таң калып калды.
Эмне үчүн деген суроосуна , мен күлүп, "Ушул акчаны сага илинген адамды дуба кылсаңыз болду " дедим.
Аял ыйлап жиберди. " Аллахым ошол адамдын өмүрүнө береке берсин , бактылуу болсун, Аллах соопторун берсин " деп дуба кылып жатканда менин кайсыл абалга тушконумду элестетип коё бериңиз.
Унаага кайтып, жолго түштүк.
Уулум "ата, биз абдан жакшы иш кылдык" десе жооп бере албай , башымды чайкап койдум. Себеби көздөрүмдо жаш , ичимде болсо "Ушундай перзент берген Аллахка чексиз шүгүр" деп айтып жаткан элем.....

https://t.me/janduynoazigi

https://chat.whatsapp.com/IxAf0fy89VuCej47ADdbLM

Көз тийип, жин кирбесин десеңиз!

Ушул дубаны багымдат жана аср намазынан кийин окуңуз

ХАСБИЯ ЛЛАХУ ЛЯ ИЛЯХА ИЛЛЯ ХУВА АЛЕЙХИ ТАВАККАЛТУ ВА ХУВА РАББУЛ АРШИЛ АЗЫМ»

حَسْبِيَ اللَّهُ لَا إِلَهَ إِلَّا هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ

Азрети Абу Саъид Худрий р.з. айтат : Пайгамбарыбыз с.а.в. жин жана инсандардын көз тийгенинен паана тилейт эле. Фалак жана Нас сүрөөлөрү түшкөндө Пайгамбарыбыз с.а.в. көз тийгенге ушул эки сүрөөнү ыктыяр кылып, калган дубааларды тыштап койду.

(Тирмизи)

ПАЙДАСЫ : Инсан жана жиндердин көз тийгенинен жана алардын зыянынан сактануу үчүн ушул сүрөөлөрдү окуп дем салуу өтө пайдалуу.

Өзүн өзүнө дем салуу системасы...

Дем кандай салынат?

1. Фатиха сүрөөсүн - 7жолу оку

2. Аяталь Курсий сүрөөсүн -3 жолу оку

3. Каафируун сүрөөсү -1 жолу оку

4. Ихлас сүрөсү -3 жолу оку

5. Фалак сүрөсү - 3 жолу оку

6. Нас сүрөсү -3жолу окулат

✍️ : Абдулло каары

Сараңдык

Сараңдыктын себебтери:

1. Дүнүйөнү сүйүү.
2. Аллах кайтарып берет деген ыймандын алсыздыгы.
3. Сараңдык кылуу менен башкаларга зулум кылып жаткандыгыңды түшүнбөстүк.
4. Сараңдык менен үнөмдөөнүн айырмасын билбегендик.
5. Алланын казынасына шек келтирип, шайтанга моюн сунуп, садака берсем келечекте кедей болом деп коркуу.
6. Балдарындын келечегинен коркуу.
7. Берешен чөйрө менен эмес, сараң чөйрөдө болуу.
8. Кыямат күнү сараң үчүн болгон азаптан капилетте болуу.
9. Берешендиктин сообунан капилетте болуу.
10. Жашоого болгон узун үмүт.
11. Өзүнүн жеке кызыкчылыктарын (оюн, күлкү, эс алуу, тамак-аш, кийим) берешендиктин сообунан алдыга койуу.

Сараңдыктын кесепети:
1. Берешендиктин сообунан кур калат.
2. Бербегендик себебинен күнөөгө батат.
3. Алланын казынасына болгон алсыз ыйманда болуу.
4. Адамдар аны жек көрөт. Жада калса анын бир туугандары жана үй бүлөсү.
5. Ырыскысы аз жана берекесиз болот.
6. Өзү дагы пайдаланбайт, бирөөгө дагы бербейт.
7. Дүнүйөгө жетүү максатында өмүрүн ошого сарптайт.
8. Элдер менен болгон мамилеси бузулат.

Сараңдыкты дарылоо жолу:
1. Сараңдык кылгын келген учурда дароо “Аъузу биллахи минашайтонир рожимм” деген дубаны сараңдык кеткенче айта берүү керек.
2. Аллага жакшы күмөн кылабыз.
3. Күн сайын бир аз болсо да (20 сом) садака беребиз. Ооба бул чоң сумма болбосо дагы , бирок убакыттын өтүүсү менен сен сараңдыкты акырындан жеңесин жана садаканы сүйүп баштайсың.
4. Сараңдык оюңа келген учурда дароо бул ой шайтандан экенин эсте жана ал ойдун карама каршысын кылуу керек экенин бил.
5. Жашоого болгон узун үмүттү досторуңдун жана туугандарыңдын өлүмүн эстөө менен жеңүү.
6. Сараңдыкты жемелөө жана берешендикти мактоо тууралу Куран-Хадистеги келген тексттерге терең ой жүгүртүү.
7. Сараңдык менен эчким байыган эмес экенин түшүнүү.
8. Сараң адам эчкимге жакпайт экенин түшүнүү.

Жазган Алишер Камбараалиев.

https://chat.whatsapp.com/IxAf0fy89VuCej47ADdbLM

*ПЕРИШТЕЛЕР КИРБЕЙ ТУРГАН ЖЕРЛЕР*.

Бул жерде периштелер болбойт. Ар бир инсан баласын да 8 периштеден болот. Булардын 4 төөсү күндүзү, калган 4 төөсү кечеси сиз менен бирге болот. Бул 8 периштеден 2 периштеси сизди ар кандай жаман нерселерден сактайт. Албетте Аллах Тааланын амири менен. А калган 2 болсо кылган амалдарынызды жазат. Пайгамбарыбыз алейхис салам айткан : Сиздерден эч айрылбай турган периштелер бар, алар туалетке барганда, жана жынсый иш болгондо сиздерден алысташат. Ошондуктан аларга жаман мамиледе болбонуз. Аллах Таала бизге Рахмат периштелерди жараткан, алардын бизге ар дайым пайдасы бар. Бирок алар кээде сизден алысташат. Бул 10 жерге рахмат периштеси кирбейт.

1. Үйдүн ичинде сүрөт, айкел бар үйгө.

2. Арак ичилген жерлерге.

3. Кумар ойнотулган, жана кумар каналарга.

4. Күнөө кылынып турган жерге.

5. Ит бар жерге.

6. Музыкалуу аспаптар бар жерге.

7. Кафе дискотекалар бар бөлмөгө.

8. Конок келбеген үйгө.

9. Авраттары ачык үйгө.

10. Ата энеге урмат сый көрсөтпөгон үйгө.

Бул 10 жерге рахмат периштеси кирбейт. Периште кирбеген жерге шайтан кирет.

1. Периште жок үйгө шайтан кирет, жана фитна жаман иштер көп болот.

2. Конок келсе Аллахка дуба кылса рахмат периштеси кирет, эгер рахмат периштеси кирбесе Аллах Таалага дубабыз жетпей калат.

3. Дасторкондо береке болуш үчүн, периштелер дуба кылышат, эгер периштелер кере албаса, бул дуба дагы кабыл болбойт.

4. Эрте менен турган инсанга периштелер дуба кылышат, эгер алар болбосо бул дуба дагы Аллах Таалага жетпей калат.

5. Салават айтылган үйдө күнөөлөр кечирилиши үчүн, периштелер дуба кылышат. Эгер бул үйгө периштелер кире албаса анда салават зикир кылынган Ибадаттар кабыл болбойт.

Аллах Таала баарыбыздын ыйманыбызды бийик кылсын.. Аааминь..

https://chat.whatsapp.com/IxAf0fy89VuCej47ADdbLM

Табияттан алган үч сабак

"Гүлдөй болуп айланага жыпар жыт, кооздук тартуулайлы. Топурактай сизди кадырлаган инсан өзү келет", — дептир Шамс Тебризи.

Биринчи сабак: бал аарыдан алынчу сабак. Учканы жарыктык, конгону кооздук, көргөнү сулуулук, бергени жылуулук. Жашоо бакчасында сөздөрдүн, иштердин, мамилелердин жакшысын кылып, башкалардын жүрөгүнө уу сеппей, гүл эгели. Башкалар бизди эстегенде кубансын, жолубузду карап күтсүн, сүйлөшүүгө шашылсын...

Бири-бирибизге Жараткандын улуктугун, жакшылыгын эстетип, жакшы жолго чакырып, жаман жолдон кайтарып туралы.

Экинчи сабак: курма дарагынан алынчу сабак. Жалбырагы да, мөмөсү да тээ бийиктикте. Майда-чүйдө менен иши жок. Жалбырагы түшүп жерди бытыратпайт. Жакшыга да, жаманга да көлөкөсүн аябайт. Акмак таш ыргытса, ал бышкан мөмөсүн ыргытат. Адамдарга айрыкча, аңкоо, наадандар менен мамиле кылууда ушундай бийик болгон жакшы. Бурулуп карабай, айтканына жооп кайтарбай, кечиримдүү болуп, көңүл бурбай, алдыга баса берели.

Үчүнчү сабак: кумурскадан алынчу сабак. Тамактын тазасын жеп, аз эс алып, көп иш кылган, аракетчил, мээнеткеч, көздөгөн жерине көктүк менен жеткен, өзүнө берилген жумушту жоопкерчиликтүү аткарган, багыты бир жолго гана багытталган кумурскадан алчу сабактар көп. Алдыга максат коёлу, анан ага жетүүгө тырышалы. Балким жүз жолу артка кетишибиз мүмкүн, бирок жүз биринчисинде эмне үчүн алдыга кетүүгө болбосун...

О, Жараткан Аллах, бал аарыдай пайдалуу, оозунан балдай таттуу сөз чыккан, жакшы мүнөздүү адамдардан кыл!

Курма дарагындай бийик, эч кимге зыян жеткирбеген сабырдуу пенделерине кош.

Кумурскадай мээнеткеч, аракетчил кыл.

~ "Эртең дебе" китебинен

https://chat.whatsapp.com/IxAf0fy89VuCej47ADdbLM

ЖАШООНУН ЖЕТИ КЕРЕМЕТИ

Бир күнү мектепте «Жашоонун жети керемети» деген темадагы сабак өтүлөт. Тапшырмада ар бир окуучу өз алдыларынча жашоонун жети кереметин жазыш керек болот, ар ким өз көз карашында гана. Мугалим окуучулардын жазгандарын топтоп жүрүп, бир кыз жазып бүтө элек экенин көрүп, андан "жардам берейинби сага?" - деп сурайт.

Кыз: "Ооба, жардам бериңизчи. Мен кайсыларды тандасам туура болорун билбей жатам. Жашоодо кереметтер аябай көп экен", - дейт.
"Кана, кайсыларды тандадың, жазганыңды окучу, анан биз сага жардам берели. Кыз бир аз кыңылдап өз алдынча бир нерселерди окумуш болду да:

«Мен үчүн жашоонун кереметтери...» деп жазгандарын окуп берди. Мугалим аябай таң берип, мээрим толгон көздөрү менен карап турду. Баракта жазылган кереметтердин баштапкы жетөө төмөндөгүлөр эле:
1. Көрүү,
2. Угуу,
3. Кыймылдоо,
4. Дене,
5. Жүрөк,
6. Күлүү,
7. Сүйүү кереметтери.

~ "Жашоонун өзөгүн өзгөрткөн 100 окуя" китебинен

https://chat.whatsapp.com/IxAf0fy89VuCej47ADdbLM

💭Кайсы цифраларды көрүп турасыз🤩❓

ӨЛҮМГӨ ДАЯРДЫК Хазрети Умар мечит тарапка басып бара жаткан.Анын артынан бир кичинекей бала шашылыш келип ото берди.Ар бир адамдын кыймылына конул бурган парасаттуу Умар бул баланын шашылып бара жатканын билип ага суроо узатып калды:
Балам мынча шашып кайда баратасын же бутбогон муктаждыгын барбы?
Мечитке шашып жатам деп жооп берди Умарды тааныбаган бала Кичинекей балага танданган Умар
Сен али кичинекейсин сага намаз окуу милдет
боло элекго?-деди
Менимче бул иште чон кичине деген болбосо керек деди бала,улуу кишини таныркай карап кече менден жашы кичуу бала бул дуйно мн коштошту Олумго жашпы каарыбы баары бир эмесби ошондуктан даярдануу эч кимге эртелик кылбайт
Умардын козуно жаш айланып кетти.Анысын балага корсотпоого аракет кылып колу мн суртту да кубуронуп жолун улады
ОО АЛЛАХЫМ ар бир адамдын журогуно ушундай ишеним болсо кана,АТТИН...!!😔

https://chat.whatsapp.com/IxAf0fy89VuCej47ADdbLM

Бекер бейиш турса, тозокту сатып алба!

Бейиш бекер... Тозок акылуу...

Мечитке барсаң, сенден эч ким акча сурабайт... Казиного бекер кирип көрчү...

Бул бир эле мисал. Аракка, казиного, кумарга, зынага, тамекиге, насбайга канча акча коротуп жатасың? Ар ким өзү эсептеп көрсүн. Эсептеп канча болсо, "ушунча акчага тозокту сатып алыпмын" деп айтсын. Ооба, уялбай, кыйналбай эле айтсын. Анткени бул чындык.

Бейиштин сыпатына бир аз көңүл буралы. Бейиште оору-сыркоо болбойт. Кайгы-капа деген түшүнүктүн өзү жок. Адамдардын баарынын жүрөгү бир жүрөктөй таза. Баары бир жашта, баары сулуу, баары келбеттүү... Негизгиси бейиште өлүм болбойт. Андагынын баары түбөлүктүү... Андан да негизгиси анда Аллахтын ыраазылыгы бар... Кызыгы ушунун баары бекер десең...

А тозокчу... Тозок өтө коркунучтуу... Кудай сактасын... Тозоктун сыпатын айтпай эле коёюн. Тозок деген тозок... Аны аты эле айтып турат... Таң калыштуусу ошол тозокту биз жан талашып сатып алганыбызда... Акча коротуп, акча го жерге кирсин, убакыт, жаштык, атүгүл, бүтүндөй өмүрдү ошол үчүн коротуп жатпайбызбы...

Келгиле, бекер бейиш турса, тозокту сатып алуучулардан болбойлу. Ойлонолу, ойгонолу, эртерээк ойлонуп, эртерээк ойгонбосок убакыт бизди күтпөйт...

О, Жараткан Аллах, бизди тозокко алып барчу иштерден Өзүң сакта!

Бейишке алып бара турган иштерди аткарууну Өзүң жеңил кылгын!

Бекер бейиштен качып, тозокту сатып алчулардын катарына кошпо!

~ "Эртең дебе" китебинен

HACAAT

Бир бай динге бекем, такыба, көрөгөч болгон экен. Анын уулу эртерээк өсүп, көзүнө байлык, бийлик гана көрүнгөн текебер инсан болуп чоңоюптур. Карыянын бир буту төрдө болсо, бир буту көрдө болуп, бул жалган дүйнө менен коштошоор кезине да аз калыптыр. Ал баласын чакырып алып: "Балам, мен өлгөндө ушул маасым менен кошо көм", - деп керээзин айтат.

Арадан убакыт өтүп, ичээр суусу, көрөөр күнү бүтүп, ал адам көз жумат. Баласы ары чуркап, бери чуркап, молдолордон канчалык суранганына карабастан атасынын керээзин аткара албай калат.

Бул маасыны мени менен кошо көмгүн дегендей эмне мынчалык баалуулугу болду экен деп бала ойго чөгөт. Маасыны колго алып, аны карап жатып ичинен атасынын катын таап алат.

Ал катта атасы: "Көрдүңбү, балам, бул жалган дүйнөдөн жада калса жабыраган бир маасыны да алып кете алган жокмун. Адам баласы бул ааламга жылаңач келип, жылаңач кетет. Өзүң менен болгону кылган амалың, алган билимиң гана кетет. Андыктан татыктуу билим алып, көп - көп жакшы амалдарды кылганга аракет кылгын", - деп жазып калтырган экен.

~ "Жашоонун өзөгүн өзгөрткөн 100 окуя" китебинен

Өлүмдү эскерткен аят

"Инна лиллаахи ва инна илайхи рожиъуун". "Чынында баарыбыз Аллахка таандыкпыз жана Аллахка кайтуучубуз" деген маанидеги бул аятты көбүнчө жакынынан ажыраган бирөөгө анын көңүлүн көтөрүү үчүн айтып жүрүшкөнүн угабыз. Бул аятка тереңирээк ой жүгүртсөк, ичинде көп нерсе катылган. Ушул аяттын өзү эле биздин ким экенибизди, кайдан келип, кайда барарыбызды, жаратылуудагы максатыбызды ачык билдирип турат. Бул аятты жакынынан айрылып, кайгырып турган адамга айтуунун максаты да ошол. Ага акыретти эстетип, сен дагы, мен дагы акыры бир күн сенин жакының кеткен жакка барабыз дегенди билдирип коюу.
Бул аяттан Аллах Тааланын: "Эй, пендем! Мен сени жараттым, сен Мага таандыксың, сага берилген өмүрүң, ден соолугуң, мал-мүлкүң, бала-чакаң, кыскасы сен өзүңдүкү деп ойлогон нерсенин баары Меники. Күндөрдүн биринде Мен сага берген ошол нерсенин баарын кайра Мага калтырып, өзүң да Менин алдыма келесиң" деген сөзүн угабыз.

Ошон үчүн бул аятты жүрөгүбүздүн түбүнө сактап, саат сайын, мүнөт сайын эстеп турушубуз зарыл. Бардык нерсенин башталышы бар, бүтүшү бар. Баарыбыз Аллахка таандыкпыз, баарыбыз Ага кайтып барабыз...

О, Жараткан Аллах, биздин жүрөгүбүздөн акыры келе турган өлүм чындыгын чыгарбагын!

Өлүмдү унутуп, өлбөчүдөй жашоодон Өзүң сакта!

Баарыбыз Өзүңө таандык экенибизди, баарыбыз эртедир-кечтир Өзүңдүн алдыңа барарыбызды билип жүрө турган пенделерден кыл!

~ "Эртең дебе" китебинен

өᴧөᴩ ᴀᴧдындᴀ ᴀᴛᴀᴄы ууᴧун чᴀᴋыᴩыᴨ, ᴋᴏᴧунᴀ ᴄᴀᴀᴛ ᴋᴀᴩʍᴀᴛыᴨ:

- Буᴧ ᴄᴀᴀᴛ 200 жыᴧ ʍуᴩун жᴀᴄᴀᴧᴦᴀн. чᴏң ᴀᴛᴀңдын чᴏң ᴀᴛᴀᴧᴀᴩындᴀн ʍуᴩᴀᴄ ᴋᴀᴧᴦᴀн.  Аны ᴀйыᴧдын бᴀɯындᴀᴦы ᴄᴀᴀᴛчыᴦᴀ ᴀᴧыᴨ бᴀᴩ, ᴄᴀᴛᴋың ᴋᴇᴧᴦᴇнин ᴀйᴛ дᴀ, жᴏᴏбун ᴀᴧыᴨ ᴋᴇᴧ, - дᴇди.  ууᴧу бᴀᴩыᴨ ᴄᴀᴀᴛ уᴄᴛᴀᴄынᴀн ᴄуᴩᴀды:
- ϶ᴄᴋи бᴏᴧᴦᴏндуᴋᴛᴀн бᴇɯ дᴏᴧᴧᴀᴩ бᴇᴩᴇʍ дᴇᴦᴇн жᴏᴏᴨᴛу ᴀᴧыᴨ ᴋᴇᴧди. 
- Эʍи ʍуну дүᴋөнᴦᴏ ᴀᴧыᴨ бᴀᴩ, - дᴇди ᴀᴛᴀᴄы. 

Аᴧ жᴀᴋᴋᴀ бᴀᴩᴦᴀн бᴀᴧᴀ дүᴋөнчүнүн “бᴇɯ ʍиң дᴏᴧᴧᴀᴩ бᴇᴩᴇʍ” дᴇᴦᴇн жᴏᴏбу ʍᴇнᴇн ᴋᴀйᴛыᴨ ᴋᴇᴧди. ᴀᴛᴀᴄы ууᴧун дᴀᴦы жибᴇᴩди:
- Эʍи ʍᴀʍᴧᴇᴋᴇᴛᴛиᴋ ʍуɜᴇйᴦᴇ ᴀᴧыᴨ бᴀᴩыᴨ ᴄᴀᴛᴋың ᴋᴇᴧиᴨ жᴀᴛᴋᴀнын ᴀйᴛ, - дᴇди.  Муɜᴇйᴦᴇ бᴀᴩыᴨ ᴀᴛᴀᴄынᴀ ᴋᴀйᴛᴋᴀн ууᴧу ᴀбдᴀн ᴛᴀң ᴋᴀᴧыᴨ:

- ʍуɜᴇйдин ᴀдᴀʍдᴀᴩы ϶ᴋᴄᴨᴇᴩᴛᴛи чᴀᴋыᴩыᴨ, жᴀᴋɯыᴧᴀᴨ ᴛᴇᴋɯᴇᴩиɯᴋᴇндᴇн ᴋийин, буᴧ ᴋичинᴇᴋᴇй ᴛᴇʍиᴩди биᴩ ʍиᴧᴧиᴏн дᴏᴧᴧᴀᴩ дᴇᴨ бᴀᴀᴧᴀɯᴛы, - дᴇди ᴀᴧ. 
ᴀнᴀн ᴀᴛᴀ:

- Бᴀᴧᴀʍ, ᴄᴀᴦᴀ үйᴩөᴛᴋүʍ ᴋᴇᴧᴦᴇни, ᴄᴇнин ᴏᴩдуң бᴀᴩᴋᴛуу жᴇᴩдᴇ.  Сᴇни ᴛууᴩᴀ ϶ʍᴇᴄ жᴇᴩᴦᴇ ᴄᴀᴧыᴨ, бᴀᴀᴧᴀбᴀй ᴋᴏюɯᴄᴀ ᴋᴀᴨᴀ бᴏᴧбᴏ.  ᴄᴇнин бᴀᴩᴋын биᴧᴦᴇн ᴀдᴀʍ ᴄᴇнин ᴋᴀдыᴩыңᴀ жᴇᴛᴇᴛ. Өɜүнө Тᴀᴛыᴋᴄыɜ бᴏᴧᴦᴏн жᴇᴩдᴇ ᴋᴀᴧбᴀ! Дᴇᴨ нᴀᴄᴀᴀᴛ ᴋыᴧды.
𝗔𝗞𝗬𝗥𝗘𝗧𝗧𝗜𝗞 𝗔𝗠𝗔𝗟𝗗𝗔𝗥

(сонун окуя)

Илгери бир бойдок жигит жүзүнөн нур чачкан ыймандуу сулуу кызды сүйүп калып, анын артынан ээрчип ата-энесинин алдынан өтүп келет. «Буйрук болсо,багын байлайык деген ата-энеси да макулдугун берип, ак никесин кыйдырат.Бир нече күн өтөт. Бир күнү кечинде аялы күйөөсүнө:
Экөөбүз бирге жарышайыкчы- деген оюн айтат.Таң калган күйөөсү:
Кантип жана эмне менен атаандашабыз (жарышабыз) ?- дейт.
Аялы:
- Куран жаттагандан, - деп жооп берет.
Алар макул болуп, Куран жаттоо боюнча жарышышат.Күндөр зымырап, жылдар өтүп бара жатты.Арадан бир нече убакыт өткөндөн кийин жигит Куран жаттоо боюнча никелүү аялынан ашып кетет.Жигит жеңип алдым деп темтигип,абдан сүйүнүп,бир күнү кайын журтун зыярат кылганы барганда,кубанычын жашыра албай сөз арасында мындай деп мактанат:
Билесиздерби? Кызыңыз экөөбүз куран жаттоо боюнча мелдештик. Эки жылдан кийин Куранды толугу менен жаттап кари болдум.Кыздарыңыздан ашып, жеңүүчү болдум! — дейт маркайып.
Бул сөздөрдү уккан ата-энеси таң калып, бири-бирин карап калышты. кайын эне:

Эй балам.Кызыбыз 9 жашында эле Курани Каримди жаттап бүткөн.Сен муну билбейсиңби? - дейт.
Муну угуп таң калган жигит үйүнө келгенде аялынан эмнеге ушунча убакыттан бери хафизалыгын жашырып жүргөнүн сурайт.анда акылдуу аял:
Мен сиз менен таанышканда сиз Аллахты тааныганыңыз менен анын сөзүнөн да өзүнөн алыс жигит элеңиз.Ошол себептен сизге турмушка чыгып, Алланын сөзү болгон Куранды үйрөткүм келди.Аллах буюрса Бейиште сиз менен бир деңгээлде болууну кааладым - деп жооп берген экен.

https://chat.whatsapp.com/IxAf0fy89VuCej47ADdbLM

Билесиңерби... Сократтын ызы-чуусу көп адамдар менен күрөшүүнүн өзүнчө жолу болгон экен.

Сиздер менен урушуп жатканда сизге каршы тарап өзүнүн тууралыгын далилдеш үчүн кыйкырып жиберген учурлар болгонбу? Андан жаман нерсе жоктур, туурабы?

> Бир жолу Сократка бир адам кол салган. Ал адам өтө адепсиз жана маданиятсыз болуп, жаман сөздөр менен тилдеп, акыры Сократка чатак салган.
Бүгүнкү күндө дагы мындай адамдар көп... өз ойлорун кантип туура жеткирерин билбегендиктен ачууга алдырышат.

Бирок Сократ кандай жооп берген? Ал эч нерсе кылган эмес! Ал кыйкырган эмес, күч колдонгон эмес, эч нерсе кылган эмес. Анын окуучуларынын бири Сократтын мындай кылганына таң калып сураганда, улуу философ: "Эгер мени эшек тепсе, мен сотко беремби?" - деп жооп берген.
Сократ бизге эмнени үйрөтөт? Акылдуу адам эч качан акмактын деңгээлине түшпөшү керек экенин.
Кээде унчукпай койгон – эң эле жарашыктуу жооп болот.

Бул эмнени билдирет? Бул элеганттуу адам деген бренд кийим кийип же кымбат баалуу буюмдарга ээ болгон адам эмес, кантип жүрүм-турум кылууну, качан сүйлөшүп, качан унчукпай турууну билген адам дегенди билдирет...
Сократтай болгула!


https://chat.whatsapp.com/IxAf0fy89VuCej47ADdbLM

Ассаламу алайкум! Алоо, ата, кандайсыз, ден соолук жакшысыздарбы?

- Ооба, жакшы, жакшы. Кызым мен азыр бош эмесмин, досторум менен тойдо жүрөм. Анан чаламын. Түт...түт ..түт..

Ассаламу алайкум! Алоо, апоо кандайсыз, ден соолук, жакшысызбы?

- Оо, кызым жакшы, жакшы. Мен бир туугандар менен кафеге олтурабыз ошого жөнөп жатам. Анан келгенде чаламын. Түт ..түт .түт ..

Ассаламу алайкум!
Алоо, ага кандайсыз, ден соолук, иштериңиз, чарчабай иштеп жүрөсүзбү?

- Угуп жатам, аа жакшы, рахмат. Азыр, бир жыйында олтурам. Анан чаламын э.... түт... түт.. түт...

Ассаламу алайкум!
Алоо, эже кандайсыздар, ден соолук, балдарыңыз жакшыбы!

- Жакшы, жакшы рахмат. Азыр балдарыма тамагын берип, окууларына жөнөтүп бошойун анан чалам э.. түт... түт.. түт...

Ассаламу алайкум!
Алоо, досум кандайсың, ден соолук, ыймандар, барсыңбы, бир сүйлөшөлү?

- Жакшы, жакшы, бармын досум жолдо кете жатамын ишке, бошогондо өзүм чалайын э... түт.. түт.. түт..

Силерди эч болбосо телефондо болсо да зыярат кылып, жума күнү менин куттуктап, сурап койоюун дегем.....😒

Мындай көрүнүштөр баарыбызда эле болуп жатат сыягы .. Ушундай заман болуп калды шашкан, шашылган эле адамдар, анан, кийин, эртең чалам да, бошогондо жазам да, сурап  койом да, жооп берем да убакыт болгондо - деп жатып, күндөр - айларга, айлар - жылдарга алмашып жашообузга жарык берген канча жакындарыбызды жоготуп, аралыктар алыстап барат...кээде күлүктөй карматпай чаап чуркаган күндөрүбүзгө карап коркуп кетем. Бири - бирибизди жолукпай, жүздөшпөй жоготуп алабызбы деп. Жашоо ансыз деле кыска. " Аттиң ай! Ошондо жооп берип, сурап койбопун, кабар албапмын " деген күндөр келгенче, тез - тез шаштырган тирүүлүкдө бири - бирибизди тез - тез жоктоп,  кадырлап, барктап, коргоп, колдоп,  сыйлашып калалы... түт.. түт... түт...деген чакырык бир күн албай, чалбай калышы мүмкүн...

😊Жума маарек болсун, мен силерди жакшы көрөм жакындарым, жакшыларым!

Жакшы көргөн жакындарыңызга жөнөтүп койуңуз..

🧕Автор :Насиба Абдуллаева

https://t.me/janduynoazigi

https://chat.whatsapp.com/IxAf0fy89VuCej47ADdbLM

«АКЫМДЫ АДАЛ КЫЛДЫМ»

Аллах ырахматына алсын Чубак устаздын бир сабагында бирөө: "Устаз, сизди үй-бүлөбүз менен жамандадык эле, кечирип коюңуз" деп айтканда, устаз: «мен кечирдим, акымды адал кылдым!" деди эле. Бул сөздөр суроо берүүчү менен устаздын ортосунда кечиришип, адалдашуу болгон жакшы иштерден болуп калды. Ушул сөздүн маанисине терең ой жүгүрткөн адамга ичинде канчалык улуу сырдын, бактылуулуктун ачкычы катылганы билинет. Биз пенделер бул күнөөнүн оор экенин, кабырда да, акыретте да азабы катуу экенин билсек да кайдыгерлик кылып, адатыбызга салып: «ал өзү ушундай болсо, болгонун айттым да" деп жеңил кабыл алып, ушактай беребиз, гыйбат кыла беребиз. Эгерде ушактаган адамдарыбыздын атын жаза берсек том-том китепке айланмак. Өкүнүчтүүсү ушул адамдар акысын бул дүйнөдө адал кылып кечирбесе, акыретте араң окуган намазыңыз, Кураныңыз, ойлор ар жакта чаржайыт болуп шашмалап тарткан зикириңиз, кысынып өзүмө жетпей жатса деп жатып бир аз кылган садака жакшылык иштериңизди ошол адамдар алып тынат. Ошондуктан бул көйгөйдөн кутулуу үчүн биринчиден тилибизди, кулагыбызды ушактан сактайлы. Экинчиден, Жараткандын кечирим, жакшылыгын үмүт кылып ар күнү уктаар алдында ар бирибиз:

"Оо, Аллахым! Мени ким болбосун таанысамда, тааныбасам да сүйлөп, ушактап, акыма кирген болсо, мен аны кечирдим, акымды адал кылдым! Мен да бирөөнү билип-билбей акысына кирген болсом, бул дүйнөдө акысынан кутулууну насип кылгын! " деп таза ниет, чын жүрөк менен айталы. Бул жазганымды окуган ар бир адам ушундай кыла берсе баарыбыз кечирилишип, акыретте жарык жүз менен өз амалдарыбызды колго кармап, бейишке чогу кирип кетсек ажеп эмес.

"Мен сени кечирдим! Акымды адал кылдым! Бир тууганым! Сен да акыңды адал кылып, кечирип кой!»Биз кечиримге муктажбыз!

Мумкүн болсо ушул макаланы көбүрөөк таркаталы. Жарыктыкта кечирилишип калалы ин шаа Аллах.

https://chat.whatsapp.com/IxAf0fy89VuCej47ADdbLM

https://t.me/janduynoazigi

Пайгамбарыбыз (с.а.в) айтты: Аалым кишинин уктап жатканы да, илимсиз кишинин ибадатынан жогору турат. (Мухажул-Мутаалимин).

Пайгамбарыбыз (с.а.в) айтат: «Бир адам баласын дин илимин үйрөнүү үчүн бир аалым кишинин алдына койсо, ал бала Бисмилла хиррохмааниррохим деп сабак баштаган күндөн Аллах-Таала төрт кишиге тозок эшигин бекитет».

1. Илим үйрөнгөн балага.

2. Ошол баланын атасына.

3. Ошол баланын энесине.

4. Ошол баланын устазына.

https://t.me/janduynoazigi

https://chat.whatsapp.com/IxAf0fy89VuCej47ADdbLM

КАШЫК ТУЗ

Күндөрдүн биринде акылманга бир жаш жигит өз арманын айтып келет:

- Мен шордуумун. Кошунам өз жашоосуна ар дайым ыраазы, ал эми менин көйгөйлөрүм эч бүтпөйт, көр тириликтен башым чыкпай койду, - дейт.

Акылман бир чыныга суу куюп келип ага бир чоң кашык туз салып:

- Даамын татып көрчү деп жигитке сунат. Жигит сууну даамдап көрүп, аябай шордуу экен деп уртаган суусун бүркүп жиберет. Акылман туз баштыгын алып жигитти ээрчитип чоң көлдүн жээгине барып, көлгө бир кашык туз салып жигитке сууну даамдап көрүүсүн суранат. Жигит даамдап көрүп:

- Суунун даамы эч өзгөргөн жок, - десе, акылман ага жылмайып:

- Көрдүңбү, бул жашоодо көйгөйлөр ушул кашык туздай. Пейилиң кенен, жан дүйнөң көлдөй болсо, ал сенин жашооңду өзгөртө албайт деген экен.

~ "Жашоонун өзөгүн өзгөрткөн 100 окуя" китебинен

Акыры бейишке кирдиниз деп элестетиңиз😍,
үй-бүлөңүзгө чуркап, "биз жетиштик" деп жатасыз.🥰
бардык пайгамбарлардын жылмайганын жана момундардын бактылуу экенин көрүп жатасыз.🥹😍
дүйнөгу бардык азап-кайгыдан кийин, сиз акыры тынчтыктасыз.
анан...
биринчи жолу, сиз Аллах менен жолугуша аласыз.😍🥹
элестетиниз пардалар көтөрүлүп жатат.
Бул мүмкүнчүлүк сизге чыныгы момундар жанын, мал-мүлкүн курман кылып, туура жолдон тайбай, бул дүйнөнүн кыйынчылыгына чыдап, анын кооздугун бир жолу да көрүүнү кыялданган мезгилде берилип жатат. 🥹
Ошондо ал сага: «Менин кулум, мен сага ыраазымын, сен мага ыраазысыңбы?» деди.
элестеттиңизби




Эмнеге Ушул чексиз бакытты, чексиз каалоолорду дүйнөнүн ырахатына алмаштырсан ??АКЫРЕТТИК АМАЛДАР

Беш суроого бир жооп

Хасан Басриге бир киши келип:

- Кургакчылык болуп, каатчылык жанга батты, кеңешиңиз керек, — дейт.

- Истигфар айтып, Аллахтан кечирим сурагыла, - дейт Хасан Басри.

Аңгыча дагы бир киши келип:

- Канча аракет кылсам да колума тыйын бүтпөй, жакырчылыктан башым чыкпай жатат, кеңеш бериңизчи,- дейт.

- Истигфар айтып, Аллахтан кечирим сурагыла, - дейт Хасан Басри.

Дагы бирөө келип:

- Көп жылдан бери балалуу боло албай жүрөм, эмне кылайын? - дейт.

- Истигфар айтып, Аллахтан кечирим сурагыла, - дейт Хасан Басри.

Андан кийин дагы бир киши келип:

- Багым түшүм бербей жатат, эмне кеңеш бересиз? - дейт.

- Истигфар айтып, Аллахтан кечирим сурагыла, - дейт Хасан Басри ага дагы.

Ар кандай суроого бир эле жоопту айта берген Хасанга таң калып жанында отургандардан бирөө:

- Ар түрдүү суроого бир эле жоопту берип жатасыз, биз буга жакшы түшүнбөй калдык..? - дейт.

- Бул жоопту силер деле билесиңер, бул менин сөзүм эмес, Аллахтын сөзү. Куранда Аллах Таала: "Жараткандан кечирим сурагыла, анткени Ал баарын Кечирүүчү. Ал силерге асмандан мол жамгырды жаадырат, силердин мүлкүңөрдү жана балдарыңарды коргойт, силер үчүн бактарды өстүрөт жана силер үчүн дарыяларды агызат", - деген. Демек, истигфар айтып, Аллахтан кечирим тилесеңер Аллах Таала аятта айтылгандын баарын берет, - дейт.

~ "Эртең дебе" китебинен

Байлыктан тажаган киши

Mуса пайгамбар Жараткан Аллах менен сүйлөшкөнү бара жатса, алдынан бир бай киши чыгып: "Эй, Муса, Жаратканга мени айта бар, мага байлык бергенди токтотсун", - деп суранат. Муса пайгамбар "макул" деп, жолун улайт. Араакта топуракка буланып, башы-көзү бүт чаң болгон мунжу киши жолугуп: "Эй, Муса, Жаратканга мени айта бар. Мага байлык, ден соолук, үй-бүлө берсин", — дейт. Ага да "макул" дейт. Жараткан менен сүйлөшкөндө тиги экөөнүн салам-дубайын айтат. Жараткан Аллах мындай дейт: "Бай кишиге айтып кой, шүгүр кылганын токтотсун, ошондо байлыгы азаят. Мунжу киши шүгүр кылганды үйрөнсүн, ошондо сураганы берилет".

Муса пайгамбар байга келип: "Шүгүр кылганды токтотсоң, Жараткан бергенин токтотот экен", -дейт. Бай: "Мен башканы токтотсом да, шүгүрдү токтото албаймын. Аллах мени айбан кылбай адам кылды. Буга шүгүр кыламын. Динсиз кылбай ыймандуу кылды. Буга дагы шүгүр кыламын. Оорукчан кылбай ден соолугу чың кылды. Буга да шүгүр кылам. Жарды кылбай байлык берди. Буга да шүгүр. Ушунун баарын көрүп-билип туруп кантип шүгүр кылбай коё алам. Жок андай болбойт", - деп шүгүрдү таштоого макул болбойт. Ошондон кийин Аллах Таала анын байлыгын мурдагыдан да көбөйтүп жиберет.

Муса пайгамбар мунжу кишиге келип: "Шүгүр кылганды үйрөнсөң, Аллах сен каалаганды берет экен", - дейт. Анда мунжу: "Мен кайсы арыма шүгүр кылам? Же ден соолугум болбосо, же байлыгым болбосо, же үй-бүлөм болбосо..." - деп шүгүр кыла албастыгын айтат. Ошондо кокустан куюн уюлгуп, мунжу киши баш калкалап жашоо кечирип жүргөн тери алачыгын учуруп кетет да, ачык асман алдында калат...

Бул икаяга Аллах Тааланын: "Эгер шүгүр кылсаңар силерге көбөйтүп беремин" деген сөзүнөн башка эч нерсени кошумча кылуунун кереги жок деп ойлойм... (Ибрахим, 8-аят).

О, Жараткан Аллах, мени шүгүр кылуучу пенделериңден кыл!

Барга шүгүр, жокко сабыр кылуучулардан кылгын!

Шүгүр себеби менен жашообузду берекелүү кыл!

~ "Эртең дебе" китебинен

Кудайга чексиз шүгүр 21-кылымда , бардык маалыматтар жетиштүү заманда жашап жатабыз. Колубузда телефон, интернет деген бар, туура жака колдонуу керек. Турмуштун сыноосуна сынбаган, жыгылган сайын чыйралган, кайраттуу, даанышман , көрөгөч , сезимтал, даанакер болууга умтулган жаштар керек бизге.

Куураган жыгачтай бир жерде отун болуп тура бербей, пайдалуу дарак болуп, көлөкөсүн , мөмөсүн берип турган дарак болуп жашаганды үйрөнөлү. Өнүп, өсүп, умтулуп, изденип өмүр сүрөлү.
Жашоо бир келет, аны кайра кайтарып же токтотуп коюу мүмкүн эмес!
Убакыт эч качан аяган эмес, аябайт дагы. Убакытты туура жөнгө салуу менен гана бардык ийгиликтерге жетүүгө болот.

Тагдыр мына ушундай - наалып ,ыйлап, кыжаалат болуп эмес, кабак кашты жаркылдатып, шооласын чачкан күндөй болуп , сени көргөн ар бир адам жашагысы келе тургандай жашоо зарыл!
Эрте жаздагы байчечек жерди жарып чыгып сулуулук, бактылуулук бере алган сыяктуу, биз дагы жашоого , өмүргө сулуулук, бактылуулук тартуулай алганды үйрөнөлү энелер!
Эне бул Асыл.
Эне бул Аяр.
Эне бул Мээрим.
Эне бул Аалам.
Эне бул Сулуулук.
Эне бул Даанышман.
Эне бул Даанакер.
Эне бул Илим.
Эне бул Тарбия.
Эне бул Таалим!

Эскертүү адамзат үчүн пайдалуу!
Д.С.

Интернет булактарынан алынды

Таалим, тарбия!

Эне болуу оңой эмес!

(Кээде жан дүйнөмө эргүү келип, улам жазгым келип калат, жазбай коюуга жүрөк чыдабайт, кадимкидей кыйналам, ооруйм, акыры жазып, черим жазылып ,кубанып калам.
Көпчүлүк аялдар өзүнө буюм алып, же көптөн бери көксөгөн алтын шакегин же сөйкөсүн алганда кандай сүйүнгөн болсо, мен ушундай жазып сүйүнөм, кээде ушундай эргүүлөр пайда боло калат, жаш баладай кудуңдап, жазуумда асманда эркин учкан куш сыяктуумун, көкөлөп бийик, бийик уча алам, чексиз шүгүр!)

Жумурткадан кыр издеп , адамдардын жакшы сапатын эмес ,жаман сапатын көрө калып, өзү менен алек болбой , бирөөлөрдүн жашоосу, иши менен алектенип, ушак менен жашаган адамдарды мурда көргөндө таң калган болсом, азыр ал адамдарды көргөн кезде боорум ооруйт. Анткени алар өмүрдүн кантип өтүп жатканын, эң кымбат болгон убакыттын баалуулугун байкабай калган адамдардын катарына кирет.

Жараткан ,аларды алты саны аман кылып жаратканы , эл катары мээ бергени менен, аң сезимин, даанакерлигин, адамдык касиетин, сыпаттарын кемитип коёбу?- айтор билбейм.
- Же болбосо ал адамдар - жалкоолуктун, өзүнө болгон баанын төмөндүгүнүн айынан , бирөөлөрдүн жашоосу менен жашайбы?
- Ким билсин.

Негизи жан дүйнөсүнө кам көргөн , дилге гүл өстүргөн адамдар ,ар бир нерседен жакшыны көрө билген инсандар жагат. Сыртын кооздоп ,сулуулаган менен, жан дүйнөгө, жүрөккө ,дилге маани бербей ,сулуулабай койсоң , заман менен тең өсө албай ,артта калсаң ,анда сен - куураган бир дарак сыяктуусуң, жакында отун болосуң ,андан башка сенден пайда жок .

Наалып , ыйлап, көз жашын көлдөтүп , бирөөлөрдөн үмүт кылып алгандар көбөйүүдө.
Тагдыр ташы кимге келип тийбеген?
Тагдырдын таштак жолунда- андай таштар алдыңа далай келип тиет чыгаар, бирок ошол таш келип тийген сайын тизгинди коё берип, жыгылып , тизең канай берсе анда кандай болот?
Жараткан кимди, кандай сыноо менен сынайт Өз эрки. Биз ошол ар бир сыноо үчүн да шүгүр айтып, башты тик көтөрүп жашай билсек экен.

Тагдыр ташы келип тийген кезде деле, колуңдагы тизгинди эки кол менен бекем кармап, кайра жанданып, изденип, түздөнүп, акылды, жүрөктү бир сыйра аңтарып, төңкөрүш жасап, табышмактуу алдыдагы эртеңди ойлоп , күн мурунтан кыжаалат болбой, бүгүн менен жашап, эртеңден үмүт кылуу гана туура. Каниет , чыдамкайлыкты өрчүтүп , өнүктүрүү зарыл. Татыктуу эне ушундай касиетке ээ.

Жашоо, тагдыр улуу даанышман, тарбиячы. Эгер өзүм билем деген девиз менен чуркай турган болсоң, баш ийбесең, текебердик кыла турган болсоң, акырын ноктосун салып, жоошутуп коёт тагдыр деген. Турмуш деген чоң дарыянын ал жээгинен бул жээгине уруласың, ыссыгына күйөсүң, муздагына тоңосун, нөшөрлөп жааган жамгырында кааласың, анда да баш ийбей турган болсоң, көтөрүп бир чабат тагдыр, өзүңө келе түшөсүң. Чапканда да өзүң кетирген каталарын үчүн чабат.

Андыктан, Жараткан алты саныбызды аман кылып берген соң, өмүрдүн аягы болбогондон кийин, келген сыноону татыктуу көтөрүп, канимет кыла билип, эмне үчүн нааразы болуп ,ыйлап, наалып отуру керек?
Айрыкча жаштар?
Эч ким даяр ашын алып келип бербейт, күнү күнү келсе ,бир тууган бир тууганга боор оорубай, ата балага кам көрбөй калган заманда жашап жатабыз, ар ким өзү менен өзү, ар бир адам өз казанына жан тарткан заман.

Кичинекей сыноо, кыйынчылык келсе эле бырылдап ыйлап албай, алдыны көздөй, үмүттүн шамын тизгинге бекем кармап, таштак жолдон чыгып, бетеге жактагы гүл бакчага бет алганды үйрөнөлү. Анын баары албетте илим, билим , изденүү аркылуу келет.
Жаркылдап , күлүп жайнап жашаганды билели , Кудай Таалам дагы кабак кашка карап бак, ийгилик , түшүнүк берет тура жашоодо.

Суроо:
Лөлүлөргө (цыгандарга) садака берсе болобу? Балдары менен көчөдө тилемчилик кылышат. Боорум оруйт.
Жооп:
Эгер сиз бербегенде лөлүлөр шаардын көркүн бузбайт эле. Сиз бербегенде, тилемчи муктаждар азаят эле. (Чыныгы муктаждар аз, булар менен көп). Жалкоолукту кесип кылып, даяр акчага көндүрдүк. Жалган байкуштугуна алдандык.

Эмнеге мындай кылып жатасыңар? Менден да бай турат экенсиңерго десек ата-баба салты деп жооп беришет. (Тилемчилик кылып, бекер жашоо).
Ата-энеңер бомж болсо, силер да ошондой болушуңар керекпи?! Ата-энеңер жалганчы, аферист болсо силер да андай болушуңар шартпы?! Аң сезимди оңдоо зарыл!
Балдарын кичинекей чакынан ошого көндүрүп, көчө баласы кылып чоңойтуп жатышат. Кыздары "гадаю, завараживаю" деп көз ачыктык менен таза муунду караңгылыкка чакырышат.
Садака, жардамды чыныгы муктаждарга берүү зарыл!

Жооп берген: Адылбеков А.
Катталып, пайда алыңыз..
https://t.me/hanafiajordan

☘☘☘☘☘☘☘☘☘☘☘


☘Ар бир адам өзүнүн жакшы иштерин бир гана Аллах тааланын ыраазылыгы үчүн кылуусу зарыл.куран жана хадисте ушул өкүм баса белгиленген.пайгамбарыбыз саллаллооху ьалайхи ва саллам айткан, чындыгында Аллах таала силердин сырткы келбетинерге жана мал -дуйнөнөргө карабайт.балким жүрөгунөрдөгу ниетинерге жана кылган амалдарынарга карайт.(Бухари).
Бул хадистин максаты -адам Аллахтын ыраазылыгы үчүн гана амал кылып.журөктөгу туура эмес ниеттерди ондоосу керек.кыяамат куну адамдар ниеттерине жараша тургузулат, тактап айтканда.ниеттерине жараша мамиле кылынат.
Дагы бир хадисте: Аллах таала амалдардын ичинен калыс Аллах үчүн кылынган амалды гана кабыл кылат деп айтылган.
Кыямат күнү кылган амалдарыбыз өзүбүздүн жүзүбүзгө урулуп, өкунучтө жана шермендечиликте калбоо үчүн ар дайым ниетибизди тууралашыбыз керек.
Аллах таала бизди ниети калыстардан кылып дүйнө жана акыреттин бактылуулугун берсин 🥰🕊

🍃 Бул нерсе мени таң калтырды:
«Бир дарак миллиондогон ширенке жасай алат. Ал эми бир ширенке дан менен миллион даракты кыюуга болот».
Демек, сиз бир гана жаман иш менен миллиондогон жакшы иштериңизди күйдүрүп жиберишиниз мүмкүн

бир кишинин жалгыз уулу бар экен . ал бойго жетиптир. Күндөрдүн биринде ал атасынан кайсы кесипти тандоо боюнча кеңеш сурат.
Кесип тандоо өз эркиңде, – деди ата.
- Эң жакшы кесип - уурулук, - деди бала.
– Мейли, кошунабыздын кочкорун уурдап көр, – деди атасы.

бала кошунасынын кочкорун уурдап келиптир. Атасы бактылуу болгондой түр көрсөтүп:
- жаша балам, сен эң сонун иш кылыптырсың. азыр экөөбүз тең үйдөн чыкпай эле ушул козуну жеп жыргап жатабыз.

ата менен бала бир жума көңүл ачышты. Тамактанып бүткөндөн кийин таразага тартышты. атасы он килограммга семирип, уулу он килограммга арыктады. уулу атасына таң кала карады. атасы күлүп:
- акмак, ошол күнү уурдаган койдун акчасын кошунаңа бергем. ошондуктан мен тынч салмак коштум. сен бир жума кыйналып жашадың! ошол себептен арыктадың. Өзүңө адал кесип танда, ошондо ал сага да, бул дүйнөгө да берекелүү болот, - деди.

АКЫРЕТТИК АМАЛДАР

Ал мени таштап кетпесе экен...

Башында аны менен эч жолуккум келбейт эле. Ал мага жакындап келе жатканда эптеп шылтоо таап андан качар элем. Бирөө-жарым ал жөнүндө айтып калса, укпаганга аракет жасайт элем. Ал жөнүндө сөз болгон жерден секин жылып кетчүмүн. Аны такыр ойлогум келчү эмес. Менин жашоомо анын такыр кереги жоктой сезилчү. Ансыз мага жашоо жеңил эмеспи деп ойлочумун...

Бирок, андай болбоду. Мен ансыз бактылуу боло албастыгымды кечирээк сездим. Бирок, кеч болсо да, эч болбогондон жакшы деп сүйүнүп жүрөм. Эми мен аны чыдамсыздык менен күтөм. Ал жакындап калганда кадимкидей жасанып, жуунуп-таранып чыдамсыздык менен күтөм. Анан ал келгенде аны менен беш мүнөт чогуу болом да, кадимкидей жеңилдеп калам. Андан күч-кубат алам. Эми ансыз менин жашоом караңгы. Мен эми ансыз жашай албасымды бөркүмдөй сезип жүрөм...

Коркконум, ал мени таштап кетпесе экен. Угушумда ал көп адамдарды таштап кетет экен. Мени да ошолордун бириндей таштап кетеби деп корком. Мени таштабачы, Кыяматка чейин менин жанымда болчу деп жалбарам кээде...

Мен сени менен бактылуу болдум, сени менен жан дүйнөм тынчыды, эми мени таштай көрбө, менин жан курбум НАМАЗЫМ...

Мени менен бул дүйнөдө чогуу бол, кабырда бирге жат, кыяматта бирге тур, менин зарыгып тапкан жолдошум НАМАЗЫМ...

Оо, Жараткан Аллах, мени намазымдан ажырата көрбө!

Бул дүйнөдөн бир да намазымды калтырбай окуп өтүүнү насип кыл!

Намазымды кабырда нур, акыретте шапаат колдоочу кыл!

"Эртең дебе" китебинен

🥹БИР ТАМЧЫ ТҮКҮРҮК

Ооруканада жатканымда каридордо олтурсам, бир жаш секелек кыз ары - бери чуркап жатты. Атасы менен апасы этият бол деп артында көзү- башынан айланып артында жүрүшөт. Болгону сегиз жашта ушундай чырайлуу, жылдыздуу жакшынакай жашоосунун он гүлүнүн бир гүлү али ачыла элек. Бирок, тилекке каршы, ушундай жаш кезинде айыкыс жаман дартка кабылган экен. Анын дарты адамдарга сабак берүүчү бир дарт эле. Ал кыздын оорусу ооз көңдөйүнүн рагы эле. Түкүрүк бездери кургап, өз милдетин аткарбай калган. Башкача айтканда, ооздо шилекей болбогондугу үчүн оозу сууланбай, кургап, ичинен жарылып, оозу кыпкызыл болуп канап кетет экен. Заматта эле ойноп жаткан кыз чыңырып, эсин жоготуп жыгылып кетти. Оозу ачылбай, тили бурулбай, эл катары бир нерсе жута да албай калат экен. Колдорунан эч нерсе келбей күйпөлөктөп, ата - энеси ооруга чыдабай чабалактап жаткан кызын колдоруна кармап эле олтуруп калышты. Карап жүрөгүм эзилди. Оо, Аллахым! Кандай чарасыз, коркунучтуу дарт... Эч ким жактырбай, алыс түкүргөн бир тамчы түкүрүк ал кыз үчүн табылгыс бир нээмат эле.
Атасы өтө бай адам экен... Кызынын ал-акыбалын көрүп, башын мыкчып, чыдай албай кыйкырганын, ыйлаганын көз алдымда али да эч унута албайм.

Жардам кыла көр, оо Раббым! деп жатты. Бизге жардам бер... Алсызмын, колумдан эч нерсе келбей жатат. Менин билип - билбейм кылган күнөөм болсо кечире көр. Бир тамчы түкүрүккө зар болуп олтурабыз аны сатып дагы ала албайбыз. Сен мага байлык бердиң, эсебине кызымды ала көрбө. Канчалаган байлык топтоп жыйдым, канчалаган мүлкүм бар, бирок кызыма бир тамчы шилекей сатып алууга алсыз болуп олтурам.
Оо, Жараткан! Бизге жардам бер. Сен Берүүчү бизге кандай гана кереметтерди бердиң, кандай ырыскыларды, эсепсиз нематтарды бердиң, а биз анын баасын-баркын билбей келебиз. Аны жоготкондо гана түшүнөбүз, ошондо гана анын канчалык баалуу экенин билебиз. Сен жараткан нерсенин баары канчалык кымбат, канчалык баалуу экенин мына биз дагы билип олтурабыз. Өмүрүбүз өткөнчө бул тамчы шилекейдин кадырын билбейт элек. Биздин денебиздеги ар бир кан- тамырдын ийне- жибине чейин биз үчүн эч жерден сатып алгыс, табылгыс улуу немат экенин Сен билгиздиң. Чарасыз, алсыз пенделериңе жардам бер, оо Аллахым! ..деп дуба кылып жаттылар...

"Эгеңердин жакшылыктарынын кайсынысын жалганга чыгара аласыңар?!" деген аятын эстеп, өзүмдө бар нематтарга карап Раббыма шүгүрлөр дедим...

🧕Автор: Насиба Абдуллаева.

https://chat.whatsapp.com/IxAf0fy89VuCej47ADdbLM

АПАЛАРЫБЫЗ КАРЫБАСЫН!

Бир аял адамдардын арасында баласын катуу урат экен. Бала катуу тийсе да чыдап, эч ыйлабайт экен. Арадан жылдар өтүптүр, адаттагыдай апа баласын урганда, бул жолу бала катуу ыйлап жибериптир... Адамдар таң калышып: "Эй, бала, алдын апаң катуу урса да чыдап, ыйлабайт элең го, бүгүн неге көздөрүңө жаш алдың?" - деп сурашыптыр. Бала ыйлап: "Апамдын карып калганын сездим, себеби апам алдынкыдай катуу ура албай калыптыр", - деп жооп берген экен...

Ата-энеге дуба кыл!

Аллах Таала ыйык Куранда: "Раббиң жалгыз Анын Өзүнө ибадат кылууңарды, ошондой эле ата-энеге жакшылык кылууңарды буйруду. Эгер алардын бирөөсү, же экөөсү тең сенин колунда картайса, аларга "у-фф" дебе жана алардын сөзүн кайтарба! Аларга жылуу-жумшак сүйлө!" - дейт (Исра, 23-аят).

Өзүнө ибадат кылуу менен бир катарда келтирген экинчи буйрук ата-энеге жакшы мамиле кылуу экенин аяттан байкайбыз. Арап тилинде "Ф" тыбышы эң жумшак тыбыш. Аятта ата-энеге ошол тыбышты да айтууга болбостугу айтылган. Ата-энеге жакшы мамиле кылуу тууралуу айтпаган же жазбаган мен эле калдым окшойт. Ошон үчүн мен ашыкча сөз айта деле албайм. Айтаарым, ар бир намаздан кийин, же жок эле дегенде бир күндө бир жолу ата-энебизге арнап биз деле дуба кылалы.

Ыйык Куранда Аллах Таала минтип айткан: "Сен алар үчүн ырайымдуулук менен кичипейилдик "канатыңды" жаз жана (мындай деп) айт: "О, Раббим! Ал экөөсү мага наристе кезимде мээрим төккөндөй, аларга да мээримиңди төк" (Исра, 24-аят). Ушул дубаны жаттап алып, ар дайым айталы. Бул ата- энеси тирүүлөргө да, ата-энеси өтүп кеткендерге да тиешелүү. Ата-энеси тирүүлөргө бул дуба башка жакшы иштерине кошумча болор. Ал эми ата-энеси өтүп кеткендер мындан башка эмне айла кылмак эле, дубадан башка колубуздан келери жок...

О, Жараткан Аллах, ата-энебизге узун өмүр, бекем ыйман бер!

Ата-энебиздин бул дүйнөсүн ырахат, акыретин бейиш кыл!

Раббим, ал экөө мага наристе кезимде мээрим төккөндөй, аларга да мээримиңди төк!

~ "Эртең дебе" китебинен

https://chat.whatsapp.com/IxAf0fy89VuCej47ADdbLM

Күзгүнү карабай айнекти кара...

Омар Хайямдан:

- Эмне үчүн кедейлер байларга караганда ак көңүл болот? Байлар өзү менен өзү убара.... - деп сурашат.

- Мобу айнектен сыртты карагылачы, эмнени көрүп турасыңар? - дейт ал.

- Эшикте балдар ойноп жүрөт, дарактар бүчүрлөй баштаптыр.... - дешет.

- Эми бул күзгүгө карагылачы... ,- дейт.

- Өзүбүздөн башка эч ким жок, дешет.

- Көрдүңөрбү, бул экөөсү тең айнектен жасалган нерселер. Бирок бирөөсүнө бир аз эле күмүш сүртүп койгону үчүн силер андан өзүңөрдү гана көрүп калдыңар...

Адам баласы да колуна бир аз акча бүтсө көзүн "май басып", заматта кечээ эле көңүл буруп турган адамдардан жүз буруп, өзүнөн башканы көзгө илбей калат.

Демейде келбетин оңдоп, тышкы сулуулугуна кам көрүү үчүн, жок дегенде күнүнө бир жолу күзгү карайбыз. Бирок, жан дүйнөбүздү сулууланткан иштерге көңүл бурбайбыз. Биздин ички дүйнөбүздүн сулуулугу башкаларга көңүл буруу менен көркүнө чыгат.

Келиңиз дайыма эле күзгүнү карай бербей, кээде терезени да карап туралы. Сиздин терезеңиздин ички тарабында эч кандай көйгөй, кыйынчылык жок болгону менен терезенин сыртында түрдүү тагдырлар бар. Ошолорго да көңүл буруп, жардам бере жүрүүбүз кажет.

О, Жараткан Аллах, бизди өзү үчүн эмес, өзгөлөр үчүн пайдалуу адамдардан кыл!

Бизди башкаларга жардам берүүчү кыл!

Өзүң да бизге жардам бер!

~ "Эртең дебе" китебинен

https://chat.whatsapp.com/IxAf0fy89VuCej47ADdbLM

Бакыт кичинекей нерселерде...🎀❤

💭Эркек суктанган сөздөрдү күтөт...

💡Эркектер үчүн өз аракеттеринин баасын угуу абдан маанилүү.
Аларга ыраазычылык билдирип, аракетин көрүп, түшүнсөң... алар аны байкашат.

💡Убакыттын өтүшү менен алар сиздин үй-бүлөңүз үчүн кылган эмгегиңизди баалай башташат

💡Суктануу сөздөрү ар бир адамга абдан жакшы таасир берет. Баарын жөн эле кабыл албаганга аракет кылыңыз. Күйөөңүзгө рахмат айтууну унутпаңыз

Жагымдуу сөздөр, жылмаюу, кучактоо, кооз жана даамдуу эртең мененки тамак, жумушка узатуу жана жумуштан учурашуу - бул кичинекей нерседей сезилет, бирок муну күн сайын кылсаңыз, анда сиз ушинтип жылуу мамилени сактай аласыз...🩷

https://t.me/janduynoazigi

Көңүл оорутпа!

Даанышман минтип айтыптыр: "Эки баалуу нерсе бар. Андан өткөн баалуу нерсе болбойт. Биринчиси - Аллах Таалага ыйман келтирүү. Экинчиси - Аллахтын пенделерине пайдалуу иш кылуу. Эки жаман нерсе бар. Андан өткөн жаман нерсе болбойт. Биринчиси - Аллах Таалага ширк кошуу. Экинчиси - Аллахтын пенделерине зыян тийгизүү".

Эч ким айтпаса деле, Каабаны талкалап, бузуу өтө чоң күнөө экенин билесиз. Бирок, ыймандуу мусулмандын көңүлүн оорутуу андан да оор. Ыймандуу адамды жакшы сөз, жакшы мамиле менен көңүлүн көтөрүп коюу бейишке татыктуу иш болсо, анын көңүлүн оорутуп, капа кылуу тозокко татыктуу иш.
Көңүл оорутпай жашайлычы. Өзүбүздүн да көңүлүбүз тынч, жашообуз бейпил болот.

О, Жараткан Аллах, биздин жүрөгүбүздү жумшарт, тилибизди сылык кыл!

Башканын көңүлүн оорутуудан, башкага зыян тийгизүүдөн Өзүң сакта. Өзүбүзгө да башканын зыянын тийгизбе!

~ "Эртең дебе" китебинен

Таразада салмак болчу төрт ооз сөз

Пайгамбарыбыз (ага Аллахтын тынчтыгы жана мактоосу болсун) багымдат намазына чыгып бара жатканда зайыбы Жувайрия энебиз жайнамазында зикир кылып отурган. Багымдатты окуп келсе, ал дагы эле ордунда отуруптур.

Сен дагы эле ордуңда отурасыңбы? - деп сурайт пайгамбарыбыз.

Ооба, - дейт Жувайрия энебиз.

Мен болсо, намаздан кийин төрт сөздү үч жолу кайталап айттым, сенин эртеден бери айтканыңды таразанын бир табагына, менин айтканымды таразанын экинчи табагына койсо, менин айтканым сенин айтканыңды басып кетет, — дейт пайгамбарыбыз. Анан өзү айткан төрт сөздү кайталайт: "Субханаллоохи ва бихамдих, аъдада холких, ва ризооа нафсих, ва мидада калиматихи".

Мына ушул төрт сөздү такай айтып зикир кылганды адатка айландыралы. Айрыкча багымдат намазынан кийин унутпай айтып жүрөлү.

"Аллахтын жаратылган макулуктарынын санындай, Аршынын салмагындай, Өзү ыраазы боло тургандай, Анын сөзүн жазганга кеткен сыянын көлөмүндөй мактоо жана аруулоо болсун" деген маанини туюндурган бул сөздөрдү айтып анан дуба кылабыз.

О, Жараткан Аллах, айткан зикирибизди тилибизге жеңил, жүрөгүбүзгө мөөр, жан дүйнөбүзгө шыпаа, өлүмүбүзгө нур, түбөлүк сапарыбызга жолдош кылгын!

Ар дайым тилибиз зикир менен нымдалып туруусун насип кыл!

~ "Эртең дебе" китебинен

Илгери эл башына ЖУТ келип, ачкадан өлүп бара жаткан КАРЫЯ мындай деген экен: - Биз жакшы убакта өмүр сүрүп жатабыз.
- Бул эмне дегенинз ачкадан өлүү кандай жакшы болмок эле?
- Биз ачкачылык менен сыналып жатабыз, урпактарга токчулук менен сыноо келет, ачкачылык, ыймандан ажыратпайт, тескерисинче кудайды эстетип жакындатат.
Ал эми токчулук ыймандан ажыратат, Кудайды унуттурат ОШОЛ ЗАМАН КЫЙЫН БОЛОТ деген экен жарыктык.
Ачкачылык заман кетти, токчулук келди.
Токчулук ачкачылыктан да жаман болот
Ачкачылыкта Кудайды эске аласың жардам сурайсың.
Токчулук Кудайды эстен чыгарат, жардамды Кудайдан эмес акчадан, дүнүйөдөн сурап, ар нерсеге сын айтып, баарын акча менен ченеп каласың.
АЗЫРКЫ ЗАМАН ТОКЧУЛУК МЕНЕН СЫНАЛЫП ЖАТКАН ЖОКБУЗБУ? деген ой келет...