SOG'LIQNI SAQLASH XODIMLARI KASABA UYUSHMASI

​​Қонун устиворлиги таъминланди
Ўзбекистон Соғлиқни сақлаш ходимлари касаба уюшмаси Наманган вилояти Кенгашига Наманган шаҳар, “Ишонч” МФЙ, Боғ кўча 1-берккўча 10-уйда яшовчи фуқаро Абдурахманова Шарифа Хабибуллаевнадан мурожаат келиб тушди.
Фуқаро ўз мурожаатида Республика Пахталикўл Фтизиатрия ва пульмонология тиббий реаблитация Марказида Бош ҳамшира лавозимида ишлаб келганлиги, иш берувчиси томонидан ноқонуний ишдан бўшатилганлигидан норози бўлган.
Ушбу мурожаат Ўзбекистон Соғлиқни сақлаш ходимлари касаба уюшмаси Республика Кенгаши Меҳнат инспекциясининг Наманган вилояти бўйича меҳнат ҳуқуқ инспектори Реджапов Абдурашид Нусратиллаевич томонидан атрофлича ўрганиб чиқилди. Ўрганиш якунига кўра иш берувчи томонидан ходимни амалдаги меҳнат тўғрисидаги қонунхужжатлари талабларига зид равишда бўшатилганлиги ҳолати аниқланди.
Келгусида аниқланган қонунбузилиши ҳолатларини бартараф этиш ва ходимни ўз лавозимига ишга тиклаш юзасидан иш берувчига кўриб чиқилиши мажбурий бўлган ёзма кўрсатма киритилди.
Иш берувчи томонидан ёзма кўрсатма талаблари бажарилмаганидан сўнг, 2024 йилнинг 7 август кунида ходимни ўз лавозимига ишга тиклаш ва мажбурий прогул учун хақ ундириш масаласида Наманган туманлараро судига даъво ариза киритилди.
Ушуб суд иши судья З.Нурматов томонидан юзаки кўриб чиқилди ва даъво талаблари рад этилди.
Келгусида адолат қарор топиши учун Наманган вилоят суди Фуқаролик ишлари бўйича судлов ҳайъатига аппеляция тартибида ариза киритдик. Суд ишга доир хужжатларни иш берувчи ва унинг вакиллари иштирокида атрофлича ўрганиб чиқди.
Узоқ тортишувлардан сўнг суд томонидан биринчи инстанция суди қарорини бекор қилиш, ҳодимни ўз иши(лавозими)га тиклаш ва унга мажбурий прогул кунлари учун 29.482.591 сўм миқдорида иш ҳақи ундириш тўғрисида ажрим чиқарди. Қарийиб ярим йиллик моддий ва маънавий қийинчиликлардан сўнг Шарифа опа ўз ишига тикланди. Жамоа ходимлари эса Ватанимизда қонун устивор эканлигига яна бир бор амин бўлдилар.
Биз ходимлар олдидаги бурчимизни яна бир бор бажардик.

Реджапов Абдурашид Нусратиллаевич
Ўзбекистон Соғлиқни сақлаш ходимлари касаба уюшмаси Республика Кенгаши Меҳнат инспекциясининг Наманган вилояти бўйича меҳнат ҳуқуқ инспектори

#ҳуқуқийҳимоя
#касабауюшмасиёрдамберди

Бизга аъзо бўлинг: https://t.me/soglikkasaba

Бизни Facebook да ҳам кузатиб боринг: https://www.facebook.com/profile.php?id=100085218532996

KASABA UYUSHMASI A'ZOLARI MANFAATI HIMOYA QILINMOQDA
19.11.2024 ✅

📲@XorazmTELEKANAL✔️

📲DASTURNING HD versiyasi👇

🎥 YouTube

📺 OnlineTV
📻 Online Radio

Хоразм вилоятида ўтказилган тадбир тўғрисида қисқача...

Ташкилотнинг бухгалтерия ва кадрлар билан ишлаш бўлими ходимлари фаолиятида фойдаланиш учун муҳим ҳужжат қабул қилинди. t.me/soglikkasaba

Касаба уюшмаси аралашгач...
Соғлиққа етказилган зарар тўлови ундирилди

Республика тез тиббий ёрдам маркази Бухоро вилоят филиали транспорт бўлими ҳайдовчиси С.Йўлдошевга тез тиббий ёрдам автомашинаси бириктирилган. У филиалга қарашли транспорт бўлимидаги ёқилғи қуйиш шаҳобчасида бахтсиз ҳодисага учради. Оёғи ердаги музга сирпаниб йиқилиш натижасижа оғир тан жароҳати олди.
Махсус комиссиянинг далолатномасига кўра бу ҳолат иш билан боғлиқ деб топилди. Тегишли қонун талабига биноан жабрланувчи С.Йўлдошевга иш берувчи томонидан бир йўла нафақа тўловлари 21 257 590 сўм ойма-ой зарар тўловлари 10 363 075,19 сўм миқдорида тўлаб берилган.
Жамоа шартномасининг талаби бўйича ходимнинг икки йиллик иш ҳақидан кам бўлмаган миқдорда бир йўла бериладиган нафақа тўлови белгилаб берилганлиги муносабати билан унга тармоқ ва жамоа шартномасининг талабларига биноан иккинчи йил учун ҳам 21 257 590 сўм миқдорида бир йўла нафақа тўлови тўлаб берилиши лозим эди. Аммо иш берувчи ушбу тўловларни тўлашни пайсалга солди.
Шундан сўнг, касаба уюшмалари вакиллари аралашуви билан ушбу масала судга оширилди. ФИБ Бухоро туманларо судига мурожаат қилинди. Суд жабрланувчининг фойдасига қарор чиқарди. Натижада, С.Йўлдошевга, иккинчи йил учун тўлаб берилмаган 21 580 024 сўм миқдоридаги бир йўла нафақа тўлови ҳамда қўшимча тўловлар жабрланувчига ундириб берилди.

Тиббиёт ходимлари доим Соғлиқни сақлаш ходимлари касаба уюшмаси ҳимоясида!

#ҳуқуқийҳимоя
#касабауюшмасиёрдамберди

Бизга аъзо бўлинг: https://t.me/soglikkasaba

Бизни Facebook да ҳам кузатиб боринг: https://www.facebook.com/profile.php?id=100085218532996

Махсус кийим-кечак ва шахсий ҳимоя воситалари учун маблағ ажратиш мажбурияти юкланди.

Ўзбекистон Соғлиқни сақлаш ходимлари касаба уюшмаси Республика Кенгашининг Бухоро вилояти бўйича меҳнат техник инспектори тасдиқланган режага биноан Қоракўл Абу Али Ибн Сино жамоат саломатлиги техникумида жамоатчилик назоратини амалга оширди.
Тармоқ жамоа келишуви ҳамда жамоа шартномасининг 8.12-банд талабига биноан ходимларни белгиланган муддатларда ўрнатилган нормалар бўйича махсус кийим-бош, санитар кийим-бош, махсус пойабзал ва бошқа шахсий ҳимоя ва гигиена воситалари билан бепул таъминлаш мақсадида намунавий меъёрлардан фойдаланиб, ўзининг меъёри тузилиб, буйруқ билан тасдиқланмаганлиги натижасида 21 нафар ходимлар учун сарф-харажатлар сметасида маблағ киритилмаганлиги аниқланди.
Қоракўл Абу Али Ибн Сино жамоат саломатлиги техникумида махсус кийим-кечак, оёқ кийими ва ШҲВлари билан таъминланадиган ишчи касбдаги техник ходимлар сони 21 нафарни ташкил этиб яъни, қозонхона операторлари 3 нафар, хизмат хоналари фаррошлари 9 нафар, боғбон 1 нафар, кутубхоначи 1 нафар, коммендант 1 нафар, чилангар 1 нафар, электромонтёр 1 нафар, дурадгор 1 нафар, ҳовли супурувчи 1 нафар, биноларни таъмирловчи ишчи 1 нафар, 1 нафар омборчи каби ходимлардан ташкил топганлиги ўрганиб чиқилди.
Фаолиятни ўрганиш якунлари бўйича меҳнат техник инспектори томонидан кўрсатма киритилган. Аммо, техникум томонидан кўрсатма талаблари ўз вақтида амалга оширилмаганлиги сабабли техник инспекторининг ёрдами билан 2024 йил 29 майда А-47-сонли буйруқ билан меъёр расмийлаштирилиб, 21 нафар ходимлар учун смета тузилиб, 10 320 000 сўм маблағ талаб этилиши аниқланди.
Қоракўл Абу Али Ибн Сино жамоат саломатлиги техникуми кўрсатма талабини бажариш мақсадида 2024 йилнинг 12 февралида чора-тадбирлар режасини тузиб, икки томонлама расмийлаштирди. Тузилган чора-тадбирлар режасининг 6.2-бандида 21 нафар ходимларни махсус кийим-кечак ва ШҲВлари билан таъминлашни 30 январь 2024 йилга қадар бош ҳисобчига юкланган бўлсада, амалда ўз ижросини топмади ва бу ҳақда ижро этилиши тўғрисида маълумот тақдим этмади.
Тиббиёт техникуми томонидан 21 нафар ходимларни кийим-кечаклар билан таъминлаб беролмаганлиги сабабли ФИБ Қоракўл туманлараро судига даъво аризаси киритилди.
ФИБ Қоракўл туманлараро суди 2024 йилнинг 15 октябрида 2-2004-2401/6496-сонли ҳал қилув қарори билан Қоракўл Абу Али Ибн Сино жамоат саломатлиги техникумида ишловчи 21 нафар ишчи-ходимлар учун талаб этиладиган 10 320 000 сўм миқдоридаги маблағни молиялаштириш мақсадида мажбурият юклади.

Тиббиёт ходимлари доим Соғлиқни сақлаш ходимлари касаба уюшмаси ҳимоясида!

#ҳуқуқийҳимоя
#касабауюшмасиёрдамберди

Бизга аъзо бўлинг: https://t.me/soglikkasaba

Бизни Facebook да ҳам кузатиб боринг: https://www.facebook.com/profile.php?id=100085218532996

#Меҳнат_қонунчилиги_доирасида.

Савол:
Аёллар 53 ёшдан пенсияга чиқиши мумкинми?

Жавоб:
📄  "Фуқароларнинг давлат пенсия таъминоти тўғрисида”ги Қонунининг 14-моддасига асосан технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан ишдан озод этилган ва ишсиз деб эътироф этилган шахслар:

👨🏻‍🦳 эркаклар — 58 ёшга тўлганда ва иш стажи камида 25 йил бўлган тақдирда;

🧓🏻 аёллар — 53 ёшга тўлганда ва иш стажи камида 20 йил бўлган тақдирда пенсия олиш ҳуқуқига эга бўладилар.

Жавоб берди:
Ўзбекистон Соғлиқни сақлаш ходимлари касаба уюшмасининг Наманган вилоят Кенгаши.

https://t.me/soglikkasaba

#Меҳнат_Қонунчилиги_доирасида.
Савол: Иш берувчи ходимни қандай холатларда ишдан четлаштириши мумкин?
Жавоб: Меҳнат Кодексининг 151-моддасида Ходимни ишдан четлаштириш ҳоллари белгиланган:
Ишдан четлаштириш ходимни меҳнат мажбуриятларини, қоида тариқасида, иш ҳақи сақланмаган ҳолда бажаришга вақтинча йўл қўймасликдир.
Иш берувчи қуйидаги ҳолларда ходимни ишдан четлаштириши шарт:
қонунчиликка мувофиқ ваколатли давлат органларининг талабига кўра;
алкоголли ичимликдан, гиёҳвандлик ёки токсик модда таъсиридан мастлик ҳолатида ишга келганида ёки ишда бўлганида;
меҳнатни муҳофаза қилиш соҳасида ўқувдан ҳамда билим ва кўникмалари текширувдан ўтмаганда;
мажбурий тиббий кўрикдан ўтмаганда;
ходим томонидан меҳнат шартномасида шарт қилиб кўрсатилган ишни бажариш учун тиббий хулосага мувофиққарши кўрсатмалар аниқланганда;
тиббий хулосага мувофиқ соғлиғининг ҳолатига кўра тўрт ойгача муддатга вақтинча бошқа ишга ўтказишга муҳтож бўлган ходимни ўтказиш рад этилганда ёхуд иш берувчида иш мавжуд эмаслиги муносабати билан бундай ходимга тегишли ишни таклиф этиш мумкин бўлмаганда;
ходим меҳнат тўғрисидаги қонунчиликка ёки меҳнатни муҳофаза қилиш қоидаларига мувофиқ фойдаланилиши шарт бўлган шахсий ва (ёки) жамоавий ҳимоя воситаларидан фойдаланмаганда.
Ходим карантинли ва одам учун хавфли бўлган бошқа юқумли касалликлар тарқалиши таҳдиди мавжуд бўлганда Ўзбекистон Республикаси Бош давлат санитария врачининг қарори асосида қонунчиликда белгиланган тартибда жорий этиладиган профилактик эмлашдан ўтишни рад этган тақдирда (соғлиғининг ҳолатига кўра қарши кўрсатмалар мавжуд бўлмаганда) иш берувчи уни ишдан четлаштиришга ҳақли.
Хизмат текшируви ўтказилган тақдирда ҳам, агар муайян ходимнинг ишда бўлиши хизмат текширувини ўтказишга халақит беради деб тахмин қилиш учун асосли сабаблар мавжуд бўлса, иш берувчи ходимни ишдан четлаштиришга ҳақли.
Иш берувчи ходимни ишдан четлаштириш учун асос бўлган ҳолатлар бартараф этилгунига қадар бутун даврга уни ишдан четлаштиради.
Савол: Ишдан четлаштирилган ходимга иш хақи хисоблайдими?
Жавоб: Меҳнат кодексининг 152-моддасига кўра, ходимни ишдан четлаштириш даврида иш ҳақини ҳисоблаш моддасиида, ишдан четлаштириш даврида ходимга иш ҳақи ҳисобланмайди, бундан ушбу модданинг иккинчи қисмида назарда тутилган ҳоллар мустасно.
Ўз айбисиз меҳнатни муҳофаза қилиш соҳасида ўқувдан ҳамда билим ва кўникмалари текширувдан ўтмаган ёки мажбурий тиббий кўрикдан ўтмаган ходим ишдан четлаштирилган ҳолларда ёхуд, агар ходимга иш берувчи томонидан шахсий ва (ёки) жамоавий ҳимоя воситалари берилмаган, шунингдек агар ходим иш берувчи томонидан унга нисбатан хизмат текшируви ўтказилиши муносабати билан ишдан четлаштирилган бўлса, ишдан четлаштирилган давр учун ходимнинг ўртача ойлик иш ҳақи сақланиб қолади.
Саволларга жавоб берди:
Аббос Мамадалиев.

Ўзбекистон Соғлиқни сақлаш ходимлари касаба уюшмасининг Наманган вилоят Кенгаши раиси.

https://t.me/soglikkasaba

https://t.me/soglikkasaba

​​#Табрик

ЖОНГА ДАРМОН, ҚАЛБГА МАЛҲАМ ФИДОКОРЛАР!

Ҳурматли  соғлиқни сақлаш тизими ходимлари!
Қадрли шифокор ва ҳамширалар! 

Инсон учун энг катта бойлик – унинг соғлиги, албатта. Шу бебаҳо неъматни асраб-авайлашга ҳамда умрини беморлар дардига дармон бўлишга бағишлаган сиз, азизларни бугунги шукуҳли айём билан табриклаймиз.

Муҳтарам соҳа фидойилари!

Ҳамиша соғ-омон бўлинг, азиз соғлиқни сақлаш ходимлари!


Ҳурмат эътиром ила,

Ўзбекистон Соғлиқни сақлаш ходимлари касаба уюшмаси Республика Кенгаши.

https://t.me/soglikkasaba

Ахborot 24 | Kasaba uyushmalari xodimlari kuniga bag’ishlangan tadbirlar
#9nov #uzbekiston24

@SamTVR

DIYOR YANGILIKLARI | 11 - NOYABR – KASABA UYUSHMALARI KUNI


8.11.2024-YIL

#samarqandmtrk

#Савол ~ жавоб:

💬 Мен Пенсионерман. Турмуш ўртоғим вафот этди. Турмуш ўртоғимнинг пенсиясига ўтсам бўладими?

Жавоб:

👨‍👩‍👧‍👦 Эр-хотин пенсия олиб келаётган бўлса ва маълум сабабларга кўра эр вафот этиб қолса, хотини турмуш ўртоғининг пенсиясини олиш ҳуқуқига эга. Бунда фуқарога боқувчисини йўқотганлик пенсияси тайинланади.

Илтимос, аниқроқ мисол билан тушунтириб берсангиз::

🖥 Масалан, эр-хотин пенсия оляпти. Эрнинг пенсияси хотинининг пенсиясидан кўпроқ. Ҳаётий сабабларга кўра, эр вафот этган тақдирда хотини турмуш ўртоғининг пенсиясига ўтиш ҳуқуқига эга.

🪙 Мана шундай ҳолатларда аёл (эркак) мазкур ҳуқуқдан фойдаланган тақдирда унга юқори миқдордаги пенсия тайинланиши мумкин.

🔖 Ҳаётий ҳолатингиз юқоридаги мисолга тўғри келса, Бюджетдан ташқари пенсия жамғармасининг туман (шаҳар) бўлимига ариза билан мурожаат қилишингиз мумкин.

Саволга жавоб берди:

Аббос МАМАДАЛИЕВ

Ўзбекистон Соғлиқни сақлаш ходимлари касаба уюшмасининг Наманган вилоят Кенгаши раиси.
https://t.me/soglikkasaba

Ассалому алайкум мурожатим ойликлар Октябр ойида 15% оширилгани бермади олдинг ойлардан хам кам тулашди сурасак ошгани йук базави соат кам шунга кам чикди дейишаяпти .12 соатга бир хил хисоблаб беришаяпти масалан 8дан 20 гача 20 дан эрталабки 8гача шу тугрими жавоб учун рахмат

Yuqoridagi postimiz obunachimizdan kelgan mana shu savolga javob edi. Menimcha hammaga qiziq biladi javobi.

Саволинггизга жавоб шундай... Навбатчилик асосида иш фаолиятини олиб борадиган тиббиёт ходимлари учун иш ҳақи тўловини 1соати учун тўланадиган сўммасни ҳисоблаб чиқишда ойдаги иш кунлари муҳим ахамиятга эга. Яни ўртача 1 соатга тўланадиган иш ҳақини ҳисоблаб чиқиш учун штат-тарификациядаги тариф ставкасини (окладини) ойдаги иш кунларига ва амалдаги низомларда белгиланган 1 кунлик иш соатларига бўлиш орқали аниқланади. Шундан келиб чиқиб айтиш мумкинки ойда иш кунлари қанча кўп бўлса навбатчилик асосида ишловчи ходимларни иш хақи шунча кам бўлади. Ўз навбатида ойда иш кунлари қанча кам бўлса 1 иш соати учун тўланиши лозим бўлган иш ҳақи миқдори шунча кўп бўлади. Мисол учун 1 000 000 сўмни 26 иш кунига ва 6 иш соатга бўлганда (1 000 000/26/6=6 410) 6 410 сўм келиб чиқади. Шуни ўз ўрнида яни 1 000 000 сўмни 23 иш кунига ва 6 иш соатига бўлганда (1 000 000/23/6= 7 246) 7 246 сўм келиб чиқади. Натижалар шуни курсатадики октябр ойида иш куни 26 кунни ташкил этгани учун навбатчилик асосида ишловчи ходимларни иш хақи миқдори ошгани диярли сезилмади.Шу сабабдан навбатчилик асосида ишловчи ходимлар йилнинг 12 ойида 12 хил иш ҳақи олишади ва бу ўз навбатида ойдаги иш унларига қараб купаяди ёки камаяди. Жавобни Soliqni saqlash xodimlari kasaba uyushmasining Navoiy viloyati kengashi hisobchisi O.Xasanov tayyorladi.
https://t.me/soglikkasaba