Qubee TV टेलीग्राम पोस्ट

Ministirri Dhimma Alaa Jibuutii Mohaammud Yusuuf Dura Taa’aa Komishinii Gamtaa Afrikaa ta’uun filataman.

Qubee TV (Gurraandhala 15, 2025) Finfinnee!
Ministirri Dhimma Alaa Jibuutii Mohaammad Yusuuf Dura Taa’aa Komishinii Gamtaa Afrikaa ta’uun yaa'ii 38ffaa hoggantoota Gamtaa Afrikaa irratti filaman.

Duraa Ta’a Komishnii Gamtaa Afrikaa ta’uuf Raayilaa Odiingaa (Keeniya), Riichaardi Raandiriyaamandiraat (Madagaaskaar) irraafi Mohaammud Yuusuuf (Jibuutii) irraa kaadhimamuun ni yaadatama.

Haaluma kanaan Dura Taa’aa Komishinii Gamtaa Afrikaa kan turan Muusaa Faakii Mahaammat bakka bu’uuf Ministiri Dhimma Alaa Jibuutii Mohaammud Yuusuuf filannoo gaggeeffame injifatan.

Yaa'iin Hoggantoota Gamtaa Afrikaa 38ffaan har'aafi Boru ni gaggeeffama.

Qubee TV (Gurraandhala 15, 2025) Finfinnee!
Yaa'iin 38ffaa Hoggantoota Gamtaa Afrikaa har'aafi Boru Magaalaa Finfinneetti ni gaggeeffama.

Yaa'icharratti hirmaachuuf Dureewwan biyyoota Afrikaa garaagaraa, Barreessaa Olaanaa Mootummoota Gamtoomanii Antooniyoo Guutarez dabalatee Hoggantoonni Olaanoo Dhaabbilee Idil Addunyaa garaagaraa Magaalaa Finfinnee galaniiru.

Yaa'ichaan Ajandaalee Ardichaa garaagaraa irratti mari'achuun murtoowwan ni darbuu jedhame eegama.

Dr. Abiyyi Akka biyya ollaafi Obboleeyyaniitti Itoophiyaan wayita qormaataa kana Ummata Sudaan cinaa ni dhaabbatti jedhan.

Qubee TV (Gurraandhala 14, 2025) Finfinnee!
Ministirri Muummee Itoophiyaa Dr Abiyyi Ahimad Akka biyya ollaafi Obboleeyyaniitti Itiyoophiyaan wayita qormaataa kana Ummata Sudaan cinaa ni dhaabbatti jedhan Ministirri Muummee FDRI Dooktar Abiy Ahimad.

Itti dabaluunis uummata Sudaan walwaraansa waggaa tokko oliif gaggeeffamaa jiruun miidhameef deeggarsa namoomaa Doolaara miiliyoona 15 tumsa taasisuu himan.

Itoophiyaan, Emireetoota Araba Gamtoomanii, Gamtaa Afrikaafi Mootummoota Misoomaa Baha Afrikaa waliin ta'uun Konfiraansii Olaanaa deeggarsa namoomaa qopheessuu isheef gammachuutu natti dhagahama jedhan Dooktar Abiyyi Ahimad fuula miidiyaa hawaasummaa isaanii irratti.

Biyyoonni lamaan hidhata gadifagoo kan qaban, qabsoo dhalootaa waloofi hawwii waloo akkasumas hidhata aadaatiin kan walitti hidhamanidhas jedhan.

https://youtu.be/k-WPlKo_BiI?si=NfKYkiS4Neu8k7iv

The 6th African Regional Economic Community (REC) Presidents and CEOs meeting will be held today.

Qubee TV (February 14, 2025) Finfinnee!
The African Regions Socio-Economic Group (REC) CEO meeting scheduled for 14 February 2025 will be held starting in the afternoon.

The meeting brings together Regional Economic Communities Presidents and CEOs (REC's) from across Africa.

The previous conference was held in Accra on 20 July 2024 between the delegates to enhance socio-economic relations and cooperation between the regions and the African Union (AU).
The meeting will permit To exchange views and map out strategies on enhancing the engagement between the RECs and the African Union and
It is expected that a new person will be elected and the handover of the REC chairmanship will be held at today's meeting.

The meeting of today is expected to be attended by Presidents and Chief Executive Officers of ECOWAS, CEEAC-ECCAS, EAC, CEN-SAD, COMESA, IGAD, SADC and UMA.

Sagantaan ifoomsaafi Haaromsa Aadaa Oromoo Finfinneetti geggeefamaa jira.

Qubee TV (Gurraandhala 13, 2025) Finfinnee!
Sagantaan ifoomsaafi Haaromsa Aadaa Oromoo hawaas-diinagdee biyyaaf oolchuuf jedhu Finfinneetti geggeefamaa jira.

Hoggantuun Biiroo Aadaafi Tuurizimii Oromiyaa Aadde Jamilaa Simbirruu Galmi labsii Haaromsa Aadaa Oromoo mariin irratti gaggeeffamaa jirus beekumsa horachuu, diinagdee ceesisuu, Aartii Oromoo haaromsuun humneessuufi Aadaa Oromoo Caaseffama gubbaarratti sirneessuun karaa beekumsaafi ogummaa giddugaleeffateen hojechuudhaan jedhan

Mariin haaromsa Aadaa Oromoo dhaadhannoo "haaromsa Aadaatiin seenessa dogoggoraa qajeelchinee; seenessa waloo ijaarra" jedhuun bakka hooggansi olaanoo naannichaa argamanitti gaggeeffamaa jira.

Itiyoo Teeleekoom buufataalee Chaarjessa Konkolaattoota Elektirikaa eegalchiise.

Qubee TV (Gurraandhala 11, 2025) Finfinnee!
Itiyoo Teeleekoom buufataalee Chaarjessa Konkolaattoota Elektirikaa ifoomse.

Chaarjessi kunneen Altiraa Faasti, Suuppar Faastiifi Chaarjariiwwan Elekririkaa yeroo hatatamaa kan jedhaman ta’uu isaanii Hojii Raawwachiiftuu Olaantuun dhaabbatichaa Fireehiwaat Taammiruun ibsan.

Buufataaleen Daandii Boolee - Magganaanyarrati ijaaraman hojii eegaluu isaaniis eeran.

Giddugalli kunneen daqiiqawwan muraasa keessatti Baatirii Konkolaattootaa Chaarjessuu kan danda’an ta’uus eeran.

Yeroo tokkotti Konkolaattoota 32’f humna Guutuu danda’u qabu jedhan.

Godina Wallagga Bahaa Aanaa Gudayyaa Biilaatti balaa konkolaataa mudateen lubbuun namoota 26 darbe

Qubee TV (Gurraandhala 11, 2025) Finfinnee!
Godina Wallagga Bahaa Aanaa Gudayyaa Biilaa ganda Ifaa Biyyaatti balaa tiraafikaa qaqqabeen lubbuun namoota 26 darbuu ibsame.

Namoota 42 irra miidhaan qaamaa cimaa qaqqabuun yaalamaa jiraachuu Itti Gafatamaan Nageenya Tiraafikaa Godinaa Wallagga Baha Inispeektar Asnaqee Masfin FBCti himan.

Konkolaataan Deddeebisa Ummataa Taataa jedhamu Magaalaa Shaambuu irraa gara Magaala Finfinnee imalaa ture kufee galagaluun miidhaa kana qaqqabsiisuu dubbatan.

Lubbuun namoota 26 balattalumatti yoo darbu, Lakkoofsi namoota lubbuun darbanii dabaluu akka danda’u eeruun, Ka’umsi balichaa qoratamaa jirachuu ibsan.

Murteen Hamaas israa’eel waliigaltee dhukaasa dhaabuu cabsiteetti jechuudhaan fudhate dallansuu uume.

Qubee TV (Gurraandhala 11, 2025) Finfinnee!
Gareen Hamaas israa’eel waliigaltee dhukaasa dhaabuu cabsiteetti jechuudhaan karoora lammiilee Israa’eel gadhiisuuf qabame yeroo hin murtoofneef dheeressuu isaa beeksiseera.

Murteen Hamaas kun ammoo Israa’eel keessatti dallansuu uumuudhaan loltoonni Israa’eel waraanaaf akka qophaa'an gochuu isaati gabaasaaleen bahaa jiran kan mul’isan.

Pirezdaantiin Ameerikaa Doonaald Tiraamp, lammiileen Israa’el Gaazaatti danqamanii jiran hundi hanga Sanbata dhufuutti yoo hin gadhiifamne, walii galteen dhukaasa dhaabuu kanaan dura waliigalame sun haqamuu qaba jedhan.
Maddi: BBC

Dr. Abiyyi Ahimad keessummoota Yaa’ii Gamtaa Afrikaarratti hirmaachuuf Finfinnee dhufaniin baga nagaan dhuftan jedhan.