نفحات من الآسك

@nafahat_platform

- إسال نفحات : @Ask_NafahatBot

• فيسبوك : https://www.facebook.com/Nafahat.platform

• إنستغرام : https://instagram.com/nafahat.platform

• توتير :
https://twitter.com/Nafahatplatform

نفحات من الآسك (Arabic)

نفحات من الآسك هو قناة تليجرام تقدم مجموعة متنوعة من المحتوى الملهم والمفيد للقراء. تضم القناة مقالات، نصائح، ونصوص تحفيزية تهدف إلى تحفيز وتلهم القراء. مع وجود بوت مخصص للأسئلة يمكنه الرد على استفسارات القراء بسرعة وفعالية. بالإضافة إلى ذلك، يمكنك أيضًا متابعة نشاط القناة على وسائل التواصل الاجتماعي مثل فيسبوك وإنستغرام وتويتر. انضم إلى نفحات من الآسك لتحصل على الدفعة الإيجابية التي تحتاجها في حياتك اليومية!

نفحات من الآسك

19 Nov, 13:08

كَانَ ﷺ رقيقُ القَلب، حَسنُ العِشرَة، يَترفَّق بأصحَابِه، ولا يُهينُ أحَدَاً، مَن رآهُ هَابهُ، وَمَن عرفهُ أحبَّـه، يألفُ النَّاس وَيألفونَهُ، لا يَنطقُ بفُحشٍ وَلا يَعيبُ على أحدٍ، ولا يَعيبُ حَتَّى طَعامَـاً، ليّنُ الجَانب، لا يرُدُّ سَائلاً، وَليسَ بِفَظٍ وَلا غَليظ ﷺ

صلوا عليه وسلموا تسليما ﷺ..

218

نفحات من الآسك

16 Nov, 11:47

عندما تصلنا إشعار بوصول مساعدة مالية جديدة نفرح كفرحة أصحاب الامانة الذين تذهب لهم هذه الاموال..

– كم سمعنا من فقير أرسل شيء قليل ليبارك الله حياته ويرزقه بضعف ما انفق..

– وكم سمعنا من طالب تبرع بمصروفه بنية النجاح والتوفيق..

– وكم سمعنا قصصاً من أناس تبرعوا بقليل قليل واثابهم الله خير الجزاء وزادهم من فضله فيمن أرادو..

إخوانكم في غزة يطلبون منكم أن تمدوا لهم المساعدة وتكونوا جزء من ادخال السرور على وجوه أبنائهم..

ساهم معنا : فودافون/ 01096477261

520

نفحات من الآسك

14 Nov, 10:19

على صفحة الانستغرام بدأنا بتصميم جديد للاسئلة..

سنعتمد بإذن الله النشر بتلك الطريقة

أرائكم : من هنا

https://www.instagram.com/p/DCWR6eJNDJB/?igsh=MWI0Y3JkMXBjM2pkaA==

715

نفحات من الآسك

08 Nov, 11:12

اللهم بشرى غير متوقعة، على صورة خبر عاجل، لقد انتهت هذه الحرب !!

1,356

نفحات من الآسك

31 Oct, 11:02

ايه الأفعال اللي تخليك تقول البنت دى مش محترمه

ج/ طب ما ايه رأيك ندل الناس أحسن ازاي يبقوا محترمين ؟!

ندلهم بفعلنا وقولنا وسمتنا .. وصمتنا.

- محمد عطية.

2,244

نفحات من الآسك

31 Oct, 11:01

انا كنت مقررة مع نفسي اني عمري ما هحب قبل مااتجوز و كل مشاعري هديها لزوجي بس لكن غصب عني انجذبت لشاب هو في ساتة طب و جذبتني اخلاقه و احترامه و هدوءه و التزامه انا هفضل محتفظة بمشاعري لنفسي بس الموضوع متعب قوي يا شيخ محمد اعمل ايه؟ارجوك رد

ج/ اثبتي .. وحاولي تبعدي تماما عن أي مكان تشوفيه فيه !

وطبعا لا تتابعيه على السوشيال ..

ساعدي قلبك .. وغلّيه.
........

🔻غير السائلة ، لو في نفس حالتها بس قررت اعترف ايه انسب طريقة اعترف بيها من غير ما اقلل من كرامتي ؟ومش هينفع اوسط حد ارجوك جاوب

ج/ لستُ أبدا مع خطوة الاعتراف !

الرجل سيمتن إن كان مبادلا، أو مستعدا على الأقل .. وسيقدر ويغلق الباب بمروءة إن لم يكن كذلك.

والرجولة في زماننا نادرة .. وقلوبكم أغلى من المغامرة بها في لعبة احتمالات.

- محمد عطية.

1,944

نفحات من الآسك

31 Oct, 10:59

يا شيخ شفتها بعد مده طوييله خالص .. سنين ومع ذلك لم يعمل الزمن عمله ... عن كميه الادرينالين ومعدل ضربات القلب الغريبين .. حاجه غريبه اوي! كنت فاكر اني ناسيها .. ايه رأيك؟؟

ج/ خد الأدرينالين معاك ورح اتقدم لها.

- محمد عطية.

1,243

نفحات من الآسك

31 Oct, 10:59

غلط لما الفتاة تتقدم للشاب؟!!

ج/ تتقدم ازاي ؟!
........

🔻لطلبه للزواج

ج/ أيوه ازاي برضه ؟!

أنا معجبة بك من زمان .. وأتمناك زوجا لي ..

مش كده ؟!

ايه الاحتمالات ؟!

وأنا كمان والله بس ظروفي ما تسمحش الوقت .. فيا نتكلم ونعك على وعد يتقدم .. يا نبعد ونصبر والله أعلم بالظروف .. وندخل في متاهات ..

أو أنا آسف مش بفكر .. وترجعي تزعلي من نفسك وتتأثري ..

أو يأتيك رد غليظ قاس غير متوقع !

هذا طلب يحتاج لرجولة تامة .. حال القبول أو الرفض ..

والرجولة نادرة .. وقلوبكم أغلى من وضعها في مثل هذه الاحتمالات.

والحل ؟!

الحل نحفظ نفسنا ونغلّي قلوبنا .. ولو حصل ومالت = نقفل عليها، ونجفف المنابع التي تكويها بالأمل سواء تعامل أو تواصل أو متابعة .. وندعي ربنا بالخير حيث كان، ونفوض الأمر له .. المكتوب هيكون.

........

🔻هي تضمن أنه يطلع محترم وراجل ومتتعايرش في يوم من الايام انها اللي اتقدمتله؟! عادي ولا ايه؟!!!

ج/ أحيانا بيحصل بعد سنين والله .. للأسف !

إلا لو معدنه نضيف يفضل شايله لها جميل طول العمر؛ لثقتها به وحسن ظنها.

وهذا نادر .. والنادر لا حكم له.

- محمد عطية.

1,299

نفحات من الآسك

31 Oct, 10:56

كنت معجبه بشخص ف صمت وعلمت صدفه أنه كذلك منذ أربع اعوام تقدم لي ولكن رفضه أبي هوا فكر الرفض مني وزعل جدا ونفسي يتقدم تاني وانا أقنع والدى فكرت ابعتله رساله من فيس مجهول ان الرفض مكنش مني مع العلم انى عرفت انو خطب بنت مش بيحبها من حزنه ع الموقف بس طبعا عارفه انو غلط ومش عمل ولكن قلبي كيف اداويه

ج/ ما دام مستمر في الخطوبة = انسي.

- محمد عطية.

801

نفحات من الآسك

31 Oct, 10:55

ايه رأي حضرتك ف الجواز قد بعض. ايه المخاطر اللي ممكن تواجهني لو اتجوزت واحد قدي في السن.

ج/ المخاطر المعتادة ..

فين الأكل ؟

جعان.

فين فردة الشراب التانية ؟

جعان.

الترابيزة دي عليها تراب ليه ؟

جعان.

بالله ناوليني كوباية الميه !

جعان.

طالع مع الشباب نلعب بلاي ستيشن من فضلك

وجهزي الأكل عشان هرجع جعان
وهكذا ..

- محمد عطية.

1,174

نفحات من الآسك

31 Oct, 10:54

تقدم لخطبتى شاب وقالى انه مش بيصلى بس هيلتزم بالصلاة ولما بدانا نسال عنه قالولنا انه مش بيصلى انا رافضه واهلى مصرين ؟

ج/ إياك توافقي.

إلا الصلاة.

- محمد عطية.

877

نفحات من الآسك

31 Oct, 10:53

انا مدرس وحبيت بنت بتيجي عندي ف الدرس واعترفت لها اني هتقدم لها حرام علي كدا

ج/ كان المفروض تكون أد الأمانة أكتر !

وتطرق الباب بدون ما تعلق البنت بالاعتراف ..

خذ الخطوة فورا.

- محمد عطية.

874

نفحات من الآسك

31 Oct, 10:52

احبتها واحبتني ثم تركتني وهي تعلم بحبي لها لان نظرتها للشخص من شكله وطوله وعرضه وبتغير الحاله والشكل ينقلب مزاجها ونظرتها لي ! هي جميله جدا

ج/ لم تحبك.

- محمد عطية.

593

نفحات من الآسك

31 Oct, 10:52

اعترفت لشخص بحبي الشديد للاسف وكان مرتبط ازاي اداوي قلبي

ج/ تداوي ايه !

احنا هنهرج ؟!

راجعي حساباتك يا ماما .. وتوبي لله وأصلحي ما بينك وبينه.

لو متابعة نصايحنا هنا كنت عرفت تتصرفي صح وتغلّي نفسك !

عموما الغلط يتصلح.

- محمد عطية.

626

نفحات من الآسك

31 Oct, 10:51

تقدم لخطبتي شاب ويظهر عليه الالتزام والأخلاق والتدين والاحترام ولكن سألنا عليه وقالو ان ماضيه مش كويس وكان له علاقات نسائيه كتيره ولكن ربنا تاب عليه هل اوافق!؟

ج/ إن صحت توبته = فربنا عفو غفور.

- محمد عطية.

650

نفحات من الآسك

31 Oct, 10:50

تزوجت منذ شهر شخص ملتزم يعاملني بما يرضي الله لكن عرفت بالصدفه انه اثناء خلاف بينا وقت الخطبة منذ اكتر من عامين قال لو اعرف ان الخطبة دي هتكون تلت سنين كنت انتظرت فلانه جارتنا وتجوزتها افضل منذ علمت وانا حزينه علي حالي ولا اعرف كيف اتصرف

ج/ نكد ايفري وير !

انسي يا بنت الناس .. عيشي الواقع ..

لو مكنش شايفك الوقت أحسن حد في الدنيا = مكنش كمل معاك.

- محمد عطية.

729

نفحات من الآسك

31 Oct, 10:49

انا خطبت واحده انا بحبها وهي وافقت بس انا عارف من غير ما تقولي انها كانت بتحب واحد وان حياتها واقفه عنده انا بحاول اساندها اداوي قلبها ساعات بحس انها بتحاول تستجيب معايا وساعات بتبعدني عنها .انا مش عايز اقولها اني عارف علشان متحسش انا ممكن امسك عليها حاجة وانا برده متمسك بيها بس خايف من الاستسلام

ج/ أنت جميل !

أعطها فرصة حتى تشعر أنك قدمت ما عندك ..

فإما تستطيع هي فتح قلبها للحب الذي يستحق ..

وإما ترحل يا صديقي بسلام .. رجلا صادقا في نظر الحب ..

وستلقى من تستحق قلبك.

- محمد عطية.

630

نفحات من الآسك

31 Oct, 10:47

ايه الفرق ما بين التزين للمتقدم وبين التدليس عليه ؟

ج/ طقم شيك وحلو .. لا واسع مبهوق، ولا ضيق مجسم .. إنما يبين الحجم والطول ..

قلم كحل بالكتير ..

بدون مكياج زيادة ولا عدسات.

- محمد عطية.

575

نفحات من الآسك

31 Oct, 10:47

حياااة.. عجيبٌ أمرها يا شيخ اللهم أخرجها منها ونحن راضين مرضيٌ عنا

ج/ عجيبة نعم !

مبنية على الابتلاء .. بالمنع والعطاء ..

وربنا حكيم .. يفعل ما يشاء.

اللهم آمين .. من فضلك العظيم 🤲🏻

- محمد عطية.

573

نفحات من الآسك

31 Oct, 10:45

في الرؤيه الشرعية وجدت ان العريس اجمل مني بكتييير قلقت بصراحة من اللي هيتقال بعد كده وحضرتك عارف كلام الناس ايه راي حضرتك

ج/ خلي عندك ثقة في نفسك !

لو حصل بينكم نصيب = ستكونين أجمل نساء الدنيا في عينه.

- محمد عطية.

536

نفحات من الآسك

31 Oct, 10:45

يا شيخ اختي جوزها منكد عليها و دايما يبهدل فيها و يتحجج لها علي اقل سبب.. علشان مصاحب ست تانية و عايز يتجوزها عليها و يطلق اختي و معاها عيال منه.. ادعيلها بالله عليكي يهديه يا اما ياخده بالاضافة انه مبيصليش و لا بيتحمل مسؤلية. دايما مشيلها الهم

ج/ أهي دي مصيبتكم !

بالإضافة إلى ...

كأنها نافلة القول !

يعني لو كان كويس في معاملتها ومش بيعرف حد = كنا تمام وبيس ؟!

كيف لمن لا يعرف لربه حقه أن يقوم بحقوق البشر عليه ؟!

الله المستعان .. اللهم السلامة والعافية.

- محمد عطية.

465

نفحات من الآسك

31 Oct, 10:44

حرم علي النار كل هين لين سهل قريب من الناس طيب بنتعب قوي ومبنلوم نفسنا وبنحس ان بنيجي علي نفسنا
بحب الحديث ده جدا !

ج/ مش معناه الضعف أو الاستنزاف ..

معناه التسامي حد البذل -حسب الطاقة- دون انتظار مقابل أصلا.

- محمد عطية.

438

نفحات من الآسك

31 Oct, 10:43

بشتغل ف مكان جديد زميلي كان خاطب وفسخ وحاسه ان ف حاجه منه ليا وهو عشان محترم وجدع وبيفهم حاسه اني بنجذب واعجب او احب طريقه دي انا مش بحبه بس خايفه افضل ف الشغل اضعف ومشاعر مكبوته٢٣سنه تتفتح ع ايده وقلبي يخوني ويضيع مجهود غلي نفسك عقلي رافض ان ييقي ف حاجه رسمي حتي لانه دبلوم بس هو بقي مشرف لانه مجتهد

ج/ ما دمت عارفة إن الطريق مقفول = ابعدي تماما، بكل الطرق.

- محمد عطية.

426

نفحات من الآسك

28 Oct, 13:20

عن أبي هريرة رضي الله عنه أن رسول الله ﷺقال : [ قال الله : أنفق يا ابن آدم أنفق عليك ]

وأحب الأعمال إلى الله كما جاء في الحديث :[ سرور تدخله على مؤمن ، تكشف عنه كربا ، أو تقضي عنه دينا ، أو تطرد عنه جوعا ]

للمساهمة / 01096477261

194

نفحات من الآسك

25 Oct, 12:06

جمعة مباركة..💙

– كونوا بالقرب الاسبوع القادم..

142

نفحات من الآسك

24 Oct, 08:02

‏كم يلزمنا من الجرأة لنحسم صراعاتنا من الداخل؟، ونحطّم هذا الحاجز ونمضي في الطريق لنكون كما نحب أن نكون ؟

ج/ يلزمك مقدار متوسط من الجرأة، أكبر من المقدار الذي احتجته كي تعترف لنفسك بأن داخلك ممزق بالصراعات، وأكبر من المقدار الذي تحتاجه لتمضي في الطريق الذي يجعلك كما يجب عليك أن تكون.

- مهاب السعيد.

686

نفحات من الآسك

24 Oct, 08:01

شوفت عين بنت غريبه جدا كانت لونين الجزء الى تحت عسلى والى فوق اخضر سبحان الله هو ازاى دا حصل

ج/ عادي، دي Segmental heterochromia وممكن تكزن عين لون والعين التانية لون وساعتها بيكون اسمها Heterochromia Iridis، ودي حالة نادرة في البني آدمين شائعة في بعض الحيوانات زي القطط، وهي غير مرضية أو خطيرة، تنويع خلقي ناتج عن اختلاف نسب الميلانين في القزحية وغير محدد السبب.

- مهاب السعيد.

641

نفحات من الآسك

24 Oct, 08:00

انا كل شوية يطلعلي كيس دهني في نفس العين واشيله مفيش حل نهائي للموضوع ده ؟

ج/ مفيش حل نهائي نظريا، لكن الحقيقة دة ممكن يكون بسبب البشرة الدهنية، لو بشرتك دهنية وبيطلعلك حب شباب كتير فهيكون مفيد ليك تستشير دكتور جلدية لأنك ممكن تحتاج تاخد كورس طويل من التتراسيكلين.

- مهاب السعيد.

584

نفحات من الآسك

24 Oct, 07:59

حضرتك انا بحب الطب جدا انا لسه طالب بس فكره ان التعليم ف بلدنا متتدني جدا بتحبطني كتير جدا

ج/ يعني هي بقية الكليات التعليم فيها مش متدني؟ الطب بالعكس فارق عن معظم التخصصات التانية أنك بتدرس نفس القماشة بتاعتهم برة بحيث تقدر تكمل أنت كـ post graduate بسهولة بعد كدة. دة غير أن الاهتمام الواضح في الطب بالدراسات العليا أكتر من بقية الكليات غصبا عنك بيخليك شخص متعلم على الدوام، مش صنايعي.

- مهاب السعيد.

551

نفحات من الآسك

23 Oct, 05:49

تابعونا على واتساب 👇🏻

411

نفحات من الآسك

22 Oct, 14:38

باقي على رمضان 131 يوماً..

اللهم بلَّغنا رمضان..🌙

#نفحات_من_الآسك

705

نفحات من الآسك

21 Oct, 17:20

أحبابنا ما زلنا نستقبل تبرعاتكم بهذا الخصوص..

للاسف المعبر لم يفتح والأسعار في ازدياد ..

وضع العائلة مأسوية = أفيضوا من كرمكم يرحمكم الله..

239

نفحات من الآسك

21 Oct, 12:13

-

🔥 كَ تسريب..

سيتم البدء باللقاء على قناة الواتساب الخاص بنفحات..

فلمن أحب أن ينضم للقناة : من هنا

633

نفحات من الآسك

18 Oct, 10:58

قريباً..

حيكون لنا موعد مع أخصائية نفسية من خلالها ستجيب الدكتورة عن أسئلتكم..

كونوا بالقرب..💚

954

نفحات من الآسك

18 Oct, 10:28

رحم اللّٰه فارساً شهماً..لقى ربه كما يحب ويرضى..

847

نفحات من الآسك

18 Oct, 10:19

هل الأنسحاب ضعف؟

ج/ ليس كل انسحاب ضعفًا..!

انسحب حين تبدو لك المراحل القادمة خطرة ذوات منزلقات لا تفقه كثيرًا من أماكنها..!

انحسب حين تتورط في علاقة صفرية لا ربيع تضمنه فيها..!

انسحب ولو ستخسر ما دمت تعلم أنك ستسقط بسرعة، أو تخسر خسارة أكبر..!

الانسحاب سياسة، يعجبني الماهر فيها..!

- أفنان الجعر.

855

نفحات من الآسك

18 Oct, 10:19

ماذا تفعلين إذا تكالبت الأحزان عليكي؟أحبك في الله كثيراً..

ج/ الله يحبك ويرضى عنك يا حبيبتي.

ماذا أفعل، أتلو القرآن، أتلوه، أتلوه، أتلوه...

وأسجد...

وأدعو...

أدعو حتى أرتاح!

- أفنان الجعر.

854

نفحات من الآسك

18 Oct, 09:58

النسيان هبةٌ أم ابتلاء؟

ج/ يكون نعمة؛ حين ننسى آلامنا، وأخطاء الناس بحقنا، وما يلحق بنا الضرر عمومًا..

ونقمة حين ننسى أنفسنا، وديننا، وحقوقنا، وأحلامنا، ومن له حق علينا..!

- أفنان الجعر.

804

نفحات من الآسك

18 Oct, 09:57

كيف يمكنني المحافظة على أذكار الصباح والمساء أقولها كم يوم وبعدها لا ، مع العلم أنني بفضل الله محافظة على السنن وعلى ورد من القرآن .

ج/ اربطيها بالصلاة مباشرة..

بعد صلاة الفجر، وصلاة العصر ..

لا تقومي حتى تنهينها..

هذي طريقة للمحافظة عليها.

وفقك الله

- أفنان الجعر.

695

نفحات من الآسك

18 Oct, 09:56

الناس لم يصفقوا حين حكوت عن تجربتي وإنجازي

ج/ أنا أصفق لك..

وكلنا نصفق لك..

لو ما كان من إنجازك إلا إنك حاولت وجربتِ..!

نقول لك ملء ما بالسماء من نجوم: أحسنتِ..'

بس قبلنا كلنا...

نفسك صفقت لك، وهذا أحسن عندك من كل أيادينا وهدايانا..

وربنا يحب المؤمن القوي، وتجربتك محاولة، وإنجازك تقدم، فمكانتم عند الله تكفيك وتغنيك وتثريك وتنسيك الدنيا ومن فيها وما فيها..

ابتسمي!

وافرحي بك..

واحمدي الله..

وأكملي..

واستمري..

هناك من يتمنى جذوة الشغف في نفسه الفاترة، كي يصنع ما صنعتِ..!

- أفنان الجعر.

684

نفحات من الآسك

18 Oct, 09:53

سؤال سريع ياافنان من فضلك الاغتسال الشرعى للنساء بياخد قد ايه تقريبا مع غسل الشعر بالشامبو؟ اخذ وقتا طويلا

ج/ كم من الوقت يستغرق يعني؟

........

🔻ممكن 35 دقيقة او اكتر

ج/ الطريقة الأصل ما تاخذ هذا الوقت، لكن إنت مستاءة من إيش بالضبط؟
الوقت هذا طبيعي، في الحد المعقول يعني!

........

🔻لانى مصابة بالتدقيق واخذ وقتا طويلا جدا فى الحمام بصفة عامة ممكن أقضى حاجتى واتطهر فى اكتر من ساعة بشك جدا ياافنان ومش عارفة اتجاوز خالص

ج/ اها..

توسوسين..!

طيب السؤال الفاصل:

اصدقيني؛ هذا يستمر معك في كل أمور حياتك، أم في أمور النظافة فقط؟

........

🔻مايرتبط بالدين يتعبنى جدا اما الأمور العادية التى لايوجد فيها مسئولية دينية مثلا لاالتفت كثيرا لكن نادرا ما يوجد شيئا ليس له علاقة بالدين

ج/ إذن اسمعي..

الدين لا يكلفك هذه الدقة، كأنك تتهمين الدين بالقسوة بفعلك هذا..

الدين يسر، وبلاشي توسوسي، تكون الطهارة: بإزالة النجاسة ورفع الحدث!

لاحظي أقول لك: إزالة النجاسة ورفع الحدث، يعني الأمر واضح ومقنن ومحدد..

إزالة النجاسة؛ يعني طهارة البدن والثوب والمكان..

ورفع الحدث؛ يعني الطهارة بالغسل والوضوء.

فلا داعي للزيادات التي توردك الجنون..!!
ديننا أكبر ما يحتوي حاجات الإنسان وأحواله..

واليسر في باب الطهارة واضح جدا..
يمكنك التيمم في حال عدم وجود الماء..
لا تغسلي العضو المجروح الذي يؤذيه الماء..

يجوز التطهر بماء البحر..

يجوز التطهر بماء الآبار ولو كان مالحًا..
حالات الحدث الأكبر معروفة وتوجب الغسل والغسل صفته معلومة لا تزيدي عليها..

وكذلك الحدث الأصغر، الوضوء يكفيك أصلًا فيه غسل الأعضاء أن يكون مرة واحدة وهي الواجبة، والنافلة ما زاد عنها إلى ثلاث مرات..

إذا كانت هذه السهولة في العبادات، فلماذا تشقين على نفسك..؟!

انتبهي!

الشخص الوحيد القادر بعد الله على إيقاف هذي الممارسات الضارة والوساوس المؤذية هو أنتِ..!

لا تستغرقي في العمل، أدّيه كما يجب فقط، ولا تجتهدي بالمزيد، وذكر الطريقة في السنة من محاسن مراعاة هذا الدين للبشرية، فلو ترك الأمر حسب كل واحد لهلك الكثير بتنطعهم ووسوستهم!

ولا أنسى أن أقول لك:

العلم ضد الجهل، يعين صاحبه، ويضيء له الطريق، فليس شيء أحسن في أمرك كتعلمك أحكام الطهارة، ادرسيه، كي تغلقي كل باب للوسوسة، وتعلمي كيف تتمي أمرك ومتى تحتاجين للإعادة ومتى تبنين على اليقين..

العلم نور! فلا تهملي نفسك، فتهلكيها..!

........

🔻ماهو ده مربط الفرس ياافنان تقولين بسهولة "ازاله النجاسة ورفع الحدث" كيف هذا ؟ لااعلم لااعلم هل طهر ام لا اغسل العضو كيف اغسله؟ لااعلم لذلك استغرق ماء كثيرا ووقتا كبيرا لانى لااعلم ولا ارتاح ارى العضو لم يتم استيعابه والمكان لم يطهر كيف اساعد نفسى وانا اعيش فى الشك اصلا

ج/ كل كلمة ( كيف) حلّها في العلم..

تعلمي باب الطهارة، والفيديوات مليئة بالتطبيقات..

عندي سؤال: كيف حالك مع أذكار الصباح والمساء والمعوذات؟

........

🔻احيانا اقول واحيانا لا

ج/ الوسوسة هذي من الشيطان ليتعبك حتى يصل الأمر بك إلى ترك العبادة..

حافظي على الأذكار..

واقرئي دائمًا سورة الناس..

وخذي سورة البقرة لا تمضي عليك ٣ أيام بدون قراءتها..

أنصحك فعلًا بهذا، مع تعلم طريقة الوضوء والغسل، والطريقة لا تستدعي الوسوسة، فانتبهي لنفسك..

- أفنان الجعر.

563

نفحات من الآسك

18 Oct, 09:47

أفنان نصحك أثق برأيك أنا في الكليه مشكلتي في المزاكره ممكن أقعد علي الكتاب فوق ال٦ ساعات مكاني لاأتحرك ولا أزاكر ١٠٪ من المطلوب موبايلي جنبي دايم عشان تسجيل المحاضرة سواء النت مفصول عنه أو متصل انا منشغله به وإذا لم انشغل به أسرح كثير والله يأست من نفسي مع اني متفوقه وأجيب امتياز بس مجهود بلا جدوي💔

ج/ كيف مجهود بلا جدوى وتحصلين على الامتياز..؟!

تقصدين مجهود مضاعف!!

أولًا: ٦ ساعات هذي واجد، وسيئة حتى لجسمك.

ثانيًا: ألد أعداء التركيز: الجهاز.

ثالثًا: السرحان قد يكون مشكلة صحية في الأصل، فراجعي وضعك في الفيتامينات كفيتامين د.

رابعًا: الاستذكار أولًا بأول لا يوصلك إلى هذه الدرجة من الضغط.

فـ :

اقرئي ساعة إلى ساعة ونصف، ثم قومي تحركي، اعملي كوب قهوة، عصير طازج، اغسلي وجهك، تمددي قليلًا، اطلعي لأهلك، ثم ارجعي..

قسمي المادة جيدًا، وجهزي لها من الآن الخلاصات، خلاصة لكل درس، عشان ما تتعبي نهاية الفصل..!

ركزي في المحاضرة، وفرغي أول بأول عشان لا يتراكم الشغل عليك وتتعبي!
جهازك دوني منه المحاضرة قبل جلسة المذاكرة، ثم أغلقيه وأخرجيه خارج الغرفة في مكان بعيد..

ستنجزين أكثر، في وقت أقل، ولا مجال للسرحان و(تمطيط) الوقت على شي يُنجز في وقت أقل، وحال أيسر.

- أفنان الجعر.

677

نفحات من الآسك

18 Oct, 09:39

"فرِّج همومكَ بالصلاةِ على النَّبي الذي، ما لهُ شبيهٌ في الأنامِ خِلقةٌ وأخلاقٌ وأدبِ".

668

نفحات من الآسك

17 Oct, 15:00

فإن الله حي لا يموت..
لا إله إلا الله.

907

نفحات من الآسك

17 Oct, 12:51

لو سمحت انا مريضة ضمور عضلات وربنا رزقنى بالانسان الصالح واللى بيسعى فى سبيل شفايا وهو كلم اهلى وصرح بنيته الحلال...لكن اهلى مش مساعدينى ف العلاج الطبيعى وهو بيعمل كل اللى عليه عشان يقتنعو بقالنا سنه ونص وخايفة اظلمو معايا بانتظاري بس مهما حاولت هو متمسك بيا اعمل ايه مع اهلى ؟ انا بجد مش عايزة اسيبه

ج/ الله يكثر من أمثاله !

دافعي عنه بكل ذرة فيك .. وأصري أن تبدئي معه المشوار السعيد ..

- محمد عطية.

942

نفحات من الآسك

17 Oct, 12:50

بالله عليك ياشيخ ده قرار مصيري اجابتك هتفرق فيه عريس محامي ماله حرام ولا حلال اوافق ولا لا لو بنتك هتعمل ايه

ج/ المهم يكون إنسان كويس !

ياما محاميين وأتقياء صالحين ..

- محمد عطية.

796

نفحات من الآسك

17 Oct, 12:49

ازاي اصالح خطيبي؟ يعني عشان لينا حدود ف الكلام وهو ملتزم مش بعرف اصالحه..

ج/

- السلام عليكم ..

كيف حالك ؟

ماما عازماك عالغدا بعد صلاة الجمعة .. عملنا حلة محشي حلوة وقالت ما نكلهاش من غيرك !

= ماما برضه ؟

- ما تزعلش.

= قولي لماما تكتر شوية.

وشكرا ..

- محمد عطية.

762

نفحات من الآسك

17 Oct, 12:49

ازاي نعرف اذا كنا بنحب الشخص ده ولا لاء ؟؟؟

ج/ لما يتقدم = نبقى نعرف !

قبلناه مبدئيا ومواقف الأيام قربتنا من بعض .. بننتظر زيارته وبنحب كلامه = نكمل ..

فيه نفور وعلامات استفهام .. ووجوده زي غيابه = يبقى مفيش مبرر للاستمرار.

- محمد عطية.

660