انور السهلاني

https://youtu.be/IGFRw_bXgdE?si=CKX-CVqxviOrrwmP

( عـطـشـان وعـطـشـانـه )

عـطـشـان وعـطـشـانـه
————-
يـعـطـشـانـه الـدرب وغـره
اشـعـنـدچ طـارّه الـصـحـره
بـالـچ يخـتي عمـيه الـخيـل
هـاذا آنـه عـلـه الـغـبـرة

مـا چـنـج ام عـون اخـتـي
مـتـغـيـره وحـگ بـخـتـي
يـزيـنـب يـا حـرز گـلـبـي
طـلـعـي إسـهـام خاصـرتـي

اخـوج ابـلايـه اخـوان
عـلـه الرمـله وعـريـان .. گـضـو حـيـلـه

انـاشـغ والـذبـاح
يـهز راسـه ومـرتـاح .. شـسـويـلـه

تـعـبـتـني ارمـاحـهـم مـدري شـگـول
فـوگ اخـيـج نـاس مـلـتـمـه وخـيـول
الـشيـب يالعـطشـانـه مـا خـلاني اشـوف
واسـتـغـلـنـي الحـافـر ايـصـول ويـجـول

عـطـشـان وعـطـشـانـه
————-
يعـطـشـان اخـتـك مـضـيـعـه
والـمـضــيـع شـنـو يـقـنـعـه
اجـيـت اتـعـثـر مـن الـضـيـم
بـخـتـك ضـاكـت الـوسـعـه

فـزع حـتـه لـو مـذبـوح
هـضـمـونـي يـا بـعـد الـروح
طـبـو لـلـخـيـم يـحـســيـن
وخـواتـك ماتـن مـن الـنـوح

بـخـواتـك صـار الـصـار
عـليـهـن جـيـش انـدار عـكـب عـيـنـك

يـنـايـم كـوم ويـاي
زلم بـخـيمـنـه هـواي تـره دخـيـلـك

حـايـرات الـدلالـتـهـن حـايـرات
طـرن الـهـيمـه ركـض خـويـه الـبنـات
الـهـه الله الـتـنـهــطـر مـاكـو مـعـيـن
الـيـلـه ضـعـنـك ويـن مـا ادري يـبـات

عـطـشـان وعـطـشـانـه
————-
يـعـطشـانـه شـنـو الـبـيـدي
كـمـت بـس حـزو وريـدي
جـرح فـوك الـجـرح صـارن
الـرمـل غـيـر تـجـاعـيـدي

اكـوم شـلـون مـا اكـدر
حـيـلـي وضـهـري مكـسـر
يـالـمـضـيعـه الـعـرف بـيـه
ضـعـت وتـفـرهـدت بـالبـر

صـفـيـت بـلايـه هـدوم
وحـيـد بـيـن الـكـوم خـذو هـدمـي

صـحـت مـا مـش نـغـار
طـحـت شبـعونـي حـجـار يـبـت امـي

وداعـتـج تـعـبـان خـويـه وداعـتـج
مـحـدب ليـش ويـن زيـنـب رايـتـج
مبيـنه تـعـبـانـه يـتـعـبـي وراحـتـي
مـن الـمـخـيـم يـالـحنيـنه شـجـايـبـج

عـطـشـان وعـطـشـانـه
————-
يـعـطـشـان نـهـض بـهـمـه
صـارت بـالـخـدر ثـلـمـه
نـسـاويـنـك بـيـن الـكـوم
حـيـهـم يـا ابـو الـيـمـه

مـا صـدكـت اوصـلـك
اكـلـك مـدري مـا اكـلـك
حـركـو خـيـمـة الـعـبـاس
وحـركـوهـن اخـيام اهـلـك

حـتـركـنـت وردنـه نـمـوت
ركـظـنـه ومـامـش صـوت وحـك نـحـرك

ولا كـالـو نـسـوان
حـرام بـلا صـيـوان يـضـل خــدرك

لا تـغـمـض يـا ابـو الاكـبـر لا تـغـمـض
بـس تـغـمـض تـره الـهـزل كـلـهـه تـعـرض
مـدو احـبـال الـمـنـيـه وكـبـر جـرحـي
وكـامـت الـناس عـلـه اخـيتـك خـويه تـفـرض

عـطـشـان وعـطـشـانـه
————-
يـعـطـشـانـه الـدهـر اعـمـه
عـلـه اخـوج الخـيل مـلـتـمـه
مـا ضـل بـي نـفـس صـدري
لـجـمـه تـكـودنـي الـجـمـه

غـريـب وسـابـح بـدمـي
الـحـوافـر فـرهـدن عـزمـي
عـدل مـن بـاكـو حـزامـي
وعـمـده تـضـاحـكـو يـمـي

يـجـرحي الـمـالـه ضـمـاد
بـقـيـت بـلايـه وسـاد خـلـص صـبـري

عـجيـبـه ارمـاح الـبـيـن
ولا كـضـتـهـن عـيـن حـدن عـمـري

مـوتـانـي الـعـطـش عـكـبـج مـوتـانـي
وعـلـه الـتـرب ذبـحي يـزينـب ضيـعـانـي
كـلـت هـسـه ولادي تـفـزعـلـي وخـوتـي
شـو ولا واحـد سـمـع صـوتـي وجـانـي

✍️
انـور الـسـهـلانـي

https://youtu.be/9QHi-53U-0U?si=3s7NuYbjLmOtEXTl

| البراءة من أعداء الزهراء واجبة |

روي عن الإمام الصادق عليه السلام أنه قال:

«حبُّ أولياءِ اللهِ واجبٌ، والولايةُ لهم واجبةٌ، والبراءةُ من أعدائِهم واجبةٌ، ومن الذينَ ظلموا آلَ محمّدٍ صلى الله عليهم، وهتكُوا حجابَه، وأخذُوا من فاطمةَ عليها السلام فدكَ [فدكا] ومنعوها ميراثَها».

📚بحار الأنوار: ج١٠، ص٢٢٦.

ما شايلـهه عقلي وما مصدكهه
خبر موتك اهواي احلام غركـهه

حيل استعجلو حركو خضارك ليش
خضر يا ابو هادي والحرب حكهه

يتمت العيون اشضيعك يالشوف
اكعد يالمعـتبر مو وصل حدهه

اعدل بالنعاوي وما تكفي اعليك
جبير انـت وهويتـك ما ملثكهه

نصر الله النصر واضح وما ضمو
يكون اسوالفك بالحد انعلكهه

يا خادم حسـين ان شاء الله ويحسين
رحيلك سوه طر بكلوب التودهه

#إنا_لله_وإنا_اليه_راجعون
#اللهم_عجل_لوليك_الفرج

عفيه زلمه مدري يا تاريخ شالك
مدري يا خيمه التضم ريشات راسك مو اتضمك
شلون تسعه اشهر ضبط شايلتك امك
وانت بس لاكيت خصمك داخ خصمك
يا رمح هذا اليحطمك
شاربك خوف الدنيا اتروحلك فدوه الرماح
كلشي تكدر يا ابو فاضل يمته تكدر تستراح
الماي نفسه يخاف منك فلذلك مستباح
امساهم بكل الصفاح
وين ما يرحون تطلع غيمه جنك من بعيد
هواي متميز ابطولك بس تمد جفك تصيد
وابد ما تبـرد حشـاك يا كـمر الله الوحيد
الله خصصلك عضيد. وكالك بالك تهيد
ومن سمعته دخيل ربك طيحت روس الوراك
منين ما دارولك اتشع سودن الوادم ضواك
والله لو ما مستحاك
جا كلبت الكون بيدك وغركت كلشي ابهواك
اهواي امور ابمحتواك
وحده منهن عطر اثر شبكات زينب ولدن جربه بكفاك
ياهو يوصل مستواك
جنت واكف بعدك اتودع الحسين وكلهه ركضت
الخيل من عندك انبغضت
رايتك عرضت وفرضت
مثل ابوك الله ياطاري ابوك
بعدك زغيرون واغتاضيت لمن كمطوك
حتى من تزعل تخبل بس ولا مره الهواشم زعلوك
ومو شويه انت ابو الاكبر اخوك
حكهم الما كابلوك
حكهم الشردو ولبدو قابليتك شي عجيب
و جان يسجد لمن يشوفك حبيب
بالخصم سويت عمله وضحكت عيون الغريب
بالوفاء و بالقتال وبالعشك همين اديب
ابكل حرب ماخذ نصيب
الحلوه من تلبس حزامك كلهه تشعر بالامان
امنكع خيامك حنان
امخلي اخ بكل مكان
ابيا صلاه مشدود كلبك ابيا شجاعه ابيا زمان
سيفك اصعب امتحان
ماكو هيج الخاطر الله جا شكد انت جبير
بيك مالات الله كلهن خير وصاحب ضمير
الله وأكبر من تغير
الروس تتوشح بدمهه وترسم الضعنك مصير
فوك هذا الحجي كله اتجيب ماي وتسكي بيدك نجمه نجمه
وتسمع يكولن ابسكته شوفت العباس نعمه
وين ما تنذكر بالطف كل مكان اتزيده همه.
( عفيه زلمه )

#يا_قمر_بني_هاشم

الما يحن كلبه عله زينب ادري ليمت يحن كلبه
الغربه تكسر خـاطر الله وزينـب بوحدهـه غربه
الصعب موصعدت الـهزله طبـت الديوان صعبه
مره وبين الروس توجع ياحزن تـركـض تـشربه

هـاي زينـب مـالـكـت بـالـدنـيا امـان
ضيـم شبعـت مـن بعـد ذاك الحـنان
اجروح يا ابو جروح ضمت بالـعبايه
العطش بلوه والخدر مو هيجي جان
______
محـنه والعطـشانـه تـلهـف يـا رمـح يطـيهـه راي
التـعطـش تـمـوت بعطـشهـه مـحد يجـبلـهه مـاي
شـلون بـله هـسـه حـلـهـا والـشـمـر رايـح وجـاي
يعينـهه الله تمشـي كوه شـكثر صاحو ياهي هاي

ياهي هاي شعدهه تركض ياهي هاي
الناس مدري شبيه بس تركض وراي  
خاف اكول اسمي وزعل الروس كلهه
انه متعوده اسولف يم اخوتي بمشتهاي
_______
طيحـت العلـويه كلفـه مـو مثـل طيحـت الـزلمـه
ويـنه ويـنـه الـضيعـتـهم  ليـل المـلاكـه شـيـلـمـه  
نـضـرت الـذبـاح تـجـرح تخـنـك المبـيـوك عـزمـه
بالضلوع الهـضم نايـم ثـلمـه مـوت حسيـن ثلـمـه

مو بعيده الـشيب يكـتل مو بيـعده
وليش اليسولف صدك ينحز وريده
وداعت الخوه الخذتهه الخيل مني
شـايـطه وتـعبانه ومحـدبه وحيـده
______
مـنـاوب الحـافـر يـتـعـب سـهـر عـيـون الـبـنـات
بـالـعبـي الـدخـان طـابـع هـاذه ضـيـم الـنـايـبـات
بـالـمشـاعـل حـركو الـدم نفـس ماضل بـالـحيـات
التشرد امـن الـطف عجـيـبه عله الرمح لازم تبـات

عله الرماح النعمه كلهه عله الرماح
الصوط حصتهه تكول ارد استراح
بـيـنـه الـعـبـاس والـعـبـاس مـيـت
فـوك كـل الضحك ذابـحنه الصـياح
_______
منيـلهـه حجايـه الغـريـبه الـنـاس عـاميـهه الـحرام
شـيوجـعـج يـاهـو الـيكـلي وانـه دره امـن الخـيام
الخـيل مدري المن جـزتني وخـدري ما يهواني كـام
بـكلبي مـوش بكلـب اخـوتي كـون كل ذيـج السـهام

ويـن اروحـن حل اريـدن وين اروح
ضلوعي كسرهه تره حجار الصطوح
الـشام بـاهـت والـهزل مابيـهه حـيل
كلـهه تسـمعني وتشتـمني مـن انـوح


✍🏻انـور السهـلانـي

https://youtu.be/Z8JwUXJ5ofI?si=WgH5uJhTQOhsyVaB

https://youtu.be/PpxtRK8__Ks?si=XRTMYSsZo1x0BnrS

علي الوادم عجـيب شبـيهه وياك
شـعـدهـه ويـاك ولـد المـو اوادم
يـمن يـرحـون فـدوه لـلـنـقطـتـين
بـس اسـمـك يـعـادل الـف عـالم
انـتـه الـعـرجـت ل الله وتـلـكاك
مـلكـه عـزاز صـار وصرت خادم
غشمـه الـيعبدونك وكت الـعلام
هـذولـه ربـات شـارع مـو مـاتم
مـا محـتاز نـاس تـقدسك هواي
جنت وكت الزعل ترسم ملاحم
يراس الخيط ليش يكرهك الذيل
وليش يسوي روحه هواي فاهم
يصرح خابص الجو مدري شيريد
تـحس يـريـد جنـه يصـير حاكم
عـلاهـي عـلـيـمـن كـافـي مولاي
ابـوك بجـيله الـغبـر جـان ضـالم
علي تعينك الزهرة عله الخلك هاي
كـل سـاعه روايـه وشـكـل نـاعم
غـريـبه افكارهم مابيـهه محصول
خلـصـنـه عـلي مـن الـمو اوادم

#خلـصـنـه_عـلي_مـن_الـمو_اوادم

الحمــد لله الذي أنعم علينا بعـطائه
اللهم ثبـت لنـا قـدم صـدق مع محـمد وآل محـمد صلوات الله علـيهم

https://youtu.be/PV65ToMMtYk?si=-CHhvit0SbVG6-Yz

عندما تكون الرساله صادقه يكون كول شي صادق

اللهم اجعلنا من المتمسّكينَ بولايةِ
ال محمد صلوات الله عليهم اجمعين إلى يوم الدٔينِ اللهم حقق امنية هاذهي الطفله بحق مولاتي الغريبه صلوات الله عليهه

شردنه من العشك شرده ولكينه حسين عاشكنه

فضل منك ازوك مو فضل مني
رخصـني وكـيف مـن ترخصـني

( يا أباعبدالله )

( كــيــان الــنــوح )

حـسـيـن مولا حـسـيـن مـولا حـسـيـن مـولا
حـسـيـن مولا حـسـيـن مـولا حـسـيـن مـولا
ـــــــــــــــــــــــــــــــــــــــــــ
( ١ )
حـبـيـب الـروح ••• كـيـان الـنـوح
الـك يـحـسـيـن ••• الـكـلـب مـذبـوح

وكـهـف حـزنـك ••• وجـرح جـفـنـك
عـزيــزي انـت ••• واحــبــنـك

تـسـوه الـعـشـك كـلـه
ذلــه الــعـمـر ذلــه
لـومـا ضـوه عـيـونـك
لـغـزي مـنـو يـحـلـه

انـا الـعـبـد وانـت الـمَـلـّك
مـذنـب واجـيـت اتـوسـلـك
طـالـب رضـا اعـلـيـك الـرضـا
كـلــمـا احــيـر اتــخـيـلــك

حـسـيـن مولا حـسـيـن مـولا حـسـيـن مـولا
حـسـيـن مولا حـسـيـن مـولا حـسـيـن مـولا
ـــــــــــــــــــــــــــــــــــــــــــ
( ٢ )
يـضـي عـيـنـي ••• يـسـاجـيـنـي
جـمـر شـوكـك ••• يـرويــنـي

شـحـلات اسـمـك ••• كـمـر جـنـك
ابـكـثـر ضـيـمـك ••• اعــزنـك

اعـمـه الـدهـر اعـمـه
الـخـانـك يـبـو اليـمـه
مـثـلـك مـنـو اتـعـذب
طـاح وخـذو هـدمـه

وحـدك تـنـاجـي بـمـصـرعك
الـحـافـر ثـكــيـل ولـوعــك
مـو حـلـوه نـايـم بـالـشـمـس
ومـحـد فــزعــلــك شــيـعــك

حـسـيـن مولا حـسـيـن مـولا حـسـيـن مـولا
حـسـيـن مولا حـسـيـن مـولا حـسـيـن مـولا
ـــــــــــــــــــــــــــــــــــــــــــ
( ٣ )
الـنـدم ثـوبـي ••• يـمـحـبـوبـي
يـفـي الله ••• اسـتـر اذنـوبـي

لـكـيـتـك در ••• وفـي وتـسـتـر
عـطـر بـابـك ••• يـطـهـر الـحـر

عـشـتـك نـهـر عـطـشـان
امـحـاوطـتـك الـعـدوان
اعـلـيـك الـسـهـام تـروج
وتـنـزف يـراعـي الـشـان

ضــاع اللــوه وضــاع الـهـوه
وخـدك عـمـت عـيـنـي انـجـوه
الله يـعــيـنـك ســيــدي
تـخــنـك صــحـاري نـيــنـوه

حـسـيـن مولا حـسـيـن مـولا حـسـيـن مـولا
حـسـيـن مولا حـسـيـن مـولا حـسـيـن مـولا
ـــــــــــــــــــــــــــــــــــــــــــ
( ٤ )
تـحـيـرنـي ••• وتــذكـرنــي
تـنــسـيـنـي ••• وتــسـهـرنـي

اضـج وتـعـب ••• وعـج ونـحـب
وصـيـحـن اخ ••• يـالـمـسـلـب

تـزحـف زحـف مـجـبـور
نـسـوانـك بـلا ســور
مـن ركـضـن احـتـاريـت
شـسـوي يـالـمـكـسـور

شـلـت ايــدك وكــلـك هــضـم
يـالـبـاقـي بـس جـلـد وعـضـم
اتــعـايـن لـلــخــيــام وتـحــن
مـحـمـلـه غـلـو كـلـوب الـخـصـم

حـسـيـن مولا حـسـيـن مـولا حـسـيـن مـولا
حـسـيـن مولا حـسـيـن مـولا حـسـيـن مـولا
ـــــــــــــــــــــــــــــــــــــــــــ
( ٥ )
كـصـر شـوفـك ••• وكـثـر خـوفـك
عـلـه عـيـالـك ••• وعـلـه جـفـوفـك

لـفـاك الـهـم ••• خـذاك الــدم
الـنـحـر منـحـور ••• يـالـمـهـنـدم

الله يـــلـعــنـه الـــمـاي
راسـك ثـمــيـن اهـواي
يـالـغـافـي جـوه الـخـيـل
وشـفـت الـحـرم حـفــاي

لا عــونــه لا عــنـدك عــرف
دارو عــلـيـك سـبـعـيـن الـف
جـسـمـك عـبـاره عـن رمـل
صـايـر وصـل وانت الـتـرف

حـسـيـن مولا حـسـيـن مـولا حـسـيـن مـولا
حـسـيـن مولا حـسـيـن مـولا حـسـيـن مـولا

✍️🏻 انـور الـسـهـلانـي

https://youtu.be/hmc83lFUXj4?si=xVZ421m---mSa2Z0

( زمزير العرب )

ما شاء الله ابو فاضل
ما شاء الله ابو فاضل

مـا شـاء الله على جـمـاله عـلى كـمـاله زمـزيـر الـعـرب
مغتاض الحار البـس لثامه بـزغ هيامه صمصام الغضب
بجفوفه السـيف رصع ثباته شكبر حلاته حيرهه الركب

مثله زلمه ما شفت دوم بحياتي
شني ينقص من اذكرنه بصلاتي
رحمه للعباس عباس شحلاته
من اذكر اسمه الغيره تلتم بلهاتي

رزن فنان طويل يساويهه من اتميل رسم حدهه
برك بالـروس براك فـطن كلـش عـراك زلم ردهـه
اخو الـما يبرد دوم لعب يلعب بالكـوم اذا شدهه

ما شاء الله ابو فاضل
ما شاء الله ابو فاضل
_______________________\
من شـافه الماي كبـر كـيانه كمـر زمانه طـوفان الـقدر
صل من يصول تهب اصوله ابو الرجوله نيشان الفخر
كر بيهه يكور حسب مزاجه سرج سراجه والحد نفطر

الامه حيل مدخنه والحومه كصيره
ومالت الله الهاشمي محدد مصيره
طوله ما ينقاس ابو الريش طويله
جـبيـر والجـايبتـه بـدويـه وجبـيـره

كلف ما ينكض حار بحيث اول ما صار فرض كدره
عـنيد بكـلشي متـاز ذهب مـادري المـاز منو يفـسره
دخيلك ما ينجاس درسهه ولاح الساس عله المهره

ما شاء الله ابو فاضل
ما شاء الله ابو فاضل
_______________________\
تخوصر ينشاف علي بشبابه الزلم تهابه نساب ضعن
حد الهه حدود عكرهه زوده كشف صموده ماهد الرسن
طوكهه طواك حكمهه بيده مثل عضيده خيال المحن  

كبر وطلعت مضاهرهه المعاجز
يمته ما تثكل صدك يلكونه جاهز
جان من زغره الكلف يهوه الكناطر
العـين زيـنب دوم ما خله حواجز

تصدر جنه شراع طبع جدمه عله الكاع اخذ حله
هل بعرفان الموت تملـك حتـه الصـوت عدل كله
عجيب معجب الكون جربة مسويه فنون مثل ضله

ما شاء الله ابو فاضل
ما شاء الله ابو فاضل
_______________________\
شريان الشوف عجبنه شوفه بغريمه خوفه خلاهه السبع
سد عين الجيش علن ضهوره يضاهي نوره لا ما ينجرع
كورهه كوار صفت اسيره الحرب جبيره وازنهه ويشع

شـلون ما وصفـته يطـلع كـله شاره
من نولد راعي الخيم يعرف مساره
بكـلـبه عـنوان الـنهر وبكـلـبه غـيره
حـاشـه لا بالله ابـد ما ينـسه ثـاره

حرز متخطي الخـوف عله الخياله يطوف ولا يهتم
تحـصن بالرحمان زرع بالحـك نيشان شـجي وغيم
سـمعـهه شلـون تـهـيد حصـدهـه ورد يصـيد المـلثم

ما شاء الله ابو فاضل
ما شاء الله ابو فاضل


#محرم_الحرام_1446هـ_
✍🏻 انـور الـسهـلانـي

https://youtu.be/czfxreB-3UE?si=ksnOYbb-8jBsEHFY

https://youtu.be/SxWl4n4gUM4?si=W6b8UdIlCmbZzc4r

📖 ( نــار الــذبــح )

اه يـالـولـد يـبـنـي
اه يـالـولـد يـبـنـي
_ _
( ١ )
نـار الـذبـح مـره * حـاركـتك الـصـحـره
نـايـم ولا جـنـك * وعـيـونـك امـجـمـره

ويـنـه الـعـطـر ويـنـه * جـان الـضـوه اشـزيـنـه
هـلـبـت اشـم نـحـرك * يـا يـمـه حـاجـيـنـه

اتـغـطـه بـعـبـات امـك
حـر كـربـلـه يـهـضـمـك
خـلـيـنـي افــييـلـك
بـس مـره لـو اضـمـك

بـرياكـه خـلـه الـعـطـش نيـشـان بـرياكـه
مـشـتـاكـه والـدلال تـعــبــان مـشـتـاكـه
افـراكــه يـشـبـه بـيـت الاحـزان افــراكـه

اه يـالـولـد يـبـنـي
اه يـالـولـد يـبـنـي
_ _
( ٢ )
يـا ضنـوة اسـنيني * ريتـه السـهـم بـعينـي
امـلـطـخ بـدمـك * عـطـشانـه الـك ارويـنـي

مـشـيـب ولا ادري * يـمـك كـبـر عـمـري
من شفتـك ترافـس * ويلـي صحـت بـزري

درب الـمـنـيـه اضـلـم
ودلالـك امــحـطـم
اتـنـاشــغ ابـهـيــده
الـحـافـر ولا يـرحـم

بـصـدره لـكـيـت اسـهـام واثـار بـصـدره
بـشـعـره الـتـراب هواي مـحـتـار بـشـعـره
بـعـمـره ولا مـضـروب بـحـجـار بـعـمـره

اه يـالـولـد يـبـنـي
اه يـالـولـد يـبـنـي
_ _
( ٣ )
حط راسك بحـضـنـي * لا يـنكـطـع يـبـنـي
دلـيـنـي بـجـروحك * لـيـش الـضـهر مـحـنـي

يـالـمـا امـل مـنـك * غـطـه الـكـلـب حـزنـك
عـثـرنـي ذبـاحــك * مـن عـايـن الـضـعـنـك

ابـنـيـاتـك اخـلافـك
حـركـتـهـن اشـفـافـك
يـردن يـنـكـطـلـك
ويـعـدلـن جـتـافـك

نسـوانـك امـن العـطش ميـتات نـسوانـك
ديـوانـك يـحـركـونـه هـيـهـات ديـوانـك
عـدوانـك يـزرعـون لـجـمـات عـدوانـك

اه يـالـولـد يـبـنـي
اه يـالـولـد يـبـنـي
_ _
( ٤ )
كـاسـرنـي وجـدانـي * افـزع تـلـگّـانـي
رف يـالـولـد رمـشـي * سـولـفـلـي شمـتـانـي

يـمـه انـزرف جـبـدي * بـيـه الـتـعـب يـحـدي
يـاهـو الـخـذه اهـدومـك * غـيـرك ولا عـنـدي

تـتـكـلـب ابـهـمـك
بـاجـر مـنـو يـلـمـك
حـيـره الـرمـح حـيـره
يـتـروه مـن دمــك

دلـيـنـي يـنـزف جـرحـك امـنـيـن دلـيـنـي
حـاجـيـنـي فـدوه يـمـه يحـسـيـن حـاجـيـني
خـلـيـنـي انـوح والـطـم الـعـيـن خـلـيـنـي

اه يـالـولـد يـبـنـي
اه يـالـولـد يـبـنـي
_ _
( ٥ )
يـحسـيـن اخـذ روحـي * واكـعـد يـمـذبـوحـي
عـايـفـنـي واتـنــازع * كـلـش ثـكـل نـوحـي

ردّنـه لـخـيـامـك * نـبـنـيـهـن احـلامـك
خـلـيـني اتـجـيـلـك * لا تـتـعـب اجـدامـك

دمـوع الـحـرم تـكـثـر
جـاوب يـالـمـوذر
حـشـمـه نـسـاويـنـك
يـتـغـربـن بـالـبـر

يـالـوالـي لـو ذبحوها الاسرار يالـوالـي
بـدلالـي تـدري تـشـتـعـل نـار بـدلالـي
يـالـغـالـي امـك حـكـهـه تحـتار يـالـغـالـي

اه يـالـولـد يـبـنـي
اه يـالـولـد يـبـنـي

✍️🏻
انـور الـسـهـلانـي


https://youtu.be/H9s-SKf76PU?si=mLpY9Z2HUrb516Sf

ياابو طول الحلو يمراية الساده
يا حافر المنك مآخذه مراده