الشاعر انور السهلاني

@sahlanya

خـادم الـمـنـبـر الـحـسـيـنـي
ابـو طـوعـه
انـور الـسـهـلانـي

الـقـصـيـده الـتـنـكـتـب راعـيـهـه الـحـسـيـن (ع)

sahlanya (Arabic)

تعتبر قناة 'انور السهلاني' المعروفة بإسم 'sahlanya' مكانًا مميزًا لعشاق القصائد والتنكات التي ترتبط بالحسين (ع). يقدم هذا القناة الفريدة خدماتها بواسطة خادم المنبر الحسيني أبو طوعه، انور السهلاني. يمكن للمشتركين في القناة الاستمتاع بقصائد ملهمة وتنكات ممتعة تجعلهم يشعرون بروح الحسين (ع) داخل قلوبهم. سواء كنت من محبي الشعر الحسيني أو ترغب في الاستمتاع بلحظات من الفكاهة والتأمل، فإن قناة 'sahlanya' هي الوجهة المثالية لك. انضم إلينا اليوم واستمتع بأجواء مليئة بالحكمة والترفيه.

الشاعر انور السهلاني

27 Jan, 23:51

شـاء الله ان يـرانـي قـتـيـلا وان يـراهـن سـبـايـا]

يـا ايـهـه الـنـازحـيـن عـن الاوطـان

الـسـفـر هذا الـسـفـر مـا يـرحـم الحال
خـل كـلـمـن يـحـط دمـعـات عـل بــال
يـا اهـلـي واخوتي وكـل الـضـعـون
بــاجر مــوت بــاجـر غـربــه وحـــبــال

قـرابـيـن احـسـبـو ارواحـكـم هـسـه قـرابـيـن
سـنـاديـن سـنـاديـن الـعـشـك ل الله الـسـناديـن
صـواويـن بـاجـر مـا تـضـل عـدنــه صـواويـن

بـاجـر روسـكـم تـنـحـط عـل الـرمـاح
بـاجـر تــره مــحـــد راح يـــرتـــاح
هــاذه مـتـاعــنـه والــنـوك تـنـبــاك
نـوك الـهـزلـه والـهـم يـحـني الصـفاح

يـا ايـهـه الـنـازحـيـن عـن الاوطـان
___________
الـضــعنـه والـخـدر هـاي اخـر ايـام
بـسوالفـنه الـعـزيـزه تخـضـر اسهـام
يـمـوت الي يـمـوت ويـعـطـش الـضـال
حـرمـنه اضـل وحـيده بـيـن الخـيام

غـريـبـات هـذن نـسـوانـه يـصـيـرن غـريـبـات
عـفـيـفـات يـمـشـن وي زلـم تالـي الـعـفـيـفـات
سـلـيـبـات بـدرب كـله هـضـم يـرحـن سـلـيـبـات

وحـده بـوحـده يـنـشـدن بالـحـبـال
الـيـطـلـع صـوتـهـه يشـتمـهـه خـيـال
الـتـعـثـر تـنـصـفـع لـو تـرفـس حـيـل
يـصـيـرن مـاي ذنـي الجـنـهـن جـبـال

يـا ايـهـه الـنـازحـيـن عـن الاوطـان
___________
عـلـمـنـه والـعـمـايـم هـاي تـنـبـاع
راح نـمـر وكـت مـا ينـصـف اسـباع
راح انـضـل عـرايه بـعـازت هـدوم
هــاي هـدومــنـه يـنـبـاكـن بــســاع

الاسيوف تـاكـل مـن ركـبـنـه هـواي الاسيوف
الـجـفـوف تـضـل اجـسـادنـه وتـضـل الـجـفـوف
الـطـفـوف مـا تـرحـم بـشـر عـطـشـان الـطـفـوف

عـمـيـه الـخيـل تـسـحك حـتـه عدلـيـن
يــدرون بــنــسـبـه احـنـه خـــيـريـــن
ذريـت مـحــمــد عـــدنــه انــصــاف
مــا نــحـرك ولا نــسـبــي نــســاويــن

يـا ايـهـه الـنـازحـيـن عـن الاوطـان
___________
بـيـنـه بـكـربـلـه يـصـيـر الـي مـاصـار
هــاي جــدامــكـم تــاكلـهــن الــنـار
وادم غـربـه تـوكـف بـيـن الـخـيـام
شـي تـشـمـر ارمـاح وشـي بـالـحجـار

بـالـسيـاط يـطـلـعـون الـخـدر حـافـي بـالسـيـاط
ال بـلـكـمـاط مـا يـسـلـم تـره حـتـه
ال بـلـكـمـاط
الــزمــاط مـزامـط علـى تـراجـي يـصـيـر الـزمـاط

نـصـيـر حـجـايـه بـاجـر فـوك الـحـلـوك
والـتـهـضـم وتـكـتـل طـبـت الــسـوك
خـدرهـاشـم يـعـتـب صـوب الـقـصور
حـامـي الخـدر فـوك الـنـهـر مـسـحـوك

يـا ايـهـه الـنـازحـيـن عـن الاوطـان
__________
ذبـح مـوت وحـوافـر تـكـطـع الـروح
سـبي وضيـم ومـلامـه تـهـيـج الجـروح
كـافـل مـاكـو والـدم يـتـرس الـكـاع
مـن هـسـه اعشـكو العـطـش والـنـوح

الـتــرايــب عـلــيـنـه مـحـد يــهــيـل الــتـرايـب
الـمـصـايـب كـلـهـه اطـيـح فـوكـانـه الـمـصـايـب
الــخـريــب مـسـكـن كـل مـره تـصـيـر الـخـرايـب

مــاكــو فـيـاي ويـفــيـي عــل الـروس
الـرايـح والـيـجـي عـل خـيـامـنـه يـدوس
واحـد واحـد يــذبــحــونـه شـيــوخ
ويــم ركـابــنـه يــبــدونـهـه الــطـوس

يـا ايـهـه الـنـازحـيـن عـن الاوطـان

✍🏻
انـور الـسـهـلانـي

1,038

الشاعر انور السهلاني

20 Jan, 19:42

الحزن صار الهويه    العشك للكاضميه
١
يضي كلبي وثباته
ولا تنمل صفاته
ابو رضا شحلاته      عجيب

المشي بدربه كرامه
ضواه يشبهه ضلامه
غـرام الله غـرامـه       الحبيب

نـمل الـدنيـه كلهـه وما نمل ذكره
يـم باب الحـوائج نلـطم ونقـره
نطلع رايه رايه شما يغيب الريح
نهب من البيوت ونترس الحضره

حسمناهه القضيه    العشك للكاضميه
___________________
٢
الحجي صار بصراحه
المشي عدنه احنه راحه
وحك موسئ وصباحه    وغربتة

بدينه الحب بدينه
تحزمنه وضوينه
نريده يمسي بينه        بحضرته

الزياره الكاضميـه بالاصل نعـمه
مو كـل الـيسرفن ينحسـب زلـمه
تـعب وفتـهم لوعـت الطـامـوره
ومـن باب المـراد اداين الخدمه

مشي نطلع سويه      العشك للكاضميه
___________________
٣
صراط الهه المواكب
زلم ترس الشوارب
صدك جنهم كواكب       عضيمه

مسيره بصف مسيره
الجرح عنوانه غيره
مصـايبـهم جـبـيـره        الهضيمه

السجن جرح الورد ما ينجرع لونه
غريـب الـماله اهـل باجر يشـعونه
ويـن اهـل الـمروه الـغالبيـن اليـل
مشـونه نشـيع ونتـخضب مشـونه

بسم شوك السبيه     العشك للكاضميه
___________________
٤
الوفه البينه عباده
البواجي عدنه عاده
توشحنه بسواده وحكمته

ابن جعفر دخيله
يحل وين الثكيله
عذاب احمر رحيله. وسجنته

اليحب لازم يضحي ويعقد النيه
هوه المـسموم حار يطـهر الريه
بـيـن شـوكنـه وبـينـة غـايـتـنـه
السـنه نسـويـهه مثـل الربعيـنيه

وحك الفاطميه العشك للكاضميه

✍️🏻انور السهلاني

1,631

الشاعر انور السهلاني

19 Jan, 09:29

https://youtu.be/nmb2EqTVUzk?si=c-lmGuzQkn6MHJ5q

1,638

الشاعر انور السهلاني

16 Jan, 08:16

من امي جبت كوله ونعي ولم عون أهدل امتوني

يا حالهه الما ينحسب حال
ضـهر الغـريبه صاير اهلال
السوك مو بس جلمه تنكال
بسـوك طبت والحجي اشكال

لحد يحشمكم بعد اليوم يوم النايبه
__________
جندوب هذا التعب جندوب
فروهه زينب كل الدروب
تشتاك لمن يلفي الغروب
للضل على التربان مكلوب

فوك الهزل مكعادهه وعرجه الهزل ما ريضت
______
يهل اللطم حيل اللطم حيل
لخت الذبيح الداسته الخيل
طلعت ابليل ويهضم الليل
عكب الهواشم شافت الويل

يا فاتحتنه الما تفض زينب جبير صوابهه
______
ماراح دوم الـوجـع ماراح
وحادي الضعن هم جان ذباح
يـعـينـهه الله ابيـن الـرماح
ومن الهضم ما ضلت اصفاح

وين العلاوي اتحزمن علويه باجر شايله
______
مات الخدر يهل الخدر مات
خلص عمرهه الحره عثرات
دايرهه مـا دايرهـه شمات
الماعدهه خيمه بالفله اتبات

لو عون يدري امه ابقصر جا هسه ذب اعكاله
______
يـنهار حـكه الـكـلب يـنهار
يهل الوكت جنه الوكت دار
الـمالـه عـشيره مـالـه نـغار
واليعطش ايمشونه ع النار

الهاشميه اخلافكم ع النار ابشركم مشت
______
شيفيد هوه الحجي شيفيد
وعد ال اميه يا خلك عيد
من الصوط ما ضلت مواعيد
وجرح المخزن ماضن يهيد

شمعطل البيهم وفه ما طرشو جنازه

✍🏻انـور الـسـهـلاني

2,103

الشاعر انور السهلاني

14 Jan, 13:16

الـما تـنـحل بيـا علـي تـنـحل
بـس كـول يا حـيدر وتسـهل

كلما اضيك يحلـهه ابو تراب
انخا وشـوف بلحضـه تكـمل

بحلكه الهله مفرعه من الكماط
شـمـا وصـفـوه بـهـواي اجـمل

كـلـش كريـم وكـلـش جـبـير
ومـن صـار كـالـو صـار الاول

فلسفت حـبه مدوخه الكلوب
ومـن يـوم يـومه علي مـعدل

طوله وشمـوخه درع الاسـلام
بـايــع كـبـل لاتـمـشـي تـسـل

امن تعرفه تـندل دربك مـنين
ثـبـت وجـودك حـتـه تـنـدل

اصل الـعشك ينـطبع بالراس
والـمـا يحـب والـيـنـه يـنـذل

#ياعلي_للموت

2,115

الشاعر انور السهلاني

10 Jan, 02:05

من امي جبت كوله ونعي ولام عون أهدل متوني

2,181

الشاعر انور السهلاني

08 Jan, 13:15

نتكاضه وي النعي امكاضه …..

2,310

الشاعر انور السهلاني

08 Jan, 10:55

فـزعـه

( يـا نـاس الـشـام نـاس تـهـدم الـحـيـل )

مـهـدور دم الـمـتــن مــهــدور
وعـود الـكـلب دلالـه مكـسـور
جـنـت بـخيـمنـه وحالـي مـسـتـور
وجـانـو يـسـمـونـي ام الـخـدور

( شـيخـت عـدنـان جـنـت انـه بـخـيـمـنـه )

مـن يـاوكـت امـشـي وبـلا راي
وعـلـيـه كـلـهه تـكـول اي هـاي
هـاشـم يـالـب كـلـبـي ويـا منـواي
ردو يـخـوتـي و طـايـح الـمــاي

(ردو والـمـاي طـايـح كـلـه لـحسـيـن )

نـوك الـهـزل مـا تـشبـهـه الـنـوك
ورحـت بـدرب مـا ضـنه مسحـوك
هـسـه انـه شنـهـي بـلـه والـسـوك
فـتـر وعـايـن كـلـبـي مــحــروك

( افـتـر والـنـاس صـاحـو خـارجـيـه )

الـبـلـوه الجـبـيـر بـلـوت الـشـام
مـا يـرحـم الـمـاعـدهـم خـيـام
شـيـرهـه يـاهلي ذيـج الايام
شـيـرد شـمـلـنه ومـلـح الـحـلام

( شـيـرد الـراح ايـسـي ونـوحـي يـا ام عـون )

مـيـتـه ولا كـل هـاي الـجـروح
مـا تـسوه اعيـش وذخري مـذبـوح
حـجـي الـشـمـاتـه يـطـلـع الـروح
وراس الـكـفـلـنـي الـغـربـتـي يـنـوح

(راس الـعـبـاس شـيـب فـوك الـرمـاح )

عـكـب الـجـفـوني تـفـرهـد الحـيـل
وليل الخـرايـب مـوحـش الـيـل
اغـفـه وافـز اسـمـع دوي صهـيـل
وتـذكـر الـسحـكـت عـلـيـه خـيـل

(خـيـل وشـمـات سـحكـت فـوك اخـوتـي )

✍️🏻
انـور الـسـهـلانـي

2,520

الشاعر انور السهلاني

07 Jan, 00:23

https://t.me/kraikw

379

الشاعر انور السهلاني

25 Dec, 00:01

( سر النابغه )
صلوات على قمر بني هاشم

سبحان الله سبحان زلمه مدري بركان
حط بالحومه نيشان / دهدار الوغه

سجيل جنه سجيل حكه يذري ويعيل
هيمن بيهه الطويل /   ما طخ وصغه

طوفان اصله طوفان لادر لاهو مرجان
ماكو هيجي فنان / سر النابغه

الـف الصـلات اعـلـه النبـي
طـب وكلـبـهـه الطـالبي
ثـبت وجـوده اعـله النـهر
وكت الحرب يرجع صبي

اشحلات العصابه / ولا طاح انكابه /مشه ابحيل الخيم
بإذن الله الواحد / ابو فاضل صامد /علم راعي العلم
ابد ما يتلاكه  / صفت كلهه ابراكه /انحسم غيضه انحسم

صلوات على قمر بني هاشم
_______\
سكاي اصله سكاي غيم سيد الماي
بيده الحكمه والراي / يعسوب الخدر

مهيوب سيفه مهيوب   غالي وضعنه محجوب
عطره يطهر الكلوب / صل ما ينكدر

صطار جفه صطار      صار ومثله ما صار
كلش فاهم وحار     /   خيال الشكر

اشمحلاته ابن فارس مضر
كل سـاعـه يكـسرله ضهر
ايـلـقـبـونـه صـكـار الـزلـم
ومـاكـو كـمـر هـوه الكـمر

جـبل من اصياره/ حكمهه ابتاره/ ضوه عيونه الحمد
وعلي من ينخونه/ ترف غيض امتونه/ دخيله من يهد
زلم كـون بـزغره / تلكـاهـه ابـصدره / يأدبـهـه ويرد

صلوات على قمر بني هاشم
_______\
مملوح طوله مملوح   عشكه ايطهر الروح
اسمه ايطيب الجروح / قرآن الوفه

ينهاب سيفه ينهاب    عالي جنه ابو تراب
سير فوك الركاب / مثل العاصفه

مشهور غيضه مشهور   عزمه بعزمه مفخور
بسم الباري منصور / باب المعرفه

حامي الخيم واهل الخيم
مـحـد يـلـزمـه لـو هـجـم
بـعده ابـطـن امـه الـتـرف
وزينب اله امفـصله العلم

يالمحـمل غيـره / يـضرغـام الـديـره / يـرواي الـشـرع
تـعـابـيـر الـوانـك / تـعـذب عـدوانـك / يـمن كلـك فـزع
عظـيمـات افـعـالـك/ مـنـو اليـدنـالـك/ يبو خـيال اليشع

صلوات على قمر بني هاشم
_______\
مقدام اصله مقدام     سيد كل الاسلام
حر من يلبس احزام / ما تبرد بعد

فزاع جدمه فزاع    نشمي امخوف الكاع
شارب ماي السباع / ميراث العهد

غلاب فيه غلاب   خوش ايحسب احساب
قانون خله واسباب / تربات المدد

من يا ضوه اشلون نخلق
عـيـشـهم انـواع الـقـلـق
طـب ابمهـرته ومبـتسم
ادخيـلك اللهي امـن انطلق

ابـو الريـشه الخـضره/ المـدخن ضـهـره/ فلـه البـيـده فـلـي
ذهـل كـل الـوادم / يـهـنـيـالج هـاشـم/ علـى ضنـوت علي
يـحلفـون ابـزوده / وحك كمرت عـوده/ جله العسكر جلي

صلوات على قمر بني هاشم
✍🏻 انور السهلاني

3,237

الشاعر انور السهلاني

25 Dec, 00:00

سر النابغه

https://youtu.be/pKYB7amr7kk?si=EJCxxn5ZkvXC0PDl

2,611

الشاعر انور السهلاني

01 Dec, 06:50

انه كل حلمي ازورك

https://youtu.be/TmcJqXbOqJ0?si=0sdezlFLTiK7g99o

3,563

الشاعر انور السهلاني

30 Nov, 07:41

فاكده ومكسوره

https://youtu.be/PXdnpIh60vg?si=YmFVQV0kDPAEb_WK

3,397

الشاعر انور السهلاني

22 Nov, 16:51

دفعو الباب

https://youtu.be/irKtGigGwfU?si=f2dWBqsWi4OLEnPL

3,652

الشاعر انور السهلاني

22 Nov, 16:27

( دفعو الباب )

ويلي ويلي ويلي ويلي ويلي. ويلاه

الباب موش اولامي
ما رحم صمصامي ::: وانـذبـح دلالـي
جلجل اعله ضلوعي
كمت احـس بدموعي ::: عابره اعله خيالي
وينه عودج وينه
صـيـحو خبريـنـه ::: صحت ماهو الغالي

صحت ماهو وعليه دفـعو الباب
والبسـمار اخذ حصه امن الحجاب
اكض اصواب كام ويطلع اصواب
بالـدم نـاكـعـه والـضـلع مـا طـاب

طحت وانباكت الراحه
حضنت اجذوع ذباحه
بصفاحي الجروح هواي
وابني كسرو اصفاحه

حيلي حيلي حيلي انهدم لوني وحيلي حيلي
ويلي ويلي ويلي ويلي ويلي. ويلاه

فوك ضيم متوني
يوجعني عيوني. ::: يـاهـو الـيـكـومـنـي
عونه اريدن عونه
المحسن يجفنونه ::: عمت عيني اعله ابني
اخ نار هدومي
دوت بين همومي ::: والـتـعب شـيبـني

عـلـيـه اتـنـاوبـو وتـغـيـر الـحـال
انوليـت الله واكـبر والـجدم مـال
الحـرك عـابـر الراس وحـارك الراس
اطـفـي ابـيــش اطـفي الهـضم كـتال

النار مجلبه بجـفوفـي
ولوني وانكـطع شـوفي
كل ساعه انهطر ماشوف
مـوتـنـي ثـمن خـوفـي

ليلي ليلي ليلي ليلي الاكشر ليلي. ليلي
ويلي ويلي ويلي ويلي ويلي. ويلاه

ملو امـن اصيـاحي
جلـبـت بصفـاحـي ::: ابـد مـا حشـمونـي
طبـو اعـله ادياري
بـيه تلـهب نـاري ::: ويـن اليـرحـمونـي
بـالـي حايـر بـالـي
فـرهـدو دلالــي ::: من كـمت سحـكوني

اشـهك والعـيون اجـذب الصوت
صلفـه عيـونهم تشـبه التـابـوت
هدمني الصوط خله ابوجهي نيشان
الوحشه مخـيمه بيه وخيـم الموت

غزوني وضيعت دربي
جبـيره النـايـبه ابكـلبي
صبـر ماضـل بعـد بيـه
المصيبه مكسره ركبي

عيني عيني عيني ضلمه صارت عيني عيني
ويلي ويلي ويلي ويلي ويلي. ويلاه

فـاكـده ومكـسـوره
عالوجـع مجبوره ::: ضاع حلم سنيـني
جنـت ما ملجـومـه
وخدري حلوه رسومـه ::: وحـيدر يـبـاريني
بلـوه اشـد مـن بلـوه
غـصـب طـبـو كـوه. ::: والخجل سـاجينـي

جـندوب التـعب والـحزن جـندوب
اليتـعب ليـش تالـي يصـير مسـلوب
انـا الـخـضـر بـعـتـبـتـهـه الـفـيـاي
اشـو هسـه ابعـتبتي الحـايـط ايـلوب

الـحايـط مـن اجـه اعـليـه
ذب جـوره وخـذل بـيـه
ابـطـولي صـارن الحـسـرات
نـهـبــني ارمـاد رجـلــيـه

سيلي سيلي سيلي يا مدامع سيلي سيلي
ويلي ويلي ويلي ويلي ويلي. ويلاه

انور السهلاني

3,512

الشاعر انور السهلاني

21 Nov, 16:25

( تـم الاسـتعداد )

مـتى الفـرج.        مـتى الفـرج

خدام وانصار وكت الهمه افزع بينه
ثوار للموت نبقه ارجالك يا مهـدينه
العنوان وياك يكبر من اضيك اعلينه

انضحي وما نسكت مولاي بغضن بالحاقد
شيعه اتعلمنه امن حسين عالحق انجاهد
من الله العون ومن نغتاض ما نهوه البارد

هاي زلمك هاي     شـادين الراي
شايلين اكلوب       مـره يا مولاي
حار حشم حار     من تلـمـهم نار
تـم الاسـتعداد     اتحـضرو للـثار

مـتى الفـرج.        مـتى الفـرج
______\
العدوان يالعود كثرت يرادلهه املاكه
يا سيف الـدين الدين اتـوحـد عشاكه
الغوث الغوث الناس امفرعه ومشتاكه

عجل وحكم وكطع روس حكام الباطل
يا ابن اليـشهدله الـتاريخ خيال وعادل
انفض حيلك يالمـهضوم صيرلنه الـكافل

كوم يالموعود          يالمربي احيود
انت قائد عام         واحنه كلنه اجنود
يمته يالسلطان        اتشرف الميدان
والمدد والعون         من كمر عدنان

مـتى الفـرج.        مـتى الفـرج
_____\
امتانين الصوت البي نكسر عين الضالم
هيهـات انخاف انخـانه وعـاين يالـقائم
بالروح بالدم نبصمـلك يا هيـبة هاشم

اضـهر خلصـنه بـيمـناك ذل الـباعـونه
كـلا كـلا الـشـيـطـان نخـضع يـردونـه
حزمنه بعـشك العباس كـل ما عادونه

يا سهيل العين        وين غايب وين
روجـنه ابلـياك          ينـقسم نصـين
حبك الكتال             يسري بالدلال
عالِم وفنان            مدرك الأجـيال

مـتى الفـرج.        مـتى الفـرج
________\
بركان الشوك لو فاض ايهدم المعموره
خلينه انصول وانكص احمول المذعوره
بحدود الغيم نرسم للثار افضل صوره

مضمون اليسكت مغلوب واليسكت ويله
اهواي انعرف العيله اهواي احنه اهل العيله
بـس آمـر يالمهـدي وكـول يـمعـدل المـيله

لا تلف انكاب           يله يالطلاب
جيب ذوالفقار        صير داحي الباب
موقفك معروف     ما تعرف الخوف
هاشمي مهيوب     بالخيم مجروف

مـتى الفـرج.        مـتى الفـرج

✍🏻 انور السهلاني

3,252

الشاعر انور السهلاني

21 Nov, 16:24