قصائد حسينيه مكتوبه+اللحن

شلون حالك من بقيت الوحدك
حسين بين عداك حاير وابهـلك
ـــــــــــــــــــــــــــــــــــــــــــــــــــــــــــ
شلون من ظليت وحدك وشكلت
بالخيم محتار وبروحك حرت
يا ابو اليمه شلون حالك وشصرت

والسهم يا حسين نابت بظهرك
شلون حالك من بقيت الوحدك
حسين بين عداك حاير وابهـلك
ـــــــــــــــــــــــــــــــــــــــــــــــــــــــــــ
صحت من ناصر ولا تسمع خبر
رد عليك اعداك سهم البالظهر
والسهام عليك صارت چن مطر

بعد ما ظنيت واحد ينصرك
شلون حالك من بقيت الوحدك
حسين بين عداك حاير وابهـلك
ـــــــــــــــــــــــــــــــــــــــــــــــــــــــــــ
شكال كلبك من شفت نار الخيم
وشفت تركض كامت كبالك حرم
حسين صار عليك ضعفين الالم

والسهام حسين حيل تآلمك
شلون حالك من بقيت الوحدك
حسين بين عداك حاير وابهـلك
ـــــــــــــــــــــــــــــــــــــــــــــــــــــــــــ
حسين حركوها الخيم وانت عدل
وعينك تعاين نذل يسبك نذل
تشب نار خيام ودمومك تهل

ياوكت ضمها المصايب بس الك
شلون حالك من بقيت الوحدك
حسين بين عداك حاير وابهـلك
ـــــــــــــــــــــــــــــــــــــــــــــــــــــــــ
تنظر النسوان كلها مخدره
كبال عينك لنها تركض عالثره
بين نيران وجيوش محيره

جرحك وجرح الحرم هم ضاهدك
شلون حالك من بقيت الوحدك
حسين بين عداك حاير وابهـلك
ـــــــــــــــــــــــــــــــــــــــــــــــــــــــــــ
الشاعر حسام الجنابي
القصائد للثواب

https://www.facebook.com/share/g/15t5mSHTGj/

ارجو الانظمام گروب حسيني

على اشفاك العذاب من العطش واضح
واضح عالوجه كل حيل هم رايح
وعلى وجهك تعب نار التعب لايح
هظم يحسين بعيونك رسم جارح
ظمه اعله تراب دمك ياسبع سايح
يا طايح جريمه المثلك الطايح
هوه اشظال ببك ويوصلك ذابح
نعي
الشاعر حسام الجنابي

ثلث تيام جسمه عالثره امكطع
وزينب رايحه اعله الشام ماترجع
ـــــــــــــــــــــــــــــــــــــــــــــــــــــ
ثلث تيام ما واحد تعناله
لاواحد گرب لحسينه وشاله
حاله حسين ماواحد مثل حاله
داست فوكه جسمه حسين خياله

وسفه حسين ماواحد اله اليفزع
ثلث تيام جسمه عالثره امكطع
وزينب رايحه اعله الشام ماترجع
ـــــــــــــــــــــــــــــــــــــــــــــــــــــ
مامدفون ظل حسين ابو اليمه
جسمه موذر ومحد تره ايلمه
وكل وذره ابكتر صاير بعد جسمه
ودمه حسين يابس عالترب دمه

ماصاير ابد بالكون هل المصرع
ثلث تيام جسمه عالثره امكطع
وزينب رايحه اعله الشام ماترجع
ـــــــــــــــــــــــــــــــــــــــــــــــــــــ
ماظل بيه وصف جسمه ويشوفونه
وراسه منكطع وماظن يعرفونه
شلون حسين بعد اهله يوصفونه
غيرها السحك لوصافه تدرونه

وعين اخته العقيله تجري المدمع
ثلث تيام جسمه عالثره امكطع
وزينب رايحه اعله الشام ماترجع
ـــــــــــــــــــــــــــــــــــــــــــــــــــــ
علجتاف الهزل زينب تعاين له
بيك الحال ياخويه الوكت شله
يحسين الغرب مايرحم اتكله
تفسر حالي وانه ابكلبي الف عله

ياريت وياك ميته ولا اره او اسمع
ثلث تيام جسمه عالثره امكطع
وزينب رايحه اعله الشام ماترجع
ـــــــــــــــــــــــــــــــــــــــــــــــــــــ
مثل هاي المصايب ماجرت مره
وظلم بالكون ماصاير عله العتره
ومثل حسين ياهو اليوصل الگدره
وتاليها الشمر بيده ويحز نحره

وعلى صدره الشمر ياوسفه يتربع
ثلث تيام جسمه عالثره امكطع
وزينب رايحه اعله الشام ماترجع
ـــــــــــــــــــــــــــــــــــــــــــــــــــــ
الشاعر حسام الجنابي
القصائد للثواب

زينب للغرب ردة من جديد
والشمر چنه سباها ويم يزيد
ــــــــــــــــــــــــــــــــــــــــــــــ
چنها زينب هاي عالناگه اصعدة
وچنها بين الگوم ردت عاودة
قصتها زينب بالغرب لا مانتهت
اه الشام چنها اليوم زينب رددة

ماگظت دنيانه من عدها اشتريد
زينب للغرب ردة من جديد
والشمر چنه سباها ويم يزيد
ـــــــــــــــــــــــــــــــــــــــــــــــــ
ظلت بين لخوارج بالغرب متمرمره
ماگظت لساها مسبيه غريبه الطاهره
من بعد عباس لساها العقيله امحيره
نسميها الغريبه انوب موزينب تره

ثارها ابين النواصب ظل شهيد
زينب للغرب ردة من جديد
والشمر چنه سباها ويم يزيد
ــــــــــــــــــــــــــــــــــــــــــــــــــــ
وحالها ام عون الاسيره امگيده
وچنه كل الصار بالطف والوسده
وچنها بين الگــــــوم زينب گاعده
وين يا عباس صوت اتردده

ماهدة يوم العقيله او ما تهيد
زينب للغرب ردة من جديد
والشمر چنه سباها ويم يزيد
ــــــــــــــــــــــــــــــــــــــــــــــــــــــ
عيد چنه اليوم عدهم من لفو
طبو الصحن العقيله وكبرو
الله وكبر صاحو ابيوم الاجو
چنه هسه حسين مات وأسرو

اسروها وطبت الشام اعله عيد
زينب للغرب ردة من جديد
والشمر چنه سباها ويم يزيد
ـــــــــــــــــــــــــــــــــــــــــــــــــــــــــ
عيد عدهم لسه عيد احفاده
لسه دم عدهم مباح الساده
وذبح صار الشيعي عدهم عاده
صح يزيد افعاله هاي اولاده

يذبح الطفل اليگولن ماي اريد
زينب للغرب ردة من جديد
والشمر چنه سباها ويم يزيد
ـــــــــــــــــــــــــــــــــــــــــــــــــــ

مكسوره الضلوع وحيل مالومه
واسوها الزچيه هواي مظلومه
......
ماتت من المها وحيل مقهوره
وظلوع الزچيه هواي مكسوره
لاحاها الزمان ابظلمه وبجوره
ومهشومه الظلوع وحيل مهدومه

مكسوره الضلوع وحيل مالومه
واسوها الزچيه هواي مظلومه
.......
بسكوت الونين تون تره الزهره
مخنوگه تون ياناس وبعبره
ومن عده النفس ظايگ تره الحره
ماتت من قهرها وحيل مهظومه

مكسوره الضلوع وحيل مالومه
واسوها الزچيه هواي مظلومه
.......
موهينه عليها الباب دفعتها
ظلوع ام الحسن يانس كسرتها
عالزهره ثكيله الباب طبگتها
ماتت من زغرها الزهره محرومه

مكسوره الضلوع وحيل مالومه
واسوها الزچيه هواي مظلومه
........
من اجدوع باب وطبگت اعليها
ماتحل ثگلها الزهره تاذبها
ومايرحم عدوها اشلون تاليها
كل قوته النذل يدفعا وي گومه

مكسوره الضلوع وحيل مالومه
واسوها الزچيه هواي مظلومه
......
هظموها الزچيه اهواي هظموها
وتنادي وراها الباب سمعوها
يدرون الزچيه وحيل دفعوها
ماتت والزچيه اهوايه مظيومه

مكسوره الضلوع وحيل مالومه
واسوها الزچيه هواي مظلومه
.......
مظلومه وتون اليل ماهادت
من كسر الظلوع اليل مانامت
ظلت بالونبن الزهره حد ماتت
وظل مخفي الگبر لساها معلومه

مكسوره الضلوع وحيل مالومه
واسوها الزچيه هواي مظلومه
......
الشاعر حسام الجنابي

عگبچ يالزچيه اشلون
حياتي اشلون اگضيها
نار ابفرگتچ تلهب
صعبه هوايه تدريها
ـــــــــــــــــــــــــــــــــــــ
صوبني الزمان سهام
ياهو الچان يحملهن
هدن حيلي يالزهره
الموت اهون ترا منهن
وسهام الغدر تاذي
عدوي وصار شامتهن
روحي وماتت ابروحي
گولي اشلون اواسيها
عگبچ يالزچيه اشلون
حياتي اشلون اگضيها
نار ابفرگتچ تلهب
صعبه هوايه تدريها
ـــــــــــــــــــــــــــــــــــــ
اواسي الروح بالفرگه
تكتل فرگت غيابچ
ويالمالچ بعد رجعه
صعبه العيشه لحبابچ
تزهي الدار چانت بيچ
وظلن وطال محرابچ
ياروحي وإنسها انت
روحي اشلون اداريها
عگبچ يالزچيه اشلون
حياتي اشلون اگضيها
نار ابفرگتچ تلهب
صعبه هوايه تدريها
ـــــــــــــــــــــــــــــــــــــ
يالبعدچ بقيت وحيد
حيدر عايش ابغربه
حيدر ماتهمه الكون
بس ابفرگتچ صعبه
بيچ الوكت صوبني
فاز ابغيبتچ حربه
عيني المايسدها انسان
انت الدنيه والبيها
عگبچ يالزچيه اشلون
حياتي اشلون اگضيها
نار ابفرگتچ تلهب
صعبه هوايه تدريها
ـــــــــــــــــــــــــــــــــــــ
يانار البعد تسري
وماظن يحصل ملاگه
تظل نار البعد تلهب
لو طول تره فراگه
واليعشگ صدگ معشوگ
تظل الروح مشتاگه
ظاگت يالزچيه هواي
بيمن روحي اسليها
عگبچ يالزچيه اشلون
حياتي اشلون اگضيها
نار ابفرگتچ تلهب
صعبه هوايه تدريها
ـــــــــــــــــــــــــــــــــــــ
ياروحي وعزيزه الروح
مخنوگه بغيابچ هاي
بيدي ادفنه صعبه الروح
يالزهره عليه هواي
شيطيبها هلعله
يظل كل عمره نفس الداي
بعد هيهات والهيهات
حسره ابگلبي اخليها

عگبچ يالزچيه اشلون
حياتي اشلون اگضيها
نار ابفرگتچ تلهب
صعبه هوايه تدريها
ـــــــــــــــــــــــــــــــــــــ
الشاعر حسام الجنابي
القصائد للثواب

علينه اليل چـلـچـل وحنه نسوان
وعلينه يتمرجل گام يـاهــو چان
هيچ الحرمه تالي إظل بلا اخوان
أهـم بـعـيالي لو بالمـات عطـشان
مـسـلوبه الـهـدوم وظـال عـريان
وصـدره صـار حـسـين مـــيـدان
مـوذر حـسيـن وعلـى الـــتـربان
وحرت ببن العليل وبين عدوان
صفينه بهيمه ماظل بيها المچان
ولا ظل واحد البيهم حميه
الشاعر حسام الجنابي
نسالكم الدعاء

شلون حاله وشاف ضلع الطاهره
شافها اضلوع الزجيه مكسره
ــــــــــــــــــــــــــــــــــــــ
شلون حاله وشاف ضلع ام الحسن
وعلى حيدر صبت اشكال المحن
وصبت ادموعه علي ابساع اوجرن

نزل نار الدمع عالوجنه وجره
شلون حاله وشاف ضلع الطاهره
شافها اضلوع الزجيه مكسره
ــــــــــــــــــــــــــــــــــــــ
حاله جان اشلون لمن شافها
ابعينه شاف امرضرضات جتافها
الزهراء شاف مغيرات اوصافها

حال حيدر بعد ياهو اليجبره
شلون حاله وشاف ضلع الطاهره
شافها اضلوع الزجيه مكسره
ــــــــــــــــــــــــــــــــــــــ
بت حبيب الله الزجيه امودعه
لنها مكسور الضلع ويرجعه
على حيدر حلت اكبر فاجعه

وعلى مصاب الزهره شنهو ايصبره
شلون حاله وشاف ضلع الطاهره
شافها اضلوع الزجيه مكسره
ــــــــــــــــــــــــــــــــــــــ
مرد كلبه مصابها وحيله انهدم
الموت عنده ايهون ولا هذا الالم
صعب حيل امصابها وبيها انصدم

حيدر امصاب الزجيه المرمره
شلون حاله وشاف ضلع الطاهره
شافها اضلوع الزجيه مكسره
ــــــــــــــــــــــــــــــــــــــ
حسن وحسين الزجيه اكبالها
وحيدر الزينب يعاين حالها
وكام حيدر عالزجيه وشالها

وزينب تعاين عليها محيره
شلون حاله وشاف ضلع الطاهره
شافها اضلوع الزجيه مكسره
ــــــــــــــــــــــــــــــــــــــ
شالها ابليل العزيزه فاطمه
على متونه ابليله وحشه ومظلمه
وروحه ظلت بالمكابر هايمه

وبو فاطم بيها فاطم مادره
شافها اضلوع الزجيه مكسره
شلون حاله وشاف ضلع الطاهره
ــــــــــــــــــــــــــــــــــــــ
الشاعر حسام الجنابي
القصائد للثواب

زينب اختك منهدم كل حيلها
ورايتك عباس منهو ايشيلها
——————————————-
اثنينهين ظلن تره ابلايه كفيل
وبينهن عالغبره اخيك هم جتيل
اليسوه والمايسوه بيهن ظل يعيل

وهجمت اجيوش الكفر كل خيلها
زينب اختك منهدم كل حيلها
————————————————
تدري زينب يالكفيل امعوده
والضعن مايمشي تدري الوحده
اشلون حال الحره يحدوها العده

اليل لو جل ماتنام ابليلها
زينب اختك منهدم كل حيلها
————————————————
لا كفيل ورايه زينب بالغرب
هم اسيره وتمشي من درب الدرب
وينها وين المصايب والحرب

تبجي زينب والدموع اتسيلها
زينب اختك منهدم كل حيلها————————————
غربه ياعباس يحدونه الضعن
والحرم عباس تدري اتروعن
ونوك هزل يابو فاضل وصعدن

عكب عينك منهو ظل يربيلها
زينب اختك منهدم كل حيلها
————————————-
جانت الحره ابحضورك ماتحير
وهذه كله الصار بيهم ما يصير
جنت كلشي الهم ياعباس وچبير

النوك كالت هاي زينب ويلها
زينب اختك منهدم كل حيلها
————————————-
الشاعر حسام عبد علي
القصائد للثواب

هل نور ابو فاطمه هل نوره هاليله
هل نور رب السمه هل نوره هاليله
ـــــــــــــ
نور الولايه ليله هل
نور ابو القام هل كمل
اليله هل خير العمل

كامل مكمل عالبشر تنزيله
هل نور ابو فاطمه هل نوره هاليله
هل نور رب السمه هل نوره هاليله
ـــــــــــــ
يانور كامل بالعلم وكفايه
نازل هديه للبشر وبأيه
جنه ويبشر بالجنان هوايه

وسبحان رب الحكمه هم يوحيله
هل نور ابو فاطمه هل نوره هاليله
هل نور رب السمه هل نوره هاليله
ـــــــــــــ
مو هوه سبحانه الجليل اختاره
عالبشر وعالكون شع انواره
ونبع الولايه صار من اصياره

ومن فاطمه حسين وحسن تكميله
هل نور ابو فاطمه هل نوره هاليله
هل نور رب السمه هل نوره هاليله
ـــــــــــــ
هليله مبتشره البشر من نوره
والملك والسبعه الشدد مسروره
فرحانه وبسيدها ماخذ دوره

جبريل وملاك السماه تدعيله
هل نور ابو فاطمه هل نوره هاليله
هل نور رب السمه هل نوره هاليله
ـــــــــــــ
فرحانه كلها الكون فرحانه
ابمولود حبيب الباري ويانه
ونجوم فرحن لجله بسمانه

وعينه الحبيبه الباري تربيله
هل نور ابو فاطمه هل نوره هاليله
هل نور رب السمه هل نوره هاليله
ـــــــــــــ
يامحله نور النازل بكل ديره
بالعلم كامل والخلق والغيره
تفسيره يصعب عالبشر تفسيره

ونبعث تهاني المصطفى ونهديله
هل نور ابو فاطمه هل نوره هاليله
هل نور رب السمه هل نوره هاليله
ـــــــــــــ
الشاعر حسام الجنابي
القصائد للثواب

شيخلصه الدرب للشام
تنادي الزينب رقيه
ما نرجع بعد للدار
تعبت عمه رجليه
ـــــــــــــــــــــــــــــــــــــــــــــــــــــــــــــــ
ابوي حسين چاوينه
وعمي الچان ماهوه
اشوفن بس علي السجاد
يمشي وحاله يتلوه
وحادي للضعن ماشوف
والعباس مو هوه
تعبنه السفر عمه
وماظل حيل هم بيه

شيخلصه الدرب للشام
تنادي الزينب رقيه
مانرجع بعد للدار
تعبت عمه رجليه
ـــــــــــــــــــــــــــــــــــــــــــــــــــــــــــــــ
غريب الحادي بضعونچ
ما شايفته يا عمه
تگلها مارحم بينه
ومانبريله الذمه
حاقد عالضعن چنه
والسجاد هل دمه
اشوفن مابگالچ حيل
وشوف الهامه محنيه

شيخلصه الدرب للشام
تنادي الزينب رقيه
مانرجع بعد للدار
تعبت عمه رجليه
ـــــــــــــــــــــــــــــــــــــــــــــــــــــــــــــــ
محنيه تره امن الظيم
و عين الما أشيلنها
اشيلن هامتي عمه
وعليمن عيني اخلنها
تگلها رقيه عوفينه
غريبه الناس اشوفنها
هم نلگه الاهل بالدار
لو صارت بعد جيه

شيخلصه الدرب للشام
تنادي الزينب رقيه
مانرجع بعد للدار
تعبت عمه رجليه
ـــــــــــــــــــــــــــــــــــــــــــــــــــــــــــــــ
يخلص يمته ممشانه
شو طال الدرب بينه
عطش وتراب والهيمه
ومن هل الدرب ملينه
گليلي اشبعد للشام
وبيها اشعدنه حاچينه
نمشي هواي صارنه
وين الدرب تاليه

شيخلصه الدرب للشام
تنادي الزينب رقيه
مانرجع بعد للدار
تعبت عمه رجليه
ـــــــــــــــــــــــــــــــــــــــــــــــــــــــــــــــ
طول والمسير هواي
لا نومه ولا گعده
ليالي هواي صارنه
من شده لعد شده
نمشي انهارها وي ليله
ويانه الحادي وشعنده
عطش والجوع هد حيلي
وريدن شربت اميه
شيخلصه الدرب للشام
تنادي الزينب رقيه
مانرجع بعد للدار
تعبت عمه رجليه
ـــــــــــــــــــــــــــــــــــــــــــــــــــــــــــــــ
وشعدنه يعمه هناك
حته الشام نمشيله
عينچ لا تشوف الشام
لو طبينه هل اليله
غربه وما نعرف الناس
زينب منهي والعيله
يشوفنه الخلگ ياحيف
انه وانت مسبيه

شيخلصه الدرب للشام
تنادي الزينب رقيه
مانرجع بعد للدار
تعبت عمه رجليه
ـــــــــــــــــــــــــــــــــــــــــــــــــــــــــــــــ
الشاعر حسام الجنابي
القصائد للثواب
https://vt.tiktok.com/ZS25tPaYo/

لحن القصيده

حسين خويه الناس الاسود ذبته
ونه زينب كلبي ظل بحيرته
ــــــــــــــــــــــــــــــــــــــــــــــــــــــ
كلبي ظل يحسين حزنان العمر
والفرح هيهات من بعدك يمر
تدري بخلافك بعد محمل هجر

الحزن روحي من غيابك خاوته
حسين خويه الناس الاسود ذبته
ونه زينب كلبي ضل بحيرته
ـــــــــــــــــــــــــــــــــــــ
حسين خاويته الحزن من غيبتك
وروح مذبوحه تراها ابفرگتك
وطاح حيلي حسين خويه بطيحتك

زينب المر ابغيابك جرعته
حسين خويه الناس الاسود ذبته
ونه زينب كلبي ضل بحيرته
ـــــــــــــــــــــــــــــــــــــ
حسين اخيتك ظاله بثوب المحن
حسين موش ايام اعدهن ونتهن
توهن بكلبي النوايب هل بدن

كلب زينب ظال خويه بلوعته
حسين خويه الناس الاسود ذبته
ونه زينب كلبي ضل بحيرته
ـــــــــــــــــــــــــــــــــــــ
حسين متلوعه اضل كل السنين
ولا سنه دور ونعوفك ياحسين
ولا نذب احزان وتعد اربعين

روحي شالت ضيم منهي الحملته
حسين خويه الناس الاسود ذبته
ونه زينب كلبي ضل بحيرته
ـــــــــــــــــــــــــــــــــــــ
وربعينك ماخلص طول الدهر
ولا علينه مصابك اليوم وعبر
حسين فكدك تارس اكليبي قهر

الموت روحي من غيابك رادته
حسين خويه الناس الاسود ذبته
ونه زينب كلبي ضل بحيرته
ـــــــــــــــــــــــــــــــــــــ
اتمنت الموت بغيابك روحي
وخطره ظلت دوم بيها اجروحي
وسلوتي احزاني وتضل ونوحي

زينب الموت بغيابك شافته
حسين خويه الناس الاسود ذبته
ونه زينب كلبي ضل بحيرته
ـــــــــــــــــــــــــــــــــــــ
الشاعر حسام الجنابي
القصائد للثواب

الف موته ابطريق الشام متنه
و السجاد الحديد الهدل متنه
ونكل للحادي تاني يگول متنه
وكل ساعه طفل طايح عليه
الشاعر حسام الجنابي

كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ
ظل وحيد وظل يدير ابعينه
حسين ماواحد بقاله ايعينه
عن يساره يلتفت ويمينه
بيده بس بتاره
مذبحين انصاره
سهام يرمون العدو والحجار
..... ...... .....
كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ
حسين لا ماله مثيل ابكربله
حسين وعياله تضل امجهوله
لا الـه اينصروه وعياله المله
وزينب الحيرانه
وطفلته العطشانه
بين نار اخيامه وبگلبه النار
..... ..... .....
كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ
سهام من كل صوب وحده وصابته
وبالحجر صابوه حسين ابهامته
طاح عالگاع الچبيره امصيبته
ونهدم كل حيله
وعينه ظل عالعيله
حاير ابروحه وعليهم يندار
.... .... .....
كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ
حسين لاناصر يضل الوحده
وزينب اتعاين عليه وتشاهده
والشمر بالسيف يمه ايهدده
بيده لازم خنجره
ماكو واحد ينحره
وحاطو اعله حسين كلهم كفار
.... .... .. .....
كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ
والرمل حار وتمدد عالثره
وسال دمه حسين عالغبره جره
اتربع اعليه الشمر حز منحره
وگطعه من متونه
حسين صار اشلونه
وسلبوه زمرت اميه الاشرار
.... ....... ......
كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ
راسه مگطوع وغريب اعله الترب
ظل غريب ومات بديار الغرب
حسين وحده ايگطع انياط الگلب
والحوافر داسته
هيج صارت حالته
حالته المحد مثلها والا صار
... ...... ...... ....
كلها اخوته اتذبحت والنصار
حسين بالطف ظل وحيد ومحتار
حسين وحده ابكربله
ذبحوهم كل هله
كلها اخوته اتذبحت والنصار
ــــــــــــــــــــــــــــــــــــــــــــــــــــ

الشاعر حسام الجنابي
القصائد للثواب

غير حسين بيها الدنيه ماعدها
تريد رقيه يحضر يمها والـدها
.............
غير حسين مايمليهن عيـوني
اريد حسين ابوي ولا تلوموني
يم حسين عمه الساعه ودوني

يجيها الليله ابوها رقيه واعدها
غير حسين بيها الدنيه ماعدها
تريد رقيه يحضر يمها والــدها
.............
تبجي اليل ماهــاده ولا لحـــضه
غير حسين ابوها رقيه ماتـرضـه
بسم حسين لسان رقيه كل لفضه

ادموع افراك ابوها غركت خدها
غير حسين بيها الدنيه ماعـدها
تريد رقيه يحضر يمـها والـــدها
.............
ماترضــه بشــر حته يســــكتـوها
عزيز حســين من عنده يحرموها
وعند حسين عزيزه رقيه يدروها

غالي حسين وين الي اله ايردها
غير حسين بيــها الدنيه ماعدها
تريد رقيــه يحـضر يمها والــدها
.............
من حضن الابو حرمو ها الابنيه
حنين ومن حنانه انحرمت رقيه
تنادي حسين يـمـته جاترد ليــه

عله فكد الابو ياهو اليساعدها
غير حسين بيها الدنيه ماعدها
تريد رقيه يحضر يمها والـدها
.............
جابو بالطشت راس العــزيز حسـين
شوبس راسك وباقي الجسم جاوين
ليش مخضب بدمك يابعـــد العيـــن

بويـه اكــعد هالكـلمه تـرددهـــا
غير حسين بيها الدنيه ماعدها
تريد رقيه يحضر يمها والـدها
.............
شافوها وعلى راس الابو سـكته
ولنها الطفله فــوك الراس هم ميته
جنها تكله يحسين وهله بجيته

عدوانك يبويه رقيه ظاهدها
غير حسين بها الدنيه ماعدها
تريد رقيه يحضر يمها والدها
.............
من شافت ابوها الطفله مو سهله
ياهو الذابـــحك يحسيــن وتكـله
شبكت راس ابوها وماتت الطفله

ماتت والعليل بعينه شاهــدها
غير حسين بيها الدنيه ماعدها
تريد رقيه يحضر يمها واـلدها
.............

الشاعر حسام الجنابي
القصائد للثواب

تعال وشوف غربتنه اشكبرها
اختك بالغرب محد يمرها
وشوف اشصار بالشام
زينب ويه الايتام
تعال وشوف غربتنه اشكبرها
ـــــــــــــــــــــــــــــــــــــــــــــ
زبنب والحرم سابيها كفار
مجتوفه ابحبل يرموها بحجار
محد يدري بينه اشصار ماصار
فرونه الديار وغربه الاديار
يسموني الاسيره
وانه اختك اميره
مو اني انظرب تالي عمرها
...
تعال وشوف غربتنه اشكبرها
اختك بالغرب محد يمرها
وشوف اشصار بالشام
زينب ويه الايتام
تعال وشوف غربتنه اشكبرها
ـــــــــــــــــــــــــــــــــــــــــــ
عاين حالها اختك زينب وشوف
عالنوك الهزل مجتوفه الچفوف
مهظومه ووحيده بين الصفوف
ماخلصت مصيبة يوم الطفوف
تنظر بس علينه
ومجتوفات ابدينه
يمك ريت هم صابر كبرها
.....
تعال وشوف غربتنه اشكبرها
اختك بالغرب محد يمرها
وشوف اشصار بالشام
زينب ويه الايتام
تعال وشوف غربتنه اشكبرها
ــــــــــــــــــــــــــــــــــــــــــــــ
مانحمل غرب انه وخواتي
بالشام الغرب يكتل يغاتي
وتدري اذياله امحرك عباتي
وبيها ايلوذن ايتام امهاتي
وين انروح بالشام
ماعدهم تره اسلام
ريت وياك كطعو هم نحرها
......
تعال وشوف غربتنه اشكبرها
اختك بالغرب محد يمرها
وشوف اشصار بالشام
زينب ويه الايتام
تعال وشوف غربتنه اشكبرها
ـــــــــــــــــــــــــــــــــــــــــــــــــ
مرني ابطيف حته ارتاح مره
عباس الحيات اهوايه مره
موش الها اليسر تدريها حره
ياكفالي ونت ابحالي ادره
مامر نوم عيني
ياطيف اليجيني
مايحمل بشر زينب يسرها
......
تعال وشوف غربتنه اشكبرها
اختك بالغرب محد يمرها
وشوف اشصار بالشام
زينب ويه الايتام
تعال وشوف غربتنه اشكبرها
ــــــــــــــــــــــــــــــــــــ
ياهو الشافني وكالو اسيره
هاي التكسر الخاطر چبيره
عالتربان تكعد مو حصيره
شلون الحال بالچانت اميره
كعدن بالخرايب
ماعدهن كرايب
ومتوني زرك ماراح اثرها
......
تعال وشوف غربتنه اشكرها
اختك بالغرب محد يمرها
وشوف اشصار بالشام
زينب ويه الايتام
تعال وشوف غربتنه اشكرها
ــــــــــــــــــــــــــــــــــــــــــــــ
الشاعر حسام الجنابي
نسالكم الدعاء

شفت الرايه عباس انهدم حالي
اثر طعنات بيها اهوايه يالغالي
ــــــــــــــــــــــــــ
تنادي ام البنين الكافل الرايه
منها تبين الافعال والغايه
بيك ضنوني صدكت يلولد هايه

يكفاي ويرفعت راسي للتالي
شفت الرايه عباس انهدم حالي
اثر طعنات بيها اهوايه يالغالي
ــــــــــــــــــــــــــ
من ام البنين اعله النهر نادت
وين الرايه صاحبها البطل كالت
بيك اضنوني ياعباس ماخابت

وياك الموت يبني هوايه يحلالي
شفت الرايه عباس انهدم حالي
اثر طعنات بيها اهوايه يالغالي
ــــــــــــــــــــــــــ
كل ضني ترد يوليدي اشوفنك
وشوف الرايه يبني تحدي بضعنك
تالي مكطعينك عالنهر لنك

ترد يبني وشوفك سالم اكبالي
شفت الرايه عباس انهدم حالي
اثر طعنات بيها اهوايه يالغالي
ــــــــــــــــــــــــــ
يبني اشباقي بيها الرايه انه امك
وجسمك هسه كلي شحاله چاجسمك
وجسمك عالترب يوليدي شيلمك

ترد والرايه سالم يبني حسبالي
شفت الرايه عباس انهدم حالي
اثر طعنات بيها اهوايه يالغالي
ــــــــــــــــــــــــــ
الف طعنه وقليله ابرايتك عباس
جم سيف سهم صابوها من الناس
انه ام البنين امك يابو النوماس

مثل الرايه جسمك منمرد بالي
شفت الرايه عباس انهدم حالي
اثر طعنات بيها اهوايه يالغالي
ــــــــــــــــــــــــــ
طعنات الشفتها ابرايتك كثره
من كثر الطعن هالرايه شو حمره
من كثر السهام الطعنته ابضهره

يافخر الهواشم يبني وهلالي
شفت الرايه عباس انهدم حالي
اثر طعنات بيها اهوايه يالغالي
ــــــــــــــــــــــــــ
الشاعر حسام الجنابي
القصائد للثواب

وين ياعباس زينب بالغرب
وين تعبها الدرب كلش صعب
،،،،،،،،،،،،،،
وين عباس البطل حاميها
زينب ابطف كربله امأسريها
زينب الحادي غريب اعليها

وين عنها اليوم عاميها الترب
وين ياعباس زينب بالغرب
وين تعبها الدرب كلش صعب
،،،،،،،،،،،،،،
تدري ياعباس چتفوها ابحبل
هيه والنسوان حاديها نذل
مو سهل مچتوفه زينب مو سهل

بت علي الكرار ماتحمل حرب
وين ياعباس زينب بالغرب
وين تعبها الدرب كلش صعب
،،،،،،،،،،،،،،
والدرب عباس مايخلص تره
هيه والحادي غريبه محيره
غيرك انت للضعن شيدبره

عالمتن عباس كلساه تنضرب
وين ياعباس زينب بالغرب
وين تعبها الدرب كلش صعب
،،،،،،،،،،،،،،
والحرم محتاره ظلت بيها
هيه حرمه وللحرم تحميها
مگيده وبيد الشمر سابيها

هيه والنسوان عيشهن رعب
وين ياعباس زينب بالغرب
وين تعبها الدرب كلش صعب
،،،،،،،،،،،،،،
گوم شيردها غريبه ابكربله
خلها ياعباس تبقه امدلـله
گوم حاديها غريب العايله

لا تظل عباس مكسورت گلب
وين ياعباس زينب بالغرب
وين تعبها الدرب كلش صعب
،،،،،،،،،،،،،،
الشاعر حسام الجنابي
القصائد للثواب

على ضهور الهزل عافتهم سبيه
مشت مچتوفه وغريبه الهاشميه
،،،،،،،،،،،،
من اجت طف كربله ابكومت زلم
طبتلها امدلـله ولا ما تهم
عاشت اوياهم اميره وكل شهم

تالي كلها اتذبحت بالغاضريه
على ضهور الهزل عافتهم سبيه
مشت مچتوفه وغريبه الهاشميه
،،،،،،،،،،،،
عاشت وياهم اميره امدلـله
ماتهم لو صار كلشي ابكربله
والعلم عباس بالطف شايله

تالي راح العلم وي راعي الحميه
على ضهور الهزل عافتهم سبيه
مشت مچتوفه وغريبه الهاشميه
،،،،،،،،،،،،
راح عباس وبقه الحادي غريب
وزينب الحسبات تاخذه وتجيب
اتعاين العدوان مابيهم جريب

ويحدي بضعون العقيله ابن الدعيه
على ضهور الهزل عافتهم سبيه
مشت مچتوفه وغريبه الهاشميه
،،،،،،،،،،،،
ادموعها اتسيل ابحبل مچتوفه
وعالرمح راس الحسين اتشوفه
وعالنهر جسم الكفيل اتـــعوفه

عين ما نامت نهار ولا مـسيه
على ضهور الهزل عافتهم سبيه
مشت مچتوفه وغريبه الهاشميه
،،،،،،،،،،،،
يحدي بيها الغربه من درب الدرب
وعالــهزل ونـاتـها اتفـسر الگلب
حاله ابلايه كفيل اشگد صعب

الصار بيهم مايصيرن عالبريه
على ضهور الهزل عافتهم سبيه
مشت مچتوفه وغريبه الهاشميه
،،،،،،،،،،،،
مو قريب الشام زينب من مشت
بينها وبين الطفوف اشگد بچت
بالسبي اهوايه العقيله اتمرمرت

زينب اهواي حملت منهم اذيه
على ضهور الهزل عافتهم سبيه
مشت مچتوفه وغريبه الهاشميه
،،،،،،،،،،،،
زينب ابلايه هوادج عالهزل
وصعبه زينب تنچتف ايد بحبل
من بـعد عباس ماشاها النذل

شامت وذباح ماشاهم سويه
على ضهور الهزل عافتهم سبيه
مشت مچتوفه وغريبه الهاشميه
،،،،،،،،،،،،
غيره مابيهم ولا بيهم شيم
بالعرب ما سامع اتاسر حرم
موزلم ذوله ولا عدهم قيم

بينهم صارت غريبه اهل الرديه
على ضهور الهزل عافتهم سبيه
مشت مچتوفه وغريبه الهاشميه
،،،،،،،،،،،،
الشاعر حسام الجنابي
القصائد للثواب

ياعلي ابجسمه شلكيت الي نمرد
شـلون من تراب لمـيته الجسـد
،.،.،.،.،.
ياعلي اشلون احمـلتها الـحاله
وشفت ابوك امكطعات اوصاله
حالت حسين وعـلي الجـتاله

وجسمه ممرود ابترب يالماله حد
ياعلي ابجسمه شلكيت الي نمرد
شـلون من تراب لمـيته الجسـد
،.،.،.،.،.
حسين كلي شلون جسمه لكيته
من التراب اشلون من لميته
حسين هم حاجاك لو حاجيته

هم بقه من حسين بالهيمه بعد
ياعلي ابجسمه شلكيت الي نمرد
شـلون من تراب لمـيته الجسـد
،.،.،.،.،.
هم شفتها ضلوعه كلها مكسره
وهم شفت ممرود صاير منحره
ولسه اثار الشمر من خنجره

چم سهم مصيوب وهواي العدد
ياعلي ابجسمه شلكيت الي نمرد
شـلون من تراب لمـيته الجسـد
،.،.،.،.،.
اشضال بحسين الخيول الداسته
من العصر لليل هم ماعافته
بحالك شصار وشفتها الحالته

شدة احسين الجبيره اعله الشدد
ياعلي ابجسمه شلكيت الي نمرد
شـلون من تراب لمـيته الجسـد
،.،.،.،.،.
جسمه موكله لكيته اعله الترب
رايح بخيل وحوافر منسلب
فوكه سحكن كلهن خيول الحرب

ثلث تيام الغريب امن انظهد
ياعلي ابجسمه شلكيت الي نمرد
شـلون من تراب لمـيته الجسـد
،.،.،.،.،.
من شلتها ضلوع صدره مرضرضه
بس ضهر باقي علي وكلها فضه
چنه ماضال الجسم كله كضه

وحدك انت وياك لو واحد كصد
ياعلي ابجسمه شلكيت الي نمرد
شـلون من تراب لمـيته الجسـد
،.،.،.،.،.
شنهو ضل بيه من بقه ابحر الشمس
وجسمه شابع بالحوافر والدهس
وهم لكيت القاسم ثياب العرس

دمه نازف مالكيته الدم بعد
ياعلي ابجسمه شلكيت الي نمرد
شـلون من تراب لمـيته الجسـد
،.،.،.،.،.
حسين من شلته علي هم شيعت
والجسم لحسين جا ماغسلت
بين دفنه وبين عبدالله حرت

اشكثر من حسين من جسمه انفكد
ياعلي ابجسمه شلكيت الي نمرد
شـلون من تراب لمـيته الجسـد
،.،.،.،.،.
بالحصيره شلون ينشال الولي
وبالعرش اسمه انكتب يم العلي
اشكال كلبك من شلت جسمه علي

على صدره حسين وسدته الولد
ياعلي ابجسمه شلكيت الي نمرد
شـلون من تراب لمـيته الجسـد
،.،.،.،.،.
بيك كلي شصار من شلت الحسين
ومن دفنت انصاره كلها مذبحين
علي مو واحد دفنت ابيوم سبعين

وحدك وانته ابكربله ومالك احد
ياعلي ابجسمه شلكيت الي نمرد
شـلون من تراب لمـيته الجسـد
،.،.،.،.،.
الشاعر حسام الجنابي
القصائد للثواب

يعباس الخيم حركوهن خلافك
سبوهم وضربوهم كلهم عـيالك
‌.......................
تاهت و الـحرم ضلــت بلا حـامـي
وخوك حسين طايح عالترب دامي
ماتـدري ميـت عـالتــرب ضــامــي

ماضلت خيم حركوهن خيامك
يعباس الخيم حركوهن خلافك
سبوهم وضربوهم كلهم عـيالك
‌.......................
والحيره البقت زينـب بلا كافل
وين الجــان كافلها الشـمر كايل
كلمت شامت ويحجيها هالجاهل

والكاتل هضمهم نفسه لطـفالك
يعباس الخيم حركوهن خلافك
سبوهم وضربوهم كلهم عـيالك
‌.......................

ونين الليل كونك لو تسمعنه
ليل فراك وحيلك ينهدم مـنه
كلها تصيح يعمه وينه كافلنه

عليهم حزنت نجوم السمه ايتامك
يعبـاس الـــخيم حـركوهن خلافك
سبوهم وضـربوهم كلـهم عـيـــالك
‌.......................
يتامه واليتيم شلونه جا حـاله
مهضوم اليتيم الهاضم اكباله
ومچتوف ابحبل بيمينه وشماله

وبضعنك يكافل يحدي چتالك
يعباس الخيم حركوهن خلافك
سبوهم وضربوهم كلهم عـيالك
‌.......................
تعال وشوف تاليها الحرم عباس
ما واحد عليهن حن ياابو النوماس
ولا واحد حماهن بين هاي الناس

چنهن مو هواشم ياعلي اعيالك
يعباس الخيم حركوهن خلافك
سبوهم وضربوهم كلهم عـيالك
‌.......................
يسلبون ويشنمون ويضربوهن
وعلا نوك الهزل للغربه ودوهن
سبايه اعداك لبن ازياد ودوهن

تنادي بصوت وينك ياكفيل ختك
يعباس الخيم حركوهن خلافك
سبوهم وضربوهم كلهم عـيالك
‌.......................
الشاعر حسام الجنابي
القصائد للثواب

اشلون زينب هسه لو تدروها
منالبواجي عداها هم منعوها
....................
تعرف الفاكدله واحد ينكسر
زينب السبعين كلهم بالكبر
شلون هسه الحال لو بيهانمر

لا اهل يمها ولا شافوها
اشلون زينب هسه لو تدروها
منالبواجي عداها هم منعوها
....................
ابعينها الدمعه العقيله الليله
اتصير للفاكد تجييه الحيله
وميت الچانت گبل تشكيله

الف طيحه اتطيح لو منعوها
اشلون زينب هسه لو تدروها
منالبواجي عداها هم منعوها
....................
مايعزوها العقيله وتنضرب
فوگها اتروحن سبيه ابهل الدرب
وبحبل مچتوفه زينب هم غصب

فوگ كل هذه الهظم ضربوها
اشلون زينب هسه لو تدروها
منالبواجي عداها هم منعوها
....................
اتموت زينب لوتموت اشوالها
حالت المذبوح صاير حالها
الف ذبحه انذبحت ويه اعيالها

حته وي اخوتها ماخلوها
اشلون زينب هسه لو تدروها
منالبواجي عداها هم منعوها
....................
لا تعازي ولا دفن لخوانها
ولا غريب ولا جريب العانها
تمشي والذباح يمشي اگبالها

فوگ كل ذاك الهظم سلبوها
اشلون زينب هسه لو تدروها
منالبواجي عداها هم منعوها
....................
عايشه ابعز والدلال الچانت
كلشي سلبو منها زينب ماتت
حالها المامثله واحد صارت

وسفه بت حيدر علي ايشتموها
اشلون زينب هسه لو تدروها
منالبواجي عداها هم منعوها
....................
الشاعر حسام الجنابي
القصائد للثواب

وحيده اليله زينب محد وياها
ميته الليله زينب كلها ولياها
ــــــــــــــــــــــــــــــــــــــ
لا عباس وحسين اليحاميها
تدير بعينها ودمعات تجريها
طايح عالترب هليله واليها

من مات الكفيل ابغربه خلاها
وحيده اليله زينب محد وياها
ميته الليله زينب كلها ولياها
ــــــــــــــــــــــــــــــــــــــ
بين حسين والعباس مهظومه
وكلها امذبحه الوليان بالحومه
تنضر للحسين امسلبه اهدومه

ومچتوفه الشمر للشام وداها
وحيده اليله زينب محد وياها
ميته الليله زينب كلها ولياها
ــــــــــــــــــــــــــــــــــــــ
محتاره وتدير العين وحدها
ماعدها كفيل اليوم ماعدها
شيردها الغريبه اليوم شيردها

طايح عالنهر مهظومه خلاها
وحيده اليله زينب محد وياها
ميته الليله زينب كلها ولياها
ــــــــــــــــــــــــــــــــــــــ
وبين ايتامها وبين الكفل صارت
وحتارت غريبه ابنصهم احتارت
مو هينه عليها الدنيه لو دارت

دارت بيها زينب ليش دنياها
وحيده اليله زينب محد وياها
ميته الليله زينب كلها ولياها
ــــــــــــــــــــــــــــــــــــــ
يم عباس گعدت تشكي حالتها
بيه اشلـون زينب كـلمه گالتها
حرگت زينـب الـنار العبايتــها

زينب بالطفوت تعاين اعداها
وحيده اليله زينب محد وياها
ميته الليله زينب كلها ولياها
ــــــــــــــــــــــــــــــــــــــ
كلها امذبحه الوليان عالغبره
ومسلوبه العمايم والترب حمره
ماظل واحد الماحزو النحره

تنادي ومحد المظلومه حاچاها
وحيده اليله زينب محد وياها
ميته الليله زينب كلها ولياها
ــــــــــــــــــــــــــــــــــــــ
الشاعر حسام الجنابي
القصائد للثواب

وحده حسين طاح وما يفزعوله
وكلـها الـــناس تنظر ما يگربوله
ــــــــــــــــــــــــــــ
طاح حسين ماواحد تعناله
وسحگت فوگ صدره هواي خياله
ماواحد فزعله حسين لوشاله

عباس البطل وين اليگلوله
وحده حسين طاح وما يفزعوله
وكلـها الـــناس تنظر ما يگربوله
ــــــــــــــــــــــــــــ
وين الي يصل لحسين ويشيله
بيده ايشيله لحسين ويتچيله
طايح عالترب مهدوم كل حيله

وين الغيره بيهم حته يصلوله
وحده حسين طاح وما يفزعوله
وكلـها الـــناس تنظر ما يگربوله
ــــــــــــــــــــــــــــ
طايح عالترب مسلوبه العمامه
والهامه ابحجر صابوها الهامه
وبنار الكفر حرگوها لخيامه

وبسهم المثلث ظهره شلوله
وحده حسين طاح وما يفزعوله
وكلـها الـــناس تنظر ما يگربوله
ــــــــــــــــــــــــــــ
كسروله الظهر والهامه صابوها
وهدومه الشريف حسين سلبوها
وضلوعه الولي بالخيل كسروها

الظالم گال اسحگو حسين بخيوله
وحده حسين طاح وما يفزعوله
وكلـها الـــناس تنظر ما يگربوله
ــــــــــــــــــــــــــــ
ظل ابلا دفن والجثه عريانه
عافوها ومشو بالهيمه عدوانه
على راس الرمح وحسين بمچانه

عدوانه غريبه وما يگربوله
وحده حسين طاح وما يفزعوله
وكلـها الـــناس تنظر ما يگربوله
ــــــــــــــــــــــــــــ
الشاعر حسام الجنابي
القصائد للثواب

الله ايساعد گلب الزهره
من الظالم حزه النحره
ـــــــــــــــــــــــــــ
الله ايساعد گلببچ فاطم
من شفتي يحز نحره الظالم
ومن شفتي حسين ابنچ نابم

وظلوعه المكسوره ابكتره
الله ايساعد گلب الزهره
من الظالم حزه النحره
ـــــــــــــــــــــــــــ
من سحگت فوگه الخياله
ومن حرگوهااخيام اعياله
وفرت بالبر كلها عياله

وشگال گليبچ ياحـر ه
الله ايساعد گلب الزهره
من الظالم حزه النحره
ـــــــــــــــــــــــــــ
من صاح ولا ناصر يمه
وظل سابح بجروحه ودمه
وجيوش العالم ملتمه

بين الخيل وسحگو صدره
الله ايساعد گلب الزهره
من الظالم حزه النحره
ـــــــــــــــــــــــــــ
ايعينچ الله وهوه ايعينه
ومذبوح حسين اتشوفه
وحده وبالغربه امخلينه

وسهم الغادر كاسر ظهره
الله ايساعد گلب الزهره
من الظالم حزه النحره
ـــــــــــــــــــــــــــ
ومن شفتي خيامه ايحرگوها
وطفاله حسين ايسلبوها
وزينب بسياط ايضربوها

وزينب تنظرله ومتحيره
الله ايساعد گلب الزهره
من الظالم حزه النحره
ـــــــــــــــــــــــــــ
الشاعر حسام الجنابي
القصائد للثواب

باچر ايطر الفجر
بالذبح لمن يطر
ريت ميته ولا خلص
وريت لاطال العمر
ــــــــــــــــــــــــــــ
ريت يخلص العمر
ريت ميته ابساعته
ولا الكافل ينذبح
ولاشوفن حالته
هوة عمدان الخيم
من هوة هم رايته

لو يطر كل الحرم
نمشي بدروب اليسر
باچر ايطر الفجر
بالذبح لمن يطر
ريت ميته ولا خلص
وريت لاطال العمر
ــــــــــــــــــــــــــــ
لا يگطعون الچفوف
ولا تطيح الرايه
ولايصوبونه ابسهم
ويگع جوده ومايه
مو قليل الي يصير
مو قليل هوايه

ليل ياليل الحزن
ليلك اسود من يمر
باچر ايطر الفجر
بالذبح لمن يطر
ريت ميته ولا خلص
وريت لاطال العمر
ــــــــــــــــــــــــــــ
باچر ايطر بالهظم
والهواشم تنذبح
وگلب زينب ينلچم
وگلب زينب ينذبح
ريت لا طر الفجر
ريت لا صار الصبح

تحترگ باچر خيم
والخواطر تنكسر
باچر ايطر الفجر
بالذبح لمن يطر
ريت ميته ولا خلص
وريت لاطال العمر
ــــــــــــــــــــــــــــ
حيلي باچر ينهدم
والهواشم تنصرع
تنذبح كلها الزلم
والعيون اتهل دمع
باچر تموت الشيم
والمناحر تنگطع

مايظل بيهم سبع
من يصل وكت العصر
باچر ايطر الفجر
بالذبح لمن يطر
ريت ميته ولا خلص
وريت لاطال العمر
ــــــــــــــــــــــــــــ
باچر اصعد عل الهزل
بالحبل مچتوفه
ايد بيد امگيده
والهزل مكشوفه
والكفلنه اعله النهر
امگطعين اچفوفه

نمشي بدروب الغرب
نمشي لديار الكفر
باچر ايطر الفجر
بالذبح لمن يطر
ريت ميته ولا خلص
وريت لاطال العمر
ــــــــــــــــــــــــــــ
عثره كلها ادروبهم
بالترب مشونه
ادروبهم ماتنمشي
وبد مارحمونه
بالحبال امگيدين
بالحجر ضربونه
حيل ماظل وتعب
وبالظعن محد يمر
باچر ايطر الفجر
بالذبح لمن يطر
ريت ميته ولا خلص
وريت لاطال العمر
ــــــــــــــــــــــــــــ
الشاعر حسام الجنابي
القصائد للثواب

الليله بوداع وحزن گضوها
صعبه هاي الليله من عاشوها
ــــــــــــــــــــــــــــــــــــــ
عاشو ووداع وحزن هليله
وباچر امفارگ يصير العيله
واحد الواحد دمع ويسيله

وزينب ابكل الحرم وصوها
الليله بوداع وحزن گضوها
صعبه هاي الليله من عاشوها
ــــــــــــــــــــــــــــــــــــــ
صعب هليله الموادع بيها
زينب ابيا حاله من عشتيها
وكلها باچر تنذبح تدريها

الليله يمكن لحظه ما ناموها
الليله بوداع وحزن گضوها
صعبه هاي الليله من عاشوها
ــــــــــــــــــــــــــــــــــــــ
صعبه لحضات الموادع موسهل
من تعرف حسين باچر ينكتل
وزينب ايچتفوها باچر بالحبل

وتحترگ باچر خيم يدروها
الليله بوداع وحزن گضوها
صعبه هاي الليله من عاشوها
ــــــــــــــــــــــــــــــــــــــ
يدري بالخيمات باچر تحترگ
وزينب ويه حسين باچر تفترگ
والمتون اتصير باچر هم زرگ

وبالغرب زينب منو ايدلوها
الليله بوداع وحزن گضوها
صعبه هاي الليله من عاشوها
ــــــــــــــــــــــــــــــــــــــ
نفس يوم العاشر الليله گضت
ولا تظن زينب وياهم سولفت
تبچي زينب لو وياهم هم حچت

عيون غرگانه ابدمع خلوها
الليله بوداع وحزن گضوها
صعبه هاي الليله من عاشوها
ــــــــــــــــــــــــــــــــــــــ
اتعاين ووجوه الهواشم ساكته
ياهو تتحملها باچر حالته
شلون لو طاح الكفلها ورايته

زينب اليل اهدعش رادوها
الليله بوداع وحزن گضوها
صعبه هاي الليله من عاشوها
ــــــــــــــــــــــــــــــــــــــ
فجره وين انروح لو باچر يطر
وكلها مذبوحه الزلم وكت العصر
والاطفال ويه الحرم كله تفر

وزينب ابدرب اليسر مشوها
الليله بوداع وحزن گضوها
صعبه هاي الليله من عاشوها
ــــــــــــــــــــــــــــــــــــــ
الشاعر حسام الجنابي
القصائد للثواب