Ona qarang dardlarimni
Sizdan oʻzga tinglamaydi
Xasta aytgan soʻzlarimni
Biror kimsa anglamaydi
Toʻrt tomonim sahrolarday
Koʻz yoshlarim daryolarday
Butum umrim savdolarday
Biror kimsa anglamaydi
Malham izlab gul atridan
Joy topmadim yor qalbidan
Ado boʻldim ul zaxridan
Biror kimsa anglamaydi
Daraxtidan tushgan xazon
Chin oshiqning qadri arzon
Yuragimni ezdi armon
Biror kimsa anglamaydi
Tun qoʻynida yolgʻiz oʻzim
Sharob ichdim ojiz oʻzim
Xaqiqatni aytsa soʻzim
Biror kimsa anglamaydi
Boshim qoʻyib devorlarga
Sevgim osib gulzorlarga
Qoʻl siltadim dunyolarga
Biror kimsa anglamaydi
Ona qarang bu hayotda
Javobsiz qoldi savollar
Ali dardin bu olamda
Biror kimsa anglamaydi
✍️Muallif: Muhammad Ali Zokirjonov
Mualliflik huquqi himoyalangan
Muallif ruxsatisiz foydalanilmasin
🔵ᴛᴇʟᴇɢʀᴀᴍ ᴋᴀɴᴀʟ✅
https://t.me/MuhammadAli_Zokirjonov_Kanali