Шейх Муаз Хава.

Имунитет алсыраса, оору тез жугат. Сасык тумоо менен ооруп жаткан адамга, имунитети начар адам жолосо, ал да оруп калуусу боло турган иш.

Анын сыңары ыйманы алсыз адам жаман чөйрөгө кошулуп кетсе же күнөө ишке мүмкүнчүлүк ачылса, тез эле алардай болуп, бузукулукту илгебей аткара баштайт.

https://t.me/Muazhawwa
Катталып, бөлүшүп коюңуздар

Дүнүйө өзүнө жеткизбей канча адамды чарчатты.

Дүнүйө олуялардын артынан канча чуркап, жалынса да, ага көңүл бурушпады...

"حب الدنيا رأس كل خطيئة"
"Бул дүйнөнү сүйүү бүт ката-кемчиликтердин башаты".

https://t.me/Muazhawwa
Катталып, бөлүшүп коюңуздар.

Бүт жагдайда Жаратканды эстеңиз.

Жараткан Эгебиз Куранда зикирге буйруганда, же жолдоочубуз (ага Алланын алкыш-саламдары болсун) хадистерде зикирдин кандайдыр бир көрүнүштө болушун баяндаганбы?

   Куранда зикир тартуу мутлак(жалпылай) айтылган. Ошондой эле сүннөттө да зикирдин белгилүү бир көрүнүшү айтылган эмес. Андыктан кандай жагдайда болбоңуз, зикир кылууга тырышыңыз.

   Биз ханафийлер мутлак айтылган өкүмгө мутлак амал кылууга мүмкүнчүлүк болсо, биз аны муккаййад кылбайбыз, б.а. кандайдыр бир көрүнүшкө чектебейбиз.
Зикир мутлак айтылган мутлак амал кылууга мүмкүн, андыктан аны такйид кылуу ханафий жүрүнүнүн(мазхаб) эрежелерине туура келбейт.
Такйид кылыш керек десең анда, Ханафий усулуна каршы чыгасың...
Негизчилер айткандай:  "Мутлак(жалпылай) буйрук 
1.бүткүл орунду,
2.учурду,
3.адамдарды жана
4.абал-жагдайларды камтыйт.

"الأمر المطلق يشمل عموم الأحوال و الأمكنة و الأزمنة و الأشخاص"

Ал эми зикир кылуу мүмкүн болбогон ыплас жерлерде тил менен зикир кылуу урмат үчүн ташталса да, жүрөк менен зикир кылуу ташталбайт.
Зикир бул ыйман сымал. Шарият кээ бир учурларда тили менен ыймандан чыгуучу сөзгө уруксат берсе да, а жүрөктө ыймандын болушун талап кылат.
Аллах баарын Билүүчү.
https://t.me/Muazhawwa
Катталып, бөлүшүп коюңуздар

КЫЗМАТ КЫЛГАНЫБЫЗГА үчүнчү жыл кетти буюрса.

Кудай астына барганга чейин, эл - жерге, үммөткө кызмат кылганга, Жараткан жар болсун.

Азирети пайгамбарыбыз صلى الله عليه وسلم айтты: «Жакшылыкка жол көрсөткөн, аны кылганга тете».

Биздин колдон келген салымыбыз, макала жазып сиздерге сунуштоо. Сиздердин динге кошкон салымыңыздар колдон келишинче амал кылып, соң башкалар менен бөлүшүп, жайуу.

ЭСКЕРТҮҮ: Соц тармактарда дин жөнүндө жазылып жаткан  макаланын баарын же айтылган сөздүн баарын жөнөтө берүү туура эмес. Илгеп, туура багытта жазылгандарды гана бөлүшүңүз...
https://t.me/Muazhawwa
Катталып, бөлүшүп коюңуздар

Канча жыл илим албайлы, устаздарга кичинекей шакирт (окуучу) бойдон калабыз буюрса...

Макалаларыбыздын баары, устаздардын үйрөткөн мээнети...📖

Шейхтерибизден Алла Таалам ыраазы болсун 🤲

https://t.me/Muazhawwa
Катталып, бөлүшүп коюңуздар

Жаназа учурунда  да үгүт насаат  кылуу:
         Жаназа окуурдун алдын, адамдар топтолгон кезде дароо  эле жаназа намазына киришип кетпестен, ошондой эле маркум көмүлүп жаткан кезде унчукпай тура бербестен, аалымдар дин насааттарынан айтуу сүннөт.
Мечиттин босогосун аттабаган инсандар, дин туурасында чакырыкты уккусу келбеген адамдарга  андай учурда Кудай Тааланын бардыгын, өлүм акыйкат экенин эскертип коюу дин кызматкерлерине мүмкүнчүлүк. Акыйкатты түшүнгөндөн кийин башкаларга да жеткирүү ырайым, мээрим төгүү болуп саналат. Пайгамбарыбыз саллаллаху алейхи васаллам  хадисте мындай деп айткан: “Менден бир аят болсо да жеткизгиле”. Билгенибиз билбегенибизге бөлүшүү жакшы нерсе.  Хадисте: “Силер  өзүңөргө каалаган нерсени, башка бир тууган мусулманга кааламайынча тоолук ыймандуу боло албайсыңар” (Бухари, Муслим)
Өзүбүз бейишке кирүүнү каалайбыз, бактылуу жашоону эңсейбиз, ал эми эмне үчүн башкаларга бизге жеткен кабарды жеткирбейбиз?
https://t.me/Muazhawwa

Маселе:
Бир ишти аткарам деп убада бердиңби, аны аткарганга аракет кыл!
Бүгүнкү күндө ин ша Алла деген сөз менен көптөгөн убадалардан кутулгандайбыз.
Араб калкы касам (ант ичүү) сөзүнүн баркын кетиргендей, кыргыздар ин ша Алла деген сөздүн кадыр баркын кетирдик...

https://t.me/Muazhawwa
Катталып, бөлүшүп коюңуздар

Ал-Жунейд Ал-Багдадий (Алла ырайымына бөлөсүн) изгилерди, такыбаларды көп зыярат кылар эле.
Андан бир күнү шакирттери сурашты:
Өзүңүз кош топтун б.а. Шарият жана тарикаттын төрөсү болуп туруп, башка изги кишилерди зыярат кылууга зарылчылык барбы?!
Ал:
"Балким (Жараткандын алдында) кутуулуума себеп болчу сөз угуп калармын." - деп жооп берет.

Түшүндүрмө:
Сыйлуу шейхибиз Азирети шейх Муаз Хава Ал-Хамавий (Жараткан өмүрлүү кылсын) айтат:
"Бул дегени, ал өзүн кутулуучу катары көрбөйт. Эртели-кеч Жараткандын алдында кутулуусуна себеп болчу нерселерди издейт.
Бул сезим (кандай такыба, билимдүү болсоң да) өлөр өлгөнчө өзгөрбөй, бөксөрбөй калышы керек болгон сезим.
Бул Жаратканга бет алуунун өтө маңыздуу бир туюнткусу."

https://t.me/Muazhawwa
Катталып, бөлүшүп коюңуздар

و كان وهب بن منبه (رحمه الله تعالى) يقول:
"واعجبا من الناس، يبكون على من مات جسده، و لا يبكون على من مات قلبه، و هو أشد"

Вахб бин Мунаббих (Алла ырайымына бөлөсүн) айтты:

"Адамдарга таң калам, тулку-бойу өлгөн өлүккө ыйлашат да, жүрөгү өлгөн, тирүү өлүккө ыйлашпайт. А чындыгында бул,  андан да катуураак."

https://t.me/Muazhawwa
Катталып, бөлүшүп коюңуздар

قوله تعالى: «وَاخْفِضْ لَهُمَا جَنَاحَ الذُّلِّ مِنَ الرَّحْمَةِ» (الإسراء/٢٤)

Улуу Эгем айтты: "Ал экөөсүнө мээрим төгүп, кичипейилдик канатыңды жай" (Исра/24)

Сен алсыз кичинекей кезиңде ата-энең сени кандын эрке канзаадасындай эле багышты. Эми алар улгайып, сага каранды болгон кезде, сен да аларды бөпөлөп багып, кызмат кылып кан-каныша кыл...
Шейх Муаз Хава

https://t.me/Muazhawwa
Катталып, бөлүшүп коюңуздар

Өтө көп зикир кылуу керек

Улуу Эгем айтты: "Оо ыймандуулар, Жаратканды өтө көп зикир кылып эстегиле, жана эртели-кеч аны аруулагыла" (Ахзаб/41-42)

Имам Ал-Куртубий (Алла ырайымына алсын) айтты: Улуу Жараткан пенделерин аны зикир кылып эстөөгө, ага шүгүр кылууга жана анын берген көп жакшылыктары үчүн, бул нерселерди көп кылууга буйруду. Бул иштер пендеге жеңил, а акысы-сообу чоң болгондуктан, бул нерселерди Жараткан бир чекке чектебеди.
Ибни Аббас (Алла андан ыраазы болсун) айтты: Эсинен тайган адамдан башкада Жаратканды эстеп, зикир кылууну таштоого эч бир себеби жок.

(Тафсир Ал-Куртубий)
https://t.me/Muazhawwa
Катталып, бөлүшүп коюңуздар

Аз нерсе менен көп сооп табыңыз. Амалдар көп, анын ичинен бир кылсаңыз, сообу уланып тургандары бар.

Мисалы: Мечитке тесме, самын, даарат кагаз, кумган.... алып барып койсоңуз намазкандар канча колдонсо сизге сооп жазыла берет. Килем же жайнамаз алып барып койсоңуз, намаз окуп, ал килемди момундар баскан сайын сиздин акырет куржунуңуз толо берет. Мечиттин светин, көмүрүн төлөп берсеңиз, момундар жылуу жерде жамаат менен окушуна себебчи болсоңуз кандай жакшы.
https://t.me/Muazhawwa

Солих пенделердин бири мындай дейт: “Ар кайсы нерсеге көп ойлоно бербе, балки истигфарды (тообо кылууну) көп айт. Себеби Алла Таала истигфар менен жаннаттын эшиктерин ачат. Көп ойлонуу менен эшиктер ачылбайт”.

Түшүндүрмө: Башкача айтканда ар кайсы нерсеге ойлоно берүү убакыттын текке кетирүү гана болуп саналат. Себеби акыретине же бул дуйнөсүнө пайда бербеген иштин баары жакшы эмес. Бирок үммөттүн келечеги үчүн ойлонуу, гам көрүү Ислам алдындагы милдеттеринен.

https://t.me/Muazhawwa
Катталып, бөлүшүп коюңуздар

Үлкөн билги Ал-Фудайл бин Ийад (Аллах ырайымына бөлөсүн) айтты:

"Туура жолду бекем тут, андагы жолоочулардын аздыгынан чочулаба.

Бузук жолдон оолак бол, андагы кыйроочулардын көптүгүнө азгырылба".

Алтын тамга менен жазыла турган сөздөр...
https://t.me/Muazhawwa
Катталып, бөлүшүп коюңуздар

ليس الطريق لمَنْ سَبَق إنَّما الطريق لمَنْ صَدَق

Бул чыйыр - алдын озуп, шашылгандардын жолу эмес,
Чындап Жаратканга берилип, жалынгандардын жолу.

https://t.me/Muazhawwa

قوله تعالى: «۞ مَثَلُ الْفَرِيقَيْنِ كَالْأَعْمَىٰ وَالْأَصَمِّ وَالْبَصِيرِ وَالسَّمِيعِ ۚ هَلْ يَسْتَوِيَانِ مَثَلًا ۚ أَفَلَا تَذَكَّرُونَ» (هود/ ٢٤)

Шейх Муаз Хава Ал-Хамавий (قدس الله سره الشريف) айтат: Жараткан менен иши жок кенебес кайдыгер, Эгесине кайтып, тообо кылып, кетирген кемчиликтерине өкүнгөн сергек, ойгок момунга тең келеби?!...
Арийне, жок! Тең келбейт!
Куранда: "Ал эки топтун мисалы, дүкүл, дүлөй киши менен көрөр, угар киши сыяктуу. Ал экөөсү бири-бирине тең келеби?!
Эсиңерге келбейсиңерби?!"
(Худ/24).

https://t.me/Muazhawwa
Катталып, бөлүшүп коюңуздар

https://youtu.be/GpQfoxDr55M?si=XTFqiTN7CObL7eJe

Сүйүктүүбүз Мухаммад (Алланын алкыш-саламдары болсун)

Ал адамдарга окшобогон бир улук адам.
Ал жакут-бермет болсо, башкалар таш-кум сымал.
اللهم صل على سيدنا محمد طب القلوب ودوائها، وعافية الأبدان وشفائها، ونور الأبصار وضيائها، وروح وسر بقائها، وعلى أله وصحبه في كل لمحة ونفس عدد ما وسعه علم الله صلى الله عليه وسلم.

https://t.me/Muazhawwa
Катталып, бөлүшүп коюңуздар

Дунуйө  ишине баш оту менен кирип кетүү болбойт. Ким дунуйөну эрчисе, анын кулу болот. Ким Роббисин эрчисе, Аллах ага дунуйону кул кылып коет. Бирок, бул дүйнөнү  тап такыр кылбаш керек деген сөз эмес.
حديث: "خير الأمور اوسطها"  البخاري 3315                                                                                 Хадистин мааниси: “Иштердин эң жакшысы ортолугу”. Башкача айтканда кандай гана иш кылба, анын ортолугун карманганын сен үчүн жакшыраак. Пайгамбарыбыз (САВ) дын ар бир айтканында пайда жана хикмат бар.
       Аалымдар айтышат мал мулкун колунда, ыйманын жүрөктө  болсун. Экөө  ордулары менен алмашып кетпесин. Адамдар дунуйөну жана оокат кылышты  тең алып кета албай калышты.  Же дунуйөгө кирип кетет, же эч нерсе кылбай жатып алат. Бул наадандык!
        Маида сурөөсүнүн 87-88 -аяттарынын  маанисинде: «Эй, ыйман келтиргендер! Алла Таала силер үчүн адал кылган таза нерселерди арам кылбагыла жана чектен чыкпагыла. Албетте, Алла Таала чектен ашуучуларды жакшы көрбөйт. 88.  Жана Алла силерге адал, таза кылып берген ырыскыларынан жегиле. Жана Алладан коркуп жүргүлө, Ага силер ыйман келтирүүчүсүнөр».
      Имам Самаркандинин «Сауадул Аъзом»  акыйда китебинде айтылынат: “Дуйнөнү бир убакытка таштап (токтотуп коюу) уруксат”. Б.а. жай мезгилинде эмгектенип, кышында азыктангандай эле. Бир убакыт тымбай иштеп, капчыктарды толтуруп, кыш  келген мезгилде топтогон нерседен пайдаланып  эс алгандай . Бирок дүйнөнү  инкар кылуу бидъат деп айтылынат. 
      Эгер инсан  мал ээси болбосо, көптөгөн улуу ибадаттардан тосулунат. (Мисалы: Зекет, ажылык...). Адам өзунө  жана үй-бүлөсүнө жетишээрлик мал мулк топтосо болот. Азыркы кезде өтө  муктаж инсандар көп, ошолорго жардам береин деп көбүрөөк мал топтоого да уруксат берилет. Жаратуучубуз өз пенделерине ыроолоп берген ырыскыдан (адалынан)  пайдаланып (жеп, ичип), Аллага бекем ыйман келтирип, шүкүр кылып  такыба болуулары зарыл иш. Бирок акча деп отуруп ибадат  ташталып кетсе арам болот. Негизги максатыбызды унутпайлы. Ал максат ибадат (кулчулук) кылуу. Аллах Таала Куранда айтат: «Мен инсан менен жиндерди ибадат кылуу  үчүн жараттым».  Демек адам жеп, ичип, бей маани жашоону өткөрүп өлүп калыш эмес.  Максаттуу (вазипалуу)  жашоону жашап  өткөрүү инсандын милдети. Инсан  жаралган максатын унутуп, итаъатсыздык (баш ийбестик) жашоого өтүп кетти, ал эми жан-жаныбарлар өз милдеттерин так аткарып  жатышат. “Акылдуу адам жашаш үчүн тамактанат, наадан адам жеш үчүн жашайт”.

https://t.me/Muazhawwa
Катталып, бөлүшүп коюңуздар

Суроо:
Исламда ар кандай депрессиядан кантип чыкса болот? Депрессия руханий оорууда. Ибдаттарды акыйданы туура кылуу учун эмнелерди кылуу керек?

Жооп:
1. Депрессия жүрөк ооруларына кирет. Бул орууну тасаввуф илими изилдейт.
Депрессия кыжалатчылыктан келип чыгат. Эгер инсан баласы Жаратканга таянып, өз ишин тапшырса жан дүйнөсүндө жеңилчилик, сакина (тынчтык) орнойт эле. Инсан өзүнө же өзүнө окшош алсыз пендеге таянып алгандыктан же дүйнөнүн кооздугуна алданып калгандыктан бул жашоодон түңүлүп жүрөт. Инсан баласы өзүн караңгылыкка батырса, ал жактан бир гана Алла Таала нурга чыгара алат...

2. Акыйда, ибадаттар туура болуу үчүн, илми хал илимин (жашооңузга керектүү өлчөмдөгү илимди) алышыңыз керек.

Катталып, пайда алыңыз..
https://t.me/hanafiajordan

Шейхибиз Муаз Хава  قدس الله سره айтты:
Шайтан ширеңке сымал.
А жүрөк жайык талаа сымал.
Эгер жүрөк Жаратканга сыйынып, жадыраган жаздагы шибердей болуп турса, ага канча ширеңке чаксаң деле ал күйбөйт. Анткени ал жашаң, жандуу.
А эгер жүрөк Жараткандан алыстап, соолуп-куураган өлөсө өлөң талаага окшоп турса, анын бир заматта тутанып, күйүп жок болушуна, бир тал чий жетиштүү. Анткени ал куураган, соолуган. 
   Андыктан жүрөгүбүздү Жаратканды эстөө мүрөгү менен суугарып, дайым көктөмдөгү көк майсаң сымал алып жүрөлү.
А тескерисинче, жүрөгүбүздү кууратып алсак, шайтандын бир тал чийи аны өрттөп, карайган үзүм этке айландырат.
   Аныгында маселенин баары өзүбүздө, шайтандын азгырыгы да өзүбүзгө байланыштуу.    
   Биздин көкүрөк-көөдөнүбүз Жаратканга жалынып, багынып турса, шайтан эч нерсе кыла албайт".

https://t.me/Muazhawwa
Катталып, бөлүшүп коюңуздар

قوله تعالى: «إِنَّ عِبَادِي لَيْسَ لَكَ عَلَيْهِمْ سُلْطَانٌ إِلَّا مَنِ اتَّبَعَكَ مِنَ الْغَاوِينَ» (الحجر/٤٢)

Улуу Жараткан Эгебиз  шайтан (каргыш тийгирге) айтып жатат:
"Сени ээрчип адашкандардан башка, Менин чыныгы кулдарыма сенин эч кандай бийлигиң өтпөйт (аларды азгыра албайсың)." (Хижр/42)

https://t.me/Muazhawwa
Катталып, бөлүшүп коюңуздар

"فلاح الآخرين باتباع صلاح الأولين"

Кийинкилердин ийгилиги, мурункулардын изгилигине ээрчүү менен болот.

https://t.me/Muazhawwa
Катталып, бөлүшүп коюңуздар

Кыямат маселеси.
Кыямат экиге бөлүнөт. Кичинекей жана чоң болуп. Кичинекей кыямат дегени – бул инсандын өлүмү.
Пайгамбарыбыздын сөзүндө: “Кимге ажалы жетсе, анын кыяматы болду” деп айткан. Ал эми чоң кыямат дегенибиз бул жалпылай адамзатынын, баардык маклуктардын кыяматы.

https://t.me/Muazhawwa
Катталып, бөлүшүп коюңуздар

Урматтуу катталуучулар жана биздин окурмандар! 📖

Ассаламу алейкум уа рахматуллахи уа баракатуху.
Бул ватсап группабызга суроолоруңар болсо, жазсаңар болот. ✅

https://chat.whatsapp.com/L0OLTijsArI2LPOiSdhPIL

"Жооптор дароо келбейт. Устаздар бошогондо фатваларын жазып беришет". Алар окууда же жумушта болгон учурда жооп жаза албай калышат.

https://t.me/hanafiajordan
📍Суроодон болок нерселерди жонотуу тыюу салынат!
Катталып, бөлүшүп коюңуздар

Жума күнүңүздөр мубарак болсун!

Жума күнгө үч насаат:
1. Кахф сүрөөсүн окуу.
2. Көп салават айтуу.
3. Көп дуа кылуу.

https://t.me/Muazhawwa
Катталып, бөлүшүп коюңуздар

https://youtu.be/Zca9P8S3giI?si=wlY0BsdlhpFAphJf

Тасаввуф эмне өзү?
"Тасаввуф бул жакшы кулк-мүнөздөр".
  Шейх Абул Хасан Аш-Шазилий (Аллах ырайымына бөлөсүн) айтат: "Тасаввуф бул - өзүттү(нафс) кулчулукка, сыйынычка көндүрүү. Аны Жараткандын жарлыгына баш ийдирүү."
Улуу эшен Шах Бахауддин Ан-Накшыбандий(Аллах ырайымына бөлөсүн) айтат: "Биздин жолубуз бул - адеми эрдем-адептер."
Улуу олуялардын бири Абул Хасан Ан-Нурийден(Аллах ырайымына бөлөсүн) "Тасаввуф эмне" деп суралды. Ал айтты: "Өзүт каалаган нерселерди таштоо" Анткени Куранда: "Мен өзүмдү актабайм, чындыгында өзүт жамандыкка көп буйруйт".                 
            Улуу билги Ахмад Заррук (Аллах ырайымына бөлөсүн) өзүнүн "Тасаввуф эрежелери" битигинде минтип жазат: "Тасаввуф илимине көптөгөн аныктамалар, чечмелемелер берилген. Алардын саны эки миңге чамалайт. Бирок ошолордун баары ЧЫН ЖҮРӨКТӨН ЖАРАТКАНГА БЕТ АЛУУ маанисин туйунтат.

https://t.me/Muazhawwa
Катталып, бөлүшүп коюңуздар

https://youtu.be/FYhqMG-KeXk?si=CPTkm1JAMFjsfZyv

Имам Заррук (Аллах ырайымына бөлөсүн) айтты

Билги-билимдүүлөрдүн үлүшү Аллахтын элчисинин (ага алкыш-саламдар болсун) сөздөрү.

Сыйынчаак-ибадаткөйлөрдүн энчиси Аллахтын элчисинин (ага алкыш-саламдар болсун) иштери.

Ал эми суфийлердин насиби жогорудагынын баары жана кошумча көркөм кулк-мүнөз.

https://t.me/Muazhawwa
Катталып, бөлүшүп коюңуздар

Кичиней деп кымтып жеген, алдап бербей койгондор кыямат күнү (адилеттүүлүк орногон күнү) байлык менен эмес, сооптору менен кайтарып берет.

Таразадан алдагандар, айлыгын акысыз кармап калгандар, эсепте алдап кеткендер, урдап алгандар, каракчылык кылып тартып алган адамдар кеминде бир-эки тыйын үчүн да акыларды өз ээлерине кайтарып берүү Жараткандын адилеттүүлүгү менен болот.

Ааз элего, билбей калды дебеңиз!
Жараткан жана адамзаттын астында ыкластуу болуңуз!

https://t.me/Muazhawwa
Катталып, бөлүшүп коюңуздар

‏كلُّ النَّاس تسمعُ صوتِي إلاَّ أنْت تسمعُ قلبِي.

جلال الدين الرومي

"Баардыгы менин үнүмдү гана угушат, сен гана жүрөгүмдү угасың"

Жалалуд-дин Румий.

https://t.me/Muazhawwa
Катталып, бөлүшүп коюңуздар

رب سيئة اخجلت عاصياً فأطاع ورب حسنة أعجبت طائعاً فضاع"

ابن عطاء الله السكندري

Кээ бир жазыктар ээсин "Жаратканга тоң моюндук кылдың"- деп уялтып Жаратканга жакындатты.

Кээ бир сыйыныч-сооптор ээсин өзүнө өзү таң берүүгө түрткү болуп, аны кыйратты.

Ибни Ато-Иллахи Ас-Сакандарий.
https://t.me/Muazhawwa
Катталып, бөлүшүп коюңуздар

‏لَنْ يَفتَح لك بَابًا لست تَطرقهُ..

جلال الدين الرومي
"Сен эшикти тыкылдатпасаң ал сага эч качан ачылбайт".
Жалалуд-дин Румий.

Ар бир адамдын тиленгени аркандай. Кээ бири бул дүйнөнү кааласа, башкасы акыретти тиленет. Эки тайпанын азы, Роббисин (Жаратуучусунун) өзү максаты. Ар бир адам тиленгенине жетет...

Рабия Ьадавия энебиз айтат:
"Роббим! Сенин тозогуңан коркуп ибадат кылган жокмун.
Бейишиңе кирүү үчүн сыйынган жокмун.
Балки сыйынычым, сен сыйынууга татыктуу зат болгонуң үчүн ибадат кылып жатам".

https://t.me/Muazhawwa
Катталып, бөлүшүп коюңуздар

"Ким де ким адамдарды зулум менен ыйлатса, Алла Таала оор кайгы менен ыйлатат".

Заалымдардын таяна турган мал-мүлкү болсо, жапа тарткан адамдын Жаратканы бар.
Берген зат, алып коюуга да кадырлуу.
Ырайымдуу болгула, ошондо силерге ырайым кылынат.
Ар бир мыкты пенде да, Алла Тааланын ырайымына муктаж.

https://t.me/Muazhawwa
Катталып, бөлүшүп коюңуздар

Киши бир күнөөдөн тообо кылып (Жаратканга кайтып) аны таштайт. Бирок кээде ошол күнөөнү эстегенде, башкалардан көргөндө, же укканда ошол күнөөнүн жыргалын эңсегенсийт.
Мындан кутулуунун жолу кандай?

Ушул сымал суроо Сахл бин Абдулла Ат-Тустарийге (Аллах ырайымына бөлөсүн) берилгенде төмөндөгүчө жооп берген.

   "Жыргаш, куунаш - бул тулкунун бир тууну, ажыты (ор. природа, сущность). Ар бир нерсенин тууну болот. Жараткан өзү каалап эле аны жок кылып койбосо, башка жол жок.
   А бирок кандай гана арзы-муңу болбосун Эгесине кайтып, Ага арызданса, аныгында күнөө-жазыктардын көптүгү Анын кечиримине үстөм келбейт.
Болушунча күнөө жыргалынан жүз бурат. Жүрөгүнөн жана ойунан кетиргенге тырышат. Улам сайын жүрөгүн көзөмөлдөп турат. Жараткандан ошол нерселерди унуттуруусун тиленет. Эгер бир саамга бошошуп, эсинен күнөө жыргалын кетирүүнү токтотсо, күнөөнүн жыргалы жүрөккө кирип, күнөөгө түшүп калуу коркунучу бар.
Бирок ошол күнөө жыргалы болуп туруп, аны жүрөгүнөн жана эсинен кетирип турса, ал зыян бербей эсен-соо калат Ин шаа Аллах."

https://t.me/Muazhawwa
Катталып, бөлүшүп коюңуздар

Шейх Абул Хасан Аш-Шазилий айтты:

Кимде төрт өзгөчөлүк жок болсо, анда ага эч көңүл бурба! Керек болсо, жер жүзүнүн эң илим-билимдүүсү болсун...

1. Зөөкүр-заалымдардан алыс.
2. Чын жайды ойлогон такыбаларды артык көрөт.
3. Жарды-жакырларга арка-бел.
4. Беш маал намазын жамаат менен окууга бекем.

قال الشيخ الإمام أبو الحسَن الشاذليُّ:

أَرْبَعَةُ آدَابٍ مَنْ خَلَا مِنْهَا فَلَا تَعْبَأَنَّ بِهِ وَإِنْ كَانَ أَعْلَمَ البَرِيَّةِ:

[1] ـ مُجَانَبَةُ الظَّلَمَةِ.
[2] ـ وَإِيثَارُ أَهْلِ الآخِرَةِ.
[3] ـ وَمُوَاسَاةُ ذَوِي الفَاقَةِ.
[4] ـ وَمُوَاظَبَةُ الخَمْسِ فِي الجَمَاعَةِ.
https://t.me/Muazhawwa
Катталып, бөлүшүп коюңуздар

Имам Ибни Ал-Жаузий айтты:
Аллах тааныгылардын биринен суралды
"Тасбих (Жаратканды аруулоо) же Истигфар (Андан кечирим тилөө)
Бул экөөсүнүн кайсы бири пайдалуураак?
Ал:
Эгер кийим аруун болсо, жыпарлар жана жыттуу суулар пайдалуураак.
А эгер булганч болсо самын жана ысык суу пайдалуураак.
Жаратканды аруулоо тунуктардын жыпары
Кечирим тилөө күнөөкөрлөрдүн самыны
Өзүңдү Жараткандан кечирим тилеп жазык-жазымдардан арылтууну жана Аны аруулап өзүңдү жыпарлоону унутпа...!"

Тасбих (Субханаллах) Аллах Аруу
Истигфар (Астагфирул-Лоох) Аллах кечир мени.

https://t.me/Muazhawwa
Катталып, бөлүшүп коюңуздар

"Апаңа да, атаңа да, жакындарыңа да, эч кимге бербеген сообуңду эртең кыяматта ушактаган кишиңе бересиң!"

Устаз Тариэл Абжалбеков.

https://t.me/Muazhawwa
Катталып, бөлүшүп коюңуздар

Сахл Ат-Тустарий (Аллах ырайымына бөлөсүн) айтат:
Жаратканга жүздөнүп такыбалык жолго түшкөн киши эң алгач тообо кылуусу б.а. Жаратканга кайтуусу керек.
Тообо бул - кылган күнөөсүнөн толук үзүлүү, өкүнүү жана жаман иштерден жакшы иштерге көчүү.
Киши өзүн унчукпай жүрүүгө(ашыкча сүйлөбөөгө) көндүрмөйүн чындап тообо кыла албайт. Жалгыздап Жаратканга сыйынууга өзүн көндүрмөйүн унчукпай жүрө албайт. Адал азыксыз Жаратканга жалгыздап сыйына албайт. Жараткандын буйрук-тыйыктарын аткарган гана адал азыктана алат. Жараткандын буйрук-тыйыктарын аткаруу - бул бүт тулку-бойун бузукулуктан сактоо менен гана болот. Жогоруда айтылгандын баары Жаратканга жалынып-жалбармайынча ишке ашпайт.

https://t.me/Muazhawwa
Катталып, бөлүшүп коюңуздар

Сылык болсоң адамдар сени алсыз деп ойлошот..
Катуу болсоң мерез, мээримсиз деп ойлошот..

Адамдарга жагынам деп канча коом чарчады. Жараткандын ыраазылыгын табам деп чарчаган адамдын аракетин, Алла Таала барктайт экен...

"Сырттагы кыны эмес, ичтеги кылыч маанилүү" (Макал).
Сырткы келбетте эле жакшы адам көрүнө бербестен. Жараткан ички жан дүйнөгө назар сала турган жүрөккө маани берели.

"Малды сыртынан, адамды ичинен" (макал).
Жүрөгүң оңолсо, денеден жакшылыгың чыга баштайт.

https://t.me/Muazhawwa
Катталып, бөлүшүп коюңуздар

Намаз (ибадат) - бул пенде Жараткандын алдында кулчулугун моюндагандын белгиси.

Амал оңолсо адам, адам оңолсо аалам оңолот...

https://t.me/Muazhawwa
Катталып, бөлүшүп коюңуздар

Жүрөк менен зикир кыла албай жатам.
Тил менен эптеп зикир кылам
Эмне кылышым керек?

Бул жеке сиздин эле көйгөйүңүз эмес, бул көйгөй көп адамда бар.
Бул боюнча Аллах тааныгы Имам Ибни Ато-Иллаахи Сакандарий (Аллах ырайымына бөлөсүн) айтат: "Жүрөк менен берилип зикир кыла албай жатам б. а.  Жаратканды эстей албай жатам деп зикирди таштап койбо! Сен зикир кылбай Жараткандан кайдыгер болгонуңа караганда, жүрөгүң менен берилип зикир кыла албасаң да тилиң менен зикир кылганың алда канча жакшы. Буйруса Жараткан кайдыгерлик менен зикир кылуудан, ойгок-сергек болуп зикир кылууга, соң жүрөк менен берилип зикир кылууга, андан кийин бара-бара зикир кылуу менен Жараткандан башканы унутуп кала турган деңгээлдеги зикирге көтөрөт."

Биздин чоң ата шейхибиз Али Абу Зайд (Аллах ырайымына бөлөсүн) айтат: "Тили менен зикир кылган, бал 🍯 менен оозун чайкаган киши сымал. Канчалык көп чайкай берсе, анын бир кичине бөлүгү болсо да таңдайдан өтөт. Ошол сымал бир аз зикир жүрөккө жетсе, зикирдин таттуулугун сезген жүрөк аны талап кыла баштайт."

Андыктан кандай болгон күндө да зикирди таштабаңыз...

https://t.me/Muazhawwa
Катталып, бөлүшүп коюңуздар

Урматтуу жетекчилер жана жумушчулар!

Кол астыңарда ишчилер же жумуштагы шеригиңер намаз окуп алайын десе тоскоол болбогула.
Балким, "Намазың кабыл болсун! Шашпай окуп ал"- деп шарт түзүп Эгер өзү (жетекчилер) намаз окуй албай жүрсө да,  жок дегенде башкаларга тоскоол болбойун деген сезим болушу керек.
Намаз окуганга жай даярдап, жакшы жай намаз сатып алып келип коюу бул жакшы нерсе.

Намазга сурана берет деп жаман көрбөңүз! 10-15 мүнөттүн ичинде ишиңиз артка кетип калбайт. Намазга суранса, аны жаман көрүшүңүз же тоскоол болушуңуз, эки эсе Жаратканга тоң моюндук. Ал пенде мусулмандык милдетин аткарып жатат. Жараткандын сурагы акыйкат.  "Байкуш пендемди эмнеге мага ибадатын тостуң?!" деген суроо берилсе ой кайран күн.
Өзүбүз намаз окубай күнөө кылганыбыз аз келгенсип, башкаларды да ибадатына тоскоолдук жаратсак кандай гана жаман көрүнүш...?!
Өзүңүз намаз окуңуз жана бөлөктөргө намаз окусуна себеп болуңуз.

Маселенин экинчи жагы ишчилер, намазды шылтоо кылып келишим түзүлгөн ишинде шалаакылык кылууга шарият уруксат бербейт. Ошондуктан намазын окуп кайра тезинен иш ордуна кайтышы шартка ылайык.
Иште парз, бекемделген сүннөтүн аткарса да, нафил ибадаттарын үйүнөн аткарат.

Катталып, пайда алыңыз..
https://t.me/hanafiajordan

https://youtu.be/RocXJc_XP5k?si=8sKTdvJCOuOf05MW

"حب الدنيا رأس كل خطيئة"
"Бул жалганды сүйүү бүт ката-кемчиликтердин башаты"

Түшүндүрмө:
Башкача айтканда, аны менен алек болуп чын жайды унуттурган сүйүү - бул бүт жазык-жазымдардын эшиги.
Анткени максаты бул жалган эле болгон адам, кандай жол менен болсо да ага жетүүгө аракеттенет.
Ага адал-арам, жакшы-жаман деле анча маңыздуу эмес.
Жараткан бизди жакшылыгынан айрыбасын.

https://t.me/Muazhawwa
Катталып, бөлүшүп коюңуздар

Теңир тааныгы, Төрө Ахмад Ар-Рифаийдин көсөм кептери

"و ما أقام مع المستعار إلا المحجوب"
"Жараткандан алыс адам гана утурумдук нерселерден түнөк табат"

Түшүндүрмө:
Сүйүктүү баштоочубуз, Шейх Муаз Хава Ал-Хамавий (Аллах аны өмүрлүү, иштерин үзүрлүү кылсын) айтты:
Жараткандан алыс - бул эртең жок болуучу жаратыктар менен алек болуп, Түбөлүктүү Эгесинен тосулган адам.
Жараткан бул жалганды сага убактылуу колдонууга берди. Муну билип туруп, кантип аны мынча улуктайсың!?
Ушунун өзү эле Улук Эгеңден алыстыгыңды айгинелеп турбайбы...
https://t.me/Muazhawwa

Катталып, бөлүшүп коюңуздар

Өлүм ак!

Бул жалганды маңгы турак көрөсүң 
Билбей өзүң, мындан бир күн көчөсүң
Түнгө кирип, жалтыраган жалчыктай,
Таңда балким, жылдыз сымал өчөсүң

Канчалаган кем-кертсиз соолор кетти?
Канча оорулуу өмүр сүрүп, доор кечти?
Ак келбестей, ойноп-күлүп жүрөт бирөө
А бөз базарда бөзчү ага кепин кести.

Маңгы - түбөлүк
Жалчык - Ай 🌙
Ак - өлүм
Бөзчү - кездеме сатуучу.

https://t.me/Muazhawwa
Катталып, бөлүшүп коюңуздар

Досубуз Алишер устаз Камбараалы уулу ачкан тайпа.
Мында Шейх Муаз Хава Ал-Хамавий устазыбыздын көп баскычтуу зикир тизмектери жөнөтүлүп турмакчы. Катталып пайда алсаңыздар болот.
https://chat.whatsapp.com/Dnj6aGwQIKgHtXupktCOGe
Биздин “Тасаввуф Ахлю Сунна” вотсап группасына кошулуу аркылуу сиз заманыбыздын залкар аалымы Шейх Муаз Хаванын авторлук зикирлерине ээ болосуз. Албетте, ар бир тармакта даражалар болгон сымал эле, Шейх Муаз Хаванын дагы зикр берүүдө 21 даражасы бар. Эң манилүүсү зикр кылуу менен Алланы таануу жана ыраазы кылуу.

Олуялар күн батканда, түндүн киришине көп күткөндөй, өтө сүйүнүп мындай деп айтышат эле:
"Сүйгөн, сүйгөнүнө жетти".

Себеби түндө, капилет ээлери уктап жатышканда, олуялар ибадатка жалгыз калып, Жаратканы менен сырдашат эле.
Түнкү ибадаттын даамын сезген адам, кантип кийинки түндү таштап коет!? Бирок бул даражага жеткенге чейин алар, напсисин көп жылдар боюу тарбиялашкан.
Табииндердин бири айтат: "Мен напсим менен жыйырма жыл алыштым, кийин жыйырма жыл ибадатымдын ырахатын таптым". Б.а. жыйырма жыл, напси талап кылган нерсенин баарын тосуп, ибадатка өтө чоң маани бергендиктен, акыры напси алсырап өзүн тапшырган. Андан кийин ибадаттын сырлары сыйлык болду.
https://t.me/Muazhawwa

Катталып, бөлүшүп коюңуздар

Мусулман баласына эң оор нерсе, ниетти түздөө. Себеби жүрөктөгү ниет тезден өзгөрүп турат.

Ниетти түздөөгө ар дайым аракет кылган адам, Алла Тааланын астына таза жүрөк менен барат.

Жараткан биздин келбетибизге, байлыгыбызга карабайт. Этибар назары пенделеринин жүрөгүнө болот. Эгер ал оңолсо, бүткүл дене оңолот. Эгер ал бузулса, бүткүл дене бузулат.
"Оо, Жараткан! Жүрөгүмдү саламат сактай көр. Ибадатка бекем кылып, ниеттимди түздөөгө насип кыл"-  деп жалбарышыбыз керек.
https://t.me/Muazhawwa

Катталып, бөлүшүп коюңуздар

قال عبد الله بن الإمام أحمد بن حنبل رضي الله عنه:
«سألته عن الرَّجُلُ يمسُّ منبرَ النبي صلَّى اللهُ عليه وسلَّمَ ويتبرُّك بمَسِّه ويُقَبِّله، ويَفعَلُ بالقبرِ مِثلَ ذلك، أو نَحوَ هذا؛ يُريدُ بذلك التقرُّبَ إلى الله جلَّ وعزَّ؟ فقال: لا بأسَ بذلك».
Имам Ахмад бин Ханбалдын уулу Абдулла (Алла аларды ырайымына бөлөсүн) айтты:
"Атаман Сүйүктүүбүз Алланын элчисинин дөңсөгүн(минбар) сылап, ошону кармоо, өбүү менен Жараткандан жакшылык сураган, жана ошондой эле иштерди куттуу турпакка (Роудо Шарифа) карата жасаган киши жөнүндө сурадым. Ал жогорудагы иштер менен УЛУК, БҮЙҮК ЖАРАТКАНГА ЖАКЫНДООНУ ГАНА КААЛАРЫН белгиледим.
Атам айтты: Ал иштердин зыяны жок, б.а. кылса боло берет".
https://t.me/Muazhawwa

Сүйүүнү билбегендин жүрөгү таш сымал.
Таш жүрөктөн эмне өнүп чыкмак эле...?!

Таптук Эмре (Аллах ырайымына бөлөсүн).

https://t.me/Muazhawwa
Катталып, бөлүшүп коюңуздар

Жумаңыз мубарак болсун!

Дуаңызда бизди унутпаңыз...
https://t.me/Muazhawwa

Зикир мажлиси:

1. Зикир, вирдтерди дааратчан абалда аткарган жакшы (мустахаб).
2. Жалгыз болсо, кыбылага жүздү буруп, таза жерге отуруу. Жамаат бар болсо, тегеректеп отуруу.
3. Зикир вазипаларды баштаганда аттахият отурушуна  отуруу абзел.
4. Мүмкүн болсо жалгыз, тынч жерди тандоо.
5. Зикир мажлисин жыпар-жыт менен атырлоо.
6. Ыклас менен Жаратканды улуктоо, арылоо максатына ой топтоо.
7. Жарыктыкты өчүрүп, караңгы жерге отуруу.
8. Зикир даамын сезүү үчүн адал тамактануусу зарыл.
9. Көз жумуп зикир кылуу.
10. Кайсы зикирди кылып жатса, маанисине ой жүгүртүү.

https://t.me/Muazhawwa
Катталып, бөлүшүп коюңуздар

Жашоо кадыры:
Бул жашоого келүү  Алла Таала берген чоң ниъмат (жакшылык). Ниъматтын  кадырын билбей, өз жанын өзү кыйуу, баа жеткис жакшылыкка шүкүрсүздүк кылуу  эң чоң күнөөлөрдөн.

Кээде болор болбос нерсе үчүн, жашоонун сыноосун көтөрө  албай,  өз жанына кас болуп,  кол салгандар  жаңылык болбой калды. Айрым жаш балдар, бойго жете элек  секелек кыздар.
Балдарды кандай туура Ислам тарбиясы менен тарбиялоо  керек деген суроого, сураган адам жооп табат.

https://t.me/Muazhawwa
Катталып, бөлүшүп коюңуздар

Солихиндердин бири мындай деп айткан:
"Ит солихиндерге (үңкүр ээлерине) кызмат кылгандыгы үчүн, Жараткан анын атын курани каримде түбөлүктүү кылды жана бейишке киргизди".

Оо, окурман ойлонуңузчу! Эгер сиз солихиндерге кызмат кылсаңыз даражаңыз кандай болот!?

Жакшылык, соопторду Жараткандан үмүт этип, тасаввуф илимине кызмат кылып, бул каналды таныган адамдарга жөнөтүүңүз ыктыярыңызда.
Балким насыйкат издеген адамга, далдалчы болосуз...
https://t.me/Muazhawwa

كلب قام بخدمة الصالحين -أهل الكهف- فخلد الله ذكره في القرآن وأدخله الجنان
فكيف لو خدمتهم أيها الإنسان؟.

يمكنكم مشاركة هذه الروابط والقنوات خدمة لأهل التصوف واحتساب الأجر لله تعالى، جزاكم الله خير الجزاء و أحسنه.
https://t.me/Muazhawwa

Кичинекей соопту, кичинекей деп жеңил санабагыла. Бир күнү кичинекей жакшылыкка да муктаж болгон күн келет.
Ошондой эле кичинекей күнөө деп жеңил санабагыла. Топтолуп-топтолуп, чоңго айланып калышы мүмкүн.
https://t.me/Muazhawwa

Катталып, бөлүшүп коюңуздар

Кичипейилдүүлүк, жөнөкөйлүк, такыбалык дегенде, башын жерге салып, бүрүшүп алууга айтылынбайт.

Анын баары жүрөктө болот.
Жүрөк оңолсо денеге таасир берип, жүрүш-турушта көрүнө баштайт. Аракет кылып жаткан адамдарга, силер мындайсыңар... дейбербестен өз айыбыбыз менен алек болгондо оңолуу жолуна түшөт элек.
Ар бир адам ката кетирип алат. Алардын жакшысы, катасын мойнуна алып, тообо кылгандар.
https://t.me/Muazhawwa

Катталып, бөлүшүп коюңуздар

"Адам баласын адал жашоо чарчатпайт, балки арам нерселер чарчатат".

Б.а. дайыма арам нерселер менен чогу балээ, кырсык, кайгы, уруш-талаш жанаша жүрөт.

Ал эми адал окат, тазалыкты, адилеттүүлүктү талап кылат. Ошол себептен (адал менен жашаган адамдар) жүзү жарык, кең пейилдикте жашашат.

https://t.me/Muazhawwa
Катталып, бөлүшүп коюңуздар

Силер дуа кылып жатканда, Берешен заттын эшигин кагып жатасыңар.

Дуа кылуу да, сараңдык кылынбайт. Кичинекей, чоң кажетиңерди сурагыла. Мындай ниьматка зеригүү болбойт.
Алла Таала дуаларды сөзсүз кабыл кылат.
Ар бир жакшылыкты суранып, баардык афат- балээлерден паана тилегиле.
Дуа кылууга көңүл келип жатабы, демек дуаңардын кабыл болуусуна мүмкүнчүлүк ачылды. Мындайды колдон чыгарбай, дааратчан абалда, кыбыланы карап, тизеге чөк түшүп, дуа кылып, жалбаргыла... Акыры берип же тосо турган зат бир гана Алла Таала.
https://t.me/Muazhawwa

Катталып, бөлүшүп коюңуздар

"Жердин астында тынч жатыш үчүн, жердин үстүндө тынч жүрүш керек".

Б.а. тирүүлүктө кутурган, буйрукка баш ийбеген, азатмын, "Өзүмдү-өзүм билем, өтүгүмдү төргө илем"- деп кулчулуктан баш тарткан адам азапка дуушар болот (Кудай сактасын). Кантип? Эмнеге десеңиз?
Мисалы: Кул кожоюнга моюн сунбаса, буйругун аткарбаса, каршылык көрсөтсө эмне болот? Азапталып, акылына келтирилет.
Азап жеткирбей Жараткан элчилерди, пайгамбарларды жөнөттү, ырайым кылды.
Акыйкатты билип Жараткан буйругуна пенделик кылып ката кетирип жатабыз. Алла Таалам баарыбызга ырайым кылсын...

https://t.me/Muazhawwa
Катталып, бөлүшүп коюңуздар

Дуа зикирлерди аткарса сыноо келбей калат деген түшүнүк туура эмес. Себеби биз сыноо жашоосунда жашайбыз.

Дайыма зикир менен жүргөн адам, сыноого дуушар болсо да, андан кантип саламат чыгуу жолу ага жеңил болот.

https://t.me/Muazhawwa
Катталып, бөлүшүп коюңуздар

Муридтердин бири шейхинен сурады:
- Шейхим зикир кылып жатабыз, бирок дагы деле жүрөгүбүзгө дүйнө кирип жатат.
- Шейхи: "Аны ойлонуп эмне кыласың!  Зикир кыл, зикир кыл"- деп гана жооп берген экен.

Мунун мааниси: Зикир нурунун жоктугунан, караңгылыкка баткан жүрөк, бир эки күн зикир кылып койсо дүйнөгө болгон махабаты заматта чыгып кетеби? Албетте дарылануу мөөнөтүнө убакыт керек болот.
https://t.me/Muazhawwa

Катталып, бөлүшүп коюңуздар

Тууганы бар, мамиле жок,
Ата-эне бар, убакыт жок,
Балдары бар, тарбия жок
Кыздары бар, ыйманы жок
Уулдары бар, кайраты жок
Кошуна бар, саламы жок
Достору бар, ишеним жок
Ден соолук бар, аракет жок
Акылы бар, пикири жок
Создору бар, чындыгы жок
Бийлиги бар, калысы жок
Акчасы бар, зекети жок
Ниети бар, кадамы жок
Жумага барат, калганы жок.

Бу караңгы дүйнөдө зикир менен солихиндердин мажлиси жарык нур...
https://t.me/Muazhawwa
Катталып, бөлүшүп коюңуздар

Дүйнөкорго жакын болбо дос тутпагын,
Талап кылгын акыреттин азыктарын.

Машакаттан түшсө да тери денең,
Тамагерлик кылбагын оң бирөөлөрдөн.

Дүнүйөнү максат кылып эй адамзат,
Өмүрүңдү шамал сымал кылбагын бат.

Жакшы устаздын кызматына жеңди тартып,
Алла үчүн бир кадам да койгон артык.

Өлгөнүң оң жүргөнүңдөн тилемчилеп,
Андан таап ичкенден уу ичкен эп.

Жакшы устаздын таасири бир тийсе сага,
Ушул бакыт жүрөктөгү дартка даба.

Мындай устаз алдында сен кышы-жазда,
Бүт өмүрдү өткөрсөң да ушул аз да.

Эгер кимдин бир күндүк болсо азыгы,
Арам болот бирөөлөрдөн суранганы.

Набий (с.а.в) айтты: Кыямат болсо эй дос,
Үмүткөрдун жүзүндө нуру болбос!

Алсыздардын туткасы китебинен...
https://t.me/Muazhawwa
Катталып, бөлүшүп коюңуздар

‏يقول أنس بن مالك رضيَ الله عنه :
" لمّا كانَ اليومُ الذي دخل فيهِ رسول الله ﷺ إلى المدينة المنورة ،
أضَاء منها كلُّ شئ ... "

Анас бин Малик (Аллах андан ыраазы болсун) айтат: "Аллахтын элчиси (ага алкыш-саламдар болсун) күлпөң Мадинага кирген күнү, андагы бардык нерсе жаркырады, кулпурду..."

Бул жалгыз Анас бин Маликтин (Аллах андан ыраазы болсун) гана көргөнү эмес, балким көңкү Мадина эли муну байкашкан.
Сүйүктүүбүздүн келе жатканын билгенде, кары-жаш, эр-эпчи дебей баары аны Мадинанын капкасынан тосуп алышкан.
Төмөндө алардын кубанычынан чыккан ырдын алгачкы эки сабы:

طلع البدر علينا
من ثنيات الوداع

Толгон ай чыкты эң көркөм.
Коштошо турчу дөңсөөдөн.
https://t.me/Muazhawwa

Жаратканга көп шүгүр айталы.

Тоң моюндугубуз үчүн дароо азаптап салбай, мүмкүнчүлүк берип жатат. Алла Таала сабырдуу, ырайымдуу. Мындай ырайым үчүн түбөлүктүү шүкүр айтып өтсөк да, эч качан актай албайбыз.

Жаратканыңарга жакшы ойдо болгула. Кандай ойдо болсоңор, Алла Тааланы ошол абалда табасыңар.
https://t.me/Muazhawwa

Катталып, бөлүшүп коюңуздар

Калк ичинде, тилиңде, ваз-насыйкат,
Ал коркунуч ичиңде аз акыйкат.

Калк ичинде, тилиңде тарттың теспе,
Чынында жок жүрөктөн деген нерсе.

Эл ичинде кийип кедей кийимин,
А, негизи куудуң нафси чокусун.

Медет кылып, сыр билүүчү Кудайым,
Күнөөлөрдүн баарын кечсин ылайым.

Ошол чөккөн көңүлдөрдү шат кылып,
Жакшыларга кошсун сени жактырып.

Алсыздардын туткасы китебинен...
https://t.me/Muazhawwa
Катталып, бөлүшүп коюңуздар

Ойлонгонсузбу?
Кыргыз тебетейи эмнеге окшош?

"Кыргыз тебетейи" селденин түзүлүшүнөн алынган дешке болот. Биз тарап суук, кыраан чилде бар болгондугу үчүн, жылуу формасын ата-бабаларыбыз ойлоп табышкан.

Түзүлүшүн жакшылап карасак ортосунда топу, капталдары тоголок кылып тери менен капталган. Селде дагы топуга жука кездеме оролот.
Бул да ата-бабабыз динди карманып, пайгамбарыбыздын сүннөтүн аткарууга тырышкан.

https://t.me/Muazhawwa
Катталып, бөлүшүп коюңуздар

"Санат"
Арстанбек Буйлаш уулу (1824-1878)

Бир туугандан кем эмес,
Бирге жүргөн айылдаш,
Тирүүлүктө агайын
Бириңе бириң кадырлаш.
Өтүп кетсе өмүрүң
Экинчи кайра табылбас.
Жеринде күлүк болбосо,
Чоң байгеге чабылбас
Жоо чаппаса жоголбос,
Жосунсуз адам оңолбос.
Кадырлаш болуп жүрбөсө,
Адамды адам сагынбас.
Оору- сыркоо болбосо,
Жакында адам карыбас.
Санаа тартып күйбөсө,
Сай-сайлап киши арыбас,
Жалкоо адам жарыбас.
Жамандык башка түшпөсө,
Адамга адам зарылбас
Күнүгө алтын тапса да,
Акылсыз жигит байыбас
Кайратың тоону бузса да,
Кашыгың көлдү сузса да,
Оозуңдан чыккан сөзүңө,
Зоо куланып учса да,
Эл менен сен адамсың,
Элден чыксаң жамансың.
Кабарың күнгө кетсе да,
Жылдызга колуң жетсе да,
Жараткандын дүйнөсү
Бүт колуңа өтсө да,
Эл менен сен бийиксиң,
Элден чыксаң кийиксиң.
Арзанды кымбат баалаган,
Сүткордун жайы — кара жер,
Айылга бүлүк чыр салган,
Анткордун жайы — кара жер.
Алсызга кайрым кылбаган,
Залимдин жайы — кара жер.
Өмүрүн кыйган адамдын
Канкордун жайы — кара жер.
Ушак-айың сүйлөгөн,
Уяттын жайын билбеген,
Жамандын жайы — кара жер.
Адамга жок пайдасы,
Ач көздүн жайы — кара жер.
Күйүткө өзүн алдырган,
Күндө ыйлап зар кылган,
Кайратсыз жайы — кара жер.
Санаага өзүн алдырган,
Заарда ыйлап зар кылган,
Алсыздын жайы — кара жер.
Эртели-кеч ооруса,
Азирейил тооруса,
Адамдын жайы — кара жер.
Ууру кылса түнүндө,
Уктап жатса күнүндө
Андайдын жайы — кара жер.
Зорлугу өтсө жакырга,
Зомбулук кылса бакырга
Зордун түбү — кара жер.
Катарлаш элге кан чачса,
Канкорлорго жан тартса,
Кандын жайы — кара жер.
Кара өзгөй болсо калкына
Калктын жетпей баркына
Жакырдык жанды кыйнаса,
Өйдө-төмөн чарпыла,
Акимдин жайы — кара жер.
Ажаан чыкса катының
Акыл сөзгө кирбесе,
Алкылдап беттеп сүйлөсө,
Анын жайы — кара жер.
Эрмин деп турса эрдемсип,
Эрдин тиштеп келберсип,
Эртели-кеч корсулдап,
Балага баар кылбаса,
Аялын уруп чырдаса,
Эрдин жайы — кара жер.
Эсиң оосо, эчки бак,
Мейли чебич, мейли улак,
Сүтүн ичсең күлазык,
Эти, майы эң артык,
Уяң тыбыт апаппак,
Чөп жакшысын таптаган,
Көк бетеге, көк шыбак.
Эгиндердин жакшысы
Эрте бышкан ар убак
Арпа болот баарыдан,
Ичип алсаң жармасын,
Талканы чын күлазык,
Суу атасы тоңбогон,
Кайнап чыккан — таш булак.
Соз атасы башында
Угуп турган кош кулак.
Чапса күлүк, минсе бек,
Жылкы атасы — Чын бурак.
Таап алып өмүрү
Талыкпастан сылап бак.
Адамзаттын досу экен,
Ажырабас чын ынак.
Тоо бузулуп, таш урап,
Тозулбаган жерде жок.
Чайпалбаган көлдө жок,
Чаалыкпаган жанда жок,
Бөксөрбөгөн сууда жок,
Бөлүнбөгөн элде жок,
Түгөнбөгөн кенде жок,
Түйшөлбөгөн пенде жок,
Терең акыл, кең пейил,
Термелбеген элде жок.
Бирде мырза, бирде кул,
Жаман жакшы элге жак,
Териң төгүп жерге жак.
Бул жакшысы бөз экен,
Кездемеңиз мырзараак.
Мата чепкен Кашкардан
Чыгып турат алжырап,
Алжыракай болсо да,
Бир жыл киет бүрмөлөп.
Ак сурп, шалпар, киритон
Алты ай сайын бир кийип,
Анан кийим таба албай,
Карап калат жалдырап.
Аны эмне киесиң,
Акылы жок калжырак?
Жыгачын арбын кыйбаса,
Кирпичин арбын куйбаса,
Бышыксынган жигитке,
Салынуу турган там кайда?
Арыгын терең казбаса,
Арпасын тегиз чачпаса,
Топондосун чыгарбай,
Токтотуп суун сугарбай,
Дыйкансынган жигитке
Бышып турган дан кайда?
https://t.me/Muazhawwa

Ким бул жалганда өзүн өзү суракка алса, Жаратканы аны чын жайда суракка албайт.

Момундардын башчысы Умар (Алла андан ыраазы болсун) айтты:
"Сурак болгонго чейин өзүңөрдү суракка алгыла, кылган иштериңер салмакталганга чейин аны салмактагыла!"
حاسبوا أنفسكم قبل أن تحاسبوا
وزنوا أعمالكم قبل أن توزن عليكم!

https://t.me/Muazhawwa
Катталып, бөлүшүп коюңуздар

Шейхтин мажлисине үлүш алуу үчүн келгендер "МЕН" деген сөздү жана   "Нафсини" сырттка таштап кирүүсү керек.
Мурид шейхтин астында, өлүк жуугучтун астында маркумдай болуш керек. Б.а. өлүк жуугуч  өзү жууп кепиндейт. Ошол сыяктуу мурид шейхине өзүн тапшырып берүүсү керек.
Эгер ар бир тарбия сөзүнө каршылык көрсөтүп жатса, качан тарбияланат?! Зикир тапшырмаларына шектенип жатса, качан оңолот?!
Орулуу адам доктурдун дарылоосуна каршылык көрсөтүп, дарыланбай жатса, качан айыгат? Доктурлар дене-мүчөнүн табыптары болсо, олуялар жан- дүйнөнүн табыптары.
https://t.me/Muazhawwa

Катталып, бөлүшүп коюңуздар

Шейхим  قدس الله سره айтты:
Биздин мажлис, дастаркон сымал. Мажлиске келген адамдардын ар биринин өз ырыскысы бар.
(Б.а. ар бири муктаждыгына  жараша үлүш алат).
Биздин сухбетке келген адамдар муктаж эместигин көрсөтүшсө, (б.а. оңолууга аракет, максаты жок болсо) үлүш ала алышпайт.

Кийин алар жөнөкөй эле сөздөрдү уктук, пайда алалбадык дешет... Кемчилик өзүнөн кетип жатканын текеберлик себебинен түшүнө албайт!
https://t.me/Muazhawwa

Катталып, бөлүшүп коюңуздар.

«Кайратың тоону бузса да,
Кашыгың көлдү сузса да.
Оозуңдан чыккан сөзүңө
Зоо куланып учса да,
Эл менен сен адамсың,
Элден чыксаң жамансың.
Кабарың Күнгө кетсе да,
Жылдызга колуң жетсе да,
Жараткандын дүйнөсү
Бүт колуңа өтсө да.,
Эл менен сен бийиксиң,
Элден чыксаң кийиксиң».

Арстанбек Буйлаш уулу.
https://t.me/Muazhawwa
Катталып, бөлүшүп коюңуздар

7📜 Шейхул Ислам Азирети Солах Абул Хааж (өмүрүнө береке).

Устазым туурасында айтып берейин деп, пайгамбар мураскерине ылайык сөз таппай күттүм . Улук инсанды айтып берейин деп илхам күтсөм, көрсө сөз байлыгым аз экен.

Акыр заман аалымдардын арстаны.
Ханафийлердин эң кымбат таажысы.
Ойчул, акылдуулардын төрөсү да, мырзасы.
Калеми курч, ойго-сөзгө чечен жан дүйнөсү байлыгы.
Мажлисинде орулуу жүрөк табат дартына дабасын.
Адашкан адам анын жанында качат шайтаны.
Адилеттүүлүктү өрнөк тутат ар дайым.
Үммөт гамы менен жашап келет ар сайын.
Топтоду төрт тараптан, ааламдан. Шакирт аттуу балдар-кыздардан.
Сабак берип, аалым чыгарат уул-кыздан.
Шакирттери мага окшош алыста, ата-устатын эскерет кусалыкта.

Ханафийлердин жанды жылдызы Урдундан.
Чолпон жылдыз болду шейхим Урдундан.

Адылбеков А.
https://t.me/kitepduinosy
Жакшылыкта шерик болуңуз!

Азабыңдан коркуп Аллам, кубарам
Кечирүүчү атыңдан көп суранам

Калк чогулаар, эсеп күнү келгенде
Суранаарым кылба бизди шерменде

Мен кайрылып көздү салсам артыма
Ылайыкмын деймин азап дартына

Бирок сенин рахматыңа карасам
Кечирет деп чоң үмүттө баратам.

Алсыздардын туткасы китебинен...
https://t.me/Muazhawwa
Катталып, бөлүшүп коюңуздар.

Алсыздыкты моюнга алуу деп айттык эле...
Муну кантип түшүнсө болот? Мен алсыз эмесмин, эч кимге муктаж эмесмин дегендер төмөнкү нерселерге ой жүгүртсүн:
- Сен Жаратуучумсуң, мен кулуңмун.
- Сен күч-кудрет ээсисиң, мен алсызмын.
- Сен кадыр затсың, мен ажызмын.
- Сен мүлк ээсисиң, мен кедеймин.
- Сен эч кимге муктаж эмессиң, мен сага муктажмын.
- Сен барсың, мен сенин алдыңда жокко эсемин. (Б.а. эч бир маклукат, Жаратканга тең келе албайт. Биздин бар болуубуз, Алланын кудурети менен).
ثم يقول التالي بصوت حزين مادا بها صوته:

ياغني أنت الغني وأنا الفقير من للفقير سواك.
يا عزيز أنت العزيز وأنا الذليل من للذليل سواك.
يا قوي أنت القوي وأنا الضعيف من للضعيف سواك.
يا قادر أنت القادر وأنا العاجز من للعاجز سواك.
https://t.me/Muazhawwa
Катталып, бөлүшүп коюңуздар

Өзүңөрдүн күч кубатыңарга таянуудан, Жараткандын күч кубатына кайткыла.

Чыныгы күч- кубат ээси Алла Таала гана.
Алсыз пенде экеңинерди моюундап, Жаратканга кайтуу зарыл.  Ал угуп, билип турган зат.
Алла Таалага товокел кылып, жалбарсак бизди таштап коёбу!? Албетте андай эмес!
Жараткан сынайт, пенделерин таштабайт. Сыналып жатканыңар, силердин жалбарганыңардын чынчылдыгына текшерүү...  Момун Жараткан тагдырлап берген өмүргө нааразы болбойт.
https://t.me/Muazhawwa

Катталып, бөлүшүп коюңуздар

Чыныгы балээ каякта болуп жатат дегенде, аалам (өзгөчө батыш) укмаксан жана көрмөксөн болуп калышат...
Эх, байкуш Палестин эли геноцидке учуроодо...💔

https://t.me/Muazhawwa
Катталып, бөлүшүп коюңуздар

ДҮНҮЙӨ

Бул дүнүйө бекерсиң
Бир күнү өтүп кетерсиң,
Опосу жок дүйнөнүн
Түбүнө ким жетерсиң?

Келериңде дүнүйө,
Толукшуп чыккан айдайсың,
Кетериңде дүнүйө,
Суу жүрбөгөн сайдайсың.

Келериңде дүнүйө,
Асмандагы күндөйсүң,
Кетериңде дүнүйө,
Кайгылуу көңүл кирдейсиң.

Келериңде дүнүйө,
Өзөнгө бүткөн талдайсың.
Кетериңде дүнүйө,
Өлүмдөн бетер алдайсың.

Келериңде дүнүйө,
Мөмөлүү дарак шактайсың,
Кетериңде дүнүйө,
Суу жетпеген кактайсың.

Келериңде дүнүйө,
Алмач өркөч лөктөйсүң.
Кетериңде дүнүйө,
Тулпар минсең жетпейсиң.

Келериңде дүнүйө,
Аргымак минип ойнойсуң.
Кетериңде дүнүйө,
Айланып учкан торгойсуң.

Келериңде дүнүйө,
Адырдан соккон желдейсиң.
Кетериңде дүнүйө,
Кол жетпес аска белдейсиң.

Келериңде дүнүйө,
Ай менен күндөй жарыксың.
Кетериңде дүнүйө,
Таманы түшкөн чарыксың.

Келериңде дүнүйө,
Кош тегирмен ноодойсуң.
Кетериңде дүнүйө,
Көз жетпес бийик зоодойсуң.

Келериңде дүнүйө,
Алтын жагоо куштайсың.
Кетериңде дүнүйө,
Кышкы чилде муздайсың.

Келериңде дүнүйө,
Алтын така тулпарсың.
Кетериңде дүнүйө,
Артынан кууса жеткирбес,
Айланып учкан шумкарсың.

Келериңде дүнүйө,
Урууда күлүк дулдулсуң.
Кетериңде дүнүйө,
Уясын бузган булбулсуң.

Келериңде дүнүйө,
Ташкын дайра селдейсиң.
Кетериңде дүнүйө,
Карматпас бороон желдейсиң.

Келериңде дүнүйө,
Алтын тутка түркүксүң.
Кетериңде дүнүйө,
Туурдан учкан бүркүтсүң.

Келериңде дүнүйө,
Кебелбес эрдин мүлкүсүң.
Кетериңде дүнүйө,
Керүүдөн качкан түлкүсүң.

Келериңде дүнүйө,
Байгеден чыккан аттайсың.
Кетериңде дүнүйө,
Мөмөсү түшкөн шактайсың.

Келериңде дүнүйө,
Көңүлүң курсант болорсуң.
Кетериңде дүнүйө,
Көк шумкар алган коёнсуң.

Келериңде дүнүйө,
Курбулуу тоодо уларсың.
Кетериңде дүнүйө,
Куйругун жанчкан жылансың.

Келериңде дүнүйө,
Көк болот шамшар-канжарсың.
Кетериңде дүнүйө,
Көксөө болгон чалдайсың.

Келериңде дүнүйө,
Жоо качырган эрдейсиң.
Кетериңде дүнүйө,
Кейиген менен келбейсиң.

Келериңде дүнүйө,
Кериде жайык конушсуң.
Кетериңде дүнүйө,
Капкагы сынган комузсуң.

Келериңде дүнүйө,
Чытырман калың токойсуң,
Кетериңде, дүнүйө,
Жыртылган тери чокойсуң.

Келериңде дүнүйө,
Ак үйгө салган айнексиң.
Кетериңде дүнүйө,
Туткасы сынган чайнексиң.

Келериңде дүнүйө,
Ала кар жаткан бийиксиң.
Кетериңде дүнүйө,
Мергенден качкан кийиксиң.

Келериңде дүнүйө,
Көкөлөп өскөн чынарсың.
Кетериңде дүнүйө,
Шамалдан качкан тумансың.

Келериңде дүнүйө,
Толкуган көлдө шардайсың.
Кетериңде дүнүйө,
Томугу түшкөн тайдайсың.

Келериңде дүнүйө,
Жыйырма беш жаштайсың.
Кетериңде дүнүйө,
Жыдыган кара чачтайсың.

Келериңде дүнүйө,
Караңгы тамда чыраксың.
Кетериңде дүнүйө,
Карышкыр жеген улаксың.

Келериңде дүнүйө,
Айчыгы алтын туудайсың.
Кетериңде дүнүйө,
Соолгон кудук суудайсың.

Келериңде дүнүйө,
Булутсуз тийген күндөйсүң.
Жанаша чыгып ыргалган
Жазгы талдай бүрдөйсүң.

Кетериңде дүнүйө,
Булут баскан түндөйсүң.
Карарып алса көңүлүң,
Кармаса колго кирбейсиң.

Келериңде дүнүйө,
Түнкүсүн жарык айдайсың.
Адамдын көөнүн сергиткен
Жашыл гүлдүү жайдайсың.
Кетериңде дүнүйө,
Кайрылып карап койбогон
Кайыры жок байдайсың.

Келериңде дүнүйө,
Жайкалган ыраң чөптөйсүң.
Жашылданып буруксуп,
Туш-туш жакка көктөйсүң.
Кетериңде дүнүйө,
Эшиктен төргө өтпөйсүң,
Жардылыкка таянтып,
Жакыныңды өрттөйсүң.

Келериңде дүнүйө,
Бир туугандан ынаксың.
Караңгыда жарк эткен,
Каухар, жакут чыраксың.
Кетериңде дүнүйө,
Душманымдан ырааксың.

Келериңде дүнүйө,
Жаз бүрдөгөн терексиң.
Жагалдантып көнүлдү
Жаш, карыга керексиң.
Кетериңде дүнүйө,
Түбү түшкөн челексиң.

Келериңде дүнүйө,
Бүр алган кырчын талдайсың.
Таттуулугуң тамшантып,
Шекер менен балдайсың,
Кетериңде дүнүйө,
Азыткыдай алдайсың.

Келериңде дүнүйө,
Жасалгалуу үйдөйсүң.
Кетериңде дүнүйө,
Жакыныңды сүйбөйсүң.

Келериңде дүнүйө,
Ташып чыккан булаксың.
Кетериңде дүнүйө,
Желсиз өчкөн чыраксың.

Келериңде дүнүйө,
От жакпай оргуп кайнайсың.
Күн тийгендей жаркырап,
Күлө багып жайнайсың.

Дүнүйө чиркин ушундай,
Колуңдан качкан кушуңдай.

Токтогул Сатылганов.
https://t.me/Muazhawwa

Токтогул Сатылганов (1864-1933жж).

Жаман чөйрөгө караганда, жалгыздык жакшы.

Жалгыздыкка караганда, мыкты чөйрө жакшы...
Жан дүйнөңдө бүгүн жаан жаап жатса, эртең күн ачылып, баары жанданат.
Убакыт баарына даары...
Бир гана чырайлуу сабыр керек.

Кээ де адамдардан алыстап, ой пикир топтогон жакшы.
Жашоодон чарчадым деп жаныңды кыйбастан...
Ойлон, ойгон...

https://t.me/Muazhawwa
Катталып, бөлүшүп коюңуздар

Мамлекеттик тилде сүйлөп, иштейли!

Илим менен билимге көпүрө - тил,
Көкөлөткөн адамды тили деп бил.

Жусуп Баласагын.

Тил - улуттун жаны!

Кыргыз тилим асылдыгын актаган,
Кымбаттыгын бабам Манас жактаган.
Тилин коргоп окко төшүн тоссо да,
Бирок эч ким, Эне тилин сатпаган.

https://t.me/Muazhawwa
Катталып, бөлүшүп коюңуздар

Мен чарасыз бир ушундай илимсиз,
Эл ичинде татыксыз да билимсиз.

Маңызы жок данек болсом дагы да,
Колдойт достор карабастан аныма.

Алсыздардын туткасы 12 б.
https://t.me/Muazhawwa

Катталып, бөлүшүп коюңуздар