Kunlik Info ℹ️

#yangiliklar

📰 Shols YEI davlatlarini Ukrainaga yordamni kuchaytirishga chaqirdi

Germaniya 2024-yilda Ukrainaga yordam ko‘rsatish uchun 7 milliard yevrodan ko‘proq (7,6 milliard dollar) sarflaydi. Yevropa ittifoqchilari Kiyevga yordamni oshirishi kerak. Bu haqda Germaniya kansleri Olaf Shols ma’lum qildi .

Uning so‘zlariga ko‘ra, Berlin hozirda Kiyevga barcha Yevropa davlatlarining umumiy harbiy yordamining yarmidan ko‘pini berayotganini qabul qilib bo‘lmaydi. Scholz bo‘lajak YEI sammitida Kiyevga yordam yukini bo‘lishish masalasini ko‘tarishini ta’kidladi.

“Agar Rossiya Yevropa davlatlari har doim Kiyev bilan ekanligi haqidagi xabarni olsa, tinchlik tezda keladi”. 

Manba: Aniq.uz

#yangiliklar

📰 O‘zbek tadbirkorlari nemis konsalting kompaniyalar bilan uchrashdi

🇩🇪 Germaniya poytaxtida bo‘lib o‘tayotgan «Yashil haftalik» Xalqaro yarmarkasi doirasida Berlindagi elchixonamiz tashabbusi bilan O‘zbekiston Savdo-sanoat palatasi bilan birgalikda qishloq xo‘jaligi sohasida faoliyat yurituvchi o‘zbek tadbirkorlari uchun nemis konsalting kompaniyalar vakillari ishtirokida mahorat darslari tashkil etildi.

Unda Germaniya agrobiznes alyansi direktori Per Broderzen va "Müller Außenhandel e.V. " kompaniyasi menejeri Valdemar Myuller o‘zbekistonlik tadbirkorlarga ushbu mamlakatda biznes yuritish tartib-qoidalari va o‘ziga xos jihatlari haqida so‘zlab berdilar.

🔴 Xususan, Germaniya mutaxassislari O‘zbekistonda yetishtirilgan qishloq xo‘jaligi mahsulotlarini Yevropa bozorlariga olib kirish, yangi hamkorlar topish va ular bilan to‘g‘ridan-to‘g‘ri aloqalarni o‘rnatish, savdo kelishuvlariga erishishda e’tibor qaratish lozim bo‘lgan jihatlar va bu borada xorijiy kompaniyalarning tajribalari bilan o‘rtoqlashdilar.

O‘zbekiston tadbirkorlari o‘zlarini qiziqtirgan barcha savollarga nemis hamkorlardan batafsil javob olishdi. Shuningdek, tomonlar o‘zaro hamkorlik istiqbollari va kelgusida amalga oshirilishi lozim bo‘lgan ishlar yuzasidan fikr almashdilar. 

Manba: Aniq.uz

#yangiliklar

📰 Tashkent City hududidagi binoning 15 qavatidan bir inson qulab tushganligi rostmi?

Ijtimoiy tarmoqlarda «Tashkent City hududidagi binoning 15 qavatidan bir inson qulab tushganligi aytilmoqda» sarlavhasi ostida tarqalgan xabar yuzasidan rasmiy munosabat berildi.

Bugun, 28 yanvar kuni FVV Maxsus vazifalar bo‘yicha respublika qutqaruv markazi shaxsiy tarkibi tomonidan tegishli tashkilotlar bilan hamkorlikda favqulodda vaziyatlarning oldini olish, yong‘in xavfsizligini ta’minlash va sodir bo‘lganda to‘g‘ri harakt qilish bo‘yicha rejaviy maxsus-taktik o‘quv mashqi o‘tkazildi. Unda jabrlanganlarni xavfsiz joyga olib chiqish, birinchi tibbiy yordam ko‘rsatish hamda yong‘inlar va avariya oqibatlarini bartaraf etish bo‘yicha amaliy harakatlar bajarilib, xodimlar bilim va ko‘nikmalari mustahkamlandi. Maxsus-taktik o‘quv mashqi davomida hech kim jabrlangani yo‘q. 

Manba: Aniq.uz

#yangiliklar

📰 Moskvadagi Satira teatrida yong‘in sodir bo‘ldi, voqea joyiga o‘nlab mashinalar olib kelindi

Rossiya poytaxti Moskva shahridagi G‘alaba maydonida joylashgan mashhur Satira teatrida yong‘in sodir bo‘ldi.

Bu haqda TASS agentligiga tayanib, “Report” xabar bermoqda.
Teatrga kelgan 50 ga yaqin odam evakuasiya qilingan. Halok bo‘lganlar va jarohatlanganlar haqida ma’lumot yo‘q.

Moskva Favqulodda vaziyatlar boshqarmasi ma’lumotlariga ko‘ra, yong‘in maydoni 250 kvadrat metrni tashkil etgan.

Hodisaga 21 ta o‘t o‘chirish mashinasi jalb qilingan. 

Manba: Aniq.uz

#yangiliklar

📰 Il-76 bilan nima sodir bo‘lganiga hech kim aniq javob bera olmaydi — Kirill Budanov

Ukraina Bosh razvedka boshqarmasi rahbari Kirill Budanovning so‘zlariga ko‘ra, Belgorod viloyatida halokatga uchragan harbiy transport samolyoti bilan nima sodir bo‘lganiga na Ukraina, na Rossiya tomoni to‘liq javob bera olmaydi.

"Afsuski, shuni aytish kerakki, hech bir tomon u yerda sodir bo‘lgan voqealarga to‘liq javob bera olmaydi. Rossiyaning pozisiyasi tushunarli, ular hamma narsada Ukrainani ayblashadi. Bunday pozisiya uchun tushunarsiz bo‘lgan bir qator faktlar mavjud. Bu, birinchi navbatda, ruslarning murdalar va qoldiqlar bilan qoplangan dalalarni ko‘rsatmaganliklarida. Ya’ni, vaziyat hali to‘liq aniq emas", — deya voqeaga izoh berdi Budanov. 

Manba: Aniq.uz

#yangiliklar

📰 Los-Anjeles federal sudi Daniyadan AQShga hujjatsiz va chiptasiz ucha olgan Rossiya fuqarosini aybdor deb topdi

Tergovchilarga ko‘ra, rossiyalik AQShga kelgani haqida "yolg‘on va chalg‘ituvchi" ma’lumot bergan. Ayblanuvchi besh yilgacha qamoq jazosi bilan jazolanishi mumkin.

Rossiya fuqarosi Los-Anjelesga 2023 yilning noyabrida kelgan. O‘tkazish punktida chegarachilar uni kelgan xalqaro reyslarning birortasining yo‘lovchilar ro‘yxatidan topa olishmagan. Rossiyalik erkak AQShga kirish uchun pasport va viza taqdim eta olmagan. 

Manba: Aniq.uz

#yangiliklar

📰 The Telegraph: Rossiya qurol ishlab chiqarishda G‘arbni ortda qoldirmoqda

RFda sobiq savdo markazlari, novvoyxonalar va boshqa fuqarolik infratuzilmasi qurol zavodlariga aylantirilmoqda. Rossiya og‘ir texnika ishlab chiqarishni sezilarli darajada oshirishga va artilleriya snaryadlarini ishlab chiqarishni ko‘paytirishga muvaffaq bo‘ldi. Bunga Eron va Shimoliy Koreyadan yetkazib beriladigan qurol-yarog‘lar ham qo‘shilgan.

Mutaxassislarning fikriga ko‘ra, Rossiya allaqachon urush boshida bo‘lgan artilleriya bo‘yicha kuchini qayta tiklamoqda. Bunday sur’atdagi o‘sish bilan Kreml jang maydonida hal qiluvchi ustunlikka ega bo‘lishi mumkin. 

Manba: Aniq.uz

#yangiliklar

📰 Tailand va Xitoy fuqarolarning o‘zaro vizasiz sayohati to‘g‘risida shartnoma imzoladi

Tailand Bosh vazirining o‘rinbosari, tashqi ishlar vaziri Panpri Pxittxanukon va Xitoy Kommunistik partiyasi Markaziy qo‘mitasi Siyosiy byurosi a’zosi, Xitoy Xalq Respublikasi tashqi ishlar vaziri Van I o‘zaro vizasiz sayohat to‘g‘risidagi bitimni imzoladi.

“Ikki davlat tashqi ishlar vazirlari bugun Bangkokda “Tailand Qirolligi hukumati va Xitoy Xalq Respublikasi hukumati o‘rtasida oddiy va umumiy pasport egalarini o‘zaro vizadan ozod qilish to‘g‘risida”gi Bitimni imzoladilar”, — deyiladi matbuot xizmati xabarida.

Hujjatda aytilishicha, 2024 yil 1 martdan kuchga kiradigan kelishuvni imzolash marosimi Tailand Tashqi ishlar vazirligi binosidagi Naratxip qabullar zalida bo‘lib o‘tdi. 

Manba: Aniq.uz

#yangiliklar

📰 Xalq shoiri Usmon Azim og‘ir judolikka uchradi

O‘zbekiston xalq shoiri Usmon Azimning akasi Hakim bobo Azimov vafot etdi.

Shu munosabat bilan Yozuvchilar uyushmasi hamdardlik bildirdi.

O‘zbekiston Yozuvchilar uyushmasining ma’lum qilishi, janoza namozi bugun (28.01.2024-yil) soat 14:00da Boysun tumani Gaza qishlog‘ida o‘qiladi. 

Manba: Aniq.uz

#yangiliklar

📰 Andijondagi bojxona postida ayolga qo‘pol munosabatda bo‘lgan xodimga xizmat tekshiruvi tayinlandi

Andijon viloyatida joylashgan “Do‘stlik” chegara-bojxona postida sodir bo‘lgani aytilgan janjal videosi ijtimoiy tarmoqlarda tarqalib, muhokamalarga sabab bo‘ldi. Unda bojxona xodimi ayolning yukini yerga otib, tepgani aks etgan.

Mazkur videoni viloyat bojxona boshqarmasi tomonidan tegishli tartibda o‘rganilganda holat 2023 yil 25 oktyabr kuni sodir bo‘lgani aniqlandi.

“Hozirda xodimning xatti-harakatiga nisbatan xizmat tekshiruvi tayyorlanib, surishtiruv ishlari olib borilmoqda. Natijasi bo‘yicha qo‘shimcha ma’lumot beriladi”, — deyiladi Andijon viloyati bojxona boshqarmasi xabarida. 

Manba: Aniq.uz

#yangiliklar

📰 29 yanvar kuni mamlakatimiz bo‘ylab kutilayotgan ob-havo ma’lumoti e’lon qilindi

Respublika Gidrometeorologiya xizmati agentligining xabar berishicha, 29 yanvar kuni Toshkentda havo o‘zgarib turadi, vaqti-vaqti bilan yomg‘ir yog‘adi. G‘arbdan sekundiga 5-10 metr tezlikda shamol esadi. Kechasi 3-5, kunduzi 7-9 daraja iliq bo‘ladi.

Qoraqalpog‘iston Respublikasi va Xorazm viloyatida havo o‘zgarib turadi, ayrim joylarda qor yog‘ib, tuman tushishi mumkin. G‘arbdan sekundiga 7-12 metr tezlikda shamol esadi. Ayrim joylarda shamolning tezligi sekundiga 17-22 metrgacha kuchayishi mumkin. Kechasi 5-10, kunduzi 0-5 daraja sovuq bo‘ladi.

Buxoro va Navoiy viloyatlarida havo o‘zgarib turadi, ba’zi joylarda yog‘ingarchilik (yomg‘ir, qor) bo‘lishi, tuman tushishi mumkin. Sharqdan esayotgan shamol o‘z yo‘nalishini o‘zgartirib, g‘arbdan sekundiga 7-12 metr tezlikda esadi. Ba’zi joylarda shamolning tezligi sekundiga 17-22, ayrim tumanlarda sekundiga 25-28 metrgacha kuchayishi mumkin. Kechasi va kunduzi 2-7 daraja iliq, cho‘l hududlarida kechasi 5-10, kunduzi 0-5 daraja sovuq bo‘ladi.

Toshkent, Samarqand, Jizzax va Sirdaryo viloyatlarida havo o‘zgarib turadi, ayrim joylarda yog‘ingarchilik (yomg‘ir, qor) bo‘ladi. Joylarda tuman tushishi mumkin. Sharqdan esayotgan shamol o‘z yo‘nalishini o‘zgartirib, g‘arbdan sekundiga 7-12 metr tezlikda esadi. Ayrim joylarda shamolning tezligi sekundiga 17-22 metrgacha, ba’zi tumanlarda sekundiga 25-28 metrgacha kuchayishi mumkin. Kechasi 2-7, kunduzi 5-10 daraja iliq bo‘ladi.

Qashqadaryo va Surxondaryo viloyatlarida havo o‘zgarib turadi, ba’zi joylarda yomg‘ir yog‘ib, tuman tushishi mumkin. G‘arbdan sekundiga 7-12 metr tezlikda shamol esadi. Ba’zi joylarda shamolning tezligi sekundiga 17-22 metrgacha kuchayishi mumkin. Kechasi 2-7, kunduzi 5-10 daraja iliq bo‘ladi.

Andijon, Namangan va Farg‘ona viloyatlarida havo o‘zgarib turadi, ayrim joylarda yomg‘ir yog‘ib, tuman tushishi mumkin. G‘arbdan sekundiga 7-12 metr tezlikda shamol esadi. Ayrim joylarda shamolning tezligi sekundiga 15-20 metrgacha kuchayishi mumkin. Kechasi 0-5, kunduzi 5-10 daraja iliq bo‘ladi.

Respublikamizning tog‘li hududlarida havo o‘zgarib turadi, vaqti-vaqti bilan qor yog‘adi, ayrim joylarda kuchli bo‘ladi. Tuman tushishi mumkin. Toshkent va Namangan viloyatlarining tog‘li hududlarida qor ko‘chishi xavfi bor. G‘arbdan sekundiga 7-12 metr tezlikda shamol esadi. Ayrim joylarda shamolning tezligi sekundiga 15-20 metrgacha kuchayishi mumkin. Kechasi va kunduzi 0-5 daraja iliq bo‘ladi.

Muhim hodisalar

28-31 yanvar kunlari Toshkent va Namangan viloyatlarining tog‘li hududlarida qor ko‘chishi xavfi bor. 

Manba: Aniq.uz

#yangiliklar

📰 "Liverpul"ning uch nafar yetakchisi Kloppdan keyin ketib qolishi mumkin

"Liverpul" bosh murabbiyi Yurgen Klopp joriy mavsum yakunlanganidan so‘ng ingliz klubini tark etishini e’lon qildi. Nemis murabbiyidan so‘ng mersisaydliklar jamoasini birdaniga uchta kuchli futbolchi tark etishi mumkin.

TalkSport bergan xabarga ko‘ra, gap himoyachilar Virjil van Deyk va Trent Aleksandr-Arnold, shuningdek, hujumchi Muhammad Saloh haqida ketmoqda. Futbolchilarning shartnomasi 2025 yilda yakuniga yetadi. Manbaning qayd etishicha, har uchalasi ham nemis murabbiyi ketganidan keyin istalgan vaqtda shartnomani uzaytirishdan bosh tortishi va klubni tark etishi mumkin.

Saloh uchun ehtimoliy manzil Saudiya Arabistoni bo‘lishi kutilmoqda. Aleksandr-Arnold va Van Deyk borasida hozircha yangiliklar yo‘q. 

Manba: Aniq.uz

#yangiliklar

📰 O‘zbekiston – Tailand uchrashuvini boshqarib boradigan hakamlar brigadasi ma’lum bo‘ldi

Qatar yashil maydonlarida davom etayotgan Osiyo Kubogining 1/8 finalidan o‘rin olgan O‘zbekiston – Tailand o‘yinini malayziyalik Muhammad Nazmi bin Nasaruddin bosh hakam sifatida boshqaradi. Unga hamyurtlari Muhammad Zairul hamda Arif Shamil yordam berishsa, zaxira hakami sifatida ummonlik Ahmad Abu Bakar Said al-Kaf ishlaydi. Shuningdek, uchrashuv VAR hakami vazifasini Omar Muhammad Ahmad (BAA) bajarsa, AVAR sifatida saudiyalik Xolid Solih Alturais ishlashi ko‘zda tutilgan.

Ma’lumot uchun, Nazmi Nasaruddin joriy mavsum jami 8 ta uchrashuvda ishlagan. Ushbu uchrashuvlarning barchasi klublar va terma jamoalar ishtirokidagi xalqaro musobaqalarga to‘g‘ri keladi. E’tiborli tomoni, ushbu hakam OCHL guruh bosqichining 3 ta turida o‘zbek klublari ishtirokidagi bahslarda hakamlik qilgan. U turnirning 2-turida “Navbahor” – “Mumbai Siti” (Hindiston), 4-turida “Ahal” (Turkmaniston) – “Paxtakor” hamda 6-tur doirasidagi “Mumbai Siti” (Hindiston) – “Navbahor” uchrashuvlarini boshqargan. Ushbu bahslar davomida u cho‘ntagidan jami 32 marta sariq kartochka, 4 bor qizil kartochka chiqargan va 3 marta 11 metrlik jarima zarbasi belgilagan. 

Manba: Aniq.uz

#yangiliklar

📰 Ishdan bo‘shatish nafaqasi 200 foizgacha to‘lanadi

Ishdan bo‘shatish nafaqasining miqdori mazkur ish beruvchidagi ish stajiga bog‘liq bo‘ladi va u:

🔹 3 yilgacha ish stajiga ega bo‘lgan xodimlar uchun – o‘rtacha oylik ish haqining 50 foizidan;

🔹 3 yildan 5 yilgacha ish stajiga ega bo‘lgan xodimlar uchun – o‘rtacha oylik ish haqining 75 foizidan;

🔹 5 yildan 10 yilgacha ish stajiga ega bo‘lgan xodimlar uchun – o‘rtacha oylik ish haqining 100 foizidan;

🔹 10 yildan 15 yilgacha ish stajiga ega bo‘lgan xodimlar uchun – o‘rtacha oylik ish haqining 150 foizidan;

🔹 15 yildan ortiq ish stajiga ega bo‘lgan xodimlar uchun – o‘rtacha oylik ish haqining 200 foizidan kam bo‘lishi mumkin emas. 

Manba: Aniq.uz

#yangiliklar

📰 "JAXA" kosmik agentligi Oydagi birinchi "SLIM" oy modulining tarixiy suratini joylashtirdi

Yaponiyaning "JAXA" kosmik agentligi Oydagi birinchi "SLIM" oy modulining tarixiy suratini joylashtirdi.
————
🗣🚀 "NASA" pingvin shaklidagi sayorani aniqladi. "Hubble" va "Spitzer" teleskoplari tomonidan suratga olingan. 

Manba: Aniq.uz

#yangiliklar

📰 Xitoyda Toshkent viloyati vakolatxonasi ochildi

Xitoy Xalq Respublikasida bo‘lib turgan Toshkent viloyati hokimi Zoyir Mirzayev boshchiligidagi delegasiya tadbirkorlar bilan muloqot qildi, yangi loyihalar xususida dastlabki muzokaralar o‘tkazdi.

Shuningdek, Tianjin shahrida Toshkent viloyatining vakolatxonasi bugundan ish boshladi. Shu bilan Toshkent viloyatining Xitoy Xalq Respublikasidagi to‘rtinchi vakolatxonasi ochildi. Avvalroq, Shenchjen, Urumchi, Bochjou shaharlarida ham shunday vakolatxonalar ochilgan edi.

Eslatib o‘tamiz, ayni paytda Toshkent viloyatida Xitoy tomoni bilan hamkorlikda 400 dan ortiq korxona faoliyat yuritmoqda. 

Manba: Aniq.uz

#yangiliklar

📰 Xorazmda elektrdan noqonuniy foydalangan fuqaro davlatga 35 mln so‘m ziyon yetkazdi

Xorazm viloyati Urganch tumanida elektrdan noqonuniy foydalangan fuqaro davlatga 35 million so‘m ziyon yetkazdi. Bu haqda «Hududiy elektr tarmoqlari» xabar berdi.

Unga ko‘ra, «Hududiy elektr tarmoqlari»ning filial va korxonalari tomonidan hududlarda iste’molchilarning elektr energiyasidan foydalanishda qoida buzishlarini oldini olish, «Elektrhisob» dasturiga kiritilmasdan elektr tarmoqlariga o‘zboshimchalik bilan ulanish holatlarni aniqlash hamda hisoblagichdan tashqari ulangan uskunalarning mavjudligini aniqlash maqsadida reyd tadbirlari olib borilmoqda.

«Hududiy elektr tarmoqlari» Xorazm hududiy filiali tomonidan Urganch tumanida o‘zkazilgan tezkor tadbir davomida Jayhun mahallasida yashovchi S.J, tomonidan elektr tarmog‘iga o‘z boshimchalik bilan ulanib, elektr energiyasidan foydalanayotgani aniqlandi.

Dalolatnoma bo‘yicha qayta hisob-kitob qilish natijasida jamiyatga 35 million 661 ming 960 so‘m zarar yetkazgani hisoblanib, chora ko‘rish maqsadida tegishli tashkilotlarga taqdim qilindi. 

Manba: Aniq.uz

#yangiliklar

📰 Fevral oyida Germaniya kansleri Ukrainani qo‘llab-quvvatlash masalasini Bayden bilan muhokama qilish uchun AQShga boradi

Fevral oyida Germaniya kansleri Ukrainani qo‘llab-quvvatlash masalasini Bayden bilan muhokama qilish uchun AQShga boradi. Bu haqda Bloomberg xabar berdi.

Aftidan, bu Yevropa Ittifoqi Ukrainaga 50 milliard yevro yordam ajratishga ovoz berganidan keyin sodir bo‘ladi.

Nashrning qayd etishicha, Germaniya va AQSh rahbarlari shuningdek, Isroil-G‘azo urushi, NATO doirasidagi hamkorlik va noqonuniy migrasiya masalalarini muhokama qiladi. 

Manba: Aniq.uz

#yangiliklar

📰 Tramp: "AQSh nobud bo‘lmoqda"

AQShning sobiq prezidenti Donald Tramp Nevada shtatidagi tarafdorlari mitingida mamlakat nobud bo‘layotgani, chegaradagi vaziyat falokatga aylanishini aytdi.

Tadbir Amerika kabel tarmoqlari orqali namoyish etildi.

“Mamlakatimiz nobud bo‘lmoqda. Bizning chegaramiz ochiq. Bu ochiq yara. Hech qachon bunday bo‘lmagan”, — deya Tramp so‘zlarini keltiradi “RIA Novosti”.

Shu bilan birga, u chegaradagi vaziyat faqat yomonlashishi mumkinligini ta’kidladi. 

Manba: Aniq.uz

#yangiliklar

📰 Bayden Trampni “hozirgi” prezident deb atadi

AQSh prezidenti Jo Bayden Demokratik partiyaning Janubiy Karolinadagi kechki ziyofatida o‘zidan oldingi Donald Trampni “ishlayotgan” Amerika yetakchisi deb atadi.

Tadbirning tegishli translyasiyasi C-SPAN kanali tomonidan amalga oshirildi.

Kechki ovqat chog‘ida, RIA Novosti xabariga ko‘ra, Bayden Qo‘shma Shtatlar tez orada amerikalik iste’molchilarning iqtisodga haqiqiy ishonchini qayta tiklashining haqiqiy dalillarini ko‘rishini aytdi.

“Bilasizmi, buni yana kim ko‘radi: Donald Tramp. Yaqinda nima deganini ko‘rdingizmi? U iqtisodiyotning bu yil qulashini xohlashini aytdi. Hozirgi prezident, Xudo meni kechirsin”, dedi Bayden.

Keyin, agentlik ta’kidlaganidek, Bayden Trampni "sobiq" prezident deb atashda davom etdi. 

Manba: Aniq.uz