الشاعر مصطفى الشافعي

( ابو طالب عليه السلام )

الله من قبل الوجود اختارها
الوادم التنطي النبيه أعمارها

للكفاله اختارك.. يالعظيمه أنوارك

_ ١ _

يابو طالب يا مُسدد يا أبي
يا أصل شجرة البيت الطالبي
هوه مو ياهو الاجه ويكفل نبي
الباري قسّم على الناس أدوارها

مو قليله أسرارك .. يالعظيمه أنوارك

_ ٢ _

الله مختارك ويعلم بيك زين
عم نبي ووالد أمير المؤمنين
بخت عندك وأصبحت جد الحسين
قطب افلاك السمه وأسرارها

ثار الله ثارك .. يالعظيمه أنوارك

_ ٣ _

إلنبي يثق بيك ويعرفك وجيه
رأيك المحد گدر يشكل عليه
بايع الدنيا واللهك مشتريه
الدين ردته ينتشر بأقطارها

للإسلام أفكارك .. يالعظيمه أنوارك

_ ٤ _

الله جازاك بفخر يلّي النبيك
چنت خيمه يحتمي بكل شده بيك
شال دنيا وآخره وحطهن بديك
وخصك الله بعترته وانوراها

بالسماء اقمارك .. يالعظيمه أنوارك

_ ٥ _

ثابت الراي ورحت لله شهيد
يا شجاع وما عفت دينك وحيد
يا أبو حيدره اشتطلع شي أكيد
ما تخاف من الحرب وأخطارها

ثابت بأصرارك .. يالعظيمه أنوارك

مصطفى الشافعي

(موشح للامام الكاظم عليه السلام)

بهيده عالكاظم يالتدفنونه
السلسلة تركت أثر بمتونه

____
١

بحذر من اتنزلوا تحت التراب
هوايه ملجوم وبعد مابي مصاب
من غياب السجن منقول الغياب
راح عنكم بعد متشوفونه

___
٢

عالجسر منتظره ذيج المؤمنين
يرجع الكاظم امنغياب السنين
ولن يسمعون ابألم صوت الونين
ميت وبس اربعة يشيعونه

___
٣

حگه گلب المحب مايبره ويهيد
على المات مجتف بقيد الحديد
اليندفن غير الاهل لتظن يريد
كون ولده اليغمضون عيونه

___
٤

واليجيه القدر بديار الغرب
صعب يصبح موته واكثر من صعب
عالمدينة بعيد يا ناس الدرب
وين هاشم عنه و يحظرونه

___
٥

بلا عمامة حاظر ابدفنه الرسول
وگصد من أرض النجف فحل الفحول
وحاظره وياهم الزهراء البتول
شلون ابنهم وحّده ايخلونه

الشاعر مصطفى الشافعي

صار السجن باب امراد للوادم المحتاره
ما خاب والله ماخاب كلمن تعنه وزاره

___
١

عالجدم لرض الكاظمية امشينه
عاشور ثاني ابحضرتك سوينه
فرض البواجي واللطم صلينه
نركع ونسجد دمعات ونسبّح بأنواره

___
٢

ياسيدي لمّن وصلنه الحظره
ابابك لگينه المنتظر والزهره
تلطم رغم كسر الضلع والسطره
تلطم على مصابك حيل منها الدمه يتجاره

___
٣

يل جان مرمي عله الجسر تابوتك
حتى أنبياء الليلة حظروا موتك
مسجون لكن كلها تسمع صوتك
من تنعه لمصاب حسين والزينب وانصاره

___
٤

خليت سجنك دمعته سجابه 
من تصرخ اه يحسين واه يمصابه
صار السجن هم كربلائي اترابه
قيودك على حسين تنوح ومن البجي محتاره

___
٥

أيوب يتعلم بقصة صبرك
يل جان محد بالسجون يحظرك
آلاف هاي الليلة كَصدوا كَبرك
وهارون وينه بيا صوب محد يدور آثاره

___
٦

جم بِشر حافي گصد ليك الليلة
من اللطم ناوي يخلص حيله
لو وكَع انت إتعينه وتجيله
الطاح بمجلسك ميطيح يوم القيامه بناره

الشاعر مصطفى الشافعي

(لطم للإمام الكاظم عليه السلام)

رسمت بوجها الشام بغداد
وبالسلسله يشاهد السجاد

موسى اختلف عن المساجين
سجنه عزاء اعلى الصواوين

ما شاف راحه
_____
١

فوگ سجنه احتارو بيا أمر ياذوه
بسلسله من السبي گامو يقيدوه
بسوط زينب عمته هوايه يضربوه
خاف ينسه كربله كلسا يذكروه

بنفسه يروح لكربله يزور
خلوه يطلع يوم عاشور

يمشي مشي ويه المعزين
سجنه عزاء اعلى الصواوين

ما شاف راحه
_____
٢

قسّم ادموعه وصرخ مرتين ويلاه
آه من السلسلة والكربله آه
مثل داود النبي صوته عرفناه
يذوّب القضبان من يصرخ حسيناه

والنعي يوديه ويجيبه
من يقره زينب يا غريبه

يبچي على الواحد وسبعين
سجنه عزاء اعلى الصواوين

ما شاف راحه
______
٣

يريد يلطم للسبط ويه اليلطمون
جفوفه مگيوده بسلاسل يلطم شلون
حسّرته الهاي المجالس تعمي العيون
حسرة المگطوعه اديهم من يحظرون

مثل العليل بدرب الأهوال
يلطم شلون بچفه الاحبال

وگبال عينه رأس الحسين  
سجنه عزاء اعلى الصواوين

ما شاف راحه
______
٤

شاف فوگ السلسلة دم بي علامات
دم إذن طفلة يتيمة وكلها آهات 
من هذيج اللحظه موسى بالسجن مات
بكثر ماخلت رقيه بگلبه حسرات

عالسلسله من دمها آثار
جم سوط چان عليها يندار


يذكر رقيه ويبدي الونين
سجنه عزاء اعلى الصواوين

ما شاف راحه
______
٥

الف هنياله اليموت ابين الاحباب
الكاظم بغربه منو يهل فوگه التراب
صواب سمّه يهون بس ياهو أعظم مصاب
بلا جفن من السجن متغطي بثياب

والساق من الگيد مرضوض
وينه اليشيع نعشه محظوظ

شعطلهم عليه الموالين
سجنه عزاء اعلى الصواوين

ما شاف راحه
______

مصطفى الشافعي

(قصيدة گعدة للإمام الكاظم عليه السلام)

جاي الحسين بخده المعفر
يحضر جنازة موسى بن جعفر
من الغاضرية.. للكاظمية
يحضر جنازة موسى بن جعفر

_ ١ _
العاش طعم الغربه يعرف حال اليموتون غربه
والسبط يدري بحفيده حالته اعله الجسر صعبه
بالسجن ميت وحيد بلا عمام ودون صحبه
جاي الحسين يشيّعه
وشاهد حماميل أربعه
بموسى ابن جعفر طالعه
وهذا منظر فجع گلبه

الجسمه حصيره بكربله تجمعه
يعرف بحال المحد يشيعه
دموعه جريه .. للكاظمية
يحضر جنازة موسى بن جعفر

_ ٢ _
الصوبو چبده بمثلث، يدري بالسممو جبده
النازع بموته وحيد، شلون يترك ابنه وحده
حسين ماذيته الشدايد ، ويدري بالكاظم بشده
والكاظم أيام السجن
جان اعله ابو اليمه يون
وشاهد بأوقات الدفن
جايه من كربله جده

عمره خلص يبجي اعله ابو اليمه
ووكت الجنازه حسين اجه يمه
وكت المنيه .. للكاظمية
يحضر جنازة موسى بن جعفر

_ ٣ _
المات بعماق السجون وينزف من القيد دمه
تعنته زينب بدمعه وگالها شجابچ يعمه
شلونه جرح الحبل بيدج ؟ تكله مثل ايدك ييمه
الجانت تطيح من الهزل
وتنزف اديها من الحبل
لموسى ابن جعفر من تصل
عليها يبچي، وينسه سمه

ميت غريب وچبدته تلهب
وايام سجنه ينادي يا زينب
جرح السبيه .. للكاظمية
يحضر جنازة موسى بن جعفر

_ ٤ _
جان من يسجد الكاظم ينلچم من السلاسل
والحديد من الادين لحد قدم مولانا واصل
ولمن يعاين اديه بنزفه ينده يابو فاضل
منظر اديه يذكّره
بجفوف سبع الگنطره
وطيحتهن بذاك الثره
الكاظم عليه دمعه هامل

بعين الكفل يذكر سهم ظالم
لجله اعله عينه يلطم الكاظم
أصعب قضيه .. للكاظمية
يحضر جنازة موسى بن جعفر

_ ٥ _
بضلمة الطاموره ذيج دموعه ضلت عالزجيه
وساعة يبچي اعله الحسين وساعة يبچي اعله السبيه
ويجري بالزنزانه دمعه لمن يتذكر رقيه
من السجن والسلسله
تاذيه أكثر كربله
آه اعله سبي العائله
الدخلو لديوان اميه

مو هينه والله زينب الحره
تمشي ليزيد وتوگف بقصره
وگلب الزجيه .. للكاظمية
يحضر جنازة موسى بن جعفر

_ ٦ _
عالجسر كل عام عاده المهدي بالتشييع يحضر
وينفجع يا ناس گلبه على موسى ابن جعفر
المنتظر الله يعينه شكم مصاب عليه أثر
ساعه اعله عماته يون
وساعة اعله ابو اليمه الحزن
واليوم عالمات بسجن
هذا دمع المهدي يجري وابد ما ينسه المصايب

مصطفى الشافعي

( موشح )

الغربه سر ما ينعرف مضمونها
إلا غربة زينب تعيشونها
_ ١ _
الغربه من أصعب أحاسيس البشر
موت لكن أشد من قطع النحر
ظهر مكسور وعليه شدو حجر
مره ما تنشاف ويشوفونها
_ ٢ _
الغربه وي زينب اجت طبق الأصل
وجانت عليها مثل ضيم الهزل
غربه مصحوبه بسبي وحيره وحبل
وذبح اخوه ووادم يكرهونها
_ ٣ _
مشكلة وما الها حل هالمشكلة
مخدره وگضت عمرها مدلله
وفجاءة لن محد وياها بكربله
وبعد عزها صارو يسرونها
_ ٤ _
درب ما مسحوگ وتگطعه بظلام
تجمع النسوان وتسكت الأيتام
دموعها أبلغ هواي من الكلام
تبچي بس وينه الينشف عيونها
_ ٥ _
بديره وحشه ومنطقه ما تدري وين
وهيه ما عدها وطن غير الحسين
شضامه لزينب بعد هاي السنين
اندفنت بنص وادم يعادونها
_ ٦ _
رافقتها الغربه من بعد الممات
وصارن اثنيناتهن متلازمات
اثنينهن يتساون بنفس الصفات
تگول غربه بزينب يشرحونها

مصطفى الشافعي

https://youtu.be/dwqPC9uUUm8?si=kOPU-cXuJjlol3UJ

الرادود #سيد_علي_الكيشوان
الشاعر #مصطفى_الشافعي

ما باقي كلشي .. سالم منه
يارب تقبل.. سيد الجنه
امشي سبيه .. ودمه اعله اديه
سيد الجنه

_ ١ _
تقبل.. يربي.. اخوي المذبح عطشان
حبيبي.. وحبيبك.. البقه عاري بلا دفان

تقبل منه ضلوعه الضاعت بالحومه
سلاب وحافر ما رحمو بهدومه
بيدي احبال وايدي نصبغت بدمومه

دمه اعله ايدي.. من چتفوني
وسوط العساكر.. فوگ متوني
آهاته بيه .. ودمه اعله اديه
سيد الجنه

_ ٢ _
سبيه.. وانادي.. كلما امشي بين الناس
إلهي.. تقبل.. چفوف وهامة العباس

وين الجان مدلل زينب بعيونه
يدري حجار اني وأطفالي شمرونه
يدري بسوگ الشام هوايه خلونه

ياهو اليگله.. يابو فاضل
زينب غريبه.. وبلا كافل
بديوان اميه .. ودمه اعله اديه
سيد الجنه

_ ٣ _
نطيتك.. يربي.. الرضيع العمره ست اشهور
التحير.. اخويه.. شلون ايرجّعه منحور

سهم الصاب المنحر واصل للجفين
عابر من منحر عبد الله لإيد حسين
اصغر مذبوح يشدوه ابرمح البين

ماكو اعله گده.. رمح زغير
بالتالي شده.. البي متحير
جابه إليه .. ودمه اعله اديه
سيد الجنه

_ ٤ _
نساء و.. يتامى.. ضلينه ثلث تيام
إلهي.. تقبل.. وگفتنا اعله باب الشام

اسمي الكل عمري جيراني ميعرفه
شافو طولي وعرفو اسمي يا وسفه
يزيد گبالي بروس اخواني يتشفه

بجثة أولادي.. ودرب اهاتي
تقبل يربي.. كل عثراتي
من الغاضريّه .. ودمه اعله اديه
سيد الجنه

_ ٥ _
نقدم.. يربنا.. أعز ما عدنا لجل الدين
رقيه .. الحبيبه.. تقبلها اعله راس حسين

شبگت نحر حسين شمحله شبگتها
بس الجايه تغسّل لمّن شافتها
خافت من المتن الازرگ تركتها

گالتلي چنها.. من المرضى
ياربي خذها .. حتى ترضى
راحت رقيه .. ودمه اعله اديه
سيد الجنه



مصطفى الشافعي

https://youtu.be/rp95vIrgyGM?si=F0Kc5Vd1EJooNHEc

الرادود #أحمد_الفتلاوي
الشاعر #مصطفى_الشافعي

تعبت عيوني.. ورمت متوني.. وين أبويه
مدللة حامي الجار.. ما دره بيه شصار
وين أبويه

_ ١ _
انه المدللني علي ومحد معاين رسمي
يطفي قناديل الضوه من چنت ازورن أمي
تاليها بلسان الشمر يا وسفه ينگال إسمي
تعبانه من شوف السبي ، هين التعب بجدمي

عليه جان أصعب.. من إسم زينب.. عدهم انگال
وين أبوي الكرار .. ما دره بيه شصار
وين أبويه

_ ٢ _
الشام تكره والدي واعداءه بيها هوايه
ليه استعدوا بالحقد من دروا بيه جايه
إلما يشمر عليه حجر، يشمر عليه حجايه
معيدين، وانه بداخلي اعله حسين عندي قرايه

بطبل لاگوني.. بسوگ خلوني.. بيه شمتوا
للغري گلبي اندار .. ما دره بيه شصار
وين أبويه

_ ٣ _
كل الذي بينه حصل ثاراتهم من صفين
بگد ما قتل بيهم علي هشّموا بضلوع حسين
احنه دواوين الكرم وچتفونه وسط دواوين
رادو سكينة خادمة وناديت اخرجوا من الدين

حيدره جدها.. حسين والدها.. وروعوها
تسعر بگلبي النار .. ما دره بيه شصار
وين أبويه

_ ٤ _
حيدر مربيني بعطف واخواني كلهم حراس
وحط ايدي بچفوف الگمر والدي بآخر أنفاس
وعلمني ما اشرب عذب إلا من جود العباس
الماي من إيده فقط ما أخذه من ايد الناس

سلبوا جوده.. وراحت زنوده.. الدللنّي
ساقي كل الأنهار .. ما دره بيه شصار
وين أبويه

_ ٥ _
من بعد بيت المرتضى الجدرانه تنبع طيبه
صرت ابخرابه اعله الرمل بضيم السبي وتعذيبه
يمسح على راس اليتم چف حيدره شيجيبه
ويتامه رادوها تذل بس باقيه بكل هيبه

رغم سابيهم.. بس علي بيهم.. ما يذلون
علي بدرب الأخطار .. ما دره بيه شصار
وين أبويه


مصطفى الشافعي

https://youtu.be/zUbPj60yzqk?si=DSyehiVTwegBYTNy

الرادود #أحمد_الفتلاوي
الشاعر #مصطفى_الشافعي

انت علي.. سبب تكويني
انت علي.. كملت ديني
موجود قبل آدم.. يا سيد العالم
انت علي
............
يا سيد أركان الأرض والعالم العلوي
من نور وجهك سيدي شمس وگمر تضوي
بگلب اليحبك يا علي ما أدري شمسوي
بسمك مثل دوي النحل صبح وعصر يدوي

انت علي.. سيد الرحمه
انت علي.. أكرم الأمه
عابر كرم حاتم .. يا سيد العالم
انت علي

.............
عنك يبن عم النبي شنجاوب اليسأل
بكل المناقب والرتب ترتيبك الأول
لو اكو مرسل چا صرت بعد النبي مرسل
طرق السمه وطرق الأرض لو غمضت تندل

انت علي.. صاحب المحشر
انت علي.. بيدك الكوثر
محد الك قاسَم .. يا سيد العالم
انت علي

..............
يامن هدوئك ينسمع بالضجه والهوسه
وترابك اغلى من الذهب هنياله اليبوسه
ياهوه مثلك سيدي كتبو بقاموسه
منزلته من المصطفى هارون من موسى

انت علي.. بيعتك واجب
انت علي.. جم نبي كاتب
سلم لمن سالم .. يا سيد العالم
انت علي

...............
ياهوه مثلك عالفلك وأهل الفلك سيطر
وبكيفه بصبع يمنته يرد الشمس يگدر
خيبر ثگيله والخلگ عن هزها تتعذر
چا ليش بيدك يا علي ريشه أصبحت خيبر

انت علي.. بكل علم تدري
انت علي.. إسمك الدري
ويّه النبي تلازم.. يا سيد العالم
انت علي

.............
تفصال الك هذا الگلب ياسيدي تفصل
عن غير حبك يا علي بيبانه تتقفل
ومن يمر طاريك عليه يندهلك تفضل
لو ما وجودك يا علي دين الله ما يكمل

انت علي.. بالوصف كامل
انت علي.. رافض الباطل
ويه الذل متتوالم.. يا سيد العالم
انت علي


الشاعر #مصطفى_الشافعي

ابوذيات لولادة امير المؤمنين ع

(( وصلي ))

▪أمــر من خالق الدنيا وصلي
▪اسـلـم عـالنبي وآلــه وصلي
▪اريـد الزهره تنطيني وصلي
▪ويختمه المرتضى حامي الحميه

(( نصلاه ))

▪فكر حيدر مته يا يوم نصلاه
▪المكارم نصها للمختار نصلاه
▪تدري اشنزل بالقرآن نصلاه
▪صراط وتهتدي ليه البريه


(( من بيه ))

▪بس حيدر خليفه وغيره منبيه
▪عـالإســلام رب العــرش من بيه
▪گلب الهادي افتحه وشوف من بيه
▪إبنص گلب النبي حامي الحميه



(( مرّسائل ))

▪علي راكع وصدفه مرّسائل
▪تزكه وعلي شيحمل مرّسائل
▪يسامع مره شايف مرّسائل؟
▪التصدُق والصلا صارن سويه


الشاعر #مصطفى_الشافعي

مولد امير المؤمنين وامام المتقين
علي بن أبي طالب عليه السلام

(مولد الإمام الجواد عليه السلام)

ليل الفرح ليل الفرح والعاطفه
تاسع بدر شع بالسمه للمصطفه
____
١
هليله مو ظلمه السمه بالتاسع امنوره
هذا الجواد ومولده ضد الظلم ثوره
علّاه خلاق السمه وهوه الرفع قدره
بتاج الامامه توجه وثمانيه عمره

راح الحزن راح الحزن كله اختفه
تاسع بدر شع بالسمه للمصطفه
__
٢
اسمه مثل اسم النبي ويشبها بوصافه
وجهه صبح كعبة وفه ونور العرش طافه
ملجأ ملاذ من الخطر هجي المحب شافه
بسمة الهادي المصطفى مرسومه بشفافه

اسم النبي اسم النبي ونفس الصفه
تاسع بدر شع بالسمه للمصطفه
_
٣
مسرور هاليله الرضا والفرح دگ بابه
دعبل كتب مولد إله ويهني بصحابه
اعتقد بگماطه اعتنه ولكربله جابه
غسله ابماي العلگمي وزوره عله احبابه

زار الگمر زار الگمر رمز الوفه
تاسع بدر شع بالسمه للمصطفه
__
٤
هليله فرحان الگلب ويودع احزانه
باب المراد ابن الرضا والكرم عنوانه
من عنده اطلب حاجتّك واحسبها خلصانه
للمحب يگظيها قبل ما ينطق السانه

باب الكرم باب الكرم والمعرفه
تاسع بدر شع بالسمه للمصطفه

الشاعر #مصطفى_الشافعي

ولادة الامام محمد الجواد عليه السلام

ابوذيه ( من جاه )

الرضا هاليله يا مولود من جاه؟
الجواد وشله عند الله من جاه
الموالي يطلب بهل يوم منجاه
بحب تاسع العتره الاحمديه

هوسات :

إذا جارت الدنيا عليك واتحس الگلب مهموم
اتعنه لأرض بغداد وخل گلبك هناك يحوم
الجواد ايجود بالحاجات عنده ما يرد مظلوم

( ميرجع حاير من بابه)


إذا مو من أهلها إياك تمشي وتطلب الحاجات
واهل الكرم معروفين عدهم ماكو حاجه اتبات
إذا يدعون للباري حتماً يرجعون المات

( انخاهم بس انخاهم    كلهم غيره وباب امراد)

#مصطفى_الشافعي

انخه علي الهادي وشوف ضي گبّته الوهاجه
البيده السمه وبيده الگاع مو صعبه عنده الحاجه
نادينه.. يالهادي....... تعنينه.. يالهادي

_ ١ _
أصل الكرم طه النبي وأولاده
العنده نذر ما يمشي بس للساده
اليگصد الهادي كل سنه عالعاده
ما يرجع إلا وأخذ بيده مراده

يل گاصد لأهل البيت أطلب شما يبرالك
بس هو هذا التوفيق يامن زرت هنيالك
تنطينه .. يالهادي ....... تعنينه.. يالهادي

_ ٢ _
هاي الحوائج مو غريبه عليهم
الله جعل أرض وسمه بيديهم
وما يوگع بشده الذي يواليهم
يحظرون يمه گبل ميناديهم

يل گاصد الهادي وجاي ما توگع بكل حيره
گله يـ أسد سامراء محلفك براعي الغيره
والينه.. يالهادي ....... تعنينه.. يالهادي

_ ٣ _
سادات والاعجاوز يمهم عادي
والمتوكل للإمام ايعادي
يم الأسد نزلوه گام ينادي
شاف الأسد گاعد بصف الهادي

شاف الأسود تشم بيه ومن الهضم تشكيله
هذا الإمام المعصوم والما رضه ياويله
لبينه.. يالهادي ....... تعنينه.. يالهادي

_ ٤ _
امي وابوي من الزغير جابوني
لسامره وعليها فتحت عيوني
وصوني احظر كل سنه وصوني
سامره ثاني كربله بمضوني

مثل النجف سامراء بيها علي شع نوره
والكاظمية تنعاد نفس الشكل والصوره
تضوينه .. يالهادي ....... تعنينه.. يالهادي

_ ٥ _
اقسم وحق ضلع الزجيه الزهره
اليحظر بسامرا ويجري العبره
فاطمه هيه عالسراط تغبره
يوصل الجنه الوصل باب الحظره

زيارة الهادي توفيق والعايف اهله وبيته
خل يشكر الباري هنا نسمة ولاية بريته
شمينه.. يالهادي ....... تعنينه.. يالهادي


مصطفى الشافعي

https://youtu.be/C3zmubVi0Ys?si=u4Zf-mKmICOMASpf

https://youtu.be/3LoYh0inUHQ?si=TM0duYJUTmHTOH1N

بسم الله نبدأ مولد سيدة نساء العالمين فاطمة الزهراء عليها السلام
الرادود #أحمد_الفتلاوي
الشاعر #مصطفى_الشافعي
موكب غريب طوس / النجف الاشرف

https://t.me/hmalshames

قناة الشاعر الحسيني
#حيدر_محمد_الشمس

(موشح)

لو تريد بصدق تخدم للحسين
لازم تخدمه بشروط ام البنين

_ ١ _

يمن لحسين السبط تخدم تريد
تعلّم من ام البنين واستفيد
شلون جانت تخدم حسين الشهيد
قدمت فدوه إله أربع بنين

_ ٢ _

انطي اسمك مثل ما ام الوفاء
انطته، وعوضها ربنه بكربلاء
صارت ام عباس ام الشهداء
شوف كلشي انطاها رب العالمين

_ ٣ _

ذكرت حسين بگلبها واللسان
والله جازاها بمفاتيح الجنان
والي طاح بشده ويريد الأمان
ليها يقره الفاتحه الشده تلين

_ ٤ _

أسست للخدمه عنوان الفخر
واجت منها اتعلمت باقي البشر
أصبحت للخدمه رايه ومستقر
تأثر بخدمتها جبريل الأمين

_ ٥ _

وليها كل خادم اجه يقدم شكر
شكثر ما قدم بهل خدمه شكثر
يحس بالتقصير لو ينطي العمر
مقصر شما يبذل بتعب السنين

مصطفى الشافعي

#ام_البنين عليها السلام


ماتت.. أم گلب الحنين
ماتت.. ناعية الحسين
بدمعاتك التهل.. شيعها يالفضل
ناعية الحسين

_ ١ _
التبچيك اعله ابو اليمه بنواعيها
اعله متنك شيلها وللگبر وديها
استعجل بالدفن لمّن تواريها
لأن مشتاگ ابو اليمه يلاگيها

عانت.. آلام الفراق
عانت.. جرح الاشتياق
الفرگه متنحمل .. شيعها يالفضل
ناعية الحسين

_ ٢ _
منّ اتشاهدت بالعين دمعتها
لاخر لحضه متفاركها لوعتها
واخر كلمه كبل الموت كالتها
صاحت ياحسين وطفت شمعتها

صاحت.. كلمة ام البنين
صاحت.. مذبوح الحسين
مدمعها ما يِقل .. شيعها يالفضل
ناعية الحسين

_ ٣ _
لا تلجمها نزلها بعطف واحساس
هواي الحره لطمت يالفضل عالراس
وعلامه على الكبر حتى تعرفه الناس
غطي ام البنين براية العباس

خلي.. عالمرقد دليل
خلي.. راية من الكفيل
براية أبا الفضل .. شيعها يالفضل
ناعية الحسين

_ ٤ _
بعد يالفضل بيدك من توسدها
أم الاربعة جان امنية عدها
من تراب الحسين يصير مرقدها
بيدك يالفضل خليه تحت خدها

وياها.. تربة كربلاء
وياها.. متخضبه دماء
مولاها منقتل .. شيعها يالفضل
ناعية الحسين

_ ٥ _
لترش اللحدها ماي من زمزم
رش اعليه من ارماد المخيم
التلقين الأخير اقرالها مأتم
وگلها حسين تحت الحافر تهشم

گلها.. مسبيه العيال
گلها.. بچف زينب حبال
من تذكر الحبل .. شيعها يالفضل
ناعية الحسين

مصطفى الشافعي

(گعدة لام البنين عليها السلام)

القدمت الله أربع ميامين
تنزار يم شباچ الحسين
ونگول من نقره
ام الوفه الحره
تنزار يم شباچ الحسين

_ ١ _
السلامُ اعله الوفيه الفاطمية العلويه
وليها ننده بالزيارة يا عزيزة الزجيه
أُمَّ الْبُدُور السَّوَاطِع بِت حِزَام الْكُلَابِيَّة
والتنجب بدور أربعة
تنذكر يم كل مشرعه
للوفه شمسٌ ساطعه
وللحوائج باب هيه

القدمت لحسين أربع أقمار
تنزار يم حسين تنزار
موجوده بالحضره
ام الوفه الحره
تنزار يم شباچ الحسين

_ ٢ _
السلام اعله الكفيله، الربت من الزغر كافل
لمن نقره زيارتها نقره قرآن الفضائل
السلام اعله ام عون وجعفر وام ابو فاضل
وعبد الله ابنها تقدمه
بيوم انتصارات الضمه
فاطمه توفي لفاطمة
وهل الوفه باربع بواسل

لو جان ابنها نبي الاحساس
اشتطلع إذاً والدة عباس
بالتضحيه الكبره
ام الوفه الحره
تنزار يم شباچ الحسين

_ ٣ _
العَارِفَة بِحَقِّ الحسين المُؤْمِنَة بطاعة وليها
لازم بگد ما تحبه نصلي ونسلم عليها
ولازم اعله حسين نبچي بكثر لوعتها وبچيها
هاي النَقِيَّة العابده
الما الها مرقد نگصده
مهدينا قرّب موعده
ومشي للحظره نجيها

نقرالها ومرقدها نبني
ام البنين ودهري ذبني
وحسين تنتظره
ام الوفه الحره
تنزار يم شباچ الحسين

_ ٤ _
طيفها يم دار أهلها تساقطت بيه الكواكب
وطيفها عن كربلاء تساقطت بيه الاطايب
وطيفها بالاربعين تساقطت بيه المواكب
يوم القيامة نطّلع
هناك البَنُون بلا نفع
ووياها يختلف الوضع
بيهم تحصل مراتب

الربت ابنها اعله الوفه زين
تدخل الجنه بنبلة العين
بيها الوفه أسره
ام الوفه الحره
تنزار يم شباچ الحسين

_ ٥ _
قُدْوَةً لِّلْمُؤمِنَاتِ الصَّالِحَاتِ بكل عِلمها
من أجل أولاد حيدر غيرت حتى اسمها
الناس تكرم بالطعام وبالضنه هيه كرمها
حاتم الطائي ينعزل
هالمره ما الها مثِل
انطت ابنها ابو الفضل
وضحت اباقي زلمها

كل مستحيل محير الكون
انخاها گله يكون فَيَكُون
حلفها بالزهره
ام الوفه الحره
تنزار يم شباچ الحسين

_ ٦ _
( المصيبة )

بَاب صارت لِّلْحَوَائِج الجانت اعله الباب تنظر
بالكي ابو اليمه يجيها ليه تنده مسني الضر
ما اجاها وبعد ما اضن بيها ام عباس تصبر
راحت تشوف المنذبح
وتضمد بجفها الجرح
تمسح أثر طعن الرمح
راحت تشوف الحسين شصار من السحك صدره

مصطفى الشافعي

https://youtu.be/4ldMsWMgaes?si=oEUzdf-3O95fbwRy

حتى ترضى

الرادود #كرار_ابوغنيم
الشاعر #مصطفى_الشافعي

حيدرية النجف الاشرف مشهد

(موشح) للزهراء عليها السلام


إليا مدى البسمار لمّن صابها
ومثل طبگ كتاب طبگو بابها

_ ١ _

المثل فاطم كارثه گالوا وإن
عليها مثل المطر ضل يجري الحزن
باب من اجذوع وثگيلة وزن
انطبگت ومحسن وگع بعتابها

_ ٢ _

انطبگت عليها ونزف دم الصدر
وبين سوط ونار وصياح وعصر
ما تحس إله وچفنها منسطر
ومن صدرها للجدام اخضابها

_ ٣ _

من صدرها بعد متشم الهوه
وعينها من اللطمه مابيها ضوه
تعب حيدر كثر ما دور دوه
لفاطمة وما صح دوة لصوابها

_ ٤ _

الفاطمه حيدر يجي بدمعه ويرد
ايصل عليها الضلع لو صار البرد
لحد ما ماتت وهي بعمر الورد
ماتت الزهرا بعز اشبابها

_ ٥ _

ماتت الزهرا ومحمرت العين
والحسن شابگ نعشها والحسين
نادت الأملاك نحي الحسنين
يا علي عن فاطمه وثيابها

مصطفى الشافعي

يا إلهي.. گلبي شيصبره
يا إلهي.. ماتت الزهره
بعد ماريد العمر
روحي دافنها بگبر
ماتت الزهره

_ ١ _
مفتاح الصبر عندي بس اليوم ضيعته
بتراب الدفن رديت گلبي يسولف بونته
هذا اليوم ماكو إنسان مثلي الدنيا ظالمته
كل الشافني يسأل علي لو مو علي انته

هذا اني.. هيج متغير
هذا اني.. بحزني متحير
بيوم كبران شكثر
روحي دافنها بگبر
ماتت الزهره

_ ٢ _
انحنيت وكثر بيه الشيب وجهي منخطف لونه
تعرفه الفاگد مبين دمعة حزنه بعيونه
اليمشي ويعثر بلا لون لحد يسأل شلونه
شال بمتنه مو تابوت شايل روحه بمتونه

الدنيا كلها.. مظلمه شبيها
الدنيا كلها.. الزهره مابيها
ليل ما بعده فجر
روحي دافنها بگبر
ماتت الزهره

_ ٣ _
نحيله الزهره ادريها بس من شيعتها بليل
گوه شايل التابوت الجبل ماظنه هيج ثگيل
أول مره ياربي احس بروحي ماضل حيل
غفيت من التعب يمها قبل ما أكمل الترتيل

يم گبرها.. نامت عيوني
يم گبرها.. خل يدفنوني
ايفيدني بيش الصبر
روحي دافنها بگبر
ماتت الزهره

_ ٤ _
رجعت الداري گوه امشي الهموم عليه ملتمه
الدنيا بغيبة الزهراء عبرت مرحلة ظلمه
البيت بلايه ام البيت كل أركانه متهدمه
لحد ما ماتت الزهره عني اخفت اللطمه

عني جانت.. تخفي سطرتها
عني جانت.. سكته ونتها
تريدني ما انكسر
روحي دافنها بگبر
ماتت الزهره

_ ٥ _
يحتار الوصف وياي جبيره بداخلي الحسره
اعز انسانه بالدنيا ادفنتها وبالضلع كسره
ماتت بالصدر بسمار ماتت عينها حمره
زهره بدارنا ماكو بقت بس سبحة الزهره

كلشي رايح.. ريته وياها
كلشي رايح.. يشتكي لطه
ينچوي مني الجمر
روحي دافنها بگبر
ماتت الزهره

_ ٦ _
راحت والعزيز يروح ما يتأخر هوايه
وبقيت ادخل لحجرتها وابجي اعله المصلايه
كتاب الله عليها ينوح آيه ونّت الآيه
ولحد الان بالبسمار ظل من فاطمة دمايه

ذكرياتي.. مؤلمه ابيتي
ذكرياتي.. تخنگ بريتي
ابيتي ماريد استقر
روحي دافنها بگبر
ماتت الزهره

مصطفى الشافعي

(گعده) للزهراء عليها السلام


بالمغتسل وتلمست ضلع الحبيبه
الله يعينك يا علي بهاي المصيبه
بيتك طفه بدره
من غابت الزهره
الله يعينك يا علي بهاي المصيبه

_ ١ _
صارلك أيام وانته فاطمه ما تدري بيها
ليش محنيه ونحيله وگوه تتحرك اديها
الصدمه عالمغتسل صارت من تُمر ايدك عليها
حست جفوفك بالضلع
وشاهدت آثار الصفع
تنحيت واجريت الدمع
وما ترد من تحاچيها

كاعد تون يابه الحسن مكسور ضهرك
انت التصبر عيلتك ياهو اليصبرك
گلبك منو يصبره
من غابت الزهره
الله يعينك يا علي بهاي المصيبه

_ ٢ _
عين حمره متن ازرك صدر نازف من شفتها
سكته ماتت يبو الحمله من مشت ما ودعتها
والمسافه لحد بيتك يعينك الله من عشتها
بصف بيتك المسجد لجن
شو طولت يابه الحسن
جدامك هواي تعثرن
كوه الأنفاس شهكتها

هاي المسافه يا علي جن مستحيله
من المسجد لحد فاطمه صارت طويله
بكل خطوه جم عبره
من غابت الزهره
الله يعينك يا علي بهاي المصيبه

_ ٣ _
صحت للحسنين كومو يا علي بأفجع مسيه
حنان مو مالت وداع ولا حمل للفرگه هيه
من الكفن مدت اديها وشبگت حسين الزجيه
حركها ما اظن ميته
توها ابو اليمه شبگته
ومسحت بجفها دمعته
بينهم ماكو منيه

ام الحسن موميّته يمكن بعدها
منين اكو ميته من الكفن تشبگ ولدها
الموت اختلف أمره
من غابت الزهره
الله يعينك يا علي بهاي المصيبه

_ ٤ _
ما ترد فاطمه لبيتك سلمت للباري أمرك
وانت لو بيدك يحيدر تنطي لام الحسن عمرك
صبرك يكفي العوالم بس نفذ للزهره صبرك
محد يكسرك بالحرب
بس هسه مكسور الگلب
واريت فاطم بالترب
بيها الله يعظم أجرك

ما تدري واقع لو حلم خلصت حياتك
ويه ام حسن نفس اللحد رايد مماتك
كسرك منو يجبره
من غابت الزهره
الله يعينك يا علي بهاي المصيبه

_ ٥ _
يا علي بليل الاظلم فاطمة تواري جسدها
شرادت بهاي الوصية القبر تخفي قصد عدها
جنازة الرحمة ميحضر بيها ذاك الصفع خدها
واريت خدها عله الثرة
وصفعة الخد يا حيدره
تلجم خدود الطاهره
ماتت وتنزف بعدها

تراب الگبر يابه الحسن يلچم ضلعها
وليلة الوحشه بدمعتك تطفي شمعها
تتنفس بحسره
من غابت الزهره
الله يعينك يا علي بهاي المصيبه

_ ٦ _
بيت مابيه الزجيه مقبره يصير اعله اهله
ومن بعد فاطمه ما ضل دمع بعيونك تهله
فاطمة ماتت عليله وبيها ما طابت العله
اثمنطعش عام من الحزن
راحت ومحمر الجفن
وازرك يبو حسين المتن
صار كالدملج عضدها من أثر ضربات قنفذ

مصطفى الشافعي

إذا يرجع رسول الله  تطيب ابرجعته جروحي
مو بالخاتم اتصدق  إله اتصدق ابروحي
يا إلهي إشهد
فارگت محمد
___
1
الفارگ بشر ميبطل عويله
ونه دافن محمد مو قليله
كون ابگد رحمته دمعي اسيله
اوزع اضلوع مكسوره ابسبيله

اعلموده أصّبر عله الصار  يربي اتقبل السطره
بثوابه المحسن انقدمه اني وفاطمة الزهره
تنسطر على الخد
فارگت محمد
_
2
لمن عزريل اجه وروحه خذاها
شلون وما بتت بفراش طه
وتقادير السمه اتبدِل قضاها
ابمكانه روحي تصعد للبراها

ميميزنه عزرائيل واحد يشبه الثاني
إذا ميت رسول الله معناها اموت اني
بعده ميت أنعد
فارگت محمد
_
3
شلون الدنيا تبقه بلا نبيها
السماء اشعجب ما طاحت عليها
روحي اتصيح وأنه اسمع حجيها
حياتي بلا محمد شلي بيها

برحيله ينكسر ضهري تره ويستضعفوني الناس
مثل كسرت وليدي حسين لمّن يوگع العباس
صعبه ناري تُخمد
فارگت محمد
_
4
كانَ المصطفى يهوى لقاكا
إذ قال لكَ حين دعاكا
تركت الخلق طراً في هواكا
وايتمتُ البتولَ لكي اراكا

حبيبك هذا يا الله ما آذوا نبي ابگده
وهوه عايش ايضلموه بموته تنذبح ولده
وآنه حيلي ينهد
فارگت محمد
___
5
بعد ما يرجع الخل الخليله
وإذا ردنا يحاجي ام العقيله
غير حسين ما عدنه وسيلة
يفك الجفن اقسم لو يجيله

طه لو يجيله حسين يطلع من الجفن ايده
يحن المصطفى المختار الصدره يشبكَ اوليده
والجرح ميبرد
فارگت محمد
_
6
إمندفنه راح اخلي بگبره ذكره
تحت خده احط سبحة الزهره
على فرگتها ما يحتمل صبره
ويّاها گضه المختار عمره

أمه جانت الزهراء بيوم فراگهم شحجي
 هيه بالأرض تنعاه وهوه بالسمه يبجي
محد الها محد
فارگت محمد
_

#الشاعر_مصطفى_الشافعي

https://youtu.be/GPk4tnMPiJQ?si=bzeliiZRSqNjPnQP

فارگت محمد
الرادود #حيدر_البياتي
الشاعر #مصطفى_الشافعي

https://youtu.be/22VFFW7Ai3U?si=6v7DITOmvvohzz7e

( موشح )
___
1
عالخرابه ننشد امضيعينها
بيها طفله گالو امروعينها
فوگ رأس الوالد اموتينها
والسياط امطبّعه عله اجتافها
__
2
عالخرابه ننشد عليها انعتب
بيش مطلوبه رقية بيا ذنب
جنها ورده شلون بالطف تنسلب
ونسخه من وجه الزجيه اوصافها
__
3
جينه ننشد هم صدگ بالشام عيد
وماتت الطفله على راس الشهيد
مادرينه ابيش يطلبها يزيد
ويدري زينب ما تظل اخلافها
__
4
يالخرابه جاوبيني بالصحيح
بيا كتر جانت رقية من تصيح
بويه ليش امخضب وراسك ذبيح
وعمّتي سوط الشمر ما عافها
____
5
جينه ننشد وين ابو فاضل وگع
من دره انسلبت رقية ما فزع
السوط فوگ امتونها دامي انطبع
وهيه خير الدنيا من الطافها
_
6
والله دنيا ومن بعد ذاك الخدر
من أمن عباس لسياط الشمر
يشوفن حسين وبعد ميضل صبر
جثته چم حافر تعنه وطافها

الشاعر مصطفى الشافعي

جيت أرد اشكيلك من احزاني
خويه افتح گبرك واتلگاني

هضمو گلبي اباب الساعات
محتاجه اهمل يمك دمعات

خويه افتح گبرك واتلگاني

_ ١ _
انه اختك الجنت مدلله بجالك
اجيتك يا حسين وجايبه عيالك
ما أسألك يخويه شلونها أحوالك
أسألك جمعو الضايع من اوصالك؟

راسك يا خويه يرد لنحرك
بس خوفي ضلوعك ماكو بصدرك

خويه بصدري ظلّت آهات
محتاجه اهمل يمك دمعات

خويه افتح گبرك واتلگاني

_ ٢ _
هاي أول زياره اربعينيه
جيت من السبي الخلاني محنيه
يبو اليمه اسم زينب العلويه
نسيته بكثر ما صاحولي مسبيه

يم گبرك أذكر أحلى ايامي
بس ماريد اذكر صدرك دامي

ما يتوصّف حزني بكلمات
محتاجه اهمل يمك دمعات

خويه افتح گبرك واتلگاني
_ ٣ _
كل تعب السبي يحسين بثوابك
وكل شوغة طفل ننساها بعتابك
سبيل العلگمي خليته يم ابابك
الضرب متوني فدوه يروح لترابك

كل كسرة حيلي لجلك فدوه
ما تسوه الدنيه وطفّك يسوه

بس عن جرحي والهم الفات
محتاجه اهمل يمك دمعات

خويه افتح گبرك واتلگاني

_ ٤ _
بثوابك كل دمع طفله وسبي الخدر
وفدوه العثره چي لحسين نتعثر
انضربت وعادي أتحمّل هظم أكثر
يجي يوم وتداويني يبو الأكبر

دلّالي الصابر لا ما يجزع
بس هيّه الهظمه وحدي امن ارجع

قبل الرجعه بأصعب لوعات
محتاجه اهمل يمك دمعات

خويه افتح گبرك واتلگاني

_ ٥ _
هاي أول زياره لگبرك بعمري
واخافن خويه ميردني بعد دهري
ابريني الذمه راح اشتاگلك تدري
وباريتك الذمه يا بعد خدري

العاشر ودّعتك أشبگ صدرك
وهسّه اوداعيّه أشبگ گبرك

بس ارخصني بهاي اللحظات
محتاجه اهمل يمك دمعات

خويه افتح گبرك واتلگاني

_ ٦ _
أرد لبيوت منكوبه ويلاگوني
أوّل ديره بيها ما يشتموني
هاي انتي صدگ زينب يسألوني
حگهم لا هلي عندي ولا لوني

وافراگك خويه شگد غيّرني
حتّى ام الكافل ما تعرفني

اتشوف ارسومي شگد متغيرات
محتاجه اهمل يمك دمعات

خويه افتح گبرك واتلگاني

—

مصطفى الشافعي

https://youtu.be/XdHfLuYsdws?si=992ZoJnlxiz4Uj1J

https://youtu.be/rA7JPP_oCJ0?si=vN2lghI_KIBgYe1b

#ارزقني_جمرة
الرادود #عمار_الكناني
الرادود #أحمد_الفتلاوي
الشاعر #مصطفى_الشافعي

ابوذيات لأمير المؤمنين عليه السلام

( مرّسائل )

علي راكع وصدفه مرّسائل
تزكه وعلي شيحمل مرّسائل
يسامع مره شايف مرّسائل؟
التصدُق والصلا صارن سويه

(( قدما ))

▪علي من قبل آدم چان قدما
▪وإجت كل الصعاب عليه قدما
▪عظيم ولو وكف عالأرض قدما
▪چفوفه تخرق السبعه سويه


(( نصلاه ))

▪فكر حيدر مته يا يوم نصلاه
▪المكارم نصها للمختار نصلاه
▪تدري اشنزل بالقرآن نصلاه
▪صراط وتهتدي ليه البريه


(( من بيه ))

▪بس حيدر خليفه وغيره منبيه
▪عـالإســلام رب العــرش من بيه
▪گلب الهادي افتحه وشوف من بيه
▪إبنص گلب النبي حامي الحميه


(( وصلي ))

▪أمــر من خالق الدنيا وصلي
▪اسـلـم عـالنبي وآلــه وصلي
▪اريـد الزهره تنطيني وصلي
▪ويختمه المرتضى حامي الحميه


(( مندار ))

▪علي داره عظيمه وجزء مندار
▪الرسول البيها رحمه وعطف مندار
▪الكون بخنصر الظرغام مندار
▪يطيح بلايه چف حامي الحميه

#الشاعر_مصطفى_الشافعي

( عيد الغدير )

انت علي.. سبب تكويني
انت علي.. كملت ديني
موجود قبل آدم.. يا سيد العالم
انت علي
............
يا سيد أركان الأرض والعالم العلوي
من نور وجهك سيدي شمس وگمر تضوي
بگلب اليحبك يا علي ما أدري شمسوي
بسمك مثل دوي النحل صبح وعصر يدوي

انت علي.. سيد الرحمه
انت علي.. أكرم الأمه
عابر كرم حاتم .. يا سيد العالم
انت علي

.............
عنك يبن عم النبي شنجاوب اليسأل
بكل المناقب والرتب ترتيبك الأول
لو اكو مرسل چا صرت بعد النبي مرسل
طرق السمه وطرق الأرض لو غمضت تندل

انت علي.. صاحب المحشر
انت علي.. بيدك الكوثر
محد الك قاسَم .. يا سيد العالم
انت علي

..............
يامن هدوئك ينسمع بالضجه والهوسه
وترابك اغلى من الذهب هنياله اليبوسه
ياهوه مثلك سيدي كتبو بقاموسه
منزلته من المصطفى هارون من موسى

انت علي.. بيعتك واجب
انت علي.. جم نبي كاتب
سلم لمن سالم .. يا سيد العالم
انت علي

...............
ياهوه مثلك عالفلك وأهل الفلك سيطر
وبكيفه بصبع يمنته يرد الشمس يگدر
خيبر ثگيله والخلگ عن هزها تتعذر
چا ليش بيدك يا علي ريشه أصبحت خيبر

انت علي.. بكل علم تدري
انت علي.. إسمك الدري
ويّه النبي تلازم.. يا سيد العالم
انت علي

.............
تفصال الك هذا الگلب ياسيدي تفصل
عن غير حبك يا علي بيبانه تتقفل
ومن يمر طاريك عليه يندهلك تفضل
لو ما وجودك يا علي دين الله ما يكمل

انت علي.. بالوصف كامل
انت علي.. رافض الباطل
ويه الذل متتوالم.. يا سيد العالم
انت علي


مصطفى الشافعي

مشاركة الشاعر #مصطفى_الشافعي
في عيد الله الأكبر #عيدالغدير الاغر

غديري شعار الحب غديري
اميري علي بالحق اميري
———
البيعه صنفان.. گلب والسان.. وانه البگلبي على لساني
گتله اهواك.. وأبقى وياك.. يحرم عليه عشگ ثاني

احب بس اليحبه.. بمكان إسمي اكتبه
علي أجمل إسم مر بحياتي

إله تلوگ القياده.. وذكر حيدر عباده
بلا ذكره شنو قيمة صلاتي

عبيري إله انشر عبيري
اميري علي بالحق اميري

———
حيدر هناك.. بيده الافلاك.. وبيده تقسيم الحشر صاير
هو يختار.. ياهو للنار.. وياهو للجنه يطب باچر

تره إلما عنده حيدر.. خسر دينه وتحير
ظهر ما عنده حاير بالقيامة

واليحبه ويوالي.. بجهنم ما يبالي
جهنم تطفه للحيدر امامه

مصيري علي يحدد مصيري
اميري علي بالحق اميري

———
رفعة الايد.. أصبحت عيد.. وتممت دين النبي الهادي
بالوكت ذاك.. حتى الأملاك.. بالمبارك يا علي تنادي

يبلغهم محمد.. وليكم هذا الأوحد
ومولاهُ علي من كنت مولاه

صبح غصباً عليهم.. وصي الهادي ووليهم
بخٍ بخٍ فلان هناك ناداه

وزيري النبي يگله وزيري
اميري علي بالحق اميري

———
ليث الحروب.. قالع البوب.. خيبر بچفه مثل ريشه
للنبي چان..أقرب إنسان.. هو سور المصطفى وجيشه

اخو الهادي ووصيه.. وحبيب الله ونبيه
ميعرفونه غير الله ونبي الدين

دهر بوصافه تقره.. فلا تگدر تفسره
عظيم ومن عظمته انطانه الحسين

ضميري إله يشهد ضميري
اميري علي بالحق اميري

———
صحنه للناس.. ديرة إحساس.. تضوي أحلى من الشمس گبته
ابو الحسنين.. ما إله إثنين.. صحنه جنه اعله الأرض شفته

وگفنا ابابه نقره.. گاع النجف دره
حضره بوسط حضره بالنجف صار

يزاير علي وينك.. اخذ كلشي بيمينك
الحوائج تنگضي لزاير الكرار

مجيري علي هوه مجيري
اميري علي بالحق اميري

———

مصطفى الشافعي

https://youtu.be/enY09gBfIpg?si=zLNAIiybM7dVdX9L

الرادود #حيدر_البياتي
الشاعر #مصطفى_الشافعي

( الدفن )

جسمك يابويه وين
بالطف متلمك عين
انتَ معقوله حسين
ياحبيبي

____
1

علي السجاد إجيت اليوم ادفنك يا حبيب الله
أمشي بكربله وأعثر جسمك قطعه قطعه الگاه


هنانه قطعه من جبدك وهنا الگه منك چف
يبويه جسمك اموذر بكل خطوه عله گاع الطف


الحالك ما متصورين
بالطف متلمك عين
انتَ معقوله حسين
ياحبيبي

____ 
2

اجمع لحمك وعظمك يغالي بحالك شصاير
قطع من جسمك الدامي بعدها لسه بالحافر


عليل وما الي طاقه من الطف مابقالي حيل
ادورك عالرمل يحسين لو ادورك بحافر خيل

لسه بخيل الطاغين
بالطف متلمك عين
انتَ معقوله حسين
ياحبيبي

____
3

يبويه هوايه متغير ولا چنك صفيت انته
هذا حال اليسلبوه وعشر خيول دايسته


يالتشبه رسول الله بوجهك هيبة انواره
جسمك عالثره مطروح محد ماخذ بثاره

ثارك ننتظره اسنين
بالطف متلمك عين
انتَ معقوله حسين
ياحبيبي

____
4

يبويه وبوقت موتك الله ايساعد الزهره
تنظر شيبك مخضب وتنظر بيك چم طبره


امك فاطمه حظرت لمّن صابك الرامي
وفوگ السهم المثلث شافت جبدك الدامي

جبدك صاير نصين
بالطف متلمك عين
انتَ معقوله حسين
ياحبيبي

____
5

بحصيره اجمع اعضائك وابد ما ينوصف حالي
ألم عظامك ابأيدي ولگيت الخنصر گبالي


بگبرك لن حصل موقف يبويه وانكسر گلبي
اسمع نحرك اينادي رضيعي وسده إلى جنبي

صابه نشاب البين
بالطف متلمك عين
انتَ معقوله حسين
ياحبيبي

____

مصطفى الشافعي

( ليلة الوحشه )

شلون اكدر أنام وتغمض العين
أول ليله ما يحرسنه الحسين
رماد وحشه الاخيام.. حرم ظلينه وأيتام
ما يحرسنه الحسين
_ ١ _
هاي أول ليله محد بيها نايم
من بعد شوف اجنبي وسوط وشتايم
بالصحاري بايته كل الفواطم
لا حسين اليحرس ولا گمر هاشم

نريد انام بس نرتعب ونخاف
أول مره بالتاريخ ننشاف
رعب حتى بالاحلام .. حرم ظلينه وأيتام
ما يحرسنه الحسين
_ ٢ _
اني زينب والخدر يصعب كلامه
يعينه الله الفرهدوا بالطف خيامه
منين مانام انلچم والگه علامه
الوحيده انظرب عن كل اليتامه

ماكو فراش خلونه اعله الرماد
وشمر اينادي باجر حظروا الاقياد
سبي للكوفه والشام .. حرم ظلينه وأيتام
ما يحرسنه الحسين
_ ٣ _
هاي أول ليله نبقى بلايه كافل
الدنيا مو حلوه بدونك يابو فاضل
ضَرَب خدر اللّه كل مجرم وقاتل
عگب جفينك منو يعدل المحامل

الشمر دز إلنه واحد من الارجاس
يحرسنا يريد بدال عباس
راحت ذيج الايام .. حرم ظلينه وأيتام
ما يحرسنه الحسين
_ ٤ _
نيمت أطفالنه بس جفني ساهر
وطلعت لحسين امشي بجدم عاثر
كتله ها يابو علي بحالك شصاير
أرد اشبگك، الله لا ينطي الحوافر

مو من عادته بكل ذيج الاسنين
احجي وياه وميجاوبني الحسين
سندنا اعله الثره نايم.. حرم ظلينه وأيتام
ما يحرسنه الحسين
_ ٥ _
لن سواده شاهدِت وانشغل بالي
انه حيدر گال يا زينب تعالي
يا علي ناديته شفت الجره بحالي
سلبوني من بعد عزي ودلالي

ابقه وياي بويه بعد لتروح
ثگيل الحمل كله اعليه مطروح
تدرينه يضرغام .. حرم ظلينه وأيتام
ما يحرسنه الحسين

مصطفى الشافعي

( ميمر للوداع ليلة العاشر من محرم )

باجر يصير اعله الدين أعظم حدث بالامه
الرابي بحضن عرش الله للعرش يوصل دمه

_ ١ _
باجر يصير بكربله إلما صاير
أعظم صدر يسحگ عليه الحافر
ينذبح حتى البالمهد بالعاشر
الله أكبر من مصايب باجر

عبدالله يطلع عطشان مذبوح يرجع لامه

_ ٢ _
يتوادعون الليلة كلهم لازم
ماكو بعد لا أكبر ولا قاسم
خيام ابو اليمه يسلبوها الوادم
سبعين الف عالحرم راح تهاجم

عيال النبي خدر الله الرايح وجاي يشتمه

_ ٣ _
باجر تره زينب يشتموها الناس
بلا أهل تبقى ولا حمايه وحراس
بچعب الرمح تنظرب من الارجاس
ويتلفت بكل ضربه راس العباس

ومن توگع يطيح الراس من حسرته ومن هضمه

_ ٤ _
ما يضل عدها واحد يحاميها
والشمر گدام الغرب يسبيها
من بعد عزها محد يباريها
بديوان وسفه ام الخدر تاليها

راح اليحاميها جان وأمر الخدر ملتزمه

_ ٥ _
بشام تدخل زينب بحسرتها
وتتكلم بهضمه ويه روس اخوتها
صارت مصيبه فلا متوقعتها
ام الخدر عين الغرب شافتها

خدري صفه بكل السان من جان يعرف إسمه

_ ٦ _
باجر الحره تنادي محد إلنه
شمن حسين بعاطفه وودعنه
تحت الخيول شلون لو شفتنه
بالحافر يجمعنه ويطشرنه

باجر سليل المختار ينطحن بالطف عضمه


مصطفى الشافعي

( الوداع )

يمه هاي اخر مسيه
جيت اذكرج بالوصيه
انه الزهره .. بدمعه وحسره
جيت اذكرج بالوصيه

_ ١ _
اجيتج للمخيم والظهر محني
الظلع مكسور لاجن كسره ميهمني
باجر بالحوافر ينطحن ابني
وتحضنه الترايب من بعد حضني

ما چنت اراويه الضلع ولا سطره البعيني
حتى اعله ايدي بكل مسه يضل نايم حسيني
وباجر خدوده اعله الرمل تچوي وتچويني

من يودعج شمي نحره.. يالعقيله وقبلي صدره
أخر مرّه .. بدمعه وحسره
جيت اذكرج بالوصيه

_ ٢ _
ميته ورغم موتي طفكم امشيله
اجيت احظر بوكت موادع العيله
نشبع شوف من حسين هاليله
الذبح باجر يغير كل تفاصيله

وجه الجميل من العطش والحر يضل ذابل
يبنيتي مو بس الشمر يصبح إله قاتل
باجر يموت من القهر لو مات أبو فاضل

ابني باجر شيبه يكثر.. من يلم وليده الأكبر
ايحدب ظهره .. بدمعه وحسره
جيت اذكرج بالوصيه

_ ٣ _
اني وياج هذا الليل خطاره
روحي للحسين وانتي منهاره
قبّلي بالجبين بدمع يتجاره
جبينه باجر يهشمونه بحجاره

عايني بوجها للصبح اوصافه حفظيها
ضرب الخناجر والحجر ياخذ معانيها
باجر عيونه وشيبته بالدمه مخضبيها

ما تعرفي من تجيله.. بلا معانيه الجميله
الطف ايغيره .. بدمعه وحسره
جيت اذكرج بالوصيه

_ ٤ _
لعبد الله نروح اني أرد أشم خده
جبتله وياي من سابع سمه ورده
اخافن تعبت امه خل اهز مهده
العطش فطّر شفافه ومنمرد چبده

من نحره شميته وعِلم گلبي يذبحونه
عبد الله راسه اعله الرمح باجر يخلونه
ازغير ولو هب الهوه گبالج يوگعونه

مكحلات عيونه دمه.. راسه يرمونه اعله امه
وامه تنظره .. بدمعه وحسره
جيت اذكرج بالوصيه

_ ٥ _
يا يمه يزينب أبد لا تنسين
روحي لبو فاضل قبّلي الچفين
آخر ليله هاي يشاهدج بالعين
باجر ينكسر ظهرج وظهر حسين

باجر على التل انظرج يا زينب الحره
تلگيني لحظات الذبح لحسين اشم نحره
بالفاطميه ما متت الطف يكتل الزهره

مو ليالي الفاطميه.. العاشر يموت الزجيه
شوغة نحره .. بدمعه وحسره
جيت اذكرج بالوصيه

مصطفى الشافعي

( گعده الوداع )

ليل اوداع اهلنه .. باچر يا هو النه

باجر من يطر فجر المصيبه
زينب ياعلي تصبح غريبه

باجر يا هو النه

ا~ا ١

يا علي الليله الاخيره هاي من كل الليالي
لو طلع مصباح باجر تدري يابه الحسن حالي
تنذبح كل الاحبه وغالي يوگع فوگ غالي
لو صبّح عليه الصبح
بعيوني اشوفن بس ذبح
والروس تصعد عالرمح
واني اضل من دون والي

باچر بويه باچر.. ابقه بلايه ناصر

باچر تحصل القصه العجيبه
زينب ياعلي تصبح غريبه

باجر يا هو النه

ا~ا ٢

الليله مو مثل الليالي لا سكن لا نوم بيها
شلون هاي العين تغفه والدمع خيم عليها
بالجفن مشتعله جمره والدمع مايطفيها
موقف حسين الينعرض
يشلع الشوك من الأرض
خايف علينا من الركض
واليتامه شلون بيها

باجر من يلمها.. لو حرگوا خيمها

تنظر جثة الوالي سليبه
زينب ياعلي تصبح غريبه

باجر يا هو النه

ا~ا ٣

الليله أشاهد كل اخوتي يشع بخيمي بدرهم
هاي آخر ليله هاي وتنطفي شمعة عمرهم
صدورهم دگوها اليه لچن ما يسلم صدرهم
باجر حوافر تستعد
لصدور أصحاب المجد
وعليهم تروح وترد
يصير ما ينعد كسرهم

اهلي گبالي باچر.. تنداس بحوافر

جثثهم عالارض تبقه تريبه
زينب ياعلي تصبح غريبه

باجر يا هو النه

ا~ا ٤

الليله ابن امي يصلي وعلى تراب الطف سجدته
والحجر باچر امتاني يصوب حسين بچبهته
وحده ما واحد يعينه تنذبح اهله وصحبته
بيا وضع تصبح حالتّه
منيريد يمسح جبّته
ايصوب المثلث چبّدته
من الضهر تصبح طلعته

وي نبلة الرامي.. يطلع جبده دامي
بعدها ننظر الشيبه خضيبه
زينب ياعلي تصبح غريبه
باجر يا هو النه…

ا~ا ٥

آه يا لوعة مصابي وآه يا هاي المسيه
حسين جمعنه ويودع بينا برض الغاضرية
ويم مهد عبدالله انظر گاعده اتاغي رقيه
وكل ام تباوع للإبن
وتشتغل جمرات الحزن
تدريّ يضل بلا دفن
عاري يبقه عله الوطيه

ونصرخ يابو فاضل.. باچر ماكو كافل
الليله كلمن ايودع حبيبه
زينب ياعلي تصبح غريبه
باجر يا هو النه…

ا~ا ٦
   المصيبة


جثث عالغبره أشاهد باجر انصاري واخوتي
واني گعب الخدر وسفه على التل ينسمع صوتي
قبل يوم الطف دعائي يا إلهي خلي موتي
باجر اصير بيا وضع
بفكد الاحبه انفجع
جم راس بالطف ينكطع
ويه الخدر بس ليله عندي باجر اتسمه السبيه

الشاعر مصطفى الشافعي

( وداع الإمام السجاد ع وأخيه الأكبر ع)

مشه بساع.. وأتحسر
عالوداع.. ما اكدر
صحت آه.. يالاكبر.. يخويه

_ ١ _
الاخو يتباها بخوانه.. انه السجاد اخوه انه.. السبط گعدنه بحضانه.. سويه

أكبر مني بس هوه.. كفو چان لحجي الخوه.. الأكبر ينضح مروه.. وحميه

نمشي سوه جنه
ما أبتعد عنه
مني وانا منه.. روحي

سوه دوم مشيتنه
ولا يوم فرگتنه
عالاحزان.. نتصبر .. يخويه
_ ٢ _
بخيمنا يسأل شبيه .. اجاني تطمن عليه.. شبگني وقبل ايديه.. حبيبي

نسيت المرض من شفته.. بضعيف الصوت شاورته.. تره مو بس اخوي انتَ.. طبيبي

بعلتي چنت صبري
إنت اسندت ظهري
تبث الهوا بصدري. خويه

جنت ماي.. من اضمه
وضوه وياي.. بالظلمه
شكثر بيك.. جنت أفخر .. يخويه
_ ٣ _
ودعني ورجف گلبي.. دخيلك صحت يا ربي.. دمه يا دمعتي صبي.. علي راح

لحگته وگمت اتعثر.. وأنه اعله الركض ما اگدر.. صحت اوگفلي يالاكبر.. الگلب ناح

راح الخفت هجره
للحومه مو سفره
ودعته بالزهره . ويلي

بلا حيل ودعته
رجع خيل ساحكته
علي ليش.. تتوذر .. يخويه
_ ٤ _
أفقد والوعي يرجع.. ولن صرخة علي اسمع.. اخيي عالثره تگطع.. عرفته

ابوي حسين من جابه.. حمره من الدمه ثيابه.. شلعت بجفوفي نشابه.. وحضنته

جامد بوجها الدم
والبيه زاد الهم
من الحومه لموه لم. جسمه

حلو الطول.. متغير
بالخيول.. متكسر
وانه كون.. أتصبر .. يخويه
_ ٥ _
بعد ماضل اخو عندي.. كطعت درب السبي وحدي.. عالأكبر دمعتي بخدي.. أريده

راسه اعله الرمح عالي.. وبجه من شاهد حبالي.. أسير وعمتي گبالي. وحيده

من عاين ايديه
برمحه وبچه عليه
شگد عنده حنيه. عضيدي

أبو احساس ومروه
كعباس بالخوه
وفي هواي.. ومقدر .. يخويه

مصطفى الشافعي

( گعده للأكبر ع )

انت أول واحد ..يالأكبر يالأكبر
لحسين تجاهد.. يالأكبر يالأكبر
فِيْ كَفِّكَ الإسلامْ .. يا أَيُّهَا المِقْدَامْ
لحسين تجاهد.. يالأكبر يالأكبر
_ ١ _
ابن قائد، سيف حاصد، من يجاهد، ما يهمه
سيف الأكبر، ما تقهقر، ما تعذر، ثبت عزمه
عباداته، وامنياته، وكل حياته، لبو اليمه
سبعين ألف جان المده
وما شافت عيونك عده
بس الحسين تشاهده
وما تسولف غير بسمه

متهمك وادم ..يالأكبر يالأكبر
تهاجم وتهاجم ..يالأكبر يالأكبر
فَلتَشهَدِ الأَيَّامْ .. يا أَيُّهَا المِقْدَامْ
لحسين تجاهد.. يالأكبر يالأكبر

_ ٢ _
انت أول در حسيني ودر نجف من صلب حيدر
انت حمزه لو ابو فاضل لو بو طالب مدري جعفر
وعالنبي لازم يصلي كلمن يشوفك يالأكبر
قول وفعل مثل النبي
تنادي بالصوت الطالبي
إني احامي عن أبي
ومهرك تحول لمنبر

نصحك يا ذيهم..يالأكبر يالأكبر
ما ينفع بيهم ..يالأكبر يالأكبر
قَدْ صَارُوا كَالأَنعَامْ .. يا أَيُّهَا المِقْدَامْ
لحسين تجاهد.. يالأكبر يالأكبر

_ ٣ _
انت اكبر ولد أبوك وبالحرب أول فدائي
شافك العسكر وناده هذا حيدر كربلائي
اشهدي يا أرض تصرخ واشهديلي يا سمائي
بيك افتتاحية الحرب
ميثني سيفك بالضرب
شتتهم الشرق وغرب
تصيح ما اغير ولائي

ما اغير ديني ..يالأكبر يالأكبر
مولاي حسيني ..يالأكبر يالأكبر
والدّينُ فِيكُمْ قَامْ .. يا أَيُّهَا المِقْدَامْ
لحسين تجاهد.. يالأكبر يالأكبر

_ ٤ _
شنو منخلاق املكتها والزمن لليوم شاهد
أبد ما ميزت روحك لأن انتَ ابن قائد
ويه الجنود بكل سريه فارش بساطك وگاعد
حتى بمماتك مفخره
تجل السبط وتقدره
يم رجل ابوك المقبره
مو جهه اليم راسه صاعد

أفعالك يندرسن ..يالأكبر يالأكبر
يم رجله المدفن..يالأكبر يالأكبر
تُبْدِيْ لنا الأَعْوَامْ .. يا أَيُّهَا المِقْدَامْ
لحسين تجاهد.. يالأكبر يالأكبر

_ ٥ _
تبقى تنطيتنا دروس شلون كون نبر أهلنه
بالتعامل ويه أبونا وين انت ووين إحنه
جنت ضل لوجه أبوك، بوجه ابونا هواي صحنه
ما ندري كل النفعله
يرجع علينا وابله
باجر ابنا يكمّله
بمثل ما سوينه طحنه

لازم نفهمكم..يالأكبر يالأكبر
بكلشي نقلدكم..يالأكبر يالأكبر
نَبقَى لَكُمْ خُدَّامْ .. يا أَيُّهَا المِقْدَامْ
لحسين تجاهد.. يالأكبر يالأكبر

_ ٦ _
قدمت بالطف حياتك تنطي للعالم رساله
عالرمل ينزف وريدك حتى ما تبقه الظلاله
جسمك شلون الحسين هناك بالميدان اجاله
شاهد أعضائه بكل كتر
طبره عله طبره منطبر
ما رجع لخيامه المهر
إشتبه مهرك توجه صوب أشرار ال اميه

مصطفى الشافعي

( عگيلي للقاسم عليه السلام )

يوليدي ويا شمعة عمري
_ ١ _
عالحومه بزغرك زفيتك
يبني وعريس تمنيتك
يا ريتك تسلم يا رايتك
يبني غيابك يكسر ظهري
_ ٢ _
من بعدك طفيت الشمعه
وضلت تجوي بخدي الدمعه
يا عريس وأمه تودعه
ودعت من فراگك صبري
_ ٣ _
لا لتقصر ضحي لعمك
يا ضي عيني ويا بعد امك
ما راح اگدر انظر دمك
ما يستوعب بُعدك فكري
_ ٤ _
ربيتك وسهرت ليالي
ما أصعب توديع الغالي
هذا الموقف ضل ابالي
من جابوك ودمك يجري
_ ٥ _
يل رايح من بين ايديه
مذبوح وامك مسبيه
يبني شسوه فراگك بيه
مخنوگ ومتعذب صدري
_ ٦ _
يا شمعت عمري وايامي
لسه اذكر وجهك دامي
ذبلان ومتعوب وضامي
ناري بهجرك ضلت تسري

مصطفى الشافعي