الناشر معتز الموسوي @djgvehzfhibdhxgg Channel on Telegram

الناشر معتز الموسوي

@djgvehzfhibdhxgg

الناشر معتز الموسوي (Arabic)

هل تبحث عن محتوى ممتع ومفيد يغني حياتك اليومية؟ إذاً قناة "الناشر معتز الموسوي" هي المكان المثالي لك! تعتبر هذه القناة مصدراً رائعاً للمعلومات والترفيه، حيث يشاركك معتز الموسوي الأخبار العاجلة، النصائح السليمة، والمحتوى الحصري. سواء كنت تبحث عن آخر التطورات في عالم التكنولوجيا، أو نصائح لتحسين صحتك ورفاهيتك، ستجد كل ما تحتاجه هنا. معتز الموسوي متخصص في تقديم محتوى بجودة عالية وبأسلوب ممتع وشيق، مما يجعل تجربة متابعة هذه القناة لا تُنسى. بادر بالانضمام إلى قناة "الناشر معتز الموسوي" اليوم واستمتع بمشاهدة الفيديوهات والمشاركة في المحادثات الشيقة مع باقي المتابعين. لا تضيع الفرصة لتعزيز معرفتك واستمتاعك في نفس الوقت، انضم الآن!

الناشر معتز الموسوي

13 Feb, 12:57

ولادة الامام الحجه المنتظر (عج)

گمر گمر گمر‌ گمر   يابوصالح
گمر‌ گمر‌ گمر‌ گمر   يابوصالح
****
هالليله بالمولد سماك اتلالي
من شامتك تاخذ ضوه يالغالي
مال الهوه .... بعينك ضوه
وتغازل انجوم السحر   يابوصالح
گمر‌ گمر‌ گمر‌ گمر   يابوصالح
****
ساحرني شوگك ونته دنيه بعيني
بس انته محبوبي صرت تدريني
يادنيتي .... ويافرحتي
من رمشك ايغار النهر   يابوصالح
گمر‌ گمر‌ گمر‌ گمر   يابوصالح
****
سهرانه عيني بمولدك سهرانه
گلبي فتحلك من صرت بيبانه
جنّة عدن .... يبن الحسن
هلليله يحلالي السهر   يابوصالح
گمر‌ گمر‌ گمر‌ گمر   يابوصالح
****
شعّت علينه يالحبيب انوارك
وطشت علينه بالفرح ازهارك
شايل صفه .... امن المصطفى
شامه وجمالك والنظر   يابوصالح
گمر‌ گمر‌ گمر‌ گمر   يابوصالح
****

الشاعر اياد الديراوي
90
الناشر معتز الموسوي

13 Feb, 12:57

مولد الحجه عج

شفتك بالحلم والطيف مادام
بكثر شوگي بچيت اعليك مادام

الطولك حنت اسنيني
يمهدي الشوگ ياذيني
روحي ارهيفه تدريني

امان ولايذ بسدك
يمن شايل حسن جدك
يمن خد الورد خدك

عشگ تتفايظ جروحي
فلا بطل بعد نوحي
الشوفك عاهدت روحي

احط فوگ الجفون اقفال مادام
اشوفن شامتك يبن الزجيه
🌹

الشاعر اياد الديراوي
88
الناشر معتز الموسوي

13 Feb, 12:57

لمولد الحجه المنتظر عج
.
.
.

يامالك احلامي .. وأيامي .. وسنين العمر
يامالك احلامي .. وايامي .. وسنين العمر
يامهدي .. يامهدي

_

عبــدك انـه سيدي وتـدريــني اريــدك
وافتـخـر لــو تعــتبرنــي مــن عبيــدك
عـندي بيـت امن الشعر بـي ارد ازيدك
عاشت ايدك يابو صـالح عاشـت ايدك

يابلسم اجروحي .. ياروحي .. يايوم وتمر
يامالك احـلامي .. وايامي .. وسنين العمر
يامهدي .. يامهدي

_

انـي كـل جمـعه انـتـظر يـا اغـلـى نـاسي
بلكي هالجمعه الـتجي تمـسـح لي راسي
انـتـه تـدري بــالـزمـن يـالمــهـدي قـاسي
ولاتـظن فـد يـوم الــك يـاروحـي نـاسي

ساكن وسط عيني .. وتدريني .. اهواك اشكثر
يامــالك احــلامي .. وايــامـي .. وســنين العمر
يامهدي .. يامهدي

_

نورك امـن الكوفه يطلع يمـته اشوفه
وإلـك يالمهدي جعلـت اعيـوني كوفه
تـعبـونــي الــوادم وگــالــولي عـــوفه
مـا اجاك التلـهــج اسنــين ابحـــروفه

صحت ابگلب ذايب .. يالغايب .. راح ابقه انتظر
يامــالك احــلامي .. وايـــامي .. وســـنين العــمر
يامهدي ..يامهدي

_

روحي بسمك ذايـبه يالـمهـدي تـدري
ومـا اجـامـل لـو گلــتلك انــته عـمري
يـوصـلــك ياسـيدي يالــيــتَ شــعري
حتى تعرف ياحبـيبي اشـوگ صدري

صدري الك ضامي .. وگدامي .. مايك ينهمر
يامالـك احــلامي .. وايـامي .. وسنين العمر
يامهدي .. يامهدي

_

بابــي محـد دگـه يالـغـايـب واجـاني
والـوحيد انتـه الـذي تــنـدل مــكاني
تـره مـن غــيرك عـدم يالمـهــدي اني
الــف شــكرا الــك ياصـاحب زمــاني

لو احچي بفضالك .. لفعالك .. ميكفي الشكر
يامـالـك احــلامي .. وايـامي .. وسنين العمر
يامهدي .. يامهدي

_

گلـبي مسجـون بـهـواك وهـذي راحـه
امـروتـك يــالمهـدي لاتـطـلق صـراحه
اتـعودت ويــاك دوم احچـي ابصراحه
ابگاع حـبـي استحـوذت اكـبر مساحه

يالشاغل افكاري .. اسـراري .. يمـك تـنذكر
يامالك احلامي .. وايــامي .. وسنين العمر
يامهدي .. يامهدي

_

انتــه ياقــران حــبي امــن الــبدايه
وبيــك يــومــيــه ارتــل ايـــه ايـــه
حــبي الــك لالـه بــدايه اولانهـــايه
وهـذا هـوه مـختـصر كـل هالـروايه

من اقره كلماتك .. واياتك .. بالحب انغمر
يامالك احلامي .. وايـامي .. وسنين العمر
يامهدي ..يامهدي
_
حيدر تركي الكربلائي
72
الناشر معتز الموسوي

13 Feb, 12:56

ميلاد الحجه
.
.
.

امبارك امبارك .. ياسيدي امبارك
كل عام وانته ابألف خير
يامهدي
___

گــالــولي لاتفــرح تــره هالفــرحه متفـيدك
مــارايــديــني احــتفل ياســـيدي ابعيـــدك
وجــهك العـيد وگلـبي المـفارگ تره ايريدك
وعيديتي يالمهدي الصدگ لمن ابوس ايدك

لمن تجي اخبارك .. ياسيدي امبارك
كل عام وانته ابألف خير
يامهدي

___

كـل مـا اهنيـك انـه احـس بالتهنـئه امقصر
والســاني يالمهــدي تــره محـــتار شيـــعبر
عــودي اذا باچــر يبــس لمن تجـي ايخضر
ودلالــي بســمك ســيدي لــو شافـك ايكبر

شغلتني  اسرارك .. ياسيدي امبارك
كل عام وانته ابألف خير
يامهدي

___

وجــهــك الخــير وغــيــره ياســيدي ماعنــدي
اقـرب شخـص انتـه الــي وتعرف شنو العندي
امعيشـتني نظراتك ملك وبهاي احس وحدي
اشتــملك يگــلولي البــشر گـــلتلــهم المـهدي

اتـونس ابـنارك .. ياسيدي امبارك
كل عام وانته ابألف خير
يامهدي

___

اشـما تكـثر اهمـومي وتـزيد ابفگدك الامي
ماشــوف غيـرك سـيدي يالمــهدي گــدامي
روينــي فـدوه ابشوفتك گلـبي الك ضامي
ايــامي من غيــرك عدم وشتــنــفع ايـامي

غامـرني بنــوارك .. ياسيدي امبارك
كل عام وانته ابألف خير
يامهدي

___

يمــته تــردلي ســيــدي وبحــظرتـك اركــع
مشــتاگه اذنـي النبـرتك يالمنـتظـر تـســمع
عندي قناعه ابكلشي بـس ابجــيتك اطــمع
ايدك على راسي يـغالي ابيــا وكـت تطــبع

واتحسس اثارك .. ياسيدي امبارك
كل عام وانته ابألف خير
يامهدي

___

ويــاك عــيد الله صـدگ يتــســمه عـيد الله
اعلــيــك الــذي ماصــله لامــاينحسب صله
الشايف ضـوه وجهـك عـجــيبه عنه يتخله
ابســمة شفاهــك ســيدي جـبــريل يتــسله

وبشراقة انظارك .. ياسيدي امبارك
كل عام وانته ابألف خير
يامهدي
___
حيدر تركي الكربلائي
60
الناشر معتز الموسوي

13 Feb, 12:55

((الطف ركض))


صرت والطف ركض حد ما وصل ليك
وبـــالكاروك بعـــدك وانحــه اعليــــك

اجـــــــــــاك بحيـــرةّ الضـايع بالغـروب
اعمـــه ومـــايهد چَـــــلب بـــــــرجلـيك

هيچ يگـــــول اجيـــتك سيدي ارجوك
اجيــت انعــــاك أنـــه ماجــاي اناغيك

يمخــلي الصبـح يتنـــفس اشــــــــواگ
باچــــــر تختنگ لمـــــــن احـــــاچيك

باچـــــــر تــرسم بصـدرك محـــــطات
اليحبـــك واليضـــــــــدك سافرو بيك

اگـــــــلك هلا بطولك من تجي ضيف
بـــــــــس يـــــــاسيدي مــاباسو إيديك

باچــــــــر تــــــــعطش متونك تچيات
وتّــــــــمد ايــــــدك وماتلگه اليتچيك

باچـــــــــر تنفجع رغـــــم انتـه مذبوح
مــــــــــــن تنضر حـــــوافرهم تغطيك

آنـــــــــــــه الطف اجيتك عبر السنين
وكـــــــــــاروكك اهـــزه نيتي اواسـيك

لان باچــــر تشــــــم عطـــــاب كاروك
طفــــــــــل وبچفه نحره بحبه ينطيك

اخـــــــــــذ يــــــاوالدي يگـلك بالعيون
وانـــــــــته اتگله بويه السهم غص بيك

هـــــــــــذا آنه اجيت واكـــــــره الماي
غَـــــم راي النــــــــهر مــــن ما يرويك

عبد زينب
محمد الابراهيمي
59
الناشر معتز الموسوي

13 Feb, 12:55

مولد المهدي عج


الليله اخر شمس تضوي بالسمه
هلهوله للثاني عشر يا فاطمه
****
عم عله الدنيا يبت طه السرور
من سمه الباري يشع الليله نور
المرتقب والمنتظر يوم الظهور

بيده شايل سيف حماي الحمه
هلهوله للثاني عشر يافاطمه
****
الليله يم حسين ميلاد الامل
تكتمل سبحة العصمه امن الاهل
يعني حيَّ اعله الفلاح وعل عمل

ابو صالح دين الله يترجمه
هلهوله للثاني عشر يافاطمه
****
العسكري لمن بده ايطش الخبر
عينه سدها بجيت المهدي الگمر
وسيطر اعله الكون كله المنتظر

نور عرش الله ابو صالح زاحمه
هلهوله للثاني عشر يافاطمه
****
امن الفرح فاض الدمع مثل الشمع
مو بعيد اليوم ذاك ونستمع
ياخذ المحجوب ثارات الضلع

وشيعة المهدي تراها امحزمه
هلهوله للثاني عشر يافاطمه
****
ايد وحده انصير لا ما نختلف
اتموت كلها ابجيته أقوال العرف
والله من كل صوب نزحفله زحف

ابظله كلها اتعيش تالي امنعمه
هلهوله للثاني عشر يافاطمه
****

الشاعر اياد الديراوي
69
الناشر معتز الموسوي

12 Feb, 14:18

مولد الامام الحجه
.
.
.

بهواك اتغنه .. يعـطر الجنه
يـعطر الجنه .. بهواك اتغـنه
يابو صالح

***
مغرمك . سيدي . ودم غرامك يجري بيه
انتظر . عالدرب . صاحب الطــلعه البهيه
وانسئل . ما اجه . يوسف الزهره الزچيه
 
اتأمل واتوسل ما اندل .. انته ابيا مكان
دليني تدريني اتأذيني .. طعنات الزمان
 
تـــرد اتمنه .. يعطر الجنه
يعطر الجنه .. بهواك اتغنه
يابو صالح
****
ياضوه . وكل فجر . انتــــظر غرة ضيائك
دنـــيتي . مظـلمه . سيدي بحاجه السنائك
نلتقي . ابيا وكت . يالحبـــيب ابكـــربلائك
 
ابنوماسك واحساسك وانفاسك .. اترس ريتي
والزهره بالحظره من نظـــره .. تضحك دنيتي
 
اريد اتهنـــه .. يعطر الجنه
يعطر الجنه .. بهواك اتغنه
يابو صالح
***
همستك  . ياعذب . امن الجنان احله رساله
يانـــده . ولو وگع . ايـغازل الجوري وجماله
بسمتك . بســملــه . مـــن لــدن رب الجلاله
 
ياراقـي بأوراقـــي واحداقي .. كاتــب قصتي
مجنونك وعيونك من دونك .. تصعب حالتي
 
غرامك  چنه .. يعطر الجنه
يعـطر الجنه .. بهواك اتغنه
يابو صالح
****
شوفتك . حسرتي . وادري هـــايه موبعيده
احترگ . من يـــمر . طاري اسمك بالقصيده
الخالقي . انـــدعي . آرنــي الطلعه الرشيده
 
ياغالي دلالــي وأمــالي .. بيـــك معلــــقه
كلمها وعلمها وارحـــمها .. روحي العاشقه
 
دليلي وفنه .. يعطر الجنه
يعطر الجنه .. بهواك اتغنه
يابو صالح
****
صورتك . تنـرسم . ويـــن ماشـاهد مناره
اعرفك . كل وكت . راحـتـك بس بالزياره
امروتك . شوفتك . اتجبر الگلبي انكساره
 
اتحير واتحسر واتنـطر .. كل ماطب صحن
اتأهب واترقب واتعذب .. يا أبـــن الحــسن
 
اشوكت اتدنه .. يعطر الجنه
يعــطر الجــنه .. بهواك اتغنه
يابو صالح
****
ما امل . موعـدك . منتــظر حــد ماتجيني
عاشگك . وافتخر . مطشر ابدربك سنيني
مو مهم . والاهم . يمته تـــرجـع ياحـنيني
 
والمــوعد من يبعد ماتخمد .. نيــران الگلب
مشـتعله وموســهله ياقبله .. بعيون اليحب
 
متى تتـعنه .. يعطر الجنه
يعطر الجنه .. بهواك اتغنه
يابو صالح
*
حيدر تركي الكربلائي
 
 
112
الناشر معتز الموسوي

11 Feb, 17:15

اقسم وحق القل هوه .. محتاجلك مثل الهوه
محتاجلك مثل الهوه
يابو صالح

-----------

ياحبيبي اوداعة اعيونك .. مجنونك .. تدريني تدريني
گلبي من گد فرگتك ذايب .. يالغايب .. ياذيـني تدريني
يمته ترجعلي واسولفلـك ضماي
إي يــماي الله الـذي مامثله ماي
الغيمتك يالمهدي محتاجه سماي
 
دلالي عگبك ماروه .. محتاجلك مثل الهوه
محتاجلك مثل الهوه
يابو صالح

--------

يامامي ومالك احساسي .. وانفـاسي .. يالــوالي يالــوالي
بدنيتي بس انته يالمهدي .. وماعندي .. كل غالي يالوالي
انته كل ما املكه بهاي الحياة
يانجاتي وغيرك امنين النجاة
الماتمســك بيك ايامــه شتات
 
وعليك دلالي انطوه .. محتلجلك مثل للهوه
محتلجلك مثل الهوه
يابو صالح

---------

گالو اترد يمته ترجعــلي .. ياخلـــي .. المنتظره المنتظره
ابگد عدد ايامك اجروحي .. وروحي .. منكسره المنتظره
خلصات ايام عـــمري ابأنتــــظار
الناس مثل الثلج وانه گليبي نار
يمته اشوفك يا امامي بأختصار
 
المايرهم الجرحه دوه .. محتاجلك مثل الهوه
محتاجلك مثل الهوه
يابو صالح

--------

شيب امن امناطرك رمشي .. وكلشي .. يتامل يتأمل
والي مابيــه ينتــظر صعبه .. گــــلبه .. يتحمل يتامل

ارحم الدلاله متـــفــطر عليــك
انچان لا مابيك جيه انه اجيك
امنية عمري اقبل كــون اديـك
 
المن شوگك ابگلبه انچوه .. محتاجلك مثل الهوه
محتاجلك مثل الهوه
يابو صالح

---------

كل خليه ابجسمي تتأهب.. وتترقب..اخبارك اخبارك
جرح هجرك حيل اذاني .. وخلاني .. اتشارك اخبارك
انته شغلي الشاغل البيــك التهيت
إي يـسالفـــتي ولاغــــيرك حچيت
انسه امي واهلي واسمك مانسيت
 
يمته يرف بيدك لوه .. محتاجلك مثل الهوه
محتاجلك مثل الهوه
يابو صالح
---------

الــدولة العـــدل الالهــيه .. ليــلـــــيه .. اتنطر اتنطر
امنياتي ناظري ايشوفك. ولچفوفك .. اتحسر اتنطر
ريـت كون ابدولتــك خادم اصير
وكون اشوفك وين ماناظري ادير
الشاف وجهك سيدي حظه چبير
 
هنياله من شافك ضوه .. محتاجلك مثل الهوه
محتاجلك مثل الهوه
يابو صالح
--------
حيدر تركي الكربلائي
 
122
الناشر معتز الموسوي

11 Feb, 17:15

مولد الامام الحجه عج
.
.
.



الحـب لبو صالح .. كلشي بيه صالح
عـجـل الله فــرجه
المهدي ابــو صالح

***

مهدوي من زغري مابعـت القضيه
مهدوي قاسم وحــق امنه الزچيه
مهدوي مــن الـــمهد حـــد المنـيه
مهدوي وثــورة دمـــائي مـهـدويه
السانـي بالمهدي لهج
منتــظر يـوم الفــرج
يمــته يوسف فاطمه
يمته اسمع بيه خرج
 
منهجي واضح .. كلشي بيه صالح
عجــل الله فــرجه
 المهدي ابو صالح

***

منتـظر چــن عالجمر واگـف اتاني
منتـظر انه شكثــر صاحـب زماني
منتـظر وامن انتظاره اشگد اعاني
منتـظر انساني باخطائي احتواني
مدنگ واحچــي بخجل
اشما گلت مهدي العجل
هوه ماحسـسني يـــوم
عـنـي ابو صـالح زعــل
 
عــقلي بيــه سارح .. كلشي بيه صالح
عجـــل الله فــرجه
 المهدي ابو صـالح

***

عاشگ ونار العشــگ تچوي بدليلي
عاشگ وادري العشگــته ينــدعيلي
عاشگ المهدي ونعــم هــوه خليلي
عاشگ ومنتظره ياســاعه يجــيلي
حاشـه اذا شوگه امل
وحاشه عن دربه ازل
من يزل جدمـي اتيه
وحـاير ابأمـري اضل
 
عنـــه مــابارح .. كلشي بيه صالح
عـــجل الله فــرجه
 المهدي ابو صــالح

***

روحي مشدوده اعله باب المهدي امامي
روحي تحچـــي ليـــل ونــهــار بهـــيامي
روحي تلهــچ بســـمه يا احلــى الاسامي
روحي گلبي عقلي كلشي الــبيــه ضامي
ضامي للـمهدي صدگ
الگلـبي بس يمه يدگ
النـــاس كاتلــها البرد
وانه كلــساع احـترگ
 
هالعشگ جارح .. كلشي بيه صالح
عجــل الله فـــرجه
 المهدي ابو صــالح

***

حالف بعافيــتي وبديني وضميري
حالف بمستـقبلي وذاتي ومصيري
حالف وبـس هوه ابو صالح اميري
حالف ابيعه عــلي ويــوم الغديري
مستــعــد انـــه الــــه
هــــذي اول مـــرحله
ثاني شي يم الحسين
راح انــطـره بكـــربله
 
جفــني اله فاتح .. كلشي بيه صالح
عــجل الله فــرجه
 المهدي ابو صـالح
***
حيدر تركي الكربلائي
 
 
 
106
الناشر معتز الموسوي

11 Feb, 17:15

ياهــلا ابمهدينه ـ هلا هلا
بمولده اتباهينه ـ هلا هلا

مله ادروب الشيعه ضيه وياحلاة اوصافه
العرش مبهور ابجـــــمال انواره الخطافه
كل ملك نازل ايســبح اجه البيته وضافه
ونزل جبــــــريل ايتبرك زار مهده وطافه

المنقذ امسمينه ـ هلا هلا
بمولده اتباهينه ـ هلا هلا
"""""""""""""""""""""""""""""""'''''''

حب عذب يمي لگيته ونبعه يجري بروحي
دوم اهيم بدفو احروفه ويهده ويخف نوحي
ينشرح صدري امن اذكره وتشفه كل اجروحي
والي صار وياي احسه لعشگ عابس يوحي

حلو البيني وبينه ـ هلا هلا
بمولده اتباهـينه ـ هلا هلا
"""""""""""""""""""""""""""""""""

ياهلا يهتف شعوري هلا فخر الساده
واذن بأسمه الضمير ومبتشر بعياده
يازبور آل الرســاله وقائد اعله القاده
نفحه من انفاس طه انتشرت ابميلاده

نعمه بي حسينيه ـ هلا هلا
بمولده اتباهـينه ـ هلا هلا
""""""""""""""""""""""""""""""""
للخلق مصيوغ جوهر من سنا الباري
رتلته آيات شوگي وقدمتله اشــعاري
اسمه عالحايط كتبته حرز داخل داري
ابد ماعندي بغلاته وشغل كل افكاري

ملك كلشي بينه ـ هلا هلا
بمولده اتباهـينه ـ هلا هلا

""""""""""""""""""""""""""""""""
انتظر كل جمعه اشوفه ابدربه دوم امتاني
مانسيته لحظه وحده وادري ماينساني
من زغر سني عرفته وعايش ابوجداني
وكلمة اللهم عجل ما متيها الساني

بواهس امتانينه ـ هلا هلا
 بمولده اتباهـينه ـ هلا هلا
""""""""""""""""""""""""""""""""

✍الخادم
كامل السعيدي
106
الناشر معتز الموسوي

10 Feb, 15:21

مـتـى يــا صــاحـب الـغـيـبـه أراكــه
هـضـم هـجــرانــك لـجـسمـي أراكــه
شـتـنسـه الـقطـعـوا عله امّـك أراكـه
لو تـنـسه الـخذو عـمـتـك سـبـيّه !!


الــدهر عـالـحــزن يـالــمـهـدي عـلـمـكـم
وتـسـيل ادمـوع كــل شيـعي عـلـه امـكـم
لـــونّــــك تـــظــهــر وتـــرفـــع عــلــمكــم
العـلـم تــلــقــاه بــأرض الـغـاضـريــه !!


* مـتـى تظـهـر يـبــو صـالــح تـــره دت
جـروحــي مـخــزن بـكـلـبـي تــــره دت
الشـيـعـة شـكـثــر بـزمـانــي تــــره دت
ضـريــبــة أرواحــــــه لـلـهـاشـمـيـة
...................................
* يـمــن حـبــك صـبــح الـنِــه وسـيـلـة
أريـــد أبچي بــدمــع عـيـنــي وسـيـلــة
يـغـايــب مــتــى أمــــر الله وسـيـلــة
وكــلــه شـعـطـلـك يــبــن الـزجــيــة


خادمكم
مرتضى الشيخ راضي الدراجي
123
الناشر معتز الموسوي

10 Feb, 15:20

ولادة الامام الحجه (عجل الله فرجه)

كـــيـانـــك لـغـز لـلــدنـيـا وســرهـا
وضـمـيـرك قلـعـه للأمـه وســرهــا
الـبـشـر مـيـلادك أسـعـدها وسـرهـا
وعـسـى اتـظـل الـمسـرّه دائـمـيه1


اســــج الـبــيــد وأرد أقــطــع تــلالـه
عـلـى الـلي صـوابـي لـصوابه تـلالـه
يـــا يـــوم انــظـــر انـــواره تـــلالـه
مـن الـكـعبـه ويـشـع لـلـكون ضـيّـه


يـبــو صــالــح نـجومــك عــلـن وفــلان
أحـــــل ويّـــاك كـــيـــد الــعــتب وفــلان
ديــنــــك طـــــاح بـيـــن فـــلان وفـــلان
غـريب ومثـل جــدك بـيــن أمــيّــه


وفــه وخــيـر وشـيـم مفــرع لــواكــم
ويــميــن الــموت يــا وسـفـه لــواكـم
مــتـى تـنــشــر يـبـو صــالح لــواكــم
وتـنـادي يـا لـثـارات الــزجـيّـه


تـــروم الــروح وصــلــك وانــتـه حـلـهـا
ابـجـفـاك اعـضـاي نحـلـت وانـتـه حـلها
المـشـاكــل عــلـي كـثـرت وانـتـه حـلـها
شـكـثر يـبـن الـحسـن أحـمـل أذيّـه


خادمكم
مرتضى الشيخ راضي الدراجي
119
الناشر معتز الموسوي

10 Feb, 07:37

صوت المحب عالي       يالمهدي يالوالي

*     *    *

يالرايتــك رايــــة علـــي بيمينـه
يالمهدي  يالمهدي
بيوم الاحــزاب وخيـبر وصفينـه
يالمهدي  يالمهدي
يا ويله كــل حاقد أجـه يعادينـه
يالمهدي  يالمهدي
بسيفك تــزيل آثاره يــــا والينه
يالمهدي  يالمهدي

يا سعدي وآمالي        
يالمهدي يالوالي

*     *     *

تگطع بـروس الناصبو ضرباتك
يالمهدي  يالمهدي
حملات حيدر عالكفـر حمـلاتك
يالمهدي  يالمهدي
وصولات عباس الگمر صولاتك
يالمهدي  يالمهدي
لثارات جدك خل تـــرف راياتـك
يالمهدي  يالمهدي

أرفعهــه للعــالي         
يالمهدي يالوالي

*     *     *

نگصد حسين وخل تشوف أعدانـه
يالمهدي  يالمهدي
بعون الله أصحاب الكفر خســرانه
يالمهدي  يالمهدي
وشيعة علي بحب الوصي ربحانه
يالمهدي  يالمهدي
بقائم محمد خـــل يــــرف الــوانه
يالمهدي  يالمهدي

يظل عالي للتالي       
يالمهدي يالــوالي

*     *     *

يا يــــوم تظهــــر للخلگ أنوارك
يالمهدي  يالمهدي
من نور طه الباري نور أختارك
يالمهدي  يالمهدي
ويزيـل أصحاب الكفـــر بتــارك
يالمهدي  يالمهدي
للمــوت نبقــه سيدي أنصـــارك
يالمهدي  يالمهدي

يا أغلى كل غالي       
يالمهدي يالــوالي

*     *     *

شما فجــــرو ما گـــدرو يغيرونه
يالمهدي  يالمهدي
بمحراب حبكــم خلهم يذبحونــه
يالمهدي  يالمهدي
بدمانــــه خطينه عهد مضمــونه
يالمهدي  يالمهدي
شيعه وتظل بهل العشگ مجنونه
يالمهدي  يالمهدي

هالعشگ يبرالي         
يالمهدي يالوالي

*     *     *
الشاعر
موسى البديري
117
الناشر معتز الموسوي

10 Feb, 07:36

ابيات ابوذيه الى الامام الحجة ابن الحسن عليهما السلام



روحـــي شكثــر لغيابــك     تعــدلاه

يمن كــل مايــل بحكـمك     تعــدلاه

بجيلي أخبرني يالمهدي     تعود لا

بغيــر اجيال تظهــر للبــريه


❣️❣️❣️❣️❣️❣️❣️❣️❣️


ميتــه الــروح وبذكـــراك     عـــدله

وغيابك كــل محب بآلام     عــدَ له

بيــك البــاري راح يســود    عـــدله

وتمحيه الظلم يبن الزچــيه


الشاعر
موسى البديري
115
الناشر معتز الموسوي

10 Feb, 07:36

قصيدة إلى تتويج الامام الحجة ابن الحسن عليهما السلام



تتويجه رباني      أمـــامي المنتظـــر
وبحبه غذاني      أمـــامي المنتظـــر
تستاهــــل البيعـــه       يـــا يا قائد الشيعه

*----------*----------*

مّن الله هــذا التــاج    
لا مو ذهــب لا عـاج
تــــــاج الأمــــــامــه

تــوّجــك ربـــك بيــه     
للمهــدي گــال أنِطيه
عـــــزه  وكـــــرامـــه

لأبـن النبــي المخـٕتار   
وارث  علــي الكـــرار
اتلــوگ الــزعـــــامــه

ياسر وجــود الكـون    
بمّحَبتــك  مفــتــون
ﮔلبــي  وغـــرامــــــه

سر حبه إيماني        إمــامي المنتظر
تتويجـــه رباني       أمامـــي المنتظر
تستاهل البيعه       يـــا يا قائد الشيعه

*----------*----------*

مــنْ الــوصي الكــرار    
بالحسن هالســر صـار
وانـــوبـــٕٕه   بحسيــن

صــار بعلــي السجــاد      
وبالبـاقــر الســر عــاد
ولصــــــادق  الــديِــن

وبالكـاظم المحبـوس   
للرضا ساكــن طـوس
بصلـــب الجــواديــن

وبالهـادي ســر النــور   
وللعسكري مــذخــور
نــــــور   الميـــــامين

ساكن أبوجـــداني         أمامـــي المنتظر
تتويجــــه ربــاني         أمامـــي المنتظر
تستــــاهل البيعه        يـــا يا قائد الشيعه

*----------*----------*

تقشــع ظـلام الجــور     
وتمليها عـــدل ونــور
تمليهـــا    أحســــاس

نــورك يشــع بالكــون   
أنكحل ابجيته أعيون
ونــعــطــر   أنفـــــاس

سيــدي   يالمــوعــود    
يا يــوم لينــه أتعـــود
يا عطـــر ورد ويــاس

والــرايـــه يالقــــائــم      
من چف گمــر هاشـم
هل الرايه مــن عباس

بالعـــزه وصاني         أمامي المنتظر
تتويجه ربـــاني        أمامي  المنتظر
تستاهل البيعه      يـــا يا قائد الشيعه

*----------*----------*

وي الحـشد شفــناه    
بيــده يعلّي ألــــواه
مــا احسـبه غايــب

رايــة علــي ابيمناه   
ترهب اگلوب أعداه
تـــرعــب  كتــايــب

والگال مــا موجــود   
امنيــن هــذا الـــزود
هـــــز   النــــواصـب

المهدي الحشـد وياه    
مــا يــربــح العــاداه
ابـــن الـــغــــوالــــب

يا نبض شرياني       أمامي المنتظر
تتويجه ربــــاني      أمامي المنتظر
تستهل البيعه         يـــا يا قائد الشيعه

*----------*----------*
الشاعر
موسى البديري
106
الناشر معتز الموسوي

10 Feb, 07:35

هوسات لولادة الامام المهدي (عج)


١

حرت بخمصطعش شعبان شقدم انه وشأهدي
غير الروح يامولاي تدري كلشي ماعندي
الك روحي اقدمها هديه الليله يالمهديه
(اتباها الليله بميلاده)

٢

الماوالاك بالميلاد ضل طول العمر خسران
ليلة قدر عدنه اليوم تشبه ليله بالقران
بأواخر ذيچه من رمضان هاي اخمصطعش شعبان
(هنياله وكلمن يحييها)

٣

عهد كاتب اله وما اخلف بعهدي
من عالم النشأه امثبته الوعدي
اتشرف اصير بدولة المهدي
(جندي وابصمله بميلاده)
٤

بنصف شعبان نرجس تنتظر مولود
وهاي الليله تعرف ليله الموعود
مثل هذا الحدث بالكون ماموجود
(والمهدي ايهل هاي الليله)



لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
92
الناشر معتز الموسوي

10 Feb, 07:33

مولد الامام الحجه عج…. 🌹🌷

عاشگ وبسمك نبض شرياني
انته اول مـــن سكن وجداني
مغــرم وحبيتك  يمهدي
بالگلب ضميتك  يمهدي
ــــــــــــــــــ✮✩✮ــــــــــــــــــ

ابعث السلام - بعذب الكلام
الك ياقائم نبي الرحمه وعترته...
عجل الظهور - ضاقت الصدور
الشوفتك كل عمري يالمهدي نذرته...
والله يالحبيب - من هواك اطيب
انته محبوبي وحلم عمري النطرته...

بسمك اهتف ونته ماي اعيوني
ما أهـــــــــــم بالرادو ايلوموني
وحدك اختاريتك   يمهدي
بالگلــب ضميتك   يمهدي
ــــــــــــــــــ✮✩✮ــــــــــــــــــ

احنه عدنه عيد - كل شخص سعيد
هذا يوم المولد اويا محلى صبحه..
ربي اجعله خير - وسعد الفقير
بيه خل ينسه المضه وخل ينسه جرحه..
ربي ياسميع - اسعد الجميع
اسنين مرت بيهه ابد ماشفنه فرحه..

انريد ننسه اهمومنه ابهل ليله
وبوصالــــح محفل انســـويله
من الزغر واليتك  يمهدي
بالگلــب ضميتك  يمهدي
ــــــــــــــــــ✮✩✮ــــــــــــــــــ

طول المجيء - يمته نستضيء
بنورك البيه تستضيء الدنيه كلهه...
توفي بالوعود - والعدل يسود
والنواصب كلهه بوجودك تذلهه...
يمته نستراح - وتسكن الجراح
شيعتك مولاي بس انته املهه...

ياأملنه اشگد دعينه انشوفك
يمته ترفــــع رايتك بچفوفك
غايـب وتانيتك   يمهدي
بالگلب ضميتك  يمهدي
ــــــــــــــــــ✮✩✮ــــــــــــــــــ

عايش ابهواك - گلبي مانساك
لحظه ما اتخله عنك يا امامي
يااعز حبيب - عني ماتغيب
يمي احسك كل وكت تسمع كلامي
وياك اضل سعيد -عني موبعيد
وي العذيبي ألك ابعث سلامي

حبي موعادي وصرت مجنونك
ما اعيشن لحضه اني  ابدونك
ورده وشتميتك    يمهدي
بالگلب ضميتك   يمهدي
ــــــــــــــــــ✮✩✮ــــــــــــــــــ

   الخــــادم
كامل السعيدي
101
الناشر معتز الموسوي

10 Feb, 07:33

مولد الامام المهدي عج..


يالحــــبك نجـــاة الكل مــوالي 
راسي ابخدمتك يالمهدي عالي
       
🌷🌷🌷🌷
يالحــــــبك نجــات الكل الاطياف
ابيقضه وبالحــلم يالمهدي تنشاف
عشـگك رحمـة اللـه اشلون ينعاف
الما حبــــك خســـر يغله الغـــوالي
🌷🌷🌷🌷

ياحجـة الباري وللخــلگ ســـــور
اطـوف ابمهــدك الامـــلاك وتزور
خــدك يشع جن قنـــديل من نور
يالاصبــح جمـــالك شـي مثـــالي
🌷🌷🌷🌷

يا شــــمام گلبـــي اولب الالبـــــاب
يانسـمة اعذيبـي اويه الهوه الهاب
انته اطهر وليد امن اشرف انساب
بســـمك نحتــــــفل هـاي اليـــــالي
🌷🌷🌷🌷

يا منـــبر عشـــگ والحبه سلطان
يا اجمل اشــراقه ابنصف شعبان
يا بــاب العلــــــم يا بـــاب ريــان
ابحــبك كل وكت يســرح خيالي


🌷🌷🌷🌷
اكماطك نور.  عطره اينسم الراس
جـــوري وسعفران وعنــــبر وياس
ربك وي قــــــــدومك بشــر الناس
منقــــــذكم المهــــدي وهــوه والي
🌷🌷🌷🌷

        الخادم
✍كامل السعيدي
86
الناشر معتز الموسوي

10 Feb, 07:32

گلب المحب فرحان ــ ميلاد مهدينه
خامس عشر شعبان ــ نــوَّر ليالينـــه
         
             ــــــــــــ♥ـــــــــــــ

يا شيعــة الكــرار ــ إحيوها هالفرحــه
نور الهدايه اليوم ــ فجره بزغ صبحه

ٲهدي الأمل عمري ــ باقة ورد جوري
           مالي الفرح صدري

يا صاحب الازمـــان ــ  نبعــث تهانينــه
خامس عشر شعبان ــ نـــــوَّر ليالينــــه
           
            ـــــــــــــ♥ــــــــــــــ

غايب عن عيوني ــ وعن گلبي ما غايب
يـا فرحة الزهــره ــ وفرحــة بنـي غالب

  يا قاضي حاجاتي ــ ونغمة مسراتي
              وبلسم جراحاتي

يا مالـــك الوجــدان ــ لشوفتك حنينه
خامس عشر شعبان ــ نــــوَّر ليالينــــه
         
          ــــــــــــــــ♥ـــــــــــــــ

أُمي اللي رضعتني ــ حبك من اصياري
ٲلهج ٲظل بسمـــك ــ ليلــي مـع انهاري

يا وارث المرسل ــ تدري الهجر طَوّل
             گلبي اشكثر يسأل

يا حجــــة الرحمان ــ هجرك يأذينـه
خامس عشر شعبان ــ نـــوَّر ليالينــه
          
           ــــــــــــــ♥ــــــــــــــ

ابكل محفل او نادي ــ طير الفـــرح غرد
أهـــــلاً يمهدينـــــه ــ ثغر المحـــب ردد

اليوم المحب مسرور ــ وايردد اعذب طور
             وهذا الحفل منظور
         
جوري وغصن ريحان ــ حامل ابچفينه
خامس عشر شعبـــان ــ نــــوَّر ليالينــه

             ــــــــــــــ♥ــــــــــــــ

ضي الكرم وجهك ــ يا فرحـــة البضعه
والشامـه لبخـــدك ــ تضوي مثل شمعه

ٲهـــواك تدريني ــ مــن افتحت عيني
             ناذرلــك اسنيني

يـــا منقـذ الإنســـان ــ حبنه وٲمانينه
خامس عشر شعبان ــ نــــوَّر ليالينــه

             ــــــــــــــ♥ــــــــــــــ

ريت السعاده اتدوم ــ غيم الحزن يرحل
بارينــــه يالمعبـــود ــ عــن الفــرج نسأل

   شو طالت سنينه ــ غايبنه چا وينه
                عجل المهدينـــه

وايصـــول عالعدوان ــ فقاره بيمينه
خامس عشر شعبــان ــ نوَّر ليالينـــه

كلمات عمار الراشدي
91
الناشر معتز الموسوي

10 Feb, 07:32

 .
          يا مهدينه ــ يامهدينه
          ابليلــة ميلادك غنينـه
          يا مهدينه ــ يامهدينه

هــاي الليلــه من اجمل ليلـــه بعمري
ليلـــة ميــلاد الحبيتــــه مـــن زغري
يامولاي اشكبر الفرحه ابنص صدري
ابكبـــر الدنيــه ومابيها وربنا اليدري

         يا مهدينه ــ يامهدينه
         ابليلــة ميلادك غنينـه
         يا مهدينه ــ يامهدينه

سريت الدنيــه ومابيهـــا ابميـــلادك
واتغنــــت اصوات الشيعــه بأعيادك
يافرحـــة بارينـــه وفرحــة اجدادك
والفرحه الكبرى من يحصل ميعادك

       يا مهدينه ــ يامهدينه
       ابليلــة ميلادك غنينـه
       يا مهدينه ــ يامهدينه

احنــــه البايعنـــاك ابـــأول نشأتنــه
بميلادك يالغالـــي اكتملــت فرحتنه
ابأســـم الثار ويومه ارتفعت رايتنه
قائدنــــا ونتنطـــــر تحكـــم دولتنه

      يا مهدينه ــ يامهدينه
      ابليلــة ميلادك غنينـه
      يا مهدينه ــ يامهدينه

إعلان المولــــد هالليلــــــه نادانـــه
يا أهـــل العالــــم مهدينــه وافانــه
كـــل الشيعه ابهــذا المولد فرحانه
بنــورك يالموعــود اتشعشِع دنيانه

     يا مهدينه ــ يامهدينه
     ابليلــة ميلادك غنينـه
     يا مهدينه ــ يامهدينه

طاووس الجنـــه ويا سلطان الامه
يا منقذنه من كل جور وكل طغمه
خدامـــك بالمحفـــل لجلـك ملتمه
يالمهدي اتقبل منــــه هاي الخدمه

       يا مهدينه ــ يامهدينه
      ابليلــة ميلادك غنينـه
      يا مهدينه ــ يامهدينه

إلمن ننشد عن شخصك إلمن نسأل
ابهالليله ابأسمـــك للبـــاري نتوسل
طالـــت هالغيبه ونتمنه مـــا تطول
موعـــد مهدينـــه نتأمـــل يتعجــل

     يا مهدينه ــ يامهدينه
     ابليلــة ميلادك غنينـه
     يا مهدينه ــ يامهدينه

كلمات عمار الراشدي
69
الناشر معتز الموسوي

31 Jan, 15:37

هوسات لمولد الإمام الحسين عليه السلام

نحييها المحافل باحله هلهوله
والي ايلوم خلي ايلوم كلوله
غالي حسين ما نفرحله معقوله

نكَلبها الدنيه بميلاده
**
حنين حسين وشكد شايل امروه
ما عدنه وسيله وعلي بس هوه
ودنيه بلايه حب حسين ما تسوه

بوجوده الدنيه شمحلاها
*
الليلة بمولده فطرس يرد جنحه
وعلي ينزف مشاعر لمن ايلمحه
ومحمد حاضنه وما ينوصف فرحه

وجبريل امكَابل كاروكه
***
أبشر يالتحب حسين     والله حسين ميعوفك
جاي المحفله وفرحان     وتهني بمولده ايشوفك
يكلك اطلب وشتريد      عهد اترسهن اجفوفك

مد اجفوفك وأخذ امرادك
****
تمت
ميثم العمري
64
الناشر معتز الموسوي

31 Jan, 15:36

هوسات لمولد الإمام العباس عليه السلام
الليله بمولد العباس شدو الحيل
هذا البل حرايب راوه خصمه الويل
من طباها كامت خيل تردم خيل

واحدهم لو طار ايلوحه
****
زفو أسمى التهاني الحضرت أم عباس
وهنيالج نكلها بهيج رفعت راس
معدل مثل أبوه ماينكحم نوماس
ولوطب معركه تظل ناس تدفع ناس

وخياله تلوذ بخياله
****
فرحنه الليله والهوسات محلاها
وشوفن كل محب صفكاته علاها
الهوسه تلوك عالعباس شفناها
الدنيه بمولده شكد حلوه سواها

وحلاها الدنيه بميلاده
**
الليلة بمولدك رايد اطشن ياس
وعن عشكي وهيامي اليوم أخبر الناس
من هذا العشك ماظل عكل بالراس
مجنون اعترف والجني حب عباس

   مجنون الكافل سموني
****
السمه اتغازل كمرها وهامت بهالليل
وكلمن يعشك العباس ورده ايشيل
الليلة بمولدك شدينه حيل بحيل
وحضر هايم لعندك حته نجم اسهيل

   من نورك كلك انواري
****
تمت
ميثم العمري
61
الناشر معتز الموسوي

31 Jan, 15:36

بطاقة لمولد الإمام السجاد ع

اطش روحي بمحبتك طشت اورود    وهيمن بيك وانزفلك مشاعر
اسولفلك سوالف كلهن إحساس    وحجيلك قصص بلسان شاعر
يا أجمل حبيب ايغازله الليل         علي الكون بجمالك كله حاير     
تره العاشك صدك مايعرف النوم   همت بيك وكمت كل ليلة اساهر    
أحبنك علي السجاد للموت     وعجبك حيل بالحب انه شاطر
تظل انته ملك يتملك كلوب     ويظل حسين ساكن بالضماير  
صلوات. ...........
**

تمت
ميثم العمري
53
الناشر معتز الموسوي

31 Jan, 15:35

انولد  والكـون كلـه     شـع بالحـسين

ويظل مجنون حبه    شعب الحسين

هــذا الديـن  كــلـه     شاع بالحسين

يــوم النــذر دمـه أعلى الوطيه


الشاعر
موسى البديري
52
الناشر معتز الموسوي

31 Jan, 15:35

ياهله ابشعبان ياميت هله.   اليوم نزلت جنة الله ابكربله

هاي الولاده      هاي الولاده
خير وسعاده     هاي الولاده
★★★★★★★★★★★★

ياغصن بستاني.   وياعشگ رباني.  سالبني عگلي
واليحب مالومه.   من يذب اهدومه.  ومن داره يجلي
من الزغر وهواكم.  والله ماانساكم.  لو انسه اهلي


حبكم.    اخذ گلبي ومادريته
حبكم.    ابدمي الغالي اشتريته
حبكم.    قدراني وقدريته

حب وأراده.    حب وأراده
خير وسعاده     هاي الولاده
★★★★★★★★★★★★

كلشي بيه اينادي.    وعالميت اولادي.    عن هالمحبه
المايحب كل عمره.  ايموت مثل الشجره.  ويموت گلبه
عشگ طاهر عندي.   من علي للمهدي.   وناس غربه



گلبي.    يدگ بسم حسين دومه
گلبي.   ايموت خافن گبل يومه
گلبي.   ايحبكم ولحد يلومه

ابكل ديره ناده.   ابكل ديره ناده
خير وسعاده     هاي الولاده
★★★★★★★★★★★★

ثالث ابشعبانك.   حسين طرف السانك.    يروي العطاشه
الگمر بين اچفوفه.  الورد گام ايطوفه.   وحته الفراشه
واليحب سجادك.   اتحسبه مثل اولادك.   وطرده حاشه


نسمه.   امروتك اتسير عليه
نسمه.   انت ويكل مغربيه
نسمه.   حُسينيه مهدويه

المهدي القياده.    المهدي القياده
خير وسعاده     هاي الولاده
★★★★★★★★★★★★

بروحي كلشي صلى.    من انولد عبدالله.    نور دربــــــنه
الاكــــــــبر ابميلاده.      هوسوله الساده.     وكلمن يحبنه
المهدي جاب الناسه.     فرحه مو للساسه.   بس الشعبنه


وينك.       يابـــوا صـالــــــح ماتجينه
وينك.       الخان حيدر خـــان بيـــنه
وينك.        المگبره تبچـــــــــي علينه


اليحكم بلاده.    يحكم بلاده
خير وسعاده     هاي الولاده
★★★★★★★★★★★★




ــــــــــــــــــــــــــــــــــــــــــــــــــــ
ماجد حبيب الخيكاني
ونسألكم الدعاء
59
الناشر معتز الموسوي

29 Jan, 14:58

المبعث النبوي

تهاني تهانـــي نبعث للمدينــه
بجنـــاح السعاده للهادي نبينه

نبينه و ذخرنــه ــ ياشعلــة بدرنــه
يالحُبّك غمرنــه ــ نفديلــك عمرنــه
نتباشــر خبرنــه --   اعيادك تسرنه

فِرَحنه فِرَحنه و للمحفل مشينه

ملهوفه الضماير ــ مسروره الخواطر
عشــاق المنــابر ــ نحييهــا الشعايــر
بهالفرحه يجاهر ــ رادود اويه شاعـر

بمناهل محبتك يالهادي ارتوينه

للمحشر نواصل ــ نعقدهـــا المحافل
متهمنه العواذل ــ ما نعرف نجامــل
بزهار ومشاعـل ــ واصوات الهلاهل

نهنـــي نهنـــي عترتنه الامينــــه

يا قبلة سجــودي ــ يـا غايـــة وجودي
عيدك هذا  عيدي ــ وتتنـــاثــر ورودي
يا نبضــة وريـدي ــ هاك اسمع نشيدي

دليلي يرتــل اشواگــه وحنينـــه

ابعثلك سلامــي ــ يا احلــه الاسامــي
يا كعبة هيامــي ــ واشواگي وغرامي
يا سر التزامـــي ــ يــا غايـــة مرامـي

يا كهف النبــوه وابظله احتمينه

مبعوث الرساله ــ نامــوس العدالـــه
سرك واكتمالــه ــ مــن ســر الجلالـه
نورك ياجمالـــه ــ لالــه اعلينـه لالــه

يا سور العداله وقلعتنه الحصينه

عمار الراشدي

اللحن : يلايم يلايم
للرادود محمد الجنامي
91
الناشر معتز الموسوي

29 Jan, 14:57

((ذولاك أهلنه))


ذولاك أهلنه حملو ضعن المداليل
يـــمّ البنين شننتضر يايمه خنشيل
آنـــــه العليله والــــدمع بيه تراتيل

صعبه الطفله من تصفن
والاصعب راســها مشيب
ومن تمشي تـــريد أطيح
كلشي بروحها محــــدب
تــتـــفكر عـلى اخــــوتها
أحبيـب گــــايد أحبــيب
فتحت للحــــزن ديـوان
گلبـــها صـــار المعـــزب

راحـــــو أهلنه .. حمــل ضعنه
يايمه خنمـوت .. أعليهم محنه

راح الضعن راح ... 
                """""""""""""""""""""""""""''''''''''''"""""""

ذولاك أهلنه گوطرو وبسكته يحدون
ودعني عمي و والـدي ماضـن يردون
گتله اروحن والدي گـــــــلالي أمتون

يمه شبـــيهن متوني
ابوي شيقــصد بهايه
گلي السـوط مايرحم
تطـــفه دروب الولايه
تـــــميّ بديـرتچ بويه
وأخذي مني الحچايه
دمــايه العشــگ بويه
باچــــر كــــلها دمايه

ضلي بعـــذابچ .. ونوحي المصابچ
بس لاتركضين .. نبچــــي بغيــابچ

راح الضعن راح ...
                """""""""""""""""""""""""""''''''''''''"""""""

ذولاك أهـــلنه حَــدرو بــالهـــودج الهـيل
والليل يــــاكل دمـعـتـي مــاكافي يالليل
بس گتله اخذني شو بچه وگلالي الخيل

شبيها الخيل مـا ادري
يــــمّ عـــباس گــــليلي
محــد ســـولف ويـــايه
فدوه بداعتي احچـيلي
هلي يبچون وآنه ابچـي
وگـــــلبي وحزنه ياويلي
شــنهي القــصه ماادري
أنه المــهدوم ياحيــــلي

عمتي العقيله .. گالت هزيله
وانتي زغيـــره .. عمه وعليله

راح الضعن راح ...
                """""""""""""""""""""""""""''''''''''''"""""""

گلتلي عمه والــــدمع من ينزل بصوت
عالجمره باچر فاطمه عالجمره ونفوت
وداعةّ عيونچ فـاطمه هـذا السفر موت

موت ونــار شحچيــلچ
وشيحمله الركض عمه
خــــوله تنچوي وتنشغ
وصــفيه تركــض بهمه
وأجرن ياطفل بيـــدي
وطاح حسين ابو اليمه
وهيه المشــكله الكافل
يـــــاعمه نشـــــف دمه

ضـــــلي بديارچ .. وطفيها نارچ
من نرجع أعليچ .. موتي بقرارچ

راح الضعن راح ...


عبد زينب
محمد الابراهيمي
82
الناشر معتز الموسوي

26 Jan, 06:43

كربله ابطاموره…… 

.… وزن الهجري..........

بيك اشوفن صوره
كربله بطاموره
چن يتامه وغربه ونحور وچفوف
هذا سجنك سيدي ارض الطفوف
كربله ابطاموره

ـــــــــــــــــ ❁ ❁ ❁ ـــــــــــــــــ

آنه ياموسى ابن جعفر
                    اعرف بگلبك جريح
وادري كل نبضه بوريدك
                   تندب حسين الذبيح
انظر بدمعك يتامه
                    والشمر بيهم يصيح
دمعه چن جمر المخيم
              .تچوي ثوبك من تطيح
.
تدوي من احساسك
كربله بأنفاسك
انـت بالـزنـزانـه.والعسـكر يطـوف
هذا سجنك سيدي ارض الطفوف
كربله بطاموره

ـــــــــــــــــ ❁ ❁ ❁ ـــــــــــــــــ

هذا سجنك غاضريه
                    وانت الحسين الأبي
من اشـوف التـربه انظـر
                       .آنـه تـل الزيـنبي
چن المصـلايه خيـمه.
                    تحمي ايتام  النبـي
انظر بچفك سلاسل
                  يعني كل عمرك سبي
.
هيچي عمر احزانك
يگضي وي سجانك
النـوايـب سلت اعليــك السـيـوف
هذا سجنك سيدي ارض الطفوف
كربله ابطاموره

ـــــــــــــــــ ❁ ❁ ❁ ـــــــــــــــــ

سجدتك هاي الطويله.
                   شنهي سرها ياتره
تربتك تقره مصيبه
               على حسين ومنحره
انت ساجد يعني حاظر.
                     بالمـدامع تنظره
الشمر من حز  وريده
                 اثنعش مره يطبره
.
يذبح بأنفاسه
بيده شـايل راسه
هالمصيبه بكل فرض انت تشوف
هذا سجنك سيدي ارض الطفوف
كربله ابطاموره

ـــــــــــــــــ ❁ ❁ ❁ ـــــــــــــــــ

انت نور الله بوجودك.
                  ينجلي كل الظلام
شلون هالطاموره ظلمه.
                     حيرتني يالإمام
ناشدتها جاوبتني
         بكلمه أمضى من السهام
هذا مو ثوبي يسائل
              هـذا دخـان الخـيام
.
آنه اعيش آلآمه
ودوي وي اخيامه
شما  اوصف ما تكفيـني الحـروف
هذا سجنك سيدي ارض الطفوف
كربله ابطاموره

ـــــــــــــــــ ❁ ❁ ❁ ـــــــــــــــــ

مايك البلجربه شفته
               عينه تنظر شفتك
يدري ما تتروه منه
            الا تعطـش دمعـتك
والله ماي الدنيا كلها.
              ما يطفي جمّرتك
تنسى عبدالله ورقيه
             لو سكينه وعمّتك
.
تگضي عمرك صايم
يعني حزنك دايم
يلي بابك ماتسـده اعله الضـيوف
هذا سجنك سيدي ارض الطفوف
كربله ابطاموره

ـــــــــــــــــ ❁ ❁ ❁ ـــــــــــــــــ

كربله بطاموره انظر
                  كلش ونفس الأثر
شمرك السندي ابن شاهك
                  حاضر الحز النحر
بچفك الگيد واشوفك
                   انت عباس الگمر
والي ما يروي اليتامى
                 بعد شله ابهاالعمر
.
زنودك الچتفوهن
يعني هم گطعوهن
بغربتك هم صوبك سهم الحتوف
هذا سجنك سيدي ارض الطفوف
كربله ابطاموره

.
حسن الموالي الفاطمي
.
162
الناشر معتز الموسوي

25 Jan, 09:25

الوكت اعلن حدادة وحاد موسى
علينا وكل نبض بالكلب موسى
وسفة اعلة الجسر مطروح موسى
ابن جعفر امام الرافضية
#########################
على فراكك يموسى صار ياراي
دمعي وحزني ساكن دوم ياراي
سمعت اعلة الجسر مطروح ياراي
ظل عندي وبقت بس بروح بية
#########################

الشاعر
مصطفى الشطري
154
الناشر معتز الموسوي

24 Jan, 03:22

[ميمر  كربلائي للكاظم ع]
_______

گيدك يسولف احزان
قصة  حقد  سجانه
*******
دنياك   ظلمه  بالسجن  ياوسفه
ايام    مرت    والمصايب   كلفه
وسفه  الرشيد  ابموتتك يتشفه

راهب بني هاشم ليش
عايش ظلام  اشجانه
*******
دارت حقدهه الدنيا والحگ ايضيع
لن ابن  شاهك  لرشيد  امره ايطيع
گصت خجل  ماظلت بوجهه ايبيع

باع الضمير  الملعون
ضيك عليه  قضبانه
*******
صارت حياتك بالسجن بس حيره
منقول من  البصره  شفنه  السيره
هذا الحقد  وآصل البغض بالديره

من جدك الناس اتخون
هذا  الحقد    عرفانه
*******
صار   الرشيد   ابلا  قصر   لا تيجان
ونگلبت    اعليه   السجد   بالقضبان
موسى بعظمته يخشى منه السجان

بالسجده موسى معروف
ظل  الصبر  عنوانه
******
ذليت  هارون  اشكثر صبرك  چان
وتناجي  ربك  كل  وكت  بالإيمان
خلصته عمرك بالسجن بس احزان

گيدك يصلي بدمعات
واضح صبح بحزانه
*******
عديت سجنك كل فرض دمعاتك
الله استجاب من ابتدت دعواتك
صاحب السجده اتوضحت اياتك

بالسجده عنوانك صار
شفنه   الفرض  برهانه
*******
ادري بجروحك عاشر  من اونينك
همك عذاب  وتجري  دمعة عينك
اخر نفس تنعه  الغريب  احسينك

من  كربله اتعيش احزان
غير  جميع   الوانه
*******
تمت بعون الله تعالى الشاعر_يوسف_الفتلاوي
173
الناشر معتز الموسوي

24 Jan, 03:22

((اختصارات العشگ))


مـــــاكافي ياگلبي
يمته اختصر دربي
ياموسى ابن جعفر
ساعدني وبـــحبي

اختصارات العشگـ موت
من تسمع صده الصــوت .. ألّحق بِنا
من تسمع حچـي حسين
مـــــن تشـــــوفه بالعين .. يگلك هُنا

هُنا الانـجاز
هًنا الاعجاز
والمـــــافـاز .. مخدوع

الحب اعمال
هــزله احبال
هــذا الحــال .. وضلوع

وعلى موسى ابن جعفر ذاب روحي
خــاف يطيب گلــــــبي من جروحي
أضنها اطــول ويــــــــاي المــسافات
چـــــا يمــــته اختصرها بهاي روحي

موسى ابن جعفر مولاي ...

"""""""""""""""""""""""""""""""""""''''''''''

ياگـــلبي تاذيني
بساعات تغويني
وتّزين ذنـــــوبي
بنارك تمـشيـني

أنه مشاي بـــس عـوف
مواكب خدمه وتشـوف .. بـس ياگلب
أنـــــــه زاير لبو الجـود
الرضا والمهدي موجود .. بهذادالدرب

ليش تروح
عن الـروح
والمــذبوح .. عريان

هِد الحـــيل
صيح الخيل
داسن حــيل .. عطشان

يمشاي بدرب تتمنى الامـــلاك
تنــــزل للارض تتزاحم ويـــاك
وتشوف الرضا يلطم على الراح
وتسمع صوت منـه بويه بحماك

موسى ابن جعفر مولاي ...

"""""""""""""""""""""""""""""""""""''''''''''

هاي الامس هايه
مــــارفـت الرايه
يم ياب مـــولاتي
ماخلو اقــــــرايه

ذيچه الروس برماح
وسفه وگلبي يـرتاح .. چـه مازرت
عندي ذنوب كلفات
حرمني حــــــرامات .. كوني متت

أباب الجود
وابن الجود
والمــــريود .. مولاي

ماسـك بيك
تدري ادريك
هاي اعلـيك .. مولاي

موش ايامي هاي سنيني تمضي
بس گضيلي هاي وذيچ تگــضي
بعبايةّ زينب محلفك يمــــــولاي
الرضا مولاي ابنك وانته ترضــي

موسى ابن جعفر مولاي ...

"""""""""""""""""""""""""""""""""""''''''''''

يـــــالتسند العــاثر
نجيني مــــن باچر
وشضمت ايــــامي
خاف اصبح الحافر

اجيتك وآنه ممـنون
وتطلگ هاي العيون .. جابت دمع
سترك يبن الاجـــواد
يگـــبةّ خيــر بغـــداد .. وزفةّ شمع

عطرك فـاح
بكل مصـباح
صوتك صاح .. زوروني

يـــــــالعطاي
يابـــــو الماي
صحت هواي .. طلبوني

محتاج وخجل صرت اطرق البــاب
الوساطه جروح عمتك يبن الاطياب
أمقصر بــــالعشگ مستحيه الجروح
وعليك آنــــــه بــعد غيرلي الاسباب

موسى ابن جعفر مولاي ...

عبد زينب
محمد الابراهيمي
148
الناشر معتز الموسوي

23 Jan, 12:10

انه الكاظم المسموم تدروني
غريب وعالجسر مطروح خلوني
***
ايدي امكيده والكيد بجدامي
ومن سجن السجن كضيتها ايامي
الفرح ما مر عليه حته بحلامي
بدمع ومتون يا شيعه تلكوني
**
جوه الكاع سجني وكلش اظلم جان
وصلت المرحله ما اسمع الاذان
اريد اخذ نفس ما يقبل السجان
اموت واخلص امن الدنيه خلوني
**
انه الكاظم وضاع الهوه عليه
ولهسه اسياطهم الهن اثر بيه
ياربي الفرج كمت ادعي يوميه
بيوم الجمعه اريدنهم يشيعوني
*
من اسجد جنت معروفه سجداتي
وابد ما تنمسح من خدي دمعاتي
جذب ماكو بشر يحمل معاناتي
كظمت الغيض والكاظم يسموني
**




يا شيعه المصايب غيرت شكلي
الي مكتوب اموت بعيد عن اهلي
كلها تصيح يمته نشوفك اتكلي
يتامه وعالجسر ضلو يتانوني
****
من طبع اليروح بعيد ما يرجع
غريب وجبدي والله امن السم اتكطع
شفت روح السجن وي روحي اجت تطلع
وصحت اشلون بس اربعه ايشيلوني
*
انه الكاظم وذاك الالم عشته
وظلم هارون يا شيعه تحملته
عيني مساهره والنوم ما شفته
وبقعر السجون اسنين عافوني
****
تمت
تحسين الخفاجي
150
الناشر معتز الموسوي

23 Jan, 05:59

حيف والله اعلة الجسر خلوها
جنازتة ومارادو يشيعوها
##########################
وسفة تبقة جنازتك فوك الجسر
ثلث ايام بليالين عمر
بعد ياكلبي شكثر تحمل صبر
تالي بالهم والحزن شالوها
##########################
شيعوها احبابة والمدمع يصب
مو بدارة تكول بديار الغرب
والله وكته وياه صار شكد صعب
و روحة اشكال الحزن راوها
##########################
عاشر التربة وصلاتة وسبحتة
شاف الوان العذاب بدنيتة
كل هذني وابد لاماهمتة
وفوك ذني الجثة مارحموها
##########################
شد حرب وياه هارون الرشيد
همه عدهم هالفعل لا موجديد
حاربوه وكظم غيضة اصبح شهيد
وسفة جثة اعلة الجسر عافوها
##########################
عندك انصارك ترة بهذا الزمان
يا امام الرافضة يا ابو الحنان
همه معروفين تعرف كل مكان
راية الثار بعزم شدوها
##########################
شدو الراية بعزم شدة زلم
مخلصين ومايقل عدهم عزم
اقل واحد بيهم يسموه شهم
راية الحك بالنصر علوها
##########################
الشاعر
مصطفى الشطري

موشح للامام الكاظم ع
شدة
148
الناشر معتز الموسوي

22 Jan, 10:50

قصيدة توسل بباب الحوائج ( لطلب الذريه )


كل طالب ذريه  ... اتنخاك
مارديته انطيته  ...  ابيمناك
يا موسى ابن جعفر

...............::::::::::::؛؛؛؛؛؛؛؛؛::::::::..............
١؛/؛؛؛؛

ياموسى ابن جعفر يا أبو الغيره
وكَـفتك حاضره الكل طايح بحيره
ابو الشدات انته ابساعة الشده
وما معتاز اجاك الا وكثر خيره

كل متعسر ابحاله ... اتعناك
مارديته انطيته ... ابيمناك
//////////////////////////
٢؛/؛؛؛؛؛؛؛؛

بصحنك تنكَـظي كل حاجه متعسره
بساعتهه تفضهه اوداعت الزهره
مو أنه الحجيت التحجي افعالك
تكَـول ابابك الحاجات متيسره

تخلص ساعت يحجي.... وياك
مارديته انطيته ... ابيمناك
يا موسى ابن جعفر

/////////////////////////
٣؛/؛؛؛؛؛؛؛؛؛؛

قصص كثره عليك اتسولف الوادم
اليريد الخلفه خله ايروح للكاظم
يكض شباجه ويحلفه بستر عمته
ينطي مو ولد عشره وحق فاطم

يمه وتشعر ابنك ... ناداك
مارديته انطيته ... ابيمناك
يا موسى ابن جعفر
//////////////////////////////
٤؛/؛؛؛؛؛؛؛؛؛؛؛

اجيتك سيدي وجايب بدي دمعي
رايدلي ولد لمصيبتك ينعي
ما ردته يصير ابجاه لا سلطه
لا ردته يغير حالتي اوضعي

خادم ردته اوليدي ... ينعاك
مارديته انطيته ... ابيمناك
يا موسى ابن جعفر
//////////////////////
٥؛/؛؛؛؛؛؛؛؛؛؛

تعبت امن انتظار الخلفه تدريني
واجيت اشكيلك ابدمعات البعيني
صبر ما ظل بعد عندي وكُبر عمري
ومو صعبه عليك اولاد تنطيني

والكون ابكل شده... اتعناك
مارديته  انطيته  …  ابيمناك
يا موسى ابن جعفر
......................؛؛؛؛؛؛؛؛؛؛؛....................

✍️🏻 كلمات موسى الخادم 🤲🏻
173
الناشر معتز الموسوي

22 Jan, 10:49

ليالي البعد عنك رجعتلي
ولا محتاج مره رجعتلي
نخيتك انت كلشي رجعتلي
دخيلك رجع عيوني عليه
........
الشاعر
اياد الفرح المهدوي
140
الناشر معتز الموسوي

22 Jan, 10:49

#ويلي_على_المسموم



.                   ويلي على المسموم
                    ويلي على المسموم

                            *---------------*---------------*

               ويــن الـيــروح ويگطع البيد
               يطـوي الفيافي ودرب البعيد
               يحشم هلـه وگومه الأجاويد
               يگلهم طــريح الكاظم وحيد

                            *---------------*---------------*

               بلچن فــرد فــزعــه يفزعـون
               ويمه الأهل كلهم يـحـضـرون
               هــذا الــعــلــيــه اتهل العيون
               وذاك اليشيله فوگ المــتــون

                            *---------------*---------------*

               اليمه عويل النعش يـنــهــاب
               عازتها عـازه دمــوع الأحباب
               ننصب عزانه بهذا المــصــاب
               لــمــن يــجــي لـلـثــار طلاب

                            *---------------*---------------*

               لــيــش الــجــنــازه محد الها
               بس اربعه تــولــوا حــمــلـهـا
               تــنــظــر عـلـيـهـا الناس كلها
               فـوگ الجـسـر محد وصـلـهـا

                            *---------------*---------------*

               عند الـعــرب والـگــوم عــاده
               توگـف على الــمــيــت أولاده
               وكل الــســلــف يعلن حـداده
               وتــحــضــر هلـه بهمه وأراده

                            *---------------*---------------*

               ضـجـه تصير الــعــربــان لمه
               كبـار الــعــشــيــره تنوح يمه
               وتهتف عمامــه المات بأسمه
               الشيل الـجــنــازه تصير همه

                            *---------------*---------------*
    
✍️خادم الحسين ع
الشاعر رعد الچريخي
145
الناشر معتز الموسوي

22 Jan, 10:48

في حق الامام الكاظم. ع

بالسجن ومتاني موتي
صارت الدمعه سلوتي
ياموت  ريحني
خلصني من وني
ارحمني ياموت

-----------
وكتي حمني مصايب بكبر الجبال
بالسجن خلصت عمري والبعد طال
شرد اسولف انه وحجي همومي ثكال
بس صداي يرد عليه وجرحي جتال

وفاركت كل الغوالي
تمر ساعات وليالي
والحسره تذبحني
خلصني من وني
ارحمني ياموت

------------
بالحديد مكيد ومجتوفه اديه
ونتظر كل لحظه تلفيني المنيه
بسجن هارون المحن تنزل عليه
تحملت ظيم وقهر وشكد  اذيه

شال من اعيوني النوم
خلصيت  العمر. مهموم
وجروحي تاذيني
خلصني من وني
ارحمني ياموت

-----------
عايش ابزنزانه بين اربع حياطين
والهل عني  صفو  كلهم. بعيدين
انتظر موتي يجيني صارلي سنين
بين احزاني بقيت ودمعي بالعين

وبصلاتي دوم ساجد
لجل رب الكون عابد
ودموعي بعيني
خلصني من وني
ارحمني ياموت

-------------
مااعرف  اليل  من  يمر  عليه
ظلمه بعيوني الوكت صبح ومسيه
وبالحبال  مربطات  اثنين  اديه
جروح بيه اهواي مااحمل اذيه

كمت اجر انفاسي كوه
بيه. سجاني. اسوه
وهمومي تلفيني
خلصني من وني
ارحمني ياموت

------------
بالجي تطلع مني روحي وخلص ارتاح
عمري ماي اتبده غفله ونجفه وطاح
الجمعه فوك الجسر اسمع ونه وصياح
ميت  ومسموم  انه. وكلي. اجراح

كلمن يشاهد امامه
والحبل هوه العلامه
وسهام ترميني
خلصني من وني
ارحمني ياموت

--------------
الخادم. 
رحيم الصالحي
129
الناشر معتز الموسوي

22 Jan, 10:48

ابو ذيات في حق لامام. الكاظم.  ع

عمت عينه الدهر برخيص. سماك
الكاظم ونته ابو الحاجات.   سماك
الظالم ليش. وبيا. ذنب.    سماك
فجع كلب النبي وكلب الزجيه

بجت عيني عله امصابك تره  دام
المصايب تفتر ابروحي. تره. دام
موش اليوم يالكاظم. تره. دوم
وضل انعاك لاخر نفس بيه

عله المسموم تبجي العين. وتسيل
وذابت روحي من الهظم. وتسيل
الشيعه عله الوعد تنتظر. وتسيل
ولنه عله الجسر بالكاظميه

  الخادم
. رحيم الصالحي
112
الناشر معتز الموسوي

22 Jan, 08:58

ياباب الحوائج

اهلال الفرح لاشفته ... ولاهل
ودمعي الغيركم لاصب .. ولاهل
الكاظم ما اله والي ... ولاهل
غريب جنازته ضلت خليه.

علي سعيد
131
الناشر معتز الموسوي

22 Jan, 08:57

هله زاير والف هله   واليجينه احنه اندلله
هله بيكم   هله بيكم
**
من تمر انته بينه   تتفضل علينه  نخدمنكم اجينه  ونحسب ساعه ساعه
بالموكب سهرنه   وتضاعف اجرنه   الزاير لو عبرنه   ما نحمل وداعه

وهله بالمشايه  لبو طلبه الجايه  
صاحت الوفايه   ما تطيح الرايه

يله زاير شد العزم   يم امامك سجل الاسم
هله بيكم   هله بيكم
****
كل الرافضيه    اتعنت هالمسيه   لرض الكاظميه    تجددله عدها
يم باب الحياره   يا محله الزياره   وتشع المناره   وهنياله اليصدها

هذا راعي الغيره   وهذا شيخ الديره
سيرته افضل سيره   وماكو قائد غيره

انه احبه من الزغر   وبولائه ابقه افتخر   
هله بيكم    هله بيكم
***






يا زاير علي وياك   حته المهدي ناداك   لتضن لحضه ينساك  يغفر كل الذنوب
تعبك والله ما ضاع   صيتك بالسمه شاع  وتسبحلك الكاع   ماشي الاغله محبوب
    
الخطوه من تمشيها   للامام اهديها
رايتك عليها   ونيتك صفيها

المهدي قادم ابن الحجج   ادعي يقرب يوم الفرج
هله بيكم   هله بيكم
****
زوار احنه خدام   بالخدمه الكلب هام   ونتانيها كل عام   ردناكم تجونه
شلناكم بالعيون   بالموكب تشوفون    خدامه يرحبون   عونه الخدمه عونه

كل سنه انتانيكم   مرو الله عليكم
احنه نفرح بيكم    عيونه ننطيكم

وبطريقه شفنه الخدم      والمواكب دوله وعلم
هله بيكم   هله بيكم
****
مد جفك يزاير   يم ذيج المناير     ميرد والله حاير   يكظيها الحوائج
كله بهمي اجيتك   وبدمعي نخيتك   وانه ادري بحميتك   معروفه النائج

خيرك مغطيني   اشما ردت تنطيني
وكاصدك تدريني   بحيره لتخلني

عندي حاجه مستعجله   وماكو غيرك اتعنه اله
هله بيكم   هله بيكم
***

تمت
تحسين الخفاجي
141
الناشر معتز الموسوي

10 Jan, 07:25

((تسافر دمعتي))


تسـافر دمعـتي ســاعـات وأيام
وأنه زينب بعدهي علتيّ الشام
بـهـيـده وصـار وني
ترى الشام الذبحني
علِتي الشام .. علِتي الشام
                 
"""""""""""""""""""""""""""""""""""''''''''''

يَبسـت ورگةّ ايــامي
ولــن عزريل گدامي
گـــــتله منين تاخـذ روحي وتروح

أذا من جدمي مو سهله
أنه دست الجـــمر كــله
وأذا من عيني شفت حسين مذبوح

تـانيني يمـــلك المـــوت لَــــمه
يجيني الـكافل وبچفوفي ألزمه
وهَلبت مــــــا أشوف بزنده دمه
وأشبگنه أعله روحي وأرد أشمه

عـــاين يا ملك شــوف المصيبه
اخذني وروح فــكني من غريبه
القصر كلش جرحني
ترى الـــشام الذبحني
علِتي الشام .. علِتي الشام
              
"""""""""""""""""""""""""""""""""""''''''''''

عــــــالقبله يخلوني
بس مشتاگه يدروني
گبل لا موت هلبت نضره لحسين

گبل لاتخلص انفاسي
يگعد كون يَـــم راسي
وكـــون بچفه يمسح دمعةّ العين

يملك الموت لاتـحتار حيره
آنه البل حـــبل آنه  الأسيره
أخذني ومحد ينادي الاميره
سبيه وهاي الحچايه چبيره

چبيره الشامت ينادي سبيه
وآنه اخت الهواشم هاشميه
المصايب من خذني
ترى الشـام الذبحني
علِتي الشام .. علِتي الشام
               
"""""""""""""""""""""""""""""""""""''''''''''

بــده عزريل يّدَنه
وآنه بروحي الونه
بخيالي أرسم ضعنه الصار طشار

أحسه من يمد إيده
وآنه صفـنتي بعيده
فـــــــز لَمن گلتله أشســوت النار

النار بجرحي تمشي وسوط أجانه
يقـــــابض روحــــي كلش عذبانه
شما نركض تــــرى يركض ورانــه
بنص نـــــار المخــــيم طبــــــبانه

احترگنه والعليل وشفته مچوي
يگلي عمه زينـب چــــــا شسوي
الخيل بهــاي أجني
ترى الشام الذبحني
علِتي الشام .. علِتي الشام
              
"""""""""""""""""""""""""""""""""""''''''''''

دمعتي حايره بســكته
الموت الما أجه بوكته
يريتك جاي من شفت الحوافر

من جانه المهر خالي
ونركض آنه وعــيالي
كون أهـــــناك جاي بيوم عاشر

كون بيوم عـــاشر ويّ اخوتي
لَمن وشل أعله حسين صوتي
من شفت النحر وآنـــه أبلوتي
يريتك جاي يامن انـــته موتي

تمنيتك بصف حسين ياموت
وعالغبره وأظـل بدون تابوت
ولا شامت يصــدني
ترى الشام الذبحني
علِتي الشام .. علِتي الشام
                
"""""""""""""""""""""""""""""""""""''''''''''

ترفرف روحـي بعيوني
وحسيت أنخطف لوني
ومن چــفوفي طلعت بيها چويات

بچت روحي على سنيني
على حسين وتـــــواسيني
وعلى درب السبي وجرح السبيات

اگل للــــروح روحي هاي هيه
شبعتي من الشماته من السبيه
بس ياروح خــل نمشي الرقيه
هلبــــــت تسكت ونگعد سويه

يروحي وما بعد لخواني جيه
فلــــت وأنتهت بــــالغاضريه
لچمني الطف لچمني
ترى الشــــام الذبحني
علِتي الشام .. علِتي الشام
 
عبد زينب
محمد الابراهيمي
15
الناشر معتز الموسوي

10 Jan, 07:25

مصايب زينب هوايه    حگه يحير ناعيها
يبدي بيا مصاب اوّين    يختم لو نعه اعليها
……………

هنه هواي المعذبات    زينب ولأحزان احزان
محد الها سامع صوت    ولا ضل شافته الجيران
ويا هضمة الهضمه شلون    زينب وگفت بديوان
هذا الشام هذا الشام    بعد راح شيراويها
...............

كلهن مرن اعليها    المصايب وآه من الشام
مدري شعنده وي زينب    متربي اعله حرگ اخيام
غَرَبها ولا زاير    يم زينب بهل ايام
هذا الشام هذا الشام    عدله وميته ماذيها
...............

كل مغرب يمر وحشه    اويلي والصحن خالي
وعالگبه ومنارتها    چن ادموعها اتلالي
غير الميت من ايموت    دفنه يصير يم غالي
وزينب كون يم حسين    مو يم اللي سابيها
……………

كون الحره يم حسين    مو بالشام دفنتها
چا كل الخدم والله    تتشرف بخدمتها
ويا محله الاخت لو صار    گبرها ابين اخوتها
چا خَفت عليها الآه    ومصايبها ومآسيها
……………

كون بكربله زينب    ونگصد ليها مشايه
وتظل حره اخت عباس    نكتب هيچي عالرايه
وهوسة وفه انهوسلها    مثل الگضوا وفايه
وليلة عاشر بعاشور    يمها الخدم تحيها
...............

يظل باب الصحن مفتوح    ويرحب بزواره
وبذكرى وفاة ام عون    مليونيه الزياره
والمهضوم والمعلول    ياخذ منها البشاره
وكل صعبه بحوائجنه    زينب النه تگضيها
……….......
نسألكم الدعاء
منتظر العبادي
13
الناشر معتز الموسوي

08 Jan, 15:36

لسان حال السيده رقيه  تستقبل عمتها زينب
…………………………………………………………...

من اهلي هبت بالهوه انسام
ريحة محنه  الترست الشام
گالو قريب المرقدج ••• دفنوها زينب عمتج

…………………………………………………………...


ابكبري وبنص الخرابه . غربه و بگلبي كسر
فجأه صار اللحد ورده . مر على انفاسي عطر
لو لبوي العطر هذا   . لو عطر عمي البدر
بس كلت بالغاضريه . ضمهم اتراب الگبر

معقوله زينب  عمتي اهناه
من هل الارض مچويه الف اه
يا عمه عطر اعبايتج ••• دفنوها زينب عمتج

…………………………………………………………...


عطر بيه ريحة خيمنه . بيها دخان و حرگ
عطر بس ينشاف لونه . بلون المتون الزرگ
عرض صورة جدم حافي .عالجمر شابع سحگ
بيه عبايه اتراب كلها . من ركض يوم الطبگ

عل تل مره و تندب ببوها
اتشوف الشمر ينحر بخوها
ويكلها باجر ناخذج . دفنوها زينب عمتج

…………………………………………………………...


گومي گالو يا رقيه  . عمتج ردها الزمن
ماتت ابلا حس حِبايب . لا خوات اللي بچن
ابلا چفافي اخوان خضره . ابلا حسين ولا حسن
على عگده ابأيد كافل  . حسره بقماش الچفن

تبجي الجنازه اعله الهواشم
تريد ابجتف  لكبر و جاسم
اتحضرين يمها اتمنتج ••• دفنوها زينب عمتج

…………………………………………………………..


ليش ياعمه و قدرنه . قاسي وي ال النبي
ليش من دون الاراضي . نندفن برض السبي
برض ما بيهاش ساده .  بيها بس الناصبي
بالحجار استقبلونه . وماي حار اعله العبي

ياعمه ذوله  الفرو النوگ
من سوگ ويدخلونه ابسوگ
ما انسه كسرة خاطرج ••• دفنوها زينب عمتج

…………………………………………………………...


اثنينه اعله الراس متنه . راسي ابوي المنسلب
انا وسط الطبق شفته . شعره بالدم مختضب
وانتي شفتي الشجره ذيجه .أعليها اصبح منصلب
منصلب بس عين اخيج .  ظلت لحالج تصب

عل الشجره ويهل ابدمعته
من شاف السياط اعله اخته
على الشجره صارت موتتج ••• دفنوها زينب عمتج

…………………………………………………………...


بعد ما هم بالخرابه . بعد راحت وحشتي
ما نستني واجت يمي . هله بجيتج عمتي
بعد ما خاف الليالي .  وبنت فاطم جارتي
نور وليوم القيامه . من گبرها الحضرتي

يفنه اللي ضربانه و شتمنه
ويبقه ابسماهم بس علمنه
والنصر مو الهم الج ••• دفنوها زينب عمتج
…………………………………………………………….
✍️ ( سيد خضر الزاملي )
96
الناشر معتز الموسوي

08 Jan, 03:36

حاله وحده • اشما افكر بيها تجرح بالي
حاله وحده • يمها يتسارع نبض دلالي
زينب وهيمه الارض •• وينها اوين الركض
آ يزيب . آ يزينب

……………………………………………………………


احنا في حضرة مره
من مهدها امخدّره 
ورث هذا الخدر من امها الزجيه

حيدر الأسس إله
وابو فاضل كافله
الگمر لو صد ابمسه ايذبحون ضيّه

مره ابهيج اوصاف تركض . هاي والله اكبر عجيبه
منظر ويعتبر مقتل . وحده هو اكبر مصيبه
حسين عنده الذبح اهون . ولا يصد حال الحبيبه

فكري حاير • والهواجس تشهگ ومخنوگه
فكري حاير • ابمره تركض والخيم محروگه
نارها طول ابعرض •• وينها اوين الركض
آيزينب . آيزينب

……………………………………………………………


ابالي اذكر وانعصر
شلون خمسين العمر
ركضت وادري الركض يراد همه

وهي تعّبّها العطش
وسوط بمتون انقش
و موّتت رجليها جلمة عمه عمه

حيل زينب ماي چنه . و غاد عالتله و تبده
نحر اخوها وسيف فوكه . وغاط وسط الرمل خده
هظمه جتّاله اعل كيفه . يذبح ومحد يردّه

امنين إلج حيل • وراس اخوج اعله الرمح صديتي
امنين إلج حيل • يعني من لا چاره من ركضيتي
اعليج محكوم وفرض ••وينها اوين الركض
آ يزينب  . آ يزينب

……………………………………………………………


مو على الورد الركض
ولا حرير اعله الارض
شوج متروسه الطفوف وجِدم حافي

طبگن الشوج و جمر
وجدم بي حفرن حفر
جِدم كل جمر المخيم بيه طافي

والرمل وكت الظهيره . يصير چن چانون بدوي
يعني وي كل خطوه لسعه . هم ركض هم نار تجوي
ركض حيره ابلايه مگصد . مدري وين ام عون تنوي

كاع عثره • رمل ويغطي الجِدم تربانه
كاع عثره • اشكثر بيها ام الخدر  عثرانه
تلزم اصفاح و تكظ  •• وينها اوين الركض
آ يزينب . آ يزينب

……………………………………………………………


وبگفاها ام الحزن
سوط يبحث عن متن
خطوه خطوه اوياها ابد ما تيّهاها

منظر و كلش صعب
الطيحه معناها الضرب
يعني هم امتون زينب موّتاها

جدم مچوي ومتن مايل . يعني مدري شلون ركضت
ومدّوا احبال ابدربها . مدري عثرت مدري عبرت
والشتم بالزهره يوجع . زينب اشچم شتمه سمعت

اشكثر صعبه • منظر ايشيّب رموش الناظر
اشكثر صعبه • تشرد امن السوط تلكه الحافر
وخاف تسحگها وترض •• وينها اوين الركض
آ يزينب . آ يزينب

……………………………………………………………


تركض ودمع إيهدر
ابهظم وتحاچي الخدر
اتگله خدري اليوم انا وياك ضعنه

متنه غاد اعله النهر
طحنه وي چف الگمر
انموت احسن يا خدر عگب الكفلنه

يا خدر لو شافني اركض . يهتز العلكمي ومايه
من يشوف امترّبه اخته . وسوط طابع عالعبايه
حتى لو ميت يجيني . جسد يتوچّه اعل رايه

لا تخبره • كافي جفّينه وعمد نص راسه
لا تخبره • كافي جوده العذباله احساسه
تره ايكوم او ينتفض •• وينها اوين الركض
آ يزينب . آ يزينب

…………………………………………………………
✍️ ( سيد خضر الزاملي )
81
الناشر معتز الموسوي

08 Jan, 03:36

لا لم تكن مسبيةً زينب
بل ذو الفقارِ ناقةً يركب
بنتُ البتول .. بنتُ البتول

……………………………………………………………


غيمُ السِبا لا يحجبُ
شمساً تجلّت زينبُ . ضوءُ الجلاله
شكلٌ فقط كانَ السبي
بل اصلُها دورُ نبي . خدرُ الرساله

اعبايتها معجزة الشرف . رغم السياط اللاحت
طاح المتن من الضرب . بس هي ابد ما طاحت
تحجي العبايه اعل الهزل . فلتحيا زينب صاحت

ذِي رايةُ تعلو على الناقه
من كوفةٍ للشامِ خفّاقه
فيها يُرى  . كفَ الرسول
بنتُ البتول . بنتُ البتول

……………………………………………………………


راحت لتلِ الزينبي
كي بالإلهِ تلتقي  . لا للبكاءِ
منّا تقبّل ربُنا
خُذهُ لكَ قربانَنا  . تَرضى رجائي

انطيناك يارب الضلع . و المحسن اوي الزهره
خافن قليل ابحضرتك . چمّل احسينك نحره
ممنونه اروح الخاطرك . فوگ الهزل متيسره

قالتلي أُمي كلَ ما فِينا
وقفٌ لربِ الكونِ بارينا
في الشدةِ .  حمداً نقول
بنتُ البتول . بنتُ البتول

……………………………………………………………



في كوفَةٍ إذ أومأَت
منهم لساناً أخرست . ضاعَ الهواءُ
والطيرُ شَلت جُنحها
محزونةً تصغي لها  . تبكي السماءُ

خطبت عليهم بت علي . و وجوه صارت صفره
من كثر ما كلها اسكتت . ينسمع صوت الابره
كالو علي هذا ولزم . نهج البلاغه و يقره

في كَفِها صارَت عَصا مُوسى
انفاسُهم في الصدرِ محبوسه
عباسُ ذا  . فيهم يَصول
بنتُ الرسول . بنتُ الرسولُ

……………………………………………………………


القصرُ منها يرتجف
ترفعُ رأساً و الأنف . اخزت يزيدا
ما كيدُكَ الا بِدد
باقونَ نحنُ للابد . نصراً مجيدا

ابميزان مقياس النسب. امن الكون اثگل آنه
امن الريشه اخف وزنك تره .يبن العگدنه السانه
شنقيس يل امك هند . وانا امي الريحانه

ليسَ لسانٌ عندها يصدح
سيفٌ وفي اعناقِهم يذبح
من زينبٍ . هُم في ذهول
بنتُ البتول . بنتُ البتول

……………………………………………………………


كانَ لها دورُ الفِدا
تحمي الامامَ الساجِدا . روحٌ بروحِ
اذبحني قالَت للشمر
وإترك أمامَ المُنكسِر . كهفُ الجروحِ

ما ينطقُ عن الهوى. السجاد نفس امحمد
من غير علم امعلمه . معصومه يعني المقصد
مو لأن امج فاطمه . ابزودج وصلتي الهل حد

لو كانَ وحيُ اللهِ في الاسرِ
بها تنزّلُ سورةَ الخدرِ
آياتُها  . كانت تطول
بنتُ البتول . بنتُ البتول

……………………………………………………………


حبلٌ بكفّيها إلتوى
في متنِها سوطٌ كوى . ركضُ الظهيره
الرملُ جمرٌ في القدم
أعماها دُخانُ الخيم . نارٌ سعيره

ما بيّنت الهم ضعف . بل هي مصدر قوه
مشيتها چن حيدر علي . وللحرب داخل توّه
هيبتها چن واكف حسن . واحذاه تفور الگهوه

يا كعبةٌ و الماءُ طافاها
و النخلُ بالسعفاتِ حيّاها
والعلقمي . جاءَ خجول
بنتُ البتول . بنتُ البتول

……………………………………………………………
✍️ ( سيد خضر الزاملي )
64
الناشر معتز الموسوي

07 Jan, 18:36

ابو ذيات لعقيلة بني هاشم
السيد زينب عليها السلام

اعاتب والوعتب واظح _ بكلماي
اشوفن صورتك تطلع _ بكلماي
يم المشرعه لحالي _ بكلماي
وتلاطم روحه من عطشت رقيه
____
رجلي المصرعك عباس _ هميت
الكلب وي طيحتك حسيت_ هميت
اعرفك بيه يم الماي _ هميت
ولاهمك ابحالك هالوطيه

____
يكلبي شبيك بعتابي لمتناي
شعجب عباس ماتانه لمتناي
السوط البسبي يوجع لمتناي
كمت من الظرب ماشيل اديه
___

تفز اجروحي عالخوان  والماي
ثوب الحزن صار اكدار  والماي
كرهت المشرعه والشام  والماي
منهد طيحت جفيلي اعله الثريه

علاء الزيدي
69
الناشر معتز الموسوي

07 Jan, 18:35

مخنوگه مر بيه هوى.  والهيمه ظلمه بلاظوى
درب السبي مابي خيم.   والحادي مو راعي العلم
ويلاه يادرب السبي.    ويلاه يادرب السبي
*
امدلـله عشت العمر.      ويني وين الشمر
خلاني ادوسن عالجمر  خلاني
كل ساعه اگومن وانهطر
يضرب رقيه شما يمر.  كل سوط احسبنه عمر.    خلاني

خويه اليسر.           سوط وزجر.
          والحادي يشتم فاطمه
شتم وضرب.          طول الدرب.  
          والسوط متني ورمه

مذبوحه من كثر الهظم.  سوط الشمر طخ العظم
ال١ظظمن اسولف هل الالم   والحادي مو راعي العلم
ويلاه يادرب السبي
****
الحگلي موحيلي گضه.  بعيوني موضاگ الفضه
اعظامي كلها مرضرضه.  اعظامي
وبروحي تسعر الغضه
فگد الاخو شيعوضه  من السبي متمرضه.
اعظامي

         اركب هزل.        بيدي حبل
                جابوها عرجه الناگه
       صحت ونحت.   خويه شوكت
                 يمته بعد نتلاگه

دلالي ياخويه انفضخ.  براسك الاسمر كشخ
الشيبه الكريمه كلها دم.   والحادي موراعي العلم
ويلاه يادرب السبي
 
بذيچ الصحاري والعطش.  من بعد ليلة اهدعش
دمعي علا خدي لطش.   يعيوني
دمك عله الغبره انفرش
ياريت شالوني بنعش.   يالبيك دلالي انخمش.  يعيوني

   سكته البچي.     همس الحچي
               امرنه مو بدينه
   بيد الغرب.           تدري صعب
               يامر نذل علينه

مسبيه صار اسمي بعد. من اخواني ماضلي احد
يحسين موحيلي انهدم.   والحادي مو راعي العلم
ويلاه يادرب السبي
*
راسك يشيلونه بفخر.   لمصابك اينوح الصخر
اعله الرمح دم النحر.   يتواره
ينزل عله الغبره مطر
راسك وگع لمن عثر   الحامله وضهري انكسر.   يتواره

     فوگ الرمح.      دمك يسح
            راسك اشوفه گبالي
     تصد لضعن.      دموعك جرن
           طول الدرب تبرالي
چم شوغه يحمل الگلب.  بديوان خلونه نطب
بين الزلم واحنه حرم.   والحادي موراعي العلم
ويلاه يادرب السبي
**
ايزيد ناداني وشتم.   امي الزچيه وبتسم
حسيته صاباني بسهم.    حسيته
بالطشت جابوه الخدم.  راسك وحس حيلي انهدم
وثغرك من الگصبه انثلم.  حسيته

    ناس شكثر.     بذاك القصر
         لن صاح بسمي الطاغي
       يابت علي.       نضري الي
          ايدوور عليه الباغي


وسكينه بت عالي الشرف.   خدامه رادوها وسف
شاخو امس چانو خدم.  والحادي موراعي العلم
ويلاه يادرب السبي    
*
شحچي بعد عن محنتي.  بذيچ الخرابه وغربتي
طفوها خويه شمعتي.    طفوها
زادت رقيه لوعتي.    ماتت وذابت مهجتي
چانت اليه سلوتي.  طفوها

      بطشت الذهب.    حيلي انسلب
                ميته شلت رقيه
     بشيبك غفت.      شمعه وطفت
                ناري بگت سريه

واعذرني خافن قصرت.  يابعد روحي لو رحت
هاي النهايه بلا شيم.   والحادي مو راعي العلم
ويلاه يادرب السبي

الشاعر عمار حسن الدراجي
63
الناشر معتز الموسوي

07 Jan, 18:34

الشام غربه   وانه تكتل غربتي
ماكو بيها    بس عذابي وحيرتي
الكربله كل ساع احن    بيها ياريت اندفن
***
مصيبوبه   متعوبه   اشحصلت من هالعمر
احلامي وايامي   ضاعت بدرب اليسر

درب الشام تعبني وهدم حيلي
ابجي اعله المشو والناكه تبجيلي
شمسويه يدنيه وياج كليلي
من اخواني محد ضل يفيلي
ﻻ
اصعب ايام  بالخرابه من بتت
عكب اخوتي   والله دولبني الوكت
بيدي الاحبال واون   بيها ياريت اندفن
****
مهظومه   ومالومه   ودمعتي اعله الخد تهل
شتموني   وضربوني   وانه بجفوفي الحبل

اطب سوك العبيد بيا وكت ياناس
وكلها تصيح زينب هاي اخت عباس
من حجي الشماته دنكيت الراس
ميته ولا طفل كدام عيني انجاس

حته صارت   اوجوهنه بلون العبي
ابنيه عدنه    ماتت بدرب السبي
شيبت من الحزن   بيها ياريت اندفن
*
بهالديره    جم حيره   بيها يا عالم شفت
اتأثر   وتحسر   من اذكرنه الطشت

حسبالي رقيه امن التعب نامت
ما حسبالي هيج اعله الطشت ماتت
ما شايفتك امنهد الخيم كالت
اشعجب بويه عفتني وفركتك طالت

مره وحده   اظن شفتك عالرمح
أي ذكرتك   وانه حسبالي الصبح
توجع اصياط المتن   بيه ياريت اندفن
****
اتألم   ونزف دم    لمن اذكر كربله
لا والي   يبرالي   وانه جنت امدلله

شفت حسين بالخيل انسحك صدره
والمثلث طلع يابويه من ضهره
لزم راسه الشمر وبسيفه حز نحره
وضل ياهو اليجي من عدهم ايطبره

انضر الكوم    كلهم اعله حسين اجو
وفوك الارماح   براس اخيي هوسو
وكربله منها شضن   بيها ياريت اندفن
***


اهاتي   وشوغاتي    بيها جمره امن الخيم
يحضرني   ويمرني    انتظر راعي العلم

ردت عباس اخر لحضه اشوفنه
رحمه اعله الحليب الي رضعه منه
يودعني ردت وبدمعي اودعنه
عليه الفاتحه يقراها اريدنه

ردته جناز   وبيه يمشي للكبر
وكل اخوته   اعليه يبجون اشكثر
الكاع المتعبه الجفن   بيها ياريت اندفن
****
تمت
تحسين الخفاجي
54
الناشر معتز الموسوي

07 Jan, 18:34

لو ما عرفناهه     جاهيه عرفتـــنه
شتكَول موهيه     تشبه عقيلتــــنه
هاي زينب لـــــــــو شبيهتهه \\ نفس العبايه وذيجه ريحتهه
\\\\\\\\\\\\\\\\\\\\\\\\\\\\\\\\\\\\\
خويه عباس      باوع اوياي     بلكت الله هيه تــــــطلع
شبي ظهرهه     محني شو حيل    لو تصلي وجاي تركع
ابد لا موهيه هاي امدللتنه
بالغلط يمكن اشوفنك جبتنه
هالمره عباس كلش حيرتنه
الشكل موهيه بس ريحت اختنه
شو بله اسالهه      كَلهه انتي ياهيه
اشصاير ابـحالج      شنهي انتي مسبيه
ياحيره ليش العبره خنكَتهه \\ نفس العبايه وذيجه ريحتهه
\\\\\\\\\\\\\\\\\\\\\\\\\\\\\\\\\\\\\
وين اهلهه     وليش تبجي     ابــــــد مابطل دمعهه
شجاي ترسم      عله الحايط      كلش ايحير وظعهه
جاي ترسم نار وتفـــــزز ألمهه
اظن هاي الحرمه محتركَه خيمهه
حيل مجروحه تراهي من رسمهه
امنيتي ياعباس بس اعرف اسمهه
ترسم نهر جاري    ومااشرب اتكَله
رسمت مره وطفله   صعدن عله التله
مااقتنع عالخالي ونتهه \\ نفس العبايه وذيجه ريحتهه
\\\\\\\\\\\\\\\\\\\\\\\\\\\\\\\\\\\\\
كَبل لتروح     اوكَـــــفلنه    بصوت ناصي شجاي تحجي
ياابو الاكبر   جنهه ذكرت    عــــــــلينه صدت بقت تبجي
تأشــــرلنه جاي شمخليه وراهه
خويه يمكن صوط لايحهه ابكفاهه
تكَول بيه جروح بس ظايع دواهه
مظيعه كافلهه اظنهه اومالكَاهه
والله مثلهه احنه    ماشفنه متعوبه
بالسوط أنه كَالت   بمتوني مظروبه
من اخوتهه جنهه الدنيه حرمتهه \\ نفس العبايه وذيجه ريحتهه
\\\\\\\\\\\\\\\\\\\\\\\\\\\\\\\\\\\\\
شنهي قصتج    يمكن احنه   نساعدج بلكي ونعينج
بس دقيقه     كَبل كلشي    وين مجويات أديــــــــنج
شكَد تشبهج عدنه اخت هالجينه نسال
راكظه امن اخيمهه خوف وصاعده التل
بيدهه احبال السبي بالكَوه تنحل
وهيه هاي الليله عن هالدنيه ترحل
من ياعشيره انتي    وياهمه اخوانج
شنهي الصبر عندج    يامكثر احزانج
جنهه البراسج هاي شيلتهه \\ نفس العبايه وذيجه ريحتهه
\\\\\\\\\\\\\\\\\\\\\\\\\\\\\\\\\\\\\
والله حيره     صوره وحده     نفس اخيتنه وشكلهه
كلبي شو رف   الهه خويه    كلبي حن اهواي الهه
حسين حويه شويه بس باوع عليه
بيدهه مــــــــو هايه ترجيت رقيه
حسين كظني بعد مامش حيل بيه
وروح امك هاي زينب هيه هيه
زينب عمت عيني    كَالولي عطشانه
يكتله السهر ادري    المفاركَ اخوانه
يحسين اختنه الغربه كتلتهه \\ نفس العبايه وذيجه ريحتهه
\\\\\\\\\\\\\\\\\\\\\\\\\\\\\\\\\\\\\



حته الرموش    بيظه صارت    عمري خلصته ابمناحه
الكم اشتاكَ    واسهر الليل     التنسبي لاما تلكَه راحه
اخذ ثلثين العمر درب المشيته
وثلث يم المشرعه هناكه نسيته
وبالخرابه خلص كل دمعي وبجيتهت
خلصت عافيتي والموت اشتريته
يخواني حل موتي    وعيوني شافتكم
والما عرفتوهه    بس هيه عرفتكم
بس والله عدهه الموت فرحتهه \\ نفس العبايه وذيجه ريحتهه
\\\\\\\\\\\\\\\\\\\\\\\\\\\\\\\\\\\\\
تمت ----- علاء الزيدي
59
الناشر معتز الموسوي

07 Jan, 18:32

سولفن  دمعاتها  اشكد الحنين
تريد يم عباس وتزور الحسين
***
من   زيارة    وارث    اليله  تزورك
راح  تقرالك  نعي تدري  بحضورك
شلون تحضر  بالعزه ودمعه سورك
من  ونين  الحره  ما تملك شعورك

شلون هاي اليله والموقف حزين
تريد يم  عباس  وتزور  الحسين
****
امنيه   عدهه   بقت  ليل   ونهار
تريد يم عباس تحچيله الي صار
لسه  اثار   الجمر   تچوي  الزغار
نار  زينب  ما طفت  مستعره نار

امنيتهه  چانت   بكل  السنين
تريد يم عباس وتزور الحسين
****
خلصت بالدمعه  زينب والعتاب
بالعمر چم مره مذبوحه بمصاب
هوايه زينب ودعت كلهم شباب
والچفوف عله النهر كتبن جواب

قدماهن فدوه الج حتى اليمين
تريد يم  عباس وتزور الحسين
****
اشتاكت  العباس  والرايه  تشوف
والعلم    مرفوع   تلكاه  بالچفوف
لهفه زينب تنتظر  وسط  صفوف
معتني العباس من أرض الطفوف

يشيل نعشج هسه لوحان اليقين
تريد يم  عباس  وتزور  الحسين
****
من عمرها الشام ماخذ بس جروح
خضرن  دمعات   زينب  من  تنوح
يلوك  وياها  الحزن باني  الصروح
بالونين  تنادي اه  يحسين  مذبوح

ينختم عمرج يزينب بس ونين
تريد يم عباس  وتزور الحسين
***
تريد يم اخوتهه لحظات الوداع
والدموع  بعينهه  صارت شراع
ياحلم بعيون  زينب هسه ضاع
خبر موتج بالغرب  هاليله  شاع

كام عباس  ولطم بيده  الجبين
تريد يم عباس وتزور الحسين
****
تمت بعون الله
خادمكم .....يوسف الفتلاوي
39
الناشر معتز الموسوي

07 Jan, 18:32

اشلون  زينب  گالو  اميسرينهه
ما  نهض  عباس  ينشد  وينهه
*******
ما فزع   عباس حامي اضعونهه
ايشوف زينب  بالمحن يسبونهه
الليل زينب  بس دمع  ابعيونهه

خاف  هاشم  باليسر  ناسينهه
*******
حييهم   انده  بالعشيره  والعمام
وين هاشم  تفزع  وتبدي اهتمام
اتكون  جيتهم  گبل  طر  الظلام

وين  زينب  تنشد امضيعنهه
*******
شلون  هاشم  ما لفت  نسوانهه
اتشوف  زينب  حايره بأحزانهه
جروح.......باگت  كربله  وليانهه

ظلت  بونهه تنوح  احسينهه
*******
وين  حماي  الدخل....شد الرچاب
واسرج الخيل بعجل بعظم مهاب
هاي  زينب حايره  بثكل المصاب

اتريد فزعه من الغري وتعينهه
*******
عجل ابمسراك من  وادي السلام
اكتاب من زينب وصلك بي كلام
گوم  يابوحسين  بس شد اللثام

عندك  الاخبار  دمعة عينهه
*******
كون وي خيط الفجر ينوي الرحال
يشوف زينب بالغرب يبدي السؤال
يا  تره  ابيا حال زينب  بس خيال

ايشوف زينب ياتره امسلبينهه
*******
اجروح زينب تنحچي بمجره الدمع
تشبه الزهره   واخذت تحني الظلع
ونهه........ عالعباس بس  ما ينسمع

هاي  مدرسة   الخدر  تبينهه
*******
اجروح    زينب   بالعذاب   انشوفهه
نار     وخيام     وركض     بطفوفهه
شبچت العشره عله اخوها اچفوفهه

صارت الدمعه فرض بونينهه
*******
بيها   لهفه  وحسره  تل   الزينبي
هاي زينب  سولفت جرح  السبي
اشلون مهضومه تظل بنت النبي

عاشت  الحسره  ورجف كونينهه
*******
تمت بعون الله تعالى
خادمكم.....يوسف الفتلاوي
26
الناشر معتز الموسوي

07 Jan, 18:31

(( العمر غربه ))


العمر غربه ....
عاشت عمر غريبه
شام وطف ومصيبه .... من ذيچ الأيام
الوكت صعبه ....
رد الجرح عليهه
وكل حِيله مابديهه .... من غربة الشام

حلم مات ابنضرها
وسوالف كثره بيهه
عليهه الغربه رجعت
من الشام وحچيهه

على اعيونچ يزينب حلم مذبوح
وكل عينچ دمع بس مابچيتي
بچيتي اجروح طهرتي المسافات
وكل خطوة يسر منضر بنيتي
ياهيبة علي الدخلت على ايزيد
خورستي الزلم وتسيديتي
نضرات الزعل بعيونچ اسيوف
ذو الفقار صوتچ من حچيتي

لايمهه اخو اليحميهه بالغربه
وكل مغربيه تنسد الصعبه
الشام مامش رحمه ابگلبه .... غربه غربه
              "" "" "" "" "" "" "" "" "" "" "" "" ""
الجرح نفسهه ....
وعاد السبي وعذابه
وهّم محنت الخرابه .... رد السبي اليوم
شنو تنسه ....
سوگ وحبل يسرهم
وسب وضحك قصرهم .... ماتنسه الأهموم

اشتنسه الحيره هيه
من ضيم الشماته
حبلهم لو قصرهم
لو خوها وبناته

عتابي يخوتي ويامن عتباي
اذا چان الزمن رايد عذابي
شهر حزني وجرحني ابطلعت اهلاله
صده صوت المصاب الضيع اسنيني
ليل انهار يازينب يناديني
يهيج كل جرح بيه ويبچيني
يذكرني ابكفيلي الچان يحميني

الله يعابي الجرحو احساسچ
وسدو هواچ وخنگو انفاسچ
وصرتي غريبه ابلايه عباسچ .... غربه غربه
              "" "" "" "" "" "" "" "" "" "" "" "" ""
هشم عاشت ....
من صعدت الهزيله
ابدرب السبي العقيله .... وصار الذي صار
اشكثر شافت ....
من السبي اجروح
وبن امها مذبوح .... هذا الجرح نار

السبي عذبها دربه
من صاحو اسيره
تهل دمعتهه حسره
رغم چانت اميره

عذبني درب الشام ... ماطبگ جفني ونام
سهمك رماني .... آآه يازماني
يازمن من عندك سبب كل بلواي
من زغري وتگابلت بالضيم وياي
وجفوني ذبلن من كثر دمع ابچاي
لمن وگع كافل اضعوني الوفاي

ماشافت الراحه ابد زينب
فوگ الهزل راحت سبي تنحب
وسوگ وقصر غربه الهضم تچهب
              "" "" "" "" "" "" "" "" "" "" "" "" ""
عتب خوه ....
اتنادي ابحزن اخوها
من الغرب سبوها .... نادت يعباس
رحت گوه ....
اعلى الهزله يابو فاضل
وبيدي اشكثر سلاسل .... مخنوگه الأنفاس

تعبت الغربه خويه
اشكثر بيهه اذيه
عليه الغربه صاحت
يبو فاضل سبيه

عباس يعيوني .... ترضه يذلوني .... للشام يهدوني
عندك يبو فاضل يخوي ....
أشتكي حالي .... حرمه بلا والي .... والشمر يبرالي
واليحدي للناگه زجر ....
عباس يعيوني ... ترضه يذلوني .... لشام يهدوني
انت الجبتني من الوطن ....
وتكفلت بينه .... بيدك تبارينه .... هسه تخلينه
مابين عدوان وكفر ....

گوم الغرب ياخويه اذتني
كل مغربيه ينقفل صحني
حچي الشماته اهواي تعبني .... غربه غربه
              "" "" "" "" "" "" "" "" "" "" "" "" ""
عبد زينب
محمد مسلم الأسدي

#اللهم_عجل_لوليك_الفرج
37
الناشر معتز الموسوي

07 Jan, 18:31

((مايجون))


الچــــــانو يــــــزرعون دربچ كله هيل .. مايجون
موتي وحدچ موتي غربه الوحشه ويل .. مايجون
بعيد دربچ يـــــاغـــــريبه وهــــــذا ليل .. مايجون

لا تتانين الهواشم غمضي عينچ
راحو وشابت دمعتچ من حنينچ
موتي يالمحد يجيلچ ماكو كافل
راحت العشره يزينب وي سنينچ

موتي سكته
موتي دمـعه
الغربه ضلمه
وانتي شمعه

موتي يازينب يمولاتي ...
                """""""""""""""""""""""""""""""""""'''''''''''

الدنگ اگبالج كفاله ابـــلا چفوف .. موتي خوف
الرايده يشوفچ يزينب مايشوف .. موتي خوف
بعد ماكو لاهــــلاهل لا دفـــــوف .. موتي خوف

ارتاحي مـن اسياط أمــيه والحبال
ومن قصرهم من شمرهم والسؤال
والحجـــــــر كافي يزينب والعذاب
والشمــــــاته والغــــريبه والعــــيال

كافي جرحچ
كــــافي نارچ
موتي مــوتي
الغــربه دارچ

موتي يازينب يمولاتي ...
                """""""""""""""""""""""""""""""""""'''''''''''

واليتــــــانونه عدل لا مـــو ذبيح .. حيره هاي
كون سالم حتى يحضر موجريح .. حيره هاي
لا تــــــودين الرسايل مــاكو ريح .. حيره هاي

ابد ماوصلت رسايل هذا شـام
ذبحو الچلمات بجناح الـحمام
شگگو كــــل الرسايل بالسياط
ماكو امان ودنيا غابه ولاسـلام

مــوتي زينب
العشگ قــاتل
صيحي وينك
يـــــابو فاضل

موتي يازينب غريبه ...
                """""""""""""""""""""""""""""""""""'''''''''''

واليموت اخوانه يمه مــــــن يموت .. هيه هيج
مو يموت وناس غـــــربه بي تفوت .. هيه هيج
ماكو يم راسچ بواچي ماكو صوت .. هيه هيج

ماكو وادم يــاغــريـــبه ملثمين
منين اخوج ولاتتانين الحـسين
ماكو رايه فوگ نعشچ ياشجون
سكته لتـــانين دمـــعه ولا ونين

ضيعي روحــچ
مـــوتي أحـسن
مـــــايجــــونج
گطعي كل ضن

موتي يازينب يمولاتي ...
                """"""""""""""""""""""""""""""""""''''''''''''

زينب يحفرون گبرچ يامــصاب .. ياعتاب
نزلوچ بحفره ضلمه ويه التراب .. ياعتاب
ادري يازينب دليلچ حسره ذاب .. ياعتاب

هَـــلو اترابـــچ يزينب لو جروح
ياهو يم گبريچ غده يون وينوح
بس عليل وحسره گلبه ياحنين
وگاض بترابچ يزينب مـــايـروح

گوه يحچي
يصــيح يمه
گــوه يبچي
يصيح عـمه

موتي يازينب يمولاتي ...

عبد زينب
محمد الابراهيمي

#اللهم_عجل_لوليك_الفرج
24
الناشر معتز الموسوي

07 Jan, 18:30

أرزقيني
يـزيـنـب لـو حـلم وتـزورچ اجـروحـي
الجسد عندي ومشت يم عتبتج روحي
حــچي ربـعـي الاجـولـچ زيـّدوا نـوحـي

يجـونچ وانـي اضـل حايـر
وجـروحي لـصحنچ تسافر
أرزقيني الــوصـال ويـاچ
هضيمة ابقه اكسر الخاطر
ارزقيني..ارزقيني

اهواي أجيچ بأمنياتي ومرة ماجايچ صدگ
كون ابدل نبضي بسمچ اسمچ ابگلبي يدگ
والله لو ذكرولي أسمچ ريتي بسمچ تـختـنگ

عـشـگ ذيچ المنارة
عمة  گلوب الحيارة

ارزقينا الزيارة..ارزقينا الزيارة
____

أقبليني
عـبـد عـنـدچ وأجـيـت أبـابچ بهمي
حلم چا يمته أشوفچ صدگ ياحلمي
طفل گلبي ويگلچ زينب أنتي أمي

حـلـم مـافـارگ أضنوني
عـطش لـزيارتـچ لــوني
لو صارت صدگ يم عون
أجـيـچ بـدمعة أعـيوني
أقبليني… أقبليني

شكثر ربعي سولفولي ألزارو أعتابچ أمس
لازم يـزورچ يـيـمه الـراد بـالغربـه يـحـس
تكسر الواهس غربتچ لمن تغيب الشمس

ولو مره بحياتي
أجي أنه وأمنياتي

ارزقينا الزياره...... ارزقينا الزياره
____
عمه بعيني..

عـمـه بـعيـني اذا ما اشـوفن الگبّة
اليسولف بسمچ يفرّغ الـچ گــلبـه
اليعيش الغربه كون يموت بالغربة

ســؤال ابــالـي ومــچـلّــب
وجروحي اعله الگلب تعتب
دوم أسـمـعهم يـگـولـون
يـنـســد صـحـنـچ المغرب؟
عمة بعيني..عمه بعيني

والله لو بيدي اجيبن صحنج بنص كربـلـة
وگبتچ تحرسها اخوتچ ينترس صحنچ هلا
وبعد يا غربة التلوحچ زيـنـب انـتي مدللة

ونجي انادي الحبيبة
ولا نــلـفـظ غـريــبـة

ارزقينا الزيارة..ارزقينا الزيارة
____
يباريني
البچي وتدرينهه شگد تذبح السكته
أحسن بــالسبي گـبـرچ أذا زرتـه
اليزور حسين لازم هم يزور أخته

أهـيـم بـصـفـنـة أفـكـاري
يحـلمي بـلـيلي ونـهـاري
أشم قمصان اليزورون
أليزورچ جرحه تذكاري
يباريني… يباريني

حلمي أجيچ وأشم بابچ نهر دمعي مانشف
وأبسط أذراعي بعتبته مثل ذاك البل كهف
ما برد جرحي الغربتچ وما أشده شما نزف

العمل منـچ قـبوله
ردت عطـفچ أنوله

أرزقينا الزياره ………أرزقينا الزياره
____
يضي عيني
أشتياقچ لاخوتچ والغربه بضنونچ
بالشام وأحس يـم كربله عـيـونـچ
واجيچ آنة وخدم تحلـم يـزورونـچ

وأجيبن صـوغه ألـچ منهم
قـبـل لا أجـيـچ أزورنــهـم
أجيبن علگ من عباس
واجـيب اتـراب مـن عدهم
يضي عيني.. يضي عيني

أمنيتي مشاي أنه ازورچ وألگه كل خطوه هلا
وانذر اعتاب المسافة حافي اجــي مــن كربله
وأمشي مــابـيـن المواكب بـالـدمـوع الـهـامله

اليجيچ بشوگه زاير
تـرزقـينا المـشـاعـر
أرزقينا الزياره ………أرزقينا الزياره

✍️كرار رحمن
✍️حسين حمدان الدلفي

#اللهم_عجل_لوليك_الفرج
29
الناشر معتز الموسوي

07 Jan, 18:30

(( هضمت الميت غرب))

هضمت الميت غرب ياعين تبچيله
ومتعوب تلگه النعش يشبه تفاصيله
وليل اليعيش ابغرب يعبر بالف ليله
ثاري اليطيح ابلا اخو محد يتچيله

موت ثاني الغربه ياناس
حته الرضيع ايشيب الراس
... الغربه ماترحم ابنادم من يطيح ابموته
المايمه أهل لايمه خوان
چلمة غريب النعشه نيشان
... اينگط ابگد مستحاته من الفشل تابوته

أبعازة أثغيب....
تابوت كلمن مات غربه
إيخضر الشيب....
مو باليموت ابنعشه صعبه
عطشان بالموت....
اليشرب نهر مايمه اخوته
مايسمع انحيب....
لآمن رفاگه ولآ الگربه
"" "" "" "" "" "" "" "" "" "" "" "" ""
كسرت اگلوب الصور للفارگ اعزازه
وبنوحه يحني الضهر يشبه الجنازه
معتازه رسم المشو ياروحي معتازه
اتوآزه گلبي الحنين اعليهم اتوآزه

موت الغريب أتنشده امنين
يسكت اللسانه وتحچي العين
... اعيونه الاجاوب سؤالك گوه عايش ليله
موزين گلبي اهواي موزين
عايش على الله والحياطين
... امنين يتلگاها گلبي الغربه باگت حيله

المتعوب يرتاح....
ابشوفت اعزاز الروح گلبه
الليل ذباح....
العايش غريب يضيع دربه
وبعازة أچتاف....
اتشيل النعش ساعات موته
وتكض الأصفاح....
الماعنده ناس ويشكي ربه
"" "" "" "" "" "" "" "" "" "" "" "" ""
ليل الغرب ماينحمل والغربه چتاله
يبين ابرسمه الهجر وتشوف بخياله
وينشاف حال التعب والضيم ياحاله
إيشيب گلبه وعلي الماحصل امثاله

بس الغريب اليفهم الحال
المشلوع گلبه يسولف اشكال
... شالعتهه الغربه گلبه ليله ونهاره بواچي
يحتار المن يشكي يتحتار
الحزنه عليه امگدر اگدار
... ابنادم الهيه تهضمه يموت وبگلبه محاچي

ابداخله يموت....
أشگد حچي ويتمنى بوحه
ويصير تابوت....
تِيبس من الحسرات روحه
ايموت ملچوم....
مامش دوء ايبرد غليله
وبحسرة الصوت....
ذاك اليطيب ضيم نوحه
زينب غريبه
هذا الاسم ايا مصيبه
"" "" "" "" "" "" "" "" "" "" "" "" ""
يرتاح يمته وتطيب الفاگد اجروحه
ترتاح بس بالممات من الغرب روحه
ويروح لـ لله أبغربته امحمل ابنوحه
والروح من الهجر يوميه مذبوحه

شيفضهه وي الغربه والنوح
گلب اليحن يوميه مذبوح
... ليش ابو گلب الحنين اهواي تتعب روحه
ياعين كافي ادموع ياعين
اعزاز الگلب عنچ بعيدين
... مشكله حته اليضمهه الفرگه بيه مفضوحه

فاضحه الشوگ....
يبين ابعينه اليخفي الأحساس
وبالغربه مخنوگ....
يناشغ وگوه يشم الأنفاس
ايموت متعوب....
من الغرب والشوگ والليل
والگلب محروگ....
حته ابمماته اتشوفه الناس
"" "" "" "" "" "" "" "" "" "" "" "" ""
خادم السلطان
سيد محمد الياسري

#اللهم_عجل_لوليك_الفرج
29
الناشر معتز الموسوي

07 Jan, 18:27

اتمنيت نعشي اتحمله خواني
وحسين اخوي ايصير دفاني
حاجيني يالايام   شتريد مني الشام
كليلهم ما تنكظي احزاني
**
عافوني وحدي بغربتي   وعالخد دمعتي اتلالي
واشما اغمضنه الجفن    الكه الحبال اكبالي
ويا دنيتي صوط الشمر   كل لحضه يتراوالي
واشلون انسه كربله    وبيها انذبح جم غالي

واكبال راس حسين ضربوني
وخلوها زركه صارت امتوني
وشتدت الالام   شتريد مني الشام
كليلهم ما تنكظي احزاني
***
جنت بعمر خمسين انه   وركض رحت للتله
حسبالي ابو فاضل عدل   عالريحه اخوي اندله
ياهو اليخبره بالجره    وياهو اعله حالي ايكله
من طاح شيال العلم    بانت يناس الخله

عباس فوك المشرعه نايم
وبخيمنه كامت تحرك الوادم
وما خلت النه اخيام    شتريد مني الشام
كليلهم ما تنكظي احزاني
*


هاي انه زينب بت علي   والكربله مشتاكه
واشخله بيه اشكد صحت    يمه الحسين افراكه
من عندي جم ضلع انكسر    لمن صعدت الناكه
ضلينه انه واخوتي     بس بالرمح نتلاكه

وحده اويوحده بحبل شدونه
وكبالهم كامو يشتمونه
واحنه حرم وايتام    شتريد مني الشام
كليلهم ما تنكظي احزاني
***
ونيت وجبيني عرك   والموت بين عيوني
بهل لحضه وانه بحيرتي    ردت اخوتي ايحضروني
كربت منيتي والاجل    حان وتغير لوني
اتمنيت اموت بكربله    وبكربله ايدفنوني

جنازي كون حسين جنازي
وخلف الجنازه تنحب اعزازي
كلبي اشكثر محتام    شتريد مني الشام
كليلهم ما تنكظي احزاني
****







بالشام شفت اشجم جرح    لليوم ما ناسيته
يحضر يشيل اجنازتي   اهواي الاخو اتمنيته
مليت كلشي بدنيتي    بس دمعي ما مليته
دمعي عله اعزاز الكلب    مثل المطر خليته

اوحيده رقيه وغربه غربتها
ويمها تريد تموت عمتها
لحضه الجفن ما نام    شتريد مني الشام
كليلهم ما تنكظي احزاني
**
تمت
تحسين الخفاجي
28
الناشر معتز الموسوي

07 Jan, 18:27

(( #تباً #تباً ))
……………………………………………………………

تباً تباً  .  للقائلِ زينبَ قد ضعُفت
تباً تباً  . من يروي بالطفِ ارتعبت
بنتُ الكرار .. سيفُ الفقار
بالكوفةِ والشامِ أنتصَرت

……………………………………………………………


يا كاتب لا تظلم بختك . اكتبت بنصاف او وجدان
هي احجاب امفصله الباري . منها انسترت هالنسوان

بس الشكل هيئة مره . هي ابأصل حوريه
گَل للخدر كن فيكن . و انخلقت العلويه
جبريل من نور العرش . الزينب صنع بوشيه

قالَت هاجر . فأنا ومعي ساره و مريم
قالَت هاجر . من زينبَ سترٌ نتعلم
اختُ الاطهار .. سيفُ الفقار
بالكوفةِ والشامِ أنتصرت

……………………………………………………………


الدين استهظم و اصبح شارد . لمن رفعوا راس حسين
وركضت زينب حتى تحلگه . او رد شامخ وياها الدين

لو رايده اتعوف الركض . اتأشر فقط بصبعها
اسليمان لبساطه إيأمر . لم عون روح ارفعها
عصّاة موسى ويمها اجت . بس رفضت اطلعها

جيشٌ يغرق . لو ترفعُ سبابةَ كفِ
جيشٌ يغرق . في بحرِ رمالٍ في الطفِ
شمرٌ يحتار .. سيفُ الفقار
بالكوفةِ و الشامِ أنتصرت

……………………………………………………………


شنو السوط ايخوف زينب . شنهو النار وشنهو الخيل
قوه ومو چفين العدها . جنحين المن جبرائيل

نار المخيم تعتبر  . لاشيء هيه الزينب
ابطارف عبايتها سقر . تُخمد بعد ما تلهب
لبوه وبكت خيل الشمر . يمها وابد ما تگرب

عينُ السوطِ . تنظرُ رعُباً للحوارءِ
عينُ السوطِ . فترى جبلاً علوَ سماءِ
يسطعُ انوار .. سيفٌ فقار
بالكوفةِ والشامِ أنتصرت

……………………………………………………………


قبلت بالحبل ايچتفّها . تعرف بالرب هيجي يريد
عدها املاك ولو تأمرهم . امشبگ ويجيبونه ايزيد

حمره عبايتها اصبحت . موش ابشمس من گلبت
بيها انرسم روح النبي . وبالسبي اعليهم غضبت
مو عالهزل صعدت تره . عالغيمه زينب ركبت

كلُّ الحورِ . تمشي مع زينب تحرسُها
كلُّ الحورِ . في الليلِ بهمسِ تؤنسُها
تفرشُ ازهار .. سيفُ الفقار
بالكوفةِ والشامِ أنتصرت

……………………………………………………………


خطبت بالكوفه ابكل هيبه . وسكتت اجراس وانفاس
احچايات ام عون ايخوفنهم . چنهن ريشات العباس

نهج البلاغه اتكلّمت . وشيّاب گامت تسأل
هالصوت كلش نعرفه . حيدر رجع من اول ؟
اومت وكل شي انخرس . بعيونهم رمش انشل

حتى الطيرِ . لم تقدِر خفقَ الجنحينِ
حتى الطيرِ . تهتفُ تحيا أختُ حسينِ
صوتُ الجبار ..  سيفُ الفقار
في الكوفةِ و الشامِ أنتصرت

……………………………………………………………


اتراب الشام ايزيد امنجسه . واتطهر بجدام ام عون
وظل يدعي الله ايگله اريدن  . گبر الزينب عندي ايكون

يرمون زينب بالحجر . بس ماكو عدهم فكره
كل حجر رأساً ينكسر . من ينرمي اعل الصخره
بالسوگ مو بعبايه بس . ابثوب العرش منستره

قصرُ الطاغي . قد دخلَت ترفعُ بالانفِ
قصرُ الطاغي . في عينيها مثلُ الكهفَ
ويزيدُ إنهار .. سيفُ الفقار
في الكوفةِ و الشامِ انتصرت

……………………………………………………………
✍️ ( سيد خضر الزاملي )
28
الناشر معتز الموسوي

07 Jan, 18:26

ويّه خدري  موتتي  ويّه خدري
نعشي يسري اعالهزل نعشي يسري
جنازه وبسوگ •• اتشيّع النوگ

……………………………………………………………


توم انه وخدري . ابهيبه انولدينه
عد ضنوه حيدر  . ابزود اتربينه

ورده انا والماي الخدر  . وتروه منه واشرب
ومن فرهدوا ماي الخدر . معناها ماتت زينب
من سلبوا ثوب الولي . خدر اخته هم اسلب
وانداس خدري وي الجسد . برجل الخيول اتگلب

ويه جسمه المنطرح ويه جسمه
خدري همّه اعله الارض خدري همّه
صدره مسحوگ •• اتشيّع النوگ

……………………………………………………………


عشنه انا وخدري  . نسمه بأنفاسه
ريشات انرفرف  .  شايلنه ابراسه

من طاح بيرغ كافلي . وياه هوينه وطحنه
شفناه لا چف لا نظر . وبصوت واحد صحنه
ناداني خدري ومنجرح . يم عون رحنه وضعنه
عدلين جنه وي الگمر . حِسبي يزينب متنه

ياهو بعده ايحامي الج ياهو بعده
ماكو رده الكافلج ماكو رده
تحجي الحلوگ •• اتشيّع النوگ

……………………………………………………………


ميته ودفنوني . من ليل الوحشه
من ذيج الهيمه.  ابلا خيمه وفرشه

ما تظل روح وانا اصد . ازغار وحرم مرعوبه
واعبايتي خيمه ستر . الهن صفت منصوبه
مهدود حيلي من الضرب . من الركض متعوبه
ستريتهن بس جثته . وبلا ستر مسلوبه

وينج امي يم حسن وينج امي
جسمه لِمي المنثر جسمه لِمي
ثوبه مبيوك ••اتشيّع النوگ

……………………………………………………………


ميته من احجايه . الوادم گالوها
وين المسبيه   .   زينب طلعوها

وعيونهم رشگة نبل . بذاك الصبح ذبحني
واحبالهم صارت چفن . وابلا رحم لفني
صعديت عالهِزّل نعش . للمگبره زتني
واسياطهم حفرن گبر . زرگة متن دفنني

نعشي غبشه شيعوا نعشي غبشه
وحشه وحشه ابلا اخو وحشه وحشه
عيوني ليفوگ . اتشيّع النوگ

……………………………………………………………


ميته اعله الناگه . بس عيني تناظر
لرقيّه وسكنه  .  يكسرن كل خاطر

مالت الناگه وعالترب . من عدها طاحت سكنه
مامش اسم الله و لن شمر . بالسوط ليها اتعنه
من راس الحسين اسمعت . صوت وطلع بيه ونه
جاوبته يحسين العذر . حيل الحبل چاتفنه

بالخرابه  ارقيتك  بالخرابه
لا گرابه  ولا عرف  لا گرابه
چفها محروگ •• اتشيّع النوگ

……………………………………………………………


نعش وفروني . بالشام و سوگه
واحجار الوادم . ظل يمطر فوگه

نعش او وصل ميت تعب . بيه الشموس امأثره
مو وصله خضره اعل النعش . اعليه العبايه الحمره
ما حسّن ابضرب الحجر . من كثر چوي الجمره
والما شمر بيده الحجر . بلسانه سب الزهره

يابو فاضل واندبت يابو فاضل
انت كافل  للخدر  انت كافل
ترد الحگوگ •• اتشيّع النوگ

……………………………………………………………
✍️ ( سيد خضر الزاملي )
24
الناشر معتز الموسوي

07 Jan, 18:26

خطبت و چنها العباس  . حي الله بنت الزهراء
صگرت الطير ويالناس  . حي الله بنت الزهراء

……………………………………………………………


لـكوفة البـاعو ضماير .  دخلـوها ام الـحزن 
مـو اسيره وچـنها قائـد . حيدر ابحمله ويشن
و بـمجرد چفها رفعت . شل بالعيون الـجفن
چفها چن عصاة موسى . وبلع من عدهم لسن

اومت وكلشي انخرس •• ماكو بس جرة النفس

ضاع الهوه اعل الانفاس . حي الله بنت الزهراء

……………………………………………………………


أبـد مـا چـانت ضـعيفه  . عـلي مـيخلف ضـعف
الكوفه رجفت من حجيها . ولاذت ابحر النجف
أحـد مـن فـقار حـيدر  . كـلمـتچ يـم الـشـرف
انت هم سـامع سبيه . مـچتفه و تـصگر سلف

مره و ترعب بالزلم •• گلوب صارت بالجدم

مرعوبه ومنزله الراس . حي الله بنت الزهراء

……………………………………………………………


صوتها چن حظر شامل . للارض وي السمه
الطـير من عاين مـتنها . حـس جناحه يألمه
بـزينب سليمان وصـه . الطير أجتها محشمه
وناگه توصي بناگه ضلت . رفقاً ابت فاطمه

اعليها نسّم ياهوه •• هاي اخت حامي اللوه

بالعرش زينب تنقاس . حي الله بنت الزهراء

……………………………………………………………


خطبت وچانت زلـمهم . بيها شحة مرجله
وبـگصصهم غيمه بيضه . بلايه مـاي تنزله
اقصور وبيوت لحرمهم . تبقه بيـها مـدلله
وفرجه خلوا بت نبيهم . وبشتم موش بهله

الها بالجنه الامر •• عدها الف قصر وقصر

بالجنه تنشر احساس . حي الله بنت الزهراء

……………………………………………………………


درس عـدهم  بالـفصاحه . بمدرسه بنت الولي
هل الحجي لنهج البلاغه . گالوا اليحجي علي
اتكلهم الله كلشي خالق . من اجل طاعة هلي
مـدلله و حـسين امامي  . يـضلل بـهـدمه إلي

شمس راعبها الگمر •• ما تصد ليه ابنظر

نوماس زينب نوماس . حي الله بنت الزهراء

……………………………………………………… ……


مـو فـقط نذكرها دمـعه  .  زيـنب ابرتبة نـبي
لـكل نبي دور و رسـاله . و درها چـان الـسبي
اعجاز ملفوف اعل جفها . سكتت حتى الصبي
تگول للشي كن يـكون . من السمه سـوت عبي

ايه يا بت فاطمه •• ابلا معلم عالمه

معصومه من الارجاس . حي الله بنت الزهراء

……………………………………………………………
✍️  ( سيد خضر الزاملي )
26
الناشر معتز الموسوي

07 Jan, 18:26

نزله (( #الأميرة ))      
……………………………………………………………

أسيرة .. رفض كلمة اسيره
أميره ..  ابعرش راحت أميره

……………………………………………………………


جبل عالناگه صاعد . ابعرش بلقيس گاعد
واذا باوع على الگاع . يشوف الالف واحد 
ابطريج السبي كله . شمر من عدها لابد
ابد ما مات عباس . تراها ام عون قائد

عشيره . غدت بيرغ عشيره
أميره . بعرش راحت أميره

……………………………………………………………


اسم طه اعل چفها . حبل شنهو و چتفها
النار و بردن اتصير . اذا وصلت طرفها
تطيح النجمه جائز . وشمخ زينب انفها
تميل الكاع بالناس . اذا مايل چتفها

كسيره .. ايخسه الگايل كسيره
أميره ..   ابعرش راحت أميره

……………………………………………………………


لمن بالكوفه خطبت . رياح الخوف هبّت
اصفر اصبح اللون . شوارب زلم گلبت
قيامه اليوم چنهم . عليهم نار شبّت
حچيها اتكول فقار . لبن مرجانه رعبت

زغيره .. زلم صارت زغيره
أميره .. بعرش راحت اميره

……………………………………………………………


خذت دور الزعامه . حجاب و كالعِمامه
غدت وي زين العباد . درع يحمي الامامه
تضم الباقر الها . مثل جنح الحمامه
درب چن لبوه تمشيه . وشمر مثل النعامه

وزيره . لبو الباقر وزيره
أميره . ابعرش راحت أميره

……………………………………………………………


نزل من الله اسمها .  وعلم كامل علمها
الله وگص عباتين . الها او وحده لمها
عاشت ورده بيضه . ابشغف حيدر يشمها
اذا ضيّعت الحسين . فقط تلگاه يمها

قريره .. بها عيونه قريره
اميره .. ابعرش عاشت اميره

……………………………………………………………



الملك تيّه لسانه . قزم ضاع ابمچانه
يزيد انغسل وجهين . سمع اكبر اهانه
تگله اعليك غصبن . يظل يرف لوانه
ابن هند ام الاكباد . و بنت الزهره انه

كبيره .. أنه الشيخه الكبيره
اميره .. ابعرش راحت اميره

……………………………………………………………


غدت جنه الخرابه . وابد مو عالترابه
الله امن السمه ابساط . فرش الها السحابه
تنور وماكو ظلمه . الكمر فك الها بابه
يخسه يزيد ويعيش . خدر الله وحجابه

قديره .. تهد قصره قديره
اميره .. ابعرش راحت اميره

……………………………………………………………
✍️ ( سيد خضر الزاملي )
27
الناشر معتز الموسوي

03 Jan, 13:15

من الارشيف

سلام الله .. على الهادي علي .. وابنه العسكري .. سلام الله

ســلام امحمل اشواق الك جبته واجيتك
ونه من زغري مولاي على الفطره هويتك
اجيت وگلبي ملهوف متى اوصـل بنيتك
عشت بحساسي مولاي ولالحضه نسيتك

سلام الله .. يعشقي الاولي .. يروحي وكل هلي .. سلام الله


عطـــر گبــرك يمـــولاي عطـــر جنـــــة محمــد
اليجيك وجرحه ياذيه ابحظرتك جرحه يظمد
الك مـــولاي كل عــام عـــهد عــــدنه ايتجــدد
وعهد عنك يمضـــــلوم فـــلا يمنعـــــنه احـد

سلام الله .. اعله درب ازيراتك .. وهيبتك حضرتك .. سلام الله


اليجيك امحمل اذنوب تطيح اذنوبه كلهه
واكـيد الزهره مولاي تقيد اسمه ابسجلهه
يمن لحبابك اليــوم صــرت ضلهه واملهه
محبتـــكم يمــولاي فـرض ربـك جعلـــهه

سلام الله .. على اتراب الگبر .. يأاغله امن العمر .. سلام الله


تطول المده وشـــتاگ واجيك وكلي واهس
وعلــى دربك يمــولاي اون ونصـب مجالس
ابعشگنه وهذا الجنون صبح مرجعنه عابس
فقط بالدنيـــه مولاي صبــح حبــكم مئآنس

سلام الله .. يمن حبكم فخر .. يسادات البشر .. سلام الله


ابضريحك لمن انطوف يضل يهمل دمعنه
وجميـــعاً نشكــر الله العله حبــك جمعنه
ابدمــانه ســــيدي انريـد نوقعلك عهـدنه
وحـــبك يبن الاطـــهار فـــلا نتــــبره منه

سلام الله .. ينسماة الهوه .. يمن حبك دوه .. سلام الله
*

   الخادم
كامل السعيدي
72
الناشر معتز الموسوي

02 Jan, 08:55

لاستشهاد الامام علي الهادي عليه السلام

امامي وسيدي العاشر
اجيتك خادم وزاير
امامي وسيدي العاشر
★★★★★
الوجيه الطاهر الصفوه
حليف السجده والتقوى
يلصابر على البلوه
اليضدك ياعلي خاسر
امامي وسيدي العاشر
★★★★★
الامام الصابر العابد
الحكيم العالم الراشد
ماهزك فعل حاقد
ولاظالم صلف غادر
امامي وسيدي العاشر
★★★★★
أسف بيك الاجل حادي
بفعل ظالم استبدادي
أمامي وسيدي الهادي
يانجم السمه الزاهر
أمامي وسيدي العاشر
★★★★★
عمود الدين واركانه
حبك يضل عنوانه
عشت ابدنيا خَوَّانه
على بلوه الزمن صابر
امامي وسيدي العاشر
★★★★★
رضاك اليوم نترجه
فداك الروح والمهجه
يجد القائم الحجه
سليل المصطفى الطاهر
امامي وسيدي العاشر

الشاعر حسن لعيبي الحريشاوي
99
الناشر معتز الموسوي

02 Jan, 08:54

((اتفاخر بذنبي))


اذا حبك ذنب يحسين أگوم اتفاخر بذنبي
وحبك لو دمعتي يـريد ابچيلك گلب گلبي
يادرب العشگ ملهـوف ياصــيواني يادربي

ومّـبَيـن الــمــسه الهــوى
لـــو شفــته بالچلمه يعت
لو صحت بسم الي يحب
تــرجـف دمـعتـه ويلتفت

مَسْني غرامك
لفنيّ  بوئآمك .. حسين

عشگك طهاره
حــــبْ وزياره .. حسين

احبك ياحسينا ... احبك ياحسينا                   
                """""""""""""""""""""""""""''''''''''''"""""""

حبك احلا مــن المـــاي لا حـــبك بعد احله
والمـاله سعر بالناس لَـــمن يــخـــدمك يغله
والمحترگه روحه علـيك يعشگ عيشةْ الدله

معروفه روحـه الينچوي
بكل مجلس يخضر لطم
تــلــگه بتـــعابـيـر الوجه
شــايل هظم يابو الهضم

شــايل عـبــرته
وجمره بدمعته .. حسين

هزله بخــياله
الشام بسؤاله .. حسين

احبك ياحسينا ... احبك ياحسينا                           
                """""""""""""""""""""""""""''''''''''''"""""""

لو ما خيمتك يحســين چــا صرنه بلا قيمه
شگد تنطي خَيمْ للنـــاس بس انته بلاخيمه
رقيه وسكنه وام كلثوم عگبك ويلي بالهيمه

الهيـــمه مســـكن للخدر
شو بالعكس صار الوكت
ومـــدلـــل الخـــادم الك
مثلك (ابــو) لا مـــاشفت

أجمل خصاله
واضــح دلاله .. حسين

جرحه رقيه
وعينه عليه .. حسين

احبك ياحسينا ... احبك ياحسينا                     
                """""""""""""""""""""""""""''''''''''''"""""""

الماحب خدمتك محروم مايعرف شنو الدمعه
والمـــايلطم بعاشور بجرحك ياهو ألي قـــنعه
الماشافك ضوه للناس شمعرفه بضوه الشمعه

مايدري تحضر بالشدد
والمخـــتنگ تفــزع أله
التربه من عنــدك دوى
تحل المــــشاكل كربله

غربّ ومـشارق
منجي الغوارق .. حسين

صوره ومحنه
وبنــحره ونـه .. حسين

احبك ياحسينا ... احبك ياحسينا                       
                """""""""""""""""""""""""""''''''''''''"""""""

والسابع أرض مــــديت ايــدك يالمطلعني
اعلا من السمه يحسين بيدك يالمصعدني
مرتبني مثــــلْ متريد وبالمجلس موقـرني

شميتك بخنگتّ جـرح
ياعطري وبثوبك اشــم
نضرةّ الحب من تبتدي
تتـــلوع بعشـــگ اليـتم 

جرحْ وعذوبه
حب ومـثوبـه .. حسين

أصل اللـطافه
عشگ الترافه .. حسين

احبك ياحسينا ... احبك ياحسينا
                         
                """""""""""""""""""""""""""''''''''''''"""""""

يا أتـرف ندى اعله الگاع من ينسحگ يتلوه
صدرك بي سمه يحسـين بس الحافر أسوه
الطاحت ياهي يامـولاي ياهــو الصار يتچوه

شفت الخيم من تحترگ
والسوط مايـــرحم طـفل
عثــــرت رقيــه وغَمضتْ
يالتبچي من شفت الحبل

سوط وهزيله
وجرح العقيله .. حسين

يابويه حيره
زينب أسيره .. حسين

احبك ياحسينا ... احبك ياحسينا

عبد زينب
محمد الابراهيمي
88
الناشر معتز الموسوي

01 Jan, 19:11

ام روحي بذمتك يتراب
شبعت ضيم امن العصرة
متهشم من ذاكَ الباب
هنت الله بضلع الزهرة
——————
بالليل اجيتك يا گبر .. جايب على اچتافي العمر
وبگلبي ديرة امن الجمر .. وبوجهي بس شيب

يتراب الك انه ابو .. هم شايف امچفّن دفو
اتموّت شكو بعينك حلو .. يجنازة الطيب

شلتها اعله متني وعرج گلبي شايل
ودرع گلبي مدروع بقيت امشي مايل
مطر ماي على الجام احس حيلي سايل

عافيتي وعافية البيت
شايلها بچتفي و امشي
من گد ما باچي ومهدوم
طلعن غيمات برمشي
——————-
ما ودي ادفنها وارد .. مالح اترابك عالورد
فاطمتي يخنگها اللحد .. مگفاها مكسور

لا توگف اويه اهل الـ وإن .. الدنيا برمل ما تندفن
ازرع دمع يطلع حزن .. بتراب الگبور

يالتراب عليها شمرتك ثگيلة
تره الريشة صخرة تحسها النحيلة
الهوه اعليها يثگل ضلو ع العليلة

بالك يمها وما اوصيك
لا تاخذ دور المذنب
افتح بابك خل ترتاح
يتراب بوكت المغرب
—————-
لا طبرة لا طعنة برمح .. مثل ام حسن مامش جرح
امن المگفة فرگاها ذبح … ويطفّي الاعيون

محد يهدني امن ارد اهد .. وطيحني للگاع الفگد
نعش العشگ يمرد مرد .. حافر عالامتون

التحبه اعله متنك تحس نعشه حافر
وصباح الله بعيونك اتحسه عاشر
هدم ناس ثگيلة يحظن المگابر

انه القالع باب وروس
ربعي وولدي يتچولي
هدت حيلي الزهره وصار
حاجب يا وادم طولي
——————
خليتلك طاسة دمع … يومية رشها اعله الضلع
ما حط بخور ولا شمع .. تتذكر النار 

يتراب ذممتك تره .. هَنت الله بيها امكسره
امن البيت اظل للمگبرة .. خلاني بسمار

شيعوضني يتراب طفه بعيني كلشي
ولا بيه اگومن ولا اگدر امشي
مشت روحي زهراء گطع وكتي هرشي

اعله ترابك نايم يتراب
وترابك تارس جيدي
من گد ما ضعفني البين
المحبس ما يثبت بيدي
——————-
مَعَ السلامة تندثر .. مَعَ اليتامة والكسر
بالك عله امهم ياگبر .. زينب والحسين

راح ارجعلهم مو علي .. مو حيلي ذاك الاولي
امخوصر ودافن كل هلي .. وبخدي شطّين

دفنت الامومة ودفنت  الابوّة
ومشيتي اعله حيطان واجر خطوة خطوة
تتچيلي زينب يگعدوني گوة

من طبيت البيت احاه
لاگاني الباب ودمها
طگ ضلعي وطحت اعله الباب
ودموعي شمصعب لمها
————-
علي هادي الخزعلي
93
الناشر معتز الموسوي

01 Jan, 19:10

(( راعي الزياره الجامعه ))

……………………………………………………………

اليوم السماء السابعه
علنت حداد و فاجعه
لعاشر ضوه من النبي • راعي الزياره الجامعه

……………………………………………………………


اليوم السمه لبست حزن . والارض صارت ظلمه
اليوم الگمر نوره انخسف . وانجرح گلب النجمه
والارض مكسورة ظهر . من عدها شالت نعمه
والطير ما رف ابصبح . ينعه اعله هادي اليمه

والماي ناح اوي يالهوه
عاليكرم الليل ابضوه
عالهادي والمثله ابد  • جن وانس ما سامِعه

……………………………………………………………


كلمة ( وإن ) صارت حكم . لازم تموت العتره
والدور للهادي وصل  . بالسم نهاية عمره
چانون وبجسمه اشتعل . والنِفس ضاگ ابصدره
من كثر ما سمهم قوي . ينعصر مية عصره

صار احمر اجبينه وعرگ
وانگطعت انفاسه وشهگ
والروح رفت بالجنح • من جسمه صارت طالِعه

……………………………………………………………


راسه اعل ادين العسكري . بس بالتراب اينزله
يقصد يواسي المنذبح . راسه اعله رمح اتعله
يابويه والسم صح كلف . خلالي مية عله
من جسم جدك يالحسن . الحافر ابد ما خله

ابكل كربله جسمه انثر
والصدر طابگ عالظهر
عشره الخيول وبالركض • فوگ الجسد متسارِعه

……………………………………………………………


اليوم الامام العسكري . مكسور ظهره وكلبه
شاب و رحل عنه الابو . ايّامه صارت صعبه
بيدينه غسّل والده . اوي الماي دمعه ايصبّه
وي جسم ابوه روحه اصبحت.مدفونه وسط التربه

بس ماكو مثل المنذبح
بالشمس عاري ومنطرح
محد تعناله الدفن •  لا من عشيره الفازِعه

……………………………………………………………


اختك حكيمه الطاهره . ابيتك بقت محشومه
لا ركضت ابوكت الظهر . بين الخيم والحومه
ولا سوط واثار الضرب . فوگ المتن مرسومه
مدري ابجمر مدري ابحجر . مدري ابحبل ملچومه

والهادي ما كف دمعته
كل عمره يبجي العمته
بالسوگ فرّوها اشكثر • والشام كلها امجمّعه

……………………………………………………………


والهادي يا اول وصي . يندفن وسطت بيته
من عنده كل صبح ومسه . تشبع زياره أبنيته
بس العليله المن دمه . تجري الدموع الجيته
وعن الابو ارقيه ابعدت . بالشام صارت ميته

اعل ارقيه ضيم المنكتب
لا حضن شبعت لا لعب
فوگ الضرب فوگ السبي• بنص الخرايب ضايِعه

……………………………………………………………
✍️ ( سيد خضر الزاملي )
79
الناشر معتز الموسوي

01 Jan, 19:10

للامام الهادي ع
…………………………………………………………

نعمة الله و راحت امن ايديها
اليوم سامره افگدت هاديها
وا اماماه .. وا اماماه

……………………………………………………………


مثل ام ارتحل من عدها الولد
مثله لا هيهات ما تنجب بعد
جانت اتنام اعله جف ايده ابرغد
اليوم منها النور يم الرب صعد

والظلام امخيّم ابواديها
اليوم سامره افگدت هاديها
وا اماماه … وا اماماه

…………………………………………………………..


عاشر اقمار الزجيه الطاهره
انخسف بغيوم العصابه الجائره
وجهه اليضوّي الشمس حدر الثره
مات اليوزّع امان اعل لوره

الله وبنوره الخلگ باديها
اليوم سامره افگدت هاديها
وا اماماه … وا اماماه

……………………………………………………………


العسكري ايهيل التراب و منفجع
يلطم اعالراس و يهل الدمع
شال ابوه الجان للهندس شمع
ظل وحيد ابأيد سلطان القمع

دوم لولاد النبي يعاديها
اليوم سامره افگدت هاديها
وا اماماه ... وا اماماه

……………………………………………………………


نعشك اعل لروس ظل يابو الحسن
وسط بيتك جسمك الطُهر اندفن
جسم جدك تحت الخيول انطحن
لا امغسل غسله ولا صح چفن

والحرم ظل الشمر يحديها
اليوم سامره افگدت هاديها
وا اماماه … وا اماماه

……………………………………………………………


بيها طعم ازيارتك ما ينوصف
للتحدي انسوي مقطوعه عزف
ركضة طويريج جن جتف ابجتف
شيعتك يالهادي نهر الما يجف

و لك ارواح بشرف نفديها
اليوم سامره افگدت هاديها
وا اماماه … وا اماماه

……………………………………………………………


الفجّروا لازم يفجرون الگلب
لان بي شباج الك ظل منّصب
الشيعي وايمامه جرف نام ابعذب
اثنعش گبه امذهبه ابگلب المحب

وعينه بيت المنتظر مهديها
اليوم سامره افگدت هاديها
وا اماماه …  وا اماماه
……………………………………………………………
✍️ ( سيد خضر الزاملي )
81
الناشر معتز الموسوي

31 Dec, 17:15

مولد امير الكون
.
.
.

بس أنته الولي .. اهـواك ياعلي
اهــواك ياعلي .. بس أنته الولي

ــــــــــــــــــــــــــــــــــــــــــــــــــــــــــــــــــــــــــــ

يــشهــد ليـــه ربـي . هذا حبي .عــن قـناعه
والگـــالــو مغـــالـي . ما أبـالي . هذي اشاعه
عن علــــم ودرايــه . هالهدايه . وبأستـطاعه
من صدر امي ماخذ . هالـمأخذ . بالـــرضاعه

حبك من هلي * اهـواك ياعلي

ــــــــــــــــــــــــــــــــــــــــــــــــــــــــــــــــــــــــــــــــ

من زغري هويتك . واحتـويتك . يـا امــامي
تشهد لي يغـالي . هالـليــالــي . اتظل هيامي
ما محتاج اوضح . لو اصـــرح . عـن غـرامي
دلالي تعرفـه . مــا أوصـــفه . فـــي كـــلامي

ابحبك مبتلي * اهـواك ياعلي

ـــــــــــــــــــــــــــــــــــــــــــــــــــــــــــــــــــــــــــــــــ

مثلك ماكو ثاني . اعـرفته اني . في حياتي
شفتك يا أمامـي . فـي صيامي . وبـصلاتي
الدلالي اتخذتك . يالمحبــتك . صـك نجاتي
والبيعه اكتبــتهه . أوقعـــتهه . الحـد مماتي

منو غيرك إلي * اهـواك ياعلي

ـــــــــــــــــــــــــــــــــــــــــــــــــــــــــــــــــــــــــــــــــ

گالو انتـه شــاعر . والمـشاعر . بيـك انيـقه
وحي الشعر اجالك . وانتقالك . من طريقه
ما معـناه كلامــك . في امامك . مو حقيقه
گــلتلهــم ولائــي . في دمائي . هالوثيـــقه

اتحير سائلي * اهـواك ياعلي

ــــــــــــــــــــــــــــــــــــــــــــــــــــــــــــــــــــــــــــــــ

يالساكن عيوني . هـددونــي . چيه عرفتــك
گالولي انسه خلك . وانه اگــلك . ما تـركتـك
يامــالك حيـاتي . وذكرياتي . بروحي شفتك
أية حـُب عظيمه . الحب تديمه . من حملتك

حبُي الاولي * اهـواك ياعلي

ـــــــــــــــــــــــــــــــــــــــــــــــــــــــــــــــــــــــــــــــــ

هالحـــب الكتبته . لـــن عــرفتــه . من محـمد
دلانـي ابمحبــتك . واكتشـــفتك . والله يشـهد
غيرك ما عجــبني . ومــا جذبني . ثغـــري ردد
دلالــي ابغــرامـك . وبهــيامـــك . بـس تــوحد

ومن غيرك خلي * اهـــواك ياعـلي
ــــــــــــــــــــــــــــــــــــــــــــــــــــــــــــــــــــــــــــــ
حيدر تركي الكربلائي
77
الناشر معتز الموسوي

31 Dec, 17:15

خدامك يا أبا الحسن كل احنه نادينه
هالليله انجدد العهد يمك يهادينه
ماننساك ياسيدي
عاهدناك ياسيدي

السَّابِقُونَ آلسَّابِقُون...درب سامره ازدحم
آية المُقَرَّبُون ...نشعر اتخص الخَدَم
للزياره الفاخره...كلنه لبِّيِنه ابنَعَم
مو مُهِم عدنه التَّعب...خِدمِتَك هِيَّ الأهَم
عالموعد يا علي و إلك نرفع أيادينه
هالليله انجدد العهد يمك يهادينه
ماننساك ياسيدي
عاهدناك...ياسيدي

ناده كل عاشگ إلك...حبك اصبح رونَقي
يالمَحبَّتكُم شرف...واحنه بيهه نرتقي
ياإمامي ابخدمتك...يرضه عَنَّي خالقي
نظره من عندك ردت...(أيُّها الهادي النَّقي)
أحبابك كلنه نرتجي نظره يوالينه
هالليله انجدد العهد يمك يهادينه
ماننساك ياسيدي
عاهدناك ياسيدي

نقره عن المَفخَره ....بالزياره الجامعه
يامصابيحِ الدُّجَه...ورحمة الله الواسعه
واليعاديكم هِلَك...كل عمل ماينفَعَه
واليواليكم رُبَح...(وَيَكُونَ الله مَعَه)
بِحماكم دنيه وآخره حُبكُم يِنَجِّيِنَه
هالليله انجدد العهد يمك يهادينه
ماننساك ياسيدي
عاهدناك ياسيدي

ياعلي الهادي يضل...ساري مفعول العهد
يبقى مادام النَّفَس...بينه مانخلف وعد
عدنه حُبكُم كل وكت...هُوَّ أصل المُعتَقَد
ياسَنَد والحظرتك...والله ماخاب الگِصَد
زوارك نهتف ابفخر والمرقدك جينه
هالليله انجدد العهد يمك يهادينه
ماننساك ياسيدي
عاهدناك ياسيدي

راية الحق تعتلي ...وشامخه ابطول الزمن
انت عشت ابكل گلب...وماتت اصحاب الفتن
هذه صرخة شيعتك...صرخه مو سِر بالعَلَن
أرض سامره تضل...بسمك وبسم الحسن
أنصارك نبقه نرتقب وانتاني مهدينه
هالليله انجدد العهد يمك يهادينه
ماننساك...ياسيدي
عاهدناك...ياسيدي

سيد علي الموسوي
56
الناشر معتز الموسوي

31 Dec, 17:15

الجنتوا تصيرون ضل الها
ماتت وتريد كافلها
زينب كل عام .. يهددها الشام
ماتت وتريد كافلها
*
كل عام ينعاد السبي وترجع بني اميه
تتهدد بهدم الگبر  زمرة هند يوميه
كتبوا على باب الصحن خل ترحل العلويه
بالشام ما رادت تضل  ام الخدر مسبيه

بالغربه تنوح خلوها
متضل بالشام رادوها
غربه والام.. يهددها الشام
ماتت وتريد كافلها
*
بالغربه ضلت بت علي  تنده يراعي الغيره
من كربله دروب السبي من ديره نمشي لديره
للشام ودوها بحبل يا ابو الفضل اسيره
من حيره دولبها الوكت  ترجع تطيح بحيره

ماتت واخوان ماعدها
يريد يهدمون مرقدها
مو حرك خيام .. يهددها الشام
ماتت وتريد كافلها
*
ماطاب جرح ام الخدر  وبكل سنه يلجموها
مامات خلف حرمل افعال الشمر ردوها
نادوها وبجلمة حقد  جي بت علي هِدموها
رادوها بالغربه تضل  وبيبانها يسدوها

ماذيها الحال ماذيها
حضره وزوار مابيها
يا عين تنام .. يهددها الشام
ماتت وتريد كافلها
*
والله وكت ماينحمل  زينب تضل مهضومه
ما ناشف بخدها الدمع ومن الحبل ملجومه
بعده الجرح نفس الجرح  جرح المتن بالحومه
عاشت وماتت بالغرب  ام الخدر مضلومه

تتجاره ام عون عيناها
تريد العباس وياها
ضلت بأوهام .. يهددها الشام
ماتت وتريد كافلها
*
غربه وسبي ونوح والم  من فاركوها اخوتها
مانشفت لهذا الوكت  يهل الرحم دمعتها
من كربله يصب الدمع  لآخر عمر جابتها
كل المصايب يالكمر  ام الخدر شافتها

كل اللجمات واللوعه
شافت وتموت مفجوعه
كل لحضه سهام .. يهددها الشام
ماتت وتريد كافلها
*
تمت
احمد الخفاجي
85
الناشر معتز الموسوي

31 Dec, 17:15

ميلاد الامامين الباقر والهادي عليهما السلام

كلمن يواليهـــم ــ گلبـــه فــرح بيهـــم
واجـــب يهنيهم ــ للهـــادي والبـــاقـــر

أفراح واعيــاد ابرجب للعتــره الاطهـــار
تضوي المحافـــل زاهيه ابميــلاد الانوار
شاركنــــه ميلاد الحجج لا تبقــه محتار
إمـرح وإفرح يالمحب والأجـــر أعشـــار

الباقــر بــزغ بدره ــ الهادي ابتده عمره
ابمطلع رجب بشره ــ للهـادي والباقــر

مسروره نجمات الفرح  تضوي السماوات
هَبـَّــت  علينــه بالمِسِك و الورد نفحـات
ابلحـــن المواليد الشجي تتغنه الاصوات
فرحـــان گلبي والدمع بعيونــي روجـات

وابدمعة الفرحـــه ــ گلبي شِفَه جرحه
حزني طلع صبحه ــ للهـــادي والباقــر

للباقر وللهـــادي خـــل نعلــگ شمعتيـــن
تتوهج ابليـــل الفرح واتسرهــــا للعيــن
بالگلب ساكــن والمهــج حـب المياميــن
ميلادهـــم خيــــر وسعـــاده للمواليــــن

بميــلاد ساداتـــي ــ أعلـــــن مسراتــي
واهديهـــا كلماتـي ــ للهــادي والباقـــر

تلهــج شفايــف كـل محب واتردد انشـاد
وتتفــاوح بروض العشـگ نفحــة الاعياد
إفــرح يگلبـــي وانسعــد هالليلـه ميــلاد
خامــس مصابيـح الهدى ضنــوة السجاد

بميلاد ابــو جعفــــر ــ مجلسنــه يتنـور
والمـــولــــد اتقـــرر ــ للهــادي والبـاقـر

ابسامـره يتعالـه صــدى لحــن الأناشيـد
سائلنــه إلمن هالحفـل وليــش الزغاريـد
گالــو علي الهادي انولـد وابمرقده عيــد
والمــا وصــل لزيارته ايزوره مـن ابعيـد

مولــد علي الهــادي ــ من أحلـه أعيادي
وكل محفــل ونادي ــ للهــادي والبـاقـر


كلمات عمار الراشدي
92
الناشر معتز الموسوي

31 Dec, 08:01

سامره تشهد  اسمه تخلد
والهادي يا ناس  يشبه محمد
سمو الهادي
***
امصيبة الهادي مصيبه.   وحيرت اهل السمه
خرج ضد طاغية عصره  فلذالك سممه
كل بني العباس اديها.   املطخه بفيض الدمه
باجر اگبال العداله.   تبدي غاد المحكمه

باطل حكمهم.  شفنه ظلمهم
ولجل المصالح.  باعو ذممهم
سمو الهادي
**
الهادي عنوان الكرامه.  وباقي ذكره بكل زمن
الساجن الدنيه بكبرها.   اشلون ياناس انسجن
هذا شيخ الدنيه كلها  ادلاله ما لحضه طفن
كل وكت فاتح مضيفه.    ويكرم اشلون الحسن

بجفوفه رايه   ايه اعله ايه
وحار بصفاته.  راوي الروايه
سمو الهادي
*
ارض سامره العظيمه.   طهراها بهيبته
الطير عدنه نحسبه زاير.   من يحط يم كبته
مدري ليش الكلب يبرد.   من اطب الحضرته
اتوجهت لله وشكرته.    من رزقني زيارته

يسمع كلامي.   ويرد سلامي
وعمري رخصته.   الهادي امامي
سمو الهادي
***
بمرقد الهادي يعالم.    صدري كلش ينشرح
ليش اضيع وعندي امامي   اترابه ينحط عالجرح
انه من ادخل ضريحه   بوجهي كلشي ينفتح
زايله الدنيه اعرفتها.    وخدمة الهادي ربح

طوف بمزاره  وخذ البشاره
السامره انصحك.   انوي الزياره
سمو الهادي
****
علي الهادي بدمي يسري   وهوه حجه اعله البشر
وعالعرش منقوش اسمه.   وبالاحاديث انذكر
حارب اصحاب الظلاله.   وماكو ضل الهم اثر
جان من يكعد يسبح.   ايسبح وياه الصخر

نوره تجله.  ويشفه الدخله
والرايد اثبات. عندي ادله
سمو الهادي
****
تمت
تحسين الخفاجي
90
الناشر معتز الموسوي

31 Dec, 08:00

((غريبه))

غريبه  غريبه
غريبه ودمعتي بخدي غريبه
يچتفوني بحبل وانه الحبيبه
غريبه ...
     """""""""""""""""""""""""""""""""""''''''''''

شلت جرح السبايه بذني الچفوف
بحيـــث الشـــــام خلاني بلا شوف
الناگــــه من الدرب تتعثر هــــواي
البچفوفه الحبل ضايگ الف ااوف

مشي السبــــي صاير حَبيّ .. تتمايل النوگ
دف وطبـــــــل والاجنبي .. خلونه بالسوگ
وضربونه من فوگ السطح .. يابويه بحجار
لِذّنهَ بصبرنه وبـــــالعبي .. والنفس مخنوگ

جمرتي    جمرتي    
جمرتي ما طفت تسعر جمرتي
اشـــوف الناس فرحانه بعثرتي
غريبه ...
      """""""""""""""""""""""""""""""""""''''''''''

اليظل بّلا چفيل جروحه تنشاف
تشوفه الـــوحّده وتّنَــدي العيون
سهرانه لَحد مـــــــا غمض الليل
وأفك ريجي بدمع لمن يشتمون

ازغــــار البنات اتلوعن .. ملتـمه حراس
يصيحن يعمه من بچن .. چـاوينه عباس
الما عنده والــي ينذبح .. لو يشبع جروح
وجروحي شمات العده .. والطگه عالراس

شماته       شماته 
شماته ويضحك الما عنده غيره
ويصــــيح أعلــيه يازينب اسيره
غريبه ...
      
"""""""""""""""""""""""""""""""""""''''''''''

يلچمني الشمر لـــو ركض النوگ
ورباب تصيحيلي ويغمض حسين
واچلب بـــالحبل لــــو بالعزيزات
ورقيه ما شفتهه وطاحــت واوين

صبري تبده اعله الدرب .. وشيلم الجروح
واركض وادور عا الطفل .. وبگلبي يا نوح
عمـــــــه رقــــيه اتصبري .. كافي تنوحين
متعجبه كل هذا الحزن .. وما تطلع الروح

سبايه   سبايه
اميرات الوكت صـارن سبايه
وشابت دمعتي وحتى العبايه
غريبه ...
   
"""""""""""""""""""""""""""""""""""''''''''''

البـــــي صــــــــورةّ محمد خلگه قران
اليحب المــــــرتضى بنص گلبه نيران
اليسولف عل الجرف وما شارب الماي
حتـــــــى الشــوف مال عيونه عطشان

عطشــانه روحه ويلتفت .. لخيامه ويصيح
ينهض عله سهام الصدر .. وما يگدر يطيح
وزينب ركض مــا تستقر .. ومتلوعه بسياط
جمر الخيم سب العــــده .. كل هذا والريح

شتنادي      شتنادي
تنادي فرهدوا خدري ودلالي
ياعـــباس مـــــو شافو خيالي
غريبه ...
       
"""""""""""""""""""""""""""""""""""''''''''''

تشگــف تنضرب تركض يعباس
لو عالتل مشت وايديهه عالراس
تجــر جسام من الخيمه وتصيح
يا رمله تعـــــالي يَبَس الـــــياس

تتعده مچتوفه بحــبل .. گـــدام الانــذال
معصبهه يتجاره الدمه .. مضبوبه الاحبال
تشهگ اذا مــــر الهوى .. لــو مالت اطيح
مريه چبيره وعـــالهزل .. والگــلت والگال

هضيمه     هضيمه
هضيمه وناگــتي تبچي عليه
وكل هاي المحن ماتت رقيه
غريبه ...

عبد زينب
محمد الابراهيمي
82
الناشر معتز الموسوي

29 Dec, 17:15

((خلوني ازور))


خلــوني ازور العـــــقيله امي الحبيبه .. هويت
يا گـــلبي اعـــــلن بـــشاره رايد  زياره .. نويت
من انتضاري وعبرتي لهفت وحسرتي .. عميت
يمته الضــريحچ اسافر يايمه اهــــاجر .. بچيت

تاخذني روحي واروح
وبعـــــتابچ ومن انوح .. يمه
دمعي ويليل الـطويل
رايد لطم والجــــروح .. يمه

متـــــــواعد وي الــمنايه
روحي اعله روح السبايه
مشدوده روحي بدمعـتي
رايـــــــد زيــاره النـــهايه

زينب ييمه ...
               
"""""""""""""""""""""""""""""""""""''''''''''

نعشـــــچ تعـــده بحسرته ونار بغربته .. غريب
بليل المواجع هضيمه انتي العضيمه .. عجيب
متعوبه مـــــن الهـــــزيله هاي العقيله .. تغيب
عگب النياگ الاصيله ليش بــــهزيله .. وتشيب

نعش العزيزه يفوت
لاصرخه لا يمها صوت .. يمه
(لا) خويه تانيني وين
محد وراچ ويموت .. يمه

بس العليــــــل بصفنته
مچويه ايــــــده بدمعته
ياهو اليحشمه ويگــــله
يعينه الله تسعر جمرته

زينب ييمه ...
                      
"""""""""""""""""""""""""""""""""""''''''''''

الأمچ سوالف محنتچ تمسح دمعتچ .. حوار
يتلــــوه يايمه شفته رحت وحضنته .. وغبار
يگلي يزينب يختنه خيل الاجـــــتنه .. غيار
خايف تسحگچ حــوافر خليني أكابر .. مرار

ابتعدي عن الخيول
يايمه حيــره شأگول .. يمه
داسنه وهوه يصــيح
لحگيني يمه البتـول .. يمه

ويايمه حـــــرگولي خيمه
وسحگو يتـــــيم ويتيـــمه
يمه نچـــــــويت بچفوفي
وأركض وطيحن هضيمه

زينب ييمه ...
             
"""""""""""""""""""""""""""""""""""''''''''''

شـــوفي السياط بحرمنه يمه ولتنه .. الطفوف
مـاندري يايمه نركض وگبالي تعرض .. سيوف
وأعثر وطيح اعله طولي يايمه اجولي .. الألوف
تــــركض سكـينه ورقيه يمه خطيه .. شنشوف

دم وحرگ والحبال
تبچي وتنوح العيال .. يمه
اطفالي ماتت هدوء
ماعندي يايمه حال .. يمه

زينب حبــــــال وبديه
شــــــدوني آنه ورقـيه
حبــــل الرزايه عذابي
لو طحنه طحنه سويه

زينب ييمه ...

عبد زينب
محمد الابراهيمي
129
الناشر معتز الموسوي

29 Dec, 17:15

الشكر لله الشكر لله … الله رزقنه امحبتك
ياسبع الدجيل ــ ياسبع الدجيل

*
لزيارتك حــيل يا سيـــدي اشتـاگينه
اويم گبرك ابشوگ يابن علي اتعنينه
كل زاير اتشوف دمع المصيبه ابعينه
يلمتت مسمـــوم مـــن اجلك اتأذينه

بدموع العيون… جينه ودخلنه الحضرتك


يابو الكرامـــات فضلك فلا ناسينه
والعنــده حاجات يمك يمـد چفينه
انعرفك يمولاي تسعدنه اوترضينه
يلما تسد بـاب نركض البابك جينه

فرحنه مولاي … وحسبنه خلص شيعتك
**

احبابك اهواي وبيك اشكر مجنونه
واسمك يمولاي آيـة عشـگ يقرونه
كل هــاي الارواح بمحبـتك مفتونه
اليتعـنه مشـاي مجنونك ايسمـونه

حتى الحمامات… تنزل تقبل تربتك
**

بمصـــابك اليوم انعزي ابوك الهادي
وبصوت الاحزان يم الضريح انادي
لا والله مولاي هذا الولاء مو عادي
من الله توفيق ومن المهد بي بادي

منك فلا اتوب… يالشرفتني ازيارتك
*

منهج للجيـال علمك بقه ايدرسونه
وبحبك ايزود كلمن عرف مضمونه
خسرت يمولاي أعــــدائك الملعونه
ماعـرفو اشلون تاريخك ايفسرونه

الحمدلله… احنه الربحنه ابجنتك
*

يم بـاب المراد نتـوسل ابدعوانه
حاجتنه نرجاك اقضيهه يامولانه
لحبابك ابشوگ گلبك فتح بيبانه
انحلف يمولاي بالزهـره لاتنسانه

مالحضه ننساك … نبچي ونون لمصيبتك
*

✍الخادم
كامل السعيدي
94
الناشر معتز الموسوي

28 Dec, 11:19

دارت سنه ومانعرف اشلونك
كل عام وانته بدمعت عيونك
الناس تفرح وانته يالمهدي
شايل عذاب الطف على متونك

الوادم هسه فرحانين
وكلمن ملتهي ابيومه
محد فكر ولا گال
شحال المهدي بهمومه

يمشي العمر ... لمته ستمع ندائك
دارت سنه  ...  وانه  انتضر لقائك
يرد البصر ... حين الأشم ردائك
ياصاحب الزمان   الغوث يامولاي
،،،،،،،،،،،،،،،،،،،،،،،،،،،،،،،،،،،،
الحضت لقائك جم گلب هايم
يا ساعه  تضهر  بيها  يالقائم
هاي الشموع التشتعل هايه
تذكرك اكيد ابحنت القاسم

اليحبك صدگ مولاي
التجرح گلبك اتجرحه
مو دورت سنه لاكون
ضهورك بس اليفرحه

لمته الفرج  ...  ونورك يهل علينه
موسعفه الك ... نرفع گلب بدينه
صار الغرق  ... وتنقذنه يا سفينه
ياصاحب الزمان   الغوث يامولاي
،،،،،،،،،،،،،،،،،،،،،،،،،،،،،،،،،،،،
انته الوحيد الكثرت همومه
حته الجروح البيك معصومه
تلبس جديد الوادم وانته
تنعه الغريب السلبو اهدومه

ليلك يخلص ابحسرات
ويبدي بدمعه مجروحه
عالشابع طعن وحجار
وطلعت بالسحگ روحه

حزنك ضعن ... بالهيمه  ياعذابه
صرخت مره ... تسمع صدى الخرابه
راح ابجي الك ...  عالغربه بالأنابه
ياصاحب الزمان   الغوث يامولاي
،،،،،،،،،،،،،،،،،،،،،،،،،،،،،،،،،،،،
يالمهدي صارت غربه دنيانه
أنموت  اذى مو انته ويانه
رغم المجالس بيها تتواجد
اهنانه تبجي وتگعد اهنانه

خل شتسوي هاي الناس
كلمن ملتهي ابدينه
مادام انته سالم هاي
كلش والله تكفينه

يبن الحسن ... بداعت دمع رقيه
ونشغة طفل ... والخيمه والسبيه
عجل الفرج ... بالطلعه البهيه
ياصاحب الزمان   الغوث يامولاي

العبد ابوفايز الرافضي
الفاتحه على روح والدي
138
الناشر معتز الموسوي

28 Dec, 11:18

يالهادي زوارك .. يالهادي زوارك
وقعت بالدم العهد للموت أنصارك ..
...........................
يالهادي زوارك أجت والرايه بيديهه ..
مرخوصه ألك ياسيدي الأرواح تفديهه ..
تتحدى كل أهل الحقد وتغيض أعاديهه ..
وتقيم مجلس بالصحن وتعازي مهديهه ..
لو شافت أنوارك .. لو شافت أنوارك
التعب والهم ينجلي لو شافت أنوارك ..
............................
عندك كرامات شكثر يالهادي مشهوده ..
ياسيدي ووكفات ألك بالشدد معهوده ..
كل عام بتلاثه رجب تلكاهه موجوده ..
زوار سامره أعتنت بثيابهه السوده ..
تلطم وسط دارك .. تلطم وسط دارك
وعللمصاب بكل حزن تلطم وسط دارك ..
.................................
هاي الزياره واجبه شما دربك أبعيده ..
والوصل صحنك سيدي بخيراتك تزيده ..
طالب الحاجه بالعجل تنطيهه أله بأيده ..
واليعتبرهه من البدع دوم أحنه منريده ..
يالتعرف أحرارك .. يالتعرف أحرارك
ما تخلف وياك الوعد يالتعرف أحرارك ..
.................................
ظل مرقدك لوحة عشك بالكلب منقوشه ..
وعصر المعاصي والفتن جنحانه مفروشه ..
والباغي فرصه ينتظر ومحضّر جيوشه ..
غربان وبهيئة حمام الصوره مغشوشه ..
من نوصل أسوارك .. من نوصل أسوارك
بلهفة العاشك سيدي من نوصل أسوارك ..
...............................
كل اليزورك سيدي من يوصل الحضره ..
بالدفتر أسمه ويه الخدم يم فاطمه الزهره ..
من الأمام المنتظر رايدله بس نضره ..
وياك باقي عالعهد باصمهه بالعشره ..
وياك يتشارك .. وياك يتشارك
حزن وفرح ياسيدي وياك يتشارك ..
...................................
الماعاشو أحساس المحب خلهم يلومومنه ..
كل ظالم وكل ناصبي نظل شوكه بعيونه ..
زرعو مشانق بالدرب خاطر يمنعونه ..
نكصد نزورك سيدي وخلهم يفجرونه ..
ماعرفو أسرارك .. ماعرفو أسرارك
ذوله الفكرهم جاهلي ماعرفو أسرارك ..
.................................
حيدر مطر العبادي
118
الناشر معتز الموسوي

26 Dec, 16:11

(راح اموت)


راح اموت     ومحد من اخوآني شـفـتـه
راح اموت    اجـنـازتـي تـنـشـال سـكـتـه

           راح اموت       راح اموت

*----------------------*---------------------*

چانت أمنيتي الوحيده بكربله ايصير الدفن
وتنتهي رحلـت عذابي وينتهي هذا الحزن
چنهم اخوآني نسوني وآنـه بالـغـربـه أحـن
سـاعـه مايبرد ونيني مِـثـل وَن الـمـنطـعـن

حالي هاذ والاهل ما منهه جَيه
حالي هاذ ماتت بروحي الوصيّه

*------------------------*-------------------*

چـنـهـه نـيـران الثوانـي مـن تـمـر للينتظر
ياصـبـر يلحگ عـلـيّـه والله تـعـبـتـه الصبر
خاطري المكسور باقي چنت اضنن ينجبر
وبالطفوف ايصير موتي وبيهه يتشيد گبر

صعبه حيل زينب التدفنهه غربه
صعبه حيل حالتي ياناس صعبه

*-------------------------*------------------*


ياهو اليوصل كـفـيلـي أيـگـلـه عذبهه الـغـرب
بحسرتي بالشام اموتن وذايب بشوگه الگلب
وينه أليشيّعني وينه الوحدي وبموقف صعب
لا أخـو الـيـحـزن عَـلـيّـه ولا مـجـالس تنصّب

من بعيد رفرفت مثل الحمامه
من بعيد اشكي لخواني الظلامه

*--------------------------*--------------------*

تـنـزف اجـروح بدليلـي جـيّـه مـا منـهـم بـعـد
سـلّـمـت بالـحـالـه هـايـه أمـري للواحـد أحـد
اعـرف الـصـار بكـفيلي واعـرف بـذاك الـعـمـد
لاكـن الـشـوگ الـجـبـرنـي بـأسـمـه أردّد للأبـد

بس عذاب تجرح ايام العشتهه
بس عذاب دنيا بالهَم خلصتهه

*-------------------------*--------------------*

اليحتضر بأخر وصيته تسأل الناس أشكتب
يا خَـلـگ هايه وصـيـتـي آنـه موتني الـتـعب
خلصت عمري مناحه وگلبي بالغربه الـتـهـب
اعـتـب بناري عـلـيـمـن راحوا الـگـد الـعـتـب

هسه وين گلبي ما يحچي بعتابه
هسه وين الحزن ما سَده بابه

*------------------------*-------------------*

✍خادم  زينب (ع)
الشاعر رعد الجريخي
169
الناشر معتز الموسوي

26 Dec, 09:28

((شعندي بالحب))


يالحبك هوه الصدري
نسيتك وانــه ما ادري
چنت ويــاي وبفكــري 
وثوبك بالعشگ ستري

راســك بالـــدمع ميمل   
چَه راس السنــه يهلهل
شبيها الناس فــــرحانه 
حسين اعمالنه تفـــشل

شعندي بالحب واحچي بي
وانتــــه ابــو فاضل حبيبك
انتـــــــه منطي اعظم خيام
يـــــاسنه هـــاي التــــجيبك

يامولاي .. يامولاي

"""""""""""""""""""""""""""""""""""''''''''''

امــس انت النـــفس بيه
وامس ابچي اعله ترجيه
شو عفــــتك جرح دامي
ونسيت اخـتك المـسبيه

نسيت اعله الرمح راسك 
ونسيت اچم سهم چاسك
يبـــــــو بيبان الّــمّشـرعه  
تّـعزب حـــتى بنفـــاسك

واهب انفاسك سبيل
وماردت حتـى مقابل
ياكـــــريم ابن الكريم
يالواء الشرف حـــامل

يامولاي .. يامولاي
                                """""""""""""""""""""""""""""""""""''''''''''

ثوبــي الــلوّن مــايرهم 
ولا دمع الحــــزن ينظم
شنو راس السنه براسك
راسك اعــظم واعـــظم

الماعرفو جرح حالك  
ترى يماشون چــتالك
نسو لمـــيتهم بيـــدك  
وانته مّطشره عــيالك

امطشر اعيالك ثـواب
اهنا رقيه وذيچ خـوله
اهنا غريبه اهنا غريب
الماعرف گدرك شگله

يا مولاي .. يامولاي
                      
"""""""""""""""""""""""""""""""""""''''''''''

اذا مـــــاتــــگدر أتـــــنحه 
ليـــش اتــــزيد بجــــرحه
هـــوه حـــسين هــم عايز 
وذاك اعله الــهزل رمحه

الماضايگـ وفه الخدمه 
ليــــــش يصيح ياعمه
زينب بالغـــــرب ويلي  
يــالفرحـــــان باللچمه

صحن مولاتي غريب
مـــــــاكو زاور وتزور
غربه مـــايمها حبيب
بعد يـــافرحه وسرور

يا مولاي .. يامولاي
               
"""""""""""""""""""""""""""""""""""''''''''''

المابـــاچي فلا صلله
ولاتنــضرله عين الله
الصايم ينقبل صومه
من يصيح عـــبدالله

آنــــــــه اتّذَكر عـــياله  
واصيرن حـــالتي حاله
النفس بچفوفي اجرنه     
نـــــــار اخيـــام خيــاله

بحزني كل عــــام الجديد
وماضحك گلبي اعله عام
خلگي يَــمّ بــــاب الدموع
هـــاي روحي تصــيح شام

يامولاي .. يامولاي

عبد زينب
محمد الإبراهيمي
159
الناشر معتز الموسوي

24 Dec, 15:34

((مشكوله))


مشكــــوله ذمــــتك ياشام
صرت احسب اللحضه ايام
محتـــــام مــــن ذاك العام .. للزياره

مسهـــرني بــــــدروبك ليل
مراويني چــم ويـــــل بويل
مشتاگ بس ويـــــن الحيل .. للزياره

بســناين كــــل عشـــايرنه يفزعون
اذا شيخ العشـــيره ايغمض العيون
ويــــذبون العگـــل كلــــــهم يونون
چا شو سكته احنه وراحت ام عون

شيختنه الحـــبيبه
هـم ردت غــــريبه
وممنــــوعه الزياره
هاي اعظم مصيبه

يازينب غريبه غريبه ...

"""""""""""""""""""""""""""""""""""''''''''''

يادمعةّ الحــب جروح
وبلايه دم بس مذبوح
معقوله اضلن مـاروح .. للزياره

هــا يالعقيـــله وتدرين
بــــــالبر غدينه متيهين
ومدري الدروب ولاوين .. للزياره

ماترضاش روحي بساعه وتهيد
سهـــرانه ومدامع مدري شتريد
أگـــله شبيچ هيدي تگلي بعيد
حــياةّ بدون زينب گلي شتفيد

واگضـيها ملامه
واشواگ وندامه
واتمنالي اجـناح
هنياله الحـمامه

يازينب غريبه غريبه ...

"""""""""""""""""""""""""""""""""""''''''''''

من بعيد اوديلـــچ آه
هاي السنه چم ويلاه
بابچ بعد ويـــن الگاه .. للزياره

مايهب عطره الفواح
هاي السنــه مامرتاح
ويموت حگه الماراح .. للزياره

المتعـود يروح اتمـــوته الاشواگ
وتذبل عيــنه من ادمـوع الفراگ
الهوى هذا اليشمه يصير خــناگ
وترجف إيده من الحرگه والساگ

وبروحه الحزينه
وبزينــــب ونينه
مگطوعه دروبچ
يا أمنه الحــنينه

يازينب غريبه غريبه ...

"""""""""""""""""""""""""""""""""""''''''''''

وبحــالي مــولاتي شلون
حاچيني مولاتي ام عون
گلبي اعله بابچ محـزون .. للزياره

ضميــــــت عود آنه دموع
وبصـــدري ضميت ضلوع
وثاري الدرب شو مگطوع .. للزياره

ياجرح الأّهـوّده وياهو يسكت
گلبي مـن ضلوعي يريد يفلت
گوه امچلب ويـــازينب يصيح
يعـت بيـه يـــوادم حيل ويّعت

ياشـــــام انته موتي
يموشـــــلي صــوتي
اصـــــــرخ ياغــريبه
وهيه اتصيح اخوتي

يازينب غريبه غريبه ...

عبد زينب
محمد الابراهيمي
193
الناشر معتز الموسوي

24 Dec, 15:34

#مقدمه_للامامين_الباقر_والهادي ع

عاشگ وحيل افتخـــر حبيتكم
سيدي ومـــــن المهد واليتكم
بروحي يالباقر الك باني مضيف
انته والهادي فرض صليتـــــكم
علّي ألكم فضل ماانســا محال
ادبيتــــوني وربيت ابيـــــــــتكم
خادم ومجنون بيكم مــن زمان
سيــــدي ابنص الگلب خليتكم

✍كامل السعيدي
147
الناشر معتز الموسوي

23 Dec, 07:23

((اسئلوها السنه))


ماترهم فـــرح وآنــــه البــديه دموع
ماينسه الجرح هـــــذا الغده موجوع
اسئلوها السنه هم عدها كسر ضلوع
هم راس السنه ظل عالرمح مـرفوع

السنه هم يوم مختنگه
هم شافت ألـــم فــرگه
بس حسين ابــو الـيمه
عنده خــيام محــترگه

عنده اخيام
عنده ايتــام
العفو من راسك العالي
عنـــده النار
عنده ازغــار
عنده الصوت يعــــيالي

حبيبي ياحسين ...
                  
"""""""""""""""""""""""""""""""""""''''''''''

نــسينه الــنار ذيــچه و كــربله دخان
نبَديّ الــماي ليش بـحضرةّ العطشان
المايشمر حــــياته بمـــجلس الزهـراء
المفروض اعله كصته ينكتب غلطان

اخــلص دنـيتي بحيره
على العباس ابو الغيره
على المسبيه و بـغــربه
على مــولاتي الــزغيره

ليش ارتــاح
هاي ارمــاح
صعبه ارماح بضعونك
ضعـنك راح
ضعنك طاح
ضعنك فـاگد بمتوتك

                     
حبيبي ياحسين ...
                  
"""""""""""""""""""""""""""""""""""''''''''''

ضحكنه بلا شعور ومادرينه شبيك
ولاشفنه الجرح المّسهرك وماذيك
جرح الاكبر العباس خــــدر الياس
لو جرح الرضيع اليادمع يحــــديك

انــت التــبچي لاتذنب
غير حسين ليش تحب
ياهو الــحدب بـجرحه
بــس المــهدي محدب

بس مـولاي
دمعه هواي
احمر دمعه بخــدوده
يصرخ ماي
رايح جــاي
وماكو چفوف وتگوده
                          
حبيبي ياحسين ...
                  
"""""""""""""""""""""""""""""""""""''''''''''
                     
بصدري هواي بس شلون وحچيهن
فرحانيــن مـــو ســـلبــو تــراچـيهن
يــــا رآس الـــسنه زينـــب يســبوها
بــــنص ديوان و الــشامت يخليـهن

بـــلا رحــمه و لا ذمه
چفوف زغار ومورمه
وصاحن عمه يازينب
تركض تشـگف العمه

تشگف ذيـچ
طاحت هاي
هاي العمه وبحيره
هاي تموت
ماتت مــاي
ديره والدفن ديــره

حبيبي ياحسين ...

عبد زينب
محمد الابراهيمي
175
الناشر معتز الموسوي

22 Dec, 05:51

أبوذيات إلى العقيلة زينب ( ع)
*

وحگ الأرض والـثــبـــت --- سماها

أبــد ما تـنـوصف زيــنـب --- سماها
الباري بعــزتـه وقـــــدره --- سماها
ونطاها لحـيــدر وفاطم هــديــه
***
زيـنــب شعــت بكل نــــور --- هـلـت
بـولادتها دموع الـفــــرح --- هـلـت
تخـيــل من بـديها اتــراب --- هـلـت
على إخوتها الگضوا بالغاضريه
***
عـلـيـهــا الـنــور لايگ --- من صباها
وربـــك كـلـهــا عــفــه --- من صباها
تـدري شچــان زيــنـب --- من صباها
أميره وحطمت عـرش آل أميه
****
خادمكم
رياض الرسل
150
الناشر معتز الموسوي

22 Dec, 05:50

يــــشيال راس حســــين… يــربه
اشــــوفه عله اليتامه كام.. يــربه
يــــــدور بظعن ماشــاف… يــربه
اظن عطــشان خل اروي بديه



يــحادي الظعن اكرب جاي… .حلهن
اديه وخــل اشوف شــلون… .حلهن
ابوي عـيونه فـــوگ الرمح… .حلهن
نهظم من شاف مجتوفات اديه



الـــــشمر كلــهم بنــاته… .يــر بوهن
اله وشــــوفو صـــبرهن… يــر بوهن
تعــــــمد وره الـــــــناكه ..يــر بوهن
لجــل يظــحك اذا تــبجي سبيه

ابو سلام الجابري
.
152
الناشر معتز الموسوي

29 Nov, 16:34

ياعلي...إلك أدعي ابدمعتي وبجروحي
ياعلي...ألله ينطيك الصبر ياروحي
( إنَّا للهِ وإنِّا إليهِ راجِعُون )

إلك أدعي ودعوتي..ابجرح گلبي ودمعتي
الله ينطيك الصبر يابو المصيبه
اشلون تگظي دنيِتَك...وَيَّه وادم أذِّتك
الغربه يعني اتعيش وي وادم غريبه

الوادم الماتستحي امن الله ورسوله
اشلون راح اتعيش وياهم هذوله
الطبو الدار الوصي وضلمو بتوله
والله ماعدهم كرامه ولا رجوله

ياعلي...ندعي ربنا ومايرد دعوانه
ياعلي...الله لايرضه على الأذَّانه
( إنا لله وإنا إليه راجعون )
......................................
گلبي بالهم مبتلي...وبالي يمك ياعلي
ضلعي مايوجعني توجعني غربتك
صعبه اشوفك تنكسر...وانت المبچّي الكفر
وصافن اعله الباب واجروح ابصفنتك

ايعينك الباري يحماي الحميه
حين شفت الباب دفعوهه عليه
ياعلي وابدفعة الباب القويه
تالي آنه ومحسنك طحنه سويه

ياعلي...واكبر اجروح الصفت تاذيني
ياعلي...أبچي گدام الحسن وحسيني
( إنا لله وإنا إليه راجعون )
......................................
جرحك ابكبر السمه...وحالك ابلا فاطمه
عايش ابدنيا مُضلمه وگاع صَحره
آنه بالنسبه إلك...روح عشت ابداخِلَك
وادري بفراگي تصير العيشه مُرَّه

آنه يمك ياعلي ومشدوه بالك
بلله عنك لو غبت شيصير حالك
واليگول البگه ابراسك عالجرالك
ابهالمصيبه ياعلي هو اشبگالك

ياعلي... حيلك  انهَد والعيون امغيِّمَه
ياعلي...اشلون باچر من تودع فاطمه
( إنا لله وإنا إليه راجعون )
......................................
يالمصابي امعذِّبَك...وهاضمك وامتعِّبَك
وادري راح ايشيب گلبك من مصابي
اشلون عنك لو رحت...وين يافاطم صحت
راح تلگه اجواب حسرات اعله بابي

أقره بعيونك أنه ابهاي المسيه
ادگول كلشي ولا تروحين امن اديه
انكسر گلبك عالجره والصار بيه
اشلون لو دارك تضل مِنِّي خِليه

ياعلي....تنحب وكسر الضلع موضوعك
ياعلي...ابغيبتي ياهو الينشف ادموعك
( إنا لله وإنا إليه راجعون )
.....................................
أنحب ودمعي ايهلي...(حسبُنا آلله ياعلي)
عالضلمنه وفرهد العِشره وهظمنه
باچر اولادي تحن...وزينب اوياهم تون
ويلي وينادون مشتاگين لُمنه

آه باچر لو متت تشبگني اديهم
تنحب املاك السمه وتبچي البچيهم
ولدي اعز امن الهوه وعينك عليهم
وآنه ماداعي بعد أوصيك بيهم

ياعلي....ولدي كون ابعينك اتخليهم
ياعلي...اهواي اريد ابزينب اتوصيهم
( إنا لله وإنا إليه راجعون )

سيد علي الموسوي
34
الناشر معتز الموسوي

29 Nov, 16:34

هالعزاء....مانتوفق انحظره
هالعزاء....لوما نظرة الزهره

من حظرنه للعزاء واتوفقينه
هاي دعوة فاطمه ونظرتهه لينه
اهواي ام الحسن متفظله علينه
حتى جيتنه بديهه ومو بدينه

هالعزاء...مانحظر إله ونقره
هالعزاء...لوما نظرة الزهره
.....................................
چان بيت احزان واحد فاطمه الهه
هسه صارت هالمجالس إلهه كلهه
هيه ام التعزيه وعونه الوصلهه
والله هذا الخير كله من فضلهه

هالعزاء...گلب الطاهره ايجبره
هالعزاء...لوما نظرة الزهره
.......................................
خل تلوم الناس بينه ماتهمنه
على حب هاي الخِدامه انشد حِزِمنه
نعتبر أم الأماجد هيه أمنه
نبتعد والزهره بالمجلس تلمنه

هالعزاء...يضمن للمُحِب أجره
هالعزاء....لوما نظرة الزهره
..........................................
بالعشگ يهل العشگ صرنه عوابس
وابمحبة فاطمه يحله التنافس
غير هاي الخدمه ابد ماعدنه واهس
واعله كل جو يختلف جو المجالس

هالعزاء....حَتماً يختلف عطره
هالعزاء....لوما نظرة الزهره
........................................
إي وحگ زينب واخوهه الغالي عباس
نبقه خدام الزچيه الآخر انفاس
عالم الخدمه يوادم عالم احساس
باچر ايبيض وجهنه ونرفع الراس

هالعزاء...نعمه ونكسب البُشره
هالعزاء....لوما نظرة الزهره

سيد علي الموسوي
32
الناشر معتز الموسوي

29 Nov, 16:33

يا حال توصف حاله .. وضل خالي الليله الدار
حيدر رد لازم ظهره .. دافن بجفوفه الزهره
وضل خالي الليله الدار
****
رد قالع البيبان يمشي بهيده
زهرة حياته الليله دافن بيده
ام الحسن تسري اويَ دم اوريده
يا حال حاله بمحنته الصميده
هلت ياناس عيونه .. ودمعه اعلى الخد نهران
بالكوه يجر الحسره  .. دافن بجفوفه الزهره
وضل خالي الليله الدار
****
رد منحني وياحال صاير حاله
حتى الصخر عالزهره ضل ينعاله
يتعثر ودمعه علي تجاله
حيله انهدم حتى الجدم ماشاله
عالزهره تهل دموعه .. ويعثر بدموع العين
مهموم و ياهو يصبره  .. دافن بجفوفه الزهره
وضل خالي الليله الدار
****
كلما يصد عالباب ينزل دمعه
وكلما يصد مسمار يلزم ضلعه
شصاير يناس بحاله عكب البضعه
اهل المكابر بالبوابجي تسمعه
بس عالفركه الله يعينه .. مفارك ياناس عزاز
مجروح تخنگه العبره .. دافن بجفوفه الزهره
وضل خالي الليله الدار
****
كلبه يحن للزهره ولملكاها
شحاله ويرد للدار مايلكاها
روحه اعلى كبر ام الحسن خلالها
بذاك اللحد حيله اندفن وياها
يمشي ودمعاته بعينه .. يرجع لدياره شلون
محتار وهمه شكبره  .. دافن بجفوفه الزهره
وضل خالي الليله الدار
****
شاب الجفن والحيل رايح منه
من ونه داحي الباب يغفه بونه
مكسور كلبه وللكبر يتعنه
وياها ميت باللحد يتمنه
وياها تمنه يدفنونه .. والفرگه تشيب الراس
من بابه وذيج العصره   .. دافن بجفوفه الزهره
وضل خالي الليله الدار
****
مجروح حيدر بالألم واللوعه
ما تنشف وي الليل لحضه دموعه
محنيه لمصاب الزجيه ضلوعه
و ونات گلبه من العرج مشلوعه
كل ليله ينوح بحركه .. تفطر گلبه من النوح
الهاضمته جفوف السطره   .. دافن بجفوفه الزهره
وضل خالي الليله الدار
****
تمت
احمد الخفاجي
21
الناشر معتز الموسوي

29 Nov, 16:33

مدد يا ابو فاضل

معروفه الغيره الشيعيه
من عندك يبن البدويه
ماخوذه الروح الحربيه
من روحك يالروحك تچوي

البارد يحتر من يتذكر
چفك ذاك الطاح الاسمر
طبع الحبك عالشر يزئر
نار بگلبه اعله الشر تدوي

.
منك اتعلمنه فن اسمه القتال
واليگابلنه مصيره للزوال
زلم والساحات تشهد للرجال
.
.
.
.

نلوي اذراعه الشال اذارعه
والضدك ما يبقى بگاعه
كل ذاك الجيش وأتباعه
لا جو ولا كاع اتلمه

نحفر راسه الحطنه برأسه
والمذهب انتم حراسه
أنصار حسين احنا وناسه
نسحگ بطن اللبوه بظلمه

خل يطبعون العرب طول السنين
ويانه جف حيدر علي الحبل المتين
همه عدهم اسلحه وعدنا الحسين
.
.
.
.
العادانا نفوت بعينه
ريحاً صرصر من هدينه
والزهراء احتاروا بينه
هزيناهم هز الرايه

ما ملينه وملانه الشر
راويناهم يوم المحشر
جفك انطه الضوء الأخضر
وبنصهم دگينه الثايه

غيرة الشيعه وعلي كلها أفزعت
وحاله من حال الحجر ذاك السكت
الصِمت هاليوم جده هم صِمت



.
.
.
.
كالو آلاف التهوانه
گلنه العباس احنا ويانه
خيبر واجنوده وحيطانه
نقلعها بيا حيدر كلها

ضربت مرحب رجعناها
واخيام العز ثبتناها
ارض المحتل هزيناها
وين التوجعهم نندلها

ما نساوم عالقضيه من زمان
احنا من انطگ نحطها بالمچان
وادم اتعيش برعب والنا الامان


.
.
.


يرحل قائد يطلع قائد
تفزع ميه بموت الواحد
يا عباس وانت الشاهد
ما نرجع الا انصفيها

عدنا الميت حيٌ يرزق
بلكي الله انموت ونتوفق
وندرك هذا الفتح الاصدق
لحسين الروح انوديها

المعركه البيها زلمكم تنحسم
علمتنا الفعل مقياس الزلم
اليگطع اجفوفه لَدِينه اكبر شهم


الشاعر عبدالله الشويلي
20
الناشر معتز الموسوي

29 Nov, 16:32

انه خادم. وانذر   عمري الفاطمه
وبالمجالس تنزل  دموعي من دمه
المئاتم  نعمه  وآية من السمه
سال  سال سال دمعي
نوح نوح نوح طبعي
****
انه عندي  المهم ترضه  الزهره عني  بهل الخدامه
ومو مهمه  الشهره عندي  ولاني مهتم  للملامه

انطي ضهرك للملامه شما تسولف بيك
بشر ما عاجبه كلشي شترجه ترضه عليك
الخلص عمره بس يلومك كلشي ماينطيك

عوف كلشي  وارخص  دمعك لم حسن
دمعه وحده  الها   اغله من الثمن
الدنيه تخلص  وانت  رايح بس جفن
شراح شراح شراح تدعي
**
يسيل دمعي  للزجيه  والضلعها  والصفعها
والهضمني  العصرها  والسطرها  والدفعها

بالحطب هجمو عليها ولاذت من النار
دفعو الباب بضلعها يكسر المسمار
مجتف بحبل الوصيه ويلي حامي الجار

ياهضيمه   ضلعج  فاطم ينكسر
وانتي آيه  وسوره  وقرآن الفجر
بت محمد  بالباب   صعبه تنعصر
ويل  ويل ويل وضعي
**

حكي ابجي  بكلب محروك  طول عمري على المصيبه
قلب حيدر  بهاليالي  مايبطل  من نحيبه

يبجي من دم الفكدها ويكضي نوح اليل
القالع البيبان بيده منه راح الحيل
كام يتوجه على صبره والدموع تسيل

جفنه ذايب  بعدج   تنزل دمعته
لزم ضهره  بدفج  صارت رجعته
كل الاملاك  بالنوح  حيدر سمعته
صاح  صاح  صاح اسمعي
***
برض ضلعها  النفس كامت   تجره كوه  من المها
على الحايط  اثر صوره  كل حزنها  بنزف دمها

عصرت الباب على فاطم بيها شهكت موت
بطيحته على الكاع محسن يمه صاح بصوت
اشفت من دنياي حته اتمدد بتابوت

بعصرت الباب  محسن  منهم ماسلم

بهيده صوته  وناده    يمه من ألم
بكسر الضلوع  والهم  كل ضلعه انهشم

راح  راح. راح  ضلعي
*****
علي اليله  بلحضه وحده  منه راحت  كل حياته
بنعش فاطم  وعينه تجري  وألم جرحه من الشماته

علي فارك كل حياته ويجري دمع النوح
من الدفن مكسور ضهره راجع بلا روح
رد ابو اليمه يكابر وقلبه كله اجروح

يمشي كوه  وحيله  تبده على الكبر
يجري دمعه  وانطر  كلبه المنكسر
هذا حاله  عكبج  شيخلص العمر
آه  آه آه انعي
****
تمت
احمد الخفاجي
22
الناشر معتز الموسوي

29 Nov, 16:32

انه بدنياي  انظلمت اهواي. الك شكواي.  يابويه
الضلع كسروه.  فلا رحموه.  اشكثر اذوه. يا بويه

الطكني اعله عيني.. طيح جنيني
*
يارسول الله. اتعذبت والله.  بس رحت عالدار هجمو
نكرو اوصيتك.  وداهمو بيتك.  وحطب يم الباب خلو
امن العصر تدري مختنك صدري.  علي مو بالدار عرفو
بطيحت المحسن. كلبي ضل يون. والطفل مقتول عرفو

الحقد مدفون.  علي يردون. يبايع كون. يابويه
شفت بالدار.  لهيب النار. وهذا الصار. يابويه
واشتد ونيني. طيح جنيني
****
هشمو ضلعي. وختلف وضعي.  ويصعد الدخان انضره
خانت الأمه. وهضمتي هضمه. بعدك الايام مره
هذا يدفعني. وذاك يصفعني.  وعيني من السطره حمره
يا محمدها.  وانته سيدها.  الخانت الاسلام زمره

بغدر ورهاب.  اجو عالباب.  اهواي أسباب يابويه
الخلافه تريد.  وظلمها يزيد  العتب ميفيد.  يابويه
الروع بنيني.  طيح جنيني
**
جمري ضل يسعر. من شفت حيدر. بالحبال امكيدينه
بخدي صب دمعي. وبويه ردت ادعي.  وكلب اعليها المدينه
اهتزت الجدران.  وبالعجل سلمان. ناده مهلاً بت نبينه
والدج رحمه.  سيد النعمه.  علي ايكلج يالحزينه

ارجعي يكول.  انه المسؤل  وعذابي يطول. يابويه
انه اتوصيت.  بحزن ضليت. اشكثر ناديت. يابويه
والعاده ديني.  طيح جنيني
*
نفسي اكطعنه.   وكوه اجرنه.  امن الألم ماشيل اديه
ضلوعي كسروها.  وعيني سطروها.  وانه يدرون الزجيه
فضه الحكيني.  بسرعه سنديني.  صحت ودموعي جريه
من جريمتهم.  امبينه فعلتهم.  وربي شاهد عالقضيه

شهودي اثنين.  الحسن وحسين. وهاي العين.  يابويه
ضلع مهشوم.  وبقايه دموم.  شخص مظلوم.  يا بويه
ضاعت سنيني. وطيح جنيني
**
راحتي بموتي.   حضرو تابوتي.  كربت ايامي الأخيره
كثرت جروحي. ولجمتي بروحي.  وحيرتي بالدنيه حيره
حانت الفرگه.  والعمر خنگه.  وحسرتي بكلبي جبيره
خاويه ضلوعي   وتهمل دموعي.  وناضري المن اديره.

ظلام الليل.   هدملي الحيل.  سگاني الويل. يابويه
ثگيله الآه.   صحت ويلاه.  الوداع اهواه.  يا بويه
ريتك تجيني.  طيح جنيني
*
تمت
تحسين الخفاجي
31
الناشر معتز الموسوي

24 Nov, 14:07

#_استشهاد__الزهراء ع



ماتـت حـبيبة حـيدر وروحه
وحيدر بقى ابوناته وابنوحه

        •••••••••••••••••••

حــــيـدر ابيا حـال فاطـــم عافته
حـيله مـــات ابيـوم ماتت زهــرته
حامـــي جـاره جــاره يسمـع ونته
وضلمه كلها ابعينه صــارت دنيته

منهو اليداوي اخلافها اجروحه
وحـيــدر بقى ابوناته وابنـوحه

ــــــــــــــــــــــــــــــــــــــــــــــــــ

حــيـــدر ابـونـاته ضـــل وبالـدمع
وضلعه ياذي لـو ذكـر كــسر الضلع
راحت أُم بيته الگبل چـــانت تشع
مــاتـت ابهـيده مـثل مـوت الشمع

ضلت مهجته اعليها مجروحه
وحـيدر بقـى ابوناته وابنوحه

ــــــــــــــــــــــــــــــــــــــــــــــــــــ

كلشي چانـت فاطــــــمه عند الولي
وتالي راحت منه وادمـــوعه اتهلي
علي صـار اخــــــلافها ما چـن علي
من بعــدها صار ابد مـــــــو الاولي

اليفگده حبيبه ادموعه مفضوحه
وحـيـدر بقى ابـــــوناته وابنوحه

ـــــــــــــــــــــــــــــــــــــــــــــــــــــ

طفت ناره باب بنـــــت المصطفى
وگلب ابو حسين ابجفاها ما طفى
گلبه متوجر على الراحــــت صفى
وعذبه وجه الزچــــيه امن اختفى

صعبه اليشاهد روحه مذبوحه
وحـيـدر بقى ابوناته وابنـوحه

ــــــــــــــــــــــــــــــــــــــــــــــــــــــ

ابـغـربه ضل ابدونها ابهذا الـوطن
وطـن حـيدر صـار گـبر أُم الحسن
لو يصـح بيده إبـگــبرها چـا سِكن
وما يضل بس للمصايب والمـحـن

جرح المفارگ هدم اصروحه
وحيدر بقى ابوناته وابنوحه

ـــــــــــــــــــــــــــــــــــــــــــــــــــــــ

بموتت الزهـره انكسر حامي الحمه
وضل ينادي ابـــكل وكت يا فاطمه
اشلون بالطف لو يشوف ابنه انرمه
بالسـهام  وغـسّـلـه فــيــــض الدمه

وعالغبره جثت حسين مطروحه
وحـيـدر بقى ابـــوناته وابنـوحه

ــــــــــــــــــــــ

لخادم الحسين ع الشاعر /
سيد محمد السعبري .
145
الناشر معتز الموسوي

24 Nov, 14:06

((مشكلتي))


مشكلتي .. عشگج الزمه بروحي
سالــفتي .. لا مــــــا يبطل نوحي
بس انتي .. بگلبي وابد متروحي

يــــايمه   يــــا فـــاطمه المضلومه
بالضلمه   نــعشچ مشه ومهضومه
شيضمه   دمــــع الـــغدت مــالومه
يــــايمه   روحي اصبحت مهدومه

زهراء .. يــــالوعتچ ياحسرتچ  يم الحسين
زهراء .. ياسطرتچ   يادمعتچ  يم الحسين

يافاطمه يايمه ...
       """""""""""""""""""""""""""""""""""''''''''''

وشموعچ .. ليش انطفن بالحسره
ودموعـچ .. مــــا ينگـضن يالزهره
وضلوعچ .. وتـــكسرن بــالــعصره

يا وسفه     ام الــحسـن مـذعــوره
مو كلفه     ام الــعـرش مـشــموره
للعــــفه     صارت ستر كــل سوره
شتلـــفه     جــرح الجِفن مسطوره

آهات .. غربه وعده  والوحده   راعي العرين
آهات .. بي ياجرح   يغفه برمح  راعي العرين

يافاطمه يايمه ...
  """""""""""""""""""""""""""""""""""''''''''''

مچويه .. مـثـل الـشـمع وتــندي
العلويه .. شگد صَيحتْ يالمهدي
اي هيه .. وحــــال الضلع متردي

وجروحچ    محسن غده بيا حاله
وبـروحچ     تـــــتـأمــلين هـــلاله
يـا نوحچ     الـــبيتچ لـفت خياله
ويلوحـچ     ذاك الرجس وامثاله

ياويل  حال المطر دم الصدر ومسطوره
عين
ياويل  من تنتچي  تشبع بچي ومسطوره عين

يافاطمه يايمه ...
        """""""""""""""""""""""""""""""""""''''''''''

عـانيتي .. مـن حيدر يجرونه
ونـــيتي .. باب احترگ بعيونه
نشديتي .. لـــو حيـدر إيردونه

ذبـــلانه     هواي النذل أذاها
حــيرانه    چـف الغدر لاحاها
عطشانه    بس حيدر الرواها
زعـــلانه   قنفذ اجه ودفعاها

مطروح   حمل الزمن يبچي الحسن صوت الونين
مطروح   گلبه انثلم  دمعه بألم  صوت الونين

يافاطمه يايمه ...

"""""""""""""""""""""""""""""""""""''''''''''

يــــازينـب .. اي چم حرگ شفتيهن
هم ينحب .. گــلبـچ ومـــا عفـتيهن
ومـــتــرب .. بـــاب وخيم ضگـتيهن

مــن امچ    حــزن الـــوكت بذيالچ
من هـمچ    شــيب الــدهر بخيالچ
وبــدمـچ     يمشي السبي وبحالچ
هاي امچ     تـبـچي وتون لــعيالچ

تمشين  فوگ الهزل  وبيدج حبل وبيا حنين
تمشين  عينچ تصد  اليا جسد   وبيا حنين

يافاطمه يايمه ...

عبد زينب
محمدالابراهيمي
114
الناشر معتز الموسوي

24 Nov, 14:06

((سلامي للرضا))


يتدري بگلبي مــاتطفاش ناره
وشــلي بدنـيتي دون الـــزياره
يـــنهش بيه ليـلي والـمسافات
وتضل أعيوني بالفرگه أتجاره

مشهد ..
حمل غافي .. علـى اچتافي
الرضا نَساني ليلي من نهاري

مشهد ..
حلم وردي .. ودمع خدي
وبعيون العشگ صاير قراري

انــه اختاريته هـوه
العشگ ياناس بلوه
ترى مولاي يــــسوه .. أمامي

وي الـــراح زايــر
اوصيك آنه حاير
اذا شفت المناير .. سلامي

سلامي للرضا وصلو سلامي ...
                              """""""""""""""""""""""""""""""""""''''''''''

وي كل خطوه أعيش الخطوه بالبيت
وأبــــاوع بـــالصوره وأصــــرخ تمنيت
ويـاكم يــــالمـشــيـتو تـــبرد الـــــروح
هنياله الـــمـشه بـــس آنــــه ضـــليت

أمشي ..
چا يمته .. موعفته
العمر عفته بدرب كل القوافل

امشي ..
حاچوني .. دلوني
شكثر وديت للضامن رسائل

چـــا يحسبني يمته
ازورن حضرةّ اخته
وأتعنه الــــــرحمته .. اشتياقي

يالماشي برجائي
اذا تســمع ندائي
گله الشوگ دائي .. وآنه باقي

سلامي للرضا وصلو سلامي ...
                              """""""""""""""""""""""""""""""""""''''''''''

متوازي بضريحك أترس العين
محضــــرلك هديه تربةّ حسين
أذا مو أنته تآمر وأنتـه التـــگول
هاي النـــــاس تدريها مــساكين

زاير ..
أذا تآمر .. أنه حاضر
ركض أم من أجيلك فاگده الشاب

زاير ..
للحضره .. والعبره
اعلگ روحي دمعه برزةّ الباب

وأقـــــرالــــك مصيبه
أعله ضعنك والحبيبه
والــــضــلت غــــريبه .. غريبه

والـــــضلت تتاني
العـــليله يـازماني
وتحسب بالثواني .. مصيبه

سلامي للرضا وصلو سلامي ...
                              """""""""""""""""""""""""""""""""""''''''''''

جنح گلبي انكسر مجبور اتاني
أحاچيّ بروحي معقوله نساني
الرضا السلطان ماينسه اليحبو
غزاله وريته يحسبني وخذاني

ضامن ..
كل دمعه .. كل شمعه
أسولف من بعيد الوحدي حاير

ضامن ..
حسراتي .. آهاتي
چا يمته بطريقك أمشي زاير

حلم گلـبي تطشر
يمته أبابك أحضر
الفكر كلـش تحير .. عليه

شسوي وأنــــته تدري
وَشل منـــي صــــبري
اختنگ بالعبره صدري .. شبديه

سلامي للرضا وصلو سلامي ...
                            

عبد زينب
محمد الابراهيمي
71
الناشر معتز الموسوي

24 Nov, 14:06

((قاسم للعطاء))


آلــ الخــير انتــم آل فــــاطم
المو خادم بحبكم صار خادم
ابنكم بالعطايه مـغرگ الناس
يالمقسم الرزق سموك قاسم

خيرك مالَه حد
يــريعان الـشهد
يـريســان البــلد .. مولاي

عطائك والهلا
ودمعـةّ كــربله
مترد مسئــــله .. مولاي

اليجولك من يردون
مـن خيرك يفيضون
اليَــم بابك ينوحـون
بــــالبشره يرجعــون

يبن الاولياء ... قاسم للعطاء
                         """""""""""""""""""""""""""""""""""''''''''''

جود الماي يــاجود العطائآت
ياجود الرضا ورزق السموات
يبن الخير واصـــلاب النبيين
أجسم گلبي عالراحن سبيات

يرازقني الدمع
ياحُب والشرع
يــــاكـــوثر نبع .. مولاي

من جرحك ألم
رايـــد لـــلـخيم
ولضعون القيـم .. مولاي

اريــدن مــــنك هواي
يناعي حسـين عالماي
يسلطان انته مــوجود
حرز اسمك مشه وياي

يبن الاولياء ... قاسم للعطاء
                       """""""""""""""""""""""""""""""""""''''''''''

سلطان واخـــوك بـــزود سلطان
وابوكم فارس وبچــفوفه العّنـان
وامــكم فــــاطمه ياقـاسم الخــير
بس جدكم گضه عريان عطــشان

عطشان وقهر
عــريان ونحر
وبـــعيد النــهر .. مولاي

وخيام العشگ
صارت تحترگ
وسياط وتطـگ .. مولاي

تــــركض عــمتك وين
وتـــعثــر بــــالمطاعين
لــــلتل راحــــت شلون
تصيح الحگنه يحسـين

يبن الاولياء ... قاسم للعطاء
                            """""""""""""""""""""""""""""""""""''''''''''

جـــرحــكم سيدي ياهـو اليضمده
گضه عمر العشگ شده أعله شده
ذبح والغربه وسمــوم ومـــساجين
موده وذبــحو عــيــون الـــمـــوده

ذبحو چم طفل
وعمتك عالهزل
يويلي وبالحبل .. مولاي

ذبــحو رايــتك
وسلبو عــيلتك
وطاحت عمتك .. مولاي

ســبايه ازغار وايتـام
ومــچتوفين لـــلشام
وخرابه وناس شمات
تدري الشــام ضــلام

يبن الاولياء ... قاسم للعطاء
                           
عبد زينب
محمد الابراهيمي
60
الناشر معتز الموسوي

24 Nov, 14:06

مقدمه للزهراء ع

عظم الله لك الاجر علي

فاطمه مـاتت ودارك طـــــــافيه
راحـت اوارحـــت اوياها العافيه
القبل چانت ماليه اعليـكم الدار
وســــفه هسه بالمـــگابر غافيه

عظم الله لك الاجر علي
ـ-------------------

باد حيـــــلك مــن ردت تغسيلها
خاف تاذي ضـلوعها امن اتشيلها
الله يجــــبر گلبك بهذا المصاب
جمر حگها دموعك امن اتسيلها

عظم الله لك الاجر علي
ـ---------------------

شــــلون راح اتنــام ليلك دونهه
وزهرتك بيدك امغمض اعيونهه
ياعلي ياحيـــــــــرتك بعد البتول
مــــــن بعد هاليوم متشوفونهه

عظم الله لك الاجر علي
ـ--------------------

شلون حـالك مـــــن بعد فرگاهه
الچنت تتشـــــارك بكلشي اوياهه
شلون لوگلبك يحن وكت الغروب
وتجــي اطـب للـــــــدار ماتلكاهه

عظم الله لك الاجر علي
ـ---------------------

شلون لوشفت الحسن وحسينهه
وزينب المانشف مــــــدمع عينهه
ازغار عافتهم ويمك مــــــن يجون
يســــــــــــألونك بويه فاطم وينهه

عظم الله لك الاجر علي
ـ-------------------

✍ الخادم
كامل السعيدي
62
الناشر معتز الموسوي

24 Nov, 14:05

شيعنه نعشچ فاطمه
مولاتي يامظلومه
ـ-------------

وي علي اوي الحسن وحسينچ
يالزچــــــيه احبــابچ امشيعينچ
الكون اضـلم يوم غمضت عينچ
وغابت امن اليل حتى انجـــومه
شيعنه نعشچ فاطمه
مولاتي يامظلومه
ـ--------------

لبست اســـــود شيعتچ هليله
الحزن واحــــدهم امهدم حيله
نعشچ ابوســط الگلوب انشيله
اجروحنه يم الحســـن ملچومه
شيعنه نعشچ فاطمه
مولاتي يامظلومه
ـ--------------

واجب انواسي الامـــام المنتظر
اويانه بالتشـــــــيع يافاطم حضر
نعشچ اتحمله الملائك والبشر
وكلها تصرخ ويلي عالمحـرومه
شيعنه نعشچ فاطمه
مولاتي يامظلومه
ـ--------------

ابيا ذنب كتلوچ عمـر اثمن طعش
وحتى محـد وي علي شال النعش
بيچ سـراً للدفن وحـــــــده غبش
وهسه كلنه اوياه انعينه ابيـــومه
شيعنه نعشچ فاطمه
مولاتي يامظلومه
ـ--------------

سجلينه ابدفترچ مـــــن الخدم
ابلا رضاچ الدنيه اشـــبه بالعدم
الماخـــدملچ باچر ايكتله الندم
ويشعر ابنقصه وضميره ايلومه
شيعنه نعشچ فاطمه
مولاتي يامظلومه
ـ--------------

✍ الخادم
كامل السعيدي
81
الناشر معتز الموسوي

23 Nov, 17:14

نعي

بسكوت تجري الدمعه بسكوت
يمه اعله طولج ماكو تابوت
وامنين طب البيتنه الموت
مو بيت والله نهجمت بيوت


كسر الضلع هد حيلج اهواي
زينب اخلافج فگدت الراي
بدموعي اغسلج موش بالماي
يالزهره لعمي اعليج عيناي


الظالم اجه ابناره تلگاج
و بقوته اعله الباب دفعاج
عالمحسن تونين خلاج
ليش اعله خدج حيل سطراج

للمكبره ودونه ليها
امنه ونريد نون عليها
اليوم المحنه دافنيها
جم يوم صار امفاركيها


هوسات
1-وكون بيه ولا بيج والطكه يمه

2-واذاني ضلعج حيل صابه البسمار

3-وفوك المغيسل مات حيدر وياج

4-وذب  العمامه اعليج من راسه حسين

5-واليوم زينب ضلت ادگ عالراس

الشاعر
تحسين الخفاجي
116
الناشر معتز الموسوي

21 Nov, 16:51

غريبه راح اخليج      وبخوج حسين اوصيج
لو ظهره انكسر     شميه بالنحر
****
يمه زينب  كرب موتي      وحانت الساعه الاخيره
شدي حيلج    عالمصيبه      مصيبتج باجر جبيره
حسين باجر يبقى وحده        وناظره المن يديره
شما اصدله ايگطعونه        وجسمه ينلم بحصيره

وحده من تشوفيه.   بيدج مهره قدميه
همه لو كبر    شميه بالنحر
**
بدمع عينج.  روحي يمه    ونفذي يايمه الوصيه
امي گالت  شمي نحره       لو گرب يوم المنيه
فوگ صدره  تروح وترد    باجر خيول اعوجيه
الشمر بيده من يذبحه         يذبح وياه الزجيه  

ويگلهم ذبحته    ودو الراس لخته
راح اشبع قهر     شميه بالنحر
*
عالترايب  يبقى جسمه.   عاري ومسلبه اهدومه
بالحوافر. راح صدره.   وماكو مثل حسين يومه
ايموت ضامي ونحره دامي.   وعالرمل تنزف ادمومه
آه ياشمس الظهاري      باجر اتغير ارسومه

يمه انتي وبناتج     فييله بعباتج
اهناك اخذي الحذر     شميه بالنحر
**
الحرگ بابي   راح باجر     يحرگ الخيمه عليجن
عگب اهلجن محد الجن    وكلها غربه شلون بيجن
الخيل تهجم  عالمخيم      والشمر رايح يجيجن
ايصيح بيجن وحده وحده    وبحبال ايشد اديجن

عالتل من تصعدين     جم خاطر تكسرين
ومن بعد الگمر      شميه بالنحر
**
يالعقيله. شما اشوفج     بلا عشيره ولا گرابه
الشام ياخذ راح حيلج.   واه يالشام وعذابه
الشده باجر يمه زينب     من يخلوج بخرابه
اهناك طفله من حلمها     تفز تصرخ بابا بابا

رقيه باخر انفاس     راح اتموت عالراس
باقي بخدها اثر      شميه بالنحر
****
تمت
تحسين الخفاجي
ميثم العمري
164
الناشر معتز الموسوي

20 Nov, 08:47

#مقدمة_عزاء
تهت بين النفس وانته
وقراري تهزة الذنوب
اجرحك وارجع اتندم
وارد والبسلك الثوب
حبر يتبده عالگلته
وحجي يغيره الغروب
دينك ماتسده دموع
لطبگت جفني مطلوب
..................
اذا ماترزق عيوني
دمع لخيامك اعميهن
اذا مايبجن بطاريك
اعله ياهو اليسوة ابديهن
غمهه العين المو لحسين
اشلعن بيدي وانطيهن
غير عيونك ونحرك
يشوفون لاتخليهن
......................
مرتضى مهدي
169
الناشر معتز الموسوي

19 Nov, 20:59

قصيدة عظمة الزهراء ع••||
ثگيله


معروفه  علويه وقدسيه زهرة حيدره
بت النبي طه ومسراهه هيبه ومفخره

فاطم تلوگ اعليهه چلمت هاشميه
وباالاصاف تصير   كلشي الفاطميه....
زهراء
•••••••••••••••••••••••••••••••••••••••••••••••

انتي شم العطر •••انتي كل الستر
يافاطمه الجليله وحياتچ كل وطن

عضيمه بكل فعل•••الورد يمچ ذبل
ويشع نور  عالسنين  ماتبقه لمحن

علي               علي

علي  ألچ عمر الورد
چف الخلگ يمچ يرد
لعشگ دربچ صرخ مدد••• كلچ كرمات

انتي  الرحيمه  وعالمه
ستر الله ونتي محشمه
روحي لنبي  يافاطمه•••يم الحجابات

بيچ السمه منوره يادرة ونوار السمه
ويرضه لمرضاتچ وهاتچ باچر فاطمه

بيت النبي صارت الچ اعظم رزيه
وباالاصاف تصير كلشي الفاطميه....
زهراء

•••••••••••••••••••••••••••••••••••••••••••••••

شريفه وبت اصل•••عضيمه وبت رسل
أم  لحسن انتي  وكرمهه  بكل مدينه

لويجي من لخلگ•••وگف بابچ يدگ
اعمه ومن وره الباب تطعمه الحنينه

علي                علي

لعلي ختارچ صدگ مره
يم   النبي   يالطاهره
بشوفچ حياته منضره••••حيدر ولينه

أم  الحسين  الزاهده
معروفه حتمن والده
بس لله روچ ساجده••• دربچ سفينه

ليمشي على دينچ وسنينچ واضح مصدره
أم  النسه  انتي  ياجنتي  دنياه  وأخره

ليحضر عزائچ من صدگ مقبول بلميه
وباالاصاف  تصير  كلشي  الفاطميه....
زهراء

•••••••••••••••••••••••••••••••••••••••••••••••

كريمه بلا وصف•••ونتي بيتچ سگف
لامن قصور تملگين فقط بس حب علي

وجميع البلسمه •••••• تحبچ  فاطمه
وتعرفين بالگلوب المشه بدرب الولي

عشگ            عشگ

ذكرچ عباده بكل امر
يالعمرچ يروح  بزغر
چف الله رسام كل فجر•••راسم صفاتچ


الينكر   نعمتچ   ماربح
يالذكرچ من الله وضح
معصومه يلبسمچ ملح••• تنگط عباتچ

محد بقه حاير ولصابر خلصت شدته
يالوگفتچ  نعمه  والزلمه  منچ  نعمته

اعضم تجاره بخدمتچ يمه الزجيه
وباالاصاف تصير كلشي الفاطميه....
زهراء

•••••••••••••••••••••••••••••••••••••••••••••••

لاقصر لا ذهب •••فقط حب انكتب
من عطائچ يلوفيه بكل شددنه محزمه

سيده اعله الزمن••• وعباتچ للوطن
وشرف ماكو مثله ولي ينكره نعمه

شرف          شرف

كل  الكواكب والقمر
عندچ مواقيت العمر
يارحمه للعاشك جسر•••يم الهواشم

هنياله كلمن طاح الچ
يفدي حياته لكل هلچ
يمشي بستر  ويمثلچ•••كل عمره هايم

دربچ درب ساده ولقاده حيدر والگمر
منچ طلع ضعنچ يلصدرچ بلباب نكسر

والله يلعن  كل  نذل  سوه الااذيه
وباالاصاف تصير كلشي الفاطميه....
زهراء

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء||1446ه‍
160
الناشر معتز الموسوي

19 Nov, 18:51

لأن ام الحسن مجروحة احساس
الله ابدال محسن خلق عباس
گمر لوليدج حسين • بثوابج ينطي جفين

……………………………………………………………

ابلحظه البيها محسن مات .بذاك الجذع والبسمار
من روحه انخلق عباس . دمه لكسر ضلعج فار
يعيش الباب بحساسه . وتعيش ابراسه ذيج النار
لذلك صاروا ينادوه . دخيلك يا بو راس الحار

لان عينج اعليها اثار سطره
عيونه من الزعل عباس حمره
هدالج بالحرب عين • بثوابج ينطي جفين

……………………………………………………………


هو و زينب ابكل يوم . الهم كعده يم الباب
تكله اهنانه يا عباس . ضلع امنه الزجيه انصاب
دخّن من سمعها اتكول . لاذت لان ماكو احجاب
غيره و مو دمع يبجي . و بكلبه الجمر لهاب

تكله اهنانه امنه اعله الترابه
بسياط و رفس من الصحابه
عاش امصابج اسنين • بثوابج ينطي جفين

……………………………………………………………


كلمة مدد يا زهراء . بالطف يلهج السانه
عطش بس ما غراه الماي .لجل بنتج العطشانه
مهر الزهره هو الماي . وابنها شفافه ذبلانه
اصد صورتها وسط الماي .العطش عبدالله حزنانه

قسم بعيونج واهات ضلعج
الماي وانا فدوه نروح لبنج
عليه المهم  ترضين • بثوابج ينطي جفين

……………………………………………………………


خدر بنتج علگ شدّاه . ابيمنته وابد ما فلاه
اثر جدم العزيزه ام عون .من فوگ الارض مسحاه
وقف بس الها عاش سنين . لخدمتها العمر نذراه
اخر كلمه لمن مات . اه الأختي زينب اه

واخذ صوته الهوه و وداه عليها
سمعت وابتدت قصة بجيها
قصة جرح و ونين • بثوابج ينطي جفين

……………………………………………………………


بسهم عينه وكتب عالگاع . رساله والج خطاها
عذراً يم حسن عذراً  . بنتج محد احذاها
ظلت بين سوط وخيل . تركض والشمر جاها
عذرا يم حسن عالنوگ . وسط السوگ فراها

راسي يميل من اتميل بنتج
وافورن لو شمر يمها ويشتمج
خجل فايض بالجبين . بثوابج ينطي جفين

……………………………………………………………


خلق لولادج الايتام . حضن كله دفو و رحمه
تخلت عن اسمها وخاف . كلب اولادج اتلجمه
مو ضره ادخلت للدار . اجت متعنيه للخدمه
مره عدها الحسين انفاس . مثل غركان و اتشمه

لجل عيونج انطت اربع اقمار
تكلهم فدوه لسم الزهره نندار
خلقلج ام البنين . بثوابج ينطي جفين

……………………………………………………………
✍️ ( سيد خضر الزاملي)
118
الناشر معتز الموسوي

19 Nov, 18:46

(( #من_أجلها ))
……………………………………………………………

مِن أجلِها .. الريحُ و الضوءُ أنخلق
مِن أجلِها .. دامَ النهارُ و الغسق
صلّت بحارُ الماءِ .. شكراً إلى الزهراءِ
يا فاطمه .. يا فاطمه

……………………………………………………………


ناداها جبار السمه
كلشي انخلق يا فاطمه . لخاطر عيونج
تفاحه و اتراب البشر
هاي الشمس هذا الگمر . يطفن بدونج

كل جبل بالكون انخلق . چي هامتج مرتفعه
ابكد احرف اسم ام الحسن . صارت كواكب سبعه
اول ضوه يم العرش . ضوت عباتج شمعه

قبلَ القمر .. قبلَ الصباحِ والفجر
قبلَ القمر .. منكِ الضياءُ ينتشر
يا مركزَ الاضواءِ . شكراً الى الزهراءِ
يا فاطمه .. يا فاطمه

……………………………………………………………


فاطم ومو بس عالنسه
اعله الزلم متريّسه . عالكل أميره
كل نبي ما ينجح تره
الا ابدعاء الطاهره . بالهم تجيره

نيران و ابوسط اللهب . ابراهيم ناده الزهره
ابفضل ام حسن نار اصبحت . بلون الثلج مو حمره
عصّات موسه المعجزه . ابفاطم تظل منتصره

يا مريمُ .. هزي بجدعِ النخلةِ
يا مريمُ .. و للبتولِ فأنصتي
من ألفُكِ للياءِ .. شكراً الى الزهراءِ
يا فاطمه .. يا فاطمه

……………………………………………………………


سبحتها مو خيط و خرز
الكون بيديها انفرز .  بأصبع تديره
سبحتها خضره امعطره
بيها الكواكب دايره . كلش زغيره

الشاهود تعتبره الشمس . وكل خرزه تنعد كوكب
تبدي الفصول الاربعه . بيد ام حسن تترتب
الارض چن حبة ذره . مقبوضه بيد ام زبنب

لولا هيَ .. ما طارَ طيرٌ و أرتفع
لولا هيَ .. لا ليلُ بالبدرِ أجتمع
لا صوتَ للظلماءِ .. شكراً الى الزهراءِ
يا فاطمه .. يا فاطمه

……………………………………………………………


اعبايتها من الله الصنع
جبريل خيطها ابسنع . حس جنحه بيها
شيلتها من أعلى العرش
اعليها اسم فاطم منّقش . مقري عليها

متوهم اللي يعتقد . عدها الخدم بس فضه
ألاف حوريه و مَلك  . بالبيت طوله وعرضه
وآلااف صعدت عالسطح . مامش مچان ابأرضه

قسمٌ طلب .. يا ربَنا يا ذا العلا
قسمٌ طلب .. نخدمُ بنتَ المصطفى
نادوا على استحياءِ . شكراً إلى الزهراءِ
يا فاطمه .. يا فاطمه

……………………………………………………………


سلطانه الرحمه اصبحت
عل الي اضربوها ما دعت . والعذبوها
حملت عصر ذاك الجذع
وبسمار محسن والضلع . لخاطر ابوها

لو داعيه اعليهم تره . اطيح السمه اعل الغبره
يتبخر الماي و يجف . لا يظل طير و شجره
وينادي جبريل ابغضب . ياهو المزعل الزهره

كلُ البشر .. لم يبقى في الارضِ أحد
كلُ البشر .. لا يومُنا هذا انوجد
لسنا من الاحياءِ .. شكراً الى الزهراءِ
يا فاطمه .. يا فاطمه

……………………………………………………………


عن عائشه تروي الخبر
للظلمه ابد مامش اثر . لو فاطم اهنا
كل النسه اتخيّط سوه
من فاطمه ناخذ ضوه . خرم ابره شفناه

امن السوگ حيدر مشتره . فانوس لا من شمعه
شيسوي بيهن يشتري . و بالبيت تضوي البضعه
نفس الضوه ليل وصبح . البيت ثابت وضعه

معنى اسمُها .. زهراءُ يزهرُ نورها
معنى أسمُها .. زهرةُ الباري ربُها
في جنةِ العلياءِ .. شكراً إلى الزهراءِ
يا فاطمه .. يا فاطمه

……………………………………………………………
✍️ ( سيد خضر الزاملي )
131
الناشر معتز الموسوي

17 Nov, 18:22

جلست فضه مع زينب ع في ليله من ليالي عزاء الزهراء ع فأقامت فضه مجلس العزاء بقراءة مقتل الزهراء ع التي كانت شاهد عيان فيه..  فكان دخوليت العزاء….

فضه تـقـره بالمصيبه .. لـزينب وتبچـي الغريبه
بالبـاب والحـايط شـفت عـصرها
وبيده النذل فوگ الوجن سطرها .. وتبچي الغريبه
………………………………

فضه تحچي بالجـره .. وجـمره بيـها موجـره
لزينب وعالخد تصب بحرگـه الدموع
تگـلها بعيوني شفت .. فاطمه وبذني اسمعت
من عـصرها ابـابـهـا طـگـات الظـلـوع

التمـو عله امـچ زلـم بالـثلث مـيه
هـذا يعـصر هـذا يسطـر بالزچـيه
وانـي محـتاره يزيـنـب وشـبـديه

امـچ الـتمـو علـيها .. كـلهم يضربون بـيها
وتـصـرخ يزيـنـب من ألـم كسرها
وبيده النذل فوگ الوجن سطرها ..
………………………………
كلشي يازينب شفت .. وريت ساعـتها متت
اركـضـت عـنـهـا اوخـرهـم لـچــني
زلـم والطاحـت مــره .. وياهـو عـنـها وخـره
حيل يدفعـني وعلى عيني يطگـني

زيـنـب ارد احـمـيـهـا لكن يمنـعـوني
ومن هذيچ اسياطهم راحت امتوني
وگـمـت افـزع الوادم ومـايسمـعوني

الوادم اتشوفه يطگـها  ..وام حسن محـد لحگـها
ومحـد فزع لامـچ واجـه وحضرها
وبـيده النذل فوگ الوجن سطرها ..
………………………………

من الدفع ذاك انشلع .. الباب فوگـاها وگـع
جـذوع وثـگيل وطبگ امـچ على الگـاع
مشتعل نـار وجـمر .. وفوگ فاطم يستـعر
من الدخان اختنگت وشم الهوى وضاع

احمر البسمار حامي وطـب بالظلـوع
وفاطمه ظلت تـون من عـنده وتلوع
تبچي والسوط بمتنها تحسه مطبوع

دمها يجري من متنـها .. ودمها يجري من جفنـها
ومن الحلگ تجري الدمه وصدرها
وبـيده النذل فوگ الوجـن سطرها ..
………………………………

اجو چـتاله العلي .. وفضه صاحت لحگي الي
بدال حيدر طاح محسن مـني مذبـوح
برمحه طگـاني النذل .. ومات الحگيني الطفل
ويه محسن گمت احسها طلعت الروح

ورحت اركض ليها بس گوه اوصلتها
وبالدمـه غرگـانــه يازيـنـب شـفـتـها
وگـوه شلت امـچ بحـظني وسندتـها

وخايفه الچم ظلعـها .. وامسح بأيدي دمعـها
تـتـعـثـر امــچ وانـعـمــه نـظــرها
وبيده النذل فوگ الوجن سطرها ..
………………………………

التهـظم وتـكسر ظـهر .. مات حيدر بالقـهر
الضيغم الضرغام وسفـه مچـتفـينه
مدخن بوجهه الزعل .. وعمداً اگبال الفحل
الثاني راد ايطگـها ثاني اگبال عينه

وصاح حيدر تدري مچتوف بوصيه
انچـانك زلمـه صدگ بـس فـل اديـه
وارد اشـوف اشلـون تگـرب للزچـيه

استرجلت من اعرفـتني .. الوصيه امـچـتفـتـني
ولولـه الوصـيه مـا تـمـس ظـفـرها
وبيـده النذل فـوگ الوجن سطرها ..


الشاعر عقيل الحسناوي..
158
الناشر معتز الموسوي

17 Nov, 18:21

ليالي استشهاد الزهراء ع..

مريـلي لـو بـس بحـلم .. يايـمه هـد حيلي اليتم
بغـيابـچ مابقـه حـيل .. چـبيره وحـشة اللـيل
                  مريلـي لـو بـس بحـلم

ـــــــــــــــــــــــــــــــــــــــــــــــــــ

يايمه موتني الـهجـر .. وليلي وحـش عگبـچ يمـر
فراگچ دوه بگلبي جمر .. ومافارگ اعيوني السهر
افـتـر بدارچ هـايمـه .. يذكـرني كـلـشي بفـاطمـه
اهنــا جـمر وهنـا دمه .. وقرط اذنـچ اهنانه انتثر

بمأسي ولوعه يايمه  تجـيني بدارچ الذكره
اشوف ابابـچ اهنانه  عجـاج السوته الزمره

تراب ودخان الهن اثر .. عالباب من ضلـعچ كسر
واثر من دمچ يسيل .. چـبيره وحـشة اللـيل
                 مريلـي لـو بـس بحـلم

ـــــــــــــــــــــــــــــــــــــــــــــــــــ

يايمه وحشه الدار احس .. بارد حظـنها الدافي امس
خلافـچ حـزن ضل منـترس .. الحـنيه راحت والدفو
يايـمـه يهـضــمنـي علـي .. كـلـما يطـب  ينـظـر الــي
زينــب يگـلــي اتـحــمـلـي .. انــي  الــچ ام  وابـــــو

علي يصبرني بـس ادري  عله فگدچ منهدم حـيله
واجي بحظنه واضم روحي  ويونـلي واني انعيله

اني وعلي نبچي سوه .. عدنه انتي اغلا من الهوه
ونصيح بـ آه وبويل .. چـبيره وحـشة اللـيل
                 مريلـي لـو بـس بحـلم

ـــــــــــــــــــــــــــــــــــــــــــــــــــ
يايمـه كل ماصـد ركـن .. من بيـتچ ايهـيج الحـزن
لسـه حـياطـينـچ تـون  .. مـانـاسـيه بيـچ اشجـره
حـيطانـچ اتـعـيش الألـم .. فـوگـاهـا منچ باقي دم
من خـدچ ابچـفه انلطم .. وطحـتي ييمه عله الثره

عله كل حيطان البيتچ  تنـاثر يالزچيه الدم
وانه لسه بحرگ بابچ  بعد دخان يمه اشتم

كلما اصد ذاك الحرگ .. يايمه گلبي يحترگ
وتشب بيه معاويل .. چـبيره وحـشة اللـيل
                مريلـي لـو بـس بحـلم

ـــــــــــــــــــــــــــــــــــــــــــــــــــ
اهنانه اشوفـن وگعـتـچ .. الباب لمـن عصـرتـچ
وچف النذل من سطرتچ .. ابگلبي باقي الها اثر
طحتي ويطگ بيچ النذل .. لمن وگع منچ طفل
ميت المحـسن مو عدل .. لمن وگع راسه نفـطر

على راسه وگع محسن  وصلبه تلـگـته الغبره
نـتـثر مخـه ايا ويلي   ونصين انگـسم ظـهره

اشگد تگـلـب عالجمر .. لما صارله ساعه العمر
نسحگ وادمايته تسيل .. چـبيره وحـشة اللـيل
                   مريلـي لـو بـس بحـلم

ـــــــــــــــــــــــــــــــــــــــــــــــــــ
تلوجين گمتي عله الترب .. مجروحه ضل دمچ يصب
والتـمــوا اعليـچ الغـــرب ..هـذا الـيسـب هـذا اليطـگ
مـن هـذا خـدچ ينـسطـر .. وهـذا اليطــگـچ عـ الخـصر 
وهـذا الــ عـليـچ ايـذب جـمر .. وبالـنار ثوبـچ محترگ

عليــچ النـار ذبـوهــا   عجـيـبه الزهـره محـترگـه
اذن حگـه علي يشوفچ  وتكـتله لوضعچ الحرگـه

من غسلـچ حيدر بچـه .. وبزاوية بيته انتچـه
وجدم مايگدر يشيل .. چـبيره وحـشة اللـيل
                  مريلـي لـو بـس بحـلم

ـــــــــــــــــــــــــــــــــــــــــــــــــــ
كل ما لزم بيده الضلع .. يجري علي بحرگه الدمع
بونـه يضج وينـسمـع .. ويوصـل ونـيـنـه للــسـمه
ما ادري ابـوي  ابـيا صبر .. لـمـن حـفر بـيده الگبر
ايصـيـح ريـت الينحـفر .. گـبري ولا طــم فاطـمه

يهـيل اتـرابـچ ويـبـچـي  علـي يدفـن غـده بـروحـه
يـرد اشلون من بعدچ  علـه گـد طوله علي اجروحـه
رجع حيدر علي يميل .. چـبيره وحـشة اللـيل
                مريلـي لـو بـس بحـلم

الشاعر عقيل الحسناوي..
149
الناشر معتز الموسوي

17 Nov, 18:21

الله يعينك ياعلي

الله يعـيـنـك يا عـلـي  من ودعـتـها الـزهـره
راحت يحيدر فاطمه  وراحت وياها العشره
ضياع .. عمرك بدون ام الحسن
ضياع .. الزهره چانـتـلك وطـن
الله يعـينـك يا عـلـي
……………………………

الـ بس هيه چانـتلك كـفو .. والتارسـه بـيتك دفـو
وچـانت الك أم وابـو .. راحت يحيدر
ذيـچ الحـنينه الطيـبة .. روحـك علـيها معـذبـه
جـرح الهجـر شيطيـبه .. وگـلبك تكـدر

أم بـيـتـك وأم  وابــو  وچـانـت اخـو  بـالـشـده
وچانت حبـيـبه ام الحسن  وياها حلوه الگـعـده
ومـاي الـيـبـردك بالضـمـه  والمـاي هـسـه اتـبـده


ذبحـو عشرتـك يا علي  وراحت هذيـچ ايامك
من يوم ما طگـها النذل  وطاحت تون جدامك
ضياع .. ابابك بدت ذيچ المحن
ضياع .. الزهره چانـتـلك وطـن
الله يعـينـك يا عـلـي
……………………………

شفت الجره عليها وحصل .. بيتك على الزهره اشتعل
لگـلب العرش دمها وصل .. بذيـچ الرزيه
من الرفـس من الضـرب .. تـتـلـوه ضلت عالـتـرب
ودمعـك علي الها يصب .. تـگـلها شبديه

الغـيرة والحـيرة اكـسرن ظـهرك ابـذيـچ اللحـظـه
گـبالك يدوس اعله الضلع  واسمعت طگـة الرضه
ومجـبـور عن ذاك الوضـع  الـنـظـر گــوه تـغـضـه

چـف الضرب خـد فاطمة  ماتگدر انته اتگـصه
مجـبـور يا حـيـدر لأن  ابـهـاي چـنـت امـوصه
ضياع .. هـاي اول ايـام الفـتـن
ضياع .. الزهره چانـتـلك وطـن
الله يعـينـك يا عـلـي
……………………………
الداس بـثـنـية منـزلك .. قصده يحرگـك وي هلك
بـس فاطمة ضحت الك .. زهـرة عمـرها
فدت الك خـد وضلع .. وضحت الك شوف وسمع
خافت ابچـتلك تنفجع .. تحملت كسرها

وهو استغل هالتضحيه  وصوب اصوابه ابگـلبك
يـدري بــدون ام الحـسـن   الدنـيـا  راح اتـعـبـك
ورادك تمـوت مـن الحزن  يدري بـهجرها ايعذبك


والثاني حـقـق غايـته  وچـتال چـان اصوابه
الغالي مـن يسكـن گـبر  اتـمـوت كـل احـبـابه
ضياع .. حـيدر ابـدنـياه انسجن
ضياع .. الزهره چانـتـلك وطـن
الله يعـينـك يا عـلـي
……………………………

الله يعـينـك عالهـجـر .. من غسلـتـها ابـيا صبر
ماتدري شمسوي الكسر .. چـان بصدرها
وي كل نـَفس خنگـة وألم .. چان الهوى مثل السهم
وزفـراتـها تـطلعـها دم .. مصيبة شكبرها

وما چانت اتـريـدك تحـس يا حيدر ابـمحـنـتها
مـن تـقـره قـرآن الفـجـر  تـطلـعـها بـي ونـتـهـا
وبكل قنوت ابكل فرض  فرصة تصب دمعـتـها

شگـد جـاهدت وي الألـم  لمن شهـيـده ماتـت
توها الزچيه من الوجـع  ابنص گبرها ارتاحت
ضياع .. بيـها المصايب دولـبـن
ضياع .. الزهره چانـتـلك وطـن
الله يعـينـك يا عـلـي
……………………………

يا راحـة تلـگـه ابدنيتك .. وام حسن وحدك عافتك
ايعـينك الله ابـغـربـتـك .. يا حـامي الجـار
الچـانت الك مثل الهـوى .. وبالحلوة والمـرة سـوه
شگد گـلبك عليها انچـوه .. وما تنطفي النار

الچانت سكن روحك امس  هسه بگبرها سكنت
بـثـيابـها شــم يـا عـلي لـو لـيـها  روحـك حـنـت
مكـتـوب روحـك مـن تـحـن  للمگـبـرة  اتـعـنـت

شم بتراب ام الحسن  وصب عالگبر دمعاتك
واحـچـيلـها عن غربـتك  بـفـراگـها ولوعـاتك
ضياع .. دموع المفارگ لو جرن
ضياع .. الزهره چانـتـلك وطـن
الله يعـينـك يا عـلـي


الشاعر عقيل الحسناوي..
.
65
الناشر معتز الموسوي

17 Nov, 18:21

   مايموت الحي ضميره
                      والضلع تاج الاميره
                    فاطمه الخيمه الجبيره
                    بيها نتباها  ماتركناها
                        __
      من عرفنه اربع اصابع  فاصل الباطل يصير
     ماسكتنه اعله الحقيقه صحنه بس حيدر امير
       احنه مختنكين متنه حته ميموت الضمير
       ثوره كل مجلس نحسبه واللطم موقف جبير
             
                 الدنيه من سكتت حجينه
                    فاطمه اكبر سفينه
                   وياها غمضنه ومشينه
                    وماسألنها  ماتركناها
                        _
       بكل حرب هاي المجالس للنصر شفناها باب
          والوفي ميضم ونينه حتلو ضمه التراب
       الضلع من حشم رجاله فزعت بدمها الشباب
        ولان ويانه الزجيه تنمحي جيوش الضباب
                  فاطمه بمجلس عزانه
                     ادعي للثوار امانه
                     محد اينزل  لوانه
                 كلمه كلناها  ماتركناها
                    _
      من الضلع ثوار طلعت الزهره مدرسة الوفاء
       وابو فاضل سل ضلعها يوم طب لكربلاء
          اليساوم عالعقيده  لايجي لهذا العزاء
        ولايسمي نفسه شيعي المايضحي بالدماء
                   نقسم بضلع الوديعه
                  شيعه احنه ونبقه شيعه
                     دين حيدر مانبيعه
                   بدم كتبناها ماتركناها
                        _
         فاطمه اول شهيده وضحت دور الشهيد
         وره الباب نريد نوكف كباله مانوكف اكيد
         قاده صرنه بيوم صحنه احنه للزهره عبيد
         الضلع( لاء حسين) ندري الهدمت دولة يزيد
                    زغار وبفاطم كبرنه
                   واللطم وسم صدرنه
                    الها ضحينه بعمرنه
                  واشتريناها ماتركناها
                        _
          الماتو بدرب الولايه ذوله أسياد الزمان
        ومحسن الزهراء صوته  يدوي صار بكل مكان
           فاطمه خيمة امان بدنيا مابيها امان
         مثل حضن الام عزاها ايوزع اعلينه الحنان
  
                  ماننام اعله الوساده
                   احنه عشاك الشهاده
                    النضر للمنبر عباده
                  وافتهمناها ماتركناها
                       _
          باب فاطم علمتنه عالضلم لازم نثور
         للعدل والمات نرهم مثل عودان البخور
       بالمجالس دوم ندعي لبو صالح بالضهور
        يمته يبني مرقد امه وحمله ياخذنه نزور
                جم كلب طال انتضاره
                  الزهره ماعدها مناره
                المهدي ياخذ يمته ثاره
                شكد حجيناها ماتركناها
                    _
سيد معتز الحسيني
62
الناشر معتز الموسوي

17 Nov, 18:20

نعي للسيده فاطمة الزهراء [ع]
________
مشيت اتوچه وانه ادموعي متنثره
الفگد  روحه  يظل  نيرانه  مستعره

يرك  بيه  الوكت  وجروحي ما تبره
الهضيمه اشلون مني راحت الزهره

عجيبه الحزن ياخذ كلشي بيه
*******
ذبح  بيه   الهجر  والحسره  والنار
ادير  انه  الوجه   عن  گبرج احتار

عجيبه  الظلع ليش  يجرحه بسمار
واشوف الظلمه چنهه تحيط بالدار

طحت بالعتبه  وبابي  المنيه
*******
رجعت بخطوتي بس جرحي ما بان
خايف  زينب   اتشوف  ام  الأحزان

يتيمه ازغيره واعرف بيت الاشجان
تموت  الورده  خوفي  بهجمة افلان

اويلي اعليج  شفتيهه  الرزيه
*******
عجيبه  الموت يم بابي .....تره بين
توصي الزهره لا گبري.........تره بين
حفرت انه الحد بيدي.........تره بين

گبرها الزهره  والثاني اليه
******
يوسف الفتلاوي
65
الناشر معتز الموسوي

17 Nov, 18:20

               حدد موقفك كدام ابو تراب
             كبال الباب توكف لو وره الباب
                        ___
             عندك عقل المن باقي محتار
              اصفه براي من تريد تختار
             ضلوعك تنكسر لو تشعل النار
              باجر بالقيامه حساب وكتاب
            كبال الباب توكف لو وره الباب
                        ____
            خلف الباب صير تصير انسان
            والكاسر ضلع كله انته شيطان
           شتختار القصر لو بيت الاحزان ؟
             ويامن حضرتك رايد جواب
            كبال الباب توكف لو وره الباب
                      ___
             بين الضلمه خيرتك والنجوم
             ضالم لو تريد تعيش مضلوم
              لتجامل ابد والضلع مهشوم
             غربيل الضلع والضلع ماطاب
           كبال الباب توكف لو وره الباب
                      ___
              اتريد الزهره ترضه ويه مولاك
                لاتترضه عَّليْ بجه الأملاك
                كله بوجه ماصير انه وياك

              لاتنكل حطب وتصير حطاب
             كبال الباب توكف لو وره الباب
                      ___
              لاتجمع حطب ويه اليجمعون
               انته اللي تحدد انته شتكون
               تلعن لو تعيش العمر ملعون
             لو صاحب عتب لو تحمل عتاب
             كبال الباب توكف لو وره الباب
                      ___
             عيش بوجه واحد وافتهم زين
               درهم لاتصير والك وجهين
             اختار فلان لو تختار ابو حسين
             لو صاحب صدك لو انته جذاب
              كبال الباب توكف لو وره الباب
                        ___
سيد معتز  الحسيني
79
الناشر معتز الموسوي

12 Nov, 08:29

ياعلي منك ردت هاي الوصيه
طلبتي گبري علي ودفني خفيه
من الجره وصار.       هاي الاسرار
هاي الوصيه
==========
ياعلي بعد الجره وصار اعل حالي
ماتِرّجع هالطلب تدريه غالي
بداعة العشرة علي وذيج الليالي
ادري تدري بطلبتي وتعرف سؤالي

بليل اظلم دفنتي وحدك اريدك
ياعلي گبري تحفره انت بيدك
عندك اخبار.        هاي الاسرار
هاي الوصيه
==========
ياعلي حان الاجل هاي المسيه
الله اليعينك على مصاب الزجيه
بدمعتك شد حيلك ودمعك تجيه
الليل اظلم وانت تحفر بالوطيه

دمعك البلل لحيتك لفگد الاحباب
وانت دافن ياعلي شمسك بالاتراب
بگلبك النار.         هاي الاسرار
هاي الوصيه
==========
ماردت ذاك النذل يحظر دفنتي
غاضبه وماسامحه وتشهد دمعتي
حسرة بيه من الالم يدري بحسرتي
بت رسول الله واجه وسبب كسرتي

غاضبه عليهم يحيدر واجري دمعي
الجان يتسمه صحابي كسر ظلعي
والزمن دار.        هاي الاسرار
==========
من بعد دفني علي اخفيلي كبري
انه مكسورة ظلع شيطيبه كسري
بالگبر لالا تظن مايطفه جمري
للعلي الباري العدل سلمته امري

من الظلمني الباري ياخذ حگي مرتين
وحگ اريد من الذبح بالطف الحسين
رايده الثار.          هاي الاسرار
==========
ياعلي نفس العصابه ادور صوبين
على وليدي بگربله وعطشان الحسين
النار هيه النار ذيج البصواوين
هناك بالعاشر اروح واسچب العين

هناك زينب حايره مجروحت احساس
من تشوف حسين واكع يمه عباس
ليه تندار.            هاي الاسرار
هاي الوصيه
=========
الشاعر علي النائلي
204
الناشر معتز الموسوي

12 Nov, 08:28

على فاطم وأويلا..
،،،،،،،،،،،،،،،،،،،،،،،،،،،،،،،،،،،،،،،،،،،،
يله ياجـرحـي انـــــته شد حزامك
لجرح فاطــــم سود خلها ايامــك
وخلي نزفك هوه سر أحــــلامك
لجـــمت البسمار رزق الآمــــــك

فاطمه تلوج بوجعها .. ومحسن أهوايه فجعها .. فاطمه
مثل زينب هم تنوح .. عاشت بحسره وجروح .. فـاطمه

فاطمه أم حسين مـفـجـوعـه يــنـاس
عله المحسن والجرح ضل بالانفــاس
ناس ماعدهـم رحم لا أكــو أحـسـاس
،،،،،،،،،،،،،،،،،،،،،،،،،،،،،،،،،،،،،،،،،،،،
من وره الباب ودفعـها ابـن اللـعيـن
وكع محسن منها واحمرت العــــيـن
أنگسر ضلع ام الحسن وام الحسـين
علي راحت روحه من گد الـــــونين

حيل حزنانه السما .. اليوم متروسه دما .. عـلَه فاطـمه
علي بحزنه ولوعته .. وتصب ضلت دمعته .. علَه فاطمه

يصبرك الله اليوم ياحامي الحمه
لهل مصاب تعينك أملاك السمـه
أعله أم أبيها فاطمه وسيل الدمــه
،،،،،،،،،،،،،،،،،،،،،،،،،،،،،،،،،،،،،،،،،،،،
ليـــــــوم وحشه وزينب بحيره والم
تشوف ابوها بوحده كل حيله نهدم
طاح اخيها النـــــــــاس مابيها رحم
وگع محسن والضلع طاح و تهشـــم

كسر ضلعج بينه اثر ..وكلب زينب راح ينطر.. يمه فاطمه
راح نفگد طولج احنه .. وتمشي وياج المحنه ..يمه فاطمه

ثگل هـمـنـه هـواي يايمـه تـــره
ليش هذه ويانه بس احنه جـره
النار عد الباب ليش يمه موجره
،،،،،،،،،،،،،،،،،،،،،،،،،،،،،،،،،،،،،،،،،،،،
اليـــــله زينـب حيلها نهد ونسلب
ولحســـــــــين گبـالها كلش تعب
والحســـن عد راس امه وينتحب
يعينك الله ياعلي الموقف صعب

يامصيبه وشگبرها .. گسروه الفاطم ضلعها .. واه فاطمة
حيـــــره ام وابنها .. طيحو وردت عمــــرها .. واه فاطمة

مارعو بنت النبــي اهـــــــــــل السقيفه
تأمرو كلهم ابابه ومارضــو حيـدر خليفه
وجوهم مابيها رحمه والايادي مو نظيفه
،،،،،،،،،،،،،،،،،،،،،،،،،،،،،،،،،،،،،،،،،،،،

#اللهم_عجل_لوليك_الفرج
الشاعر سيد حسن الياسري
152
الناشر معتز الموسوي

12 Nov, 08:27

قصيدة في شهادة الزهراء عليها السلام  ،،،،
ـــــــــــــــــــــــــــــــــــــــــــــــــــــــــــــــ



عَيلة  وتِهمِل  العَبرة
بيوم الماتت  الزهرة
وتِسعَر بالگلب جمرة

ـــــــــــــــــــــــــــــــــــــــــــــــــــــــــــــــ

بنُواعي أصبحَت دار الوَصي حَيدر
ونَعَت للفاجعة  الكعبة  بدمع  أحمر
وحِداد أعلَن عليهه  بجمرته المَشعَر
وبِچَى حَتّى الجَبل  لِمصيبة  الكوثَر

مُظلِم  حَيدرة  بِيتَه
دَمعه غَرّگ ٱلحِيتَه
نار  وشَبّت  برِيتَه
وبركان الحِزن صَدره

ـــــــــــــــــــــــــــــــــــــــــــــــــــــــــــــــ

لِيلة وَحشة هالليلة  شيِعَدّيها
تِرِد  بزينب  أفكار وتُوَدّيها
بحَنانه ودَمعِته الوالِد يِهَدّيها
الحَسَن يَمها يِصَبُّرها ويِفَدّيها

گالِلها  بدَمِع  يِنصَب
صَبراً يَختي يا زَينَب
أدري  بنارِچ  التِلهَب
ورَبنا  النافِذ  بأمرَه

ـــــــــــــــــــــــــــــــــــــــــــــــــــــــــــــــ

لِيلة علَلحَسَن مَصعَبهه هالليلة
يَتيم  ومِنهِدم مِنّ  الزغر حَيلَه
يِصِدّ  لوالِده  والمَدمع  ٱيسيلَه
يِكلّم خالقه وبالحَسرة  يِشكيلَه

بعَينه ضاگت الوَسعة
مگابل  والده  ويِنعَى
يِهمِل دَم على البضعة
ونارَه من الحِزن كبرَة

ـــــــــــــــــــــــــــــــــــــــــــــــــــــــــــــــ

أبو اليِمّة  حَزين  ونارَه  لَهّابَة
وعلى أمه البتول ٱدموعه سچّابة
رَحيل الوالدة الما حَسّب ٱحسابَه
يَتيم  وللزمان  ايوَجّه  ٱعتابَه

يِهضُم حاله أبو ٱسكينة
ولزينب  تِصِد  عَينه
تِبچي الصخرة لونِينه
فاگد يِجذِب الحسرَة

ـــــــــــــــــــــــــــــــــــــــــــــــــــــــــــــــ

هاي أول  مِسيّة  ٱتمُر بلا فاطِم
وتِبات العَيلة بهموم ودَمع ساجِم
لا  گلب  اليِهيد  ولا  جِفِن  نايِم
واحِد وَيّه  واحد  حِزنَه  مِتقاسِم

فراگ  الزهرة  أذّاهُم
وجَمر الحَسرة چوّاهُم
دنيا  وأگصَت  ٱوياهُم
بيت ومنشِعِب كسرَه

ـــــــــــــــــــــــــــــــــــــــــــــــــــــــــــــــ

حزينة  الليلة  سورة  هَل أتى والتّين
وتِنوح الكوثر وص وضُحى وياسين
على افراگ  أم أبيها  دَم تِهِلّ  العَين
ويِظل  مأتَمها  قائم  حتى يوم  الدّين

كِلهه  تِجتمِع  باچِر
يَمّ   الواحِد   القاهِر 
ويِفضَح كِل فِعل غادِر
وكِلمَن يِنعرِف قَدرَه

ـــــــــــــــــــــــــــــــــــــــــــــــــــــــــــــــ

بقلم الأستاذ / ستارعذاب الحچامي  .
103
الناشر معتز الموسوي

12 Nov, 08:27

يايمه يايمه يايمه ..

اعضم مصيبه .. وليله غريبه
زينب تـــــــون وتنوح
تنـــادي ييمه .. اليله ضلمه
وكلبي شگثر مجروح

مـــــــــوتج ييمه هدالي حيلي
وكلبي بغيابــــــج مايهده ليلي
ودمعي برحيلـج جمره بدليلي

ضلمت بعيوني .. الدنيا عگب عيونج
ريتهم ياذونــي .. يـــــــمه ميلجمونج
،،،،،،،،،،،،،،،،،،،،،،،،،،،،،
قصة عجيبه .. دفن الحبيبه
منها الگلب ملـــــجوم
روحي يتيمه .. وصعبه الجريمه
وعيوني تبجي الــــيوم

رحتي وبـــــــدت رحلت غربتي
تبجي عيــــــوني وتهمل دمعتي
گبرت ييمه أشـــــــگـد حسـرتي

مو سهل فرگــــاج .. كلبي يمـه يريدج
علي ضل ينعــــاج .. ضلمه صاير بيتج
،،،،،،،،،،،،،،،،،،،،،،،،،،،،،
الراح شيجيبه .. ونــــاري لهيبه
عگبج ييمه شلــــون
كلبي وعذابه .. ضيــم بخــــرابه
ماضلي عـندي عيون

الــــــيـــله ضلمه يايمه بعدج
يلجمنه كلش يايـــــمه ضلعج
ضلو يتامه يا ويلي ولــــــــدج

بيدي اغمض عيونج .. مو سهـــل يايمه
والله اموت بـــدونج .. وكلبي يگثر همه
،،،،،،،،،،،،،،،،،،،،،،،،،،،،،
حزني ودمعتي .. وحدي بغربتي
بعيوني دمعي يسيل
الــيفگد امه .. كل عمره لجمه
أيهضمه حيـــل الليل

اليل اليمرني يخنگ بـــدونــج
َماصدگ انه تغمض عيــــــونج
لـــــــوني تغير من عگبه لونج

بعد موتج انــــه .. راح ينهد حيــــلي
راح اضل تعبانه .. وحشه بعدج ليلي

،،،،،،،،،،،،،،،،،،،،،،،،،،،،،،،،،،،،،،،،،
#لمولاتي_فاطمة_الزهراء_ع
#اللهم_عجل_لولیک_الفرج
#الشاعر_سيد_حسن_الياسري
76
الناشر معتز الموسوي

12 Nov, 08:26

قصيدة في شهادة الزهراء عليها السلام  ،  لسان حال أمير المؤمنين علي عليه السلام  .
ـــــــــــــــــــــــــــــــــــــــــــــــــــــــــــــــ


يفاطمة       ما فارَگ الدمعِ الجِفِن
يفاطمة       لَيل ونهار ٱعليچ أوِن

دهري رِماني چم سَهَم
ذابِحني  بسيوفه  الألم

يفاطمة
يفاطمة

ـــــــــــــــــــــــــــــــــــــــــــــــــــــــــــــــ

ماكو  ٱعتراض عللقَدَر
بَس عَيني عَذّبهه السهَر
حزينة

كِل الأمان  بحَضرِتچ
طالت  يفاطم  سَفرِتَچ
عَلَينة

مِن  نورِچ آنه  مِنحُرُم
وخَلّيتي روحي للهَضُم
رَهينة

يفاطمة     دَلّالي ذايب مِنفُطُر   
يفاطمة     نيراني  بِيّه  تِستعُر

ظَهري ٱنكسَر حَيلي ٱنهِدَم
ذابحني  بسيوفه  الألم

يفاطمة
يفاطمة

ـــــــــــــــــــــــــــــــــــــــــــــــــــــــــــــــ

يامَن  إلي چِنتي السنَد
يالما عَرَف سِرّچ أحَد
مِشيتي

يالچلمِتچ چانت دُوَه
أتنَفّسِچ  مِثلِ  الهَوَى
ٱويَ رِيتِي

وِبشوفِتِچ أنسَى الوَجَع
دلّالي  سِبّاحه  ٱنشِلَع
دَرَيتي

يفاطمة    حَسرَة يَتيمة حَسرِتي
يفاطمة    أفتَر حزين بحِجرِتي

يالوَجهِچ بفِكري ٱنرِسَم
ذابحني  بسيوفه  الألم

يفاطمة
يفاطمة

ـــــــــــــــــــــــــــــــــــــــــــــــــــــــــــــــ

خَلّيني أخِبرِچ فاطمة
دنيانه عگبچ مُظلمة
وكئيبة

دارِچ  خِلِيّة و موحِشَة
وهَجرِچ يِگطّع بالحَشا
مُصيبة

أفكاري بالهَم  سابحة
وَي ذكرياتي الذابحة
الرّهيبة

يفاطمة      گبلچ رِدِت عُمري ٱنگضَى
يفاطمة      الوَسعة  ضاقَت  والفَضَا

دَلّالي  نُصّين  ٱنجِسَم
ذابحني بسيوفه  الألم

يفاطمة
يفاطمة

ـــــــــــــــــــــــــــــــــــــــــــــــــــــــــــــــ

عِفتيني وفراگِچ  كَلِف
كِل لحظة  تِنعَدّ  بألِف
عَلَيّة

بهذا  العُمُر وِتيَتّمِت
دَمعاتي عالوجنة تِكِت
جِرِيّة

وَيّه العقيلة ٱبنَيّتي
أنحَب عَليچ بوَنّتي
الشجِيّة

يفاطمة      بِيتِچ  أبد ما  يِنچهِب
يفاطمة      مِحرَابِچ أنظُر وَنتِحِب

يِلچمني لو هَبّ النّسَم
ذابحني بسيوفه  الألم

يفاطمة
يفاطمة

ـــــــــــــــــــــــــــــــــــــــــــــــــــــــــــــــ

وَحدي أظل ما حَسّبِت
بأيتامِچ  آنه  ٱتحَيّرت
يَروحي

أنظُر وعاين  للحَسَن
دَمعاته  نار  وهَيّجَن
جروحي

وحسين إلِچ هَل عَبرِتَه
يا يُمّه صارَت صَيحِتَه
ٱويَ نوحي

يفاطمة      زينب تِولّاهه  الحِزِن
يفاطمة      مَلچومة ولوَجهِچ تِحِن

صَارالحزن خَصم وحَكَم
ذابحني  بسيوفه  الألم

يفاطمة
يفاطمة

ـــــــــــــــــــــــــــــــــــــــــــــــــــــــــــــــ

يِتلاگه هَضمي أويَ القَهَر
وحتّى الصّبُر مِنّي ٱعتِذَر
سِمَعتَه

أنحَب  يَفاطِم  عالضّلِع
سَمّ  الهَجُر ما  يِنجرِع
جِرَعتَه

حَالِ الغَريب بلا أهَل
وبوَنّتِي  حَتّى  الجِبَل
صِدَعتَه

يفاطمة     كِل ساعة اموت بحَسرِتي
يفاطمة     شوغَة  عِليلة  شوغِتِي

أذرِف بِدال ٱدموعي دَم
ذابحني  بسيوفه  الألم

يفاطمة
يفاطمة

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي  .
74
الناشر معتز الموسوي

12 Nov, 08:26

يالماخذ امنه ابليل تدفتها
       مـاخـلصينه اوداعنـه منها
       فكت حزنها الـوالده الليله
      ولون الچفن مايشبه الشيله

خلها هاي الليله يمنه والصبح شيل النعش
الگبـل چانت تفرشلنه افراشها اليوم انفرش
عاشت اثمنطعش لچمه مو عمرها اثمنطعش
ورده چـف حـاقـد وصـلـها مـامـذبلها العطش
        خليها بـس هـالليله ويـانه
       تـرتاح صـار اهـواي تـعبانه
      عاشت حزينه وماتت انحليه
      فـكـت حـزنها الـوالـده الليله

ردنه نشبع شـوف منها مابقه شـي للصبح
نريدها تضمنه بحضنها بلكت ايهيد الجرح
كون نسمع كلمه منها ندري صعبه وماتصح
طحنه يمها النفس حسره مثل طير المذبح
        وحدنه مـن تمشي وتخلينه
       ياهو اليضل يمنه ويواسينه
       شيسد غربـته المنهدم حيله
     فـكـت حـزنها الـوالـده الليله

سكته يمها انريد نبچي وصوت ابد ماينسمع
مـانـريـد انـزيـد هـمـهـا والمـتـاعـب والـوجع
نـريد بـس نلتم عليها ويحچي وياها الـدمع
ليش ميته امنه الحنينه وايدها فوگ الضلع
       يالغسلتها اضلوعها اشبيها
     ميته وضلعها انحس يأذيها
     گـلنـه حـت ابحـرگه نبچيله
    فـكـت حـزنها الـوالـده الليله

بـيـتـها مـضـلـم عليها وكـل حـيـاطينه تون
لـو خذتها ابليل عنه البيت يـتـحـول سجن
للـگبـر تـمشي الـمـحـنـه والـگبـر لا مـايحن
الله لايـنـطي الگطعها زهـره مـاخـذ للدفن
       مو مال حدر الگاع تخفيها
      كـون بعمرنه الزهره نسگيها
     لاعـنـدك ولاعـدنا كـل حيله
     فـكـت حـزنها الـوالـده الليله

ليـش فـرحة كل عمرنه اعليها وازانه الگبر
واحـنـا ضـلـيـنـه يـتـامـه ولله سـلـمنه الامر
كسرة اگلوب وخـواطر بـعـد شيطيب الكسر
والـتـروح امـه وتعـوفه يضل باقي اشينتظر
       كـل مغربيه امچانها نزوره
      ويانه زينب تبچي مكسوره
    والـدمـع لامـايـنـگـطـع سيـله
    فـكـت حـزنها الـوالـده الليله

نگـعـد انصبر بـعـضـنه وينلچم جـرح اليتم
ذيچ صورتها الحنينه بشوفنه نرسمت رسم
بـعـد مـايـحـلم ابـمـلـگه الميت ابروحه حلم
والحزن مـن راحـت امنه ضل يطشرنه ويلم
        مـانـعـرف الهم چنه وياها
        لـمـن مشت شيبنه فرگاها
      والـحـزن مـن ابعيد نوميله
     فـكـت حـزنها الـوالـده الليله


     هـاني نـاصـر السـعـيـدي
76
الناشر معتز الموسوي

12 Nov, 08:25

يافاطمة الموت اهون من غيابج
رد قالع الباب ودموعه اعلى بابج
رجع خافي الكبر  علي شنهي الامر


ليش حيدر من كبرها رد ولا جنه علي
يصيح يافاطم يروحي ياهوبعدج ضل الي
يافرحتي وياحياتي ويابعد روحي وهلي
ياولي ومكسور خاطر من رجع فاگد ولي
معذور معذور يالفاكد حياتك
يالحدر الاتراب مدفونه امنياتك
شتحمل ياصبر     علي شنهي الامر


شلون بالدافن حياته شنهو يجبر خاطره
وحتى دمعاته الي تنزل ماتكفي وحايره
حيدر الله يعين گلبه دفن بيده الطاهره
راجع ومكسور ضهره الضلع كلش كاسره
  دمعه أعلى الخدود ضل تارك علامه
   وتـيـتـم اليـوم يـاوالـي الـيـتـامـه
   حيره ومنكسر   علي شنهي الامر


من اطب للبيت موحش ياعمد بيتي وضواه
ايضيگ يافاطم عليه خنكه مااشتهم هواه
صوت من كل باب يطلع والألم يطلع وراه
الحسن وحسين سهله صوت زينب اه اه
كل ذكره بالدار بغيابج حزينه
جارحني الفراگ وجروحج حنينه
جمر يلهب جمر   علي شنهي الامر


زينب تباوع لبوها سكته ويسيل الدمع
تكله امي شلون ماتت والله احس كلبي انشلع
يكلهه من غسلت امج مرت ايدي اعلى الضلع
بويه اسمع اخ صحت جنهه حست بالوجع
من دفعوا الباب عالحايط عصرها
يبنيتي بسمار متعدي لصدرها
الم ذاك الكسر    علي شنهي الامر


العمره 5سنين هذا يفارك امه امن الصعب
وصعبه يم الطفل صعبه لوذكرت اسم الحرب
شلون زينب شافت امها فوك خدها تنضرب
  ايد حاقد سطرت امها وعينها من دم تصب
     ياعشرت النار  ليش امن البدايه
     وحرگت اويلاه اطراف العبايه
    هذا اول يسر   علي شنهي الامر


من البدايه وصبر زينب عجز من عنده الصبر
چـم ضلع مر بسمعها وسمعت صوت الكسر
واكثر اجروح العقيله من رجع خالي المهر
  لا اهلها  ولا عشيـرة وسـلـمــت لله الامـر
       مابين عدوان چا وين الكفلها
       زينب يزهراء راحو كل اهلها
حاديها الشمر     علي شنهي الامر


      🖋 حبيب ناصر السعيدي
       🖋هاني ناصر السعيدي
67
الناشر معتز الموسوي

12 Nov, 08:25

حلم عاش اشكثر • اخذ كل العمر
ازورج فاطمه  • واطوف اعل الگبر

……………………………………………………………


حلم وانثرت بذوره وانزرع بفكاري
للحصاد بشوگ لازم منجلي ابنظاري
عيوني ولشوفة حضرتج دمع بيهن جاري
حضرةُ الضلعِ الكسيرِ حضرةُ المسمارِ. (فصيح)

تدوّي ابحضرتج  • يفاطم صرختج
على النار وحطب • وادين العصرتج

……………………………………………………………


احلم من الصبح طالع لملمت حاجاتي
والگلب مشتاگ كلش يسبگ ابخطواتي
بالدرب جيراني شافو عالوجه دمعاتي
سألوا و كتلهم انا معتني لمولاتي

عليك اللي انسبن • تزرو النه ام حسن
وعلگ من الگبر • وتراب من الصحن

……………………………………………………………


يمته اسافر للحجاز و الج ناوي النيه
واقره قطعه حيل ضخمه امعلگه ومضويه
وانكتب بيكم ترحب ( حضره زهرائيه )
من هُنا ايُها الزائر مرقد المرضيه

والج ازحف زحف • دمع ينزف نزف
اشتياق وكل متر • احسه اصبح الف

……………………………………………………………


حرمين هناك همه و هم نخل مرفوعه
والورود وبيها عطرج  عالدرب مزروعه
مرقد الزهره الكسيره و عالوجه مصفوعه
ومرقد المحسن العينه من الشمس ممنوعه

حرم يبجي الحرم •  ألم بيهم ألم
كظت ام ابعصر • وطفل منها انحرم

…………….………………………………………………


ابدمع شوگي اتوضه وادخل والزياره اقراها
السلام اعله الحنينه العشت جنه وياها
السلام اعله الكريمه التنطي بس انخاها
السلام اعله الاميره وانا عبد اتباها

سلام اعله الضلع • اعله باب المندفع
الج ابجي ابدمه  • فشل ابجي ابدمع

……………………………………………………………


مو غريب اعليج وجهي وحتماً اتعرفيني
بمجلس اوليدج يزهره باللطم شفتيني
ما اريد الدنيا اريدن بالكبر حضريني
حتى انعالج الزينب والطم اعله احسيني

وطن انت الوطن • هويتي ام الحسن
شرف لو انفرش • بساط وبالصحن

……………………………………………………………


شخص غالي اعليج كلش كال زور ابدالي
كلها من ابنج الرابع هي تعرف حالي
مستحي وخجلان منها مارويت اطفالي
جربتي و جفوفي طاحن يالزجيه اگبالي

العذر بنت النبي   •  بناتج تنسبي
خجل وجهي وصفه • مثل لون العبي

……………………………………………………………
✍️ ( سيد خضر الزاملي)
99
الناشر معتز الموسوي

12 Nov, 08:24

(( #قبر_الزهراء ))
……………………………………………………………

ألفٌ واربعُمائةَ مـخفي  .. بينَ الاعداء
يندبُ حُزناً بسمِ المهدي .. قبرُ الزهراء
صوتٌ يلهبُ كالنارِ
أينَ الطالبُ بالثارِ
قبرُ الزهراء .. قبرُ الزهراء

……………………………………………………………


ابهل الگبر موجوده ورده . ذبلت بأول عمرها
مابين جذع اويه حايط . ابرهه الثاني عصرها
الواگف أخير التجمّع .  سمعاها طگة كسرها
البسمار بحشاها داخل.شعره ويصل يم ظهرها

برض طاحت.ابدمع ناحت.على المحسن طفلها
على الزهره . بقت حسره . الطفل يمه يگلها

والأفجعُ نادَت يا فضه .. ليسَ الكرار
فبكى حسراتاً في الغمدِ .. سيفُ الفقار
ينزفُ جرحُ البسمارِ
أينَ الطالبُ بالثارِ
قبرُ الزهراء .. قبرُ الزهراء

……………………………………………………………


هل الكبر عايش مآسي . بنهاره وبليله وحشه
و سنين يابس ترابه . بمّيه محد يرشه
اخفاه علي اعل الصحابه . خافن تجيه وتنبشه
عود الشلب ظل عليها . امبلل ابدمعاته رمشه

گبر غربه . عليه صعبه . يجاور هالنواصب
ابدمع سايح . يبو صالح  . الك يربي ويراقب

تأتيهِ بجيشٍ جرّارٍ  .. و يرفُ لواك
مِن اقذرِ قبرٍ تخرجهُ .. تجلدُ صهّاك
قاتلُ أمَ الأطهارِ
أينَ الطالبُ بالثارِ
قبرُ الزهراء .. قبرُ الزهراء

……………………………………………………………


انشوف البقيع انتأذّه . گبور الائمه الي بيها
عل الاقل بيهن علامه . احجارات ظلن عليها
بس ماكو مثل الهضيمه . الـ مثل گبر ام ابيها
بالجتل خلصوا ولدها . ياهو اليوصلنه ليها

يمهدينه . حزن بينه . الك بالدمعه نشكي
توصلنه . الگبر أمنه . نريد احذاها نبچي

ونقولُ لها يا سيدتي   .. نحنُ الخدام
أفنينا عمرَنا في قصةِ .. زينبُ والشام
آ يا رميَ الاحجارِ
أينَ الطالبُ بالثارِ
قبرُ الزهراء .. قبرُ الزهراء

……………………………………………………………


غيّاب أنت و گبرها . كل واحد ابصدره ناره
كل واحد ابعينه غيمه . تمطر مسيته ونهار
واحد على الشيعه عينه.اعل اترابه تقرأ الزياره
واحد وبي جرحه ياكل . ما ماخذ ابايده ثاره

عليه كلفه . فلا يغفه . ابسبب چلمة سبيه
يگوم ايون . بذانه يرن . صده صرخة رقيه

جسدٌ يعرضُ في عينيهِ .. تسحقهُ الخيل
لا خيمةُ في البرِ أمراةٌ  .. باتت في الليل
زينبُ يا خدرَ الباري
أينَ الطالبُ بالثارِ
قبرُ الزهراء .. قبرُ الزهراء

……………………………………………………………


تبنيه بيدنك يمهدي . حضره و ذهب بيها داير
وبعدد كل الائمّه . اثنعش تبني المناير
وچي لأن هي الاميره . لكل المجالس تناظر
فيصير قبر الزجيه . مركز الكل الشعائر

هي تريدك . تخط بيدك . هُنا قبر الزجيه
زحف قادم . تجي الوادم . الزياره الفاطميه

يصبحُ ما بينَ الحرمين .. يسطعُ أنوار
من قبرِ الزهراءِ و حتى .. قبرُ المختار
تشخصُ كلُ الابصارِ
اينَ الطالبُ بالثارِ
قبرُ الزهراء .. قبرُ الزهراء

……………………………………………………………


الكره الارضيه كلها . تعتني ازور الزجيه
تكتب وبيكم ترحب . الروضةُ الفاطميه
يثرب اترد لأصلها . البلدةُ الهاشميه
اوساخ بيها و قذاره . نكنسهم الناصبيه

علمنه يرف . فخر نوگف . نأذن بالمدينه
اعل أُحُد نصعد . نظل نشهد . علي حيدر ولينه

يتحولُ بيتُ الاحزانِ .. بيتَ الافراح
من وجهِ الوهابيينَ    .. يثربُ ترتاح
تباً يا أهلَ العارِ
أينَ الطالبُ بالثارِ
قبرُ الزهراء .. فبرُ الزهراء

……………………………………………………………
✍️ ( سيد خضر الزاملي )
69
الناشر معتز الموسوي

12 Nov, 08:24

يمه يا زينب وداعا هاي هيه
والنه باجر ملتقه بالغاضريه
يمه عالتل ننجمع •• يم اخوج المنصرع
ضمي حيلج والبجي الذيج الرزيه

……………………………………………………………


ييمه ابموتي ما همّن . و لا بالضلع والسطره
الحالج مو على حالي . امن اجر الآه والحسره
ييمه العاشر امتانيج . والاصعب في وكت ظهره
اخوج اعل الوجه مگلوب.وشمر من الگفه اينحره

وانا فوگ التل اجيج وماي بيدي
لجن ما لحّگ يزينب على اوليدي
الكه راسه المنرفع •• يمه اخوج المنصرع
ضمي حيلج والبجي الذيج الرزيه

……………………………………………………………


اصبرج لو تصبريني . ابمنظر يعمي الناظر
اعله اخوج اخيولهم غيمات.وتمطر  عالجسد حافر
يوصل لينه لحم حسين . صفه اعله الگاع متناثر
اسد اعيونج اسمعين . صوت الضلع متكاسِر

يمه زينب انسي ضلعي وانسي كسره
الخيل تكسر من اخوج ضلوع عشره
وخنصر ايده المنگطع •• يم اخوج المنصرع
ضمي حيلج والبجي لذيج الرزيه

……………………………………………………………


ييمه الحرگ بابي ابنار . باجر يحرگ اخيامج
شتله انحفرت الها الگاع . هيج الجمره بجدامج
يعمي عيونج الدخان . منج ضاعت ايتامج
ومن هسه ولذيج النار . يزينب شدي احزامج

واعتنيلج يمه و نعاون بعضنه
انطفي ثوب ارقيه وي ذيال سكنه
والعليل المنفجع •• يم اخوج المنصرع
ضمي حيلج والبجي لذيج الرزيه

……………………………………………………………


اجيج امحنبه من الباب . ابيميني اعله الضلع الزم
المّن باليسار الشوج . لجنّه اهواي ما يلم
لأنج حافيه تركضين . باثارج يخط الدم
اشد من جوية البسمار . اشوف ابنتي تتألم

مثل جانون الرمل وشلون ابرده
حمره رجلينج تطگ وحده اعله وحده
وانا جن خيط الشمع •• يمج اخوج المنصرع
ضمي حيلج والبجي لذيج الرزيه

……………………………………………………………


يمه السوط اه السوط . بيدي اشگفت ضرباته
ييمه و حار جن بيه نار . ابمتنج تجوي لسعاته
على اعبايتج من ابعيد . اشوفن يمه طبعاته
يظل وياج حد الموت . ما تنسين آهاته

تخاف الاطفال وتجي تلبد ابكترج
والسياط اصير يا يمه اعله ظهرج
عيني الج تهمل دمع •• يم اخوج المنصرع
ضمي حيلج والبجي لذيج الرزيه

……………………………………………………………


ييمه الظلمه مو موتي . ولا تشييعي او نعشه
الظلمه ابهيمه وتباتين . ييمه ابليلة الوحشه
العبايه اصير الج خيمه . التراب ايصير الج فرشه
وحادي السبي وبيده احبال.يجيج ابساعة الغبشه

وياج اروحن للسبي وبگلبي جمره
من اصد اعبايتج مگلوبه حمره
ينلجم مني الضلع •• يم اخوج المنصرع
ضمي حيلج و البجي لذيج الرزيه

……………………………………………………………
✍️ ( سيد خضر الزاملي)
92
الناشر معتز الموسوي

11 Nov, 16:05

جينه ننشد فاطمه اعل اجنينها
صدگ حال الباب بينه و بينها

…………………………………………………………


جينه ننشد فاطمه و نحمل جرح
جرح غُمگ البير يتذره ابملح
صدگ بالبسمار محسن منذبح
صدگ شج ابرگبته مثل الرمح

و رگبته عن الجسد ممحينها
جينه ننشد فاطمه اعل اجنينها

…………………………………………………………


جينه ننشد وانعرف منها الخبر
صدگ وياها الطفل هم انعصر
والگلب مثل الضلع هم انكسر
اشوف ابنها ابين تربان اندثر

لشوفة الكاروك شوغه ابعينها
جينه ننشد فاطمه اعل اجنينها

…………………………………………………………


صدگ هم بالنار يالزهره انجوه
عاش بس بالظلمه ماشاف الضوه
ولا شهگ بنفاسه نسماته الهوه
محسن و دمعاتج الصگطن سوه

و روحج اعل ابنيّج مأذينها
جينه ننشد فاطمه اعل اجنينها

…………………………………………………………


ننشدج من طاح هم ناح وبجه
ابجلمة اليمه يفاطم هم حجه
من اذه البسمار هم گال وشجه
ابحضنج ولو على التربان انتجه

وهم على جفوفج وضع جفينه
جينه ننشد فاطمه اعل اجنينها

…………………………………………………………


صدگ زينب حضّرت ليه المهد
لازمه اگماطه وتگل لمها اشبعد
يمته اسمع صوت محسنّه انولد
يمه اخوتي اثلاثه يزداد العدد

وياها فرحان الحسن و حسينها
جينه ننشد فاطمه اعل اجنينها

…………………………………………………………


يا هو الاصعب يم حسن وكت الدفع
طفل من احشائج اصبح منگطع
لو جذوع العصرت و كسرت ضلع
لو من ايد الطاغي وجهج منصفع

عين حمره اعله الوصي اتغطينها
جينه ننشد فاطمه اعل اجنينها

……………………………………………… ..........


اثنينكم ما شفتوا شي من العمر
هو طير وما عرف معنى الفجر
وانت ورده وبيها مذبوح العطر
موش بالبستان تسكن بالكبر

اثمنطعش فوگ التراب اجبينها
جينه ننشد فاطمه اعل اجنينها

…………………………………………………………
✍️ ( سيد خضر الزاملي)
108
الناشر معتز الموسوي

09 Nov, 14:40

أهوازيه . ( #حشمت_فضه )
……………………………………………………………

موقف خله ابو الحسنين   . واگف ما يدگ نبضه
موش بأسمه صاحت صوت . فاطم حشّمت فضه

……………………………………………………………


مو باذانه طب الصوت . ابگلبه الولي ظل يسمع
لو ما لزمته الاضلاع . چان امن القفص يطلع
حگه وهو شيخ الزود . اعله عرش الغيره يتربع
مرته اتفزع النسوان . وهو اعليها ما يفزع

اقسم حتى فقاره
شب وسط الغمد ناره
اقسم درعه طگ بركان . منه النار تتشظه

……………………………………………………………


من سمعاها چن غركان . ضاع الهوه اعل انفاسه
سوده ودخنت بالغيض . اعمامه الخضره البراسه
من گد الحراره البيه . يتچوّه الذي جاسه
من دجله اغمگ ابمرات . هيج الجرح بأحساسه

حيدر من جذب حسره
كل يثرب صفت حمره
ظل كل الحجاز ايموج . تهتز من علي ارضه

……………………………………………………………


من طب الرجس داره . زين وظل عدل حيدر
واضح كلش وسمعاه . صوت الضلع يتكسر
ويدري الباب بيه بسمار . كلش حاد چن خنجر
بحشاها اخترق و النوب . بالمحسن غده ينحر

شيّب حتى شعر ايده
ذبحوا مرته و اوليده
خرم الابره صار الكون . ضاگ اعل الولي عرضه

……………………………………………………………


لا من نبي ولا ايمام . مر هالموقف ابعمره
حاضر هو وام البيت . فوگ الوجه  منصطره
مثل الشمس وكت اغروب . عين ام الحسن حمره
مثل الغيمه تخفي اللون . صارت شيلة الزهره

دمع العين يلچمها
مثل الملح يحرگها
وحيدر عود نص چانون . بيه النار تتلظّه

……………………………………………………………


سمع صوت الكسر بذنه . وجاساه بالغسل چفه
يبچي ولچن موش دموع . من عيونه طگ نزفه
الشاف الولي بذاك اليوم . لا ابدن فلا ايعرفه
لمن يجف ماي الراگ . يتغير وجه جرفه

عيونه امن البجي حمره
اهلال انرسم في ظهره
ليله ايخلصه دمعه وآه . النوم ولا يمر لحظه

……………………………………………………………


فاطم حشّمت فضه . و ركظت ليها شالتها
وزينب فزّعت بس حيف . لا واحد امن اخوتها
فاطم نامت اعل افراش . وسدت باب غرفتها
بس زينب ابليل و چول . والسد بس عبايتها

من الركض متعوبه
وأچم سوط مصيوبه
بحيث وصارت من اجلوس . صلت ليلها وفرضه

……………………………………………………………
✍️ ( سيد خضر الزاملي )
133
الناشر معتز الموسوي

09 Nov, 09:40

انا سر ام الحسن • محسن ايسموني

……………………………………………………………


انا سر مستودع امي
الله كاتب بيده اسمي
وي دم الزهره دمي . اعله الارض فار

انا سر وانا آيه
للذبح انا البدايه
للجريمه انا المرايه  . كشفت الصار

انا كشفيت الصحابه
اثبتت همه العصابه
عالوا اعل الله وحجابه . حركوا الدار

اضلوعي هم اتكسرن • ابلا رحم عصروني

……………………………………………………………


رابع انوار الزجيه
ما بزغ للدنيه ضيه
محسن انا اول ضحيه . و اول مصاب

انا من الباري نعمه
انا لهل الارض نسمه
لجن ما حصلتلي شمه . امن الهوه الهاب

للظلام حروفي گمره
انا فوك العرش دره
طحت وي طيحة الزهره . ابعصرة الباب

اعليه الجذوع اطبگن • بالجدم سحگوني

……………………… ..……… ........................


للجهاد انا العلامه
هاشمي ابغيرة عمامه
دافعت عن الامامه . و صحت هيهات

ما نذل واحنه الهواشم
احنا تربات الصوارم
جيش انا وامي فاطم . النه رايات

ما اريد ايامي عمري
فدوه لسم الدين نحري
بايع النسمات و اشري .. بعدن جنات

والجنان اتزيينن  بالورد لاگوني

……………………………………………………………


ابمحكة رب الجلاله
شاهد وتشهد اقواله
على الاصحاب الحثاله . زمرة العار

يا ألهي واجو كلهم
ابعينهم فايض حقدهم
امتونهم تحمل حطبهم . شبوا النار

وهذا ابن صهاك قائد
و (إن)  گال وبيها قاصد
لعصر امي اتعنه كاصد . ليها للدار

عيونها ادموم وجرن . وياها تجري عيوني

……………………………………………………………


اسرع من البرق موتي
ما نمت ما بين اخوتي
ولا بسمهم صاح صوتي . حسن وحسين

لا شفت جاسم و الاكبر
ولا علي السجاد الازهر
من وجه عبدالله تنگر . رادت العين

روحي ضلت عله بيها
اختي ما نمت اعله اديها
ردت انذر عمري ليها . وكل السنين

من هلي اهل الفتن . بالعجل حرموني

……………………………………………………………


انا سر و أبقه صابر
للامام المهدي ناطر
بيده يكشف سري باجر  . لكل الاجناس

غدا كلها اتعرف قدري
امن السماء يفوح عطري
يبتدي امن اجديد عمري . حجه عالناس

باجر ترف رايه خضره
بيها اصابع طبع عشره
رايه منها يفوح عطره . البطل عباس

ينعرف حقي ابغدن . رايه ويرفعوني

……………………………………………………………
✍️ ( سيد خضر الزاملي)
117
الناشر معتز الموسوي

09 Nov, 09:40

(( يا أبابيل ))

……………..…………………………………………… 

يا أبابيل • ليش ما طرتي بسماها
يا أبابيل • و ابرهه الثاني اعتناها
مارميتي الگوم سجيل و حجر
باب محروگ و ضلع منها انكسر

……………………………………………………………


اموجه يبابيل العتب  . من شيعي فاير كلبه
رد ابرهه الثاني وهجم . عالزهره مو عالكعبه
ما شفتي ادين ام الحسن . بنار وجمر ملتهبه
لاذت حياءاً فاطمه . ابطرف الجذوع امچلبه

ما نزلتي • يا ابابيل ابحجرها
ما نزلتي • الباب شلتيه عن صدرها
طين حايطها وكسر منها الظهر
باب محروگ و ضلع منها انكسر

……………………………………………………………


لو جايبه ابجنحج نده . جا طفه الباب وناره
لو صايره لفاطم درع . جا ما دخل بسماره
يمكن وصل يم الظهر . شبعانه دم اكتاره
بالباب تلزم لو ضلع . ام الحسن محتاره

و بجناحج  • نشفي بدموم الزجيه
و بجناحج • افراش صيري الها وتجيه

بالتراب امدده و تربي النظر
باب محروك و ضلع منها انكسر

……………………………………………………………


يطيور لو فوگ الظهر . سويتي مهد و كله
محسن سكط بس ماسمع . جلمة اليمه اصمله
جرحين ما طابن ابد . جرح العصر و النبله
محسن بكه ابعازة هوه . ومات ابعطش عبدالله

ما فزعتي • لمحسن الماشاف نظره
ما فزعتي • لعبد من انكطع نحره
جروح الهن يبجي دم المنتظر
باب محروگ و ضلع منها انكسر

……………………………………………………………


ذاك ابرهه وهذا ابرهه . نفس الهدف والفكره
بيت الله ذاك ايهدّمه . وهذا اعله بيت الزهره
تنجن ابابيل السمه . لو نظرت اعله السطره
عالوجه وبكل قوته . والعين ظلت حمره

ما كفاهم • ردوا و حاطوها حوطه
ما كفاهم • وتشگف بضربات سوطه
سوط بجفوف ام حسن تارك اثر
باب محروگ و ضلع منها انكسر

……………………………………………………………


كالها قران السمه . ويلٌ لاصحابِ الفيل
ويلٌ لضارب فاطمه . خلاها تعثر و تميل
تلجمها كسرات الضلع.من تدعي بس جف اتشيل
مثل الخيال وبس عظم . والجسد ميت وانحيل

گوه گوه • تشهگ النسمه وتشمها
گوه گوه • عالصدر زينب تضمها
اتكلها سلميلي اعل عباس الگمر
باب محروگ و ضلع منها انكسر

……………………………………………………………


حيدر يبابيل السمه . جالبحر واغمگ جرحه
والليل في بيته استمر . مايوم بيه طر صبحه
يذكرها تضوي وتبتسم . لو كعدت احذ الرحه
حاضنهن و بيهن يشم . مصلايه وي السبحه

يا زهرتي • وحشه وبلياج عمري
يا زهرتي • وياج ريت انحفر كبري
اثمنطعش ما شفتي بس ضيم وقهر
باب محروگ و ضلع منها انكسر

……………………………………………………………


يطيور ننطيج العذر . للزهره ما لحگتي
لحسين من حر الشمس . بجناح ما ظللتي
عريان والثوب انوخذ . للسلب ما مانعتي
عن الحوافر والسحگ . حاجز اله ما صرتي

تسعه ظلن • يا ابابيل الاصابع
تسعه ظلن • العاشر اعالرمل واكع
هو و المحبس بيابيل انبتر
باب محروگ و ضلع منها انكسر

……………………………………………………………
✍️ ( سيد خضر الزاملي )
84
الناشر معتز الموسوي

08 Nov, 20:42

صاحتلي وكالتلي _ عن الما يخطر عالبال
من اتكبرين بالخمسين _ تنشد بيدج راح احبال
كالت زينب مااوصيج *** تكبرين الطف متانيج
///////////////////////////
انه وياهه _ نكعد نسولف _ تهل دمعهه
تسولف وتسكت _ كوه تتنفس _ من ظلعهه
ارفع جفوفك _ خويه خل ندعي _ عالصفعهه

متأذيه من ظلعي هواي _ لو بيدي ابد مااعوفج
كالتلي بس تكبرين _ ينشد حبل بجفوفج
يذبج زمانج بالشام _ بحسرة عزيز يشوفج

فاطمتي محيرتني _ بقمصانك تشتم يحسين
اسألهه وتكلي _ بعدين اهناك اتعرفين
راح الدنيه ادور اعليج *** تكبرين الطف متانيج
///////////////////////////

يمهه صاحتني _ تلمست متني _ وكلبي حاير
السوط والسطره _ هم يلوحني_ بيوم عاشر
تدري حته اسمي _ راح يتبدل _ خويه باجر

انطتني عبايتهه تكول _ بس بالسبي تلبسيهه
التصابح ابوجه حسين _ راح الرمح يعميهه
الما طلعت الباب البيت _ تنطي الجمر رجليهه

اتجوه واتحمل _ وامشي بدرب الما مسحوك
بس بهاي كلي شلون _ صعبه اعليه طبت السوك
تجيبج حسبه وتوديج*** تكبرين الطف متانيج
///////////////////////////

نطتني سبحتهه _ البيهه ريحتهه _ تكلي ذكره
وبيك وصتني _ من تودعينه _ بوسي نحره
حسين من يكبر _ يسحك الحافر _ ظلوع صدره

مفجوعه وادري تفهمين _ شنهو حجي المفجوعه
من اطشر الغالي الخيل _ تلمين اريد اظلوعه
ومسحي التراب يأذيه _ من ركبته المكطوعه

باالاامك واسهامك _ لو حاجيتك احجي وياي
تذبحني لو كتلي _ يازينب ما عندج ماي
جم موقف راح يبجيج*** تكبرين الطف متانيج
///////////////////////////
كون مااكبر _ حتى ماافكدك _ ياابو الاكبر
وكون مااشوفه _ بدمك ملطخ _ شيبك احمر
ركضتي صعبه _ اكبال شماتي _ خويه واعثر

امنيتي اظل انه وياك _ بهذا العمر يحسيني
انته يتانيك السيف _ وانه السبي متانيني
يضيعك عليه الدخان _ بس جيب اليدليني

اتمنه واتمنه _ عمرك كله تضل مرتاح
صدكني شما تكبر _ يكبر وياك الذباح
دمعج كالتلي يواسيج*** تكبرين الطف متانيج
///////////////////////////
حظرت روحي _ وحزمت صبري _ للمصايب
غربتي غربه _ ودهري ما يسوه _ بيه اعاتب
ثلث من عمري _ يخلص بلحظه _ بالخرايب

القهرتني طبت الديوان _ مامره اجتي ابالي
معقوله بت اهل البيت _ تبات بخرايب تالي
جتالك حسين الماي _ وانه الحزن جتالي

يتعبوني يعذبوني _ لا ام عندي ولا خوان
كالتلي هم يصير _ زينب عندج بيت احزان
شيب الحركه يبين بيج*** تكبرين الطف متانيج
///////////////////////////
تمت ____ علاء الزيدي
92
الناشر معتز الموسوي

08 Nov, 20:42

(( #فتوة_أرهاب ))

……………………………………………………………

كلمة ( وإن ) اول فتوة ارهاب
لا عتره وامامه اليوم تنهاب
بدت من الضلع والمحسن ودمه
دستور و تطبّق جوره عاليمّه

……………………………………………………………


مرجعهم ابيوم الدار . اطلق هاي الحجايه
امير و للنواصب شيخ . لحرب آل الله دگ ثايه
اذا بالكفر اولى ابليس . هو اعليه صعد بايه
هو امراية الشيطان . و لله ام زينب امرايه

احجاية اطبّقت قول و فعل صار
نتيجتها ضلع و آهات بسمار
مكسوره وصعب حتى الهوه اتشمه
دستور وتطبّق جوره عاليمّه

……………………………………………………………


الـ ابراس الهرم يبدي . بعد ما عنده خط احمر
احجايه الذبحت الزهراء .سيف ويطبر بحيدر
اكو استاذ لابن ملجم . من قنفذ الدور انقر
يقلد خالد الـ بالسوط . خله الزهره تتعثر

حيدر ما يون من طبرة الراس
من عين ام حسن مجروح الاحساس
من عصرة الحايط بيه الف لجمه
دستور و تطبّق جوره عاليمّه

……………………………………………………………


اجت بت الخليفه النوب . احجاية ( وإن ) عادتها
(وإن )يعني الحسن گالت . اجنازة امنعت دفنتها
غيره وحسد للزهراء . ببنها الحسن ظهرتها
ما كفّاها ضلع الباب . اجنازه ابسهم ضربتها

هي استاذه و التلميذه جعده
سمّنه الحسن و الگبله جدّه
جيل ايوصي جيل ابحقد ويعلمه
دستور وتطبّق جوره عاليمّه

……………………………………………………………


لا تبقوا الـ اهل هالبيت . انعادت ( وإن ) بالعاشر
امس فاطمه اليوم حسين . والكاسر صبح ناحر
خاف الجذع ما يكفي . لبنها امحضّر الحافر
مثل طش الورد والهيل . جسم عالغبره متناثِر

( وإن ) محسن صگط بالجمر والنار
( وإن ) عبد الله من حر السهم فار
( وإن ) حدر الهدم ضماها عن امّه
  دستور و تطبّق جوره عاليمّه

……………………………………………………………


( وإن)عالأم حجاها اصهاك . وعالبت شمر عاداها
اسياط الضربت ام حسين . اعله متن ام عون رداها
من الغبشه جهّز نوگ . احبال اليسر مدّاها
مثل شّدة جرح مفتوح . ادين ام عون شدّاها

ادين الشعلت اعله ام الحسن نار
ردت و اعله بتها اتگاطف احجار
يزيد انطاها حقها اهواي هالكلمه
دستور وتطبّق جوره عاليمّه

……………………………………………………………


أميه و كل بني العباس . خذوا كلمة (وإن ) عاده
كل ايمام حكمه الموت . غَصب تتهجر اولاده
والملويه شاهد ضيم . بنوا طابوگ عالساده
  ابحبل مصطفى العذاري . داعش طلع احقاده

و اتصفگ فرح ربع الخليفه
مثل ما صفگت يوم السقيفه
ولازالت ( وإن ) عالشيعه متحزمه
دستور و تطبّق جوره عاليمّه

……………………………………………………………
✍️ ( سيد خضر الزاملي )
83
الناشر معتز الموسوي

08 Nov, 20:41

           (((  #مـحكـمه  )))

……………………………………………………………

محكمه • بالسمه • نادو الشاهـد حضر
عالضلع • والدفع • احجي ياباب القدر
أنقـل للـعـالـم  صـوره
عن الطاغوت وجوره
محكمه •• محكمه

……………………………………………………………


انا باب الزهـره انا  • و الله كرمّـني بـشرف
و النبي اجلال اليه • يامـه عل عتـبه وگـف
كل صباح وكل مسيه • انتظر من عنده چف
وابرهه عگبك يـ طه • ابفيله عل كعبه زحف

خانتك • صحبتك • ما نفع بيهم مـلح
بالنكر • و المكر • كسروا الحيدر جنح
كـلها ادافـع مـأجـوره
عن الطاغوت وجوره
محكمه •• محكمه

……………………………………………………………


مـن هـجم كالوله فاطم • جاوب ابكلـمة و إن
جايب اثلث ميه واكثر • والحطب فوگ المتن
شـحه عـدهم بالمراجـل • مـركز الذل والجُـبن
والرجس حضّر شعلته • وللحرگ سرفـن ردن

يالعرب • باللهب • نحرگ الرافض علي
و المره • الثائره • هسـه لازم تصـطلي
تحجي الوادم مبهـوره
عن الطاغوت و جوره
محكمه •• محكمه

……………………………………………………………


مـن سمـع فاطـم ورايـه • ليّـه وجـه رفسـته
اثنين اديه اعـليه حطـهن • يدفـع بكـل قـوته
چن لحـد  وانشـل نفـسها • ياقسـاوت عصـرته
وصارت العصره ابضلعها • واسمعت طگ كسرته

للـصـدر • كالجمـر  • عده بسـمار الخشب
من وصل • للطفل • محسن اعليه انصلب
لاذت فاطم مـجـبوره
عن الطاغوت وجوره
محكمه •• محكمه

……………………………………………………………


چنه وحشي وبيده رمحه • بين الضلوع استقر
محـسن يحامي اعله امه • وانكطع منه النحر
الشمـس شافاها تصـرخ  •  للارض طاح الگمـر
لا مهد لا قطعه بيضه  •  عل الترب صار القدر

ياجرح • منذبح • عينه ما شافت ضوه
يا فجر • منعصر • ما عرف نسمة هوه
يشهد محسن عاشوره
عن الطاغـوت وجوره
محكمه •• محكمه

……………………………………………………………


شاهـدت منظر يخـلي • تنگلب ارض و سمه
قنفذ المايسوه عانه • بسوطه يضرب فاطمه
والرجس خالد صفعها • و النظر عـدها انعمه
ما تهم بس همها كله • يم علي حامي الحمه

خل علي • يرد الي • لو افرّع للدعه
لا بشر • لا شجر • كلها تبقى مروعه
اشكي الرب المعموره
عن الطاغوت وجوره
محكمه •• محكمه

………………… .................................……


ماتت الزهره و عذابي • مستـمر ليل و صبح
ابعين الحسين واخيه • شوفتي مراية جرح
زينب ازغيره و جرحها • يدي و الچمها ابملح
امي و بداري حمامه • و انت كسريت الجنح

ما گلت • عدها بت • تفگد امها ابهل عمر
و انفجع • بالدمع •  اگظي كل ليلي اليمر
ذكره و ظلت محفوره
عن الطاغوت و جوره
محكمه •• محكمه

……………………………………………………………
✍️ ( سيد خضر الزاملي )
63
الناشر معتز الموسوي

08 Nov, 20:41

( #وزادت_البنت_على_أمها )
……………………………………………………………

الأمُ كالطيفِ قَضى عُمرُها
و البنتُ بالسوطِ انحنى ظهرُها
البابُ و الكسرُ .. و الطفُ والخدرُ 
و زادت البنتُ على أمها

……………………………………………………………

النارُ حرباً أعلنت
للأمِ تركضُ قد دَنت .. دارَت عَليها
جمرٌ غدا ذاكَ الحطب
أمتَدت ثعابينُ اللهب . تلسَع يَديها

والبنتُ في خيماتِها . حاطَت بِها النيرانُ
محبوسةٌ انفاسُها  .  يخنقُها الدُخانُ
جمراً بلونٍ احمرٍ . قد اصبحَ التربانُ

مِن نارِ صهّاكٍ لنارِ الشمر
بِها أميراتُ النِسا تستعر
الحورُ والطُهرُ ..  و الطفُ و الخدرُ
و زادت البنتُ على أمها

……………………………………………………………


و للضلوعِ قصةٌ
للآلِ صارت غصّةٌ .. والعينُ تدمع
بينَ الجدارِ و الجِذع
قد اطبقت فوقَ الضلع . و الرجسُ يدفع

لكن زينبَ منظرٌ . قد أعمى مِنها الناظر
تنظرُ أشلاءً غدت . تهوى بسحقِ الحافر
في الكفِ منقوصُ العدد . قد قصّوا مِنها العاشر

البابُ أثقلُ أم خيولٌ عَشِر
اضلاعهُ تنطحن لا تنكسر
لا يوجدُ الصدرُ .. و الطفُ والخدرُ
و زادت البنتُ على أمها

……………………………………………………………



الأُمُ حمرا عينُها
والبنتُ ازرقُ متنُها  .. و الكفُ واحد
ضربُ النساءِ مثلمه
صهاكُ يضربُ فاطمه .. و الرجسُ خالد

والشمرُ يعلو سوطهُ .  في المتنِ نارُ يلهب
كضائعٍ عن أهلهِ  .  يبحث فَقط عَن زينب
خمسونَ عامٍ عمرُها . في الركضِ جداً تتعب

الأمُ باتَت ليلَ في منزلِ
في البرِ و التربانِ بنتُ علي
عباءةٌ سترُ  .. و الطفُ و الخدرُ
و زادت البنتُ على أمها

……………………………………………………………


قالوا (وإن) بنتُ النبي
بالنارِ حتماً تصطلي  .. دارَ الزكيه
قد عادوا هذي الكلمةِ
للبنتِ فوقَ الهزلةِ .. أنتِ سبيّه

كالسيفِ يذبحُ أُذنَها . حينَ ينادي الشمرُ
سبيةٌ بنتُ علي . اليومَ مات الخدرُ
زينب تمنّت حينها . في الطفِ صارَ القبرُ

خمسون عامٍ لمْ يروا ظلَّها
و الآنُ كلُ السوقِ ناظر لها
ودمعها جمرُ .. و الطفُ و الخدرُ
و زادت البنتُ على أمها

……………………………………………………………


أمٌ رأت طفلاً غدا
في الارضِ من عصرِ العدا .. مُحسن شهيدُ
والبنتُ تنظرُ في ألم
طفلاً وفي النحرِ سهم .. يجري الوريدُ

المحسنُ في عينهِ . قد ماتت الانوارُ
كالرمحِ امسئ داخلاً . في قلبهِ المسمارُ
وابنُ الحسينِ كالنبع . منهُ الدِما مدرارُ

ماتَ و للماءِ بهِ حسرةٌ
اثيابهُ البيضُ غدت حمرةٌ
مهدٌ بلا عطرُ .. و الطفُ و الخدرُ
و زادت البنتُ على أمها

……………………………………………………………


شيّعَ الزهراءَ علي
صوتُ البكاءِ يعتلي .. للحَسنينِ
سلمانُ بالدمعِ حضر
عمارُ باكي و بوذر  . يعصرُ يدينِ

لكنَ زينبَ نعشُها . اغرابُ تمشي الناسُ
ليسَ الحسينُ بينهم . لم يحضرْ العباسُ
النعشُ ايضاً مثلُها . فيهِ أنكوى الاحساسُ

جنازةُ قد خَلت مِن هاشمِ
لا من يدِ الاكبرِ و القاسمِ
نعشٌ بهِ القهرُ .. و الطفُ و الخدرُ
و زادت البنتُ على أمها

……………………………………………………………
✍️ ( سيد خضر الزاملي )
63
الناشر معتز الموسوي

08 Nov, 20:41

((  #قصة_جرح ))

……………………………………………………………

بين الكسر والذبح • قصة دموع و جرح
الجذع حافر صفه • البسمار اصبح رمح

……………………………………………………………

قصة ظلامه ابلايه حد
ام و ورث منها الولد . امن الزهره لحسين
قصة ( و أن ) وتستمر
من الرجس لبنه الشمر . كلمة شياطين

الام وحيده ابلا حمه . مكسوره وادير النظر
والابن لا ناصر اله . مكسور خاطر والظهر

مطرت دماء السمه   • لحسين و لفاطمه
والشمس حمره اصبحت •وانخطف وجه الصبح

……………………………………………………………


قصة حرگ وباب وخيم
واثنين ناتجهن حرم  . نار ابأثر نار
ام و وبنت شبعن جمر
بس الفرق ركض الظهر . تجمع بالازغار

ما طولت نار ام حسن . والدار ظلت سالمه
لزينب ولا خيمه بكت . بالبر غريبه و هايمه

لفاطم فراش انفرش• مو مثل ليل اهدعش
عالرمل بنت الولي •مكسورة گلب وجنح

……………………………………………………………


قصة ضلوع اتكسرت
بجذوع و اخيول اهجمت . قصه بألف اه
ضلعين بس لم الحسن
وضلوع الحسين اطبگن . وصلن لمگفاه

الجذوع صح كلهن ثگل . بس مره وحده ومن هون
تروح و ترد خيل ابركض . بالسحگ بيه ايطشرن

داسن مكان النحر • طبگن صدر عالظهر
وتساوه وي الارض • جوه الشمس منطرح

……………………………………………………………


قصة جراحات المهد
طفلين ما نامو رغد  . نامو عل تراب
واحد على الباب انصلب
والثاني مات وماشرب . بالنبله منصاب

محسن الماشاف الضوه . وي امه بالعصره انخنگ
وعبدالله ما شابع حضن .اعله حسين دار ايده وشبگ

محسن بدين الظلم • من الهوه منحرم
ولعبد سهم وعطش • جرح و تذرّه ابملح

……………………………………………………………


قصة اميرات و خدر
ما بين صهاك و شمر  . ضرب و شتيمه
عين ام حسن حمرة اصبحت
ومتون زينب ورّمت  . شهود الجريمه

زادت عل امها اخت الكمر . بالسبي وشدات الحبل
جم ديره جم سوگ ودرب . ابلا هودج ابنوگ الهزل

ذبلن بنات النبي • بين العصر والسبي
بس الخرابه الاشد • لا حايط ولا سطح

……………………………………………………………


قصة امام و دمعته
لمّه الزجيه و عمته  . ما نشفت بيوم
اهوايه وعليه اتجعن
وغيوم ابد ما بطلّن . تمطر بالهموم

البسمار حيل امعذبه . والرمح كاسرله الكلب
لرّقيه وسكينه الدمع . نهران بعيونه وتصب

بالمهدي يسعر جمر • لجف قنفذ وجف شمر
والكال كلمة و ( إن ) • ينتظر يوم الفتح

…………………………………………………………….
✍️ ( سيد خضر الزاملي )
68
الناشر معتز الموسوي

08 Nov, 20:41

لسان حال امير المؤمنين ع بفقد الزهراء ع

…………………………………………… ...............

اليدفن بالگبر روحه • عليه تتزاحم اجروحه
من گد ما كثر نوحه • بعـيونه الصـبح ظلمه

……………………………………………………………


شله ابعمره السكن بالمگبره احبابه
يرش الگـبر مــن أعيـون سـچايه
مثل شهگت غريج ويشم بترابه
رفـقن يالتراب الزهـره منصـابه

خـطـارك غصـن بـعده • عمره اثمنطعش ورده
مكـسور الضـلع عـنده • خـاف ابلحدك اتلچـمه

……………………………………………………………


كـثر غيـمج يدنيه و ضيم صبيتي
اخذتي التنثر الفرحه ابوسط بيتي
اخلاف النسمه ماريد الهوه ابريتي
يريت العمـر طـيف و ليّه مـريتي

حلم لو طوله بس نظره •اشوف ارويحتي الزهره
اخذيني لدارج الخضره •گـمـر و تلاگـه بالنـجـمه

……………………………………………………………


علي وماهزني كلشي بدنيتي وعمري
و اجـبـال الارض  تتـثبت ابـصـبري
لچن عل زهره نصين انجسم ظهري
مـوش شويه فاطم بالنبـض تسري

يناس وحگي من انعه •اعيوني امفاركه البضعه
ماتوفي ام حسن دمعه • نعـمه و شـالت النعـمه

……………………………………………………………


وگف عندي النفس من وگفت الرحه
بدين الزهره جـانت تفتر الفرحه
بدونج طير باگو بهجته و صبحه
ابمحرابج يتيمه وتنحب السبحه

و بيـتج ورده ذبـلانه •• عليج  امحدّبه اركانه
حداد اعلنت حيطانه •• على العين واثر لطمه

……………………………………………………………


عـل البـاب اليتـامه  اطـيل بالـنظـره
يشوفونه و بچـيهم مـو دمع جـمره
الحسن بعيونه شاف ابعينج السطره
يخلص اللـيل بين الدمـعه و العـبره

انكسر گلبي على حسينج • يريد اتنومه چفينج
أبد ما شـبع  مـن عيـنج    • و لا من چلمة اليمه

……………………………………………………………


الج ظلت يتيمه اشعظم حالتها
يصير المغرب و غرفتج طبتها
لبست شيلتج و بحسره شمتها
و بمجانج تهـد الحـيل گعـدتها

مـنـچ ورثـت الـونّـه     • من محنه و لعد محنه
اعليها الحزن حد سنه • صفت عالدمعه متعلمه

……………………………………………………………
✍️ ( سيد خضر الزاملي )
104
الناشر معتز الموسوي

26 Oct, 08:37

عن امها للعباس تحچي اليتيمه
          والشاهد البسمار يوم الجريمه
             اباب المنيه    كعدو سويه
                      وبنت الزجيه
                     كشفتها الاسرار
                  —————————
    ابو فاضل گبر توه وسأل عالزهره والبسمار
    وزينب اخذته للباب وبدت تحجيله عن النار
     تگله هنا ضلع امي انكسر وتجتف الكرار
وگبرنه انه وحسن وحسين من چنه بعدنه زغار

           ماينسي تاريخ يوم المصيبه
       بذني سمعت تكسير ضلع الحبيبه
           احمر جفنها  وامي بحزنها 
                     طايح ابنها
                  وضربوها الاشرار
                   —————-
    تگله ياكمر عدنان  اَعرف وصلت الفكره
  جانت عن ابوي امي بچفها تضيع السطره
لگن خويه بالتغسيل ابو الحمله انگسر ضهره
مرت ايده فوك ضلوع  اباب جذوع متكسره

     تخيل علي الكرار  الحيل الله حيله
       مايكدر التابوت وحده يشيله
         كسره كسرته  ونزلت دمعته
                  وانه شبگته
                 وضلمت الدار
                ————————
  كبل لف الچفن صارت مصيبه وغمضت عيني
      شبگ امي عزيز امي ويگلها لا تيتميني
    ميته وحرگتله الايد من صاحلها شبگيني
   انكسر ضهر العرش من كال بوداعج كسرتيني

         ياخويه ذاك اليوم يشبه سوادي
      نحي الحسن وحسين ناده المنادي
          ناحت سمانه  والهم لفانه
                  طفت ضوانه
                  ياخويه الأقدار
                ———————-
   تلثم والدي وشَيع نعش امي بونين وهم
دفنها وردلي بس ردلي ماكو بوجهه قطرة دم
   يخويه والدك مثلي بموتت فاطمه تيتم
الجان بچفه يلوي السيف بهاي الفاجعه اتثلم

      كسره جنح ،مكسور  كلبه عليها
  وكلما يحس مشتاك يحجي بحجيها
      جانت حياته   وكل ذكرياته
                قبلة صلاته
               وبجفوفه فقار
               ——————
  كبرها خويه هم مضلوم اِبلاحنه ولانذروه
   بس لمن يجينه الليل نگدر نكصد نزوره
دحاچيني تصلي شلون العدها ضلوع مكسوره
    كبل لاينولد محسن يبو فاضل طفه نوره
     
        احسب اله ايام جنت بدمعتي
        يكبر گلت ويصيح يازينب اختي
           المابي محنه  حارمني منه
                    الكاتل ابنه
                  باجر وراه ثار
                    ———————-
   تخيل قاتل الزهره لو صادف علي يضحك
   المنك يرجف يأذيك من يتماده ويجرحك
  اليدري بسيفك موصه لو زلمه فله يذبحك
    طبيعيه اليدور صيت مثلك لازم يكرهك

       طبع العرك دساس واهل السقيفه
           ماقبلو الكرار يصبح خليفه
            الناكر أميره  ميت ضميره
                 باجر مصيره
                   ياخويه بالنار
       —————-
سيد معتز الحسيني
23
الناشر معتز الموسوي

26 Oct, 08:35

اذا باجر متت يهلي وتشيعوني
امانه الكـــــــربله رايد تودوني

ــــــــــــــــــــــــــــــــــــــــــــــــــــــــــــــــــــــ

أوصيــــــكم هلي ووصيتي احفظوها
ريـــــــــــــد اجنازتي الكربله اتودوها
مانه كبر ابـــــــــــــــو فاظل تزوروها

كمر عدنان احبه اهواي تدروني

ــــــــــــــــــــــــــــــــــــــــــــــــــــــــــــــــــــــ

وبعد عندي طلب يهلي ويضي العين
اريــــد اجنازتي اتعطلوها يم حسين
وعزه يقــيــــمولي يمه بالدمع وونين

وريد بكل عزه يهلي تذكروني

ــــــــــــــــــــــــــــــــــــــــــــــــــــــــــــــــــــــ

حسين البخــــــــدمته خلصت عمري
حبيبي والغــــربته دمعي ضل يجري
كيده مـــــــــــن اموتن يحضر بكبري

على موده رخصتها دمعة اعيوني
ــــــــــــــــــــــــــــــــــــــــــــــــــــــــــــــــــــــ

انا ابيوم الحـــــــشر لا خاف لا اهتم
روح الربي بدمــــــــــوع العزه محزم
الدمعه العل حسين اطـــــفي اجهنم

حسين المايخيب باجر اضنوني

ــــــــــــــــــــــــــــــــــــــــــــــــــــــــــــــــــــــ

اذا جاني الملك يهــــــلي بوكت دفني
انا عنـــــــــدي يقين حسين يحضرني
وكيد عله الصــــــراط ابأيده  يلزمني

هوه وأمه بالمحشر يعبروني

ــــــــــــــــــــــــــــــــــــــــــــــــــــــــــــــــــــــ

جنت انه اخـــــدمه حسين عل فطره
وابــــــــــد لادورت لاجـــــــاه لاشهره
جنت كــــــــل همي ارضي امه الزهره

والف هنيالي اذا خادم يحسبوني

ــــــــــــــــــــــــــــــــــــــــــــــــــــــــــــــــــــــ

جنت ارتاح كلـــــــــــــش من اخدمنه
اكثـــــــــر مـــــــــــن هلي والله احبنه
عزيز الزهره هــــــــــاذ الماكو اعز منه

بفضل الله وخدمته الكل يقدروني

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي
18
الناشر معتز الموسوي

26 Oct, 08:35

حُزني على الزهراءِ سَرمَدْ

والليلُ  في  عَيني  مُسَهَّدْ

وابگلبي جرح ام الحسن لاخر سنيني

ــــــــــــــــــــــــــــــــــــــــ

وسط  الگلب  چانون  ما ساعه يبرد
حين  ادفنتها   ابليل   بضعة   محمد
تخنگني سكرة موت وانفاسي  تخمد
من اذكر  ام  احسين سطروها علخد

مثلي ويظل عايش عجيبه
الدافن حبيبه  وبت حبيبه
علذڪره عايش والدمع لِيچوِّي عيني

ــــــــــــــــــــــــــــــــــــــــــــــــــــــــــــ

اگبالي  تِبين  ابخير  چانت   وضعها
ومن اطلع  امن  البيت  تلزم  ضلعها
رغم  الڪسر  والآه  تخفي ابوجعها
اتخاف انلچم لو شوف هامل دمعها

تبعد    اذا    اتدنه    منها
خافن اصد  لطمة  جفنها
ونّتها بالسر  زيّدت  نوحي  او  ونيني

ـــــــــــــــــــــــــــــــــــــــــــــــــــــــــــ

غسلني فوگ الثوب  وصت وصيَّه
ڪسر الضلع ماجيس رادتني  هيَّه
شفت  ابمتنها  آثار  زرگه  وشِجِيَّه
سطره وضلع ومتون ضَـمَّـت عليَّه

ياكسرة   اوداع   الأودها
اتمنيت انام ابنص لحدها
كل لحظه الها وللنبي  يشتد حنيني

ـــــــــــــــــــــــــــــــــــــــــــــــــــــــــــ

بيها الگبر وصّيت  وادموعي  تمـطر
گبلك عصرها  الباب ماحاجه  تعصر
وسط الچفن  يَـتراب  ودَّعتك  الـدّّر
ادفنها بالسر جيت حافظ على الـسر

عندك  أمانه  بت محمد
لاتلچم الها المتن والخد
دين ابرگبتك فاطمه واحفظلي ديني

ـــــــــــــــــــــــــــــــــــــــــــــــــــــــــ

ولداري  من  رديت حيره  اشعُظمها
أمشي  وأرد   اردود   والگاني  يمها
خوفي  ابغيابي  ايزيد  فاطم  ألمها
خوفي الچفن لا جاس ضلع ولچمها

صوت اسمعت زيد نحيبي
لـــزينبنه  أرجع  يا حبيبي
ابمحرابي گعدت وارجع الڪُم ترتجيني

ـــــــــــــــــــــــــــــــــــــــــــــــــــــــــــــــــ

زينب  شفتها  شلون    تنحب  يَـ يُمه
من دمعي عيني اعليچ حسبيها تعمه
لحضانچ  امن اشتاگ ياحُضن  اضمه
رديلي   لو   لحظات    عطرچ   أشمه

يلـ عُمر الورود ورحلتي
بعدچ حرام اتهيد ونتي
علـ ونّه عهدي ليوم عاشر من تجيني

ـــــــــــــــــــــــــــــــــــــــــــــــــــــــــ

سيد علي عبدالزهره الناجي
16
الناشر معتز الموسوي

26 Oct, 08:35

يَــباب  اشرح  تفاصيل   الرزيّه
وراك   اشسوّوِ   ابضلع  الزچيّه
عليمن   فـاطمه   اتلوع
وابوها  ابگبره  مفجوع
يَــباب  اشرح  تفاصيل   الرزيه

ــــــــــــــــــــــــــــــــــــــــ

حَــــدِّثْ  يَــــباب  البتوله  ،  بعد  الرسول  وغيابه
عَـــــلزهره ياهو التجاسر من صُحبته المو صحابه
باب ام حسن ظل يسولف  ودموعه صبت سحابه
گال  ابــــــــحطبهم  اجوها  ما رعو  حگ   القرابه

گبل   لا   يندفن   جُـثمان   ابوها
ولوها    وُ  لوعوها     وُ  روعوها
(  وَإنْ )  وحدها مـوضوع
وابوها  ابــــگبره  مفجوع
يَــباب  اشرح  تفاصيل   الــــرزيه

ــــــــــــــــــــــــــــــــــــــــ

اصعب   واشد  المواقف  من  لاذت  الزهره  بيّه
دفعوني حد ما  جذوعي كسرت اضلوع  الزچيه
بسماري  صــوّب  گلبها   وانظرها  طاحت  رميه
محسنها  مات  وتشوفه   فوگ  الترايب  ضحيه

يَـريته  ابگلبي  بسمار  الفجعها
ولا   يلچمها   وايهشِّم   ضلعها
تون    متهشّمه  اضلوع
وابوها  ابگبره  مفجوع
يَــباب  اشرح  تفاصيل   الرزيه

ــــــــــــــــــــــــــــــــــــــــ

كون الله لا ينطي قُنفذ  ابلا  رحمه بالصوط اجاها
يضرب  متنها  وُ  وجهـها    واتسمعه   يشتم  أباها
خالد  شريك  الــجريمه    بالــــغِــمِد  حيل   ألماها
والثاني   علـــــــ خد صطرها  والقُرط  شاهد تراها

قسم أقسم وحگ  شيبة   مُحمد
التعده اعله الطُهر عن دينه مُرتد
زراگ  ابـخدها  مطبوع
وابوها  ابگبره  مفجوع
يَــباب  اشرح  تفاصيل   الرزيه

ــــــــــــــــــــــــــــــــــــــــ

من خذو حيدر وليها  متگـيِّد  اهل  الـغوايه
محنيَّـه طلعت تدافع   وحدها صـارتله  رايه
خلّـو  ابن عمي والا   ادعي  وتكون   النهايه
معناها اول مُطالب    فاطمه  ابـحق  الولايه

يَــبت  الرحمه  سلمان  اليگلها
دعائچ  يفني  هاي الدنيه كلها
بقت بس تذرف  ادموع
وابوها  ابگبره  مفجوع
يَــباب  اشرح  تفاصيل   الرزيه


ــــــــــــــــــــــــــــــــــــــــ

بعد  الجره  ومر عليها   ايام  عاشت  قليله
مثل  الخيال الروايه  توصفها صارت نحيله
مَعصُوبَةَ الرَّأسِ حُزناً  ،   مِنهد ركنها وعليله
بيت الحزن يشهد الها  غارگ جفنها ابمسيله

تشم بتراب ابوها العدها غالي
وتگله  ايامي  من بعدك لـيالي
گلبها ابحسره  مصدوع
وابوها  ابگبره  مفجوع
يَــباب  اشرح  تفاصيل   الرزيه

ــــــــــــــــــــــــــــــــــــــــ

گبل المنيه اعتنوها    الغصبو  فدك   والـخلافه
بالچذب  لبسو  ندامه   واعتذرو  بكل  صــلافه
ماقبلت  الهُم  عذرهُم  الجاني اشيفيد اعتـرافه
وكلمة الـ ( آسف ) مُحَالاً  بيها الضلوع اتّــشافه

يَرب نادت يمن تعلم  شجوني
هذوله   العذبوني  وأغْضُبوني
گـــلبها   لهسه  موجوع
وابوها  ابگبره  مفجوع
يَــباب  اشرح  تفاصيل   الرزيه

ــــــــــــــــــــــــــــــــــــــــ
سيد علي عبدالزهره الناجي
15
الناشر معتز الموسوي

25 Oct, 21:27

قالَ سليمٌ قلتُ يا سلمانُ
هل بابُها اقسى أم النيرانُ
هل أمطرَت بالدمعِ . من كسرِ ذاكَ الضلعِ 
يا فاطمه .. يا فاطمه

……………………………………………………………


اي يهل تنشد عليها . ومن اسولف خاف تنجن
نار والدخان غيمه . ويه دفع الباب طبن

تشهگ ابكل حيلها وضايع هواها
باب عاصرها وحياطين ابگفاها
النار حاطتها وبگت تفتر وراها
يفتل الدخان خنگاها و عماها

قد صارَ حقاً فكرُها محتارا
تدفعُ باباً أو تزيحُ الجمرا
تكويها نارُ الجذعِ . من كسرِ ذاكَ الضلعَ
يا فاطمه .. يا فاطمه

……………………………………………………………


بله خلونه نقارن . بين باب جذوع كله
لو جذع واحد نذبه .اعله الارض خسفات خله

وبين ورده اثمنطعش واصل عمرها
وتعب من الرحه من گد ما تفرها
طبگة اكتاب الجذع كلش عصرها
الباب يمكن واصل الرمشة نظرها

رغمَ الصياحِ و أجيجَ النارِ
للكسرِ صوتٌ قد علا في الدارِ
من عظمِ هَولِ الدفعِ . من كسرِ ذاكَ الضلعِ
يا فاطمه .. يا فاطمه

……………………………………………………………


يهل تنشد و الفجيعه . قصة البسمار أذيه
بالعصر يمكن يسايل . واصل الگلب الزجيه

وموش بارد لونه احمر جمر كله
طفه نص احشائها و چويات خلّه
ومن طلع كل الجسم يا ناس شله
موش ماي امن الوجع دم التهله

واهتزَ عرشُ القاهرِ الجبارِ
حينَ اسقطوها في ترابِ الدارِ
سالت دمٌ كالنبعِ . من كسرِ ذاكَ الضلعِ
يا فاطمه .. يا فاطمه

……………………………………………………………


واحنه هم ننشد المحسن . ابعصره لو بسمار موتك
لو متت من الهضيمه . من شفت دمعات اخوتك

اي صحت لمن طحت يا يمه زهره
لشوفتج وانذبحت ابعيناي نظره
فدوه الج بس ظلت ابدلالي حسره
شفت ضلعج وادري بي محد يجبره

أمي سلامٌ مني للاخوانِ
هذا اخوكم ضاعَ في التربانِ
قد ماتَ ظلماً زرعي . من كسرِ ذاكَ الضلعِ
يا فاطمه .. يا فاطمه

……………………………………………………………


وره حيدر طلعت الهم . والعصابه استقبلوها
ولية اضباع الحقيره . لبوة امحمد ولوها

ابقبظه السيف وضربها النذل خالد
وابضهرها ابسوط قنذف ليها جالد
واجه دور الي عليهم صبح قائد
سطره وبكل حيله منها العين مارد

خلّوا علياً او امدُ الكفا
ادعو وهذي الارضِ خسفاً خسفا
اهتزت سماءُ السبعِ . من كسرِ ذاكَ الضلعِ
يا فاطمه .. يا فاطمه

……………………………………………………………


كالخيال اصبحت فاطم . عود ماينشاف ظلها
امحدبه قوس الظهر صاير . يا ثگل نگلة رجلها

ما تهم بس عدها نقطه اهواي عظمه
اثر عين الحمره و تحاذر تضمه
وما تطلع الـ آه لو بالضلع لچمه
هذا كله حتى لا حيدر تهظمه

لكنهُ في الغُسلِ قد مسّاهُ
كالثكلى يبكي المرتضى ينعاهُ
حالٌ كخيطِ الشمعِ . من كسرِ ذاكَ الضلعِ
يا فاطمه .. يا فاطمه

……………………………………………………………
✍️ ( سيد خضر الزاملي )
35
الناشر معتز الموسوي

25 Oct, 21:27

تراث اهوازي

……………………………………………………………

يحيدر ما حملت اتشوف • ضلع انكسر للزهره
لو شايف حسين شلون • حافر يطحن ابصدره

……………………………………………………………


يحيدر غسلت فاطم . وايدك للضلع لاحت
روحك مثل دمع العين . منك نزلت وساحت
جا شدكول لو نظريت . جثه من الطعن راحت
والخيل ابعلات الصوت .حي اعل السحگ صاحت

تموت ابعجل يا حيدر
تشوف الجسم يطّشّر
ما ينعرف جسم حسين • خلطت صدره وي ظهره

……………………………………………………………


يحيدر يوجع البسمار . منّه ام حسن محنيه
جسم ابنك صبح فرهود . جروح الف وتسمعيه
يحيدر سهم المثلث . رماه ابحقد راعيه
جبير و طلع من مگفاه . شگ الگلب و الريّه

يحيدر ضعف كل جسمه
صعب حتى الهوه ايشمه
اصفر نزف كل ادماه • ما ظلت ولا گطره

…………………………………………………………… 


يحيدر نعرف اتأذيت . من اسمعت ندهتها
طاحت من عصر بالباب . وركضت فضه شالتها
ابيتك هي مو بالجول . و خيل الشمر لحگتها
ولا طبعات ضرب السوط . مرسومه ابعبايتها

ولا بحبال فوك النوگ
من سوك وتطب ابسوگ
خدرها انرفع فوگ ارماح • وي الكافل و نحره

……………………………………………………………


محسن طفلك امأذيك . من شوفته ايحرمونك
بس مو عمر ست اشهور . شحلاته ويحله بعيونك
ولا عدوانك امن الماي . يحرمونه ويحرمونك
ولا بحضينك و مذبوح . شبگ جفينه بمتونك

رگبته ازغيره عالنبله
اگماطه امن الذبح حلّه
مات عيونه مفتوحات • بيهن لللعب حسره

……………………… ..…………………………………


صح شيّعت نص الليل . اجنازة فاطمه اندفنت
بس لو شايف اوليدك . جثه اعله الترب ظلت
ثلث تيام شمس الصيف . تلسع بيها واحترگت
بيها ايكبر النشّاب . عليها اسيوفهم صلت

خبّر يا علي فاطم
حسينج بالشمس نايم
موش ابجفن من دفنوه • ابحصيره اتوسد ابكبره

……………………………………………………………


يحيدر زهرتك غابت . ابعمر اثمنطعش ورده
الك علويه فوگ الراس . عمرها ابأربعه اتبدّه
من كثر السبي وتعذيب . زركه ابسوط منجلده
التغسل رفضت التغسيل . عنها وصفت مبتعده

ما اغسل هل البنيه
مريضه و حيل مجويه
حگها و مادرت عالنوگ • بين السوط والسطره

……………………………………………………………


رجعت من الدفن للدار . اجدامك بالمشي اتهمها
ابزينب يا علي مشغول . تفز و ماكو اهل يمها
لو شايفها ذاك الليل . هيمه و هايمه ابهمها
تصلي الليل من اجلوس . جوي الجدم يلجمها

تدعي الليل يتأخر
حبل اجفوفها امحضر
واسمها اتسمعه متغير . سبيه وموش بت عتره

……………………………………………………………
✍️ ( سيد خضر الزاملي )
32
الناشر معتز الموسوي

25 Oct, 15:28

دارت على فِهم العُلى كُل القُرونِ تَسأل
ذي فاطمه متالمه وأتى الوصي مُكبل؟
كَيف لانوار الرحمن
أن تُعصر بين الجُدران
…
سؤلا منه عرش الله يرتدد
وجبرائيلُ أوشك فِيهموا الحَد
وهل تُعصر وفاطم مالها حَد؟
ومن يدعوا لرباٍ  دون مرقد
وعزرائيلُ نادى  فِيهموا اشهد
افاطم ام عليا ام محمد؟
بفعلا منها صار الله يُعبد
ومن هذا الذي مِنها تَهجد

روحُ العُلى أم كَربلا مِنها هَوت بِكَسرى
ذا مُحسناٌ ام سِدرتاٌ هالوا عَليه ضَربى
واتى قرارٌ للشيطان
ان تعصر بين الجدران
… ..
إضطراباٌ عالمياٌ في العوالي
بشأن المُدركه ذاتَ المعالي
يَكاد الصُبحُ يَضهر في الليالي
فذي فاطم بخداٍ باحمراري
فعمقُ الدولةْ قَد ذاع القراري
لنجعل من عَلياٍ ذا انكساري
هجوماٌ فاقَ فَحواءَ الخيالي
ومنهم مانجى حتى الجِداري

اين الِبدى مما جَرى بابُ الاله تُحرق!!
حَسبي السمى سِراٌ هَوى قد كَبلوا يد الحق
حِفظُ الولايةِ بالقربان
ان تُعصر بين الجدران
… … .
نِدائاٌ في السَمى قَد صار واضح
عَزاءُ العالمه وسطَ الجوارح
الى ان يضهرَ المَهديُ صالح
لصَلبِ الجبت والطاغوتِ طامح
وحَسبي هذه اعلى المطامح
وبعدَ الثأرِ يأُذن للنوائح
ويوم المهدي يوماٌ ذي فَضائح
سيكَشف فيه عن مُجري المذابح

لكن الى ثأر النِسى كَيف الحَبيبُ يثأر
ثأر السَبي للطالبي كَسراٌ وكَيف يُجبر
قد ضيعوا أمر القرآن
أن تُعصر بين الجُدران
… .
وبعد الكسر والحرق المقرر
مَشت مَحنيتاً والدَمعُ أحمر
وصارت حَيدراٌ من أجل حَيدر
واسرافيلُ للنفخِ تَحضر
جَميعا رددوا الله أكبر
ولولا الصَبرُ هذا الكَونُ يُدثر
بهذا الفِعل قد ذَلت قِوى الشر
وعادت صَولتُ الطَيار جَعفر

سَقف الصلاه مِنها دنى كادت تكون خيبر
ذي الواثقه والناطقه روحي فِدا لحَيدر
هذا وهل يبقى الاذان؟
ان تِعصر بين الجدران
… .
وفاطم فَهمُها فَوق المراتب
فمن خِرزاتها نَضمُ الكواكب
بقول الهادي للخلقِ تُحاسب
وتَجزي من بكى هذِا المصائب
فحسبي من حَوت كُل المناقب
بِضلعٍ مُنكسر شَراٌ تُخاطب
مكبل من غدى حَلُ النوائب
بحبل وصيتاٍ فَحواها واجب

يبقى النِدى مني علا امراٌ وكيف يعُقل
ذي فاطمه متألمه واتى الوصي مُكبل؟!
فيه اضطراباٌ للازمان
أن تُعصر بين الجدران
… ..
مجتبى الدفاعي
55
الناشر معتز الموسوي

25 Oct, 09:00

يمه وينج   ضل مجاني خالي
فكي عينج   وشوفي عكبج حالي
اهنا ييمه   اهنا ييمه
***
ييمه اشلون انام وتغمض عيوني
ابجي اعليج كل ساع ويسكتوني

يمه اشلون اطب للبيت   وام البيت ماهيه
كلبي ما يحب اوداع   وانه افراك ما بيه
جنازج حجيت وياه   وكتله اتعطل اشويه
شالت للكبر يا حيف   امي الكلها حنيه

يالخذتها   جلمه عندي وياها
انسه روحي   وامي ما انساها
اهنا ييمه    اهنا ييمه
***
شينشف الدمع يايمه حاجيني
محتاجه الحنانج ليش عفتيني

لمن شالج الجناز   روحي وياج شالاها
صحت بصوت هاي امي   وخل اتواع وياها
عافتنه وبعدنه ازغار   وامنه وين نلكاها
بتراب الكبر نامت   والضنه كطعناها

وكت الغروب   ندخل الحجرتها
والها نشتاك   من نشم ريحتها
اهنا ييمه   اهنا ييمه
*
فليت الجفن بيدي ولزمت ايدج
وتخليني بعذابي يمه ماريدج

يايمه صحت شبساع   رحتي وخلصت العشره
كلبي ينعصر كل يوم   كمت امن ادخل الحجره
اذكر كعدتج بالبيت   ضليت واجر حسره
بس اسمع صده الحيطان   يرجع وانه منتظره

يمه يمه   ليش فاركتيني
انه زينب   اوياج ماخذتيني
اهنا ييمه   اهنا ييمه
**
صحت شمسويه واعله الخد يسطرونج
وبين الباب والحايط يعصرونج

بضلوعج نبت بسمار   يالحالج يبجيني
وتنادين اسمعنج    يا فضه الحكيني
رفسوني اعله بطني ومات   والله محسن اجنيني
انه فاطمه كتله   وشال ايده وسطر عيني

ما رعوني   وصوبو دلالي
حيروني    وخيبوا مالي
اهنا ييمه   اهنا ييمه
**


المن عايش وضال التموت امه
بعيني الدنيه من رحتي اصبحت ظلمه

شو كل ما اذكرنج   مالحك عله عيوني
يايمه اشكد اتمنيت   يم كبرج يدفنوني
اعثر بالجدم ضليت   يايمه ويشيلوني
اتلفت وصيح اعليج   وخواني يسكتوني

يالمشيتي   ناري شيطفيها
يالحنينه   جروحي شيداويها
اهنا ييمه   اهنا ييمه
**
تمت
تحسين الخفاجي
62
الناشر معتز الموسوي

25 Oct, 08:59

واكف اعله بابج   ونحب المصابج
عيوني وعيونج جرن   ليش فركنه الزمن
**
حزني ليل وساكن بوسط الجوارح
انه طايح مدري كلبي مني طايح
فاطمه بوجهج جنت كل يوم اصابح
رحتي عني وكلشي احس من عندي رايح

والله يالحبيبه   فركتج مصيبه
فاطمه يم الحسن   ليش فركنه الزمن
****
الحرك بابج فاطمه شيريد منج
انه ادري امن الضلع كل هذا ونج
اشلون اغسلج فاطمه وبجفوفي ادفنج
يا حرامات الكبر يبعدني عنج

من علي خذيتي   كلشي من مشيتي
الشوفتج دلالي حن    ليش فركنه الزمن
**








ليش اليفارك حبيبه ايزيد ونه
انه وانتي احله شي بالدنيه جنه
انتي رحتي وراحت وياج المحنه
والدهر كل يوم يحرمنه امن اهلنه

هاجت المواجع   امشي جني ضايع
عكبج احلامي اختفن   ليش فركنه الزمن
*
ياهي مثلج حيل بالباب اعصروها
وطيحو من عدها ابنها وروعوها
ياهي مثلج حيل عالخد اسطروها
ونبت بسمار بضلعها وشتموها

فاطمه العضيمه   تنعصر هضيمه
والجروح اتراكمن   ليش فركنه الزمن
***
اشلون تغفه عيوني بليل واسدها
صحت ذيج ايامنه الحلوه اشيردها
انه روحي اويالمصايب هذا حدها
والحديقه تموت من يذبل وردها

فركتج طويله   ودمعتي ثكيله
شيبت من المحن   ليش فركنه الزمن
**
تمتم
تحسين الخفاجي
61
الناشر معتز الموسوي

24 Oct, 06:10

امي    امي صلاتي وكعبة الحنيه
امي    اظلم يصير البيت اذا ما هيه
ما حسبت منها انحرم // والدنيه شنهي بلايه ام
*******
مشت والشال الجنازه    ليش ما خلاها
كتله هاي امي العزيزه    ورايد احجي وياها
امكابل التابوت وبجي   وما كدرت انساها
واشبه الميت يعالم    صاير بلياها

بالي   بيها انخبص واشلون اريح بالي
بالي    يحجي ويبالي وبالي يم الغالي
اليا وكت بجروحي اضم // والدنيه شنهي بلايه ام
*****
صوره صوره كلبتهن     والدموع بعيني
ومن يمر طاري الحبايب    تبجي حته اسنيني
امي من ابرد مشاعر      جانت ادفيني
امي من اعطش محنه    بكل وكت ترويني

عيني     رايح عليها امن البواجي اعميها
عيني      بس صوره امي علكتها بيها
ومن يمر طاري امي انهظم // والدنيه شنهي بلايه ام
******






خطفت احلامي الليالي    وهاجرتني امنيتي
امي راحت من اديه    وموحش اصبح بيتي
صحت يا يمه بدليلي    جم جرح خليتي
اوياج اخلص اسنيني عمري     ليش ما ضليتي

روحي    طير اصبحت وتحوم يم حجرتها
روحي    ترتاح من اكعد وشم شيلتها
واسنيني ما ظن تنتظم // والدنيه شنهي بلايه ام
********
تنسد الدنيه بحياتي     من تسد اعيونها
صحت هاكم دفنو روحي     وامي لدفنونها
انه امي اشكد مصايب    شالت اعله امتونها
والصباح الخير راحت    وهسه مدري اشلونها

امنيتي    ارجع صبي وامي تجي اتلوليلي
امنيتي     بالباب ترجع توكف وتدعيلي
كل عمري خلصته لطم // والدنيه شنهي بلايه ام
******








والله ما فد يوم امي    فرحت بأيامها
امي تعجن بالنوايب    حته وكت احلامها
الله من كد حبها خله     الجنه تحت اقدامها
ولاجن اشتسوه دمعتي     لو هوت كدامها


الضحكه    من فاركتني ماتت اعله اشفافي
الضحكه     اتكلي اليأذي امه اشكثر متعافي
وايامه ما الهن طعم // والدنيه شنهي بلايه ام
*******
امي هيه نعمة الله     واشكبر هالنعمه
والهوه الما شمته امي    صعبه ريتي اتشمه
جلمت اليمه اشحلاها    واشحلات اليمه
كلبي مملوح بختها    وما يحب اللجمه


هجرج     عذب دليل حسين هاي الليله
هجرج      وبالكوه زينب كامت اتجيله
وبالدمعه مجبور انحكم // والدنيه شنهي بلايه ام
*****
تمت
تحسين الخفاجي
77
الناشر معتز الموسوي

24 Oct, 06:09

ابوذيات.. استشهاد الزهراء ع

لم ربعه عله بت طه واجاها
بمشاعل داره الثاني وجاها
أمر عبده النذل يسطر وجاها
وبقه ينزف دمه وجه الزچيه..


الدموع بعين ابو الحسنين لاجت
وتهد حيله المصايب ليه لاجت
الزچيه گباله عالتربان لاجت
يگلها شبيدي مو مچتوفه اديه..

بيتي بحس علي وطوله عمر بيه
السعاده چنت اعيشنها  عمر بيه
اشوفن هسه شو بيتي عمر بيه
كسر ضلعي وحرگ بيتي عليه..

دفع بابچ لمن هيس يدچ بيه
وگعتي وضلعچ ابرجله يدچ بيه
سحب رمحه واجه الخصرچ يدچ بيه
لحدما طاح محسن عالوطيه..

نزاعه بكسر ضلعي  فضه اليه
وگعت وسيل دمي  فاض ليه
سكط محسن دلحكي فضه ليه
نذبح محسن تعاي بساع ليه..


ملاحم سيفي ياوادم سطرها
الدهر احزاني وهمومي سطرها
صم چفه ووجن فاطم سطرها
عمر يدريني مچتوف بوصيه..



الشاعر عقيل  الحسناوي...
66
الناشر معتز الموسوي

24 Oct, 06:07

امي ماتت كلشي مات
والحسين ابلا حياة

بانت الحيره على وجه الزمان
والحنان مفارك الليله الحنان
والله وسفه ابيتنه يموت الامان
وعلى ريحه فاطمه يفوت الدخان

مختنك كل الهوى
والشمع مابيه ضوى
والحسين بلا حياة
........................

الكبر ماصخ راد وادم مالحين
والوكت كوه عليه يسدلي عين
هيه هيج الدنيه تاخذ شكو زين
وغافلتني وخذت ام كلب الحنين

يمه اكلمن يمه عود
واليسافر مايعود
والحسين بلا حياة

...............................

كلشي مابي روح صار من الغياب
راحت المن تحجي يسمعهه التراب
شكد تمنيت اعلى كبرج الكه باب
والله يوجعني دليلي من العذاب

كسرو ضلوع الصلاة
وماتن بكلبي امنيات
والحياة بلا حياة
...............................

سكته من تموت بيه روحه الشمع
لا اله صوت ولا ونين الينسمع
بهيده ياخيط الفجر لاتنكطع
ينكسر حيل الضوى بكسر الضلع

بلايه عش موت الحمام
عالجرح لمن ينام
والحسين بلا حياة

..........................

هو اني عايش جي بعد كلبج يدك
مو عليج اعليه كبرج ينطبك
مثل بابج خيمتي من تحترك
ومثل ضلعج ضلعي ايلوحه السحك

محسنج عالغبره طاح
وانه طفلي اعلى الرماح
والحسين بلا حياة

.....................

على الحافر حافر بصدري عثر
وجرح نحري من الطبر كلش كبر
يمه شحجيلج على كسر الضهر
مثل حيدر جني والضلع انكسر

وحدي وماكو فياي
صحره روحي بلايه ماي
والحسين بلا حياة

ايوب جبار السويطي
52
الناشر معتز الموسوي

24 Oct, 06:06

امي كلش صافيه // امي هيه العافيه
ومن تغمض عيونها // انه اموت بدونها
****
امي طيبه وتحلف الناس بختها
امي واليشبها بس امي شفتها
امي جم مره بحياتي تعبتها
وصوتي عليته عليها وزعلتها

اتكلي روح امسامحه // وهاي لجلك طايحه
ام هله ايسمونها // انه اموت بدونها
***
امي ما ادري شسولفلك عليها
امي ضحكتها اختفت من كد بجيها
امي طيبه وما ترد الي يجيها
امي جانت تفرش افراشي بديها

جانت اتغطيني // امن ابرد ادفيني
التعب هد امتونها // انه اموت بدونها
*****









البيت اذا ما شوفن امي ايصر ظلمه
صحت الله ابعون كلمن يفكد امه
امي يا بعد الهوه الكل لحضه اشمه
امي موزونه وحجيها كله حكمه

كمت اشم اثيابها // واكعد بصف بابها
الوكت دوم ايخونها // انه اموت بدونها
***
كلمت اليمه تره ماكو احله منها
امي  ممزوجه المحنه وي لبنها
امي من امرض جنت يسهر جفنها
امي يعكوب النبي احتار بحزنها

يم سوالف مالحه // شو اشوفج رايحه
هسه روحي اشلونها // انه اموت بدونها
***









من سبع فدوات امي اندار الها
امي بالدنيه وعلي ماكو مثلها
الله خله جنته جوه رجلها
كمت من اجهبها ما ادري شكلها

الخبره حلوه امن يدها // وانه اعز اوليدها
وربعي ما ينسونها // انه اموت بدونها
****
امي جانت تكعد بكل مغربيه
اتفرع الشيله بدمعها وتدعي اليه
جنت من اطلع ترش الماي هيه
امي حته امن الهوه خافت عليه

اشلون امي انساها // وعمري عشته اوياها
لمن ايدفنونها // انه اموت بدونها
***
تمت
تحسين الخفاجي
43
الناشر معتز الموسوي

24 Oct, 06:06

في حق الزهرا۽    ع


لاتروحين.    يمه ردي الدارج
لاتروحين.    بيه تلهب نارج
عني يمه رحتي وين   اه يم كلب الحنين
              لاتروحين

------------------
يمه رحتي وطفه نور البيت كله
ويكتل افراكج ييمه وشيحمله
يمه هاي الدنيه من بعدج مذله
حالي حال السافر وعافاه خله
طول السنين.    ارتوي من اعيونج
طول السنين.   اغفه بين اجفونج
كشي يمه مني راح.  بقت الام وجراح
            لاتروحين

---------------------
يمه يتراوالي رسمج. عل حياطين
وين عن زينب رحلتي يم الحسين
سجن صار البيت بعدج وتجري العين2
يتميتيني ومشيتي. رحتي. لاوين
مكدر انساج.     روحي شمعه بابج
مكدر انساج.    طفت يوم امصابج
بعد شيفيد العتاب.    منل هظم دلالي ذاب
             لاتروحين

-------------------
يمه اكول هنا. كعدنه هنا حجينه
شوفي يايمه الزمان سوه. بينه
دوم. المفارك حبببه تجري عينه
لون  عفتينه ونسيتي مانسينه
مر الفراك.        سوه يمه بحالي
مر الفراك.       رحل عني الغالي
مارحم بينه الزمان.  الدنيه مابيه امان
           لاتروحين

---------------------
يمه من عندج خذت كل هاي الحزان
واني صار الدمع بين اعيوني صلطان
كسر. ضلعج خله بدلال. نيشان
بحجرتج محراب خالي ويمه قران
حسره والام.       يمه من عفتيني
حسره والام.       وياج ماخذتيني
رمشي يامظومع شاب.  من كثر دمع المصاب
               لا تروحين

-------------------
يمه محسن ويه دمج سال. دمه
منه حرموني اشوف بعيني رسمه
غاب عني وماطلع بسماي نجمه
دمع عيني لو جره جرحي يلجمه
الكلبه مكسور.    ياهو يجبر خاطره
الكلبه مكسور.  . دوم عينه مناطره
ياكلب دومك حزين.   الغالي عافك راح وين
               لاتروحين

----------------------------
       للشاعر. رحيم. الصالحي
39
الناشر معتز الموسوي

24 Oct, 06:02

انه الكسر ضهر  الزلم  هسه انكسر ضهري
وي فاطمه ابنص الگبر بيدي ادفنت عمري

انه علي ودافن علي
ــــــــــــــــــــــــــــــــــــــــــــــــــــــــــــــــــــــ

اجنازه  شايل للگبر رحـــــــــت ورجعت  اجنازه
لبيته يـــرد  ميت تــــــــــره اليدفن بديه اعزازه
راح وتركــــــــني الوحـــــدي المثل الهوه اعتازه
للمثلي الحــــــــــيله  تــــــــــره  يراد الف عكازه

كسرت عظم هــــــدهد تره ماينجبر كسري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

لا مره مكسور بحــــــــــرب لا سيــــــــفي خاسر مره
بس هسه لا ضهري انكسر وجرحي عله طولي ابكبره
انه علي مشــــــــــيع علــــي وللــــــــــگبر ماخذ عمره
ياكسرتي الماتنوصــــــــــف  لمن دفــــــــــنت الزهرة

من وسدتها عله الترب ضاگ الهوه ابصدري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ
مو بس تـــــره اجـــــدمي ثگل  ثگلانه حته انفاسي
من بيتنه لحـــــد الگـــــــــبر  ابيض صفه كل راسي
گمت امــــشي واعثر بالهوه وشكبره جرح احساسي
مــــــن شيعتها  فاطمه  جــــــــــن شيعت كل ناسي


مثل الهلال امشي صرت والدمع دم يجري
وي فاطمه ابنص الگبر بيدي ادفنت عمري

انه علي ودافن علي
ــــــــــــــــــــــــــــــــــــــــــــــــــــــــــــــــــــــ

بيدي شلت للمگــــــبره  الچـــانت هوه ابنص ريتي
شلت الجنازه الوحـــــدي ودمعي جره عله الحيتي
مثل الگبر بيتي صــــــــــفه موحش ويخنگ بيتي
امنيتي جانت  فاطــــــــــمه وياهه اموت امنيتي


مو الها اتمنه الگـــــــــبر ريت انحفر گبري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

انه المفــــــــــحطها جنــــــــــت الخيل والخياله
هسه ابجي ودمــــوعي حمر وگلبي الحزن يبراله
موقف كسر طــــــــــولي كسر وخل دمعتي هماله
صعــــــــــبه عله الزلمه تـــره تنطگ حرمته اكباله


انه علي يـــــــــم الحـــــسن اتقبلي عذري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

روحين بــــس جنه ابجسد مانحب طاري الفرگه
عين ورمــــــــــش مانفترگ  حيدر وزهرت عشگه
مرافگها خلــــــــــصت العمر ويامحله ذيچ الرفگه
من چنه نتلاكه ســــــــــوه يفيض العشگ بالملگه


بس هسه ماتت فاطمه وياحيرتي بأمري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي
34
الناشر معتز الموسوي

24 Oct, 06:00

((مولاتي اغثيني))


يافاطمةُ الزهراء .. مـــــولاتي اغيثيني
يافاطمةُ الزهراء .. لمصــــــابچ بجيني
مــــولاتي مولاتي للمجــــــــلس وديني
وخليني الطم صدري بالنضره ترئفيني

مــــــاتسوه الحياةّ بغير طـــرواچ
ومـــــــابياش افارگ دمعةّ العين
مراحل والعمر محسوب خطوات
بس خطواتي يامــــولاتي لحسين

اذا مو دمعه مــــــايسواش عـمري
واذا مو چفي مشبوگـ اعله صدري
شــــلي بعمــــــري يا أم الضيائيين
اذا مو حبچ اگلاده اعــــله نحــري

يافاطمه أم الحــسن ... مولاتي

"""""""""""""""""""""""""""""""""""''''''''''
                        
يافاطمةُ الزهراء .. نظراتچ لحوالي
يافاطمةُ الزهراء .. مثلچ حبچ غالي
بكل مجلس موجوده طولج محني گبالي
مولاتي مولاتي مـــــــن حبچ هنيالي

بعزائچ دمعتي المضمومه تنشاف
وأكيد بدمعتي مـــــولاتي تــدرين
المثلچ كون يبچـي دموع الاعزاز
ومو مره نموت اعلـــــــيچ مرتين

مـــــــو مرتين امــوت اعليچ مرات
وأترس خاطري بذيچ الحـــــكايات
من ضل اعله طــولچ صافن الباب
ومد روحه اعله روحه ونتچه الباب
                     
يافاطمه أم الحــسن ... مولاتي

"""""""""""""""""""""""""""""""""""''''''''''

يم زينب الغــراء .. بالشده ومنخيه
يافاطمة الزهراء .. يــــا اول علويه
مـــــولاتي مولاتي گليـــلي مگضيه
يامنبع انفاسي زوريني المــــسبيه

عمر خلصته وآنه بدولةّ الشوگ
وحتى الوين هم تصيح چـا وين
حسره بخاطري من تطلع اصيح
چا يمته ازورن اخت الحــــسين

وخاطر دهري ظل وياي مكسور
مشه عاشور بس بالــروح عاشور
صـــــــرت منذور للباب اليسدوّ
يم الباب الاخضر عمــري منذور
                        
يافاطمه أم الحــسن ... مولاتي

"""""""""""""""""""""""""""""""""""''''''''''

يافاطمةُ الزهــراء .. سائـــــل ويدگ بابچ
ضيعيني بدمعاتي ..من اقرا اعله مصابچ
مـــــــولاتي مولاتي والـــدنيا اعله اعتابچ
خلـــــيني بتعزيتچ مــــــن جملةّ احبابچ

چبير مصابچ وماتكفي الدموع
مــو بالدنيا نبچي واحنه ميتين
اذا مو يومي يگضي وآنه انعاچ
چـــــا ألمن خلقلي الله عينين

هيه العين مخلـوقه الدمعتچ
سواد الليل صاير من حسرتچ
من آلآم ضلعچ كـــل الجروح
يا أم الحـــــسن كلفه محنتچ
                             
يافاطمه أم الحــسن ... مولاتي

"""""""""""""""""""""""""""""""""""''''''''''

يافاطمةُ الزهـراء .. رحتي وعفتي أعيالچ
ازغار وكلهم حيره .. مـــن نضرو لحوالچ
مولاتي مــــــــولاتي حــيدر يبچي أكبالچ
وزينب صاحت يمه گـــلبي الظل ينعالچ

گلـــــبي اعليچ ينعه بمر الايام
لحـــــد ما بالمخيم نار السنين
لحد مـــا بالرمح يتعلگ الراس
واضل انعاچ وانه بحبل الايدين

اظل انعاج يمه بحــرگ الخيام
من يوصل ضعنه ويدخل الشام
اصيحن يــــــازجيه شلون باليل
يمه شلون بيه هـــــــواي الأيتام

يافاطمه أم الحــسن ... مولاتي


عبد زينب
محمد الابراهيمي
47
الناشر معتز الموسوي

24 Oct, 06:00

شهيدة الامامة

عمري الوجودك فدوه
اوياك الـمواقف تسوه
لجلك يحيدر  ضحيت     
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
آنه بمقامك عارفه .. وهذا سبب تضحيتي
البسمار اخذ حيلي ومشه .. والباب أخذ عافيتي
كله اعله مودك ياعلي .. غير أنته كشخة بيتي
ربيتلك أعظم ولد .. وانطيتهم حنيتي

اگبالك اغطّي السطره
خاطر اصون العشره
طردوني حته من البيت
وانكسر ضلعي وناديت
عمره الوجودك فدوه
ــــــــــــــــــــــــــــــــــــــ
عصروني بالباب وطحت .. طيحت شمس من قمه
يافضه أدركيني صحت .. راح الولد من أمه
امقدره احساسك ياعلي .. ومااريد ازيدك لچمه
وجه ابوجه من نلتقي .. عنك اغطي اللطمه

مثل الشمع بسكوتي
من أبچي اخفض صوتي
يمك علي ماونيت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
عشرتنه چانت ياعلي .. بالدنيه اجمل عشره
مايوم زعلتك ولا .. قولك اخالف أمره
تاج الـولايه أنته علي .. وبالتاج آنه الشذره
لله حبيتك علي .. وانته تحب الزهره

ابوجهك محمد شفته
اسمك حرز شايلته
مايوم عني اتخليت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
ماهمني بسمار النبت .. بضلوعي همني احساسك
ايأذيني ظل حته الهوه .. ومحتاجه اشم انفاسك
أهل السقيفه وكل حكم .. ياعلي جوه امداسك
لومتت لاتحفر گبر.. خليني شيبه براسك

موزوجي احس بيك ابني
وآنه ادري حيل اتحبني
يمك أظل اتمنيت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
أذكر احاديث النبي .. عنك اشگال وعني
گال اليحبك ياعلي .. معناهه هم ايحبني
وآنه الله لو أرضه رضه .. ويغضب عله الزعلني
كل هذا والثاني جسر .. شال ايده حيل وطگني

طگني وطحت ياحيدر
والقرط مني اتناثر
شكوه الـمحمد وديت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
مااريد اودعك يالولي .. اوداعك أشد من كسري
لاكن يحماي الحمه .. ماباقي شي من عمري
ابتغسيلي اصبر لوشفت .. بسمار جارح صدري
وانته اوي الحسين وحسن .. گعدو سوه يم گبري

مجلس عزاء سوولي
واعله السبي اقرولي
الزينب وحقك حنيت
وانكسر ضلعي وناديت
عمري الوجودك فدوه

محمد الجماسي

#اللهم_عجل_لوليك_الفرج
43
الناشر معتز الموسوي

23 Oct, 15:59

يزهراء       طولج مذبلينه
يزهراء      حيدر الله يعينه
؛::::::::؛؛؛؛؛؛؛
اليله حيدر كلبه صاير جمره من نار
شلون يالزهره الزجيه استوعب الصار
عينه حمره وكال عمري كون يندار
انتي كل امينه عندي وبعدج احتار

يزهراء          فكدج يبجينه
يزهراء      حيدر الله يعينه
؛::::::::::
بيش اعيش وانتي روحي رايحه بعيد
فراك وجهج حيل مني  فاطمه  يريد
الحركه والدمعه اعله فكدج بالله شتفيد
ونت الفاكد حبيبه بكل مسه ازيد

يزهراء       الضايع ادلينه
يزهراء      حيدر الله يعينه
؛::::::؛؛؛؛؛؛
اثر دم ابباب دارج  حيلي هداه
محسن الماشم هوه الله طايح الكاه
شبر طولك بويه محسن دمه حناه
انه وامك ندعي ربنه خذنا وياه

يزهراء      كلبي سمعي ونينه
يزهراء      حيدر الله يعينه
؛::::::::::::::::::::
وكت جاب الضيم اليه وحل الفراك
عمرج ازغير واشوفه اكبالي ينباك
كلشي بيه يحن يريدج كلبي يشتاك
فراك وجهج عذباني والنفس ضاك

يزهراء      الوجهج اشتاكينه
يزهراء      حيدر الله يعينه
؛::::::::::
مشي  كوه وحيلي رايح رايح وياج
ضلعج اتهشم اشوفه بدمه حناج
كلبج الينكط محنه شمحله ملكاج
والسمه اشتاكت تريدج والله راداج

يزهراء            الشوفتج حنينه
يزهراء            حيدر الله يعينه

هاشم الدراجي
68
الناشر معتز الموسوي

22 Oct, 13:34

استشهاد الزهراء ع



يالزهره فرگاچ اشعمل بسنيني
بس الله يدري اشگد بچتلچ عيني
متنه سويه اتمنيت  بعدچ ولا يسوه البيت
يالزهره
****
مات الحيل كله ولا هوه ابريتي
دفنت اوياچ يم حسين عافيتي
من دونچ يزهره شلون تاليتي
اول مره اكره ادخل البيتي

ما يندخل داري بعد يالزهره
بعدچ وحگ عشرتنه صار امگبره
ياوسفه وحدي ظليت  بعدچ ولا يسوه البيت
يالزهره
****
عالحلوه اتفقنه انعيش والمره
وعالَمْنه بصلاة الليل نختصره
نرفض چنه كلمن يختلي بگبره
مو گلنه سويه انموت يالزهره ؟

متّي ورفضتي ابلحدچ اتخليني
مو ذاك حيدر راح اظل تدريني
فوگي ترايب هليت  بعدچ ولا يسوه البيت
يالزهره
****
دفنتچ وانه صرت ابمشيتي اعثر
مو چني علي ذاك اليهد عسكر
استعديت إلمحن دنياي اتصبر
لچني الفرگتچ يالزهره ما اگدر

انه اقتنع بس گلبي شنهو ايقنعه
عايش زماني الخاطرچ يالبضعه
حزام المصايب شديت  بعدچ ولا يسوه البيت
يالزهره
****
خلص بيچ الالم من ساعة الدفنه
كسر ضلعچ اكيدن طاب بالجنه
وجب هجرچ اخلصه ابدمعه والونه
عشرين وتسع اعوام اعيشنه

كل لحظه من دونچ تمر احسبها
عل حايط البي دم ضلع اكتبها
ما ينفع اشما كتبيت  بعدچ ولا يسوه البيت
يالزهره
****
يمچ كل مسه يم الحسن انعه
ورشنّه الگبر يا فاطمه بدمعه
النفس يصعد لون إبايدي ما رجعه
اليعيش بلا حبيبه الدنيه متنفعه

اشتنفع بعد هالدنيه وانتي ابعيده
عمر اليخلص بس بچي ما ريده
من دم مدامع صبيت  بعدچ ولا يسوه البيت
يالزهره
****
الچ مدري اليه الفاتحه اقراها
زينب كل مسيه ابابي الگاها
احضنها واطيحن انه وياها
يفطر الكون يم حسين مبچاها

نبچي ونصيح ابدونچ اتيتمنه
اتطرشنه غيرچ لا ابد ميلمنه
الگعدتنه ذيچه حنيت  بعدچ ولا يسوه البيت
يالزهره
****


الشاعر اياد الديراوي
77
الناشر معتز الموسوي

22 Oct, 13:34

استشهاد الزهراء ع


بالمدمع تجاره  إقراها الزياره
****
سلم واهمل دموع  .. صوتك عدها مسموع .. وترده سلامك
لتگلي الگبر وين .. ابكل بقعه ام الحسين .. تتردد علامك

ما حاجه مناره اتشوف  ابني ابگلبك الگبه
واتخيل تطب لحسين  هيچ المدمع اتصبه

من تبني المناره  إقراها الزياره
****
ربح الزهره مو مال .. اتنجيك امن الاهوال .. ربحك بالقيامه
اشتنفع بالله دنياك .. تتخلد تره اهناك .. اهنا ماكو سلامه

لو نوح النبي عمرك   هم تخلص تره سنينك
غير الزهره يا مسكين  ياهو اللي يگر عينك

مفهومه العباره  إقراها الزياره
****
وياها ابني مشروع .. سمي دمعه وضلوع .. ولطماتك بضاعه
ابمشروعك تحط باب .. وارسم فوگه المصاب .. وحدره اكتب شفاعه

كونك تنچوي بالباب  وصدرك ينترس دخان
واسيها بنفس مجروح  واغرگ حيل بالاحزان

بابك ويه ناره  إقراها الزياره
****
عيش بوضع الجنون .. واعمي اعليها العيون .. وجرحهن خدودك
نايم بيها مسمار .. حيل ابچي عله الصار .. اخلص من قيودك
مسمار الكسر الضلوع  طيّح محسن اعله الگاع
طلعت من گلبها الآه  من ام حسن كلشي ضاع

وبهاي الحراره  إقراها الزياره
****
من انسطرت العين .. ما صاحت يبو حسين .. اتصورها الفجيعه
ظلت دمعه تجري .. عنده اوصيه تدري .. ويلي اعله الوديعه

ما همها الالم والنار  دين الهادي كل همها
ما ندبت علي الكرار  رغم الضلع لاچمها

ما جرد فقاره  إقراها الزياره
****
حيدر عاش الاحزان .. ودع اغلى انسان .. آهاته چبيره
غسلها بالجروح .. روح وفارگت روح .. فارگله عشيره

علي من غسل البضعه  انلچم وياها ابو الحمله
يطيح امن البچي ويگوم  مصاب الزهره شيحمله

صار أظلم نهاره  إقراها الزياره
****

الشاعر اياد الديراوي
59
الناشر معتز الموسوي

22 Oct, 13:32

لسان حال مولاتي زينب عليها السلام

بعد جدامي طف و نار و اركاض   —  وشل حيلي كله
گوه من ارد اكوم اتلگه الحسين   —شيصعدني اعله تله
هو اليفكد امه شلون يرتاح   —  شلونك لا تگله
كمت احسد التضحك بالنساوين   — اكولن امهه عدله

من اول ايامي المماتي
ماشفت راحه بكل حياتي
مكتوب اعيش بضيم وافراگ
بس حزن تخلص ذكرياتي

يايمه يايمه يايمه
—————
عود اخواني يمي اوالدي وياي  —  وحيرة گلبي حيره
شلون افگد عشيره بشيخها العام —  وابقه بلا عشيره
هنانه منين اباوع يمي خوان   —  كلما وجهي اديره
هناك  منين اباوع كلهه شمات  —  ناس بلايه غيره

يصيحون زينب طلعوهه
حرگو گلبهه براس اخوهه
الجانت عزيزه اليوم تنشاف
لو بجت بالسوط اضربوهه

يايمه يايمه يايمه
————-
هنا من انهضم ويضكني الفراگ   — اكو من اشتكيله
هناك الهضمه حتى بضلي تنشاف — واسكت ماكو حيله
هنا من ابجي يمسح دمعي الحسين  —  يحب راسي من اجيله
هناك الليل كله ابجي اعله الاخوان  — واصبح ع الهزيله

عباس غاد  منين اجيبه
ويشوف حال اخته الغريبه
تدري النهيبه شلون تنگال
من تفگد اخوانك نهيبه

يايمه يايمه يا يمه
—————-
اول ما فتحت عيوني بسمار  —  صاب امي وضهدهه
بس من بجت حيدر يمهه موجود   —  ينشف دموع خدهه
باجر خيل ملهوفه اعله الحسين—   مامش رحمه عدهه
واذا ناحت  اخت لحسين بسوط —  كام الشمر ردهه

كون البواجي ترجع المات
لأگضي العمر يحسين ونات
المات من الفرگه يرتاح
العاش يخلص عمره شوغات

يايمه يايمه يا يمه
————
الخادم موسى البطلي
35
الناشر معتز الموسوي

21 Oct, 15:43

نزله لمولاتي فاطمة الزهراء عليها السلام

ثار الزجية وثار محسنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
بيدي الامام المهدي من يظهر
ثار الزجية فاطمه وحيدر
وثار الجنين المحسن الاطهر

اسمع خبر يالناشدت عنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
لا يفرح الاذّاها والظالم
ما تبقى تبجي للأبد فاطم
يشفي الظلع من يظهر القائم

وهل السقيفه ينتقم منها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
من يظهر المهدي ويسل سيفه
ياخذ امن الصاب الضلع حيفه
يرضي الزجية المهدي تكليفه

مرقدها يعله ويزهي موطنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
ثاراته بالشيخين يبديها
منّ الدفعها وعتده عليها
يبدي القصاص وامّه يرضيها

كشف العصابه وكل بواطنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
حق الزجية يرجع بچفه
يكشف كبرها والضلع يشفه
يملي الأرض بالرحمه والرئفه

ارض وسمه قادر يوازنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
ميخلّي ظالم عايش وحاقد
يفني النواصب ما يضل واحد
تصفى النفوس بدولة القائد

ناس التعيش وياه يطمّنها
بيد الامام المهدي ضامنها

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
64
الناشر معتز الموسوي

21 Oct, 15:43

قصيدة شور
ياحيدر.      ياحيدر
ياحيدر.      ياحيدر

ياعلي بية الوجع ما ينحمل
ضلعي ينزف والدمع من دم يهل
لاني ميته ولاني عدله بس جروح
بياذنب ابچي وجنيني ينقتل
فاطمه واذوني     ابجي دم خلوني
وصّه بيه الهادي.   تالي ما رحموني
امن الكسر محنيّه.    بالجمر مچويّه
يا علي تتحمل.      احجي ضيم البيّه
ياحيدر.      ياحيدر
ياحيدر.      ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي كسر الضلع ماظن يطيب
لا تجي وتشوف حالي يالحبيب
حالي يجرح گلبك وخوفي عليك
لا تموت امن البواچي والنحيب
الينجرح بضلوعه.     ما تفيده دموعه
بوالدي وبوليدي      ياعلي مفجوعه
من عذاب جروحي.   والله طلعت روحي
عنك وعن زينب.     اخفي وني ونوحي
ياحيدر.      ياحيدر
ياحيدر.      ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
من عصرني الظالم بحقده الدفين
ما رحمني ولا رحم حتى الجنين
ما كفاه كسر الضلع وبجي وصيح
يا علي رد وسطر وجهي اللعين
من سطرني بعيني.    غايته يأذّيني
والوصية الحالت.     بينك ومابيني
ظلعي خل يتكسّر.     ما صحت ياحيدر
لو نخيتك اني.       ادري ما تتعذر
ياحيدر.      ياحيدر
ياحيدر.      ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
راح اودعك ياعلي حان الوداع
بعد ما احمل مصايب وفتجاع
الله لا ينطي الكسر ضلعي اصيح
ويلعن الچان السبب بالانقطاع
لو متت عزّيني.      للگبر ودّيني
علي الله يعينك.    بيدك تواريني
فاطمه المظلومه.    من زغر محرومه
بياذنب يا دنيا.      اندفن مهضومه
ياحيدر.      ياحيدر
ياحيدر.      ياحيدر

سيد زيد الفحام
52
الناشر معتز الموسوي

21 Oct, 15:42

((#الوصيه ))
……………………………………………………………

من جبال الارض اثگل هالوصيه
يا علي ابابك يعصرون الزجيه
اوياها روحك تنعصر . ما الك بس الصبر
عالرزيه .. عالرزيه

……………………………………………………………



اي تصبر يحامي الجار . وما تحميها اعز ناسك
جلمة و إن ضربة سيف . تحز ابرگبة احساسك
چلمه والها يبقئ يفور . يطگ بركان نوماسك
هي و گبل ابن ملجم . تطبر يا علي راسك

تسمع اصوات الزلم هوسه اعل دارك
اعلى من نيرانهم مشتعله نارك
تطلع انفاسك جمر . ما الك بس الصبر
عالرزيه .. عالرزيه

……………………………………………………………


يل اوجوه الزلم منك . تگلب بالحرب صفره
الثنيتك رجس راح ايدوس .وسوط ابيمنته ايفره
بابك تدري بيه اثجيل . اجذوعه اثگل امن الصخره
وتسمع صوت بس يا صوت . كسرة ضلع للزهره

مثل رمح الحمزه بسمار ابصدرها
عوزه گد الشعره يطلع من ظهرها
وانت ظهرك ينكسر . ما الك بس الصبر
عالرزيه .. عالرزيه

……………………………………………………………


الميت و العدل و بصوت . دوم ايفزعك بأسمك
بس هي اعل فضه اصيح . موش ويا علي اتحشمك
و اتوج غيرتك نيران . يتچوّه الذي يلزمك
لان گلبك يظل يفور . من عينك يصب دمك

اتصيح فضه و بس تجر وياها حسره
تدري هذا الصوت لحساسك يكسره
تدري گلبك ينفطر . ما الك بس الصبر
عالرزيه .. عالرزيه

……………………………………………………………


تروح اوياهم وتمشي . وراك الزهره هم تطلع
يتلگاها ابن صهّاك . ابوجه فاطم يظل يصفع
شطوله السوط عد قنفذ . ابمتنها ونار ظل يلسع
تكلهم ما ارد للدار . الا وي علي ارجع

ما تهم بصوابها اتهم ابرجوعك
الضلع اهون عدها من شوفة دموعك
تفدي لعيونك عمر . ما الك بس الصبر
عالرزيه .. عالرزيه

……………………………………………………………


مثل العود گدامك . تظل امحنبه وانحيله
تظل امدنگه لو طبيت . تضم العين بالشيله
كلش حمره چي صهّاك . حط بالصفعه كل حيله
بيها الدمع يشعل نار . يحرگ لمن اتسيله

من تشوفك ما تكض بالجف ضلعها
و بعجل بردانها اتنشف دمعها
تلّچم سكته اشكثر . ما الك بس الصبر
عالرزيه .. عالرزيه

……………………………………………………………


وازيدك خبر عن زينب . تزيد اضعاف عن امها
تركض حافيه و الگاع . شوچ ويشرب ابدمها
حبل يحفر بديها اشطوط . يظل بالعظم يلچمها
سوگ وهذا يرمي احجار . وذاك اصياح يشتمها

صدگ فاطم تنشتم من الصحابه
لكن ابيتك تظل مو بالخرابه
ياعلي ايموت الخدر . ما الك بس الصبر
عالرزيه .. عالرزيه

……………………………………………………………
✍️ ( سيد خضر الزاملي )
47
الناشر معتز الموسوي

21 Oct, 08:25

أويلاه يافاطمة المظلومة
ــــــــــــــــــ
لمصيبتج يم الحسن
تبجيلج اعيون الزمن
لهاي المصايب والمحن
حيدر علي مشيع الوطن

يزهراء...مثل الجبال اهمومة
أويلاه.... يافاطمة المظلومة
ــــــــــــــــــ
دفعة الباب المؤلمة
جن طاحت اعليج السمة
مكسور ضلعج فاطمة
مهظومة من هالمظلمة

بالالام.... يافاطمة المهظومة
أويلاه يافاطمة المظلومة
ـــــــــــــــــ
ذبلت حياتج بالجمر
خلصت سنينج والعمر
مايرهم لحزنج صبر
بس الجزع من الهجر

بالاحزان من العمر محرومة
أويلاه يافاطمة المظلومة
ــــــــــــــــــ
غرب ضواج اعله الترب
يم المحنة شگد صعب
أيتام من بعدج غرب
ودموعهم دم وتصب

والايتام يم حجرتج ملمومة
اويلاه يافاطمة المظلومة
ــــــــــــــــــ
عالمغتسل حيدر هوه
من غسل بدمعه الضوه
من جمرة الباب انجوة
يخنگ علي كام الهوه

والانفاس مختنگة لا معدومة
اويلاه يافاطمة المظلومة
ــــــــــــــــــ
من شيعج بيدة الولي
وبحزن فگدج مبتلي
يا فاطمة اني علي
يا أعز كل ناسي وهلي

بالقبور يم الحسن مظمومة
اويلاه يافاطمة المظلومة
ــــــــــــــــــ
ليل الوجع مابي صبح
فگدج يزهرة اكبر جرح
حزنج نحر شالة الرمح
شوگ العمر يذبح ذبح

بالأوجاع يگضي العمر حد يومه
اويلاه يافاطمة المظلومة
ــــــــــــــــــ
ينعد مصابج معضلة
وبابج خيام بكربلة
باجر يحل هالمسئلة
للمهدي ثار تكفلة


على الثار يظهر يجي بعلومة
اويلاه يافاطمة المظلومة
ــــــــــــــــــ
الشاعر زين العابدين الشمري
48
الناشر معتز الموسوي

21 Oct, 08:25

علي شاهد يوم حركو بابه
راح يحجي الصار يم عتابه

شبو النار   @   وابو حسين  @   يشوف بعينه
شاف عباس @   بالاصلاب  @    صفگ جفينه

ابو فاضل دخن من اصلابه
راح يحجي الصار يم اعتابه
........

علي واكف يوم حرگو بيته
الوصيه امجتف مخليته
غيرته براسه احرگت جفيته
بظهره طلعت نار من خاجيته

لنه عباس  @   غضب كام  @  بظهره وغاضب
اطلع منين  @  يبوحسين @   يريد يحارب

اتخيل العباس عنده اطلابه
راح يحجي الصار يم عتابه
..........

علي بلسانه حجاله حجايه
بيوم حرگو بيته سولف هايه
يگول احس بظهري نزلت آيه
ومشرعه وعلگمي وسيف ورايه

واسمع الصوت @ انه الموت  @عليكم قادم
صرتو اسباع @  ع الباب  @  يولد الخادم

سهله كلشي الصار عندي حسابه
راح يحجي الصار يم عتابه
.........

سهله انه الكم بعد جدامي طف
حصتي شما بالظهَر  عدكم نطف
بخت بيكم حيدر وياكم لطف
جان سيفي بروسكم يمشي وخطف

والمفر وين @   بالاطفوف @ اصيرن شاهد 
الحرگو الباب @   اكو حساب @ واحد واحد

مايضيع الحگ ورا  طلّابه
راح يحجي الصار يم عتابه
..........

باجر الطف وزلم تاكل زلم
والحرگ باب امي ينكظ بالاسم
كون زلمه يكابل وما ينهزم
موش ع نسوان صايرلي شهم

الزلمه بالسيف @ بالحروب  @ ثبت عنوانه
مو على الباب @ شهم صار @ يلف بردانه

المشكله التاريخ شحجي اكتابه
راح يحجي الصار يم عتابه
.........

الخادم موسى البطلي
◦
37
الناشر معتز الموسوي

21 Oct, 08:24

فتحت عزاء

احفر گبرهـا ودمعي يحفر خدي
راحت ضواي وضلمه صارت عندي
ــــــــــــــــــ
احفر بگبر الوديعه وجني احفر بيدي گبري
ارفض النسمه اشمها تجرح النسمات صدري
مو سنه وسنتين مني فاطمه كل سنه بعمري
واكف الكون على جرحي ودمي وي دمعاتي يجري


كل المصايب بيه صارت ضدي
راحت ضواي وضلمه صارت عندي
ــــــــــــــــــ
باقي بس عطرج بديه ياشمل روحي وحياتي
وحشه هالليل وضلامه وحشتج جنها مماتي
عودت شوفي على رسمج شايل بطبعج صفاتي
سولفت وي روحي عنج يا اعز كل ذكرياتي


يانضر عيني باقي بعدج وحدي
راحت ضواي وضلمه صارت عندي
ــــــــــــــــــ
البشر يدفن حبيبه تنكسر روحه وي دفنه
تصبح الدنيا كئيبا جنها لوحة وبيها صفنه
قلب واحد نبضه وحده بالعشك هذا انعرفنه
شكد بسيطين اجتمعنه بس صعوبه من افترگنه


مويمي هسه يلي جنتي بسدي
راحت ضواي وضلمه صارت عندي
ــــــــــــــــــ
شلون اوسدنج بديه صعبه يالزهره عليه
هالفراق شلون يذبح مابقى كل حيلي بيه
راح اضل ابجي على كبرج بلكي تلفيني المنيه
كون الحكج هسه لكن امر من رب البريه


وياج اموت امنيتي اني وبدي
راحت ضواي وضلمه صارت عندي
ــــــــــــــــــ
سبحتج اخذها بيدي واشتم التسبيحه بيها
هاي المصلايه يمي فاطم تصلي عليها
مثل دمع الشمعه دمعي عيني محترگة بجيها
هايه روحي المغربيه تنقبض واشعر اذيها


اكثر يذكرني بحياتج ولدي
راحت ضواي وضلمه صارت عندي
ــــــــــــــــــ
لو يردج بيه دمعي ما وكف دمعي دقيقه 
يالي جنتي ابروحي روحي اكثر انتي من الحقيقه
انتي وي دكات قلبي بالعلاقه شكد وثيقه
يالعيوني انتي وضواها شوفي بيج اندل طريقه


يانظر عيني وراحتي انتي وسعدي
راحت ضواي وضلمه صارت عندي
ــــــــــــــــــ
ماغمض جفني ابوداعج يا طمأنينة سلامي
انتي محراب القداسه يا صلاتي ويا صيامي
انتي نور الله وشعاعه بت رسول الله هيامي
الدنيا من بعدج ضواها اسود وصاير ضلامي


انتي الاميره واني عندج جندي
راحت ضواي وضلمه صارت عندي
ــــــــــــــــــ
روحتج خلتلي عله تعثر الروح بحزنها
من اونن اه يزهره تطلع الروح من اونها
ما تلم دمعي المدينه لو بجيت اطفح سفنها
هالزمن اذه الزجيه ويلي من لوعة زمنها

طالق ثلاثه الدنيا عبرت حدي
راحت ضواي وضلمه صارت عندي
ــــــــــــــــــ
الشاعر زين العابدين الشمري
39
الناشر معتز الموسوي

21 Oct, 03:45

عن امها للعباس تحچي اليتيمه
          والشاهد البسمار يوم الجريمه
             اباب المنيه    كعدو سويه
                      وبنت الزجيه
                     كشفتها الاسرار
                  —————————
    ابو فاضل گبر توه وسأل عالزهره والبسمار
    وزينب اخذته للباب وبدت تحجيله عن النار
     تگله هنا ضلع امي انكسر وتجتف الكرار
وگبرنه انه وحسن وحسين من چنه بعدنه زغار

           ماينسي تاريخ يوم المصيبه
       بذني سمعت تكسير ضلع الحبيبه
           احمر جفنها  وامي بحزنها 
                     طايح ابنها
                  وضربوها الاشرار
                   —————-
    تگله ياكمر عدنان  اَعرف وصلت الفكره
  جانت عن ابوي امي بچفها تضيع السطره
لگن خويه بالتغسيل ابو الحمله انگسر ضهره
مرت ايده فوك ضلوع  اباب جذوع متكسره

     تخيل علي الكرار  الحيل الله حيله
       مايكدر التابوت وحده يشيله
         كسره كسرته  ونزلت دمعته
                  وانه شبگته
                 وضلمت الدار
                ————————
  كبل لف الچفن صارت مصيبه وغمضت عيني
      شبگ امي عزيز امي ويگلها لا تيتميني
    ميته وحرگتله الايد من صاحلها شبگيني
   انكسر ضهر العرش من كال بوداعج كسرتيني

         ياخويه ذاك اليوم يشبه سوادي
      نحي الحسن وحسين ناده المنادي
          ناحت سمانه  والهم لفانه
                  طفت ضوانه
                  ياخويه الأقدار
                ———————-
   تلثم والدي وشَيع نعش امي بونين وهم
دفنها وردلي بس ردلي ماكو بوجهه قطرة دم
   يخويه والدك مثلي بموتت فاطمه تيتم
الجان بچفه يلوي السيف بهاي الفاجعه اتثلم

      كسره جنح ،مكسور  كلبه عليها
  وكلما يحس مشتاك يحجي بحجيها
      جانت حياته   وكل ذكرياته
                قبلة صلاته
               وبجفوفه فقار
               ——————
  كبرها خويه هم مضلوم اِبلاحنه ولانذروه
   بس لمن يجينه الليل نگدر نكصد نزوره
دحاچيني تصلي شلون العدها ضلوع مكسوره
    كبل لاينولد محسن يبو فاضل طفه نوره
     
        احسب اله ايام جنت بدمعتي
        يكبر گلت ويصيح يازينب اختي
           المابي محنه  حارمني منه
                    الكاتل ابنه
                  باجر وراه ثار
                    ———————-
   تخيل قاتل الزهره لو صادف علي يضحك
   المنك يرجف يأذيك من يتماده ويجرحك
  اليدري بسيفك موصه لو زلمه فله يذبحك
    طبيعيه اليدور صيت مثلك لازم يكرهك

       طبع العرك دساس واهل السقيفه
           ماقبلو الكرار يصبح خليفه
            الناكر أميره  ميت ضميره
                 باجر مصيره
                   ياخويه بالنار
       —————-
سيد معتز الحسيني
49
الناشر معتز الموسوي

21 Oct, 03:45

#الفاطمية

نِدَاءٌ في السَّمَاواتِ العَلِيَّة 
يُؤَذِّنُ لليالي الفاطِمِيَّة
بِأرْضِ الرَّسُولِ
دِمَاءُ البَتُولِ
فَحَيَّ عَليهَا أقِيمَوا العَزَاءْ
ــــــــــــــــــــــــ
1/ عَلَا الصوتُ دَنَا الموتُ   مِنَ الناعِي
بِآهَاتٍ   وأَنَّاتٍ   وَأَوْجَاعِ
إذا الزَّهْرَا  تَرَى كَسْرَا   بِأَضْلاعِ

تَرَى الأحقادَ والطُغْيَانْ
تَرَى التَّرْويعَ والعُدْوَانْ
تَرَى الأحْطَابَ والنِّيرَانْ
تَرَى قَدْ أُحْرِقَ القُرْآنْ
وَدِيسَتْ خُبْزَةُ/سُورَةُ (الإنسانْ)
وناحَتْ سورةُ الرَّحْمَانْ

وَرَاءَ البَابِ قَدْ لاذَ الكِتَابُ
وَكَادَ مِنَ السَّمَا يَهْوِي الحِجَابُ
جَرَتْ كالسيولِ
دِمَاءُ البَتُولِ
فَحَيَّ عَليهَا أقِيمَوا العَزَاءْ
ــــــــــــــــــــــــ
 
2/ إذَا أبْكِي   فَمَا أبكي؟   وَهَلْ يَكْفِي
فَكَمْ جُرْحٍ   عَلَى جُرْحٍ   وَمَنْ يَشْفِي؟
صَدَى اللَّطْمَة  رَمَى الأُمَّة   إلى الخَوْفِ

وذا سَلْمَانُ يَحْكِيَها
فَقَدْ أَبْدَتْ مَآسِيهَا
عَلَى الدُّنْيَا وَمَا فِيهَا
فَما لِي كَيْفَ أَرْثِيهَا
وَمَا عَيْنِي لِتَبْكِيهَا
وَمَا رُوحِي لِتَفْدِيهَا

أَقُولُ الحُزْنُ نَارٌ فِيَّ تَعْلَقْ
فَأَخْجَلُ إنْ ذَكَرْتُ البَابَ يُحْرَقْ
وَزَادتْ ذُهُولِي
دِمَاءُ البَتُولِ
فَحَيَّ عَليهَا أقِيمَوا العَزَاءْ
ــــــــــــــــــــــــ
 
3/ وَقَالَ (وَإنْ)  هَوَى المُحْسِنْ فَمَا هَمَّه
جَنِينٌ بَرْ  إذَا أَسْفَر   رَأَى أُمَّهْ
وَمِسْمَارَا   بِهَا غَارَا   بِلا رَحْمَة
فَشَقَّ خُزَانَةَ الأسْرَارْ
وَكَسَّرَ أَضْلُعَ المُخْتَارْ
وَحَيَّرَ صَارِمَ الكَرَّارْ
أَتُحْرَقُ رَوْضَةُ الأذْكَارْ
فآهٍ يا هُجُومَ الدَّارْ
وآهٍ يَا أذَى المِسْمَارْ

جَنِينٌ نَاطِقٌ مِثْلَ المَسِيحِ
بِلا صَوْتٍ، وَلكِن بِالجُرُوحِ
بِبَاب الدُّخُولِ
دِمَاءُ البَتُولِ
فَحَيَّ عَليهَا أقِيمَوا العَزَاءْ
ــــــــــــــــــــــــ
 
4/ وَمَا الجَوْرُ  ومَا القَهْرُ   وما الغَدْرُ
وَما العَصْرُ   وَمَا الكَسْرُ  وَمَا الجَمْرُ
وَمَا الأسْرُ   فَمَا الأمْرُ   وَمَا الصَّبْرُ

بِلا عَدْلٍ وإسْلَامِ
تَعَدَّى شَرُّ أَقْوَامِ
عَلَى بَيْتِ الهُدَى السَّامِي
عَلِيُّ دُونَ صَمْصَامِ
يَرَى الزَّهْرا بِلا حَامِي
وَأَخْفَتْ جَفْنَها الدَّامِي

وَعَيْنُ اللُّطْفِ جَلَّتْ فِي عُلَاهَا
عَجِيبٌ كَيْفَ تَغْرَقُ فِي دِمَاهَا
سَؤالُ العُقُولِ
دِمَاءُ البَتُولِ
فَحَيَّ عَليهَا أقِيمَوا العَزَاءْ
ــــــــــــــــــــــــ
 
5/ تُنَادِيهمْ   لِتَهْدِيهمْ   فَمَن يَسْمَعْ؟
فَذَا يَشْتِمْ   وَذَا يُضْرِمْ   وَذَا يَدْفَعْ
وَجَازَ الحَدْ  بِلَطْمِ الخَدْ  وَلَمْ يُرْدَعْ
بِهَا قَدْ أَسَّسُوا الظُلْمَا
بَلِ ازْدَادُوا بِهَا جُرْمَا
يَصِيحُ الدِّينُ وَاأُمَّا
أَغُصْنُ المُنْتَهى يُدْمَى
وَعينُ جِنَانِها تُعْمَى
وَيُسْقَى حَيْدَرٌ هَمَّا

يُغَسِّلُهَا بِأَدْمُعِهِ الغَزِيرَة
وَيَنْتَحِبُ الكَسِيرُ عَلَى الكَسِيرَة
بِدَمْعٍ هَطُولِ
دِمَاءُ البَتُولِ
فَحَيَّ عَليهَا أقِيمَوا العَزَاءْ
ــــــــــــــــــــــــ
 
6/ وَسِبْطَانِ  بِأَشْجَانِ  وَزَفْرَاتِ
مَعَ الحَوْرَا  عَلَى الزَّهْرا   كَأَمْوَاتِ
عَلا النَّعْشُ   بَكَى العَرْشُ   بِإخْفَاتِ

بِهَا لَيْلُ الدُّجَى سَائِرْ
لِئَلَّا يَحْضُرَ الجَائِرْ
بِتَشٍيِيعِ الهُدَى الزَّاهِرْ
مَضَتْ مَكْسُورَةَ الخَاطِر
بِجُرْحٍ لَمْ يَزَلْ غَائِرْ
إلى أَنْ يَظْهَر الثَّائِر

غدًا لِلْوَعْدِ طَلْعَتُهُ الرَّشِيدَة
يٌذِيقَنْ ظالمي الزَّهْرَا وَعِيدَهْ

لِيْومِ الذُحُولِ
دِمَاءُ البَتُولِ
فَحَيَّ عَليهَا أقِيمَوا العَزَاءْ
ــــــــــــــــــــــــ
لؤي حبيب الهلال
33
الناشر معتز الموسوي

21 Oct, 03:43

((وداع السلطان))


الفرگه تكتل
بس وداعك چَملّ الفرگه عذاب
وزاد فوگ الدمعه دمعه
ونولد حزن ومصاب
اتعسر الحسره بضميري
وأرجع ايتچون بيه وآنه شاب

يالوداعك سلب حيلي
والنهار اسود بعيني
گمت أسَميّ الزمن ليلي
عيشتني من حنانك
و سكنتني بنص جنانك
وكلتني بأيدك (الرئفه) وضگتها
شما أگلك چلمةّ الصار بلسانك
ونومتني بريش حبك
بدفو گلبك
وآنه المدلل وأطلبك
وماتردتني من أطلبك

من ينابيع الموده بيمنتك يالشربتني
وآنه اعرفك انته ضامي
كون اجيب الماي يالضامي واشربك
رغم ما دمعه بعيونك
بس توديلي ابتسامه
وي حمامه
اي أحس هايه علامه
والترافه تغطي جرحي
بس افزن
ويصفن بجرحك سؤالي
سيدي الخيمه الچبيره
احترگت وبيها يتامه

راح أگلك كافي دمعك
حتى مثل أبن شبيب
تگلي ابوي عاري بالحومه وسليب
تگلي ابوي الشيب من دمه خضيب
تگلي عمتي الغربه توجعها لهسه
وما اضن من الشماته ما اضن تشفه وتطيب

تگلي عمتي مر عليها يوم واحد
يوم من گالو سبيه
يوم من گالت وداع الغاضريه
وسلمت بالدمعه ... خويه
راح نمشي ومادرينه بيا نويه
بيا درب ما أدري وكتي ايمشي بيه
بيا هزيله راح اصعدها رقيه

الشمس تحرگ
وانت عاري
راح اغطيك بخيالي
وارسم الثوب بحبالي

خويه الله وياك ظل نايم هضيمه
ارتاح من الخيل خويه
ارتاح من السيف خويه
راح اواسيك بهزيله
راح اواسيك بسبيه
بعد ماكو اسمي عقيله

راح كل سوط اليطگني النيه لطمه
وراح اصيح حسين خويه
الخيل سحگنه ييمه

وتالي تالي من سمعتك هيچ گتلي
وانترس يبن شبيب بروحي صفنه
وطلعت جروحي بحضرتك
وَنه مطبوگه اعله وَنه

وتالي تالي ودعيتك
وگلبي مچلب يگلي لا تردني السهر شوگك
لاتردني الندم حالك
ابقه يم الضامن واترك خيالك
اوف مولاي انه ضايع
راح اودعنك بواچي
راح اروح التعب حالي وراح اعوفن كل دلالك

عبد زينب
محمد الابراهيمي
42
الناشر معتز الموسوي

20 Oct, 14:47

تره الزهرة الزچية .. مرضاها
نذل وسنين مرّت .. مرضاها
تره الباب الثجيلة .. مرضاها
كسر ضلعي وسگط محسن بديه


احترگ بابي وعليه ازلام .. يمعون
منهم مالگيت العون .. يمعون
دوري وياي محسن وين .. يم عون
لاحه الحرگ لو مكتول بيه



فاضل فرحان الجهلاوي
65
الناشر معتز الموسوي

20 Oct, 14:47

كل مجلس على الزهره
بدمعه الحسين يحضره
يبجي وينادي بحسره
يافاطمة المظلومه
**
حسين كل مأتم يجي متحزم حزام
ويفتر ابين المجالس كل الايام
رغم صدره المنكسر ويانه لطام
وتنزف بكثر اللطم اثار السهام
يلطم يناس بلوعه
خله ايده فوك ضلوعه
للزهره حمره دموعه
يافاطمة المظلومه
*
عظم اجرك نادوا خل يسمع صداها
للعرش خل توصل اليرضه لرضاها
امصاب محسن ياخلك كاسر كفاها
تبجي يم الباب ابو اليمه لكاها
حاضر عزانه اليله
شمسوي جرح بحيله
كسر الضلع يبجيله
يافاطمة المظلومه
****
المجلس اعلى الزهره ابو ايمه يحضره
والمصيبه  النفس بالكوه يجره
حسين اجه بلا راس والدم فوك نحره
يلطم ومتهشمه ويلي عضام صدره
كاتلته حيل الحركه
وريته بهظم مختنكه
ضاع النفس بالشهكه
يافاطمه المضلومه
*
والله ياناس شعظمها دمعة العين
منك بقاروره ياخذ بيها الحسين
دمعه وحده اعلى الزجيه بالبراهين
تنطفي بيها جهنم والبراكين
بمجلسها صوت الونه
ونجاوب السألنه
يعني كبل للجنه
يافاطمه المضلومه
****
حسين يسمع باللطم آهات صدرك
يأشر بجفه الحبيب يسجل اجرك
يالنذرت سنينك بهالخدمه عمرك
شترجه منها وعالي يم حسين قدرك
كلشي الحبيب انطانه
برتبة ملك سوانه
اليله ينادي ويانه
يافاطمة المظلومه
****
نزلت املاك السمه وياكم يلطمون
رادوا مراد وخذوا من دمع العيون
مدوا الجنحان بالمنبر يمسحون
شهالكرامه البي وللمجلس يحضرون
الكسر ضلع يلجمها
صوت السمه يكلمها
يعني شعظم مأتمها
يافاطمة المظلومه
***
تمت
احمد الخفاجي
61
الناشر معتز الموسوي

20 Oct, 14:46

الليلة وحشة .. وبمكانچ بس شمع
الليلة وحشة .. وفوگ بابچ دم ضلع
مشتاگيلچ حيل الليلة .. ونشم بالباب وبالشيلة
……………..
ليل وخنگاته تموتنه
وذكرّنه الباب الذابحنه
مو بس محسن طايح منچ
عصرونه اثلاثتنه وطحنه

دمچ يابس فوگ الحايط .. والبسمار يفور وملوي
مرن شهرين اعله الحادث .. بابچ طافي وگاعد يچوي

نذكر النار .. الوصلوها لحجرتچ
نذكر النار .. التكتل الما عبرتچ
رحنه لمحرابچ نحچيلة .. ونشم بالباب وبالشيلة
………………
جبنه البسمار الما بارد
ما يابس وينگّط گاعد
دمچ يالزهره الما ناشف
موت ولدچ واحد واحد

صوت ضلوعچ وي كل مغرب .. من يأذن كسره نسمعه
لو صاح الله اكبر نذكر .. صحتي الله اكبر بالدفعه

حتى صوتچ .. صوت واحد مختنگ
حتى صوتچ.. طلع منچ محترگ
ولدچ محد ظل بحيلة .. ونشم بالباب وبالشيله
………………
من صندوگچ جبنه السبحه
ودمچ من خرزتها نمسحه
مو حنطة اغيابچ خلاها
تطحن بس ارماد الرّحه

ورقة بصندوگچ شفناها .. وبيها كتابه بخط مرتب
امكم راح تموت الليلة .. خلوها برگبتكم زينب

ما تموتين .. يالمكانچ بالسمة
ما تموتين .. هي زينب فاطمة
بس اسمچ يصعب تبديلة .. ونشم بالباب وبالشيلة
……………..
رحنه لگبرچ روحة موته
والميته امه ايتعب صوته
والعصرو والدته وماتت
يگعد ويگابل تابوته

كل ما نتوضى اشكد نبچي .. نذكر من تتوضين انتي
من يمشي الماي اعله اعيونچ .. تنلچمين وما بينتي

الحمره عينه .. يريد حيلين وگلب
الحمره عينه .. يا وضوءه شكد صعب
ومن يمشي امتون اتچيلة .. ونشم بالباب وبالشيلة
…………..
اضلوعچ راح ايردن باچر
ينكسرن عصرية العاشر
اجذوع الطاحن فوگچ يمه
يردن باچر حافر حافر


ذبح احسين ايهز الدنيا ..وذبحه شلون ،بلايه اسم الله
والطيّح محسن بالعاشر .. ذباح يصير لعبد الله

راسه مگطوع .. ورادچ اوياه بالذبح
راسه مگطوع .. وشمّتچ صارت رمح
من هسه نشمه ونبچيلة .. ونشم بالباب وبالشيلة
…………….
علي هادي الخزعلي
57
الناشر معتز الموسوي

20 Oct, 08:43

يتامى فاطمة


الــصــحــابــه ابــلا ســبــب حــلّــوا.. ظـلـمـنـه
وراح الــــنــــــور وبـــــســـــرعــــــه.. ظـلـمـنـه
بـــعــد هــيــهــات مـــــا نـــنـــظـــر .. ظل أمنه

مــشــت ومـكــسّـــره اضــلــوع الـــزچـــــيـــــه

                                  *---------------*---------------*
✍خادم الزهراء ع
الشاعر رعد الجريخي
63
الناشر معتز الموسوي

20 Oct, 08:43

.

الـلـه يـصـبـرك يـا عـلـي     راحـت حـبـيـبـة روحـك
الـلـه يـصـبـرك يـا عـلـي     بـاچـر تـظـل بـجـروحـك 

               الـچـانـت لــبــيــتــك ضــــوه   
               حـرمـوهــه نـسـمـات الـهـــوى

             حــــــــــــرام          حــــــــــــرام

                           *---------------*---------------*

للــزهــرة دمـعـاتـك تظل     طــول الــعــمــر سچابــه
مـا تــنـسه اعرف يا علي     وادري الـفـرح ســد بابــه
فـاطــم تــودعك بالعجل     مــاظــن حسبت احسابـه
يــتــهــدم وحـيـلـه يــرك     اليــفــگــد أعــز احـبـابــه

اتـعـاشـر ثـيـاب الـحـزن     اعــــــرف ولا تـنـسـاهـه
اتـعـاشـر ثـيـاب الـحـزن     ويـن الـمـشـت تـلـكـاهـه

              مــا يــنــفــع لــجــرحــك دوه

                           *---------------*---------------*

يالشمعة اسنيـنك طـفـت     والـشـمـعـه صـارت دمعه
دارك يـحــيــدر مـظـلـمـه     وحشه اصبحت شبسرعه
ايــمــوت الـيـفـارك تـــره     اشـحال اليفارگ بـضـعــه
تـحـلالـه دمعات الـجـفـن     لــمــن يــنــوح ويــنــعــه

الـيـحـفـر بــإيــده گـبـر     لـلـغـالـي هـذا اشـلـونـه
الـيـحـفـر بــإيــده گـبـر     دمـعـاتـه تـچـوي عيونه

              الــعــايــش أُويـاهـــه ســــوه 

                           *---------------*---------------*

ورده وعمرهه اثمنطعش     عـنـك مـشـت مكـسـوره
والظلمه تـرسـت دنيـتـك     والـبـيـت فـــاگـد نـــوره
الـچـانت تـذكـرك بـالنـبي     نفس الــرســم والصوره
بـيـدك تـوسـدهـه ابلحـد     تــهـل دمـعـتك مـعـذورة

هـاي الزچـيـه العافـتـك     حـقـك تـجـر بـنـفـاسـك
هـاي الزجـيـه العافـتـك     وبـلـحـظـه شيّب راسك

              أقــره الـحــمــد والـقـل هــوه

                           *---------------*---------------*

الـيدفــن حبيبه ابحفرته     مــعــنــاهــه دافن روحـه
ما يبقه بالــدنــيــه امــل     بــس الصــور وجـروحــه
ايــعــاشــر سنين الحـزن     ويــكــثــر حنينه ونـوحـه
والــدمــعـه تحفر بالجفن     وبــكــل وكــت مسموحه

يالوالـي بجروح الـحـزن     إسنـيـن العـمـر تگضيهه
يالوالـي بجروح الـحـزن     كـلـشـي انـدفـن تـاليـهه

              شــيــصــبّــر الـگـلـبـه إنـچـوه

                           *---------------*---------------*

ادري الــيــظـل الــوحـده     حــصــتــه السـهـر لعيونـه
الاحــبــابـه غطاهه الترب     يــاهــو اليـگـلـه اشـلـونـه
الله يــعــيــنــك ســيــدي     ام بــيــتــك ومــدفــونــه
مـاتــت بسمتك والــفــرح     وعــمــرك تــغــيّـر لـــونــه

مهظومه ماتت فـاطـمـه     يـابـو الـحـسـن هـالليلـه
مهظومه ماتت فـاطـمـه     اصـبـر يـحـامـي ادخيله

              مـــاخــلـت ابـحـيـلـك قــوه

                           *---------------*---------------*

يا حيدر اشــلــون الـورد     وســط اللحد خــلـيــتــه
مــحــد يــلـومك بالبچي     خــد الطــهــر صــديــتــه
مــا اگــدر اشــرح حالتـه     صــعــبــه الفگد عــافيته
شحال اليشاهدهـه بكسر     شــمــعــة حـيـاتـه وبيته

يحسب سنين ابحسرته     ويـبـقـه ابسواد اهدومه
يحسب سنين ابحسرته     مـحـد يـجـي ويـلـومــه

              بــدمــوعــك الــخــد ارتـــــوه

                           *---------------*---------------*

✍خادم الزهراء ع
الشاعر رعد الجريخي
66
الناشر معتز الموسوي

20 Oct, 07:06

نعي
السيده زينب ع اتسولف للعباس ع
قصة حادثت الباب



گعد عباس يمي وسولفتله
ويبن والدي المهيوب گتله
امصاب الضلع گبلك حملته
وشفت الطهر دمعتهه سگته
*--------------*-------------*

دنگ ونهضم راعي المحنه
ودمعات الگمر بالخد چونه
اسولفله ويجر عباس ونه
وگالالي الدفعه احچيلي عنه
*----------------*-------------*

گلتله بحالت الزهره وخبرهه
اجه الملعون وبخدهه سطرهه
وبين الباب والحايط عصرهه
والضلوع  من  امي  كسرهه
*--------------*--------------*

صاح الگمر وبصيحه شديده
تمنيت النذل  وكتي  يعيده
والطك  الزچيه  اگطع  أيده
وخل الگوم  يا زينب تفيده
*-----------------*------------*
✍ خادم الزهراء ع
الشاعر رعد الجريخي
61
الناشر معتز الموسوي

20 Oct, 07:06

(بضعة رسول لله)

بـيـن الـدمـع والأه  **  بـضـعـة رسـول لله

وآويـلـي ع زهراه  **  وآويـلـي ع زهراء

*---------------------*-----------------*

بجاري المدامع والـحـزن ضـلـت عـلـيـلـه
خافت يصدهه المرتضى وتجرح دلـيـلـه
أتـحـمّـلـت ام الـنـبـي ضـيـم بـرحـيـلـه
ماچنهه بنت اثمنطعش صارت نـحيـلـه

تـذكـر هجوم الگوم  **  ام الحسن كل يوم
         حـمـلت جـرح وهـمـوم

*------------------------*--------------------*

بـعـمـر الورد وتـحمّلـت كـسـرت ضلـعـهـه
ولو شافـت الكرار اجـه تـمـسـح دمـعـهـه
فـجئـه الـزچيـه فاطمه اتـغـيّـر وضـعـهـه
شوّفهه كسرين الـزمـن گـوه وفـجـعـهـه

كسر النبي المختار **  وكسر الضلع بالدار
               من لوعت البسمار

*----------------------*-------------------*

ما جامـل وانسه الجره بضلـع الـوديـعـه
هشموا صـدرهـه ابيا ذنب وبـيـا ذريـعـه
گرّب اجـلـهـه والـعـمـر بـعـده بـربـيـعـه
صارت ضحيه فاطمة الزهره الشـفـيعـه

ماتت أثر بالعين  **  أم الحسن وحسين
          تحمل جرح جرحين

*--------------------------*------------------*

زمرت عـصـابـه اجاهلوا قـدر الـزچـيـه
أول فعلهم بالـحـقـد مـحسـن ضـحـيـه
الـخـانـوا الهادي بـعَـجـل واذّو وصـيـه
ماگـولـن اصـحـاب النبي بَل ناصـبـيـه

خل البعض يحچون ** اصحاب النبي ايگولون
             اجرن دمه يعيون

*-----------------------*--------------------*

الگالوا صحابه ما اضن بـيـهـم صـحـابـه
الكسرو اضـلـوع الـطـهـر اكـبـر عـصـابـه
الـحـرگـوا الدار الـوصـي وزادو مـصـابـه
والـكـرر الـكـلمـت وأن واضـح خـطـابـه

اليحمل فكر تكفير ** ماضن صحابي ايصير
              ألمن وجهه ادير

*-----------------------*---------------------*

✍خادم الزهراء (ع)
الشاعر رعد الجريخي
49
الناشر معتز الموسوي

20 Oct, 07:06

نعي مفجع
للزهراء ع


أفـزّ بـالــيــل واتـــذكــر
               امـي الـحلـوه گـعـدتـهـه

وياخذني الدمع والشوگ
              ويوديني اعله حجـرتـهـه

اصـبّـر روحـي بـالـگـوه
              واشم ريـحـت عبايتـهـه

واتـمـنـه الـزمـن يـنـعـاد
              واسمـع مـره چـلـمـتـهـه

صوور بعيوني لـلـزهـره
               مشت والصوور خلتـهـه

اوّل وحــده بـالـعــتـبـه
               البيهه ابـتـدت قصـتـهـه

وثانـيـهـه تـشيـب الراس
               يـوم الشفت عـصـرتـهـه

أمـي اشـجـنـت مـا ادري
              ليش الـگـوم ظـلـمـتـهـه

وليش ايطيح محسنهـه
               وليش الدمعه سالـتـهـه

بضعة سـيـد الـكـونـيـن
            اشلون انسه مـصـيبتـهـه

*--------------------------*------------------*

✍خادم الزهراء (ع)
الشاعر رعد الجريخي
47
الناشر معتز الموسوي

18 Oct, 01:00

نعشك شيلة امك .. راح وياهه ندفنك
بدمعات زينب راح اغسلنك  ..
احتاريت بيدي منين اشيلنك..
اسم الله يمحسن
.........................
بعدك نفس وانكطع بالباب
بسمار حار بضلعك وطاب
ينشاف حزنك فوك النگاب

اعذرني چي مالحكت بيك
باب الجذوع وطايح اعليك
وخليت هاي النار تچويك


مثل الشجره المكسورة امك طاحت هيه
وردة بيتي تشهك بأسمي وتبچي اعليه


دمهه محني العتبه
وباي ادفعه الغربه

الباب عله ثگله طايح بحظنك
احتاريت بيدي منين اشيلنك
اسم الله يمحسن
...............................
ياحيف بزري حرگته النار
متروسه دم عيونه الزغار
احتاريت اله لو لأمه اندار

بدمه الولد غافي لكيته
زينب اشكد نذرت لجيته
كاروكه بيدَي رتبيته

نار بگلبي ونار بيتي شيطفي النار
وصلت يم حسين وزينب واطفالي زغار

ركضو لامهم يبچون
احتارو وين يروحون

سكته متت ماينسمع انك
احتاريت بيدي منين اشيلنك
اسم الله يمحسن
...........
تثكل اجدامه الفارك اهله
وينحب عليهم ليله كله
الشالت ام بيته ابيته شله

غسلت بيدي ورزكه الضلوع
صوت الدموع بعيني مسموع
ونكعت رداني من الدموع


خطوه امشيهه وخطوه اوكفهه والزم ظهري
ماتدري بروحتهه شسوت لاماتدري

محسن بويه اعذرني
فكد امك تعبني

ضل غافي لاكثر بعد حزنك
احتاريت بيدي منين اشيلنك
اسم الله يمحسن
.
........................
شكد تكبر كبالي تمنيت
وي زينب تركضون بالبيت
لاامك ولاانته ضليت

نتكابل انه وزينب انوح
مذبوح ضل يواسي مذبوح
عالكبر چني ابساط مطروح


چانت زينب بيك تسولف وتسأل امهه
يمته المحسن .هيه تشوفه ويكبر يمهه

شلون ارجع للبيت
والمن عايش ضليت

حنيته گبرك يله انزلنك
احتاريت بيدي منين اشيلنك
اسم الله يمحسن
..............................
#مرتضى_مهدي_الجهلاوي
58
الناشر معتز الموسوي

18 Oct, 00:26

لسان حال مولاي علي ابن ابي طالب ع.
#قصيده
#ثكيل.


آنا الچبير محدب اليوم
مهدوم گلبي وحيلي مهدوم
لا عيني تغفى بليلي ورتاح
عيون الدمع زاعلهن النوم
الحايط بقه يتجيلي -روحتج هدت حيلي
::::::::::::::::::::::::::::::::::::::::::::::::::::::::::::::::::::::
علي انه هذاك الحيد -وللما باچي كل عمره
الزلم ما تكدر عليه -بس كتلتني انه الزهره
من كد التعب تدرين -احس ضلي انكسر ضهره

هدحيلي انه افراكج -وكلها اتشمت بيه
ردت انهض وكوم بساع-حيل الگومه مابيه
من گالولي ام حسين -ما عانني رجليه

يل زهره گلبي اليله ملجوم
اعيون الدمع زاعلهن النوم
مانمت بعدج ليلي -روحتج هدت حيلي
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
رحت شاب ارجعت شايب-دافن بيدي كل عمري
تيهت الطريق منين-امشي امنين ما ادري
افراكج موش هين حيل-شده بالي وشده فكري

يم حسين ياعيوني -عميتي اعيوني بغيابج
مامنج بقه تذاكر -بقت بس ريحت اثيابج
الباسمر الدخل صدرج -كون يصيبني وعافج

وتكاثرن بيه انه الهمومم
اعيون الدمع زاعلهن النوم
بس ريحتج باقيلي -روحتج هدت حيلي
::::::::::::::::::::::::::::::::::::::::::::::::::::::::::::::::
:::::::::::::::::::::::::::::::::::::::::::::::::::::::::::::::
موبس ضلعج اتكسر -شوفي افراگج اش كاسر
كسر ضهري وسلب حيلي -صارالبيه ما صاير
بقيت الوحدي ترضين -علي انه اكسر الخاطر

راح الشوف بغيابج -وريت اعيوني انه يعمن
اعيوني الما يشوفنج -ضلتهن بعد المن
يصبن ليل  ويه انهار -وبد مايرضن يسكتن


دموع وبواجي مخلص اليوم
اعيون الدمع زاعلهن النوم
طيفج يجي ويوميلي -فركتج هدت حيلي
:::::::::::::::::::::::::::::::::::::::::::::::::::::::::::::::
صارن البيت اضلم حيل -وكل اركانه حزنانه
البيت الماكو بي انتي -وحشه اوسوده حيطانه
ريت الموت اخذ روحي -المن باقي چا انه

جنت اشكيلج اهمومي -وسولفلج على البيه .
كل اهمومي هسى انتي -ياهو اليستمع لليه .
الي مخليتتي ابچي اهواي -دفنتج انه بيديه .

ممصدگ اولي هسى مصدوم
اعيون الدمع زاعلهن النوم

ياهو بعد يشكيلي -فركتج هدت حيلي

::::::::::::::::::::::::::::::::::::::::::::::::::::::::::::::::
حسين حيدر الخفاجي.
58
الناشر معتز الموسوي

17 Oct, 07:59

ليش كل ما نام اجر كوه النفس
يا علي البسمار بضلوعي انغرس
وانه عنك من اروح    انته تبقه بلايه روح   يله ودع فاطمه
****
ما افكر بالجرالي    علي تدري بيك افكر
انه كلبك وانه روحك    ولو تركتك صعبه تصبر

اشما اغمض عيني الكاك اعله بالي
انه اخاف اعليك تذبل وانته غالي
ليش لازم ضهرك ودمعك يلالي
ادري مني البيت راح ايصير خالي

يا علي خلينه نتباره الذمم
ادري عندك فركتي مثل السهم
انه كتلتني الجروح    وانته تبقه بلايه روح   يله ودع فاطمه
*
ليلي خلص بس مناحه    وفوك خدي يجري دمعي
صعبه ينسه الجرحه ينزف   ألماني اهواي دمعي

علي ما ضل شي بعد ويصير الوداع
والايام الحلوه جانت خلصت بساع
صارت جروحي سفينه ودمعتي اشراع
والعمر بين المصايب والحزن ضاع

الشافت العصره وضلع منها انكسر
صعبه نومتها تصير اعله الضهر
بحركه لفراكك انوح   وانته تبقه بلايه روح
***
باجر امشي تدري عنك   وانته تبقه بلا حبيبه
واليفارك اغله ناسه   اهواي يكثر شفنه شيبه

انته من بعدي يحيدر صعبه ترتاح
نبقه انه وياك نتلاكه بالارواح
ليش دمعك عالوجن مثل الجمر طاح
علي ودع فاطمه حته الهوه صاح

العبره تخنكني امن اكول اشلونك
وانته ذبلانه عليه عيونك
اتهدمت بيه الصروح    وانته تبقه بلايه روح   يله ودع فاطمه
****
يا محمد صرت انادي    جيتك اشكي امن الصحابه
يالوصيتك خالفوها   انغصب حكي ابلا مهابه

ليش دار النبي ناديت احركوها
روعوني وعيني يابويه اسطروها
كلها صاحت فاطمه حيل اعصروها
هالجريمه اعليه كلهم خططوها

شاهدت محسن يموت اكبالي
ابني هيج ايروح ما حسبالي
بانت القصه بوضوح   وانته تبقه بلايه روح    يله ودع فاطمه
***


صحت فضه سنديني   والمدامع تجري ضلت
احترك داري  وانه احاول   والعباتي النار وصلت

الظالم ايكلهم وان اسمع بذاني
هجموا عله الباب واحد وره الثاني
اخلص امن السطره ذاك بصوطه اجاني
والكسر ضلعي سمعته شتماني

وانه بالنار اشكثر جفي انجوه
اعليه من كثر العصر ضاع الهوه
بضلعي ماريدن ابوح   وانته تبقه بلايه روح   يله ودع فاطمه
*
تمت
تحسين الخفاجي
75
الناشر معتز الموسوي

17 Oct, 07:59

ليش  تخنكني حته النسمه
ليش  رايد هواج اشتمه
يا حلم اليتانون   الكالج كبر كون
**
يهظمني ما عندج كبر   يم الحسن لا حضره
المفروض هسه فاطمه   عندج ضريح اشكبره
ليش اليحن لزيارتج    لازم تخنكه العبره
صح انتي ما عندج كبر   بس بالكلب يالزهره

يمته نشاهد كبتج مبنيه       ونتصابح بوجهج نضل يوميه  
ايصير النشيد بحضرتج لطميه

راح   كل الخدم تتحزم
راح   بالباب توكف مريم
وتحيي اليزورون    الكالج كبر كون
**
يمته المناير ترتفع   ويصير كبرج جنه
ويالزهره من كل الدول   زوار الج تتعنه
رايد اطوف بمرقدج   وامراد اخذ منه
ومولاتي اصلي بحضرتج   فرض الزياره اتمنه

وكل ما اطب وطلع ادكن باباج   ولهلي ارد وبيه عطر اترابج
كلبي انفطر يا فاطمه بغيابج

صيح   يالعبرتك مرحومه
صيح   يا فاطمه المظلومه
لجلج تجري العيون   الكالج كبر كون
****
خادم اصير بحضرتج   اتشرف اتعينيني
ماريد مولاتي اجر   بس خادم تقبليني
كناس رايد بالصحن   ونكل بصط خليني
عندي المهم من كبتج   ما لحضه تنزل عيني

ضايع اصير بدونج وما اندل   اشمحلاها لله بمرقدج اتوسل 
بروحي الج دمعه وبواجي ومقتل

هيج   والدنيه تفتر باجر
هيج   والكه بضريحج زاير
مو كتلتني الضنون   الكالج كبر كون
****
علاج ربج عالمله   وكلشي نخلق من نورج
يالشايله احساس الورد  اتريد الطيور اتزورج
يشبه محرم بالضبط   يا فاطمه عاشورج
جان الهوه يستأذنج    امن ايفوت ياخذ شورج

راح الاذان نضيف باجر وياه   اشهدو ان فاطمه روح الله
وعيسى دعاء الزهره باجر يقراه

بيج   راح المسبح يبدي
بيج   ايساوي الصفوف المهدي
وبصحنج يصلون    الكالج كبر كون
*



ما تنزل انه دمعتي   بس الوكت نزلها
يا راحة من بعدج تجي   والراحه وين اندلها
متحمل جروح اشكثر    ماظن بشر يحملها
بالعبره كل ما اختنك   لازم بصدري اكتلها

حته الرسايل بالدموع اكتبها    اتمر الثواني بسرعه وانه احسبها
الدنيه بدونج فاطمه ما حبها

وين   كبرج اريد اندله
وين    امنيتي بس اوصله
اظلم عكبج الكون    الكالج كبر كون
****
تمت
تحسين الخفاجي
61
الناشر معتز الموسوي

17 Oct, 07:58

يمه يمه.  ما ينشف دمعنه
يمه. يمه عكبج والله ضعنه
***
اريد احجي بحناني وياج.  يمه اشويه حاجيني
وين انطي الوجه عكبج.  لو رحتي وتركتيني
صار البيت ما ينراد.   ودموعي بطرف عيني
جنت انسه التعب يمه.  بيدج من تلزميني

يمه  من دونج رجعنه
يمه.  عكبج والله ضعنه
***
يكظيها بجي وحسرات.  يايمه التموت امه
عفتيني وكمت عكبج.  بالكوه الهوه اشتمه
عيونج غمضت وانه.  بكلبي صارت اللجمه
ويايمه تره المجروح.  تصبح دنيته ظلمه

يمه.  ومصابج فجعنه
يمه. عكبج والله ضعنه
****
اول ما غفت عينج.  يمه الليل ما نمته
ابجي الحجرتج ضليت.   وامصابج تذكرته
ضلعج منكسر بالباب.  وانه الباب عاتبته
ضيم الدنيه من فركاج.  كله اعله المتن شلته

يمه.  بالبيت انجمعنه
يمه  عكبج والله ضعنه
*
وينج يالهجرتي البيت.  بغيابج تيتمنه
ويايمه تطشرنه  وعكبج محد ايلمنه
هالوادم يسألونه.  ونكلهم نريد امنه
يايمه نصيح بصوت. ياهم المثل همنه

يمه.  وتغير وضعنه
يمه. عكبج والله ضعنه
***
من تبجي وتنوح اعليج.  زينب لا تلوميها
خليها عله المجفين.  تعمي العين خليها
زينب حايره والدار.  راحت منها اهاليها
جانت  جلمت اليمه.   يمه اشكد طعم بيها

يمه.  نتراكض طلعنه
يمه عكبج والله ضعنه
***
هاليله الحسن وحسين.  دمعتهم صفت حمره
وكل الوادم ايصيحون.   ماتت فاطمه الزهره
كلها التمت وبالباب.  عنج تنشد الفقره
كلشي ينجبر لاجن.  كسر الكلب شيجبره

يمه.  لحضه ما هجعنه
يمه.  عكبج والله ضعنه
*
تمت
تحسين الخفاجي
41
الناشر معتز الموسوي

17 Oct, 07:58

يخواني فلولي الجفن.   خلوني اودع ام الحسن
امنه الحنينه.  شالت
****
بجفوفه غسلها علي.   وضلت تصب دمعاته
مرت اجفوفه اعله الضلع.  وتزايدت حسراته
ونينه واعلينه ركض  وتعثر بخطواته
وكلب الابو اشكد ينكسر.  من يبجن ابنياته

ودموعه ودموعي جرن.   خلوني اودع ام الحسن
امنه الحنينه   شالت
****
خلوني بس ساعت وكت   اشبع بجي خلوني
اتمنه كبل امي صحت.   للمكبره اتشيعوني
يخواني ما اكدر بعد.   لو طحت لتلوموني
اشلون امي نامت بالكبر.   يهل الرحم حاجوني

وعيوني لحضه ما غفن.   خلوني اودع ام الحسن
امنه الحنينه شالت
*
بالباب عصروها اشكثر.   وصوب ضلعها البسمار
واحتارت اتشيل الطفل.    لو تركض اطفي النار
الظالم سطرها اعله الوجه.  وخدها احمر وازرك صار
ولو راحت امي يخوتي.    ما تنطب اتصير الدار

اعلوم المنايه كربن.   خلوني اودع ام الحسن
امنه الحنينه شالت
*
مكسور رد وحده علي.   ويتجه ضل عالحيطان
وكل ما يطيح اعله الوجه.  يركض يلزمه سلمان
محد يلومك يا علي  حكك يحيدر ذبلان
هوه اليفارك فاطمه   اشيتمنه غير  التربان

واشلون غسلت البدن. خلوني اودع ام الحسن
امنه الحنينه شالت
**
اشلون امي خلتني ومشت.  اتمنيت اموت اوياها
عافتني وحدي بدنيتي.  وتيتمت بجفاها
جبنه العمر كله سوه.  وايامنه اشمحلاها
اتفاركنه واتراب الكبر     من غمضت غطاها

يحسين وجروحي بدن.   خلوني اودع ام الحسن
امنه الحنينه شالت
**
هاي انه زينب يخوتي.  الما تنطفي نيراني
من ماتت امي فاطمه.  اهواي الوكت اذاني
خلونه بله اعله البجي.  واحد يعين الثاني
ضليت ادير بناظري.   وما يكظي ليل احزاني

شنسرعه الاحلام اختفن.   خلوني اودع ام الحسن
امنه الحنينه شالت
**
تمت
تحسين الخفاجي
39
الناشر معتز الموسوي

17 Oct, 07:46

انا الكسرو ضـــــــلعها ابدفعت الباب
انا الكل خوفي جان ايطيح الحجاب

حرت بوليدي وبضلعي
وحرت بالنار وبدمعي

اويلاه   اويلاه
    ــــــــــــــــــــــــــــــــــــــــــــــــــ

موقف دفعت الباب  قسم كلش رعبني
انا بنت السماوات  وسف قنفذ يسبني
وفلان اجرء وگام عله وجهي ضربني
حرت مابيني وبين طيحت محسن ابني

  انا بنت النبوه وبنت الاحساس
هضيمه الماهو زلمه يطكني ياناس
 
  انا البضلوعي بسماري
  وديه احتركت ابناري

اويلاه     اويلاه

ــــــــــــــــــــــــــــــــــــــــــــــــــــــــــــ

  صليل اضلوعي چتال  وانا روحي نحيله
الكسرو ضلعه ياناس ينام شلون ليله
  كلبي من الألم مات ولا هود عويله
  بفراكي ابني الحسين غده يلهب دليله

   انهضم بفراكي ابني ودمعه سجاب
     ويموت حسين كلما شاهد الباب

  عله الحايط اثر دمي
    وبالنار احترك جدمي

  اويلاه    اويلاه
ــــــــــــــــــــــــــــــــــــــــــــــــــ

    اجه الملعون ياناس وشايل مشعل النار
   اجاني شر يدور  وانا حسبالي خطار
   بحقد ضل يدفع الباب  ونبت بضلوعي بسمار
  صحت فضه اسنديني وطحت يم عتبت الدار

        انا الرب سمه يرضه الرضاهه
       لجن بالدنيا ماواحد رعاهه

          صعب مايلتم اصوابي
          ودمعتي صارت انگابي

             اويلاه    اويلاه
ــــــــــــــــــــــــــــــــــــــــــــــــــ

هاي انه ام الحسين  الملائك خدم عدي
تره موش انه  والله اليسطره افلان خدي
آنه ازغيره والموت ماهوه عله كدي
  اذا موتن يموتون الحسن وحسين ولدي

     بوليداتي وصيت انه ابو اتراب
      يداريهم اذا طولت الغياب

         هذوله الأعز من روحي
           يشوفتهم دوه اجروحي

     اويلاه     اويلاه
   ــــــــــــــــــــــــــــــــــــــــــــــــــ

  علي من بعدي مخنوك بقه ودمعه عله خده
   حنين وكلبه شفاف وعده افراكي شده
    بغيابي حيل ابو حسين مثل ماي وتبده
   جرح افراكنه ابيش علي يضمده ويشده

           يجرح افراكنه ماصحله مطياب
           رمح جن بالكلب يفراك الاحباب

             تفاركنه وخلص كلشي
           وعلي الوحده رفع نعشي

            اويلاه       اويلاه

ــــــــــــــــــــــــــــــــــــــــ
حسين عبدالزهره الدراجي
37
الناشر معتز الموسوي

17 Oct, 07:45

في السيده فاطمة المعصومة

* * * * * *

أحاه يجرح البعد يالمايجيلك شفـــه
مامثل جرحك جرح ياكاصي بهل الوفه

* * * * * *

شيصير بالعاطفــــه لمن يطش الشمـل
ويصبح غريب البشر محزن عيونه أتهمل
والغربه لهل الوفه أشما كلت صعبه تمل
تحفر حفر بالكلب موسهله ماتنحمـــــل
أبلا رحمه تولي البشر تتولى عالعاطفه

* * * * * *

حال الغريب الذي بدار الغرب ويموت
ما أشد منها بعد بس حالته مبخــــوت
يوم الغريب بسنه لتظن سهل ويفــوت
عنده المحنه الهوه والشوك عنده الكوت
ظيمه سنين أشكثر ينراد لوسولفـــــه

* * * * * *

جرحچ يدار الغرب يأذي ويكصر العمر
نيشان جرحچ يظل ببنادم وللحشــــــر
آه لو وصل للعظم كسره فلا ينجبـــــر
معروف يهده الجرح بس هذا ما يستقر
سلطه ظيم الدهر عالمغترب وأكتفه

* * * * * *

أحآه يدار الغرب بينه أصوابج مضا
وظل يدي ضيم وقهر ياذينه من نعرضا
لا مارحمتي شعجب معصومه أخت الرضا
بالغربه أخذتي العمر والموت بيها حضا
وأنتي بقدرها شعجب يالغربه ما عارفه

* * * * * *

در صافي أخت الرضا ومو در فقط عالمه
ومستارثه فاطمه أم الحسن فاطمــــــه
سهم المنايا فجع أتباع حامي الحمـــه
صوب كلب كل محب هالسهم لمّن رمه
ينزف بقى ماكطع جريانه مانوصفــه  

* * * * * *

مدفنها أصبح ثغر لهل العلم يبتســـــم
قم مو مدينه أصبحت عاصمه لهل العلم
من يدخل ألها المحب عطر الزجيه يشـــم
وبس يكبل أعلى الصحن عالخد دمع ينرسم
تكصدها شيعة علي زوار متلهفــــــــه

* * * * * *
                                     سلام المشعل
38
الناشر معتز الموسوي

17 Oct, 07:45

يابير خل احجيلك اهمومي
                   بوداع فاطم ذبلت ارسومي

                   حيلي لمن صــــــــــار وداع 
                   ماي وتــــــــــبده عله الكاع
                     وانه علي        وانه علي
                                   0000000
              من ياجرح ابــــــــــدي  واسولف كلي
              يابير  وانــــــــــه  الشيب بأن ابضلي
              اتمنيت امــــــــــوتن وي موتت خلي
              يابير  جرح الفــــــــــركه صار ابحلي
         
                 رديت كـــــوه انكـــــل اجدامي
                 وعليه صــــــار اشثكله هندامي

                    موحكه يتــــــــــبده الحيل  
                   دافن أعــــــــــز ناسي ابليل
                     وانه علي          وانه علي
                                   0000000
             يابير  متعــــــــــجب لئن كلبي ينوح
            هوه اليفارك فاطــــمه اتضل بي روح
            من بالي طيحت محسن ابني متروح
            بالباب طايح  شفته  بس كله اجروح

             بدموعي اغـــــــرك اليل ونجومه
             مو سهله اشوف الزهره مهضومه

                     مهضومه وسفه ام حسين
                      وحمره وتصب دم العين
                     وانه علي      وانه علي
                                    0000000
              بعد لمــــــــشه ابوجهي تبين الغربه
             ويلن  لدهــــــــــرآ فــــــــــارق الحبه
             صعبه التحـــــــبه ادفنه بيدك صعبه
             راح العز مــــن كلبي روحي اتحسبه

                  اليدفـــن حبيبه ويرجع البيته
                 مثل الشــــــــــمع تنباك عافيته

                   بس  غــــــرب وراح اهواي 
                   ماتت ضحكتي عله اشفاي
                    وانه علي         وانه علي
                                    0000000  
             صار عله مد الشوف جرحي واكبر
              بيا وكـــــــت حيدر بالمشي يتعثر
              ماصايره ابمــــــــكبره اينام العنبر
              يابير مثل الجام كلــــــــبي اتكسر

                روحي اثكلت جن ثكلت اجنازه
                وجروحي صــــارن بيدي عكازه

                   من البجي صوتي مبحوح
                  وبس جسد امشي بللا روح
                     وانه علي     وانه علي
                                    0000000
             يابير من شفت  الحسن يمه ايصيح
            حالوب دمعي عله الوجن كام ايطيح
            كمت اوكع اشما حـــرك اثيابي الريح
             وروج  الوجـــــع بالعافيه كام ايزيح

                انه علي بـــــــس صرت مو انه
                شتريد حاله الـــــــفكد ريحانه

                  ضهري انكسر وانه اهديب
                 وتشــــــلبه لزلوفي الشيب
                      وانه علي    وانه علي

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي
41
الناشر معتز الموسوي

17 Oct, 07:44

الصعب وضعك سهل وضعي
الدمع نشفه الكسر ضلعي
يمه يحسين .. يمه يحسين
......
؛١
بس ضلع واحد منكسر ...من عندي بطل ادموعك
باجر اشوف ابكربله ... متكسره كل اضلوعك

ضلعي ايهون يالبلطف تضل دامي
وكل اضلوعك ايكسروهه كدامي
وما واحد يرحمك والجبد ضامي 

ظلع  أمك سهل  يبني
كسر ظلعك يألمني
طول الاسنين
يمه يحسين

......
؛؛٢
ألباب اهون من سحك ... خيل العده يوليدي
بعاشر محرم من اجي ... بلكَوه المك بيدي

ايطشرونك مثل سبحه البدي هايه
واصير اتعب ييمه ابجمعك هوايه
وتضل فوكي الحوافر رايحه وجايه

ييمه ابكل اثر حافر
دماك ودمي متناثر
واحنه ميتين
يمه يحسين
......
؛؛؛٣
الحمد لله والشكر ... هسه انه ما عطشانه
بس انت ضامي تنذبح ... واشفايفك ذبلانه

راسك عالرماح اتشيله عدواني
واظل اركض وراهم يمه بحزاني
وارد بخيبتي يم منحرك اني

اجي بكسري وألم جسمك
واخضب شيبتي بدمك
وحدي يا زين
يمه يحسين
.....
؛؛؛؛٤
نار العله لدار اشعلو  ... مو نفس نار الخيمه
عيلتي ما تطلع ركض..امن الخوف صوب الهيمه

لا طفلي بدي يبني ويذبحونه
واكَماطه يفك ويغمض اعيونه
محسن مات ما شايفته تدرونه

يعينك الله تنضرله
رضيعك منذبح كله
اه يالحنين
يمه يحسين
......
؛؛؛؛؛٥
هسه انه بيه بس جرح.. بس انته كثره اجروحك
بذاك الظهر أنظر ألك ... جم سيف موت ايلوحك

أجروحك تعبر الالف وتسعميه
ياجرح الأضمده  ابساعت الجيه
واسمع صوت بجي اسكينه وارقيه

السهام ابصدرك امطشره
اجر عشره بعد عشره
مالك امعين
يمه يحسين
......
؛؛؛؛؛؛٦
لا يوم مثل امصيبتك ... لا يوم يابو اليمه
من راسك الحد الجدم ... كلك تصير امدمه

يصير احمر ييمه امن النزف لونك
وعلى الغبره تضل وما يشيلونك
بلا غسل ودفن عاري يخلونك

على الجسم الي يتسلب
اظل اتلث ليالي انحب
يا ضوه العين
يمه يحسين
.......
✍️ كلمات موسى الخادم
42
الناشر معتز الموسوي

16 Oct, 20:43

فليسقط اليوم الخليفه
والثاني شيطان السقيفه
فلتسقط اعروش الصحابه
وتعيش زهرتنه الشريفه

……………………………………………………………


يسقط الاول صنم
اتقمص الدور و حكم . ابلا علم وادرايه
يسقط الثاني العفن
صاحب احجاية و إن . امه حمرة رايه

تسقط الاسماء كلها وعالي اسمج عالي
همه كاع وللمساحگ وانتي نجمه تلالي
همه مايسوون درهم وانتي قدرج غالي
همه حدر اجدامي وانتي ساكنه ابدلالي

يل بيتج من الرب قراره
ابصف العرش صرتيله جاره
وجبريل كاتب بيده هذا
قصر ام الحسين العفيفه

……………………………………………………………


ما اقارن بالشعر
شجاب شوج البـ الصحر . للورد و اعطوره
شجاب الغراب النعق
لصوت بلبل لو نطق . الدنيا بيه مسروره

انتي موسى وهمه صاروا كالحيايه اگبالج
يوسف وآمون يرجف لو يشوف اخيالج
ابليس همه وانتِ ادم طغى وما سجدالج
همه نار وانت جنه ابخيت من طبالج

شجاب الذي عبدوا هبلهم
وابليس وماواصل فعلهم
للـ ربها كال عليها كوثر
من كل رجس فاطم نظيفه

……………………………………………………………


عشره وي رب الملا
انتي خط احمر اله . احجاب الله احجابج
اطلابه وي رب البشر
يعني ما الهم مفر  . من جريمة بابج

الله مغتاض وتجله ابقوته الجباره
من ابن صهّاك غيضا غضب فارت ناره
يل رفست الباب بيدك وادفعت بسماره
الله صاحبها القضيه ماكو الك كل جاره

يالكاسر ورافس و لاطم
واليوم تعرف شنو فاطم
واليوم تعرف شنو محسن
عالترب سَبحان ابنزيفه

……………………………………………………………


الحطب هو اللي خسر
وبابج ابزود انتصر . رغم بيه جوياته
اجفوف دفعت نازله
و ضلعج الفاز و عله . منحِنه ابكسراته

والنصر مو للصحابه الـ بالكسر فرحانه
النصر للـ مامات اسمها فاطمه الريحانه
خالده وحروف اسمها تمشي وي ادمانه
نشكر الله ولان خله فاطمه ابدنيانه


شكرا الاهي اعله الزجيه
ورده و تفوح اعله البريه
واقسم ببو فاضل عليها
اتسجلني خادم بالصحيفه

……………………………………………………………


ابكل صلاة ابدي ابلعن
ابن صهاك النتن . وقنفذ و ياه خالد
جعفر الصادق تره
لعن بيهم بالسره  . وهذا اكبر شاهد

إِذن ماخذ من امامي ابزودي العن بيهم
ذابح المحسن احسبه للترضه اعليهم
انا ايدي بأيد حيدر وايدك بأيدهم
عود هم اترضه باجر من سقر تجويهم

هم گول بالمعشر صحابه
يم حضرة الرب و عذابه
مو وجه نعمه يگلك انت
وي الربع اسمك يضيفه

……………………………………………………………


حسين ما ذبحاه شمر
انذبح من يوم الكسر . هو يوم العاشر
هو بسمار الذبح
اتحول واصبح رمح . جذع اصبح حافر

النار وحده الجوت فاطم جوت جدم ارقيه
وخالد اليركض وراها و ماخذ الترجيه
وقنفذ الـ بالسوط ضارب متن جم علويه
الثاني هو الاخذ زينب لليسر مسبيه

هو الذي باني الخرابه
والخله زينب  عالترابه
بحبال مجتوفه الايادي
ليزيد فرّاها  ابمضيفه

……… ..…………………………………………………
✍️ ( سيد خضر الزاملي)
62
الناشر معتز الموسوي

14 Oct, 20:21

يمه يا يمه   يمه يايمه
**
يردون كلبي يردون   جي بي محنه
كلبي تره بهذا الكون    ما تلكه منه
تحرمنه هاي الايام   ليش امن اهلنه
منج صبح يم حسين   خالي نزلنه

يمه يايمه   يمه يايمه
*
عالباب امرن عالباب   وشتم هواهم
يمشوني عني والروح    تمشي وراهم
غالين عندي وتدرون   ماكو بغلاهم
وبكلبي رايح شيصير    لو فاركاهم

يمه يايمه   يمه يايمه
****
امنه مشت واحنه نريد   نبجي عليها
للمكبره كون يصير   جا شلنه ليها
زينب تون واعله الراح   تصفج بديها
وامصايب الدنيه اهواي   شمسويه بيها

يمه يايمه   يمه يايمه
***




وياج يمه وياج   اخذيني يمه
مثل الكبر صار البيت   والدنيه ظلمه
الما عنده ام بدنياه    كلشي يهظمه
والحسن بوداعج وين   دمعه يضمه

يمه يايمه   يمه يايمه
****
كل يوم ضلت كل يوم   سهرانه عيني
وبيت الحزن راد يشيل   من كد ونيني
ليش انطفت يمه بساع   شمعة سنيني
مريني لو حته بطيف   رايد تجيني

يمه يايمه   يمه يايمه
**
حسبالي يمه تكومين   لينه بسلامه
كل احنه عكبج تدرين   صرنه يتامه
حيدر علي صعبه الليل   يغفه وينامه
يالزهره ضلعج بالباب   تارك علامه

يمه يايمه   يمه يايمه
*
تمت
تحسين الخفاجي
112
الناشر معتز الموسوي

14 Oct, 14:53

القصيده تتضمن بعض من خطبة السيده الزهراء

…………………………………………………………

خطبت الزهره وتريد احگوگها
و خـلت الوادم تتـيه أحـلوگـها
أم الحسين •• أم الحسين

…………………………………………………………


ايـها النـاسُ فأنـي فـاطـمـه
موش من تراب انا من السمه
انا بنـت الصعـد لله و كلّـمه
انا مرت النزلت ايه ابخاتمه

بالحرب يگلب حدرها وفوكها
و خـلت الوادم تتـيه احلـوگها
أم الحسين •• أم حسين

…………………………………………………………


خطبت و ما ينـسمع بـس النفس
حتى طفل البالمهد صوته انخرس
و بالسمه جبريل ظل يقرع جرس
و نزلت الامـلاك يم فاطـم حرس

وگفت اجراس المواشي ونوگها
و خـلـت الـوادم  تتـيه احلـوگـها
أم الحسين •• أم الحسين

…………………………………………………………


حفره مـن النار بيها انتـم قبل
و القبائـل و الامـم بيـكم تذل
ترتـوون ابماي مـن حـدر الابل
وجانت اوراق الشجر الكم اكل

اعليكم الذله وتدير ابطوگها
و خلت الوادم تتيه احلوگها
أم الحسين •• أم الحسين

…………………………………………………………


الله نقـذاكم  ببـوي المـصـطفـه
كل حـرب بالوسطه حيدر يقذفه
بس علي ايلاگي الجموع الزاحفه
و انتـم اتشـردون ما بيـكم وفـه

فلس ما تسوون ولله بسوگها
و خلت الوادم تتـيه احـلوگها
أم الحسين •• أم الحسين

…………………………………………………………


مات ابوي و رجع عصر الجاهلي
ابليس فوگ ارگابگم ظل يعتلي
رد هبل يحكم و صار الكم ولي
وانقلبتو اوحوش كلهم ضد علي

البيعه قلعيتوها من اعروگها
و خلت الوادم تتـيه احلوگها
أم الحسين •• أم الحسين

…………………………………………………………


يا قحافه شلون ما اورث ابي
و فدك تدريها هـديه من النبي
انت اول رجس و اول ناصبي
باجـر ابگـبرك يجـلدك غايـبي

امن ايد مهدينا السياط اتضوگها
و خلـت الوادم  تتـيه احـلوگـها
أم الحسين •• أم الحسين

…………………………………………………………


ثاري زينب درسـت ابهل مدرسه
من حجيها ايزيد ضاع ابمجلسه
وخلت اوجوه الي تضحك عابسه
طير چن حط اعل روس الجالسه

الشامي ظل النسمه بوگ يبوگها
و خـلت الوادم  تتـيه احلـوگها
أم الحسين •• أم الحسين

…………………………………………………………
✍️ ( سيد خضر الزاملي )
90
الناشر معتز الموسوي

14 Oct, 14:53

(( #ماتت_أمنه ))
……………………………………………………………

جانت من اتفر الرحّه
ابكل البيت ادور الفرحه
اتغير هالحال . وأتيتمنه
وبساع بساع . ماتت أمنه

……………………………………………………………


خنگة او وحشه في كل بيت .المابيه چلمة اليمه
لو تنزل شمس بالدار . ابد ما تنمحي الظلمه

واحنا ازغار وامنه الماتت ازغيره
اكبر من عمرنه اهمومنه أجبيره
وسط اعيونه مرسومه الف حيره
اليفگد مثل فاطم صعب تصبيره

وشتسوه الدنيا ابلياها
امنه وريت انموت اوياها
و الامه أحذاه . يعني ابجنه
وبساع بساع  . ماتت أمنه

……………………………………………………………



انشالت امنه بالتابوت . اوياها انشالت البسمه
جانت النه نسمة گيظ . وهسه انرفعت النسمه

انلفت وي چفنها احلام محلاها
ارواح اثلاثه وسط النعش وياها
مكسورة ضلع يمكن لجمناها
الضحكه وسط كبر امنه دفناها

يا گبر أمي ورفقا بيها
حيل البسمار مأذيها
شبعت اهات . دمعه او ونّه
وبساع بساع . ماتت أمنه

……………………………………………………………


ترسم ذكريات أمنه . على الحيطان الف صوره
صوره جويعده اتسبح . ابوجها الگمر  شع نوره

و صوره ومثل غصن البان وگفتها
على التنور خير اتفوح خبزتها
من شوفتها نشبع گبل لگمتها
خضره الدار كلها ابلون شيلتها

ابلياها الزاد اصبح فجعه
وي كل لگمه اتسيل الدمعه
جانت بالايد . و اتوكلنه
وبساع بساع . ماتت أمنه

……………………………………………………………


والاصعب لو يجن الليل . الدفو ماهوه بغطانه
الوساده ابلا عطر چفها . مثلنه اتبات بردانه

واذا نص ليل من نومتنه فزينه
لحجاية اصمله اهواي حنّينه
حتى الصبح ظلمه ايصبح اعلينه
لان ماهي التگعدنه بأسامينه


اليگعد من نومه بصوته امه
ورد الجوري ايخضر يمه
وبكل مصباح . عرس وحنه
وبساع بساع . ماتت أمنه

……………………………………………………………


الباب ابعينه اتحول . مرايه ويعرض الي صار
سهم بگلوبنه ابكل يوم . آ يا شوفة البسمار

يرن بسماعنه صوت الضلع كسره
نحيفه امنه و عليها اجذوع متجمره
نموت وننعصر لو نذكر العصره
بلون السطره هاي عيونه الحمره

و بالباب انعاتب يوميه
امنه من جذوعك محنيه
تنوح الحيطان . من تسمعنه
وبساع ابساع . ماتت أمنه

……………………………………………………………


ونحسب چنه يوم بيوم . الميلاد الاخو المحسن
ونشوف الوالد و فرحان . يقيم بأذنه ويأذن

ومحضرين مهده وابيض اهدومه
ومشتاگين شوفة وجهه و ارسومه
لچن عصرة الباب العجّلت يومه
سالت روحنه من سالت ادمومه

ما صحنه بأسمه وصاحانه
لا شاف امه ولا شافانه
جرح المحروم . ظل يالمنه
وبساع بساع . ماتت أمنه

……………………………………………………………
✍️ ( سيد خضر الزاملي )
78
الناشر معتز الموسوي

12 Oct, 07:31

#الفاطمية

للهِ آياتْ  جَنَّاتٌ عَلِيَّة   مِنْ أَجْلِ البَرِيَّة   
للهِ آيَاتْ بَابٌ أَحْمَدِيَّة   دَارٌ فَاطِمِيَّة
والأعْتَابُ أَسْرَارُ   بَيْنَ العَالَمَيْنِ
والجُدْرَانُ أَنْوَارُ   تَغْشَى كُلَّ عَيْنِ   
ــــــــــــــــــــــــ
 
1/ بِهَا الكُرْسِيُّ صَلَّى   وَعَرْشُ اللهِ حَلَّا  وَآيَاتْ
إليها الوَحْيُ يَنْزِلْ   وَمِنْهَا الأمْرَ يَحْمِلْ هِدَاياتْ
وَمِنْهَا الشّمْسُ تُشْرِقْ  وَمْنِهَا اللهُ يُغْدِقْ  عَطاَءاتْ
بِهَا الزَّهْرَا بِأَيْدِ   لِكُلِّ الخَلْقِ تُهْدِي  كَرَامَاتْ

هُنَا الأقْدَارُ تُعْقَدْ 
هُنَا الأنْوَارُ تُولَدْ 
هُنَا دارُ النُّبُوّاتْ
بِهَا يَرْتَاحُ أَحْمَدْ

صَوْتُ التَّراتِيلْ   مِنْ بَيْتِ الإمَامَة  صَوْتٌ للكَرَامَة
صَوْتُ التَّراتِيلْ  في الدُّنْيَا عَلامَة   مَعْنَاهَا السَّلَامَة
بَيْتٌ فِيهِ قَدْ حَارُوا   بَيْتُ الثَّقَلَيْنِ
والجُدْرَانُ أَنْوَارُ   تَغْشَى كُلَّ عَيْنِ
ــــــــــــــــــــــــ


2/ هُنَا أَصْلُ العَقَائِد وإلْهَامُ القَصَائِدْ   بِهَا طَافْ
هِيَ البَيْتُ الحَرَامُ   بِهَا آلٌ عِظَامُ    وَأَشْرَافْ
رِضَا الرحمنِ فِيهَا   أَحَاطَتْ قَاصِدِيهَا  (لإيِلَافْ)
هُنَا تَسْبِيحُ فَاطِمْ   قَرَارٌ للعَوَالِم   وَأَلْطَافْ

هُنَا العَدْلُ تَأَسَّسْ
هُنَا الدِينُ تَنَفَّسْ 
هُنَا الزَهْرَاءُ صَلَّتْ 
هُنَا الضِّلْعُ المُقَدَّسْ

زَهْراءُ زَهْرَاءْ   مِعْراجُ الدُّعَاءِ   مِشْكَاةُ الضِّيَاءِ
زَهْراءُ زَهْرَاءْ  عِلْمُ الأنْبِيَاءِ   وَحْيُ الأوْلِيَاءِ

حَانٍ قَلْبُهَا دَارُ   تَحْوِي المَشْرِقَيْنِ
والجُدْرَانُ أَنْوَارُ   تَغْشَى كُلَّ عَيْنِ
ــــــــــــــــــــــــ
 
3/ وَفِي ذِكْرِ الزَّكِيَّة   مُنَاجَاةٌ نَقِيَّة   مَعَ الله 
بِكَفَّيْهَا الوَجُودُ   حَنَانَيْنِ تَجُودُ  فَتَرْعَاهْ
وإنْ يَسْأَلْ تُلَبِّي   لِتُبْقِي كُلَّ قَلْبِ  بِلا آهْ
بِهِ حَلَّتْ حَقِيقَة   فَنَادَتْهَا الخَلِيقَة  بِأُمَّاهْ 

بِعَيْنِ العَطْفِ تَسْهَرْ 
وَتَسْقِي الخَلْقَ كَوْثَرْ 
وَفِي الشِّدَّاتِ تَقْرا 
عَلَيْهِمْ اِسْمَ حَيْدَرْ

تُفَّاحَةُ النُّورْ   بِدءٌ للزَّمَانِ   كَالسَّبْعِ المَثَانِي 
تُفَّاحَةُ النُّورْ  رُوحٌ لِلْجِنَانِ  فِي دُنْيَا المَكَانِ
للزَّهْرَاءِ أَسْوَارُ  تَحْمِي النَّشْأَتَيْنِ 
والجُدْرَانُ أَنْوَارُ  تَغْشَى كُلَّ عَيْنِ
ــــــــــــــــــــــــ


4/هِيَ الطُّهْرُ وَأَنْقَى   هِيَ الخَيْرُ وَأَبْقَى  وَإِحْسَانْ
هِيَ السِّتْرُ المُوَفَّى   بَلِ السِرُّ وَأَخْفَى  وَتِبْيَانْ
هِيَ الرَّحْمُ المُعَظَّمْ   بِهِ القُدْسُ تَكَلَّمْ   بِقُرآنْ
هِيَ الدَّمْعُ الغَزِيرُ   هِي الصَبْر الكَبِيرُ   لِمَا كانْ

بِسَيْفِ الغَدْرِ تَشْعُرْ 
وَيَوْمَ الخَطْبِ تَذْكُرْ 
أبُوهَا كَانَ يُوصِي 
فَقَالَ القَوْمُ يَهْجُرْ 

والقَلْبُ مَكْسُورْ   تَنْعَى بَاهْتِضَامِ  يَا خَيْرَ الأنَامِ
والقَلْبُ مَكْسُورْ   آهَاتُ الكِرَامِ    مِنْ فِعْلِ اللِّئَامِ
جَاؤُوا حِقْدُهُم نَارُ   بَيْتَ النَّيِرَيْنِ 
والجُدْرَانُ أَنْوَارُ   تَغْشَى كُلَّ عَيْنِ
ــــــــــــــــــــــــ
 
5/ هُنَا الذِّكْرُ يُرَتَّلْ   وَبَابُ الدَارِ يُرْكَلْ   وَإرْهَابْ 
هُنَا يَأوِي اليَقِينُ   هُنَا يَهْوِي جَنِينُ   وَقَدْ غَابْ
هُنَا عَيْنُ البَهَاءِ   وَعَيْنٌ بِالدِّمَاءِ   وَأَحْطَابْ
هُنَا أُمُّ الكِتَابِ   وَنَارٌ بِالحِجَاب  وَبِالبَابْ

أَعَيْنُ الحَقِّ تَحْمَرْ 
وَصَدْرُ الدِّينِ يُعْصَرْ 
وَفِردَوْسٌ تَلَظَّى 
وَسَاقُ العَرْشِ تُكْسَرْ

لِلدَّهْرِ أَدْوَارْ   يَرْعَانَا حَبِيبُ   لِلدَّاعِي يُجِيبُ
لِلدَّهْرِ أَدْوَارْ   للجَرْحَى طَبِيبُ  والنَّصْرُ قَرِيبُ
مِنَ دَارِ الهُدَى الثَّارُ  نُعْلِي الصَّيْحَتَينِ 
والجُدْرَانُ أَنْوَارُ   تَغْشَى كُلَّ عَيْنِ
ــــــــــــــــــــــــ
لؤي حبيب الهلال
117
الناشر معتز الموسوي

12 Oct, 07:30

كعديه ( اليوالي الزچيه ) إلى السيده فاطمه الزهراء عليها السلام


الما ترضه عليه فاطمه الــزهــره   
خسران العمـر مــا يســوه عمـره 
اليربــح دنيــا والدين       اليوالـــي الزچيه

*----------*----------*----------*

اقره عن فضل الزچيه الشرفت ارض وسماها
يـا مره صـارت مثلها يـرضـه بـارينـا لرضاها
للنبــي گالــولـه ابتــر  والله للـهــادي نطــاهـا

مــو ابتر اتگـول السـمه   
انطيناك والله فــاطمــه
ما تنوصف هل المكرمه   
بس الك هايـــه يطـاها

الكوثر عنــدك مــن الله هـديه
علت هل الوجود وهل البــريه
اليمشي بمنهجك كـون     اليوالــي الزچيه 

*----------*----------*----------*

بيّن البــاري فظلــها عالخليقـه وبيــها أيـــه
سيــده لكل مرأه هيــه مـن البدايــه للنهايه
وربنا من بيت النبـوه اختارها لبيت الولايه

بالزهــره بيته أمفضله   
يا مــره بهــاي المـنزله 
لبيت الامـامه أمفصله   
وللبشر شعـت هــدايه

ســر بيــت النبـوه والامــامه
الله اختــارها لهاي الكــرامه 
الجنه المـن أتصيـر       اليوالــــي الــزچيــــه

*----------*----------*----------*

بالحديث القدسي طالــع يالمــوالي وروح اقره
لــو لا طاها الهادي احمد مــا خلق بالكون ذره
ولولا ما موجود حيدر الهادي ما مخلوق ذكره

ولــولا الزچيه بهل الفـلك     
لا نبــي موجـــود ومَــلَك 
ولهــذا اليضدهـــا  هــلك   
الكون هيــه وهيه ســره

سر هــذا الوجـود وكل كيانه
وربنا بحبها عالناس اجتبانه
يفوز بشوفت حسين       اليوالـــي الــزچيــــه

*----------*----------*----------*

بالصحاح السته اقره يالمخالف عن وضعها
هيه روح الهادي چانت والله عالعالم رفعها
ليش بالباب العصـابه هشموا وسفه ضلعها

بالزهـره وصـاها أمته   
بالباب عصرو بضعته
والباغي وسفه يمنته    
بخدها ياطاها طبعها

الگالوا للنبي سمعــاً وطاعه
ظلموا فاطمه أصل الشفاعه
باب الجنه مشروط    اليوالــــي الــزچيـه

*----------*----------*----------*

فاطمه سماها ابوها روحه هيه البين جنبه
تلتقط شيعتها باچـر مثـل طير اختـار حبـه
بالقيامــه الحبها والله للجنـان يصيـر دربــه

واليبغض الزهـره خسـر   
يبغض تــره خيـر البشر    
دربه گبـل يســلك  سقر   
كلمن يروح اويه حـزبه
 
فـاز الصار حزبـه وانتمـاءه
للزهره وعلـــي يعلن ولائـه
يـــوم المحشر يفــوز    اليوالــــي الــزچيـه

*----------*----------*----------*
الشاعر
موسى البديري
94
الناشر معتز الموسوي

12 Oct, 07:29

كسرو يا ضلع        ينشف يـا دمع
ضلــع الطاهره      دمـــع الصابره
ينشف يا دمع

****

ضلع البتول اليوم يـــروي الضلامه
اول سهم يا حيــــف صاب الامامه
بضعة محمد هــــاي يهل الـــزعامه
تعصروها خلف الباب باب السلامه
باب الله هــــذا يصير باب اليتـامه
وريشة جنـــح جبـريل بيه العلامه

باب المصطفى         هـــو مشرفه
بريحه معطـره         دمع الصابره

****

الزهـــره خلـف الباب ظــــالم يدفعـه
باب الرسالــه يصيــر هــذا ويشـرعه
صــدر النبي المختار كســروله ضلعـه
وخـدْ الزچيه شلـون ظالـــم يصفعـه
الزهــره گلـه هنـــاه الحاقـــد يسمعـه
حرگو عليها الــدار مــا چنهــا بضعـه

نار أهل الكفــر          ظلت تستعــر
الزهره محيره           دمع الصابره

****

سـر الله خلف الباب والحــاقد يعــيل
حگه بحزن لو صـاح هاليــله جبـريــل
ســورة الكـــوثر هــاي ونتها  ترتيـــل
مو دم أظن آيات مـن عــدهـا التسيل
أيد أعلى خدها وأيـد للمحسن أتشيل
ويه الزچيه الكــــون مــن تعثــر يميل

أمــلاك السما         تصــرخ فاطمـه
بهمها مكدره          دمـــع الصابـره

****

بــاب الله بيــه النـار تسعــر لظاهـا
مـــا گالـــوا الـــزهراء والدها طاها
مهضومه والدمعـات سلوت بچاها
ما چنه رب الكون يرضــا لــرضاها
شحال النبي المختار لـو شاهداهـا
منها الضلع مكسـور ويصبْ دماها

مكسورة ضلع         ويفيض الدمع
مــنْ الي جـره          دمـع الصابـره

****

ام الحسـن عالگــاع حيرتها حيــره
وبأمـر الله عالنسوان هيه الامـيره
بين الضلع والنار صــــــارت اسيره
بيـن الجنين وبيـن زينـــب زغيـــره
مــرعوبـــه مـنْ النار ماكو عشيـره
جفـــن النظــر للباب ظلـت تديــره

تنظـــر للولــي       وينك يــا علي
داري موجــره        دمع الطاهره

****

الشاعر
موسى البديري
73
الناشر معتز الموسوي

12 Oct, 07:29

الباب لــو هـــم الجنين            
الضلع لو صدر الحسين
لياهي منهن تجري دمعة عيني

*

يا مصابي       
المن اجري أدموع عيني ليـا مصيبه
يا مصابي       
شحــال گلبــي الـــودع الليله الحبيبه
يا مصابي      
عمري خمس اسنين سموني الغريبه
يا مصابي       
ضلــع والسطـره وطفل أمي النجيبه

شفت أنـــواع المحن          
من ضلـــع ام الحسن
بس مصايب وانه خمسه أسنيني
لياهي منهن تجـــري دمعة عيني

*

تطفه ناره       
گلبي مــا أظن يمه بعــدچ  يالزچيه
تطفه ناره       
يمه باب الــدار ادري تظل ســريه
تطفه ناره       
مــا أظــن حقــد السقيفه وال أميــه
تطفه ناره       
گلبي لــو ظل مستعـــر بالغاضــريه

نار بابچ من يشب       
بالخيم يسعر لهب
وماكــو كافـــل يستمـــع لــونيني
لياهي منهن تجــري دمعة عيني

*

بصدري عبره       
للجنين وللضلــع لجــل الـــرزيــه
بصدري عبره      
لان طفله وأمــي راحــت من أديـه
بصدري عبره      
عبـــره ما تخلص ابد حــدْ المنيـه
بصدري عبره      
عبره تذبحها الخيول الاعــوجيــه

مدري أنوح ليا صدر       
بالدمــع راح العمـــر
والضلوع بكـــل وكــت تاذيــني
لياهي منهن تجري دمعة عيني

*

ابچي يا طف       
وانـــه طـــف البــاب شاهدته بعُيوني
ابچي يا طف       
وي كســـر ضلـــع الزچيـــه گيـدوني
ابچي يا طف      
من رحل نعش أمي أحسنهم  سبوني
ابچي يا طف       
وي وداع أمـــي إِخـــوتي ودعــوني

بيه چم  عاشر  يمر         
يمه مــا يطفـه الجمر
جمـــر بابـــچ والخيــم يچـــويني
لياهي منهن تجري دمعــة عيني

*

يمه اصبري         
يمه باچـــر لـــو يطـــر الليل فجــره
يمه اصبري         
حسين لو فوگ الترب گطعوله نحره
يمه اصبري         
باچـــر أتشوفين خيل أدوس صدره
يمه اصبري         
والكفيــل أبلا يمين ابـــلايا يســره

وراسه مهشوم أبعمد       
يمه ويمر الأشد 
بالخرابــه أهنــــاك وتذِكِــــرينــي
لياهي منهن تجري دمعــة عيني

*
الشاعر
موسى البديري
65
الناشر معتز الموسوي

12 Oct, 07:29

ويلي عالزهره المظلومه
عاشت وماتت مهضومه
.....................
على المظلومه نبجي ونلطم بحسره
ظل على الوجه مطبوع أثر سطره
خاطرهه  أنكسر  وأضلوع  منكسره
أباب الدار نار الحقد مضرومه
...........................
ليالي فاطمه كل ليله نحييهه
بدموع الحزن نحضر لياليهه
نلطم عالصدر والهامه ندميهه
تظل بكل عزه الهامات مدمومه
.........................
لحد يوم المنيه دموعنه عللخد
تسعر  بالكلب  نارج  فلا تبرد
نلطم عالزجيه ونلبس الأسود
جروح كلوبنه بفركاج ملجومه
...........................
هنياله  اليموت  ودمعته  بعينه
يخلص بالمجالس عمره وسنينه
خادم فاطمه وخادم لأبو سكينه
مثل عابس بيوم الشكك هدومه
.............................
ندك عالراس حيل ونطبر الهامه
وأنواسي علي المحتار بيتامه
وحسين وحسن يبجون كدامه
منالأم زينب بهاليوم محرومه
............................
باجر نبني حضره ونكصد نزورج
مناره وكبه منهن خل يشع نورج
برواياتج  يزهره  أنقيم عاشورج
بعاشور الزجيه صدور مهشومه
................................
حيدر مطر العبادي
53
الناشر معتز الموسوي

12 Oct, 07:28

تره اموصّه الكرار يهل السقيفه

……………………………………………………………


بخت بيكم بالوصيه و دستوا فوگ اترابه
انتو مِيتين الهجمتوا بس صفر بحسابه
جنتو ما يتجره واحد يمر من يم بابه
اسد واللبوه ابعرينه يا قرود الغابه

بالدرب من يفوت
كلها ترجف بسكوت
تره اموصّه الكرار يهل السقيفه

……………………………………………………………


اتصوّر و يفزع ابعركه علي ابنا بي طالب
الزلم لو شافت عيونه ايطيح حتى الشارب
لا فتى الا علي و اسد الله الغالب
ميّه بالموجب وانتو صفر تحت السالب

الشرده من حيدر زود
قاده لاذت بجنود
تره اموصّه الكرار يهل السقيفه

……………………………………………………………


طبع عند العرب ثابت حاضر و ماضيها
الحرمه محشومه ابقدرها محد يحاجيها
انت من يامله طبعك يالهجمت اعليها
ولك بت النبي وانت ابنارك اتجويها

انت خلفة شيطان
فقط هيئه انسان
تره اموصّه الكرار يهل السقيفه

……………………………………………………………


فرضاً مامش وصيه و لا عهد من طه
وصاحت ام حسين حيوهم و الفحل سمعاها
غاد يم ارض النجاشي رگبتك تلگاها
وجثتك بطراف اصبعه لليمن جرّاها

ايگطعك اخماس ارباع
ابراسك اينظف الگاع
تره اموصّه الكرار يهل السقيفه

……………………………………………………………


شي اكيد الماله والد وامه حمرة رايه
يضرب التعتبر هي للجليل امرايه
عمره كله ابوجه حيدر ما معلّي احجايه
وسفه ولبيت الرساله انت دايس ثايه

تايه ابلايه انساب
لبت محمد ما هاب
تره اموصّه الكرار يهل السقيفه

……………………………………………………………


شنهو وزنك بالقياس المرحب و صمصامه
لو ابن ود اللي تحني الف لجله الهامه
انت مو بالسيف حيدر يذبحك ببهامه
انت كافي اعليك خزره تنصرع جدامه

انت مالك ميدان
زلمه بس عالنسوان
تره اموصّه الكرار يهل السقيفه

……………………………………………………………


صح علي اموصه ابوصيه و ما شهر فقاره
بس وراك المهدي باجر بيده ياخذ ثاره
سحل من گبرك يطلعك ما الك كل جاره
ضلوعك من الجلد تصبح عالارض طشاره

يكسر ايدك نصّين
الطالت اعله ام حسين
تره اموصّه الكرار يهل السقيفه

……………………………………………………………
✍️ ( سيد خضر الزاملي)
45

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.