الشاعر محمد الظالمي

https://youtu.be/bEpHJGrSQLE?si=azMapI_LIq-xDYHD

https://youtu.be/i5PxrIFWnvM?si=_Mivmdvmc8QgfDoI

ايام تمضي بالعمر
وانت اعله بابك تنتظر
ماترجع النامت گبر      يابو حسين
 
 
___
 
عجبتني  هالمحبه     حب علي وي فاطمه
نفس واحد گلب واحد  تفرقو بالخاتمه
هو يبچي وهي ميته.  راحت الرب السمه
منتظرها  بحلم ترجع  البتراب النايمه
 
هذا النفس صاير صعب
وماتگدر الدارك تطب
ذبلان والدمعه تصب   يابو حسين
 
_

 
ليش تنطر  وانت تدري.  ماتردلك للابد
ليش تبچي وانت تدري. راحت الچانت سند
ليش باقي و انت تدري  بعد ماترجع بعد
علي بالله عين روحك. وصيح يا حيدر مدد
 
افداك ارحم مهجتك
ارحم يحيدر وحدتك
ماتنوصف يا غربتك.   يا  ابو حسين
 
 
 
 
 
 _
 
 
اسم دافي اسم فاطم.   وشحلاته اعله الگلب
جنت تفرح من تشوفك  زهرتك لمن تطب
صب دموعك الدمعه حلوة  على الزهرة من تصب
 بيت الله انت بيتك.  وداسة الناس الغرب
 
ماعدها وادم مستحه
حرگت اغلاف الفاتحه
خلت ابيتك نايحه.      يا ابو حسين
 
 
 ___
 
 
ياللهي. شلون حيره.    حيرتك يا ابا الحسن
جبل ظهرك ماتندنگ   شما قسى وياك الزمن
لچن هسه محني ظهرك  علي تحنيك المحن
شنو فاگد حيرتني.       ياعلي مضيع وطن
 
البس قابئك :     ياعلي
رفرف لوائك :    ياعلي
وارفع ندائك : ياعلي     يابو حسين 
 
 
 
 
 
 
 __
 
شد حزامك شده حيلك  ماي وتبده العمر
وشيلّمه بعد راحت.      فاطمه لذاك الگبر
صرنه نسمع علي انت   منكسر بعد الكسر
ابو الحمله من يحمله  حيل ماعنده وصبر
 
مهموم ياسيد البشر
عينك على ضوء القمر
من فاطمه تلگه صور.       يا بو حسين
 
 
 
 
 
 
 __
 
ريت مكة والمدينة  والجهات الاربعه
كون تلبس ثوب اسود  على هاي الفاجعه
بت محمد ام محمد  والخبر خل نسمعه
شلون ماتت بيا جريمة. جيب عاقل واقنعه
 
هاي البريئة العالمه
اعظم هديه من السمه
مكسوره ماتت فاطمه.     يابو حسين
 
 
للشاعر محمد الظالمي

يومك طال وهجرك طال        يالماعندك راحة بال
        منتظرينك     فدوه العينك.
            يالماعندك راحة بال
 
___
 
اشتياقي الحضرتك شاعلهن اشموعي
مدينة شوگ الك مبنيه بضلوعي
ولا موضوع افهمه انت موضوعي
يتاج الراس بيدك امسح ادموعي
 
قصرت وياك بدنياي   سوده ابوجهي يامولاي
     محتاجينك       فدوة العينك
         يالماعندك راحة بال
 
 
 
 
 

على وجهي الحزن بَيّن تجاعيدي
بظلام اليل اشوفك يا حلم عيدي
امد ايدي وتمد ايدك على ايدي
اگلك هايبويه تگلي : يوليدي
 
خليني وياك ابقه وياك        يالكاسر گلبي بفرگاك
وينك وينك     فدوة العينك
يالماعندك راحة بال
 
_
 
 
 
 
 
 

 
 
احط ايدي اعله راسي واقره بالندبه
الهي ارحم شعوره وارئف ابگلبه
على اللي ماله اهل لا اخوه لا صحبه
وغير احسين بالله شنهو المتعبه
 
ذاك اليبچي طول الليل      الله يصبره وينطي حيل
    الله يعينك     فدوة العينك
       يالماعندك راحة بال
 
 
_
 
 
 
 
 

 
 
اذان اجروحه گلبي ماسكت لحظه
واذا گلبي وگف بأسمك يرد نبضه
زعلانه العيون ابشوفتك ترضه
بس حبك حقيقي وغيرك نرفضه
 
حبيتك لا صورة وصوت    بلكي نضره قبل الموت
         وين اجبينك            فدوة العينك
             يالماعندك راحة بال
 
___
 
 
 
 
 
 
 
خذاني الشوگ كله العالمي الثاني
وگعدت ابيت جرحي وشجرة احزاني
تره حچي الگلب ماينطقه الساني
ولا حولة ولا قوة اعله وجداني
 
ادركني ياغيث الله      خَلص گلبي من ال آه
انطيني ايمينك          فدوة العينك
يالماعندك راحة بال
 
____
 
 
 
 
 
 
 

 
الذنب صاير حجاب أكلوبنه السوده
وعلى جيتك يمهدي الفرحه معگوده
مثل توبة الحر ودمعة اخدوده
اجي ومشدوده اديه  وعيني مشدوده
 
انت القاضي والسجان        تريد ابسيفك بالقران
تريد بدينك         فدوة العينك
يالماعندك راحة بال
 
 
للشاعر محمد الظالمي

حاول تنسه الراح           ياحيدر  ترتاح
هذا انت المهموم. ؟ توگع من تگوم ؟
حاول تنسه الراح
.
.
.

كل الماضي بآخر لحظه      
ممكن ينهي آخر نبضه
هذا الكون شكبره شعرضه    
          زغير

ما نايم سهران هوايه       
جنت اتشوف الزهرة مرايه
بيدك سبحة ومصلايه       
        وحصير

اول مره هاي المره        
تتلفت ماتلگه الزهره
بس فسرلي هاي النظره    
          امير

شجرة بيتكم ليش. ذبلت ورگه ورگه
الحنين تحرگه مو نار. الحنين تحرگه فَرگه
 
شايب صاير حيل       تنحب طول الليل
هذا انت المعصوم ؟ توگع من تگوم ؟
حاول تنسه الراح

.
.
.

اصعب ليلة ليل الجمعه
شمعه تطفي وتشعل شمعه
دمعه تروح بمجره دمعه
زلالال

فاطم فاطم دگت گلبك
تتنفسني عيوني تحبك
هجراني مأذيك متعبك
تعال

يالتسمعني گلي شلونك
ليش الدنيا امبچيه اعيونك
من شبعت داست ماعونك
سؤال

ملك ابينهم عيش وانسه ذكرياتك
يالماتنسه هيهات. اذكرني بصلاتك

انظرلك تعبان وتقرالي قران
يالحزنك مكتوم. توگع من تگوم
حاول تنسه الراح
.
.
.

غيمة عينك مطرت غربه
شاعر روحي وسيد حبه
بيرغ بيتك رفرف گلبه
حنين

حيرني حيدر موضوعك
من تصلي تجري ادموعك
ومبين حتى بضلوعك
انين


مايترس گلبي غير اسمك
جبرائيل بكبره يخدمك
ليش الدنيا لسه اتلچمك
سنين

اعذرك انت مكسور. على فگد الوديعه
اذا تذبل يكرار يبين بالطبيعه

كل عمرك تنهاب. تالي يلچمك باب
من بابك ملچوم. توگع من تگوم
حاول تنسه الراح

.
.
.

يالفاتح للبير اسرارك
صندوگ الذكره وافكارك
ماكو ماي اليطفي نارك
غريب

قوس الشوگ بسهمه يصيبك
وغير الحسره شنهو يشيبك
گبر الزهرة المخفي يطيبك
طبيب

عانك الله عِين ابروحك
كافي راح يهدمك نوحك
محد يعرفك غمق اجروحك
عجيب

شمس الله تِچّويك بشروق المشرقيه
تبين كل الهموم. بسلام المغريبه

صعبه يالكرار. كل ساعة تنهار
معذور المظلوم. توگع من تگوم
حاول تنسه الراح

.
.
.

لاتتكسر لا تتالم
تگضي هاي الدنيا ونلتم
والمايفهم لازم يفهم
نعود

عوف البير وعوف الشجره
لا تكتب ياحيدر ذكرى
كون الهم البيك اتكسره
قيود

اشرب ماي العذب اتهنه
متانيتك اني بالجنه
كلما تكبر بيك الونه
تزود

الكَبِتْ والله ياذيك صيح بصوت عالي
تبچيني وابچيك غالي يبچي غالي

بالك ما مرتاح تصفگ راح براح
يالما شايف نوم توگع من تگوم
حاول تنسه الراح





للشاعر محمد الظالمي

أنا أتشارك 'ايام تمضي بالعمر' معك

أنا أتشارك 'يومك طال وهجرك طال' معك

أنا أتشارك 'حاول تنسه الراح' معك

https://youtu.be/_noBMsYlxvM?si=tvqhWP6OEwpWovNk

https://youtu.be/YoaILCJc5I4?si=SzXeAyx4SAACBns8

https://youtu.be/4JYO0f-2bWs?si=WKGVCTst-iF5IxW-

https://youtu.be/FJqvhp_P49c?si=IZr-23pTjIghtprN

اصـحـابـي *** احـبـابـي
دم جـاري لــنــصـاري
.................................
مــالـي انــــاديــك حبيب ... حبيب
شـنـهـي الـيـأذيـك حبيب ... حبيب
ابچي عله طاريك حبيب ... حبيب

اگـعـد يــصـنـديـد حبيب ... حبيب
يـبــن الاجــاويــد حبيب ... حبيب
خـلـك بـقئ وحيد حبيب ... حبيب

عـم يا حبـيبي باوع لشيبي
وحدي عفتني عالي نحيبي

شيباتي *** حسراتي
يــا نــاري لانـصـاري
🌊🌊🌊🌊🌊🌊🌊
انـضـر لــلـعــيـون زهير ... زهير
ما تـنهـض شـلون زهير ... زهير
يا مسـلـم وجـون زهير ... زهير

مــا اريـــداً الــمـاي زهير ... زهير
بــس احـچي وياي زهير ... زهير
شوف العده هواي زهير ... زهير

استصعفوني و استصغروني
تقبل حبيبي يستفردوني

يعيوني *** تعيفوني
افـڪـاري لانــصــاري
🌊🌊🌊🌊🌊🌊🌊
شـگـيـت الــهـدوم برير ... برير
لفگـدك يـمـضـلـوم برير ... برير
من نـومـتـك گـوم برير ... برير

يـا سـيـد الارجــال برير ... برير
تـهتز ع الارمـال برير ... برير
حال امره من حال برير ... برير

الهمداني وينك انصر حسينك
ضايع حبيبك افتحه عينك

گومولي *** فزعولي
اشــعــاري لانــصــاري
🌊🌊🌊🌊🌊🌊🌊
مـا غمـضـت الـعين غريب ... غريب
يا الحر صرت وين غريب ... غريب
مـخـنـوگ الحسين غريب ... غريب

وحـدي بـلـخـيـام غريب ... غريب
مــن دون الايــام غريب ... غريب
شـافتـنـي الايتام غريب ... غريب

غربه يخوتي و متاني موتي
محد سمعني بح حتئ صوتي

اخواني *** احزاني
ڪـل ثـاري لانــصــاري
🌊🌊🌊🌊🌊🌊🌊
اهـلـي الـبـطـولات سلام ... سلام
عـــن الــرقـــيــات سلام ... سلام
لاطـهـر سلالات سلام ... سلام

عــن ذيــچ الابــدان سلام ... سلام
يـا اطـيـب اخـــوان سلام ... سلام
من ضامي عطشان سلام ... سلام

شيبتوا گلبي يشهدلي ربي
ماعندي قوة ضيعته دربي

يلاخوه *** يا نخوه
ثـــواري لانــصــــاري
...............................

#الشاعر_محمد_الظالمي

https://t.me/m_alaydy

https://youtu.be/mxhKlBr-eTQ?si=3zgTF079U1nrnaTH

يا زهراء   يزهراء      يا زهراء يزهراء
 


مثل أمصاب الحسين  يتجدد ذكرها
ولابد هم نجي يوم.  مشايه الگبرها
ام اثمنطعش عام   فدوه اني العمرها
ماننسه الضربها  اِو لا ننسه العصرها
 
يا زهراء  يزهراء      يا زهراء يزهراء  
 
 
ما انساها فاطم    المهضومه بدفعها
كسره بالتواريخ من كسروا ضلعها
لو كل المجرات   والدنيا بوسعها
فدوه العالم ايروح الدمعه من دمعها
 
يا زهراء يزهراء        يا زهراء يزهراء
 
 
 
ماكو عدنه بالكون   مخلوقه سواها
يزعل رب الاكوان.  او يرضه وي رضاها
محد سامع بيوم   او لا صارت وراها
ام بس ام ابوها.    ام صارت لطـٰه
 
يازهراء.  يازهراء.      يازهراء يازهراء
 
 
لو عيسى أبن مريم   عنده بنيه وحده
كل يوميه يمها       ويحطها اعله خده
چا كل النصارى       ايقدسوها اعله بُعده
بس انتي يزهراء    من شده اعله شده
 
يازهراء يازهراء.       يازهراء يازهراء
 

بالدنيا خرائط   وكلمن راسم منين
يمشيها حياته    او يتفكر للسنين
بالنسبة إليه    اعرف مسلكي وين
تخطيطي بحياتي خدمة ام الحسين 
 
يازهراء يزهراء   يا زهراء يزهراء
 

 
عني شما يگولون     مجنون العقيده
اقبل والله يا ناس     مجنون الشهيده 
باچر ام الحسين       تاخذ للتريده
المايلطم عليها.      لا ما تلزم ايده
 
يازهراء يزهراء.     يازهراء يزهراء
 
 
للشاعر محمد الظالمي

عينك سيدي مرتين يحيدر أصبحت حَمره
مره بالرمد مولاي ومره الفرگت الزهره
علياً واعليا علياً واعليا

◼️◼️◼️◼️◼️

بحثت اعليك بفكاري ولا شايف صَلبْ مثلك
متنك من حِمَل فاطم وانت إبعازه اليحملك
شفتك تدفن ابگلبك وشرد من الهضم ضلك
تسري وتقره بالقرآن " سُبحانه الذي اسره "

علياً واعليا علياً واعليا
◼️◼️◼️◼️◼️


لگيت اسمك اسد خيبر والجن تشرد ابعزمك
وطبع بيها الأسود تخاف لمن تسمع ابأسمك
لهذا أيقنت مولاي محد يوصل الچدمك
وعليك المثل مايعبر الواحد يصرع العشره

علياً واعليا علياً واعليا

◼️◼️◼️◼️◼️

سيفك ياعلي معروف بالميدان سالفته
دين الله وگع بيدك وانت للنبي شلته
ما بالغ لون گتلك تره الاسلام بس انته
العتب ذاك الزمان البيه ماياخذ ولا عبره

علياً واعليا علياً واعليا

◼️◼️◼️◼️◼️

اني السامعِه مولاي الزلمه تبين أفعاله
والعنده نقص يشعر محد يهتم بحاله
ولكن ماشفت اصحاب هجمت عالنبي وآله
الضرب خد الزجيه شگال‌ وأن هذا النبي انسطره

علياً واعليا علياً واعليا

◼️◼️◼️◼️◼️

يالشاغل حواس الروح يالگلبي املكت حُبه
انت واضح بمعناك الوصل يمك فهم ربه
تره ابشوفِ الگلب مو عين الأعمه يشوفك ابگلبه
عليت وماعلاك إنسان گلبك ياعظم صبره


علياً واعليا علياً واعليا

◼️◼️◼️◼️◼️

جروحك مو جروح عليك (علي وحيدرها والكرار )
إذاً لو ما قدر ربك فقط بس يلمع الفقار
وحق رب الرفع سبعه تحرگ نار فوگ النار
اذا تخزر لهيب الباب الجمره تچوي بالجمره

علياً واعليا علياً واعليا

◼️◼️◼️◼️◼️

اختيارك مو سهل مولاي وانت تنظر الأبعاد
مثيم حُبه بيك انجن كلما زاد عمره زاد
نعم بس صُحبتك صُحبه رشيد ومالك ومقداد
ابو ذر حجر اليحبك وسلمان الوضح أمره

علياً واعليا. علياً واعليا

◼️◼️◼️◼️◼️

للشاعر محمد الظالمي

شيعتها .. لكن يشيعون بيه
شيعتها .. مو نعش شلّت الثريه
شيعتها .. و ادفنت روحي بديه

📌📌📌📌📌

الليلة عشت بحالة ما عايش مصيبه
حامي جاره و ما قدر يحمي الحبيبه
و اني چفي للگمر يقدر يجيبه
شأخره عالساطر و صارت عجيبه

من ضربها .. تغييرت كل المعاني
من ضربها .. صاحت السبع المثاني
من ضربها .. يعرف براسي وصيه

📌📌📌📌📌

منو مثلي بالبشر مكسور گلبه
الفارس الانزع بعد ما يشوف دربه
كل حروب الدنيا ما صارتلي صعبه
يا وكت الگه اعله وجهي آثار غربه

ما عشتها .. و اني للمحتاج ناصر
ما عشتها .. حالة المكسور خاطر
ما عشتها .. ابقه و تموت الزجيه

📌📌📌📌📌

بيه صوت يفّتح ابواب المدينه
بيه صرخة آه محبوسة و حزينه
خل يجي نوح الني و تشوف عينه
اني نوح و هسه ما عندي سفينة

حاربوني .. و السبب عندي الوديه
حاربوني .. و خلوا عيوني شريعة
حاربوني .. و طبگوا جفوني عليه

📌📌📌📌📌

شيعتها و اني مظلوم ابوراها
باچر يگولون عني ما حماها
گيدتني وصية وصلت مبتغاها
والله ما يدرونها اتلمس دماها

هالعزيزه .. راحت و ظنتني ناسي
هالعزيزة .. شيبت كل شعر راسي
هالعزيزة .. وسفه دفنتها خفيه

📌📌📌📌📌

اني شمس الله و اشوف الدنيه ظلمه
ابالي اذكر ضلع شاغلني اويه دمه
الزم البسمار و اشعر لسه لچمه
الف يعقوب اعله حزني ما يكظمه

عيني حمره .. و التفت محد يجيني
عيني حمره .. عشت مسطور اعله عيني
عيني حمره .. ونتي كلش شجيه

📌📌📌📌📌

ليش يا دهري خذت من عندي زهره
و اني گلب النمل ما بيه اكسره
الليل بدموعي اذا ونيت اعصره
والله ما يگدر يغير مني نظرة

ها يليلي .. شو گمت وياي تنحب
ها يليلي .. لا تون تسمعنه زينب
ها يليلي .. انته شاهد عالقضيه

📌📌📌📌📌


للشاعر محمد الظالمي

عنوان القصيدة
[ اصحابي ]
#خضر_عباس
الشاعر محمد الظالمي

https://youtu.be/FJqvhp_P49c?si=J4q9n6bk_Hvk-Djw

محرم الحرام 1446هـ 2024م
العراق البصرة هيئة نهج علي ع
تنفيذ : مجموعة ميامين
#خضر_عباس

https://youtu.be/FJqvhp_P49c?si=3whCGKcV4m70KrR_

https://youtu.be/F-3sC1emI8o?si=5aZ-MxQkajgHlnxz

https://youtu.be/SAJZt6pbk6M?si=OoQGkqmO1ZPMZ8eT

https://youtu.be/Lb1UM27Ugdk?si=42ZoG10RK6wfdT8D

راس بصندوگ. وراس بتنور
راس العباس. وراس المنحور


______

خذوني ميسره ورووس اخوتي ويايه
زماني الخله خولي ياخذ الرايه
الالم مو بس جرح يمكن من احچايه
عقيلة آل هاشم طالعه هايه

كثره الشمات. وعليه ادور
راس العباس. وراس المنحور

_______


يم مخمور راس احسين والينه
ابتنور اعله وجهه وما يسد عينه
اخاف من الخَفِت يلچم شراينه
ويطب ذاك الرماد ابطبرة اِجبينه

يطلع بالراس. دخان اِونور
راس العباس. وراس المنحور


_______




منو ايوَصلّني للتنور وادعيله
اريد الراس احضنه بگلبي واشكيله
اريد امسح جروحه الهاده حيله
اريد امسح لحيته ودمه بالشيله

الحاجب مطبور وگلبي مطبور
راس العباس. وراس المنحور

____

على سرج الفرس معقولة صندوگه
تره الراس ابو فاضل روحي محروگه
بغيابه اشما اشم الهوه مخنوگه
على اعيون ابو فاضل گلبي طگ شوگه

سهمه مشلوع. لو لا مكسور
راس العباس. وراس المنحور



______

انامن بالخرابه وعيني ماتغفه
اريداً رووس اخوتي تعين بالوگفه
أخي عباس امشي ويالشمر كلفه
واطب ديوان و عيون الزم صلفه

فرقنه الموت وعاشر عاشور
راس العباس. وراس المنحور

_______






اصب ادموعي يللي رووسكم سلوى
مره متعوبه لا حولَ ولا قوه
منو بالكون عدها مثلي هيج اخوه ؟
الگمر واحسين اروحلكم انا فدوه

گلبي لو مات. اعليكم ماجور
راس العباس. وراس المنحور





للشاعر محمد الظالمي

الحبيب الاب ذرية الزهراء ع
#السيد_عبد_الخالق_المحنه
#هيئة_عزاء_الله

#محمد_الظالمي

جبل جبل طالع سيد شهم
كلف كلف طبعه ماينلزم

111111

طلع من المخيم. ضوة من السادة
وچه چنه محمد. حلو بعناده
منو يصدله بجماله حبيب الزهرة
تصرفن بالمعاره شبل للقادة

سيد وبزوده هم يطگ ويشور

222222

غضب وبگصته بين . طلع شريانه
وعلي كفها مثل ما. يكف اردانه
ضربهم ضربه وحده. شطر بالعسكر
هدوء اليحجي والله. يگص السانه

زعلانه اعيونه قائد حار ويچوي

333333

بلا شك من اجاهم رعيد البيده
رماهم شل خطاهم. جعلهم صيده
سبع ما همه فارس. يطعنه برمحه
لون كامش شمرهم. يخنگه بايده

يتمايل غيره. اشلون الگاع تشيله

444444

أسد يمشي برهاوه ويفر بسيفه
مراجل والمراجل تلوذ بحيفه
طبع بالهاشمي لو طفح بركانه
وعلي ما ينتظرهم. يطگ ابكيفه

ماصاعد مهره ويسحل اكبر شارب

555555

من الخيمه تنظره. وتهلل امه
يگلها النجمه شنهي. اجيب النجمه
انا لحسين اقدم. حياتي كلها
اذا گالو نعمتك الامام النعمه

ابفلسين الدنيا شنهي بلايه احسيني

666666

جماله لو تشوفه عيون الوادم
قيافه و الاناقة. جميل القاسم
تبخره الزهرة چنها. وتحطله البرگع
هلا بمدلل اهله. زغير وفاهم

عرسك بالجنه يم الزهره وحيدر



للشاعر محمد الظالمي

https://youtu.be/nhbq2Bvu8Ic?si=hrAkSXFkcKxs6f0C

افتح حضنك ليه
واشبگني بحنينه
لا تسالني شبيه علويه. مسبيه
.
.
.

رايح يبويه شخليت.
مهجور گلبي ويالبيت
شگد تعبتني و تانيت.
بس للاسف ما رديت

ردلي. بس علي منتظره
ما رجع الي. منكسره
گشره يا هلي. هالسفره
مليت والله مليت

نحلانه وتعبانه
مرضني هجرانه
صرت امشي محنيه. علويه. مسبيه

.
.
.

اللهُ اكبر يا ناس
ودعني ابويه بحساس
شابت روموشي ويالراس
من بچه عليه العباس

حالي مو سهل يا عمي
وانظر الطفل مو يمي
مدمعي يهل. قسه همي
ياعمي ابوسك بالراس

يا عم يابو الغيره
خليتوني بحيره
مو تدروني بنيه. علويه. مسبيه

.
.
.

اشهد ان الحسرات
يوميه بعيوني تبات
هيهات اغفه هيهات
منسيه اشعر مرات

گلبي من يحن. شحجيله
رايد الحزن. ابچيله
الوالدي احن. ودعيله
والنوم بعيوني مات

استخير چا وينه ؟
مو زينه ومو زينه
ادري يشعر بيه. علويه مسبيه

.
.
.



يالمارضيت امشي وياك
خو مستحيل اني انساك
احفرلي گبرلي اترجاك
هالدنيا مُره ابلياك

مُره دنيتي. مكروها
بويه صورتي. علگوها
شوفو دمعتي وبوسوها
بيتي گبر صار هناك

بس باوع بالصورة
تلگاني مكسوره
عينك صدها ليه. علويه. مسبيه

.
.
.

عيني على عين الجاي
انطر اخبارك مولاي
وصلتني اخبار هواي
گالولي ميت عالماي

راسه عالرمح. يالزهره
صدره منطبگ وي ظهره
زينب الصبح متيسره
كل شي ولا زينب هاي

زينبكم متعوبه
بلا كافل مسلوبه
تصعب عمتي عليه علويه مسبيه


للشاعر محمد الظالمي

https://youtu.be/sojXKGm1ZFw?si=dBf3syqVnrcQRANQ

ابداعتي يا بعد اخوك

.
.
.

وين اخويه الشاب واگع
وين مرمي وظل ينازع
گالو بدم عينه ناگع
گالو وليه ولوك
بداعتي يابعد اخوك

.
.
.

جيتك وعايف خواتي
جيت اغطيك بعباتي
گلي وينك يا غلاتي
خايف مني خذوك
ابداعتي يا بعد اخوك

.
.
.

شدة الخوان شدة
ظهري بعدك وين اسنده
گلي خويه مره وحده
گلي وبروح ابوك
ابداعتي يا بعد اخوك

.
.
.

ابچي ودموعي اعله صدري
هسه خويه انكسر ظهري
ضحكت العدوان تدري
بينت من اغدروك
ابداعتي يابعد اخوك

.
.
.
عالنهر طاحت يمينك
وبالسهم ممروده عينك
ليش خويه معذبينك
اشلون بالله عذبوك
ابداعتي يابعد اخوك

.
.
.

الماي ماي الله ادري عنه
ليش ما ينطوك منه
وسمعت ماترجع النه
من جوادك طيحوك
ابداعتي يابعد اخوك

.
.
.

گوم ليه وهاك ايدي
ياحبيبي ويا عضيدي
لو متت ينحز وريدي
مثلي هم يسلبوك
ابداعتي يابعد اخوك

.
.
.

مو گلت ماروح اقاتل
وراح اجيب الماي نازل
طيحتني يا ابو فاضل
ليش خويه گطعوك
ابداعتي يابعد اخوك

.
.
.

حيرتي محد يحلها
بالله زينب شرد اگلها
عالنهر طايح كفلها
خويه يتأملوك
ابداعتي يابعد اخوك
.
.
.

اشلون افهمها سكينه
لا يساره ولا يمينه
خيمتك طاحت علينه
طاحت ياروح اخوك
ابداعتي يابعد اخوك


للشاعر محمد الظالمي

أيامي. تمضي والسنين
أيامي حسره دمعه دين
ايامي. خدمه للحسين
خلصت الشباب
____

شاء رب الاشياء في عاشوراء اصبح رادود
هاي منيه بدنياي اخدم مولاي بهدومي السود

طفل وامي تسولفلي عن كربله
جرح گلبي الطفل من سهم حرمله

من زغري احضر العزاء
من زغري. تشهد السماء
من زغري انعى كربلاء
يا اعظم مصاب

____

كون. لجلك مجنون حتى الميمون جننته هواي
آه يبن الزهرا گلك والله ماشربه الماي

عجيبه اعله النهر ماتروه المهر
رفض يشرب قبل جبدك المنفطر

ميمونك. انت يالامام
ميمونك ناده يا حرام
ميمونك وجهه عالخيام
وطلعتله الرباب

____




صار حبك كالنار. ما تهدء ثار. ياثار الله
عين من الذر دين تبچي اعله احسين اي والزهرا

الك ربي خلق كل شي يابو علي
ورثت من الزغر خدمتك من هلي

ما وافي جرحك الچبير
ما وافي. صبعك الزغير
ما وافي. ظهرك الكسير
ولا ذاك الخضاب

____




نور. شعلة عاشور. تدوي وتفور. بعين الاحرار
شوف ميهزنه الخوف گبرك واتطوف هاي الزوار

ملاين البشر تزحف المرقدك
وحق عينك بعد ماتظل وحدك

ماتبقه. سطوة العبيد
ماتبقه زمرته يزيد
ماتبقه بكربله وحيد
وربات الحجاب


_



حان صرخة وجدان يا عالي الشان دمك ما ضاع
يوم ثارك محسوم. بركبة معصوم تنشگله الگاع

ينادي ياخلگ شنهو ذنب الطفل
وشنو عبد الله بمچانه اخذ فصل

مايبرد جرحه مايهيد
مايبرد حزنه مايفيد
مايبرد. ثارك الوحيد
ثارك لسه شاب



____


مال گلبي اشگد مال. عليك الدلال كل يوم يذوب
بيت. بگلبي سويت. تدخل ياريت اسمك مكتوب

اخدمك لا اجر لا عمر لا ثمن
اشوف بخدمتك سيدي اجمل وطن

حبيتك. والگلب هواك
حبيتك. ماردت سواك
حبيتك وامشي هم وراك
يا اجمل عذاب



للشاعر محمد الظالمي

يومك طال وحزنك طال        يالماعندك راحة بال
        منتظرينك     فدوه العينك.
            يالماعندك راحة بال
 
___
 
اشتياقي الحضرتك شاعلهن اشموعي
مدينة شوگ الك مبنيه بضلوعي
ولا موضوع افهمه انت موضوعي
يتاج الراس بيدك امسح ادموعي
 
قصرت وياك بدنياي   اصفح عني يامولاي
     محتاجينك       فدوة العينك
         يالماعندك راحة بال
 
 
 
على وجهي الحزن بَيّن تجاعيدي
بظلام اليل اشوفك يا حلم عيدي
امد ايدي وتمد ايدك على ايدي
اگلك هايبويه تگلي : يوليدي
 
خليني وياك ابقه وياك        يالكاسر گلبي بفرگاك
وينك وينك     فدوة العينك
يالماعندك راحة بال
 
_
 
 
 
 
 
 
 
احط ايدي اعله راسي واقره بالندبه
الهي ارحم شعوره وارئف ابگلبه
على اللي ماله اهل لا اخوه لا صحبه
وغير احسين بالله شنهو المتعبه
 
ذاك اليبچي طول الليل      الله يصبره وينطي حيل
    الله يعينك     فدوة العينك
       يالماعندك راحة بال
 
 
_
 
 
 
 
اذان اجروحه گلبي ماسكت لحظه
واذا گلبي وگف بأسمك يرد نبضه
زعلانه العيون ابشوفتك ترضه
بس حبك حقيقي وغيرك نرفضه
 
حبيتك لا صورة وصوت    بلكي نضره قبل الموت
         وين اجبينك            فدوة العينك
             يالماعندك راحة بال
 
___
 
 
 
 
 
 
 
خذاني الشوگ كله العالمي الثاني
وگعدت ابيت جرحي وشجرة احزاني
تره حچي الگلب ماينطقه الساني
ولا حولة ولا قوة اعله وجداني
 
ادركني ياغيث الله      خَلص گلبي من ال آه
انطيني ايمينك          فدوة العينك
يالماعندك راحة بال
 
____
 
 
 
 
 
 
الذنب صاير حجاب أكلوبنه السوده
وعلى جيتك يمهدي الفرحه معگوده
مثل توبة الحر ودمعة اخدوده
اجي ومشدوده اديه  وعيني مشدوده
 
انت القاضي والسجان        تريد ابسيفك بالقران
تريد بدينك         فدوة العينك
يالماعندك راحة بال
 
 
للشاعر محمد الظالمي

https://youtu.be/4JYO0f-2bWs?si=SN6-FuXGBDOPVruU

https://youtu.be/4JYO0f-2bWs?si=-7YzhtXGjRxRY5q5

https://youtu.be/YoaILCJc5I4?si=tTMbbURfCpMwNhz_