JETKINSHEK GAZETASÍ

Alımlar bul súwret arqalı adamlarda bolatuĝın usı ózgeshelik haywanlarda da bolatuĝının dáliyllegen. Xosh, bul qanday ózgeshelik?

Balalar, qáne kim burın tabadı, videodaģı qanday muzıka ásbap?

Baklashkalardan ájayıp oyınshıqlar.

https://t.me/jetkinshek1932

Dúnyadaǵı eń biyik taw. Everest - Tibet gigantı. Jerdiń eń biyik shoqqısı - 8848 metr.
https://t.me/jetkinshek1932

Ájayip qol ónerin islep úyrenemiz!

Siz bilesiz be?
2000 jıllıq Afrika baobab teregi.

Pázende qızlar ushın.
Úylerińizge miyman kelgende stolģa shıraylı etip salfetkalardı qalay taqlawģa boladı. Keliń, úyrenip alamız!

Bir bar eken, bir joq eken...

Bawırsaq hám tatıw haywanlar

Burınǵı ótken zamanda barlıq toǵay haywanları dos hám awızbirshilikte jasaptı. Olardıń hámmesi miynetkesh bir-birine jardem berip, doslıq múnásibette boladı eken.
Gúz máwsimi de kelipti. Barlıq haywanlar qısqa azıq jıynaw ushın qızǵın háreket etipti. Toǵaydaǵı haywanlar sonday ádepli hám mehriban edi. Olar hesh bir janzatqa azar bermes edi. Usınday kúnlerdiń birinde olardıń qasına bawırsaq kelipti.
-Háy, balalar, keliń meniń menen oynań, dım ishim pisip ketti,-depti bawırsaq. -Bawırsaq, sen bizlerden ókpeleme. Bizlerdiń seniń menen oynawǵa waqtımız joq. Házir qıymıldap qalmasaq, erteń qısta ash qalamız,-depti qoyan. -Aytpaqshı bawırsaq, sen nege toǵayda bir óziń júrseń, úyińnen nege qashıp keteseń?-depti kirpi.
-Men be? Úyde kempir bizlerdi qazanǵa pisirip atır edi. Sol waqıtta kempir abaysızda meni túsirip aldı. Payıttan paydalanıp, úyden qashıp kettim. Keń jazıq dalanı, dút toǵaydı kórgim keldi,-depti bawırsaq.
-Qoy, sen dárhal bul jerden ket. Basqalarǵa kesent etpe. Bul jerdegilerdiń seniń menen oynawǵa waqtı joq. Onnansha kempirdiń aytqanın qılıp, úyińe qayt. Ol da seni izlep júrgen shıǵar. Jası úlkenlerdiń aytqanın tıńlasań shep bolmaysań. Al, toǵayda júre berseń basqa jaman haywanlarǵa jem bolasań,-depti kirpi.
Solay etip, bawırsaq jol júrip qattı sharshap, úyine zorǵa barıptı. Ol tabaqtıń ishine kirip uyqılap qalıptı. Al, onı kórgen kempir bawırsaqtıń úyine kelgenine quwanıptı.

Qabıl Madenov
Qanlıkól rayonındaǵı 22-sanlı ulıwma bilim beriw mektebiniń 4-klass oqıwshısı

https://t.me/jetkinshek1932 👈

BALALÍǴÍM — SADALÍǴÍM

QANDAY «QOL» JEYSIZ?

Bazar kúni edi. Qońısımız Gúlziyra apanıń 2-klass balası Ǵayrat úyge kelip, apama;  -«Búgin Jamila apanıń úyine barıp qol jeytuǵın ekensiz, apam ayttı»,-dedi. Apam bol¬sa «yaqshı ba¬ra¬man» dep, onı dárwazadan shıǵarıp saldı. Men qáte esittim be, tuwrısı onıń ne aytıp ketken¬ligine túsinbedim. Són dárhal Ǵay¬rattıń izinen shıǵıp, oǵan «qan¬day qol?» dedim qızıǵıw¬shı¬lıǵım tutıp. Ol da basın shay-qap; «Mınaday qol shıǵar»,-dedi eki qolın kóterip. Men ábden hayran qalıwım menen apama kelip; «Apa, qanday qol jeysiz?»,-dep soradım. Apam bolsa kúlip:
-Há qızım-áy, dım qızıǵıw¬shańsań-dá, barlıq nárseni bilgiń kele beredi. Jamila apanıń qızınıń toyına barǵanda olarǵa taza quda jer dep soyǵan malınıń bir qolın solay berip jibergen. Qońsılarıńa asıp ber dep, endi túsindiń be?!-dedi basımnan sıypap. Men gáptiń tór¬kinin sonda tú¬sindim. Men sonda da qol jeymiz degen ǵápti ersi kórip, apama; «Onnan kóre awqat jeymiz dep aytsa bolmay ma?»-dedim. «Bul da bir gáptiń saltı da qızım»,-dedi apam kúlip.

Gúlnisa ASAMATDINOVA

https://t.me/jetkinshek1932 👈

Men kúndegi soqpaq jolda mektepke qaray baratırman. Qıyalım alǵaw-dalǵaw. Jolımda ne nárse dus kelse de, hesh dıqqatımdı bólmedim. Tek ǵana anamdı oylap baratırman. Shınında da, meniń isim qáte edi. Men aqmaqtı endi anam keshirerme eken?! Túrlı oy jeteginde mek­tebime de jaqınlap qalıppan. Bir waqıtta birew artımnan túrtip jiberdi. Qarasam, klaslas dostım Azamat eken.
-Babur, sen nege qaramaysań, jol boyı izińnen baqırıp kiyatırman-ǵoy?!-dedi ókpeli pishinde.
-Dostım, seniń kiyatırǵanıńdı bilmeppen, keshir! Qıyalım anamda edi. Bileseń be anama ne qıldım?! Meni dep qattı awırıp qaldı.
-He boldı jora, amanlıqpa?-dedi Azamat hayran qalıp.
-Búgin azanda anam awırıp turdı. Men anamnıń jaǵdayın bile tura, maǵan krossovka alıp beriwin, bolmasa oqıwǵa barmawımdı ayttım. Sonnan anam meni qapa etkisi kelmedi me, awırıp tursa da, bazarǵa ketti. Aradan biraz waqıt ótip, anam bazardan keldi. Túri aǵarıp esikti zorǵa ashtı da, sol jerge súre quladı. Men qorqıp kettim. Dárhal “tez járdem” ge qońıraw etip, shaqırdım. Bunday jaǵday birinshi márte bolmaǵanı sebepli, men “tez járdem”nin nomerin de yadlap alǵan edim. Shıpaker anamdı kórip bolıp, emlewxanda jatıp emleniwin eskertip, bir talay dári jazıp berip ketti. Men bolsam ójetligime barıp, anamdı oylamay qılǵan isimnen qattı pushayman boldım. Aqırı anam maǵan úydegi eń sońǵı aqshasına krossovka alıp bergen edi. Endi dárisine aqsha joq. Eger de ákem bolǵanda bunday jaǵdaylar bolmas edi?! Bizller de baxıtlı kún keshirer edik?!-dep kózlerimdegi jastı irke almay jılap jiberdim. Azamat bolsa meni ayap, maǵan táselle berdi.
-Meni keshiriń, anajan! Men endi sizdi hesh qashan qapa etpeymen. Tek ǵana siz táwir bolıp, aldımda aman júrseńiz boldı. Men úlkeysem álbette, sizdi emletemen!

Nasiba Saparbaeva
Paytaxtımızdaǵı I.Yusupov atındaǵı dóretiwshilik mektebiniń oqıwshısı

https://t.me/jetkinshek1932 👈

Anajan, meni keshiriń!

(bolǵan waqıya)
👇👇👇👇

✨Qaraqalpaqstan ana diyarımızdan kórinisler.🤩

https://t.me/jetkinshek1932