التأهيل للزواج الاسلامى الناجح

كيفية معاملة النساء :-
واحد صاحبي دكتور علم نفس😃
مراته اسلوبها طيب جدًا قمة الاحترام 😍😃
ولو دخل ضيف مع جوزها .. تشيله فوق دماغها ☺✌

= بقوله ماشاء الله زوجتك ذوق جدًا ربنا يحفظها .. قالي تعرف .. مكنتش كدا نهائًا .. كان ممكن يجيلي صديق تدخل وتنام ومتجبلناش واجب .. تهملني ف الاكل والسؤال .. عصبيه بطريقه غريبه .. لدرجة اني طهقت وقرفت وقررت الانفصال .. لكن قولت ليه ميكونش العيب مني ! مراتي زي الزهره .. ليه مسقيهاش .. يمكن دبلانه من قلة الاحتواء ليها فبتجرح زي الزهره الدبلانه الناشفه .. بقيت اقعد مع اهلي وهي موجوده واقول مراتي زي التاج والله بحس اني ملك طول مهيا في حياتي .. الله يحفظها .. دي اكلها تحفه مبدوقش اطعم منه ربنا يبارك ف عمرها .. لما بيجيلي حد بتشرفني وتقدمله اعلي واجب .. يوميًا علي كدا امدح فيها ف بوست ع الفيس .. قصاد اهلي .. مشتكيهاش لحد ومخرجش سرنا بره .. بنصحها بكل هدوء بس بطريقه غير مباشره .. بنت اللذينه اتغيرت .. لقيتها جايه ف ليله بتبوس دماغي وانا تعبان وسهرانه علي الارض جنبي .. بتهتم بنفسها .. بتعتذرلي كتير علي تقصيرها بتهاديني .. اكتشفت ان النصيحه بهدوء والمدح واني اذكر قيمتها ومنكرهاش .. اقرب سبيل لاني اسرق قلبها .. وتبقي زي ما انت شايف .. مشرفاني ورافعه راسي .. سكرك قد ايه يا احمد ؟! قولتله ٣ معالق .. قالي ثواني واعملهولك .. قولتله ومراتك ؟! قالي انت عاوزها تطردنا ! اصحيها ١٢ بالليل تعمل شاي ! دي بتنام بدري ياعم 😂😄 .. قولتله الله الله .. نصايحك عامله شُغل 😂 .. قالي ياعم بهزر دقيقه وتلاقيها جايبه الشاي :))
-
قالولي مره ان شاب كان بيصلي في المسجد ف موبايله رن .. الناس زعقوله وجرحوه .. مدخلش المسجد تاني !! ..

- وشاب غيره كان ماشي ف الطريق فغصب عنه خبط في صنية شاي علي القهوه ف كسر الكُبايات اللي فيها .. صاحب القهوه ضحكله وقاله فداك ١٠٠ ألف كُبايه .. الشاب بقي زبون دايم علي القهوه .. بسبب اسلوب صاحب القهوه !!

- الامام احمد بن حنبل دخل عليه بالليل حرامي وهو بيصلي ف بيته .. عمال يدعبس ف الكراكيب ويدور مهواش لاقي اي حاجه .. الامام احمد خلص صلاه وقاله : ملقتش حاجه من الدُنيا في البيت .. ايه رايك لما يبقالك نصيب من جنة الاخره ؟! قاله ازاي .. الامام احمد ضحكله وقاله الاول تتوضي وتصلي .. علمُه الوضوء والصلاه .. وخلاه يصلي ركعتين ونصحُه بكل طيبه .. الفجر أذن .. خرجوا سوا للصلاه .. الناس شافوا الحرامي والامام احمد معاه .. اتعجبوا .. معقوله !! بيعمل معاك ايه الراجل دا يا امام ؟! .. قالهم : جه يسرقنا .. فسرقنا قلبُه ! .. بحُسن الاسلوب وبالطريقه سرق قلبه .. ممسكش عصايه ونزل فوقيه ضرب .. او شتمه او بلا بلا بلا ..

- واحد راح لسيدنا عُمر بن عبد العزيز وقاله هنصحك نصيحه بس شديده شويه ممكن تقبلها ؟! قاله متنصحنيش ومش هقبلها ! دا ربنا قال لسيدنا موسي ينصح فرعون بقول لين وطيب وهو طاغيه وفاجر .. تيجي انت تنصحني بعُنف وانا موحد بالله ؟!

- لما راح شاب للشيخ الغزالي وقالي ايه حُكم تارك الصلاه ؟! .. الغزالي رد عليه رد صادم .. قاله حُكمه أن تأخذه معك الي المسجد !

- ولما شاب مراهق في سن العشرينات .. راح للشعراوي وقاله انه حلال نفجر اي ديسكو او بار ليلي باللي فيه .. لانهم فجره عُصاه .. الشعراوي قاله الشيطان عاوزهم يدخلوا النار ولا الجنه ؟! قاله النار طبعًا .. قاله وانت عاوز تفجرهم وتموتهم وهما علي معصيه وتدخلهم النار وتساعد الشيطان !! الاولي انك تنصحهم وتدعيلهم بالهدايه !

النصيحه ياجدعان .. إحنا داخلين علي رمضان ،، ناس كتير هتتكلم في الدين وهتنصح .. ف بالله عليك وانت بتنصح حد .. إنصحه بهدوء .. بإبتسامه .. بينك وبينه ومتجرحهوش !! النبي صلى الله عليه وسلم مكنش بيجرح حد .. ويستحيل كان يتكلم في الدين وينصح إلا وهو مُبتسم ! فاكرين سيدنا الحسن والحسين لما لقوا راجل عجوز بيتوضي غلط .. مقالوش له ايه الجاهل دا ! ولكن قالوله احكم بينا وشوف مين بيتوضي احسن .. ولما اتوضوا قالهم والله انتم الاتنين بتتوضوا صح وانا الغلط ! نصحوه بدون ما يجيوا علي مشاعرُه او يقللوا منه .. علي راي احد العلماء بيقول : بُلينا بقوم يعتقدون أن الله لم يهدي غيرهم ! ..

- الامام الحسن البصري قال اذا نصحتني علي الملأ ( قصاد الناس ) تبقي بتفضحني ! واذا نصحتني بيني وبينك ( تبقي فعلاً بتنصحني ) اذًا اختار كلامك .. نقي اسلوبك .. لان فعلاً والله في ناس من طريقة كلامها ونصيحتها بتخلينا نعمل الغلط وضميرنا مرتاح..

منقول

في محاضرة لمعالجة العلاقات الزوجية يحضرها رجال و نساء ..
وقف المحاضر بيسأل لو انت كزوج زعلت مراتك تصالحها و تسترضيها ازاي؟؟؟؟
كل راجل جاوب اجابة من دول :
1) اتكلم معاها و اشرحلها وجهة نظري و اقولها حقك علي انت صح .
2) افكرها بالايام الحلوة اللي بيننا و اراضيها و اقولها اني بحبها و ما اقدرش استغنى عنها .
3) اغني لها الاغنية بتاعتنا و اروح استناها قدام شغلها و في ايدي ورد و اخدها اليوم دة اغديها برة و اكسر روتين حياتنا عشان تحس اني سايب الدنيا عشانها .
4) اعملها زي شباب اليومين دول و اقف اغنيلها و ابعت لها رسايل حب و احضر مفاجأة كبيرة لها و اصورها و انزلها عالفيس بوك عشان تلم likes بالهبل و تبقى مبسوطة .

المحاضر قرا كل الاجابات وسط تنهدات السيدات و ابتسامات الرجال لغاية ما وصل لرجل في الثلاثينات من عمره و لقى ورقته فاضية ما كتبش حاجة!!!!
المحاضر سأله قاله ما جاوبتش ليه؟؟؟؟ مش ناوي تصالح مراتك لو زعلتها؟؟؟؟ .. طبعا جملة زي دي خلت كل الموجودين مترقبين .. الرجالة خايفة انه يقول حاسيبها تنفلق و هم كدة يطلعوا رومانسيين و حبيبة .. و الستات مترقبة عشان لو غلط في مراته ياكلوه مع انهم ما يعرفوهاش،،،،
بعد لحظات صمت الشاب اتنهد و قال للمحاضر ( تعرف حضرتك انا بحب مراتي اوي اوي لكن عمري ما عرفت اصالحها) طبعا الاجابة لم تلاقي استحسان الحاضرين و ابتدى الغمز و اللمز حتى المحاضر بدا يتافف و يستعد للسؤال المتوقع و عايز يقوله امال انت جاي ليه!!!!!!! وقبل ما يسأل بدا الشاب يتكلم تانى ويقول :

انا مراتي قبل ما اتجوزها كانت حلم جميل باحلم اوصله و يوم لما فاتحتها في الارتباط و ابتدت تديني امل كنت حاسس اني ملكت الدنيا .. و يوم خطوبتنا كان قلبي حيقف من السعادة و حاسس اني باحلم .. و يوم الفرح و انا ماسكها و بارقص بيها كنت شايفها اجمل ست في الكون و ان كل اللي حواليا حاسدني عليها و على حبها لي... لغاية بعد الجواز بكام شهر كنا بنختلف كتير و نغضب كتير بس كانت هي بتستحمل و تصبر و تسامح لغاية ما خذلتها و اتخليت عنها مرة .. و كانت اول مرة تثور علي لانها حست بعدم الامان و ابتدت تتغير معايا بقت عنيفة عصبية ردودها مش حنينة بقت بتنجح في شغلها عشان تعوض احساسها بالفشل في حياتنا ..
لغاية ما مرة قالتلي انا مش شايفاك و انت مش فارق معايا .. صهينت و طيبت خاطرها بكلمتين و سيبتها تهدي.... بعدها بمدة مش كبيرة حصلت مشكلة كبيرة .. و مراتي اللي كانت واثقة في خذلتها للمرة التانية بس المرة دي هى ما ثارتش و ما قالتش لحد وبطلت تتكلم و تحكيلي حاجة بقى التعامل بيننا في الحاجات اللي تخص ولادنا بس و ابتدت تبعد......
انا بصراحة قلت طالما في البيت و الاولاد كويسين يبقى فترة و تعدي ..
و صحيت بعدها باسبوع على احزن يوم في حياتي .. مراتي ما بتردش علي و ساقعة متلجة..... ماتت و هي نايمةجنبي و ما حسيتش بيها زي ما كانت عايشة معايا و ما حسيتش بيها و لا فهمتها.... ماتت و هي نفسها تعمل حاجات كتير انا مش عارفها....
انا اما شوفت صحاب و زمايل مراتي في العزا و حزنهم عليها و الكلام الحلو اللي بيتقال عليها حسيت قد ايه انا عشت غافل عن نعمة كبيرة كانت معايا..... انسانة كانت تتمنالي الرضا ارضى بس انا خذلتها .. انسانة كان نفسها تعمل كل حاجة معايا بس انا سيبتها لوحدها.... واحدة كانت بتحبني و بتحب اهلي بس كنت اناني ما حبيتش غير نفسي و شكلي و بس. .....
عرفتوا ليه ما عرفتش اجاوب لاني لو كنت تعبت نفسي و فكرت ايه اللي يرضيها و عملته يمكن ما كانتش اتقهرت يمكن ما كنتش اكتئبت و خبت على الناس كلها انها مش سعيدة معايا.... لو بس كنت فهمتها ..

انت عارف انا جاي هنا ليه ؟ لان هي ياما اتحايلت علي نيجي هنا عشان نقرب من بعض..... لو رجعتلي تاني هاتعرف عليها و اعرف تفاصيل حياتها عشان اعرف اسعدها.... مش حاضحك لما الاقيها بتتفرج على king kong و بتعيط .. او ازهق و هي بتشوف (تيمور و شفيقة) للمرة المليون .. و هاخليها تشغل الاغاني اللي بتحبها و ترقص عليها من غير ما اقولها ايه الهبل دة...... حعملها كل اللي نفسها فيه بس هي ترجع تاني) .

المحاضر سكت و كل اللي قاعدين اتاثروا .. فيه منهم دموعه غلبته و فيهم اللي صوت بكاها كان مسموع.... وقف المحاضر و قالهم دي اجابة سؤال النهاردة .. لما تزعل مراتك صالحها بالطريقة اللي هى بتفهمها و بتحبها حتى لو انت شايفها طريقة تافهة بس هي حتشوفها منك اهتمام.... صالحها و ما تطنشش نظرة الحزن اللي في عينها طالما شايفها بتتكلم و مش عاملة نكد..... خليك زوج ذكي و اوعى تفقد ثقة مراتك لان الست لما تفقد ثقتها في جوزها بينزل من نظرها و بتحس انها ضيعت عمرها مع الشخص الغلط بالنسبة لها.....
خليك ذكي .

سؤال مُخيف .. مش مُخيف مُطلقًا ،، لكن مُخيف لـ فئة البشر اللي بتبص لـ قرار الزواج بـ مسؤولية وجديّة

فـ تخيل إن السؤال دا من منظور آخر بيقول « إزاي أتطمن إن الإنسان اللي قدامي دا أصبح جدير بالثقة اللي تخليني أرمي قدامه دواخلي ومشاعري وأهدافي وحياتي بالكامل وأنا عارف إنه هيُحسِن إستقبالها وإستيعابها

في نظري الإنسان ممكن ياخد قرار العقد والزواج وهو آمِن لما يوصل لمرحلة اسمها « القبول التام لـ أزمنة الآخر »

بمعنى إن بعد ما يحصل معرفة وفهم حكيم بين الطرفين فـ لازم يكون الطرفين عندهم « قبول مُتبادل لـ ماضيهم - ورضى عن حاضرهم - وحماس تجاه مُستقبلهم »

مينفعش تغيّر مكان الدبلة من اليمين للشمال وأنت عندك شكوك تجاه ماضي الآخر، أو مُعترض على تصرفاته وطِباعه الحالية، أو مش حاسس بحماس تجاه مُستقبلك معاه

فـ كلنا محتاجين نستوعب إن الزواج هو أكثر العلاقات إتصالاً وقربًا للإنسان .. والقرب والوَصل مش هيزيد إلا مع إنسان لا توجد شائبة نفسية في قبوله بـ جميع أزمنته وأزماته.
د احمد الفقى

واحد بيسألوه على علاقته بمراته.

قال: انا لما اتجوزتها قولتلها اللى بينا أهلك واهلى ملهمش علاقه بيه نهائياً ، هنقعد ونحله سوا المهم منامش وأحنا زعلانين من بعض ولو الموضوع كبر انتى متسيبيش بيتك ♥✊

انا اللى اسيب اروح عند واحد صحبى أقعد فى فندق أى حاجه بس متسبيش بيتك ولو الدنيا اتعقدت أوى انا اللى هاجى اصالحك واقولك طب أنتى عاوزه إيه قوليلى اللى يرضيكى وانا اعمله. ♥🔐

بحس ان دايما الراجل هو القائد اللى بيمشى العلاقه هو اللى بينجحها او يهدمها الراجل اللى يطمن خوفك وقت ما تغلطى ويطبطب عليكى ويقولك خلاص حصل خير ، ويفهمك اللى ضايقه براحه بيتهيألى أن الراجل الحنين والطيب ده ممكن يخلى الست تعشقه.

الحب مش كل حاجه ، الحب سهل ينتهى بعد وقت مع المعافره مع الشخص الغلط القاسى.

بس " الحنيه والاحتواء " هما اللى ممكن بيفتحوا بيت ، بأختصار متتنازلوش عن الحنيه وابعدوا عن العلاقات اللى بتستنزفكوا وبتاخد منكوا طاقتكم خليكى مع الراجل الحنين اللى بيعرف يحتويكى ده اللى الرزق بجد 💜🔥

" الحب مش بحبك و وحشتيني ، الحب دیما بیکون احتواء واحترام من الطرفین "♥💍

الحب قبل الزواج مش مبهر زي الحب اللي بيفضل لبعد الجواز ..❤❤
مش مبهر اللي بيجيب لخطيبته افخم الهدايا ويكلمها ليل نهار وينفذ طلباتها ومريحها ومش بيأمر وينهى وعامل فيها عنتر فجلة ، لان دا طبيعي جدا و بيحصل !
الانبهار الحقيقي انه يفضل يجيبلها نفس الهدايا .. ويفضل يكلمها كتييير .. ويهتم بطلباتها بعد الجواز ..
ودا مش بيحصل الا قليل اوي ..
المبهر حقيقي بجد اللي بعد ما تبقي مراته ومعاه ووشه ف وشها طول اليوم ما يزهقش منها ولا يمل من كلامها ..
اللي يبهر فعلا اللي يفضل محسس مراته انها جميله ف عيونه حتي بعد ما خلفت عيلين تلاته.. مش على قد البرنسيسه بتاعة الخطوبة
المبهر بجد اللي بعد عشرين سنه جواز مش بينسي يوم ميلادها وبيجيبلها فيه هدية
المبهر مش اللي جابلك شبكه بمش عارف كام وتبقي خايفه م الحسد .. جتك نيلة دي ولا ليها لازمةاصلا ..
اصلا ايه الابهار ف الشبكه دي وهو جايبها مجبر عشان اهلك مش هيجوزوكي ليه من غير شبكه .. الانبهار الحقيقى لما يفضل فاكرك بعد الجواز
إية المبهر ف واحد محترم ابوكي و اهلك وشايلهم فوق راسه وشغال فيها ياعمي ويا امي وبتاع عشان يجوزه بنتهم !!
الإبهار بجد اللي يفضل شايل اهلك فوق راسه بعد الجواز .. ويبقي عون ليكي على برك لأهلك .. مش يقطعك عنهم ويبقي بيوديكي بالعافيه عند اهلك .. وكأنه عامل فيكي جميله عشان بيوديكي لأهلك
إية المبهر ف واحد بيحبك هو مش بيشوفك غير ف أبهى صورك .. وانتي مظبطه نفسك ولبسك وشكلك .. دا لا شافك وانتي معيطه ومنكده .. ولا وانتي منعكشه .. ولا وانتي صاحيه م النوم مقريفه .. ولا وانتي تعبانه وشكلك مبهدل .. طبيعي يحب الصورة اللي مفيهاش غلطة يعني
المبهر بقا انه يفضل يحبك بعد الجواز بعد ما يشوفك ف باقي صورك كلها
المبهر بجد مش اللي مقضيها عزومات وكافيهات ف الخطوبه .. المبهر هو اللي مقضيها كافيهات وخروجات بعد الجواز ..
وطبعا بعد الجواز هيخرج مع صحابه اللي كان سيبهم طول فترة الخطوبة .. ويسيبك مع العيال ف البيت تشدي ف شعرك
ايه الأبهار ف قصة حب انتهت بالجواز !!
الابهار فعلا هو الحب بعد الجواز والمسئولية والعيال ودوشتهم ومصاريفهم والسحل مع مشاكل الدنيا ..
- الانبهار الحقيقي في الحب ، هو الحب اللى بيفضل بعد الجواز زى قبل الجواز ميتغيرش فيه حاجة غير انكم بتكبروا سوا ❤
اللهُم هَبنا حُباً يثبُت في القلبِ. 💜
-لقائله

- هل يجعلك تضحكين مثل ما أفعل؟
+ هو لا يجعلني أبكي
.
في شىء بين عالم النساء والرجال بحسه مش مفهوم على وضعه الحقيقي
.
كأن كل حد فيهم شايف الآخر بعين فيها تراب كده.. بتعميه
.
وهو إن الرجال متصورين إن الست بتحب النكد زى عينيها
وإن الست متصورة إن الراجل دوره إنه يحس بمشاعرها
.
وتلاقي التصورين عن كل واحد بيثبت مفاهيمهم الغلط أكتر
.
هى بتحاول تخليه يحس بمشاعرها وهو عشان مش عارف يفك الشفرة وغالبا كل راجل بأسلوب تفكيره بيقرأ مشاعرها بشكل له علاقة أكتر بمخاوفه هو وخبراته السلبية هو.. فردود فعله بتبقى أبعد ما يكون عن التفهم.. لا كمان ممكن يوجعها أكتر
بتقليل مشاعرها او السخرية منها و عدم الالتفات اصلا ليها.. ودي بتكون طريقة الراجل عشان يتجنب الضغط ده بالكلية
.
فهى تعيط اكتر
فهو يشوفها نكدية بقى اكتر
والاتنين يدخلوا في حلقة مفرغة من عدم فهم بعض.... والفجوة تزيد أكتر
.
وممكن بعد الموقف عشان يعديه اكتر .. يبسط الدنيا ويحاول يضحكها..

وهى تحس أكتر قد ايه هو مش حاسس بيها
وان ده لا يمكن يكون حب يعني
اللي يحب حد ميخليهوش يعيط!!
.
وهنا الفرق الجوهري بينهم
كأنثى ورجل!
الست بتقدر المشاعر حلوها ومرهااوي اوي
بتحسها غالية اوي
مشاعر يعني انوثتها
يعني هى
.
المشاعر الحلوة هى تجلي انوثتها ودفاها
والمشاعر المرة بتحس انها هتلجأ لاكتر حد بتحبه ف الدنيا عشان هو وبس اللي هترتاح تضعف معاه ويشوف سلبيتها المؤقتة عشان وجعها بيطلع كل المدفون.. ويشوف احتياجتها فلما يسمعها يخرجها من المرار للدفا... وده للست تجلي الارتباط والانتماء وأساس تقوية العلاقات.. اللي هو اللي بيحبني هيسندني ويدعمني ... واني اوري ضعفي كده لعين حد يبقى الحد ده غالي عليا اوي
.
والراجل
بيحب الفعل والانجاز والواقع والملموس والتفكير والمنطقية
والمشاعر بالنسبة له ملاهي كده... يروح يفصل ويشحن بحلوها
.
طب المشاعر الصعبة؟
مممممم
بيفصل منها انه يروح لملاهي من نوع مختلف...
اى شىء يلهيه ويفصل بيه لعب نوم راحة مشاهدة حاجة بتتحرك قدامه بدون جهد لعقله
أو انه يدخل في مساحة خاصة بيه لوحده تسمح له يفكر في حل بصوت عالي مع نفسه فبيبان للست انه مش مهتم وهو بس عقله مسحول ييحاول يفهم ويهضم
.
هو مش بيبعد عن الست غير عشان انضغط
فييروح ملاهي تانية
او بيتقوقع مع عقله

وهى بتشوفه مش فارقة معاه
.
طرق مختلفة للتفكير نابعة من بنية نفسية مختلفة تماما عن بعض
سبحان الخالق
.

والحل؟
كل واحد ياخد خطوة تنازل عشان بيتعامل مع موع مختلف عنه نفسيا

عشان كده الستات تحاول تدير مشاعرها الصعبة لوحدها تهدي انفعالاتها الغير مفهومة ليهم ..

ولما تروح للراجل تروح له بمنطق يستوعبه عن حل المشكلة
بدون انفعالات تعطل التواصل

والراجل؟
لما يلاقي مراته اغلب الوقت ماسكة نفسها وبتكلم بمنطق ومعيشاه ف مشاعر حلوة

فلما يلاقي ضعفها غلبها عشان الموقف كبير وضاغط بزيادة فاكيد مش هيكون سهل عليها الادارة فهتلفت طبيعتها اللي بتتعبه
يبعد عن طرق تعدية الموقف بالتهريج والسخرية وانه يتجاهل او يهاجم ويدافع عن نفسه
.
يفصل دماغه ويبعد بس وهو مفهمها انه انضغط ومحتاج وقت بس يقدر يفكر بهدوء
.
أو لو طبيعته غلبته على الاقل... لما يرجع ميتعاملش كأن مفيش حاجة مضايقاها
على الأقل يحسسها انه حاسس انها متضايقة حتى لو شخصيا مش حاسس بالفعل
بس يكفي انه يسكت جنبها
يديها حب باى لغة يقدر عليها
.
المهم ميبعدش عنها ما دام قدر يفصل
عشان يثبت لها انه بيحبها وانه بس كان محتاج مساحة
.
الست والراجل فعلا مختلفين نفسيا بشكل كبيير جدا
والمشاكل بين الاتنين ساعات بتوصل انها بتكون pattern واضح لعين اى مستشار
.
وساعات بس بيكون ادراك اللي بقوله ده
واحترام اختلاف الطبيعة من غير أحكام هو كل الحل
عشان الاتنين يتكاملوا فعلا مش يتناطحوا
.
ولعل ده الاختبار
الاتنين بيعاملوا الضغط بأساليب نفسيا عكس بعض بالمليي
.
الست ترغي وترتبط وتقرب وتحتاج تأكيد على العلاقة
والراجل يسكت ويفصل ويبعد ويحب يبقى لوحده
.
ولعل الاختلاف ده اختبار "خفض الجناح بين الزوجين"
.
اختبار للست في دورها تجاه جوزها... انها اكيد تخفض جناحها وتعامله باحترام قوامته حتى وهى حزينة
.
وده مش سهل على اى شر وهى زعلانة عشان مشاعرها بتغلبها
.
واختيار للرجل انه يخفض جناحه ويمتثل لوصية الرسول صلّ الله عليه وسلم"رفقا بالقوارير"
.
ما لو كانت سهلة
مكنتش هتبقى اختبار
.
فبلاش كل واحد يستسهل ويقولك دي طبيعتي
ربنا خلقنا عشان نزكي نفسنا ونمشي اللي يرضيه ولو على نفسنا فقلبنا يسلم من الآفات ونتسق مع الفطرة الطيبة

أقول للراجل"انما الحلم بالتحلم"
واقول للست ولنفسي" انما الصبر بالتصبر"
.
الست محتاجة صبر لدورها
والراجل محتاج حلم
.
استعينوا بالله ولا تعجزوا
.
ربنا يصلحنا لأزواجنا ويصلحهم لنا ويقر أعيننا ببعض 🤍

#تزكية
#علاقات

ريهام حلمى

الحب مش بيطول عمر الجواز 🥺

الجواز عمره بيطول ازاي ؟

ب المحادثات العميقه الحقيقه
Deep Authentic Conversations

▪️بالاحاديث المريحه الآمنه خاليه من النقد او التقليل

▪️بالمشاركه في التعبير عن الحب والمخاوف والخطأ

▪️مشاركه ف الطموح والتفكير ف المستقبل

▪️مشاركه كل طرف احتياجه بكل وضوح واحترام للتاني

▪️بتخفيف العبئ عن بعض والتغافل عشان نسهلها

▪️بالمشاركه ف المواقف الصعبه عمرها ما بتتنسي

⚡وافقين ف ضهر بعض مش واقفين لبعض ❤️

📝ودا اللي اكدته دراسه امريكيه
⬇️⬇️⬇️⬇️⬇️

📊عملو 12 تجريه علي اكتر من 1800 مشترك بين انهم يفتحوا مع الازاوج احاديث عاديه سطحيه او احاديث عميقه

كانوا متوقعين منهم الحرج والكسوف وان الناس هتكون مياله للاحاديث السطحيه اكتر .. ولكن حصل العكس

🗝️ولقوا ان الناس ف حاله استمتاع وسعاده اكبر بفتح الأحاديث العميقه وانهم بتكلموا عن افكارهم ومشاعرهم بحماس ودا زود من قيمه الحديث نفسه وقيمه الترابط بينهم ..

الطرفين ف العلاقه هما كيان واحد لإداره حياه 😍

#مازلت_حي🌿
#إيمان_العليمي
#relationships
#relationshipcoach

عندما تتزوج المرأة تفقد حقها في أن تكون مستقلة وعنيدة.
وعندما يتزوج الرجل يفقد حقه في أن يكون طائشًا وغير مسؤول.

إذا تزوجت المرأة وهي تحاول أن تحتفظ بإستقلالية أو عناد في شخصيتها فمصيرها المحتوم هو الزواج الفاشل.
وإذا تزوج الرجل وهو لا يزال يتصرف بغير نضج وقلة مسؤولية فمصيره المحتوم هو الزواج الفاشل.

فالمطلوب من الزوجة هو الطاعة والسكن، والمطلوب من الزوج هو الأمان وتحمل المسؤولية.

فإذا كنتِ لا تستطيعين القيام بدور الزوجة لا تتزوجي، وإذا كنت لا تستطيع القيام بدور الزوج لا تتزوج.

فالزواج ليس سدًا للفراغ، ولا النهاية الطبيعة لقصة الحب كما في الأفلام.

الزواج هو أمر ديني هدفه أقامة علاقة طويلة الأمد (حلال)، هو ميثاق غليظ وله شروط يمليها الدين وفيها إلتزامات من الطرفين.

إذا كنت تريد التقيد بذالك الميثاق الديني فاعرف أنه عقد ملزم سيفرض عليك إلتزامًا مادمت فيه، بغض النظر عن إلتزام الطرف الأخر.

فاعرف ما هو الدور المطلوب منك قبل إمضاء هذا العقد، وإذا كنت غير قادر على الإلتزام بدورك في العقد الديني حسب شروط وإلتزامات العقد التي حددها لك دينك، فلا تمضي على هذا العقد أبدًا، لأنه من محددات دخولك الجنة أو الجحيم في الدنيا والاخرة.

لسه متزوج جديد بقالي شهرين والحمد لله زوجتي كويسة ، بس مش عارف ليه دايما بيجيلي تفكير ما كنت صبرت شوية وشفت حد تاني مثلا أكثر التزاما ، تكون كلية أحسن كده ،
مش عارف ده من الشيطان ولا ايه مع اني بغض بصري وكل حاجة بس مش عارف ليه كده أنا حتى مستغرب؟

ج/ طبعا شيطان..ومش هايسيبك

لو كنت استنيت كنت أخدت واحدة أحلى وأطول وعنيها بتنور في الضلمة وشعرها أخضر وعنيها صفره

وهي كمان ممكن الشيطان يستلمها:

لو كنتي صبرتي كنتي اتجوزتي واحد عريض المنكبين مناخيرة رفيعة وودانه أصغر

انت فيك عيوب زيها

وفيك نقص زيها

ده نزغ شيطان

لازم تعرفوا ان كل حلوة في اللي احلى منها

وكل وسيم في اللي أوسم منه

والسعادة الزوجية لا تحتاج للدكترة والهندسة ولا مدارس اللغات فالزوج والزوجة في البيت يتخليان عن المؤهل الدراسي و تبقى الاخلاق والطباع

الشيطان لما يرى بيت مسلم جديد يقام وحياة تبدأ و فيه زوجين سعيدين لن يتركهما ابدا..

لهذا تكثر المشاكل قبل الزفاف دائما...نزغ شيطان!!

وسيتلون ويتلوى ويجتهد ليفسد بينكما فاحذر وكن دائما ذاكرا لله انت و زوجتك

زوجتك حبيبتك ونور عينك...خد بالك منها الله يرضى عليك ويجعلها قرة عينك ويجعلك قرة عينها.

د/حنان لاشين.

بمناسبة أن هذا موسم كثرة الخطوبات اللهم زِد وبارك،
أذكركم بقول الشيخ سمير مصطفى- فك الله أسره-:
"من أطاع اللّٰه فى الخِطبة مكَّنَ بيتَه"

- يعنى اللى بيراعى ضوابط الخطوبة ربنا بيرزقه البركة فى بيته.♥️

⏺"إن اختلاف شخصية المرأة عن شخصية الرجل عامل مؤثر، ذلك أن المرأة تعرّف نفسها من خلال علاقاتها، وتهتم بحديث الآخرين عنها أكثر من الرجل، ومتصلة بعمق عاطفي في علاقاتها أكثر من الرجل، وتتأثر بما يحصل لدى من تحبهم من صدمات ومشكلات، وقد يقودها ذلك لاتخاذ قرارات سيئة في حياتها وليس من مصلحتها لمجرد أنها لا تريد أن تفقد تلك العلاقات، جميع ما سبق هي عوامل تجعلها عرضة للتفكير المفرط أكثر من الرجل".

‏
📚 مقتبس من كتاب (المرأة التي تفكر كثيرًا) للمعالجة النفسية سوزان هيكوسيما (2003)- غير مترجم.

‏
وهي رسالة لنا نحن الرجال بألا نقسو على من نحب من زوجاتنا وأخواتنا، وألا ننظر لظاهر السلوك، وأن نراعي الحالة النفسية لبعضنا، فليس كل ما يزعجنا من سلوك في الظاهر يستحق الوقوف عنده.

أسامة الجامع

أما الحب الحقيقي فشيء آخر تمامًا لا نجده في أي فيلم .

الحب الحقيقي هو المودة والرحمة، وهو عطاء الفطرة الذي لا تَكَلُف فيه ولا صَنعَة ولا احتراف، وهو صفة النفوس الخيّرة وخُلة الأبرار الأخيار من الرجال والنساء، وهو شيء آخر غير الذي يُعرَض علينا في الأفلام، وهو لا يوجد إلا في البيوت الطيبة التي ليس لها صوت ولا تسمع لها سيرة ولا تُحكَى عنها قصص ولا أخبار .
~
من كتاب : السؤال الحائر. د . مصطفى محمود رحمه الله . .

سينتهي حفل زفافك ولن يبقى منه إلا بضع صور، ستُنسى مناسبات خِطبتك ولن يبقى منها إلا بعض الهدايا التي رُميت في خزانتك تراها من حين لآخر بالصدفة،
حينها لن يبقى معكَ إلا المرأة التي اخترتها أنت شريكة لك، فتأكد تمامًا عند غلق باب بيتك عليكما بأنك لن تجد المُثقفة العبقرية، أو ذات الحسب والنسب والجمال، أو الحاصلة على الدكتوراة؛ بل ستجد إما زوجةً تحترمك وترفع قدرك، وتكن لك زوجة صالحة وخير شريك في دنياك، وتعينك على الدنيا ولا تعين الدنيا عليك، وتحفظك أنت وبيتك في غيابك،
أو امرأةً ستجعلك تندم على جميع أيامك معها، وتتحسر على كل ما بذلته من نفسك للوصول إليها، ستعضُ اصابعك ندمًا وقهرًا على اختيارك لها، وبالنهاية لن يبقى إلا أنت وخيباتك...
المسألة ليست مسألة تعليم أو مال أو جمال، إنما هي مسألة أخلاق ودين وتربية، مسألة اختيار أم صالحة لأبنائك، مسألة أن تجد مَن يبسط لك ذراعيه لتُرمى في أحضانه في أوقات انهزامك، العبرة بمن يحارب الدنيا لأجلك لا يحاربك مع الدنيا، المسألة في شخص يُحبك وتحبه، في شخص يتقي الله فيك... فأحسن الاختيار.

أحمد حسن.

كل عام وانتم بخير بمناسبه عيد الفطر المبارك اعاده الله علينا وعليكم بالخير واليمن والبركات ♥️ تقبل الله منا ومنكم صالح الاعمال ♥️
#عيد_فطر_مبارك❤️❤️❤️❤️❤️

الحمد لله .. وبعد،

أمامنا ليلتان غاية في الأهمية بمثابة ختام الشهر لا تحتمل أي تفريط.

ننسى كل ما مضى ونتعامل مع الليلتين هاتين أو الثلاث من باب العبرة بالخواتيم وكأننا نقول: يا رب أحسن ختامنا نحن صادقون لا نعبدك ليلة دون ليلة بل نبذل أنفسنا لآخر لحظة في شهرنا.

وإلى كل مفرط:

أمامك ليلتان تتبدل فيهما الأحوال وتستيقظ فيهما قلوب من رقدة الموات.
نعم والله تنبعث فيهما قلوب من رقاد الغفلة لمن صدق الله، وما أحوجنا للصدق والله.
والإنسان إذا استحكمت عليه خيوط الكربة وشعر بدنو رحيل الشهر وقلبه لا يزال في قسوته= إذا استشعر هذا كله لجأ إلى الله التجاء المضطر المكروب، والله مجيب المضطرين.

 فلا إله إلا الله رب المكروبين بقسوة قلوبهم وجمود أعينهم وقد آل شهرهم لساعة المغيب،  نلوذ به ونستغيث أن يصلح قلوبنا ويجبرنا. 

-
جوهر الزواج الانكشاف التام،
وسبب العزوف عن الزواج _والذي لا نبوح به لأحد_ هو خوفنا من الانكشاف التام مع عدم التَّقبل لما نحن عليه..

لربما تقابل أحدًا
لا يعيبه عيب، ولا ينقصه شيء
ولكن تنظر إلى ندوبك في حضرته كأنَّها جريمة تحاول إخفائها،
تضع يديك على جروحِك أمامه مخافةً أن يبصرها، فيزداد إيلامها،

ولربما تصادف أحدًا،
فتودُّ لو تُظهر له كل ما سترت عمَّن سواه، وكل ما أخفيت عن غيره
فتكشف له الندوب، لأنَّك أبصرت فيه أنَّه مواسيها،
وتعرض له الجروح، لأنَّك شعرت منه أنَّه مداويها..

والاطمئنان وديعة الله فيمن أراده لك، ستعرفها فيه كما ستعرفه؛
فالروح تعرف شبيهها، والنفس تأمن لمثلها،
وقبل أن نكون هنا شخصين مُتباعدين، كنا في عالم الأرواح روحًا واحدة،
فلا عجب أنَّه إذا التقينا، ائتلفنا.. وانكشفنا..

سمر اسماعيل

_ أنا مش فاهمة لحد دلوقت هو خطبني ليه ؟
هو مش بيحبني أصلًا وكل ما قوله إني بحبه يقولي خلي الكلام دا بعدين في الوقت المناسب

= طب وأنتِ ناوية على أي يا بنتي ؟

_ هكلمه وأطلب منه نفشكل الخطوبة دي
الناس كلها فترة الخطوبة بتحب وتتكلم في الفون وأنا بيقولي يا آنسة همسة لحد دلوقت
أنتِ متخيلة ؟!

= طب بصي اسمعي منه براحة يمكن عنده وجهة نظر تانية ولا بيمر بفترة صعبة ولا حاجة

_ لا دا مش بيحبني أصلًا وأنا مش هكمل مع حد مش بيحبني
أنا فضلت طول عمري أحافظ على مشاعري علشان تكون فريش لما اتخطب
يقوم كمان بعد الخطوبة كل ما اتكلم يقولي اصبري وكل حاجة في وقتها أحسن !!

= طب اهدي بس متتعصبيش

_ أنا راجعة البيت سلام
....................

مامتها :يعني ايه يا بنتي ؟
هو زعلك في حاجة
_ لا

+ طب قالك كلمة ضايقتك ؟
_لا

+ أمال عاوزة تفشكلي ليه يا أخرة صبري ؟

_ مش بيحبني

+ هو اللي قالك كدا؟

_ لا مش محتاج يقولي هي واضحة زي الشمس
دا عمره ما قالي بحبك ولا عمره كلمني طول الليل كدا زي بقيت خلق الله

+ يمكن مش فاضي يا بنتي

_ مش فاضي !!!
اللي بيحب بيفضى يا ماما للي بيحبه أنا خلاص قررت

+ الله يهديكِ يا بنتي ، طب اتكلمي معاها براحة وعرفي منه المشكلة فين
لو قال إنه مش بيحبك خلاص نفشكل وكل واحد يروح في طريقه

_ بس أنا ...

+ أنتِ بتحبيه يا جذمة وأنا عارفة كدا كويس
علشان كدا بقولك متتسرعيش واسمعي منه الأول

_ طيب
.....................

_ أحمد أنا مش هقدر أكمل معاك

• نعم ! ليه بقى أنا زعلتك ولا حاجة ؟

_ أنت لازم تكمل مع حد بتحبه وأنا حاسة كدا إنك مغصوب عليا

• مين قال الكلام دا ؟

_ أفعالك هي اللي قالت يا أحمد
عمرك قولتلي بحبك ؟
لا
عمرك قعدت تتكلم معايا في الفون زي ما كل المخطوبين بيعملوا ؟
لا
عمرك مسكت ايدي ؟
لا
يا أخي دا الشبكة أختك اللي لبستهالي والناس كلها فضلت تتريق عليا
آسفة مش هقدر أكمل والشوكولاتة بتاعتك اللي أكلتها هشتريلك بدلها

• ههههههههه ضحكتني والله أضحك الله سنك

_ وكمان بتضحك على كلامي !

• أهدي بس كدا وافهمي اللي هقوله

_ بصي أنتِ خطبتي مش مراتي يعني ممكن في أي وقت لا قدر الله منكملش مع بعض وكل كلام الحب واللمس والهزار تكوني ادتيه لشخص مش في الحلال

وأنا بخاف عليكِ من غضب ربنا ، وكل اللي بعمله دا علشان أحافظ عليكِ مش أكتر
الخطوبة ما هي إلا وعد بالزواج ممكن يتم وممكن لا

واحنا مش بنعمل زي الناس ولا يهمنا الناس احنا بنعمل زي ما رب الناس قالنا بالظبط
علشان في الأخر يكرمنا
هسألك سؤال ماشي ؟
_ .....
• هااا اسأل ولا لا

_ اسأل ...

• مش أنتِ بتكوني مطمنة وأنا موجود ؟

_ اه ببقى مطمنة ومش خايفة

• وهو دا اللي أنا عاوزة الفترة دي
إنك تكوني متقبلاني ومطمنة في وجودي وكل الحب اللي أنتِ عاوزاه هيبقى في وقته أحسن تمام ؟

_ يعني أنت بتحبني صح ؟

• يوم الجمعة الجاية كتب كتابنا لو عاوزة تسمعي الأجابة وفقي على الميعاد دا

_ بعد بكرة !!!

• اه ان شاء الله أنا اتفقت مع والدتك وخالك

_ طب ولو طلعت مش بتحبني وقتها هكون ادبست خلاص

• خليكِ واثقة فيا
...................................
" بارك الله لكما وبارك عليكما وجمع بينكما في خير "

• تعالي كدا قوليلي مين قالك بقى إني مش بحبك؟

_ أفعالك ال....

مد باس على راسها * طب وكدا ؟

_ إيه دا لا أحنا متفقناش على كدا

• لا بقى من النهاردة نتفق طلما بقيتي مراتي وحلالي لكن قبل كدا كنت أنا بالنسبالك زي أي واحد في الشارع مش محلل ليكِ

_ وأنت مفهمتنيش كدا ليه ؟

• ما كل ما أجي أفهمك تتقمصى وتقومي وتسبيني قاعد لوحدي
خدي يا ست البنات

_ كشكول دا ؟

• أمال كريب ههههه!

_ متهزرش معايا

• أنتِ تقرأي دا وبعدين نبقى نتفق على موضوع الهزار دا بعدين

_ في إيه دا ؟

• لما تقرأي هتعرفي

فضلت أقرأ في الكشكول لحد يوم الفرح بجد طلع بيحبني وكان كل ما يبقى عاوز يقولي كدا كان بيكتبلي اللي في قلبه كله في الكشكول دا
كل جملة اتكتبت أتحفرت في عقلي إلا جملة واحدة أتحفرت جوة قلبي

" من يحب يحافظ على من يحبه من نفسه حتى يأذن الله بالحلال "
والحلال هنا يا صغيرتي هو الزواج وليست الخطوبه ♥️

..الرجال نوعين ..
نوع إذا أحب زوجته أكرمها و أعادها طفلة تركض في حقول الياسمين..
ونوع يجعل زوجته يأكلها الهرم في عمر الصبا و تفوق عمرها ب مئةِ عامٍ.
ف من الخطأ الاعتقاد ب أن ‎المرأة تُزهر في سنّ معيّن وتذبل في سِنّ معيّن .. ولكن الحقيقة أن المرأة تُزهر مع رجل طيّب .. وتذبل مع رجل سيِّئ.

ليست كل امرأة تُنسى ب إمرأة أخرى..
هناك امرأة لو ضاعت منك ستمضي بقية حياتك تجمع صورتها من ألف امرأة و لن تجمعها ....
إن البيوت لا تُبنى ب جمال الزوجة ولا ب مال الزوج .. البيوت تُبنى ب الاحترام بينهما.
ف مع مرور السنين يذهب جمال المرأة وتضعف قوة الرجل .. ولا تبقى بينهما إلا المودة والرحمة.
ف المرأة ب النسبة ل لرجل أمانة
والرجل ب النسبة ل لمرأة أمان...💜🌹

اجور مضاعفة..
ست أحاديث لا تغفل عنها في هذه الليالي المباركة ؛ واحرص عليها في العشر الأواخر .
كررها ولو مرة واحدة كل ليلة..

1⃣ قال صلى الله عليه وسلم :
[ بأيِّ شيءٍ تحرِّكُ شفَتَيكَ يا أبا أمامةَ ؟ فقلتُ : أذكرُ اللهَ يا رسولَ اللهِ !

فقال : ألا أُخبرُكَ بأكثرَ وأفضلَ من ذِكرِك باللَّيلِ والنَّهارِ ؟
قلتُ : بلى يا رسولَ اللهِ ! قال : تقولُ :

سبحان اللهِ عدَدَ ما خلق ،
سبحان اللهِ مِلْءَ ما خلَق ،
سبحان اللهِ عدَدَ مافي الأرضِ والسماء
سبحان اللهِ مِلْءَ مافي الأرضِ والسماءِ
سبحان اللهِ عدَدَ ما أحصى كتابُه ،
سبحان اللهِ مِلْءَ ما أحصى كتابُه ،
سبحان اللهِ عددَ كلِّ شيءٍ ،
سبحانَ اللهِ مِلْءَ كلِّ شيءٍ ،

الحمدُ للهِ عددَ ما خلق ،
والحمدُ لله مِلْءَ ما خلَق ،
والحمدُ لله عدَدَ ما في الأرضِ السماءِ ، والحمدُ لله مِلْءَ ما في الأرضِ والسماءِ
والحمدُ للهِ عدَدَ ما أحصى كتابُه ،
والحمدُ لله مِلْءَ ما أحصى كتابُه ،
والحمدُ للهِ عدَدَ كلِّ شيءٍ ،
والحمدُ للهِ مِلْءَ كلِّ شيءٍ ) ]
صحيح الترغيب

2⃣ عن أم هانئ رضي الله عنها قالت :

أتيتُ إلى رسولِ اللَّهِ صلَّى اللَّهُ علَيهِ وسلَّمَ ،
فقُلتُ : يا رسولَ اللَّهِ ، دُلَّني على عملٍ
فإنِّي قد كَبِرْتُ وضعفتُ وبدَّنتُ ، فقالَ :

( *كبِّري اللَّهَ مائةَ مرَّةٍ* ،
*واحمَدي اللَّهَ مائةَ مرَّةٍ* ،
*وسبِّحي اللَّهَ مائةَ مرَّةٍ*

*خيرٌ من مائةِ فرَسٍ مُلجَمٍ مُسرَجٍ في سبيلِ اللَّهِ* ،
*وخيرٌ من مائةِ بدَنةٍ* ،
*وخيرٌ من مائةِ رقبةٍ* )

صحيح ابن ماجه

3⃣ عن جويرية بنت الحارث رضي الله عنها :

( أنَّ النبيَّ صلَّى اللهُ عليه وسلَّمَ خرج من عندِها بُكرةً حين صلى الصبحَ ، وهي في مسجدِها . ثم رجع بعد أن أَضحَى ، وهي جالسةٌ . فقال " ما زلتُ على الحالِ التي فارقتُكِ عليها ؟ " قالت : نعم . قال النبيُّ صلَّى اللهُ عليه وسلَّمَ " لقد قلتُ بعدكِ *أربعَ كلماتٍ ، ثلاثَ مراتٍ* . *لو وُزِنَتْ بما قلتِ منذُ اليومَ لوزَنَتهنَّ* :

*سبحان اللهِ وبحمدِه ، عددَ خلقِه ورضَا نفسِه وزِنَةِ عرشِه ومِدادَ كلماتِه* )
صحيح مسلم

4⃣ قال صلى الله عليه وسلم :

( *من استغفر للمؤمنين و للمؤمنات* ، كتب الله له بكل مؤمن و مؤمنة حسنة )
صحيح الجامع

5⃣ قال صلى الله عليه وسلم :

( من قرأ { قُلْ هُوَ اللهُ أَحَدٌ } حتى يختمَها *عشرَ مراتٍ* *بنى اللهُ له قصرًا في الجنَّةِ* ومن قرأها عشرين مرةً بني له قصرانِ ومن قرأها ثلاثينَ مرَّةً بُنِيَ له ثلاث )ٌ
حسنه الشيخ الألباني والشيخ شعيب الأرناؤوط

6⃣ ( مَن قالَ : لا إلَهَ إلَّا اللَّهُ وَحْدَهُ لا شَرِيكَ له ، له المُلْكُ وَلَهُ الحَمْدُ وَهو علَى كُلِّ شيءٍ قَدِيرٌ ، *عَشْرَ مِرَارٍ كانَ كَمَن أَعْتَقَ أَرْبَعَةَ أَنْفُسٍ مِن وَلَدِ إسْمَاعِيلَ* )
صحيح مسلم 2693

والأكثار من قول ما سألته عائشة رضي الله عنها فقالت : يا رسول الله :
إن وافقت ليلة القدر فما أقول فيها ، قال : قولي :

*اللهم إنك عفو تحب العفو فاعف عنا*