حسين جاسم

@hasaen_jasaem

شاعر حسيني….

حسين جاسم (Arabic)

قناة "حسين جاسم" هي وجهتك المثالية لعشاق الشعر الحسيني، حيث يمكنك الاستمتاع بقصائد وأشعار تعبر عن مشاعر عميقة وتعاليم دينية. تتميز هذه القناة بتقديم مجموعة متنوعة ومتنوعة من قصائد الشعر الحسيني، التي تلامس القلوب وتحمل رسائل تحفيزية وإيجابية. إذا كنت تبحث عن مصدر للإلهام والتأمل، فإن قناة "حسين جاسم" هي الخيار الأمثل لك. تابع أحدث القصائد والأشعار، وانغمس في عالم من الجمال والروحانية. بادر الآن وانضم إلى هذه القناة الرائعة لتجربة فريدة ومميزة تملأ حياتك بالإيجابية والسلام الداخلي.

حسين جاسم

07 Jan, 07:32

https://youtu.be/HS6leWg5CaM?si=K7AkLe2-1ECT6YAz

431

حسين جاسم

04 Jan, 13:05

https://youtu.be/vwKIHaMIJbQ?si=TbzaWwx6xxdUyIV4

654

حسين جاسم

14 Dec, 13:02

من الأرشيف ذكرى شهادة مولاتي ام البنين (ع)

2,072

حسين جاسم

23 Nov, 08:11

https://youtu.be/7N6ysHHzfOk?si=wZjHbgts9oNTXsxG

3,038

حسين جاسم

05 Nov, 19:35

بالجمعه ندعي وجينه ... كبرت جروح البينه
ياربي ندعي بكل مسه ... عجل فرج مهدينه
عجــــــل فرح مهدينـه
ــــــــــــــــــــــــــــــــــــــــــــــــــــــــــــــــــــــــــــــ

يبن الحسن يمته الفرج ... طالت علينه ايامك
بكل جمعه ايد تمد الك ... يلمهدي من خدامك
عذرن يمـولاي الذنـب ... باعــد علينه اجـدامك
يالمهدي ڪلنا بلا وعي ... ليمت نطفي اخيامك

بالعاشر وخيمه تشوف... محتركه وعليها اتطوف
واحسينك امتعبينـه ... عجــــــل فرج مهدينـه
ــــــــــــــــــــــــــــــــــــــــــــــــــــــــــــــــــــــــــــــ
ڪل غايب ولابد يجي ... بس اشوڪت ماادري
ابقه انتضر طول العمــر ... خافن يخللص عـمري
مولاي الك خادم صرت ... بس انته تعرف قـدري
مولاي ااذا باجر متـت ... انتضرك انــه ابڪـبري

انتضرك لوحدي ابڪـبر ... هاي اخـــر اخبار الصبر
لجلك عمــــر ضحينــه ... عجــــــل فرج مهدينـه
ــــــــــــــــــــــــــــــــــــــــــــــــــــــــــــــــــــــــــــــ
مولاي الجروح انسن ... والمثلي ڪــلي اشعده
ياشده تڪظي بيا فرج ... مابيـه حيـل الشده
يااول حروف السطر ... واخـر رسـاله اتبعــده
يبن الحسن ماضل صبر ... طالت علينه المـده

ماضل صبر حته انتضر ... خلصن مراسيل العمر
بڪـــل الجروح البينه ... عجــــــل فرج مهدينـه
ــــــــــــــــــــــــــــــــــــــــــــــــــــــــــــــــــــــــــــــ
ڪــل واحد ورايد يحــب ... لازم يشوفه بعيـنه
ڪلبي انه عاشڪله محب ... ماشافه هاي سنينه
بڪـل جمعه اناطر جيته ... وادعي الفرج يلفينه
مولاي المفارڪ صعــب ... جايمتـــــه ترجع لينه

جا يمته ترجع طولت ..... راح انتضر كل الوكت
بعـــدك تره مآذينــــــــه ... عجــــــل فرج مهدينـه
ــــــــــــــــــــــــــــــــــــــــــــــــــــــــــــــــــــــــــــــ
#حسين_جاسم
@hasaenjasaem

3,616

حسين جاسم

29 Oct, 18:51

اليوم الزجيه معلعله .... والضلوع مكسوره
ــــــــــــــــــــــــــــــــــــــــــــــــــــــــــــــــ
للزهـره خلي نهل دمع ..... والضلوع مكسوره
ويلاه ياڪـــسر الضلع ..... والضلوع مكسوره
هل ليله حـيدر منفجع ..... والضلوع مكسوره

واحتار حيــــدر حيره ..... والضلوع مكسوره
ــــــــــــــــــــــــــــــــــــــــــــــــــــــــــــــــ
محسن الطاح بيا بخت ..... والضلوع مكسوره
بل لباب لمــن صييحت ..... والضلوع مكسوره
شمعه علي الليله نطفت ..... والضلوع مكسوره

والبيت طافــي ابنـوره ..... والضلوع مكسوره
ـــــــــــــــــــــــــــــــــــــــــــــــــــــــــــــــــ
حزنانه كل اهل السمه ..... والضلوع مكسوره
بالباب عــصرو فاطمه ..... والضلوع مكسوره
اهل السقيفه الضالمــه ..... والضلوع مكسوره

والبيت طايج ســـوره ..... والضلوع مكسوره
ـــــــــــــــــــــــــــــــــــــــــــــــــــــــــــــــ
جرح الزجيـه ولاشفــه..... والضلوع مكسوره
حيدر يصد نوره انطفه..... والضلوع مكسوره
بعدج عــلا الدنيا العفه..... والضلوع مكسوره

عافــت علـــي مجبوره..... والضلوع مكسوره
ـــــــــــــــــــــــــــــــــــــــــــــــــــــــــــــــ
ياڪوثر الدنيا وعلي ..... والضلوع مكسوره
نزلت هديه علا النبي ..... والضلوع مكسوره
ويلاه يابنت الوصي ..... والضلوع مكسوره

القران فاڪد سوره ..... والضلوع مكسوره
ـــــــــــــــــــــــــــــــــــــــــــــــــــــــــــــــــ
#حسين_جاسم
@hasaenjasaem

3,331

حسين جاسم

28 Oct, 20:39

زلمه طب من الهواشم نشمي وتعله الحرب
غالب الدنيا بكبرها دخيله صاحوا من يطب
ڪلها ترجف منـه يشبه سيد الأمـــه النبــي
والمراجل باسمه تحلا وهوه حلال الصعب

منـه تبــدي المرجلــه
دخيله صاحـت كربله
نشمي الاڪبر ياهلـه
ــــــــــــــــــــــــــــــــــــــــــــــــــــــــــ
زلزل الحومه بڪبرها اليشبهه ابخلقه النـبي
جلمه وحده الكوه طلعت صاحو دخيلك علي
ابن الحســــين بعضمتـه هــوه طـباها ونعم
تبختر حسين وتبسم الله حـــيو الطـب الـي

ابني زلزل ڪـربله
مكابل وعمه ارتوه
والعرك عدهم حله
ــــــــــــــــــــــــــــــــــــــــــــــــــــــــــ
طب عليها بمهره الاكبر صاحت دخيله الزلم
ابن الحـــــسين وعليها محـوول بزود ونعم
عمه عباس ودخيله شيطلع العمــه الڪـــمر
والحرب صارت عضيمه وبيها الاڪبر مايهم

تاهت وخف النضر
دخيله طبلها وعبر
عمه عـباس الكمر
ــــــــــــــــــــــــــــــــــــــــــــــــــــــــــ
ياحلات العرڪه بيها الزلمه ڪون يضل تجف
هيج الاڪبر طب عليهم يشمرر الفين بآلــــف
تاهت ڪباله المعصيــــه وتيهوو درب الحرب
ردها ڪلها لاال آميه وبالزلم يڪرف ڪـــرف

كباله قائدهم خنس
كلها ضاع الها النفس
بس علي انطاهم درس
ـــــــــــــــــــــــــــــــــــــــــــــــــــــ
#حسين_جاسم
@hasaenjasaem

3,020

حسين جاسم

11 Oct, 15:53

https://youtu.be/VY8lsXx22B0?si=05MistmXOTOh7aOQ

3,481

حسين جاسم

23 Sep, 06:36

اليوم واسط خل تشد احزانها
وتنصــب الدمعه بحزن بيبانها
ـــــــــــــــــــــــــــــــــــــــــــــــ
اليوم كل واسط يحل بيها العزاء
وتنرفع رايات حي عـلا البڪاء
اليوم مات التابعي بحب الولاء

ثوره صارت وي نسب شبانها
اليوم واسط خل تشد احزانها
ـــــــــــــــــــــــــــــــــــــــــــــــ
فاجعه اليوم ومصاب يجر مصاب
وحمره كل الدنيا صارت بالعذاب
ياسعيد وثورتك صلحت شباب

ياموالي وثوره علمك صانها
اليوم واسط خل تشد احزانها
ـــــــــــــــــــــــــــــــــــــــــــــــ
مرقدك مولاي مصيون بعزم
وجايه بلوعه تواسيك الزلم
شالـــت الرايات واتعنت لطم

ياسعيد اتضل سعيد بشانها
اليوم واسط خل تشد احزانها
ـــــــــــــــــــــــــــــــــــــــــــــ
ياسعيد بمرقدك نبجي ونصيح
ونذكر العطشان علغبره طريح
لوعه بل خدام جي مثله ذبيح

انته هم دمك نزف شريانها
اليوم واسط خل تشد احزانها
ـــــــــــــــــــــــــــــــــــــــــــــــ
#حسين_جاسم
@hasaenjasaem

3,798

حسين جاسم

21 Sep, 19:03

https://youtu.be/0ACRRS2oVpw?t=171&si=S1htXqnvnYkPRhpK

3,259

حسين جاسم

10 Sep, 21:14

https://youtu.be/FtC5LVPZUkc?si=3KKVV1vHpfLal8jT

3,342

حسين جاسم

10 Sep, 13:23

خبــر سامرا وصل هل ليلـه
بيها مات العسكري وتبجيله
ــــــــــــــــــــــــــــــــــــــــــــــــ
خبر عاجل غاطي سامرا بحزن
بيها كالوا مات مسموم الحسن
يامصيبه اليـوم حلـت بالـوطن

مات ابو المهدي وتهدم حيله
ـــــــــــــــــــــــــــــــــــــــــــــــــــ
عـين سامرا تصــد عل الــدرب
مات بيها الحسن مابيـن الغرب
بروحتك مولاي شيبت الڪلب

بين غربه النعش ياهو يشيله
ـــــــــــــــــــــــــــــــــــــــــــــــــــ
اخـر الاخـبار وصـلت بل البيان
بيوم راح العسكري بذاك الزمان
بحيره سامرا بقــت مابيها امان

ماكو امان ولابشر تشكيله
ـــــــــــــــــــــــــــــــــــــــــــــــــــ
يـــلا يل الانصار ڪومو لنصرته
خل نواسي الغايب علا مصيبتـه
وحيد ضــل المهـدي حار بغربته

وحيـد ضل ومحد يتجيله
ــــــــــــــــــــــــــــــــــــــــــــــــــــــــ
عيونه دم المهدي من فارك بجن
البكه براسك سيدي يبن الحسن
يعينك اللــه اشسوه وياك الزمن

شڪثر مولاي بفرج ندعيله
ــــــــــــــــــــــــــــــــــــــــــــــــــــــــ
#حسين_جاسم
@hasaenjasaem

3,965

حسين جاسم

06 Sep, 19:14

https://youtu.be/MjpYqoe8nPQ?si=_WJL8BgBswxdY1OC

3,651

حسين جاسم

23 Aug, 12:32

https://youtu.be/Y2hRBIZEmEA?si=MPuRyfKqxSUlzAfc

3,401

حسين جاسم

09 Aug, 12:54

https://youtu.be/8maH6_tRd1E?si=snxZHmqIFGUqZGJu

4,595

حسين جاسم

01 Aug, 23:21

كافي
بعد بسك ياڪلب ... كافي
مره وتركض عالجمر ... حافي

نهطرت وبان الصبر .... والجمر يجوي الجمر
حار كلش والڪلب .. دافي

اتلوج من النار زينب ... وجمره صارت بالعبايه
وهيه حرمه ومات اخوها ... هيه هاي الحرڪه هايه
مجتفه وفوڪ الهزيله ... وتمشي للشام المصيبه
اليحدي بيها يكول زينب ... اجت تمشي وي السبايه
ــــــــــــــــــــــــــــــــــــــــــــــــــــــــــــــــ
صعبه
زينب اطر الزلم ... صعبه
تطلع ومامش عرف ... غربه

طلعت اطر الزلم .... الموت اشوه من الألم
هنانه وحسين انعصر .. ڪلبه

تركض بنص الغرب ... ادور علا حسين راح
زلم غربه ومو عرف ... وكلب زينب منها طاح
وصلت وصاحت يخوي ... كوم لخته خويه كوم
طلعت اختك بالغرب ... ويلي يختي حسين صاح
ـــــــــــــــــــــــــــــــــــــــــــــــــــــــــــــــــ
طاحت
زينب ڪبال الزلم ... طاحت
وين الحسين ويجي ... صاحت

النوبه صاحت يالكمر ... كلبي مات من القهر
وشافت حسين التفت .. راحت

شافته وراحت لخوهاا ... يمه راحت واشتكت
سولفتله المر عليها ... كال زينب بس سكت
الحافر شخله علا حاله ... حته مايكدر يسولف
شال ايده وكال روحي ... بسرعه زينب خيل اجت
ــــــــــــــــــــــــــــــــــــــــــــــــــــــــــــــــ
طايح
حسين كالت عالوجهه ... طايح
كلب زينب عالجمر ... رايح

نام اخوها من القهر .... الحافر بجسمك عثر
صوت ماكو ونسمع .. الصايح

اتصييح ومحد سمعها ... زينب تون ياحرام
وين خويه الليله وين ... وين اكعد وين انام
حركو الخيمه يوالي ... وركضونا بديره غربه
اركض ومحتاره اباوع ... وين اروح بهل ضلام
ـــــــــــــــــــــــــــــــــــــــــــــــــــــــــــــــــ
#حسين_جاسم
@hasaenjasaem

5,611

حسين جاسم

31 Jul, 20:16

ياضحكت تعبنه وشوف العيون
راح وي الحوافر ڪلبج ام عون
امطشـــر والدمع صاير سـواچي
مال انمـــوت كلنه مـن البواچـي
ياضحكت تعبنه وشوف العيون
ــــــــــــــــــــــــــــــــــــــــــــــــــــــــــــــــــــــــــ
ياليل الوصل ومطشر حسين بالڪــاع المصيبه
شلمن منه ضاع ابين الخـيول عشك حب وحبيبه
باجر عل هزل مجتوفه بحبال واتسمـى الغريبــه

باجر فـوڪ نوك وغربـه ڪـلها
بلايـه حسيـن سالفتي شيحـلها

ياضحكت تعبنه وشوف العيون
ــــــــــــــــــــــــــــــــــــــــــــــــــــــــــــــــــــــــــ
ياحيل اليضل وحايره ام عون بس تصفك بديها
ينسوان الهواشم تركض بجول ومحترڪـه عبيها
مات حسين ڪالت مات عباس ياحيرت ســبيها

الضيـم المر عليه ايهددم اجبال
وفوك الضيم اديه مربطه احبال

ياضحكت تعبنه وشوف العيون
ــــــــــــــــــــــــــــــــــــــــــــــــــــــــــــــــــــــــــ
ياواهس ضحكنا وذكره بالروح ميته المغربيه
ضاعت بالحوافر هاي الرسوم وانه اصفك بديه
طاح حسين وين ووين عباس طاح بيا خطيه

راح حسين منها وحايره شلون
الضيم المر عليها ايهدل المتون

ياضحكت تعبنه وشوف العيون
ــــــــــــــــــــــــــــــــــــــــــــــــــــــــــــــــــــــــــ
ياركضت ام عون ابين الخيول حرمه تريد اخوها
تتعثر ڪـبال المو عرف ليـــش بس غربه الولوها
تتنخــه بقـت ياهاشــم حسين ماڪامو واجوها

تتخنه بقـــت حيهم يل الاخوان
الخيمه احتركت وعاميني دخان

ياضحكت تعبنه وشوف العيون
ــــــــــــــــــــــــــــــــــــــــــــــــــــــــــــــــــــــــــ
يافشلت الحرمه وترڪض بليل واتدورلها والي
مامش ميت اليكعدلي ويڪوم ويعيش ابدالي
ميته انه واشوفه بنص الاتراب واموذر حـلالي

اموذر بالحــوافر شافته العـــين
ميته ولاشفت جسمك يالحسين

ياضحكت تعبنه وشوف العيون
ــــــــــــــــــــــــــــــــــــــــــــــــــــــــــــــــــــــــــ
#حسين_جاسم
@hasaenjasaem

4,889

حسين جاسم

26 Jul, 18:59

طبت الشام

خلص وكت الدلال ونام الحسين
وركضنا وطحنا من حركوها الخيام
اجت نوك السبايا وماهو عباس
واباوع مو عرف كل هاي الازلام
الله وياك خويه مودع حسين
يبعد الماعمن فوك الرمح نام
والله هواي صعبه عليه من جيت
اخ شكثر توجع طبت الشام

كلبي شكد مصايب ضام
سبوني حسين شو ماكام
اخ شكثر توجع خويه يحسين
انا احتاريت والله بطبت الشام

ـــــــــــــــــــــــــــــــــــــــــــــــــــــــــــ
وصلنا السوك خويه وهزو النوك
ويكل الحادي ذبها الخارجيه
خل تضحك عليها الوادم يكول
ذبوها غصب وانسو الخطيه
طحت من فوك خويه ومادري شصار
علا راسي انا طحت مجتوفه اديه
هسه شلون ربي وماهو عباس
اشو ياهو الاجه ويضحك عليه

بخرابه حسين كمنا انام
وكل ساعه ويجون ازلام
كل ساعه ويجيني يصيح
اخوجن ليش شو ماكام

ـــــــــــــــــــــــــــــــــــــــــــــــــــــــــــ
وكفنا بسوك خويه حسين ساعات
واباوع كلها غربه وتضحك الناس
دكو طبل خويه التمت الكوم
وشلع كلبي الشمر بمتوني من جاس
ضحكو كالوا علينه الغريبات
وكالوا ها يزينب مات عباس
نسوان بغرب ياخويه وبسوك
واخوهن ضال بس عالرمح راس

الناس كلها عليه صاحت
ام عون طاحت ركضوا طاحت
المايلحك يكطف احجار
بسرعه يلا الناكه مالت

ـــــــــــــــــــــــــــــــــــــــــــــــــــــــــــ
كضينا الدرب خويه مكاطف حجار
شسولف شحجي خويه الصار بينه
شحجيلك يخويه بطبت الشام
حجار الشام كله انذب علينه
ندري التنمشر بحجار ياناس
بديها تضل ترد الشامرينه
شمرونا بحجر ياخويه يحسين
نشاكف بيمن ومجتوفه ادينه

كبل ماشاف طولي الجار
هسه بسوك كمت اندار
واحد واحد يصيحون للناس
المايكدر ايجرها ايشمرر حجار
ـــــــــــــــــــــــــــــــــــــــــــــــــــــــــــــــــــ
#حسين_جاسم
@haaaenjasam

4,941

حسين جاسم

21 Jul, 18:58

كلوله كلوله زينب حايره
ــــــــــــــــــــــــــــــــــــــــــــــــــــ
كلوله كلوله شيخ العشيره
كلوله كلوله اخته الجبيره
كلوله كلوله راحت اسيره

ڪلوله صبت عينها
وتبـــجي زاد ونينها
تحدي بيها الغـــرب
وماهو يمها حسينها

كلوله كلوله هاي الصايره
كلوله كلوله زينب حايره
ــــــــــــــــــــــــــــــــــــــــــــــــــــ
كلوله كلوله زينب خذوها
كلوله كلوله غربه السبوها
كلوله كلوله اختك يخوها

كلوله هاي احجايه
غربه تحدي السبايه
اختك ادور العرف
موش خيل اهوايه

كلوله كلوله خيل وغايره
كلوله كلوله زينب حايره
ــــــــــــــــــــــــــــــــــــــــــــــــــــ
كلوله كلوله يابو الشاره
كلوله كلوله ضعن اخباره
كلوله كلوله تبجي ازغاره

ڪلوله شيب راسها
مــــوش يم عباسها
وحيده طبت شامهم
ومو عرف كل ناسها

كلوله كلوله صارت نايره
كلوله كلوله زينب حايره
ــــــــــــــــــــــــــــــــــــــــــــــــــــ
كلوله كلوله شيخ الطايفه
كلوله كلوله زينب خايفه
كلوله كلوله كلشي الشايفه

كلوله هيج اخابره
الشام شال حجاره
وزينب تصد ليهم
وسوك شبت ناره

كلوله كلوله وادم دايــره
كلوله كلوله زينب حايره
ــــــــــــــــــــــــــــــــــــــــــــــــــــ
#حسين_جاسم
@hasaenjasaem

4,868