قصائد حسينية

قصيدة { شرف الخدمة }




من غير خدمه شتسوه الأيام
للزهــــره نـبـقـــه كلنـــا خِدّام
...........................................................................................................................................

هذا العهد من كل گلــــب مكتوب للبضعه
چم عام يبدي وينتهي وما تنشف الدمعه
أيامنه كلـهــن وقــف والفاطــــمــه نسعه
دوله وعلم كلنا خدم تســتــاهـــل الفزعه

  يبقه نداء الفــخــــر كل عام
للزهــــره نـبـقـــه كلنـــا خِدّام
...........................................................................................................................................

تبقه المجالس عامره ونبض الحزن فاطم
خدمتنه ما تخلص أبد حـــد طلعــة القائم
بيهه اللطم بيهه الدمـــع بيهه الحــزن دائم
بيهه المجد بيهه النصر وَلْـيَـخســــأ الظالم

بهاي المجالس نصــر الاسلام
للزهــــره نـبـقـــه كلنـــا خِدّام
...........................................................................................................................................

هنياله من ضحــه الــعــمــر والناذر اسنينه
فـــدوه لمحبـــة فاطـــمــه وباچر تگر عينه
خط الدمـــع هذا العــهــــد ما لحظه ناسينه
يجمعنه مجلس فاطـــــمـــه عالحق يدلينه

لولا الزچــيّـــه يا فـــرض دام
للزهــــره نـبـقـــه كلنـــا خِدّام
...........................................................................................................................................

ياهو اليـعــــيــش بلا هـَـوه معقوله من يگدر
إحنه هوانه الفاطمي بمجلـســـهــه من نحضر
بسم الزچـــيـــه الطاهـــره كل نَـــفَــس يتعطّر
ما نـــتـرك صــفــوف اللــطــم ما نــتــرك المنبر

هالنعمه ما تحصـــل بالاحلام
للزهــــره نـبـقـــه كلنـــا خِدّام
...........................................................................................................................................

نلطــم نواســـي أم الحســن كلمن يدگ صدره
ونعيش كل الفاجـــعـــه بدمــعــة حــــــزن مُرّه
نتفاعل وهذا الطـــبــــع مـــوجــــود بالفـــطــره
ونصــيـــح للمــــلا (( أعد )) يا خـــادم الزهــره

كلما يعيد اتعود الآلام
للزهــــره نـبـقـــه كلنـــا خِدّام
..........................................................................................................................................

عِشرة عُــمُـر لـطـــم ودمــــع أعـــوام عشــنـاهه
خوّه وعلى حـــب فاطمـــه الزهـــره عــقــدنـاهه
عفناهه دنـــيـــا الفانـــــيــه إي والــلــــــه عفناهه
دنيانه خدمـــــةْ فاطـــمـــه وبس هيّـــــه ردناهه

نجدد عهدنه طول الأعوام
للزهــــره نـبـقـــه كلنـــا خِدّام
...........................................................................................................................................

موجوده لا شـــك بالـعــزا ويـبـقــه الأمل بينه
فد نظره مـــن أم الحـــســـن للحشــــر تِـكْـفِينه
أولنه خدمــــة فاطــــمـــه وهالخـــدمــــه تالينه
إكراماً إلْـهــه ابْـجَــنّــتــه ربـــنـــا يخــــليـــنــــــه

للطاهـــــره إجــــلالاً وَإكــرام
للزهــــره نـبـقـــه كلنـــا خِدّام
...........................................................................................................................................

خادم السيدة الزهراء عليها السلام
عمار هليل الواسطي

قصيدة { الوصية }

أدري بيهه ... أعرف الچف السطرهه

أدري بيهه ... أعرف الفـتنـه وأمرهه

أدري بيهه ... ولازم أختار الوصيّه

..................................................................................................................................


آني حيدر يلّي تسأل ياهو حيدر

مؤمن برب العـــرش من عالم الذر

فاجعه بفــگـــــد الزچيه وربنا قدّر

صاحــــــــت الأملاك بيهه اللهُ أكبر


خطوه خطوه ... عالأثر كل خطوه دمعه
خطوه خطوه ... ليلي وحشه بغير شمعه
خطوه خطوه ... والگمر مدفون ضيّه 

..................................................................................................................................


بهالمصيبه فــاطـمــه كـتــمـت حزنـهه

لخاطر عيوني شفتهه تخفــي ونّهـه

بت نبي الرحمه وسـگـط منـهه إبنهـه

والدفع بابـــي كـسـر ضلعيــن منهــه


بالوصيه ... ملتزم هذا قراري
بالوصيه ... بالغمد يبقه فُقاري
بالوصيه ... اتحدِدَت هاي الرزيه

..................................................................................................................................


فاطمه إتغيّـر وضعها وزاد حـزني

چنت أشاهدهه تون وبروحي ونّي

گامت تصلي الزچيه بظهــر محني

لونها المخطوف ماخذ حيلي منّي


شاهدتها ... ابيا علي توگف تصـلّي

شاهدتها ... بيهه حسره وما تگلّي

شاهدتها ... خايفه الزهره عليّه

..................................................................................................................................


والله لوما هالـوصـيّــه الدنيــه تـنــدار

ياهو يوصل فاطمه ويهجم على الدار

لو زعل فقّـاري يــهــوه إرگـاب الأشرار

كل مياديني شهودي وماكو أسرار


آني حيدر ... ما زعل ميــداني لحظه
آني حيدر ... والنصر سيفي يفرضه
آني حيدر ... أبو الصوله الحيدريه

..................................................................................................................................


وصّـت الزهره بوصـيتها وبالأسـباب

ما تشيّـعــهه العصابه الدفعـت الباب

بس أهلهه والخواص بربعي الأطياب

هيچ ناخــذ فاطـــمـه نواريـهــه التراب  


هالوديـعه ... يشتكي باچر ضلعهه
هالوديعه ... امن السطـرهه والدفعهه
هالوديعه ... تشتكي الرب البريّه

..................................................................................................................................


ينكسر بالفجـعـه گلبي ودمعي لو صَبْ

لأن تنـشدني اعله أُمهه الليله زينب

دمعي يجري روحي ذابت گلبي يلهب

آني أدري باليتم عالطـفــلــه يصعب


أدري زينب ... يـبتدي الليله هضـمهه
أدري زينب ... من تودع الزهره أُمهه
أدري زينب ... إلهه بالحسره بقيه

..................................................................................................................................


من أشـيّــع فاطـمــه يسبقني دمعي 

هذا نعش الغالــيـــــه خل يطفه شمعي

شيّعتهه الليله بس إيدي اعله ضلعي

مو جميل الصبر وآني الصبر طبعي


كل حياتي ... رايح أدفن كل حياتي
كل حياتي ... سنين عمري وذكرياتي
كل حياتي ... هيّه روحي وعمري هيّه

..................................................................................................................................


خادم الحسين عليه السلام


عمار هليل الواسطي

عصرت باب وحافر خيل    
ينراد الزينب چم حيل

اليوم الوالد يمهه الحاضر    
باجر بالطف تكسر خاطر
٠٠٠٠ ٠٠ ٠٠٠٠
بعدهه ابسن طفولتهه وشسوه الدهر بيهه
شافت امهه خلف الباب تلوذ وما يحاميهه
نسطرت والسطرهه يگول خل زينب نبچيهه
هاي النار نفس النار  باچر بيهه نچويهه

دموعج فوك خدودج سيل
اليل الطف مو هذا اليل

بين النار وبين الحافر   
باجر بالطف تكسر خاطر
٠٠٠٠ ٠٠ ٠٠٠٠
حزن زينب فلا موجود  مثله ونگدر نفسره
خلف الباب وبياحال شافت فاطمه الزهره
ماتت امهه بالحسرات بين العصره والسطره
الحزنها كل حزن بالكون يوادم  ماوصل ذره


الحزنج مايوصل يعكوب
دمعه بعينج كل غروب

وصعبهن يايوم  العاشر
  باجر بالطف تكسر خاطر
٠٠٠٠ ٠٠ ٠٠٠٠

البنيه التموت امهه تعيش ابلوعه وبغربه
مثل زينب يتيمه اتصير وبهذا العمر صعبه
علي بياحال شافاهه حضنهه وأشتكى لربه
يوصيهه الصبر شديه ونار الطف چوت گلبه

بالطف يامحنه تشوفين
من خيمه الخيمه تركضين

يشيّب باچر حته الناظر
باجر بالطف تكسر خاطر
٠٠٠٠ ٠٠ ٠٠٠٠
إبتدى أول جرح بالباب ونار الخيم نفس النار
هي شافت ظلع مكسور باچر خيل موبسمار
حافر يتبع الحافر ويصير الأخو طشّار
يتسلب على الغبره وراسه على الضعن يندار

فوك الرماح الراس يصير
بصبرج حيرتي التفسير

مجروحه وعالضيم تكابر
باجر بالطف تكسر خاطر
٠٠٠٠ ٠٠ ٠٠٠٠
نعش امهه تشوفه انشال وصارت للحزن خيمه
وسرح بيها الخيال بعيد وخذاهه للطف وضيمه
باچر كل دَلال يروح يويلي بطرت الهيمه
يتيمه ام الخدر ويلاه وشمر ما يرحم ايتيمه

مجتوفه وللشام اتروح
مذبوح ايصبر مذبوح

وياهه يصير الماصاير     
باجر بالطف تكسر خاطر
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

اليالي الفاطميه

راحت . هضيمه ام بيتي    وخذت عافيتي
وبقيت معاشر  خنگتي  ونوحي
ماتت . الأحب طرواها   ومشه وياها
العمر والعشره  وضحكتي وروحي

انده اعله الزهره بس ضاع الجواب
ياهو  شايف  نجمه  يدفنها  التراب
حيدر انه المنحني وماعندي راي
انه داحي الباب بس كسراني باب

حياتي . امنياتي . اگبالي كلها اطشرت
اصيحن . يفاطم . روحي بعدج ذوبلت
يقبلت . حياتي . اعيوني والله اتحيرت
يازهراء انا علي
،،،،،،،،،،،،،،،،،،،،،،،،،،،،،،،،،،،،
جانت . تلمني ازغيره    ومحنت ديره
ابگلبها الزهره  وخذت كل بالي
ضاعت . وضعت بسنيني    وتغورگ عيني
اذى اذكرها  شيصير ابحالي

جانت تنسيني كل هم عمري ذاك
جنت اغار اعليها حته امن السواك
عشگ اكتب الها كل ماريد انام
كيفَ تغمض عيني دونَ أن اراك

عفتها . ابگبرها . وهاذه حالي وغربتي
خذاني . عمرها . وراح اعاشر دمعتي
حنينه . الزجيه . وياها دفنو ضحكتي
يازهراء انا علي
،،،،،،،،،،،،،،،،،،،،،،،،،،،،،،،،،،،،
وينج . يزهرت روحي   شيطيب جروحي
وحقج عيني  تريد املاگه
العينج . تحن اعيوني    تشوفي اشلوني
ينسمت عمري   اشوكت نتلاگه

غمضيتي عيونج وكل حيلي مات
ابلايه وجهج والله ماتسوه الحيات
الگه مثلج يالزجيه ابعمري وين
ذكرياتج جانت احلا الذكريات

اذكرج . يفاطم . وبجي عيني ويالدمع
اعاشر . مصابي . الله لا ينطي الجذع
كسرلج .يروحي . عمري لاموبس ضلع
يازهراء انا علي
،،،،،،،،،،،،،،،،،،،،،،،،،،،،،،،،،،،،
يمته . اموتن سكته    واجيلج يمته
وطيب روحي  بحنين نفاسج
عفته . العمر ياحيلي   نهاري وليلي
تسيل دموعي  واحن الحساسج

علي خلافج يالزجيه ابلايه روح
رحتي مني وياهو اليطيب الجروح
كون اموت ولا اعيشن هل عذاب
بالله شيخلص السنين الكلها نوح

اموت . واجيلج . يمته يابعد الگلب
اكابر . حسرتي . فاطمه فراگج صعب
هضيمه . بدونج . اجهب البيت واطب
يازهراء انا علي

العبد ابوفايز الرافضي
الفاتحه على روح والدي

يا أبو البيت المحترك  -  حقك يحيدر  تحتار
                 فاتحه مسوي الفاطمه -  وفـاتحتك بلا خطار
                        والناس عافوكم -  ما جــو  يعزوكم
      -------------------------------------------------------------
1= البكه براسك  -  ماتخـــــسره  -  لليجي ويحجــيها للــدافنله غالي
     لــيش جـارك -   ساد  بابـــه  -  ومجلس الزهراء من الناس خالي
      الجار  كالـــوا  ياعلـــي حكه عله جاره 
      وأنت  جار  وفاكـــد   ومحروكه  داره
     محد أيـــــواسيك  أجه  بهاي  الخساره
     ***
                  محد أجالك ياعـــــلي  --  يوكف أوياك أيواسيك
                  عافوك وحدك بالحزن --  ومنـضر الباب  يبجيك
                               تبجون خلوكم  --  ما جـو  يعـــزوكم
    





2= منهو بيهم  -  ما مضيفه   -  وياهو من جيرانك أنته الماتعـينه
      علي ولدك  -  يسألــونك   -   ليش مـــن جيــرانه  محد  يجينه
      كــمت  تبجي ياعـــلي  وضميت  ولـدك
      تدري  هاي  الناس  مـــا بيها  اليسندك
      وأكعـدت  بالدار  كمت  تــــنوح   وحدك
      ***
               تجيت ضهرك عالجرح  **  والفاكد أم بيته يحير
               لـــو أكو عالم  تسمعك  **  ماسولفـــت وي البير
                      للأسف نكـروكم  **   ما جو  يعــزوكم
     









3= ناس وكتـك  -  مشكلـــتهم  - علي مابيهم أنسان بكصته غـيره
      علمــــــتهم  -  وساعدتهم  -  وبالزغـيره  تركضلهم  والجبيره
      شــكــد  وكـفــتـلهم  أوكـــفاتـــك   نسوها
      بفاتـحــتــكم   دمـعه   وحده   ما   بجوها
      بت  رسول   الله   الزجيه   وعـــــــذبوها
      *** 
           للعـنده ميــــت ياعلي  **  تفـــتح البوب الجيران
           جا ليش  محد ساعدك **  غــير أنته عدل القرأن
                  للحزن باعـوكم  **  ما جو  يعزوكم
    









4= تشوف بيتك  -  صاير أسود  -  وعينك تشوف السوالف كلها ماتت
      بابه  طـايح  -   حطب فـوكه -   وكلبك يكلك  الزهره هـناك  طاحت 
      تــــروح  للـباب  الوكع  تـبجي وتـشمه
      تصيح  هلـبت   فاطمه  مخليـتـلي جلمه
      وترجع الزينب علي  مـــن  تصيح  يمه
      ***
          الله يعـــينك  ياعـــلي   **   مالك يبو حسين معين
          ماتدري تمسح دمعتك  **   لو تمسح دموع حسين 
                  بالفـركه أذوكم  **   ماجو  يعـــزوكم
      









5=  علـــي أسئلك  -  ع  حـــــالك  -   فـــاطمه من البيت لمــن طلعـتها
       شلون تمشي  -  شلون تبجي  -   شلون  رديت الهلك مـن  أدفنتها
       شكد  عــثر  جدمك  وماتــدري  بعــثرته
       وتره  يـــموت  أبنادم  اليدفــن   عشرته
       شـــصاح  كلبك  من مشت  منه   زهرته
       ***
           أحلام عمرك ياعلي  **  فوكاهــــن تهيل تراب
           الغياب بس الفاطمه **   لو ألك هم صار غياب
               بالشين جازوكم  **   ماجو  يعزوكم
      ***
                  الخادم  عبد الجليل المالكي

كلمة يمه تبقه اغله كلمه
الله يصبره كلمن فارگ امه
الماتت امه ميت حتى حلمه
:::::
گلب امك ابد ما تلگه منه
ابد ما بي دغش ينگط محنه
تره بكل بيت الله مخلي جنه
مقبول الدعاء من تدعي النه

علاج لكل مرض شوفتها يا ناس
مثل المرقد امي هواي تنباس
اشكر الله لازم امي نعمه
::::
كلمة يمه تبقه اجمل عباره
امي عاصمه ومثل الحضاره
اليخسر امه هاي اكبر خساره
اليشم شيلة امه تطفه ناره

تدرسي بدرس يمه استمع زين
بالك يوم تترك خدمة حسين
حسين وخدمته سوتني زلمه
:::::
بيت بدون ام ما يسوه فلسين
صبح ومسه كون تشوفها العين
ابد ما تلگه مثل امك بعد وين
تحب امي البواچي بس عله حسين

اذا مشكله عندك دون تفسير
يم امك تعال وانت متحير
الولد من امه يأخذ كون علمه
::::
الميته امه يون خلو معذور
يخلص ايامه كلها بنص الگبور
شحلات امك اذا صبتلك افطور
تحب حسين امي وتحب عاشور

كون الموت يتعاتب واحاچيه
خلي امي اگله وروحي انطيه
الحياة بدون امي تصير ضلمه
::::
بيت بدون ام مگبره ينشاف
الله يساعده الشال امه بچتاف
امان الام اذا يمها الولد خاف
تفرح باليجي لو بيتها انضاف

تشوف امك ابيتك حيل ترتاح
مميز عطر امك يظل فواح
امك عافيه وتنطيك همه
:::::
علي جبار الكعبي
الفاتحه لوالدي

ثلاث دكات

اضلوع الزجيه اشلون.  كسروها بالباب
وانته القلعت الباب. بيدك يبو اتراب
****
بكل حيله اجه وعالباب   خصمك عصرها
وياحيدر البسمار.  صوب صدرها
وبقوته اعله العين.  رد وسطرها

ودار النبي المختار. حركوها الاصحاب
**
عندك علم بالصار.  هجمو عليها
ماتت عصر والنار.  تسعر بديها
وام الحسن كل حيل.  ما تلكه بيها

طاح الضنه وما طاح. من عدها الاحجاب
***--
وكت الحروب نشوف.  جانو يرجعون
ومن الرسول ايصيح.  كلهم يلبدون
بس انته للميدان.  تبرز يعرفون

حيدر الك صفين.  تشهد والأحزاب
*
ميت علي يكولون  عكب الشهيده
وبالكوه طاست ماي.  يلزمها بيده
تتسند اعله الكاع  وانته الصميده

بعده الجرح لليوم. عالزهره ما طاب
**
وينك يحامي الجار.  يالتحمي جارك
ما تنحط اعله البال.  محروكه دارك
وانته انعرف جبريل.  حد ذو الفقارك

دخن يراعي الزود.  سيفك بالكراب
*
انته علي ولولاك. ما قام السلام
بعد الوصيه اعداك  شو صارو ازلام
لو زلم جان وين  ذنيج الأيام
هجمو لان يدرون.  معروفه الأسباب
***
تمت
تحسين الخفاجي

يله  يا  شيعه  نشيع  فاطمه
 

*

  خل تسيل دموعنه  وي  حيدره
  اليوم تبچي ويانه حتى المكبره
  ماتت   الام   العفيفه   الطاهره
  هاي زينب بقت  هسه  محيره


  تصيح زينب يا علي
  اه  يبويه   يل  ولي
  اليوم ماتو كل هلي
 
 
  خل نصب ادموعنه اعليهه دمه
  يله   يا   شيعه   نشيع   فاطمه
 
*

   يله شيلو  النعش هاي ام الحسن
   عيون كل الكون بس  يمهه  بچن
  جنه  بل  تابوت   مشيول  الوطن
  صيحو يا زهراء بل بدموع وحزن


  الجرح ميطيب الجرح
  نور   ما  ضل   وصبح
  الفرح شو مات  الفرح
 
 
  صارت  الدنيه  حزينه  ومظلمه
  يله   يا  شيعه   نشيع   فاطمه

*

  اليوم زينب يا خلگ تبچي وتنوح
  تجري الدموع وبدت هسه الجروح
  من  بعد   ام  الحسن  ألمن  تروح
  يا  عطرهه   الجان   بدنيه  يفوح


  جروح زينب هل بدت
   عله   اليمه   تحسرت
  تصيح يا زهره  ونعت
 
  جنه  طف اليوم  واكبر  ملحمه
   يله  يا   شيعه   نشيع   فاطمه
 
****

  بهيده يل  تحمل  نعشهه  بهيده
  اضلوع متكسره ووجعهه تزيده
  اليوم   الزجيه   صارت   ابعيده
  الله  يساعدچ  يا  زينب  وحيده


   نعزي   امام   المنتظر
  افراگج  اليعمي  النظر
  گلب    زينب    ينكسر
 
ماتت    الام   الحنينه   العالمه
  يله   يا  شيعه   نشيع   فاطمه
 
*

  تحضر الزهراء مكسورت ضلع
  تخيل   وانظر   عليه  واستمع
  هسه ونت  بل كبر  من  الوجع
  وحيدر    الكرار    دلاله   نشلع


  علي  يا ناس  انجوه
  راحت  الجانت دوه
  مات   وياهه   الهوه

  نزلت اليوم بحزنهه اهل السمه
  يله   يا   شيعه  نشيع   فاطمه


*

  واسو زينب عل جرح واسوهه
  العمر   خمسه   تيتمت  خلوهه
  تبچي  مكسوره  صدگ  عافوهه
  حرگ    دارك    يا  علي    اذوهه

  زينب  تنوح  وتون
  فاركتهه ام الحسن
  بدت   ايام   المحن
 
  زينب  بحسره   نعشهه  تكلمه
  يله  يا  شيعه   نشيع   فاطمه


  كلمات الخادم /   حيدر ناجي

#شهادة_فاطمة_الزهراء
ـــــــــــــــــــــــــــــــــــــــ

هذا طبعي او تعوَّد مسمعي...أجري دمعي على صوت النعي

و اسمع الهذا التُراث ابكل عزيّه...لمّن اتعود الليالي الفاطميّه

ولاذت ورا الباب اختفت فاطم ولاذت...ولاذت عصرها الما له امرّوه ولاذت

ولاذت يخايب لا امجابلتك ولاذت...ولاذت ذنب لجله توسّدها المنيّه
ابيا ذنِب من عصرها ابيا ذنِب؟...يسأل الليله دلاّل المُحِب

و السؤال ايعيده بالعبره الجريّه...لمّن اتعود الليالي الفاطميّه

علامه نشر حزنك على راسي علامه...علامه يبويه او دم تهِل عيني علامه

علامه ابوجهي ظلّت السطره علامه...علامه أجيك او شوف شنهو الصار بيّه
يالنبي او من تجيك ابهالوضِع...حَمرة العين او مكسورة ضلِع

إسأل الزهره اشكثر شافت أذيّه...لمّن اتعود الليالي الفاطميّه

يفضه آه اكتاب حزني من يفضه...يفضه أبد ما يفِض نوحي من يفضه

يفضه على الصاحت تعالي لي يفضه...يفضه الحمل طاح او سگط فوگ الوطيّه
مگدر انهض يفضه امن الحصل... گومي ليّه او تعالي لي ابعجل

هذه صرخة فاطمه الزهره الزچيّه...لمّن اتعود الليالي الفاطميّه

بدنها مصايب فاطمه اعظامي بدنها...بدنها و احس البيت صار اظلم بدنها

بدنها أنا من غسّلت بيدي بدنها...بدنها كسر گلبي كسِر ضلع الزچيّه
ابيا گلب من حضرْت المُغتسل ؟...و ايدك اتمُر على ذاك المحَل

ايعينك الباري يحمّاي الحميّه...لمّن اتعود الليالي الفاطميّه

نعشها ابهضهم و ابضيم هالدنيا نعشها...نعشها ولا يوم الدهر روحي نعشها

نعشها على الشالوْا ابليل اظلم نعشها...نعشها ذيچ الطاهره اندفنت خفيّه
ابْليل أظلم دِفن أمّ الحسن...او خافي مرقدها من ذاك الزمن

هذه رغبة فاطمه ابأمر الوصيّه...لمّن اتعود الليالي الفاطميّه

حملها علي الكرّار للدنيا حملها...حملها و هِي لللاذت ابإسمه حملها

حملها يمّه أم الحسَن سگطت حملها...حملها و اهيه اتصيح يا حامي الحميّه
نادتك يا علي محسن وگع...اگبالي شفته على العتبه انصرع

محسنك يا با الحسن أوّل ضحيّه...لمّن اتعود الليالي الفاطميّه

و لكثار إلك يالمهدي ظل مطلب و لكثار...و لكثار او يمتى انشوف عج خيلك و لكثار

و لكثار مصيبة فاطمه اتألمك و لكثار...و لكثار مصيبة جدّك الطايح رميّه
صرْختك يا بوصالح عالمله...يا لثار الذبيح ابكربله

اعليك يتجدّد مُصاب الغاضريّه...لمّن اتعود الليالي الفاطميّه.
ـــــــــــــــــــــــــــــــــــــــ

🎤 الأداء: الرادود محمد الحجيرات
✍ كلمات الشاعر: ميرزا عادل أشكناني
📍#هذا_طبعي_او_تعود_مسمعي

يمه يزهراء | شور 1446

(﷽)
قصيدة: يمة يزهراء
بصوت: مسلم للوائلي
الشاعر: علي محسن الزيادي
▪️▪️▪️▪️▪️
انا بحلم لو صدك يمـــــــــي
المطروحه هاي اجنازة امي
يعني اليتيمه صــــار اسمي
واسود يظل للموت هدمي
ــ
فلو الچفن خل احــاجيها
زينب اگلها ياهو ليــــــها
نار البضلعج دوت بيـــها
يم المحنه جاوبيـــــــــها
ــ
طلعت ثوبــــــــــج گمت اشمه
مضموم يم زينب بدمــــــــــــه
الصدري امن ادنيه ظل يلجمه
ماشفته كون العيــــــــــن تعمه
ــ
حاجيني يمه جلمه وحـــــده
الماعنده ام جفنه اشيســـده
خليني انا اونينــــــي اهوده
لاجن ونين حسين شـــــــده
ــ
شتصير زينب بالله شتصير
بوالدها لو بخوانها اتحيــــر
للباب من اعيونها اتديـــــــر
تسمع بضلعج صوت تكسير
ــ
اتطشر شملنه واشيلمــــــه
شوفي اشعملتي بينه يُمــه
ياهو الفراگج ما مهدمـــــــه
ظل زلمه يتوجه اعله زلمــه
ــ
طحتي يخيمتنه الجبيــــره
ويتّمتي زينب واهي ازغيره
اخوتها يمها وجنها اسيــــره
حيرة اوداعج والله حيـــره
ــ
روحي بريت الذمه روحي
ماراح ابطله اعليج نوحي
بس مري بالعاشر يروحي
بيّه تره يكثرن اجروحــي
ــــــــــــــــــــ ــــــــــــــــــــ
#اللهم_عجل_لوليك_الفرج_والنصر_والعافية
يمه يازهراء ..

سلام عليكم
شباب.
ليله عندي جوله علا تيك توك ريدكم وينا بلبث
ساعه 9:30

هذا ليوزر. 29__2006

بين الزهراء وريحانتها الحسين
(عليهم السلام)

احسين يمه اگعد تعال اگبالي
اليوم خل غالي يودّع غالي
ــــــــــــــــــــــــــــــــــــــ
يمه اسولفلك اريد اعله الزمان
اسوالف الام عافيه وتگطر حنان
آنه اول ميته ماعندي مكان
ولا گبر مثل البشر يبرالي
ــــــــــــــــــــــــــــــــــــــ
آنه أظل إبلا گبر وابلا صحن
كبري يظهر وي ظهور ابن الحسن
وانته عاري اتظل ييمه بلا چفن
وهوّه چتالك نفس چتالي
ــــــــــــــــــــــــــــــــــــــ
آنه بالبسمار اتلوّع وأگول
ليش ياهالناس خالفتو الرسول
وانته يامظلوم تنداس بخيول
وزينب التنعاك هم تنعالي
ــــــــــــــــــــــــــــــــــــــ
ضلعي من ينعاب اصبح كالخيال
وانته تتطشر وذر فوگ الرمال
تعطش وماتشرب الماي الزلال
وآنه أظل بمجلسك للتالي
ــــــــــــــــــــــــــــــــــــــ
زينب اعله التل تنادي ياحسين
لو عدل انهض يبوالگلب الحنين
السوط يضربني واصدن باليمين
وباليسار احمي وجوه اطفالي
ــــــــــــــــــــــــــــــــــــــ
يمه والمحسن الماشاف الضوه
من سقط طولي مثل سعفه انلوه
لچن عبدالله المثل شم الهوه
هوه أكثر طفل شاغل بالي
ــــــــــــــــــــــــــــــــــــــ
احسين واليبچي بعزائك لو ينوح
لو يعلگ رايتك فوگ السطوح
كل تعب محسوب عندي ومايروح
تاج البسه وقصر ياخذ عالي


محمد الجماسي

#اللهم_عجل_لوليك_الفرج

قصيدة للزهراء ع

يكلبي. الليله سافر
على جناح المنابر

لعالم الخدمه إتعنه واتوضه بدمع
واعلك العشره للزهره بالمجلس شمع
……

لا تتكاسل بس ياكلبي. انطيني چفوفك يله وكوم
ومن ليل اسود مابي كمره. كون تفصل منه هدوم
بشريانك ياكلبي اتحزم. مايتعوض هذا اليوم
عايش من خيرات ام زينب. بالك تتسجل محروم

الليالي الفاطميه
امانه من الزچيه

اجزع الليله للزهره مكسورة ضلع
واعلك العشره للزهره بالمجلس شمع

………

بالك ياكلبي من الدنيا. ميّز واعرف وافهم زين
لاتبرد خليك بنارك. خلصانه الدنيا وماشين
انبض للزهرا والخدمه. هاي الخدمه تگر العين
چف اليلطم باچر يفرح. والعين التبچي اعله حسين



غرورك مايفيدك
تفيدك. لطمة ايدك

باچر الحسره متفيدك وعضت الصبع
واعلك العشره للزهره بالمجلس شمع

……

عاشرنه هواي بهالدنيا. شفنه الناس اشكال اشكال
وعاشرنه الزهره وكل خادم. لا ماطحنه بأي اشكال
كالو طاحت امكم زحمه. ومن العصره المدمع سال
شلال وطايح جاوبنه. ويحله من يطيح الشلال

سلاماً. ام ابوهه
شمسنه وماطفوهه

وي خدمهه مثل نسمه وي ريه انجمِع
واعلك العشره للزهره بالمجلس شمع

………

ابنادم ينحب اعله الفطره. مو كوه يحبونه الناس
الموقف لو مابي روحيه. بلسانك لا ماينقاس
يالكلبك صخره من الدنيا. الزهره تعلمك عالاحساس
احنه نحب المجلس تدري. چي بي طعم من العباس

المجالس. علمتنه
على الله. وافتهمنه

لو عمر ثاني اخدم ابد ما اقتنع
واعلك العشره للزهره بالمجلس شمع

……

لتلوم الخادم يتجنن. من يخدم امه الزهراء
وداعة هالمنبر تعرفنه. واحد واحد بالاسماء
تعلمنه الحب والروحيه. كلما ندخل هالاجواء
هذا العام احنه تعاهدنه. نقيم لفاطم عاشوراء

الخدمهه. عن قناعه
اله صك الشفاعه

الخدمه ماي الله تجريله من اطهر نبع
واعلك العشره للزهره بالمجلس شمع

………

حسين صادق العقابي

كلمات لطمية لاترحلي عباس عجيد العامري
الرئيسية لطميات حسينية كلمات لطمية لاترحلي عباس عجيد العامري
اخر تحديث : منذ 8 شهور

كلمات لطمية لاترحلي عباس عجيد العامري
كلمات لطمية لاترحلي عباس عجيد العامري

لا ترحلي

ألى هنا و الموت ينهي قصتي

أكل التراب محاسنا لأحبتي

دنيا و لا دام الخليل ل خله

ضحكت سنون الشامتين بغربتي

مشيت ضلمة مگابر

حچيت عن حالي باچر

بچيت ما بيه اكابر

يا كسرته الچبيره اليفارگ غالي

عمر راحت ضحكته و تدوهن حالي

عفت حيلي اعله گبرچ و اردن خالي

ه..ه..

آآآه لمن

سكن القبور أذا القبور تسائلت

من ذا الذي تحت الثرى فتكلمت

هذا علي جالس يحكي لمن

أهل القبور على الرثاء تألمت

الهجر لا ما حلالي

الصبر تعبلي حالي

العمر بلياها خالي

طبع ال ايحب كسرته تبين ابروحه

اشما يحاول يضمها تفضحه اجروحه

أسكت و عيني تحچي عشگ مفضوحه
يا للأسى

ذهب الشباب و ما له من عودة

لا تأسفن على الزمان بمحنة

فكلما دار الزمان ب أهله

فقد الأحبة ذا أشد غربة

ودااااع فاطمتي صعبه

ضياع عيشني غربه

نزاع ليهضمه گلبه

ماكو ليل اليمرني و لگيت الراحه

ضهر محني بمشيته يكض اصفاحه

بين ناس ابضحكهه اشكثر مرتاحه

ه..ه..

يا زهرتي

أمرر يدي حول الضلوع ما الخبر

قد هشمت و القلب و الله انكسر

ضاقت بي الدنيا سئمت حالها

بئسا لها مرت و ليت المر مر

غريب احچي أو ي روحي

عجيب ماكو الجروحي

طبيب و يهدي نوحي

ب الوجع خلصتهن بقايه ايامي

يا دوه ايصح وجعهن وصل ل اعضامي

ب الگبر مو فقط حيلي دفنت احلامي

فاطمه صابو ضلعها كوم ليها يا علي

تبجي ويحشمك دمعها كوم ليها يا علي

هاي بضعه من رسول يا علي هاي لبتول

كوم ليها يا علي. كوم ليها يا علي

فاطمه هاذي يحماي الدخيل

يا علي تنادي مدامعها تسيل

تشوفها وتسكت ياحيدر مستحيل

يا حمل خايف يابو درع الثجيل

ترضه يا فحل لفحول يا علي هاي البتول


كوم ليها يا علي كوم ليها يا علي

شلون تسكت عنها يا حامي لحمه

وتدري بضعه من ابو القاسم فاطمه

نته لو كبرت صوتك ملحمه

يا صبرت خيولهه فيض دمه

مرهب جيوش وخيول يا علي هاي البتول

كوم ليها يا علي. كوم ليها يا علي

سيد محمد الصافي

أيها الخنازير اليهود .. مثلما عرضت لنا مشاهد استثنائية يوم قتلكم للشهيد نصر الله..

يجب أن تشاهدوا فوق رؤوسكم مشاهد استثنائية.

( فَأَرْسَلْنَا عَلَيْهِمُ الطُّوفَانَ )

سماء اسرائيل الان

▪️الحرس الثوري الإيراني: رداً على استشهاد إسماعيل هنية والسيد حسن نصر الله والشهيد نيلفوروشان استهدفنا قلب الأراضي المحتلة

لن تهدء قلوبنا حتى تمحى اسرائيل هكذا نقول اخذنا ثأر سيد الجنوب 💔

#لبيك_ياحسين

زينب اجت من الشام تمشي بأثر ممشاها
مـن الخرايـب يا ريـت جابت رقيه وياها

طفـو الضـوء طفو النار
طول الدرب دگو ستار
صــيرو بڪـتـر يا زوار

غضو النضر لا ينشاف
خـدر العـقيـله فيـاي
🍁🍁🍁🍁🍁🍁
ناس ما شافت بيعنك وانته شايف زينب من الشام اجتك تستريح
وانـه اسـمعـنـك تـصـيـح

طر الگبر بيده وصاح عباس بيده الرايه
سوو درب يـا زوار زيـنب اجـت مـشايه
🍁🍁🍁🍁🍁🍁
شبيدي عله زينب يا ناس الامر صار شبيدي
لا بيـه اروح وياها لابـيه اعـوف اعضـيدي
مالي غرض بالچفين لا همني گطع وريدي

يـا حـيف وانـه الـعـباس
هيچ اختي تهبط الراس
تـتـفـرج عـلـيـه الـنــاس
🍁🍁🍁🍁🍁🍁
تمشي وضعنها يا حيف زجر وشمر حدايه
سـوو درب يـا زوار زيـنـب اجـت مـشــايه
تونـي اسمـعت مـن عبـاس ماتـتگـرب ليه
هـيچ وغيـرتها الايـام هـي وگـلت مو هيه

مـشيتها مـشيه امها
ڪسر الـضلع يالمها
احـا يــلـوعـه همـها

يسرو زينب يا حيف وانه اعله المسنايه
سـوو درب يا زوار زيـنـب اجـت مـشايه
................................

نعي

غريبه والااهل عنچ بعدين
يخت عباس توجع غربة الشام
ترى اليندفن عن أحبابه ابعيد
مو مثل الذي أبين اخوته ينام
تألمتي اشكثر من البعد الحسين
ابد ماساعه رحمت بيچ الايام
هم ضيم اليسرهم ضيم الافراگ
اعله بالچ دوم يمكن حرگ الخيام
التل الزينبي يبچي اعله طاريچ
ولحد الآن لچلچ لابس الثام
يزينب بينه حسره نزورچ نريد
ونبچي بحضرتچ يااخت الاكرام
كسر گلوبنه يازينب اعليچ
وحگچ صار يشبه كسرت الچام

سعد العبودي

ها يا ربع حسين *** شو كلكم ميتين

ها يا فراسان الهيجاه
صاحبكم محد وياه
.......................................
هـا يـا ربعـي الموت يريد الدنيا تريد كلشي يريد من عندي
شـنهي يصـير وحـده حسـين وسبـعيـن كلها اطالب جبدي
منـطي ضلوعي وما خلصان ها يحنان محد شال هم گدي

شگد اتمنئ الموت *** بس ما صح تابوت

تمنيتكم .... عـدلـيــن وتــشـوفــون حـالـي
تمنيتكم .... تـشـوفـون م، ن چـتفـوا دلالي
تمنيتكم .... حزام الضهر ضل ضهري خالي


ويـلاه تاخـذنـي الـويـلاه
صـاحبڪم مـحـد ويـاه
🌊🌊🌊🌊🌊🌊🌊🌊
غير الصاحب للشدات للكلفات شو محد واكف منكم
كلكـم نومه و مذبوحين لو عدلين لو ايس من عدكم
ما قـصرتوا مـعذورين بس احسين محتاز الوكفتكم

گالوا ربعك وين *** شو وحدك يحسين

حاچيتكم .... تـحـچون لـو مـوتـن يـربـعـي
حاچيتكم .... مكشوف صدري وراح درعي
حاچيتكم .... تـرڪض الخـيل تريد ضلعي

تـفزعـون الواحـد لو لا
صـاحبڪم مـحد وياه
🌊🌊🌊🌊🌊🌊🌊🌊
شـبي راسـي يخط بالگاع ها يسباع يجر الموت بجدامي
چـنتوا تخـلونا اول دوم راس الگوم بس بالموت جدامي
حيهم من شافوني وحيد كلها تريد ثوبي وحرگ خيامي

وصلت ليه الخيل *** ما عاوني الحيل

تانيتكم .... حـد ما سمعت الگوم گالوا
تانيتكم .... ايـس بـعد يحـسين مـاتوا
تانيتكم .... ربـعك بـعد للـموت راحـوا

تطـلـع مـن گلـبـي الآه
صـاحبڪم مـحد وياه
🌊🌊🌊🌊🌊🌊🌊🌊
خلـيت اعـتـابي ومـلـيـن وتمنيـت ڪون المـوت وياڪم
الـمن عايش والمـن ضال هذا الخال شفت ضيم بجفاكم
كلها تگول حسين شبيه شصاير بيه چي ميتين ونخاكم

كلهم گالوا طاح *** وركضوا ليه برماح

حبيتكم .... رايـدكم وعـوفوا المـجازه
حبيتكم .... محتازكم بس موش عازه
حبيتكم .... ضـليـت بجـفاڪم جـنازه

احاه يا صحباني احاه
صاحبكم محد وياه
🌊🌊🌊🌊🌊🌊🌊🌊
مـن شافوڪم ما تـحچون وتگـومـون فزعـت كلها عليه
شـي بحـجار و شـي بنـار وانـه حـتار ڪلها تفـرهـد بيـه
وين التوجعني يطگون ويضحكون كض المون رجليه

گلتلهم عطشان *** گالوا مو صحبان

صحبانك .... گــالـوا ويــن وتـعـبـونـي
صحبانك .... هضـموني بيكم عيروني
صحبانك .... يا گـلبي ايس ما يجوني

ثاريـه المـوت شمـح، لاه
صاحبـڪم محـد وياه
..............................
#الشاعر_امجد_الشغانبي

آنه ام الحسن يامن تشيعوني
بهيده وي النعش لمن تشيلوني
**
النعش شيلوه بهيده ولا تحركونه
مصيوب الضلع بالباب تدرونه
تلجمونه اخافنكم تلجمونه
مضلومه شكثر ياناس تدروني
****
شيعوني وذكرو امصيبتي او وضعي
من هجمو عليه ونكسر ضلعي
اگضي الليل اون وما نشف دمعي
هظموني يشعه اهواي هظموني
***
خلف الباب صاحو فاطمه الزهره
يگللهم وأن عصروها اشد عصره
اسطرو عينها وكون اسمع السطره
ياناس عله عيني حيل سطروني
**
عالحايط عصرني وحيل عذبني
شفت الموت والبسمار صوبني
طحت مكسور ضلعي ومنذبح ابني
وكمت ماشوف من السطره بعيوني
*
الف موته اموتن انه ليليه
وياناس النفس ظل يصعب عليه
اخلي ايدي عله ضلعي وامشي محنيه
وحرام انجان انام الليل تدروني
***
حلات الميت من تشيعه اعزازه
وياناس المشيع عازته عازه
اليوم بنعشي انتم امشو جنازه
وموش عله المتن عالراس شيلوني
****
اليشيعني اكله هاك اخذ بشره
دنيه واخره متعوفك الزهره
الحضر تشييعي باجر احضر بگبره
احضركم بذيج الوحشه تدروني
*
تمت
ميثم العمري

تنشدني يمه ضلعج اشبيه وهواي اشوفنج تلزميه
وتگلي عينج حمره يايمه من السطره
ما تدري يحسين
*
من ياهي ابديلك وما ادري شحجيلك وابديهن منين محتاره يحسين
البسمار صوبني وضلعي انكسر يبني من دفعت الباب ما جنهم اصحاب
عصروني يايمه شكثر وكتلتني ذيج العصره
البسمار جلب بالضلع وسمعت ضلعي وكسره
محسن رفس من الالم حسيت صابو نحره
طحت عله وجهي يم عتبة الباب
شما انهض اعثر ونمت عله التراب

الظالم وأن گال وعصرني وعالعين رد ليه وسطرني
خلوني اموتن حسره يايمه من السطره
ماتدري يحسين
**
جرح الضلع يبني شگد تدري تعبني من عنده مليت ويايمه سليت
ما ادري شمسويه ولتمو عليه بكعب الرمح ذاك ذباني لهناك
يايمه جابوني دفع وكسر الضلع ماذيني
من طاح ابني عالارض فضه صحت لحگيني
وعالعين سطروني وطحت وما اشوف گمت بعيني
انظر جنيني ميت عله الگاع
وناديته يمه لا ترحل بساع

مكسور ضلعي وگلبي محروك ويايمه مات اوليدي مخنوك
وآنه متت جم مره يايمه من السطره
ما تدري يحسين
****
يحسين هضموني وبالباب عصروني عليه الهوه ضاع وذبوني عالگاع
گمت امشي محنيه ومن ضلعي ليليه يايمه ما انام من كثر الآلام
ترتاح بالليل البشر وانه شكثر يهضمني
وكلما نمت يمه الضلع ايفززني ويألمني
وما بيه اجر گمت النفس حتى النفس يلجمني
يلزمني ضلعي وتهيج الآلام
مرت عله امك تدري اصعب ايام

بس للألم يايمه ظليت ويحسين من الدنيه مليت
گمت اختنك بالعبره يايمه من السطره
ما تدري يحسين
*
يحسين اشوفنك ومابيه اشبگنك يا اغله الاحباب حل وكت الغياب
خليني اشمنك والصدري اضمنك يا مهجة الروح راح امك اتروح
آنه ادري بفراگي صعب وشكثر راح ايألمك
بليل صعبه من تفز وما تلگه امك يمك
وشلون تگضيه العمر وبعيده عنك امك
ادري انه بعدي ايصير اظلم البيت
ومن هسه يبني اعليه حنيت

يحسين راح ايطول الفراك ولليمه راح اهوايه تشتاك
وفراگي جرح اشكبره يايمه من السطره
ما تدري يحسين
*
لا تهمل ادموعك يمه اصعب اضلوعك اتسحگك الخيل وتشوفك الويل
ايحز الشمر نحرك وجم حافر بصدرك وتموت عطشان ويايمه عريان
مسلب ونايم بالشمس يمه شگد ايسحگونك
وليش العده گبل الذبح اميه ماينطونك
عالرمح راسك ينرفع واطفالك ايشوفونك
يمه المصيبه ايحرگون الخيام
وزينب غريبه يسبوها للشام

يمه بحبل مجتوفه اديها وذاك الشمر يفتر عليها
زينب تظل متحيره يايمه من السطره
ما تدري يحسين
****
تمت
ميثم العمري

شور


زينب زينب شافت ذيج العصره
زينب زينب سمعت ضلعي وكسره
زينب زينب صاحت يمه الزهره
*
ركضت للباب دمعه تسابك دمعه
واسمعها اتصيح عوفي الباب بسرعه
من يعلم بيج حيل عليج ايدفعه
ويمه البسمار لو صابج شيطلعه

زينب زينب آه يالوعت زينب
زينب زينب تنظر ليه وتنحب
زينب زينب تكتل ذيج النظره
****
بالباب النار ونظر ركضت ليها
تطفيها تريد وادري زغار ايديها
بخيمتها شلون لو حركوها عليها
ياهو الها ايروح والنار ايطفيها

زينب زينب بالطف ياحيرتها
زينب زينب ما تنشف دمعتها
زينب زينب وخوتها عله الغبره
**
طحت عله الكاع طيحه ومامش نهضه
واصعب يا ناس ابني المات بلحظه
وتدرون الباب هشم ضلعي ورضه
ومسطوره العين ونده وينج فضه

زينب زينب شبگت حيل عليه
زينب زينب كامت تشتم بيه
زينب زينب شافت عيني الحمره
**
زينب ياناس اه يا لوعت زينب
كامت كلساع تلزم ضلعي وتنحب
شوفيني اتكول راسي زغيره وشيب
بلا ام البيت مايسوه ولا ينطب

زينب زينب هدت حيلي بونها
زينب زينب راح انه ارحل عنها
زينب زينب گلبج فگدي ايفطره
*
يازينب راح ضيم اتتشوف عيونج
وعكب العباس زرگه اتصير امتونج
وبذاك الصوط عالناگه ايصعدونج
يمه وللشام يازينب يسبونج

زينب زينب آه الشام وضيمه
زينب زينب تبقين بلا خيمه
زينب زينب تموتين اشجم مره
**
تشوفين حسين شمر ايحز بنحره
يمه وتدرين اشجم طبره ايطبره
ايرفسه من ايكوم عنه ويكسر ظهره
وتسحگه الخيل يمه وتخسف صدره

زينب زينب راح ايعذبه بذبحه
زينب زينب ويرفع راسه برمحه
زينب زينب جسمه الخيل اتطشره
**
تمت
ميثم العمري

مقطوعة شعريه (انتظرك ) الى الامام الحجة ابن الحسن عليهما السلام


انتظرتك والدموع تسيــل     
دمعه تهل بأثــر دمعه

وعلى دربك أتاني أتعــود    
وانطـر جيتــك الجمعه

شعلنــا أعمارنــا وذابـت     
مثــل ما ذابت الشمعه

سمعنه والحچي الممصوخ   
يجــرح لمّـن نسمعــه

گضينا أعمــارنا أنتانيــك    
يــا يـوم وتصح رجعه

عمر نحسبله بس أغياب    
بدونــك سيدي شنفعه

عمر مثــل الــورد ذبلان     
واليذبــل سهــل شلعه

عمــر واحنـه بمجالسكم     
ننوح وكل وكـت ننعـه

يا آخــر دعـــاء يصـيــر    
عجــل سيــدي الطلعـه

يا آخــر أمــل بالــروح     
امل من رافـــع السبعـه

أحلفـك بيمن أتــرجــاك     
بل الــي هشمـوا ظلعـه

برضيع حسين بالعباس    
بسبي الحره الصعب جرعه

تعجل بالفــرج مـولاي    
وحگك سيـدي أترجعــه



الشاعر
موسى البديري

مهضوم وبكلبي اهموم
يالعسـكري جيت اليوم
**
اجيت ودمعتي تجري … يامسموم
نارك شــــبت ابصدري … يامسموم
بغــــربه حـالتك ادري … يامسموم
بگاع اهلك وهم مظلوم
يالعسكري جــيت اليوم
**
مـــن يا فاجعه ابدي … يامسموم
مصايبكم كلن چبدي … يامسموم
الله يســـاعد المهدي … يامسموم
هم غايب ويبجي دموم
يالعسكـــري جيت اليوم
**
الله يعينه حـــال ابنك … يامسموم
حته مــــا شـــبـع منك … يامسموم
ظل بأذنه صده حزنك … يامسموم
وباللوعه يگــعد ويگوم
يالعسـكري جيت اليوم
**
المهدي يصيحك ويندب … يامسموم
خلافك شــــاب وتغييب … يامسموم
رمش عينه اضــن شيب … يامسموم
ماشاف من بعدك نوم
يالعسكري جيت اليوم
**
عباده خلصت دربك … يامسموم
بيـــن الناس التعبك … يامسموم
بيا لوعه سكت كلبك … يامسموم
مـن كربله ظل ملچوم
يالعسكري جيت اليوم
**
نـــــــذكر كربله عندك … يامسموم
نام اعله الرمل جــدك … يامسموم
مثلك من متت وحدك … يامسموم
بس ماكو خياله تحوم
يالعسكري جيت اليوم
**
شمعه وخمـدت بسكته … يامسموم
بيا ذنــــب انقتلت انته … يامسموم
الاجل ماجان الك وكته … يامسموم
ويوميه ميـت معصوم
يالعسكري جيت اليوم
**
بيــــــن النــــور والضَلمه … يامسموم
جنت تنشر وعي وحكمه … يامسموم
الما متعــــــلم اتـــعلمه … يامسموم
مـــا خلو النعمه اتدوم
يالعسكري جيت اليوم
**
قواعـــــد علمك امتدت … يامسموم
بكـــــــل العالم انتشرت … يامسموم
رغم مقتول بس طلعت … يامسموم
لكل واعي ورثت علوم
يالعسكري جيـت اليوم
**
المازاير يجــي ايزورك … يامسموم
تنطي لمــحة من نورك … يامسموم
ويبجي لظلمك وجورك… يامسموم
ومن عندك يرد مـــآلوم
يالعسكري جيــت اليوم
**
عزيز المياحي

اداء : سيد فاقد الموسوي
كلـمات : عدنان الغزي

..............................

يزينب علي الأكبر للحرب راح
واخاف عليه من ملاگه الرماح
يزينب راح مني ابني ونار جفاه تلهبني
واخاف عليه من ملاگه الرماح

..............................

علي الأكبر عزيز ونص اله چبدي وانه الفرگاه يختي حيل ماعندي
هذا ابني شبيهة المصطفى جدي حشمي امه يزينب للخيم ردي

تدعي الباري يردة .. شبيهة المصطفى جدة
محمد بالوجهة والليل مصباح
واخاف عليه من ملاگه الرماح

..............................

دخل لاگه الرماح ابن اخو العباس شردت ناس منه وسلمت ناس
طلع بين العساكر يصدح الطاس من بكر ابن غانم جايب الراس

الأرامب صيد مو صيدي .. جبت راس البطل بيدي
كفو يالما تنازل عند الصفاح
واخاف عليه من ملاگه الرماح

..............................

طلب ماي واجيب منين اله الماي لسانك على لساني وماكو بس هاي
لا عمك واحشمة ويوگف وياي يبني خلافك اصبح وليه لعداي

العساچر ثار تطلبني .. واخاف تروح تتعبني
بچتلك والگلب ما عايز جراح
واخاف عليه من ملاگه الرماح

..............................

راح وچني ادري بروحته يموت ولاگه رماح بيها الموت مثبوت
صاح ادركني بوية بعالي الصوت وادعي الردته ونيت بسكوت

هنا نار الگلب تلهب .. الأكبر راح يزينب
تهدم سور صبري وعلى الظهر طاح
واخاف عليه من ملاگه الرماح

..............................

فر بيها المهر واتعنى للگوم تگطع بالخناجر حلو الرسوم
گومن للعزة يزينب يچلثوم جبته الچن ذبيح تسبحه الدموم

الأكبر سابح بدم .. يزينب شرد اگل لأمه
انه عليه العذاب وهو الرتاح
واخاف عليه من ملاگه الرماح

..............................

شيصبرني بغيابك والصبر مر حگ يبني عليك الگلب يفطر
على الدنيا العفى بعدك يالأكبر چوانين المصيبة بگلبي تسعر

الصبر يتصبر بصبري .. ولله فوضت امري
بنهار العمر غابت شمس الصباح
واخاف عليه من ملاگه الرماح

انصارك غياره متعوف الزياره
———————
اربعين حسين يكضي ويبدي موعد خدمتك
بـ ارض سامراء لازم تبقه تخفك رايتــــــــك
جان اليزورك يموت وماتركنه زيارتـــــــــك
بدم شبابك يبو المهدي تضل تلمع كبتــك

وعيون المناره متعوف الزياره
———————
مثل ثامن من محرم عدنه يومك هم صعب
يوم ثامن من ربيع شكد مواكب تنصـــــب
انت بين اهلك الشيعه انت مو برض الغرب
شما بعد دربك علينه حبك يكصر الــــــدرب

يم بابك حياره متعوف الزياره
———————
الك مشايه اجينه وديرتك صاحت هــــله
والدرب كله مواكب بيها ريحة كربـــــــله
تطب زوراك وتطلع يبو المهدي مدللــــه
يعني مقبوله الزياره الشباج من نقبـــــله

والشافت اشاره متعوف الزياره
———————
انت والهادي نشوفك بعين الكلوب التهل
الليله تفتر عـالمواكب وماخذ وياك السجل
تمسح بطارف جفوفك عالجبير وعا الطفل
والصعب يوم الزياره يصير يم بابك سهل

لمصابك حراره متعوف الزياره
———————

يواسي ابو صالح دمعنه وبيته ويانه ونون
الأبو مسموم يرحل ليش ويغيب الابـــن
ابنك اذانه بغيابه وينتهي بجيته الحـــزن
الليله يم سردابه نكعد بلكت اعلينه يحن

دمعات انتضاره متعوف الزياره
———————

(للامام العسكري)

عظم الله...اجرنا واجركم
يامهدي
ــــــــــــــــــــــــــــــــــــــــ
يابو العزه ويابو الجرح.. يبن الحسن نادينه
بمصاب ابوك العسكري.. مـاجـور يـامـهدينه
جـبـت العمر كله تون...يــاگلبك الله ايـعينه
وانـخـــفف اعليك الحمل...للتعزيه اتــعنينه

عظم الله...اجرنا واجركم
يامهدي
ــــــــــــــــــــــــــــــــــــــــ
صبرك جبل يبن الحسن.. فــاق الزمن واتعده
بس أبمصيبة والـــــــدك.. مـــاي الصبر واتبده
تنظـــــــر ابوك بلا ذنب.. بالسم تصوب چبده
عمره وشبابه ياوسف ٠٠ كله انسلب من عنده

عظم الله...اجرنا واجركم
يامهدي
ــــــــــــــــــــــــــــــــــــــــ
عالي ابخــلودك والعِدهَ.. هيهات لن اتـــلوحك
الله اليصبرك سيدي.. وتطيب ريت اجروحك
تشتاگ چنت الوالدك.. وتنــعاه نبرة نــوحـــك
لمن سمعت امصيبته.. چا شنهي صار بروحك

عظم الله...اجرنا واجركم
يامهدي
ــــــــــــــــــــــــــــــــــــــــ
الله اليهون امصيبتك.. ابفگد الحسن هاليله
مثلك منو بهذا الحزن.. ناح وتهــــــدم حيله
لمن حظرت اجـنازته.. صليت لوتـبــــچـــيله
بالغربه خلُصت العمر.. ولا واحـد التـــشكيله

عظم الله...اجرنا واجركم
يامهدي
ــــــــــــــــــــــــــــــــــــــــ
كل المصايب هونت.. ومصيبتك بحسينك
يالدمعك اتغير دمه.. وراسم طفوف ابعينك
تنعى الغريب ابكل وكت.. ومايهده ساعه اونينك
والمغربيه من تجي.. مولانا الله ايعينك

عظم الله...اجرنا واجركم
يامهدي
ــــــــــــــــــــــــــــــــــــــــ
مابين مسموم وقتل.. اهلك گضو يالحجه
ونيران گلبك سيدي.. طول العمر متوهجه
والطلعتك يبن الحسن.. نتوسل ونترجه
يبن الذراري الطيبه.. مهرك يساعه اتسرجه

عظم الله...اجرنا واجركم
يامهدي
ــــــــــــــــــــــــــــــــــــــــ
حيدر بشار الدراجي