الشاعر محمود الموسوي القناة الرسميه

عم النبي الهادي.. والد علي يعرفونه

مابدل إسلامه.. وجي شيعي مايردونه

ابو طالب..ابو طالب.ابو طالب


@@@@@@@@@@@@@

حضن الاسلام..بذيج الايام

جان ابو طالب عظيم بكبريائه

مارضه يبيع..والهم يطيع

وجانت بكد حيدر ابنه حلوه لائه


شيخ الإسلام.. ساقي الحجاج الهيبه

سيد لو كام.. يتميز بخته بشيبه


لو شمس بيمني.. والگمر في شمالي

ماعوف ابوالزهره.. هذا ابن اخوي الغالي

ابو طالب ابوطالب ابوطالب

@@@@@@@@@@@@@@@@

حيدر يصير .. ابنه بالخير

بس محمد يشبه ابنه وبغلاته

واليضدون .. نكروا شلون

جي علي ايحب النبي نكروا صلاته



ماصلوا ليش.. جي حيدر صله وياهم

جي ذل الجيش.. ذو لفقار وبچاهم


نكروا علي ودينه .. جي لابو طالب زوده

وجان النبي بعينه .. واكبر شجاع بجوده

ابو طالب..ابو طالب..ابو طالب

@@@@@@@@@@@@@@@

الله يشهد .. وي محمد

مايعوفه وداعت الزهره الزچيه

كلبه ذايب.. يابو طالب

شلون اعوفه وانه ربيته عله اديه


رابي من اسنين.. طه وماخذ فص عيني

وشميت حسين.. جي مني وبيه حسيني

عم النبي بدينه.. ثابت ومايتغير

وظلوا معادينه . جي هو خلف حيدر

ابو طالب..ابو طالب..ابوطالب

@@@@@@@@@@@@@@@@

شما يعادون .. مايغيرون

ذره من عشك النبي ولامن كلامي

عايش وياي.. شيعي وهواي

شيعه راح انه اوصل الهم سلامي


ثبتوا عله الدين.. حب حيدر لتعوفونه

والدين حسين.. بالمشايه تزورونه


حب النبي وآله.. مابيه سؤال وغايه

بالذر عشكناهم .. وانخلقت المشايه

ابو طالب ابو طالب أبوطالب

@@@@@@@@@@@@@@@

محمود الموسوي

انه ذاك البعده ابو الگلب الحنين

انه ذاك الماتغيرني السنين

لاشلت من ديرة اهلي

ولا مشيت بغير دين

انه ذاك البعده يصرخ

واحسينا واحسين

محمود الموسوي

ديرني بحزنك حزن

بدي عمري بدرب عمرك

طشر عيوني التحن

عيشني من اخر جكاره

اتعارك عليها السجن

طيفي سيرلك جنح
مكسور مالاگي حضن

وحزني من كد التعب ينشاف ميل

عله طول الساعه يفتر ويون


اااه يحزني المالگه بغيرك حزن


واااه يطيفي الكضه عمره يدك بچي اباب الجفن


شيلني بعينك ولو لصفة دمع

لاتهدني افراك وجهك حنظل و ماينجرع


انت تچويني بسكوتك
احجي جلمه جيس كلبي

روح شم عطاب كلبي المحترك حدر الضلع


لاتفززني عله جرحي

انه سديت الجرح

ذنك عيونك اطيور امعشعشه

بغصن الصبح

ضوگ حزني

اگبال حزني وداعت اسمك

طعم ماعنده الملح


محمود الموسوي

من تحتار وين تودي الجروح

وتكعد وحدك بجروحك اتعد

من تلكه الوجع يبدي من الاعزاز

وتعزل روحك او وياها تكعد

من اتضيع من اسنينك اسنين 

وتبدي ايامك لوحدها تشرد 

من تختنك روحك بالحياطين 

او وجهك عن المرايات يلبد 

من تجويك اول شيبه بالراس 

وجفوفك عله الحيطان تنشد 

من تشوف ضحكاتك غريبات

وميلادك يصير وماتعيد

من ينام دمعك بالتجاعيد 

وتبدي تغمض وبعيونك تسد 

من ينكسر ظهرك وانته خيال 

وتنطك بالحجي وماتكدر اتهد 

من تحترك وانته بصفك الماي 

وتبدي النار بسنينك اتفرهد 

من تشوف وجهك توه كبران 

ويذبل كلشي كدامك امورد 

من اتطيح بين الأخ والأخ 

وبطرك الدمع لاحلامك اترد 

من ترسم غربتك عالشبابيج 

وعله المامش عيونك ظاله تصد 

من تتمنى روحك بالمحطات 

وتسافر جذب  بمتاعك تشد 

من تحتار بين الليل والليل 

وهمومك نهر ماساعه يركد 

من اتعيش غربه أبين الاحباب 

وابيبان هجرك ترجع تسد 


ساعتها تعرف بايامك اكصار 

وتطي لروحك ويه الموت موعد 

ذيج الساعه تمسح كلشي مر بيك 

وتكعد وحدك بجروحك اتعد 



محمود الموسوي

الديرة غربه

وباهت خويط الفجر

وجلمة الصبحكم الله تريد ناس

وصعبه من انته عزيز وتنكسر!

اللحن ايضا

نزال ليلة الاكبر سلام الله عليه

ليله 9 محرم الحرام

علي الاكبر __ علي الاكبر

رايه وطب عله الحومه

علي الاكبر __ علي الاكبر

تشبه عباس اعلومه


حيهم ياشبل حسين
تكتل خزرات العين

علي الاكبر علي الاكبر رايه وطب عله الحومه

______

طبهم غاير زلمه وقاهر ظل يردم خيل بخيل

يامحلاته ومن خزراته نيزك يرهب بالليل

حلوه اعلومه بنص الحومه ياهو البوليدي يعيل


علي الاكبر نزل بدر الشهامه

علي الاكبر دخل سوه القيامه

علي الاكبر ترك بالطف علامه

علي هزبر علي هزبر __ والمردم عيده ويومه

علي الاكبر علي الاكبر رايه وطب عله الحومه

______

شايل سيفه وطب بكيفه وفنه اليوم اللاكاه

شمرة حيدر بجه العسكر سوه المحد سواه

حلوه عيونه ويهابونه راية حيدر يمناه


نزل ليهم كلف بجه الميادين

يصيح انه الاسد انه ابن الحسين

علي الاكبر يحماي الصواوين

علي كبر علي كبر __ والطف راواه انجومه

علي الاكبر علي الاكبر رايه وطب عله الحومه

________

غيره ونازل _ جنه الكافل _ يشبه عمه الوفاي

حامي الخيمه وراعي الشيمه وجاب من الغيمه الماي

بدر الساده يذبح قاده علي الاكبر هيبه وجاي

برز ليث الحرب طش الكتايب

علي الاكبر نزل اجمل محارب

يهيبه ومرجله وبالحومه غالب

اسد البر اسد البر شردت منه الملزومه

علي الاكبر علي الاكبر رايه وطب عله الحومه

_______

بطل الغيره الكون يديره صياد بكيفه يصيد

من يتقدم علي يتبسم والعسكر شرده يريد

ياراعيها ويمبجيها علي الاكبر ياصنديد


علي الاكبر جبل ثابت نزاله

علي الاكبر علي حيدر قتاله

علي الاكبر بطل يرهب جماله

موت احمر موت احمر __ زلمه يخوف برسومه
علي الاكبر علي الاكبر __ رايه وطب عله الحومه

_______

محمود الموسوي

يا ابو فاضل ابو فاضل مدد

@@@@@@@@@@@@

صليت عيونك عباسي

كدام حسين ارفع راسي

يالطالع هيبه وخيال

طش الماي بكاع سكينه

جيب الشط يمه بجرفينه

من تخزر طبعك جتال

عباس وطب بواديها

عربان الحومه مبجيها

يردم ريال بريال


شد الكافل ريشاته

غيرة حيدر صولاته

قرأن الطف ابياته

@@@@ @@@@

ياطوك السبعه الدواره

خام لحسين من اصياره

ياماي وعطشت الماي

ياثاقب وتهز البيده

ياعنوان الله وتوحيده

يارايه ويا رب الراي

شمس الغفران عله عيونه

عباس الله يحب فنونه

ربيتك يايمه لهاي

ياموت احمر بالحومه

الله يسولف بعلومه

ياشمس حسين ونجومه

@@@@ @@@@

حلوه عيونك لثمناها

وجفوفك محد لاكاها

والريشه ترد السبعين

يعكال الخوه المهيوبه

وحروفك بالطف مكتوبه

لبيك اللهم حسين


ياتاريخ ابيض للساده

ومطرز بحسين جلاده

والرايه وذني الجفين


زلمة هاشم وضعونه

شايل زينب بعيونه

الله وحيدر يقرونه

@@@ @@@

لو يوسف طب عله الخيمه

كص جفوفه وطر الهيمه

ويصيح الكافل محلاه

يعكوب المشدوده عيونه

يفتحهن من يجيبونه

لو بس الحاجب شافاها

عباس الكمره مسميته

والكمره انعرفت من صيته

يم عباس تصيح الله

ياسبحانك يالشارب

يامحلاتك يالحاجب

غيره من الله وتحارب

@@@ @@@

اجمل واحد شافه بعينه

عباس يصلي عله حسينه

وحسين يصلي لعباس

يلبس درعه وياخذ سيفه

ويسير عالسبعه بكيفه

نوماس وعاشك نوماس

هذا وليدي وشال الصارم

ربيته وصار اول خادم

يم الزهره انه ارفع راس

ابني وخادم لحسينه

عطر العشاك جفينه

بسم العباس صلينه

@@@@@ @@@@@

الشاعر محمود الموسوي

(1)

كلبي لاچمني وسمعت امناده

وروحي طلعت عالدرب نشاده

حسين شفته يعثر عله اولاده

وين هاشم طاح عم الساده


(حشمنه اهلنا__ نريد فزعه ياناس)


_____
(2)

كلبي يوجعني وجبيره جروحي

ولا يهيد ولا يبطل نوحي

طايح عله الماي يا مذبوحي

كون للعباس تطلع روحي


(كثروا الفواتح__تره الطايح عباس)
______
(3)

اليوم يوم اسود ايصبح علينه

اليوم راح تطيح خيمه اعلينه

وينه شيال الجنايز وينه

الطايح عله الماي عم سكينه


(طايح عضيده___حسين يلطم عالراس)


______
(4)

ودوا طارش للنهر خنشوفه

الصوبوا عينه وكطيعه اجفوفه

يكوم لاخته الرايدتها الكوفهه

وراح تطلع عالهزل مجتوفه


(مايمها اخوهه___تكوم وزينب وتطيح)

_____
(5)

اليوم زينب ياهو اليواسيها

الخيل سحكت عالنهر واليها

حسين راح يروح من ايديها

وراح تركض عالجمر رجليها


(يم المخيم__خيل جابت عباس)

___
(6)

الليله وحده حسين اخوك الليله

ظهره مايل ياهو اليتچيله

بيك عالوا كوم رد العيله

اخ ياميلة حسينك ميله

(خويه الشماته____تريد تذبحلي حسين)

________
(7)
خايفه النسوان عكبك خايفه

ذابحين من ال هاشم طايفه

زينب تعورها هاي السالفه

تطلع وهيه زلم ماشايفه


(احاه يوادم.. زينب تصيح احاه)

......................

محمود الموسوي

ليلة السابع محرم قصيدة الفزعه 👇👇

أمنية عبدالله الرضيع ع في المهد

يالكاروك.. اريد اكبر.. اريد اترس الماي بجربة العباس واتمشه عله طول البر

اريدن خيمه يم خيمه ابوي حسين

اريدن يوم أسير يم على الاكبر

أريدك يامهد لابني واضمك خاف تتكسر

يالكاروك اريد امشي انه ازغر نحر قربان

بس استحي من الله هواي

اريد اكبر ولكن خايف عله الطف

اذا ما انذبح يزغر

مضيف النحر.. حي الله السهم خطار

فشله الساده عالخطار تتعذر

سهمهم يابس من اسنين ويدور مجان اخضر

يالكاروك اذا ذبحوني وين اتروح

هم تشتاكلي وتنهز هم تريد توصلني

اذا طشرت جسمي الخيل هم وياي تطشر

هم تحترك روحك من تجيك النار

هم تنكلب مثلي وتبقه تتحسر

اذا بليل ماهزوك هم اتحس اكو غربه

اكو بروحك فراغ يصير اذا بليل ماتفتر

يالكاروك هم تتعذب عله امي

اذا ذبحوا دللولك اتحس روحك بدت تخسر

اذا بس الكماط وياك هم تشتمه يلا تنام

هم اتغار اذا شال الرمح راسي هم تناغي للمنحر؟

هم تتمنه امنيتي من تكبر اسنيني وياها هم تكبر

هم تعطشلي هم ادور عله الماي هم تحتر

يالكاروك اضمك وين

راح انذبح وانته الراح تتكسر؟

باسم مولاي الرضيع ع

محمود الموسوي

سولفت المصاب .. من جدي للباب

لجروح الحسين .. للشبعن اتراب

هذا انه مهديكم .. ياجدي احاجيكم

سولفت المصاب

……… .

من الماي لو ركضة سهم لوجبده عطشانه

لوباب لو حركة خيم لو جثه عريانه

لو من سبي وطيحه وهزل وجدام  فحطانه

بيش ابدي وحسين انذبح سلبوا نسوانه

كلبه انثلم من العطش والشفه ذبلانه

ياجدي يالهادي الرمح بنحره انتجه هنانه

ابديلك منين .. يوجعني الحسين

يالهادي نسوان .. طرن دواوين

من عدكم وبيكم .. ياجدي احاجيكم

سولفت المصاب

……… .
ياجدي اسولف ياهضم واحجيلك الصاير

من عثرة الناكه الصبح لو ليلة العاشر

لو جبدك وجبد الحسن لو ابدي بالحافر

من هسه اسولف كربله لو ضمهن لباجر

حزني عله كد وجه السمه وياغربة الحاير


كبرك مثل حالي وعلي هم يكسر الخاطر


ياجدي مشتاك .. تعبني الفراك

ديرة كمر ليش .. منها الضوه انباك


وعيوني تربيكم .. ياجدي احاجيكم

سولفت المصاب

……… .

من اخر انفاس الهجر حد غيبة عيوني

امدنك يرسموني الخلك حملك عله متوني

ياجدي راحت عشرتك بالملح خانوني

والماكل ابخير النبي هم خان ماعوني

ضيم ومصايب كربله شكد غيرت لوني

باجر غريب لوحدي ياجدي تلكوني

ابجي عله الخيام .. والطبت الشام

ومخلص الليل .. سهران مانام

مظلوم اتانيكم .. ياجدي احاجيكم

سولفت المصاب

……… .

من حسرتك يابو الحسن ولحسرة الغايب

ماشايف الشيب وعلي بس الكلب شايب

جرحك لكيته بكل نحر لليوم ماطايب

ياجدي من كد البجي خدي بدمع ذايب

باجر يجي وليدك تره وبثارك ايطالب

من كربله باجر اجي جربه ومهد جايب

باجر يمولاي ..عبدالله وياي

يفتر عالخيام .. ويوزع الماي

باجر يرويكم .. ياجدي احاجيكم
سولفت المصاب

……… .

من هيبتي وجف الكمر للطايح الواهه

ماتمشي باجر عمتي الا انه وياهه

انجيب لعليلتكم  دوه وندواي فركاهه

وسكينه يم العلكمي وعباس بحماها

وآخر رساله من الكمر عبدالله يقراهه

اشرب يعمي الجربه الك متروسه محلاها

باجر تره الثار .. واحجيلك الصار

من غربة حسين.. واركاض الازغار

وبثاري ارد ليكم .. ياجدي احاجيكم

سولفت المصاب

…………
محمود الموسوي

اشتياقي ومحبتي للجميع

القصيده كامله للنشر

https://vm.tiktok.com/ZM6AdTPE9/

Channel name was changed to «الشاعر محمود الموسوي القناة الرسميه»

Channel photo updated

اللهم عجل لوليك الفرج بحق محمد وآل محمد

https://t.me/YahyaHa90

انصح الجميع بقراءة نصوص المسك المخبوء بصناديق الذهب

الشاعر يحيى الظالمي

بيني وبين الله رساله؟

ضمني بتراتيل الحمد بذنوبي واهس رحمتك..
ركعه عله شباج العفو وسجده عله باب محبتك..

وجفوفي ابللهه بفجر وانكث دعائي بقبلتك ..
وامسح صلاتي البسهو واصلب عيوني لهيبتك...

والغي المواقيت اليجن موعد خشوع لساعتك..
جاساني فيّ عشكك صدك واندهت شمسي بجف علي وسلمت موطن ذلتي لهيبة جلالة عزتك...

غيمة شياطين وسهر وذنوبي تمطر للصبح
واتغطه بلحاف التعب يندهني اسمك و انتبه!

وارجع بخطوة غفلتي وجدم المياله شكد وكح

استعبدني شيطان الهوى وشكك رسايل فطرتي
وطاحت انجوم المغفره

وعبرني سفان الضحك اشيكسر اشراعي الملتهي
وارجع واتوب بكنطره

ضيعني دينار الغشم مشتري الدنيا وتيهت
ماعرف سعر الاخره

ومطرت اذنوبي عله الڇفن بس وجهك ابيض يلتفت
وانه عله باب المكبره

ضمني العفو البيدك وطن لاجئ واجيت بلا سفر
وانته التوقع التذكره

عطشني واشربلك نذر تذبل بساتين العنب وارجع ابنادم يستحي

وتعبني واكسر كل هبل واصبر بلال بحضرتك
والصخره نزلها وحي

واشرك بتفاح الجهل واتهجه حرفك والخبز واقره عله كل سبحه الحمد

واشتل رياحين الصبر واشتمك بجف كل غصن
واستغفرك وي كل ورد

وانده انجومي لشوفتك واقره عله بابك كل حلم
واتفسر بكيف السمه

تزغر اذنوبي بيوسفك وارجعلك بجربة ڱبل واترس محطاتي ضمه

وانته التمطر صحوتك وترشني رحمه ومغفره وماخلي م̷ـــِْن غيرك عطر

واستحيي كلشي برغبتي واتبخر بمسك النعم
وبلائك اتطين عمر

استغفرت كل صح جفلتك واسترجعت وعي الخطٲ
وهسه بملاذك امنت

توبة عشك م̷ـــِْن كل عشك من كل صنم باسمك تبت
باسم الآه استغفرت

محمود الموسوي

https://t.me/sssssst9990

قناة الشاعر حسن وديع

نصوص حسينيه منبريه

يرجى الإشتراك فضلا وليس أمرا

https://t.me/askreat

قناة الرادود ملا احمد العسكري

لنشر قصائد محرم الحرام 1445م

يرجى الاشتراك

فضلاً وجزاكم الله خير