ملا صباح جهاد

مطروح نعشج بلغرب . مامش متون اشيله

موزين وضعج بت علي . كطعو درب زوارج

والشام مايرحم مره . بنص كبري ما مرتاحه

اخ يمه زينب

الم بروحي حت اوصل
واوشل حيلي يم بابج
اجيج وبيدي جايب ماي
ومن الحضرت ال جابج
من هل الحضه الم دموع
واطش ادموعي بعتابج

على صورت ضريحج والخدم يبجون
امنيتي الوحيده اوصل الباب ام عون
يمه أن شاء الله ونحسب عل يرحون

بيه شوك . ايام بلكي وبيهه صابح
بيه شوك . للعقيله ال شوك واضح
بيه شوك .. عل مناير دمعي طايح

ان شاء الله بعتبتج سجد شكر
ان شاء الله زيارتج من ال عمر
@
شوكي عليج عابر حده
امنيتي اوصل الكبرج
ال مغرب بابج ايسدوه
جي مامش عرف يمج
كبرج بل غرب يم عون
وانتي الغربه مو كدرج

الرزق منج وجي عل عتابج اتمدد
تره ال محروك علبه عليج ما يبرد
واجيج منكب وحزنان ثوبي اسود

يمته اجيج .. وكعد ابابج وانوحن
يمته اجيج . عيوني للغربه يشوفن
يمته اجيج .يمه بكلي السنه اروحن

ان شاء الله زيجي ينشك بل ضريح
ان شاء الله مو غريبه ام عون صيح
@
وهنياله ال يطب للشام
ويشوف الحضره ولكبه
يتعبني حجي ال راحو
كل كلمه نحجت صعبه
ويبجون ال خدم وياج
ويرجعون وتضل غربه

الخدم متحضره تحسب اللزياره ايام
الحجي يهد حيل للماراح لارض الشام
وهنياله ال قريب عله ال ضريح اينام

السنه هاي . حالي مو كواك صاير
السنه هاي . بلكي الله نحسب زاير
السنه هاي . واكعد ابسد ال مناير

ان شاء الله واحد اني من اليجون
ان شاء الله ونعشج اشيله المتون
@
اصعب الحضه عل خدام
وداع ال فركه من يمشون
واحسب اللزياره احساب
المثلي أن شاء الله يزورون
وربعي تروح بس ماروح
تدري بحالتي اني ام عون

اذكروني يربعي بل دعاء كلسا
اجيناج احنه يمه وهوه ما جبنا
البجي نكع اهدومه بل وداع ويا

يعتذر . خادمج عفنا وجينه
يعتذر . بل وداع شكد بجينه
يعتذر . ومانسينا من دعينه

ان شاء الله نوصلج بقرب وقت
ان شاء الله بجي عل راحو متت

صباح جهاد

لاتقصرون ب أعادة نشر فدوه اروحلكم خدام
https://vt.tiktok.com/ZS69sWYUE/

شجاعة مولاتي زينب ع

شيخه عل وادم
يا عقيلة بني هاشم اخت ابو فاضل
شيخه عل وادم
شيخه بت شيوخ زينب هيبة الكافل
شيخه عل وادم
وجذب كلمن كال راسج بل قصر نازل

يم خطاب الكلف . حرمه تنعد بلف . زينب
ونعم والله ونعم . بت امير ال زلم . زينب

يا هيه مثلج سوت السويتي
بروس خوتج اللقصر طبيتي
رغم ما بزرج نذرتي فدوه
من حجيتي الرددج ذليتي

زينب بل قصر ذلت شوارب زلم
بت حيدر علي الما ينهزم كل عزم
قانوب الحرب يم سيفه من ينجزم
@
يم حجي الباشط
ياهو صوت عليج يعله ويمج الساده
يم حجي الباشط
صوت ما يعله عل صوتج ذاله القاده
يم حجي الباشط
وتخورسو يم العقيله ويا هو يتماده

حجي القاده دمس . الزلم ماكو حس . زينب
اخت سبع ال شدد . القصر الهه شهد .. زينب

جلمه والتاريخ يشهد بيهه
والله مايمحي الذكر كلتيهه
وادم اشباه الزلم محسوبه
بخطبتج والزلم خورستيه

حرمه وبل حجي ماتنسبك ثبتت
يا هو لي يقاطع بت علي سولفت
وعل وادم اميرة هاشم اشيخت
@
بت علي زينب
يا جبل صبر الهواشم والجبل عالي
بت علي زينب
بت امير وهم اميره وهيبة الوالي
بت علي زينب
جايه ويه شيوخ هاشم غالي يم غالي

جبل ما ينكسر ... عفه ام الخدر ... زينب
اجت بيرغهه رف . ياعفاف الشرف . زينب

تهين بيهم حجت ام الغيره
خطبتج ضلت الناس بحيره
بت علي بت فاطمة معروفه
للشرف حد يا عفاف الديره

اخذت دور اخوه هيه اشرف نسه
ها نتهه الزلم من خطبت بمجلسه
الكاعد بلقصر حجيج صدك خورسه
@
راية الساده
ماطيح الرايه عدنه الرايه موجوده
راية الساده
ماكو زلمه كبال زينب يعبر حدوده
راية الساده
بشيلتج جم عكد زينب بيه معكوده

بطلت كربله . الغيره والمرجله .... زينب
ذل ابد ماهوت . شيخه وتريست . زينب

وارثتهه المرجله من خوانهه
حجت زينب سكتت عدوانهه
الكافله بدار أبو فاضل بلعيال
ال حرمه ذلت وادم بديوانهه

ساده ودمهم على اسيوفكم ينتصر
بم عون الشهامه وحكنه من نفتخر
ناموس ال هواشم هيه حد للستر

صباح جهاد

تشلع نـيـاط گلوبنه الغربه
وعيون زينب لليطب تربه
زينب غريبه شلون كالوهه
الجادر أبين ضلوعنه انصبه

يابت علي...دهر تبقه الفاتحه
يابت علي...الغربه بيج مصابحه

0000 00000000000000000

خوان ماكو بل نعش تمشي
وتكول محد ينعه يم نعشي
بل شام محد ينعه يم زينب
أبجيلچ لحـد مايگع رمشي

يا بت علي...نعتذر ماجينه
يا بت علي...نوصل اتمنينه

0000 00000000000000000

الـمات غير اخوانه يم نعشه
يوميه تبدي بصحنج الوحشه
والـعـام يمـج نلـطم ابحركه
جنه النكاب بصحنج انفرشه

يا بت علي...السنه صعبه الروحه
يا بت علي...كلبي فايض نوحه

0000 00000000000000000

بگلوبنـه نـنـصـب عـزه عليهه
مـاتـت وشـام الغربـه مـاذيهه
الغربه مــن تموت يــــم غربه
وچنازتـك مــحـد يـمــر بيهه

يابت علي...نعشچ بلا والي
يابت علي...ولايمر بيه غالي

0000 00000000000000000

أمنيتي وحده الكعده بعتابج
والطم لحد ماطيح يم بابج
مشتاگ شوفي الشوفت الگبه
أمنيتي أموت بحضرت عتابچ

يا بت علي...الشام موش ولامهه
يا بت علي...عسر كل ايامهه

صباح جهاد

https://vt.tiktok.com/ZS6HGWCht/

سبيت زينب

لشام العقيله راح تروح لشام . يمه زينب يمه
تنام تالي بلخرابه ام عون تنام . يمه زينب يمه
ايام صعبه عل هزيله شلون ايام. يمه زينب يمه

ضهرج من الضيم حدب
مو شعرهه الكلب شيب
يعثر ام عون الهو لهب .. سبيت زينب

يزلام هاشم يل مجاتيل
بعمتنه كام الشامت ايعيل
الهزل عرجه وهودج ايمل .. سبيت زينب

@@@@@

انار تجويج ومشيتي ودستي النار ... يمه زينب يمه
ازغار تبجي وعل رماح كبار وازغار .. يمه زينب يمه
احجار من سطوح شمرو يابو احجار . يمه زينب يمه

عمتي فوك الجمر عبرت
اسم الله محد كال عثرت
ال موزلم عل حرم فرضت .. سبيت زينب

بجية ام عون الشام فرحو
من السطوح حجار شمرو
طشو خبرهه بساع ركضو .. سبيت زينب

@@@@

فرحان ذباح الحسين هواي فرحان ... يمه زينب يمه
فحطان كلب العائله عل ماي فحطان . يمه زينب يمه
ذبلان وجهه من الشمس عباس ذبلان . يمه زينب يمه

كبال راس حسين شتموج
محد فزع وال غربه يولوج
موعرف ناس اجناب يحدوج .. سبيت زينب

متنه عطش بلمشرعه الماي
نعطش وماي المشرعه هواي
بسد ال هزيله ندور افياي .. سبيت زينب

@@@@@@

مابيج حيل من البوجي حيل مابيج . يمه زينب يمه
ايئذيج حجي المايخاف الله يئذيج . يمه زينب يمه
يبجيج راس حسين كل ساع يبجيج. يمه زينب يمه

موناصي راس حيل عالي
برماح مشيوله ال غوالي
عمتنه ماضل عدهه والي .. سبيت زينب

تبجي العقيله بحيل تبجي
مستحيه زينب كوه تمشي
والسوك كلشي كام يحجي .. سبيت زينب

صباح جهاد

ما ينشال . تابوت الي هاي السنه
ما ينشال . وبل شام فاتحتي انه
ما ينشال . ماكو عرف الينه عتنه

ماكو متون للتابوت هضمه
والمايمه هل صبحيته ضلمه
فا ولجنازتي مامش حماميل
صلفه عيون اهل الشام يمه

كل سنه الخدام يم صحني تطيح
سنه وحشه وفارغ ايضل الضريح
من يشيعني منو اليبجي ويصيح

فوك النعش محد بجه
نعشي عليا متن نتجه
بهاي السنه انطر منو
الفاتحتي ماواحد اجه

--------
يم حسين . لو ميته غاد بكربله
يم حسين . اني دري عده مدلله
يم حسين . وبصف كفيل العائله

لو مدفونه يم عباس وحسين
يهلي الحال يكسر خاطر الزين
مايخنكني ليل وحشة غروب
ما يفرغ ضريحي من المعزين

والله محتاره نفس ليل اهدعش
ولا صدر يندك ولا وجهه انخمش
السنه منين امتون اجيبن للنعش

يمكم هلي كبري ردت
شاء ال قدر وتغربت
فارغ صحن زينب بقه
يم ال غربه تالي متت

--------
ناس الشام . مو خوش وادم ياهلي
ناس الشام . متعبني واني بت علي
ناس الشام . وما بيهم ال يبجي الي

كلفه لمثلي يمكم هيج تنجاب
بلوه ال شام والبل شام سلاب
ترضون هلي باب الحره مسدود
وما مسجونه ليش تقفل الباب

يا هلي وخدامي فارغ صحني ليش
الشام حاقد السه وي طلبوني بيش
بابي وكت ال مغرب ايردونه جيش

شام المصيبه والبلاء
يسدونه بابي بلصلاه
هاذ سجن لا مو كبر
مالهه حل غير الدعاء
--------
يا زوار . يمي ال سنه محد الطم
يا زوار . ولا دمعه طاحت بلحرم
يا زوار . وبعازته الي يمي نهضم

العام ابابي طاحت ناس كلفه
روحي برايت ال عباس تشفه
عيوني مناطره يطب اليه زاير
سنه محد يجيني حيل وسفه

وكل سنه ال نسوان يمي يفرفحن
يزيح مني الهم الي يطب للصحن
واليطبلي ابرايه احس عدي وطن

الرايد يجي ماكو درب
كرب يشلعان ال كلب
بهاي السنه وحدي اضل
رايه من خوتي ماتطب

صباح جهاد

لاتقصرون ب أعادة نشر خدام

https://vt.tiktok.com/ZS6STTC1G/
https://vt.tiktok.com/ZS6uKCYS7/

الغربه موش ولامي
امس نفس خيامي .
ضلم صحن زينب امس صار
بعيوني اضلم كلشي
ياهوه يرفع نعشي .
مهضومه جي ما جوني زوار

ضوه صحني امس طفو
وضلام الطف عليه عادو
امس ليل هدعش بلشام
اضلم صحني من خلوو

عادو عليه الوحشه حيكم . يهلي
بل ضيم صاير حال بتكم .. يهلي
بعيده اني ما مدفونه يمكم . يهلي
*
مهضومه خويه بكبري
هم تدري لو ما تدري .
مو زينه جي مدفونه بل شام
جلجل ضلام ال غربه
وطفوه ضواهه الكبه .
ويم بابي الاخضر محد اينام

اخفن كل ضلام ايجل
ولهسه ال وادم اتهلهل
بس هاي السنه تهضم
ولا زاير علي يدخل

معزبه اني بس ماعدي خطار . وسفه
ومسدود دربي وما اكو زوار ... وسفه
وسفه الغريب بصحني يندر .. وسفه
*

يهل الله مامسجونه
بابي المن ايسدونه
يحركون كلبي بسدت ال باب
يل شام مني شرايد
ضلمك وحقدك زايد
ضيم شبعت من عكب الاحباب

شنو ما الهم اي رداد
وادم موش وادم غاد
الشام وناسه ما ترحم
يوميه ال هضم ينعاد

مو زين حالي هناك مو زين . صاير
حجي الشماته يتعب العين . صاير
لو كبري يم عباس وحسين . صاير

*
يم صحني محد يبجي
يرد الصده من تحجي
كل سنه اطب رأيت ال عباس
بنص كبري مامرتاحه
لا دمعه لا كوه نياحه
انسد الدرب ما توصل ال ناس

شي جزي السنه وتعبر
وزينب للخدم تنطر
شي برد كلب فاكد
المسبيه وعلي تكسر

ياحيف خالي من الاجاويد . صحني
بل شام كبري وكلشي بعيد . صحني
وادم تحبني وتفزع ايريد ... صحني

صباح جهاد

https://youtu.be/Yezz5Xb0Q2I?si=wP0-hqNUoIz-cfR1

ملا سجاد المحمداوي
الشاعر صباح جهاد

https://youtu.be/mpLDNqXlbqI?si=LKffwJlimsob6HHO

اخ الشام

حسبت ايام وقليله . جفي الزيارته اشيله
انه مامقسوم ازورن . كلهه تمشي للعقيله

موغريبه اخت الفراضه . الخادم ايلم ابغراضه
هوسولج يم ضريحج . وربعي طبولج عراضه

عله ياساعه اجي ولايلفي موتي
الخدم كلهه مشت ربعي وخوتي
بحركه دعي الفرج عليت صوتي

الشام الشام
عله سوه بكلبي
يمه راحت ربعي . واني بقيت
الشام الشام
يمته احس بلغربه
يمته اشوف الكبه . مناشغ بجيت
@-------

كربت ايام الزياره .. المثلي جا شيطفي ناره
ولسه مالميت روحي . يعني ماشوف المناره

لوقريب عليه كبرج . ماكو يوم يمر عبرج
يمه حيل بعيد يمه . بصور يوميه ازورج

وحكج نار كلبي ال كبتج كبره
لو يمنه الكبر ما تنسد الحضره
سهلي زيارتج مولاتي عل فقره

اليل اليل
ناري ابد ماتطفه
ابجي يالله اغفه . ابجي شتياق
اليل اليل
وزيارتج قاريهه
عل صوره كاضيهه . مو بلعراق


@----------

دمعي يمج ارد اهله . الروحه صعبه موش سهله
امنيت عمري الوحيده . منيتي كون الشام اطبله

العام مدري شلون خلصت . من بقيت وربعي زارت
خاف اموت وماجيهه ........والسنه ازيارته كربت

رزقني زيارة اختك يابوفاضل
حسبه ايام وتروح ال قوافل
ومثل العام اضلن دمعي هامل

العام العام
ما رحت الزيارتج
ولا وصلت اعتابج . والسنه شلون
العام العام
حالي يكسر خاطر
السنه روحي تناطر . نضره يم عون

@----------
امنيتي هاي وحلمي واحد . بنص ضريح ام عون كاعد
شوكي يمه شلون اوصفه ...... عل حجيته الله شاهد

يمتى يصبح اسمي زاير . بيه شوك وكلبي حاير
ويا حلم يصبح حقيقه ... وكعد ابسد ال مناير

كل خادم منيتة ازيارة ام عون
مامقسوم اروح وربعي يرحون
نيابن عني زورو يل تزورون

شلون شلون
سولفولي عليهه
عيني الهه عميهه . لويمهه غاد
شلون شلون
ال عصر سدو بابهه
شلون حال الشافهه . ايشك السواد

صباح جهاد

https://youtu.be/jYynoeSOA90?si=VlWfOkhOdSU6o2X8

ملا صباح جهاد pinned «السلام عليكم خدام الحسين (ملاحضه) جاي يصير بهاي الفتره تلاعب بتغير مفردات والنصوص القصيده بدون علمي خدام تردون شي تغير راسلوني اني اغيرلكم وبخدمتكم اني وارجو منكم ذكر اسم الشاعر بلقصيده واني ممنون منكم وجزاكم الله خير الجزاء خدام»

السلام عليكم خدام الحسين

(ملاحضه)

جاي يصير بهاي الفتره تلاعب بتغير مفردات والنصوص القصيده بدون علمي خدام تردون شي تغير راسلوني اني اغيرلكم وبخدمتكم اني
وارجو منكم ذكر اسم الشاعر بلقصيده واني ممنون منكم

وجزاكم الله خير الجزاء خدام

يا خدام نعش امنه زينب شيلوه
يا خدام شماء حيل بيكم ابجوه
يا خدام المغرب ايبجي ام عون
يا خدام باب امنه ليش ايسدوه

شيعناج ابنص ال غربه
لومونتي الشام ما طبه
شيعناج وتبجي الشيعه
وشلنه الحيل عله الكبه

مدفونه بل غربه
مدفونه بل غربه . زينب مهضومه
لوميته بل عاشر
لوميته بل عاشر . الحره ملجومه

------

يمه الشام مو كدرج انتي الحوراء
يمه الشام يشبعونه ضيم ال طباء
يمه الشام وماردنه كبرج بل شام
يمه الشام من رحنه حاقد شفناء

لسه نشوف مخازر وادم
ومنكب طب ليج الخادم
الفاكد وال مكسور ابين
ونعرف الحاقد وال ظالم

ابين عل عيونه
ابين عل عيونه . الظالم والحاقد
نبجي ويشوفنه
نبجي ويشوفنه . اليلظم والبارد
----
حسبه ايام ال زوار عنج ماشين
حسبه ايام وحدج غريبه اضلين
حسبه ايام ال بيوته اترد الناس
حسبه ايام نرد ابدمع مهضومين

مهضومه ضل بت الزهره
والمغربه تنسد ال حضره
صعب لحضه من نعوفج
بوداعج تخنكنه العبره

نمشي وتضل زينب
نشمي وتضل زينب . وحدج مهضومه
لس الحقد واضح
الس الحقد واضح ...... وادم مسمومه
----------
كون ايصير . ماعفنه زينب يا ناس
كون ايصير .. ندفنهه يم ال عباس
كون ايصير . يمنه الكبره ما عفناج
كون ايصير . يمهه ابقه الاخر انفاس

يم زينب كون يحل موتي
ويم حضرته ايمر تا بوتي
مابين الغربه خت الكافل
بجو لطمو بحيل ياخوتي

مسجونه يا زينب
مسجونه يا زينب . وانتي الاميره
مو كدرج الغربه
مو كدرج الغربه . ال مابيهه غيره

صباح جهاد

ملا يحيى البنداوي
الشاعر صباح جهاد

https://youtu.be/k-nm_1QHxJY?si=h5AmL0VTSbv9puCP

لاتقصرون ب أعادة نشر خدام

https://vt.tiktok.com/ZS6STTC1G/

راس السنه

وجهي الزينب مصخم
الفرح للمثلي مايرهم
اني أفرح اذا فتحو درب زينب
السنه مهضوم واحدنه
السنه سدوه طريق امنه
وبراس السنه خلوني بس نحب

راس السنه وليلة غربت الشام
تهضم حرمه جي مايمهه خدام
عيب اسمه خادم وفرح شلون
وعلمعون دارت عسر الأيام

لاتطفه ناري وكلبي لايبرد
كل عام حزنج بيه يتجدد
بدموعي أبدي عام المصيبه
الينساج من الحاربج ينعد

000000000000000000000000

أصفن ويه روحك زين
كول شصار بخت حسين
وعلي ميت ضميره الماألج يندم
شفرح واني فاكده ام
وكابلت الصور والطم
مكابل صورت امي وكاعد املثم

خدم ونعرف قدرج يل اميره
طاري أسمج يبجي العده غيره
ردنه بصحنج نعيد السنه هناك
بس ما صارت الهضمه الچبيره

العام يمج بل صحن نفتر
بهايه السنه كطعونه المعبر
نتاني الخبر من ينفتح دربج
مسدود دربج والهضم يكثر

000000000000000000000000

حزني الضيمچ أتجدد
وكلبي عليج ما يبرد
شلون فرح ييمه وانتي مهضومه
جم عام ويمر جم عام
شالع كلبج اسم الشام
وكل مغرب يمرچ ونتي ملچومه

كشخنه بثوبنه وبهدومنه السود
فشله أفرح وباب الحره مسدود
وماحل ال نكاب عليج يم عون
ونذكر غربتج ودموعنه اتزود

علم عون يارب لاتكف دمعي
دارت سنه وضليت بس أدعي
وما عدي واحد غيركم وترچاه
بلخدمه يمكم حسنت وضعي

000000000000000000000000

اوصي اجروحي يوميه
وشوغن عدنه مسبيه
ليش فرح ومسبيه انتي بت فاطم
زينب هايه مو مريم
حركتو عليهه المخيم
صخام وجوهنه ويحرسجن الظالم

ريت العمر يخلص نوح و.ونين
عل الشافت أخوها يدور معين
مايهمنه الحجي باقين بل نوح
فدوه الطاري اسمج تنشف لعين

كون عل زينب عيني أعميهه
اثار صطره بوجهي اخليهه
شفرح وزينب ضيمه شبعانه
مو ثوبي أفرح فشله سويهه

صباح جهاد

يا علي خدام السلام عليكم

شتركو بهاي القناء شاعرهه كلش مبدع ولاتقصرون ويا فدوه اروحلك
https://t.me/IIY13

لاتقصرون ب أعادة نشر فدوه اروحلكم

https://vt.tiktok.com/ZS6kJXKKB/

https://vt.tiktok.com/ZS6rJp3TA/

راس السنه

راس السنه دار وراس الحسين
برمح يندار كل مازينب اصيح
واحد واحد وفرحانه بي ناس
ربع حسين واحد واحد ايطيح
مو بس كل سنه عاشور كل يوم
عد ال يعرف ال طاحو مذابيح

شلون افرح براس السنه شلون
وبجي عل ركضت زينب ام عون
كل سنه حسين يموت عطشان
الراس السنه الوادم يحضرون

وال فرح مو للمثلي
وي الحسين احسلي
ماذب ثوبي الاسود
فاكد ابين شكلي

---------------
ماهمني فرح براس السنه الجاي
خل راس السنه اكضي بل مجالس
ابجي على الحسين المات عطشان
مصاب حسين شيبهه ال نوارس
فرق بين ال فرح وراح مجتوف
ابجي علل خذوهه بليل دامس

مشلوع كلب حسين مشلوع
فشله التهينه بغير موضوع
واخت الحسين بهزل بسوك
يفرحون واني بجيلج ادموع

عظم مصيب مصيبتك
ودمك مغرك شيبتك
الوادم اتاني الساعه
بس اني تاني قرايتك

---------------

الهضيمه شلون صلفه عيونها الناس
الوي حسين واضح شكله مكسور
محضره الوادم الراس السنه هواي
وانه محضر بجي عل مات منحور
مذنب وال حضرتك جاي مديون
احسن شي نروح الحضرته نزور

يم حضرتك نبدي السنه نروح
نعاهد حسين ال مات مذبوح
عامي ال جديد وياك باديه
والاخر نفس وياك بل نوح

طاري اسمك ايبجيني
عامي ابدي وي حسيني
رزقني دمعه وحركه
ومن ارد ازل عابيني

------------

شلون اني افرح براس السنه تريد
وانه ال مكسور كلبه عل السبايه
السنه ابديهه جديده وياك مولاي
الماعده ال حسين يتيهه رايه
الما يذكر الماي وركض ال طفال
احسب من الكطع عل خيمه مايه

بل مجلس ابديهه السنه اوياك
تسوه انتَ كلشي وتسوه انعاك
ابدي السنه بمجلس عزه حسين
توكفلي يوم ال محشر انخاك

خليني ثابت ديني
حبُ الحسين هديني
ماعدي غيرك واحد
وياك بقه بس خليني

صباح جهاد

https://vt.tiktok.com/ZS66NH8sD/

راس السنه

يـاعـام الأگـولن خـيـر ياعام
وبيه زينب تضل وحدها بالشام
شفرح ونه گلبي أيسولـف بهاي؟
السنه التابوتهه ماتفزع أزلام

بهاي السنه من تعمه العيون
تابوت زينب ماكو أله متون
والله هضيمه الوادم تگول
وين النعشها كل سنه يجون

شلون أفرح بهاي السنه هاي ...ونساهه
زينب غريبه تريد حماي ... وياهه
يشيع نعشها ماكو أحد جاي ...ينعاهه

♕♕♕♕♕♕♕♕♕♕♕♕♕

السنه عبرت وحس تقصير عدي
عسه الله ومن جديد وياك ابدي
مقصر ذاك عامي وجاي نـدمـان
وهذا العام أجيك بلا ذنب وحدي

جا كون اتوب وماذنب يوم
مو فتره وي حسين لا دوم
مو عشره عشرت عمر وياك
اسمك وذكرك يمحي الهموم

ماريد عام يمرني مرتاح ... من دونك
راس السنه وراسك علرماح ...يشيلونك
من گلبي مولاي الفرح طاح ... لعيونك

♕♕♕♕♕♕♕♕♕♕♕♕♕

ياراس السنه وعام الفرح دار
وراسك سيدي براس الرمح صار
انه المكسور كلبه وخاطر عليك
الفرح مو حلي كون أيتامك بنار

شلون أفرح وطولك بلا فياي
وبالطف بناتك رگضه حفاي
دارت سنه وأم عون بالشام
بغربه وحيده وفاگده الراي

راس السنه وطولك بلا راس ...بالعاشر
شفرح وخدرك حرگته الناس ...يالحاير
ماريد فرحه وضلعك أنداس ... بالحافر

♕♕♕♕♕♕♕♕♕♕♕♕♕

وانه واضح قصوري من كلامي
اعوفن كلشي وبدي وياك عامي
غير انت علمودي يا بسه الهاك
المفروض ابجي دم علمات ضامي

منكب عليك وثوبي اسود
بس انت عدي والله يشهد
ارزقني حرگه ودمعه مولاي
من اطيك كلمه فشله ابرد

مولاي رايد حركتي أتزود ...لعيالك
ماتطفي ناري وگلبي ممرود ...وقرالك
للدوم وثياب العلي سود ... أبقالك

صباح جهاد
رسول رياض

لاتقصرون خدام شتركو بهاي القناء شاعرهه كلش مبدع بلنص الحسيني
https://t.me/hh_313_ss

https://youtu.be/sMPujUUwGa0?si=fJ3P3nS8i0IzrsKs

https://vt.tiktok.com/ZS6FrS9Gn/

شجاعة مولاي ابو فاضل

هيبة علي هو النزل من ظهر الحيود
خيال ميمونه الشهم والسيفه محدود
كل ماسمع زينب نخت بل معركه يزود
ويدور اثكال ال حرب وما دور اجنود

خيال الصعاب .
ابن الشلع باب . عارك بنتقام . ابو فاضل
ابد ماله مثيل ..
سوه لمستحيل . عجز منه الكلام . ابو فاضل

كلهن لايگات عليه غيره ومرجله وعفه
ماي العلگمي متانيه رايد يروه من چفه
من اغتاض صار أرگاض من الحومه للكوفه
الفرات أتشاطر من الخوف من الدم طفح جرفه

@-------
سبع الشريعه الهاشمي كلبك ولا خاف
يمحير عقول ال بشر يل كلك اوصاف
عل مهر وتكر بلزلم ورايه عله الجتاف
ماتنهزم وكت ال حرب ومشرد الاالاف

الف يردم الف
يكر بيهه ويهف .جثث ساتر صطر . ابو فاضل
جثثهم طوفت
العقيلة كيفت . خبط ماي ال نهر .. ابو فاضل

تولهم صدك عباس خيل وناس كام ايكر
خلهه الكاع ما تنشف كد ما يذبح ويشمر
جيش الاف انت بسيف واحد كاطع المعبار
دواس الشوارب حيد وعله خشومهم تعبر
@---------
ياغيرة الله بلا ارض من زغره سقاي
يا درع اخوك ورايته يحسبونك هواي
بكد ما مخوف كربله فتحولك ال ماي
كصتك نهر ترست خيم مولاي مولاي

العدد بي موقياس
هو صعب ينجاس .صعب عده سهل . ابو فاضل
يشلال ال خيام
يرضرض بلعضام . يطر سيفه العدل. ابو فاضل

ساقي وبيك كل الزود وياك التعب يسوه
حاشه مقصر العباس فعلك عابر ال خوه
ماينقاس بيك الجيش وانت والوحدك عسكر
فايض ماي يم حسين ضامي بشوفتك يروه

@--------
من حشمت بسمه ركض كدامي فزاع
بدويه اميه وانجبت من حيدر اسباع
دمهم وصل كتر الخيم ومفيض الكاع
بلسابع وسبع الخيم بي تعبي ماضاع

درع صار الاخوه
اده امانت ابوه . حشه من القصور . ابو فاضل
عل شوارب يدوس
كسار ال ضروس . الهيبه ابن البدور . ابو فاضل

محد يوكف بوجهه اذ زينب جيب اسمه
والماميت من السيف يركض سابح بدمه
بكلشي يموت العباس سيفه وهيبته وطوله
والحط عينه بلعباس من يخزره هم يعمه

صباح جهاد

https://youtu.be/MemnaFVYtQ8?si=N4dxBZ0_hp1aLmgv

ملا حمزه الشريفي
الشاعر صباح جهاد

https://youtu.be/L9jS5ojMQOg?si=g8dVGo8W7fUQdmSN

https://vt.tiktok.com/ZS6eW38aR/

https://vt.tiktok.com/ZSjot5nvc/

مو وكتك نايم .. يم شيب رمشي
سديت عيونك .. صار ضلم كلشي
ياهو يباريني ....ضعنك لو يمشي
باجر احتازك ..... من يرفع نعشي

تقبل غيرك .. بلضعن يحديني
يابعد اختك .. الحك وباريني
ترضه الشامت.. ياشهم يسبيني

فشله العدو يخويه يحدي بضعنه
فشله ابجي والشماته تباوع يهلنه
مدلله اخوه زينب تمشي عل نوك
بهزله اختك العقيله ومامش محنه

-------------
متعبيك اهوايه .. وراح يتعبوني
جبروني منطلع .. حته يشوفوني
حركولي الخيمه .. جدام عيوني
مستحيه بدونك .. راح يركضوني

صاحو كلهم .. خيمه لا تبقولهن
اذءاماطلعن .. بل خيمه حركوهن
كلهن ركضن .. عل جمر مشوهن

شوج وجمر سحكنه بذيج الضهيره
يركض ورانه خويه الماعده غيره
التوكه يجيهه حافره يعبره عليهه
ما مستراحه زينب حرمه وجبيره
-------------
بلا في ضلينه ...... ماهيه الرايه
خيالي مرافكني .. مستحيه هوايه
الماخاف من الله .. سمعني حجايه
الهاضمني الكافل .. فوك مسنايه

ما متعوده .. ماشوف اخواني
بس العاشر .. بلا اخو خلاني
دارت بيه .. ورافكت عداني

وتاليتي عل هزيله واتمنه موتي
جا لمن اني اضلن ميتين اخوتي
بمر العدو مشينه هاي المصيبه
عذرني يابو فاضل سمعولي صوتي
-----------
جم دير بديره .. راح ايمرونه
وتتفرج كلهه .. حجار يشمرونه
فراحنه الوادم .. طبول ايلاكونه
يم باب الساعه .. هواي يوكفونه

باب الساعه ..الوكفه جانت صعبه
الشام وناسه .. ماكو رحمه بكلبه
الماتو اهله .. عثره كلشي بدربه

حادينه خويه عمدن من نوخ النوك
مكشوفه زينب اختك شافوه بسوك
مستحيه من نضرهم لوميته ورتاح
نبجي حنه والشماته مبتشره الحلوك

صباح جهاد

حديث الناكه

مو ناكتي البيهه اجينه
عل هزله خويه مشينه . والهودج ايميل

مو كدري يبن امي هايه
الجابوني موته وضمايه . والشامت ايعيل

يا ناكه زينب خايفه
سوك وغرب ماشايفه
اني اخت شيخ الطايفه . راحت سبيه

بحبالي فوكج صاعده
مكشوف هودج كاعده
راس ابو فاضل باعده . ماجبه اليه

بحبالي كمت اومي ماكو ولي
شو عرج الناكه الجابوه الي
مو هاي الجبتوني بيه هلي
@
جم ناكه تبجي عل حالي
واني بجي ميته الغوالي . حيكم يخوتي

الغربه مشت بل عقيلة
صرت اني مثل العليلة . وتمنه موتي

ولهلي صدك مشتاكه
ويكتلني ضيم افراكه
تاليتي حاجي الناكه . غربه حدوني

ميته ولا مجتوفه
مسبيه طب للكوفه
اني ابد ما معروفه . هسه عرفوني

كاسر كلب الناكه دمعي يصب
ضعن الله بحباله غربه يطب
مالومه ومقهوره شاب الكلب
@
جنت اني محد لي محني
بسدهه امشي فيهه نفعني . من مخازر العين

بسوك الغرب بيه ناخت
يم القصر كلهه صاحت . جبنه اخت الحسين

شي عالي بي خلوني
الماشاف حت يشوفني
جم سوك بي فروني . فوك الهزيله

مشلله حجار ال فازعه
وال سوك زينب راجعه
حيل صرخوا عل واكعه . ياهو اشتكيله

بسطوح يشمرونه خويه حجر
والناكه البيهه اني طكهه وعبر
وحجار هفو الاحو راس الكمر
@
من يشبج ايده الصعدتي
منكعه ضهرهه ابدمعتي . ومحروك دمي

من فوك اذب روحي فدوه
وعل روحه جبروني كوه . متغير اسمي

يا نار كلبي الواجه
كل ليل يعبر حاجه
جتال اخوي نرافجه . هاي المصيبه

ولارايه فوك اضعونه
جبتونه وتعوفونه
وسفه غرب يحدونه . زينب غريبه

ودموعي شايفن ترضه عدو
لاخيمه ضلت لا والي اكو
مسبيه صاحو ماليه اخو

صباح جهاد

تعب بين علجدام
صعب ممشاهه = وتفر موتاهه
فدوه شماطحت تستاهل الخوه
يهاشم حيكم
عل كبر الحومه = الضهر شو نومه
تعبتو وياي وياكم تعب يسوه

اجيت اوفي حكك = وجيت ارد شبكك
ويدري شمعزته اخوي عل كلبي
مشي الفاكد شلون = طحت يهلي تدرون
طيحن واكومن مهم اكضي دربي

اوكع وكومن يمذبوح ما شايف
تستاهل شما ركضنه وميخالف
جم عثره يحسين عثرجدمي الخايف
@@@

وصلت وشفت الحسين
وذر متوذر = شكثر مطشر
الم بيك وتجينه الخيل وطشرك
الذبح ماكفه
سهام بصدره = ورماح ابضهره
ثكل حافر الخيل شسون بصدرك

عل صفاحك اثار = دبج حافر كبار
وثكيله رجلهه الخيول اللعوجيه
مطر تمطر سهام = بسهامه شفت كام
المصيبه الحسين ترس دمه اديه

بسجن يلخيول سحك منه وكافي
دمك ترس كاع الطفوف يل غافي
المتوذر اشلون اتجي على اجتافي
@@@
الفزع شمسوي بحسين
يالاهي ادخيلك = بقيت اشكيلك
وحد وفوك طوله جمعو جيش
الحرم فزعتله
عكب ماذبحو = عكب ماسلبو
هو المثلك انت وينطلب بيش

جت ليه نساوين = تفرهد الحسين
افا وزلمه ماضله واحد يسنده
البقه زلمه تعبان = يحشمله دفان
عليلك كسر كلبي كلما انشده

ايلم بل نساوين مريضك خي عونه
ولفو بل حبال وحبل دار بمتونه
بل كوه ممشا تعب وي دفعونه
@@
ينايم والرمل حار
بلا في باقي = يروح الساقي
جنت اغفه وعباته صيرلي فياي
افي بيمن
ورد حك دينه = كبل فيه الينه
ضلت بس عباتي وستري فوكاي

عله وجهك يمكلوب = العذر خويه مطلوب
لون عدي حل ما عوفك رميه
اريد ابقه ما روح = والف بيدي الجروح
غميجه الجروح واشدهه بديه

تغيب الشمس كون والغروب ماتبرد
يا جرح ادوي ولي الجروح ما تنعد
بكد ما غميجات يل حسين ماتنشد

صباح جهاد

اتمنالك الموفقيه حبيبي

السلام عليكم أخوتي خدام سيد الشهداء عليه السلام خادمكم محمد عيسى شاعر مبدع بكتابة القصائد الحسينيه أتمنه تدخلون تشتركون بقناته وتتواصلون وياه وأن شاء الله ماراح يقصر بخدمتكم ونسأل الله التوفيق للجميع

https://t.me/hhmmnx

محرم فاظمة

مهضوم ويبجيلج دمعه .
حيدر كامت كلهه سمعه
كوه يكوم وكوه نرجعه . حيدر

كل ليلى تمر ليلة حسره .
بلحجره ويبجي علزهره
يكسر خاطر دافن عمره . حيدر

اجرك الله عل صار = بضلوع فاطم بسمار
الي ندعو بيه صحاب = شمرو النار على الدار

دمعتي طاحت . فاطمه راحت
زينب صاحت = يمه يمه شلون بينه
والقلع خيبر . يمشي مايكدر
هب هوه ويعثر = حدبه فكد الحنينه

اجرك الله يا علي
@
تابوتج شاله على متونه .
هو الدافن روحه شلونه
ماشفتي من حمره عيونه . حيدر

جم اه وجم حسر ولوعه .
تارس كبرج ماي دموعه
شفنا يلطم فوك ضلوعه . حيدر

مهدوم حيله مهدوم = دمعه عل خده مرسوم
هاضمته حسرت فركاج = عل كبر مايرضه يكوم

عل كبر يبجي . ماقبل يمشي
حجي مايحجي = اني الزغير واصبره
خنكته العبره . يبجي عل عشره
وكاعد نتضره= علي بكلبه النار كبره

اجرك الله يا علي
@
بترابج جم شمعة وحشه
حيدر يم كبرج من غبشه
يمج راد افراشه يفرشه .. حيدر

شاف الباب وعاين دمج
رد مهضوم ويندهه بسمج
ميته ودمعة عينه تلجمج .. حيدر

يتراب هاذ ابو تراب = جواك دافن احباب
وبجفه خيبر مشيول= صعبه يلف النكاب

وحشه ضل بيته . دفن عافيته
بدمعي حاجيته = بويه والله الفركه صعبه
باوع الدمه . العصره يفهمه
حاس بلمهه = كاض ضهره وكاض كلبه
@
طب الحجرتنه وما شافج
اضلم بيت عياله خلافج
صعب لحضه بكبرج عافج .. حيدر

اليفكد حك مايبرد دمه
رد بل كوه يحرك جدمه
حيدر كام طيحه النسمه .. حيدر

وياج موتي تمنيت . اضلم خلافج البيت
ليل شي خلصه ليل= والفجر ليج تعنيت

ما غفه بليله . كمت اتجيله
يصبر ادعيله = علي مو كواك يمه
عازتج عازه . حيدر جنازه
بموتت عزازه = دمعه طاح بطوله هضمه

صباح جهاد

محرم فاظمة

ييمه فراكج صعب
ييمه دمعي يصب .. كسرو ضلعج فاطم

العمر مايسوه العمر
يتيم امي من زغر .. عاصر امي الضالم

وجيت شمعة وحشه ماهيه امي .. يمه يمه
صعبه الايام وزاد نوحي وهمي .. يمه يمه
فاركت وجهج يمه يابعد اسمي .. يمه يمه

اضلم عل فراك فاطم بيتي
صعبه صبر روحي ماهيه انتي
راحت امنه وصار اضلم بيتنه
حالنه يكسر كلب ما شفتي

@@@
عل فراكج ماصبر
ابونه ابكبره نكسر .. حيدر دفن روحه

بجه وحد بحجرته
علي نزلت دمعته .. يهدم حيلي بنوحه

من تراب كبرج تارس عويناتي .. يمه يمه
ودموعي تجري نكعن هديماتي .. يمه يمه
لو احجي ياهو يسمع حجاياتي .. يمه يمه

هواي حجيي البلكلب ضميته
علي محدب بل خيم لاكيته
صار يم كبرج نواعي الفاكده
موتي وي موتج حلو تمنيته
@@@
زغير ورحي نسبت
بلحد امي توسدت .. شمعت بيتي راحت

الطمنه لطم الهضم
كضيناهه بس لطم .. فوكج زينب طاحت

سوينه مئتم نلطم على ضلوعنه .. يمه يمه
ونذكر السطره وحومرينه عيونه .. يمه يمه
من فكدج وبين صدك موضوعنه .. يمه يمه

كون موت ولا شفت تابوتج
يمه متعودين نسمع صوتج
راحت منه وعلي كض صفاحه
اتمنه كبلج ميت ولا موتج
@
ال كبر ماخذ فاطمه
وبجت املاك السمه . ودافن واهس عمري

انام وطيفج يمر
فزن وبجي شكثر . بضيمي الفاكد يدري

امنيتي كل الحضه وشوفج كربي . يمه يمه
بعمر الطفوله وضيم شابع كلبي ... يمه يمه
عل باب لسه عيون زينب تربي .... يمه يمه

وزادنه من انمده تانيناهه
غير تقنع روحي فاركناهه
المغرب يموت الفاكد روحه
نذكر امنه السفره كفيناهه

صباح جهاد

محرم فاطمة

ثكيل الباب مدفوع عل ضلعج
دفعو بابنه الحد طيحت ابنج
عله حايط بيتنه مطبوع دمج .. يا فاطمة

علي زلمه كوي ومكسور شالاج
صعبه اصير الايام عله فركاج
مكسورت ضلع ونتلهوج وياج .. يا فاطمة

حكه ابونه دمعته تجاره .. روحتج يمه اكبر خساره
شفنه حيدر دمعته علخده .. وشفنه واضح عليه انكساره

يمه طحتج صعبه علينه
يمه حنه شفناج وبجينه
يمه اليله ماتكضي بسلامه
يمه تفارك الدنيه الحنينه

---------
يمه بشيلتج جم شده شديت
اذ سديتي عينج نكرهه البيت
كبلج كون موتي يصير ياريت ..

متاني حجايت امي وكرب ليل
كل ما تحجي رادت تلجم حيل
مناشغ بل بواجي والدمع سيل ..

يا طبيب اليطيب كسرهه .. رفسو الباب عله امي عصرهه
كوه تحجي يئذيهه لمهه .. وعله خدهه النذل هم سطرهه

يمه بلكي تحجين واسمعج
يمه تباوعلي ويجر دمعج
يمه كون فوكي لباب طايح
يمه اثر جفين عل خدج

-----------
حجي يتعب الزهره هواي كالوه
الدعو بيهه صحابه الباب دفعوه
بغضن بل رسول للبيت حركوه ..

نكسر ضلعج ييمه ونزلن دموعي
وعلي يمج تهون شلون موضعي
وباجر خيلهم تركض عله ضلوعي ..

لي ندعو بيهه من الصحابه .. طيحو محسن امي العصابه
صاحت امي سنديني يفضه .. ان وان جان يكول بجوابه

يمه طيحو محسن جنينج
يمه بياء ذنب جا دافعينج
يمه نكسر الخاطره بقينه
يمه كلبي مكسور ابونينج
------------
حوبة هل مره عد الله موسهله
تكابلنه وبواجينه العصر تعله
صعب كسر الزجيه ماضل عدله ..

غضب الله الغضبه وطاحت بلوه
هوت الكاع فاطم والعرش يهوه
شما ينزل دمعنه الخاطرج يسوه ..

والوجع ريت اديره اليه .. ولا اصد لمي تبجي خطيه
حاوطينه امنه اني وخوتي..شكد بجينه عل امنه الزجيه

يمه عليج ماواكف دمعنه
يمه كون مو بيج بضلعنه
يمه مدللتنه امنه الزجيه
يمه شصار بينه من سمعنه

صباح جهاد

كلش معجب بشاعريته خدام ضيفو

https://t.me/uv_ub22

شجاعة مولاتي زينب ع

حجت زينب وكلمن عاف سالفته
طبت للقصر صار القصر سكته
حتى عله الرمح عباس جبته وياي
جذب من كالك عباس عاف اخته

انه خت الخله صعبه الريگ يعبر
الي ولهلي الحجي سكت لاطفر
انه بت علي زينب وخت الحيود
نسيت شلون جف عباس يسطر

اسكت لايجي الموت
يصد عليه مبخوت
باوع عل رمح زين
قبل ماجانبك صوت

-----------

بين اهلك وهلي نقارن اليوم
عل ساقي العرش ياهو مرسوم
ابوي الافتئ المعروف كرار
وابوك الشارد وشمرها الهدوم

انه بت حيد واصل الحيد كرار
بلخندق دفنهم وتعرف الشصار
وجف حمزه البخدك ضال نيشان
هواشم أهلي وأهل حطب للنار

ابوي الافتئ الحيد
وابوك الشارد بعيد
الفرق مابيه هواي
الكهوجي وي الاجاويد

-----------
انه خت شيوخ كلفين وهل ميدان
رفعو راس زينب ونعم هيج اخوان
خطبت زينب وكزبرت شعر الجيش
حرمه اخت أبو فاضل سكتت ديوان

طبت للقصر بس رافعه الراس
بزينب بينت غيرت ال عباس
للتاريخ ضلت جلمت ام عون
ما تمحون ذكر حسين يا ناس

وحق امك الزهرة
تضل للموت ذكره
المو وياك خسران
لان حسين عبره
-----------

اهل زينب شيوخ وكلهم ايشورون
صعب تمحون ذكر ودوم متكدرون
الولد ماكو اغلى منه بس للحسين
تستاهل حسين وافدوه الك عون

ياهو الكالك بينه العطش دام
بس حيهم نخيته وشد الالثام
رف شارب اخوي وكال يم عون
لفر مسره نهر يم صوب الخيام

اخت عباس انه
وتضل دومك ورانه
باجر تعرف الناس
مجانك لو مجانه
----------

صباح جهاد

شور

ركضت عل الحرمه الفزع
الماعده اهل بيمن تحتمي
شمرو مشاعل على خيم
وماتطفي خيمت هاشمي

نار شكثر .. من كل كتر
حاطت خيمنه نار الضهر
يهل الشيم .. الحكو الخيم
طفولي خيمه سد الستر
طفال نجوت .. وتمرمرت
وبيا ذنب من داسن جمر

جون اديهه بل خميه زينب
ما تنكحم نار ال غربه تلهب
نار وصهيل خيول وشماته
خاف لطفل بذيال امه جلب
@@@
مابين اجي ومابين اضل
بعيد المسافه ومرني خوف
اوكف زلم اركض زلم
هدالي حيلي ركض الطفوف

من مستحه . اقره الفاتحه
صعبه وصلتي يم الجسد
انخه منو .. وماعدي اخوه
يم طول النومه وماكعد
فدوه اله .. عون وهله
تستاهل اركض عفت لولد

ماهمني بزري وجيت علموده
جنت ابئمان وخيري بوجوده
اطيني حل خويه وبقه نايم
مايحجي اخوي اشرلي بزنوده
@@@
طاح وشفت فوكه جمع
ماباقي شي بي من الطعن
بنص العده حسين انوله
بس كربت يمه سمع يون

سيف ورمح . لاحه الصبح
بعيوني شفت شلون نلوه
كبالي النهب . ثوبه نسلب
وذبل ملامح شكله الهوه
دمه يخر ... من كل كتر
وبدمه ابوجن عمه ارتوه

يمطهر ال طف بدم خضابك
شيخ العشيره وسيد شبابك
شمسويه بيك رماح الاجانب
كلشي يهون الاعضم مصابك
@@@
صعبه عل زينب والحرم
مجتوف ادين العلويه غاد
خيل وزلم تركض سوه
لاحامي وخيمجن بس رماد

بهيمه ركض . خيل تعرض
وتدافع ويل خيل النسه
طاح نسحك . الضل حتراك
بهل حاله شنسوي بكربله
لمت امس . مو مثل امس
بذيج الخيم جان اخر لقاء

للخيمه صد نار الخيمه عالي
ال طف اباوع بي بس غوالي
بهل حال زينب شسوي خويه
الهاضمني اشوفن باكو حلالي

صباح جهاد

ملا احمد الزيادي
الشاعر صباح جهاد

حسابي الانستكرام 🤍

sbh_jhd

وين احصل مثل اخوتي المايجون
خلهه عيني شمابجت تستاهلون
جنه بل خيمه سوه بذاك الصباح
هسه بل خيمه الشماته يفرهدون

ودموعي شايفهن ترضه عدو
ولا خيمه ضلت لا والي اكو
امري صبح موبيدي يا هلي
مسبيه صاحو ماليه اخوه

ليش ليش ليش وادم عل مخيم هاده
ليش ليش طفله زغيره بل طف شارده
ليش ليش ضامي ويدور اميه البارده

@@@
ليل غربه شطوله يرعبنه الضلام
بل خرابه وساده ماكو شلون انام
الخايف يلم روحه لويسمعله صوت
شكد سمعنه اصوات مرعوبه اليتام

كل ساعه موتي يمر اصوره
صهيل بضلامه يخوفنه تره
خافن بنات حسين و جلبن
ضلت مره ملزمه بجف مره

خوف خوف وين اخوتي وين جون وعابس
خوف خوف الخوف يبس دمي شامت حارس
خوف خوف شحالهه الطفله بضلام الدامس

@@@
ليل راحه بس ولابي راحه شفنه
لا مسه رتاحينه لا حته ابصبحنه
ليل راحه بس ابد ما شفنه راحه
اليتعب بليله يهود وحنه خفنه

ماشفنه راحه من هاي الغرب
كل ليله مرت تكسر جم كلب
جوع وعطش هدحيل العايله
عل هزله اغفه كضيت الدرب

حيل حيل دار بيه الوكت عكب خواني
حيل حيل متني ازرك من ضرب عدواني
حيل حيل حيل مهضومه العدو شافاني
@@@
جابو ال روس ابرماح ال عاليات
ايسن من حسين عمه حسين مات
مو مهم اني الهم اطفال اخوتي
طفال اخوتي شلون بينهن خايفات

الما يسمع احجايه خشنه قبل
وجهه نخطف لن جابوله حبل
تخاف الفواطم كاتلهه البجي
خايف خطيه ضل عدنه طفل

وين وين الدكلي صدره دم جمد بعيونه
وين وين زلم هاشم نومه وحنه اشلونه
وين وين يدير شوفه الماله بلطف عونه

صباح جهاد

ملا يحيى البنداوي
الشاعر صباح جهاد

مولاتي رقيه ع
شور

جا عمه جينه وبيرغ يرف
وهسه مشينه وماكو عرف
يا عمه شدو جفي ال ترف .. عمه

جا غير ابوي يجبونه عمه
جتال اهلنه يرافكنه زحمه
يتعامل ويانه بلايه رحمه .. عمه

فايض شوكي ... عل ابوي الذبل
بذيج الهيمه .... بل رمح ما نازل
مجتوفه ايدي ..خل نحله نحاول .. حسين

زركه صارت .. ترضه عمي متوني
بين ال غربه.. يا هلي تعوفوني
طاحت رايه .. من كفيل اضعوني .. حسين
@@@
البنيه تنطك تركض الابوهه
الماعده ابوهه تروح الاخوهه
واني رقيه شوه فاركوهه .. عمه

مات الحسين وضلن بناته
شبعن بواجي بنص الشماته
مايرضه نبجي حنه مدللاته .. عمه

شافت عينه .. شلون زركه عيوني
انطك وركض.. الكربك يدفعوني
حالي يبجي .. كبالك ايبجوني .. حسين

ابجي بسكته .. مناشغ عل فراكه
طلعت روحي ..الشوفتك مشتاكه
اغفه واوعهه .. من تميل ال ناكه .. حسين

@@@

بحضانه انام وتارسني عطره
ماتغفه عيني اله على صدره
وتعبانه هسه عويناتي حمره .. عمه

بذاك الضلام ومامش كرابه
ماشفنه راحه بذيج الخرابه
مجروحه وغفه فوك الترابه .. عمه

تغمض عيني .. وسيرلي اطيوفك
واني بطيفي .. جفي فوك جفوفك
فحطانه كعد .. يمي بس ماشوفك .. حسين

سوط بجفه .. ..هم يطك ويرافس
صوته يخوف .. جان شامت حارس
بذيج الهيمه .. .. والضلام الدامس .. حسين

@@@
ميت عزيزي والمن احاجي
لو دري بيدي نطي الترجي
ثوبي نكع من دم وبواجي .. عمه

اني الزغيره هاضمني صبري
ليل بنهاري دم اذني تجري
جبولي ابوي وناذرته عمري .. عمه

ثكيله جفوفه .. لاح وجهي بجفه
وينه حسيني .. اني بته ال ترفه
يقبل هوه .. .. بل صحاري اتحفه .. حسين

جابو راسه .. وغمضت يم راسه
جامد دمه .. وكلبي حن النفاسه
المثلك هيبه .. شلون حافر داسه .. حسين

صباح جهاد

يمه يمه
شلع كلبي اخوي وكسرني
عضيدي نخيته وهضمني
احبه ابن ابوي ويحبني
يمه يمه
العطش عادي حمله له هوه
من شوفه يرد وحدي اروه
عليه دمعي من يجري يسوه

عطشانه خوه موماي . بعيوني حجي هواي
ما حجي
عل كافل دمع سيل .. يا حيل ميت الحيل
بس ابجي

من جنة ندهك وكعد وياك
بعيوني ما خليت عيناك
مكسور خاطر كوملي نخاك
@@@
يمه يمه
صعب سيفي لزمنه حاير
الفزع هد وانه بلايه ناصر
ال شريعه اصدن واناطر
يمه يمه
اخاف من كل لختي افزعي
من اموتن الج عادي طلعي
عدل هسه اشوفج ارجعي

بلخميه انتي تبقين ... زينب لا تطلعين
من اخيامي

المطالعه انتي فد يوم . يركضوج مابين الكوم
كدامي

يحركون كلبج خويه بيه
يركضوج من الخيمه اليه
ومن دونه صارت سبيهه
@@@

يمه يمه
رمح دجلي ضهري صحتله
طحت واني اباوع حرمته
متت ما شفت حالت اخته
يمه يمه
اجينه سوه وعفنه زينب
الذبح هين عليهه انحب
امانت علي كلفه تتعب

نوحج يهدم اجبال .. حجي اليغثج ينكال
علخوه

الدور دورج يم عون .. سكتي الطفال اليبجون
هم بلوه

ياهو التشوفي والتعوفي
ويعينج الله عل تشوفي
عل نهر حادي الناكه وكفي
@@@
يمه يمه
عل شيبي دمع عيني طايح
رخه ضهري وحزامي رايح
يبس ريجي ما بيه صايح
يمه يمه
صحت يابوفاضل عضيدي
شتياق وقلق ترجف ايدي
كرب موتي ونحز وريدي

يحزام ضهر الحسين .. وسهام ترسن العين
ماشافني

ادركني صحتك بصوت . من كرب عليه الموت
من عافني

من مستاحك اتغرك الكاع
تعب العمر وياك ما ضاع
اشريك لو بل روح تنباع

صباح جهاد

ضلام الطف

صحره وماكو والي وضعت ماندل
جيت من الخيم فحطانه كتر التل
خيل وناس بلطف ضلمه صار ليل
ومن صهلت الخيل وغارت اتختل

البد بل عبايه وضلمه مانشاف
وماطر الفجر لنه بطلاع الروح
ومن طر الفجر وتكربت موتاي
لكيت زلامنه مذبوح يم مذبوح

ومابيك كومه ... هلي
عله كبر الحومه. هلي ...نومه ومحد فزلي صحت

بل ضلمه نخاف . هلي
موش اني نعاف . هلي . ما شفتوني يمكم طحت
@@@

ولميت الحم بيدي وجمعت الروس
بوجوهه الزلمه ماضل مجان تبوس
معورين الوجوهه ابسيف مامحدود
وعوف السيف حافر بلخدود يدوس

دم الساده يجوي وتارس الكاع
الم بيكم ونشف بل عبايه الدم
قران الحسين نذبح راس شلون
راس حسين مومالت ذبح ينشم

هوس بل روس . عدوه
بضلوعه يدوس . عدوه .حركو كلبي ودمي سوه

دمكم بل كاع . شفت
مذبوحه سباع . شفت .من دم نحر حسين رتوه
@@@
وماسكتن بجي وماي العيون ايهل
عل موتاي ابجي بس الوادم اتهلهل
الله المشتكه عل شفته من الجيش
سبونه وخذو كلشي وماهوينه الذل

شيخ يموة غير علام فوكه ترف
لارف علم غربه ولا علمنه نشال
العشاير ماجت الحسين مطلوب
وشمسوي الحسين وهيج ينكال

تعبانه هواي . تره
سبو موتاي .. تره . المامش رحمه بكلبه يسب

يطلبوكم ثأر . هلي
حركتنه النار . هلي . شمسوينه حنه بيا ذنب
@@@
الذبحكم شفته اجه من بعيد وملثم
كامش سيفه بيده وصعبه جا نسلم
كمل من ذبحكم وجه علينه ال نوب
وبثياب ال ذبحكم شفت جامد دم

شعر بسيف جامد شايل السيف
وشعر حسين فوك السيف جامد
جدامي المساوم صار عل روس
عله راس حسين دفعو مال زايد

مو حاد السيبف . صبح
ذبحك عل كيف . صبح . من الكفه صار الذبح

ذباحك منه . خفت
وعلينه دنه . خفت . بثيابه دم من ال منذبح

صباح جهاد

خيمه وماهو بيهه انت
عمود ال خيمه طيحته
شسوي بخيمه يا خويه وخيمه وانته مابيهه

ماريد الخيمه . خل البقه بهيمه
طاح البانيهه . مايرحم ضيمه

مومن جرح من جلمه نلجم
انت المهم مو خيمه المهم
ارض بترابه خويه استراح
بس كونك انت بينه تلم

برماح شفناك . عفنه الخيم . برماح شفناك
نتلاكه وياك . راس برمح ..... نتلاكه وياك
-----------
تعب زينب يذبحونه
بسهام نسدن عيونه
منيتي شوفني عيونك وشوفك ماخذه اليرمي

نايم عاذرتك .. بس اني الشفتك
لو شايف حالي .. جا ماعفت اختك

عايفني واني بحيرتي بقيت
بيدي حبالي ابهزله مشيت
اني اخت ابو فاضل ياحرام
مذبوح اخوي وماعدي بيت

مذبوح يا حيد .. بذاك الضهر .. مذبوح يا حيد
والموش اجاويد . يسبون بيه . الموش اجاويد

----------
وبصف الجرف ضامي
مارد جوده ال خيامي
شال الماي رد بداه عرض جدامه ابو لاكبر

يم وفي الخوه . ضامي وما يروه
الماي بجفينه . طشا ما يسوه

محد يعرفه جان الفرات
لوماعطشنه وضيم البنات
يبست الهاة ازغير وجبير
منعو علينه هوايه شمات

نتلهوج هواي . متنه عطش . نتلهوج هواي
يبدون بل ماي . كدامنه ..... يبدون بل ماي
------------
ينشدني بنات حسين
دلينه ال شريعه منين
طول عمنه يم الماي مو من طبعه يتعطل

رد فارغ مهرك . شحال ال تنتظرك
ماشفت سكينه ... تمنت توصلك

عل تل وكفنه شكد ننتظر
شحال البنات بذاك العصر
بشوفت مهر عمهن كيفن
لمن وصل بس خالي المهر

وبدون خيال . رد المهر ... وبدون خيال
جابولنه حبال . جابو هزل . جابونه حبال

صباح جهاد

ملا يحيى البنداوي
الشاعر صباح جهاد

https://youtu.be/HGeVPJJltYE?si=mqm6W2T-ow5qq7f0

تقول الرواية انه قال لاهل بيتة لا يدخلة علي أحد من الناس لعشرة ايام اريد ان ابكي علئ فاطمة

محرم فاطمة

ابجيج وحدي بخيمتي
الحد ما وشل دموعي
وصيت لا واحد يجي
ارد الطم على ضلوعي

كسر اضلوعي الخاطر الزهره
والحد يجي ويدنه اللحجره
عشرة عمر ارد بجي علعشره

راحت . محروك كلبي وماطفت ناري
راحت . اضلم الدار وموحشه ادياري
راحت . بساعت دفنهه ضاعت خباري

@@@

رفسو الباب بلا اذن
كسرو ضلعهه بعصره
ياباب ثكلك مو سهل
طاح عل طول الزهره

يا زهرت اسنيني وكبل كلشي
صعبه الحبيب بروحته يجفي
يا بعد عيني وشوفه ورمشي

فاطم ...بل كوه خلص ليل من دونج
فاطم . بلطيف تعرض شوفت عيونج
فاطم . كل لحضه أني وبزري يبجونج
@@@
ماغاثهه ببسط حجي
شلون العدو يبجيه
يا دمع يوفي فاطمة
شما بجي ما اوفيه

كلشي سهل بس الفكد جارح
وي طول فاطم بعد ما صابح
شحال اليحب من محب رايح

ويلي . طيوفج يسيرن لو نمت ليلي
ويلي . فكدج كسر كلبي وهدم حيلي
ويلي . وال كومه تصعب من يتجلي
@@@
مجلبين ولدج بنعش
بل كوه نعشج شلته
حسين يبجي يم حسن
ويبجي ويباوع لخته

والدي عل امهم جلبو بيه
شحال اليتيم الامه ما هيه
كل لحضه نبجي عليج يوميه

صاحو ... زينب قبل لا تدفن اتريدك
صاحو . يا علي راحة فاطمه امنيدك
صاحو . دفعو الزهره وكتلو اوليدك

صباح جهاد

عيد عدهم بل شام ... سبي العقيلة

محرم فاطمة
شور

دفعو الباب عل امنه شلون فاطم تندفع
دفعو الباب الثكيله وكسر ضلعج ينسمع
دفعو الباب لعصابه وطاح بابج عل ضلع

باب الثكيله طاحت عليه
ما تكدر امنه تحرك اديهه
بين الجدار وباب عصروهه
كسرالضلع جاشمسوي بيهه

يمه يمه ابنج طاح
يمه يمه محسن راح
يمه ميه شصاير بيج
يمه يمه حسينج صاح
@@@
حاوطو دار بحطبهم حت ضل بلايه دار
حاوطو دار النبوه وخلو بكل صفحه نار
حاوطو دار الزجيه وبل صدر بسمار حار

بروحي دواج ولكي اجيبه
كسرج يايمه يصعب طبيبه
ايسنه ابونه من امنه فاطم
هل ليل حيدر فارك حبيبه

يمه يمه بوجهج اثر
يمه يمه متنه قهر
يمه يمه متعبج الم
يمه يمه ضهري نكسر
@@@
فاطمه الحرمه البريئه ضلوع عدهه مكسره
فاطمه الحرمه الجليله جبيره حوبتهه ترره
فاطمه الحرمه العالمه عنهه تحجي الكوثره

وبيا ذنب عصرته الصابه
لا مو صاحبه ذوله عصابه
ان اعطيناكه ال كوثر
ذاكرهه رب الكون ابكتابه

يمه يمه بحضنج انام
يمه يمه صرنهه يتام
يمه يمه احجي وياي
يمه يمه كلبج شضام

@@@
وياج ليلتنه لاخير ليله ماتجزي بسلامه
وياج ليلتنه بواجي ولصبح نصبح يتامه
وياج ليلتنه بئلمنه صطره بخدودج علامه

ليله الاخيره ويل هاشميه
ابجي عليهه تبجي خطيه
ياربي طول عمر امنه لنه
متوسده بفراش ال منيه

يمه يمه فتحي عين
يمه يمه اني الحسين
يمه يمه الزمج خوف
يمه يمه تنلجمين

صباح جهاد