FHC Corporate Communication Directorate

የኮርፖሬሽኑ የማኔጅመንት ካውንስል አባላት የስትራቴጂና የግብይት ዓቅምን ለማሳደግ ስልጠና ወሰዱ።

የፌደራል ቤቶች ኮርፖሬሽን ከአዲስ አበባ ዩኒቨርሲቲ ንግድ ስራ ኮሌጅ ጋር በመተባበር ለኮርፖሬሽኑ የማኔጅመንት ካውንስል አባላት የስትራቴጂና የግብይት ዓቅምን ለማሳደግ ያለመ የሁለት ቀናት ስልጠና ሰጠ፡፡

ስልጠናዉ በስኬታማ መንገድ እየቀጠለ ያለዉን የኮርፖሬሽኑን የለዉጥ ጉዞ የበለጠ ለማጠናከር እንዲሁም የቢዝነስ ስትራቴጂያዊ ጉዞ ቀጣይ የትኩረት ማዕከል ላይ ያተኮረ ሲሆን በዋነኛነት ቢዝነስ ስትራቴጂ፣ ማርኬቲንግ ስትራቴጂ፣ ቢዝነስ እና ፋይናንሻል ሞዴል በሚል ርዕስ ተከፋፍሎ ተሰቷል።

የኮርፖሬሽኑን ሀብቶች በመለየት ለዘላቂ ውድድር እና ትርፋማነት አቅምን እንዴት እናሳድግ? ጠንካራ ጎኑን እና ክፍተቶችን በመለየት ክፍተቶችን ከችሎታና ከብቃት ጋር በማጣመር በምን መንገድ እንቅረፍ ? በሚሉ ጥያቄዎች ላይ ሰፋ ያለ ዉይይት ተደርጓል።

ስልጠናዉ በቀጣይም እያንዳንዱ የስራ ክፍል ስትራቴጂያዊ የግብይት ዓቅምን በማሳደግ የኮርፖሬሽኑን ስኬታማ ጉዞ በይበልጥ ለማስቀጠል እንደሚረዳ የስልጠናዉ ተሳታፊዎች ገልፀዋል።

የኮርፖሬሽኑን የለዉጥ ጉዞ የበለጠ ለማጠናከር የቢዝነስ እና የማርኬቲንግ ስትራቴጂያዊ ጉዞ ወሳኝነት ላይ አፅንኦት በመስጠት ስልጠናዉ በተሳካ ሁኔታ ተጠናቋል።

የፌደራል ቤቶች ኮርፖሬሽን ከአዲስ አበባ ዩኒቨርሲቲ ጋር በመተባበር ለኮርፖሬሽኑ የማኔጅመንት ካውንስል አባላት የስትራቴጂና የግብይት ዓቅምን ለማሳደግ ያለመ ስልጠና በመሰጠት ላይ ነዉ፡፡

ለኮርፖሬሽኑ አመራሮች ሲሰጥ የነበረው የግንዛቤ ማስጨበጫ ስልጠና ተጠናቀቀ

የፌደራል ቤቶች ኮርፖሬሽን ለኮርፖሬሽኑ አመራሮች በሙስናና ብልሹ አሰራር ዙሪያ ለሁለት ተከታታይ ቀናት ሲሰጥ የነበረው የግንዛቤ ማስጨበጫ ስልጠና ተጠናቀቀ፡፡

የስልጠናው ዋና አላማም ሙስና እጅግ ውስብስብና በጥቅም ተጋሪዎች መካከል የሚደረግ የራስ ያልሆነን ጥቅም ባልተገባ መልኩ የራስ ማድረግ በመሆኑ ሰልጣኝ አመራሮች ይህንን ከግንዛቤ ውስጥ በማስገባትና ስነ-ምግባርን በመላበስ በተቋሙ ውስጥ ሊታዩ የሚችሉ ብልሹ አሰራሮችንና የሙስና ስጋት ወንጀሎችን መከላከል እንዲችሉ ታስቦ የተዘጋጀ እንደሆነ ተገልጿል፡፡

በአንድ ተቋም ውስጥ የሚታዩ ብልሹ አሰራሮችና የሚፈፀሙ የሙስና ወንጀሎች በሀገር እድገት ላይ አሉታዊ ተፅዕኖን የሚያሳድሩ እንዲሁም በመንግስትና በማህበረሰቡ መካከል መተማመንን የሚሸረሽሩ በመሆናቸው ሀገርን በማልማት በኩል የሁሉም ተቋማት አመራሮች ብልሹ አሰራርንና ሙስናን በመከላከል ረገድ ከፍተኛ ድርሻ ስለሚኖራቸው የኮርፖሬሽኑ አመራሮችም ይህንን በመወጣት አሻራቸውን ማሳረፍ እንዳለባቸው በግንዛቤ ማስጨበጫ ስልጠናው ላይ ተነስቷል፡፡

የግንዛቤ ማስጨበጫ ስልጠናው ይዘቶች ከተቋሙ የስራ ባህሪ ጋር የተያያዙና በግብዓትነት የሚወሰዱ በመሆናቸው አመራሮች በስራቸው ዙሪያ የሚስተዋሉ የብልሹ አሰራርና ሙስና አዝማሚያያዎችን ለመከላከል ግንዛቤ የሚያስጨብጥ በመሆኑ የሙስና ወንጀሎች ከመፈፀማቸው በፊት መከላከል እንደሚያስችላቸው ተገልጿል፡፡

ሙስና ኢኮኖሚያዊ፣ ማህበራዊ፣ ፖለቲካዊና ከባቢያዊ ጉዳቶችን በማስከተል በዜጎች መካከል ፍትኃዊ የሆነ የሀብት ክፍፍል እንዳይኖር የሚያደርግ ጥቂቶችን የሚያበለፅግ የሀገር እድገት ጸር መሆኑ ተነስቷል፡፡

በግንዛቤ ማስጨበጫ ስልጠናው ላይ ሰፊ ውይይት የተደረገ ሲሆን ሰልጣኝ አመራሮችም የሙስና ወንጀሎችን ከሌሎች የወንጀል አይነቶች መለየት እንዳስቻላቸውና በቀጣይም የኮርፖሬሽኑን ስኬታማ ጉዞ ለማስቀጠል ከሙስና የፀዳ የአገልጋይነት መንፈስን በመላበስ ብልሹ አሰራሮችን ለማስወገድ በትኩረት እንደሚሰሩ ተናግረዋል፡፡

ለኮርፖሬሽኑ አመራሮች የግንዛቤ ማስጨበጫ ስልጠና እየተሰጠ ነው

የፌደራል ቤቶች ኮርፖሬሽን ለኮርፖሬሽኑ አመራሮች በሙስና ፅንስ ሀሳብና በሚያስከትላቸው ጉዳቶች ዙሪያ የግንዛቤ ማስጨበጫ ስልጠና እየተሰጠ ነው፡፡
የግንዛቤ ማስጨበጫ ስልጠናውም ለ2 ተከታታይ ቀናት የሚቀጥል ይሆናል

የፌዴራል ቤቶች ኮርፖሬሽን በተቋማዊ ሪፎርም ያለውን ስኬታማ ልምድ ለኢትዮጵያ ማዕድን ኮርፖሬሽን አጋራ

የፌዴራል ቤቶች ኮርፖሬሽን ለ7 ተከታታይ ዓመታት ባካሄደው ስኬታማ ተቋማዊ ሪፎርም ያገኘውን ልምድ ለኢትዮጵያ የማዕድን ኮርፖሬሽን አጋርቷል፡፡

የፌዴራል ቤቶቸ ኮርፖሬሽን ከነበረበት ውስብስብ ችግር ወደ ለውጥና ስኬት እንዲያመራ ለማደረግ የተወሰዱ የሪፎርም ርምጃዎች ላይ ትኩረት ያደረገ ገለጻ ለኢትዮጵያ ማዕድን ኮርፖሬሽን አመራሮች ተደርጓል፡፡

የኮርፖሬሽኑ ዋና ሥራ አስፈጻሚ ክቡር አቶ ረሻድ ከማል የፌዴራል ቤቶች ኮርፖሬሽን ሪፎርም ማዕከል በአመራሩና በሰራተኛው መካከል ወጥ የተግባርና የአመለካከት አንድነት በቅድሚያ ማረጋገጥ እንደነበር ተናግረዋል፡፡

የፌዴራል ቤቶች ኮርፖሬሽን የለውጥ እሳቤ እና ተቋማዊ ሪፎርም አጀንዳም ከአገራዊ ሪፎርሙ የተቀዳ መሆኑን ነው ክቡር አቶ ረሻድ ከማል በንግግራቸው የጠቆሙት፡፡

በአመራሩና በሰራተኛው መካከል የተግባርና የአመለካከት አንድነት ለማምጣት የተቀረጸው የሪፎርም አጀንዳ መሳካት ሌሎች አንኳር የሪፎርም አጀንዳዎቻችን እንዲሳኩ እንዳስቻለ ነው ዋና ሥራ አስፈጻሚው የገለጹት፡፡

የፌዴራል ቤቶች ኮርፖሬሽን መለወጥ እና ስኬታማ ሆኖ ሞዴል ተቋም መሆን መቻል በተመመሳሳይ ችግር ላሉ ተቋማት ለመለወጥ ለሚያደርጉት ጥረት ኮርፖሬሽኑ በቂ ምሳሌ ሊሆን እንደሚችል ነው ክቡር አቶ ረሻድ ከማል የተናገሩት፡፡

ተቋማቸው የፌዴራል ቤቶች ኮርፖሬሽን ለውጥ ከመጀመሩ በፊት ከነበረበት ሁኔታ ጋር ተመሳሳይነት አለው ያሉት ደግሞ የኢትዮጵያ ማዕድን ኮርፖሬሽን ዋና ሥራ አስፈጻሚ ክቡር አቶ ቴዎድሮስ ጌታቸው ናቸው፡፡

የኮርፖሬሽኑ የሪፎርም ሒደትና የደረሰበት የስኬት ደረጃ የኢትዮጵያ ማዕድን ኮርፖሬሽን ተግባራዊ ለሚያደርገው ተቋማዊ ሪፎርም ትክክለኛ ሞዴል ተቋም የፌዴራል ቤቶች ኮርፖሬሽ ነው ብለዋል ዋና ስራ አስፈጻሚ ቴዎድሮስ ጌታቸው፡፡

የፌዴራል ቤቶች ኮርፖሬሽን አመራሮችን ሠራተኞች በቀጣይ ተቋማቸው ለሚካሄደው ሪፎርም ልምዳቸው በቅርበት እንዲያካፍሉና ድጋፍ እንዲያደርጉ ሲሉም ጠይቀዋል፡፡

የፌዴራል ቤቶች ኮርፖሬሽን ሪፎርም ሲጀምር የ40 ዓመታት የኦዲት አስተያየት መስጠት የማያስችል የኦዲት ሪፖርት የነበረ ቢሆንም በአጭር ጊዜ በተከናወነው ጠንካራ የማሻሻያ ሥራ የ2015 ዓ.ም የፌዴራል ቤቶች ኮርፖሬሽን የኦዲት ሪፖርት ንጹህ ሆኖ መመዝገቡ እንዳስደነቃቸው ነው አመራሮቹ የተናገሩት፡፡

በተለይ በአመራሩና በሰራተኛውና መካከል በሪፎርም አጀናዳዎች ላይ ያሳዩት ወጥ አረዳድና የባለቤትነት ስሜት በኢትዮጵያ የማዕድን ኮርፖሬሽን ተቋማዊ ሪፎርም ትግበራ ላይ ልዩ ትኩረት ተስጥቶት እንደሚሰራ ነው አመራሮቹ የተገናገሩት፡፡

የኢትዮጵያ ማዕድን ኮርፖሬሽን አመራሮች ከፌዴራል ቤቶች ኮርፖሬሽን አመራሮችና ሰራተኞች ጋር ባካሄዱት ምክክርና ውይይት በተቋማቸው ተግባራዊ ለማድርግ ላቀዱት ሪፎርም በቂ ተሞክሮና ልምድ ማግኘታቸውን ተናግረዋል፡፡

ታህሳስ 12/2017 ዓ.ም

የፌዴራል ቤቶች ኮርፖሬሽን የኮንስትራክሽን ፕሮጀክት እና የሀብት አስተዳደር ስርዓቱን ለማዘመን ከደቡብ አፍሪካ ኩባንያ ጋር ስምምነት አደረገ

የፌዴራል ቤቶች ኮርፖሬሽን እና መቀመጫውን ደቡብ አፍሪካ ኬፕታውን ካደረገው ሎህባወር አሶሴት ጋር በዘመናዊ የኮንስትራክሽን ፕሮጀክት እና በሀብት አስተዳደር ዙሪያ ዓለማቀፋዊ ልምዶችን ተግባራዊ ለማድረግ ስምምነት ላይ ደርሰዋል፡፡

ስምምነቱን የፌዴራል ቤቶች ኮርፖሬሽን ዋና ስራ አስፈጻሚ ክቡር አቶ ረሻድ ከማል እና የአማካሪ ድርጅቱ ዋና ስራ አስፈጻሚ ሚስተር ሬን ሆርድ ፈርመዋል፡፡

በከፍተኛ ሁኔታ እያደገና እየሰፋ ያለውን የፌዴራል ቤቶች ኮርፖሬሽን የቤት ግንባታ መርሀ ግብር ዓለምዓቀፋዊ የፕሮጀክትና የሀብት አስተዳደር ልምዶችን በመቀመር ረገድ ስምምነቱ አገራዊ ፋይዳ ይኖረዋልም ተብሏል፡፡

በተጨማሪም በቴክኖሎጂ የእውቀት ሽግግር እና በኮንስትራክሽ እንዲሁም በቤት አስተዳደር ስራዎች ዘመናዊ የአሰራር ስርዓቶች ተግባራዊ ለማድረግ የሚያስችል ስምምነት ነው፡፡

የፌዴራል ቤቶች ኮርፖሬሽን ዋና ስራ አስፈጻሚ ክቡር አቶ ረሻድ ከማል በዚሁ ወቅት ባደረጉት ንግግር ኮርፖሬሽኑ በፕሮጀክት አስተዳደር ረገድ በሞዴልነት የሚጠቀስ ስርዓት መዘርጋት የቻለ ተቋም እንደሆነ አስታውሰው በአሁኑ ሰዓት የኮርፖሬሽኑ የግንባታ ፕሮጀክቶች ቁጥር በከፍተኛ ሁኔታ እያደገ በመሆኑ የተቋሙን የፕሮጀክትና የሀብት አስተዳደር አቅምን በማሳደግና የአሰራር ስርዓትን በማሻሻል የኮርፖሬሽኑን ትርፋማነትና ተወዳዳሪነት ለማረጋገጥ የሚያስችል ስራ ከወዲሁ መስራት አስፈላጊ እንደሆነ ተናግረዋል፡፡

ከሎህባወር አሶሴት ኩባንያ ጋር በመሆን ዓለማቀፋዊ ልምዶችን ተግባራዊ ለማድረግ ኮርፖሬሽኑ እንደሚሰራ ክቡር አቶ ረሻድ ተናግረዋል፡፡

የሎህባወር አሶሴት ዋና ስራ አስፈጻሚ በበኩላቸው ባስተላለፉት መልዕክት በከፍተኛ ለውጥ ላይ ካለው ከፌዴራል ቤቶች ኮርፖሬሽን ጋር በጋራ ለመስራት እድል በማግኘታቸው ከፍተኛ ደስታ እንደተሰማቸው ገልጸው በዘርፉ ለ28 ዓመታት ያዳበሩትን የማማከር አገልግሎት ልምድ ለኮርፖሬሽኑ ለማከፈል እንደሚሰሩም ተናግረዋል፡፡

በስምምነቱ ወቅትም የዓለማቀፍ የሙያ ደህንነትና የጤና ፕሬዝዳንት የኢንተርናሽል የሲቪል መሀንዲስ ሰብሳቢ ፕሮፌሰር ካርል ሀይንስ ተገኝተዋል፡፡

“ከውድቀት ወደ ልህቀት”
የፌደራል ቤቶች ኮርፖሬሽን ያን ያህል የጎላ ስም ሳይኖረው ለብዙ ዓመታት የቆየ ቢሆንም አሁን ላይ ግን በዳግም ውልደት እንደ አዲስ ራሱን በማደራጀት ከተወቃሽነት ወጥቶ ተወዳሽነትን ማትረፍ ችሏል፡፡

ተቋሙ በታሪኩ በርካታ ውጣ ውረዶች የነበሩበት፣ ሰራተኛው ተስፋ የቆረጠበት፣ ምንም አይነት እድገት የማይመዘገብበት ተራ የመንግስት ተቋም ተደርጎ ይቆጠር እንደነበር የቅርብ ጊዜ ትውስታ ነው፡፡
የመንግስት ቤትን ከመጠበቅ እና የቤት ኪራይን ከመቀበል ውጪ ሌላ ምንም አይነት ፋይዳ የሌለው ተደርጎ ሲቆጠርም ኖሯል፡፡

ኮርፖሬሽኑ በወቅቱ ስለ ውድቀቱ የተወራውን ያህል ዛሬ ላይ ደግም ተቋሙ በአጭር ጊዜ ውስጥ ስላስመዘገበው እድገት በስፋት ይነገራል፡፡ እድገቱም ከሚነገርለት በላይ በሰራቸው ተጨባጭ ስራዎች በራሳቸው የሚናገሩና ምስክርነት የሚሰጡ ናቸው፡፡

ተቋሙ በአዲስ መልክ ሳይደራጅና የመንግስት የልማት ድርጅት ሆኖ ኮርፖሬሽን ከመሆኑ በፊት የቢሮ መገልገያ ቁሳቁስ እንኳን ቅንጦት የሆነበት፣ ተስፋ ሰጪና ለስራ አነሳሽ የሆነ የስራ ድባብ የሌለበት ነበር፡፡

ከ2010 ዓ.ም ወዲህ ግን በአዲስ አመራርና አደረጃጀት ቤት ከማስተዳደር በተጨማሪ በቤት ልማት ላይ በመሰማራት በአጭር ጊዜ ውስጥ ተገንብተው በጥራታቸው የተመሰከረላቸው ቤቶችን በመስራት በአዲስ አበባና በድሬደዋ ከተማ የሚስተዋለውን የቤት እጥረትን ለማቃለል በትኩረት እየሰራ የሚገኝ የልማት ድርጅት ነው፡፡

ምንም እንኳን ተቋሙ ሲንከባለሉ የመጡ ብዙ ተግዳሮቶች የነበሩበት ቢሆንም እነዚህን ሁሉ በመጋፈጥና መቋቋም በመቻል ዛሬ ላይ ሰራተኛው በስራው ደስተኛ እንዲሆን ከማስቻል ባሻገር ተጨባጭ ለውጥን በማስመዝገብ ሀገርን የሚያኮራ ስራ እየሰራ ይገኛል፡፡ ተቋሙ በሰራቸው የሪፎርም ስራዎች ተገልጋዮች እምነት የሚጥሉበት ሆኗል፡፡

ኮርፖሬሽኑ አለም አቀፍ ተሞክሮዎችን ወደ ተቋሙ በማምጣትና በማላመድ በአጭር ጊዜ ውስጥ በርካታ ቤቶችን በማስገንባት ተቋምን በባለቤትነትና በእኔነት ስሜት ሰርቶ መለወጥ እንደሚቻል በተግባር ያሳየና ተምሳሌትነቱን ያስመሰከረ ተቋም ለመሆን ችሏል፡፡

የፌደራል ቤቶች ኮርፖሬሽን ሁለንተናዊ ለውጥን ለማስመዝገብ ተቋምን ብሎም ሀገርን መለወጥ በሚያስችሉ ተመራጭ የሆኑ ስትራቴጂዎችን በመንደፍ የተቋሙን ህልውና በአጭር ጊዜ ውስጥ ማረጋገጥ የቻለ አርአያ ተቋም ነው፡፡
ከቤት ልማት ባሻገር አማራጮችን እያሰፋ የግንባታ ግብዓት አቅርቦት እጥረትን ለመፍታት በልዩ ጥራት ማምረት የሚያስችል የአርማታ ውህድና የብሎኬት ማምረቻ ማዕከልን በመገንባት ከተቋምም አልፎ ሀገራዊ ተልዕኮውን ለመወጣት ማምረቻ ማሽኖቹን ዝግጁ በማድረግ ለተለያዩ ተቋማት አገልግሎት በመስጠት ላይ ይገኛል፡፡

ተቋሙ ከቤት ልማት ባሻገር ሌሎች የተለያዩ ችግር ፈችና የሀገርን ልማት በሚያሳልጡ መስኮች ላይ በመሰማራት ወደፊትም አመርቂ ስኬቶችን ለማስመዝገብ በትኩረት እየሰራ ይገኛል፡፡

እሁድ ህዳር 15 ቀን 2017 ዓ.ም

ከዚህ በፊት የካላንደር መስቀያ ማቴሪያል የሰጣችሁ የኮርፖሬሽኑ ሰራተኞች ካላንደሩ ተዘጋጅቶ የመጣ ስለሆነ ኮርፖሬት ኮሙኒኬሽን ዳይሬክቶሬት ቢሮ ቁጥር 1006 ድረስ መጥታችሁ መውሰድ የምትችሉ መሆኑን እናሳውቃለን::

AQMhfNmrlE4xy6L_1FW_hTcQdU0MpM3hdrEIcjkQ4HybloDbNpJZlTYenzEz3dHZgsaIA9WRZUKoGMEf9r_LiEiy.mp4

የኮርፖሬሽኑ አመራሮች እና ሰራተኞች “የህልም ጉልበት ለእምርታዊ እድገት” በሚል መሪ ሀሳብ ላይ ውይይት አደረጉ፡፡

የፌደራል ቤቶች ኮርፖሬሽን አመራሮች እና ሰራተኞች “የህልም ጉልበት ለእምርታዊ እድገት” በሚል መሪ ሀሳብ የብልፅግና ፓርቲ አመሠራረትና አሁን የሚገኝበት ሁኔታ፣ የብልፅግና ፓርቲ ትሩፋቶች፣ ተግዳሮቶች እና በቀጣይ ትኩረት በሚሹ ጉዳዮች ላይ ውይይት አድርገዋል፡፡

በኮርፖሬሽኑ ሁሉም ቅርንጫፍ ፅ/ቤቶች አመራርሮችና ሰራተኞች በተገኙበት ውይይቱ የተካሄደ ሲሆን የህልም ጉልበት ለእምርታዊ እድገት መጠቀም የዜጎችን ክብርና ልዕልናን የሚያረጋግጥ እንደሆነ በውይይቱ ላይ ተገልጿል፡፡

ህልም ያለ ውጤት ዋጋ የሌለው በመሆኑ ሁሉም ሰራተኛ በተሰማራበት የስራ መስክ ውጤታማ ስራዎችን በመስራት የሀገርን ብልጽግና ማረጋገጥ እንደሚገባ በውይይቱ ላይ ተነስቷል፡፡

የአገልጋይነት መንፈስን በመላበስ ኮርፖሬሽኑ የተሰጡትን ኃላፊነቶች በሚገባ ለመወጣት እንዲያስችል በውጤት ላይ የተመሰረተ ስራ መስራት እንደሚጠበቅም ተነስቷል፡፡

የአንድ ሀገር እድገት የሚረጋገጠው ዜጎች የዜግነት ግዴታቸውን በመወጣት ለሀገር ብልጽግና በእኔነት ስሜት መስራት ሲችሉ ብቻ እንደሆነም ተገልጿል፡፡

https://www.tiktok.com/@federalhousingcorporati1/video/7437386813641182519?is_from_webapp=1&sender_device=pc

ጥቅምት 30 ቀን 2017 ዓ.ም

ዓመታዊው የፌዴራል ቤቶች ኮርፖሬሽን የሠራተኞች ቀን ተከበረ

ኮርፖሬሽኑ ተቋማዊ ሪፎርም ከጀመረበት ጊዜ አንስቶ እየተካሄደ ባላው የፌ.ቤ.ኮ የሰራተኞች ቀን የኮርፖሬሽኑ ዋና ሥራ አስፈጻሚ ክቡር አቶ ረሻድ ከማል ፣ የኮርፖሬሽኑ አመራሮች፣ ሠራተኞች እና ጥሪ የተደረገላቸው እንግዶች  ተገኝተዋል፡፡

የኮርፖሬሽኑ ዋና ስራ አስፈጻሚ በዚሁ ወቅት ባደረጉት ንግግር ኮርፖሬሽኑ ከነበረበት ውስብስብ ችግር ተላቆ ለሰባት ተከታታይ ዓመታት ስኬት እያስመዘገበ መቀጠሉን ገልጸው  ከኮርፖሬሽኑ መንግስትና ሕዝብ ብዙ ይጠብቃሉና ሠራተኛው ለላቀ ስኬት እና ለውጥ እንዲተጋ ሲሉ አሳስበዋል፡፡

በተገኘው ስኬት እና ለውጥ መንግስት እና ሕዝብ ተስፋ እንዲሰንቁ ሆኗል ያሉት ዋና ስራ አስፈጻሚው የኮርፖሬሽኑ ሠራተኞች ለተገኘው ውጤት ለነበራቸው የላቀ አስተዋጽኦም ምስጋና አቅርበዋል፡፡
  
ቀጣይ የኮርፖሬሽኑ ጉዞ ስኬታማ እንዲሆን የሚያስችል አስተማማኝ የለውጥ መሰረት የተገነባ በመሆኑ መጪው ጊዜ የኮርፖሬሽኑ የእድገትና የላቀ አገራዊ  አበርክቶ  የሚጎላበት ጊዜ ይሆናልም ሲሉ ነው ክቡር አቶ ረሻድ ከማል የተናገሩት::

የኮርፖሬሽኑ ሠራተኛ ማህበር ሊቀ መንበር አቶ አበባው ዋለልኝ ባዳረጉት ንግግር በኮርፖሬሽኑ አስተማማኝ የኢንዱስትሪ ሠላም መስፈኑና በሰራተኛውና በአመራሩ መካከል የተግባርና የአመለካከት አንድነት መኖሩ ለተቋሙ የስኬት መሰረት መሆኑን ተናግረዋል፡፡

የኮርፖሬሽኑ ሠራተኞች በበኩላቸው ሠራተኛው ከነበረበት ተስፋ መቁረጥ ወጥቶ ተስፋ እንዲሰንቅና ኑሮው እንዲሻሻል መደረጉን አንስተው የኮርፖሬሽኑ ዋና ስራ አስፈጻሚ ክቡር አቶ ረሻድ ከማልና ማኔጅመንታቸው የሚለወጥ የማይመስለውን ድርጅት ለውጠው ሠራተኛው በተቋሙ እንዲኮራና ጥቅሙ እንዲከበር በማድረጋቸው ምስጋና ይገባቸዋል ሲሉ ተናግረዋል::

ኮርፖሬሽኑ ግዙፍ የግንባታ ግብዓት ማምረቻ ማዕከል በራስ አቅም በአጭር ጊዜ ተገንብቶ ሥራ ወደ ምርት የገባውን የኮርፖሬሽኑ ሌላ የስኬት ገጽ ማሳያ በመሆኑ ከፍተኛ ደስታ እንደፈጠረባቸውም ተናግረዋል፡፡

የፌ.ቤ.ኮ ሠራተኞች ቀን በመደበኛነት በየዓመቱ እንዲሁም የኮርፖሬሽኑን ስኬታማ አፈጻጸሞች መሰረት አድርጎ የሚካሄድ የኮርፖሬሽኑ ክብረ በዓል ነው፡፡

የፌዴራል ቤቶች ኮርፖሬሽን ዓመታዊው የሠራተኞች ቀን ተከበረ

ኮርፖሬሽኑ ተቋማዊ ሪፎርም ከጀመረበት ጊዜ አንስቶ እየተካሄደ ባላው የፌ.ቤ.ኮ የሰራተኞች ቀን የኮርፖሬሽኑ ዋና ሥራ አስፈጻሚ ክቡር አቶ ረሻድ ከማል ፣ የኮርፖሬሽኑ አመራሮች፣ ሠራተኞች እና ጥሪ የተደረገላቸው እንግዶች  ተገኝተዋል፡፡

የኮርፖሬሽኑ ዋና ስራ አስፈጻሚ በዚሁ ወቅት ባደረጉት ንግግር ኮርፖሬሽኑ ከነበረበት ውስብስብ ችግር ተላቆ ለሰባት ተከታታይ ዓመታት ስኬት እያስመዘገበ መቀጠሉን ገልጸው  ከኮርፖሬሽኑ መንግስትና ሕዝብ ብዙ ይጠብቃሉና ሠራተኛው ለላቀ ስኬት እና ለውጥ እንዲተጋ ሲሉ አሳስበዋል፡፡

በተገኘው ስኬት እና ለውጥ መንግስት እና ሕዝብ ተስፋ እንዲሰንቁ ሆኗል ያሉት ዋና ስራ አስፈጻሚው የኮርፖሬሽኑ ሠራተኞች ለተገኘው ውጤት ለነበራቸው የላቀ አስተዋጽኦም ምስጋና አቅርበዋል፡፡
  
ቀጣይ የኮርፖሬሽኑ ጉዞ ስኬታማ እንዲሆን የሚያስችል አስተማማኝ የለውጥ መሰረት የተገነባ በመሆኑ መጪው ጊዜ የኮርፖሬሽኑ የእድገትና የላቀ አገራዊ  አበርክቶ  የሚጎላበት ጊዜ ይሆናልም ሲሉ ነው ክቡር አቶ ረሻድ ከማል የተናገሩት::

የኮርፖሬሽኑ ሠራተኛ ማህበር ሊቀ መንበር አቶ አበባው ዋለልኝ ባዳረጉት ንግግር በኮርፖሬሽኑ አስተማማኝ የኢንዱስትሪ ሠላም መስፈኑ᎒ በሰራተኛውና በአመራሩ መካከል የተግባርና የአመለካከት አንድነት መኖሩ ለተቋሙ የስኬት መሰረት መሆኑን ተናግረዋል፡፡

የኮርፖሬሽኑ ሠራተኞች በበኩላቸው ሠራተኛው ከነበረበት ተስፋ መቁረጥ ወጥቶ ተስፋ እንዲሰንቅና ኑሮው እንዲሻሻል መደረጉን አንስተው የኮርፖሬሽኑ ዋና ስራ አስፈጻሚ ክቡር አቶ ረሻድ ከማልና ማኔጅመንታቸው የሚለወጥ የማይመስለውን ድርጅት ለውጠው ሠራተኛው በተቋሙ እንዲኮራና ጥቅሙ እንዲከበር በማድረጋቸው ምስጋና ይገባቸዋል ሲሉ ተናግረዋል::

ኮርፖሬሽኑ ግዙፍ የግንባታ ግብዓት ማምረቻ ማዕከል በራስ አቅም በአጭር ጊዜ ተገንብቶ ሥራ ወደ ምርት የገባውን የኮርፖሬሽኑ ሌላ የስኬት ገጽ ማሳያ በመሆኑ ከፍተኛ ደስታ እንደፈጠረባቸውም ተናግረዋል፡፡

የፌ.ቤ.ኮ ሠራተኞች ቀን በመደበኛነት በየዓመቱ እንዲሁም የኮርፖሬሽኑን ስኬታማ አፈጻጸሞች መሰረት አድርጎ የሚካሄድ የኮርፖሬሽኑ ክብረ በዓል ነው፡፡

የምረቃ መርሀ ግብር በፎቶ

የኮርፖሬሽኑ የመጀሪያ ሩብ ዓመት የስራ አፈጻጸም ግምገማ ተካሄደ

የፌዴራል ቤቶች ኮርፖሬሽን የ2017 በጀት ዓመት የመጀመሪያ ሩብ ዓመት አፈጻጸሙ በገቢ እድገት እና የመንግስትን ፖሊሲ እንዲሳካ በማድረግ ረገድ ስኬታማ ስራዎች መሰራታቸውን ገምግሟል፡፡

በሩብ ዓመቱ የተገኘው ገቢ ከአምናው ተመሳሳይ ወቅት ጋር ሲነጻጸር የ 50 በመቶ የገቢ እድገት ተመዝግቧል፡፡

ለገቢው መጨመር ከመደበኛ ገቢ ባሻገር ከሽያጭ አገልግሎት ተጨማሪ ገቢ መገኘቱ እንደሆነ ነው የተገለጸው፡፡

አዲስ አበባን በማስዋብ እና በማዘመን ረገድ ኮርፖሬሽኑ ጠንካራ ተሳትፎ በማድረግ በኮሪደር ልማቱ አካል የሆኑ ሕንጻዎችና ቤቶችን አዲሱን የከተማ ስታንዳርድ እንዲያሟሉ ያስቻለ ስራ መሰራቱም ተገምገሟል፡፡

በዚህ በጀት ዓመት ከመንግስት እውቅና የተገኘበት እንደሆነም ተነስቷል፡፡

አዳዲስ ሳይቶች ወደ አገልግሎት እንዲገቡ ከማድረግና የአዳዲስ ሳይቶችን ግንባታ እንዲጀመር የተከናወኑ ሥራዎችም በዝርዝር ተገምገመዋል፡፡

የንግድ ሞሎች እና የመኖሪያ ቤት ግንባታ በአጭር ጊዜ ውስጥ ለማጠናቀቅ የሚያስችል የግንባታ ሂደት ላይ እንደሚገኙ ተገልጿል፡፡

የሪኖቬሽን ስራዎች፣ የመፈጸምና የማስፈጸም አቅም በሁሉም ዘርፍ ማደጉና አዳዲስ እድሎችን በመፍጠር ገቢን ለማሳደግ የተሰሩ ስራዎች በቀጣይ እቅድ ወራት ተጨማሪ ውጤት እንዲያስገኙ በግምገማው አጽንኦት ተሰጥቶባቸዋል፡፡

የግብዓት ማምረቻ በአጭር ጊዜ ተጠናቆ ወደ ምርት ስራ መግባቱ እና በውስጥ ገቢ ሁሉም የተጀመሩ ፕሮጀክቶች መጠናቀቅ መቻላቸው በሩብ ዓመቱ በጠንካራ ጎን ከተነሱት መካከል የሚጠቀስ ነው፡፡

ከደንበኞች እና ከተቋማት ጋር ያለው የስራ ትብብር እንዲሁም ለኮሪደር ልማቱ ስኬት የድርሻን ለመወጣት፣ ምርታማነትን ለማሳደግ፣ የቴክኖሎጂ መሰረተ ልማትን ለማስፋፋት፣ አዳዲስ የቤት ልማት ፕሮግራሞችን ተግባራዊ ለማድረግ ፣ ጠንካራ የስራ ባህልን ለማሳደግ እና የኮርፖሬሽኑን የ7 ዓመታት የሪፎርም ሥራዎች በተያዘው በጀት ዓመትም እንዲሳኩ የሚያስችል የአፈጻጸም አቅጣጫ ተቀምጧል፡፡

የፌዴራል ቤቶች ኮርፖሬሽን በፒያሳ መልሶ ማልማት አካል የሆኑ ዘመናዊ የንግድ ሞሎችን እና የመኖሪያ ቤቶችን በ6 ወራት ውስጥ ለመገንባት ከኦቪድ ግሩፕ ጋር ተስማማ

የፒያሳ መልሶ ማልማት አካል በሆነው በ9 ነጥብ 5 ሄክታር መሬት ላይ ግዙፍ የንግድ ሞሎችን እና የመኖሪያ ቤቶችን በ6 ወራት በሆነ ጊዜ ገንብቶ ለማጠናቀቅ ስምምነት ላይ ተደርሷል ።

የፌዴራል ቤቶች ኮርፖሬሽን ዋና ሥራ አስፈጻሚ ክቡር አቶ ረሻድ ከማልና የአቪድ ግሩፕ ዋና ሥራ አስፈጻሚ አቶ ዮናስ ታደሰ ስምምነቱን ፈርመዋል ።

በስምምነቱ የወርቅ ቤቶች የንግድ ሱቅ ሞል ( FHC Gold Plaza ) ፣ መዝቦልድ ሞል እና ጣይቱ የመኖሪያ አፓርትመንት በአልሙኒየም ፎርም ወርክ ቴክኖሎጂ ለ6 ወራት ጊዜ ውስጥ ገንብቶ ወደ አገልግሎት ለማስገባት የሚያስችል ነው፡ ፡
ግንባታውን በተቀመጠለት የጊዜ ገደብ ለማጠናቀቅ አስፈላጊው የቅድመ ዝግጅት ሥራ መጠናቀቁም ተገልጿል።

የአዲሲቷ ፒያሳ የኢኮኖሚ እንቅስቃሴን ጉልህ አስተዋጽኦ ያላቸው የንግድ ሞሎችና ኘላዛዎችን በአጭር ጊዜ ውስጥ ተገንብተው ለአገልግሎት እንደሚበቁ ክቡር አቶ ረሻድ ከማል በዚሁ ወቅት ተናግረዋል ።

በተጨማሪም ዘመናዊ የመኖሪያ ቤትም በዚሁ ስፍራ እንደሚገነባ ክቡር ዋና ሥራ አስፈጻሚው ገልፀዋል።

ኮርፖሬሽኑ ፕሮጀክቶችን በአጭር ጊዜ ለማጠናቀቅ የሚያስችለውን ዘመናዊ የፕሮጀክት አስተዳደር ስርዓት የዘረጋ በመሆኑ የሳይቶቹን ግንባታ በአጭር ጊዜ ለማጠናቀቅ እንደሚያስችለውም ተናግረዋል።

በኮርፖሬሽኑ ታሪክም በብዛት እና በዘመናዊነቱ ለመጀመሪያ ጊዜ የሚገነባ የመጀመሪያ የሆኑ የንግድ ሞሎችና ፕላዛዎች ግንባታ ፕሮጀክት እንደሆነም ክቡር ዋና ሥራ አስፈፃሚው ጠቁመዋል።

የአቪድ ግሩኘ ዋና ሥራ አስፈፃሚ በበኩላቸው ከዚህ በፊት ከኮፖሬሽኑ ጋር በመሆን በ18 ወራት ጊዜ ውስጥ ግዙፍ የመኖሪያ መንደር ገንብተው ማጠናቀቃቸውን አስታወሰው ውለታ የገቡትን የንግድ ሞሎችን እና የመኖሪያ ቤቶችን በተቀመጠው የጊዜ ገደብ ውስጥ አቪድ ግሩፕ አጠናቆ እንደሚያስረክብ ቃል ገብተዋል።

ሳይቶችን በ6 ወራት ለማጠናቀቅ የሚያስችል የአልሙኒየም ፎርምወርክ ቴክኖሎጂም ለግንባታ ዝግጁ ማድረጋቸውንም አቶ ዮናስ ታደሰ አስተውቀዋል፡፡

ፕሮጀክቶችን በአጭር ጊዜ ውስጥ ለማጠናቀቅ የፌዴራል ቤቶች ኮርፖሬሽን ዘመናዊ የፕሮጀክት አስተዳደር ሥርዓት ምቹ እንደሆነም ገልፀዋል።

ሞሎቹ እና የመኖሪያ ቤቶቹ የሚገነቡት በፒያሳ መልሶ ማልማት ለልማት ዝግጁ በሆኑት የኮርፖሬሽኑ ይዞታዎች ላይ ነው፡ ፡

የብሔራዊ የሰንደቅ ዓላማ ቀን በፌዴራል ቤቶች ኮርፖሬሽን እየተከበረ ነው

የብሔራዊ የሰንደቅ ዓላማ ቀን “ሰንደቅ ዓላማችን ለብሔራዊ አንድነታችን ለሉዓላዊነታችንና ለኢትዮጵያ ከፍታ” በሚል መሪ ሃሳብ በሀገር አቀፍ ደረጃ ለ17ኛ ጊዜ በኮርፖሬሽኑ ዋና መ/ቤት እና ድሬዳዋን ጨምሮ በሁሉም የቅርንጫፍ ጽ/ቤቶች በድምቀት እየተከበረ ይገኛል።

በስነ - ሥርዓቱ ላይ የኮርፖሬሽኑ ከፍተኛ የሥራ ኃላፊዎች እና ሠራተኞች እየተሳተፉ ነው::