"ፍቅርን ፈራን" @fekernferan

[ ለበረኃ ጂኒ ፥ ራሴን ዳርኩ | ክፍል 5 ]

ከልዑል ዘወልደ ገፅ የተወሰደ 'እውነተኛ ታሪክ'

ሰላም የነበርኩ ሰው ፥ በድንገትት መለዋወጤ መነኩሴውን አስደንግጦታል ። እኔ ወደቤታችን ሩጫ በቀረው እርምጃ በረርኩ ። መነኩሴው ሊከተለኝ ሲሞክር ፥ ተመለስ ! ብዬ አምባረኹበት ። ደግሞ ደነገጠ ፥ የኔ ጌታ! ለእኔ የሚታየኝ መች ይታየውና?!

በሩን ከፍቼ ወደቤት ስሮጥ ፥ ሀይለኛ ንፋስ በሩን ዘጋው ፤ ግውውው ።

ባሌ የደጃፌ ኩርብታ ላይ ፤ እግሩን አሰፈፍቶ ተቀምጧል ። ክው አልኩ ፤ ምነው አለኝ ? (ምንም ባላወቀ ንፁህ ፊት) ተን..ተባ..ተብ..ኩ ። ቀስ ብሎ ወደኔ ተጠጋና የሚለበልብ እጁ ሰንዝሮ አጣፋኝ ። አፍታ አልወሰደበትም ። መለመኛ ቃል ማውጣት እስኪያቅተኝ አንቆ ፤ ወደላይ አንጠለጠለኝ ። እጁ ላይ መሞት እንደተመኘሁ ፤ እድሉን አልሰጠኝም ። ከፍ አርጎ ሲለቀኝ ፥ እግሩ ስር ተዘረገፍኩ ። እቺ እግርሽ ነች አይደል እረፍት የነሳችሽ ? ብሎ ካቲዬና ቁርጭምጭሚቴ መሀል ቆመብኝ ። ከዛ በኋላ አላውቅም ፤ ራሴን ሳትኹ ።

ሥነቃ ራሴን ዱብቲ ሆስፒታል ከሶስት ታማሚ ጋር አገኘውት ። ቀኝ እግሬ ታሽጓል ፤ ክንዴና ሰውነቴ በላልዞል ። ነርሷ መጥታ አይዞሽ ?! አሁን ደህና ነሽ ። ባልሽ ነው እዚህ ያመጣሽ ፥ ከሰዓታት በፊት ነው የወጣው ! ደውይለትና የሚገዙ መድሀኒቶች ይገዛዛልሽ !! አለች ። እንደዛ ብላኝ ሳትጨርስ ፥ ወደ ክፍሉ ገባ ። ለኔ ያለቺኝን ለሱም ደግማ አስረዳችው ። ከርሷ ጋር ፈገግ ብሎ አውርቷት ወደኔ ሲዞር አውሬ ሆኗል ።

መሀል ግንባሬን የውሸት ስሞ ፤ በአባትና ወንድምሽ አትማሪም ? አለኝ ፤ መመለስ አልችልም ። ራስጌ ጋር ተቀምጦ የነበረን የመድሀኒት ማዘዣ በእጁ ይዞ ወጣ ። ከነርሷ ጋር ተከታትለው ሊወጡ ሲል ፥ እንደምንም ተንጠራርቼ እጄን አሳየኋት ። ወዬ ! ምን ልርዳሽ ብላኝ ፤ ተመለሰች ። አፌን እንደምንም እያንቀጠቀጥኩ ቀኑን ጠየኳት ። አልሰማቺኝም ። ደገምኩላት ፤ አልሰማቺኝም ። ከብዙ የተሳሳቱ ግምቶች በኋላ ...

እ...ቀኑ ነው ማወቅ የፈለግሽው ? ቅዳሜ !!!

ከህመሜ ይልቅ ጭንቀቴ ከአባ ጋር ሆኖ ፤ አገግሜ ከሆስፒታለሉ ወጣሁ ። አንድ የማላቃት ደንገጡር እንድታስታምመኝ (እንድትከታተለኝም ይሆናል) ተመድባለች ። ወደ ቤት ብገባም ጨርሶ አልሻረልኝም ፤ ከአልጋ ላይ ለመነሳት የሚያስችል አቅም አልነበረኝም ።

እንደተኛሁ በሩ ጓ ባለ ቁጥር ፥ ልቤ አብራኝ ትንጓጓለች ። በነዛ ቀናት የአባን መልዕክተኛ እንደጠበኩት በህይወት የጠበኹት ነገር ያለ አይመስለኝም ። ከሰውም ሆነ ከባሌ ከተያየሁ እንዲሁ ሁለት ሳምንት ተቆጠረ ። በሶስተኛው ሳምንት ማክሰኞ እለት ፥ አትክልት ውሃ እያጠጣሁ የግቢው በር ተንኳኳ ። ይሄን ድምፅ ከምንም በላይ ስመኘው ነበር ፤ እንደምንም እያነከስኩ ተንደሮድሬ ከፈትኹ ።

መልክተኛ አልነበረም ፤ አባ እራሳቸው ናቸው ። ለማኝ መስለው ስለ አርሴማ ?አሉኝ ። አርሴማ ትስጥልኝ ! አሜን የኔ ልጅ ፥ ዛሬ ለሊት ዘጠኝ ሰዓት ፀሎት እንቆማለን ፥ ኪዳን እንዳትቀሪ ! ብለው ተሰናበቱኝ ።

አልመሽልሽ ብሎኝ ዋለና ለሊቱ እንደተጋመሰ ፥ ወደ ቤተክርስትያን ሄድኩ ። ሁለት የማላቃቸው ሰዎች ከአባ ጋር አብረዋቸው አሉ ። አይደለም እንግዳ ሰው አይቼ በትንንሸሽ ተባይ የምደነግጥ ፥ ድንጉጥ ሆኛለሁ ። ደነገጥኹ ። አይዞሽ ከቅዱስ ያሬድ አንቺን ለመታደግ እዚህ ድረስ የመጡ ካህናት ናቸው አሉኝ ። በስጋ ለማያውቁኝ ዋጋ ቢስ የጂኒ ሚስት ፥ በተከፈለልኝ መስዋዕትነት ተደነቅኹ ።

መመካከር ጀመርን ። መጀመሪያ የምንሰጥሽን እምነት ግማሽ ፤ በቤትሽ ጣሪያ ላይ አድርጊው ። ገሚሱን ደግሞ ፥ ጂኒው ባልሽ ከመመለሱ በፊት (ጠዋት 12:00) በጠበል ውሃ ባርከሽ እንድትጠጪ ይሁን ! በሚለው ተስማማን ።

ደስ አለኝ ፤ ግን ደግሞ ሌላም ስሜት እየተሰማኝ ነበር ። ግርታዬን ሲመለከቱ ፥ አይዞሽ በፀሎት እናግዝሻለን አሉኝ ። ቆይ ቤተሰቤስ ? አልኹ ፥ የቀሩኝን ስጋዎች አስታውሼ ። በዚህ ሰዓት ስህተቶቼ ከኔ ውጪ ሌላ ማንንም ሰው ለአደጋ ሲያጋልጡ ማየት አልፈልግም ። ስለቤተሰብሽ ማረግ ያለብሽን እንመካከራለን ! አሉኝ ። አምኛቸው ከመሄድ ውጪ የማደርገው ምንም ነገር አልነበረም ።

ወደቤት እንደሄድኩ እንደተባልኩት በጣሪያዬ አድርጌ ተኛሁ ። ጠፍቶ የከረመው ባሌ ፤ በጠዋት መጣ ። ሁሌም እንደሚያደርገው ፤ ስሜን አቆላምጦ እየተጣራ ወደውስጥ ዘለቀ ። ድምፁን ስሰማ ደስ አለኝ ፤ ናፍቆኝ'ም ነበር ። መሄድ እንደምትፈልግ ግን ደግሞ የማትራመድ አይነት ሰው ነኝ አይደል ? ቢፈረድብኝም አላዝንም ። ብቻ ፤ ቤት ውስጥ ሲገባ የናፍቆት ድምፁ በንኖ መነጫነጭ ጀመረ ።

ፊቱን አኮስሶ ምንድነው ቤቱ የሚሸተው?! አለ ። እንደተኛሁና እንዳልሰማሁት ፥ ዝም አልኹ ። የሚሸት ምንም ነገር በቤት ውስጥ አላደረኹም ። እየተነጫነጨ ከቤት ሲወጣ ፤ እየተንጠራራሁ ተከትዬው ወጣሁ ።

ይቀጥላል

@fekernferan
@fekernferan
@fekernferan

[ ለበረኃ ጂኒ ፥ ራሴን ዳርኩ | ክፍል 4 ]

ከልዑል ዘወልደ ገፅ የተወሰደ 'እውነተኛ ታሪክ'


እየተብሰለሰልኩ ፤ ድንገት የግቢው በር ተንኳኳ ። ለማኝ ነበር ። የማነው ደፋር የኔቢጤ ? አንኳኩቶ የሚለምን ብዬ ትክ ብዬ አየሁት ። ሰረቅ አርጎ አይቶኝ ፥ ሥለ ቅዱስ ያሬድ ! አለኝ ። ሰውነቴ መብረቅ እንደመታው ከላይ እስከታች ፥ ነዘረኝ ። ምንም ሳይል አተኹሮ ሲያየኝ ፥ ምልክት እንደሆነ ተገለጠልኝ ። ጥሩ ግዜ እየመጣ እንደሆነ ገመትኹ ። የኔ ወንድም ፤ አባ ከመዳኒያአለም ልከውህ ነው ?

አስታወስኩ ። ከሲሪንቃ ለመጡት አባት አድራሻዬን ነግሪያቸው ነበር ። በተላከው ነዳይ በኩል መልዕክት ላኩኝ ፤ ለሊቱን ዘጠኝ ሰዓት እንዳለፈ ፥ እንደምመጣ ። በሩን ዘግቼ ወደ ግቢዬ ስመለስ ፤ የሶስቱ ትንንሽ ወንድማሞች ነገር አሳሰበኝ ።

ብዙም ሳይቆይ ግን ባሌ መጣ ። እንደልጅ ከልጆቹ እየተላፋ ፥ ግቢው ውስጥ አብሮን ዋለ ። ለአለቃው ኢፍትር የሚገብረው ነብስ ብዛት አንሶበት ፥ እንደተጨነቀ ግን ያስታውቅበታል ። ሲጨነቅ አረመኔነቱን ሁሉ እረሳለትና ፥ መልሶ ያሳዝነኛል ።

ቀኑን ሙሉ ከእኔና ከልጆቹ ጋር ዋለና ተቃቅፈን ተኛን ። ቀን ላይ ፥ የስልኬን አላርም ዘጠኝ ሰዓት ከአምስት ላይ ሞልቼው ነበር ። ቀድሜ ነቃሁ ፤ ጎኔ የለም ። መኝታ ቤቱ በሩ ተበርግዶ ንፋስ እየገባ ነበር ፥ ባሌ ወደአለሙ ሄዶ ነው ። ወደ እንግዳው አባ ፥ ወደ መድሃኒአለም የሰርክ ጉዞ ጀመርኩ ። በዛ ውድቅት ለሊት ፥ ከኔ በቀር የሚንቀሳቀስ ፍጡር በአገሩ የለም ።

አባ ፥ የቤተክርሶትያኑ በር ላይ ተቀበሉኝ ። ሰላም ከተባባልን በኋላ መፍትሄው ምንድነው አልኳቸው ፤ እንደማሰብ ብለው መሳፈሪያ ስጭኝና "ቅዱስ ያሬድ" ሄጄ እምነቱን (እንደተጠቀለለ) አመጣልሻለው ! አሉኝ ። የእምነቱ ቃል ኪዳን ከክፉ ነገሮች እና ከአደጋ ፣ ከብዙ ነሮች ይሰውራል ። ሰይጣንም ሆነ ፥ ማንኛውም የክፉ ነገድ ወደ አንተ መጠጋት አይችልም ።

በሀሳባቸው ተስማማው ። እኔ ነገ አምሳ'ሺ ብር ከባንክ አውጥቼ እሰጦታለው ፤ ሄደው አፀልየው ያምጡልኝ ። በመድሃኒያለም ቅጥር ከዚህ አዘቅት ካወጣኸኝ ብዬ ለያሬድ ተሳልኩ ። በነጋታውም በሰው-በሰው ብሩን ሰጥቼ ፥ የሚገዛዛ እቃ ሸምቼ ተመለስኩ ። ባሌ ልጆቹን ከደላላው ጋር ይዞ እየወጣ ነበር ። ከመኪናው ወርዶ ፤ መውረጃችን ጋር መኪና ሙሉ ሰው እያፈጠጠብን ሳመኝ ።

ለሶስት ቀን አልመጣም ! የሚጠብቁሽ አሉ ! አለኝ ። ከማነው የምትጠበቂው ? ። ወደጨለማው አለም የገባ ሰው ከሁሉም በተለየ ለጥቃት ተጋላጭ ነው ። እኔ አንኳን የማውቃቸው ፥ ጋኔንና ሰይጣንን ጂኒን ጨምሮ ወደ አምስት ነገድ እንዳለ ነግሬህ ? ሰው እንደመሆኔ ባልጠበኩት ሁኔታ ልጠቃ እችላለው ። ልቤ እያዘነ ( ለሱ አዘንኩ እንጂ ለራሴ አልፈራሁም) ተሰናበትኩት ።

ከሶስቱ በአንዱም ቀን ከቤቴ ሳልወጣ ፤ ባለቤቴ ተመልሶ መጣ ። ሲመጣ ደላላው አብሮት ስለነበር ቡና አፈላሁ ። የሄደበትን እንደማላውቅ ሁሉ ፥ መንገድ ተሳካላቹ ? አልኹ ። ደላላው ፤ ከወሎ ተጭነው ቀድመው የገቡ ጅቡቲ ፤ ይጠብቁን ነበር ፥ አለ ። የባሌን አይን አየሁ ፥ ጭንቀቱ የጠፋ ይመስላል ፤ ደስ አለኝ ። ግን ደግሞ የመን ሳይገቡ ለቀይ ባህር የተገበሩትን ጨቅላዎች አስቤ መዋዠቄ አልቀረም።

በሳምንቱ ሃያ ኤርትራውያን'ን ጨምሮ ሁሉም እንደሞቱ ዜና ሰማሁ ። ይኼን ክፉ ዜና ሰምቼ በቆረዘዝኩ በወሩ ፥ የግቢ በር ተንኳኳ ። በር ስከፍት ፥ ልጅ እግር መነኩሴ በኔ ትይዩ ቆሟል (የበቀደሙ ነዳይ አይደለም) ። በልጅ መነኩሴ እቀናለሁ ። በተለያየ መስመር ላይ ስለሆንን ብቻ ሳይሆን ፥ መመነንና ራሴን ለእየሱስ መዳር ፥ የልጅነቴ ህልም ነበር ።

ተጨማትሮ የከረመው ፈቴ ፥ እንዳየሁት ፈካ ። መነኩሴውን ፥ ወደረከሰ ግቢ ከማስገባ ከበሩ መልሼ የሰፈሩ መውጫ ድረስ እያወራን ሸኘሁት። አባቴ ፥ ምን ነበር ?

አባታችን ነው የላኩኝ ! አለ ። ስልክሽን ደጋግሜ መታሁ ፥ አይሰራም ። ልጄ ፤ እኔም ላንቺ እንቅልፍ ካጣሁኝ ከረምኩ ። በመጪው አርብ ሎጊያ እደርሳለሁ ። ያንኑ ቀን ለሊት መጥተሽ እምነትሽን እንድትወስጂ ! እስከዛው ፈጣሪ ይጠብቅሽ ! የሚል መልዕክት ነበር ። አባ ፥ ሚስጥሬን እንደጠበቁ ነበር መልዕክት የላኩት ።

አመስግኜ ፥ የመልዕክተኛውን እጅ ተሳልሜ ቀና ስል ከባለቤቴ ጋር አይን-ለአይን ተያየን ። መነኩሴውን ቶሎ ብለህ ጥፋ ! አልኩት ፤ ወደጀርባው ዞረ ፤ የሚታየው ፍየል ነው ።

ሰላም የነበርኩ ሰው ፥ መለዋወጤ አስደንግጦታል ። እኔ ወደቤታችን ሩጫ በቀረው እርምጃ በረርኩ ። መነኩሴው ሊከተለኝ ሲሞክር ፥ ተመለስ ! ብዬ አምባረኹበት ። ደግሞ ደነገጠ ፥ ለእኔ የሚታየኝ መች ይታየውና?! በሩን ከፍቼ ወደቤቴ ስሮጥ ፥ ሀይለኛ ንፋስ በሩን ዘጋው ፤ ግውውው ።

ይቀጥላል.......

@fekernferan
@fekernferan
@fekernferan

ክፍል 4 ይቀጥላል reaction👆👆👆👆

እዚህ ጋር በፍፁም የማይገባኝን ነገር ልንገርህ ፤ እንዳትታዘበኝ ። ብዙ አስብና የባሌን መልክ ውል ሲለኝ ያሰብኩትን ሀሳብ እፈራለሁ ። የአባቴንና የወንድሜን ገዳይ ፣ የመዓት ግፍ ደም ያለበትን ጂኒ እኔ ልረዳው በማልችለው ምክንያት ፥ እወደው ነበር ። አዎ ልዑል ፥ ይሄን ሁሉ ነገር አድርጎም ፥ እወደዋለው ።

ባለቤቴ በዛን ቀን ፥ ማታ ወደቤት አልመጣም ። አልጋዬ ላይ እንዳለሁ ለሰዓታት ጠብቄው ፥ ከለሊቱ ዘጠኝ ሰዓት ሲሆን ከቤት ወጣሁ ። እንዴት እንደሆነ አላውቅም ፤ እግሬ ቀጥታ ወደ ሎጊያ መድሃኒያለም እየመራኝ ነው ። ባሌም ሆነ ጋሻጃግሬዎቹ በዛ ሰዓት ምድር ላይ እንደማይኖሩ እያወኩም ፥ ልቤን ፍርሃት-ፍርሃት ይለዋል ።

ከጨረቃ ድንግዝግዝ በቀር ብዙ የሚታይ ፥ ከውሾችና እንቁራሪት ጩኸት በቀር የሚሰማ ፤ በመንገዴ የለም ። ደርሼ ወደ መድሀኒአለም እነንደገባሁ ፥ ካህን ወይ በቃ አንድ አባት በአይኔ መፈለግ ጀመርኩ ። እግዚአብሔር ሲረዳኝ ከ ሲሪንቃ ወደ ሎጊያ የመጡ ሶስት አባቶች ሶታት ቆመው እየፀለዩ አየሁ ። ጠጋ አልኩና ፥ ሰላም ብዬ አዋራዋቸው ። እየተንተባተብኩ ፥ የቅዱስ ያሬድ እምነት የት ነው የማገኘው ? ብዬ ጠየኩ ።

ሁሉም ግራ ተጋብተው አዩኝ ። አንደኛው አባት ፤ ልጄ አውቀሽዋል ግን ቦታውን ? በጣም ሩቅ እኮ ነው ! ከዚህ አዲስ አበባ ሄደሽ ፥ ከዛ ደግሞ ጎንደር ታቀኝና ወደ ደባርቅ የሙሉ ቀን መንገድ ትጓዣለሽ ። እሱም ቀላል ምንገድ አይደለም ፥ አስራ ሰባት ጉብታና ተራራ ወጥተሽ ነው ከያሬድ የምትደርሺው ። እሳቸው ወሬያቸውን ሳይጨርሱ በፊት ፤ እኔ ተስፋዬን ቆሮጫለሁ ።

የእኛ አድራሻ ሲሪንቃ-አርሴማ ናት ። ቆይ አንቺ እምነቱን ለምንሽ እንዲሆን ፈልገሽ ነው ? አሉኝ ። ሁሉንም ታሪክ ፥ ምንም ሳላስቀር ነገርኳቸው ። አዘኑልኝ ፥ አንደኛው አብረውኝ ሁሉ አለቀሱ ። እያወራን ፥ ድንገት ስልኬን ሳይ ሳይ አስራ አንድ ከፈረቃ ይላል ።

ነገ በተመሳሳይ ሰዓት እንደምመጣ ተናግሬ በቅጡ እንኳ ሳልሰናበታቸው ወደቤት መንደፋደፍ ጀመርኩ ። ባለቤቴ አብሮኝ በማያድር ቀናት ፥ ሁሌም ጠዋት አስራ ሁለት ላይ ይመጣል ። የእውር ድንብሬን ሮጬ ፥ ከቤት ገብቼ እንቅልፌን ተኛሁ ።

ጠዋት ላይ በግቢዬ በር ላይ ግርግር ሰማሁ ። አርባ የሚደርሱ ታዳጊ ወንዶች እየተጨቃጨቁ ነው ፤ የተለመደ ነበር ። ባለቤቴ ፌቨር የሰራለት (ጂኒ እንደሆነ አያውቅም) ሰው አሻጋሪ ደላላ አለ ። በሆነ-ሆነ ግዜ ወደ ጅቡቲ የሚያሻግራቸውን ሰዎች የሚያራግፈው እኛ ግቢ ነው ።

አስራ አምስት የሚሆኑ ልጆች ፥ ተቀበልኩት ። ከአዲስአበባ ከመጡት አብዛኞቹ የፈረንሳይ እና የቤላ ማዞሪያ ልጆች ናቸው ። ከአንድ ቤት ውስጥ ሶስት ወንድማማቾች ነበሩበት ፤ አይ የእናት መከራ ። ከመካከላቸው ውስጥ ምን ያህሉና ማንኛቸው ለቀይ ባህር እንደሚገበሩ አላውቅም ። ትንሽ ስንግባባ ፥ ይበልጥ አሳዝነውኝ ቢያንስ ትንንሾቹ እንዲቀሩ ውሸት ማሰብ ጀመርኩ ።

እየተብሰለሰልኩ ፤ ድንገት የግቢው በር ተንኳኳ ። ለማኝ ነበር ። የማነው ደፋር የኔቢጤ ? አንኳኩቶ የሚለምን ብዬ ትክ ብዬ አየሁት ። ሰረቅ አርጎ አይቶኝ ፥ ሥለ ቅዱስ ያሬድ ! አለኝ ። ሰውነቴ መብረቅ እንደመታው ከላይ እስከታች ፥ ነዘረኝ ። ምንም ሳይል አተኹሮ ሲያየኝ ፥ ምልክት እንደሆነ ተገለጠልኝ ። ጥሩ ግዜ እየመጣ እንደሆነ ገመትኹ ። የኔ ወንድም ፤ አባ ከመዳኒያአለም ልከውህ ነው ?

ይቀጥላል ..........


@fekernferan
@fekernferan
@fekernferan

[ ለበረኃ ጂኒ ፥ ራሴን ዳርኹ ] ክፍል ፫

ከ ልዑል ዘወልደ ገፅ የተወሰደ 'እውነተኛ ታሪክ'

በሁለት ቀን ልዩነት ሁለት ቤተሰቤን ልቀብር ነው ። በአባቴ ሳልስት (በወንድሜ የቀብር ቀን) ፥ አባቴ ክፍል ገብቼ ፥ አ...ባ...ቴ ፤ የኔ አባት ይቅር በለኝ ! ብዬ ማልቀስ ጀመርኩ ። ፀፀት መሸከሚያ ጫንቃዬ ተሰብሮ ደነዝ ለቅሶ ነው የማለቅሰው ። እናቴ ከጀርባዬ መጥታ ፥ ተቃቅፈን አለቀስን ። ፊቴን በሁለት እጇ ይዛ ፤ ልጄ እፈራለሁ ! አለች ። ፈራሁ ፥ ትተሽሽን አትሂጂ !

እንዴት ብዬ ልንገርህ ፤ የልመና ድምጿ እስካሁን ጭንቅላቴ ውስጥ አለ ። በቂ ሀብት አለን ፤ ይበቃናል ። ከባልሽ ጋር እዚህ ሁኚልኝ ልጄ ! ከባልሽ ጋር አለች ? እኔ ብቻ ምንም አላወራም ። የኔን ጥፋት እና እሱን ያየሁበት ቀን እየረገምኩ ፥ እየተብሰለሰልኩ ፥ እናቴ እየደጋገመች አትጂብኝ እያለች ፥ እጇ ላይ አሸለብኩ ።

የአባቴና እሷ አልጋ ላይ አስተኝታኝ ፤ ከእንግዶች ጋር ለመተኛት ሄደች ። ለቀናት በድካም ውስጥ ሆኜ ያልተኛሁትን እንቅልፍ ተኛሁ ፤ አታምንም ነገር አለሜን አላውቅም ።

ጠዋት ስነሳ ፥ ትንሿ እህቴ በስስት እያየቺኝ ነቃሁ ። ምነው እማ ? አይ ምንም ፥ ተነሳሽ ? ባልሽና ጓደኞቹ ለለቅሶ መጥተው ነው ፥ ድንኳን ነው ያሉት ! አለች። ደነገጥኩ ፣ በርሬ ስሄድ ደቂቃ የወሰደብኝ አይመስለኝም። እሱን ጨምሮ አምስት ሆነው አንደኛው ድንኳን ውስጥ ተቀምጠዋል። ከነበረ ሰው ፥ የግማሹ ዓይን እነሱ ላይ ነው።

ቆንጆ ናቸው ። በጣም ተጨነኩኝ ፥ ምን ብዬ ልሂድ ? ምንስ ነው የማወራው? ከአፌ አንድ ቃል ማውጣት ተሳነኝ ። ባሌን እንደመገላመጥ አይቸው ፤ ከእናቴ ጎን ሄጄ ተቀመጥኩ ። እናቴ ፥ ሂጂ እንጂ ከባልሽ ! ትላለች ። እንዳልሰማ ሆንኩ ፣ እንግዶችሽ ጋር ሂጂ ! ስትለኝ ፤ ለሁሉም ይሰማ ነበር ። ድንጋጤና ንዴት ገላዬ ላይ ተቀላቅለው ፥ የሆነ መናገር የማልችለው ስሜት ሰሩ ።

ቆይቶ ግን ድንጋጤ አሸነፈኝ ፤ አንገቴን ስዳብስ ባዶ ነበር ፤ ማዕተቤ በቦታው የለም ። ተመልሼ ፤ የተኛሁበት የአባቴ ክፍል ውስጥ ፈለኩ ፥ የለም ። ትንሿ እህቴን (እማ ነው የምላት) ጠርቼ ፥ ማህተቤን አይተሻል ?! አልኩ ። አብራሽ የመጣችው ጓደኛሽ ፥ ለሊት ማህተቤ አነቀኝ ጠበበኝ እያለች ነው ብላኝ ፥ አብረን በምላጭ ቆርጠንልሻል ! አለች። ምን?!!! ሚጡ ፥ አንቆሽ እኮ በጣም ስታንኮራፊ ነበር ፤ አለች። እንዴት ብዬ ፥ እኔ ከማንም ጋር አልመጣሁም ! ልበላት ፥ የእሱ ስራ እንደሆነ ገብቶኝ ወደ ድንኳኑ ተመለስኩ ።

የወንድሜ ቀብር ሰአት ደረሰና ፥ ቤተሰብ ያለበት መኪና ውስጥ ልገባ ስል ጎተት አድርጎ ፤ ሚስት ከባሏ ጋር ነው የምትሄደው ! አለኝ ። እነሱ ከቅጥር ውጪ ቀርተው ፤ ቀበርን ። ወደቤት እየተመለስን ከኔ ጋር ጣዕም የሚኖረን በተመሳሳይ ጠለል ስንሆን ነው ። ምን ማለት ነው እሱ ? ስትሞች ! ነብስሽ ለኢፍቲር ስጦታ ትሰጣለች ። እኔ ብዙ ተንገላታሁ ፤ ከዚህ በላይ መጠበቅ እየደከመኝ ነው ።

ፈጥጬ ቀረኹ ፥ ቀዝቃዛ ሽንት ጠብ ሲለኝ ይታወቀኛል ፤ ሊገለኝ ነው ። ከአሁም አሁን ተገለበጥን ፤ አንዱ መታጠፊያ ላይ እያልኩ መንገድ ሳትን እያልኩ ቤት ደረስን ። ለቀስተኛውን ከኋላ ጥዬ በወላጆቼ ክፍል ማልቀስ ጀመርኩ ። ከየት መጣ ሳልለው ፥ አጠገቤ ተገትሯል ። አየሽ ትዕዛዜን እምቢ ማለት ፤ ምን እንዳመጣ ?! ምንም ማለት ስለማልችል ፥ ዝም ብዬ አየዋለሁ ።

አባትሽ ታንቆ አልሞተም ፤ እኛ ነን አንቀን ከገድልነው በኋላ እንደ ታነቀ ሁሉ የሰቀልነው። ወንድምሽ ላይም ፤ እኔ ነኝ ማሽን የጣልኩት ። ለምን እንደሆነ እንጃ ፥ አውቄያለሁ ! ማለት አልፈለኩም ። ሌላ የሚጠቅም ሚስጥር ያዝ ፤ ሠይጣን የሚያነበው ከአፍ የወጣን ነው ። በልብህ ያለን እንዳያይ ታውሯል ። መልካም መንፈስ አጠገብህ ከሌለ በቀር በስስት ያሰብከውን ነገር ፥ በአፍ-ቃልህ ለራስህም ሆነ ለሰዎች አትንገር ።

አክስቴ ወደ ክፍሉ ስትመጣ ፤ ነገ በጠዋት ተነስተሽ ወደ ሎጊያ ፥ አለበዚያ ሁሉንም ቀብረሽ ብቻሽን ስትቀሪ ትመጫለሽ ! ብሎኝ ወጣ። ሊመሻሽ ሲል አልጋ ላይ የነበሩ አክስቶቼን እጅ ነስተው ሄዱ ።

ሰዓታቸው እየደረሰ ነበር ፤ ከመሸ እንደሰው መሆን አይችሉም ። ሉሌ ፤ ማታ የአውሬ ቀን ነው የሚባለው እውነት ነው ። እኔ በማውቀው እንኳ የማያደርጉት የለም ። ከሁሉ የሚዘገንነኝ የሰው ሞት ሱሰኝነታቸው ናቸው ። አንተ እንደምትለን ጠቋር ፣ አዳል ሞቲ ፣ አዮ ሞሚና አይነት አይደሉም። እኔ እየነገርኩህ ያለኹት አዛዥ ስላላቸው ጂኒዎች እንጂ ተራ ዛሮች አይደለም ። ይሄ ቡና ፣ ቅቤ ፣ ሽቶ ፣ ዶሮ ምናምን ላይ አይልከሰከሱም ። የሚፈልጉት አንድና አንድ ነገር ፤ የሰው ደምና ትንፋሽ ነው።

ለመበልፀግ ፤ ሰው እንደነገር ነገሩ ፤ ትገብራለህ ባለፀጋ ያደርጉሃል ። ወሰን አልባ ናቸው ፤ ድንበርና ዘር አይገድባቸውም ። አብረውክ ቅዳሴ ሊቆሙ ይችላሉ ። ሙስሊም ከሆንክም ፥ አብረውክ ቁርዐን ካንተ በላይ ይቀራሉ ። ነገር ግን አባታችን ሆይ ! (ፀሎት) አይሉም ፥ ከቁርዐንም ላይ'ም የሆነ-የሆነ ክፍል አለ ፥ እሱን ለይተው አይቀሩም ። እና ደሞ ፤ የሌት ኪዳንና የሌሊት ኣዛን አይወዱም። ከ ሌሊት 9-12 የሚከፈት የመንፈስ በር አለ ። በዛ ሰዓት ተራ ጋኔኖችን እንጂ እኔ የማወራልህን ጂኒዎች አታገኝም ። እርግጠኛ አይደለሁም ፤ ግን ቀይ ባህር ፥ ወደ ኢፍቲር የሚሄዱ ይመስለኛል ።

የወንድሜን ሰልስት ሳላወጣ እናቴን ተሰናበትኳት ፤ ከአንጀቷ ስታዝንብኝ ይታወቀኛል ፤ ምርጫ አልነበረኝም ። ለአርባው እንደምመጣ ተናግሬ ፤ ዳግም ላለመባባት ወደኋላ ሳልዞር ከአደግኹበት ቤት ወጣሁ ። እያለቀሰች እሺ ለአርባው ቀደም ብለሽ ነይ አለች ።

በምድር ላይ የእናትን ፍርሃት እያዩ ምንም ካለማድረግ በላይ መሸነፍ የለም ። የኔ እናት እየዋሸኋት እንደነበርና ለአርባ እንደማልመጣ ከአኳኋኔ መገመት አልቻለችም ።

ወደ ሎጊያ ተመለስኩ ። መምጣቴን የሰማው የቤቱ አከራይ ማምሻውን መጥቶ ቤቱን እፈልገዋለሁ ፤ ልቀቂ አለኝ ። አላቅማማሁም ፤ ባለቤቴ ማታ ሲመጣ ውጡ ተብለናል ብዬ ነገርኩት ። መልስ አልሰጠኝም ፤ ምን ማድረግ እንዳለብን ሳናወራ እንዲሁ አቅፎኝ ተኛ ። ጀርባዬን እንደሰጠሁት አይኔን ሳልከድን ስምንት ሊሆን ሲል እንቅልፍ ሸለብ አደረገኝ ።

ጠዋት ስነቃ ፥ እንደተለመደው ብቻዬን ነኝ ። ሁሌም አንድ ላይ ተኝተን ፥ በለሊት ሲሄድ ዳናው አይሰማኝም ። ስጋ ልገዛ ከሰፈር ወጥቼ ወደ ባጃጅ ተራ ሄድኹ ። አስፋልት ላይ የተሸፈነ ሬሳ ከበው ፥ ሰዎች ሲጯጯሁ አየሁ ። ከጅቡቲ የመጣ የጭነት መኪና ድንገት ወጣባቸው ምናምን እያሉ ያወራሉ ። ለወሬ ተጠጋሁ ፤ ታምናለህ ሉሌ አከራያችን ናቸው ።

ፈጣሪም ሲፈጥረኝ የስቃይ ሳንቲም አድርጎ ነው ። አለ አይደል ፤ በኔ የንፁሃን ነብስ እንዲገዛ ምክንያት እንድሆን ። ከዚህ የተለየ የህይወት ትርጉም የለኝም ። ሌላ ትልቅ የፀፀት ድሪቶ ከነበሩት ፀፀቶቼ በላዬ ተከመረ ።

ቀና ስል ፥ የተሰበሰበው ሰው መሃል ባሌን አየሁት ። ልገዛ የወጣሁበትን ጉዳይ ትቼ ፥ እንደፈረደብኝ ልነፋረቅ ወደቤቴ ሮጥኩ ። ቤት እንደደረስኩ ግን እንደሌላው ግዜ ተደፍቼ አላለቀስኩም ። ድንጋጤ ይሁን ሴራ መጎንጎን እንጃ ፥ እህል ሳልቀምስ አልጋዬ ላይ እንደተጎለትኩ ስብሰለሰል ዋልኩ ።

[ ለበረኃ ጂኒ ፥ ራሴን ዳርኹ ] ክፍል ፪

ከ ልዑል ዘወልደ ገፅ የተወሰደ 'እውነተኛ ታሪክ'

ለወንድሜ ስደውል ስልኩ አይሰራም ፤ ጓደኛው ጋር ደወልኩ ። ከብዙ ማስጠበቅ በኋላ ፤ ፍርሃት በነገሰበት ድምፅ ሰላም ሚጡ አለኝ ። ዛሬ ጠዋት ማሽን ወድቆበት ደሴ ሆስፒታል ነን ፤ ቀላል መስሎን አልነገርኩሽም ። አሁን ግን እንደዛ እየመሰለኝ አይደለም ፤ አንቺው ከደወልሽኝ አይቀር ፥ነይ ! አለኝ ። ሰማይ ሲከደነብኝ ፥ ነገር አለሙ ሲገለባበጥብኝ ይታወቀኛል ።

የት እንደምሄድ ግራ ገባኝ ፤ ሟች አባቴን ልቅበር ወይስ አደጋ ያገኘው ወንድሜ ጋር ? ህይወቴ ሁሉ ቅዠት ሆኖብኝ ናውዤ ቁጭ አልኩ ። ልብስ እላዬ ላይ አድፏል ፤ ከቀየርኩ አራተኛ ቀኔ ሆኗል ። ልቤ ስትመታ ፥ ተነስቼ መጣደፍ ጀመርኩ ። እንዴትኒ ወዴት እንደምሄድ ሳልወስን ፥ ያስፈልጉኛል ብዬ ያሰብኳቸውን ነገሮች ከየመሳብያው ሰበሰብኩ ።

ልሂድ በድንጋጤ ከቤት ልወጣ ስል ሰፈራችን በአሸን ጂኒዎች ተከቧል ። አውቃቸዋለሁ ፤ እንዳላየ ወደ መኪናዬ ሮጬ ገባሁ ። በሬን ገጥሜ ስፖኪዮ ሳስተካክል ፤ ባለቤቴ የኋላው ወንበር ላይ አየሁት ። ደረቅኹ ። ለሰኮንዶች አይናችን ሳይከደን ከተፋጠጥን በኋላ ፤ ምን ብዬሽ ነበር ? አለኝ ። ፕራዶ መኪና እንድገዛ የሆንኩት በሱ ነው ። መኪናዬ'ን በገዛሁ በሁለተኛው ቀን ግን እንዳልጠቀም ከለከለኝ ።

ምን ብዬሽ ነበር ?! የሚለው ጥያቄ ተከትሎ ፤ መልስ ሳልሰጠው እሪ ብዬ አለቀስኩ ። ቁልፉ መኪናው ውስጦ እንዳለ እየተነፋረቅኹ ወርጄ ቤቴ ገባሁ ። የማልወጣው ፤ ማጥ ውስጥ ገብቻለሁ ።

ሰይጣን ፌየርነስ አያውቅም በአንድ የተሳሳተ እርምጃ ፤ መቶ ቅጣት ሊቀጣህ ይችላል ። እዚህ ላይ የነሱን ትልቅ ሚስጥር ልንገርህ ፤ የላይኛው እርከን አዛዦች ካልሆኑ በቀር ተራ ጂኒዎችና አጋንንት ቁጥር ላይ መሐይም ናቸው ።

ከሁለት ስጋዎቼ ፤ አንዱም ጋር ሳልሆን እያለቀስኩ ባዶ ሆዴን አደርኩ ። በነጋታው እናቴ ፥ ደወለች ። አንቺን እኮ ነው ለቀብር የምንጠብቀው !!! አለች ። ምን ልበላት ? እያለቀስኩ የወንድሜን ሁኔታ ነገርኳትና ፤ እዚህ ማንም ስለሌለው አልመጣም አልኳት ። የሰማችኝ መስሎኝ ብዙ እያወራሁ ፥ በስልኩ ውስጥ ሲጯጯሁ ሰማሁ ። እናቴ ፥ በድንጋጤ ወደቀች ።

አንድ ሀዘን ከብዷት ፥ እንደደህና ነገር በላዩ ደረቤላት ለምን አትወድቅ ? ሀዘን ላይ ሀዘን ጨመርኩ ። አይምሮዬ በትክክል እያሰራ አልነበረም ፤ እንደማልቀስ ይሁን እንደመሳቅ ያደረገኝ አሁን ላይ በደንብ ትዛ አይለኝም ። ቆይተው ፤ መልሰው በመደወል ወሃ እንዳደረጉላትና ደህና መሆኗን ነገሩኝ ።

ባሌና ጀሌዎቹ ፤ ግቢው ውስጥ እየቃሙ ነው ። ቀጥ ብዬ ወደሱ በመሄድ ፥ ለወንድሜ መድረስ እፈልጋለሁ አልኩት ። ቀና ብሎ ሳያየኝ ፥ አውልቂና ትሄጃለሽ አለ ። ምኑን ? ማዕተብሽን ። እንዲህ ሲለኝ ፥ እኔ እንዳደረኩ ራሱ ረስቼው ነበር ። የልብልብ ተሰማኝ ፤ ከዚህ በኋላ ምን ሊያሳጣኝ ብዬ እፈራዋለሁ ? ምን እንዳይቀርብኝ ብዬ እታዘዘዋለው ? አላወልቅም ብዬ ፥ አምባረኩበት ።

የመጣው ይምጣ ! ብዬ ወደመኪናዬ ለሁለተኛ ግዜ ሄድኩ ። የግቢዬን በር በላያቸው እየዘጋሁ ፥ መሄዱን ሂጂ በኋላ ግን እንዳታዝኚ አለኝ ። እንዳልሰማሁ ፥ መኪናዬን አስነስቼ ወደ ደሴ መሄድ ጀመርኩ ። ሉሌ ፤ ፈሪ ስለሆንኩ ራሴን መግደል ፤ አልችልም ። ከሱ መጥቶ መንገድ ላይ ቢገለብጠኝና ብሞት ግን ደስታዬ ወደር የለውም ።

የእውር ድንብር ስነዳ ስንት የገጠር ፍየልና አህያ ስቼ ደሴ ገባሁ ። ደሴ ሪፈራል ሆስፒታል የተኛ ወንድሜ ጋር ገባሁ ። ከሰዓታት በፊት ፥ ኢንቴንሲቭ ኬር ዩኒት ውስጥ ገብቷል ። ከአሁን ላይ የተየገረኝን ሰዓት ስቀንስ ከሎጊያ የተነሳሁበት ነው ። ተንበርክኬ ፤ ፊቴን እየቧጠጥኩ ማልቀስ ጀመርኩ ፤ ባሌ ... ተለመነኝ! ...የኔ ፈጣሪ ! ... የኔ ኋያል! ...ይቅር በለኝ !! እያልኩ መጮህ ጀመርኩ ። የተሰበሰቡት ሰዎች ግራ ገብቷቸዋል ፤ የገዛ ወንድሜን ባሌ የምል መስሏቸዋል ።

ወንድሜን አልማረውም ። ሲያየው የነበረ ዶክተር ወደኔ መጥቶ ፤ አዝናለሁ ወንድምሽ አርፏል አለኝ ። ምድርና ሰማዩ ተደበላለቀብኝ ፤ ሆስፒታሉን በጩኸት አቀለጥኩት ። አረርኩ ። ተቃጠልኩ ።

ከሆስፒታሉ የሬሳ ማውጫ ሳፅፍ አጠገቤ ማንም አልነበረም ። ከዛ ሁሉ ፤ ጀምኣው አንድ የሱ ጓደኛ እንኳን አላላቀሰኝም ። ይሄም የቅጣቴ አካል መሆኑ ነው ። ወደሬሳ ክፍል ስመለስ ፤ ከርሱ ውጪ ማንም አልነበረም ። የነርሶች መቀመጫ ላይ እግሩን አጣምሮ ተቀምጧል ። የኔ ባል ፥ የኔ ሁሉን አድራጊ ፥ የኔ ቀናተኛ ፥ የኔ ሐያል ...!

በፊት ብሆን ፥ ላንቀው እዳዳ ነበር ፤ ደቃቃ ብሆንም ልቤ ተራራ ናት ። አሁን ግን ንዶት አመድ ሆኛለሁ ፤ አልታገልም ። ቢላ ሰጥቶ ፥አሁን አይንሽን ጠንቁያት ቢለኝ ፥ አለማመንታት እጠነቁላታለው ።እንዳየሁት ፥ እግሬን ብርክ ብርክ አለኝ ፤ ተርበተበትኩ ።

ተጠግቼው ፥ ተንበረከኩ ። ትንፋሼን ሰብስቤ ...አንተ ንጉሥ ፤ አንተ የእፍሪት አሽኸር (እፍሪት ፥ የኔባልና ጀሌዎቹ የሚሰግዱለትና በመቀመቅ ያለ ጌታ ነው። ስለርሱ የሚያውቁ ካሉ ይንገሩህ) ተለመነኝ ። እያሞጋገስኩ ፥ ለመንኩት ። ስለእፍሪት ብለህ ፤ የአንድ ወንድሜን ሬሳ ልቅበር ?!

የሳልስቱ ቀን ማታ ፤ ሎጊያ እንዳገኝሽ ! ብሎኝ ወጣ ። አንዴ እንኳ አይኔን አላየኝም ። መኪናዬን ይዞ ተመለሰ ። እኔን እኔ ብቻ የማያቸው ጋሻጃግሬ ጂኒዎች ጋር ተወኝ (ሉሌ ፤ ሰይጣንና ጂኒ እንዳይምታቱብህ ፤ ይለያያል) ።

አባዱላ ተኮናትሬ ፤ ለስንትና ስንት አመት ወደተውኳት አዲስ አበባ ጉዞ ተጀመረ ። ታናሽ እህቴ ጋር ደወልኩ ። በተዘጋጋ ድምፅ ምን አይነት አውሬ ነሽ አለቺኝ ? አባን ቀብረው እየተመለሱ ነበር ። ልክ ነበረች ፥ አሁን አውሬ ነኝ ፤ ፈሪ አውሬ ። ነገር ግን ምንም አይነት ተጨማሪ ወሬ የማስተናግድበት አቅም ላይ አልነበርኩም ።

አዳምጪኝ ! ብዬ ጮህኹ። ስልኩን ፥ ለአክስቴ ሰጠቻት ። አባቴን እንዳረዳቺኝ የእህቷን ልጅ አረዳኋት ። የወንድሜን ሬሳ ይዤ እየመጣሁ ነው ፤ አመሻሽ ላይ እገባለሁ ! ...

ካልኩት ሰዓት በጣም አምሽተን ፤ ከምሽቱ አምስት ሰዓት ካሳንችስ ደረስን ። በዛ ለሊት ፤ ያ ሁሉ ሰው ተሰብስቦ ሬሳ ሲጠብቅ ፤ ያሳደገኝ የግቢ ገብርዔል አመታዊ በዓል ይመስላል ። እገባበት ጠፋኝ ፤ ፀፀት እግሬን አስሮት ከጋቢና በሰው እርዳታ ወረድኹ ።

እብድ እያሉ ማልቀስ ፈልጌ ነበር ። ልክ ቢወራጭ እንደሚሞት ሰው ቆላለፈኝ ። እዚህ ጋር ፥ አንድ ሚስጥር ልጨምርልህ ። የቁጥ ቁጥ ፥ እርም ለማውጣት የምትሆን ሐዘን ትታለፋለህ እንጂ ፤ እንደኔ እግሩ ለገባ ሰው ሐዘን አይፈቀድም ። ሁለት አይደለም ፥ ለምን የሙሉ ቤተኛህ ሬሳ አይወጣም ! ...

ይቀጥላል .......


@fekernferan
@fekernferan
@fekernferan

ሕዝቤ እውቀት ከማጣቱ የተነሳ ጠፍቷል።

[ ለበረኃ ጂኒ ፥ ራሴን ዳርኹ ] ክፍል ፩

ከ ልዑል ዘወልደ ገፅ የተወሰደ 'እውነተኛ ታሪክ'

የአስራ ስድስት አመት ልጅ እያለሁ ከ ወንድሜ ( ኮንስትራክሽን - መንገድ - ይሰራ ነበር ) ጋር ወደ አፋር ሄድን ። አፋር እንደደረስን ፥ ሎጊያ ከምትባል ከተማ ቤት ተከራይተን ኑሮ ተጀመረ ። አምስት ወር ሳይሆነን ፤ አከራያችን ቤቱን ልቀቁ አሉን ። ሌላ ቤት መፈለግ በጀመርን በሁለተኛው ቀን ፥ አንድ ቆንጆ ጊቢ ውስጥ አገኘን ። ስድስት ሰርቪሶች ሲኖሩት የጥገኛዋ ቤት እኛን እየጠበቀች ነበር ፤ ገባን ።

አንድ ቀን ከጓደኛዬ ጋር ልንዝናና ወጥተን እየተዝናናን መሸብን ፤ ሙቀት ስለሆነ ቢራ እንደጉድ ይገባልሃል ። ለሊቱ ሲያጋምስ ግዜ ፥ ጓደኛዬን ተሰናብቼ ወደቤት መጣሁ ። ግቢ ስገባ ስድስት ሰዎች ቁመታቸው ሶስት ሜትር ይሆናል ፥ እሳት አንድደው ይጫወታሉ ።

እኔ ሞቅ እንደማለት ብሎኝ ስለነበር ፥ የአንዱ ተከራይ ዘመድ ይሆናሉ ብዬ ፤ አልፌያቸው ገባሁ ። አፋር በጣም ሙቀት በመሆኑ ፤ ሁሉም የሚተኛው በረንዳ ላይ ነው ። እኔም ፍራሼን አውጥቼ ከነሱ ፊት ለፊት አንጥፊ ተኛው ። ጠዋት ስነሳ እነዛ የሚያማምሩ ወንዶች የሉም ፤ እሳት ሲነድበት የነበረ ቦታ ሄዳድኹ ፥ ምንም አመድ የለም ።

ደነገጥኩጬ ራሴን መጠራጠር መረጥኹ ፤ ለማንም አላወራሁም ። ማታ ግን የተፈጠረውን ነገር እያንዳንዷን አስታውሳለሁ ። በማግስቱ ማታ ከመጡ እንደው ብዬ ጠበቅኹ ፤ የመጣ የለም ።

ያየኋቸው ፍጡራን ውበት ልነግርህ አልችልም ፤ በጣም ውብ የሚባል ወንዶች ናቸው ። ሲቆይ ግዜ ረሳሁት ። በሳምንኑ ሀሙስ ቀን ፥ ቅድም ያልኩኽ ጓደኛዬ ቤት አምሽቼ ፤ ግማሽ መንገድ የሚሆን ሸኝታኝ ተመለሰች።

ግቢያችንን ከፍቼ ወደውስጥ ስዘልቅ የመችለታዎቹ ሰዎች ፥ ሁሉም አሉ ። እንዳየኋቸው ደነገጥኩ ። ክብ ሰርተው ጫት እየቃሙ ነበር ። ሠላም ! ለማለት ስሞክር አፌ እይንቀሳቀስም ፥ ማውራትም አልቻልኩም ። ሁለቴ ሞክሬ ሲያቅተኝ ግዜ ፥ ወደ ውጪ ወደነበር ፍራሼ አመራው ። ልቤ እየደለቀች ፥ ድርያዬን ሰብስቤ አረፍ ስል ፥ አንደኛው ፈገግ ብሎ እያየኝ ነው ።

ድርብ ጥርሱ እንዴት እንደሚያምር ልነግርህ አልችልም። በረንዳዬ ላይ እጄን ተደግፌ እያየሁት ፥ እንዴት እንደሆነ አላውቅም ልቤ ወደደው ። ፈዝዤ ፥ እያየሁት አንጎላጀጀኝና ተኛሁ ። ከመተኛቴ በፊትና በኋላ በነበረው ቅፅበት የተከናወነ የማስታውሰው ነገር የለም ።

ጠዋት ፀሀይ አይኔን ወግቶኝ ስነሳ ፤ የነገርኩሆ ሰዎች በቦታው የሉም ። አሁን ግን እንደመችለት አይነት ስሜት እየተሰማኝ አልነበረም ።ከበታቸው የቀረ አመድ ባላገኝም የልጁ ፈገግታ አይኔ ላይ አለ ፥ እውነት እንደነበር እርግጠኛ ነኝ ።

አርብ ለሊት ፤ የትም ሳልሄድ ቁጭ ብዬ ጠበኳቸው ። አላሳፈሩኝም መጡ ። ቁመታቸው ከቤቶቹ ጣሪያ ያልፋል ፤ ደነገጥኩ ። የሆነ ያልገባኝ ነገር አለ ፤ ፈገግተኛውን ልጅ ሳየው ግን መመራመሬን እርግፍ አርጌ ተውኹ ። ዛሬ ከሌላው ግዜ በተለየ ፥ አብረዋቸው ሴቶች ነበሩ ።

እኔ ግን ፥ እንደተለመደው መንቀሳቀስም ሆነ ማውራት አልቻልኩም ። ከማየት በቀር ፥ በተቀመጥኩበት ሽባ ሆንኩ ። እነሱ ግን እያዩኝ ይስቃሉ ፥ አንዴ በአፋረኛ እና በ አማርኛ እየቀላቀሉ ያወራሉ ።

ድንገት ፥ የአንደኛዋ ተከራይ በር ከፍታ ወደ እነሱ አቅጣጫ ቆሻሻ ውኃ ደፋች ። ለሷ አይታዩም መሰለኝ ፥ ስትደፋ ግን እሳታቸው ላይ እና ሁለቱ ፍጡሮች ላይ ነበር ። እኔን መለስ ብላ አይታኝ ፤ አንቺ አተኝም? ! አለች ። ሽባ በመሆኔ ምንም መመለስ አልቻልኩም ። በሩን ዘጋች ፤ በጣም ተናደዱ ። ሴቷ ፍጡር ወደ ልጅቷ ቤቷ እየገሰገሰች ገብታ ስትወጣ አየዋት ። እኔና ቆንጅየው ፍጡር እየተያየን እንደመችለት ፈዝዤ ፥ እንቅልፍ ወሰደኝ ።

ለሊት ዘጠኝ ሰዓት ይሆናል ፤ ውኃ የደፋችው ልጅ በጣም በሀይለኛ ትጮኽ ጀመረ ። ሁሉም ተከራይ ፥ ተነሳ ። እኔ በጩኸቷ ባንኜ ስነሳ ፍጡራኑ የሉም ። ፍርሀት ከጩኸቷ ጋር ሲደመርብኝ ግዜ ሰውነቴን ወረረኝ ። ጎረቤቴ ፥ ህፃን ልጅ አለቻት ። ህፃኗ ፥ ከሷ ብሳ እንጥሏ እስኪበጠስ ከእናቷ እኩል ተርገበገበች ። ጎረቤት ተደናግጦ ፥ ዘምዘምም ፀበልም ተደረጋላቸው ። እኔ ያየሁትን እንዴት ብዬ ልናገር ?

እንዲህ እያለ ፤ ከፍጡራኑ ተላመድን ። በሁለተኛው ቀን ይመስለኛል ፥ ሴቷ ፍጡር ቀጥ ብላ ወደኔ መጣች ። አመጣጧ ያስፈራል ፥ አይን አይኔን እያየች ከአጠገቤ ቁጢጥ አለች ። ከትላንት ወዲያ እጣቢ የደፋችብኝን'ን ጎረቤትሽ ፥ ከዚህ ግቢ ውጪ በያት ! ይሄን የማታደርግ ከሆነ ፥ ልጇን እገላታለሁ ! አለች።

እሰማታለሁ እንጂ ፤ ከጭንቅላት እስከ እግሬ ሽባ ሆኛለሁ ። በነጋታው ጠዋት ስነሳ ፥ ፊት ለፊታችን ወዳለ ባለሱቅ ሄጄ የሆነውን ምንም ሳላስቀር ነገርኩት ። ቤቱ ከተሰራ አመት እንደሆነውና ከዛ በፊት የከተማው ቆሻሻ መጣያ ስለነበር ሰይጣን ይሆናል አለኝ ። አጥወለወለኝ ። እዛው እንዳለሁ ፤ ለሷም ለመንገር ቤቱንም ለመልቀቅ ወሰንኩ ።

ስረጋጋ ለጎረቤቴ ገብቼ ፥ ነገርኳት ። እሷ ግን እንደበሽተኛ አይታኝ ፥ እምቢ አለች ። ቀን ቤት እየፈለኩ ፥ ማታ ተሳቅቄ ማደር ጀመርኩ ። በሁለተኛው ቀን ህፃን ልጇ በተኛችበት ሞተች ። የሚገርምህ ፤ ለኔ ስም ወጣልኝ ፤ እንደሟርተኛ የግቢው ሰው ሁሉ ሸሸኝ ።

የቀብሯ እለት ማታ ፤ በተኛሁበት (ቤቴ ውስጥ ነው የተኛኹት) እንደሰመመን አርጎኝ ስባንን ሰይጣኖቹ ተከታትለው ወደኔ መጡ ። ፈገግተኛው ሰይጣን አለልምዱ ልክ አልነበረም ። አይኑ ደም ለብሶ ፥ ከዚህ ቤት የለቀቅሽ እለት መቃብርሽን ትምሻለሽ አለኝ ።

አንድ ያመነኝ ሰው ባለሱቁ ስለነበር ፥ ጠዋት ወደሱ ሄድኩ ። እሱም ፥ አዲስ ነገር ነገረኝ ። ምናልባት ፥ እንዲህ የሚቀያየሩ የአፋር ጎሳዎች አሉ ። ሰውም ፣ ሰይጣንም ፣ እንስሳም ይሆናሉ ! አለኝ ። በጣም ሲጨንቀኝ ግዜ ወደወንድሜ ደወልኹ ፤ እሱ ግን ቀልዶብኝ እንድረጋጋ ነግሮኝ ዘጋሁ ።

ከሐሳቤ ጋር እየተሟገትኹ ፤ ቁርስ ልበላ ወደሆነ ምግብ ቤት ስገባ ማታ የሚታየኝ ሰይጣን ሌላ ወንበር ላይ ተቀምጧል ። ደነገጥኩ ፤ በድፍረት ወደእኔ መጥቶ ሰላም አለኝ ። እንደወደደኝና መተዋወቅ እንደሚፈልግ ፥ እሱም ለሎጊያ አዲስ እንደሆነ ምናምን አወራኝ ።

የአይኔን ወዳጅ ፥ በቀን ካገኘሁት በኋላ ፥ ለሊት የሚመጡት ነገር ቀረ ። እሱ ነገር መቅረቱ ከጭንቀት ስለገላገለኝ በቀን እየደጋገምን መገናኘት ጀመርን ። እየተግባባን መጣንና ፥ ማታ ስለሚሆነው ነገር ሁሉ ነገርኩት ፤ ሙድ ያዘብኝ ።

እቤት ፤ የምታምር ድመት መጣች ፤ ሳያት ደስ አለኝ ። በተፈጠረው ኹነት ከግቢ ሰዎች ጋር ስለማላወራ ጓደኛ ያገኘሁ መሰለኝ ። ልጁ (ስሙን ብነግርህ ደስ ይለኝ ነበር ፤ ስለፈራሁ ይቅር ) ሁሉ ነገሬን ተቆጣጥሮኛል ወይም በቃ ወደድኹት ።

የሆነ ነገር ግን ግራ ይገባኝ ጀመር ። እሱ ወደቤት ከመጣ ድመቷ ጭራሽ ትጠፋለች ። እሱ እግሩ ሲወጣ ጠብቃ ደሞ ትመጣለች ። ወንድሜ ከአዋሽ ሲመጣ ልነግረው ፈልጌ ፥ እንዳያጣጥልብኝ ፈርቼ ተውኹት ። እየተጫወትን አመሸን ። የቤቱ ሙቀት ለሁለት አይደለም ፥ ለብቻ ራሱ አያስተኛም ። በረንዳ ላይ ፍራሽ አንጥፎ ልንተኛ ስንዘጋጅ ፥ ያልኩህ ድመት መጥታ የወንድሜን እግር መቦጨር ጀመረች ።

በእግሩ ሲመታት ፥ አንተ እየገዘፈች መጣች ። በመታት ቁጥር ወደ ትልቅ አውሬ እየሆነች ስትመጣ ፥ ጮህን ። ጎረቤት ተሰበሰቦ አነር ! አነር ! እያለ አባረራት ። ካባረሯት በኋላ ግን ጡሩንባ ተነፋ ። ለምን አትልም ? እንቅልፍ እንዳተኙ ! በጣም ሙቀት አለ ፥ ተብሎ። እንደዚህ ተብሎ ከተኛህ ሙቀት አፍኖ ይገልሀል ። ይሄና የቅድሙ ነገር ሰበብ ሆኖን ከግቢው ሰዎች ጋር ተሰብስበን ።

በነጋታው ፤ ወንድሜ ወደከተማ ሲወጣ ጠብቆ የወንድ ጓደኛዬ መጣ ። እግሩን ያመመው ይመስላል ! ምን አገኘህ ? ስለው ፥ ለምን እንደማታውቂ ትሆኛለሽ ! አለ ::

አይን አይኑን እያየሁ ስወዘጋገብበት ፤ ዥንጉርጉሯ ድመት እኔ ነኝ !" አለኝ ። አፌ ተንቀጠቀጠና እንደተለመደው ተለጎመ ። እሱ ግን ማውራቱን አላቆመም ። ይኸውልሽ ! እኔ ፈልጌው አይደለም እንደዚህ የምሆነው የቆየ ! የአያቶቻችን እርግማን ነው ። ካንቺ ጋር በፈጠርኩት ነገር በመላው ቤተሰቤ እየተሰደብኩ ነው ። ነገር ግን ከምንምና ከማንም በላይ ወድጄሻለሁ ! ምን ማድረግ እንዳለብኝ ራሱ አላውቅም ! ብሎ ተንሰቀሰቀ ።

እንደዛም እያለቀሰ ፥ እንደፈራሁት ሲገባው ቁጣ ጀመረው ። ፊቱ የሚለዋወጥበት ፍጥነት ፥ አታምንም ። ወንድምሽ ፈገግ እያለ ፥ ወንድምሽ እንዲሞት ትፈልጊያለሽ ? ከኔ መለያየት ያሰብሽ ቀን ይሞታል !!! አለኝ ።

እኔ በእምነቴም ጠንካራ አይደለሁም ። ነገር ግን ስለነሱ በድፍረት ማጣራት ጀመርኩ ። ከጠበኹት በላይ ብዙ ሰው ውስጥ ውስጡን ፥ ያውቃቸዋል ። የአለቃቸው ግብር ራሱ ምን እንደሆነ ተነገረኝ ። በባህር ወደ የመን የሚሻገሩ ስደተኞች ? ዜና ሰምተህ የምታውቅ ከሆነ ወደ ሊብያ ሲሻገሩ ከሚሞቱት ወደ የመን ሲሻገሩ የሚበሉ ነፍሳት ይበዛሉ ።

ወደኔ ታሪክ ስመልስህ ፤ ብቸኛ ወንድሜ እንዲሞትብኝ ስላልፈለኩ ፥ ከሰይጣን ጋር መዳራቴን ቀጠልኩ ። (ምን ምን እንደሚያረጋት ፤ ከፅሁፉ ላይ ተቆርጧል) ስጦታ ግን ሁሌም ያመጣልኛል ። ወንድሜ እስኪገርመው ድረስ ፥ ብር ኖረኝ ። አዲስአበባ ለአጎቴ ልጅ ውክልና ልኬ ሳርቤት ገብርኤል ቤት ገዛሁ ። እኔ ግን ከሎጊያ ለመውጣት አልተፈቀደልኝም ።

በሎጊያ እኔን የተናገረኝ ፣ የተጣላኝ ወይ ያስቀየመኝ ካለ አይሰነብትም ። ወሬ ሲበዛብኝ ግዜ ፥ ቀስ እያልኹ ፥ የጊቢውን ተከራይ ሁሉ አባረርኹ ። በፊት የሚያውቀኝ ሰው እስኪገርመው ድረስ ፥ ሳልፈልግ ባህሪዬ እየተቀያየረ መጣ ። እንደዚህ እያልን ፥ ለስምንት አመት ቀጥለን ፥ የህዳር ሚካኤል እለት አንድ ነገር ተፈጠረ ።

እኔ ህዳር ዘጠኝ ፥ ባሌን አስፈቅጄ ወደ ደሴ (ደቡብ ወሎ) እቃ ለመግዛት ሄድኩ ። ደሴ ፥ ከሎጊያ ብዙ አይርቅም ፥ ቅርብ ነው ። ወደ ደሴ ስሄድ ግን ድመቴም አብራኝ በዘንቢል ተጓዘች (የምን ድመቴ ባሌ ልበለው እንጂ) ። ደሴ የምትኖር ጓደኛዬ ጋር አረፍኩ ፤ ድመቷ ሳላያት ወርዳ ከበራቸው ቀርታለች ። የጓደኛዬ አባት ሼክ ይሁን ኡላማ አላውቅም ፥ ብቻ በአረብ ገንዳ መስጂድ ትልቅ ክብር ያላቸው ናቸው ።

ሶስት ቀን ከሷ ክፍል ሳልወጣ ቆይቼ ፥ ሲደብተኝ ግቢው በር ጋር ቆምኩ ። ሰው ፥ ነጠላውን አጣፍቶ ይርመሰመሳል ። የቀኑን ንግስ አስቤ-አስቤ ፥ ከሆነ ግሮሰሪ የሚወጣ መዝሙር ስሰማ መጣልኝ ፤ ለካ ህዳር 12 የአመት ሚካኤል ኖሯል ። ሰዎቹን ተከትዬ በደመነፍስ ሄድኹ ። በትርምስ ውስጥ ፥ ልክ ቤተክርስቲያኑን ሳየው አይኔ እምባ አቀረረ ።

አንድ ልቤ ሂጅ ግቢ ይለኛል ፤ ግን ደግሞ በጣም ፈራው ። ልክ ፥ወደ ቤተክርስቲያኑ ልጠጋ ስል ድመቴ እንዴት ተከትላኝ እንደመጣች አላውቅም እግሬን ቧጨረችኝ ፥ ነጠላ ጫማዬ እስኪቀላ አደምታኛለች ። ተናድጄ ፥ በእልህ ወደ ቤተክርስትያኑ ሄድኩ ። ደሜ አልቆም ብሎ ፥ እግሬ በጣም ሲደማ ግዜ ጎንበስ ብዬ በድሪያዬ ጫፍ ያዝኩት ። እንዳጎነበስኩ ታቦት መዞር ጀመረ ፤ ታቦቱን እንዳየሁ እንባዬን መቆጣጠር አቃተኝ ። በቀሚሴ ያፈንኩት ደም እንደመቆም ሲል ፥ የታቦቱ በረከት እንዳያመልጠኝ ሮጥኩ ። ወደ ቤተክርስትያኑ በር ልገባ ስል ግን የሆነ ነገር ይመልሰኛል ። በኃይል ስጠጋው ፥ በተጠጋሁበት ሀይል ልክ መልሶ ገፈተረኝ ።

ማርያምን ሆድ ባሰኝ ። ሚካኤልዬ ምን ያህል ቢጠላኝ ነው ? የሚገፈትረኝ ። ፈጣሪ ምን ያህል ቢፀየፈኝ ነው የሰይጣን ሚስት የሆንኩት ። እንደዚ እያልኩ ጮህኩ ፤

" መፅሐፍ ቅዱስ ላይ የተፃፈው ሁሉ ውሸት ነው ! ከመቶ በጎች አንዷ ብትጠፋበት ሊፈልግ አልወጣም ? ያ ሁሉ ውሸት ነው ! እግዚአብሔር አይወደንም " በለቅሶዬና በጩኸቴ መሀል ሳግ ይተናነቀኛል ። " ለምን ፈጠርከኝ?! ውሸታም ነህ !! አንተ እውነት ብትሆን እኔን ታድነኝ ነበር !!

ሰው ሁሉ ሸሸኝ ፤ በነጠላቸው አፋቸውን እየሸፈኑ ከንፈራቸውን መጠጡ ። የሰው አይን ሲበዛብኝ ፥ መረጋጋት እንደምንም ተረጋጋሁ ። በዚህ መሃል የሆነች ሴት (በሰላሳዎቹ ያለች) አጠገቤ መጣችና እንደናቴ ንፍጤን እየጠረገች አባበለችኝ ፤ ደረቷ ላይ ተደፍቼ ልቤ እስትወጣ ደግሜ ተንሰቀሰቅኹ ።

ሲቆምልኝ ፥ ለምን አለነጠላ መጣሽ ? ለምን አንገትሽ ላይ ማህተብ የለም ? አለችኝ ። ኖሮኝ አያቅም ! አልኳት ። ከአንገቷ ላይ ወፍራም ማዕተብ አወለቀችና በጄ አስያዘችኝ ። ይኼውልሽ ፤ በዚ ማዕተብ ውስጥ የራስ ዳሽን ተራራው ቅዱስ ያሬድ የእምነት አፈር አለ ፤ የከርመር መስቀል ነው ። አይዞሽ ! ከሁሉም ነገር ይሰውርሻል ፥ ይጠብቅሻል ። ያሰብሽውን በልብሽ ጠይቂና ከተሳካ ስለትሽን ይዘሽ ትሄጃለሽ ! አለች ።

ዝም ብዬ ሳያት ፥ ከጄ ላይ አንስታ አንገቴ ላይ አሰረችልኝ ፤ ደንዝዤ ቆሜ ፥ ከአጠገቤ እንደሄደችም አላስተዋልኩም ። ወደጓደኛዬ ቤት በቀስታ እየተመለስኩ የመንገድ ዳር የሱቅ ዣንጥላ ስር የሆነ ሰው ቆሟል ፤ ባሌ ።

ፊቴን አያይም ፤ እንዳቀረቀረ ወደኔ መጣ ። ደርቄ ፥ ጠበኹት ። ሰላምም ሳይለኝ አንገትሽ ላይ የቋጠርሽውን ምናምንት በጥሽ ! አለኝ ። አንገቱን ወደመሬት እንዳቀረቀረ ነው ። አላወልቅም ! ግደለኝ !! ብዬ አምባረኩበት ። እየተጨቃጨቅን ፥ ከጣሪያ ላይ ሲጣሉ የነበሩ ድመቶች ፥ ተገለባብጠው እላያችን ላይ ወደቁ ።

ድመቶቹ ከአጠገቤ እንደአውሬ ተነካከሱ ። ሁለት መስለውክ ነው አይደል ? ዘጠኝ አስር ይሆናሉ ። ምንም ፍርሀት አልተሰማኝም ፤ ማዕተቤን አላወልቅም ብዬ ደግሜ ጮህኩበት ። የታባሽ እንደምትቀሪ ፤ አያለሁ ስለቅጣትሽ ስትመለሽ እናወራለን ! ብሎኝ ሄደ።

ሚካኤል ሰፈር ሲጣሉ ከነበሩት ውስጥ ሶስት ድመቶች ተከተሉኝ ። እንዳለየኋቸው ሆኜ ፥ ጓደኛዬ ቤት ስገባ በሩን በሀይል ጠረቀምኩት ። በሩ ሲጮህ ፤ ጓደኛዬ (ስሟን መጥራት አስፈላጊ አይደለም) መንጓጓቱን ሰምታ እየሮጠች ወጣች ።

የት ሄደሽ ነበር ? መልስ የለኝም ! ምን ሆኖ ነው ድርያሽ ቀይ የሆነው ? ዝም ። ሁለመናዬ ከፀጉሬ መንጨባረር ጋር ተደምሮ ያበድኩ ስለመሰላት ፤ እሷም ዝም አለች ። ገብቼ ፥ ቦርሳና የፕላስቲክ ዘምቢሌን ማስተካከል ጀመርኩ ። በፍርሃት አፏ ተያይዞ ስሜን ስትጠራኝ ፤ መሄድ አለብኝ !! አልኳት ።

ከመጣሁበትን አንድም ነገር ሳላደርግ ፤ ለመመለስ ወደመናኸርያ ገሰገስኩ ። ሆኖልኝ እየወጣ የነበረ በራሪ መኪና አገኘሁ ፤ እነዛ ድመቶች እየተከተሉኝ ነበር ። በመስኮት እያየኋቸው ሳይገቡ መኪናው ተነሳ ። ስለዚህ ቆይቼ ሳውቅ ፥ ሶስት መቶ የድመት አሽከሮች አሉት ። ከነሱ ውስጥ ግማሾቹ መቀያየር ይችላሉ ። ወደ ሰው ልጅነት ሲለወጡ ፥ አለ አይደል በተጋነነ ይረዝማሉ እንጂ ፤ ሁሉም ቆንጆ ናቸው ። ባሌ ሰይጣን እንደሆነ ከኔ ውጪ ማንም አያውቅም ። ወንድሜ ራሱ ፥ የጅቡቲ ሞጃ እንደሆነ እንጂ ከማሳልፈው ታሪክ አንድ አያውቅም ።

ሎጊያ ቤቴ እንደደረስኩ ፤ አገር ምድሩ ጭር ብሏል ። ሰፈሬን ጨርሼ ግቢዬን ከፍቼ ገባሁ ። እነዛ ሶስት ድመቶች እርስ በርስ እየተላፉ ነበር ።እንዳላየሁ ሆኘ ስጠጋቸው ፥ ይሸሹኛል ። ማን እንደሰጠኝ እንጃ ፥ የማላቀውን ድፍረት አግንቻለሁ ፤ አላቅም ! ተስፋ መቁረጡ መሰለኝ ።

በጣም ደክሞኝ ስለነበር ፤ ልብሴን ሁሉ ሳልቀይር አልጋዬ ላይ ተዘረርኩ ። በህይወቴ እንዲህ አይነት እንቅልፍ ተኝቼ አላውቅም ። ጠዋት እራሱ የቀሰቀሰኝ ፤ ስልክ ነው ። የማላውቀው ቁጥር ነበር ። ሄሎ ስል ፤ አክስቴ ድምጿ እየተንቀጠቀጠ ስሜን ጠራች ።

ደነገጥኹ ፤ ምንም ሳትለኝ ...ምነው ? ምን ተፈጠረ? አልኳት ። አባትሽ ደክሟል ! አለች ። አፍንጫዬን ደም-ደም አለኝና ፥ እሪሪሪ ብዬ አለቀስኩ ። ሳለቅስ ፥ አክስቴ አብራኝ ፤ የኔ መከታ ! የኔ መከታ !! እያለች ማልቀስ ጀመረች ። እንደሞተ እሷ ምንም ሳትቀጥልልኝ አውቄያለሁ ። ሚጡዬ ! አባትሽ ጥሎን ሄደ ! አባትሽ ትላንት ራሱን አነቀ'ኮ ...ሚጡዬ!!!

ወንድሜን ለማዳን ስበር ወደሎጊያ መጥቼ ፥ ያልጠበኩትን አባቴን እንደሰው እግሩ ስር ሆኜ ሳልጦረው ፥ ወሰዱብኝ ። እንዲሁ በአይኔ እንደዋለ ፤ እንዲሁ እንደናፈኩት በራሴ እጅ በገባሁት ጣጣ አመለጠኝ ። አክስቴ እያላቀሰች ፥ ድንገት ጆሮዋ ላይ ስልኩን ጠረቀምኩት ። ወንድሜ የት ነው ? ጣቴ ተሳስሮ ቁጥሩን መፃፍ እንኳ አቃተኝ ፤ ደወልኩ ....

ይቀጥላል ......
@fekernferan
@fekernferan
@fekernferan

ለማለቅ 15 ቀን ብቻ የቀረውን X empire air drop ተካፋይ እንድትሆኑ በቀረችው ጊዜ በተቻላቹ መጠን ሰብስቡ

$Dogs ያመለጣቹ ይሄን እድል ተጠቀሙ።
👇👇👇

https://t.me/empirebot/game?startapp=hero6799229820

መማገጥ/Cheating ማለት ከሌላ ሰው ጋራ ከባልሽ/ከሚስትክ ዉጪ የምታደርገው የአንሶላ መጋፈፍ ሂደት ብቻ ሳይሆን፣ የሚከተለሉትንም ያካትታል፡

1. ከባልሽ እውቅና ውጪ ከሌላ ወንድ ገንዘብ መቀበል።

2. ከሚስትክ እውቅና ውጪ ለሌላ ሴት ገንዘብ መስጠት።

3. የትዳር አጋር ወይም የፍቅር ጓደኛ ካልሆነ ሰው ጋር sex jokes/ወሲብ ነክ ቀልዶች መቀለድ።

4. የትዳር አጋርክ/የፍቅር ጓደኛክ እንዳታይ ወይም እንዳታነብ ብለክ ስልክ ላይ ያሉ መልእክቶችን/messages/ማጥፋት።

5. ከትዳር አጋርክ/ከፍቅር ጓደኛሽ ጋር ሆነክ/ሆነሽ በእኩለ ለሊት ከተቃራኒ ፆታ ለተደወለ ስልክ መልስ መስጠት።

6. በቀን የትዳር ጓደኛክ/የፍቅር ጓደኛክ ባለበት (ባለችበት) ቦታ የተደወለን ስልክ አለማንሳት።

7. የትዳር አጋርክ/የፍቅር ጓደኛክ እንዳታውቅ ወይም እንዳያውቅ በማሰብ የደንበኛክን/የደንበኛሽን የስልክ ቁጥር ፆታ እና ስም በመቀየር save ማድረግ።

8. የትዳር አጋርክ/የፍቅር ጓደኛክ እንዳታውቅ/እንዳያውቅ በማሰብ ያለክበትን ቦታ/ location ቀይረክ ሌላ ቦታ መናገር።

9. ከትዳር አጋርክ/ከፍቅር ጓደኛክ ውጪ በስራ ቦታ ወይም የመስሪያ ቤት ባል/ሚስት መኖር።

ምንጭ፦ ከፌስቡክ መንደር በእንግሊዝኛ ተፅፎ የተገኘ በodaa Times የተቶረገመ።

@fekernferan
@fekernferan
@fekernferan

#ፍትህ_ሳትኖር_ለተገደለችው_ህጻን_ሄቨን 😢😢😢😢😢
ባሰብኩ ቁጥር እምባዬ ሚቀድመኝ😭😭😭😢

"... የ7 ዓመት ልጅ ነች እናቷ ነርስ ስለሆነች የተከራዩበት ቤት ትታት ትሄዳለች!

ነገር ግን ቤት ያክራያቸው ይህ በፎቶ የምትመለከቱት አከራይ ስሙ ጌታቸው የ7 ዓመት ህፃን ልጅን ጊቢ ውስጥ ወደ ሽንት ቤት ስትሄድ ጠብቆ አፎ ውስጥ አሽዋ በማድረግ አስገድዶ ደፍሯታል.

በዚህም

* መቀመጫዋ ና
* ማህፀኗ የተጎዱ ሲሆን

የጀርባ አጥንቷ በማህፀኗ በኩል እስከሚታይ ድረስ ደፍሯታል። ስደማበትም በውሀ አጥቧት፣ አንጏቷን አንቆ ገድሏታል፣  የወደቀች እንዲመስልም  ሰውነቷን በምላጭ በመተላተል ወደ ውጪ በማውጣት ጥሏታል።

ይህው እናትም የልጄን ፍትህ አሰጡኝ እያለች የኢትዮጵያ ህዝብ እየለመነች ይገኛል::

እናንተ ኢትዮጵያውያን ይህ ነገር በደንብ እንዲሸራሸር ፊስቡክ፣ ቴሌግራም፣ ቲክቶክ ላይ

* ሼር

እያደረጋችሁ ተባበሯት

ድምፅ ሁኑ

@fekernferan
@fekernferan
@fekernferan

#የሕይወትህን_መጽሐፍ_ቸኩለህ_አትዝጋ!

የፍቅር ሰመመን መጽሐፍ ጸሐፊው ታዋቂው ደራሲ ሲድኒ ሸልደን በራሱ ህይወት ዙሪያ የሚያጠነጥን መፅሐፉ ላይ እንዲህ ይላል፦

"በወጣትነት እድሜዬ ደስተኛ አልነበርኩምና የ ባይፖላር ዲስኦርደር (የድብርት በሽታ) ተጠቂ ሆንኩ። እናም ራሴን አጥፍቼ ይህቺን አለም ስለመገላገል በተደጋጋሚ ማሰብ ጀመርኩ። ሀሳቤን ለማሳካትም ብዙ የእንቅልፍ ኪኒን እና ዊስኪ ቀላቅሎ መጠጣት ፍፁም ገዳይ ነው ሲባል እሰማ ነበርና በአንዱ ቀን ተግባራዊ በማድረግ ራሴን ለማጥፋት ሞከርኩ።

ነገር ግን በድርጊቱ መሀል አባቴ ደረስና አተረፈኝ። ከዚያ በኋላ ብዙ ነገሮችን ከአባቴ ጋር አወራን። በውይይታችን መሀልም አባቴ እንዲህ አለኝ፦

''ልጀ ራስህን ለማጥፋት እንደምትፈልግ እረዳለሁ ነገር ግን ህይወት እንደ ልብወለድ ድርሰት ነች! ቀጣዩን ገፅ ገልጠህ ሳታነብና ቀጣዩ ገፅ ላይ ምን እንደሚፈጠር ሳታውቅ የህይወትህን መጽሐፍ ቸኩለህ ስትዘጋው ሳይ ያሳዝነኛል! የምትገልጠው ገፅ ላይ አንድ አስደናቂ ነገር ልታነብ እና አዲስ ነገር ሊፈጠር ይችላል! ያንተም የህይወት ገፅ ላይ እንደዚያው!''

ሼልደን ይቀጥልና ''ወይ አባቴ ጎበዝ የሽያጭ ሰው በመሆኑ በሀሳቡ አሳምኖኛል ወይም እኔ ራሴን በማጥፋት የህይወት ምእራፌን ለመዝጋት ቁርጠኛ አልነበርኩም። ብቻ እቅዴን ወደ ሌላ ጊዜ ለማራዘም ወሰንኩ''

ሸልደን ተጨማሪ 72 አመታትን ኖሮ በ89 አመቱ ቢሞትም የቀጣዩ ገፅ ስራዎቹ ግን ዛሬም ህያው ናቸው- ይሄንን #የፍቅር_ሰመመን የተሰኘ መጽሐፉን ጨምሮ!

*
#መልዕክቱ ቀጣዩን ገፅ በማሰብ ኑሩ ለማለት ነው!!

@fekernferan
@fekernferan
@fekernferan

https://t.me/muskempire_bot/game?startapp=hero6799229820

እስኪ ምን ትመክሩታላቹ? እናንተስ ብትሆኑ ምን ታደርጉ ነበር።
ከአንድ ወንማችን የተላከ ልብ ሚነካ በማስተዋል መጤን ያለበት ልብ አንገብጋቢና ልብ ሰባሪ ታሪክ።
---===============-------
ሚስቴን ሳገባት የመጀመሪያዋ አልነበረኩም። ከኔ በፊት የወንድ ጓደኛ እንደነበራትና በጣም አስቀይሟት እንደ ተለያዩ ነግራኛለች። አሁን ላይ ተጋብተን የአንዲት ቆንጅዬ ሴት ልጅ አባት አድርጋኛለች። ከቀናት በፊት ሚስቴ ሻወር በነበረችበት ሰዓት የኔ ስልክ ባትሪ ይዘጋና በሷ ለመደወል ስልኳን ስከፍት ዳታው እንደበራ ነበረና ወዲያው አንድ የፍቅረኞች አይነት የዋትስአፕ ሚሴጅ ሲገባ አየሁ። ስሙን ሴቭ ያደረገችው በሴት ስም ይሁን እንጂ የተላከው የፍቅር መልዕክት መሆኑ ግልፅ ነበረ።
በቀጥታ ከፈትኩትና ከበፊት ጀምሮ ያወሩትን እንደምንም እየተናነቀኝ ጨርሼ አነበብኩት። ልክ ልጃችን የተወለደችበት ወቅት ማለትም የዛሬ አመት ላይ ያወሩበት ቦታ ስደርስ በተቀመጥኩበት ዞረብኝ። ልጃችንን ያረገዘችው ከሱ እንደሆነ ፅፋለታለች። የልጃችንን የአራስ ፎቶም ልካለት ስም እንዲያወጣላት ጠይቃው ነበረ። እሱም ሶስት ስሞች መርጦላት ከዛ ሁለቱም ተነጋግረው መጨረሻ ላይ አንዱን መርጦ አሁን ላይ ልጃችን የምትጠራበት ስም ይሄው እሱ በመረጠላትና እኔም ጉዴን ሳላውቅ ባፀደኩት ስም ነው። ምን ላድርግ?
💔💔💔💔💔
ሀሳባቹን በኮሜንት ስር አሳውቁን።

@fekernferan

ABLY ትክክለኛ ፕሮጀክት ነው 100% ታማኝ ናቸው ስለዚ እንዳያመልጣቹ።

1TON=8$ ሊገባ ነው ትራምፕ ከተመረጠ ደሞ እስከ 13$ ይገባል እየተባለ ነው ።

እናንተም ተቀላቅላቹ በABLY በቀላሉ TON ሰብስቡ
👇
https://t.me/AblyBot?start=6799229820

🔊🔊 Attention 📢
ሊያልቅ ጥቂት ቀናት ብቻ የቀረውን በAbly Bot TON የመሰብሰብ ዘመቻ እናንተም ተቀላቀሉ። በተለይ እንደነ #Hamster Kombat, #TapSwap, #Blum, #PixelVerse እና የመሳሰሉ የ #Tap2earn projectቶች ላይ እየተሳተፋቹ ያላቹ የእነዚህ ከላይ የጠቀስኳቸው Airdrops ሲለቀቁ የግድ እነሱን ለማውጣት TON ስለሚያስፈልጋቹ ቡሃላ ገንዘብ ከኪስ አውጥታቹ TON ከምትገዙ ጊዜ ሳታባክኑ በAbly TON ሰብስቡ።
ከታች ያለውን ሊንክ ነክታቹ ስሩ ቀለል ያሉ ታስኮች ናቸው ያሉት። 👇
https://t.me/AblyBot?start=6799229820

@fekernferan